Majoriami meeqqat atuarfianni soraarumeerutinut atuartitsissutinut fag-inut ataasiakkaanut ilinniartitsinermi inaarutaasumik nalilersuineq pillugu Namminersorlutik Oqartussat nalunaarutaat nr. xx, xx xxxxxx 2018-imeersoq

Suliffissanut, ilitsersuisarnernut pikkorissaqqinnernullu qitiusumik ingerlatsiviit pillugit Inatsisartut inatsisaat nr. 28, 9. december 2015-imeersoq najoqqutaralugu imatut aalajangersaasoqarpoq:

Kapitali 1Inaarutaasumik nalilersuineq

Siunertaq annertussuserlu ilaalu ilanngullugit

§ 1. Atuarfimmi atuartitsissutini atuartitsissutinilu qanitariissuni alloriarfiit siunertaat kiisalu atuartitsissutit siunertaat ilikkagassatullu anguniagassat pillugit Namminersornerullutik Oqartussat nalunaarutaanni ilikkagassatut anguniakkanik nalunaarsukkanik ilinniartup qanoq annertutigisumik angusaqarsimaneranik uppernarsaanissaq Majoriami atuartitsissutini ataasiakkaani ilinniartitsinermi inaarutaasumik naliliinerup siunertaraa.

§ 2. Naliliinermiipput meeqqat atuarfianni soraarummeernermi atuartitsissutini danskit oqaasiinik, tuluit oqaasiinik, kalaallit oqaasiinik, matematikkimik, fysik/kemiimik atuartitsissutinut ataasiakkaanut karakteerit, aamma atuartitsissutinut ataasiakkaanut aalajangersimasumik qulequtsiilluni suliamut, ilanngullugulu aalajangersimasumik qulequtsiilluni suliap saqqummiunneranut karakteerit. Imm. 2. Misilitsinnerit aamma aalajangersimasumik qulequtsiilluni suliaq ulluinnarni ilinniartitsinermi suliaqarnermik ersersitsisuussaaq. Imm. 3. Greenlandic Grading System-skala (GGS-skala) angusanut karakteeriliinermi, aamma misilitsinnernut aalajangersimasumillu qulequtsiilluni suliamut atorneqassaaq.

Aalajangersimasumik qulequtsiilluni suliassaq

§ 3. Aasaanerani misilitsinnermik naammassisunut ilinniartunut januaarimi imaluunniit februaarimi tunniunneqartussamik, aammalu decembarimi aamma januaarimi naammassisunut ilinniartunut tunniunneqartussamik aalajangersimasumik qulequtsiilluni suliamik ilinniartut suliaqarsinnaapput.

Misilitsinnerit

§ 4. Kalaallit oqaasiini, danskit oqaasiini, tuluit oqaasiini aamma matematikkimi allattariarsorluni pisinnaasatigut misilitsitsisoqassaaq. Imm. 2. Aasaanerani misilitsinnernut apriilimi aamma maajimi pisinnaasatigut misilitsitsisoqassaaq, ukiuuneranilu misilitsinnernut decembarimi.

1

§ 5. Danskit oqaasiini, kalaallit oqaasiini, tuluit oqaasiini aamma matematikkimi oqaluttariarsornermik misilitsitsisoqassaaq, aamma fysik/kemiimi oqaluttariarsornermik-suliaqarnermik misilitsitsisoqarluni. Imm. 2. Sapinngisamik maajimi aamma juunimi, kiisalu decembarimi aamma januaarimi misilitsitsisoqassaaq, imaluunniit ingerlatsivimmi pisortap aalajangiussinera malillugu qaammammi allami.

Kapitali 2Nalunaarneq aamma nalunaarutiginninneq

§ 6. Majoriami ilinniartut § 3-mi aalajangersimasumik qulequtsiilluni suliamut, aamma §§ 4 aamma 5-imi misilitsinnernut nalunaarneqarsinnaapput.

