leefstyl parys, saam met die gesin én op ’n begroting · 30 leefstyl 29 april 2017 | beeld o m...
TRANSCRIPT
29 April 2017 | BeeldLEEFSTYL30
Om jou gesin op reis naeen van die bekendstewêreldstede te neemhoef nie jou bankbalans
uit te wis nie, al is die wissel-koers nie aan jou kant nie.
Indien jy jou vliegkaartjies enverblyf lank voor die tyd be-spreek, sal jy baie geld op jou twee grootste uitgawes spaar. Dit is baie goedkoper om ’n woonstel te huur – hotelkamers is baie duur en jy sal boonop heeltyd moet uiteet. Selfs al sluit jou hotelbespreking ontbyt in, gaan die croissant, kaas en koffie wat voorgesit word, nie almal se hongerpyne vir lank stil nie.
Dis lekker om een van Parysse kosmarkte te besoek en daar-na in die gemak van jou woon-stel te gaan eet.
Airbnb en booking.com het opsies wat elke gesin se sak sal pas, maar onthou dat dit goed-koper sal uitwerk om naby die besienswaardighede te bly. Baie toeriste kies verblyfopsies buite Parys – wat soos ’n fantastiese winskopie lyk, maar die trein-kaartjies stad toe is op die ou end baie duur.
Van hier na daarOm in Parys oor die weg te kom stel ek voor jy koop ’n carnet metrokaartjies. In hierdie boe-kie is tien kaartjies waarmee jy per metro die hele stad kan ver-ken. ’n Ander opsie is om vir el-ke lid van die gesin ’n Paris Pass of Passlib’-kaartjie te koop.
Dit sluit nie net vervoer vir die gekose hoeveelheid dae in nie, maar ook ingang tot die meeste museums en besiens-waardighede, en bied ook afslag en spesiale aanbiedings in res-taurante.
Jy kry ook met altwee dié op-sies ’n een dag of twee dae lange rooibustoer (op die Paris Pass) en geelbustoer (op die Paris Passlib’), wat heeldag ’n sirkel-roete verby die belangrikste toe-riste-aantreklikhede ry.
Jy kan dus op- en afklim by die stasies, en die stad verder te voet verken – wat jou geld aan metrokaartjies spaar. Dit sluit ook ’n bootrit op die Seine in.
Indien jy genoeg van dié plek-ke besoek, werk hierdie toe-gangskaartjies baie goedkoper uit as om elke keer die onder-skeie toegangsgeld te betaal.
Albei dié opsies se webwerwebied gereeld spesiale pryse aan. Jy kon dus in Maart 50%-afslag kry indien jy jou kaartjies be-spreek het.
Die kaartjies word nie gekop-pel aan spesifieke datums nie, en word geaktiveer wanneer jy dit die eerste keer gebruik. Be-gin dus vroeg in die oggend aan-gesien die kaartjies aan dae ge-koppel word.
Kry meer inligting by paris-pass.com en booking.parisin-fo.com.
Hou die gesin besigParys het hope gratis en goed-koop vermaak en gesinne met kinders sal veral mal wees oor die volgende plekke wat ek al oor die jare beproef het. Al hier-die plekke is nie goedkoop nie, maar ’n vinnige Google-soektog sal nóg hope opsies tot jou lys voeg:
) Klim la Grande Dame de ParisOm die Eiffel-toring se trappies te klim is nie net ’n interessante ervaring nie, jy hoef dan ook nie in die ellelange rye staan en wag om met die hysbak op te ry nie. Dit is ook goedkoper, aange-sien jy eers van die tweede ver-dieping af die hysbak hoef te neem om heel bo uit te kom. Klim die 669 trappe tot op die tweede verdieping, en wanneer almal klaar die gebruiklike sel-fies geneem het, lê die kort hys-bakrit na die boonste verdieping voor. Ná al die trappe en opwin-ding kan Pa en Ma hulself met ’n glas yskoue sjampanje bederf terwyl die kinders die uitsig be-wonder.
Besoek die Tour Eiffel so na aan sononder as moontlik – jy sal dan Parys se liggies sien aangaan en ook die voorreg hê om te sien hoe die liggies elke uur vir vyf minute flikker. Ek was al menigmaal op die toring en het nog elke keer met die flikkering ’n man met ’n ring op sy knieë sien staan . . .
Ry met die metro tot by die Bir-Hakeim-stasie (dit stop bo die grond) en kyk na die ver-wondering op jou kinders se ge-sigte wanneer hulle sien hoe groot die dame werklik is.
Nóg ’n lekker klim-ervaring (onthou: daar is nie ’n hysbak vir toeriste se gebruik nie), is die Arc de Triomphe, aan die bopunt van die Champs-Élysées. Kinders sal veral mal wees oor die nimmereindigende spiraal-trap en die uitsig van bo.
