1.0 PEMUKA JAKU

Ba dalam Program Ijazah Sarjana Muda Perguruan Semester Satu kursus Morfologi

Jaku Iban, kami dipinta ngaga pejurai senentang tukuh jaku, raban jaku sereta proses

nempa leka jaku baru dalam sistem Jaku Iban.

Keterubah iya, kami deka ngiga kereban sanding ti relevan sereta engkeman enggau

tanya dalam kereja kus kami tadi. Sepengudah nya, kami lalu deka mansik siti karang nya

lalu ngaga analisis sentang tukuh jaku enggau raban jaku ke bisi dalam karang nya

Ba tanya tiga, kami deka pejuraika proses nempa leka jaku baru dalam jaku Iban

besereta enggau chunto ti nemban.

Kepenudi iya, refleksyen sentang kereja kus deka digaga dikena mandangka

pemereti ngaga kereja kus.

1

TANYA 1

2.0 TUKUH JAKU

2

3.0 RABAN JAKU

3

TANYA 2

4.0 MANSIK TUKUH JAKU DALAM TEKS

TUKUH JAKU LEKA JAKU

Jaku Tunggal tu, ti, di, ba, siku, rindu, amat, asal, rengka,

besai, mensia, lampu, ada, dalam, mit, ituk,

leju, selalu, deka, meda, telu, enti, duduk,

dua, lalu, suntuk, kaya, bisi, mujur, ngapa,

tang, dagang, lalau, semengat, keras.

Jaku Tumbuh Pengawa, pengidup, belabuh, betanya,

tengkebang, meransang, nguji, sekalika,

penyadi, nyampur, tetemuka, pemadu,

dataika, berutang, nyadika, nyurutka,

ngereja, pemujur

Jaku Turu Lampu elektrik, wayang gambar, alah

semengat

Jaku Betandu Kelama-lama

Ba Tanya 2, karang ti dipilih aku iya nya ‘Thomas Edison (1847-1931)’. Dalam karang tu

ngembuan mayuh bansa tukuh jaku. Tukuh jaku ti ngembuan penyampau paling mayuh iya

nya tukuh jaku tunggal. Jaku tunggal ti bisi dalam karang nya ngundan siti ngagai tiga patah

sebut aja. Tukuh jaku tunggal ti ngembuan siti patah sebut ba dalam karang nya ti, tu, ba, di.

Tukuh jaku tunggal ti ngembuan dua patah sebut iya nya siku, rindu, amat, asal, rengka,

besai, mensia, lampu, ada, dalam, mit, ituk, leju, deka, meda, telu, enti, duduk, dua, lalu,

suntuk, kaya, bisi, mujur, ngapa, tang, dagang, lalau, keras. Udah nya, tukuh jaku tunggal ti

ngundan tiga patah sebut semina bisi dua iti aja, iya nya semengat enggau selalu.

Kelimpah ari nya, dalam karang nya mega bisi ngembuan tiga bansa penambah.

Bansa penambah ti keterubah iya nya penambah mua. Chunto iya ba leka jaku pengawa,

pengidup, belabuh, betanya, meransang, nguji, penyadi, nyampur, pemadu, berutang,

ngereja, pemujur enggau tengkebang. Penambah kedua iya nya penambah kepit. Ba karang

4

tu mega bisi ngembuan leka jaku ti bepenambah kepit. Chunto iya, sekalika, tetemuka,

nyadika enggau nyurutka. Leka jaku ti bepenambah belakang iya nya dataika.

Udah nya, jaku turu. Jaku turu ti bisi ba dalam karang tu semina tiga iti aja. Tukuh

jaku turu tu dibagi ngagai raban jaku turu ti betukuh terminologi. Leka jaku turu nya lampu

elektrik enggau wayang gambar. Jaku turu ti datai ari rambai jaku meras iya nya alah

semengat. Kebuah nya dikumbai jaku turu laban, alah tu mai reti ti bukai lalu semengat tu

pan pia. Tang enti dipegulaika, dua leka jaku nya mai reti ti baru.