§ 7. Peqataasut atuartitsinermik allamik, atuartitsinermik nalinginnaasumik meeqqat atuarfianni piumasaqaataasunut nallersuussinnaasumik tigusaqarsimasut misilitsinnernut aamma aalajangersimasunik qulequtsiilluni suliaqarnernut §§ 3-6-imi taaneqartunut peqataaniarlutik nalunaarsinnaapput. Pineqartup misilitsinnernik ingerlassaqarnissamut kissaatigisaani Majoriami ingerlatsiviup pisortaanut nalunaarneq pissaaq. Pineqartoq aasaanerani misilitsinnermut kingusinnerpaamik 1. december nalunaassaaq, ukiuuneranilu misilitsinnermut kingusinnerpaamik 15. septembarimi nalunaassalluni.

§ 8. Misilitsinissat ilinniarfimmit nalunaarutigineqarneri aamma allattariarsorluni suliassanik piniarnerit immersugassiaq naalakkersuisoqarfimmit akuerineqarsimasoq atorlugu Naalakkersuisoqarfimmut 15. december nallertinnagu nassiunneqassapput, aamma ukiuunerani misilitsinnernut kingusinnerpaamik 15 septembarimi nassiunneqassallutik.

Kapitali 3Napparsimasimalluni misilitsinnerit

§ 9. Ilinniartoq misilitsinnissamut nalunaarsimasoq, kisiannili napparsimaneq imaluunniit pissutsit allat immikkut illuinnartut pissutigalugit misilitsinnermut peqataasinnaanngitsoq pillugu ingerlaannartumik Majoriamut nalunaaruteqassaaq. Misilitsinneq suli naammassinngitsoq nalunaarut tiguneqarsimanngippat ilinniartoq takkutinngitsoortutut isigineqassaaq. Imm. 2. Pisinnaannginnermut napparsimaneq pissutaappat ilinniartoq kingusinnerpaamik ullormi misilitsiffiusumi najukkamini peqqinnissaqarfimmut saaffiginnissimassaaq, napparsimanerlu uppernarsaaserneqassaaq Majoriami ingerlatsiviup pisortaanut piaarnerpaamik tunniunneqartussamik. Imm. 3. Pisinnaannginneq allanik immikkut illuinnartunik pissuteqarpat tamanna tamatuma kingorna Majoriami ingerlatsiviup pisortaanit akuerineqassaaq.

2

§ 10. Ilinniartoq napparsimasutut nalunaarsimasoq taamaakkaluartorli misilitsinnermut peqataasoq, misilitseqqissinnaanngilaq.

§ 11. Ilinniartoq oqalutttariarsornermik imaluunniit oqaluttariarsornermik-suliaqarnermik misilitsinnermut nalunaarsimasoq pilersaarusiugaasumi misilitsinnerup piffissarisaani uppernarsaasikkamik nappaateqarpat qaammatip tulliuttup iluani misilitsinnermut piffissaq censori ilinniartitsisorlu peqatigalugit isumaqatigiissutaasinnaavoq. Imm. 2. §§ 4 aamma 5 malillugit oqaluttariarsornermik imaluunniit oqaluttariarsornermik-suliaqarnermik napparsimasimalluni misilitsisoqarsinnaanera Majoriami ingerlatsiviup aalajangersinnaavaa. Ukiup ilinniarfiup nutaap aallartitsiarnerata kingornatigut misilitsinnerit kingusinnerpaamik ingerlanneqarsimassapput.

§ 12. Taamaallaat ilinniartut napparsimanermik imaluunniit immikkut illuinnartumik pissuteqarlutik misilitsinnermut peqataasinnaasimanngitsut imaluunniit naammassinnissinnaasimanngitsut, tamatumanngalu piffissaq eqqorlugu Majoriamut nalunaarsimasut, tak. § 9, napparsimasimalluni misilitsinnernut peqataasinnaapput imaluunniit misilitsinnissamut piffissaliussami tullermi misilitsittussatut nalunaarsinnaallutik.

