kufizimet pËrkitazi me ndryshimet kushtetuese dhe...
TRANSCRIPT
-
C E N T R U M 11
237
Ditar Kabashi, MA1
UDC: 342.4:340.13
KUFIZIMET PËRKITAZI ME NDRYSHIMET KUSHTETUESE DHE KONTROLLI GJYQËSOR I TYRE – VËSHTRIM TEORIK
DHE KRAHASUES
ОГРАНИЧУВАЊА ВО ВРСКА СО УСТАВНИТЕ ПРОМЕНИ И НИВНА СУДСКА КОНТРОЛА – ТЕОРИСКИ И
КОМПАРАТИВЕН ПРЕГЛЕД
LIMITS CONFERRED WITH CONSTITUTIONAL CHANGES AND THEIR JUDICIAL CONTROL – THEORETICAL AND
COMPARATIVE OVERVIEW
Abstract
Constitutions regulate the central part of state life. In the modern
world it is impossible to organize a state without having invented con-
stitutional principles. In some countries, the constitutions also contain
impermissible clauses to change.
The original constituent power may set some limitations in the
text of constitution so that no change in the certain spheres can be
realized. In order to ensure that the boundaries are not violated, the
constitutions also foresee legal control mechanisms.
This paper aims at theoretically explaining the notions of consti-
tutional amendments and limitations to them, the types of constrains
and legal effects, and the forms of judicial control, always referring to
comparative practices.
1 (LL.M. në të Drejtën Kushtetuese dhe Administrative dhe PhD Cand. në të Drejtën
Publike; [email protected])
-
C E N T R U M 11
238
HYRJE
Kushtetutat hartohen në një proces të caktuar për të vënë në binarë
juridikë parimet që e sendërtojnë organizimin e përgjithshëm të shtetit,
pozitën e organeve dhe institucioneve kryesore të shtetit, liritë dhe të
drejtat e garantuara për qytetarët dhe raportin e shtetit me shtetasin.
Kur bëhet fjalë për amendamentet kushtetuese, fare natyrshëm
parakuptohet ekzistenca e një kushtetute të kodifikuar në letër. Për
dallim nga kushtetutat e pashkruara, të cilat jo vetëm janë tejet të rralla
dhe përbëjnë raste përjashtuese (Anglia, Izraeli), në botë pothuajse nuk
ka shtet pa një kushtetutë të shkruar. E duke qenë kështu, shtrohet
nevoja për përditësimin e saj konform risive dhe zhvillimeve në një
vend të caktuar.
I. AMENDAMENTIMI I KUSHTETUTËS
1. Nocioni dhe dukuria e ndryshimeve kushtetuese Me miratimin e kushtetutës mëtohet rregullimi i duhur dhe i
arsyeshëm i strukturës shtetërore dhe raporti me të drejtën ndërkom-
bëtare sipas periudhës dhe kushteve kur ajo hartohet. Mirëpo, sikurse
shumëçka që lind, rritet, zhvillohet e transformohet, edhe kushtetutat i
ekspozohen nevojave për ndryshim dhe përshtatje të mjedisit në të cilin
gjenden. Për këtë arsye, ato nuk duhen parë si absolute, të paprekshme
apo hyjnore. Megjithëse, për nga natyra që kanë, tekstet kushtetuese
shkruhen me vëmendje të shtuar, është e pamundur që gjithçka të bëhet
e përkryer dhe të mos ketë detaje për të cilat mund të ketë shkarje nga
ana e hartuesve. Kjo gjë ka të bëjë me parashikimin e rrjedhave shoqë-
rore e politike në të ardhmen që mund ta karakterizojnë një vend. Koha
mund të paraqesë situata të paparashikueshme brenda sistemit dhe ky i
fundit mund të bllokohet, kurse për këtë të mos ketë ndonjë zgjidhje në
tekstin kushtetues. Një gjendje e tillë mund të çojë në paralizën e jetës
shtetërore apo cenimin e të drejtave dhe lirive të njeriut dhe, në secilin
variant, qytetarët do të dëmtoheshin seriozisht.
Vetë fakti se në botë nuk rastiset ndonjë kushtetutë që me kalimin
e kohës nuk ka pësuar ndryshime, provon tutje pretendimin se ato duhen
përshtatur imperativit kohor për sa kohë të shfaqet nevoja. Rishikimi
(amendamentimi) i kushtetutës nënkupton modifikimin e përmbajtjes
-
C E N T R U M 11
239
së saj duke adoptuar një ligj kushtetues sipas procedurës së përcaktuar
në kushtetutë.2
Marrë për bazë aureolën e gjerë që përfshin një kushtetutë si akti
më i lartë në një vend, shfaqet edhe roli i saj për krijimin e stabilitetit të
përgjithshëm. Kështu, meqenëse edhe një dispozitë e vetme e rangut
kushtetues mund të hapë rrugë për situata nga më të ndryshmet, të cilat
sikurse mund të jenë në dobi të shtetasve, po ashtu edhe në dëm të tyre.
Andaj, mes imediates për ndryshim dhe një sistemi të qëndrueshëm
lypset një balancim, të cilin studiuesi konstitucionalist Kemal Gözler e
cilëson “stabilitet proporcional”.3
Përpos kësaj, amendamentimet e shpeshta lënë të kuptojnë edhe
për një lloj mungese të kulturës kushtetuese, dukuri e cila vërehet veçan
në shoqëritë pa traditë të konsoliduar kushtetuese si dhe në shtetet e
krijuara rishtas dhe në rrethana problematike.
2. Pikëpamjet teorike mbi nevojën e amendamentimit Një qasje thotë se kushtetutat duhen ndryshuar doemos. Ithtarët e
këtij mendimi pohojnë se pushteti konstituiv origjinar, si krijues i
kushtetutës, nuk mund t’ia imponojë vullnetin e vet brezave të ardh-
shëm.4 Kushtetuta duhet t’u përgjigjet nevojave të kohës. Ajo duhet t’u
përshtatet dinamikave shoqërore dhe zhvillimeve politike, ekonomike
e teknologjike, prandaj “parimet e pandryshueshme” duhet të jenë të
kufizuara në “vlerat e përhershme”, për të cilat gjen konsensus
shoqëria.5
Qasje tjetër vërejmë tek studiuesit të cilët e shohin të arsyeshme
dhe madje të nevojshme kufizimin ndaj veprimeve në të ardhmen
përmes kushtetutave të shkruara dhe të ngurta. Arsyetim për këtë japin
nevojën për ruajtjen e stabilitetit dhe vazhdimësisë së autoritetit shtetë-
ror dhe rrezikun e rrënimit të tij nga shumica e mundshme që mund të
2 OMARI, Luan; ANASTASI, Aurela. E drejta kushtetuese. Shtëpia Botuese ABC,
Tiranë, 2010, f. 35. 3 GÖZLER, Kemal. Anayasa Hukukun Genel Esasları (Ders Kitabı). Ekin Basım
Yayın Dağıtım, Bursa, 2017, f. 117. 4 Studiuesi anglo-amerikan Thomas Paine mbron idenë se epokat dhe brezat, sikurse
paraardhësit, janë të lirë të veprojnë sipas bindjes së tyre dhe se mohimi i preferencave
të brezave të ardhshëm jo vetëm se është jo etike por edhe e pamundur. Shih:
ÖZBUDUN, Ergun. Türkiye’de Demokratikleşme Süreci (Anayasa Yapımı ve
Anayasa Yargısı). İstanbul Bilgi Üniversitesi Yayınları, İstanbul, 2014, f. 8. 5 GÖREN, Zafer. Anayasa Hukuku (T.C. Anayasası Ve TBMM İçtüzüğü Eki İle).
Yetkin Yayınları, Ankara, 2018, f. 424.
-
C E N T R U M 11
240
vijë në një moment të caktuar në qeverisjen e vendit dhe, si rrjedhim,
vënien në pikëpyetje të të drejtave fondamentale të pakicave në një vend
nga ana e një regjimi mazhoritar të pakontrollueshëm.6
Në rastet kur kushtetuta buron nga parimi i sovranitetit kombëtar,
qëndrimi kundër ndryshimit të saj bie në mospërputhje me këtë parim.
Kjo për shkak se me ndalesën ndaj popullit për ta ndryshuar kushtetutën
e vet, i bie se ai heq dorë nga sovraniteti. Mbi të gjitha, koncepti mbi
“rregullat e përhershme” nuk përputhet me natyrën e njeriut dhe të
shoqërisë.7
Përkundër kësaj, me synimin për ruajtjen e rendit, pushteti kon-
stituiv origjinar nuk dëshiron që të mund të ndryshohen rregullat të cilat
formojnë regjimin.8 Kushtetuta duhet të jetë burim i palëkundshëm i
stabilitetit të strukturës shoqërore dhe nuk duhet lejuar të ndryshohet
sipas euforisë kalimtare të mazhorancës në një periudhë të caktuar, por
duhet reflektuar vullnetin e vendosur dhe të vazhdueshëm të popullit.
Për këtë arsye synohet të jetë e vazhdueshme dhe e pandryshueshme.9
3. Pushteti konstituiv derivativ dhe kompetenca e rishikimit kushtetues
Ndryshimet kushtetuese nënkuptojnë procesin e amendamentimit
të tekstit të një kushtetute në fuqi, duke i qëndruar besnik parimeve dhe
rregullave të kushtetutës lidhur me mënyrën e amendamentimit.10
Sa i takon ndryshimeve kushtetuese, doemos dy çështje përbëjnë
objekt diskutimi mes konstitucionalistëve: së pari, vlera juridike e
ndalesave të hapura që i sjell pushteti konstituiv origjinar dhe, së dyti,
mundësia e rishikimit të tërësishëm të kushtetutës nga ana e pushtetit
konstituiv derivativ.11 Shembuj mund të paraqesin Mussolini, i cili du-
ke filluar nga vitit 1925, përmes ligjeve të nxjerra, tjetërsoi esencialisht
regjimin; Hitleri, i cili me ligjet e nxjerra me 24 mars 1933 dhe 31 janar
1934 ndryshoi Kushtetutën e Weimar-it dhe kështu krijoi një rend të ri
kushtetues; e po ashtu edhe disa vende të Evropës Lindore, që ndërtuan
6 ÖZBUDUN, Türkiye’de Demokratikleşme Süreci, f. 9. 7 Ibid. 8 TEZİÇ, Erdoğan. Anayasa Hukuku (Genel Esaslar). Beta Basım Yayın Dağıtım
A.Ş. İstanbul, 2017, f. 201-202. 9 GÖREN, op. cit. f. 423. 10 ATAY, Ender Ethem. Anayasa Kavramının Tanımı, Hazırlanması ve Değiştirilmesi
Arasındaki İlişki. Gazi Üniversitesi Hukuk Fakültesi Dergisi. C. XII, Y. 2008, Sa.
1-2, f. 537. 11 TEZİÇ, op. cit. f. 201.