Kepenudi iya, tukuh jaku betandu. Dalam karang tu semina ngembuan siti jaku

betandu iya nya kelama-lama. Tukuh jaku betandu tu dikumbai jaku betandu urat jaku. Pola

jaku betandu tu betukuh adjektif.

5.0 MANSIK RABAN JAKU DALAM TEKS

Raban Jaku Nama

Raban jaku nama dibagai naggai tiga. Keterubah iya jaku nama menyana. Jaku nama

menyana ti bisi dalam karang tu iya nya nama mensia, Thomas Edison. Udah nya jaku

nama menyana ukai idup iya nya nama menua, Amerika Syarikat, Milan, Ohio enggau Port

Huron. Udah nya, jaku nama rama mega dibagi ngagai dua, iya nya idup enggau ukai idup.

Jaku nama rama idup mensia iya nya saintis, mensia, pengajar enggau indai lalu jaku nama

rama idup ukai mensia iya nya ansa. Jaku nama rama ukai idup iya nya sekula enggau duit.

Kepenudi iya, jaku ganti nama. Jaku ganti nama ketiga iya nya iya. Jaku ganti nama ketiga

tu dikena lebuh ngenang orang. Iya ba dalam karang tu Thomas Edison.

5

Jaku Nama

Jaku Nama Menyana

Jaku Nama Rama Jaku Ganti Nama

Thomas Edison Menua Amerika

Syarikat Milan Ohio Port Huron

Saintis Mensia Ansa Pengajar Indai Sekula duit

Iya

Raban Jaku Pengawa

Jaku pengawa dibagi ngagai dua bengkah iya nya jaku pengawa intransitif enggau

jaku pengawa transitif. Jaku pengawa intransitif tu nadai nerima objek terus. Ambika chunto

ayat ba dalam karang ‘...iya duduk...’ nadai ngembuan objek tang penerang tau ditambah

ngambika ayat nya ngembuan reti ke nyentuk agi. Jaku pengawa transitif tu bisi ngembuan

objek sepengudah jaku pengawa. Jaku nama suah agi nyadika objek nangkan jaku

pengawa. Chunto ayat iya, ‘Igat nyembi gari’. Jaku pengawa ‘nyembi’ mesti ditangkan

enggau objek ngambika bisi ngembuan reti. Dalam karang tu nadai nunjukka jaku pengawa

transitif.

6

Jaku PengawaJaku Pengawa IntransitifdudukJaku Pengawa TransitifJaku Pengawa TumbuhPenambah punnengkebang, belabuh, betanya, meransang, ngereja, nyampurPenambah kepittetemuka, nyurutka

Dalam karang tu bisi ngembuan jaku pengawa tumbuh. Jaku pengawa tumbuh ti bisi

dalam karang tu iya nya ke bepenambah pun enggau bepenambah kepit. Leka jaku

pengawa ti bepenambah pun iya nya nengkebang, belabuh, meransang, ngereja sereta

nyampur. Semua leka jaku pengawa bepenambah pun nya bebida laban iya ditempa ngena

penambah be-, me-, neng-, ng- enggau ny-. Jaku pengawa tumbuh ke bepenambah kepit

iya nya tetemuka enggau nyurutka. Kebuah iya dikumbai bepenambah kepit laban pun

enggau ujung iya bela bisi ngembuan penambah.

Raban Jaku Adjektif

Jaku Adjektif Leka Jaku

Jaku Adjektif Gaya Ituk

Jaku Adjektif Sukat Besai, mit

Jaku Adjektif Emosyen Rindu

Jaku Adjektif Seraka Selalu

Bisi empat bansa jaku adjektif ti bisi dalam karang tu. Keterubah iya jaku adjektif

gaya. Leka jaku nya ituk. Ituk tu mai reti iya chakah maya ngereja pengawa. Udah nya jaku

adjektif sukat iya nya besai enggau mit. Jaku adjektif emosyen ke bisi dalam karang nya

rindu. Kepenudi iya jaku adjektif seraka iya nya selalu.