§ 13. Ilinniartup napparsimaneq imaluunniit pissutsit immikkut illuinnartut allat pissutigalugit aalajangersimasumik qulequtsiilluni suliassaq naammassisinnaanngippagu, atuartoq 15. april nallertinnagu, aamma ukiuunerani misilitsinnermut 8. december nallertinnagu kisimiilluni naammassiniagassamik aalajangersimasumik qulequtsiilluni suliaminik tunniussinissaminut periarfissaqassaaq.

Kapitali 4Misilitsinnerit pillugit ataatsimut malittarisassat

Misilitsinnerit ingerlanneqarneri

§ 14. Majoriap pisortaa misilitsinnerit aamma aalajangersimasumik qulequtsiilluni suliat malittarisassat atuuttut malillugit ingerlanneqarnerinut akisussaavoq.

§ 15. Piffissamik sioqqutsilluarluni atuartut makkunannga ilisimatinneqassapput:1) Misilitsinnernut piffissaliussat.2) Aalajangersimasumik qulequtsiilluni suliap tunniunneqarnissaa aamma misilitsinnerit pillugit malittarisassat. Imm. 2. Ilinniartut, ilinniartitsisut misilitsinnermilu nakkutilliisut piffissamik sioqqutsilluarluni makkua pillugit malittarisassanik ilisimatinneqassapput:1) Napparsimalluni takkutinngitsoornerup imaluunniit immikkut illuinnartunik peqquteqarluni peqataannginnerup kingunissai, tak. kapitali 3.2) Misilitsinnermi piumasaqaatit immikkut ittut, tak. § 18.3) Misilitsinnerup pineqartup ingerlanneqarneranut malittarisassat nalinginnaasut immikkullu ittut atuuttut.

3

4) Naammagittaalliuuteqarnermut malittarisassat aamma naammagittaalliuuteqarnissamut piffissaliussat, tak. kapitali 12. Imm. 3. Misilitsinnerup ingerlanneranut malittarisassiat aamma najoqqutassat pillugit ilinniartut tamarmik allakkatigut ilisimatinneqarsimanissaat Majoriap isumagisassaraa. Najoqqutassat Iserasuaat-mi pissarsiarineqarsinnaassapput.

§ 16. Majoriap isumagissavaa ilinniartut siunertarineqanngitsumik imminnut attaveqaqatigiissinnaajunnaarlugit misilitsinnerit ingerlanneqarnissaat. Imm. 2. Majoriap isumagissavaa ilinniartut misilitsinnerup nalaani siunertamut naapertuuttumik suliffissaqarnissaat. Imm. 3. Allattariarsorluni misilitsinnissanut tunngatillugu oqaloqatigiinnissamut piffissaliussap nalaani kiisalu oqaluttariarsorluni aamma oqaluttariarsorluni-suliaqarluni misilitsinnissanut kap. 9-mi taaneqartunut piareersarnerup nalaani ilinniartut qarasaasianik internettimut attavilinnik atuisinnaassanngillat. Imm. 4. Aammattaaq Majoriap atortorissaarutinik elektroniskiusunik atuisinnaanermut periarfissat killilersinnaavai, tassunga ilaallutik atortut elektroniskiusut nammineerluni nassatarineqartut, tamanna pisinnaasat pissutigalugit pisariaqassappat.

§ 17. Misilitsinneq aallartinneqarsimassaaq, suliassanik agguaassineq aallartinneqarsimappat imaluunniit misilitsissutissamik imaluunniit suliassamik ilinniartoq ilisimatinneqareerpat.

