JocusLeedjesbukske 2019

2

2 Brüder haet d’n “Ad Pollux trofee” geadopteerd, dae jäörliks wuurt oétgereik aan de komponis(te) en teksdichter(s) van ‘t winnende leedje.

Lindeboom is adoptant van de “Funs” de priés veur de zenger(s) van ‘t winnende leedje op Opus Jocus Leedjesaovend. De “Funs” is ôntworpe en gemak door Nellissen Juwelen.

3

Tösse kokôsaolie, schaerliene en boéremoos

Veur ôs -vastelaovesgekke- is ’t idder jaor rônd deze tiéd weer efkes winne. De hebs dien tolvignet nog maar net van de veurroét gekrats, de caravan oétgelaaje en de letse kletkes Limoncello weggekloek en dan is ’t alweer Opus Jocus leedjesaovend. Nog waat ônwinnig steisse in d’n hoonderstal. “Wae is hae auk alweer en wao kin ik hèt van?” Maar as de Hofkepel dan inzet en de iërste leedjes klinke, veult ’t asof vastelaovend noeits is weggewaes. De geis weer gans op in de toemel dae nörges zoë vertrouwd veult as in ôs eige ‘Stedje van Lol en Plezeer’.

Die aanvenkelikke ônwinnigheid veulse ein paar waeke iërder tiédes de Veurselectie van de Leedjesaovend gans. Zengers en zangeresse, gekleid in korte bôks of zomerkledje en inkele zelfs op tiënslippers in eine breujende Venlonazaal. De kins dich dan nog neet veurstelle wie det zeej -iets miër as eine maond later- in smoking of sjiek kleid op Jocusbuun staon? ’t Broén van de Costa Brava is dan alweer aafgespeuld en haet plaats gemak veur broén oét ein pötje.

Veur zengers en zangeresse guf det ein hiël maf geveul, maar waat dach geej van de teksschriévers en kômponiste? Die zien nog ein paar waeke iërder drök mit vastelaovend. Ônderwiel zeej de gemarineerde spareribs en Thuringerwörskes braoje op eure blinkende Weber, bedinke zeej de moeiste waordspeulinge, ritmes en melodieje. Zeej neurieje van Mooder Maas en Jocus’ haan in de klotsende branding van Acapulco of de Blue Lagoon. As andere naeve ’t zwumbad zweite, prakkezeere zeej euver passende akkaorde, couplette en triole. Dees kunstenaers van de Venlose vastelaovesmeziék balancere gans ’t jaor tösse kokôsaolie, schaerliene en boeremoos. Zeej kleure de vastelaovend. Zeej make de Venlose vastelaovend tot waat de Venlose vastelaovend is!

Auk al veult ’t veur eur smeis wie ein paoseike op pekskesaovend of eine kersstal op de zwumbadrand, ik maak ein deepe buiging veur de zengers, zangeresse, componiste en teksschriévers en wins eur vuuël sukses vanaovend beej Opus Jocus Leedjesaovend!

Vastelaovend Same!

Roel VersleijenVeurzitter Venloosch Vastelaoves Gezelschap Jocus

4

Opus Jocus Partners:

5

1. Wae duit mich wat Zang: Karen van Hoften en Ken VaessenWäörd: Marc PetersMeziék: Hay Geritz

Griéze lôch, ein bietje raege,kalde tiëne of wind taege.Ik kin näöle, ik kin klage,maar ik gaon zoë wie de wind mich weijt.Ik doon bliej mien auge aope,en gaon good gestump weer slaope.De’s miene vastelaoveswage,en dae geit zoë wie hae geit.

Refrein:Vastelaovend! Man, wae duit mich wat?zoë lekker hange in de binnestad.Mit femilie of mit vrinde um mich haer,good verhaol, ein glaeske beer,bin ik thoés as Venlonaer.En de waereld dreijt,neet zoë flot as wie dae anders geit.Want weej spooje ôs neet ech,dus bliéf de waereld wiéd e-weg.

