Die

Tydskrif van die Christelike Vereniging van Suid-Afrika

Ligdraer

April 2015 Nr 240

See van Galilia

Voorblad

Indien u ‘n artikel in die Ligdraer wil plaas kan u vir br Hermann Havenga kontak

Selfoon 084 437 6266E-pos ligdraer@cvsa.co.za

Die Ligdraer is in PDF formaat beskikbaar op die Kerk se webwerf by www.cvsa.co.za

DieLigdraer

1 U kan ‘n verskil maak - Leraar Fanie Visagie

6 Wiskunde in die woestyn - Tienie Duminy

7 ‘n Rein hart en ‘n vaste gees - Wyle oom Faan VIsagie

9 Die hartklop, die stem - Gerrie Gerber

11 Ons kinders se geestelike identiteit - Jannie Labuschagne

15 God’s liefde vir ons - Marie Labuschagne

16 Die Here hoor dit - Jannie Labuschagne

20 Verandering van Hulpfonds bankrekeningnommer

21 Verjaarsdae 70

23 Nuwe lidmate

23 Dopelinge

24 Sterfgevalle

25 Algemene inligting

27 Spesiale Dienste 2015 en 2016

Inhoud

+

Fanie

Vis

agie

(Le

raar

)

Boodskap van ons leraar op Sondagoggend 22 Februarie 2015

1

U kan ‘n verskil maak

1 Samuel 17 vers 45: “Maar Dawid sê vir die Fillistyn: Jy kom na my met 'n swaard en met 'n spies en met 'n lans, maar ek kom na jou in die Naam van die Here van die leërskare, die God van die slagordes

van Israel, wat jy uitgedaag het.”

In die Ou Testament het daar dinge gebeur wat ook voorspel wat in die toekoms sou plaasvind. Daar is soveel om uit hierdie gedeelte wat ek vir ons gelees het te haal. Ek glo ons almal ken die verhaal van Dawid en Goliat. As kinders het ons dit geleer, en miskien nog nooit sò na hierdie gedeelte gekyk soos ek u aandag vanmôre daarop wil vestig nie. Ons sien hierdie massiewe reus wat daar rondloop met sy mondering van brons aan. Volgens die Nuwe Vertaling is die gewig van hierdie pantser drie en vyftig kilogram, en ek dink in daardie Filistynse son het dit geglinster wanneer hy daar op en af loop, en vir veertig dae lank die volk van God as't ware uitdaag en tart. Volgens die Bybel was sy spies se handvatsel so groot soos 'n weefstoel se raamwerk, en die g e w i g s e w e k i l o g r a m . S y skilddraer het vooruit geloop om hom te beskerm. Hierdie man het vrees ingeboesem by die volk Israel. Die beskrywings sê Goliat w a s d r i e m e t e r l a n k – ' n indrukwekkende groot man wat van sy kinderdae af 'n soldaat was. En dan sien ons die

s lagordes teenoor mekaar opgestel, en die uitdaging word gerig: “Stuur vir my 'n man sodat hy teen my kan veg en as ek oorwin word julle ons slawe. As daardie persoon oorwin sal ons julle slawe word en ons sal doen wat julle wil hê ons moet doen.” Elke keer wanneer die reus Goliat na vore kom en sê: “Stuur vir my 'n man”, het vrees en angs aan Israel se kant ontstaan en het almal teruggedeins.

En hier van die veld af kom 'n jong seun wat deur sy pappa gestuur is om vir sy broers kos weg te neem en uit te vind na hulle welstand. Hy kom daar en luister en hoor wat hierdie groot man sê en hy sien hier is iets snaaks wat besig is om plaas te vind. Die hele leërorde van Israel staan gereed om te veg – maar hulle is beangs. Ons het die deeltjie gelees hoe sy broer hom sleg sê toe hy hom sien: “Waar het jy daardie klompie vee gelos? En jou vermetelheid ken ek, jy wil net na die geveg kom kyk.” Ek dink Dawid kon hom vra: “Watter geveg? Hier vind niks plaas nie. Hier is nie 'n geveg nie.” Maar, Dawid

2

vertrou op sy God en kom voor Saul. (Ek wil net noem dat toe Saul aangestel is as koning was hy van sy skouers af hoër as die volk Israel – hy sou eintlik die ideale persoon gewees het om teen Goliat te veg, maar ook hy het teruggesteier.) En nadat Dawid Saul oortuig het en Saul instem dat hy teen die reus veg sê hy aan Dawid: “Trek my pantserklere aan.” Maar Dawid het moeilik daarmee beweeg en dit uitgetrek. Dit is die verhaal van Dawid en hoe hy dan die slingervel gebruik het en vir die reus Goliat gesê het: “Ek kom in die Naam van die God van die leërskare, die God van die slagordes van Israel, wat jy uitgedaag het.”

Ek wil eintlik aan die een kant raak aan die roeping van die Here in 'n mens se lewe, en aan die ander kant kyk na hierdie gebeurtenis wat ons vandag nog net so in ons eie samelewing en bestaan kan toepas. In die eerste plek: Hierdie reus “Goliat” is vandag in baie van ons lande, stede, dorpe en in ons huise 'n bedreiging. As ek maar dink aan die letterkunde en die leesstof waarmee ons gevoed word en die kind van God getart word. Die dinge waarmee die sielemoordenaar ons terg. Waar hy soos 'n reus voor jou staan en jy besef: Ek kan nie teen hierdie reus baklei nie. Ek is nie in staat om teen hierdie reus te baklei nie. Nou sien ek vir Dawid wat deur sy pappa gestuur is. 'n Jong man, en hoe hy na die slagveld aangestap kom. En toe Saul hom konfronteer met: “Hierdie man is 'n soldaat van sy jeug af en jy is nog jonk”, toe sê hy: “My heer daar was die leeu en die beer en ek het hulle verslaan in die Naam van die Here.” Ek het so besef dat Dawid

gestuur was – en ek wil hom in verband bring met ons Here Jesus wat deur sy Vader gestuur is om vir ons hierdie magtige vyand te kom verslaan. Dawid het nie net ingestap en hierdie geveg oorwin nie. Hy het al met die vyand te doen gehad daar waar hy alleen was. Daar waar sy leerskool was – by sy huis. Dawid as 'n kind van God wat sy hele lewe aan Hom toevertrou het. Waar hy gebly het het hulle kom geken. Ek wil vir u vra, daar waar u bly, waar u aan tafel is, waar u praat, waar u tussen u mense besig is, is die mense daarvan bewus dat u 'n geroepene van God is? Van die dag af wat Dawid gesalf is as koning, nog 'n jong seun, sê die Bybel het die Gees van God oor hom vaardig geword. 'n Geroepene, daar in sy eensaamheid (waar niemand dit weet nie), en sy vertroue is op God. Die Here het hom geken daarom het Hy hom geroep. En hierdie jong man stap in opdrag van sy vader na daardie gevegsfront.

Dan sien ek hoe die Here Jesus daardie dag nadat Hy gedoop is deur die Heilige Gees gesalf is en hoe die Heilige Gees soos 'n duif op Hom neergedaal het. Hierna moes die Here Jesus daar in die woestyn ook vir die eerste maal met die vyand afreken. Hy het nie net na Golgotha gestap om die oorwinning te behaal nie. Hy het dit reeds begin doen daar waar Hy weg is na die woestyn toe. As ons nie die salwing van die Heilige Gees het nie, beteken al ons dade en werke niks nie.S a u l d a a r e n t e e n h e t d e u r ongehoorsaamheid die salwing van die Heilige Gees verloor. Hy staan aan die hoof van hierdie groot oorlogsmag – dit laat my so dink aan die Kerk van

3

vandag. Terwyl die vyand voor hulle staan en hulle sidder voor sy uitdaging, stel hulle leërordes op en is reg vir die oorlog. Hulle doen alles presies reg. En wanneer die sielemoordenaar die kinders van die Here tart, deins hulle terug, want hulle het nie die salwing van die Heilige Gees nie. Die Kerk doen alles reg: die orde is reg, die tradisie is reg, die reëls word reg gevolg… alles is in plek, MAAR ons het nie die krag om teen die vyand te gaan veg nie.

E n n o u k o m D a w i d s e g r o o t N a k o m e l i n g b a i e l a t e r i n d i e geskiedenis en Hy stap deur hierdie wêreld, en Hy stap na Golgotha om die groot geveg tussen die mag van die hel en die mag van God te gaan oorwin aan die kruis. Daardie môre nadat Hy opgestaan het uit die dood toe sidder die aarde en die hel, want Hy het oorwinning behaal. Hy hét die oorwinning behaal!

