manuel leiras pulpeiro
DESCRIPTION
Artigo publicado no nº 10 da revista Leiras do Leiras sobre o poeta que lle dá nome ao noso institutoTRANSCRIPT
10 anos do IES “Leiras Pulpeiro”10 anos do IES “Leiras Pulpeiro”
¿Quen foi Manuel Leiras Pulpeiro?
Xa hai dez anos que botou a andar o noso inst i tuto que leva o nome dun
insigne poeta mindoniense . Queremos achegarvos a súa personal idade e obra
por medio dunha recensión dun compañeiro de 3º ESO, das palabras dun
escritor contemporáneo e duns versos nos que podemos ver o l ir i smo e a reivin-
dicación propias da obra de Leiras Pulpeiro , tan identi f icado co pobo galego .
Desexamos que despois de ler os textos queirades profundar no coñece-
mento da obra deste autor .
Manuel Leiras Pulpeiro (1854-1912) naceu e morreu en Mondoñedo, un
importante centro eclesiástico e unha das antigas capitais galegas. Sendo fillo
de médico cirurxián, inicialmente estudou Latín e Humanidades no Seminario
Diocesano, e obtivo máis tarde o título de bacharelato en Artes no Instituto
de Tapia de Casariego, nunha parte de Asturias de fala galega. Sempre man-
tivo o seu gusto pola pintura e a música.
No ano 1870 comezou a carreira de Medicina na Universidade de
Santiago de Compostela. Continuou estes estudos en Valladolid e Madrid, e
licenciouse en 1877 na Universidade Central de Madrid. Un ano despois de
obter o título, instalouse de novo en Mondoñedo, seguindo os pasos de seu pai, e
exerceu como médico ata a súa morte.
Por ser galeguista e anticlerical, aínda que cristián, a vida na pechada sociedade mindoniense
resultoulle en moitas ocasións incómoda e abafante, enfrontado, segundo el, ó opresor poder dos cre-
gos. O seu casamento civil en 1888, por exemplo, tivo unha enorme repercusión nos xornais locais, e
foi causa de escándalo público.
Desde a súa xuventude foi un convencido republicano federalista. Mantivo correspondencia
con Pi i Margall e en 1887 asistiu á asemblea do Partido Republicano Federal en Lugo no que se aprobou
un "Proyecto de Constitución para el futuro Estado gallego". Desde esa xuntanza formou parte do
Consejo Ejecutivo de la Región Gallega, cargo que ocupa ata 1893, ano no que asinou un chamamento
político ós correlixionarios. O seu galeguismo levouno a cultiva-la nosa lingua, publicando os seus poe-
mas desde 1884 no semanario ourensán O Tío Marcos da Portela e, pouco despois, na revista coruñe-
sa “Galicia”. Trátase, xeralmente, de composicións que o autor escribira seguindo o modelo popular
verbo de moi variados temas. Nos anos seguintes, Leiras mantivo o seu relativo illamento en
Mondoñedo. Só publicou algunha composición en “Galicia humorística” en 1888, adheriuse á homenaxe
tributada por escritores coruñeses a Martínez Salazar, e pouco máis. En Mondoñedo funda a "Xunta
municipal de Acción Republicana" en 1903 e o "Grupo Esperantista" local en 1905.
Alcanzou o nome de poeta galego, e iso levouno a que a Real Academia Galega o designase en
setembro de 1905 membro numerario, honor que o poeta rexeitou modestamente, por coidar que non
40
1 0 A N O S N O N O S O L E I R A S
tiña as condicións necesarias. Anos despois legou a esta institución o valioso material etnográfico e
léxico (refráns, proverbios, cantares, adiviñas, vocabulario...) recollido durante toda a súa vida, e que
viron a luz no Boletín da institución en 1913.
A pesar de que os seus versos apareceron frecuentemente en xornais e revistas, mentres viviu
Leiras Pulpeiro só viu publicado un volume poético, "Cantares Gallegos" (1911), no que se inclúen, xunto
coas poesías máis coñecidas, de contido social, outras de tema tradicional ou intimista, ademais de
novas composicións en edicións xa póstumas. En 1930 publicáronse as súas Obras Completas, Tomo I
(Poesías) na editoral Nós de A Coruña, recompiladas, segundo apuntan todos os datos, por Antón Vilar
Ponte, con oitenta e oito novos poemas. O resto da súa produción foi reunido en 1970 polo académico
Xosé Luís Franco Grande co título Obra completa.