-
C E N T R U M 11
241
regjimin marksist duke u mbështetur në rrugët procedurale të
kushtetutave në fuqi.12
Së këndejmi, ekziston opinioni se pushteti konstituiv derivativ
nuk mbetet i ndërvarur vetëm nga kufizimet e hapura, të theksuara me
shkronjën e kushtetutës, por njëherësh edhe me frymën e saj. Për këtë
arsye, ky pushtet mund ta ushtrojë kompetencën e ndryshimeve
kushtetuese për aq sa nuk bie ndesh me shkronjën dhe frymën e kush-
tetutës e cila i jep legjitimitet atij.13 Ndryshimet kushtetuese përligjen
përmes kompetencës së dhënë pushtetit legjislativ nga ana e kush-
tetutës.14 Meqenëse pushteti konstituiv derivativ merr kompetencën dhe
legjitimitetin nga vullneti i pushtetit konstituiv origjinar, përdorimi i
çfarëdo kompetence përtej këtij vullneti cilësohet si tej-kushtetuese
(extra-constitutionnel).15
Një kushtetutë e shkruar mund ta kufizojë kompetencën e organit
legjislativ jo vetëm duke specifikuar formën e legjislacionit dhe mëny-
rën e nxjerrjes së tij, por edhe duke i përjashtuar disa çështje nga fusha
e kompetencës së tij legjislative dhe duke vendosur kufizime
thelbësore.16
Si rregull, ndryshimet kushtetuese janë më pak problematike se
procesi i hartimit të kushtetutës nga fillimi. Së pari, nuk bëhet fjalë për
formimin e një statusi të ri kushtetues. Së dyti, përcaktimi i autoritetit
kompetent për t’i bërë ndryshimet kushtetuese nuk krijon problem
sikurse në rastin e hartimit të kushtetutës dhe, së fundmi, procedura dhe
metoda e rishikimit kushtetues veçse është përcaktuar a priori nga vetë
kushtetuta. Prandaj, në kuptimin më të përgjithshëm, ndryshimet
kushtetuese janë çështje e pushtetit konstituiv derivativ.17
Për dallim nga pushteti themelues (origjinar), pushteti i themeluar
(i vendosur/derivativ) është një formë specifike që i nënshtrohet
12 TEZİÇ. op. cit. f. 205. 13 Ibid. 14 HERDEGEN, Matthias. Anayasa Yapımının Sınırları. (Përkth. N. Demirel).
Anayasa Teorisi. DEPENHEUER, O.; GRABENWARTER, C. (Editorë), (Ed. i
Përkth. DOĞAN, İ.). Lale Yayıncılık, 2014, f. 366. 15 CAN, Osman. Anayasayı Değiştirme İktidarı Ve Denetim Sorunu. Ankara
Üniversitesi SBF Dergisi 62-3, (f. 101-139). f. 112.
https://dergipark.org.tr/download/article-file/36031. (10.5.2019). 16 HART, A. L. Herbert. Koncepti i së drejtës. Instituti i Studimeve Politike dhe
DITA 2000, Tiranë, f. 86. 17 ATAY, op. cit. f. 538.
https://dergipark.org.tr/download/article-file/36031
-
C E N T R U M 11
242
kushteve më të rënduara për të ushtruar pushtetin normues. Ky pushtet
krijohet nëpërmjet të drejtës pozitive.18
Pushteti konstituiv nuk është një organ ose institucion konkret por
është një funksion. Ashtu siç mund të paraqitet me cenimin e rendit
juridik, gjithashtu, duke mos i prekur të dhënat normative të rendit
juridik ekzistues, mund të zëvendësojë atë me një rend të ri. Krahas
kësaj, për t’u bërë fjalë për pushtetin konstituiv, duhet përcaktuar në
mënyrë empirike qenësia e tij si pushtet dhe kjo s’ka si të bëhet a priori,
veçse në formën a posterior, domethënë në momentin kur rendi i ri
krijohet dhe hyn në fuqi.19
II. KUFIZIMET PËR NDRYSHIMET KUSHTETUESE
1. Nocioni i kufizimeve për rishikimin kushtetues (ndryshimeve/amendamentimeve)
Parimet e normuara si të pandryshueshme në kushtetutat e disa
vendeve të botës, kryesisht janë paraqitur në formë reagimi ndaj
përvojave të hidhura politike që kanë karakterizuar shoqëritë. Kështu,
për shembull, nëse më parë shteti ka qenë i qeverisur në trajtë monar-
kike absolute dhe tani qeveriset në formën republikane demokratike,
mund të hasen kushtetuta që ndalojnë tjetërsimin e republikës; ose nëse
shteti ka qenë i copëtuar dhe dikur ka arritur trajtën unitare, ndodh të
mos lejohet prishja e kësaj strukture të re, apo e kundërta, nëse
unitarizmi i shtetit ka prodhuar masa centraliste e autokratike, përmes
dispozitës së pandryshueshme, në nivel kushtetues mbrohet struktura
federale e shtetit. Ngjashëm mund të thuhet edhe për raportin shtet-fe
që ishte në një lidhje të ngushtë në mesjetë dhe më vonë, veçanërisht
me idetë iluministe të shek. XVIII, kur zë fill ideja e sovranitetit
popullor demokratik krahas atij hyjnor-teokratik, nis ndarja kategorike
e tyre me qëllim çlirimin nga ndikimi i shtresës klerikale në jetën
shtetërore. Për këtë arsye, sot disa kushtetuta kanë ndaluar ndryshimin
e karakterit laik/shekullar të shtetit të tyre. Paralele të tilla mund të
ngrihen edhe për çështje të tjera me interes publik.
Padyshim, ekzistimi i normave të pandryshueshme dëshmon për
karakterin e ngurtë të një kushtetute. Në doktrinë ka mendime se një
kushtetutë sa më e pasur të jetë me dispozita ndaluese e imponuese,
ndryshon edhe vendi i vlerave që i mbron: më fort mbrohen qeverisësit 18 HERDEGEN, op. cit. f. 367. 19 CAN, op. cit. f. 106-107.
-
C E N T R U M 11
243
sesa të qeverisurit.20 Vënia e ndalesës nga ana e pushtetit konstituiv
origjinar për ndryshimin e neneve dhe parimeve të caktuara nënkupton
kufizim për pushtetin konstituiv derivativ. Numri dhe përmbajtja e
dispozitave të tilla dallon nga njëra kushtetutë në tjetrën.21
Termi i parë i përdorur për të shpjeguar dispozitat e pandryshue-
shme ka qenë “dispozita të rrënjosura”, i përmendur nga Carl Schmitt
para Luftës së Dytë Botërore. Dispozitat e tilla paraqesin parime të
paamendamentueshme dhe janë “ADN”-ja e një shteti, të cilat duke
qenë sinonim i identitetit kushtetues të një vendi, kuptimësojnë vetë
kushtetutën.22
Ekzistimi i dispozitave të pandryshueshme shërben për të sigu-
ruar vazhdimësinë e kushtetutës, si themel i rendit juridik të shtetit.
Njëherësh, synon edhe ruajtjen e identitetit kushtetues dhe të sistemit të
ndërtuar. Me anë të kësaj, kushtetuta ka për qëllim që të parandalojë
zhbërjen e shtetit demokratik dhe sundimit të së drejtës.23 Porse, këso
lloj normash duhet të kenë mbështetje vetëm në parimet themelore të
epërsisë të së drejtës por jo edhe në çështjet e tjera të veçanta, të cilat
sipas pushtetit konstituiv origjinar konsiderohen si të shenjta dhe të
nevojshme të mishërohen me kushtetutën.24
Si kushtetutat e ngurta e gjithashtu ato më elastiket, kanë përpu-
nuar kritere të ndryshme, për të vënë në funksion ndërlikimin e procesit
amendamentues, me qëllim që kushtetuta të mos shndërrohet në objekt
ndryshimi të shpeshtë për shkak të oportunitetit politik.25
Në shtetet demokratike, pushteti konstituiv derivativ është parla-
menti. Ky pushtet, sikundër që mund të suprimojë një pushtet të theme-
luar, mund të bëjë edhe ndryshime në detyrat dhe kompetencat e tyre
dhe të krijojë ndryshime brenda sistemit me rivendosjen e një harte të
sistemit, por gjithmonë në skemën e vizatuar nga pushteti konstituiv
origjinar. Pushtetit konstituiv derivativ kushtetuta mund t’i përcaktojë
20 Shih: TANÖR, Bülent; YÜZBAŞIOĞLU, Necmi. 1982 Anayasasına Göre Türk
Anayasa Hukuku. Beta Basım Yayım Dağıtım A.Ş, İstanbul, 2019, f. 137. 21 KABOĞLU, İbrahim. Anayasa Hukuku Dersleri (Genel Esaslar). Legal
Yayıncılık, İstanbul, 2018, f. 36. 22 Shih: HASANI, Enver. Tema të zgjedhura nga e drejta kushtetuese. Universiteti
i Prishtinës dhe Jalifat Publishing, Prishtinë-Hjuston, 2016, f. 256-257. 23 GÖREN, op. cit. f. 423. 24 FLENIER, Thomas. Constituent/Constituted Power: Theory And Application.
Journal of Constitutional Law - Volume: 1 / Issue:1 / Year: 2012, f. 106. 25 OMARI, ANASTASI, op. cit. f. 36.
-
C E N T R U M 11
244
kufij materialë (substancialë), kohorë e formalë dhe, përtej këtyre, ky
pushtet nuk i nënshtrohet ndonjë kufizimi tjetër normativ.26
Teoria kushtetuese trajton kufizimet e rishikimit kushtetues, qofshin
ato të shprehura apo të pashprehura, të cilat përbëjnë normat-parimet mbi
të cilat bazohet tërë sistemi kushtetues. Këto prezantohen si garanci
kundrejt veprimeve eventuale arbitrare ndaj kushtetutës dhe demokracisë.
Me këtë synohen ruajtja e bërthamës së kushtetutës, e cila quhet edhe si
“super kushtetutë”.27 Kur nuk janë të shprehura drejtpërdrejtë në tekstin
kushtetues, kufizimet dalin në pah me frymën e përgjithshme kushtetuese
dhe traditën kushtetuese në një vend demokratik si dhe nga praktika që
kanë përcaktuar institutet e përkufizuara si të pandryshueshme.28
2. Llojet e kufizimeve Për t’u realizuar ndalesat duhen ekzistuar norma kufizuese ndaj
ndryshimeve. Ato mund të jenë në bazë tematike (materiale), kohore
(për periudha të caktuara) dhe rrethanore (në situata të caktuara).29
2.1. Kufizimet materiale (përmbajtjesore/substanciale) Këtu aludohet në ndalimin e ndryshimit të disa fushave të
caktuara brenda kushtetutës. Çështjet e ndaluara për ndryshim që janë
në nivel të normës kushtetuese shenjtërohen sikur të ishin hyjnore dhe
ngrihen në atë formë.30 Disa nga fushat e ndaluara për ndryshim mund
të përmblidhen si vijon:31 struktura dhe regjimi politiko-ideologjik i
shtetit, uniteti dhe tërësia territoriale e shtetit, trajta unitare/federale e
shtetit, trajta shtetërore - republikë/monarki, garancitë e të drejtave dhe
lirive themelore, identiteti fetar, trajta laike/shekullare, parimet e
zgjedhjes demokratike, shteti i së drejtës, mandati i kreut të shtetit,
kompetencat e Mbretit/Emirit, ndalimi i ndryshimit të dispozitës që
ndalon ndryshimet etj.