Hierdie leërordes van Israel was 'n verbondsvolk van God, maar die Gees het van hulle gewyk. Goliat sê: “Gee vir my 'n man”, en daar was nie een nie. En hier stap Dawid en hy sê: “In die Naam van die God van die leërskare, van die slagordes wat jy uitdaag, in die Naam van daardie God sal ek oorwinning b e h a a l . ” H i e r d i e r e u s i s s o indrukwekkend met sy beskermde voorkoms, dit lyk hy is onaantasbaar, en Saul sê: “Dawid kom trek my klere aan”, maar Dawid kan dit nie doen nie. Ek wil u vra: “Sien u die Kerk? Sien u die Christene van vandag?” Kom ons probeer die sielemoordenaar ontwyk. Kom ons probeer die mondering, miskien sal ons dan oorwin. Dierbare

broer en suster, Dawid het daardie dinge afgegooi en gesê: “Ek ken nie hierdie goed nie, ek loop nie met dit saam nie. Die krag van oorwinning lê nie in wapens nie, dit lê in die Naam van die Here.” En net met dit wat hy het (sy geloof) stap hy daardie reus tegemoet. Kind van God, wanneer u in hierdie lewe by sulke plekke kom, MOENIE 'n kompromie met die vyand aangaan nie. Ek sien selfs ons musiek, lirieke wat geskryf word, ons wysies – hulle probeer dit op so 'n manier aanpas dat dit kontemporêr moet wees, sodat ons probeer om die mense te lok om die Here te dien. Dawid sê: “Nee, ek het daar agter die skape geleer, alleen my geloof – net dit – maak my 'n wenner vir my God. Daar het ek al geleer om met die vyand af te reken. Daar het ek geleer: Net vertroue in God.” En so stap hy daardie reus tegemoet en oorwin hy hom.

Ek wil net weer na die gedagte terugkom waar die reus vir hulle sê: “As daardie man oorwin is ons julle slawe, as ek oorwin is julle ons slawe.” Dierbare broer en suster, ons staan dalk menigeen in die leërordes van Israel, maar ons is verblind. Uit die gedeelte wat ek vir ons in 1 Korinthiërs gelees het sê die apostel Paulus: “Dit is hierdie blindheid wat ons het wat maak dat hierdie evangelie vir ons bedek is.” Ons besef nie ons krag lê nie in ons vermoëns of ons wysheid of ons kennis, of in al hierdie dinge wat ons so bymekaar maak nie. Krag lê alleen in ons geloof en in ons verhouding met die Here. Wanneer Goliat vir die volk sê as ek wen is julle ons slawe, en as daardie man wen is ons julle slawe,

4

dan het ek vir ons die gedeelte gelees dat toe daardie reus op sy aangesig lê en Dawid stap met sy kop na Saul toe, he t d ie I s rae l ie te 'n k ree t van oorwinning gehef, en hulle het die Filistyne verslaan en hulle agtervolg en hulle goed gevat. Skielik verander alles, in 'n oomblik.

Dan sien ek ons Middelaar wat vir ons sê: “As Ek oorwin en julle loop my pad, julle volg my gebod, julle doen wat Ek wil hê julle moet doen, sal julle die oorwinning behaal. “Besef u die Here se teenwoordigheid is nog net soos in Dawid se tyd? Dit is dalk u en ek wat deel is van hierdie leërorde en wat beangs word as die mag van die hel met sy glinsterende klere voor ons kom staan. Nie noodwendig op en af marsjeer nie, maar in ons huise in beweeg. In ons samelewing in, in ons kultuur in, in ons mense in, en hy begin met allerhande uitdagings waarmee hy ons ta r t . As ek d ink aan d ie verhoudings tussen jongmense, en die vulgêre manier wat dit deesdae uitgedraai het . Homoseksuele verhoudings… ek kan baie dinge opnoem! Dan het ons begin val vir die vyand se getart. Ons is te bang om op te tree as Kerk, of as kind van God 'n verskil te maak aan die vyand – wie reg oorkant ons staan, besig om die leërordes van God uit te daag. Dierbare broer en suster, ek het nie verniet daardie stukkie gelees nie. In daardie skare mense, in daardie slagordes, die groepe soldate wat daar gestaan het, was daar iemand wat gekyk het, sy naam was Jonathan. Hierdie deel sê toe Jonathan hierdie durf van Dawid sien het sy hart verknog geraak aan

hom soos sy eie siel, en hy gaan en trek s y m a n t e l u i t e n h y v a t a l s y wapenrusting en lê dit by hom neer. Met ander woorde, die dinge waarop hy gedink het hy moet staatmaak het hy gesien was nie die krag van die oorwinning nie, en hy kom lê hierdie dinge aan die voete van Dawid. Hulle twee het 'n spesiale band gehad reg deur hulle lewe. As u in hierdie leërorde was en dalk beïnvloed was deur die vyand en almal om u, en u het dalk misluk, dan wil ek hê u moet kyk na die ou ruwe kruis, en hoe die Here Jesus oorwin het. U hart moet aan Hom verknog raak. U moet hierdie dinge wat ons so omring en waarop ons dink ons staan, afhaal. Ons moet nader beweeg aan Jesus van Nasaret, want ons sal beweeg van oorwinning tot oorwinning. Dit is wat die deel sê: Hulle sal ons slawe wees.

In kort sê dit: “Kinders, volk van die Christelike Vereniging van Suid-Afrika, of deel van die Christendom, moenie net deel word van hierdie massa wat eintlik in slagordes opgestel is, wat die bloed van die Lam eindelik iewers erken en verstaan het, en wat selfs deur die Heilige Gees gesalf is, maar wat nie daardie vertroue en geloof het om soos Dawid te stap en te sê: 'Ek kom in die Naam van die God van die leërordes van Israel wat jy besig is om uit te daag.' Ons wil vir almal sê: Daar is plek by die kruis vir jou.” Wanneer ons op die Here verlief raak, sal ons raaksien wat Hy aan die kruis vir ons gedoen het, en sal ons verstaan wat dit Hom gekos het om vir u en my die stryd te kom stry. Daar van Getsemanè af was Hy in 'n stryd, 'n helse stryd,

5

gewikkel sodat die mense en almal wat daarna sou kom die saligheid kan beërwe – as oorwinnaars van die ou ruwe kruis.

Hy roep ons elkeen na Hom en sê: “Trek uit daardie dinge wat vantevore die antwoord was op julle probleme. Kom sit dit hier by die kruis neer. Kyk op na My. Kyk met watter liefde ek My lewe vir julle kom gee het. Raak as't ware verlief op My. Laat jou siel verknog raak aan My, en volg My en lewe vir My en staan op vir My.” Dawid was 'n jong seun, klein van postuur. Baie het seker gedink: Wie is hierdie outjie? Hy kan nie hier 'n geveg kom wen nie. Die hele leërorde staan en toekyk. Het u al op 'n plek gekom waar u vir u familie gesê het: “Ek wil Christus navolg”, en hulle wat naby is sê: “Maar wie is jy? Wat is jy? Wat beteken jy?” Dierbare broer en suster, ons sal moet standpunt inneem soos Dawid! Dit maak nie saak hoe ander ons sien, en of hulle ons beledig nie. Wat maak dit saak? Ons moet leer om te wen in die Naam van die God wat vir Dawid geroep het toe hy nog 'n klein seuntjie was en nog nie in tel was om samekomste by te woon nie. Tot sy pappa het hom nie eers geag nie, maar 'n groot God het hom raakgesien, en sien ook vir u en my van bo af. Hy sien hoe lyk ons harte. U en ek kan mekaar dalk om die bos lei, maar ons kan Hom nie om die bos lei nie. Hy weet hoe lyk ons binnekant. Hy weet hoe lyk ons, en Hy weet watter krag is in Hom vir elkeen wat net sê: “Here, ek haal hierdie dinge af waarop ek gestaan het, my lewe lank op gebou het.”

Geen mens is in staat om hierdie reus te baklei nie. Geen mens nie. Dit is

waarom hulle teruggedeins het, want die leier het sy salwing verloor. Die volk het niks om op te staan nie. God het sy rug op Saul gedraai en hier staan 'n bang leër. Is dit dalk vandag die Kerk se probleem? Is dit dalk wat ons probleem is? Het ons dalk voor die Here gesondig? Die leiers van die Kerk? Ek dink ons het in hierdie lewe op 'n plek gekom waar hierdie gedeeltes, wat eintlik jare terug gebeur het, vooruit gesien het wat eendag tot redding van die mensdom sou plaasvind. En deur die eeue heen het elkeen wat soos 'n Dawid vir Jesus van Nasaret aangegryp het met al les in hulle lewe die oorwinning behaal. Ek wil herhaal met ALLES in hulle lewe. Jy moet alles in die lewe gee, ongeag jou omstandighede. Hy soek jou met alles wat in jou is, en as Hy daardie siel vat dan loop ons op oorwinningsgrond. Dan stap ons na 'n Kerk toe wat dood is en ons sê: “Ons veg in die Naam van God, van die Here van die leërskare.” En die klein, nikswerd dienskneggie oorwin in so 'n mate dat Israel oorwin.