Raban Jaku Tugas

Dalam karang ke dipansik aku nadai mayuh ngembuan jaku tugas. Jaku tugas ke bisi

dalam karang iya nya jaku pengamat ti mai leka jaku amat. Ayat dalam karang nya bisi

madah, “Thomas Edison tu siku saintis ti rindu amat ke pasal pengawa nengkebang”. Udah

nya jaku pemadah, iya nya. Jaku penyambung ayat tunggal ti bisi dala karang nya, dataika

enggau tang.

7

6.0 PROSES NEMPA LEKA JAKU BARU DALAM JAKU IBAN

Jaku Iban diatu benung mansang enggau chakah kemaya hari tu. Kebuah pia laban dunya

makin mansang lalu mayuh leka jaku baru kelebih agi leka jaku penemu sereta leka jaku

teknologi makin mayuh diatu. Jaku Iban enda tinggal disegang gelumbang pemansang.

Mayuh anda jaku Iban udah mansik sereta nempa leka jaku Iban ti baru. Leka jaku nya

engkeman enggau guna kitai diatu. Ambika banding, suba jaku Iban semina dikena

berandau aja lalu nadai ngembuan lebas jaku penemu tauka lebas jaku teknologi baka ke

diatu. Jaku Iban suba mega nadai ngembuan dokumen ti dikena ngemekuhka jaku Iban

ngambika standard lalu ulih dikena serata menua Sarawak. Diatu semua udah berubah, jaku

Iban udah mansang ngagai tikas ti tinggi. Nya mih, beguna amat deka nambah pengaya

leka jaku Iban ngambi enda kelalu ditanggam lalu ulih ngerembai.

Dalam proses nempa leka jaku Iban, siti ari chara iya nya meri penambah ngagai

leka jaku. Ambika chunto leka jaku ‘nanyi’, enti ditambah pe-, iya lalu nyadi ‘penanyi’.

‘Penanyi tu orang ti landik belagu. Ari sukut morfologi, leka jaku nanyi nya siti morfem lalu

pe- nya siti morfem. Penanyi nya ditempa ari dua iti morfem lalu mai reti baru. Meri

penambah ngagai urat jaku endang siti chara ti paling mudah dikena nempa leka jaku.

Nambahka nya, morfem tu bisi dua bansa. Siti morfem meras lalu siti morfem berikat.

Morfem meras tu ulih bediri kedri lalu morfem berikat enda ulih bediri kediri enti enda dijantil

enggau morfem meras. Ambika banding, leka jaku nebas tu morfem meras. Enti ditambah

pe- ba leka jaku nebas, iya lalu nyadi penebas. Penebas nya lalu dikumbai morfem berikat

laban iya enda ulih bediri kediri enti enda bejantil enggau morfem meras tauka urat jaku.

Penebas nya tau dikena nganti tauka nama pengawa orang ti nebas. Nya mih, patut amat

diperatika proses penambah tu ngambika bisi leka jaku ti muntang kena nerangka siti-siti

pengawa.

Kelimpah ari nya, akronim. Abdullah Hassan (2006) madahka akronim tu leka jaku

baru ti dipenyadika asil ari sebagi leka jaku bukai. Leka jaku baru tu dikumbai akronim. Leka

jaku baru ti diasilka ari proses ngerakupka leka jaku bukai ti lebih ari siti tau nyadi siti aja

dikumbai akronim. Akronim mega sebagi ari tukuh jaku tunggal. Proses nempa leka jaku

baru tu digaga ari asil patah sebut dulu ari siti-siti leka jaku nya dijantil enggau patah sebut

dulu leka jaku ti bukai. Leka jaku batu ngembuan reti enggau konsep iya kediri. Akronim ulih

ditukuh ngena proses besakumka kedut beberapa leka jaku lalu nyadi siti leka jaku ti

mampat (Chemaline Osup, 2011). Ambika chunto, leka jaku cherpan. Cherpan tu digaga ari

leka jaku cherita pandak. Nyadi, cherpan tu lalu mai reti cherita pandak enggau lebih

muntang agi disebut.

