Uunga siunnersuut: Timmissanik illersuineq piniarnerlu pillugit Namminersorlutik Oqartussat nalunaarutaat nr. xx, xx. xx 201X-imeersoq

Piniarneq aallaaniarnerlu pillugit Inatsisartut inatsisaanni nr. 12, 29. oktober 1999-imeersumi § 8, § 13, imm. 3 aamma § 17, imm. 2, kingullermik Inatsisartut inatsisaat nr. 1, 16. maj 2008-meersukkut allanngortinneqartukkut aamma Pinngortitamik illersuineq pillugu Inatsisartut inatsisaanni nr. 29, 18. december 2003-meersumi § 5, § 35, § 36, imm. 2 aamma § 60, imm. 2 naapertorlugit aalaja-ngersarneqarput:

Atuuffia

§ 1. Nalunaarut nunami aalisarnikkullu Kalaallit Nunaata oqartussaaffigisaani atuuppoq.

Piniarnermi mannissarnermilu tunngaviusumik piumasaqaatit

§ 2. Piniarnermut allagartamik imaluunniit akiliuteqarluni aallaaniarnissamut atuuttumik akuersissuteqartut kisimik timmiarniarsinnaapput mannissarniarsinnaatitaallutillu.

§ 3. Timmissat piffissami aalajangersimasumi piniaqqusaasut kisimik piniarneqarsinnaapput, aamma timmissamut aalajangersimasumut piffissaq piniarfigeqqusaasoq kisimi piniarfiusinnaalluni. Imm. 2. Piffissami aalajangerneqarsimasumi taamaallaat timmissat mannissarfigineqarsinnaapput, takuuk § 10, imm. 1, aamma timmissanut aalajangersimasunut piffissami mannissarniarfigeqqusaasumi manniliartoqarsinnaalluni. Imm. 3. Immikkoortoq 2-mi aalajangersagaq apeqqutaatinnagu tulukkat aamma naajat manniinik katersisoqarsinnaavoq, takuuk § 10, imm. 6.

Aqutsiveqarfiit

§ 4. Aqutsiveqarfiit tassaapput, ilanngussat 2-6 takukkit:Nunap immikkoortua, zone 1: Petermann Fjordimiit Hammer Ømut: naleraq Avannarpasissuseq 81o25’20.4” Kippasissuseq V64o25’23.3”-miit Avannarpasissuseq N74o49’11.5” Kippasissuseq 59o40’43.0”-imut.Nunap immikkoortua, zone 2: Hammer Ømiit Maligaanut: Avannarpasissuseq N74o49’11.5” Kippasissuseq V59o40’43.0”-imiit Avannarpasissuseq N70o17’4.66” Kippasissuseq V56o57’26.7”-imut.Nunap immikkoortua, zone 3: Maligaaniit Kanajoorartuumut: Avannarpasissuseq N70o17’4.66” Kippasissuseq V56o57’26.7”-imiit Avannarpasissuseq N60o22’46.5” Kippasissuseq V44o59’49.8”-mut.Nunap immikkoortua, zone 4: Kanajoorartuuniit Kap Biotimut: Avannarpasissuseq N60o22’46.5” Kippasissuseq V44o59’49.8”-miit N71o52’49.9 Kippasissuseq V22o39’19.6”-imut.

3

Nassuiaatit

§ 5. Ulloq aallaaniarfik nalunaarummi matumani imatut paasineqassaaq ulloq unnuarlu aallaaniarfigineqartoq. Imm. 2. Ullormut pisassat nalunaarummi matumani imatut paasineqassaaq, ullormi piniarfiusumi pisassat. Pisassiissutit inuup nammineerluni pisassarai allamut pisassiissutigisinnaanagit ullulluunniit tulliani piniarsinnaanagit. Imm. 3. Nammineq atugassatut nalunaarummi matumani imatut paasineqassaaq pisarineqartut nammineerluni aamma inoqutigiinni atugassatut pineqartut. Imm. 4. Timmissat piaraat ileqqutoqqat naapertorlugit piniarneq matumani nalunaarummi imatut paasineqassaaq aallaasersornani piniarneq, piaqqat imaani timmissat ineqarfianit meterinik 1000-init ungasinnerusumiippata. Imm. 5. Timmissat ineqarfii nalunaarummi matumani imatut paasineqassaaq timmissat imarmiut aappariikkuutaat ikinnerpaamik qulit piaqqiorfigisaat. Stk. 6. Qarsoq flu-flu-mik taagutilik nalunaarummi matumani imatut paasineqassaaq, qarsoq timmissanut timmisunut atugassiaq. Qarsoq pineqartoq ungasissutsinut qanittunut aamma tunualiaquttanut akunnattunut immikkut ilusilersugaavoq.

Eqqissisimatitsineq

§ 6. Timmissat tamarmik eqqissisimatitaapput. Imm. 2. Timmissat ilanngussaq 1-imi nalunaarsorsimasut nalunaarummi matumani imm. 1-imi aalajangersakkami ilaatinneqanngillat. Imm. 3. Kingittoq Upernaviup kujasissuaniittoq, Ilulissat eqqaaniittoq Innaq (Ritenbenk), Taateraarunnerit (Fox Faldet) Paamiut eqqaaniittoq, Kitsissut Avalliit (Ydre Kitsissut) Qaqortup eqqaaniittoq, Kangikajik (Kap Brewster) Ittoqqortoormiit eqqaaniittoq aamma Appalik (Raffles Ø) Ittoqqortoormiit eqqaaniittoq tamakkiisumik piniarfigineqarnissaanut eqqissisimatitaapput. Innamut ikaarneq Innamiinnissarlu inerteqqutaavoq, innarlu meterinik 500-t angullugit qanilleqqusaanani. Kingittoq, Innaq (Ritenbenk), Taateraarunnerit (Fox Faldet), Kitsissut Avalliit (Ydre Kitsissut), Kangikajik (Kap Brewster) Ittoqqortoormiit eqqaaniittoq aamma Appalik (Raffles Ø) Ittoqqortoormiit eqqaaniittoq ilanngussami 7-imi nunallu assingani ilanngussami 8-mi takuneqarsinnaapput.