Hoor u wat ek vir u sê? Toe Dawid daardie reus se kop afkap het Israel gewen. U en ek kan 'n verskil maak dierbare broer en suster. Maar ons moet met die kinderlike geloof wat 'n Dawid gehad het dit doen, en ons moet vir die Here gaan stry en vir sy volk en vir sy verloregaande wêreld. Ek weet hierdie gedeelte is vir ons uitgelig om vir ons te sê ons elkeen het iets om te doen. Dank die Here die oorwinning is op Golgotha behaal, en die dag toe die graf oopgaan is die graf, die hel en die dood oorwin! Al wat u en ek moet doen is om op die Here verlief te raak, en alles oor te gee in sy hande.

Ek het onlangs ‘n sms ontvang wat vir my besonders insiggewend was

en wil dit graag met u deel.

Een van die grootste logistieke wonderwerke sentreer rondom Moses en

die Israeliete. In die woestyn moes die Israeliete kos kry, en hoe voed jy na

beraming 3,5 miljoen mense (soos beweer word die getal was)? Volgens

die kwartiermeester-generaal van die Amerikaanse weermag moes

Moses omtrent 1,500 ton kos daagliks nodig gehad het. 'n 6 Kilometer

lange goederetrein sou nodig wees om die kos te vervoer. Die kos moes

gaargemaak word met houtvure (ons moet onthou hulle was in die

woestyn). 4,000 Ton hout sou nodig wees per dag en weer 'n paar

goederetreine, elk amper 2 kilometer lank, om die hout mee te vervoer.

Wat van water? Daar was net 'n paar putte in die woestyn. Hoe het hulle

genoeg water gekry? Om te dink hulle het 40 jaar in die woestyn getrek.

Net genoeg vir drink en 'n bietjie opwas sou hulle 50 miljoen liter wat elke

dag nodig gehad het. 'n Goederetrein met tenkwaens, omtrent 19

kilometer lank, sou nodig wees om water te bring. Nog 'n ding! Hulle

moes deur die Rooisee in een nag trek. As hulle met 'n nou paadjie twee-

twee sou loop, sou die lyn 128 kilometer lank wees, en sou dit 35 dae en

nagte neem om deur te gaan. So, daar moes 'n pad deur die Rooisee van

amper 5 kilometer breed wees sodat 5,000 mense langs mekaar kon stap

om in een nag deur te loop.

Nog 'n probleem: elke nag moes gekamp word. 'n Kampterrein van 1,200

vierkante meter was nodig. Dit is 40 kilometer breed en 48 kilometer

lank. Dink u Moses het dit alles haarfyn uitgewerk voor die trek? Nee, hy

was net 'n gewone man met 'n onwrikbare geloof in sy God.

Kom skep moed, jy met al jou probleme. Ons dien dieselfde God. Hy het

nog nooit verander nie, en as Hy Moses se probleme kon oplos sal hy

joune ook! Al wat ons nodig het is 'n onwrikbare geloof in God!

Tien

ie Dum

iny

Wiskunde in die woestyn

6

Dit is seker in hierdie dae die gebed van elke Christen wat lewe op die aarde, want ons het dit a l m a l b a i e n o d i g e n s i e n verlangend daarna uit dat God ons opnuut sal versterk met krag uit die hoogte. Ja, hoeveel duisende siele is reeds salig wat op die Pinkster Gees gebou en vertrou het, en hoe brand ons harte in hierdie dae dat die Here al sy kinders met 'n nuwe en kragtige Gees moet vul, sodat ons in die stryd teen die mag van Satan kan oorwin.

Ons weet nie wat op ons pad nog voorlê nie, maar as ons ons aan d i e G e e s t o e v e r t r o u , onvoorwaardelik vir tyd en ewigheid, dan kan die Gees ons klaarmaak vir enige iets wat op ons pad mag wees. Sommige C h r i s t e n e m o e t d e u r ' n smeltkroes van krankheid gaan, andere deur groot armoede, andere moet deur die Gees gelouter word om die marteldood te sterf, op hoe 'n manier weet ons nie. Alleen die Here en sy Heilige

Gees weet hoeveel krag ons n o d i g h e t o m d e u r e l k e moeilikheid wat op ons pad lê, staande te kan bly.

Koning Dawid het die waarde van die Gees geken, daarom begeer hy 'n vaste gees en ook 'n vrymoedige gees. Niemand kan hom Christen noem as hy nie die Gees van Christus het nie. Nikodemus was 'n leraar van I s r a e l e n h y w a s n o g n i e weergebore nie, omdat hy nie die Gees van die Here gehad het nie. Daarom kon hy ook nie verstaan toe Jesus met hom oor die weergeboorte praat nie. Dit het vir hom onmoontlik gelyk en tog het die eenvoudige ongeleerde vissers dit verstaan. Nadat hulle tien dae op die Gees gewag het, is hulle almal vervul met die Heilige Gees en het hulle die evangelie aan al die mense verkondig en vir hulle vertel dat hulle vergewing van sondes deur die bloed van Jesus moet kry en dat hulle met die Heilige Gees en vuur gedoop moet word. Die Gees self is die

Uittreksel uit die Ligdraer nommer 63 in Junie 1960

“Skep vir my 'n rein hart, o God, en gee opnuut in die binneste van my 'n vaste gees.” (Psalm 51:12)

Wyle

oo

m F

aan V

isag

ie

‘n vaste gees ‘n Rein hart en

7

vuur wat die sonde verteer en as dit in ons harte ingekom het dan moet ons getuig van Jesus se liefde en dan sal ons woorde vol van krag wees, sodat ons andere ook kan oortuig om kinders van God te word.

Die ware Christen, al is hy ook hoe swak, behoort nooit bekommerd te wees om vir die Naam van Jesus uit te staan nie, want wanneer van hom rekenskap geëis word sal die Gees self deur ons praat en vir ons die regte woorde gee. Ja, die Gees self sal die wêreld oortuig van sonde en van oordeel. Die Gees stel die inwonende Jesus voor, wat nou in ons harte woon en onsself ook oortuig van wat sonde is.

Dit is so gelukkig dat Jesus die beloofde Gees na die aarde toe gestuur het, anders sou ons nooit die natuur kon verander nie. Dit is net die dierbare beloofde Trooster wat ons kan leer en lei in al die waarheid. Die Gees onderskei alle dinge, ook die diepte van God en getu ig in ons van d ie toekomstige dinge, dinge wat nog ver voor op ons pad is. Ja, mag die Here vir ons almal in die dae 'n vaste gees gee wat nooit weer van ons geneem sal

word nie; die wonderlike Gees wat werk vir 'n koninkryk van hiernamaals. As ons net almal kan sê: “Here, ons wil saamwerk en ons gee v i r ons onvoorwaardelik aan die Here af en aan die Gees.” Dan sal ons ook as die stryd te swaar word kan sê: “Here, ek behoort nie aan myself nie, en of ek lewe en of ek sterwe, ek behoort aan U, twis U my twissaak en bewaar my teen die magte van die duisternis wat oor die aarde kom.”

Ons is so sondig en gering en die Here ag ons so waardevol om vir ons te kom sterwe en sy Heilige Gees ook in ons harte te gee. Hoe sal ons ooit na waarde ons dank aan Hom kan toebring vir alles wat Hy vir ons gedoen het? Mag die Here ons almal hierdie Pinkster wakker maak, waar ons ookal mag wees, dat ons seker kan maak dat ons 'n vaste gees en 'n rein hart sal hê as Jesus kom. As Jesus binnekort op die wolke kom, moet ons klaar wees om Hom te ontmoet. Laat ons maar almal vra: “Heilige Gees draag my nou en bring my daar; daar waar ons as verlostes saam kan sing en ons Here dank wat vir ons die Trooster gestuur het.”

“Gee my gena, help my, o Heer,gee my opnuut 'n vaste gees weer;reinig my hart, maak alles goed,

skenk vrede in my gemoed.”

