Mabangis na Lungsod ni Efren R. Abueg03/05/201321 CommentsI. Panimula Ang Maikling Kwento ay isang akdang pampanitikan na binubuo ng mga elemento katulad ng tauhan, tagpuan at banghay. Ito ay maaring piksyon o di-piksyon na nagmumula sa mga kwento ng totoong buhay o likha lamang ng mambabasa.

II. Formalistiko A. Buod Ang kwento ay umiikot sa batang si Adong na gumigising ng maaga at nagtutungo sa Quiapo upang mamalimos upang siya ay magkaroon ng pagkain na kanyang maipantatawid gutom. Si Adong ay labindalawang taong gulang. Sa murang edad ay naranasan na ni Adong ang kahirapan ng buhay. Namuhay rin siya ng walang mga magulang na mag-aaruga sa kanya. B. Mga Elemento 1. Tagpuan Naging dominante na naganap ang mga pangyayari sa tapat ng Simbahan ng Quiapo. 2. Tauhan Ang mga tauhan ay sina Adong, Aling Ebang at Bruno. 3. Banghay Maagang-maagang gumigiosing si Adong upang magtungo sa tapat ng Simbahan ng Quiapo at siya ay mamalimos upang siya ay magkaroon ng pagkain na ipantatawid niya sa gutom na kanyang nararamdaman. Ngunit nagugulat ang mga namamalimos sa tapat ng Simbahan ng Quiapo kapag dumarating na ang mayabang at nagpapaka-haring si Bruno. Lahat sila ay natatakot kay Bruno. Lahat ng kanilang napapalimos ay napupunta lamang kay Bruno.Si Bruno ang nakikinabang ng lahat ng ito. 4. Panimula Nagsimula na naman ang panibagong araw para kay Adong upang mamalimos sa tapat ng Simbahan ng Quiapo na ipambibili niya ng pagkain niya. 5. Saglit na Kakintalan Ang lahat ng napalilimos ni Adong ay kinukuha ni Bruno ng hindi man lamang ginusto ni Adong. Ngunit walang magagawa si Adong kung hindi magaing malungkot. C. Papataas na Aksyon Sobra ang takot na naramdaman ni Adong dahil nakita niyang papalapit sa kaniya ang mayabang na si Bruno upang kuhanin ang kanyang mga napalimos na mga pera. D. Kasukdulan Takot na takot na nagtago si Adong upang hindi siya makita ni Bruno dahil paparating na ito. Pero sinabi ni Aling Ebang na nakita na siya ni Bruno na nagtago. E. Pababang Aksyon Binigay na lamang ni Adong ang perang nalimos dahil natatakot siya baka kung ano ang gawin sa kanya ni Bruno. F. Wakas Ang Wakas ng akda ay naging mapagbigay pa rin ni Adong kahit na siya ay inaabuso na ni Bruno. G. Tunggalian Ang uri ng tunggalian ay TAO LABAN SA LIPUNAN dahil kalaban ni Adong ang kanyang lipunang ginagalawan dahil sa nararanasan niyang kahirapan.Tunggalian- May apat na uri: tao laban sa tao, tao laban sa sarili, tao laban sa lipunan, tao laban sa kapaligiran