maak jou eie spruitebettereat.net/uploads/documents/275_maak_jou_eie_spruite.pdf · 2015-03-20 ·...
TRANSCRIPT
P | 1
Spruitjies Spruitjies is 'n bekostigbare en maklike manier om die voedingswaarde van jou dieet drasties te verhoog. Die volgende boontjie/sade-‐soorte maak lekker spruitjies: Lensies Adzuki Bone Alfalfa (Lusern) (Baie ryk aan magnesium) Uiesaad Mung-‐bone Fenukreek Sade (Wonderlik vir bloedsuiker en cholesterol) Indien beskikbaar -‐ kies organiese produkte. Metode: Week alle sade/boontjies in water met 'n eetlepel appelasyn. (Dit verwyder anti-‐voedingstowwe wat natuurlik voorkom Kleiner sade/boontjies kan vir ongeveer 4 ure geweek word en groter boontjies oornag. Gebruik 'n konfytfles waar die metaalplaatjie in die deksel vervang word met 'n stukkie lap met 'n groterige grein bv 'n katoen waslap of ou vadoek. Alternatief, kyk na kommersiële 'sprouters' -‐ DISCHEM het 'n oulike stapel-‐bakkie waar mens 4 -‐5 bordtjies spruitjies gelyktydig kan maak. In die tuisgemaakte spruitbottel gaan jy ongeveer 1/4 koppie bone per keer kan spuit. Gooi die bone in die bottel tesame met 1/2 koppie water. Draai die bottel om en laat die water dreineer. Herhaal die proses 2 keer per dag en laat ongeveer 3 dae vir die bone/sade om te ontkiem en te spruit. In die kommersiële stapelspruiter: Gooi 'n enkellaag bone/lensies/sade op die bodem van elke bakkie en voeg 1/2 koppie water 2 keer per dag by. Laat 2 3 dae vir die sade/bone om te ontkiem en te spruit. Bêre die spruite in die yskas en gebruik binne 4 -‐ 5 dae.
Verskillende Saadtjies is verkrygbaar via internet bestelling: http://livingseeds.co.za http://ethical co-‐op.co.za Sprouter: Dischem