8

In 'n huishouding speel die pappa en mamma elk 'n baie belangrike rol. Die pappa in baie gevalle as die broodwinner, maar ook as hoof van die huis. Die mamma is in baie geval le weer meer betrokke in die opvoeding van die kinders. Sy gee geboorte, versorg en voed die kindjie. Bietjie later leer die kindjie praat, self eet, loop, lees en selfs skryf. In hierdie proses leer die kindjie van liewe Jesus en leer selfs 'n gebedjie. Wanneer 'n kind siek word of seerkry is mamma daar om te troos – sy plak 'n pleister, gee medisyne en liefde. Daar word voortdurend met d ie k inders gepraat , getugt ig , vermaan en reggehelp. Alles word gedoen met liefde, en 'n s p e s i a l e l i e f d e u i t d i e moederhart.

Nog later bereik die kind 'n ouderdom waar die opvoeding en vermaninge strenger moet raak, want nou word die kind 'n tiener – stap grootmens wêreld toe. Om d i e s t r e n g v e r m a n i n g e n opvoeding te staaf, te bevestig w a a r o m s e k e r e d i n g e n i e toegelaat word, wat is sonde, wat is reg en verkeerd en nie te swig voor die versoekinge van die wêreld daar buite, word die Bybel

as handleiding gebruik. Die mamma wys die kind in die Woord van God dat alles wat waarheid is, sonde, die loon van die verkeerde weg, dat dit daarin staan en daar geen ander waarheid is behalwe die Woord van God. Die ouers, en soms veral die mamma, loop die pad saam met die jongmens. Die storms waardeur hul gaan. Intussen bid hierdie moeder vir haar kind en vra die Here vir wysheid vir haarself om as moeder altyd reg te wees met 'n antwoord of verduideliking, sou die kind vra, want vra gaan hul vra.

Waarna luister die kind van kleintyd tot oudag? Wat hoor die kind? Die stem van 'n moeder – in meeste gevalle die hartklop van 'n huishouding. In baie kinders se lewe draai alles om die ma. Jongmense is geneig om te dink die ouers verstaan nie, maar in werklikheid verstaan hulle. Veral die moeder – die stem.

Die Woord van die Here sê sewentig jaar. Daarna is dit genadejare. Gebruik hierdie genadejare en gee jou ouers baie liefde, drukkies, en sê vir hulle jy is baie lief vir hulle. Doen soveel

Ger

rie

Ger

ber

Die hartklop - die stem

9

in jou leeftyd vir hulle wat jy kan. Luister baie na daardie stem. Die dag kom wanneer daardie geliefde stem stil word. Vir ewig. Vir my was dit swaar om 'n vader aan die dood af te staan, maar veel erger en swaarder toe my moeder van my weggeneem is deur die dood. Die smart in die kinders se harte kan nie op papier beskryf word nie.

Die moeder van Jesus moes met smart in haar hart staan en kyk hoe haar seun gekruisig word. Sy kon nie bid tot die Vader om te vra om sy lewe te spaar nie. Hy moes ly ter wille van ons. Ons moeders kan vandag, môre, oormôre en tot in ewigheid by hierdie Here Jesus pleit en bid vir ons kinders en kleinkinders. Ons kan genade kry by daardie Seun wat ons gekoop het aan 'n kruis. Dink maar aan lied 257: “Dikwels kniel my moeder eensaam, in haar huisie by haar bed, en dat pleit sy dat die Heer my siel moet red.” Jongmense bid vir jul moeder, want sy

bid vir julle. Pappa en mamma bid vir ouma, want sy bid vir jul almal. Ouma bid vir oumagrootjie, as sy nog in lewe is, want sy bid vir haar nageslag.

Ons moeder se stem is stil. Ons voel soos weeskinders. Daar kort iets, maar dis weg. Ons het net ons hemelse Pappa. Hy was eergister daar, gister, vandag en môre. Hy was nog altyd daar. Ons kan net na ons Trootster toe gaan met ons smart. Dankie Here vir ouers soos ons ouers: Koos en Nienie Visagie. Hulle was goeie ouers, hardwerkend, liefdevol, streng, maar regverdig en het ons grondslag vir ons gelê van kleintyd af. Elke kind wat ouers aan die dood moes afstaan sal sê hul het goeie ouers gehad. En so was ons ouers ook baie spesiaal vir ons. Al het ons as kinders lekker saam gekuier was ons eerste Kersfees sonder ons moeder hartseer. Daar het iets, iemand ontbreek: ons moeder se stem wat stil geword het.

“In haar graf, so kil en koud,was haar stem vir altyd stil;

maar my moeder het vir my gebid,om na Jesus terug te keer;

in die hemel sal ek haar weer sien,waar sy sit aan Jesus voet;deur my trane van berou,sien ek haar by Jesus nou.”

10

Om met ons kinders te werk is 'n wonderlike ervaring, maar ook 'n baie groot verantwoordelikheid! E l k e o u e r e n o n d e r w y s e r (Sondagskoolonderwyser) het 'n bepaalde roeping om uit te leef in die opvoeding van ons kinders. U mag dalk dink u het nie 'n roeping nie, maar om u kinders op te voed om die Here te d ien is om uitvoering te gee aan 'n goddelike roeping.

My betrokkenheid by Pretoria Sondagskool is vir my 'n voorreg en dit het vir my dalk al baie meer seëninge ingehou as vir die kinders. Soms het ek daar voor hulle gestaan met soveel trane in my oë dat ek sommer skaam gekry het! In baie gevalle kon jy sien die genadedruppels val ook in ons kinders se harte!

Tydens ons 2014 Sondagskool prysuitdeling het ek vir ons ouers en kinders genoem dat ek in my lewe geestelike mentors gehad het in die Sondagskool, soos oom Kosie Rossouw (wie ons met sy g e e l O p e l a a n g e r y h e t Sondagskool toe, toe die tyd van die Sondagskool nog kwart oor een in die middae was), asook persone soos ooms Frikkie van Rensburg, S o n n y Ve r m e u l e n, C h a r l e s Duminy en Henkie Lindeque.

Hierdie mentors het ons met liefde behandel! Liefde is een van die kragtigste motiveerders en dring baie dieper in as wat mens ooit besef. Elke persoon het 'n innerlike dors en behoefte na liefde, en het dit nodig soos ons longe die suurtsof nodig het wat ons inasem. Een van die grootste liefdesgeskenke is nie diamante, rooi rose, blomme of sjokolade nie, maar TYD! Tyd is uiters nodig! Ons kinders het ons ouers se tyd nodig om hulle ook geestelik te onderrig. In die afwesigheid van godsdiensonderrig in skole kan die veertien geleenthede wat ons in hierdie jaar by die Sondagskool het nie genoegsaam wees om ons kinders toe te rus nie.

Toe ons die doopbelofte afgelê het, het ons belowe dat ons ons kinders gaan opvoed in die vrese van die Here! Om uiting te gee aan die belofte beteken egter dat ons as ouers so seker moet maak hoe ons lewe en wandel is. Dan kom die woorde van oom Henkie Lindeque wat hy voor in my Bybel (wat ek as Sondagskoolprys ontvang het) geskryf het, weer by my op naamlik, “Lewe so, dat jou lewenswandel die lotgevalle van jou nageslag kan bepaal.” Hierdie woorde sê so baie! Ouers, ons kinders kan nie voor hul agttien

Jannie

Lab

usc

hag

ne

Ons kinders segeestelike identiteit

11

jaar oud is en 'n bestuurslisensie b e k o m h e t s e l f b y d i e k e r k , Sondagskool of jeugbyeenkomste uitkom nie. Hulle het ons as ouers nodig om hulle daar te besorg, en daarom is ons dankbaar as ons sien ons kinders is gereeld by hierdie geleenthede. Ek het nou die dag 'n berig gelees waarin hulle die volgende statistiek aanhaal oor die gemiddelde ouderdom wat mense hulle lewe aan die Here gee:

0 tot 4 jaar: 0,9%4 tot 14 jaar: 85%14 tot 30 jaar: 10%30 jaar en ouer: 5%

Hierdie statistiek het my weer tot stilstand geruk om te besef hoe belangrik die tydperk is wat ons kinders Sondagskool toe kom. Dit is so belangrik om ons kinders die nodige blootstelling te gee. Ons ouers moet die hoeksteen wees waarop hierdie kinders dus kan voortbou, maar hulle moet geleer word hoe om daardie stene te kan lê. Net soos ons ouers 'n verantwoordelikheid het om ons kinders te help om wanneer hulle sestien jaar oud is aansoek te doen vir 'n identiteitsdokument, moet ons as ouers tyd maak om aan ons kinders 'n geestelike identiteit te gee en om hulle op 'n geestelike reis te neem.