§ 18. Majoriap pisortaa ilinniartunut timimikkut imaluunniit eqqarsartaatsikkut pisinnaasakinnerusunut imaluunniit aalajangersimasunik allatigut ajornartorsiuteqartunut misilitsinnermi immikkut atugaqartitsinissamik neqerooruteqassaaq, misilitsinnerup naammassinissaanut ilinniartut taakku ilinniartunut allanut naligiissinneqarnissaasa taamaaliornissaq pisariaqartilerpassuk. Imm. 2. Misilitsinnerup qaffasissusia allanngortinneqassanngilaq. Imm. 3. Misilitsinnermi atugassarisat allanngortinnissaat pillugit qinnuteqaat Ilinniagaqarnermut Naalakkersuisoqarfimmut nassiunneqassaaq.

Karakteeriliineq aamma misilitsinnernik naliliineq

§ 19. Misilitsinnermi karakteeriliisoqartassaaq ilinniartup atuartitsissutini ataasiakkaani ilikkagassatut anguniagassanik angusaqarsimassusia ilinniartullu misilitsinnermi naammassisai nalilersorsinnarlugit. Ilinniartut ilinniartoqataannut naleqqiunnerisigut karakteerilersuisoqassanngilaq. Imm. 2. Misilitsinerit tamarmik karakteerilerneqassapput. Karakteerit ilinniartunut ataasiakkaanut tunngasuupput. Oqaluttariarsorluni imaluunniit oqaluttariarsorluni-suliaqarluni misilitsinnerni ilinniartup misilitsinnermik naammassinerata kinguninngua karakteeriliisoqassaaq. Karakteerit uppernarsaammut allanneqassapput.

4

Imm. 3. Pisinnaasanik misilitsinnerit censorip nalilersussavai, karakterillu Majoriami aqutsisumut nassuillugit.

§ 20. Allattariarsornermi akissutinut censori aamma ilinniartitsisoq tamarmik immikkut karakteeriliinissamut siunnersuuteqassapput. Censorip siulliulluni siunnersuutini saqqummiutissavaa. Censorip aamma ilinniartitsisup karakteeriliinerini karakteerimik ataatsimik nikingappata censorip karakteeriliussaa atuutsinneqassaaq. Karakteerinik 2-nik nikingappata, karakteerit taakku 2 akornanniittoq karakteeriliunneqassaaq. Karakteerinik 3-nik suliluunniit annertunernik nikingappata, isumaqatigiinniarnikkut karakteeriliisoqassaaq, pisariaqassappat Majoriap pisortaa ikiorsiullugu. F-imik aatsaat karakteeriliisoqarsinnaavoq censori ilinniartitsisorlu isumaqatigiippata. Imm. 2. Karakteerit pillugit isumaqatigiinniarnerit imaluunniit censorip aamma ilinniartitsisup karakteeriliinerisa akornanni nikingassutit ilinniartumut allanulluunniit avataaniittunut nalunaarutigineqassanngillat.

§ 21. Karakteerip aalajangernissaanut atorneqartussanik censori allattuissaaq. Allattukkat naammagittaalliuuteqarnissamut piffissaliussap naanissaata tungaanut toqqorsimaneqassapput, tak. kapitali 12. Imm. 2. Misilitsinnerup ingerlanneqarnerani pingaaruteqartutigut pissusissamisuunngitsoqarpat censori Ilinniartitaanermut Naalakkersuisoqarfimmut, Majoriamut misilitsitsiffiusumut assilinertalerlugu nalunaaruteqassaaq. Misilitsinnerup ingerlanneqarnera pillugu nalunaarusianik naalakkersuisoqarfik censorimit piniarsinnaavoq.

Karakteerit allassimaffii

§ 22. Karakteerit karakteerit allassimaffiinut Ilinniartitaanermut Naalakkersuisoqarfiup akuerisaanut allattorneqassapput.Karakteerit allattorsimaffii ukiuni tallimani Majoriamit toqqorsimaneqassapput.

Kapitali 5Allattariarsorluni misilitsinnerit pillugit immikkut malittarisassat

Oqaatsinik toqqaaneq ilaalu ilanngullugit

§ 23. Misilitsinnermi suliassat Ilinniartitaanermut Naalakkersuisoqarfiup suliarissavai.