Timmissat pisassiissutigineqartut

§ 7. Miteq siorartooq (Somateria mollissima) aamma miteq siorakitsoq (Somateria spectabillis) aqutsiveqarfimmi pineqartumi piffissami piniarfiusumi piniarneqarsinnaapput, takuuk imm. 2, aqutsiveqarfimmut pineqartumi piniarneqarsinnaallutik, ilanngussat 2-6 naapertorlugit, taamaattorli § 6, imm. 3 takuuk.

4

Imm. 2. Nunap immikkoortuini zone-ni, ukunani piffissat piniarfiusinnaasut ukuupput:1) Nunap immikkoortua, zone 1: 15.10 – 30.04 aamma 01.05 – 31.052) Nunap immikkoortua, zone 2: 15.10 – 30.043) Nunap immikkoortua, zone 3: 15.10 – 31.034) Nunap immikkoortua, zone 4: 15.10 – 30.04.

Imm. 3. Inuussutissarsiutigalugu piniarnermut allagartallit piffissami piniarfiusumi 15.10-miit 30.04-mut, takuuk § 7, imm. 2, nr. 1, 2 aamma 4, ullormi aallaaniarfiusumi, takuuk § 5, imm. 1 miternik siorartuunik miternillu siorakitsunik amerlanerpaamik ataatsimut, nunap immikkoortuani, zone-ni 1, 2 aamma 4, katillugit 40-nik pisaqarsinnaapput. Inuussutissarsiutigalugu piniarnermut allagartallit piffissami piniarfiusumi 15.10-miit 30.03-mut, takuuk § 7, imm. 2, nr. 3 ullormi aallaaniarfiusumi, takuuk § 5, stk. 1 miternik siorartuunik miternillu siorakitsunik amerlanerpaamik ataatsimut, nunap immikkoortuani, zone 3-mi, katillugit 40-nik pisaqarsinnaapput. Imm. 4. Sunngiffimmi aallaaniarsinnaanermut allagartallit piniarfiusumi 15.10-miit 30.04-mut ullormi aallaaniarfiusumi ataatsimi, takuuk § 5, imm. 1 miternik siorartuunik miternillu siorakitsunik amerlanerpaamik ataatsimut katillugit 10-nik, nunap immikkoortuani, zone-ni 1, 2 aamma 4-mi pisaqarsinnaapput. Sunngiffimmi aallaaniarsinnaanermut allagartallit piffissami piniarfiusumi 15.10-miit 30.03-mut ullormi aallaaniarfiusumi ataatsimi, takuuk § 5, imm. 1 miternik siorartuunik miternillu siorakitsunik amerlanerpaamik ataatsimut katillugit 10-nik, nunap immikkoortuani, zone 3-mi pisaqarsinnaapput. Imm. 5. Inuussutissarsiutigalugu piniarnermut allagartallit imaluunniit sunngiffimmi aallaaniarsinnaanermut allagartallit piffissami piniarfiusumi 01.05–imiit 31.05-imut, takuuk § 7, imm. 2 nr. 1, ullormi aallaaniarfiusumi ataatsimi, takuuk § 5, imm. 1 miternik siorartuunik miternillu siorakitsunik nammineq atugassatut amerlanerpaamik ataatsimut katillugit 20-nik pisaqarsinnaapput. Imm. 6. Ullormut pisassiissutit ulluni allani piniarneqarsinnaanngillat. Ullormut pisassiissutit nammineq atugassatut pisassiissutaammata allanut pisassiissutigineqarsinnaanngillat.

§ 8. Appanik sigguttuunik (Uria lomvia), appanik (Uria aalge) piffissami piniarfiusumi piniarneqassapput, takuuk imm. 2, aqutsiveqarfimmut pineqartumi piniarneqarsinnaallutik, takuuk ilanngussat 2-6, taamaattorli takuuk § 6, imm. 3. Imm. 2. Nunap immikkoortuini, zone-ni, piffissat piniarfiusinnaasut ukuupput:1) Nunap immikkoortua, zone 1: 15.10-29.022) Nunap immikkoortua, zone 2: 15.09-15.113) Nunap immikkoortua, zone 3: 01.11-15.124) Nunap immikkoortua, zone 4: 01.11-31.12. Imm. 3. Inuussutissarsiutigalugu piniarnermut allagartallit piffissani imm. 2-mi oqaatigineqartuni ullormi aallaaniarfiusumi, takuuk § 5, imm. 1 appanik aamma appanik sigguttuunik amerlanerpaamik ataatsimut katillugit 20-nik pisaqarsinnaapput.

