khoutu ya boitshwaro tsela yeo re šomago ka yona · bašomedi ka moka le dihlongwa go swanetše...

Khoutu ya BoitshwaroTsela yeo re šomago ka yonaKgatišo ya bo3

2

DIKAGARE

3 MOYA WA L’ORÉAL

4 Mantšu a ketapele Ka Jean-Paul AGON Ka Emmanuel LULIN

5 Ka Komiti Phethiši

6 Naa Khoutu ye e ama mang?

6 Gore naa o diriša bjang Khoutu ye

7 Ke na le seo se ntshwenyago: BOLELA KA TOKOLOGO

8 Go šoma mmogo

8 Go hlompha ditokelo tša botho

8 Go hlompha melao ya selegae le ditšo

9 GO HLOMPHA BOIKANO BJA RENA BJALO KA KGWEBO

10 Polokego le boleng bja setšweletšwa

12 Papatšo le thekišo

14 Kgetho ya baabi le tshwaro ya baabi ka tsela ye e lokilego

16 Phadišano ye e lokilego

18 Kgohlano ya dikgahlego

20 Dimpho le Boithabišo

22 Tsogolekobong le ditefelo tša nolofatšo

24 Tshedimošo ya Sephiri

25 Go emela Khamphani

26 Sephiri le tšhireletšo ya data

28 Tirišo ya methopo ya khamphani

29 Direkhoto tša ditšhelete le kgwebo le twantšhano kgahlanong le go hlatswa tšhelete yeo e nago le madi

30 Kgwebišano ya ka gare

31 Motšhelo

32 GO HLOMPHA BOIKANO BJA RENA BJALO KA MONGMOŠOMO

33 Maphelo, polokego le tšhireletšego

34 Pharologanyo

36 Go tshwenyana le bontwadumela

37 Tlaišo ya Thobalano

38 GO HLOMPHA BOIKANO BJA RENA BJALE KA BADUDI BA TIRIŠANO BAO BA NAGO LE MAIKARABELO

39 Ditiro tša sepolotiki le khuetšo

40 Tlhokomelo ya tša tikologo

41 Seabe Setšhabeng

42 TEMA YEO E KGATHWAGO KE MOLAODI

3

MOYA WA L’ORÉALL’ORÉAL e ipeetše maikemišetšo a go fa basadi le banna bohle lefaseng ka bophara boitlhagišetšo bjo kaone le go feta ge go tla mo go khwalithi, go šoma gabotse le polokego. Tšhušumetšo ya rena mo mengwageng yeo e tlago ke go dira gore re be le badiriši bangwe gape ba bilione o tee lefaseng ka bophara ka go hlola ditšweletšwa tšeo di kgotsofatšago dinyakwa le dikganyogo tša bona tša bobotse tše fapanego gape tše sa felego. Bošupi le seriti sa rena di theilwe mo metheong yeo e tiilego ya Dikokwane le Boitshwaro. Dikokwane tša rena ke Phišegelo, Boitlhagišetšo, Moya wa Boithomelo Kgwebo, Monagano wo o Bulegilego, go nyakana le Bokgabane le Maikarabelo. Melao ya rena ya Boitshwaro ke Seriti, Hlompho, Go se fšege selo le Ponagalo go tšohle tšeo re di dirago.

BJALO KA KGWEBOTogamaano ya rena ya boetapele e theilwe peeletšong ye e tšwelago pele go dinyakišišo le ditlhabollo tša rena. Se se kgontšha mainaratwa a rena go fihliša go badiriši ba rena ditšweletšwa tšeo, tšeo e lego tša maithomelo, tša go šoma gabotse kudu, tša tiragatšo le tšeo batho ba ka ipshinago go di diriša, le tšeo di tšweleditšwego go fihlelela maemo a godimo a khwalithi le a polokego. Re beile hlwahlwa e kgolo kudu mo botshepeging le go hlaka: papatšo ya rena go badiriši e theilwe go mošomo wo o netefaditšwego le go tshedimošo ya saentshe. Re ikgafile go aga tirišano ye e tiilego le bareki ba rena le baabi ba rena, yeo e theilwego godimo ga potego le kholego ya rena ka moka. Re hlompha baswarasetseka mo tikologong ya rena ya tša kgwebo, go akaretšwa baphadišani ka rena. Re dira kgwebo ka seriti: re hlompha melao ya dinaga tšeo re šomago go tšona le go obamela melawana ya ditiro tše kaone tša taolo ya dikhamphani. Re tšwetša pele maemo a godimo ka go tšea maikarabelo le go dira dipego, le go thekga ntwa kgahlanong le bomenetša. Re tšweletša mohola wa nako e telele, woo o tšwelago pele wa beng ba dišere, ka go šireletša le go šomiša dithoto tša Khamphani ka tsela yeo e lego gabotse le go feta. Re nepile go šoma gabotse kudu, le go itlhohla kudu le mekgwa ya rena ya go hlama.

BJALO KA MONGMOŠOMORe ikemišeditše go dira L'ORÉAL lefelo le kaone kudu leo o ka šomago go lona. Re a tseba gore bašomi ba rena ke batho ba bohlokwa go rena. Ba na le tokelo ya tikologo ya mošomo yeo bolokegilego gape e itekanetšego. yeo mo go yona talente ya motho le bokgoni di lemogwago, pharologano e bonwago e le bohlokwa, sephiri se a hlomphiwa, le tekatekano magareng ga bophelo bja seprofešenale le bja motho di fiwago šedi: Re dumela go fa bašomi ba rena tikologo ye e hlohleletšago, menyetla ya batho ya go kgahliša le sebaka sa go tliša diphetogo. Re hlohleletša moya wa go hloka sephiri, wa kgotlelelo, wa go fa le tlhompho, gore bašomi ka moka ba lokologe go tliša dipotšišo tša bona, dikgopolo le dingongorego.

BJALO KA KHAMPHANI YA SETŠHABA YEO E NAGO LE MAIKARABELORe kgatha tema ya rena go hlama lefase la dilo tše botse le tša go ba le nnete. Re lemoga seabe sa rena kudu go tikologo ya tlhago, go akaretša phedišano ya diphedi tikologong, le go nyaka go fokotša seabe seo kudu: re ikemišeditše go efoga go senya bokamoso ka lebaka la dilo tša lehono. Re ba le seabe se sekaone go dinaga le ditšhaba tšeo re lego go tšona, e bile re hlompha ditšo tša gae le dingongorego tša tšona. Re ikgafile go tlhompho ya Ditokelo tša Botho. Re nyaka go thuša go fediša tlaišo ya bana mešomong le go šomiša bašomi bao ba gapeleditšwego. Re nyaka go fediša teko ya diphoofolo intastering ya rena, ebile re na le seabe go tlhabollo le kamogelo ya mekgwa e mengwe ya kgetho. Re nyaka le go thekga badirišanimmogo ba tša kgwebo bao ba nago le maitshwaro a go swana le a rena le boikgafo bja rena go mekgwa.

Wo ke moya wo re šomago ka ona: MOYA wa L’ORÉAL

4

MANTŠU A KETAPELE

KA JEAN-PAUL AGON

Ka ngwagakgolo wa bo21, ke fela dikhamphani tšeo di nago le boitshwaro bjo kopantšwego mo setšong, togamaanong le ditiragalo tša ka mehla tšeo di tla kgonago go ka tšwelela pele.Maikemišetšo a rena ke go ba khamphani yeo e fanago ka mohlala o mogolo lefaseng ka bophara.Lenaneo la rena la boitshwaro le šetše le lemogilwe gomme le re bea magareng ga tše dingwe tša dikhamphani tšeo di etago pele lefaseng mo legorong le.Setšo sa rena sa boitshwaro seo se tiilego ke ye nngwe ya dikokwane tša L’ORÉAL e mpsha. Le ke lona lebaka, la gore re swanetše go fana ka go hlaka boikgafo bja rena bjale ka kgwebo, mongmošomo le bjale ka modudi wa sekhoporeiti.Dikokwane tša rena tša Boitshwaro - Serithi, Tlhompho, Bogale le Go Ba Pepeneng - di tla re dumelela gore re tšwele pele go ba sehlopha seo se hlohleletšago tshepho.Khoutu ya Boitshwaro e re ama ka moka, gohle moo re šomago le mošomo ofe

goba ofe woo re o dirago – go sa lebelelwe gore naa o mošomedi o moswa. Leloko la Komiti ya Taolo, le go fihla go Boto ya Balaodi.Khoutu ya Boitshwaro ke tokumente-tšhupetši ya rena, yeo e hlohleletšago dikgetho tša rena le go hlahla ditiro tša rena tša ka mehla.Bala Khoutu ye ka tlhokomelo. Phela go ya ka yona. E fetišetše pele. E hlomphe gomme o kgonthišiše gore ba lego kgauswi le wena ba a e hlompha. L’OREAL e hloka gore go ba mohlala ga yo mongwe le yo mongwe e be mohlala.

JEAN-PAUL AGONChairman and Chief Executive OfficerChairman of the L’ORÉAL Foundation

KA EMMANUEL LULINKhoutu ya rena ya Boitshwaro ke tokumente yeo e phelago gape e abelanwago yeo e akaretšago merero yohle yeo e lego bohlokwa mo setšong sa rena sa potego, tshepego le botee. Maikemišetšo a yona ke go re thuša go kwešiša gore naa ke eng seo se lebeletšwego go tšwa go rena bjale ka bašomedi ba L’ORÉAL, ka go re beela melao ya kakaretšo le ka mehlala yeo e fapanego ya ka mehla.Tokumente ye ge e se gona mo kgauswi, o ka kgona go diriša saete ya inthanete ya ka gare ga mokgatlo

(http://ethics.loreal.wans) le ditlhahlo. Bagaši ba tša Boitshwaro mo Nageng ye nngwe le ye nngwe ba re thuša gore re kgone go phela go ya ka Khoutu.Boitshwaro le ge go le bjalo ke tiro yeo e hlokegago ya yo mongwe le yo mongwe wa rena.Ke mengwaga e le mentši, moo e lego gore re a kopana ka moka ga rena mo Letšatšing la Boitshwaro. Ba bantši ba lena le thomile go kgatha tema mo tiragalong ye yeo e lego letšatši le legolo mo khalentareng ya Sehlopha.Bašomedi ka moka le dihlongwa go swanetše gore di šome mmogo ka tsela yeo e bontšhago hlompho gape yeo e senago sephiri. Megopolo ya botho ba bangwe e swanetše go amogelwa le go lebogwa. Re swanetše go theeletša ka kamogelo gomme re abelane ka tshedimošo ka moo e hlokegago, go lebelelwa pele melawana ya rena ya sephiri.

Merero ya boitshwaro ga e ke e no ba bonolo bjalo. Maatla a rena ke go ba le sebete sa go itebanya nayo. Se ke wa tšhaba go botšiša: Ikwagatše gomme o kgopele maele. Ka mehla o tla thekgwa mo go se.

EMMANUEL LULINSenior Vice-President and Chief Ethics Officer

Tsela yeo re šomago ka yona

5

KA KOMITI PHETHIŠI

Re ikemišeditše go phela go ya ka Khoutu ya Boitshwaro mo mošomong wa rena wa ka mehla. Se se bohlokwa kudu go katlego ye e tšwelago pele ya L’ORÉAL.

Boitshwaro bo ama mekgwa ya bašomedi ka moka ba Sehlopha sa L'OREAL, kae kapa kae mo lefaseng, mo maemong ka moka a khamphani, go sa kgethololwe. Bo akaretša ditiro ka moka tša L'OREAL, go tloga mo dinyakišišong, boitlhagišetšong le tlhamo ya ditšweletšwa tša rena mo tšweletšong le nyakišišong, go tšwa go ba mothopo wa bašomedi go ya go ditshepetšo tša rena, go tloga go taolo le tša ditšhelete le tšwelopele yeo e tšwelago pele, go tloga go dipoledišano le merero ya setšhaba go ya go go setitšithale.

O mongwe le o mongwe wa rena, bjalo ka motseta le leloko la legae la L’OREAL o dira boitlamo bja sebele go latela Khoutu ye, bobedi go latela seo se ngwetšwego le ka moya.

Ka mehla le swanetše go gopola gore:• melawana ya boitshwaro yeo e

adilwego mo tokumenteng ye ga se ya boikgethelo: o swanetše go e obamela

• ke wena o beago mohlala: Seriti sa L'ORÉAL, tshepo ya baswarasetseka ba rena ka moka, di ithekgile ka o mongwe le o mongwe wa rena.

• O ka se ahlolwe fela ka seo o se dirago, eupša gape le ka tsela yeo o se dirago ka gona.

23 7

1

4

5

6

8 9 10 11

12

13

14

1516

1 - JEAN-PAUL AGONChairman and CEOChairman of the L’ORÉAL Foundation

2 - BARBARA LAVERNOSExecutive Vice-President Operations

3 - JOCHEN ZAUMSEILExecutive Vice-President Western Europe Zone

4 - ALEXIS PERAKIS-VALATExecutive Vice-President Asia-Pacific Zone

5 - JÉRÔME TIXIERExecutive Vice-President Human Relations and Advisor to the Chairman

6 - ISABEL MAREY-SEMPERExecutive Vice-President Communication, Sustainability and Public Affairs, General Manager of the L’ORÉAL Foundation

7 - MARC MENESGUENPresident Consumer Products Division

8 - NICOLAS HIERONIMUSPresident Selective Divisions

9 - CHRISTIAN MULLIEZExecutive Vice-President Administration and Finance

10 - LAURENT ATTALExecutive Vice-President Research and Innovation

11 - ALEXANDRE POPOFFExecutive Vice-President Eastern Europe Zone

12 - BRIGITTE LIBERMANPresident Active Cosmetics Division

13 - GEOFF SKINGSLEYExecutive Vice-President Africa, Middle East Zone

14 - LUBOMIRA ROCHETChief Digital Officer

15 - FRÉDÉRIC ROZÉExecutive Vice-President Americas Zone

16 - AN VERHULST-SANTOSPresident Professional Products Division

6

KE MANG YO

KHOUTU YE E MO AMAGO?

NAA

O DIRIŠA BJANG KHOUTU YE

Khoutu ye ya Boitshwaro e ama bašomedi ka moka ba sehlopha sa L'OREAL ga mmogo le dikhamphani tša yona lefaseng ka bophara. Gape e šoma go bahlankedi ka moka basekhoporeiti le maloko a Dikomiti Phethiši le Taolo ba sehlopha sa L'OREAL ga mmogo le dikhamphani tša yona lefaseng ka bophara. Godimo ga moo, Khoutu ye ya Boitshwaro e ama bašomedi ka mokale bahlankedi ba sekhoporeiti ba Motheo wa L'OREAL. Lentšu le “L'OREAL” leo le dirišitšwego mo tokumenteng ye le bolela ka dikhamphani ka moka tšea Sehlopha sa L'OREAL

le Motheo wa L'OREAL. Gore re kgone go dumelela bašomedi ba bantši ka mo go ka kgonegago go ka bala Khoutu ye ya Boitshwaro ka polelo yeo ba e nyantšego letsweleng, Khoutu ye ya Boitshwaro ka se sebaka e hwetšagala ka diphetolelo tše 45. Bešene ya Seisemane sa UK ya khoutu ke yona tokumente-tšhupetši.

Khoutu ya Boitshwaro e hwetšagala go setšhaba e sa lefelelwe mo wepsaeteng ya Sekhoporeiti ya L'OREAL.

L'ORÉAL e šoma dinageng tše ntši – ke legae go ditšo tša mehutahuta, melao le ditshepetšo tša sepolotiki.

Rena bjalo ka kgwebo le bjale ka batho ge re dira mešomo ya rena, re swanetše ka mehla re hlomphe melao le melawana ya dinaga tšeo L'ORÉAL e šomago go tšona.

Re lemoga gore maemo a mangwe ga a bonolo. Boitshwaro gantši bo ka ga go kgaola ntwa magareng ga ditumelo. Khoutu ya rena ya Boitshwaro e bea maemo bakeng sa Sehlopha mo mafelong a mmalwa ao a sego a hlaka, moo e lego gore, le ge molao o ile wa lebelelwa, go na le boikgethelo bjo swanetšwego go dirwa.

Bala Khoutu ka botlalo gore o ithute tšeo L’ORÉAL e di lebeletšego ka ga boitshwaro le maemo, gomme o ipolokele khophi bakeng sa tšhupetšo ka moso ge o ka ba le dipotšišo goba dingongorego dife goba dife.

Re a lemoga, gore ga go na tokumente yeo e ka lebelelago pele gomme ya leka go rarabolla boemo bjo bongwe le bjo bongwe bjo bo hlagago. Ka go realo nako le nako ge o lebanwe ke gore o tšee mohuta woo wa sephetho, ipotšiše dipotšišo tše, tšeo di latelago:

1. Naa se se sepelelana le Khoutu ya Boitshwaro?

2. Naa se molaong?

3. Naa se se sepelelana le Melao ya rena ya Boitshwaro ya Seriti, Hlompho, Go se fšege selo le Ponagalo go tšohle tšeo re di dirago?

4. Naa ditiro tša ka di tla ama bjang baswarasetseka ba rena le gona ke tla kgona bjang go thekga sephetho seo ke se tšeerego?

5. Naa ke tla ikwa ke le gabotse ge sephetho sa ka se ka tsebišwa ka gare goba ka ntle?

Ge karabo go ye nngwe ya dipotšišo tše e le aowa, goba o sa itshepe, molao wona wona ke gore o boledišane le batho ba maswanedi (molaodi wa gago, ditsebi tša ka gare, Babedi ba tša Boitshwaro, bj.bj,) gomme, le boledišane ka ga seka go lokologa pele ga ge o ka tšea sephetho (bona gape “Ke ikwa ke Tshwenyegile: Bolela ka Tokologo”).

Khoutu ya Boitshwaro ga e phumule melawana efe goba efe yeo e lego gona, gomme o swanetše go tšwelapele go šomiša melawana efe goba efe le maemo ao a beilwego mošomong wa gago. Khoutu ye e ikemišeditše go fa tlhako ya melawana ye le maemo, gore go be bonolo go wena go kwešiša lebaka leo le sepelago le ona.

L’ORÉAL e a amogela gore Khoutu ya Boitshwaro ga se yeo e tseneletšego bjalo le gore diteng tša yona di ka fetoga nako le nako.

L’ORÉAL e ipeela tokelo ya go fetoša Khoutu ya Boitshwaro nako efe goba efe, ka tsebišo goba ka ntle le yona, le tokelo ya go tšea sephetho sefe goba sefe seo e bonago se le maleba ka seemong sefe goba sefe sa mošomong, go lebelelwa pele gore se ga se kgahlanong le Melawana ya Boitshwaro ya L’ORÉAL.


7

L'ORÉAL e hlohleletša setšo sa go bolela ka tokologo moo e lego gore bašomi ba kgona go tšweletša dingongorego tša bona tša makgonthe.

Re hlohletša bašomi ka moka go tšweletša maikutlo a bona, go šireletša maikutlo a bona le go re bontšha maitshwaro ao a sego a amogelega goba dinyakwa.

Bašomi ba ka ba le dingongorego ka ga ditiro tše itšego gomme ba nyaka dikeletšo le tlhahlo go ba thuša go di rarolla. Ke pholisi ya rena gore dipego ka moka ka ga maitshwaro ao e sego a mabotse a Khamphani, goba a mošomi ofe goba ofe wa yona goba modirišanimmogo woo Khamphani e dirišanago naye di tla nyakišišwa gabotse, le gore magato a maleba a tla tšeiwa, go sa lebelelwe gore naa ke bo mang bao ba amegago.

Tsela ya tlwaelo ya go tliša ditaba tša mohuta woo ke go di iša go ba tshepetšo goba ba taoloya mošomo. O ka nna gape wa ikgokaganya le Molaodi wa lena wa Ditirelo tša Bašomi goba Mmegi gago wa tša Boitshwaro. Gape go ka no ba go na le methopo e mengwe ya tlaleletšo ka nageng ya geno, ya go swana le baemedi ba bašomi.

Molaodi wa nageng ya geno, bakeng sa bašomedi ba Sekhoporeiti goba ba Karolo, leloko la Komiti Phethiši ya Sehlopha yeo o begago go yona ba na le maikarabelo a go netefatša hlompho ya Khoutu ya Boitshwaro; gomme ge go hlokega, o ka nna wa ikgokaganya naye.

Mo mabakeng ao a ikgethilego, ge bothata bja gago go sa kgonege gore bo ka rarollwa ka ditsela tšeo di tlwaelegilego, o ka ikgokaganya thwii le Mohlankedi Mogolo wa tša Boitshwaro ka tirišo ya wepsaete yeo e bolokegilego: www.lorealethics.com

Mošomedi yoo a tlago ka matshwenyego e se ka boomu o tla šireletšwa kgahlanong le boipušeletšo. Mošomedi yo a dumelago gore go a ipušeletšwa go yena o swanetše go bega semetseng ka tirišo ya mekgwa yona yela a e dirišitšego ka mo go laeditšwego ka godimo.

“Moya o mobotse” e ra gore o fane ka tshedimošo yeo o tshephago gore e tseneletše, ke ya potego e bile e nepagetše ka nako yeo, le ge ka morago go ka hwetšwa gore o be o le ka phošong.

Re tla netefatša gore go ba le tshepedišo ye e lokilego ge go ka dirwa dinyakišišo le, go hlompha melawana ya khupamarama le go bona motho a se na molato go fihla tsheko e fela. Nyakišišo efe goba efe gape e swanetše go sepelelana le melao ya selegae, kudu kudu ge go tla mo tshepetšong ya dilo botse.