26 CAN, op. cit. f. 136. 27 OMARI, ANASTASI, op. cit. f. 37. 28 OMARI, ANASTASI, op. cit. f. 39. 29 Ndonëse në literaturë mund të gjenden klasifikime të ndryshme, ku kufizimet
kohore dhe ato rrethanore përmenden në një titull të vetëm (kryesisht si kufizime
kohore), duket më i arsyeshëm dallimi mes kohës dhe rrethanave të rastit që mund të
jetë shkak i ndalesës së ndryshimeve kushtetuese. Për këtë arsye, në vijim të këtij
punimi është përcjellë ky klasifikim. 30 ANAYURT, Ömer. Anayasa Hukuku: Genel Kısım (Temel İlkeler, Kavram ve
Kurumlar). Seçkin Yayıncılık, Ankara, 2018. f. 183; GÖZLER, op. cit. f. 118. 31 ANAYURT, op. cit. f. 183-184.
-
C E N T R U M 11
245
Shembuj nga e drejta e krahasuar
Kushtetuta portugeze ka radhitur një mori temash të cilat nuk janë të
lejueshme për t’u ndryshuar në tekstin kushtetues.32 Sipas saj, ndër çështjet
që nuk mund të bëhen objekt ndryshimi janë: pavarësia kombëtare dhe
uniteti i shtetit, trajta republikane, ndarja mes Kishës dhe Shtetit, të drejtat,
liritë dhe garancitë e shtetasve, të drejtat e punëtorëve dhe të sindikatave,
sistemi zgjedhor proporcional, pluralizmi politik e partiak, ndarja dhe
balancimi i pushteteve, kontrolli kushtetues i akteve juridike, pavarësia e
gjyqësorit, autonomia e pushtetit lokal, autonomia politike dhe administ-
rative e arkipelagëve Azor dhe Madeira etj. (neni 288).33
Trajta republikane e shtetit nuk lejohet të ndryshohet edhe sipas
Kushtetutës Franceze të vitit 1958 (neni 89/5).34
Kushtetuta e Rumanisë ndalon ndryshimet kushtetuese që në
fokus mund të kenë karakterin e shtetit kombëtar, të pavarur, unitar dhe
të pandashëm; formën republikane të qeverisjes, integritetin territorial,
pavarësinë e gjyqësorit, pluralizmin politik dhe gjuhën zyrtare (neni
152/1).35
Kushtetuta e Ukrainës nuk mund të ndryshohet nëse parashikohet
cenimi ose kufizimi i të drejtave dhe lirive të njeriut dhe qytetarit ose
nëse ato janë të drejtuara kundër pavarësisë ose integritetit territorial të
Ukrainës (neni 157/1).36
Për dallim nga pjesa dërrmuese e shteteve të cilat aktin më të lartë
juridik të tyrin e quajnë kushtetutë, në Federatën Gjermane ai quhet
Ligji Themeltar. Sipas nenit 79/3 të këtij Ligji,37 janë ndaluar ndry-
shimet kushtetuese që kanë të bëjnë me strukturën federale të shtetit,
32 Njëherësh, Kushtetuta e Portugalisë e vitit 1976 paraqet shembullin e kufizimeve
rekord të amendamentimeve kushtetuese, me gjithsej katërmbëdhjetë çështje të
ndryshme që nuk mund t’i nënshtrohen ndryshimeve. 33 Teksti i Kushtetutës së Portugalisë në gjuhën angleze është i qasshëm në vegëzën:
http://www.en.parlamento.pt/Legislation/CRP/Constitution7th.pdf. (12.3.2019). 34 Teksti i Kushtetutës së Francës në gjuhën angleze është i qasshëm në vegëzën:
https://www.conseil-
onstitutionnel.fr/sites/default/files/as/root/bank_mm/anglais/constiution_anglais_oct
2009.pdf. (09.4.2019). 35 Teksti i Kushtetutës së Rumanisë në gjuhën angleze është i qasshëm në vegëzën:
http://www.cdep.ro/pls/dic/site2015.page?den=act2_2&par1=7&idl=2. (08.4.2019). 36 Teksti i Kushtetutës së Ukrainës në gjuhën angleze është i qasshëm në vegëzën:
https://www.justice.gov/sites/default/files/eoir/legacy/2013/11/08/constitution_14.pd
f. (14.4.2019). 37 Paragrafi 3 i nenit 79 të Ligjit Themeltar Gjerman, në doktrinë cilësohet si “klauzolë
e përjetshme (eternity clause)”. Shih: GÖZLER, op. cit. f. 119.
http://www.en.parlamento.pt/Legislation/CRP/Constitution7th.pdfhttps://www.conseil-onstitutionnel.fr/sites/default/files/as/root/bank_mm/anglais/constiution_anglais_oct2009.pdfhttps://www.conseil-onstitutionnel.fr/sites/default/files/as/root/bank_mm/anglais/constiution_anglais_oct2009.pdfhttps://www.conseil-onstitutionnel.fr/sites/default/files/as/root/bank_mm/anglais/constiution_anglais_oct2009.pdfhttp://www.cdep.ro/pls/dic/site2015.page?den=act2_2&par1=7&idl=2https://www.justice.gov/sites/default/files/eoir/legacy/2013/11/08/constitution_14.pdfhttps://www.justice.gov/sites/default/files/eoir/legacy/2013/11/08/constitution_14.pdf
-
C E N T R U M 11
246
parimin e pjesëmarrjes së njësive federative (Landeve) në procesin
legjislativ dhe çështjet e rregulluara me nenin 1 dhe 20 të Ligjit.38
Veçanërisht struktura federale e shtetit paraqet një ndjeshmëri në të
drejtën kushtetuese gjermane. Madje, edhe partitë politike që tregojnë
orientim rrezikues ndaj ekzistencës së Republikës Federale konside-
rohen si antikushtetuese dhe për këtë vendos Gjykata Kushtetuese
Federale (neni 21/2).39
Në Itali, Kushtetuta ka ndaluar që trajta republikane të bëhet
objekt i ndryshimeve kushtetuese (neni 139).40
Sipas Kushtetutës së Turqisë të vitit 1982,41 nuk mund të ndry-
shohen disa përcaktime në formë principesh themeltare. Krahas trajtës
republikane të shtetit, nuk mund të iniciohen ndryshime edhe për sa i
përket cilësive të shtetit të proklamuara si parime: respektimi i të
drejtave të njeriut, nacionalizmi i Ataturkut, demokracia, laiciteti, shteti
social dhe shteti i së drejtës. Njëkohësisht ndalohet ndryshimi i parimit
të tërësisë së pandashme të shtetit me territorin dhe popullatën, gjuhës
turke si gjuhë zyrtare, flamurit, himnit të pavarësisë dhe Ankarasë si
kryeqytet (neni 4). Madje, ky nen përdor formulim interesant kur thotë
38 Neni 1 i Ligjit Themeltar Gjerman garanton dinjitetin e njeriut, ndërsa neni 20
përcakton parimet e përgjithshme të shtetit (cilësinë demokratike, sociale dhe federale
të shtetit; sovranitetin popullor dhe përdorimin e tij përmes organeve të shtetit; shtetin
e së drejtës) dhe të drejtën në rezistencë (të të gjithë gjermanëve në mbrojtjen e rendit
kushtetues, në rast se nuk mbetet zgjidhje tjetër). Shih Tekstin e Ligjit Themeltar Gjer-
man në gjuhën angleze, i cili është i qasshëm në vegëzën:
https://www.bundesregierung.de/breg-en/chancellor/basic-law-470510. (15.4.2019). 39 Sipas profesorit Uygun, përcaktimi kushtetues i tillë i Ligjit Themeltar Gjerman
vjen si reagim kundrejt regjimit nazist. Me të ardhur në pushtet në vitin 1933, Hitleri
i ishte përveshur zhbërjes së sistemit federal të dizajnuar sipas Kushtetutës së Weimar-
it dhe kishte krijuar një strukturë unitare-centraliste, të qendërzuar në personalitetin e
vet autoritar e totalitar. Për këtë arsye, në Gjermani supozohet se një parti me synim
të krijimit të trajtës unitare të shtetit mund t’i shërbejë një diktature të mundshme.
Shih: UYGUN, Oktay. Kamu Hukuku İncelemeleri (İnsan Hakları, Demokrasi,
Hukuk Devleti, Egemenlik). On İki Levha Yayıncılık, İstanbul, 2013, f. 420. 40 Këtu duhet theksuar se Gjykata Kushtetuese Italiane, përmes interpretimit gjyqësor,
në kuadër të parimit të mbrojtur republikan ka përfshirë edhe të drejtat dhe liritë
themelore. Sipas Gjykatës, megjithëse nuk është cekur shprehimisht në Kushtetutë,
pushteti konstituiv derivativ nuk gëzon kompetencën e tjetërsimit të vlerave të
Republikës dhe të drejtat e njeriut. Shih: ANAYURT, op cit. f. 201-202. 41 Teksti i Kushtetutës së Turqisë në gjuhën angleze është i qasshëm në vegëzën:
https://global.tbmm.gov.tr/docs/constitution_en_2019.pdf. (07.5.2019).
https://www.bundesregierung.de/breg-en/chancellor/basic-law-470510https://global.tbmm.gov.tr/docs/constitution_en_2019.pdf
-
C E N T R U M 11
247
se parimet e lartpërmendura “nuk mund të ndryshohen dhe as mund të
propozohet që të ndryshohen”.42
Në Shqipëri, ndonëse Kushtetuta aktuale nuk ka përcaktuar shpre-
himisht ndonjë ndalesë për ndryshime të neneve konkrete në Kushtetutë,
në doktrinë ka mendime se kjo nuk do të thotë se ajo nuk vendos kufij të
rishikimit. Ani pse jo expressis verbis, nisur nga përmbajtja e përgjithshme
dhe fryma e Kushtetutës së Republikës, ndalohet rishikimi i Kushtetutës
që ka të bëjë më zëvendësimin e parimit të sovranitetit popullor, ndarjes së
pushteteve, parimit të pluralizmit etj. meqë kështu do të nënkuptohej
ndryshimi i vetë thelbit dhe konceptit demokratik të shtetit.43
2.2. Kufizimet kohore Për dallim nga kufizimet materiale që janë të karakterit absolut,
kufizimet kohore paraqiten për një interval të caktuar kohor. Për
shembull, ato mund të ndalojnë amendamentimet kushtetuese për një
periudhë të caktuar pas hyrjes në fuqi të Kushtetutës, ose ndalimin e
ndryshimeve të reja për një periudhë të caktuar pas ndryshimeve të bëra,
ose ndalimin e paraqitjes për një kohë të caktuar të projekt-
amendamentit të njëjtë pasi është refuzuar më parë.
2.2.1. Shembuj nga e drejta e krahasuar Në Shqipëri, rishikimi i Kushtetutës për të njëjtën çështje nuk
mund të bëhet përpara se të ketë kaluar një vit nga dita e rrëzimit të
projektligjit në Kuvend dhe jo më përpara se të kenë kaluar tre vjet nga
dita e rrëzimit të tij në referendum (neni 177/8).44
42 Pushteti konstituiv origjinar që ka përgatitur Kushtetutën e vitit 1982 përbehej nga
ushtarakët, meqenëse kjo kushtetutë është hartuar pas puçit të juntës ushtarake në vitin
1980. Për rrjedhojë, disiplina e lartë ushtarake është shëmbëllyer edhe në tekstin e
Kushtetutës, përmes përvijimit të rregullave strikte me një theks të shtuar të etatizmit.