8

Nambahka nya, jaku Iban diatu udah bisi sistem sepil ti standard. Dalam Sistem

Sepil Jaku Iban, bisi madahka sentang polisi nginjau. Nyadi dalam polisi nginjau tu, dia bisi

madahka jaku Iban bisi nginjau jaku bansa bukai dikena nambahka leka jaku ngambi ka

sama tikas enggau jaku bukai ti udah mansang sereta entap. Dalam proses nginjau jaku

orang, bisi tiga chara nginjau. Chara tu nyadika pelasar dikena ngaga sistem sepil jaku injau.

Keterubah iya jaku injau ari seperugan tauka dikumbai jaku Melayu. Chara injau terus

dikena lebuh minjau jaku Melayu. Dalam injau terus tu, leka jaku Melayu nya tau diinjau,

diambi sereta diterima ari jaku asal. Sepil sereta reti iya nadai berubah. Chunto leka jaku

nya vokal enggau karya.

Berindik ari nya, jaku Iban mega bis nginjau ari jaku English. Bisi empat chara

nginjau ari jaku English. Keterubah iya, injau terus. Injau terus tu sepil sereta reti leka jaku

asal nya nadai berubah. Leka jaku nya nadai berubah. Ambika chunto mark enggau hotel.

Ke mida nya semina chara nyebut. Tang enti ari sukut sepil enggau reti, agi sebaka enggau

jaku asal. Udah nya, injau salin. Leka jaku ti diinjau nya disalin tang lalu dikalihka ngagai

jaku Iban. Tang reti enggau konsep leka jaku nya agi sebaka enggau jaku asal. Chunto iya

night market dikalihka ngagai jaku Iban nyadi pasar malam. Dalam chara injau pengasai,

leka jaku ke diinjau disepil nitihka pengentap sistem seil jaku Iban. Penuduk urup dalam leka

jaku asal nya bisi berubah tauka dilela tauka diganti enggau urup bukai. Ambika banding

leka jaku computer ti ditukar ngagai komputer. Kepenudi iya, injau serap. Leka jaku ti diinjau

nya udah entap sereta teleba dikena dalam jaku Iban. Sepil leka jaku dalam injau serap tu

nitihka kaul dilah Iban. Chunto iya apple nyadi ipul.

Kesimpul jaku, proses nempa leka jaku tu patut dipelajar sereta ditemu kitai. Kebuah

pia ngambika kitai sama penuduk tauka sama tikas enggau bansa bukai ti udah entap

enggau tegap sistem jaku sida. Kelebih agi ke diatu, jaku Iban udah bisi dipelajar ba tikas

degree, nyadi mayuh agi leka jaku patut ditempa ngambika lebas jaku penemu tauka

akademik tau nambah.

9

7.0 REFLEKSYEN

Aku chukup temegah ati laban diberi kereja kus tu. Sepemenjai aku begagaka kereja kus

tu, mayuh penemu ti baru udah ditemu aku. Ari kereja kus tu mega aku bulih peneleba ti

chukup beguna dikena diatu sereta jemah ila.

Morfologi tu siti bidang ti chukup beguna lebuh belajarka siti-siti jaku. Nya alai, kereja

kus chukup mayuh mantu aku ngemekuhka agi penemu sentang bidang morfologi jaku

Iban. Kebuah pia, aku nemu enggau nyentuk agi sentang tukuh jaku, elemen ti dalam

tukuh jaku, raban jaku, bansa raban jaku sereta chara proses nempa leka jaku. Aku alit ati

bendar lebuh belajarka chabang ti bisi dalam morfologi laban udah nemu fungsyen sereta

bansa siti-siti leka jaku Iban.