Ik zoel hiël vuuël wille gaeve,um veur altiéd zoë te laeve.Hoof mich noeits neet miër te jage,as mien klok op vastelaovend steit.Wetse asse mit mich mei geis,net as mich ein tendje truuk dreijs,Auk diene vastelaoveswage,op zien elf-en-dertigste geit.

6

2. Laot lekker ligge wao ’t velt Zang: Bart Ebus, Etienne Snel, Loek Heunen en Marco GielensWäörd: Peter JansenMeziék: Hay Geritz

Dae mins van beej ôs naeve meus nieje panne op ’t daak,dan help ik gaer, det hild de sfeer gezônd.We ware net good bezig, en toen hoort ik zien gekwaak,wie ik mit panne op die ledder stônd:

Refrein:Laot lekker ligge wao ’t velt,want Venlo haet weer joeks besteld,Mich boeit ’t neet as det dreej daag heej leet,laot lekker ligge en geneetLaot lekker staon zoë wie ‘t steit,dae joeks dae deurt gen iëwigheid,Maar wies ’t lets, jao, asse det maar wetsdaen haan dae kreit wies ’t nimmer geit.

(Dae kreit wies det, det, nimmer geit)

As beej ôs thoés vuuël minse kômme, vind ik det hiël kwant,mien maedje neet, det haet ‘t oétgelag:‘t Dink dan: dalik velt mich ’t serviés nog oét de hand,en wie det oétkwaam heb ik ‘m gezag:

Mien ome dae is pliessie, zô’nne alderwetse baas,Lets trof ik um, hae deej weer braaf zien plich.Hae leep nao emus dae van ziene fiets gevalle waas,toen zag ik: ome, luuster toch nao mich:

7

3. As de kaarte zien geschödZang: Marcel Verdellen en Paul JoostenWäörd: Wim RoeffenMeziék: Wim Roeffen

Maedjes beej de vleet, wie det kin, de snaps ‘t neet,maar d’r zien d’r zat nog vreej.Weej zegge ’t maar metein, jao auk weej zien nog alleinwant ze laupe ôs gewoën veurbeej.Weej hebbe d’r alles aan gedaon,maar dan zeen zeej ôs nog neet ens staon:

Refrein:Dan bliéfse weer euver, bis weer de letste,en as de kaarte zien geschöd, dan wetste.Dan zien dien kanse waal verdaon,en kinse net zoë good nao hoés toe gaon.Det meus neet meuge, det meus neet kinne,want weej zien d’r toch um maedjes te verwinne?Waat ik ôg smoés, ’t kump nog ens zoë wiéd,dan kriége die maedjes nog waal spiét…

(Nao letste refrein: En dan wille ze ôs noeits, nae noeits, miër kwiét.)

Och waat waas ik bliej, want zeej stônde in de riej,‘k-straolde mit mien gans gezich.Geej raojt ’t al messchien, maar ’t moch weer neet zoë zien,want die riej die stônd d’r neet veur mich.Ik had d’r al stiekem op geteld,maar dan zuusse wie ’t wuurt verdeild:

8

Opus Jocus Leedjesaovend wuurt mei meugelik gemak door:

9

4. De kolder in de kop Zang: Ge Deenen en Rob DeenenWäörd: Gé DeenenMeziék: Marcel Driessen

D’r steit mich waat te doon, ‘t jeuk weer in mien schoon,mien tiëne zien ônröstig aan ‘t wiebele.Det heb ik idder jaor, mien veut die zien al klaor,langkzaamaan begint ‘t weer te kriebele.

Refrein:Ik wil gaon joetse, de plaat gaon poetse, ik heb de lintekolder in de kop,tiédes ‘t danse, ens lekker sjanse, mit vastelaovend is det gans veur nop.Dit schoëne laeve, is mich gegaeve, de falderasie zit mich in ’t blood,ik wil gaon piere, ’t laeve viere, dees dolle daag, die doon ‘t menke good,ik wil gaon piere, ’t laeve viere, dees dolle daag, die doon ‘t menke good.