Gaan kyk by toureiffel.paris en arcdetriompheparis.com. ) Die Grévin-museumDié wasbeeldmuseum is vir Pa-rys wat Madame Tussauds vir Londen is. Museumtoegang is ingesluit by die Paris Pass. Die uitgang van die museum is in Passage Jouffroy, een van Parys se bekendste, bedekte winkel-strate wat in 1845 gebou is. Die passage het interessante winkel-tjies en jy moet by À La Mère De Famille inloer – dit was im-mers Julia Child se gunsteling-sjokolade-en-soetgoedwinkel. Die winkeleienaars gee ook altyd vir jou iets om te proe – en dis be-slis die moeite werd om van hul nougat te koop.
Die naaste metrostasie is Grands Boulevards.
Gaan loer by grevin-pa-ris.com/en en lameredefamil-le.com.) Musée du Chocolat – Cho-costory ParisDie sjokolademuseum is ook ge-leë in die Grands Boulevards-area en bied ’n interessante blik
Parys, Frankryk, staan nie net bekend as die stad van liefde nie, maar ook as een van die duurste wêreldstede wat jy kan besoek. Indien jy met jou gesin soontoe wil reis, kan dit jou duur te staan kom as jy nie eers navorsing doen nie.
In die aand is die Eiffeltoring ’n bekoring. Foto’s (tensy andersins vermeld): MARTMARIÉ DU TOIT
MARTMARIÉ DU TOIT@martdutoit
Parys, saam met die gesin én op ’n begroting
Beeld | 29 April 2017 LEEFSTYL 31
op die geskiedenis van sjokola-de. Maak voor die tyd seker hoe laat die klasse aangebied word – dis kort, hope pret en ’n lekker sjokoladeproe in een. Vra vir die skattejagkaarte wanneer jy ingaan – elke kind kry ’n kaart en as hulle hom reg invul, kry hulle ’n heerlike sjokoladever-rassing. Museumtoegang is inge-sluit by die Paris Pass en die naaste metrostasie is Bonne Nouvelle.
Meer by museeduchocolat.fr.) Piekniek in die parkDie Jardin du Luxembourg is een van Parys se mooiste tuine. Die suidwestelike hoek van die Renaissance-tuin is nét vir kin-ders se pret en plesier ingerig. Vir slegs € 2,50 (sowat R35) kan hulle op die gewilde mallemeule ry en die speelpark geniet ter-wyl jy onder ’n 100 jaar oue pla-taan sit en een van Parys se lek-kerste – en goedkoopste – cap-puccino’s (€ 1) drink.
Die tuin is ’n gunsteling by oud en jonk. Selfs al besoek jy nie die speelpark nie, maak die verskeie standbeelde, heerlike grasbanke waarop jy mag sit en piekniek hou (dit word in byna geen ander park in Parys toege-laat nie) en die Grand Bassin, ’n ornamentele dam, waar kinders klein gehuurde houtbootjies met stokkies op die water aanpor, dit die moeite werd vir ’n heer-like middaguitstappie.
DaguitstappiesDie twee lekkerste gesinsdaguit-stappies buite Parys is Euro Disney en Versailles.
Euro Disney is elke kind se droombestemming – dis selfs pret vir ouer siele. Besluit voor die tyd op ritte wat julle gaan ry – veral in hoogseisoen wanneer jy vir die gewildste ritte ure in rye kan staan. Neem die RER A-trein na Marne-La-Vallée en maak seker jy gryp ’n FastPass by die ingang – dit gee jou een uur se grasie om nie in rye te staan vir sekere ritte nie. Jy kan meer as een maal ’n Fast-Pass gaan haal. Gaan op ’n Woensdag as jou kinders nog baie klein is. Dit is dan Jour des Enfants, wat makliker toegang tot die kleintjies se ritte gee.
Versailles is ’n geskiedkundi-ge, goudbedekte paleis en sal dogtertjies met prinsesdrome se oë laat blink. Marie Antoinette se Hameau is ook nou, ná ’n paar jaar se opknappingswerk, weer oop vir toeriste. Neem die treintjie van die kasteel af en
gaan wys vir die kinders waar-heen sy gegaan het wanneer sy soos een van die “ongewaste massas” wou voel.
Gaan kyk by dlpguide.com enen.chateauversailles.fr.
Iets andersDaar is ’n wêreld onder Parys wat bestaan uit steengroewe vol geraamtes, dun gangetjies en ’n muwwe reuk . . . Tieners is veral mal oor dié makabere doolhof! Die katakombes is knekelhuise waar die beendere van die dooies gestoor is en nou een van die gewildste besienswaardighe-de in Parys is. Die toer van 1,5
km duur ongeveer 45 minute. Die naaste metrostasie is Den-
fert-Rochereau.Meer by catacombes.paris.fr.
