letras galegas 2011
DESCRIPTION
O 17 de maio todos os anos adícase a un escritor recoñecido polo seu valor literario en língua galega.TRANSCRIPT
Curso 2010/11
número 36 Boletín de biblioteca
Especial Letras Galegas
Lois Pereiro
Letras Galegas
Unha vida en fotos
Escolla de poemas
Dixeron del…
Coñece ao autor:
Visita o blog
Percorre o Gloster
Investiga nas webquest
O poeta monfortino Lois Pereiro é o autor homenaxeado este 17 de maio con motivo da celebración do Día das Letras Galegas, segundo acordou o plenario da Real Academia Galega (RAG).
O presidente da RAG, Xosé Luís Méndez Ferrín reivindicou o "compromiso" da súa obra, "a temática e a súa forma", así como o seu carácter "contemporáneo". Todo iso, engadiu, faio "merecedor" da homenaxe que incrementará o índice de coñecemento do autor na comunidade, sobre todo entre os máis novos.
A RAG sinalou que Pereiro cultivou desde os seus inicios "unha imaxe e unha estética" que fixeron del "un
Letras Galegas 2011
autor de culto, cartografiou como ninguén o labirinto do mundo contemporáneo conciliando para tal fin o individualismo escéptico coa tradición demoledora do expresionismo centroeuropeo", engadiu.
Aquí tedes unha mostra da súa poesía: o seu epitafio.
“Cuspídeme enriba cando
pasedes por diante do lugar
onde eu repouse, enviándome
unha húmida mensaxe de
vida e de furia necesaria"
Agradecementos:
RAG
Web oficial do autor
IES Concepción Arenal
de Ferrol
Seminario Galán
Mar Mato do Faro de
Vigo
Román Cerqueiro Landín
do IES de Porto do Son
Página 2 de la 4
O corpo inerte de Lois Pereiro (nacido en 1958) atópase sobre un outeiro da alta montaña de Lugo no Incio. Moi preto do camposanto, segue en pé a casa familiar onde xogou, leu e argumentou cos seus irmáns Xosé Manuel e Inés, vivenda na que pasaban os veráns mentres que o resto do ano residían en Monforte. Foron anos de anécdotas e mimos coas avoas Balbina, Emilia, o avó Manuel e o tío Pepe satélites dun núcleo familiar peculiar. "Seu pai era licenciado en Dereito, traballara de avogado pero como non lle gustase puxo en marcha unha cristalería; e a súa nai fora mestra na República. Vos nenos tingan unha conta nas librarías de Monforte para comprar libros. Vos amigos falan dá súa familia como unha familia excepcional, con igualdade e liberdade entre vos membros. Era xente distinta", explica Marcos Calveiro, autor de "Naúfrago do paraíso. Biografía e antoloxía".
O ocaso da infancia coincidiu coa morte de Franco. O poeta atopábase en Madrid matriculado na Facultade de Socioloxía, estudos (que lle defraudaron) e cidade que abandonou para regresar a Monforte.
De volta a casa, á cristalería onde seu pai ofreceralle traballo, aproveitando o verán do 75 para achegarse a lugares como Valdeorras para volver colocar Madrid no seu compás onde o nome de Piedade, o seu amor, marcaríalle o norte durante parte da súa vida.
O rastro, a Filmoteca Nacional, a Escola de Idiomas onde estudaba francés, alemán e inglés foron tres eixos con bisagra na poesía. Foi en Madrid onde escribiu entre 1975 e 1978 Poemas para unha Loia, libro póstumo que recolle versos publicados na revista Loia onde converxía co seu irmán, Manuel Rivas e Antón Patiño.
En Madrid, Pereiro tamén gozou da Transición e a Movida; partiu cara a centroeuropa peregrinando na busca da irmandade celta en Irlanda, trazando plans de futuro ata que en 1981 o veleno chegou á súa vida para empezar a "durmir no desastre".
En semanas, Lois Pereiro perdeu o alento. Non podía nin vestirse só. Despois de meses sen saber que enfermidade lle consumía e paralizaba ou corpo, os médicos recoñeceron que tiña o síndrome do aceite tóxico. A inxestión de aceite desnaturalizado de colza (importado para uso industrial e vendido para consumo humano) incluíu a Lois Pereiro na listaxe de 18.000 persoas afectadas en España. A enfermidade devolveríao, con enormes dores até a súa morte, a Galicia que abandonaría só por días para realizar distintas viaxes con Piedade e outros amigos así como coa súa familia.