Lidhur me veçoritë e përgjithshme të kësaj kushtetute, shih: KABASHI, Ditar. Pozita
e Kreut të Shtetit gjatë zhvillimit kushtetues në Republikën e Turqisë (Shqyrtime
krahasuese). Botime Artini, Prishtinë, 2016, f. 38-39. 43 Dispozitë ndaluese kishte pasur në Statutin Themeltar të Republikës Shqiptare
(1925), në të cilin potencohej se “forma republikane e shtetit nuk mund të ndërrohet
në asnjë mënyrë” (neni 141). Megjithatë, presidenti i atëhershëm, Ahmet Zogu, duke
mos mundur ta ndryshonte trajtën republikane në kuadër të terrenit të këtij Statuti,
inicioi hartimin e një kushtetute të re për të arritur synimin e themelimit të monarkisë
dhe shpalljes së tij Mbret. Shih: OMARI, ANASTASI, op. cit. f. 38. 44 Teksti i Kushtetutës së Republikës së Shqipërisë është i qasshëm në
https://www.parlament.al/Files/sKuvendi/kushtetuta.pdf. (11.3.2019).
https://www.parlament.al/Files/sKuvendi/kushtetuta.pdf
-
C E N T R U M 11
248
Në Portugali, Kuvendi i Republikës mund të rishikojë Kushte-
tutën pasi të kenë kaluar pesë vite nga hyrja në fuqi e Ligjit të fundit për
ndryshime kushtetuese. Mirëpo, Kuvendi, me 4/5 e deputetëve, mund
të përdorë kompetencën e ndryshimeve kushtetuese të jashtëzakonshme
në çdo kohë (neni 284/1,2).
Pa kaluar pesë vite nga ndryshimi i fundit, as në Greqi nuk lejohet
amendamentimi sërishmi i Kushtetutës.45
2.3. Kufizimet rrethanore (koniunkturale) Gjendjet që tronditin popullin dhe funksionimin e rendit si: lufta,
kryengritja apo fatkeqësitë natyrore menaxhohen nën masa të jashtëza-
konshme. Rrjedhimisht, në raste të tilla s’mund të bëhet fjalë për hapë-
sirë të lirë të debateve dhe kritikave. Natyrshëm, kjo gjendje ndikon
edhe në vullnetin e lirë, përderisa ky i fundit është kusht për procesin e
ndryshimeve kushtetuese. 46 Në rrethana të tilla, udhëheqja e shtetit
është më e brishtë dhe këtu fle arsyeja e kufizimit të pushtetit konstituiv
derivativ që të veprojë në drejtim të ndryshimeve kushtetuese.47 Pran-
daj, mund të pohohet se qëllimi i kufizimeve të tilla është krijimi i
mjedisit të përshtatshëm për diskutime dhe negociata të lira në
përgatitjen e amendamenteve kushtetuese.
2.3.1. Shembuj nga e drejta e krahasuar Kushtetuta e Shqipërisë, në nenin 177/2, ka përcaktuar se “asnjë
rishikim i Kushtetutës nuk mund të ndërmerret gjatë kohës kur janë
vendosur masat e jashtëzakonshme”.
Në Serbi, Kushtetuta nuk mund të ndryshohet në gjendje lufte dhe
në gjendje të jashtëzakonshme (neni 204).48
Formulim të njëjtë sikur te Kushtetutës së Serbisë, jep edhe
Kushtetuta e Malit të Zi (neni 156/7).49
45 Neni 110/6 i Kushtetutës së Greqisë. Teksti në gjuhën angleze është i qasshëm në
vegëzën: https://www.wipo.int/edocs/lexdocs/laws/en/gr/gr220en.pdf. (12.4.2019). 46 ANAYURT, op. cit. f. 185. 47 GÖZLER, op. cit. f. 122. 48 Teksti i Kushtetutës së Republikës së Serbisë në gjuhën angleze është i qasshëm në vegëzën:
http://www.ustavni.sud.rs/page/view/en-GB/235-100028/constitution. (14.3.2019). 49 Teksti i Kushtetutës së Republikës së Malit të Zi në gjuhën angleze është i qasshëm
në vegëzën: http://www.skupstina.me/images/documents/constitution-of-montene-
gro.pdf. (14.3.2019).
https://www.wipo.int/edocs/lexdocs/laws/en/gr/gr220en.pdfhttp://www.ustavni.sud.rs/page/view/en-GB/235-100028/constitutionhttp://www.skupstina.me/images/documents/constitution-of-montenegro.pdfhttp://www.skupstina.me/images/documents/constitution-of-montenegro.pdf
-
C E N T R U M 11
249
Në Spanjë, neni 169 i Kushtetutës, në ndërlidhje me nenin 116,
ndalon ndryshimet kushtetuese përgjatë periudhës së luftës, situatës
emergjente, gjendjes së jashtëzakonshme apo shtetrrethimit.50
Gjendja e jashtëzakonshme dhe shtetrrethimi janë dy rrethanat të
cilat shprehimisht i përmend edhe Kushtetuta e Portugalisë kur
përcakton ndalesën e ndryshimeve kushtetuese (neni 289).
Kushtetuta e Belgjikës, si rrethanë në të cilën ndalohet nisma e
ndryshimit të Kushtetutës, ka përmendur gjendjen e luftës dhe
periudhën kur Dhomat e Parlamentit nuk mund të mblidhen lirshëm në
territorin e Federatës (neni 196).51
Sipas Kushtetutës së Francës, ndalohet inicimi i ndryshimeve
kushtetuese në rastet kur vihet në rrezik integriteti territorial kombëtar
(neni 89/4).
Kushtetuta e Rumanisë ndalon amendamentimin kushtetues në
kohë të shtetrrethimit, gjendjes së jashtëzakonshme dhe gjendjes së
luftës (neni 152/3).
Gjendja e luftës dhe gjendja e jashtëzakonshme janë kushte në të
cilat nuk mund të iniciohen ndryshime kushtetuese as në Ukrainë.52
3. Ndryshimi i procedurës amendamentuese Secila kushtetutë përvijon rrugën procedurale të cilën duhet
ndjekur nëse synohet amendamentimi ose rishikimi i gjerë i saj.
Shikuar në prizmin e shkollës pozitiviste të së drejtës, dispozita
kushtetuese që rregullon procedurën për amendamentime kushtetuese
mund t’i nënshtrohet ndryshimit, për faktin se edhe vetë ajo është një
normë kushtetuese. Domethënë, nëse kushtetuta nuk ka ndaluar ndry-
shimin e dispozitës që rregullon procedurën amendamentuese të saj,
atëherë nuk ka arsye të mos mund të ndryshohet dhe përmes kësaj të
vendosë një procedurë të re të rishikimit kushtetues. Mjafton që kjo të
bëhet në respektim të procedurës në fuqi.53
Megjithatë, ndryshimi i një dispozite të tillë nuk duket të jetë akt
pa pasoja për rendin kushtetues. Dispozita që përcakton mënyrën e 50 Teksti i Kushtetutës së Spanjës në gjuhën angleze është i qasshëm në vegëzën:
http://www.congreso.es/portal/page/portal/Congreso/Congreso/Hist_Normas/Norm/
const_espa_texto_ingles_0.pdf. (12.3.2019). 51 Teksti i Kushtetutës së Belgjikës në gjuhën angleze është i qasshëm në vegëzën:
https://www.dekamer.be/kvvcr/pdf_sections/publications/constitution/GrondwetUK.
pdf. (15.3.2019). 52 Neni 157/2 i Kushtetutës së Ukrainës. 53 GÖZLER, op. cit. f. 121.
http://www.congreso.es/portal/page/portal/Congreso/Congreso/Hist_Normas/Norm/const_espa_texto_ingles_0.pdfhttp://www.congreso.es/portal/page/portal/Congreso/Congreso/Hist_Normas/Norm/const_espa_texto_ingles_0.pdfhttps://www.dekamer.be/kvvcr/pdf_sections/publications/constitution/GrondwetUK.pdfhttps://www.dekamer.be/kvvcr/pdf_sections/publications/constitution/GrondwetUK.pdf
-
C E N T R U M 11
250
amendamentimit të kushtetutës është pragu minimal që ka përvijuar
pushteti konstituiv origjinar.54 Pra, me këtë pretendohet se nuk mund të
shkohet në ndryshimin e kësaj norme në formën e lehtësimit të procedu-
rës për ndryshime kushtetuese. Ta zëmë, nëse një kushtetutë parasheh
që për ndryshime kushtetuese nevojiten 2/3 e votës së deputetëve, kjo
nuk mund të zbritet në shumicë të thjeshtë. Ose, për shembull, nëse
parashihet paraqitja në referendum e ndryshimeve kushtetuese, nuk
duhet lejuar largimi i këtij kriteri që përjashton nga procesi vullnetin e
drejtpërdrejtë të popullit. Përndryshe, vihet në pikëpyetje parimi i sigu-
risë juridike dhe kushtetuta mund të shndërrohet në objekt dekorativ të
cilin do të mund ta shpërdornin pushtetet politike.
4. Çështja e ndryshimit/abrogimit të vetë dispozitës ndaluese kushtetuese
Nëpërmjet një dispozite kushtetuese mund t’i vihet ndalesë
ndryshimit të disa dispozitave të caktuara brenda kushtetutës. Por, a
mund të ndryshohet vetë ajo dispozitë ndaluese? Përkitazi me këtë
çështje, studiuesit e së drejtës janë të ndarë në opinionet e tyre.
Një grup juristësh kushtetues avokojnë idenë se ndryshimi ose
shfuqizimi i nenit që ndalon ndryshimet e caktuara brenda tekstit
kushtetues mund të ndodhë përderisa nuk hyn shprehimisht edhe vetë
në kuadër të ndalesave për ndryshim. Së këndejmi, nuk mund të flitet
për ndonjë pengesë në rrafshin juridik që të iniciohet një gjë e tillë.
Natyrisht, kjo si synim përfundimtar do të kishte ndryshimin e çështjeve
që përmes këtij neni nuk lejohen të ndryshohen sepse nuk ka logjikë që
vetëm ky nen të ndryshohet apo të abrogohet dhe të lihet me kaq.
Prandaj, ekziston mendimi se së pari mund të fshihet nga kushtetuta ky
nen dhe më pas të mund të bëhen ndryshimet e dëshiruara edhe në ato
fusha të cilat ishin të mbrojtura më parë.55
Duke e pasur parasysh këtë risk që mund të kanoset nga pushteti
konstituiv derivativ, në disa shtete, hartuesit e kushtetutës kanë paraparë
edhe mbrojtjen juridike të vetë nenit që ndalon ndryshimet e caktuara
kushtetuese.
Opinioni tjetër i konstitucionalistëve qëndron në moslejimin e
ndryshimit të një neni të tillë edhe në qoftë se nuk ekziston një ndalesë
e theksuar haptazi në tekstin kushtetues. Sipas kësaj pikëpamjeje,
ndryshimi i normave kushtetuese të cilat janë ndaluar të ndryshohen nga 54 ANAYURT, op. cit. f. 187. 55 GÖZLER, op. cit. f. 120.
