kitaaba qaacceeffame

XIINXALA KITAABA ASAFAA TAFARRAA DIBAABAA-THEORIZING THE PRESENT;

TOWARDS A SOCIOLOGY OF OROMO LITERATURE: JAARSO WAAQO'S POETRY.

BEEKAN GULUMMAA IRRANAAN [email protected]

1

Seensa

Barreeffamni kun gabaasa sakatta’a kitaaba qorannoo

eebbaa digrii lammaffaa, bara 2004, Asafaa Tafarraa

Dibaabaa mata duree, “Theorizing The Present”

jedhuun inni maxxansiiserratti xiyyeeffata. Kitaabichi

bu’aa qorannooti. Barreessaan kun walaloo goota

Oromoo tokkoo nama Jaarsoo Waaqoo, jedhu bifa

xiinhawaasummaatiin qaacceessee dhiyeesse.

Kitaabichi qorannoorratti kan hunda’e ta’ee, haala

siyaasaa, dinagdee, hawaasummaafi aadaa kan

Booranaafi gadi fageenyaan gaafa ilaalamu kan guutuu

Kitaabni Qaacceeffame: Theorizing the Present;

Towards a sociology of Oromo Literature: Jaarsoo

Waaqoo’s Poetry

Kan Maxxanse: Asafa Tafarraa Dibaabaa

Barri Maxxansaa: 2004

Manni Maxxansaa: Dhaabbata Maxxansa

Biraannaa

Magaalaa itti Maxxanfame: Finfinnee

Qaacceessaan: Beekan Gulummaa Irranaa




2

Oromiyaa hundumaa madda ragaa isaa walaloo Jaarsoo

Waaqoo, Finna san gamaafi maanguddoota Booranaa

gidduu-galeessa godhatee gadi fageenyaan ilaaluu

danda’eera.

Sakatta’a kitaaba kana kessatti qabiyyeen addaaddaa

aammatamaniiru. Isaanis mata dureewwan xixiqqaafi

gurguddaatti kan qoodamanidha. Mata dureen

gurguddoon kitaabichaas boqonnaa afur qabu. Isaanis:

Seensa, daayessa ilaalamuu qabaniifi qu’annaa

walfakkaatu, xiinhawaasaa gooroo geerarsaa,

qaaccessa yookaan xiinxala qaiyyee Jaarsoo Waaqoofi

xumuradha. Kunsi tokkoon tokkoonsaanii

gaggabaabinaan dhiyaataniiru.

Ibsa Alaan Mul’atu

Kitaabichi fuuldurasaan suuraa dachee magariisaa, kan

mukkeettiin muraasni darbanii keessaa gurguddattan,




3

bosonaafi gaaraan haguugame qaba. Karaa duuba qola

kitaabichaa immoo, yaada ciccimoo kitaabichaa

keessaa fudhatamantu barreeffame. Dabalaataanis

bakki dhalootaa, seenaan barnootaafi kitaabilee

kanaan dura barreessaan maxxansiise ibsamaniiru.

Akkasumas suurri barreessichaa karaa mirgaatiin itti

maxxanfamee jira. Suurri kunis qomasaan gadi wanta

biraatiin waan liqimfame fakkaata. Barreessichi

mataasaarratti kooffiyyaa meexxii irraa hojjetamefi

bocni hareedasaatii kan bifa geengoo qabuufi gadi

dheeratudha.

Suura barreessichaati gaditti immoo lafa bosonaafi

margi baay’ee keessaa barbadaa’antu argama. Lafa

baay’ee hubame kanarraa Saawwan toora galanii gara

bosonichaatti dheedaa deemantu argama. Isaa gaditti

immoo hummoon lakkofsaan muraasa ta’an soorata

barbaachaaf olii gadi ilaalu. Qola kitaabichaas Nama

Eyosyas W. Kidaan jedhamutu kuule. Gatiin kitaabni




4

kun ittiin gurguramullee qarshii soddomii shan

ta’uunsaa kaa’ameera. Kitaabichis kaninni

maxxanfame dhaabbata maxxansa Biraannaatiin.

Hiikkoon Saawwanitti, suuraa liqimfamte, lafatti bosonni

irraa dhumte, hummoottiifi suurattiin qoma gaditti

liqimfamtee hamma gaafa nuuf iftuutti Obsaan haa

eeggannu.