5

Imm. 4. Sunngiffimmi aallaaniarsinnaanermut allagartallit imm. 2-mi piffissami oqaatigineqartuni ullormi aallaaniarfiusumi, takuuk § 5, imm. 1 appanik aamma appanik sigguttuunik amerlanerpaamik ataatsimut katillugit 3-nik pisaqarsinnaapput. Imm. 5. Nunap immikkoortuani, zone 1-imi, takuuk § 8, imm. 2 piffissat piniarfiusut saniatigut aamma appat sigguttuut aamma appat piffissami 01.03-miit 15.06-imut piniarneqarsinnaapput. Piniarnermut allagartallit piffissami taaneqartumi ullormi aallaaniarfiusumi appanik sigguttuunik aamma appanik nammineq atugassanik amerlanerpaamik ataatsimut katillugit 5-inik pisaqarsinnaapput. Imm. 6. Nunap immikkoortuani, zone 2-mi appat sigguttuut aamma appat piffissami 15.04-miit 15.05-imut piniarneqarsinnaapput. Piniarnermut allagartallit piffissami taaneqartumi ullormi aallaaniarfiusumi appanik sigguttuunik aamma appanik nammineq atugassatut katillugit 3-nik pisaqarsinnaapput, tamanna inuussutissarsiutigalugu piniarnermut allagartalinnut aamma sunngiffimmi aallaarniartartunut atuuppoq.

§ 9. Taateraat (Rissa tridactyla) piffissani pineqartuni aamma sumiiffinni taaneqartuni piniarneqarsinnaapput, takuuk ilanngussat 2-6:1) Nunap immikkoortuani, zone 1-imi aamma zone 2-mi: 01.09-31.10 aamma 01.03-31.032) Nunap immikkoortuani, zone 3-mi aamma zone 4-mi: 01.09-31.03. Imm. 2. Piniarnermut allagartallit imm. 2-mi piffissani taaneqartuni ullormi aallaaniarfiusumi, takuuk § 5, imm. 1 taateraanik amerlanerpaamik 10-nik nammineq atugassatut pisaqarsinnaapput, tamanna inuussutissarsiutigalugu piniarnermut allagartalinnut aamma sunngiffimmi aallaarniartartunut atuuppoq.

Timmissat pisassiissutitaqanngitsut piniagaaffissaat

§ 10. Timmissat ataani taaneqartut piffissani pineqartuni piniarneqarsinnaapput:1) Appaliarsuk/Appaaraq (Alle alle): 01.09 - 30.042) Qeerlutooq (Anas platyrhynchos): 01.09 – 29.023) Nerleq siggukitsoq (Anser brachyrhynchus): 01.09 - 30.044) Kangoq (Anser caerulescens): 01.09 - 15.105) Nerlernaarsuk (Branta Canadensis): 01.08 - 15.106) Nerlernarnaq (Branta leucopsis): 01.09 - 30.047) Serfaq (Cepphus grylle): 01.09 - 31.038) Alleq (Clangula hyemalis): 01.09 – 29.029) Tulugaq (Corvus corax): 01.01 – 31.1210) Qaqulluk (Fulmarus glacialis): 01.09 - 31.1011) Tuullik (Gavia immer): 01.09 - 15.1012) Aqisseq (Lagopus mutus): 01.09 - 30.0413) Naajaannaq (Larus glaucoides): 01.09 – 30.0414) Naajarujussuaq (Larus hyperboreus): 01.01 – 31.12

6

15) Naajarluk (Larus marinus): 01.01 – 31.1216) Oqaatsoq (Phalacrocorax carbo): 01.09 - 31.03.

Imm. 2. Nunap immikkoortuani, zone 2-mi, takuuk ilanngussaq 4, qaqulluit piaraannik ileqqutoqqat naapertorlugit 15.08-mit piniarneqarsinnaapput. Imm. 3. Nunap immikkoortuani, zone 1-imi aamma 4-mi, takuuk ilanngussaq 3 aamma 6, appaliarsunnik piaraannillu ukioq kaajallallugu piniartoqarsinnaavoq. Imm. 4. Nunap immikkoortuani, zone 4-mi, takuuk ilanngussaq 6, nerleq siggukitsoq aamma nerlernarnaq piffissami 01.09-miit 31.05-imut piniarneqarsinnaapput. Imm. 5. Nunap immikkoortuani, zone 2-mi, takuuk ilanngussaq 4, aqissit piffissami 01.09-miit 31.05-imut piniarneqarsinnaapput. Imm. 6. Nalunaarutip matuma atuutilersinneqarneraniit ukiuni tallimani misileraaffiusumi ukioq kaajallallugu tulugaq (Corvus corax), naajarujussuaq (Larus hyperboreus) aamma naajarluk (Larus marinus) piffissami 01.01-imiit 31.12-imut piniarneqarsinnaapput.

Mannissarneq

§ 11. Mannissarneq inerteqqutaavoq, taamaattorli takuuk imm. 2-3 aamma imm. 6. Imm. 2. Aallaaniarsinnaanermut allagartallit nammineq atugassatut qaqulluit naajallu, takuuk § 10, imm. 6 manniinik piffissami 01.01-imiit 15.06-imut mannissarsinnaapput. Imm. 3. Mittarfiit, eqqaaviit eqqaavissuillu eqqaanni tulukkat naajallu akornutaappata Mittarfeqarfiit kommunilluunniit Aalisarnermut Piniarnermullu Naalakkersuisoq akuersiseqqaarnagu, timmissat pineqartut manniinik katersisitsisinnaavoq aamma manniit uuliamik tukersinnaajunnaartussanngorlugit serpartaatitsisinnaavoq. Imm. 4. Naajat mannii imm. 3 naapertorlugu katersorneqartut, ullormi katersorneqarfianni pisortat suliffeqarfiutaasa nerisitsisarfiinut tunniunneqarsinnaapput. Imm. 5. Mannissarniarnermi allunaasat, majuartarfiit, allunaasat innartornermi atortartut innartornermilu atortut allat atornissaat inerteqqutaavoq. Imm. 6. Nunap immikkoortuani, zone 1-imi aamma 4-mi, takuuk ilanngussaq 3 aamma 6, appaliarsuup/appaaqqap manniinik ukioq kaajallallugu mannissarnissaq akuerisaavoq.