-
C E N T R U M 11
251
pushteti konstituiv origjinar nëpërmjet shfuqizimit paraprak të nenit që
përcakton ndalesën, nuk është metodë e përshtatshme me të drejtën.
Kështu, ngase neni ndalues është në kauzalitet me normat e pandry-
shueshme dhe ndërlidhet me relacionin shkak-pasojë me të, duke
krijuar një tërësi të plotë. Domethënë, nëse diçka është e ndaluar të
ndryshohet, edhe norma ndaluese duhet të jetë përjashtuar nga
mundësia e ndryshimit.56
Ndërkaq, pushteti konstituiv derivativ këtë qëllim mund ta arrijë
në pajtim të plotë me procedurën e parashikuar në kushtetutë duke
respektuar kriteret formale të rishikimit dhe në këtë pikë juridikisht nuk
bart përgjegjësi. Mirëpo, ç’është e vërteta, me anë të kësaj rruge mund
të tjetërsohet tërësisht regjimi politik i ndërtuar në rendin kushtetues
aktual. Kjo nuk prodhon një kushtetutë të re, por ndryshon thellësisht
frymën e kushtetutës duke e transformuar në diçka rrënjësisht të
ndryshme nga konceptimi fillestar, gjë që çon në boshatisjen e brendisë
së saj dhe ndryshimin e identitetit që bart.57 Për këto arsye, kjo dukuri
mund të cilësohet si keqpërdorim i autorizimeve kushtetuese, ose, thënë
ndryshe, bishtnim i kushtetutës.
5. Raporti i neneve të paamendamentueshme me dispozitat e tjera kushtetuese
Brenda një teksti kushtetues mund të gjenden disa nene të
pandryshueshme. Këto nene mund të kenë ndërlidhje kuptimore me një
sërë nenesh të tjera kushtetuese, për të cilat nuk ka ndalesë që të
ndryshohen. Për ilustrim, nëse një kushtetutë ndalon ndryshimin e
parimit të shtetit të së drejtës, a do të thotë se nuk mund të ndryshohet
vetëm shprehja “shtet i së drejtës” apo edhe dispozitat gjithandej
kushtetutës që janë në relacion me këtë parim?
Nëse themi se ndalesa ka të bëjë vetëm me shprehjen në fjalë,
atëherë pushteti konstituiv derivativ mund të bëjë ndryshime radikale
në kushtetutë deri në pikën ku më shteti do të zhvishet nga të qenët
“shtet i së drejtës”, porse ajo shprehje në nenin përkatës të mbrojtur nga
ndalesa do të vazhdojë të ekzistojë si aksesor. Padyshim se kjo mund të
sjellë mospërputhje midis normave kushtetuese. Ky skenar mund të
jetësohet me respektimin e kritereve formale, që domethënë me
shumicën e nevojshme për rishikim kushtetues në Parlament.
56 ANAYURT, op. cit. f. 187-188. 57 Shih: ANAYURT, op. cit. f. 189.
-
C E N T R U M 11
252
Në anën tjetër, supozojmë se ndalesa për ndryshim duhet të
nënkuptojë mosndryshimin edhe të dispozitave ndërlidhëse me një ose
disa parime kushtetuese të cilët gëzojnë mbrojtje nga ndryshimi, ta
zëmë, parimi i shtetit demokratik, shtetit të së drejtës, shtetit laik etj.
Situata e tillë do të sillte rrezikun e ndalimit të ndryshimeve për po-
thuajse tërë kushtetutën. Kjo do të rezultonte me bllokada institucionale
dhe hapje rrugë për veprime antidemokratike. Po qe se nuk mund të
bëhen ndryshimet sipas vullnetit të popullit dhe përfaqësuesve të tij,
atëbotë kontestohet edhe pretendimi për një sistem demokratik.
Siç duket, problematika e tillë nuk është e zgjidhshme lehtësisht.
Relacioni mes dispozitave të pandryshueshme dhe dispozitave të
ndërlidhura përmbajtësisht me to duhet të konceptohet në mënyrë
restriktive. Në rast se amendamenti synon zhveshjen nga kuptimi,
tjetërsimin dhe paralizimin e dispozitës ndaluese, atëherë atë përpjekje
duhet cilësuar si të palejueshme për shkak të interferimit në nenet e
pandryshueshme.
Mirëpo edhe në këtë segment duhet pasur kujdes. Nëse gjithçka
brenda kushtetutës konsiderohet si pjesë e pandashme e parimeve të
pandryshueshme, kjo mund t’i hap udhë edhe interpretimeve të gjera,
gjë që mund të kulmojë me aktivizëm gjyqësor.58 Më nuk mund të flitet
për asnjë ndryshim në kushtetutë pa bekimin e Gjykatës Kushtetuese,
që domethënë se pushteti konstituiv derivativ i dalë nga vullneti
popullor me votë praktikisht nuk do të jetë funksional dhe një gjë e tillë
është e papranueshme për një demokraci normale. 59 Kjo gjendje e
shndërron gjyqësorin në pushtet konstituiv dhe, fundja, ia konteston
legjitimitetin ekzistencial vetë gjyqësisë kushtetuese.
III. ASPEKTI JURIDIK I KUFIZIMEVE NDAJ PUSHTETIT KONSTITUIV DERIVATIV
1. Mekanizmat juridikë Siç mund të vërehet nga ajo që u trajtua më sipër, çështja e
ndalimit apo kufizimeve amendamentuese, kryesisht ka të bëjë me dy
kategori bazë: trajtën shtetërore apo qeverisëse dhe liritë dhe të drejtat
58 Shih: ANAYURT, op. cit. f. 192. 59 ÖZBUDUN, Ergun. Türk Anayasa Hukuku. Yetkin Yayınları, Ankara, 2018, f. 186.
-
C E N T R U M 11
253
themelore. Krahasuar me liritë dhe të drejtat themelore, trajta e shtetit
është më relative.60
Mund të ndodhë që pushteti konstituiv derivativ të mos e respek-
tojë ndalesën për dispozitat e pandryshueshme. Për të pasur sanksion
juridik ndaj një përpjekjeje të tillë, duhet të ekzistojnë dy kushte: kon-
trolli kushtetues i ndryshimeve kushtetuese dhe sanksionimi i
amendamenteve antikushtetuese.
Nëse kushtetutat nuk parashohin mekanizma kontrollues efektivë
për mbrojtjen e normave të pandryshueshme, atëherë mund të flitet
vetëm për dispozita me sanksionim moral. Ndërkaq, nëse kushtetuta ka
paraparë ndalesa për ndryshim dhe ka sjellë mënyra kontrolli si në
aspekt formal, gjithashtu edhe në atë material, atëherë dëshmon se
brenda tekstit kushtetues ekziston një hierarki normative midis dispo-
zitave ose nënkupton që në kushtetutë i është dhënë një identitet pozitiv
disa nocioneve të së drejtës natyrore, të cilat fitojnë epitetin e normës
pozitive në çastin kur bëhen pjesë e tekstit të kushtetutës. Domethënë,
kontrolli kushtetues do të bëhej si për nga përputhja e rregullave proce-
durale kushtetuese për ndryshime, gjithashtu edhe përbrenda normave
në tekst, që i bie të jenë parime supra-kushtetuese të veshura me petkun
e normës pozitive.61
Në rastet kur parashihen norma të pandryshueshme dhe kontrolli
ndaj përpjekjeve për ndryshime të tyre është përcaktuar të jetë vetëm në
aspekt formal, mund të lindin situata që prodhojnë probleme.
Së pari, duke respektuar rrugën procedurale, pushteti konstituiv
derivativ mund të ndryshojë pjesërisht ose tërësisht tekstin kushtetues
(përveç dispozitave të ndaluara) dhe për këtë nuk do të ketë ndonjë
pengesë në kontekst juridik. Një gjë e tillë mund të çojë në joefekti-
vitetin praktik të kufizimeve për ndryshime kushtetuese. Kështu, sepse
kontrolli do të jetë vetëm formal dhe kjo do të bënte që ndalesat të kenë
vetëm karakter sociologjik pa ndonjë sanksionim juridik.62 Nisur nga
kjo bindje, pushteti konstituiv origjinar nuk e kufizon tërësisht pushtetin
konstituiv derivativ. Padyshim, ky opinion mund të avokohet në
60 Sipas profesorit Kaboğlu, një popull mund ta përshtatë formën e regjimit apo
sistemin e qeverisjes sipas nevojave të kohës dhe të bëjë ndryshime kushtetuese në
këtë drejtim. Mirëpo, elasticitet të ngjashëm nuk mund të pritet edhe për kufizimet
ose pakësimin e lirive dhe të drejtave të njeriut. Shih: KABOĞLU, op. cit. f. 37. 61 Shih: ANAYURT, op. cit. f. 193. 62 Shih: ANAYURT, op. cit. f. 194.
-
C E N T R U M 11
254
rrafshin e së drejtës pozitive. Megjithëkëtë, çështja posedon edhe
dimensionin etik.63
Së dyti, ekziston opinioni se nëse ndodh një propozim për
ndryshim ose vetë ndryshimi i dispozitës në një fushë të palejuar për t’u
ndryshuar, para së gjithash prezumohet se me kësi lloj propozimi
cenohet parimi procedural (formal). Kjo për shkak se ndërhyrja është
bërë në një sferë të ndaluar dhe përpjekja për ndryshimin e një norme
të ndaluar cilësohet si mospërfillje e kushtit formal. Për shembull, nëse
në një kushtetutë ndalohet ndërrimi i trajtës republikane të shtetit dhe
pushteti konstituiv derivativ amendamenton kushtetutën, ashtu që në
vend të institucionit të presidencës sjell një rend mbretëror, ky ndryshim
do të shpallej i pavlefshëm për shkak të mospajtimit me kriterin formal
të ndryshimeve kushtetuese.64
2. Kontrolli kushtetues i amendamenteve kushtetuese Kontrolli kushtetues i ndryshimeve kushtetuese paraqet një
çështje mjaft të ndjeshme sikundër në rrafshin teorik të së drejtës,
njëkohësisht edhe në praktikën e jetës politike. Në njërën anë qëndron
domosdoja për ruajtjen e rendit kushtetues, në anën tjetër përplasja me
pushtetin legjislativ që ushtron funksionin në emër të popullit.
Mund të paraqitet situata kur forcat politike që disponojnë me
shumicën e mjaftueshme parlamentare për rishikimin kushtetues, të
bëjnë veprime abuzuese duke iniciuar ndryshime kushtetuese për të për-
forcuar sundimin e tyre ose për të nëpërkëmbur frymën e kushtetutës.