U weet wanneer ons saam met ons kinders gaan om aansoek te doen vir 'n identiteitsdokument by Binnelandse Sake, moet jy seker maak jy het twee foto's en die regte dokumentasie wat volledig voltooi is. Dan moet die vorms onderteken word en daar moet ook

vingerafdrukke geneem word. Broers en susters wat doen ons om aan ons kinders daardie geestelike identiteit te g e e ? O n s h e t ' n g e e s t e l i k e verantwoordelikheid. Ons moet seker maak ons kinders se foto's is in daardie hemelse identiteitsdokument geplak, dat hulle name volledig in die hemelse boek ingeskryf is, en hulle 'n hemelse identiteitsnommer verkry. Hul le moet met ander woorde herkenbaar wees, en as daardie naam en nommer uitgeroep word om aan te sit by die hemelse maaltyd moet hulle teenwoordig wees, daar mag geen twyfel wees nie! Daardie hemelse vingerafdrukke moet daar wees deur die bloed van Jesus! Ons moet seker maak ons doen alles in ons vermoë dat ons kinders se harte gedoop is in die bloed van Jesus.

Net soos ons as ouers ons kinders dikwels op uitstappies of met vakansie neem, moet ons hulle ook op 'n geestelike reis neem! Dikwels is dit nodig dat ons ook 'n paspoort moet bekom wanneer ons sekere reise onderneem. Onlangs toe my kinders die wonderlike voorreg gehad het om saam met broer Pieter Botha Israel te besoek, het ek weer besef hoe be langr ik d i t i s om d ie reg te p r o s e d u r e s t e v o l g o m s o ' n reisdokument te bekom. Weereens het u daardie foto 's nodig om herkenbaar te wees. Die vorms moet volledig voltooi wees, en daar is ook weer vingerafdrukke nodig. Alles moet dus korrek wees wanneer die doeanebeampte bereik word: jy moet h e r k e n b a a r w e e s , d a a r i s ' n paspoortnommer en 'n visum nodig

12

om hierdie nuwe land te betree. Net so moet ons herkenbaar wees vir die hemelse Doeanebeampte, ons moet 'n hemelse paspoortnommer hê asook 'n visum sodat ons aanvaar word om die land binne te gaan – die Hemelse Land. Wat my getref het was dat wanneer 'n kind minderjarig is, het jy beide ouers se handtekeninge op daardie vorms nodig voordat 'n geldige paspoort uitgereik kan word. Liewe broers en susters, ons kinders het beide ouers nodig om hulle te help om hierdie hemelse paspoort te bekom, om hierdie geestelike reis te kan meemaak. Dit is dus 'n spanpoging van beide ouers om ons kinders geestelik voor te berei om op hulle geestelike lewensreis te gaan.

Ons moet sorg dat hulle by die kerk, Sondagskool, jeugbyeenkomste asook by ons bu i tekerke en spes ia le g e l e e n t h e d e u i t ko m . H i e r d i e ouderdom van vier tot veertien jaar is dus 'n baie belangrike tydperk waar die verantwoordelikheid op ons ouers se skouers rus om hulle sy wil en gebooie te verduidelik, en om hulle die geleenthede te bied om hierdie geestelike reis suksesvol te kan meemaak! Deel van hierdie geestelike reis is om ons kinders te leer om elke dag stiltetyd te hou deur Bybel te lees en te bid, en om dit deel te maak van hul waardesisteem, en wat reg en verkeerd is. Hulle moet leer van Jesus Christus die Verlosser wat ook vir hulle gesterf het, en hulle ook aanneem as sy kinders. Hulle moet leer wat is geloof en vertroue, en dat die Here nie altyd gee wat hulle vra nie, en nie dadelik antwoorde verskaf soos wat hul dalk verwag nie. Hulle moet ook leer wat die

volgende woorde beteken: “DAT U MY VERDRUK HET HERE, DIT WAS E N K E L G O E D V I R M Y, WA N T DAARDEUR HET U MY DIEPER IN U KENNIS INGELEI.” Die volgende verhaaltjie is so toepaslik:

“Die kokon van die skoenlapper word deur die seuntjie oopgesny toe hy sien die skoenlapper sukkel om dit oop te breek. Die skoenlapper kom uit maar vrek na 'n rukkie, want die vlerke van die skoenlapper was nie sterk genoeg ontwikkel om te kan vlieg en kos te soek nie. Die swaarkry proses om uit die kokon te wikkel en vry te kom is deel van die ontwikkeling van die skoenlapper se vlerke om wel eendag te kan oorleef.” Ons word dus dikwels deur die lewe gedruk om ons eintlik sterker te maak om te kan oorleef. Ons as ouers moet ook leer dat dit deel van die ontwikkelingsproses van ons kinders is. Hul moet soms self sukkel om sodoende so te ontwikkel dat hulle uiteindelik sterker word sodat hulle kan oorleef! Ons moet hul voorberei vir die lewe as hul eendag hulle vlerke moet sprei en vlieg. Hulle moet weet hoe om krisisse te hanteer en probleme op te los. Ons moet vir ons kinders ankers gee om aan vas te hou, sodat die storms van die lewe hulle nie wegruk en onderkry nie. En ons moet hulle leer om te vlieg, om te waag, om selfstandig en vry te wees soos die arend sy kleintjies uit die nes skop sodra die tyd reg is.

Laat ons bly bid en strewe soos in Josua 24:15 staan: “maar ek en my huis, ons sal die Here dien.” Ons as ouers moet bly bid dat liewe Jesus ons

13

deur die leiding van die Heilige Gees die nodige wysheid en insig sal gee om ons kinders in die vrese van die Here op te voed – dit is wat God van ons eis - dit waarvoor ouers geroep is – u roeping in die eerste plek! Niemand kan ook hierdie taak beter uitvoer as die ouer, naamlik om met opregtheid vir hulle te bid en met hulle te praat oor die redding van hulle siele. Mag die Here ons help om ons roeping te besef en uit te leef en laat dit altyd ons leuse wees: “Ek en my huis sal die Here dien!”

Liewe broers en susters in die tydperk wat ons Paasfees nader dink ons ook weer aan die wonderlike genade wat ons as sondaars kon beleef deurdat God elk van ons so liefgehad het dat Hy sy enigste Seun gegee het om vir ons as sondaars te kom sterf. Daar rus 'n verantwoordelikheid op ons as ouers van die Christelike Vereniging van Suid-Afrika om ons kinders bloot te stel aan daardie genade, en om d i k w e l s o n d e r m o e i l i k e omstandighede hulle na Ebenhaezer te neem, veral tydens 'n Paasnaweek. As kind onthou ek hoe ek met opgewondenheid en afwagt ing uitgesien het om na Ebenhaezer te gaan, en ek onthou hoeveel moeite my ouers gedoen het om karavane te huur, of selfs sommer in 'n tent te gaan bly sodat ons kon gaan. Ek kan nog onthou dat oom Faan Visagie gepreek het en genoem het hoe dankbaar hy was vir elke liggie wat hy op 'n Donderdagaand oor die bult sien aankom het. Dan het ek ook soms as k ind op 'n Donderdagaand by Ebenhaezer in die karavaan op die

hangmat gelê en die liggies probeer tel wat by die laaste hek van die ou hekke-pad ingekom het. So het ek dan dikwels aan die slaap geraak en nooit presies geweet hoeveel l iggies ingekom het nie. Maar, groot was my verbasing as ons Goeie Vrydagoggend in die kerk sit en sien hoe vol die kerk is, dan het ek sommer begin huil van blydskap. Blydskap onbeskryflik groot – en hoe groot sal daardie blydskap nie wees as ons eendag aan die Here se tafel gaan aansit nie!

U weet Ebenhaezer is vir my 'n spesiale plek. Dit is waar ek my lewe aan die Here gegee het as 'n kind, en al het ek dikwels geval het Hy weer my hand gevat! Liewe broers en susters, daar is nie 'n ander plek waar ek wil wees tydens 'n Paasnaweek nie! Die modderpaaie, slaggate, papwiele en onkoste hou ons nie daar weg nie, en so probeer ons as ouers 'n liefde by ons kinders kweek vir hierdie spesiale plekke van ons Geeswerk! Ons moet dit wat ons ondervind het en beleef het oorvertel en daaroor praat en dit letterlik aan ons kinders bemark!

Mag ons kinders tydens hul geestelike reise hulle geestelike identiteit ontvang en hierdie wonderlike erfenis en pêrel van groot waarde vind! Mag ons as ouers ons roeping waardig uitleef!

14

Hos 11:8: “Hoe kan Ek jou oorgee, o Efraim, jou prysgee, o Israel? Hoe kan Ek jou maak soos Adma, jou gelykstel met Seboïm: my hart is omgekeer in My, tegelykertyd is my medelyde opgewek.”