Timmissat ineqarfii

§ 12. Timmissat ineqarfiisa eqqaanni aallaammik eqqarneq allatulluunniit ajoqusersuineq angallammillu knobinik 3-nik sukkanerulluni angalaneq piffissami 15.04-miit - 15.09-mut inerteqqutaavoq, timmissat ineqarfiat ima ungasitsigalugit:1) 1000 meterit, timmissat ineqarfiat appanit, appanik sigguttuunik, apparlunnik, appaliarsunnik, taateraanik, qaqullunnik oqaatsunilluunniit najorneqarpat, aamma2) 200 meterit, timmissat ineqarfiat qeqertaappat qeqertaasaalluniluunniit miternik siorartuunik, miternik siorakitsunik, serfanit, qilannganik, imeqqutaallanit, naajanillu allanik taateraajunngitsunit, najorneqartoq.

7

Imm. 2. Angallammik knobinik 3-nik ataallugu sukkassusilimmik angalasoqarsinnaavoq imm. 1-imi aalajangersagaq apeqqutaatinnagu pisariaqanngitsumik akornusersuisoqanngippat. Imm. 3. Timmisartunik suluusalinnik helikopterinilluunniit qummut napparissumik sanimullu narlorissumik uuttorlugu 3000 meterinit qaninnerullugit timmiffiginissaat inerteqqutaavoq, taamaattorli Kitsissunnguit eqqissisimatitaanerat pillugu nalunaarut takuuk. Imm. 4. Timmisartuaraasanik (drone) qummut napparissumik sanimullu narlorissumik 100 meterinit qaninnerutillugit timmiffiginissaat inerteqqutaavoq. Imm. 5. Imm. 1-imi, nr. 2-mi aalajangersagaq apeqqutaatinnagu § 11 naapertorlugu mannissartoqarsinnaavoq. Imm. 6. Imm. 1-imi, nr. 1-imi aalajangersagaq apeqqutaatinnagu appaliarsuit piaraanik mannii-nillu katersisoqarsinnaavoq, takuuk § 11, imm. 6. Imm. 7. Imm. 1-imi aalajangersagaq apeqqutaatinnagu angallatit aqqutaat nalunaaqutsikkat atuarlugit angalasoqarsinnaavoq.

Sumiiffiit timmissanik illersuiffiit

§ 13. Sumiiffiit ilanngussaq 7-imi aamma nunap assingani ilanngussaq 8-mi allassimasuni piffissami 01.05-imiit 31.08-mut ikaarfigeqqusaanngillat angallavigeqqusaanatillu, taakkulu 500 meteri killigalugu qanilleqqusaanngillat. Imm. 2. Imm. 1-imi aalajangersakkat apeqqutaatinnagit angallatit aqqutaat nalunaaqutsikkat atuarlugit angalasoqarsinnaavoq.

Ullunik, manninnik piaqqanillu illersuineq

§ 14. Timmissat ineqarfiisa eqqissisimatitaanissaannut aamma sumiiffinni timmissat illersuiffiinut immikkut aalajangersakkat §§-ini 12-13 saniatigut, Kalaallit Nunaanni tamarmi timmissat ullui nutaat inigineqartulluunniit, kiisalu manniit timmissallu nujuartat piaraasa ajoqusernissaat akornusersorneqarnissaalluunniit inerteqqutaavoq. Imm. 2. Imm. 1-imi appaliarsuit piarai aamma qaqulluit mannii pineqanngillat, takuuk § 11, imm. 2, aamma mannissarnermi, takuuk § 11, imm. 6.

Timmiarniarneq

§ 15. Timmissat timmisut angallatinik malersoqqusaanngillat, malersorlugillu piniaqqusaanatik. Imm. 2. Qeerlutuut nerlerillu isasut ungoorlugit piniaqqusaanngillat. Imm. 3. Timmisartunik, qamutinik motoorilinnik qamuteralanniillu timmiarniarneq inerteqqutaavoq.

