Página  1  di  2    

KOMUNIKADO  PA  PRENSA    17  di  òktober  2011  

 

 Gobièrnu  ta  lansa  kampaña  di  informashon  

tokante  maneho  di  koriente      Willemstad  –  Riba  16  di  febrüari  2011  gobièrnu  di  Kòrsou  a  formulá  e  “Nota  di  Maneho  Regulashon  di  Suministro  di  Koriente  Kòrsou  2011-­‐2015”.  Den  e  nota  di  maneho  aki  tin  pará  e  vishon  i  intenshon  di  maneho  riba  tereno  di  suministro   di   koriente   den   nos   pais.   Den   kuadro   di   esaki   ta   start   un  kampaña   informativo   ku   ta   konsentrá   riba   tres   aspekto:   informá   pueblo  riba  kontenido  di  e  maneho  aki,  hasi  pueblo  konsiente  kon  e  por  atendé  di  un   forma   mas   konsiente   ku   koriente   i   kon   e   por   hasi   uso   di   energia  alternativo.      Lo   kuminsá   e   luna   aki   ku   informashon   tokante   e   maneho   i   uso   konsiente   di  koriente.   Denter   di   poko   lo   kontinuá   e   kampaña   ku   enfoke   riba   energia  alternativo.   Asina   Minister   Presidente   Gerrit   Schotte   a   informá   awe   na   un  konferensha  di  prensa,   kaminda  e,   komo  e  mandatario   responsabel  pa  henter   e  sektor  energétiko,  a  lansa  e  kampaña.  Tambe  el  a  duna  pueblo  e  bon  ehèmpel  dor  di   demonstrá   algun   manera   ku   kada   kas   por   usa   koriente   den   un   forma   mas  konsiente.      Lema  E   lema   sentral   ta:   “Sea   konsiente,   usa  ménos   koriente”.   Esun   ku   lo   hasi   pueblo  konsiente  ta  maskota  “Iya  Energia”  ,  un  figura  den  forma  di  un  lampi  di  spar,  ku  ta  kompartí  hopi  tep  kon  pa  usa  ménos  koriente.  Banda  di  e  lema  general,  tin  lema  pa  diferente  sorto  di  situashon  tambe,  manera  “Si  bo  no  ta  uz’é,  sak’é”,  “Si  bo  no  ta  uz’é,  pag’é”   i   “Fria  ménos,   spar  mas”.  Señor  Schotte  a  desvelá  e   figura  aki,  ku   lo  kuminsá  hasi  su  trabou  pronto  na  medionan  di  komunikashon.    Stakeholders  Señor   Schotte   a   indiká   ku   lo   usa   vários   medio   di   komunikashon   pa   duna   e  informashon  nesesario.  Pa  loke  ta  trata  informashon  mas  profundo  di  e  maneho  nobo   i   su  posibel   efektonan   riba   instansianan   i   kompanianan  ku   ta   traha  den   e  sektor   aki,   ya   a   kuminsá   tene   seshonnan   di   informashon   pa   tur   stakeholders.  Tambe   lo   saka   un”brochure”   ku   ta   kontené   un   resúmen   di   henter   e   nota   di  maneho.  

 

Página  2  di  2    

 Pa   loke   ta   trata   informashon  pa  e  públiko  general,   lo  duna  algu  di   informashon  tokante   e  maneho   nobo,   pero   lo   konsentrá   prinsipalmente   riba   tepnan   pa   spar  koriente.  Lo  usa  avisonan  den  korant,  spòtnan  na  radio  i  na  televishon,   i   lo  saka  un  otro  “brochure”  yená  ku   tep.  Un  resúmen  di  e   tepnan  prinsipal   lo  sali   tambe  riba  un  foyeto  ku  lo  repartí  bou  di  pueblo,  pa  pone  riba  frishidèr,  pa  ya  e  por  keda  rekòrdá  tur  hende  pa  usa  ménos  koriente.    Facebook  i  webpage  Tambe   lo   tin   un   seri   di   programa   kòrtiku   di   televishon   den   forma   di   un  ‘infomercial’  den  kua   lo  duna  palabra  na  vários  persona   i   instansia  ku   ta  aktivo  riba  tereno  di  inovashon  den  e  sektor  di  koriente.  Tambe  lo  usa  banner,  billboard,  Facebook  i  e  webpage  www.energiakonsiente.com  ku  tin  un  ‘link’  ku  e  website  di  gobièrnu  www.gobiernu.an.  Na  okashon  di  e  konferensha  di  prensa  señor  Schotte  a  lansa  e  webpage  www.energiakonsiente.com  tambe.      Finalmente  Señor  Schotte  a   indiká  ku  denter  di  poko  e  kampaña   lo  drenta  su  di  dos   buèlta,   kaminda   lo   bai   duna   tur   sorto   di   informashon   tokante   energia  duradero,  tambe  yamá  energia  alternativo  òf  energia  bèrdè.  Lo  duna  informashon  tokante   kiko   energia   duradero   ta,   kua   formanan   ta   posibel   na   Kòrsou,   i   kiko  gobièrnu  ta  hasiendo  pa  stimulá  mas  i  mas  uso  di  energia  duradero.  Tambe  lo  tin  un  konferensha  internashonal  riba  e  tema  importante  aki.    

[FINAL  KOMUNIKADO]    Nota  pa  redakshon  –  no  pa  publikashon    Teksto  pa  foto  1:    Komo   e   mandatario   responsabel   pa   e   sektor   energétiko,   Minister   Presidente  Gerrit  Schotte  a   lansa  e  kampaña   i  a  duna  e  bon  ehèmpel  dor  di  demonstrá  kon  kada  kas  por  usa  koriente  den  un  forma  konsiente.      Teksto  pa  foto  2:    Iya   Energia   ta   e   bosero   ku   lo   duna   tep   na   públiko   general   kon   pa   usa   ménos  koriente.      Pa  mas  informashon:    Jefka  Martha-­‐Alberto  Sel.:512-­‐6861