Si Juan

By: Dr. Victoria D. Mangaser &

Dr. Valeria Fides G. Corteza

Este si Juan. Ta queda le serca na rio. Pero si Juan nunca ay anda na rio. No quiere le agara agua. No quiere le baña o lava su cuerpo. Grande pelea di suyu pati su nana cada limpia ele cuerpo.

Un dia, ya entra si Juan juga jolen, bola y ya man lagasan junto con su maga amigo apuera na casa. Serar el dia, ya bolbe si Juan na di ila casa bien kansaw. “Hay gracias ya acorda pa tu bolbe! Juan anda ya lava cuerpo antes de come.” Nuay hace caso si Juan con su nana.

“Juan…..! Juan….., bene aqui….., tali ya sila Juan….”

Un frio y mahina vos ta llama.

el otro voz ya habla. Ya abri si Juan con su ojos. Ya espanta le mira maga buling, sodor, y lodo estaba na su maga mano y pies. Ya mira le mas mucho pa maga buling hinay hinay ta camina para conele, todo quiere man pilit na su cuerpo.

“Bene…, dali,aqui kita todo con Juan… Quiere le kanaton…!!!”

…..sila ta habla.

“Juan…, Juan…., quiere kame

contigo”

Ya bira cara si Juan para na rio. Alla estaba el frio vos.

Corre era si Juan para na rio pero hinay hinay le ta sinti kay ta tapa ya conele el maga susio.

“Juan.., bene aqui!

Dali!”

Ya grita le para pidi ayuda con su nana, necesita le anda na agua.

“Ahhhhhhh............!”

ya habla el nana di Juan.Ya man tiplak si Juan. Ta suña lang gale le. “Hay, gracias! Hinde gale akel deberasan!” ya pensa le. Y con apuro, ya anda le para na rio y ya lava su cuerpo con jabon. Alegre le ta mira ta sapa el buling na su cuerpo.  

“Juan! Juan!

Mira este bata,”

Principia aquel tiempo, todo el dia ta baña y ta lava gad cuerpo si Juan. Pirmi tamen le ta anda baña na limpio agua del rio alla kanila.

Arranged by:Neng R.

Concepcion