8

§ 16. Timmissanik piniarnermi aallaaniarnermilu qoorortuut, timmiarsiutit singissartullit (“Pump gun”), timmiarsiut marlulik, saaqqutit nuffisilluunniit, qalut aamma naperniutit ipullit kiisalu pisissit qarsullu atorneqaqqusaapput. Imm. 2. Timmiarsiutit sullua annerpaamik 12-iussaaq, kaliber 12, qoorortuuaqqallu sullua minnerpaamik 0.17-iussalluni, kaliber 0.17. Imm. 3. Timmiarsiutit singissartullit (“Pump gun”) eqittaannartakkallu taamaallaat amerlanerpaamik marlunnik imassaqarsinnaasut. Imm. 4. Saaqqutit nuffisilluunniit ileqquusumik piniarnermi. Imm. 5. Nunap immikkoortuani, zone 1-imi aamma 4-mi appaliarsunniarnermi qalut aamma naperniutit ipullit aamma § 10, imm. 2 naapertorlugu qaqulluit piaraannik ileqquusumik piniarnermi. Imm. 6. Pisisseq qarsorlu, inunnit Kalaallit Nunaanni Danmarkimi imaluunniit nunani allani pisissimik piniarnermut misilitsinnermi takussutissartalimmik angusaqarsimasunit atorneqarsinnaavoq. Imm. 7. Pisissimik qarsumillu piniarnermi piumasaqaatit makkua naammassineqarsimassapput:1) Pisisseq Compound-iussaaq aaqqinneqarsinnaasumik umerfilik / nalunaaqutaqassaaq.2) Nerlernik siggukitsunik, kangoq, nerlernaarsuk aamma nerlernarnanik piniarnermi qarsup tunnerani nukik (E0) minnerpaamik 40 Joule-ussaaq aamma qarsup oqimaassusaa minnerpaamik 40 gram-iussalluni – taamaattoq mekanisk-iusumik qarsut atornerini tunnerani nukik minnerpaamik 70 Joule-ussaaq. Qarsut naqqui akertaqassanngillat, qaartartoqaratik imaluunniit toqunartoqassanngillat. Qarsoq sisammik sanaajussaaq qarsorlu minnerpaamik pingasunik savissaqassassalluni minnerpaamik 25 mm-erinik diameterillit. Qarsut naqqui Blunt-iusut atorneqassanngillat.3) Timmissanik allanik tamanik § 10-mi taaneqartunik piniarnermi qarsup tunnerani nukik (E0) minnerpaamik 40 Joule-ussaaq aamma qarsui minnerpaamik 20 gram-iussapput - taamaattoq qarsut blunt-inik naqqulinnik atuinermi nukik tunnerani minnerpaamik 70 Joule-ussaaq. Qarsut naqqui akertaqassanngillat, qaartartoqassanatik imaluunniit toqunartoqassanngillat, sisammik sanaajussaq minnerpaamillu marlunnik savissaqassalluni savissartai minnerpaamik 20 mm-eriussapput imaluunniit qarsoq blunt-imik naqqulik ataaseq tuffiani minnerpaamik 16 mm-erimik silissuseqassalluni.4) Timmissanik timmisunik piniarnermi qarsut flu-flu-mik taaguutillit, tassa timmisunut aalasunulluunniit atugassiaasut, atorneqassapput.

Akiliuteqarluni piniarnermut piumasaqaatit

§ 17. Akiliuteqarluni timmiarniarsinnaatitaanermut timmissat assigiinngitsut pillugit matumani nalunaarummi pineqartut, sunngiffimmi aallaaniarsinnaanermut piumasaqaatit assigai, takuuk § 7, imm. 4, § 8, imm. 4, § 9, imm. 2. Timmissat akiliuteqarluni piniarnissamut akuersissuteqarluni pisat taamaallaat nammineq atugassaapput.

9

Imm. 2. Akiliuteqarluni piniartitsinermik aaqqissuisut Aalisarnermut Piniarnermullu Naalakkersuisoqarfimmut nalunaarusiortassapput. Imm. 3. Timmissat akiliuteqarluni timmiarniarsinnaatitaaneq tunngavigalugu pisarineqartut, Aalisarnermut Piniarnermullu Naalakkersuisoqarfimmut ukiumoortumik akiliuteqarluni piniartitsinermik aaqqissuisumit nalunaarutigineqartassapput imminut kiffartuunnikkut www.sullissivik.gl-ikkut imaluunniit pisanik nalunaarsuiffik immersugassap immersorneratigut nassiunneratigullu, taanna Piniarneq-mut ilanngullugu nassiunneqarnikuuvoq.

Timmissanik manninnillu tuniniaaneq

§ 18. Taamaallaat inuussutissarsiutigalugu piniarnermut allagartallit timmiartaminnik tuniniaasinnaapput suliarineqanngitsunik, erisakkanik atoriaannanngorlugilluunniit saleriikkanik nammineq angerlarsimaffigisap aqutsiveqarfiata iluani, takuuk ilanngussaq 2. Imm. 2. Timmissat qassutinik ningittakkanilluunniit aalisarnermi saniatigut pisarisuukkat tuniniaqqusaanngillat. Imm. 3. Tuniniaasoqarsinnaavoq, takuuk imm. 1, taamaallaat appanik, appanik sigguttuunik, miternik siorartuunik aamma miternik siorakitsunik § 7, imm. 2-mi aamma § 8, imm. 2-mi piffissani piniarfiusussatut aalajangersakkat tunngavigalugit, aqutsiveqarfinni pineqartumi taamaallaat tuniniaavinni, taassani ilagalugu kalaalimineerniarfinni uumasut nakorsaannit akuerisani. Timmissanik pisassiissutitaqanngitsunik allanik tunisineq pisinnaavoq timmissat pineqartut piffissatigut piniarfigeqqusaasup iluini tamani, aqutsisoqarfimmi najugarisami, takuuk § 10. Imm. 4. Piniarnermut allagartallit naajat manniinik suliarineqanngitsunik pisisartunut tuniniaasinnaapput, aqutsiveqarfiup najugarisap iluani, takuuk § 11, imm. 2. Imm. 5. Timmissat pisat inuussutissarsiutigalugu nioqqutissiarineqassanngillat, suliarineqaratik qeritinneqaratilluunniit Aalisarnermut Piniarnermullu Naalakkersuisumit akuersissummik pereersimatinnani. Imm. 6. Imm. 5 naapertorlugu akuersissummi najukkami timmissat illersorniarlugit piffissamut aamma sumiiffimmut tunisinermilu amerlassutsinut piumasaqaatinik aalajangersaasoqarsinnaavoq. Akuersissummi aammattaaq tuniniaanermi piumasaqaatinik aalajangersaasoqarsinnaavoq, tamanna najukkami timmissat illersorneqarnissaannut sunniuteqaqataasinnaappat.

