29PORZOLL Novembr - Dezembr 2018

Diakn Aaron J. MagalhaesGonvllik Vidya Mondir Bhag. Pio X, Adlem Gõy

Fuddari: Aiz ami Krist Ienneachea kallant bhitor sortanv. Dor aitarak ami Misache bhette adim amche otmik toairecho ek vantto koso ami magnnea rit kortoleanv. Ani hem khunnaunk ami dor aitarak magnnea ritint ek-ek vat pettoitoleanv. Jezuchea ienneak toiari kortana hea magnneache ritin xitaben vantto gheum-ia. Atam soglle bhoktiponnan ami he magnnea ritik survat dium-ia: Bapache, Putache ani Povitr Atmeache nanvim. Amen.

Survatechim Utram: Mogachea bhava bhoinnano, aichea magnne riticho vixoi zaun asa “Amchim panvlam uzvaddit korum-ia.” Hi adventachi rit ji ami kortanv, ti khunnaita Kristacho uzvadd. Eke bhaxen ami Kristak amontron ditanv amchem jivit ani amchim bhavartachim panvlam uzvaddit korunk. Ami hi poili vat pettoitanv ti khunnaita Kristachea ienneak amcho bhorvanso. Hi poili vat pettoitanam ami niall korum-ia ami choddchim asanv tea bhavartachea dongracher. Amchea jivitant koslim avhanam ietat? Hea avhanancher zoit vhorunk Jezucho uzvadd koxe baxen vatt dhakoita? Hea proxnnancher ami niall korum-ia.

Gaion: Atam ami hi poili vat pettoitanam ani amchim panvlam uzvaddit korunk git ganvum-ia: Tarka, ie begin, begin, ank G – 16, pan 106. Devachem Utor aikunk amchim kallzam monam toiar korum-ia.

Devachem Utor: Is. 2: 2 – 5.

Niall: Atanch aikololea Devachea Utracher niall korum-ia. Adventachea kallar Dev amkam aplea povitr dongrar choddunk apoita. Punn hea dongrar chodd’tana zaitim avhanam ami onnbhovtoleanv. Hi vatt sompi nhoim. Hea avhanancher zoit vhortana Jezuchea uzvaddan amchim pavlam marum-ya. Hea dongrar chodd’tana magnnem bhov ghorjechem. Magnnea udexim ami hea avhanacher zoit vhorunk pavtoleanv.

Vixoi: Amchim panvlam uzvaddit korum-ia

Krist Ienneacho Poilo Aitar: Bhorvanso

KrIst IenneAcheA KAllAr chAr AItArAnK MAgnneA rItI

30 PORZOLL Novembr - Dezembr 2018

Hea adventachea kallant Devachea dongracher chodd’tana, Devachem Utor zaun di amkam boll.

Bhavarteanchem Prarthon:Hea vellar amcheo gorzo Bapa mukhar ghalum-iaZobab: Dor eka magnnea pattlean amcho zabab zaum-di: Bapa amchim panvllam uzvaddit kor.• Hea adventachea kallar magnnean vell sarun ani amchi panvllam uzvad-

dik korunk Bapachi kurpa amkam magum-ia. (Z)

• Hea kallant Jezuchea ienneak toiar zatanam amchea kallza monachi nov-sornni korunk Bapacho adhar amkam magum-ia. (Z)

• Amchea dispott’tea jivitachi vatt choltamnam ami povitrtaien vaddot vo-chunk Jezuchi kurpa amkam magum-ia. (Z)

Amchea Bapa: Eka-mekache hat dovrun ani Jezuchea panvllamni chollunk ami sogllim amchea Bapak ulo marum-ia…

Xevottachem Magnnem: Bapa, ami Tuka dhin’vastanv Tuvem amkam Tuzo mogall put dilai dhekun. Amchea kallzamni Tachea zolmachi toiari kortamna amcher tuzo axirvad ghal ani Tujea besanvamni amkam bhor. Tujea povitr pavlamni choltamna amkam Tuzo uzvadd di ani Amche vatter ietolea avhanancher zoit vhorunk amkam kurpa favo kor mhonn ami Tuje lagim magtanv Krista amchea Somia vorvim. Amen.

Ghoddun haddta Kristi Dhorm Xikovnnechem Kendr, Adlem Gõy.

Bispache adlem Palacint, Sé Cathedral-achea fattlean, Adlem Gõy.

A m o n t r o n n