Kjo sjell transformimin e tekstit kushtetues dhe problematikën e (mos
)njohjes së tij. Për shkak se një kushtetutë që e përjeton këtë bëhet
vështirë e dallueshme më pas, në teorinë e së drejtës, nisma e tillë
konsiderohet si keqpërdorim i autorizimit kushtetues. Pasojat e saj me
shumë gjasë do të ishin paraqitjet e krizave kushtetuese. Pikërisht këtu
luan rol gjyqësia kushtetuese, e cila rëndom konkretizohet si organ i
pavarur në formën e një gjykate kushtetuese që ushtron kontrollin e
kushtetutshmërisë.65
Kontrolli i amendamenteve kushtetuese është i llojit abstrakt,
domethënë nuk ka të bëjë me zbatimin e një norme in concreto, por vlen
63 KABOĞLU, op. cit. f. 37. 64 Shih: ANAYURT, op. cit. f. 194. 65 Shih analizën përkitazi me ndryshimet kushtetuese: KABASHI, Ditar. Ndryshimet
kushtetuese – sine qua non për shtetin: vështrim në teorinë e së drejtës. Revista
Shenja, Viti VIII, nr. 94, 2019, f. 51- 53.
-
C E N T R U M 11
255
ndaj çfarëdo rasti të mundshëm në të ardhmen (in futurum). Teknikisht,
kontrolli kushtetues mund të ushtrohet në dy mënyra: në atë formal dhe
në atë material.
2.1. Kontrolli formal Kontrolli formal përfshin vlerësimin e aspektit procedural të
parashikuar me kushtetutë, domethënë se një amendament a i është
përmbajtur rrugës që duhet ndjekur sipas kushtetutës.
Në vendet ku ushtrohet kontrolli kushtetues i ligjeve nuk është
për t’u habitur që parashihet edhe kontrolli kushtetues formal i amen-
damenteve kushtetuese për shkak se, de jure, edhe këto të fundit, në
aspektin formal, janë ligje.
Kësisoj, pushteti konstituiv derivativ mund ta vërë në funksion
kompetencën e vet duke iu përshtatur vetëm rregullave formale dhe
procedurale të paravendosura. Për këtë arsye, edhe nëse në shkronjën e
një kushtetute nuk flitet fare për kontrollin kushtetues të amendamen-
teve kushtetuese, një gjykatë e cila ka tagrin e kontrollit kushtetues
mund t’ia atribuojë vetes këtë detyrë.66
2.1.1. Shembuj nga e drejta e krahasuar Kushtetuta e Kosovës ka autorizuar Gjykatën Kushtetuese që të
bëjë rishikimin e kushtetutshmërisë së procedurës së ndjekur të projekt-
amendamenteve kushtetuese (neni 113/3.4).
Ky lloj kontrolli haset edhe në hapësirën kushtetuese të Republi-
kës së Turqisë. Sipas nenit 148 të Kushtetutës, Gjykata Kushtetuese
mund t’i kontrollojë ndryshimet kushtetuese vetëm në aspektin formal,
i cili është i kufizuar me kushtin e shumicës së paraparë për propozim
dhe votim si dhe ndalesës për shqyrtim të përshpejtuar. Megjithëkëtë,
në raste të caktuara, Gjykata turke ka hyrë edhe në kontroll përmbajt-
jesor me arsyetimin se projekt-amendamentet cenojnë dispozitat e
pandryshueshme të Kushtetutës dhe se kjo nuk mund të nënkuptohet si
tejkalim i autorizimeve kushtetuese për Gjykatën. 67 Megjithatë, kjo
qasje e Gjykatës Kushtetuese të Turqisë është kritikuar në doktrinë.68
66 ÖZBUDUN, Türk Anayasa Hukuku, f. 177-178. 67 Për shembuj sqarues, shih: ÖZBUDUN, Türk Anayasa Hukuku, f. 184-185. 68 Në këtë drejtim, autorët Abdulhakimoğulları dhe Baykan shprehin qëndrimin e
përmbledhur si vijon: “... vlerësimi i ndryshimeve kushtetuese duke i marrë për bazë
termet e përmendura në nenin 2 të Kushtetutës, si: laiciteti, shteti social, të drejtat e
njeriut, demokracia dhe shteti i së drejtës, kryekëput paraqet shembull të kontrollit
-
C E N T R U M 11
256
2.2. Kontrolli material Ky lloj i kontrollit paraqet një problematikë më vete. Kur
amendamentohet një kushtetutë sipas kritereve formale e procedurale,
normat e reja marrin fuqinë juridike të normave simotra brenda tekstit
kushtetues. Në këtë pikë shfaqet dilema se cili do të jetë kriteri i
përcaktimit të pajtueshmërisë së normës së re me kushtetutën. Sipas
hierarkisë normative, një normë mund të fitojë vlefshmëri vetëm nëse
është në përputhje me një normë më të lartë dhe shpallet e pavlefshme
nëse bie në kundërshti më normën më të lartë. Ndërkaq, normat që janë
të rangut të njëjtë, nuk trajtohen në bazë të raportit të epërsisë, por në
raportin kohor (i mëhershëm, i mëpasshëm) dhe në atë material (i për-
gjithshëm, i veçantë). Prandaj, në shikim të parë, nuk duket e mund-
shme logjikisht që të bëhet kontrolli i një norme kushtetuese përkitazi
me pajtueshmërinë me një normë tjetër të barasvlershme.69
Parimisht, pushteti konstituiv derivativ duhet t’i përmbahet nor-
mativit të përcaktuar në kushtetutë, përfshirë edhe kufizimeve materiale
rreth amendamentimeve në tekstin kushtetues të vendosur nga pushtetit
origjinar. Por, çfarë nëse nuk respektohet përcaktimi kushtetues? Përsh-
typja e parë është se veprimet e tilla janë antikushtetuese. Mirëpo, për
këtë duhet të nxirret një aktgjykim nga organi kompetent (p.sh. Gjykata
Kushtetuese) dhe një gjë e tillë shtron problematikën e ekzistimit të
kontrollit material kushtetues.
2.2.1. Shembuj nga e drejta e krahasuar Shembull për zbatimin e kontrollit material të amendamenteve
kushtetuese mund të merret Gjermania, ku Gjykata Kushtetuese
Federale kontrollon përputhshmërinë e amendamenteve me nenin 79/3
material dhe nuk ka të bëjë fare me llojin e kontrollit formal meqenëse shqyrtimi
kushtetues nëse i është boshatisur brendia e këtyre nocioneve apo jo, imponon hyrjen
në esencën e kuptimit të tyre. Për më shumë, po qe se pranohet një kontroll i tillë,
duke marrë për bazë gjerësinë e sferës që mbulon secila nga këto terme, bëhet e
vështirë mbetja jashtë ndikimit të tyre çfarëdo amendamenti kushtetues. Në këso raste,
veprimi i Gjykatës paraqet tejkalim të tagrave kushtetues dhe është model i zhvillimit
të jurisprudencës antikushtetuese. Kjo e bën atë një legjislator negativ dhe ia dobëson
legjitimitetin demokratik”. Për më gjerësisht, shih:
ABDULHAKİMOĞULLARI, Erdal; BAYKAN, Metin. Anayasa Değişikliklerinin
Yargısal Denetimi. Ankara Barosu Dergisi, 2012/3. (f. 19-40), f. 31-32.
http://www.ankarabarosu.org.tr/siteler/ankarabarosu/tekmakale/2012-3/01.pdf.
(16.4.2019). 69 ÖZBUDUN, Türk Anayasa Hukuku, f. 178.
http://www.ankarabarosu.org.tr/siteler/ankarabarosu/tekmakale/2012-3/01.pdf
-
C E N T R U M 11
257
të Ligjit Themeltar, gjë që nënkupton se ekziston sanksionimi juridik
për tejkalimin e kufizimeve materiale.70 Kjo praktikë është e vërtetuar
edhe me zhvillimin e gjyqësisë kushtetuese në këtë vend.71
Kushtetuta e Kosovës nuk përcakton kufizime të hapura për
ndryshimin e normave të caktuara kushtetuese. Megjithatë, mungesa e
një formulimi të tillë, nuk do të thotë se pushteti konstituiv derivativ
mund të bëjë ndryshime rrënjësore që do të përmbysnin strukturën
arkitektonike të kushtetutës aktuale. Në këtë kontekst, Kushtetuta thotë
se Kryetari i Kuvendit të Kosovës duhet të referojë amendamentet
kushtetuese të propozuara para miratimit në Kuvend, me qëllim që të
konstatohet nëse amendamenti i propozuar i zvogëlon të drejtat dhe
liritë e garantuara me Kapitullin II të Kushtetutës (neni 113/9). Gjith-
ashtu, në autorizimin e kontrollit kushtetues të Gjykatës Kushtetuese
hyn edhe përputhshmëria e një amendamenti të propozuar kushtetues
me marrëveshjet e detyrueshme ndërkombëtare, të ratifikuara sipas
Kushtetutës (neni 113/3.4).72 Nga ky përvijim i tekstit kushtetues, mund
të konkludohet se kushtetutshmëria e projekt amendamenteve kush-
tetuese bëhet në formë të kontrollit paraprak (ex ante) dhe në rastin e
referimit nga ana e Kryetarit të Kuvendit ekziston detyrimi i lëvizjes
sipas detyrës zyrtare (ex officio). Po ashtu, mund të flitet për kontrollin
material (përmbajtjesor) të amendamenteve vetëm sa i përket për-
puthshmërisë me Kapitullin II të Kushtetutës, i cili rregullon gamën e
të drejtave dhe lirive themelore. Kjo i mundëson Gjykatës Kushtetuese
që të ketë një margjinë të gjerë të vlerësimit duke i dhënë hapësirë që të
kontrollojë agjendën kushtetuese të pushtetit legjislativ për të frenuar
70 GÖZLER, op. cit. f. 120. 71 Për ilustrim: në një vendim të datës 23.4.1991, inter alia, Gjykata kishte theksuar
se organi legjislativ kompetent për të amendamentuar Kushtetutën, nuk gëzon
kompetencën e shmangies nga kufijtë e ndryshimeve kushtetuese të përcaktuar në
Kushtetutë. Shih: ANAYURT, op. cit. f. 201. 72 Në kryerjen e këtij juridiksioni, Gjykata përpos që kontrollon kushtetutshmërinë në
kuptimin klasik, shndërrohet edhe në kontrollues të legjitimitetit ndërkombëtar të
amendamenteve kushtetuese. Në këtë kuptim, Gjykata vihet në pozitën e një organi
gjysmë ndërkombëtar sepse mbron dispozitat e Konventës së Vjenës mbi të Drejtën e
Traktateve dhe, përmes saj, rendin juridik kushtetues ndërkombëtar. Kurse Në Shqipë-
ri është e kundërta e rastit të Kosovës: atje shqyrtohet nëse traktatet ndërkombëtare
bien ndesh me dispozitat kushtetuese. I tillë ka qenë rasti me deklarimin antikush-
tetues të marrëveshjes për kufijtë detarë në mes të Shqipërisë dhe Greqisë.
Shih: HASANI, Enver; ČUKALOVIĆ, Ivan. Komentar i Kushtetutës së Republikës
së Kosovës. Prishtinë, GIZ, 2013, f. 582.