Nalunaaqutsersuutit, nalunaaquttat nassitsissutillu timmissaniittut nassaarineqartut

§ 19. Nalunaaqutsersuutit, nalunaaquttat, radiukkut aamma qaammataasakkoortumik nassitsissutit sumi qangalu timmissap pisarineqarsimaneranik imaluunniit nassaarineqarsimaneranik paasissutissartalerlugit uunga nassiunneqassapput: Pinngortitaleriffik Postbox 570, 3900 Nuuk.

Najukkami ingerlatsineq

10

§ 20. Piniarneq pillugu Siunnersuisoqatigiinnik allanillu kattuffinnik suliamut attuumassutilinnik tusarniaareernerup kingornatigut Aalisarnermut Piniarnermullu Naalakkersuisoq nunap ilaani su-miiffinni killilikkami tamarmiusumik imaluunniit ilaannakuusumik, sumiiffinnut ingerlatsiviusunut, uumassusilerisut pingaarnertut siunnersuinerannut piumasaqaatinullu aalajangersakkanut malinnittunut, ingerlatsinermik piginnaatitsisinnaavoq. Imm. 2. Tamatumani piumasaqaatit Aalisarnermut Piniarnermullu Naalakkersuisup aamma najukkami kommunit oqartussaasuisa akornanni allaganngorlugit isumaqatigiissutigineqassapput kommunimi ileqqoreqqusakkut. Imm. 3. Kommunip ileqqoreqqusassaa Aalisarnermut Piniarnermullu Naalakkersuisoqarfimmit aalajangersarneqassaaq.

Piniarneq, pisanik mannittanillu nalunaaruteqarneq

§ 21. Timmissat pisat, matumani aamma timmissat aalisarnermi saniatigut pisarisuukkat tamarmik, ukiumoortumik Aalisarnermut Piniarnermullu Naalakkersuisoqarfimmut nalunaarutigineqassapput, imminut kiffartuusseriaaseq nittartagaq www.sullissivik.gl-ikkut imaluunniit pisanik nalunaarsuiffissaq immersorlugu nassiunneratigut, immersugassaq quppersakkami Piniarneq-mut ilanngullugu nassiunneqarpoq. Imm. 2. Manniit katersukkat ukiumoortumik Aalisarnermut Piniarnermullu Naalakkersuisoqarfimmut nalunaarutigineqassapput, imminut kiffartuusseriaaseq nittartagaq www.sullissivik.gl-ikkut imaluunniit pisanik nalunaarsuiffissaq immersorlugu nassiunneratigullu, immersugassaq quppersakkami Piniarneq-mut ilanngullugu nassiunneqartarpoq.

Timmissanik taakkunanngalu nioqqutissianik il.il. nioqquteqarneq annissinerlu

§ 22. Timmissanik eqqissisimatitanik uumasunik aamma toqungasunik tassunga ilaallutik timmissat immikkat taakkualu ilaannik taakkunanngalu nioqqutissianik tamanut saqqummiussilluni tuniniaanissaq, tunisinissaq pisinissarlu inerteqqutaavoq, taamaattoq takuuk § 18, imm. 1 aamma imm. 3-4.

§ 23. Timmissat eqqissisimatitat uumasut toqungasulluunniit, taassumalu ataani immikkat kiisalu tamakku ilamerngi taakkunanngaluunniit nioqqutissiat Kalaallit Nunaanniit anniseqqusaanngillat imaluunniit Kalaallit Nunaannut eqquteqqusaanatik. Imm. 2. Timmissanik eqqissisimatitaasunik kiisalu taakkua ilamernginik nioqqutissianillu nuunnermut atatillugu annissineq Aalisarnermut Piniarnermullu Naalakkersuisoqarfiup akuersissuteqaqqaarsimanissaa piumasaqaataavoq. Imm. 3. Timmissanik nujuartanik uumatillugit toqungasulluunniit kiisalu taakkua ilamernginik taakkuninngalu nioqqutissianik ilisimatusarnermi imaluunniit ilinniartitsinermi siunertanut atorneqartussanik annissisoqassappat Aalisarnermut Piniarnermullu Naalakkersuisoqarfiup akuersissuteqaqqaarsimanissaa piumasaqaataavoq.

11

Imm. 4. Timmissat eqqissisimatitaasut toqungasut nassaat taakkualu ilamerngi pinngortitami qimaannarneqanngippata ingerlaannartumik Pinngortitaleriffimmut imaluunniit piniarnermik aalisarnermillu nakkutilliisunut tunniunneqassapput.

Timmiaateqarneq, taakkunannga anisitsineq nalunaaqutsersuinerlu

§ 24. Kalaallit Nunaanni nujuartanik timmiaateqarneq inerteqqutaavoq. Imm. 2. Timmissat eqqissisimatitat ikillit Aalisarnermut Piniarnermullu Naalakkersuisoqarfimmut nalunaarutigineqassapput.

§ 25. Timmissanik Kalaallit Nunaannut eqqunneqartunik tamakkulu piaraannik pinngortitamut anisitsineq inerteqqutaavoq.

§ 26. Timmissanik nujuartanik nalunaaqutsersuisoqassappat ilisimatusaatigalugu imaluunniit timmissanik nujuartanik aamma taakku manniinik misissugassanik katersisoqassappat Aalisarnermut Piniarnermullu Naalakkersuisoqarfiup akuersissuteqaqqaarsimanissaa piumasaqaataavoq. Imm. 2. Allaganngorlugu qinnuteqarnermi siunertaq, sumiiffik, piffissaq, assartuut atorneqartussaq periuserlu tassunga ilanngullugu angallatit normullit imaluunniit GR-normullit atorneqartut itisilerlugit nassuiarneqassapput. Imm. 3. Najuulluni sulineq naammassereerpat angusat pillugit allaganngorlugu nalunaarusiaq Aalisarnermut Piniarnermullu Naalakkersuisoqarfimmut apn@nanoq.gl-imut tunniunneqassaaq.