Vir die maag wat gromDaar is min dinge so moeilik soos ’n honger kind. Maak dus voor die tyd seker jy lees na oor eetplekke om te verhoed dat jy uit desperaatheid in ’n peper-duur restaurant neersak of by die naaste McDonald’s instorm. Soek restaurante met ’n formule – hierdie spyskaart bied ge-woonlik twee of drie opsies vir ’n twee- of driegangmaaltyd wat baie goedkoper is as om van die
spyskaart af te bestel.My gunsteling is Le Relais de
L’Entrecôte, wat jy in Rue Mar-bouf kry – net af van die Champs Élysées – hulle sit steak-frites voor waarvan jy net in boeke lees. Daar is verskeie forums op die internet wat be-spiegel oor die bestanddele in hul beroemde sous, en jy mis werklik iets as jy nie hierdie plaaslike eetplek besoek nie. Die bonus vir gesinne: Jy kry soveel vuurhoutjietjippies as wat jy wil hê! Bestel die middagete-formule wat bestaan uit ’n waldorfslaai as voorgereg en die steak-frites as hoofgereg. Dis byna dubbeld so duur in die aand! Die naaste metro-stasie is Franklin D. Roo-sevelt.
’n Ander opsie is om op ’n kosmark kos te koop en in een van Parys se pragtige parke piekniek te hou. Dis heerlik om ’n paar stoele in ’n sonkol te soek en daar uit te span en die Franse dop te hou. Ons het só al die oudpresident van Frankryk, Nicolas Sarkozy, gesien draf.
Gaan – nadat julle die beken-de boekwinkel Shakespeare and Company besoek het – vir ’n be-derf na Amorino – wat gelato soos ’n blom op die roomysho-rinkie laat lyk.
Die tuine van die Jardin du Luxembourg is ’n fees vir die oog.
Die asemrowende uitsig vanaf Printemps se dak.
Foto: NELIA MILLER
In Euro Disney is daar iets vir almal. Foto: MARIËTTE SORGDRAGER
Boekliefhebbers moenie ’n besoek aan dié winkel misloop nie.
By Amorino lyk jou roomys soos ’n blom!
Veral tieners sal die grillerige katakombes geniet.
Foto: MARIËTTE SORGDRAGER
“Ek is lief vir jou,” is in al die tale van die wêreld op die muur van die liefde geskryf.
Foto: MARTHA VAN DEN BERG
Koop gebottelde water en peuselhappies by Monoprix of Franprix (amper soos Spar in Suid Afrika), en dra dit saam. Dit is baie goedkoper as om by ’n toeristebestemming iets te ete te koop, en jy kan jou bottel by die openbare waterfonteine vul.
Paul en Pret A Manger maak heerlike broodjies en slaaie wat só verpak word dat jy dit in jou rugsak kan saamdra.
Dit is goedkoper om koffie by die toonbank te staan en drink as om by ’n tafel te gaan sit.
As jy in Parys is, is ’n ekstragroot Nutellacrêpe gelykstaande aan ’n goeie middagete – goedkoop, en maklik om te eet terwyl jy na jou volgende bestemming beweeg.
Dié besienswaardighede sal jou nie ’n sent uit die sak jaag nie:) die NotreDamekatedraal in al sy Gotiese glorie;) die Muur van die Liefde, op pad na die SacréCoeur (stop by die Abbessesstasie) – kyk uit vir die burgemeester van Montmartre wat Sondae in sy piepklein motor rondry en toeriste groet;) die dak van die afdelingswinkel Printemps, van waar jy die beste 360 °uitsig van Parys het;) Rue Mouffetard, ’n gunsteling onder smulpape waar jy kan kyk hoe die vakmanne baguettes, makrolletjies en ander happies bak en voorsit; en) Canal SaintMartin, die perfekte plek vir piekniek en koue wyn langs die water.
Besoek ookdié plekke
) Centre Pompidou – ’n moderne museum wat só gebou is dat sy binnekant buite sit;) Cité des Enfants en Cité des Sciences et de l’Industrie – vir jong wetenskaplikes; ) Shakespeare and Company – almal wat van lees hou, sal ure daar kan deurbring;) Parc de la Villette – ’n futuristiese park in die noordooste van die stad; en) Muséum National d’Histoire Naturelle – dié museum, en die Ménagerie du Jardin des Plantes (die oudste openbare dieretuin in die wêreld), sal julle ure aaneen besig hou.
Wees slim!
Gratis doendinge