Mo nyakišišong ya boitshwaro, tirišano ka botlalo ya bohle bao ba amegago e a gapeletšwa gomme tshedimošo ka moka le ditokumente di swanetše di abje semetseng ge di kgopelwa la mathomo.

Motho yo a šupilwego a na le molato o tla tsebišwa ka ga ditatofatšo tšeo di dirilwego kgahlanong le yena. Tshedimošo e ka nna ya se abje semetseng ge go ka hwetšagala gore e bohlokwa, mohlala, go lekola dinnete, go boloka bohlatse goba go ikgokaganya le bao ba nago le botsebi.

Tshedimošo ka moka yeo e boletšwego e tla abelanwa fela le batho bao ba nago le lebaka la nnete la gore ba ka tsena se e le go kgonthišiša gore matshwenyego a bona a a lebelelwa goba magato ao a phethagetšego a a tšewa.

Re tla buša re fane ka dipoelo tša nyakišišo go motho yoo a tlišitšego ngongorego ka ga dipoelo tša nyakišišo go fihla moo e lego gore go a hlokega ntle le go tshela dinyakwa tša semolao goba maikarabelo a mangwe a sephiri.

Ditatofatšo dife goba dife tšeo go hwetšwago e le tša go senya motho leina goba di dirilwe ka moya mobe di ka lebišwa moo motho yo a di dirilego a ka otlwago.

KE NA LE SEO SE NTSHWENYAGO

8

GO ŠOMA

MMOGO

GO HLOMPHA

MELAO YA SELEGAE LE DITŠO

Re lebeletše gore bašomedi ka moka le dihlongwa di šome mmogo ka tsela yeo e bontšhago hlompho gape yeo e senago sephiri.

Go šoma ka sehlopha go a hlohleletšwa gomme katlego, gammogo le go palelwa, di swanetše go ba tša rena ka moka.

Ka moka re swanetše go ikemišetša go fa tlhompho go dikgopolo tša batho ba bangwe le go lemoga diabe tša batho ba bangwe. Re swanetše go theeletša ka kamogelo gomme re abelane ka tshedimošo ka moo e hlokegago, go lebelelwa pele melawana ya Sehlopha ya sephiri.

Go hloka hlompho, kudukudu ka tirišo ya polelo yeo e sego maleba goba maswao a ditho tša mmele ao e sego a maswanedi goba lehloyo la semorafe, kgethologanyo goba mebolelwana ya go se be maswanedi ka ga bong ga go amogelege. Kgegeo ya bašomammogo e kgahlanong le maitshwaro a L'ORÉAL.

Ka tsela ye, re tla tšwetša pele setšo sa potego, go tshephega le tirišano le tlhompho ya dipharologanyo tša semorafe gohle mo kgwebong ya rena.

GO HLOMPHA

DITOKELO TŠA BOTHO

Re a ikana gore re tla hlompha le go hlohleletša Ditokelo tša Botho, re bolela kudu ka ga Boikano Kakaretšo bja Ditokelo tša Botho bja tšatšikgwedi la 10 Disemere, 1948, le Melawana yeo e Hlahlago ya Dinaga tše Kopanego ka ga Kgwebo le Ditokelo tša Botho ka la 16 June, 2011. Re bile basaenammogo mo go United Nations Global Compact go tloga ka 2003 gomme re thekga Melawana ya Maatlafatšo ya Basadi ya UN.

Re gona mo dinageng tše dintši, gomme re malalaalaotšwe ge go tla mo merero yeo e akaretšwago ke “Fundamental Conventions of the International Labour Organization (kiletšo ya go šoma ga bana” le go šoma ka go gapeletšwa, tlhompho ya tokologo ya go ikamanya), tlhohleletšo ya pharologanyo, ditokelo tša basadi, tlhompho ya ditokelo tša batho go diriša methopo ya tlhago le tokelo ya tša maphelo.

L’ORÉAL e latelela kudu moya le mangwalo a molao ao a laolago khwalithi, maemo a tša maphelo le polokego, molao wa bašomi, tikologo, bomenetša tlhwekišo ya tšhelete yeo e nago le madi, khupamarama ya data, motšhelo, pegelo yeo e nepagetšego ya tshedimošo ya tša ditšhelete le tšeo e sego tša ditšhelete le phegišano yeo e lekalekanetšego.

L'ORÉAL e nyaka go abelana melawana ye le badirišanimmogo ba yona ba kgwebo le go netefatša, ka moo go kgonegago, gore badirišanimmogo bao ba hlompha melao ye le melawana.

Gape kgonegago, re dira mešomo ya rena ka tsela yeo e hlomphago ditlwaedi tša ditšo le tša setšhaba seo re šomago le sona.

Go ka no ba le mabaka ao tlhahlo ye e lego ka mo molaong wo e fapanago le melao ya naga ye itšego goba ditlwaedi tša naga ye itšego. Ge seo se diragala, gona moo molao wa naga goba ba tekolo ya dithoto tša go tsena goba go tšwa ka nageng ba beago maemo a godimo a go feta ao a adilwego mo Khoutung, molao wa naga le molao wa tekolo ya dithoto tša go tsena le go tšwa ka nageng o swanetše go šomišwa ka mehla. Ge, ka papetšo, Khoutu e fana ka maemo a godimo,gona e swanetšwe go dirišwa ka ntle le ge se se feletša ka tiro ye e sego molaong.


9

Lenaneo la dikagareL E T L A K A L A 1 0Polokego le boleng bja setšweletšwa

L E T L A K A L A 1 2Papatšo le thekišo

L E T L A K A L A 1 4Kgetho ya baabi le tshwaro ya baabi ka tsela ye e lokilego

L E T L A K A L A 1 6Phadišano ye e lokilego

L E T L A K A L A 1 8Kgohlano ya dikgahlego

L E T L A K A L A 2 0Dimpho le Boithabišo

L E T L A K A L A 2 2Tsogolekobong le ditefelo tša nolofatšo

L E T L A K A L A 2 4Tshedimošo ya Sephiri

L E T L A K A L A 2 5Go emela Khamphani

L E T L A K A L A 2 6Sephiri le tšhireletšo ya data

L E T L A K A L A 2 8Tirišo ya methopo ya khamphani

L E T L A K A L A 2 9Direkhoto tša ditšhelete le kgwebo le twantšhano kgahlanong le go hlatswa tšhelete yeo e nago le madi

L E T L A K A L A 3 0Kgwebišano ya ka gare

L E T L A K A L A 3 1Motšhelo

GO HLOMPHA BOIKANO BJA RENA BJALO KA KGWEBO

“Re ikemišeditše go šoma ka bokgabane, le go itlhohla kgafetša kgafetša ga mmogo le mekgwa ya rena.”

10

Polokego le boleng bja setšweletšwa kgale di dutše di le bohlokwa kudu dinakong ka moka.Ke mošomo wa godimo, boleng le polokego ya ditšweletšwa tša rena tšeo di bontšhago boitlamo go bareki ba rena, re tšwetše pele tshepo ya bona go rena, dithekga serithi sa leina la rena le go netefatša gore L’ORÉAL e dula e le ketapele ka lefapheng la rena. Re ikgafile go rekiša ditšweletšwa tšeo di bonwego gore di šoma gabotse le go ba le polokego, tšeo di netefaditšwego ka go diriša mekgwa ya tshekatsheko yeo e tseneletšego.Mošomi o mongwe le o mongwe wa L’ORÉAL yo a kgathago tema mo tlhabollong, tšweletšo le thekišo tša setšweletšwa o swanetše go nyaka go fihlelela boleng ka botlalo go tloga ge se sa naganwa go fihla ge se phatlalatšwa, le ka morago ga ge se išitšwe mabenkeleng.

Re swanetše

+ Latelane le dinyakwa ka moka tša setšhaba le tša boditšhaba tša peomolao le semolao go kgonthiša kobamelo ya ditšweletšwa tša rena tšohle

+ Netefatše gore maemo a godimodimo a tša tlhokomelo ya maphelo le ditaolo tše di hlokometšwego kudu tša go tšweletša boleng di a diragatšwa legatong le lengwe le le lengwe, go tloga peakanyetšong ya setšweletšwa go ya tšweletšong le mokgweng wa phatlalatšo

+ Ge re tseba ka ga seo se ukangwego ke modiriši, ra mmotšiša gore a ikgokaganye le Kgoro ya maswanedi ya Badiriši gomme se seo se ukangwago go bonala gore se ka ba le mathatanyana a tša polokego goba tša maphelo, netefatša gore re tsebiša molaodi wa rena semetseng goba Kgoro ya International Cosmeto-Vigilance

Re swanetše gore re se ke ra

- Fokotše neelano ya maikutlo ye e lokologilego le ye e bulegilego ka ga polokego ya ditšweletšwa gore go se be le taba ya polokego yeo e hlokomologwago

- Hlokomologe ngongorego efe goba efe ka yeo e ka bago gona ka ga polokego ya setšweletšwa, kgotlelelo le tša taolo ya boleng

- Arabe dipotšišo tša ba diphatlalatši (go akaretšwa tšeo di tšwago diphatlalatšing tša kgwerano) ka ga ditšweletšwa tša rena ge re se na tsebo goba re se ra dumelelwa go ka dira bjalo

Naa go na le botho?

1.1 - Ke šoma mo laeneng ya tšweletšo. Ke lemogile dithoto tše dingwe tšeo go phethilwego ka tšona tšeo di nago le bofokodi. Motšhene o ka no ba o hlola mathata mangwe a tša khwalithi. Ke a tseba gore re swanetše go emiša tšweletšo ge seo se direga, eupša mohlokomedi wa ka ga se a tšea magato a itšego. Ke a tseba gore peakanyo ya tšweletšo e tloga e sa dumele gore re ka ema. Naa ke swanetše go tshepha gore o tseba seo a se dirago ka go hlokomologa se?

L'ORÉAL e beile ditaolo tša boleng legatong le lengwe le le lengwe la tshepedišo ya tšweletšo go netefatša gore bareki ba rena ba hwetša ditšweletšwa tša boleng bja godimodimo. Boleng bo tla pele, go sa lebelelwe dipeakanyo tša tšweletšo. O swanetše go emiša mošomo woo ntle le tikatiko efe goba efe, Botša molaodi wa gago bothata bjoo ntle le go boifa selo, gomme o šome le yena le sehlopha ka moka go lokiša bothata bjoo, pele le ka tšwelapele ka tšweletšo.

1.2 - Re amogetše pego go tšwa go moabi ya gore tšhilafatšo e ka be e diragetše mo mehloding yeo e sego ya dirwa selo yeo e rometšwego mo nakong ye e sa tšwago go feta. Ditšweletšwa tšeo di nago le mehlodi yeo e sego ya dirwa selo e šetše e rometšwe go moreki wa rena ebile ga go na le bohlatse bjo bo tletšego bja gore go ka be go na le tšhilafatšo go ditšweletšwa tša rena. Naa re a gapeletšega go emiša mošomo wa tšweletšo ka moka?

Rena mo L'ORÉAL, re araba ngongorego efe goba efe ka ga polokego ye e kgonegago ya ditšweletšwa ka bjako. O swanetše go ahlaahla taba ye le molaodi wa gago goba Molaodi wa Taolo ya Boleng ka bjako.

1.3 - Modiriši yo a nago le nomoro yeo e fošagetšego ya mogala o sa tšwa go ikgokaganya le nna. O mpoditše gore o bile le dika tša kganano ka morago ga go diriša se sengwe sa ditšweletšwa tša rena. Naa ke swanetše go dira eng?

E fa modiriši yo nomoro ya maswanedi ya mogala wa thušo ya badiriši gomme o mo hlohleletše gore a ikgokaganye le bona semetseng. Gape, o ka nna wa romela tshedimošo ye ka bowena go Lefapha la Tekolo ya ka Morago ga Thekišo. Mo L’ORÉAL, ka morago ga dinyakišišo tše nabilego tša kamano ya pheletšo yeo e hlolago sengwe le ditšweletšwa tša rena, ka dinako dingwe re ka tšea sephetho sa go fetofetoša ditlabela tva setšweletšwa go fetola ditlamorago dingwe tšeo di sa nyakegego, le ge e le gore ga di bonagale bjalo, gore re kgone go tiišetša go bareki ba rena gore ba ka kgona go reka ditšweletšwa tša rena ka boitshepo bjo tletšego.

1.4 - Ke botšišwa kgafetša kgafetša ke ba lapa le bagwera ka ga boemo bja ka ge go tla mo go direng diteko ka diphoofolo... ga ke tsebe gore naa ke ba botše eng. Ke mang yo ke swanetšego go ya go yena ka ga se?

Bjalo ka kgwebo

SETŠWELETŠWA

POLOKEGO LE KHWALITHI


11

L’ORÉAL ga e sa hlole e dira diteko tša ditšweletšwa goba ditlabela tša yona mo diphoofolong, kae kapa kae mo lefaseng. Gape L’ORÉAL ga e fe mongwe mošomo woo gore e ba direle legatong. Se se ka no dirwa fela ge e le gore bao ba nago le taolo ba nyaka gore se se dirwe ka mabaka a tša polokego goba a semolao. Ge o na le dipotšišo dife goba dife ka ga se, o ka nna wa ikgokaganya le Molaodi wa Dikamano le Setšhaba. Gopola: o swanetše go hlokomela ge o bolela ka ga merero yeo o se nago tsebo ka botlalo ya yona (bona karolo ya “Go emela Khamphani”)

Ke mang yo o ka ikgokaganyago naye: Ge e le gore o tshwenyegile ka ga boleng le/goba polokego setšweletšwa, o se e swarelele se go wena. Bolela le molaodi wa gago, Molaodi wa Taolo ya Boleng, Molaodi wa tša Semolao, Molaodi wa gago wa Ditirelo tša Saentshe, Molaodi wa gago wa Ditirelo tša Bašomi goba Mmegi wa tša Boitshwaro, ba tla kgona go go thuša le go go thekga (bona gape kgaolo ka ga “Ke na le seo se ntshwenyago: Bolela ka Tokologo”).

12

Katlego ya ditšweletšwa e theilwe mo go tlhamego le mošomo. Molawana wo ke wona o tla dirago gore re thope le go swarelela botshephegi bja bareki ba rena. Re nyaka go boledišana ka boikarabelo ka go hlompha pharologanyo yeo e sa felego ya dinyakwa le dikganyogo tša bobotse mo lefaseng. Ga re hlohleletše bobotse bjo tee goba bjo sa hwetšagalego.

Re swanetše

+ Go latela mekgwa ya tiišetšo ya ka gare ya dipapatšo le go ukangwa le ge e le gore se se tla diegiša tsebišo ya setšweletšwa

+ Go netefatša gore dipapatšo ka moka le dimatheriale tša kwalakwatšo di theilwe mo go šomeng gabotse go go tiišeditšwego le gona ga data ya go ya ka saentshe ya maleba yeo e hweditšwego nakong ya ditshekatsheko, dithutong tša badiriši le tša ka laborathoring tšeo di tšweleditšwego ka go sepelelana le ditiro botse tša intaseteri ya rena

+ Fana ka tlhalošo ye e lekalekanetšego, ya maleba gape ya mannete le taetšo yeo e bonagalago ya ditšweletšwa tša rena gore ba di go ama bjang

+ Hlalosa ka go hlaka maikemišetšo le tšhomišo ya

maleba ya ditšweletšwa tša rena gomme o netefatše gore di kwešišega bonolo ke badiriši

+ Netefatša gore mainaratwa a rena a hlohleletša palo ye kgolo ya mehuta ya bobotse

+ Hlokomela maitshwaro ao a kgonagalago go ka

direga a dihlopha tša sedumedi, mehlobo, setšo goba tša setšhaba go papatšo ya rena

+ Hlokomele gore re netefatše gore ditiro tša rena di sepelelana le melawana ya rena ya boitshwaro ge e le gore re nepile go bapaletša bana le bafsa

+ Re be malalaalaotšwe kudu ge go tla mo maemong a mošomo a bana bao ba ka tšwelelago dipapašong tša rena

+ Re hlokomele ge re diriša diphoofolo dipapatšong tša rena; kudukudu mehuta yeo e lego kotsing ya go nyelela goba mabaka a tlhahlo ao go hlakilego gore ga a dumelege

+ Re hlokomele ge re diriša diphoofolo dipapatšong tša rena; kudukudu ra se be le maikarabelo go mehuta ya diphoofolo yeo e lego kotsing ya go nyelela tšeo mabaka a tšona a tlhahlo go hlakilego gore ga a dumelege

+ Re šireletše tshedimošo ya badiriši ba rena (bona letlakala ka ga Khupamarama le Tšhireletšo ya Tshedimošo)

+ Efoge go dira ditshwayatshwayo tša di sego tša loka tša go amana le baphadišani (go akaretšwa dipolelo tša maka mabapi le ditšweletšwa tša bona goba ditirelo)


- Ra nyaka go diriša gampe go wela bonolo, go hloka tsebo le go hloka boitemogelo ga badiriši

- Tiišetša mo dipapatšong tša rena gore tirišo ya ditšweletšwa tša rena go tla fana ka mohola o montši kudu wa seprofešenale goba wa kgwerano goba gore ditšweletšwa tša rena di bohlokwa gore o kgone go ka rarabolla mathata a gago goba gore o amogelege setšhabeng

- Gatelela seriti sa motho mo dipapatšong tša rena goba re fane ka dikgopolotee tšeo di gegeago batho ba bangwe

- Bapatše diphatlalatši tše itšego goba mananeong a itšego ao togamaano ya ona ya kgogedi e lego go diriša bošoro, tša ditumelompe, tša thobalano goba tlhohleletšo ya lehloyo go mang kapa mang. Maano a bjalo a kgahlanong le melawana ya boitshwaro ya L’ORÉAL

- Go dira gore bana ba tšwelele mo papatšong ya setšweletšwa seo e lego gore ga se a dirwa diteko gore se ka dirišwa mo baneng ka ntle le ge go hlakile mo papatšong gore setšweletšwa seo ga se a direlwa gore se ja dirišwa ke bana

- Itebantšhe bana ba bannyane ka maikemišetšo mo dipapatšong le dikwalakwatšong tša rena, go sa akaretšwe ditšweletšwa tša tšhireletšo kgahlanong le letšatši goba tša maphelo

- Re fetiše go ukama ka maikemišetšo mo dipoledišanong, go akaretša go ukama ka ga tša tikologo goba tša setšhaba

- Kgoboketše tshedimošo bakeng sa mabaka a thekišo go ya ka boitshwaro ntle le go tsebiša pele badiriši ba Inthanete (mohlala go diriša dikhuki)

PAPATŠO

LE THEKIŠO

Bjalo ka kgwebo


13

Naa go na le botho?

2.1 - Mošomammogo wa ka o mpontšhitše tšhišinyo ya thekišo ya setlolo sa mmele seo se šomišago mmotlelara o mosese kudu o monnyane. Ke nagana gore ga e kwale, ebile e ka re lebiša go ditsholo tša gore re hlohleletša basetsana go ipolaiša tlala e le ge ba nyaka go bonagala ba le ba babotse. O rile ke no ba ke šia kudu gomme o re mošo mo woo wa bokgabo o šetše o rometšwe go ya go dumelelwa. Naa nka dira eng ka ga se?

Papatšo le kwalakwatšo tša rena di diretšwe gore di be ke go amega go go golo go bao re ba lebantšhitšego. Re swanetše ka go realo re be le maikarabelo mo go melaetša ka moka yeo re e romelago kantle - goba re bonwago o ka re re a e romela. Go na le ngongorego ye e golago ka ga bolwetši bja go se je gabotse go basadi, le dikotsi tša maphelo tšeo di amanago le yona taba ye. Se se lebeletšwe mo diphethong tšeo re di tšeago ka ga masolo a rena a papatšo. Ga re šome ka go ba le tsebo le dimotlelara tša mengwaga ya ka tlase ga ye 16 ka ntle ga dipapatšo tše itšeng tše bjalo ka sešireletša letšatšing sa bana, goba bao go tlogago go hlakile gore ba mathatheng a tša phepo a šoro. Gape re efoga papatšo efe goba efe yeo e akaretšago diokobatši, tagi goba go kgoga. O swanetše go hlohleletša bašomammogo ba gago gore ba hwetše kgopolo ye nngwe gape. O ka nna gape wa ikgokaganya le molaodi wa gago.

2.2 - Mo papatšong ya setšweletša sa go beakanya meriri, motlelara o tlile go apara wiki ya moriri wa mannete, gomme gape re tlile go mo fetofetoša ka photoshop re tloša mabadibadi a mo letlalong la gagwe. Naa se se a amogelega ge go tla mo botshepeding bja tšeo re bolelago ka tšona?

Phetophetošo nngwe e bohlokwa ka dinako dingwe ge go lebeletšwe ka lehlakoreng la setekhnikhale, e fela se ga se a swanelwa go dirwa ka tsela yeo e lego gore e ka gakantšha ge go tla mo go šomeng ga setšweletšwa seo se bapatšwago. Go diriša wiki ya moriri wa mannete go a amogelega ka gobane e le papatšo ya setšweletšwa sa go ipeakanya gomme e sa bolele ka bontši bja meriri. Go bohlokwa gore wiki yeo e dirišwago e be ya moriri wa mannete gomme e tsentšwe mmala goba e beakantšwe ka ditšweletša tšeo di bapatšwago. E feela lemoga gore naa moriri woo wa mannete o dirišitšwego mo diwiking o tšwa o le kae, ka ga se ka dinako tše dingwe se ka hlola mathata.

2.3 - Ka se sebaka ke hlama fela lenaneo la thekišo la setšweletša se sefsa. Molaodi wa Lefapha la R&I o rile e “fokotša fela go šošobana” ga letlalo, eupša moaodi wa ka o rile ke re e “tloša go šošobana” ga letlalo. Ke tshwenywa ke gore se ga se nnete ka botlalo. Naa ke swanetše go dira eng?