Immikkut akuersissuteqarneq

§ 27. Nalunaarummi matumani aalajangersakkanit Aalisarnermut Piniarnermullu Naalakkersuisoqarfik inuussutissalerinermik, ilisimatusarnermik atuartitsinermillu siunertanut kiisalu attaveqaqatigiinnikkut pissutsit aamma timmisartukkut umiarsuakkullu angallannerup isumannaatsuunissaata qulakkeernissaat pillugit immikkut akuersissuteqarsinnaavoq, taamaattoq § 26 takuuk.

Nakkutilliineq

§ 28. Kinaluunniit politiinit imaluunniit piniarnermik aalisarnermillu nakkutilliisunit piniarsinnaatitaanini imaluunniit immikkut akuerineqarsimaneq uppernarsaqqullugu qinnuigineqarnermi, taava piniarsinnaanermut allagartaq, Aalisarnermut Piniarnermullu Naalakkersuisoqarfimmit imaluunniit naalakkersuisoqarfimmit allamit immikkut akuerineqarsimanermut uppernarsaat atuuttoq takutissavaa.

Kommunit ileqqoreqqusaat

12

§ 29. Kommunalbestyrelsi kommunip ileqqoreqqusaatigut timmissanik illersuinermut maleruaqqusaliorsinnaavoq §§ 7-10, § 17 kiisalu § 20-mi aalajangersarneqarsimasunit sukannernerusunik. Kommunip ileqqoreqqusaa Aalisarnermut Piniarnermullu Naalakkersuisumit atuutilersinneqassaaq.

Pineqaatissiinerit

§ 30. Nalunaarummi matumani §§ 2-3, §§ 6-12, § 13, imm. 1, § 14, imm. 1, §§ 15-19, §§ 22-23, § 24, imm. 1 aamma §§ 25-26-mi aalajangersakkanik unioqqutitsinerit akiliisitsinermik aamma arsaarinnissuteqarnermik Kalaallit Nunaanni pinerluttulerinermik inatsit naapertorlugu pineqaatissiissutaasinnaapput. Imm. 2. Nalunaarut malillugu kommunimi ileqqoreqqusanik atortussanngortinneqarsimasunik unioqqutitsisoqartillugu akiliisitsinermik pisamillu arsaarinnissuteqarnermik Kalaallit Nunaanni pinerluttulerinermik inatsit malillugu pineqaatissiisoqarsinnaavoq. Imm. 3. Pisat arsaarinnissutaasut qanoq atorneqarnissai Aalisarnermut Piniarnermullu Naalakkersuisumit isummerfigineqassaaq. Imm. 4. Akiliisitsissutinit isertitat Nunap Karsianut nakkartinneqartassapput.

Atuutilersitsineq

§ 31. Nalunaarut manna ulloq x. x 201x atuutilerpoq. Imm. 2. Peqatigitillugu Timmissanik illersuineq piniarnerlu pillugit Namminersorlutik Oqartussat nalunaarutaat nr. 1, 5. januar 2017-imeersoq atorunnaarpoq.

Namminersorlutik Oqartussat, ulloq xx. xx 201x

Karl-Kristian Kruse/

Jørgen Isak Olsen

13

Ilanngussaaq 1: Timmissat Kalaallit Nunaanni piffissamik killilimmik piniarfigineqarsinnaasut, taamalu tamakkiisumik eqqissisimatitaanngitsut.Timmissat Nunamiutat

Corvus corax Tulugaq RavnLagopus mutus Aqisseq Fjeldrype

Timmissat naluutillit/imarmiutNaajat assigisaaalluLarus glaucoides Naajaannaq Hvidvinget mågeLarus hyperboreus Naajarujussuaq GråmågeLarus marinus Naajarluk SvartbagRissa tridactyla Taateraaq RideFulmarus glacialis Qaqulluk Mallemuk

Qeerlutuut

Somateria mollissima Miteq siorartooq EdderfuglSomateria spectabilis Miteq siorakitsoq KongeedderfuglClangula hyemalis Alleq HavlitAnas platyrhynchos Qeerlutooq GråandAnser brachyrhynchus Nerleq siggukitsoq Kortnæbbet gåsAnser caerulescens Kangoq SnegåsBranta canadensis Nerlernaarsuk CanadagåsBranta leucopsis Nerlernarnaq Bramgås

Allat

Uria lomvia Appa Polar lomvieUria aalge Appa sigguttooq Atlantisk lomvieCepphus grylle Serfaq TejstAlle alle Appaliarsuk/Appaaraq SøkongeGavia immer Tuullik IslomPhalacrocorax carbo Oqaatsoq Skarv

Ilanngussaq 2: Nunap immikkoortuinut zone-nut aggornilersuineq

1

2

Ilanngussaq 3: Aqutsiveqarfik nunap immikkoortua zone 1

Zone 1 avannamut Petermann Fjord-imut killeqarpoq naleraq Avannarpasissuseq N 81o25’20.4 Kippasissuseq V 64o25’23.3” kujammullu Hammer Ø-mut killeqarluni Avannarpasissuseq N 74o49’11.5” Kippasissuseq V 59o40’43.0”-imi.