§ 24. Matematikkimi pisinnaasatigut aamma allattariarsorluni misilitsissutissaq kiisalu oqaatsinik atuartitsissutaanngitsuni misilitsissutissat kalaallisut danskisullu suliarineqassapput. Imm. 2. Ulloq misilitsiffissaq nallertinnagu suliassat sorliit oqaatsit sorliit atorlugit ilinniartup akissuteqarnerminut tunngaviginiarnerai atuartitsissummi ilinniartitsisup ilinniartullu isumaqatigiissutigissavaat.

5

Imm. 3. Misilitsinnerup aallartinnerani oqaatsit toqqarneqarsimasut atorlugit suliassat ilinniartumut tunniunneqassapput. Ilinniartup qinnutigippagu suliassat oqaatsit aappaat atorlugit allatat, ilinniartup akissuteqarnermini ikorfartuutissaatut, tunniunneqarsinnaapput. Suliassat taakku tunniunneqassanngillat, inimiillu misilitsiffiusumiit misilitsinneq naammassitinnagu anninneqaqqusaanatik.

§ 25. Ukiuunerani misilitsinnerni akissutit atuartitsissummik ilinniartitsisumit aamma Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfimmit censorissanngortitamit nalilersorneqassapput.

Allattariarsorluni misilitsinnerit ingerlanneqarneri

§ 26. Suliassat tiguneqarnerini Majoriap pisortaata taassumaluunniit sinniisaata suliassat allakkat puuini normulersorsimasuniittut pisariaqartinneqartunik amerlassuseqarnissaat qularnaassavaa. Aammattaaq Majoriap pisortaata taassumaluunniit sinniisaata misissussavaa piffissaq misilitsiffiusussaq, misilitsinneq, suliassap suunera, sapaatip-akunnerata ullua, ulluliussaq nalunaaqutarlu allassimasoq eqqortuunersut. Imm. 2. Majoriap pisortaata misilitsinnerni ataasiakkaani suliassat tiguneqarneri aamma suliassat allakkap puuiniittut qassiuneri Ilinniartitaanermut Naalakkersuisoqarfimmut allakkatigut uppernarsassavai. Imm. 3. Suliassat allakkap puuiniittut ataasiakkaat misilitsinnerup ingerlanneqarnissaanut piffissaliussaq nallertinnagu ammarneqaqqusaanngillat. Imm. 4. Ukiuunerani misilitsinnermi suliassat tamarmik qarasaasiakkut tiguneqassapput. Suliassat qalipaateqartillugit naqiternissaat aammalu naqitat pitsaassusaasa ajoquteqannginnissaat Majoriap pisortaata akisussaaffigai. Piffissat misilitsiffissat aalajangerneqartut tungaannut Majoriap pisortaata suliassat tigummissavai. Majoriap pisortaata taassumalu sinniisaata misilitsitsisoqarnissamut inimut misilitsiffiusumut suliassat oqqunnissaat isumagissavaat.

§ 27. Allattariarsorluni misilitsinnerni ilinniartut misilitsinnissamut nalunaarsimasut, nakkutilliisussat aamma Majoriap pisortaa imaluunniit taassuma sinniisaa kiisalu ilinniartitsisoq atuaasussaq imaluunniit ilitsersuisussaq inimut misilitsiffiusumut kisimik isersinnaatitaapput.

§ 28. Majoriap pisortaata nakkutilliisussat toqqassavai. Klassini pineqartuni atuartitsissummi allattariarsorluni misilitsiffiusumi ilinniartitsisoq atuartitsisuusimasoq ilinniartunik nakkutilliisussaanngilaq. Imm. 2. Allattariarsorluni misilitsinnerni inini misilitsiffiusuni tamani ilinniartunut siullernut 20-nut nakkutilliisut minnerpaamik marluussapput, ilinniartullu 20-nik ilaneri tamaasa nakkutilliisut ataatsimik ilaneqassallutik. Imm. 3. Nakkutilliisut inimi siammaassimassapput. Suliamut tunngatillugu arlaannaatigulluunniit ilinniartunut paasissutissanik nalunaaruteqassanngillat.