Re šoma go latelana le bobedi Khoutu yeo e Kopantšwego ya Lefapha ka Kgwebo la Boditšhabatšhaba la Kgwebo ka ga tša Ditiro tša Papatšo le Poledišano Kgwebong, gape le Sengwalwa le Melao ya Tlhahlo ka ga Papatšo le Poledišano ya Thekišo ya Diipotsefatši tša Yuropa. Go fetiša thekišo ya ditšweletšwa tša rena ka go dira ditlhagišo tša go se kwale goba tša go feteletša ka ga tšona ke go hloka nnete, ebile go hlola go se sa tshephiwa ke bareki ba rena. gomme se se ka tšewa e le go gakantšha. Ge setšweletšwa se sa tloše go šošobana ga letlalo, gona ga se wa swanelwa go bolela gore se dira bjalo.

2.4 - Ke nyaka go akaretša mo papatšong nnete ya gore setšweletšwa ga se na heksaklorofene, gomme se ga se makatše ka ge tirišo ya yona e ileditšwe go ya ka molao. E fela, se se kwagala se le gabotse go badiriši. Bothata ke gore gona le badirišani mmogo bao ba naganago gore se nnete yeo e lego magareng. Ke mang yo a nepilego?

Re ka se tlogele batho go dumela gore ditšweletšwa tša rena di na le selo se itšeng mola selo se se le bjalo ka gobane re sa nyake go tshela molao. Se e tla be e le go se botše badiriši ba rena nnete. Bašomammogo ba gago ba nepile.

2.5 - Ka se sebaka ke šoma ka papatšo yeo e diregago mo tikolong ya tša sedumedi. Badiriši bao ba lebantšwego ka papatšo ye ba ka nna ba rata mokgwa wa yona wa go kgotlakgotlana le maikutlo, gomme mo nageng ya gešo ga ke nagane gore, go na le yo e ka mo tshwenyago. Bothata ke gore, ke na le modirišani mmogo wa motšwakantle woo a hwetšago e ka nna ya kgwatha maikutlo a bangwe gampe. Naa ke swanetše go dira eng?

Re swanetše go lebelela dipapatšo tša rena ka hloko e sego fela ka leihlo la bao di lebantšwego go bona, e fela go setšhaba ka kakretšo. Dipapatšo tša rena di bonwa ke batho ba le bantši e sego fela mafelong ao re a lebantšego fela. Re swanetše gape re gopole gore re hwetšagale lefaseng ka bophara gomme re se diriše tabataba yeo e amogelegago nageng ye nngwe, gomme go ye nngwe yeo re šomago go yona re ka hwetšago e na le bothata bjo bogolo. Sa bofelo, ga re a swanela go diriša diswantšho, maswao goba ditabataba tšeo di ka hwetšwago di tshwenya, di nyenyefatša goba di sa hlomphe, bodumedi, setšhaba, setšo, dihlophanyana tše itšeng goba bogole. Se se kaone ge o ka hwetša maele go yoo a sa kgethego mahlakore, kudukudu ya tirišo ya sehlopha sa batho pele ga ge o ka dumelela papatšo ye, gomme o ele hloka gore naa e phatlalatšwa bjang.

2.6 - Leinaratwa le tumilego la diaparo tša bana le tla tsebiša molokoloko wa dirokwana tša basetsanyana gomme le nyaka go reka sephatsimiša dipounama gore le fe bareki ge ba reka go feta hlwahlwa e itšeng. Naa, a se ke sebaka se se sebotse

Go na le dipolelo ka ga temošo ya bana ka tša thobalano e sa le ba bannyane. Le ge e le gore bana ba bannyane ka mehla ba nyaka go ekiša batho ba bagolo, kudu kudu ge go tla mo go apareng diaparo le go itšhatšha ka diipotsefatši le dinkgišamonate, re dumela gore di swanetše go no dula e le papadi, gomme ka lona lebaka leo, ga re a swanela go hlohleletša tirišo ya ka mehla ya diipotsefatši mo baneng go sa akaretšwe ge go tla mo go ditšweletšwa tša maphelo le dithibela phišo ke letšatši. Ka go realo, go kaone gore re se bapantšhe ditšweletšwa tša rena le dilo, ditabataba goba ditiragalo tšeo dui lebantšhitšwego baneng ba bannyane. Mohlala, ga re abe ditšweletšwa bakeng sa diphadišano tša mohuta wa bo “Masebotsana ba Bannyane”.

Ke mang yo o ka ikgokaganyago naye: Ge e le gore go na le seo se go tshwenyago amana goba papatšo le thekišo, se ke wa homola. Bolela le molaodi wa gago, Molaodi wa lena wa Ditirelo tša Bašomi, Mmegi wa Pharologanyo goba Mmegi gago wa tša Boitshwaro; ba tla kgona go go thuša le go go thekga (bona gape kgaolo ka ga “ke na le seo se ntshwenyago: Bolela ka Tokologo”).

14

Re swanetše

+ Kgethe baabi legatong la go hloka sephiri la kgopelo ka ga dinyakwa tše di kwagalago tša go lekola mošomo le maemo a tirelo; netefatša gore dikabo ka moka tša baabi di bapetšwa gomme tša amogelwa ntle ka toka ka ntle le go tšea lehlakore

+ Hloke sephiri ka ga tshepedišo ya dikgopelo le go fa dipolelo tša go ba le botshephegi tša tlhokomelo tšeo di theilwego ka dilo tše lebeletšwego ka go se kgethe lehlakore

+ Netefatše gore tše lebeletšwego tša maitshwaro go tšwa go rena di a kwešišega le go hlompshwa ke baabi gohle moo ba šomago ntshe

+ Thekge baabi ka go fihlelela dilebelelwa tša L’ORÉAL

+ Go lefa baabi ka nako le go ya ka mabaka ao go dumelelwanego ka ona, ka ntle le ge e le gore go na le mabaka a mannete a go dira bjalo, bjale ka phahlo yeo e otarilwego e se ya fihla

+ Netefatše gore baabi ba rena ga se ba itshepa kudu ge go tla mo go tša ikonomi mo kgwebong ya L’ORÉAL

+ šireletša tshedimošo ya sephiri ya baabi bjale o ka rego ke ya gago


- Wa bea mabaka ao a gobošago mo go baabi (go bolelwa ka dinako tša tefelo, dinako tša go phetha tiro ...)

- Go tšwela pele ka go šoma le moabi yo e lego gore kgafetša kgafetša ga a fihlelele tšeo L’ORÉAL e di lebeletšego go tšwa go yena goba a sa hlomphe Melao ya Rena ya Boitshwaro, kudukudu ge go tla mo go Ditokelo tša Botho le/goba twantšhano le bomenetša

Naa go na le botho?

3.1 - Ke leka go hwetša moabi o mofsa wa diphahlo tša ka ofising. Wa mathomo yo ke mo hweditšego o aba tirelo e botse, eupša ka theko ya godimo. Wa bobedi ga a na tirelo e kaone, eupša o tšhiphile (kudukudu ka lebaka la gore o dirile phokoletšo e kgolo ka maikemišetšo a go thopa kgwebo ya L'ORÉAL). Naa nka botša moabi wa mathomo gore moabi wa bobedi o biditše bokae, gore re kgone go mo dira gore a iše tšhelete ya gagwe fase?

O ka no botša moabi wa mathomo o sa fane ka tshedimošo e ntši gore o hweditše theko e kaone go gongwe, eupša ntle le go ribolla leina le theko tša moabi wa bobedi. Goba, o tla be o e fa moabi wa mathomo tshedimošo ya sephiri ka ga mophadišani wa gagwe, gomme seo ga se maitshwaro a mabotse, gomme mo dinageng di le dintši se se kgahlanong le molao.

3.2 - Ke hweditše moabi o mokaone kudu eupša o sa tšwa go thoma kgwebo ya gagwe gomme gabjale L'ORÉAL ke kliente ya gagwe e nnoši. Naa nka mo šomiša?

Ee. Ga go na le lebaka la go se thuše moabi yo go thoma kgwebo ya gagwe. Le ge go le bjalo, o swanetše go mo fa konteraka ya nakwana gomme o botše moabi yo gore o lebeletšwe gore a ikhweletše bareki ba bangwe pele ga nako nngwe yeo e itšego. Ge e le gore o tloga a na le bokgoni, se ga se sa swanelwa go ba bothata. Gomme mo bofelong bja kontraka ya gago, ge e le gore ga se a dira bjalo o swanetše go nagana ka go fetoša baabi.

Kamano ya L'ORÉAL le baabi ba yona e feta go reka le go tliša diphahlo le ditirelo. Ke karolo ya katlego ya lebaka le letelele ka khamphaning ya rena. Re tla bonwa ka maemo a dikamano tše re nago le tšona le baabi ba rena. Botsebotse, re tla hlahlobja ka ga ka moo re kgethago baabi ba rena, le ka ga ka moo ba bontšhago boikgafo bja bona bja go dira kgwebo ka maikarabelo.Re ikgantšha ka seriti s arena sa go šoma le baabi b arena ka tsela ya thekgano le ya go hloka sephiri. Dikamano tše di theilwe go molawana wa go se tšeye lehlakore, botshephegi le potego ebile re hlompha boikemo bja bona le boitšhupo bja bona. L'ORÉAL e ka se šomiše bošaedi maemo a yona a mmarakeng go hwetšwa go ratwa ke batho.

KGETHO YA MOABI

LE TSHWARO YE LEKANETŠEGO YA BAABI

Bjalo ka kgwebo


15

3.3 - Motho o mongwe o mpoditše sephiring gore o mongwe wa baabi ba rena ba moše wa mawatle o a nyakišišwa go latela dikgonenelo tša gore o dirile kgapeletšo ya gore bašomi ba šome. Moabi ga se a mpotša ka ga se, gomme diketelong tša peleng tša lefelong go be go se na le ngongorego ye e bonaganago. Naa ke swanetše go hlokomologa mabarebare a?

Aowa. O swanetše go nyakišiša, o thome ka go kgopela moabo yoo tshedimošo. Ge e le gore go na le se sengwe seo o se belaelago, bona gore o di akaretše ka gare ga laneneo la L'ORÉAL la Dinyakišišo tša Setšhaba, tšeo di akaretšago go romela monyakišiši wa ka ntle go tiišetša mabaka ao a mabapi le ditiro tša go thwala bašomi, maemo a mošomo le ditaba tše dingwe. Ge tekolo e ka ribolla kgonagalo ya kaonafatšo, re tla tsebiša moabi gomme ra dira gore a dumellame le leano la tiro ya phošollo. Eng, ge go ka ba le kgetsi ya go hloka tatelano go go nabilego ga maemo a rena go e lego gore re a tshepha gore go ka se lokišwe semetseng goba ge e le gore moabi ga a kaonafale gona re swanetše go fediša kamano yeo.

BAKENG SA TSHEDIMOŠO YE NNGWE GAPE: ka kgopelo bala “Ka Mokgwa woo re Rekago ka Gona” le “Baabi / Baneelwakontraka le Tirišo ya Bana”.

Ke mang yo o ka ikgokaganyago naye: Ge e le gore o tshwenyegile ka ga go kgethwa le go tshwarwa ga baabi, o se swarelele se go wena. Bolela le molaodi wa gago, Molaodi wa gago wa tša Thekišo Molaodi wa gago wa Ditirelo tša Bašomi goba Mmegi gago wa tša Boitshwaro, ba tla kgonago go go thuša le go go thekga (bona gape kgaolo ka ga “ke na le seo se ntshwenyago: Bolela ka Tokologo”).

16

Re hlompha bakgathatema ka moka mošomong wa rena wa sephrofešenale, go akaretša baphadišani. Re ba swara ka tsela yeo re nyakago ba re swara ka yona. Maemo a rena bjalo ka baetapele ka inthastering ya dikhosemethiki a maatlafatša mošomo wa rena go bea mohlala o mokaone ka mo intastering ye. Ke kgahlego ya rena go šoma ka intastering yeo moo ditiro tša kgwebo di nago le serithi. Go dira gore mošomo wa rena o be bonolo le go maatlafatša tshepho ya bereki ba rena. Go fana ka mohuta ofe goba ofe wa tshedimošo wa go swana le go bea ditheko, ditshenyagalelo goba go maano a dithekišo le baphegišani go ka feleletša ka go tšwelela, ga go beela ga theko peleng, karoganyo go ya ka mellwane goba mehuta e mengwe ya ditaolo tša maikemišetšo le go senya mmaraka wa mang le mang. Mo dinageng tše dintši, ba na le melao yeo e sa fapogego mo tikologong ye yeo re swanetšego go e lemoga gape le go e latela.

Bjalo ka kgwebo

Re swanetše

+ Tsebagatše ka pele go ba taolo ya mešomo ya rena ge e le gore re amogetše goba go šomiša tshedimošo ka ga mong wa selo goba ka ga tshedimošo ya sephiri ya go amana le baphadišani le go ba ya bona fela ka semolao goba ya batho ba bangwe ba boraro

+ Re tlogele go tšea magato ka tsebo go thibela mothopo wa kabo wa mophadišani goba mafelo a phatlalatšo a kgwebo

+ Re se ke ra dumelela batho bao ba sa tšwago go thwalwa L'ORÉAL go fa tshedimošo ya sephiri ka ga baphadišani bao ba bego ba ba šomela

+ Efoge go dira ditshwayatshwayo ka moka tše di sego tša loka tša go amana le baphadišani (go akaretšwa dipolelo tša maka mabapi le ditšweletšwa tša bona goba ditirelo)


- Re efoge go kgokagana le baphadišani moo e lego gore tshedimošo ya sephiri e a ahlaahlwa

- Re efoge go akaretša bareki goba baabi go tshela dikonteraka le baabi

- Re hlome dikgwebišabo tše di sego tša mang le mang (ke gore dikonteraka tšeo di nyakago gore khamphani e reke goba e rekišetše fela L'ORÉAL) ka ntle le keletšo ya peleng ya semolao

- Kgoboketše tshedimošo ya phadišano ka tsela ya go se be molaong le/goba go šitega go itšhupa ka go hlaka bjalo ka bašomi ba L'ORÉAL ge re kgoboketša tshedimošo ya mohuta woo

- Re gapeletše dikonteraka tšeo di kopantšwego goba di kgoboketšago mmogo ditšweletšwa tša go fapafapana goba ditirelo (go fa mohlala tšeo di nyakago gore moreki yo a nyakago setšweletšwa se tee go reka setšweletšwa sa bobedi seo se “kgobokeditšwego” gape) goba go dumelela dipušetšo tša ditšhelete ka ntle le tumelelo ya peleng ya semolao

- Re huetše pholisi ya go bea ditheko go ditlelaente tša rena

Naa go na le botho?

4.1 - Ke kopane le o mongwe wa baemedi ba baphadišani ba rena ka pontšho ya dithekišomo nakong ye e sa tšwago go feta. Ge re enwa dino ka pareng, o boletše gore khamphani ya gago e kgauswi le go diragatša kokešo ya theko go ditšweletšwa tše mmalwa tše bohlokwa. Se ke bohlodi bjo bohlokwa kudu! Naa ke swanetše go e botša mang gore re kgone go šomiša monyetla wo kabotlalo?

Ga re fane ka goba ra neelana ka tshedimošo ya ditiro tša kgwebo le baphadišani ba rena. Se se akaretša melawana ya go bea ditheko, diphokoletšo, dikwalakwatšo, ditseno tša thekišo, ditiišetšo le maemo a thekišo. Ge mophadišani a ithaopa go ba tshedimošo yeo, o swanetše go dira poledišan yeo sephiri eupša ka bjako, o tsebiše ba taolo ya mošomo wa gago le ba Lefapha la Semolao. O swanetše gape o se ke wa abelana tshedimošo ye le motho yo mongwe gape. Le ge neelano e ka dirwa ntle le molato, e ka bonagala e le taolo ya theko ya peleng goba goba go šitiša maikemišetšo ao a kgokgoetšo yeo ya kgwebo ao e tla bago maitshwaro a go se loke gomme, ka dinageng tše ntši, a tla se be molaong.

4.2 - L'ORÉAL ke leloko la Mokgatlo wa Bosetšhaba wa Diphrofešenale tša Dikhosmethiki gomme ke nna moemedi wa L'ORÉAL wa Komiti ya tša Kgwebo. Ka morago ga kopano e nngwe ya kgwedi le kgwedi ya Komiti ye, o mongwe wa bašomammogo ba ka, moemedi wa mophadišani yo a tsebegago kudu, o šišintše gore maloko a Komiti a kopane ka resturenteng go maatlafatša dikgokagano tša rena le go boledišano mo “go sego ga semmušo”. Naa ke swanetše go dira eng?

O seke wa amogela taletšo yeo, gomme o tsebiše ba Lefapha la gago la Molao. Re tlamega go lemošo ba Mokgahlo ka ga dikopano tše bjalo tša “go sego ga semmušo”. Gopola gore go ikgokaganya le baphadišani go swanetše go dula go se ga mehleng gomme go be fela ga dihlogo tša ditaba tšeo di sego tše di ikgethilego, tšeo di sego tša sephiri le tšeo di sego tša maano. O swanetše go efoga kudu go kopana le baphadišani le ge e ka ba go ya meletlong ya setšhaba le bona. Ge nakong ya kopano ye e “dumeletšwego” ya semmušo le baphadišani, wa lemoga gore ditaba tša sephiri di kgauswi le go ahlaahlwa, o no tšwa ka kopanong yeo gomme o ngwale lebaka la go tšwa ka moo kopanong yeo ka metsotsong.

PHADIŠANO

YEO E LEKANETŠEGO


17

4.3 - Ke hweditše gore o mongwe wa baphadišani ba rena ba bagolo o tla be a tsebagatša setšweletšwa se sefsa ka bjako seo se ka amago maano a dithekišo tša rena kudu le dipapatšo. Re tloga re swanetše go tseba kudu ka ga se, go ka ba bjang goba bjang. Ka lebaka la gore se se bohlokwa, naa re ka thwala motho o mongwe go šomana le ditšhila tše tša bona ge re ntše re nyaka modu wa maano a a bona a go tsebagatša semmušo?

Aowa. A ke maitshwaro a go se loke ka botlalo, ao a ka senyago serithi sa rena. L'OREAL e ka se tsoge e bile karolo ya ditiro tša mohuta woo. Re tla kgoboketša fela tshedimošo ya phadišano ka ditsela tše di lego molaong. Ditsela tšeo di akaretša go sekaseka ditšweletšwa tša baphadišani ba rena le go šomiša dinolofatši tše di hwetšagalago setšhabeng, tša go swana le dipampišana tša kwalakwatšo, dipego tša ngwaga le ngwaga, dipontšho tša baphadišani ba rena dipontšhong tša kgwebo, le tshedimošo ya kakaretšo ya intasteri yeo e sa tsebagatšego tshedimošo ya khamphani fela- tshedimošo ye itšego.

4.4 - Ge ke etela tlelaente, e mphile tshedimošo ka ga ditheko tše di šišintšwego tša baphadišani ba ka ga mmogo le maano a bona a tsebagatšo. Naa nka tšwela pele go mmotšiša ka ga peakanyetšo ya ka gare ga mabenkele bakeng sa ditsebagatšo tše?

Ga o a swanela go kgoboketša tshedimošo yeo e lego gore ga se ya ditsebe tša bohle (ditheko, tsebagatšo ya ditšweletšwa, kabelo ya mmaraka, kabotekanyetšo ya tšhelete ya papatšo, bj.bj.) ka ga baphadišane le rena e ka no ba thwii go tšwa go baphadiišani goba ka lehlakore, re ka no re ka ditlelaente tša rena. Go dira bjalo go bea bobedi L’ORÉAL le tlelaente kotsing.

4.5 - Dikgwedi tše tshela tše di fetilego, ke thwetše motho yo mongwe yoo a bego a šomela mophadišani. Ge a sa le moo, o hweditše bokgoni bjo bogolo bja go dira dinyakišišo mo lefapheng le bohlokwa go rena. Ka nnete, maitemogelo ao ke selo se bohlokwa seo se dirilego gore ke mo thwale. Go molaleng gore ke hlokometše kudu gore ga a fetiše tshedimošo e bohlokwa ya sephiri go rena, eupša go na le mollwane wa nako, morago ga moo a tla go re fa tsebo ya gagwe ka tokologo? Go sego bjale, re tla be fetišiša taba ye ya sephiri kudu, naa go tla be go se bjalo?

Aowa. Ga go na le nako ya mollwane ya go šireletša tsedimošo ya sephiri. Motho yo o mo thwetšego o be a swanetše go ba a thwetšwe ka baka la bokgoni bja gagwe, e sego ka baka la mošomo wa peleng wo a o diretšego mophadišani wa rena. Gape go ka maleba go mo fetisetša lefapheng le lengwe ka go fapana, moo a ka se bego ka fase ga kgatelelo ya go fetiša goba go duma go fetiša tshedimošo ya sephiri.

BAKENG SA TSHEDIMOŠO YE NNGWE GAPE:ka kgopela bala “Tsela yeo re phegišanago”.

Ke mang yo o ka ikgokaganyago naye: Ge e le gore go na le seo se go tshwenyago ka ga phegišano, se ke wa homola. Bolela le molaodi wa gago, Molaodi wa gago wa tša Semolao, Molaodi wa gago wa Ditirelo tša Bašomi goba Mmegi gago wa tša Boitshwaro, ba tla kgonago go go thuša le go go thekga (bona gape kgaolo ka ga “Ke na le seo se ntshwenyago: Bolela ka Tokologo”).