Karaa fuula kitaabichaatiin keessaan fuula tokkorratti

eenyu kitaabichaan yaadatamuu akka qabu lafa

kaa’amee jira. Innis Kitaabni kun “Daraaraa Osoo Ija

Hingodhatiin Karaatti Cabaniif Malee Harka Isaan

Cabseef Hinta’iin” (For Those Flowers Crushed in Buds

Not for The Crushing Feet” kan jedhudha.

Gara fuula biraatti erga seenee booddee dubbisaaf

akka tolutti hiikkoon jechootaa tokko tokko erga

laatamaniin booda jechoota Afaan Oromoo qabiyyee

kitaabichaa keessatti deddeebi’anii kan mul’ataniif




5

hiikkoon Afaan Ingiliziitiin kennameeraaf. Ittuma

fufuunis qubeewwan Afaan Oromoo gurguddoofi

xixiqqoon dubbifamaafi dubbachuiiftuutti erga

qoqqoodamnii booda ibsa gaggabaabaa waliin

laatamaniiru. Kanaan booddee waa’ee kitaabichaa kan

ilaallatu ibsi erga laatameen booda, kanneen hojii

guddaaf dadhabsiisaa hojjetaman kana keessatti hanga

danda’an gumaacha karaa hundumaan godhaniif

galanni erga kennameen booda gara qabiyyeewwan

gurguddoo kitaabichaatti darbameera.

Qorannichis irra caalaan xinxala qabiyyee walaloo kan

hawaasummaa, aadaa, dhimma qabeenyaa Oromoo,

haala dhimma siyasaa biyyattiin keessa jirtu kan of

keessatti aammatee jirudha. Kitaabichis walaloo

Jaarsoo Waaqoo kan ka’umsa godhate yoota’eeyyuu

haala xiin-haawaasummaatiin kan qaacceessee

dhiyeesseefi qorannichas odeeffannoo kallattii

hedduun walitti fiduun kan jabeessedha.




6

Seenaa Jaarsoo Waaqoo

Seenaan dhalootaa Jaarsoo Waaqoo odeeffannoo

qabatamaa fira dhiigaa Jaarsoo, obboleessasaa

hangafaafi firootasaa akkasumas meeshaalee

‘Abdullahifi Shele’ irraa odeeffannoo argamaniin

Asafaan qindaa’amanii kaa’amaniiru. Jaarsoo Waaqoo,

abbaasaa Waaqoo Qooxxoofi haadhasaa irraa

booranatti dhalate. Jaarsoon maatiisaatiif dhala jahaffaa

yommuu ta’u, gosti inni keessaa dhalate Noonnituu

jedhama. Haatisaa yeroo inni daa’ima waggaa afurii

ture waan irraa duuteef dhiibbaa gurguddaan irra

geessifameera. Akka odeeffannoon Nama Booranaa

kan ta’e maqaansaa Tarri’ jedhamurraa barreessichatti

himametti Jaarsoon, darbee darbee hiriyaasaatti

maxxana malee, yeroo mara nama kophaasaa jiraachuu

filatu ture (Ful. 35).




7

Jaarsoon yeroo tikee ture irraa eegalee nama fincilaa

ture. Manguddoonni (elders) dhimma lafaarratti

saboota naannoo jiran (garri, Gabrafi Somali) waliin

yeroo walitti bu’anii araaraman dheekkamaa ture.

Boodas yeroo loltuu ABO tures osoo walirraa hinkutiin

hoggantoota qeeqaa ture.

Jaarsoon Yeroo tikee turetti, hiriyootasaatti, tikee ta’ee

akka hinhafnefi gaaf tokko, ABO waliin tahee akka

sabasaa bilisa baasu dubbataa ture. Boodas yeroo

umuriinsaa waggaa 14 ta’u gara magaalaa

Naayiroobiitti badee, adeems keessa ABO waliin

walbare. Haaluma kanaan bara 1987/88 ABO waliin

tahee qabsoo eegale. Yeroo kanatti daangaa Keeniyaa

iddoo Sololoo jdhamutti shamarraa ‘Diimaa’ jedhamtu

fuudheetu ilma Boruu jedhamu deesseef. Jaarsoon

walaloosaas idduma kanatti qindeeffate. Qabsaa’aan

kun aadaa uummata Oromootiif, keessumaayyuu

sirbaafi walaloof fedhii inni qabu guddaa ture.