-
C E N T R U M 11
258
nismat eventuale të shumicës parlamentare në prishjen e balancës dhe
garancive kushtetuese.73
Kushtetuta e Shqipërisë qëndron e heshtur sa i takon kontrollit të
amendamenteve kushtetuese. Përkundër kësaj, sipas studiuesit Sokol
Sadushi, dispozitat kushtetuese që sanksionojnë se e drejta përbën
bazën dhe kufijtë e veprimtarisë së shtetit, që evidentojnë parimin e
epërsisë së Kushtetutës dhe i japin vendin më të lartë në hierarkinë
normative, që përcaktojnë Gjykatën Kushtetuese si autoritetin që garan-
ton respektimin e e Kushtetutës me pushtetin për të shfuqizuar ato akte
që bien në kundërshtim me të, nuk duket se e përjashtojnë kontrollin
ndaj ligjeve që rishikojnë Kushtetutën.74
Ndërkaq, në kushtetutat e disa shteteve nuk është e rregulluar fare
çështja e kontrollit kushtetues të amendamenteve dhe me zhvillimin e
jurisprudencës kushtetuese del në pah fakti se gjykata kushtetuese
përkatëse ia njeh apo jo vetes kompetencën e kontrollit kushtetues. Fjala
bie, Gjykata Kushtetuese e Hungarisë dhe ajo e Sllovenisë me vendimet
e tyre nuk ia kanë njohur vetes këtë lloj kompetence.75
3. Ndryshimet kushtetuese të miratuara në referendum Një segment i veçantë për t’u theksuar është amendamentimi
kushtetues nëpërmjet referendumit. Çështja që kërkon trajtim në këtë
pikë ka të bëjë me kontrollin kushtetues të ndryshimeve që burojnë nga
vullneti i popullit me votën e drejtpërdrejtë.
Për shembull, në Francë, në vitin 1962, është organizuar referen-
dumi për ndryshime kushtetuese që kishin të bënin me tjetërsimin e
mënyrës së zgjedhjes së presidentit, duke sjellë versionin e zgjedhjeve
direkte. Këtë nismë të ish-presidentit De Gaulle e kishin kritikuar
73 MORINA, Visar. Gjyqësia Kushtetuese (Shqyrtime teorike dhe krahasimore).
Universiteti i Prishtinës - Fakulteti Juridik, Prishtinë, 2017, f. 122-123. 74 Megjithëkëtë, kjo çështje nuk është zgjidhur përfundimisht as nga doktrina kush-
tetuese. Sadushi mendon se Gjykata Kushtetuese, si një organ që garanton respektimin
e hierarkisë normative, në parim, duhet të jetë e lirë në vlerësimin e kushtetutshmërisë
së amendamenteve kushtetuese. Autori mbron idenë se me vetë faktin që në Kushte-
tutën e Republikës së Shqipërisë nuk ekziston ndonjë kufizim i shprehur haptazi për
kontrollin material të amendamenteve kushtetuese, atëherë mund të duket se është
pranuar superkonstitucionaliteti. Pikërisht, ky parim i fundit e bën të nevojshëm
kontrollin kushtetues. Më detajisht, shih: SADUSHI, Sokol. Drejtësia kushtetuese
në zhvillim (Trajtime teorike dhe të praktikës së gjykimit kushtetues). Botimet
Toena, Tiranë, 2012, f. 222-223. 75 GÖZLER, op. cit. f. 120.
-
C E N T R U M 11
259
opozitarët. Megjithëse projekt-amendamenti kushtetues ishte legjiti-
muar në referendum, kreu i Senatit, socialisti Gaston Monnerville (që
më vonë do të bëhej anëtar i Këshillit Kushtetues), e kishte referuar
çështjen në Këshillin Kushtetues për kontroll të pajtueshmërisë me
Kushtetutën. Mirëpo, Këshilli Kushtetues i Francës, kishte refuzuar
kontrollin e projektligjit të dalë nga referendumi.76 Ndonëse neni 61 i
Kushtetutës së vitit 1958 e veshte me kompetencë Këshillin Kushtetues
që të ushtronte kontroll kushtetues mbi ligjet e nxjerra, përfshirë ato
lidhur me amendamentimet kushtetuese, nuk qartësohej haptas nëse kjo
gjë përfshinte vetëm ligjet e nxjerra në organin legjislativ apo edhe ato
që dalin nga verdikti i drejtpërdrejtë popullor. Kështu, duke vepruar si
një organ që kontrollon veprimtarinë e organeve të tjera kushtetuese,
Këshilli Kushtetues vendos të bëjë dallimin midis mënyrës së nxjerrjes
së ligjit dhe gjykon se ka autorizim kushtetues të ushtrojë kontroll
vetëm ndaj ligjeve të nxjerra në Asamblenë Kombëtare por jo edhe ndaj
atyre që marrin aprovimin e popullit. Në këtë mënyrë, Këshilli Kush-
tetues kufizon kontrollin vetëm në ligjet parlamentare,77 ndërsa pranon
të qëndrojë i heshtur për sa i takon ligjeve të pranuara në referendum
ngase ato shprehin vullnetin e kombit, si sovran i pakontestueshëm.78
4. Parimet e pandryshueshme kushtetuese në pikëpamjen e Gjykatës Evropiane për të Drejtat e Njeriut
Në kuadër të jurisprudencës së saj, Gjykata Evropiane për të
Drejtat e Njeriut (GJEDNJ) ka shprehur edhe këndvështrimet lidhur me
disa nga parimet që në kushtetutat e shteteve palë të Konventës
Evropiane për të Drejtat e Njeriut (KEDNJ) zënë vend si dispozita të
palejueshme për t’u ndryshuar.
Në disa nga vendimet e saj, duke vënë theksin në Preambulën e
Konventës, GJEDNJ ka arritur në ca konkluzione. Para së gjithash,
sipas GJEDNJ, regjimi demokratik është i vetmi model politik që është
76 Shih:, DORSEN, N; ROSENFELD, M; SAJO, A; BAER, S. Comparative
Constitutionalism – Cases and Materials. Thomson Reuters, USA, 2010, f. 137. 77 Shih: HERDEGEN, op. cit. f. 367. 78 Një qasje e tillë bëhet e vetëkuptueshme duke marrë parasysh idenë e ngjizur që
nga Revolucioni Borgjez Francez se vullneti popullor nuk mund të shndërrohet në
objekt të kontrollit sepse nuk mund të ketë fuqi vendimmarrëse që mund të bjerë në
kundërshtim me sovranitetin kombëtar.
-
C E N T R U M 11
260
në pajtueshmëri me Konventën.79 Zaten, vetë Konventa është hartuar
me qëllim të ruajtjes dhe zhvillimit të idealeve dhe parimeve të mbësh-
tetura në një rend demokratik. Në këtë kontekst, nisur nga relacioni
midis Konventës dhe demokracisë, GJEDNJ vëren se parimet dhe vlerat
demokratike përbëjnë elemente të pandryshueshme për rendet kushte-
tuese të shteteve palë të Konventës. Në qëndrimet e GJEDNJ, ravijë-
zohen vlerat që ndërtojnë një shoqëri demokratike, ndër të cilat bëjnë
pjesë pluralizmi, toleranca dhe mendimi i lirë.80 Krahas kësaj, GJEDNJ
ka deklaruar edhe opinionin se edhe parimi i laicitetit, bashkë me epër-
sinë e së drejtës, respektimin e të drejtave të njeriut dhe demokracisë,
përbën njërin nga parimet themelore të një rendi shtetëror.81
5. Qëndrimi i Komisionit të Venecias ndaj normave të pandryshueshme
Sikurse në shumë sfera që ndërlidhen me të drejtën kushtetuese,
edhe në çështjen e kufizimeve ndaj ndryshimeve kushtetuese, Komi-
sioni i Venecias ka shprehur qëndrimin e vet, duke ofruar një udhëzim
teorik për palët e interesuara.
Në Raportin mbi Ndryshimet Kushtetuese 82 janë fiksuar disa
premisa. Së këndejmi, Komisioni i Venecias udhëzon që dispozitat e
pandryshueshme të interpretohen e të zbatohen në mënyrë restriktive
dhe me kujdes83. Për më tepër, këto dispozita duhet të jenë të hapura
ndaj interpretimeve dinamike. Konceptet si “sovraniteti”, “demokra-
cia”, “republikanizmi”, “federalizmi” ose “të drejtat themelore”, i janë
79 Në Preambulën e KEDNJ potencohet ideja se zhvillimi i të drejtave të njeriut dhe i
lirive themelore që përbëjnë themelet e drejtësisë dhe të paqes në botë mund të
garantohet kryesisht mbi një regjim politik demokratik nga njëra anë, dhe në anën
tjetër mbi një kuptim dhe respektim të përbashkët të të drejtave të njeriut. Shih
versionin zyrtar të tekstit të KEDNJ në gjuhën angleze: Convention for the
Protection of Human Rights and Fundamental Freedoms, në vegëzën:
https://www.echr.coe.int/Documents/Convention_ENG.pdf%23page=9. (08.5.2019) 80 UYGUN, op. cit. f. 410. 81 UYGUN, op. cit. f. 411. 82 EUROPEAN COMMISSION FOR DEMOCRACY THROUGH LAW (VENICE
COMMISSION). Report On Constitutional Amendment. CDL-AD(2010)001.
Raporti në fjalë është miratuar në Mbledhjen Plenare nr. 81, me datë 11-12.12.2009.
ky Raport është i qasshëm në gjuhën angleze në vegëzën: https://www.venice.
coe.int/webforms/documents/default.aspx?pdffile=CDL-AD(2010)001-e.
(07.5.2019). 83 Report On Constitutional Amendment, par. 220.
https://www.echr.coe.int/Documents/Convention_ENG.pdf%23page=9
-
C E N T R U M 11
261
nënshtruar evoluimit të vazhdueshëm, si në nivel ndërkombëtar edhe në
atë vendor, dhe kështu do të vazhdojë edhe në vitet e ardhshme. Për
shembull, nocioni i “demokracisë” dhe “parimeve demokratike” nuk
perceptohet njësoj sikur në shek. XIX apo XX. Njëjtë edhe me
konceptet si “sovraniteti” ose “integriteti territorial”, të cilat në të drej-
tën ndërkombëtare dhe veçmas në shtetet evropiane, sot kanë kuptime
të ndryshme nga që kishin vetëm disa dekada më parë.84
Gjithashtu, Komisioni vlerëson se çështja e kufizimeve amen-
damentuese preferohet të rregullohet nga kushtetutëvënësi kombëtar85
dhe varet nga interpretimi i të drejtës kushtetuese të një shteti të
përveçëm, andaj dhe nuk mund të pranohet një përgjithësim për të gjitha
vendet.86
Sa i përket ndalimit të rishikimit kushtetues gjatë gjendjes së
luftës, gjendjes së jashtëzakonshme apo situatave të ngjashme, Komi-
sioni thekson se më e udhës është që vetë legjislatori kushtetues të ven-
dosë se kur ekziston një gjendje e tillë. Mirëpo, kjo nuk duhet shpër-
dorur si shkas që të bllokohen nismat amendamentuese. Kështu, ngase
mund të shpallet një situatë emergjente dhe rrjedhimisht pamundësohet
procesi rishikues i kushtetutës. Prandaj, Komisioni shpreh opinionin se
situatat e tilla duhen nënkuptuar në mënyrë restriktive (të ngushtë).87
CONCLUSION
The evolution of the world around us reflects the necessity of
adapting to it. Today in spite of the tremendous development of huma-
nity on many spheres, no static life can be assumed. This also applies
to the state organization that is in the interest of the citizens of a state.