18

Bjale ka moetapele mo mmarakeng wa tša boipotsefatšo, re swanetše re bee šedi e kgolo mo dikgohlanong tša dikgahlego. Ka moka ga rena re swanetše go efoga maemo ao dikgahlego tša rena di ka se kwanego le dikgahlego tša L'ORÉAL.Gape go tšwelela ga go se kwane ga dikgahlego go ka senya serithi sa L'ORÉAL - gammogo le sa rena. Selo se bohlokwa sa go rarolla go se kwane ga dikgahlego goba ntwa yeo e ka bago gona ke go tsebagatša dinnete tšohle. Seo se dumelela gore se sengwe le se sengwe se hlahlobje gabotse.

Re swanetše

+ Tsebagatša go ba bolaodi bja rena ge o ka ba le kgonagalo ya kgohlano ya dikgahlego yeo e lego gore e ka huetša goba ya bonala e ka huetša kahlolo ya rena goba ditiro (mohlala, mo leloko la lapa la gago e thwetšwego ke moabi) goba ge re swere maemo afe goba afe, go kgatha tema goba le setseka sa ditšhelete mo mokgahlong ofe goba ofe woo e lego mophadišani, modiriši, moabi goba modirišani kgwebong ya L’ORÉAL, ge boemo bja rena mo L’ORÉAL bo re dumelela go ka huetša kamano yeo ya kgwebo


- Fihla tshedimošo efe goba efe ka ga kgohlano ya dikgahlego

Naa go na le botho?

5.1 - O mongwe wa bašomammogo ba ka o na le motswala wa gagwe yo a sa tšwago go šoma le rena, gomme mogwera wa ka wa sekolong o sa tšwa go thoma go šoma le nna. Ke tshwenywa gannyane ke gore batho ba ka nagana gore go ka ba go na le go se kwane ga dikgahlego mo. Naa melawana ye e ama fela ba leloko ba kgauswi – goba naa e tla karetša tše, gape?

Karabo e bonolo kudu: ge e le gore kamano e tla ba yeo e lego gore e tla huetša go se tšeye lehlakore ga gago, gona o swanetše go diragatša molawana wo gomme o kgopele tlhahlo. Taba ya gore o mongwe wa leloko la lapa goba mogwera o šetše a šomela L'ORÉAL ga e na le seabe go maswanedi a gagwe bjalo ka motho yo a nyakago mošomo Khamphaning. Eupša maitekelo ka moka a swanetše go dirwa go netefatša gore meputso le tekolo ya tiro ya mošomo di dirwa ke motho yo a ikemego, gomme maemo a a hlokomelwa kgafetšakgafetša go netefatša gore go ba le go se tšeye lehlakore le gore go ba le toka go bohle.

5.2 - Ke kgahlilwe ke maemo a mošomo go tšwa go moabi wa L'ORÉAL, gomme bjalo ka lebaka le ke nyaka go beeletša khamphaning. Naa go na le go se kwane ga dikgahlego mo?

Le ge e le gore go kgatha tema ga gago go ka ba ga ditšhelete fela, go ka no ba le go se kwane ga dikgahlego go eya ka maemo a gago ka L'ORÉAL, khuetšo ya gago ya mabapi le diphetho tša go reka, tšhelete ya peeletšo ya gago le bohlokwa

bja L'ORÉAL bjalo ka moreki go khamphani yeo e amegago. Tsela e tee fela ya go hwetša ge eba go a amogelega ke go tsebagatša se go ba taolo ba gago gomme le ahlaahle taba ye ka tokologo.

5.3 - Morwa wa ka o na le hotele ya kgauswi e botse kudu, gomme dikhamphani tše ntši di e šomiša go ja matena le go direla meletlo. E ka ba kgetho ye e lego molaleng go mokete wa rena. Ka lebaka la gore e beile ditefišo tša fase ge e bapetšwa le tše dingwe gape le maemo a yona, naa go na le lepheko le itšego go nna go dira dipeeletšo tše?

Ka lebaka la tšhelete e kaone ye e beilwego le go tsebega ga lefelo, go ka amogelega kudu gore Khamphani e beakanye meletlo moo. Le ge go le bjale, go ka se be maleba go wena go ba le seabe ka mo gare ga taba ye, ka ge go le molaleng gore go na le go se kwane ga dikgahlego mo. Mo mabakeng a ge leloko la lapa le šoma go moabi wa bjale go yo a sa tlogo thwalwa goba go mogwebišani o mongwe wa kgwebo, o swanetše go tsebagatša taba ye go molaodi wa mošomo wa gago. Gomme o tla kgona go tšea magato a maleba go efeoga go ipea maemong ao a sego a makaone.

5.4 - Nakong ya ge ke sa dire selo, ke nna Motlatšamopresidente wa Mokgatlo wa Bosetšhaba wa Bareki. Ke swere mošomo wo mengwaga e mentši. Bjale gonabjale ke kwele gore Mokgatlo o nyaka go tliša diphetogo ka molaong tšeo di ka tlišago mathata go L'ORÉAL. Naa ke swanetše go dira eng?

L'ORÉAL e hlompha sephiri sa bašomi ebile e rata ge bašomi ba e ba le seabe setšhabeng ka mekgatlo goba ka dithušo tša batho ba go se kgone go itirela. Le ge go le bjalo, o swanetše go tsebagatša boleloko bja gago bja mekgatlo yeo goba go kgatha tema ka moo mekgatlong yeo go ba taolo ya mošomo wa gago ge o ikwa gore go na le go se kwane ga dikgahlego, goba go kgonega ga go se kwane, le dikgahlego tša L’ORÉAL. Molaodi wa gago goba Molaodi wa Ditirelo tša bašomi o tla kgona go go hlahla ka ga magato a maleba. Mo lebakeng le, o swanetše go tsebiša bašomammogo ba gago ka Mokgatlong le go ikgogela morago mo go kgatheng tema gofe goba gofe la go leka go hwetša dikgetho.

Bjalo ka kgwebo

DIKGOHLANO

TŠA DIKGAHLEGO


19

5.5. - Mosadi wa ka o šomela e nngwe ya baphadišani ba L'ORÉAL. Ga re bolele ka ga mošomo ka gae, e bile ga ke bone go ama Khamphani gore mosadi wa ka o dira eng bophelong bja gagwe bja profešenale. Eupša ba bangwe ba bašomimmgo ba ka ba šišintše gore ke maemong ao a sego a loka. Bjale, naa ke swanetše go dira eng?

Se se ka tliša go bonagala ga go se kwane ga dikgahlego. Go itšhireletša le go širetša Khamphani, O swanetše go tsebiša ba taolo goba Molaodi wa gago wa Ditirelo tša Bašomi taba ye. Tlaleletšong godimo ga se, wena le mosadi wa gago le swanetše go gomme le tšeeng magato a go netefatša gore tshedimošo ya sephiri le ya mong ya dikhamphani ka bobedi e a šireletšwa.

5.6 - Leloko la sehlopha sa ka le ratana le mošomedi wa ka tlasana ga lona sebakana sa dikgwedi tše mmalwa tše di sa tšwago go feta. Ba be ba e dirile sephiring mošomong, eupša batho mafelelong ba ile ba kgona go tseba se. Ga se ka swanela go tseba ka yona semmušo. Se se thomile mehuta yohle ya lesebo. Gabotse, ke lebeletše ka tlhokomelo kudu go bona gore ga go na le tiro ya go tšea lehlakore - bjale ge ba ka arogana gomme gwa se sa ba bose? Naa ke swanetše go dira se sengwe ka ga yona - bjale ge go le bjalo, eng?

A ke maemo a sephiri ao a nyakago tlhokomelo kudu. Rena mo L'ORÉAL, re hlompha maphelo a sephiri a bašomi, gomme bjale ga re hloke goba ga re nyake go tseba ka ga dikamano tša bona tša marato. E feela, re tloga re na le kgahlego ya mannete mo kamanong ya bona ya seporofešenale, se se ra gore ge yo mongwe a begela go yo mongwe go ba a le boemong bja taolo goba a na le taolo godimo ga yo mongwe. Maemo ao o a hlalošago ga se a maleba ka lebaka la gore go na le go se kwane ga dikgahlego. Molaodi a ka se lebelelwe gore a ka ahlola motho yo a lego ka fase ga gagwe gabotse ntle le go tšeye lehlakore gee le gore ba a ratana. O swanetše go ikgokaganya le Molaodi wa gago wa Ditirelo tša Bašomi gore le kgone go tseba gore taba ye e ka rarollwa bjang. Ka tlwaelo, o mongwe wa bašomi o swanetše go fetoša mešomo, gomme re tla netefatša gore se se tla fihlelelwa gabotse eupša e dirilwe sephiri. Go eya ka mabaka le maemo, gape go ka no ba le taba ya tlwaiša ya tša thobalano.

5.7 - Naa Mošomedi wa L’ORÉAL a ka nna a ba le poloko bja tša bobotse?

Go bonala go le boima go mošomedi wa L’ORÉAL go ka kgatha tema mo mohuteng wo wa poloko ka ge a ka se kgone go ka bolela gampe ka ga ditšweletšwa tša rena ka mabaka a potego, goba ditšweletšwa tša bao ba lego kgahlanong le rena ka ge seo se tla bonwa e se sa lekanela. Dipoloko tše di bontšha kgogedi ge fela di bontšha dikgopolo tša mannete tša moreki. Ga se ra swanela gore re itlogele re bulegile moo e le gore re ka bolelwago gampe goba ra latofatšwa ka go huetša ngangišano goba go se be pepeneneng.

BAKENG SA TSHEDIMOŠO YE NNGWE GAPE:ka kgopelo bala ka tlhokomelo pholisi ka ga “Go thwalwa ga Ba Lapa le Bagwera”.

Ke mang yo o ka ikgokaganyago naye: Ge e le gore go na le seo se go tshwenyago ka ga kgohlano ya dikgahlego, se ke wa homola. Bolela le molaodi wa gago, Molaodi wa gago wa Ditirelo tša Bašomi goba Mmegi gago wa tša Boitshwaro, ba tla kgonago go go thuša le go go thekga (bona gape kgaolo ka ga “Ke na le seo se ntshwenyago: Bolela ka Tokologo”).

20

Go fana ka dimpho le boithabišo go ka thuša go aga kwešišo le go kaonafatša dikamano mošomong, eupša gape di ka hlola go se kwane ga dikgahlego magareng ga kgahlego ya motho le mošomo wa gagwe wa sephrofešenale. Ge o amogela goba o fana ka dimpho goba boithabišo, “melawana e bohlokwa” ke go ribolla ka botlalo go ba bolaodi bja gago, go ba mo magomong ao a kwešišegago le go ipotšiša ka mehla gore naa seo se tla bonwa se le bjang ke setšhaba ka kakaretšo.

Re swanetše

+ Netefatše gore dimpho ka moka le boithabišo di loketše ebile di sepelelana le mekgwa ya L'ORÉAL Melao ya Boitshwaro

+ Netefatša gore ge re hlama segwera se sefsa sa kgwebo, batho ka moka bao ba amegago ba tseba semeetseng ka ga ditlhahlo tša L'ORÉAL ka ga dimpho le boithabišo. Ka morago, ba tsebe ka ga molawana wa rena wa modirišani wa rena wa tša kgwebo ka ga ditaba tše. Se se ka kgona go efoga go se kwešišane gofe goba gofe

+ Tsebiša ba taolo ka bjako ka ga mpho goba taletšo efe goba efe ye re e amogetšego gomme, ge go hlokega, go hlomphiwe ditshepetšo tša ka gare tša go ribolla


- Amogele dimpho goba boithabišo ka ntle le ge di na le boleng bja seka

- Amogele goba go fana ka dimpho tša tšhelete seatleng

Naa go na le botho?

6.1 - Naa nka fa moreki wa L'ORÉAL dithekete tša go ya khonsateng yeo nka se kgonego go ya go yona?

Motho o mongwe wa go tšwa L'ORÉAL o swanetše go ba gona gore a kgone go dira kgwebo le bareki bjalo ka karolo ya go tšwela ntle moo. Molawana wona wo o diragala gape ge re amogela boithabišo go moabi. Go dumelelwa fela ge boithabišo bo kwagala, bo le bja ka mehla le bja tlwaelo go kamano ya gago ya tša kgwebo, gomme moabi a le gona.

6.2 - Re sa tšwa go fetša kgwebišano e bohlokwa le moreki o mofsa. Molaodi wa ka wa Thekišo o šišintše gore re mo iše klubong go keteka tiragalo. Ke be ke naganne gore se ke kgopolo e botse - go fihlela re hwetša gore ye ke klub ya go tantshetša diropeng! Ke ikwa ke sa lokologe ka ga go fa mohuta o wa boithabišo. Naa ke šia kudu?

Boithabišo bjo bo fiwago bareki ga se bja swanelwa fela go kwagala eupša bo swanetše go amogelega. Tlelapo ya mohuta wo ga e tlo se kwane fela le MOYA wa L'ORÉAL, eupša e tla dira gore moreki a se kolokoge kudu, ebile re sa bolele ka ga leloko la sehlopha sa lena sa dithekišo yo a bonago mohuta o wa “boithabišo” o sa kwale. O swanetše go hlohleletša Molaodi wa gago wa Dithekišo go hwetša kgetho e nngwe ya maleba. Mo nakong ye e tlago, seo se tla bonagala gabotse Khamphaning.

6.3 - Gore a kgone go rekiša ditšweletšwa tšeo di onetšego, moabi o sa tšwa go mpha theošetšo ya theko go nna ya 15%. Naa ke e amogele?

Ntle le mo mabakeng ao a kgethegilego moo e lego gore go kwanwa ka diphokoletšo le baabi ba L’ORÉAL, o swanetše go tsebiša bolaodi bja gago ka ga phokoletšo efe goba efe yeo e abjago le moabi.

6.4 - Bjalo ka karolo ya mošomo wa ka, ke beakanya dikopano tše ntši tša kgwebo, maeto le dikopano tše kgolo. Bjale hotele yeo ke beelatšago diphaphoši tša go robalela tša bašomi ba L'ORÉAL e mphile mpho ya mafelo a beke ya segopotšo sa lenyalo la batswadi ba ka. Ke taba e botse kudu. Naa ke e amogele?

Aowa. Le ge e le gore ga o tlo holega ka mpho yeo, go amogela mpho yeo go dira gore go be boima go se tšeye lehlakore ge o tlo beakanya marobalo a hotele ka moso a bašomi ba L'ORÉAL. Le gona go bonagala ga go se kwane ga dikgahlego ga se gwa loka gomme go swanetše go efogwa ka go gana mpho yeo gaboleta, o ba hlalošetša gabotse gore ke ka lebaka la eng o dira bjalo.

6.5 - Moabi o sa tšwa go mpha hamphara e kgolo ya ditšweletšwa tša gagwe. Ke a tseba gore ga se ya mmitša ga kaalo. A naa nka - goba ke swanetše - ke e amogele?

O swanetše go leboga moabi ka go rata go fa ga gagwe, gomme o gane mpho yeo gaboleta. O swanetše go amogela dimpho le ditaletšo ge e le gore di na le boleng bja seka. Go fa mohlala, Ditšweletšwa tšeo di nago le lloko ya khamphani ya moabi goba mapokisi a ditšhokolete a lokile. Ge o gopola gore e tla senya kamano le yen age o gana, nyaka keletšo go taolo ya gago go hwetša tsela ya maleba ya go šoma ka mpho yeo.

Bjalo ka kgwebo

DIMPHO

LE BOITHABIŠO


21

6.6 - Ke gare ke rerišana ka ga koketšo ya sekgoba sa rena mo šelefong le moreki. Motho yo ke ikgokaganyago naye o gana go lebelela tšhišinyo ya ka, o re baphagišani ka nna ba “thabela” go šoma naye. Ke bona o kare o nyaka ke mo fe mphonyana e fela ga se a nkgopela gore ke mo fe selo se itšeng.?

Tsebiša bolaodi bja gago ka ga kgononelo ya gago. Go ka no ba bohlokwa gore go bolelwe le bolaodi bja moreki wa gago ka gobane ga re tshepe gore ba hlohleletša mohuta woo wa boitshwaro go tšwa go bašomedi ba bona. Le ge go le bjalo, se gokege. Therišano yeo e lego gabotse le bareki e theilwe mo go khwalithi ya setšweletšwa sa rena le pholisi ya rena ya ditheko, e sego ka gore naa re kgona go fana ka dimpho ga kaakang go bašomedi ba bona.

BAKENG SA TSHEDIMOŠO YE NNGWE GAPE: ka kgopelo bala “Ka Mokgwa woo re Rekago ka Gona” le “Ka Mokgwa woo re Thibelago Bomenetša”, ga mmogo le pholisi ya selegae ya dimpho le boithabišo.

Ke mang yo o ka ikgokaganyago naye: Ge e le gore go na le seo se go tshwenyago ka ga dimpho le boithabišo, se ke wa homola. Bolela le molaodi wa gago, Molaodi wa gago wa Ditirelo tša Bašomi goba Mmegi gago wa tša Boitshwaro; ba tla kgonago go go thuša le go go thekga (bona gape kgaolo ka ga “Ke na le seo se ntshwenyago: Bolela ka Tokologo”).

22

Re dumela gore bomenetša ga bo a dumelega gape le gore ga bo sepelelane le MOYA wa L'ORÉAL. Ga go a loka bakeng sa ditšhaba tšeo re šomago go tšona, gape go senya leina la Khamphani. Bomenetša bo ileditšwe dinageng ka moka moo re lego ntshe, kudukudu moo baemedi ba ditheo tša setšhaba ba amegago. Re na le pholisi ya go se emele selo ge go tla mo bomenetšeng, yeo e akaretšago “ditefelo tša nolofatšo”. Dinaga tše dingwe di tloga di iletša “ditefelo tša go nolofatša ditirelo” Tše di hlalošwa bjalo ka ditefelo tšeo di šomišwago go hwetša goba go akgofiša ditiro tša mmušo tša semolao, tša go swana le go fa diphemiti goba go lokolla dithoto tše di swerwego ke batho ba metšhelo. Re swanetše

+ Kgonthišiša gore badirišani mmogo kgwebong le batsenagare ba tsebišitšwe ka maemo a rena le gore ba ikgafile gore ba tla a hlompha ge ba re emela mo nageng tšeo kgonagalo ya bomenetša e ka bago godimo kudu

+ Semetseng tsebiša molaodi wa gago goba Molaodi wa nageng ya geno goba, bakeng sa bašomedi ba Tirišano goba ba Karolo, leloko la Komiti Phethiši ya Sehlopha yeo o begago go yona ge ba lemoga tiro efe goba efe yeo e ka no bago kgahlanong le pholisi ya rena ya thibelo ya bomenetša.

+ Semetseng tsebiša molaodi wa gago goba Molaodi wa nageng ya geno goba, bakeng sa bašomedi ba Sekhoporeiti goba ba Karolo, leloko la Komiti Phethiši ya Sehlopha yeo o begago go yona ge e le gore re kgopelwa go lefa goba teko ya go kgopela gore o lefe, se se ra gore, tefelo ya tšhelete seatleng goba selo sefe goba sefe seo se nago le boleng gore re efoge tiro ye mpe ya semetseng go mošomedi wa L’ORÉAL goba moemedi gomme o ngwale ka go tsenelela tiragalo ye.


- Fana, tshepiša goba o fane ka tšhelete, go akaretša tefelo ya go nolofatša goba selo sefe goba sefe sa go ba le boleng (dimpho, boithabišo, bj.bj) go moemedi wa setheo sa setšhaba, mokgahlo wa dipooltiki goba radipolotiki, mokgahlo wa bašomedi goba motho yo e lego gore o a amega mo mekgatlong ya bašomi

- Fana, tshepiša goba o fane ka tšhelete goba sengwe sa go ba le boleng, go akaretša tefelo ya go nolofatša goba selo sefe goba sefe sa go ba le boleng (dimpho, boithabišo, bj.bj) go mokgahlo wa tlhokomelo ya tša leago goba mongwe woo o swanago maikemišetšo e le go bea L’OREAL pele ga baphadišani ge go tla mo go basetheo sa setšhaba goba mokgahlo wa dipolotiki goba mokgahlo wa bašomedi

- Fana, tshepiša goba o fane ka tšhelete, go akaretša tefelo ya go nolofatša goba selo sefe goba sefe sa go ba le boleng (dimpho, boithabišo, bj.bj) go mošomedi goba moemedi wa khamphani ye nngwe ge seo se ka lebiša gore e se sa botega go khamphani ya bona

- Amogela goba go nyakana le tšhelete goba selo sefe goba sefe sa go ba le boleng (dimpho, boithabišo, bj.bj) seo se ka dirago gore re se sa botega go L’ORÉAL goba re bonwe o kare re huetša kamano ya kgwebo

- O se ke wa ba wa diriša dikhamphani dingwe go dira sengwe seo e lego gore ga re a dumelelwa go se dira goba ga se ra itumelela gore rena re ka se dira thwii. Se se bolela gore re hloka go ba le šedi e kgolo ge re kgetha le go lebelela barerišani, bao re ba fago dikontraka ka thoko, diagente tša rena le badirišani ba rena kgwebong

Naa go na le botho?

7.1 - Ke botšitšwe gore ke swanetše go thwala 'modiredi' wa ka nageng gore a re nthuše go hwetša diphemiti ka moka tša maleba tšeo re di nyakago go tšwa go mmušo wa ka ntle. Morerišani wo o kgopetše tšhelete e ntši kudu ya go mo swarelela gomme are o tla diriša tšhelete ye gore “tshepedišo e kgone go šuthela pele”. Ka ge re sa tsebe gore naa tšhelete yeo e ya kae, naa re swanetše go tshwenyega ka yona?

Ee. Ge o belaela gore agente efe goba efe ga e šome ka mo go lego maleba, o seke wa lefa tšhelete yeo goba ditšhelete dingwe dife goba dife go fihlela o bona gore ga go ditefelo tše di sego maleba tšeo di lefilwego.