8

Jaarsoon barreessuufi dubbisuu kan inni danda’e erga

waraana adda bilisummaa Oromoo (WABO)’tti

dabalameen booda. Kanarra kan hafe barumsa idilee

nama hinqabne ture. Haata’uuti garuu hanga gaafa

lubbuunsaa dirree qabsoorratti darbituutti ergaa

dhoksaa baay’ee of keessaa qaban kana barreessee

kaasseettaan waraabee kaahaa ture (Ful 40). Waloo,

Qabsaa’aafi gootni Oromoo Jaarssoo Waaqoo jalqaba

gara waggaa 30’ffaasaatti akka deeffanno argamaniifi

Obboleessasaa hangafaa Jaarsoo’tti Fulbaana 21, 1994

Mana hidhaa Wayyaanee seenee dhiphifamuuf

rakkachuu mannaa jedhee lubbuusaa ofiin of

wareege(ful 18,40). Xumurri jireenya Jaarsoo akkasiin

yoo ta’u, hojiinsaa garuu ammas ta’e boru seenaa

keessatti kan ka’udha.

Qabiyyeee Gurguddoo Kitaabichaa

Boqonnaa Tokko: Seensa.




9

Boqonnaan tokkooffaan seensa kitaabichaa jalatti

aammatame. Jecha hayyuu tokkoo nama maqaansa

Myles Munroe jedhamuutiin eegala. Innis: Namni

sirriitti hubatee ilaaluu hindandeenye tokko wanta isatti

dhufe hundaaf garba ta’a (The person who cannot see

the ultimate becomes slave to the immediate) kan

jedhuun eegala.

Boqonnaa tokkoffaa keessattis ka’umsi qo’annichaa,

sababaatti walaloon Jaarsoo qo’annof filatame, kaayyoo

qo’annoo, mala qo’annoo, waa’ee katabbiifi jijjiirraa

Finna sana Gamaa I-IV dhiyaataniiru. Barreesichi

jalqaba boqonnaa jalqabaa kana keessatti ogafaan

yookaan ogbarruu Oromoo qorachuu ilaalchisee gaaffii

lama gaafata. Isaanis:

1. Qo’annoo Og barruu Oromoos ta’ee ogafaan

qo’achuun eessaa jalqabuu qabaa?




10

2. Qo’annoo og-barruu Oromoo keessatti kallattiin

ofii garamitti ta’uu qabaa? (Ful, 13).

Haaluma kanaan kan walqabate, og-barruu Oromoo

jireenya Oromoon har’aa geggeessaa jiru ilaaluun,

gadi fageenyaan xiinxaluu barbaachisa. Yoo ta’uu

baate dhugaa har’a jiru hubachuun, kan boruu raajuun

hindanda’amu. Gama biraatiin immoo Ogwalaloo

Oromoo ilaaluuf, duuba deebi’anii ilaaluufi seena inni

keessa darbeefi jijjiirama jiru ilaaluun akka

barbaachisu barreessichi yaada kenna. Dabalataanis

og-barruun Oromoo kun haala qabatamaa amma

uummatichi keessa jiru, aadaasaa wajjiniin bifa

walqabatee jiruun og-barruunsaa uummaticha

murteessuu kan danda’auufi uummatichaan murtaa’uus

akka danda’u kitaabichi ibsa.

Dabalataanis hanga ammaatti og-barruu Oromo

ilaalchisee wanti hojjetamee jiru muraasa

ta’uusaarrayyuu darbee xiinhawaasummaafi aadaa




11

uummatichaa ilaallate kan hojjetamee jiru garuu

muraasa ta’uusaa erga eeree booddee walaloo jaarsoo

qorannoo kana keessatti wanti adda godhu garuu, inni

jalqabaa yeroon itti walaloon kun waraabamee

kaa’ame kun yeroo kufaatii Dargiifi dhimmi uummataafi

siyaasaa itti baay’ee ho’aa turedha. Inni lammataa

immoo Jaarsoon barumsa idilee kan hinqabne garuu,

walaloo hedduu of keessaa burqisiisuun teeppiif

kaassettaan waraabee kaa’uusaati (Ful.13-16)