Dae vastelaovesjas, snut ik mich oét de kas,verkleid gaon ik die daag mich ammezere.Dus houw ik mich van wiek en volg de meziék,ajúú en laot dit menke maar gewaere.

Ik pak mich noow mien träöt, en träöt mich oét de näöd,en woel det ‘t nog iëuwig lang kôs deure.Maar ens is ‘t gedaon, dan blink d’r weer ein traon,en gaon ik ze weer misse al die kleure.

10

5. Vet verleef Zang: Teun van de PasWäörd: Hannelore Winter en Laurence WinterMeziék: Hannelore Winter

Altiéd as ik dich zeen schient de zôn veur mich.Veul ik de magie van sympathie.Vlinders robbedoéze, danse door mien liéf.Alles waat mich duuzelt mak mich dol dol dol bliej,bliéf nog efkes beej mich, want ik hald van dich.Kinne weej de ganse waereld aan.Altiéd as ik dich zeen, sleit mien hert op hol,ik bin ‘vet verleef’ en stapeldol. Auge die straole gleuje wie kaole,as dien kösmoel op mich wach.Lempkes gaon brande ik staon in veur en vlam,‘Vet verleef ‘ wao ik ein leed van zinge kan Brök:Det wuurt ein fees heej,same good geluimp.Dich en ik.. dao heb ik van gedruimp.

11

6. Plök mich ’t gelök Zang: Teun van de Pas en Marcel DriessenWäörd: Hannelore Winter en Laurence WinterMeziék: Hannelore Winter

Weej hoonder halde aope hoés,stadhoés det is ôs twiëde thoés.D’n haan trouwt veur d’n elfde kiër,hae kreit: Waat wil ik miër?

Refrein:Ik wil dich trouw zien... plök mich ’t gelök,ik wil dich trouw zien... dreej daag aan ein stök.Ik haol dich de ketjes van de hei én die klaproës oét de wei,en ‘kikeri-kiék’ beej ‘t stadhoés duit alles mei!En op det balkunke... weej twië in ’t zunke.’t Dreijt en sjoenkelt veur de broélof van ’t jaor, ’ôs jaor’,de kukele-kuukes in tutuukes zien al dao!

Ein leefdesleed veur idder hert,en sjiek det aopelôch-kônzert.‘t Bruudje haet al kiepevel,zoë moei zingk idder stel:

12

Opus Jocus Leedjesaovend wuurt mei meugelik gemak door:

13

7. Tiéd van gaon Zang: Hay Geritz, Mark Janssen, Petro Janssen en Vic SuikerWäörd: Frans PolluxMeziék: Hay Geritz

Jôngk en ônbedorve, zien we oëit begôs,joeks van pap georve, en van mam det alles kôs.Det waas tôf,man waat hebbe weej gebôf.

Refrein:D’n tiéd van gaon is noow gekômme, auk al bliéf ik leever heej,‘t is ‘t oor van stille trômme, we vertrekke, ‘t is veurbeej.Is ‘n traon neet te veurkômme, dink aan alles waasse haes,zoëdesse iërlik zegge kins, ‘t is moëi gewaes.

Net de fiep gekrege, noow al oétgesjok,niks kin vlotter vleege, as wiézers van de klok.Det waas tôf,jung waat hebbe weej gebôf.

Morge smak ’t anders, maar vas weer aevegood,wae wet wies oëits weer, hald de gooje mood.

14

8. Veur altiéd Zang: Julia BeurskensWäörd: Jordy BaurMeziék: Jordy Baur en Luuk Caubo

Ik heb gedruimp, ik heb gehaop,heb ligge dreije, ik loog wakker van de slaop. Al die jaore ging ’t zoë aan mich veurbeej, en det bietje doën, waas altiéd net te wiéd van heej. Maar ik bliéf haope schat, vastelaovend schat, noeits miër veurbeej. As ik fluuster in dien oër det ik wil bliéve. Fluuster in dien oër, zal bliéve staon. Laot de traone op dien wange dan maar driéve,van gelök, van verdreet van ik laot dich noeits miër gaon.