7.2 - Ke hloma ofisi e mpsha gomme ba taolo ya ka nageng ba kgopetše tšhelete e nnyane ya mpho pele ba ka re tsenyetša megala. Naa nka dira tefelo ye?

Aowa. Ge tefelo e se tšhelete ya tlhomo ye e lego molaong, o seke wa e lefa.

7.3 - Ke gare ka aba ditšweletšwa tša rena go tlelaente e mpsha. Morerišani yo a šomago le tlelaente o ikgokagantše le nna gomme a mpotša gore a ka nthuša ka go mpha tshedimošo ya sephiri ka ga tlelaente ye.

O swanetše go gana se gomme o tsebiše molaodi wa gago. Go ka nna gape gwa ba bohlokwa gore o botše tlelaente ya gago gore go na le mongwe yo a lekago go go rekišetša tshedimošo ya bona ya sephiri.

LETSOGO LE KOBONG

LE NOLOFATŠO YA DITEFELO

Bjalo ka kgwebo


23

BAKENG SA TSHEDIMOŠO YE NNGWE GAPE: ka kgopelo bala “Tsela yeo re Thibelago Bomenetša”.

Ke mang yo o ka ikgokaganyago naye: Ge e le gore go na le seo se go tshwenyago ka ga letsogo le kobong le ditefelo tša nolofatšo, se ke wa homola. Bolela le molaodi wa gago, Molaodi wa gago wa Taolo ya ka Gare, Molaodi wa gago wa tša Ditšhelete, Molaodi wa gago wa tša Semolao, Molaodi wa gago wa tša Theko, Molaodi wa gago wa Ditirelo tša Bašomi goba Mmegi wa gago wa tša Boitshwaro, ba tla kgona go go thuša le go go thekga (bona gape dikgaolo ka ga “Dimpho le Boithabišo” le “Ke na le seo se ntshwenyago: Bolela ka Tokologo”).

24

Tshedimošo e bohlokwa. Go tsebagatša go go sego molaong ga tshedimošo ya ka gare go ka lebiša go tobo ya boleng gomme se se ka ba kotsi kudu go L'ORÉAL. Ka moka re swanetše go netefatša tšhireletšo ya tshedimošo ya ka gare, ka go latela ntle le phapogo Melao ya Sehlopha mo tabeng ye. Bao re nago le phihlelelo ya tshedimošo ya sephiri yeo e lego ya badirišanimmogo ba kgwebo re sa le ka fase ga tlamego ye e swanago ya go e šireletša gore e se tsebagatšwe. Re swanetše

+ Fokotša tsebagatšo ya tshedimošo ya ka gare go batho ba go ba le hlokego “ya mannete ya go tseba” tšeo di sepelelanago le dikgahlego tša L'ORÉAL

+ Dira gore o phele o tseba ka ga melao ya Sehlopha ka ga taolo ya tshedimošo

+ Netefatša poloko gabotse ya direkhoto ka moka tša sephiri bašomi, badiriši, bareki le baabi, bobedi tša pampiri le tša seelektroniki

+ Pele ga ge o ka abelana tshedimošo ya ka gare le batho ba bangwe ka ntle ga L’ORÉAL (go akaretšwa le ona maloko a lapa goba ge re diriša diphatlalatši tša kgwerano), lekola pele gore re na le tokelo ya go bolela


- Boledišana goba šoma ka tshedimošo ya ka gare mo lefelong la bohle mo dipoledišano di ka kwewago goba data ya dirišwa ka tsela yeo e sego ya nepagala

- Wa fana ka tshedimošo ya mongmošomo wa peleng ya ka gare

- Swarelela tshedimošo efe goba efe ya ka gare go akaretšwa (dikhophi tšohle tša matheriale wa setlogo) ge o tlogela L’ORÉAL

Naa go na le botho?

8.1 - Bagwera ba ka gantši ba mpotšiša ka mošomo wa ka mo L’ORÉAL: ba tloga ba nyaka go tseba gore re hlakanya eng ka gare ga ditšweletšwa tša rena, le gore ke eng dilo tše mpsha tše re tlogo di utolla. Go molaleng, ke tseba dikarabo tše ntši kudu ka lebaka la mošomo wa ka - naa ke swanetše go ba botša go fihla kae?

Tshedimošo efe goba efe (ye e ngwadilwego, ya molomo goba yeo e lego ka sebopego sefe goba sefe) yeo e sa hwetšagalego setšhabeng yeo wena bjalo ka mošomedi wa L'ORÉAL o nago le phihlelelo ya yona, e swanetše go bonwa e le ya ya ka gare. Go tsebagatša tshedimo yeo, le go bagwera bao o ba tshephago, ga gwa ya loka. Go ka senya dikgahlego tša L'ORÉAL.

8.2 - Lehono re phela mo lefaseng leo go lona poledišano e lego bonolo le gona e se nago magomo mo hlanaphethong ye ya setitšithale. Se se tlhohla melawana ya khupamarama yeo e lego mo Khoutung ya rena ya Boitshwaro.

Ke nnete gore, mo lefaseng le la setitšithale, go netefatša khupamarama go dutše go ba boima, e fela go dutše go le bjalo go sa le bohlokwa. Re tshepa gore bohle re tla itlwaetša melao ya Sehlopa ka ga se, se se bolela gore tirišo yeo e nepagetšego ya diphatlalatši tša kgwerano le dithekenolotši tša tshedimošo le poledišano.

8.3 - Malobanyana mo, ke be ke iša yo e ka nna ya bago moreki kopanong. Ge re ntše re eya phaphošing ya kopano, re fetile ofisi ya mošomammogo. Lebati la gagwe le be le butšwe, gomme o be a boledišana le moreki o mongwe ka ga maemo a rena a go bea ditheko ka founeng ya sepikara. Ge re ntše re feta, re mo kwele a efa dikgwebišano tšeo di ikgethilego - ka moka dilo tše di kwele ke moreki wa ka! Botsebotse o swanetše gore a hlokomele?

Ka moka ga rena re hloka go tšea magato ao a nepagetšego go šireletša khupamarama ya tshedimošo, re ra le gona mo mošomong: mohlala, ka go latela pholisi ya “teseke yeo e hlwekilego”, re ra gore go beela difaele kua kgole, go fetoša mantšuphetiši kgafetša kgafetša, le gore ge re bolela ka difoune re diriša dipikara re hlokomele. O ka se tsebe gore ke mang yo a fetago, le mo gareng ga bašomi ba L’ORÉAL, tshedimošo ya sephiri ya kgwebo e swanetše go abelanwa maemong a go “nyaka go tseba “.

8.4 - Mošomammogo wa ka yo a tlogetšego L’ORÉAL o mpoditše gore o sa tšwa go lemoga gore o sa dutše a na le ditokumente tša ka gare tša L’ORÉAL kua gae. Ka maele afe ao nka mo fago ona?

Ge e le gore ditokumente tše ke dikhophi, mo kgopele gore a di fiše. Ge e le gore ke tša setlogo, di swanetšwe go romelwa go mošomedi wa L’ORÉAL yo a filwego tokelo ya go amogela tshedimošo e bjalo. Bolela le molaodi wa gago go netefatša gore magato ao a nepagetšego a a tšewa.

BAKENG SA TSHEDIMOŠO YE NNGWE GAPE: mo boitlamong bja rena bja khupamarama, ka kgopelo bala “Tsela yeo re Rekago ka Yona” ka ga kamano ya rena le baabi, le “Tsela yeo Re Phegišanago” ka ga kamano ya rena le baphegišani le ditlelaente.

Ke mang yo o ka ikgokaganyago naye: Ge e le gore go na le seo se go tshwenyago ka ga khupamarama, se ke wa homola. Bolela le molaodi wa gago, Molaodi wa gago wa Ditirelo tša Bašomi goba Mmegi gago wa tša Boitshwaro; ba tla kgonago go go thuša le go go thekga (bona gape kgaolo ka ga “Ke na le seo se ntshwenyago: Bolela ka Tokologo”).

Bjalo ka kgwebo

TSHEDIMOŠO

YA SEPHIRI


25

Re swanetše

+ Šome re na le kgahlego ya L'ORÉAL e kgolo ka dipelong tša rena

+ Bontšhe mekgwa ya L'ORÉAL ka maitshwaro a rena a sephrofešenale le polelo

+ Netefatše gore ga go na le kgakanego magareng ga maikutlo goba dikgahlego tša rena le tša Khamphani

+ Efoga go fana ka dikgopolo tša rena ka ga bašomammogo ba rena le lefelo la mošomo mo diwepsaeteng tša seprofešenale tša tšwetšopele (mohlala, LinkedIn)

+ Kamehla re itšhupe bjale ka bašomedi ba L’ORÉAL ge re diriša diphatlalatši tša kgwerano bjale ka karolo ya ditiragalo tša rena tša seprofešenale

+ Ka mehla re phele re gopola gore ga go na sa “sephiri” goba sa “poraebete” mo ithaneteng

+ Ka mehla netefatša gore poledišano efe goba efe ya setitšithale ka ga L’ORÉAL goba le lengwe la mainaratwa a yona e bile le nako ya gore e ka beakanywa botse


- Bolela goba go ngwala goba ra dira boikano bofe goba bofe mo legatong la L’ORÉAL ntle le ge re dumeletšwe ka tshwanelo

- Bolela goba go ngwala ka ga ditaba tšeo di lego ka ntle ga tsebo ya rena

- Diriša Mangwalohlogwana a L'ORÉAL goba diemeili go tšweletša maikutlo a gago goba bakeng sa kgwebo ya gago

Naa go na le botho?

9.1 - Ke etetše wepsaete ya mošomammogo wa ka gomme ka bona a tšweleditše maikutlo a gagwe ka ga taolo ya L'ORÉAL. Ga se a bolela gore ke yena mošomi wa L'ORÉAL, eupša go bile bonolo kudu go akanya ka tshedimošo yeo a bego a e file ya go swana le “Ke šomela khamphani ya go dira dikhosmethiki ya maemong a 1”! Naa ke swanetše ke bolele le yena ka ga se?

Dipoloko di thomile go ba tsela ya go itlhagiša ye e tsebegago. Ge ba kgatha tema ka diwepsaeteng tša batho, bašomi ba swanetše go netefatša gabotse gore ba tšweletša maikutlo a bona, le go hlokomela gore maikutlo ao ga a tšeiwe bjalo ka maikutlo a L'ORÉAL. O swanetše go tliša taba ye go mošomammogo wa gago pele, ka ge a ka no ba a sa lemoge gore ditiro tša gagwe di ka ba kgahlanong le dikgahlego tša L'ORÉAL. Ge go hlokega, o ka no tšea sephetho sa go ahlaahla taba ye le molaodi wa gago.

9.2 - Sehlopha sa rena se kgathile tema ka khonferentsheng yeo e nyakilego gore re robale gona gomme re je dijo tša mantšibua hoteleng ya moo re swaretšego khonferentshe gona. O mongwe wa sehlopha s arena o nwele go feta ka mo a bego a swanetše gomme a thoma go itshwara gampe, a bolela metlae ya botlaela gomme a šorofalela bašomi ba hotele. Naa ke swanetše go reng go yena ka ga maitshwaro a gagwe?

Le ge e le gore tiragalo yeo e diragetše bošego, leloko la sehlopha sa gago le be le sa le mošomong wa Khamphani. Go bao ba bego ba le kgauswi le yena, o be a emetše L'ORÉAL. Go molaleng gore maitshwaro a gagwe a be a sa amogelege.

9.3 - Ke be ke le khonferenseng ya boditšhabatšhaba, gomme ka nako ya dino tša kamogelo, ke be ke bolela le mokgathatema yo mongwe ka ga ditiro tša ka mo L'OREAL. Bošegong bjona bjoo, ka lemoga gore lekgarebe leo le bego le le ka lehlakoreng la rena e be e le mmega dikgang yo a tlo phatlalatšago tša khonferense. Le ge e le gore ga ke a ribolla dilo dife goba dife tšeo e lego tša sephiri kudu, nka se thabe ge mebolelwana ya ka e ka ba mo letlakaleng la pele.

Ge o le setšhabeng, ka mehla o swanetše go lemoga gore o boemong bja seprofešale goba bja segwera bja tlwaele moo mmegadikgang a lego gona, seo o se bolelago se ka no bušeletšwa. Ikgokaganye le Molaodi wa Dipoledišano yo a tla tsebago gore o swanetše go go eletša bjang.

9.4 - Ka dinako tše dingwe Inthanete e bonala e tletše ka tshedimošo ya maaka ka ga L'ORÉAL. Naa ga se maikarabelo a ka go e phošolla?

Aowa. Ge e le gore go na le tshedimošo yeo e fošagetšego yeo e lego gare e phatlalalago setšhabeng, o swanetše go tsebiša Lefapha la Dikamano le Setšhaba ka ga yona gomme ba tla tšea magato ge go nyakega. Eupša ga go mošomi yo a sego a dumelelwa yo a ka fetišago tshedimošo ya Khamphani goba maemo a Khamphani inthaneteng goba go gongwe.

9.5 - Ke la mathomo, ke ba gona kopanong ya mokgahlo wa thekišo. Ke magato afe ao ke swanetšego go a tšea go kgonthišiša gore ga go na kotsi go L’ORÉAL?

Lekola le Molaodi wa gago wa tša Semolao ka ga gore naa ke tshedimošo efe yeo go ka rerišanwago ka yona gomme o dire tlhahlo ya inthaneteng ka ga molao wa phegišano. O swanetše gape o bale “Tsela yeo Re Phegišanago” le “Tsela yeo re Thibelago Bomenetša”.

Ke mang yo o ka ikgokaganyago naye: Ge e le gore go na le seo se go tshwenyago ka ga go emela Khamphani, se ke wa homola. Bolela le molaodi wa gago, Molaodi wa gago wa Dikamano le Bašomi Molaodi wa gago wa Ditiro tša Bašomi goba Mmegi gago wa tša Boitshwaro, ba tla kgona go go thuša le go go thekga (bona gape kgaolo ka ga “ke na le seo se ntshwenyago: Bolela ka Tokologo”).

Serithi sa L'ORÉAL se ithekgile ka maitshwaro a o mongwe le o mongwe wa rena.

GO EMELA

KHAMPHANI

26

Ka moka ga rena re na le tokelo go sephiri.L'ORÉAL e ikgafile go hlompha sephiri sa tshedimošo ya baswarasetseka ka moka ba yona, go akaretšwa bašomedi, badiriši le badirišani mmogo kgwebong. Tshedimošo yeo e loketšo go šoma gabotse ga L'ORÉAL ka ge go hweditšwe le go tšwetšwapele ke Khamphani.

Re swanetše

+ Netefatša gore batho bao re kgoboketšago tshedimošo go tšwa go bona ba a tsebišwa ka ga monuta wa tshedimošo woo re o kgoboketšago, gore naa re akantše go dira bjang ka yona le gore naa ba ka ikgokaganya le rena bjang ge ba na le dipotšišo dife goba dife

+ Kgoboketša fela tshedimošo ka ga bobona yeo e hlokegago fela

+ Senya goba o phošolle data efe goba efe yeo e sego ya nepagala goba ya felelela

+ Netefatša gore tshedimošo e bjalo e bolokwa ka go šireletšega

+ Mo go L’ORÉAL, netefatša gore re fana fela ka data e bjalo go batho bao ba dumeletšwego, ka mokgwa wa ntle le phapogo wa “fela ge o hloka go tseba”

+ Nyaka maele a semolao pele ga ge o ka fetišetša tshedimošo e bjalo ka ntle ga naga yeo e kgobokeditšwego go yona

+ Hlompha tokelo ya sephiri ya bašomammogo ba rena

+ Netefatša gore ba ka ntle bao re ka fetišetšago mošomo wo wa kgoboketšo go bona ba latelana le molao wo.


- Kgoboketša tshedimošo yeo e “sa swanelwago go fetišetšwa pele” (e sepelelana kudu le boemo bja tša maphelo, gore naa o mohlobo ofe, o ithatela bong bofe, dikgopolo tša gago tša sepolotiki, le tša sedumedi) ntle le tumelo ya motho yoo goba ge fela molao o hloka gore o dire bjalo

- Fana ka tshedimošo ya motho go motho mongwe ka ntle ga L’ORÉAL, ntle le ge e le gore o a gapeletšega go ya ka molao go dira bjalo goba ge o diriša baaba tirelo ba setheknikhale goba ka tumelelo ya motho

- Swara tshedimošo ye lebaka le letelele go feta ka moo go swanetšego go fihlelela lebaka la semolao le la kgwebo leo e nyaketšwego lona

- Fihlelela goba go boloka tshedimošo ya sephiri, ka ntle le ge re na le tumelelo ya maleba le tlhokego yeo e hlakilego ya kgwebo ya go nyaka tshedimošo yeo

Naa go na le botho?

10.1 - Ke ka lebaka la eng L’ORÉAL e hloka go fihlelela tshedimošo ya gago?

L’ORÉAL e hloka go kgoboketša le go diriša tshedimošo ya gago gore e kgone go fihelela dinyakwa tše itšeng tša bašomedi ba yona, bareki le baswarasetseka. Mohlala, re diriša diaterese tša emeile go romela bareki le baswarasetseka goba bašišinywa tshedimošo yeo ba e hlokago. Gape re kgoboketša tshedimošo mo mabakeng a tša thekišo go swana le ge go na le matengwa a diphadišano goba bakeng sa didatapeise tša CRM. Re hloka tshedimošo ka ga bašomedi ba rena gore re tle re kgone go laola megolo le kgolo ya bona mošomong goba ka mabaka a semolao goba a polokego. Re swanetše re kgoboketše tshedimošo ye ge re tšea sephetho sa go šoma le moreki goba moabi o moswa. Sa bofelo, re kgoboketša tshedimošo ya gago mo nakong ya dinyakišišo ka ga bareki goba mo ditheong tša rena tša tshekatsheko.

10.2 - Mo nakong ya leeto la seprofešenale, mokotla waka wo o nago le senotlolo sa USB ya goba le tshedimošo ka ga bareki o ile wa utswiwa. Ka bomadimabe, se be se se sa raragantšhwa, e fela ga ke bone gore naa “lehodu” le ka dira eng ka tshedimošo yeo.

Tobo ya tshedimošo ya batho e ka lebiša go tšeweng ga magato a semolao, ya senya leina la L’ORÉAL gomme ya ama gampe bao tshedimošo ya bona e lobilwego. Go utswiwa ga boitšhupi bjo theilwego mo tshedimošong ya motho yeo e lobilwego ka tsela ye go thomile go tlwaelega. Ka go realo, go bohlokwa gore o hlomphe melao ya ka gare le ditshepetšo ka ga tharagantšho ya data. Mo go kgonegago, dira gore tshedimošo ya batho e se bolele maina goba o diriše dikhoutu.

10.3 - Bakeng sa dinyakišišo tša tshekatsheko, re na le tshedimošo ka ga baithaopi ba rena. Tshedimošo e itšeng e ka kgahla dikhamphani tše itšeng tšeo di itokišeditšego go e reka. Naa re na le tokelo ya go e rekiša?

Mo L’ORÉAL, re ithaopile gore re tla šireletša tshedimošo ya batho yeo re e kgoboketšago bjale ka karolo ya ditiragalo tša rena. Ga go bonolo go diriša tshedimošo e bjalo ka ntle ga go tsebiša batho bao ba amegago goba ntle le tumelelo yeo e ngwetšwego fase.

Bjalo ka kgwebo

SEPHIRI

LE TŠHIRELETŠO YA DATA


27

10.4 - Ke swanetše go fetišetša tshedimošo ka ga bareki go agente nageng ye nngwe. Ke swanetše go botšiša mang go hwetša maele.

Se se kaone go ka se dira ke go ikgokaganya le Molaodi wa tša Semolao wa gago. Melao e fapana kudu go tloga nageng ye go ya go yela. Kudukudu, ga re a swanela go fetišetša tshedimošo ya motho go batho ba bangwe ntle le go netefatša gore ba saenne boitlamo bja go hlompha maemo a rena a go šireletša tshedimošo ya batho.

10.5 - Lefapha la rena la Bareki le hwedotše emeile go tšwa go moreki yo a nyakago go tseba gore naa ke tshedimošo efe ya gagwe yeo re nago nayo le gore re e senye. Naa ke a gapeletšega gore ke dire bjalo?

Eng, ka mehla re hlompha dikgopelo tša bareki baoi ba sa nyakego gore re diriše tshedimošo ya bona ka go e dirišetša mabaka a thekišo, gomme re swanetše go tiišetša go mananeo a mpshafatšwa kgafetša kgafetša. Kua dinageng tše dingwe, go na le mananeo a mo go ona bareki ba ka ingwadišago ge e le gore ga ba nyake gore tshedimošo ya bona e ka dirišwa. Botšiša molaodi wa tša Semolao gore a go thuše ka karabo e kaone ka kgopelo ye ya moreki.

10.6 - Ke nyaka go romela o mongwe wa bašomammogo ba ka mpho ya semaka ya letšatši la matswalo legaeng la gagwe. Ke kgopetše Ditirelo tša Bašomi go mpha aterese ya gagwe eupša ba ganne ka yona, ka lebaka la gore seo se tla “tshela tokelo ya gagwe ya sephiri”! Naa se ga se ye godimo kudu go fetišiša?

Phetolo ya Lefapha la Ditirelo tša Bašomi ke ya maleba gabotse - tshedimošo ka moka ya bašomi e swanetše go dula e le sephiri kudu. Ba ka se thome go dira ka moo go sego gwa tlwaelega.