3

Ilanngussaq 4. Aqutsiveqarfik nunap immikkoortua zone 2Avannamut killeqarfia aqutsiveqarfik zone 1-ip kujammut killeqarfia malittaraa Hammer Ø-p nalaani naleraq Avannarpasissuseq N 74o49’11.5” Kippasissuseq V 59o40’43.0”. Kujammut Maligaat nalaani killeqarpoq Avannarpasissuseq N 70o17’4.66” Kippasissuseq V 56o57’26.7”

4

Ilanngussaq 5 Aqutsiveqarfik nunap immikkoortua zone 3Avannamut killeqarfia zone 2-p kujammut killeqarfia malillugu Maligaat nalaani naleraq Avannarpasissuseq N 70o17’4.66” V 56o57’26.7”. Kujammut killeqarfigaa Kanajoorartuut nalaani naleraq Avannarpasissuseq N 60o22’46.5 Kippasissuseq V 44o59’49.8”.

5

Ilanngussaq 6 Aqutsiveqarfik nunap immikkoortua zone 4Kujammut killeqarfia aqutsiveqarfik 3-mi killeqarfik malillugu Kanajoorartuut nalaani naleraq Avannarpasissuseq N 70o17’4.66” Kippasissuseq V 56o57’26.7”. Avannamut killeqarfigaa Kap Biot-i naleraq Avannarpasissuseq N 71o52’49.9 Kippasissuseq V 22o39’19.6”.

6

Ilanngussaq 7: Sumiiffiit timmissanik illersuiffiusut pillugit allattorsimaffikAqutsiveqarfik Kalaallisut atia Allatut atia Timmissat piaqqiorfiata normua,

timmissat naluutillit pillugit nalunaarsuiffimmi nalunaarsuineq naapertorlugu

Sumiissusersiut GPS-ip naleraa

Avanersuaq Lion Øer Lion Øer 77001 N 77,4864; W 66,6896Qaanaaq Apparsuit Hakluyt Ø 77002 N 77,4409; W 72,6777Qaanaaq Appat Saunders Ø 76014 N 76,5779; W 70,0382

Qaanaaq Issuvissuup Appai Parker Snow Bugt 76013 N 76,1579; W 68,684

Qaanaaq Appat Appai 76012 N 76,0854; W 68,369

Qaanaaq Kitsissut Carey Øer 76007, 08, 09, 11 og 15 N 76,7337; W 73,0527

Qaanaaq Saattut Sabine Øer 75001 N 75,294; W 60,132

Upernavik Kitsissorsuit Edderfugleøer 74001, 74002 og 74003 N 74,043; W 57,773

Upernavik Kitsissut 73001 N 73,116; W 56,440

Upernavik Uigorluk Lilleflad Ø 72040 N 72,3076; W 55,9161

Upernavik Nunannguit Smålandene 72030, 72132, 72133, 72134 N 74,043; W 57,773Upernavik Kingittoq 72014 N 72,6552; W 55,8845

Upernavik Kuup Apparsui Kap Schackleton 73010 N 73,7938; W 56,8158

Upernavik Kippaku Apparsui Kippaku 73009 N 73,7196; W 56,6317

7

Upernavik Issortusoq 72015 N 72,247; W 55,698

Upernavik Timmiakulussuit 72011 N 72,6639; W 55,7551

Uummannaq Qeqertat Schades øer 71043, 71044, 71053, 71078 og 71079 N 71,39; W 53,84

Ilulissat Innaq Ritenbenk 69049 N 69,8074; W 51,3727

Ilulissat Naajaat 69033N 69,9669; W 51,1675

Qeqertarsuaq Assissut Brændevinsskær 69001 N 69,0638; W 53,5169

Aasiaat Niaqornaq, Innarsuatsiaaq og Basis Ø

Grønne Ejland 68244, 68245, 68247 N 68,8461; W 51,9469

Aasiaat Saattuarsuit 68030 N 68,8653; W 53,0917Aasiaat Nunatsiaq Rotten 68010 N 68,8639; W 53,4168Kangaatsiaq/Qasigiannguit

Tasiusarsuaq 68078-68082, 68100-68102, 68161, 69162, 68164, 68179-68186

N 68,38; W 51,33

Kangaatsiaq 67103 N 67,9945; W -53,7986Maniitsoq Taateraat 65019 N 65,9969; W -52,546

Maniitsoq Sermilinnguaq 65015 N 65,6606; W 52,6464

Maniitsoq Sermilinnguaq 65013 N 65,6734; W 52,598

Maniitsoq Innarsuaq Isortoq 65003 N 65,4586; W 52,1368

8

Nuuk Qeqertannguit 64035 N 64,5033; W 51,3333

Nuuk Innajuattoq 64019 N 64,733; W 50,6917

Nuuk Nunngarussuit 63010 N 63,7647; W 51,7269

Paamiut Taateraarunnerit Fox Faldet 61002 N 61,3264; W 48,0029

Qaqortoq Indre Kitsissut 60030 N 60,8667; W 48,3833

Qaqortoq Kitsissut Avalliit Ydre Kitsissut 60012 N 60,7561; W 48,4253

Nanortalik Qeqertat 59004 N 59,8898; W 43,4649Ittoqqortoormiit Kangikajik Kap Brewster 70508 N 70,1525; W 22,0656

Ittoqqortoormiit Appalik Raffles Ø 70505 N 70,5973; W 21,5066

Nationalparken  Nuna allanngutsaa- liugaq

Sandøen 74501 N 74,2670; W 20,1501

Nationalparken  Nuna allanngutsaa- liugaq

Prinsesse Margrethe Ø

81502, 003, 004, 016, 017 N 81,0215; W 13,1725

9

Ilanngussaq 8: Sumiiffiit timmissanik illersuiffiit nunap assingani allattorsimaffik

10