Refrein:Veur altiéd, wao de leefde ôs in dees dreej daag auk bringk,veur altiéd, wil ik noow nog maar ein dink.Al zoel ik môtte gaon, toch zoel ik bliéve staon, al klink ‘t letste leed. Al is ‘t heej gedaon en laot auk ik dae traon,ik zal bliéve, nao hoés gaon wil ik neet.

Noow staon ik heej, dao steis dich,ik kiék al ore... nao det schoën geschminck gezich. En dan haop ik det ‘t noeits anders zoel zien, want wie idder jaor, duit mich ‘t aafschiéd weer zo’n pien. Maar ik bliéf haope schat, nao vanaovend schat, neet miër messchien.As ik fluuster in dien oër det ik wil bliéve, fluuster in dien oër zal bliéve staon.Laot de traone op dien wange dan maar driéve, van gelök, van verdreet, van ik laot dich noeits miër gaon

Brök:Is ’t straks, wie idder jaor, te vruug weer moei gewaes. Veulse det ‘t letste eurke sliet. Griep ik nao dien hand, hald vas, zoëlang desse d’r bis, en daonao, daonao wil ik dich noeits miër kwiét… veur altiéd.Al zoel ik môtte gaon, toch zoel ik bliéve staon, al klink ‘t letste leed. Al is ‘t heej gedaon en laot auk ik dae traon,ik zal bliéve, nao hoés gaon wil ik neet.

15

9. ’t Letste kletske Zang: Jan Derijk, Joep Bindels en Paul van Steenkiste Wäörd: Hannelore Winter en Laurence WinterMeziék: Jan Derijk

Wie ik nog ein kiendje waas, kreeg ik al de fles,goof ik auk al zutjes gaas.. wies de letste res.Wie ik toen ein ströpke woord, reep ik: ‘sôkkerpaek’,hoepel-op zag pap en gén gemaek:

Refrein:Det is ‘t letste kletske, det is zoë lekker wie ik zeg,maar is dae sloek de letste, dan is ’t kletske weg.En morgevruug det wetse, guf dich ‘t kaeterke de res,ein mörfke wie ein pletske, en alle kleure weggepes.Dan kump ’t iérste kletske, de’s aeveniéj wie alderwets,zoë bliéve weej geneete, wies op ’t áller-állerlets!

Had ik fijn op kletskesdaag, d’n telder aafgelek,wauwelwater oét de kraan… óf det lekker bek? Pap waas eine foételaer, hae reep idders kiër:huppeteej en proos det smak nao miër!

16

Opus Jocus Leedjesaovend wuurt mei meugelik gemak door:

17

10. Zeen ik dich Zang: Peter Jansen en Wim JanssenWäörd: Peter Jansen en Wim JanssenMeziék: Peter Jansen en Wim Janssen

Vuuël geliërde spraeke moeie taal,laef normaal, dan bliéfse lang vitaal.Hônderd waere kin straks idder heej,maar wie en hoe det zegge die geliërde d’r neet beej.

Refrein:Zeen ik dich mit vastelaovend, miene leeve schat,zoel ik lichtig wille det ik diene laeftiéd had.Dan goof ik net zoë gaas wie dich,zoë wie det vruuger waas beej mich.Zeen ik dich en heb ik duchtig mit dich mei gedaon,môt ik lichtig effe later aan de kant gaon staon.Kriég ik det auk neet gans gefiks,ein bietje is toch baeter dan gaar niks.

Vuuël chirurge meine: as ik snie,maak ik bliej ôg zoë maar gans wie niej.Maar mit nieje häöpe, nieje kneen,toch kinse ’t verschil nog aevel altiéd bliéve zeen.

Mienen dokter zag: noow neet genäöld,laeftiéd speult gen rol, maar wie ’t veult.Waat d’n dokter zaet is altiéd waor,want op Aswoensdaag veul ik mich waal hônderdelf jaor.