Máis alá de poemas costumistas, de grande riqueza léxica, anticlericais e algún intimista,
Leiras Pulpeiro cultivou a poesía patriótica (elevando a figura do Mariscal Pardo de Cela á categoría
de mito galeguista, abandeirado das liberdades) e, a diferenza do seu compatriota Noriega Varela, non
dubidou en utilizar a súa pluma en defensa dos oprimidos campesiños que el tanto tratou debido á súa
profesión de médico e entre os que era coñecido como o médico dos pobres pois atendíaos aínda que
non recibise nada a cambio.
Nove anos despois da súa morte, os republicanos e nacionalistas da época rendéronlle unha
homenaxe con motivo da inauguración da súa sepultura (no cemiterio civil de Mondoñedo, onde el pediu
que o enterrasen), custeado polos mindonienses residentes na Arxentina. Desde entón, na súa lápida
pon: "Amou a verdade e practicou o ben".
Miguel Rodríguez Carretero, 3º ESO
Leiras Pulpeiro non só debe ser recordado como escritor senón, sobre todo pola súa enorme
calidade humana. Un dos nosos poetas contemporáneos gaba a súa figura neste emocionante texto:
(Nos xornais "La voz de la Verdad" e "Norte de Galicia" non se dá
información sobre a morte do médico poeta nin se admiten esque-
las.)
Un día desaparecíame unha bota, outro día un pano, outro era
unha das miñas gravatas, roubadas polos labregos que teimaban
en ver en min un santo que facía milagres. Así, as miñas botas, os
meus panos, as miñas gravatas, atados ao pescozo da vaca ou
sobre a fronte do neno, debían curar as enfermidades e salvar as
vidas desesperadas.
41
1 0 A N O S N O N O S O L E I R A S
" O día 9 de novembro de 1912 morreu fóra da NosaSanta Madre Igrexa Don Manuel Leiras Pulpeiro, de 58anos, casado civilmente con Dona María Audia Villar,médico e natural desta cidade, onde vivía e finou. O seucadáver foi sepulto no cemiterio civil."
(Acta de defunción)
Logo cando a morte me chegou a min, non podían entender que eu mesmo non tivese fe. Por
todo o val correu a noticia: "O doutor Leiras morreu sen comungar!", e nas casas de Mondoñedo come-
zou un rezo temeroso pola miña alma que, dicían os cregos, ía camiño da condenación eterna.
Con todo, foron milleiros os que acompañaron o meu féretro á terra que me correspondía, no
"camposanto dos estraños", de fermoso nome, onde repousaban os descoñecidos, os suicidas, os
hebreos e os ateos; os mortos sen confesión nin comuñón.
E, cando o cortexo marchou, alí, naquela terra pura, sentinme un pouco só mentres caía a noite
no mundo.
Entón, sucedeu isto: De todas as aldeas de volta foron chegando en silencio os labregos, que
traían terra sagrada do camposanto de Quende, de Santa María Maior, de Viloalle...
e sen dicir unha palabra, envorcaron esa terra bendita sobre min, querendo desesperadamente darme
o Ceo, contra a opinión do mesmísimo Deus, se fora preciso.
Non entendían que eu non precisaba desa inxenua bendición. Non entendían que, naquel lugar,
entre os nenos pequeniños do Limbo, mortos a pouco de nacer, antes do bautismo -os mesmos cativos
que como médico non puiden salvar malia os meus esforzos-, estaba o meu lugar. Escoitando as súas
vociñas, chamándose uns aos outros na escuridade, decateime de que estaba entre os inocentes, na
máis sagrada das terras.
42
1 0 A N O S N O N O S O L E I R A S
Mondoñedo
"Lapidario" Miguel Anxo Murado. Poesía Xerais.
43
1 0 A N O S N O N O S O L E I R A S
Non digan que para o que choraten sempre o ceo consolo;que ben teño eu chorado¡e para min sempre foi xordo!
¡Alá van os nosos mociñospasar as penas da sega,da sega, onde se asan vivos,sen probar a auguiña fresca!
¡Non temos pan, meus filliños,non hai en onde ganalo!¡Témonos que ir polo mundo,témonos que ir buscalo!
¡Moito me queren os meus amos,os amos moito me queren;por iso me traen descalza...,descalza, chova que neve!
Cando na porta te atopescon frades que anden de questaceiba o chito, se é que traba, e a vaca, se turra, ceiba.
Á Mariña
Terra, que o sol, sempre amante,mornea, tódolos días;agros, que dáde-lo millode canas de catro espigas;xunqueiras onde as gaivotasse apousan e se agarimancando co seu voo calmosonon van ó mar trala vida;que non vos veu ben de preto,nin pasou unha inverníanos vosos burgos, estradosde perfumada pinica,ouvindo os rolos, non sabe
o que é a Mariña.
Don Manuel Leiras Pulpeiro