6

Imm. 4. Misilitsinnerup aallartinnissaa minutsinik 10-nik sioqqullugu ini ammarneqassaaq. Nakkutilliisut ilinniartut inissaannut innersuutissavaat. Inissat tamarmik ilinniartup aqqanik pilersorneqarsimassapput. Imm. 5. Atuartut inimi misilitsiffiusumi imminnut angusinnaanatik inissinneqassapput.

§ 29. Misilitsinnerup aallartinnginnerani pappilissat allatassap allaqqaarnerani allaqqissaarneranilu atugassat agguaanneqassapput. Pappilissat A4-tut angissuseqassapput. Ilinniartut namminneq allaatissaminnik nassassapput. Pappilissanut tunniunneqartunut ataasiakkaanut tamanut ilinniartup allassavai aqqi, illoqarfiup aqqa, misilitsinnerup suliallu suuneri aamma klassip imaluunniit holdip taaguutaa. Imm. 2. Misilitsinnerup aallartinnginnerani Majoriap pisortaata, taassuma sinniisaata imaluunniit misilitsinnermi atuaasussatut ilitsersuisussatulluunniit pisinnaatitaasup nipituumik ilinniartunut atuassavai misilitsinnerup suliallu suunera, sapaatip-akunnerani ulloq, ulloq nalunaaqutarlu pillugit suliassat puuanni allaqqasut. Piffissami aalajangiunneqarsimasumi suliassanut allakkap puua ammarneqassaaq. Nakkutilliisut isumagissavaat ilinniartut tamarmik suliassanik ilanngussaajunnartunillu pinissaat.

§ 30. Misilitsinneq ingerlanneqartillugu suliassat inip avataanut anninneqassanngillat. Taamaattorli pisariaqarpat Majoriami pisortap taassumaluunniit sinniisaata suliassat inimiit inimut allamut annissinnaavai. Imm. 2. Misilitsinneq suleqatigiilluni oqallinnermik tulliullugulu ataasiakkaarluni akissuteqarnissamik imaqarpat suleqatigiilluni oqallinnissamut piffissaliussaq naappat, nakkutilliisut ilinniartut ataasiakkaat allattugarisimasaat katersussavaat. Allattukkat ilinniartup aqqanik nalunaaqutserlugit ungaluliussamut ikineqassapput, inimullu ataasiakkaarluni misilitsiffiusussamut nakkutilliisumit nassarneqarlutik ilinniartup inissaanut ilineqassallutik.

§ 31. Misilitsinnerit akissutaat nunguterneqarsinnaanngitsunik allanneqassapput. Matematikkimik misilitsinnermi titartakkat, assiliartaliilluni titartaanerit aamma geometriimi sanaat aqerluusamik suliarineqarsinnaapput, taakku pappilissani immikkut ittuni - soorlu millimeterpapirini - suliarinerat apeqqutaatinnagu. Suliassani akissutinut immersuiffissaqarpat taakkunani akissutit aamma aqerluusamik suliarineqarsinnaapput. Imm. 2. Taamaattoq pisinnaasatigut misilitsinnerit aqerluusamik allanneqarsinnaapput.

Misilitsinnerit nalaanni ilinniartunut atugassarititat

§ 32. Ilinniartoq misilitsinnermut inortuisoq misilitsinnermi peqataasinnaanngilaq. Taamaattorli taanna suliassaq pillugu paasissutissanik pissarsisinnaasimanngilluinnartutut isigineqarsinnaappat, aamma inortuineq naammaginartumik peqquteqarpat sivikitsuinnaappallu Majoriami pisortaasup ilinniartup peqataanissaa akuerisinnaavaa. Naammassinissamut piffissaliussap aalajangerneqarsimasup avataatigut misilitsinnerit sivitsorneqarsinnaanngillat.