10.7 - Ke sa tšwa go kwa molaodi wa ka a bolela le Ba Ditirelo tša Bašomedi ka ga yo mongwe wa bašomammogo ba ka le gore ka nnete o tloga a lwala. Mo nakong yeo ke nago nayo, ke tšeere sephetho sa gore ke thuše batho ba go ba le malwetši a šoro gomme nka rata go tseba ge e le gore go na le seo nka se dirago go thuša. Naa nka ya go mošomammogo wa ka thwii goba ka boledišana le molaodi wa ka pele?

Aowa, o se ke wa ikgokaganya le mošomammogo wa go thwii, e fela ikgokaganye le Lefapha la Ditirelo tša Bašomi. Ge e le gore ba nagana gore se se maleba, ba tla ikgokaganya le mošomammogo wa gago gomme ba mo tsebiša. Gore o hlomphe sephiri sa mošomammogo wa gago, o seke wa, ka nnete, fana ka tshedimošo ye o nago le yona go motho o mongwe.

Ke mang yo o ka ikgokaganyago naye: Ge e le gore o tshwenyegile ka ga khupamarama le/goba tshedimošo ya gago, o se e swarelele se go wena. Bolela le molaodi wa gago, Molaodi wa gago wa tša Semolao, Molaodi wa gago wa Ditirelo tša Bašomi goba Mmegi gago wa tša Boitshwaro, ba tla kgonago go go thuša le go go thekga (bona gape kgaolo ka ga “Ke na le seo se ntshwenyago: Bolela ka Tokologo”).

28

Re swanetše

+ Hlomphe le go šireletša dithoto tša Khamphani go netefatša gore ga di timele, thubiwe, šomišwe bošaedi goba go senywa, goba go adingwa batho ba bangwe, go fetišetšwa, go rekišwa goba go neelana ka tšona ka ntle le tumelelo

+ Go lemoga gore dithoto tšohle tša Khamphami le ditokumente ke tša L’ORÉAL


- Tirišo ya Dithoto tša Khamphani bakeng sa mabaka a gago. Tšhomišo ye e diretšwego mellwane ya go swana le ya emeili, mogala le Inthanete e tla amogelwa ge fela e sa tliše ditshenyagalelo dife goba dife tša go se kwagale ebile e sa tsenatsene le maikarabelo a rena a mošomo

- Tirišo yeo e sego ya maswanedi ya dikhomphutha, diakhaonte tša sekhophoreit tša emeile ga mmogo le inthanete

- Tirišo ya dithoto tšeo e lego tša motho mongwe (dinepe, difilimi, dingwalwa, bj.bj.) ka ntle ga go netefatša gore L’ORÉAL e na le tokelo ya go di diriša.

- Dumelela phihlelelo ya mananeo a rena a go ikgokaganya/buku ya diaterese ya selektrokniki ka diphatlalatši tša segwera (Facebook, LinkedIn, bj.bj.)

Naa go na le botho?

11.1 - Ke belaela gore yo mongwe wa leloko la rena la sehlopha o be a na le kgwebo ya bodiredi mo nakong ya Khamphani, a šomiša lepothopo ya gagwe ya Khamphani le emeile go dira bjalo. Ke boditše mogwera wa ka Ditirelong tša Tshedimošo. O kgona go fihlelela emeile ya motho yo, gomme o tshephišitše gore o tla nthuša go nyakišiša gannyane gore go direga eng. Naase se Lokile?

Aowa. Ge e le gore o na le dipelaelo tša mohuta wo, o swanetše go di tšweletša thwii le molaodi wa gago. Go na le ditshepedišo tše itšego tša go fihlelela diakhaonte tša emeile ya bašomi mabapi le dinyakišišo tša maitshwaro. Le ge e le gore mogwera wa gago ka go Ditirelo tša Tshedimošo a kgona go fihlelela diakhaonte tše, ga se a swanela go di šomiša mabakeng a ka ntle le tumelelo ya maleba ka go diriša ditshepedišo tša maleba tša semmušo tša Khamphani.

11.2 - Phrinthara ya rena ka gae e senyegile, gomme mosadi wa ka o nyaka go romela Taodišophelo ya gago go nyaka mošomo ka pela kudu. Naa go lokile ge nka e tlanya gomme ka e phrintha mošomong?

O ka kgona go šomiša khomphutha ka diiri tše e sego tša mošomo go tlanya dingwalwa tša gago, ge fela e le gore se ga se ka mehla, se kwagala ebile se sa šitiše maikarabelo a mošomo wa gago gomme o dirwa ka morago ga dinako tša mošomo.

11.3 - Ke dula ke amogela diimeile tša “metlae ya letšatši” go tšwa go mogwera ka lefapheng le lengwe, gomme ye mengwe e segiša kudu. Ke nyaka go e romela go bašomimmogo baka ke ba fe momyemyelo mesong ya Mošupologo, eupša ga ke na bonnete bja ge eba molaodi wa ka o tla dumela. Naa ke swanetše go dira eng? Ke mo ntšhe lenaneong?

Se ke wa fetiša “metlae” ye. Gopola gore ga se mang le mang bao ba hwetšago selo se itšeng se segiša. Gabotse, o swanetše go lemoga gore emeile ya Khamphani le phihlelelo ya inthanete ga se ya swanelwa go šomiša go fihlelela, go boloka, go romela goba go phatlalatša dilo dife goba dife tše di sa sepelelanego le MOYA WA L'ORÉAL - kudu kudu ge go tla mo go tlhompho ya batho. Se se akaretša, gabotse, diswantšho tša mapono goba tša thobalano ya pepeneneng, tša sepolotiki goba tša sedumedi, goba ditshwayotshwayo tša semorafe goba se sengwe le se sengwe seo se tšwetšago pele dikgaruru, lehloyo goba go hloka kgotlelelano.

11.4 - Naa nka rekiša ditšweletšwa tšeo re di rekago go tšwa lebenkeleng la khamphani go bagwera ntle le go iša theko godingwana? Goba nka di rekišetša bagwera ka theko ya mmarakeng?

Ditšweletšwa tšeo o di rekago mo Lebenkeleng la Khamphani di beeletšwe ntle le phapogo bakeng sa tirišo ya gago le ya ba lapa la gago, gomme ga di a swanela gape gore di buše di rekišwe ka theko ye nngwe gape.

Ke mang yo o ka ikgokaganyago naye: Ge e le gore go na le seo se go tshwenyago ka ga tirišo ya methopo ya Khamphani, se ke wa homola. Bolela le molaodi wa gago, Molaodi wa gago wa Ditirelo tša Bašomi goba Mmegi gago wa tša Boitshwaro, ba tla kgonago go go thuša le go go thekga (bona gape kgaolo ka ga “Ke na le seo se ntshwenyago” Polelo yeo e Bulegilego”).

Bjalo ka kgwebo

Methopo ya Khamphani e ikemišeditše go thuša bašomi go fihlelela dinepo tša kgwebo tša L'ORÉAL. Dinolofatši tša Khamphani tše di šomišitšwego bošaedi goba tše di sentšwego, go akaretšwa le nako ya mošomi, di re kweša bohloko ebile di senya tšweletšo ya mošomo le ya ditšhelete tša L'ORÉAL.

TIRIŠO YA

METHOPO YA KHAMPHANI


29

Re swanetše

+ Raloke tema ya rena go netefatša gore dipego tše di nepagetšego tša ditšhelete le tša kgwebo, go akaretšwa le dipego tša tša ditšhelete le tšeo e sego tša ditšhelete, di tšweletšwa dinakong ka moka

+ Boloka dipego moo di bolokegilego gona le go latela ditlhahlo dife goba dife ka ga boloka ga dipego

+ Go latela ditshepetšo tša ka gare tša tatedišišo e botse gore re kgone go netefatša gore re šoma le ditlelaente tša go ba le ditiragalo tša mannete gomme gape tšhelete ya gagwe e sa tšwego ditirong tša bohwirihwiri

+ Dirišana le bahlakiši ba dipuku ba ka gare le ba ka ntle


- Rekiše, fetošetša goba go lahla dithoto dife goba dife tša L'ORÉAL ka ntle le tumelelo ya maleba le thekgo ya dingwalwa tša maleba

- Dumela dikgwebišano tša tšhelete seatleng. Ge e le gore ga go na le kgonego e nngwe, gomme go dumelelwa fela hlwahlwa yeo e dumeletšwego semolao, dikgwebišano tša kheše di swanetše go dumelelwa, di direlwe dipego le go ngwalwa

- Fihla ditefelo ka tirišo ya batho bangwe

Naa go na le botho?

12.1 - Ke kgopetšwe go lekola pego ya dithekišo tše di lokišitšwego ke molaodi wa ka tša mafelelong a ngwaga. Ge ke dira bjalo, ke bone se ke naganago gore ke phošo, yeo motho yo mongwe go bonalago a se a e bona. Ke tloga ke tšhoga go e bolela, ka gobane ga ke nyake go senya kamano ya ka le molaodi wa ka. Naa ke swanetše go dira eng?

Lebaka la gore o kgopelwe go lekola pego ya dithekišo ke fela go netefatša gore ga se gwa ba le diphošo. Ge o sa tsebagatše se, ga o dire mošomo wa gago gabotse ebile ga o šomele dikgahlego tša Khamphani. O swanetše go boledišana le molaodi wa gago mabapi le se o se hweditšego. Ga a na lebaka la go go šorofalela; ka go le lengwe, o dirile gabotse go efoga gore tshedimošo ye e sego ya nepagala e fete.

12.2 - Bophelo bo a pitlagana ka dinako tše dingwe, ebile ga ke kgone go hwetša diresithi ka moka tše ke di hlokago go dira kleimi ya ditshenyagalelo tša ka.

Naa go lokile gore ke tlaleletše ditshenyagalelo tše mmalwa tše di sego tša nnete tše di lego ka fase ga tšhelete ye e nyakago resithi, go dira gore e dire palomoka ya maleba? Seo e tla ba go hlopha potego, ka ge ke sa tšwe gabotse. Ke tla be fela ke netefatša gore ke hwetša tšhelete ya ka.

Aowa, se ga se sa loka. Se se ra gore dipego tša ditshenyagalelo ga se tša nepagala, gomme seo se tliša dipego tša ditšhelete tšeo di phošagetšego. O swanetše go ba le maikarabelo a go hlokomela diresithi tša gago; yeo ke yona tiišetšo e nnoši ya gore o tla hwetša tšhelete yeo o tla lefiwago yona.

12.3 - O mongwe wa bareki ba rena o kgopetše ge eba a ka lefa ka diakhaonte tša go fapafapana, ka go šomiša bobedi kheše le ditšheke. Naase se Lokile? Naa ke swanetše go dira eng?

O swanetše go hlokomela dikgwebišano tša mohuta wo kudu. E ka no ba e le go sepetša ditšhelete mo go sego molaong, tshepedišo yeo ditšhelete di hwetšago ka ditsela tše di sego molaong (go fa mohlala, ka diokobatši, ka go reka motho goba go gweba ka mmele bj.bj.) mo go tlišwago, goba go dirwa gore go bonagale eke go molaong. O swanetše go tšea magato ka moka ao o a kgonago go netefatatša gore ye ke kgwebišano ya mannete. Ditefelo tša di ka dumelwa fela ka tlase ga mabaka a ikgethilego le gona ka morago ga gore o hwetše tumelelo go tšwa go molaodi wa gago. Mo go ditaetši tše dingwe tša difolaga tše khubedi tše ke tše dingwe tša dilo tšeo o ka di lebelelago: ditefelo tše di dirilwego ka ditšhelete tšeo di sego tša ngwalwa ka go lenaneotefišo; maitekelo a go dira ditefelo ka kheše; ditefelo tše di dirwago ke motho ye e sego karolo ya konteraka; ditefelo tša go ya le go tšwa akhaonteng ka ntle le yeo e šomišwago ditirišanong tša tlwaelo tša kgwebo; le kgopelo ya go dira tefelo ye e fetago. Ge akhaonte e se ka leina le swanago le la khamphani yeo e neilwego kontraka, tefelo e swanetšwe go ganwa.

BAKENG SA TSHEDIMOŠO YE NNGWE GAPE:ka ga nepagalo mo direkhotong tša ditšhelete le kgwebo le twantšhano kgahlanong le bomenetša, ka kgopelo bala “Tsela yeo re thibelago Bomenetša”.

Ke mang yo o ka ikgokaganyago naye: Ge e le gore go na le seo se go tshwenyago ka ga nepagalo ya direkhoto tša kgwebo le tša ditšhelete, se ke wa homola Bolela le molaodi wa gago, Molaodi wa gago wa tša Ditšhelete, Molaodi wa gago wa Ditirelo tša Bašomi goba Mmegi gago wa tša Boitshwaro, ba tla kgonago go go thuša le go go thekga (bona gape kgaolo ka ga “Ke na le seo se ntshwenyago: Bolela ka Tokologo”).

Ka moka re na le maikarabelo a go netefatša gore dipego tša rena, tša ditšhelete goba ka tsela enngwe, di nepagetše. Nepagalo e bohlokwa go kgwebo e nngwe le e nngwe ye e atlegilego. Se ke karolo e bohlokwa ya go sepediša kgwebo ya rena ka semolao, ka potego le gabotse. Kudukudu, go bohlokwa go kgona go fa tshedimošo ye e hlokago sephiri, ya ka mehla le yeo e tshephegago go bengdišere ba rena. Sa bofelo, re swanetše go netefatša gore ditiragalo tša rena ga di šomišwe go hlatswa go hlatswa tšhelete go tšwa go ditiragalo tša bokebekwa

DIREKHOTO TŠA DITŠHELETE LE TŠA KGWEBO

LE NTWA KGAHLANONG LE TLHWEKIŠO YA TŠHELETE YA GO BA LE MADI

30

Re swanetše

+ Hlokomele gore go šomiša tshedimošo ya sephiri go dira dipeeletšo go ka wela ka gare ga mollwane wa melao ya thekišo ya ka gare

+ Re swarelele khupamarama ka ga tshedimošo efe goba efe ya ka gare ye re ka no bago re kgonne go e fihlelela gore le efoge go ribolla ka phošo gofe goba gofe


- Go reka le go rekiša dišere ka go L'ORÉAL goba ka go khamphani efe goba efe yeo re nago le tshedimošo ya ka gare ka ga yona ka nako yeo

- Tsebagatšo ya tshedimošo ya ka gare go motho yo a lego ka ntle ga Khamphani

- Tsebagatšo ya tshedimošo ya ka gare go motho yo a lego ka gare ga Khamphani

Naa go na le botho?

13.1 - Ga se nna setsebi sa molao. Naa botsebotse “tshedimošo ya ka gare” ke eng?

“Tshedimošo ya ka gare” ke kgopolo ye e hlalošwago ke molao. Ka tlhaloso yeo e nabilego, e amana le tshedimošo yeo e sego ya setšhaba yeo mmeeletši mang kapa mang a ka e dirišago bjale ka le lengwe la mabaka a gagwe a go tšea sephetho sa go beeletša. Tshedimošo yeo e ka amana le Sehlopha sa L'ORÉAL, ditiro tša sona, bareki ba sona goba baabi ba sona, goba khamphani ye nngwe yeo e lego gore Sehlopha sa L'ORÉAL se na kgokagano nayo. O tla hwetša tshedimošo ya tlaleletšo ka gare ga sengwalwa sa L’ORÉAL sa Maitshwaro a Mmaraka wa Setoko.

13.2 - Ke sa tšwa go kwa gore L'ORÉAL e kgauswi le go reka khamphani e nngwe. Se se kwala bjalo ka nako e botse kudu go reka setoko ka tsela e tee goba e nngwe - goba ka bobedi, ka ge boleng bo tlo oketšega ge kgwebišano yeo e tsebagatšwa. Naa go lokile go nna go tšwela pele go dira bjalo?

Aowa, o ka se kgone. Aowa. Bjalo ka mošomi wa L'ORÉAL, o kgauswi le go bonwa bjalo ka “morekiši wa ka gare” gomme ka lebaka le o ka se kgone go reka goba go rekiša setoko ka go L'ORÉAL goba ka go khamphani e nngwe go fihlela ge kgwebišano yeo e tsebagaditšwe setšhabeng.

13.3 - Ke lemoga gore nka se kgone go reka L'ORÉAL setoko ka ga tshedimošo ya ka gare. Eupša bjale ge e le gore go no “diragala gore ke tsebiše” molekane wa ka wa mosadi gore ye bjale e ka ba nako e kaone ya go reka. Naa seo se tla loka?

Aowa. Seo se ka se dumelege go no swana le ge o ka be o se reka ka bowena. Gape le ge, nkabe lekgarebe la gago le se ke la latela maele a gago, nnete ke gore go fetiša ga ba re ke go tshela ga boitshwaro bja rena le molao.

Ke mang yo o ka ikgokaganyago naye: Ge e le gore go na le seo se go tshwenyago ka ga thekišo ya ka gare se ke wa homola. Bolela le molaodi wa gago, Molaodi wa gago wa tša Semolao, Moeletši wa ka gare ka ga Boitshwaro bja Mmarakeng wa Disetoko goba Mmegi gago wa tša Boitshwaro, ba tla kgonago go go thuša le go go thekga (bona gape kgaolo ka ga “Ke na le seo se ntshwenyago: Bolela ka Tokologo”). O hlokomele gore o se ribolle tshedimošo ya ka gare yeo o nago le tsebo ya yona, ge se se ka direga.

Le ge L’ORÉAL e sa nyake go direla tolokologo ya bašomi mellwane go itirela dipeeletšo tša maleba, o mongwe le o mongwe wa rena o swanetše go hlokomela melao mabapi le “thekišo ya ka gare”.

Bjalo ka kgwebo

THEKIŠO

YA KA GARE


31

Re swanetše

+ Swarelela direkhoto le dipuku tše nepagetšego gape di tseneletšego

+ Go lokiša diforomo tša rena tša motšhelo


- Dira ka go tseba gore L’ORÉAL e efoge ditlamego tša yona tša metšhelo

Naa go na le botho?

14.1 - Ke etetšwe ke moabi yo a boletšego gore ke motho wa maleba yo a ka nago le ditsela tša go re bolokela tšhelete. O tshephiša go sepetša dipampiri ka naga yenngwe bakeng sa otara ya ka ya diphahlo tša bofelong bja ngwaga gore ke tle ke kgone go efoga tefelo ya motšhelo wa dithoto (VAT) yeo ba bego ba tlo re lefiša yona. E bonala e le maano a bohlale - naa nka e dumelella go tšwela pele?

Aowa: Maitekelo afe goba a fe ao a nyakago go efoga go efa ditlamego tša rena tša motšhelo ka botlalo - ao a tla bego a le ka moo a lego ka gona - a kgahlanong le molao ebile ke maitshwaro a go se loke. Ditekanyetšo tša L'ORÉAL di akaretša dipeakanyetšo tša go lefa metyšhelo ka moka ye e lego molaong.

14.2 - Ke dumela gore phošo e ile ya dirwa mo foromong ya motšhelo mo mengwageng yeo e fetilego yeo e ilego ya fokotša kelo ya rena ya motšhelo ka nako yeo, Naa ke swanetše go dira eng?

Bjale ka molao, re lefa motšhelo malebana le melao ya selegae gomme re tšewa re le bao ba tshepegago ke babeamolao ba selegae. O swanetše go boledišana ka ga se le Molaodi wa Ditšhelete wa gago goba leloko la Lefapha la Metšhelo la Sehlopha gore ba kgone go lekola ge e le gore se ka nnete e be e le phošo, gomme ge go le bjalo, gore naa re itebanya bjang le babeamolao ba tša metšhelo go mmogo le go tšea sephetho sa go netefatša gore phošo ye ga e itšweletše gape išago.

14.3 - Go na le dingwalwa di se kae mo diphatlalatšing ka ga dikhamphani tše efogago metšhelo. Naa se se ka direga go L’ORÉAL?

Mo L’ORÉAL, re lefa metšhelo ka moka yeo re hlokago go e lega mo dinageng ka moka tšeo re šomago go tšona. Re bona woo e le wo mongwe wa mekgwa yeo re ka bago le seabe se se kaone go dinaga le ditšhaba tšeo re lego go tšona.

Ke mang yo o ka ikgokaganyago naye: Ge e le gore go na le seo se go tshwenyago ka metšhelo, se ke wa homola. Bolela le molaodi wa gago, Molaodi wa gago wa tša Ditšhelete, Molaodi wa gago wa Ditirelo tša Bašomi, goba Mmegi gago wa tša Boitshwaro goba Lefapha la Sehlpha la tša Metšhelo, ba tla kgonago go go thuša le go go thekga (bona gape kgaolo ka ga, “Ke na le seo se ntshwenyago: Bolela ka Tokologo”).

L'ORÉAL e ikemišeditše go ba moagi o mokaone wa khamphani moo e šomago gona. Se se bolela gore re hlomphe melao ya motšhelo ntle le phapogo le go lefa ka botlalo metšhelo ka moka ya selegae le ya setšhaba bjale ka ge e hloka gore go dirwe bjalo ke molao.

MOTŠHELO

32

Lenaneo la dikagareL E T L A K A L A 3 3Maphelo, Polokego le Tšhireletšego

L E T L A K A L A 3 4Pharologanyo

L E T L A K A L A 3 6Go tshwenyana le bontwadumela

L E T L A K A L A 3 7Tlaišo ya Thobalano

GO HLOMPHA BOIKANO BJA RENA BJALO KA MONGMOŠOMO

“Re ikemišeditše go dira L'ORÉAL lefelo le kaone kudu leo o ka šomago go lona. Re a tseba gore bašomi ba reba ba bohlokwa kudu go rena”


33

Re swanetše

+ Hlokomele ka moo go kgonegago go tšwetšapele Tikologo ya mošomo ye e bolokegilego le go hlweka

+ Netefatše gore ga re ipeye goba ra beya ba bangwe kotsing ka ditiro tša rena

+ Netefatše gore re tseba seo re tlago se dira ge go ka hlaga maemo a tšhoganetšo mošomong wa rena

+ Re bege semetseng go molaodi wa polokego wa gago goba go bolaodi dikotsi ka moka, le ge di ka ba tše nnyane bjang maitshwaro, ditlhomo goba dilo tšeo di lego kgauswi le go senya polokego tikologong ya mošomo


- Efoge go se obamele melawana ya Khamphani ka ga tša maphelo le polokego mošomong

Naa go na le botho?