Brök:Wie weej det vruuger deeje, dao kump ’t nimmer van,toch bliéve weej tevreeje, maar dinke mei en dan:

18

11. Ik heb mien pruuk truuk Zang: Roel Verberkt en Willy BillekensWäörd: Wim RoeffenMeziék: Wim Roeffen

Al langen tiéd, bin ik ze kwiét,ik weit mich genne raod, wie môt det zônder? Wao det die leet? ik weit ’t neet,en juus det dingk stônd mich al altiéd zoë biezônder.Maonde lang, waas ik gans van de leg, maar noow, noow isse weer terech: Refrein: Ik heb mien pruuk truuk, ik heb mien pruuk truuk,iërs waas ze kwiét, maar ‘k-heb ze weer gevônde.Ik heb mien pruuk truuk, ik heb mien pruuk truuk,ik wis neet ens, det wônd’re nog bestônde.Mien vastelaovespak, det is zoëwie geej zeet,noow ik mien pruuk truuk heb, weer hiélemaol kômpleet.Weej zien d’r weer klaor veur, en wie! de vastelaovend wuurt d’r eine wie nog nie. (nao letste refrein)Want mit det dingk wuurt idderein vanzelf bliej.

Ik veul mich wie, ein kind zoë bliej,want stel dich veur ik zoel die ech verleere.Dan zoot ik pas, in zak en as,de vastelaovend zoel dan noeits zoë leuk miër waere.En de wets, wie vuuël ik dao um gaef,maar dit, had ik neet euverlaef:

19

Waat • Wanniër • WaoElfvanElf • 11 van 11 • Mert

D´n Opstaeker • vanaaf 11 november • Groët Venlo € 5,00

Jocus CD • vanaaf 11 november • op de bekinde verkauppunte Kiék auk op www.jocus.nl

Jocus Groëte Prônkzitting • 16 november • Maaspoort

Jocus Toekôms Femiliezitting/Aaftraeje Dreejspan • 12 jannewari • Grenswerk

Herfshane • 24 jannewari • Locomotief

Boeremoosbal • 25 jannewari • Maaspoort

Krense • 26 jannewari • Maaspoort

Hofbal • 8 fibberwari • Maaspoort

Matinée Musicale/Oétroope Dreejspan Jocus Toekôms • 9 fibberwari • Maaspoort

Verkaup Träöt • vanaaf 11 fibberwari • op de bekinde verkauppunte € 3,00

Jeugzitting Half Haenke • 12 fibberwari • Maaspoort

SOB Seniorezitting • 12 en 13 fibberwari • Maaspoort kaarte via www.sobvenlo.nl

Jeug Vastelaoves Leedjes Konkoer • 14 fibberwari • Venlonazaal via basisschoële

Roéje Kruutsbal • 15 fibberwari • Maaspoort

Resepsie Jocus Toekôms • 15 fibberwari • Venlonazaal

Jocus Joetsaovend • 15 fibberwari • Parade

Kinderoptoch • 23 fibberwari • Binnestad

Jocus Pocus • 23 fibberwari • Maaspoort

#BindrB • 23 fibberwari • Mert

Joekskepelle-Parade • 23 fibberwari • Parade

Groëten Optoch • 24 fibberwari • Binnestad

Kôffietuiterie • 25 fibberwari • Maaspoort

Boerebroélof • 25 fibberwari • Binnestad

Muts Aafzette Dreejspan Jocus Toekôms • 25 fibberwari • De Maaspaort

Muts Aafzette • 25 fibberwari • Mert

Opus Jocus 2019

vakzjuriethoés sm

svorste

kasteleinsjoekskapelle

zaaltotaal

1. W

ae duit mich w

at

2. Laot lekker ligge w

ao ’t velt

3. As de kaarte zien geschöd

4. D

e kolder in de kop

5. V et verleef

6. Plök m

ich ’t gelök

7. T iéd van gaon

8. Veur altiéd

9. ’t Letste kletske

10. Z een ik dich

11. Ik heb mien pruuk truuk