7

§ 33. Ilinniartoq akissuteqarnissamut eqqunngitsuliorluni ikiortissarsiorpat ilinniartumilluunniit allamik ikiuiniarsarippat, Majoriap pisortaata ilinniartoq misilitsinnermiit anisissavaa. Suliaq ingerlaannartumik Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfimmut nalunaarutigineqassaaq, tassanilu aalajangerneqassaaq ilinniartoq peqataasoq imaluunniit ilinniartut peqataasut piffissami misilitsiffiusumi tullermi misilitsinnissamut peqataasinnaassanersoq/-sut. Imm. 2. Misilitsinnerup nalaani imaluunniit naliliinermi ilinniartoq eqqunngitsumik ikiortissimasoq imaluunnit ikiuisimasoq imaluunniit taamaasiornissamut misiliisimasoq ilimagineqalissappat suliaq ingerlaannartumik allakkatigut Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfimmut nalunaarutigineqassaaq, tassanilu ilinniartup peqataasimasup imaluunniit ilinniartut peqataasimasut misilitsissimanera/-rat akuerineqassanersoq aalajangiiffigineqassaaq.

§ 34. Misilitsinnerup nalaani ilinniartup taamaallaat immikkut pisariaqarluinnartumik peqqutissaqaruni nakkutilliisullu arlaannit ilaqarluni, ini misilitsiffiusoq qimassinnaavaa. Napparsimasoqarnera eqqaassanngikkaanni ilinniartut taamaallaat ataasiakkaarlutik ini qimassinnaavaat. Imm. 2. Misilitsinnerni nalunaaquttap akunnerinik 3-nik sivisunerusumilluunniit sivisussusilinni, misilitsinnerup naanissaa akunnermik ataatsimik, minutsinik 30-nik aamma minutsinik 10-nik sioqqullugu misilitsinnermi piffissaq qanoq annertutigisoq sinnerunnersoq nakkutilliisut ilaata nalunaarutigissavaa.

§ 35. Misilitsinnermut piffissaq naatinnagu ilinniartoq inimik misilitsiffiusumik qimatsisinnaanngilaq. Imm. 2. Atortut attuumassuteqartut tamarmik allaqqaakkanut akissutinullu immikkoortinneqarlutik tunniunneqarnersut nakkutilliisup ilinniartoq peqatigalugu misissussavai. Allaqqaakkani akissutinilu quppernerit tamarmik atermik ullormillu inunngorfimmit allanneqassapput. Tamatuma kingorna nakkutilliisup akissutip saqqaanut, ilanngussaajunnartunut allaqqaakkanullu atini allassavaa. Imm. 3. Misilitsiffissatut piffissaliussap naanerani suliassiissutit ilinniartumit tigummiinnarneqarsinnaapput.

Allattariarsorluni misilitsinernik naliliineq

§ 36. Misilitsiffissatut piffissaliussaq naaniariarpat akissutit allaqqaakkallu tamarmik – immikkoortiterlugit – nakkutilliisunit Majoriap pisortaanut taassumaluunniit sinniisaanut tunniunneqassapput. Imm. 2. Aasaanerani misilitsinnermit akissutit klassikkaarlugit holdikkaarlugilluunniit allakkat puuannut ninngusuumut ikineqassapput, karakteerit allattorsimaffiannik ilinniartut aqqinik imaqartumik ilaqartillugit. Majoriap aqqa, misilitsinnerup suliallu suunera, klassip holdilluunniit taaguutaa, kiisalu akissutit amerlassusii allakkap puuata qaavanut allanneqassapput. Tamatuma kingorna allakkap puua/allakkat puui isumannaatsumik

8

poortorneqassapput, ingerlaannartumillu tammatsaalisanngorlugit censorimut nassiunneqarlutik. Imm. 3. Ukiuunerani misilitsinnermit akissutit scannersinnarlugit karakteerit allattorsimaffiannik ilinniartut cpr.nr.-annik aqqinillu allattuiffigalugit censorimut nassiunneqassapput.