“Hoe kan Ek julle laat vaar, volk van die Christelike Vereniging? Hoe kan Ek jou vernietig? Ek kan dit nie oor my hart kry nie. My liefde brand te sterk, Ek sal my gloeiende toorn bedwing.” Maar nou sê die Here: “Kom terug na My toe met julle hele hart, vas, ween en treur! Skeur julle harte en nie julle klere nie.” Kom terug na die Here julle God, want Hy is genadig en barmhartig, lankmoedig en vol liefde. Hy is bereid om straf te herroep, want: “As my volk, oor wie my Naam uitgeroep is, hulle verootmoedig en bid en my aangesig soek en hulle bekeer van hul verkeerde weë, dan sal Ék uit die hemel hoor en hulle sonde vergewe en hulle land genees.” (2 Kron 7:14). Die Here vra onvoorwaardelike sondebelydenis - sondes in ons lewe wat Hom bedroef en soveel smart aandoen, waarvoor Hy sy lewe gegee het. Ons weet elkeen van die sondes in ons lewe deur die Gees se oortuiging, deur boodskappe van die kansel af. Dit vra gehoorsaamheid deur dit waaragtig te bely en te laat staan en volle oorwinning te verkry, en ons rug onvoorwaardelik op die wêreld te draai en volgelinge van Jesus te wees. Ons kry soveel sms'e wat vra: Bid vir uitkoms. Dit is reg en baie belangrik, maar ons eerste prioriteit is om gewas te wees in die bloed van die Lam, en ons hartsbegeerte moet wees om 'n skoon, rein en eerlik opregte lewe met God en met elke mens te lewe, dan sal God uit die hemel hoor en antwoord.

God is getrou aan sy belofte om ook aan ons vergifnis te skenk en ons verhouding met Hom te herstel as ons waarlik berou oor ons sonde het. Deur sy Gees is God voortdurend by ons teenwoordig en maak Hy sy wil aan ons bekend. In Jesus Christus het God sy grootste verlossingsdaad aan ons openbaar – die verlossing van sonde en dood. Hierdie reddingsdaad in die verre verlede is God se onoortreflike getuigskrif van sy liefde. Slegs onwrikbare geloof in Hom kan jou deur jou krisisse dra, 'n heerlike toekoms in. Ek kan bely: Dit is die heerlikste, soetste en kosbaarste voorreg om gewas te wees in sy bloed en gevul te wees met sy dierbare Heilige Gees. “Dankie liefste Jesus, dat U U oor hierdie nietige wurmpie ontferm het. U sien die tere, opregte dankbaarheid in my hart.” Niks kan hierdie hemelse geluksaligheid oortref nie! Wil u nie ook die Here 'n kans gee nie? Ons as 'n volk moet vervul word met heilige ontsag, eerbied en respek vir die Here God, dan sê Hy: Ek is by julle al die dae tot aan die voleinding van die wêreld.

Mar

ie L

abusc

hag

ne

God’s liefde vir ons

15

Ons moet versigtig wees om as k w a a d s p r e k e r s e n k w a a d -spreeksters die etenstafel te gebruik as 'n slagpale vir die gesalfdes van die Here en vir die wat Hy met sy eie hand uitgesoek het. Daardeur word ook kinders vol gif gepomp teenoor die werk van die Here, omdat die ouers so vergiftig is en met die tong onreg pleeg, en ons naaste pyn berei. Die Here verwerp hierdie optrede soos verworpe silwer – nie omdat ons kwaadgespreek het nie, maar omdat ons aanhou kwaadspreek, en aanhou om nie ag te gee op die stem van die Heilige Gees, en op geen vermaning agslaan nie. As ons mense voel dat hulle wat die werk van die Here doen dan só en só is, waarom gaan dien hulle nie die Here op 'n plek van hulle keuse nie? Is dit moontlik net 'n flou verskoning om hulle nie te bekeer nie, net 'n rookskerm waaragter weggekruip word? Ek weet 'n mens sê soms iets in onbedagsaamheid wat 'n ander seermaak, maar sommige mense maak dit hulle besigheid. Want nie net teen die knegte van die Here span hulle saam om die werk van die Here te ondermyn nie, daar is talle verbryselde harte wat onder skindertonge deurgeloop het, talle verbryselde harte op wie tonge losgelaat was en wat soos 'n sambok wonde geslaan het wat

n ie w i l genees n ie , omdat sommige mense bemoeisiek en jaloers is en praat van dinge en oor dinge wat niks met hulle te doen het nie en waarvan hulle niks weet nie. Minder as een persent van alles wat kwytgeraak word, is die waarheid, want elkeen las ook nog sy eie stertjie by! En al is dit die waarheid, gaan dan liewer in jou binnekamer en bid vir hom/haar. Moontlik is dit die groot probleem, mense bid nie en lees ook nie hulle Bybel nie.

My oorlede vader het my vertel van 'n droom wat hy gehad het: Hy en my oorlede moeder het by 'n vrugtestalletjie vrugte gekoop en hy het ook 'n vuur doodgeslaan. 'n Tyd na die droom het hulle vertrek op huisbesoek. Langs die pad het my vader vrugte by 'n stalletjie gekoop. Aangekom by 'n sekere huis, was die broer nie tuis nie en siende dat my vader geweet het waar hy werk, het hy hom daar gaan besoek. Hy was nie in sy kantoor nie en my vader het buite na hom gaan soek. Die broer het hom asvaal geskrik toe hy hom tromp-op in my vader vasloop met 'n vreemde vrou aan sy sy, terwyl hulle nie rede gehad het om te wees waar hulle was nie. Dit was die vuur wat hy doodgeslaan het.

Dié wat die werk van die Here doen, is nie daar net om die getal

Jannie Lab

usch

agne

Die Here hoor dit

16

v o l t e m a a k n i e , h u l l e i s verteenwoordigers en draers van die Heilige Gees en staan tussen God en sy g e m e e n t e . D i e H e r e h o u o n s verantwoordelik vir elke woord wat Hy deur hulle mond tot ons – en tot leë banke - spreek. Hy hou rekord van elke woord wat Hy deur sy diensknegte tot die mens spreek, want (Jes 55:11) '…dit sal nie leeg na Hom terugkeer nie, maar doen wat Hom behaag.' Net soos God die esel se bek ge-open het, net soos die twaalf apostels die twaalf stamme van Israel sal oordeel, net so sal ook die volk van die Christelike Vereniging ge-oordeel word! Baie mense wil hê dat die Heilige Gees hulle self moet oortuig van sonde en hulle v e r o n t a g s a a m d i e w o o r d v a n vermaning wat van die kansel af kom as hulle nie 'voel' dat dit verkeerd is nie. As dit so kon werk, sou die leraar en evangeliste oorbodig wees. Dit ís per slot van rekening die Heilige Gees wat deur hulle spreek en wie hulle woord verwerp, smaad Hom en sal aan God self rekenskap gee. Moenie kyk na die man (of vrou) nie, maar maak jou oë toe en hoor wat die Gees aan die gemeente sê, gaan doen dit en jy sal lewe.

Vandat ek my verstand gekry het tot vandag, pleit die Heilige Gees ook by ons gemeente met 'n liefdestem: Kom tot My, o verdwaaldes van die Christelike Vereniging! Maar baie het gesê: Ons sal nie kom nie. Het ons nie dalk lank genoeg gery op die rug van voorgeslagte se trane en gebede, en moet ons van die wa afklim en self die aangesig van die Here soek...of die

gevolge dra, want God het nie k le ink inders n ie . Wie het oo i t verkondig dat ons liefdevolle Vader nooit 'n mens in die hel sal werp nie? (Is dit waarom ons mense nie omgee hoe hulle lewe lyk nie?) As ons nie gewas is in die bloed van die Lam nie, as ons dit nie die moeite werd geag het om die smartlike lyde en sterwe van ons Here Jesus aan te sien nie, gaan ons saam met Satan brand. Jesus se liefde roep sondaars tot bekering, sy liefde roep ons uit die duisternis na sy wonderbare lig, sy liefde het Homself gegee, het sy bloed vir ons gestort aan die kruis op Golgota, het óns straf op Hóm geneem, het ons alles gegee en alles vir ons gedoen sodat (1 Joh 1:9) ons van (nie in nie!) al ons ongeregtighede gereinig kan word, (Rom 6:6) 'aangesien ons dit weet dat ons oue mens saam gekruisig is, sodat die liggaam van die sonde tot niet gemaak sou word en ons nie meer die sonde sou dien nie', sodat (Efes 5:27) '…Hy die gemeente voor Hom kon stel, verheerlik, sonder vlek of rimpel of iets dergeliks; maar dat dit heilig en sonder gebrek sou wees.' Maar sy toorn is en bly vir ewig oor dié wat in hulle sondes bly, des te meer oor dié wat die weg ken en dit nie bewandel nie. (1 Pet 4:17) 'Want die tyd is daar dat die oordeel moet begin by die huis van God.' (Eseg 17:19) 'Daarom, so sê die Here HERE: So waar as Ek leef, Ek sal gewis my eed wat hy geminag het, en my verbond wat hy verbreek het, op sy hoof laat neerkom.' In (Open 18:4) staan hierdie woorde geskrywe: '…Gaan uit haar uit, my volk, sodat julle nie gemeenskap met haar sondes mag hê en van haar plae ontvang nie.' Al is ons 'n duisend maal die Here se volk,

17

as ons gemeenskap het met die sondes van hierdie wêreld, sál ons van haar plae ontvang, en uiteindelik ook die noodwendige vergelding vir ons dwaling, want Hy is geen aannemer van die persoon nie.