Given that the constitution is the act that regulates this and defines the
fundamental freedoms and rights, it is also necessary to subject it to the
new dynamics. Despite this, in some constitutions there are some provi-
sions that explicitly prohibit the change of certain principles within a
constitutional text. This can strengthen state and social stability by
bringing about protection from frequent interventions of derivative
constituent power, but at the same time it may become a cause to
prevent the free will of new generations from adapting the constitution
84 Ibid. par. 221. 85 Ibid. par. 222. 86 Ibid. par. 223. 87 Ibid. par. 224.
-
C E N T R U M 11
262
according to their needs. The factual result of this is understood only in
reality, from country to country.
Like any normative definition that is decided to be assured, both
non-amendable provisions are based on judicial control exercised by
the competent constitutional body (usually constitutional courts). When
an amendment violates such a provision, then it does not acquire legal
force and is declared null and void.
The provision protected by the change is in substantial relation
with other provisions within the constitution and the guarantee of it
should be understood as such for others. However, the generalizations
that may arise from extensive interpretations carry the risk of judicial
activism of the constitutional judiciary. It is therefore recommended
that interpretations regarding the interdependence of constitutional
provisions with each other be made in a restrictive way. Thus, even the
legislative power could exercise its natural function, the judiciary
would also play the role of the impartial and the guarantor of legal
certainty.
Recensentë:
Prof. dr. Bajram Pollozhani
Prof. dr. Jusuf Zejneli
BURIMET E KONSULTUARA
Libra:
ANAYURT, Ömer. Anayasa Hukuku: Genel Kısım (Temel
İlkeler, Kavram ve Kurumlar). Seçkin Yayıncılık, Ankara, 2018.
DORSEN, N; ROSENFELD, M; SAJO, A; BAER, S. Compa-
rative Constitutionalism – Cases and Materials. Thomson Reuters,
USA, 2010.
GÖREN, Zafer. Anayasa Hukuku (T.C. Anayasası Ve
TBMM İçtüzüğü Eki İle). Yetkin Yayınları, Ankara, 2018.
GÖZLER, Kemal. Anayasa Hukukun Genel Esasları. Ekin
Basım Yayın Dağıtım, Bursa, 2017.
HASANI, Enver. Tema të zgjedhura nga e drejta
kushtetuese. Universiteti i Prishtinës dhe Jalifat Publishing, Prishtinë-
Hjuston, 2016.
HASANI, Enver; ČUKALOVIĆ, Ivan. Komentar i Kushtetutës
së Republikës së Kosovës. Prishtinë, 2013.
-
C E N T R U M 11
263
HERDEGEN, Matthias. Anayasa Yapımının Sınırları. (Përkth.
N. Demirel). Anayasa Teorisi. DEPENHEUER, O;
GRABENWARTER, C. (Editorë). (Ed. i Përkth. DOĞAN, İ.). Lale
Yayıncılık, 2014.
KABASHI, Ditar. Pozita e Kreut të Shtetit gjatë zhvillimit
kushtetues në Republikën e Turqisë (Shqyrtime krahasuese).
Botime Artini, Prishtinë, 2016.
KABOĞLU, İbrahim. Anayasa Hukuku Dersleri (Genel
Esaslar). Legal Yayıncılık, İstanbul, 2018.
MORINA, Visar. Gjyqësia Kushtetuese (Shqyrtime teorike
dhe krahasimore). Universiteti i Prishtinës - Fakulteti Juridik,
Prishtinë, 2017.
OMARI, Luan; ANASTASI, Aurela. E drejta kushtetuese.
Shtëpia Botuese ABC, Tiranë, 2010.
ÖZBUDUN, Ergun. Türk Anayasa Hukuku. Yetkin Yayınları,
Ankara, 2018.
ÖZBUDUN, Ergun. Türkiye’de Demokratikleşme Süreci
(Anayasa Yapımı ve Anayasa Yargısı). İstanbul Bilgi Üniversitesi
Yayınları, İstanbul, 2014.
SADUSHI, Sokol. Drejtësia kushtetuese në zhvillim
(Trajtime teorike dhe të praktikës së gjykimit kushtetues).
Botimet Toena, Tiranë, 2012.
TANÖR, Bülent; YÜZBAŞIOĞLU, Necmi. 1982 Anayasasına
Göre Türk Anayasa Hukuku. Beta Basım Yayım Dağıtım A.Ş,
İstanbul, 2019.
TEZİÇ, Erdoğan. Anayasa Hukuku (Genel Esaslar). Beta
Basım Yayın Dağıtım A.Ş, İstanbul, 2017.
UYGUN, Oktay. Kamu Hukuku İncelemeleri (İnsan Hakları,
Demokrasi, Hukuk Devleti, Egemenlik). On İki Levha Yayıncılık,
İstanbul, 2013.
Punime shkencore, analiza dhe raporte:
ABDULHAKİMOĞULLARI, Erdal; BAYKAN, Metin.
Anayasa Değişikliklerinin Yargısal Denetimi. Ankara Barosu
Dergisi, 2012/3. (f. 19-40), f. 31-32.
http://www.ankarabarosu.org.tr/siteler/ankarabarosu/tekmakale/2012-
3/01.pdf. (16.4.2019).
ATAY, Ender Ethem. Anayasa Kavramının Tanımı,
Hazırlanması ve Değiştirilmesi Arasındaki İlişki. Gazi Üniversitesi
Hukuk Fakültesi Dergisi. C. XII, Y. 2008, Sa. 1-2.
http://www.ankarabarosu.org.tr/siteler/ankarabarosu/tekmakale/2012-3/01.pdfhttp://www.ankarabarosu.org.tr/siteler/ankarabarosu/tekmakale/2012-3/01.pdf
-
C E N T R U M 11
264
CAN, Osman. Anayasayı Değiştirme İktidarı Ve Denetim
Sorunu. Ankara Üniversitesi SBF Dergisi 62-3, (f. 101-139).
https://dergipark.org.tr/download/article-file/36031. (10.5.2019).
FLENIER, Thomas. Constituent/Constituted Power: Theory And
Application. Journal of Constitutional Law - Volume: 1 / Issue:1 /
Year: 2012.
KABASHI, Ditar. Ndryshimet kushtetuese – sine qua non për
shtetin: vështrim në teorinë e së drejtës. Revista Shenja, Viti VIII, nr.
94, 2019 (f. 51- 53).
Report On Constitutional Amendment. EUROPEAN
COMMISSION FOR DEMOCRACY THROUGH LAW (VENICE
COMMISSION). CDL-AD(2010)001.:
https://www.venice.coe.int/webforms/documents/default.aspx?pdffile
=CDL-AD(2010)001-e. (07.5.2019).
Akte juridike:
Convention for the Protection of Human Rights and
Fundamental Freedoms:
https://www.echr.coe.int/Documents/Convention_ENG.pdf%23page=
9. (08.5.2019).
Kushtetuta e Belgjikës:
https://www.dekamer.be/kvvcr/pdf_sections/publications/constitution/
GrondwetUK.pdf. (15.3.2019).
Kushtetuta e Francës: https://www.conseil-
constitutionnel.fr/sites/default/files/as/root/bank_mm/anglais/constiuti
on_anglais_oct2009.pdf. (09.4.2019).
Kushtetuta e Greqisë:
https://www.wipo.int/edocs/lexdocs/laws/en/gr/gr220en.pdf.
(12.4.2019).
Ligji Themeltar Gjerman:
https://www.bundesregierung.de/breg-en/chancellor/basic-law-
470510. (15.4.2019).
Kushtetuta e Malit të Zi:
http://www.skupstina.me/images/documents/constitution-of-
montenegro.pdf. (14.3.2019).
Kushtetuta e Portugalisë:
http://www.en.parlamento.pt/Legislation/CRP/Constitution7th.pdf.
(12.3.2019).
https://dergipark.org.tr/download/article-file/36031https://www.venice.coe.int/webforms/documents/default.aspx?pdffile=CDL-AD(2010)001-ehttps://www.venice.coe.int/webforms/documents/default.aspx?pdffile=CDL-AD(2010)001-ehttps://www.echr.coe.int/Documents/Convention_ENG.pdf%23page=9https://www.echr.coe.int/Documents/Convention_ENG.pdf%23page=9https://www.dekamer.be/kvvcr/pdf_sections/publications/constitution/GrondwetUK.pdfhttps://www.dekamer.be/kvvcr/pdf_sections/publications/constitution/GrondwetUK.pdfhttps://www.conseil-constitutionnel.fr/sites/default/files/as/root/bank_mm/anglais/constiution_anglais_oct2009.pdfhttps://www.conseil-constitutionnel.fr/sites/default/files/as/root/bank_mm/anglais/constiution_anglais_oct2009.pdfhttps://www.conseil-constitutionnel.fr/sites/default/files/as/root/bank_mm/anglais/constiution_anglais_oct2009.pdfhttps://www.wipo.int/edocs/lexdocs/laws/en/gr/gr220en.pdfhttps://www.bundesregierung.de/breg-en/chancellor/basic-law-470510https://www.bundesregierung.de/breg-en/chancellor/basic-law-470510http://www.skupstina.me/images/documents/constitution-of-montenegro.pdfhttp://www.skupstina.me/images/documents/constitution-of-montenegro.pdfhttp://www.en.parlamento.pt/Legislation/CRP/Constitution7th.pdf
-
C E N T R U M 11
265
Kushtetuta e Rumanisë:
http://www.cdep.ro/pls/dic/site2015.page?den=act2_2&par1=7&idl=2
. (08.4.2019).
Kushtetuta e Serbisë: http://www.ustavni.sud.rs/page/view/en-
GB/235-100028/constitution. (14.3.2019).
Kushtetuta e Spanjës:
http://www.congreso.es/portal/page/portal/Congreso/Congreso/Hist_N
ormas/Norm/const_espa_texto_ingles_0.pdf. (12.3.2019).
Kushtetuta e Shqipërisë:
https://www.parlament.al/Files/sKuvendi/kushtetuta.pdf. (11.3.2019).
Kushtetuta e Turqisë:
https://global.tbmm.gov.tr/docs/constitution_en_2019.pdf.
(07.5.2019).
Kushtetuta e Ukrainës:
https://www.justice.gov/sites/default/files/eoir/legacy/2013/11/08/cons
titution_14.pdf. (14.4.2019).
http://www.cdep.ro/pls/dic/site2015.page?den=act2_2&par1=7&idl=2http://www.cdep.ro/pls/dic/site2015.page?den=act2_2&par1=7&idl=2http://www.ustavni.sud.rs/page/view/en-GB/235-100028/constitutionhttp://www.ustavni.sud.rs/page/view/en-GB/235-100028/constitutionhttp://www.congreso.es/portal/page/portal/Congreso/Congreso/Hist_Normas/Norm/const_espa_texto_ingles_0.pdfhttp://www.congreso.es/portal/page/portal/Congreso/Congreso/Hist_Normas/Norm/const_espa_texto_ingles_0.pdfhttps://www.parlament.al/Files/sKuvendi/kushtetuta.pdfhttps://global.tbmm.gov.tr/docs/constitution_en_2019.pdfhttps://www.justice.gov/sites/default/files/eoir/legacy/2013/11/08/constitution_14.pdfhttps://www.justice.gov/sites/default/files/eoir/legacy/2013/11/08/constitution_14.pdf