Kaayyoo Kitaabichaa

Kaayyoo guddaan kitaabicha keessatti mul’ate

qorannoon adeemsifame walaloo Jaarsoo Waaqoo bifa

xiinhawaasummaatiin gadi fageenyaan qaacceessuun,

gooreen geerarsaa adeemsa seenaa inni keessa

darbeefi yoomessa jireenya Oromoo har’aa waliin

ilaaluudha. Kana jechuunis, walalichi uummata har’a

jiru keessatti jijjiirama fiduu danda’uusaa

mirkaneessuufi, haala inni itti gaaffii har’a uummaticha




12

keessa jirutti deebii kennuu danda’uusaa ittiin ilaaluuf

(Ful.18).

Og-barruu xiinhawaasaatiin qo’achuuf walaloon Jaarsoo

sababni inni filatameef wantoonni gurguddaan lama

kitaabicha keessatti lafa kaa’amaniiru. Isaanis:

Walaloon Jaarsoo kan inni qindaaye, bara 1991

kaasee, kufaatii Dargii duukaa walqabatee yeroo

impaayeera Itoophiyaa keessatti haalli siyaasaafi

hawaasummaa ho’aa ture waantaheef.

Barnoota idilee utuu hinqabaatiin, walaloo hedduu

qopheessee teeppiifi kaassettaan waraabee waan

kaa’eefi yoomessa kana fakkaatu keessatti walaloon

qophaa’uu qabiyyeensaa salphaa waan hintaaneef,

qalbiinsaa hawwatamee, qo’aachuuf si’aa’uusaa

barreessaan ibseera (Ful. 16).

Mala Qo’annaa Kitaabichaa




13

Barreessichi walaloo Jaarsoo Waaqoo mala qo’annoo

ibsaafi qaaccessaa gargaaramuun qindeesseera. Kana

jechuun walaloo teeppiin waraabame kana

barreessuun, jijjiiruufi qaaccessuun ture. Dabalataanis,

Guraandhala 2002 yeroo dhimma qo’annoo kanaaf

Boorana naannoo (libaniifi Dirree) turetti afgaaffii

firoota Jaarsoofi hiriyoota isaa waliin adeemsiseen

hojicha jabeessee jojjeteera.

Uummanni Booranaa jiraatan sababa yookiin kaayyoo

maaliitiif Asafaan qorannoo kana akka geggeessu

baruun isaanirra ture. Kunis immoo waa’ee seenaa

Jaarsoo Waaqoo ijoollummaasaatii ka’anii kan beekan

odeeffannoo laachuufi kan isaan danda’an yoo isa

hubatan ta’uusaati. Haalli kun immoo waayita qorannaa

sanatti qoraticha xiqqoo kan rakkisan turan.

Asafaan walaloo Jaarsoo waaqoo kan inni walitti

qabachuu jalqabe bara 1998 eegalee yeroo kolleejjii




14

barsiisota Jimmaa turetti FSG-II fi FSGIV of harka

galfateera. Dabalataanis barattoonni Asafaa kanneen

Boorana irraa dhufan deggarsa godhaniiru. Kan hafe

FSG I fi FSG III garuu, Guraandhala 2002, yeroo

Boorana Dhimma qo’annoo kanaaf deeme argateera.

Adeemsa kanaan kan walqabatan, barruuleen isaan

dura kanneen akka Shongollo, 1996 fi Schleefi

Shongollo 1992 hojii qo’atichaa keessatti hedduu isa

gargaaraniiru.

Kutaa qorannichaa keessattis qorannichi Boraana

keessatti nama dhuunfaa tokkorratrti kan geggeeffame

yoo fakkaateyyuu dhimma seenaa hawaasummaa

uummata bal’aa Oromoo ilaaluuf kan yaaledha. “ …to

explore if, as already noted, the socio economic,

historical and political problems the poet communicates

in his poetry correspond with the life of the Oromo at

large, and not just the Boran, is the target of the

study”(Ful. 20) jedha.




15

Kalabuufi Jijjiiruu

Walaloo jaarsoo Waaqoo bifa kaassettiin waraabamee

taa’ee, gara barreeffamaatti fiduun rakkoo

barreessicha mudate akka ta’e ibsameera. Maddi

rakkoo kanaa inni guddaanis garaagarummaa loogaa

akka ta’e haala xiinsaga, dhaamsaga, xiindhaamsaga,

akkaataa jechootaafi hiikkoosaanii akka ta’e

barreessichi addeesseera. Kana malees haala

yoomessa walaloo kanaa qindeessuunifi walduraa

duubaan kaa’uun baay’ee rakkisaa ture.