É a intoxicación a que o converterá nun Náufrago do paraíso (título dunha novela inacabada), nun poeta con calafríos en letras: "Xa non podo ver nada ó meu redor/ que signifique máis que a miña sombra" ante "un punto final non aire" como recollía no poema "Pregúntome cando" da súa obra Poemas 1981/1991. Con ese libro, comezou a esculpir na súa biografía a fama de maldito mentres aproveitaba para escaparse a Berlín ou París gañándose a vida con traducións.
Poesía última de amor e enfermidade sería o seu último libro en vida, escrito entre 1992 e 1995 con acróstico incluído dedicado ao novo virus contraído, sida; e con descricións do seu corpo como "un campo de batalla", confesando a recepción dun "perverso, inofensivo e altruísta placebo inocuo administrado a un corpo xa vencido".
Unha vida en fotos
Luz e sombras de amor resucitado
Tristemente convivo coa túa ausencia
sobrevivo á distancia que nos nega
mentres bordeo a fronteira entre dous mundos
sen decidir cal deles pode darme
a calma que me esixo para amarte
sen sufrir pola túa indiferencia
a miña retirada preventiva
dunha batalla que xa sei perdida
resolto a non entrar xamais en ti
pero non á tortura de evitarte.
Poema Póstumo
Somentes
intentaba conseguir
deixar na terra
algo de min que me sobrevivise
sabendo que deberia ter sabido
impedirme a min mesmo
descubrir que só fun un interludio
atroz entre dous muros de silencio
só puiden evitar vivindo á sombra
inocularlle para sempre a quen amaba
doses letais do amor que envelenaba
a súa alma cunha dor eterna
sustituíndo o desexo polo exilio
iniciei a viaxe sen retorno
deixándome levar sen resistencia
ó fondo dunha interna
aniquilación chea de nostalxia.
Cero a la izquierda O corredor de fondo perde o alento
fuxindo dunha vida inzada de renuncias
da súa liturxia obesa e oleosa,
mediocre nos seus comunais fracasos,
bágoas de xelo, indignación contida
non deu chegado a tempo de exercer
a súa rebelión,
nin de levar a cabo
a súa vinganza definitiva
contra un mundo inxusto, homicida, e cruel,
pola inutilidade da súa propia vida
solitario, enfermo e fatigado,
a morte anticipouse e chegou antes.
“Poema para P. ós trinta e un anos
camiño do ceo”
Se a morte é un incidente necesario que me penetre calada e sen furia a traizón e uniformemente cruel co suor que polas noites crea o fracaso dun corpo que coñece os seus dominios vencido pola ofensa continuada dos feitos. E así desculpara a miña derrota
o medo que xa non sinto por ti.
Escolla de poemas
XXII
O desamor, brutal amputación
ou atrofia dun soño maltratado,
debería se sempre un último ritual
representado en salas clandestinas.
Interpretando orgánicos monólogos,
recitaríamos con fluidez a dor interna
dos nosos tristes ósos
cando o amor se dilúe en
hemorraxias
de líquidos desexos
abortados.
Nome e grupo:
Suxerencias
Autor Título Formato
Visítanos
no noso blog:
www.blogfesquio.blogspot.com
IES Fernando Esquío
Empedrón 16
TELÉFONO:
981391080
FAX:
981391280
Dixeron de Lois…
“A elección deste poeta maldito, punk e post moderno provocou una descoñecida onda de entusiasmo no mundo literario galego e xerou decontado una inagardada expectativa de renovación para o futuro dunha efeméride en evidente retroceso de interese popular” Manuel Bragado
Lois encarna
a cultura
alternativa e
underground
“Andou polas beiras salvaxes da vida” Manuel Rivas
“Creo que non se
escribirá un texto
poético máis íntimo e
conmovedor en lingua
galega desde o Follas
Novas de Rosalía”
“Os poemas de Lois son de aceiro,
funcionan coma un bisturí que disecciona
a vida, pero detrás apreciase a
fraxilidade do individuo” Xavier Seoane
“Meu irmán era esencialmente un poeta, un roqueiro amante das palabras, una persoa calada e con moito sentido do humor”
Xosé Manuel Pereiro, irmán de Lois