(1Sam 16:1) 'Daarna sê die HERE aan Samuel: Hoe lank sal jy treur oor jou volk, terwyl Ek hulle verwerp het...? Vul jou horing met olie en gaan heen na die heidene onder die heidene, want die genooides is my maaltyd nie werd nie': Ek het vir my 'n Big Screen gekoop, ek vra U, verskoon my tog; Ek weet wie vanaand kerk hou, Here, ek vra U, verskoon my tog; Oe, 7de Laan is tog nou só interessant, ek kan dit nie mis nie! Ek vra U, verskoon my tog. Ons hoor: Kom bid Maandagaande vir die oordele wat oor ons land kom. Dis sekerlik nie só ernstig nie, Here? Is ons moeg om te hoor dat dit 'n opdrag van die Here is, want wie wil nou op 'n Maandagaand (of enige ander aand) na 'n “vervelige ou boodskappie” gaan lu is te r t e r wy l d ie l ewe sovee l interessanthede bied? Ek was net gisteroggend nog in die kerk. Ek vra U, verskoon my tog; My broer het my te na g e k o m , n o u h e t e k n i e d i e vrymoedigheid om te kom nie, ek vra U, verskoon my tog; Hierdie is die enigste naweek wat ek bietjie kan ontspan, die lewe is so gejaagd, ek vra U, verskoon my tog; Ek leer darem my kinders reg en vat hulle Sondagskool toe (eintlik net ter wille van die prys, Here), ek vra U, verskoon my tog; My winkel is sewe dae per week oop, ek vra U, verskoon my tog; My lewe is so vol, daars nie tyd nou, ek vra U, verskoon my tog; My kind

blink uit in sy sport, maar ongelukkig w o r d d i e w e d s t r y d e o p u aanbiddingsdag gehou, Here, U verwag tog nie dat ek hom dit moet ontneem nie...? Ek vra U, verskoon my tog; U dag is al wat ek het vir inkopies, ek vra U, verskoon my tog; Ek is só moeg. Ek het die hele dag lank gewag vir besoekers wat nooit opgedaag het nie, ek vra U, verskoon my tog...

Om op te staan teen dié wat Hy na jou stuur (en dan in die eerste plek teen ons leraar), oud of jonk, groot of klein, man of vrou, geag of geminag, is om teen die Here self op te staan: (Num 16:1) 'En Korag, … die seun van Levi, saam met Datan en Abíram, seuns van Elíab, en On, die …seuns van Ruben, het manne geneem, (2) en hulle het opgestaan voor die oë van Moses saam met twee honderd en vyftig man uit die kinders van Israel... (3) En hulle het bymekaargekom teen Moses en Aäron... (8) Verder het Moses vir Korag gesê: Luister tog, kinders van Levi! (11) …, jy en jou hele bende is mense wat teen die HERE vergader; want Aäron, wa t i s hy, da t ju l l e t een hom murmureer? (12) En Moses het gestuur om Datan en Abíram, die seuns van Elíab, te laat roep; maar hulle het gesê: Ons sal nie opkom nie. (23) En die Here het met Moses gespreek en gesê: (24)...Maak dat julle wegkom rondom die woning van Korag, Datan en Abíram! (31) En toe hy al hierdie woorde klaar gespreek het, skeur die grond wat onder hulle was, (32) en die aarde het sy mond oopgemaak en hulle verslind saam met hul huisgesinne en al die mense wat aan Korag behoort

18

het en al die goed.

(2Kon 1:9) 'En die koning van Israel het 'n owerste van vyftig met sy vyftig na Elía gestuur. En toe hy na hom opklim, terwyl hy juis op die top van die berg sit, sê hy vir hom: Man van God, die koning spreek: Kom af! (10) Toe antwoord Elía en sê aan die owerste oor vyftig: As ek dan 'n man van God is, mag daar vuur van die hemel neerdaal en jou en jou vyftig verteer! En daar het vuur van die hemel neergedaal en hom met sy vyftig verteer. (11) En hy het weer 'n ander owerste oor vyftig met sy vyftig na hom gestuur; en die het begin spreek en vir hom gesê: Man van God, so sê die koning: Kom gou af! (12) Daarop antwoord Elía en sê vir hulle: As ek 'n man van God is, mag daar vuur van die hemel neerdaal en jou en jou vyftig verteer! En daar het die vuur van God uit die hemel neergedaal en hom met sy vyftig verteer. (13) En hy het weer 'n owerste van 'n derde vyftig met sy vyftig na hom gestuur. En die derde owerste oor vyftig het opgeklim en aangekom en op sy knieë voor Elía gebuig en hom gesmeek en vir hom gesê: Man van God, laat tog my lewe en die lewe van u dienaars, hierdie vyftig, kosbaar wees in u oë! (14) Kyk, vuur het van die hemel neergedaal en die eerste twee owerstes oor vyftig met hulle vyftig verteer; maar laat my lewe nou kosbaar wees in u oë! (15) Toe sê die Engel van die HERE vir Elía: Gaan saam met hom af…'

Toe Abraham, uit vrees vir sy lewe, aan Abiméleg, koning van Gerar, sê dat Sara sy suster is, het dié haar laat haal en so het Abraham die dood oor die koning se huis laat hang (Gen 20).

Abiméleg het dit in die onskuld van sy hart gedoen omdat Abraham vir hom gelieg het (Gen 20:5), nogtans het God sy huis met 'n plaag getref (Gen 20:18), nogtans het God gesê: Gee dan nou die man se vrou terug, anders sal jy sekerlik sterwe, jy en almal wat aan jou behoort (Gen 20:7), nogtans moes Abraham vir Abiméleg en sy huis bid sodat hulle gesond kon word! (Gen 20:7,17)

(Hand 12:8) 'En die engel sê vir hom (Petrus in die gevangenis): Omgord jou en trek jou skoene aan!...Gooi jou bo-kleed om en volg my! (18) En toe dit dag geword het, was daar onder die soldate geen kleine opskudding oor wat van Petrus geword het nie. (19) Daarop het Herodes hom gesoek en nie gekry nie, en die (arme) wagte onder verhoor geneem en bevel gegee dat hulle tereggestel moes word.'

(1Sam 24:6) 'en hy (Dawid) het aan sy manne gesê: Mag die HERE my bewaar dat ek so iets aan my heer (Saul), die gesalfde van die HERE, sou doen om my hand teen hom uit te steek; want hy is die gesalfde van die HERE. (7) En Dawid het sy manne streng bestraf en hulle nie toegelaat om teen Saul op te staan nie.'

(2Sam 1:14) 'En Dawid sê vir hom ('n Amalekiet): ...Jy was nie bevrees om jou hand uit te steek om die gesalfde van die HERE om te bring nie? (Hy het vir Dawid gelieg) (15) Daarop roep Dawid een van die jongmanne en sê: Kom nader, val op hom aan! En dié het hom neergeslaan, dat hy gesterf het. (16) En Dawid het vir hom gesê: Jou

19

bloed is op jou hoof, want jou mond getuig teen jou, omdat jy sê: Ek het die gesalfde van die HERE gedood.'

(Jes 43:4) 'Omdat jy kostelik is in my oë, hooggeag is, en Ek jou liefhet, daarom gee Ek mense in jou plek en volke vir jou lewe.'

God stry self vir sy gunsgenote – met ernstige en selfs noodlottige gevolge vir die teëparty! Wil julle die maat van julle sondes volmaak sodat Hy jul le ongeregtighede oor julle bring soos 'n haelstorm? Wil julle sterwe? Laat daar

geen brood en geen water oor julle lippe gaan nie, bekeer julle en (Mal 1:9) 'Smeek dan nou tog die aangesig van God, dat Hy ons genadig kan wees! ... sê die HERE van die leërskare,' en gaan na die man van God dat hy vir julle bid, dan sal Hy sy toorn van julle afwend en julle genees.