15.1 - Molaodi wa ka o re o tshwenywa ke gore ga ke robale ka mo go lekanego, gomme o šišintšwe gore ke se tšwe kudu bošego ge ke šetše ke tšwele mošomong ka morago ga mošomo. O re o tshwenya ke gore ke tla tagwa gomme ka hwetša kotsi. Ke nnete, ke gatee goba gabedi moo ke ilego ka otsela - eupša ke sa kgona go dira mošomo wa ka. Go bolela nnete gape ga se taba ya gagwe ya gore ke dira eng ka morago ga diiri tša mošomo? Naa ga ke na le tokelo go bophelo bja sephiri? Ke nagana gore o itira ngwana. Naa ke swanetše go dira eng?

Gore o dira eng bošego go tšwa go wena. Eupša ge e le gore go lapa gago go go bea kotsing goba go bea batho ba bangwe kotsing, gona molaodi wa gago o nneteng gore a boledišane le wena ka ga taba ye - le ge e le gore o swanetše go dira ka tlhokomelo le go hlompha sephiri sa gago. Le ge e le gore se hlompha maphelo a sephiri a bašomi ba rena, maitshwaro ao a ka tlišago dikotsi tša polokego go wena goba go bašomimmogo ba gago a ka se amogelwe. Go ka se tsoge go bile le go theeletša mabaka a itšego ge re e tla go taba ya polokego.

15.2 - Mohlokomedi wa ka wa tšweletšo o ntaetše gore ke time sedirišwa sa polokego seo se dirago gore mošomo wa tšweletšo o sepele ka go nanya. Naa ke swanetše go dira eng?

O se tsoge o kgaoleditše, go khonektholla goba go tima sedirišwa sefe goba sefe sa poloke go goba setlabelo sa tlhokomelo ka ntle le tumelelo ye e filwego ke moemedi wa polokego. Ge mohlokomedi

wa gago wa tšweletšo a tšwela pele gore o dire bjalo, gana gomme o tsebiše balaodi ba saete le HR ya gago. Polokego ke boitlamo bjoo re sa fapošwego ke mananeo a tšweletšw goba mabaka a mangwe.

15.3 - Bjalo ka moemedi, gantši ke otlela leswiswing ke rwele disampole tša ditšweletšwa ditoropong tše kgolo le mafelong a magaeng. Ka dinako tše dingwe, ke ikwa ke se ka bolokega. Ke tlišitše taba ye ya tšhireletšo go molaodi wa ka eupša ga se a dira selo ka ga dingongorego tše tša ka. Naa nka iša taba ye go motho o mongwe ka Khamphaning?

Eng o swanetše go ikgokaganya le Molaodi wa gago wa Ditirelo tša Bašomi gore le kgone go tseba gore taba ye e ka rarollwa bjang gore le efoge boemo bjo swanago le bjo.

15.4 - Ke na le mošomammogo yo a bonalago a le ka tlase ga kgatelelo e kgolo ka se sebaka. Le lekile go bolela naye ka ga se, e fela a gana go dira bjalo. Malobanyana mo, o ile a idibala gona mo mošomong. Naa ke swanetše go dira eng?

Go bohlokwa kudu gore Ba Ditirelo tša Bašomedi ke molaodi wa mošomammogo wa gago ba tsebišwe ka ga se gore ba tle ba kgone go tšea magato a ka pejana. Ge o se na bonnete bja gore se se dirilwe, se ke wa dikadika go fetiša se ka mo lehlakoreng la gago.

15.5 - Ke sa tšwa go kwa gore o mongwe wa bakonteraki ba rena ba bannyane o be a nwa bjala mo meagong ya rena ya mošomo. Ka ge e se mošomi wa L'ORÉAL, naa ke swanetše go tshwenyega?

Begela go molaodi wa gago maitshwaro afe goba afe ao a ka beago polokego ya tikologo ya gago ya mošomo kotsing goba a bea motho o mongwe kotsing.

Ke mang yo o ka ikgokaganyago naye: Ge e le gore o tshwenyegile ka ga tša maphelo, polokego le tšhireletšego, o se swarelele se go wena. Bolela le molaodi wa gago, Molaodi wa gago wa tša Maphelo le Polokego, Molaodi wa gago wa Ditirelo tša Bašomi goba Mmegi gago wa tša Boitshwaro; ba tla kgonago go go thuša le go go thekga (bona gape kgaolo ka ga “ke na le seo se ntshwenyago: Bolela ka Tokologo”).

Ka moka ga rena bao re šomago le go šomela L'ORÉAL re na le tokelo go tikologo ya mošomo ye e hlwekilego, ye e bolokegilego le go šireletšega gomme polokego mošomong e itheile mo go rena ka moka.

TŠA MAPHELO

POLOKEGO LE TŠHIRELETŠO

34

Re swanetše

+ Thekgo le tlhohleletšo ya boitlamo bja L’ORÉAL ge go tla mo pharologanyong, mo go Ditiro tša Bašomedi, Thekišo, Go reka le Phatlalatšo go ditšhaba

+ Nefetefatše gore baabi ba rena, bareki le badirišanimmogo ba kgwebo ba lemoga molawana wa pharologano wa L'ORÉAL


- Ga re kgethologanye goba ra kgotlakgotlana/bontwadumela ka baka la: - bong- bogole- maemo a lenyalo goba a ka lapeng- dikgahlego tša bong- mengwaga- maikutlo a sepolotiki le a filosofi- ditumelo tša sedumedi- go kgatha tema mekgatlong ya bašomi- morafe, setšhaba, setšo goba naga e tšwago gona

Kiletšo ye kgahlanong le kgethollo ga e dirišwe feela ge go tla mo go thwalweng, e fela gape le mo diphethong ka moka tša tlhahlo, tšwetšopele, go tšwela pele go thwalwa le maemo a mošomo ka kakaretšo, ga mmogo le mo dikamanong tša rena le baabi, ditlelaente, badirišani mmogo kgwebong le batho ba bangwe

Naa go na le botho?

16.1 - Naa e kaba L'ORÉAL e ra eng ge e bolela ka ga “kgethologanyo”? Naa e swana le tlhalošo yeo e fiwago ke molao ka nageng ya gešo, goba naa e a fapana?

Molawana wa mathomo ke gore L'ORÉAL e hlompha melao ya ka nageng gomme mošomi ofe goba ofe yo a tshelago melao ya ka gare ga naga ya bona ba tla bonwa molato. Eupša go ka no ba le dinaga tšeo go tšona molao wa kgethologanyo o sa iletšego mehuta e mengwe ya boitshwaro ye e lego gore Khamphane e hwetša e sa amogelege. Go fa mohlala, L'ORÉAL ga e gane fela kgethollothwii, eupša gape le kgethollo ya ka tsela e nngwe.

Kgethollothwii e ra tiro efe goba efe ye e dirwago mabapi le mešomo, tlhahlo, ditlhatlošo, go thwala ga go tšwelapele goba taba efe goba efe ya mošomo yeo e rago gore bao ba amegago ga ba ipshine ka tshwaro ya go swana goba menyetla ya go swana. Kgethollo ya ka tsela e nngwe ke tiro efe goba efe, le ge e sa tšeyue lehlakore, ye e beago motho o mongwe wa bong bjo itšego, mengwaga, bogole goba dipharologantši tše dingwe gore a se hwetše menyetla ge a bapetšwa le ba bangwe.

16.2 - HR e šišintše gore ke be le motho yo a golofetšego sehlopheng sa ka. Ke a tseba gore pharologanyo e bohlokwa go L’ORÉAL, e fela ke a tšhoga gore motho yo o tla phela a se gona ka baka la gore a lwala go fihla moo e lego gore se se tshwenyana le go šoma gabotse ga sehlopha, gomme ke tla gapeletšega gore ke mo sware boletana, gomme se se tla hlola mona ka lehlakoreng la maloko mangwe a sehlopha.

Tše ke dikgopolo tšeo o nago natšo tšeo e sego nnete. Boitemogelo bo laetša gore go ba gona ga motho yo a golofetšego ga go fetole dikamano mošomong. Go batho bao ba golofetšego go no swana le mang kapa mang, go thwalwa go theilwe mo bokgoning. Phapano yeo e lego gona fela ke gore go sepelelana le boemo bja mošomo di lekolwa go ya ka lenaneo. Magato mangwe a phetolelo a ka no ba bohlokwa e fela se ga se gantši se diragala

16.3 - Yo mongwe wa leloko la sehlopha sa ka o sa tšwa go ba le mengwaga e 50. Ke be ke nyaka go mo direla moletlwana gore re keteke, e fela o ganne a re ga a nyake go dira bjalo, a re ga a bone bokamoso bjale ka motho yo a tšofetšego mo L’ORÉAL gomme ga a nyake gore batho ba lemoge gore o na le mengwaga e mekae. Naa ke swanetše ke reng go yena?

Tiišetša mošomammogo nawe gomme o kgopele gore a kopane le Malaodi wa Ditirelo tša Bašomedi gore a boledišane naye ka ga leano la tšwetšo pele ya mošomo wa gagwe. L’ORÉAL e direle boitlamo bja gore mang goba mang a be le leano la mošomo leo le fetofetogago, go sa lebelelwe mengwaga, gomme e dumelela mang kapa mang go ba le seabe mo go tšweletšeng leano la bona la mošomo pele.

Bjalo ka mongmošomo

Pharologanyo mo ditalenteng tša rena mo mošomong di maatlafatša bohlami bja rena, gomme di re dumelela gore re tšweletše le go rekiša ditšweletšwa tša maleba. L’ORÉAL e thabela mehuta yohle ya bobotse.L’ORÉAL ke mongmošomo, yo a akaretšago, wa go fana ka menyetla yeo e lekanago. Re nolofatša kopano ya seprofešenale ya batho bao e lego gore ga se bona ba bantši mo lefelong la mošomo, kudu kudu batho bao ba ikgolofaletšego le/goba mehlobo ya segwera goba ya ditšhaba yeo e sego e mentši.

PHAROLOGANYO


35

16.4 - Yo mongwe wa bašomammogo ba ka ga se a kgetha moabi yo mo kgopolong ya ka, a bego a fihleletše dinyakwa ka moka tše re bego re di lebeletše. Ge ke e kwa dipolelo go tšwa go mošomammogo yo, ke gononwa gore ke ka baka la bosetšhaba le morafe wa moabi yo. Naa ke swanetše go dira eng?

Kgethollo efe goba efe yeo e theilwego mo go mmala wa letlalo, bosetšhaba goba morafe ga di amogelege go L’ORÉAL. Se se ba ganetša tlhompho yeo ka moka ga rena re swanetšego go ba nayo. Leka go bolela le Mmedi wa tša Pharologanyo goba o bege se go molaodi wa gago goba Molaodi wa Thekišo.

16.5 - Ga ke kwe ke dudišega ge ke kwa metlae yeo e sego gabotse ka ga bašommamogo ba ka ba itšeng bao ba ithatelago bong bjo swanago. Naa ke swanetše go dira eng? Naa ke swanetše go boledišana le HR?

Lehloyo la bao ba ithatelago bong bjo tee ga le amogelege le ga tee. O mongwe le o mongwe wa rena o na le tokelo ya go hlomphiwa ke bangwe. Re nyaka tikologo ya go šomela yeo e bulegilego gape e akaretšago. Ge o ka hwetša go na le bothata bja mohuta wo, leka go dira gore bao ba dirago metlae ba kwešiše gore boitshwaro bja bona ga bo amogelege. Ge go se bjalo, bolela le molaodi wa gago, Molaodi wa lena wa Ditirelo tša Bašomi, Mmegi wa Pharologanyo goba Mmegi gago wa tša Boitshwaro.

16.6 - Ke nyaka go fetša beke ya mošomo ka kopano ya sehlopha ya bošego bja Labohlano gore re kgone go ahlaahla ditaba dife goba dife tšeo di tšweletšego gareng ga beke. Ke a tseba gore se se šitela maloko a mabedi a sehlopha sa ka, ao ka baka a tumelo ya bona, ba tlago rata go sepela ka pela ka BoLabohlano. Naa se ke kgethollo yeo e sego ya thwii?

Seo se ka ba kgethollo ya ka tsela e nngwe ge e le gore ga o na le tlhokego ya semolao ya go bitša kopano mašegong a Labohlano, goba ge e le gore go na le ditsela tše dingwe tša maleba tša go fihlelela dinyakwa tša lena. O kwala o na le tlhokego ya semolao ya go bitša kopano (go hlokomela go tšwelapele ga sehlopha sa gago le go ba gona gore ba go botšiše dipotšišo) - eupša naa le a gapeletšega gore le e sware bošegong bja BoLabohlano? Naa le ka se kgone go hwetša dipoelo tše swanago ge le ka swara kopano peleng mo letšatšing lona leo - goba sa pele mesong ya Mošupologo?

16.7 - Ke dula ke ekwa bare pharologano e bohlokwa Sehlopheng. Naa se se ra gore ke swanetše go thwala fela goba go hlatloša basadi goba batho bao ba tšwago mehlobong yeo batho ba gona e sego ba bantši?

Aowa, se ga se seo se emetšwego. Mo L'ORÉAL, re thwala ka bokgoni, bjale o swanetše go kgetha mokgopedi wa mošomo o mokaone kudu go mošomo woo. Eupša gopola gore pharologanyo ga e bolele fela ka basadi goba mehlobo e mennyane ya batho. E akaretša dihlopha tše dingwe tšeo gantši di kgethollwago, tša go swana le digole, batšofadi, bjalobjalo.

16.8 - Ge e le gore nna le ba bangwe ba bašomammogo ba ka re na le tumelo yeo e swanago, a na nka ba mema go tla sehlopheng sa ka sa thapelo?

O ka mema bašomammogo bao ba nago le tumelo yeo e swanago le ya gago. E feela, re kgopela gore ka moka ga rena re hlomphe ditumelo tša ba bangwe. Se se ra gore o emiše go leka go fetolela ba bangwe (maiteko a go fetolela bangwe tumelong ye nngwe).

16.9 - Ke tla be ka ya setswetši go se go ye kae gomme ke a tshwenyega gore naa go tla direga eng ge ke bowa le gore naa tšwetšopele ya mošomo wa ka e tla ba bjang išago. Ke mang yo ke swanetšego go mmotšiša go hwetša maele?

Pholisi ya L’ORÉAL ke go thekga bašomedi ge ba ile setswetši. Godimo ga setswetši seo se lefelelwago, L’ORÉAL e tiišetša poelano mmogo ya bašomedi mo bofelong bja setswetši, mo boemong bja bona bja peleng goba mo boemong bjo lekanelago ge go tla mo maemong le mogolo. O swanetše go rerišana ka ga se le Molaodi wa gago wa Ditirelo tša Bašomi pele ga ge o ka ya setswetšing.

Ke mang yo o ka ikgokaganyago naye: Ge e le gore go na le seo se go tshwenyago ka ga pharologanyo, se ke wa homola Bolela le molaodi wa gago, Molaodi wa gago wa Ditirelo tša Bašomi goba Mmegi gago wa tša Boitshwaro, ba tla kgonago go go thuša le go go thekga (bona gape kgaolo ka ga “Ke na le seo se ntshwenyago: Bolela ka Tokologo”).

36

Re swanetše

+ Thekge le go tšwetšapele boitlamo bja L'ORÉAL bja lefelo la mošomo la go hloka bontwadumela le tlaišo

+ E ba le tlhompho: swara bašomammogo ka wena le badirišani ba kgwebo ka moo re nyakago ba re swara ka gona


- Go kweša motho bohloko ka boomo goba go dira gore motho a dire diphošo ka boomo

Naa go na le botho?

17.1 - Naa botsebotse L'ORÉAL e ra goreng ge e bolela ka ga “tlaišo” le “bontwadumela”? Ga ke gopole gore re na le molao ka ga se ka nageng ya gešo.

Molawana wa mathomo ke gore L'ORÉAL e emetše molao wa ka nageng yeo re šomago go yona gomme mošomi ofe goba ofe yo a tlolago melao ya thogako ya ka nageng ya gabo ba tla fegwa. Eupša go ka ba le dinaga tšeo L'ORÉAL e ka bonago gore molao ka ga thogako ga o ganetše maitshwaro a mangwe ao Khamphani e bonago a sa amogelege. Go e ya le mabaka, maitshwaro a mangwe a ka bonwa a se maleba, go swana le:- Ditiro tšeo maikemišetšo a tšona e lego go gobatša motho goba go mo kweša bohloko- Go dira gore motho a dire diphošo ka boomo- Go goboša goba go tšhošetša- Go hlaola ka sebele goba setšhabeng (seo se

bitšwago “tshwaro ya setu”)Tlaišo e ka ba gona mo bašomammogong ba babedi. Go ka no ba go se na le molao ka ga taba ye ka nageng ya geno. O tla, le ge go le bjalo, bona gore mehuta ye ya maitshwaro e a ganetšwa molaong, le ge e le gore ga e bitšwe go rokagaka goba go tlaletša lešata.

17.2 - Molaodi wa ka o na le go tšhošetša kudu. Ke a tseba gore o re kgorometša gore re tšweletše mošomo wa maemo a godimo, eupša ka dinako tše dingwe o kgona go goboša batho, gomme se se ama moya wa sehlopha ka moka. Naa go na le seo nka se dirago ka se?

Molaodi wa gago o emetšwe gore a hlohle le go etapele sehlopha sa gagwe go tšweletša mošomo wa maemo a godimo wo re o emetšego mo L'ORÉAL. Se se ka ra gore o tla sekaseka goba a fa ditshwayatshwayo ka ga mošomo wa maloko a sehlopha. Le ge go le bjalo, molaodi gape o emetšwe gore a sware maloko a sehlopha ka tlhompho le go ba le tlhokomelo e kgolo go bona. Ge e le gore o kwa e ke ga se wa swarwa ka tsela ya sephrofešene, o swanetše go leka go bolela le molaodi wa gago. Gape o ka ikgokaganya le Molaodi wa lena wa Ditirelo tša Bašomi. Tikologo ye e lokilego ya mošomo e tla direga fela ka thekgo le go amega ga rena ka moka - balaodi le bašomi ka moka.

Ke mang yo o ka ikgokaganyago naye: Ge e le gore go na le seo se go tshwenyago ka ga tlaišo le bontwadumela, se ke wa homola Bolela le molaodi wa gago, Molaodi wa gago wa Ditirelo tša Bašomi goba Mmegi gago wa tša Boitshwaro, ba tla kgonago go go thuša le go go thekga (bona gape kgaolo ka ga “Ke na le seo se ntshwenyago: Bolela ka Tokologo”).

Bjalo ka mongmošomo

O mongwe le o mongwe wa rena o na le tokelo ya go hlompha seriti sa motho. Mo L'ORÉAL, molawana woo o bohlokwa go ka moo re šomago ka gona. Maitshwaro afe goba afe goba ditiro tšeo di lego kgauswi le go tlola tokelo ye, le, kudukudu, tsela efe goba efe ya go rogaka go bay a go tlaletša lešata, ga e amogelwe.

TLAIŠO

LE BONTWADUMELA


37

Re swanetše

+ Thekge le go tšwetšapele boitlamo bja L'ORÉAL bja lefelo la mošomo la go hloka mehuta yohle ya tlaišo ya tša thobalano

+ O se ke wa dira mohuta ofe goba ofe wa tlaišo ya tša thobalano bobedi ka gare le ka ntle ge go tla go batho ba bangwe bao re ikgokaganyago nabo ge go tla mo go tša seprofešenale


- Tšwela pele ka maitshwaro afe goba afe ao re boditšwego gore ga a nyakege

Naa go na le botho?

18.1 - Naa botsebotse L'ORÉAL e ra gore ge e bolela ka ga “tlaišo ya tša thobalano”? Naa e swana le tlhalošo yeo e fiwago ke molao ka nageng ya gešo, goba naa e a fapana?

Molawana wa mathomo ke gore L'ORÉAL e hlompha melao ya ka nageng yeo re šomago go yona gomme ka go realo mošomedi ofe goba ofe yo a tshelago melao ya tlaišo ya thobalano ya ka nageng ya gabo ba tla bonwa molato. Eupša go ka ba le dinaga tšeo L'ORÉAL e ka bonago gore molao ka ga tlaišo ya thobalano ga o ganetše maitshwaro a mangwe ao Khamphani e bonago a sa amogelege. Go e ya le mabaka, maitshwaro a magwe a ka, ka lebaka la bontši goba go tla gantšintši, a bonwa a se maleba, go swana le:- Go kgoma mmele go sa amogelegago goba e se

ga maswanedi diemeile, metlae, mekgwa ya go lebelela, maswao a mangwe a mmele, dipolelo, dimemo goba dikgopelo tša mohuta wa tša thobalano

- Phatlalatšo goba go bontšha ga ditokumente, diphostara, bj.bj.tša mohuta wa tša thobalano

- Tšwetšopele mošomong goba kholego efe goba efe ya mošomo go tšwa go tiragalo ya tša thobalano goba tša marato

Tlaišo ya tša thobalano e ka ama bobedi banna le basadi. E ka direga lefelong la mošomo la L’ORÉAL goba lefelong lefe goba lefe moo re dirago kgwebo gona.