Looga uummata Booranaa keessa jiru al tokkotti

hubachuun rakkisaa ta’us, looga maccaa keessaa kan

bahe, barreessaan, looga booranaa hubachuuf kan

hinrakkanne ta’uusaa ibseera. Amma hiikasaanii

eeguufis walaloo Jaarsoo jecha jechaan hiikuun

jijjiiruun danda’ameera. Walaloon kun afaaniin waan

qophaa’eefis mata duree itti kennuun kan baay’ee




16

rakkisu ture. Kanaafuu, walaloo kana mata duree Finna

San Gama (FSG I-IV) jedhu kennuun yaadasaa walitti

fiduuf danda’e.

Haaluma kanaanis walaloo Jaarsoo Waaqoo kalabuufi

jijjiruu keessatti sagaleessuu rakkina kan qabu

ta’uunsaas rakkina tokko yoo ta’eyyuu, dabalataanis

Afaan Oromoo guutuu biyyichaa keessatti kan

hinwaaltofne waan ta’eefis barreesichi jecha jechaan

hiikuun hojiisaa fiixaan baaseera.

Walon Jaarsoo Waaqoo waa’ee ta’iiwwan seenaa

Oromiyaa darbanii, amma keessa jirruu abdii Oromoo

gara fuulduraatti eeggatu kan ofkeessatti qabachiisuuf

yaaledha. “…the poet refers to past and present

historical events in Oromia and articulates the hopes and

aspirations of the Oromo in the future”. Haaluma

kanaanis walaloon Jaarsoo Waaqoo mata duree tokko

qofaan kangonfame osoo hin taane walitti dhufeenya




17

aangoo Oromoofi Habashoota (Amaarafi Tigree), fincila

Somaalii, Gabraafi Garri kan of keessatti aammatedha.

Dabalataanis waa’een sabbonummaa bal’inaan

keessatti yeroo inni mul’atu argina (Ful.31).

Walaloo Abdullahi Shongolo walaloofi sabboonummaa

(Poetics of nationalism) jedhe cinatti Asafaan

odeeffannoo argateen kaassettota warra hafan akka

ibsetti mata duree Finna San Gama (I-IV) -Beyond

Adversities, kan jedhu itti laateera. Jaarsoonis Yeroo

ibsu (cf FSG I ) keessatti Oromoon finna kamiyyuu

keessatti amala dadhabaa hinagarsiisu jedha “Oromo

never shows a weak character even in the face of

adversities” jedha (ful. 34).

Boqonnaa- Lama

Boqonnaan lammaffaan kitaaba kanaa dayeessa kanaaf

hundee tahaniif qo’annoowwan kana duukaa kan

walfakkaatantu dhiyaatee jira. Dayeessa dhiyaatan




18

kana keessattis og-barruu Oromoo sakatta’uu akka

danda’utti filatamuun. Asafaan ‘Ruth Finnegan

kitaabashee Oral Tradition and Verbal Arts (1992) jedhu

wabeffachuun, dayeessi hojii qorannoo tokkoo

keessatti hagam akka barbaachisuu gaafa ibsu,

eenyuma birattuu akkaataa gaariin akka mul’atuufi hojii

qorannoo tokkoo saffisiisuu akka danda’utu mul’ata.

“…the importance of theoretical assumptions is best

recognized explicitly…the role of theory just to facilitate

the study” haaluma kanaan kitaaba Asafaa kana

keessattis dayeessonni biyyaa keessaafi alaa

sakatta’amuun hojicha milkoomsaniiru.

Dayeessa Kitaabicha Keessaa

Kitaaba Asafaa kana keessatti moodelii aadaaf

hawaasummaa walaloo Jaarsoo Waaqoof mala

qaaccessa xiin-hawaasaa ta’ee bal’inaan itti

fayyadamameera. Haaluma kanaan dayeessi guddina

hawaasummaafi dayeessi waldhabinsaa waliin tahanii




19

qo’annichi haala xiinhawaasaatiin akka qaacceeffamuuf

gargaaraniiru (Ful.45). Dayeessonni armaan olitti

eeraman kun dayeessota biyya alaati. Haata’u malee

qoratichi akkaataa hojiisaa wajjiniin walsimachuu

danda’uufitti dayeessa afoolaa kan biyya keessaa Finna

Oromoo gargaarameera.