Kelimpah ari nya, aku ukai semina belajarka komponen morfologi baka tukuh jaku,

raban jaku enggau proses nempa leka jaku, tang, aku ulih ngelala ni bagi leka jaku ti

dikelas nitih komponen nya tadi. Ambika banding, lebuh mansik teks, aku nemu fungsyen

sereta bansa leka jaku ti bisi dia. Aku ulih nemu enggau spesifik agi leka jaku nya ari bagi

raban tauka tukuh jaku.

Dalam begagaka tanya ti kepenudi, iya nya proses nempa leka jaku baru dalam jaku

Iban, aku ulih meda pengaya leka jaku dalam jaku Iban. Leka jaku Iban enda kelalu

ditanggam laban bisi nginjau jaku bansa bukai. Diatu, dunya makin mansang, mayuh leka

jaku baru suah didinga kitai lalu jaku Iban mesti ngemayuh ke agi leka jaku. Nya mih

chukup beguna amat belajarka proses nempa leka jaku tu. Jaku Iban diatu pan mansang

enggau chakah, nyadi, penemu dalam bidang tu mesti bisi dikena ngemansangka agi jaku

Iban.

Nambahka nya, pengelandik bekenaka komputer mega mesti dikemeranka. Kreativiti

maya nusun tauka ngaga kar grafik begunaka pengelandik ngena komputer. Lebuh ngaga

kar grafik kereja kus, aku ulih ngerembaika idea aku nengah kar grafik. Pia mega

pengelandik ICT mega bisi betambah laban mayuh fungsyen komputer sereta chara ke

bekenaka teknologi dikena ngaga kereja kus tu. Ambika banding, aku ngaga kar grafik

ngena software ti baru dikena ngemanahka agi kar grafik. Pengelandik tu tau dikena maya

ngaga kereja kus ila tauka tau dikena lebuh ngajar ila.

Nangkanka nya ari sukut kereban sanding. Kereban sanding dalam jaku Iban enda

entu mayuh laban mimit aja anda bansa Iban ti bisi nulis bup ti besangkut-paut enggau

bidang Morfologi Jaku Iban. Dikena nambahka kereban sanding, dia aku ngiga alternatif

bekenaka bup dalam Jaku Melayu kena nambahka kereban sanding. Ari chara tu, aku

10

nemu chara ngalihka jaku bukai ngagai jaku Iban. Diatu aku makin nemu nulis ayat ti

betukuh penemu tauka akademik dalam Jaku Iban. Bekenaka terminologi penemu dalam

jaku Iban sereta ulih ngerembaika idea sechara berurun ngena ayat ti nemban dalam jaku

Iban.

Nya alai, kereja kus tu mayuh mantu ari aspek milih leka jaku ti betul, ngenalamka

agi penemu pasal morfologi ti agi pabu, ulih ngerembaika idea bepelasarka penemu

morfologi.

11

KEREBAN SANDING

Nik Safiah Karim et.al (1996). Tatabahasa Dewan. Kuala Lumpur; Dewan Bahasa dan

Pustaka

Dr. Cemaline anak Osup & Padang anak Luna (2011). Morfologi Jaku Iban. Perak: Emeritus

Publications

Sistem Jaku Iban di Sekula. Kuala Lumpur: Pusat Perkembangan Kurikulum

Abdullah Hassan (2006). Morfologi. Kuala Lumpur: PTS Professional Publishing Sdn. Bhd.

Jimbun Tawai, Douglas Jaga, Christie Duin (2001). Bahasa Iban Tahun 6. Kuala Lumpur:

Dewan Bahasa dan Pustaka

12