(2Kron 19:7) 'Mag die skrik vir die HERE dan nou op julle wees; handel nougeset, want by die HERE onse God is geen onreg of partydigheid of aanneming van geskenke nie.'

Verandering van hulpfondsbankrekeningnommer

Diegene wat bydraes aan die hulpfonds deur middel van direkte bankdeposito's doen moet asseblief daarop let dat die rekeningnommer verander het.

Die nuwe besonderhede is as volg:ABSA bank, rekeningnommer : 93 0363 8806

20

verjaardag

Verjaarsdae

+

Junie2 Frans Blom Klerksdorp3 Marieta Visagie (Labuschagné) Klerksdorp6 Brechtje Labuschagné (Van Jaarsveld) Pretoria Hannes Fouché Pretoria12 Frikkie le Grange Klerksdorp14 Sarie van Rensburg (Van Rensburg) Bothaville15 Bessie Labuschagné (Pypers) Klerksdorp24 Ria Labuschagné (Rossouw) Klerksdorp Sakkie Pretorius Klerksdorp25 Chris Snyman Pretoria26 Hannetjie Swart Pretoria28 Annetjie van Deventer(Swanepoel) Klerksdorp

Mei3 Lissie Blom (Minnaar) Klerksdorp5 Dorie Strydom (Scholtz) Klerksdorp6 Marie Stehlik (Pretorius) Klerksdorp8 Duifie Brand (Duminy) Springs11 Lienie van Rensburg (Meyer) Klerksdorp Sannie Rossouw (Swanepoel) Klerksdorp12 Gert Swanepoel Klerksdorp13 Thys Rossouw Klerksdorp15 Ems Duminy (Botha) Klerksdorp21 Willie van Rensburg Klerksdorp27 John Brazer Klerksdorp

Verjaarsdae 70

21

verjaatsdag

Verjaarsdae

Julie1 Jan Kriel Vanderbijlpark6 Jackie le Grange Klerksdorp Jan van Rensburg Johannesburg8 Malie Bosman (Van Rensburg) Klerksdorp 11 Engela Roos (Smit) Klerksdorp15 Kitty Kriel (Strydom) Klerksdorp18 Kosie Rossouw Leeudoringstad 19 Sannie Lindeque (Roos) Klerksdorp Charles Duminy Klerksdorp Pinkie Esterhuizen Pretoria23 Gert Scholtz Klerksdorp26 Drienie le Grange (Strydom) Klerksdorp27 Caroline Visagie (Van Rooyen) Klerksdorp31 Kobus Swanepoel Klerksdorp

Augustus5 Martie Swanepoel (Van Niekerk) Klerksdorp9 Sarel Lombard Klerksdorp11 Boetie Jordan Gansbaai12 Gert Strydom Klerksdorp13 Poppie Duminy (Strydom) Pretoria14 Hannie Rossouw (Smith) Klerksdorp18 Maggie Rossouw (Le Grange) Klerksdorp22 Ria Pretorius (Labuschagné) Klerksdorp Anne-Marie van der Merwe (Nel) Klerksdorp Lettie Nagel (Helm) Klerksdorp25 Tienie Duminy (Rossouw) Klerksdorp26 Marie Rossouw (Harmzen) Klerksdorp28 Bokkie Lombaard (Swanepoel) Klerksdorp

22

Gert Barnard

Kenny Ebersohn

Christopher Nagel

Louis Oberholzer

Dewald Pretorius

Nico Smal

Wehandré van der Merwe

Jeandré van Zyl

Jaco van Zyl

Klerksdorp 27 Desember 2014

Nuwe Lidmate

DopelingeBarend Fourie Bennie en Chantal Klerksdorp 25/12/2014

Odin J van Rensburg Divan en Leani Klerksdorp 25/12/2014

Anya Pretorius Johan en Monya Klerksdorp 25/12/2014

Henrich Rosssouw Petrie en Francisca Klerksdorp 25/12/2014

Christiaan du Toit Jacques en Elsje Klerksdorp 01/02/2015

Will Taylor WP en Lizelle Baviaanskrans 07/03/2015

Driekie Barnard

Bianca Botha

Liezl Duminy

Christel Pieterse

Anita Smal

Jennife Swanepoel

Mareike Swanepoel

Rozelle van Zyl

Annelie Visagie

Chané Visagie

Danica Visagie

23

Sterfgevalle

PieterOberholzer

1947.05.162014.11.30

BenLe Grange1944.11.232014.11.28

KoosBotha

1935.05.102014.12.13

AnnetjieDe Beer1928.10.152014.11.28

MienieSampson1932.07.292014.12.01

MarietjieOberholzer

1949.04.202014.12.14

DriesieSpies

1916.03.102014.12.25

CoenraadCoetzer1960.08.242015.02.10

Willem Oberholzer 1966.03.20 2014.06.14

24

algemeen

Finansiële ondersteuningDie Kerk se bankbesonderhede is as volg:

Christelike Vereniging van Suid-Afrika

ABSA bank (Tjekrekening) ABSA bank (Tjekrekening)Klerksdorp Pretoria Rekeningnommer 30 3023 0018 Rekeningnommer 40 5155 4280

HulpfondsABSA bank - Klerksdorp Rekeningnommer 93 0363 8806

Kerkkantoor (Klerebank en Museum)

Nina le GrangeTelefoon 018 462 2381Faks 018 462 4203 Selfoon 083 630 8148E-Pos adres admin.cvsa@telkomsa.netPosadres Posbus 330, Klerksdorp, 2570Kantoorure: Maandag en Donderdag 08:00 - 12:00

Adresveranderinge‘n Vriendelike versoek aan al ons lidmate om, wanneer u adres of kontakbesonderhede verander, ons so gou moontlik daarvan in kennis te stel.

Sodoende bly ons rekords op datum en kan ons u Ligdraer korrek versend en ook by u huisbesoek doen wanneer ons in u omgewing is. U kan die nuwe besonderhede aan enige van ons evangeliste verskaf, of dit e-pos na adres@cvsa.co.za

Algemene inligting

25

algemeen

KontaknommersLeraar Fanie Visagie 018 462 1282 082 324 3248Evangelis Neels Botha 082 562 5628Evangelis Fanie Duminy 012 807 5802 082 823 4861Evangelis Johan Pretorius 083 229 4036Evangelis Kosie Roos 076 486 6568 Evangelis Fanie Visagie 082 331 0432

Klankopnames

Alle Jongelingsverenigings, verskeidenheid van musiek en sang asook die boodskappe op Sondae in Klerksdorp sowel as tydens spesiale dienste is op CD beskikbaar teen die volgende pryse (versendingskoste uitgesluit):

R20 per CD R40 per MP3 CDR50 per CD in argief (10 jaar en ouer) asook alle spesiale Cd’s

Buiten bogenoemde is daar ook 'n verskeidenheid ander CD's beskikbaar.

Bestellings en betalings kan gedoen word by die kerkkantoor of by br Gert Strydom (083 654 4949 of 018 462 6833)

Baviaanskrans S 27°20’58.08” O 26°26’06.84”

Bloempark S 26°44’00.77” O 27°44’02.14”

Ebenhaezer S 26°34’13.82” O 24°30’11.86”

Klerksdorp S 26°52’27.70” O 26°39’04.06”

Leeudoringstad S 27°14’13.45” O 26°14’42.90”

Pretoria S 25°52’31.92” O 28°05’49.73”

Vryburg S 26°56’50.10” O 24°43’09.30”

GPS Koördinate van kerkterreine

26

dienste

20162015

Spesiale dienste

Baviaanskrans12 tot 14 Februarie

Pretoria4 tot 6 Maart

Ebenhaezer24 tot 27 Maartl

Bloempark15 tot 17 April

Klerksdorp6 tot 15 Mei

Pretoria12 tot 14 Augustus

Baviaanskrans9 tot 11 September

Ebenhaezer7 tot 9 Oktober

Bloempark11 tot 13 November

Klerksdorp16 tot 26 Desember

Pretoria6 tot 8 Februarie

Baviaanskrans6 tot 8 Maart

Ebenhaezer2 tot 5 April

Bloempark1 to 3 Mei

Klerksdorp15 tot 24 Mei

Pretoria14 tot 16 Augustus

Baviaanskrans11 tot 13 September

Ebenhaezer9 tot 11 Oktober

Bloempark6 tot 8 November

Klerksdorp18 tot 27 Desember

27