ინტერაქტიური სავარჯიშოების შექმნა learningapps.org პლატფორმაზე

ნაბიჯი 1. ინტერაქტიური სავარჯიშოების შექმნა და შენახვა

1. საიტის მთავარ გვერდზე აირჩიეთ პუნქტი „დანართის შექმნა“ , რის შემდეგაც თქვენ წინაშე გამოჩნდება ყველა შესაძლებელი სახის სავარჯიშოს სია.

სურვილის შემთხვევაში შეგიძლიათ აირჩიოთ ნებისმიერი სახის სავარჯიშო, დაათვალიეროთ მზა მაგალითები ( სხვა პედაგოგების მიერ შექმნილი) და შექმნათ თქვენი საკუთარი.

2. მაგალითად, აირჩიეთ დანართის ტიპი „ვიქტორინა პასუხების არჩევით“.

3. ინტერაქტიური სავარჯიშოს შექმნის გვერდზე სათანადო გრაფაში მიუთითეთ სავარჯიშოს სახელწოდება.

4. ველში „ ამოცანა“ საჭიროების შემთხვევაში ჩამოაყალიბეთ დავალება მოსწავლეთათვის. შესაძლებელია, ეს გრაფა ცარიელიც დატოვოთ.

5. აირჩიეთ გამოსახულება ან ვიდეო, რომელიც გამოჩნდება მოსწავლეებთან დავალების სახით. მულტიმედიური რესურსის ასატვირთად დააჭირეთ შესაბამის ღილაკს ( „ სურათი“ ან „ ვიდეო“).

6. მულტიმედიური რესურსი შესაძლებელია შეირჩეს სამი გზით: მოვძებნოთ ვიკიპედიაში, მივუთითოთ ინტერნეტში არსებული ვიდეოს ან გამოსახულების ბმული, ავტვირთოთ ჩვენი კომპიუტერიდან.

7. კითხვების ველში ავსებთ საჭირო ჩანართებს : კითხვა, განმარტება, სწორი

პასუხი და უკუკავშირი სწორ პასუხზე

8. შეინახეთ თქვენი სავარჯიშო

9. შეამოწმეთ სავარჯიშოს გამართულად მუშაობა

10. თუ ყველაფერი სწორია, დააჭირეთ „ დანართის შენახვას“ და სავარჯიშო დაემატება თქვენს სავარჯიშოებს, თუ შეცდომა აღმოაჩინეთ, დააჭირეთ „ გადამუშავებას“ და შეასწორეთ იგი, რის შემდეგაც შეინახავთ სავარჯიშოს აღნიშნული წესით.

11. სავარჯიშოს გაზიარება შესაძლებელია სამმგვარი ბმულით:

პირველი ბმული საშუალებას გვაძლევს შევასრულოთ სავარჯიშო ისე, რომ არ გაიხსნას მთელს ეკრანზე;

მეორე ბმული - ვმუშაობთ მთლიან ეკრანზე; მესამე ბმული - სავარჯიშოს ბლოგზე ან საიტზე ჩასაშენებლად.

გისურვებთ წარმატებას! განხილული სავარჯიშო დასრულებული სახით შეგიძლიათ იხილოთ შემდეგ ბმულზე:მძიმე რთულ ქვეწყობილ წინადადებაში ( http://learningapps.org/display?v=ppeggqwm501)