Kitaaba qorannoo kanaa kessatti dayeessa waldhabbii

yeroo jedhamu, hawaasni addaddaa waldorgommii

taahitaaf godhaniin yoo waldhaban tahedha. Akka

yaada dayeessa kanaatti, to’atamuu yookaan

dhaabbachuu walitti bu’insaa jechuun, yeroof gareen

inni tokko humna caalee masaanuu isaa gadi qabee

jiraachuusaa kan agarsiisudha. Wanti gara biraan

immoo, dayeessaa guddina hawaasaafi dayeessa

guddina Oromoo finnaadha. Kana duukaa kan

walqabate, ‘normative Approach’ kan jedhamu

guddinni tokko akkamitti argamuu danda’a? (How




20

development ought to take place?) kan jedhu irratti

xiyyeeffata.

Akka yaada kanaatti guddinni fedhii ilmaan namaa

isaan bu’uura ta’an hinguunne, kan walabummaan

ibsannaa yaadaa hineeyyamne guddina sobaati jedha.

Kanaafuu akka dayeessa kanaatti qeeqa jalaa ba’uun

hindanda’amu. Walaloon Jaarsoo Waaqoos qeequma

kana ilaala. Dayeessi finnaa sadarkaalee guddina

Oromoo waliin walqabatee qaaccessa Walaloo FSG

waliin deema. Finna kan jedhu kun hiiknisaa hedduu

ta’uus yoomessa qo’annoo kanaa keessatti, haala

mijaahinaa keessatti hiika jedhu qaba. Gammachuu

1993 eeruun, Asafaan akka jedhu, haalawwan kunis

sadarkaalee guddina hawaasummaati. Isaanis:

guddina, gabbina, baldhina, badhaadha, hormaata,

dagaagafi dagaag-hora (Ful.56).




21

Dayeessa finnaa jedhamu kana keessatti, walitti

hiikkannaan sadarkaalee guddinaa, jijjiirama

waliigalaa hawaasicha keessatti mul’atu agarsiisa.

Jijjiirraan finna Oromoo keessatti raawwatanii kun

hawaasummaa, siyaasa, dinagdeefi, aadaa

Oromoorratti gahee mataasaa waan qabuuf, walaloon

Jaarsoo gara kanatti akka luuccahu godheera. Kanaaf

walaloon isaallee Finna Sana Gama jedhamee kan

dhiyaate. Dayeessi koloneeffannaa qo’annoo kana

keessatti gahee mataasa qaba.

Qo’annoowwan Dhimmicha waliin walfakkaatan

Mata duree kana jalatti qu’annoo qabiyyee walaloo

Jaarsoo waliin kallattiitiin yookaan habalakaan

qu’annoowwan walfakkaatanii dhiyaataniiru. Kana

malees, uummata Oromoo ilaalchisee kanneen Oromoo

beekanis, hinbeeknes waan isaan barreessan

dhiyaateera. Fakkeenyaaf ‘Dassaalenyi Seyum’ kan




22

jedhamu “E cerullis Folk literature of the [Oromo] of

southern Absynia: A Critical Evaluation” jedhee

qaaccessuu yaaleera. Inni biraan Addisuu Tolosaa

1994, walitti dhufeenya geerarsaafi eenyummaa aadaa

Oromoorratti kan xiyyeeffate hojjeteera; isaan biros

nijiru.

Kutaa kana jalatti barreessitoonni habashaa addaddaa

kanneen akka Baahireefi firoota isaa, seenaa, aadaafi,

eenyummaa Oromoo ilaalchisee waan isaan barreessan

ibsameera. Madda odeeffannoo isaanii Habashaa

godhachuun, seenaa Oromoo kan barreessaa turan

keessaa namoonni biyya hambaas akka jiran

ibsameera. Kitaabni kun waa'ee qabsoo Oromoo gama

hedduun kan tuttuquufii miidhagina addaa qabudha!!!

kitaaba qaacceeffame

Documents