18.2 - Ka nako ya mokete wa sehlopha sa ka, yo mongwe wa bašomammogo ba ka o lemogile gore molaodi wa rena o be a se a itshwara botse go yena ge go tla mo maswaong a mmele le dipolelo. O tšhaba go bolela ka ga se, botsebotse, ka ge a sa nyake go tšwelela bjalo ka motho yo a šiišago ke ditaba tša thobalano - goba a itshenyetša tšwetšopele ya mošomo wa gagwe wa seprofešenale. Naa ke swanetše go dira eng ka se?

O swanetše go hlohleletša mošomimmogo wa gago go boledišana le molaodi woo thwii ge a ikwa a lokologile go ka dira bjalo. Ge go se bjalo, a ka nna a lebiša morero woo Molaodi wa gago wa Ditirelo tša Bašomi. Ge mošomammogo wa gago a sa tšee magato, gona wena o swanetše go bega seo a go boditšego sona go HR - le ge e le gore ga o na le mabaka ka moka goba ge e le gore ga se wa bona tlaišo yeo. Go bohlokwa go emiša maitshwaro a tlaišo pele a ka feta tekano.

18.3 - Ke na le kopano le tlelaente gomme ka mehla o phela a ntshwaratshwara a dira mebolelwana ka ga sebopego sa ka le gore naa a ka reka go feta bjang mo go rena ge nka ni ya mateneng naye. Ke tlelaente, e sego mošomedi mongwe gape wa L’ORÉAL ka go realo ga ke na bonnete bja gore L’ORÉAL e tla dira sengwe ka ga se.

O swanetše go boledišana le molaodi wa gago goba le Molaodi wa lena wa Ditirelo tša Bašomi. Pholisi ya L’ORÉAL ke go tiišetša gore bašomedi ba yona ga ba tlaišwe ka tša thobalano go akaretšwa badirišani mmogo mo go tša thobalano.

Ke mang yo o ka ikgokaganyago naye: Ge e le gore go na le seo se go tshwenyago ka ga tlaišo ya tša thobalano, se ke wa homola. Bolela le molaodi wa gago, Molaodi wa gago wa Ditirelo tša Bašomi goba Mmegi gago wa tša Boitshwaro; ba tla kgonago go go thuša le go go thekga (bona gape kgaolo ka ga “Ke na le seo se ntshwenyago: Bolela ka Tokologo”).

O mongwe le o mongwe wa rena o na le tokelo ya go hlompha seriti sa motho. Mo L'ORÉAL, molawana woo o bohlokwa go ka moo re šomago ka gona. Maitshwaro afe goba afe goba ditiro tšeo di lego kgauswi le go tlola tokelo ye, le, kudukudu, tsela efe goba efe ya tlaišo ya tša thobalano, ga e amogelwe.

TLAIŠO

YA TŠA THOBALANO

38

Lenaneo la dikagareL E T L A K A L A 3 9Ditiro tša sepolotiki le khuetšo

L E T L A K A L A 4 0Tlhokomelo ya tša tikologo

L E T L A K A L A 4 1Seabe go Setšhaba

GO HLOMPHA BOIKANO BJA RENA BJALE KA BADUDI BA TIRIŠANO BAO BA NAGO LE MAIKARABELO

“Re kgatha tema ya rena go hlama lefase la dilo tše botse le tša go ba le nnete”


39

Re swanetše

+ Ge re ka kgatha tema mo dipolotiking tša batho, se se tloga se laetša ka go hlaka gore ga re emele L’ORÉAL ka tsela efe goba efe.

+ Tsebiša molaodi wa rena gore go kgatha tema mo ditiragalong tša sepolotiki go re thibela gore re ka phethagatša mešomo ya rena mo L'ORÉAL goba ya hlola kgakanego magareng ga maikutlo a rena a tša dipolotiki le a tša L’ORÉAL (bona karolo ya “Kgohlano ya dikgahlego”)

+ Hlompha ka go se fapoge melao ya L’ORÉAL ge go tla mo go dimpho le boithabišo le thibelo ya letsogo le kobong (bona kgaolo ka ga “Letsogo le kobong le Ditefelo tša Nolofatšo”)


- Efoga tirišo ya matlole a Khamphani le methopo (Go akaretšwa nako ya Khamphani, megala, pampiri, emeile le tše dingwe Dithoto tša Khamphani) go tšweletša goba go thekga ditiragalo tša gago tša sepolotiki

- Go diriša lefelo la mošomo bjale ka lefelo la twelo ya ditokelo tša sepolotiki

- Lebiša go tumelo ya gore L’ORÉAL e thekge ditiragalo tša rena tša sepolotiki

- Go boledišana le baemedi ba babeamolao ba setšhaba goba mekgahlo ya sepolotiki ge go tla mo go melao ya boditšhabatšhaba ntle le tumelelo ya ka Nageng/Molaola Selo gome go lebeletšwe gore o ngwadiše mo rejistareng ya batho bao ba lekago go fetola melao gore e sepelelane le ya dikgwebo tša bona ge e le gore e gona

Naa go na le botho?

19.1 - Ke dira mošomo wa boithaopo go mokgatlo wa gae wo melawana ya ona e swanago kudu le mekgwa ya L'ORÉAL. Naa nka šomisa motšhene wa go fothokhopha go di dira matlakala a mmalwa?

Aowa. O seke wa šomiša nako ya khamphani goba dinolofatši tša yona tša mohuta ofe goba ofe go thekga ditiro tša sepolotiki.

19.2 - Molaodi wa mošomo wa ka o nkgopetše gore ke fane ka tšhelete lesolong la morwedi wa gagwe la go ba ratoropo. Naa se se maleba?

Aowa. Le ge e le gore mohlokomedi wa gago ga a go gapeletše, kgopelo efe goba efe ya mohuta woo, le ge e ka hloka bothata, ga se ya loka ebile e ka ba le kgapeletšo.

19.3 - Ke nyaka go bula kantoro ya tša sepolotiki motsesetoropong wa ka. Mo diphostareng tša ka, ke nyaka go bolela gore ke šomela L’ORÉAL.

Seo ga se sa maswanedi ka ge seo se ka bonwa e le gore L’ORÉAL e thekga bonkgetheng bja gago.

19.4 - Naa ke eng go leka go huetša badiramelao gore ba go theetše? Ge re kwa ka ga se mo diphatlalatšing, se se kwagala se se botse.

Go leka go huetša go akaretša go ba le seabe mo mokgwatšhomong wa go tšea sephetho wa setšhaba woo o sepelelanago le melao yeo e ka amago ditiro tša rena gore motšea diphetho wa setšhaba a kgone go kwešiša gore naa melao ye e ka re ama bjang. Ge re nagana gore melao e bjalo e ka re ama gampe, re dira gore se se tsebje gomme re leke go fokotša go re ama ga gona. L’ORÉAL kgafetša kgafetša e bolela ka ga maemo a yona le babea molao le ditheo tše ka tšao re kgonago go kgatha tema mo therišanong ye, ka tlhompho yeo e se nago phapogo ya melao ka moka ya maswanedi.

19.5 - Naa bašomedi ba gago ba swanetše go kwagatša dikgopolo tša bona tša semolao le boitlamo bja bona mo lefelong la mošomo?

L'ORÉAL e hlompha tokelo ya bašomi ba yona ya go kgatha tema bjalo ka batho bao ba lego tshepedišong ya sepolotiki, e feela lefelo la mošomo ga se lona la maleba go ka boledišana ka ga dipolotiki.

Ke mang yo o ka ikgokaganyago naye: Ge e le gore o tshwenyegile ka ga ditiragalo tša sepolotiki goba go leka go huetša, o se swarelele se go wena. Bolela le molaodi wa gago, Molaodi wa gago wa Ditirelo tša Bašomi goba Mmegi gago wa tša Boitshwaro, ba tla kgonago go go thuša le go go thekga (bona gape kgaolo ka ga “Ke na le seo se ntshwenyago: Bolela ka Tokologo”).

L’ORÉAL ga e fane ka dimpho go mekgahlo ya sepolotiki, boradipolotiki goba mekgahlo yeo e sepelelanago. Le ge go le bjalo, L’ORÉAL, bjale ka moetapele mo intasetering ya tša boipotsefatšo, e dumela gore ke tema yeo e swanetšego go e kgatha gore e be yona e tlago ka maano pele gomme e kgathe tema mo mokgwa tshepetšong wa go tšea diphetho wa setšhaba mo dinageng tšeo e šomago go tšona. L'ORÉAL e hlompha tokelo ya bašomi ba yona ya go kgatha tema bjalo ka batho bao ba lego tshepedišong ya sepolotiki - ge fela ba netefatša gore go dira bjalo, ga ba emele Khamphani.

DITIRO TŠA SEPOLOTIKI

LE KHUETŠO

40

Bjalo ka modudi wa sekhoporeiti yo a nago le maikarabelo

Re swanetše

+ Diragatše boitlamo bja L'ORÉAL go tshepedišo ye e nago le segwera go tikologo

+ Rata tšhomišo gape ya dilo tše di lahlilwego le tšweletša ga diphuthelo tše di nago le segwera go tikologo

+ Naganišiše gore na boitshwaro bja rena mo dikarolong tšohle tša mošomo bo ama bjang tikologo, gore re kgone go ka fokotša kamego ye gohle mo go ka kgonegago: mohlala, ka go tlogela go ya maeto go go sa hlokegego, go boloka meetse le maatla le go leka go fokotša go tšweletša tšhila. Ge ditšhila di sa kgonege gore di ka se dirwe, re swanetše go netefatša gore ditlabelo di šomišwa gape goba tša lahlwa ka tsela ya maikarabelo. Le go ditirong tše nnyane, tša go swana le go hlaola ditšhila tše di dirilwego ke dijo mafelong a bojelo a Khamphani, go ka dira phapano

+ Tšea magato a maleba ka moka go thibela le go emiša ditlolo tša melawana ya tikologo ya L'ORÉAL

+ Bega go tšhologa ka moka ka bjako goba go tšwa ga meši mo go sego gwa tlwaelega go ya moyeng goba go dutla ga meetse go ba taolo goba go Molaodi wa rena wa Ditirelo tša Maphelo le tša Polokego


- Efoga Melao ya khamphani ge go tla mo tlhokomelong ya tikologo

Naa go na le botho?

20.1 - Sedirišwa sa taolo ya tšhilafatšo go karolo e bohlokwa ya setlabelo sa go tšweletša se senyegile. Ke sa tšwa go kwa gore go tla tšea matšatši a mararo go hwetša dikarolo le go se lokiša. Naa re ka kgona go emiša tšweletšo mola re na le diotara tše ntši tšeo re swanetšego go di diragatša?

Ga re na kgetho. Boikgafo bja rena go tiro e kaone go tikologo e bohlokwa go dipoelo tša lebaka le lekopana goba go dipeakanyo tša tšweletšo. Motšhene o se ke wa šomišwa o se na le ditaolo tša tšhilafatšo tše di nyakegago. O swanetše go tsebiša molaodi wa mešomo ya lena go le thuša go rarolla taba ye.

20.2 - Ge re dutše re latedišiša melao ya selegae, go reng re re swanetše go latela melawana ya L'ORÉAL ya tikologo ge e le gore e re bea seemong sa phadišano seo se sego sa loka?

Boikgafo bja L'ORÉAL go tikologo go feta go obamela molao. Ge e le gore o bona go na le ditaba tša kgwebo ya phadišano, o swanetše go ahlaahla se le molaodi wa gago.

BAKENG SA TSHEDIMOŠO YE NNGWE GAPE:mo go pholisi ya tlhokomelo ya tikologo ya L’ORÉAL, ka kgopelo bala “Boitebanyo 2020: Re abelana Bobotse le Bohle”

Ke mang yo o ka ikgokaganyago naye: Ge e le gore go na le seo se go tshwenyago ka ga tlhokomelo ya tikologo, se ke wa homola Bolela le molaodi wa gago, Molaodi wa gago wa tša Maphelo le Polokego, Molaodi wa gago wa Ditirelo tša Bašomi goba Mmegi gago wa tša Boitshwaro; ba tla kgonago go go thuša le go go thekga (bona gape kgaolo ka ga “ke na le seo se ntshwenyago: Bolela ka Tokologo”).

L'ORÉAL e hlompha tikologo, ebile e nyaka go fokotša seabe sa yona go tikologo. Re ikemišeditše go boledišana ka tokologo ka ga dikatlego tša rena mo lefapheng le, gammogo le ka ga ditlhohlo tša rena.Ditiro tše ntši tše di akaretšago go tliša ditšweletšwa tša rena mmarakeng di na le seabe go tikologo. Ke maikarabelo a mang le mang go nyaka go fokotša seabe seo ka moo go ka kgonegago. Kgato e nngwe le e nngwe e nnyane e na le seabe.

TLHOKOMELO YA

TIKOLOGO


41

Re swanetše

+ Go kwešiša gore tirelo ya batho ke boitlamo bja go ya go ile. Ditiro ka moka, re sa lebelele bogolo bja tšona, di swanetše go dirwa ka leano leo le kwagalago la ka moo re ka hlabollago tirišano ya lebaka le letelele


- Ikgokaganye le L'ORÉAL mo ditirong tšeo di sa bontšhego leano la rena la go thekga tirelo ya batho ya Sehlopha le Melawana ya Boitshwaro

- Gapeletše bašomedi goba badirišani mmogo kgwebong gore ba fana ka dimpho goba matlole go diprotšeke tša tirelo ya batho tšeo di thekgwago ke L’ORÉAL

Naa go na le botho?

21.1 - Lenaneo la go thekga diprotšeke tša ka ntle leo ke kgathago tema go lona setšhabeng sa gešo se kgopetše ge eba L'ORÉAL e ka fana ka ditšweletšwa tša mahala go thekgo lenaneo leo. Ke a tseba gore go na le dišamphu tše ntši le ditšele tša go hlapa tšeo di tlogo lahlwa ka lebaka la gore ke tša kgale. Nka beakanya gore di rwalwe ntle le gore motho yo mongwe a tsebe. Naa nka ba fa tšona?

L'ORÉAL e nyaka go go thekga mošomong wa gago wa go thekga diprotšeke tša ka ntle, ge di sepelelana le leano la Khamphani. O swanetše go tsebiša molaodi wa gago, yo a ka bonago ge eba lesolo le la go nyaka thušo le sepelelana le leano la L'ORÉAL, gomme a e šišinye le motho yo a nago le maikarabelo a go thekga diprotšeke ka nageng ya geno.

21.2 - Sepetlele seo ke ithaopago go sona se kgopela mang le mang bekeng ye nngwe go thuša go nyaka baithaopi ba baswa, gomme se nyaka gore kgopele L'ORÉAL e kgathe tema kudu. Ke a tseba gore bontši bja bašomimmogo ba ka ba ka ba le kgahlego. Naa ke swanetše go boledišana le bona thwii?

Ge e le gore sepetlele se se emetše monyetla wo o sepelelanago le leano la L'ORÉAL la go thekga diprotšeke tša ka ntle, o swanetšego boledišana le molaodi wa gago go bona ge eba a ka tsenya Khamphani gore e kgathe tema go dirišana le sepetlele seo. L’ORÉAL e ikemišeditše go “beela tšheke ka thoko”, le go hloma tirišano yeo e hlakanyago tšhelete le dikabelo tša mohuta woo, go tsenya letsogo ga bašomi, gape le go abelana bokgoni bjo re nago le bjona ka mafapheng a mantši go thuša ba bangwe. O ka ba mothekgi wa ditšhelete wa khamphani wa protšeke ye, gomme la dira lenaneo le bohlokwa la nako e telele mmogo.

BAKENG SA TSHEDIMOŠO YE NNGWE GAPE: mo go kabelo setšhabeng ya L’ORÉAL, ka kgopelo bala “Boitebanyo 2020: Re abelana Bobotse le Bohle”

Ke mang yo o ka ikgokaganyago naye: Ge e le gore go na le seo se go tshwenyago ka ga seabe setšhabeng, se ke wa homola. Bolela le molaodi wa gago, Molaodi wa gago wa Ditirelo tša Bašomi goba Mmegi gago wa tša Boitshwaro, ba tla kgonago go go thuša le go go thekga (bona gape kgaolo ka ga “Ke na le seo se ntshwenyago Polelo yeo e Bulegilego”).

L'ORÉAL ke mokgathatema wa go ba le maikarabelo setšhabeng, moagišani yo a lokilego le modudi yo a tshwenyegago yo a ikgafilego ditšhabeng tšeo a dirago kgwebo gona. Re hlohleletša bašomi go raloka tema e bohlokwa setšhabeng.

SEABE

SETŠHABENG

42

Gore naa o bea bjang mohlala.

Godimo ga boitshwaro bja rena bja ka mehla, bjo e swanetšego go ba bja mohlala, go na le dilo tšeo o ka di dirago tšeo di ka bontšhago bohlokwa bjo o bo fago maitshwaro mo go L’ORÉAL, gomme tšona ke:- pontšho MOYA WA L’ORÉAL mo kantorong ya gago- go ba le Khoutu ya Boitshwaro kgauswinyana- o se ke wa ba wa kgopela goba wa šišinya go

sehlopha sa gago gore ba beele ka thoko Khoutu ya Boitshwaro

- o ipha nako ya gore o hlalose Khoutu ya Boitshwaro go bašomedi ba baswa

- hwetša dinako mo ngwageng (e sego fela ka letšatši la Boitshwaro) go rerišana ka merero ya boitshwaro

- ka go tšweletša thulano ya dikgetho tša boitshwaro tšeo di ka bago gona mo lefelong la mošomo

- hlalosa ka botlalo dikgonagalo tša boitshwaro tše bjalo ka “Dira/Eta pele ka go Kwela Batho” le “Hwetša Dipoelo ka Seriti” mo nakong ya tekolo ya ngwaga ka ngwaga ya bašomedi

- Ge o sena go bona monyetla, lemoga le go bea boleng go boitshwaro bja setho bjo itšeng le go ba sebete ga mošomedi o itšeng

Bašomedi ba gago ba ka nna ba tšhaba go tla go boledišana nago ka matshwenyegeo a bona a boitshwaro le dipotšišo. O ka dira gore ba ikwe ba le kaone ka go ba botša kgafetša kgafetša gore o gona go tla go theeletša matshwenyego a bona le go ba gopotša gore mošomedi yo, ka moya o mobotse a abelanago matshwenyego a gagwe go ka se ipušeletšwe go yena.

Gore naa o tsenya bjang boitshwaro mo mokgwatshepetšong wa gago wa go tšea sephetho

Ge e le gore o hloka go tšea sephetho, lebiša go dipotšišo tšeo di hweditšwego go karolo ya “Naa o diriša bjang Khoutu ye”. Gopola gore ka gobane o na le tokelo ya go dira sengwe se ga se bolele gore selo seo se latelana le Melawana ya Setho ya Sehlopha.

Ge e le gore o tšeere sephetho ka mabaka ka boitshwaro, gomme go lebeletšwe melao ya khupamarama, abelana se le sehlopha sa gago gore ba kgone go holega go tšwa tsebong ya gago gomme ba latele mohlala wa gago.

Gore naa o araba bjang dikarabo tša sehlopha sa gago

Netefatša gore o lemoga dipholisi tšeo di fapanego tša boitshwaro tša Sehlopha. Ke maikarabelo a gago go netefatša gore sehlopha sa gago se a e tseba. Gaoe, iphe nako ya go theeletša bašomedi ba gago: Ga se gantši moo ba kgonago go fana ka mohuta woo wa dipotšišo.

Ge o sa tsebe gore naa o arabe bjang dipotšišo tša bona, o swanetše go di lebiša thwii go motho yo a lego kaone kudu gore a ka di araba.

Ke sefe seo se lego bohlokwa go nna bjale ka Molaodi: go fihlelela ditlamego tša ka tša maikemišetšo a tša ditšhelete goba tša kgwebo, goba tšeo di adilwego mo go Khoutu ya Boitshwaro?

Bobedi di a tsenelelana gabotse - ebile di kgokagane thwii. Go dira dilo tša maleba ka mabaka a maleba gantši ke kgwebo e kaone. Dikgahlego tša Khamphani ga di ke di phethagatšwa ke ditiro tša kgwebo tšeo sego tša setho gape di sego molaong.

Naa Melawana ya Boitshwaro e a dirišwa mo maemong ka moka a taolo, re ra gona le go fihla kua godimo?

Melawana ya Boitshwaro e dirišwa go bohle. Moo motho a nago le maikarabelo a le mantši, ke moo a swanetšego go ba le boitshwaro bjo e lego bja mohlala. Go ba le maemo a mabedi go ka se amogelege gape go be kgahlanong le Melao ya Boitshwaro ya L’ORÉAL.

Bjalo ka Molaodi, o na le maikarabelo ao a okeditšwego ka lebaka la gore:- O bea mohlala gomme o hlohleletše boitshwaro bja setho- O motho yo a tšeago diphetho yo a lebanego le ditaba tša go hlakahlakana tše boima- Sehlopha sa gago se tla tla go wena go kgopela dikeletšo le thušo Gomme bjale ka Molaodi, gape o tla šoma ka

TEMA YA

MOLAODI

E phatlaladitšwe ke:SVP le Mohlankedimogolo wa tša BoitshwaroL'ORÉAL

Dikantorokgolo41, rue Martre92117 CLICHY CEDEXFrance

Kantoro ye e Ngwadišitšwego:14, rue Royale75008 PARISFrance

http://ethics.loreal.wanswww.lorealethics.com

Diswantšho:Stéphane de Bourgies, Stéphane Patti. Ditokelo tšohle di beeleditšwe.

Tlhamo:www.meanings.fr

khoutu ya boitshwaro tsela yeo re šomago ka yona · bašomedi ka moka le dihlongwa go swanetše...

Documents