§ 37. Aasaanerani misilitsinnernut censoriusussanik Ilinniartitaanermut Naalakkersuisoqarfik suliakkiissaaq. Ukiuunerani misilitsinnernut censoriusussanik Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfik suliakkiissaaq. Imm. 2. Misilitsinnerup aalajangersakkat atuuttut malillugit ingerlanneqarnissaa aammalu ilinniartut assigiiaamik naleqquttumillu pineqarnissaat tatiginartumillu naliliivigineqarnissaat censorip peqataaffigalugulu nakkutigissavaa.

§ 38. Taamaallaat akissut tunniunneqartoq naliliinermi tunngavigineqassaaq. Allaqqaagaq censorimut taamaallaat nassiunneqassaaq ilinniartut ataasiakkaat pillugit taamaasiornissamut Majoriaq Ilinniartitaanermut Naalakkersuisoqarfimmit akuerineqarsimatillugu. Imm. 2. Censorip aasaanerani misilitsinnermit naliliineq naammassiguniuk akissutit Majoriamut tammatsaalisanngorlugit utertillugit nassiutissavai. Karakteerit allattorsimaffii allakkat puuani matoqqasumi immikkut nassiunneqassapput. Allakkap puuanut ataatsimut karakteerit allattorsimaffiat ataasiinnaq ikineqassaaq, allakkallu puuat misilitsinnerup aamma suliap suuneranik kiisalu klassip holdilluunniit taaguutaanik nalunaaqutserneqarsimassaaq. Ukiuunerani misilitsinneq censorip nalilereerpagu karakteerit allattorsimaffiat scannerneqassaaq, Majoriamilu pisortamut nassiunneqassalluni. Imm. 3. Atuartitsissummik ilinniartitsisup akissutinik nalileereernermigut karakteerinik allattuiffigisani Majoriap pisortaanut tunniutissavaa. Tamatuma kingorna taassuma censorip karakteerinik allattuiffianik imaqartoq allakkap puua ammassavaa, censorillu allattuiffia ilinniartitsisumut tunniullugu ilinniartitsisullu allattuiffia censorimut nassiullugu. Imm. 4. Censorip ilinniartitsisullu allattuiffiit atsiussavaat piaarnerpaamillu Majoriami pisortamut utertillugit. Karakteereqarpat illuatungiusumit isumaqatigiinniarfigineqarusuttunik, tamanna allattuiffimmi naatsumik tunngavilersorlugu allanneqassaaq. Isumaqatigiinniarnerit – oqaloqatigiinnikkut allakkatigulluunniit – pissapput naliliisimasut arlaata tamanna kissaatigippagu. Majoriap pisortaata isumaqatigiinniarnerit ingerlatissavai. Isumaqatigiinniarnermi angusaq ilinniartitsisumit censorimillu atsiorneqassaaq. Imm. 5. Suliakkiussanut akissutit akissutinik naliliinerup naammassineqarnerata kingorna Majoriami sivikinnerpaamik ukiumi ataatsimi toqqorsimaneqassapput, ilinniartulli piumasaqarneratigut, naliliineq naammassineqareerpat tunniunneqassallutik.

Kapitali 6Oqaluttariarsorluni aamma oqaluttariarsorluni-suliaqarluni misilitsinnerit pillugit immikkut

malittarisassatNassuiaatit

9

§ 39. Oqaluttariarsorluni-suliaqarluni misilitsinneq fysik/kemiimi misilitsinnermik ingerlatsinertut paasineqassaaq.

Tamanut ammasuuneri

§ 40. Oqaluttariarsorluni aamma oqaluttariarsorluni-suliaqarluni misilitsinnerit tamanut ammasuupput. Imm. 2. Misilitsinnerit nalaanni nipinik assinilluunniit immiussineq taamaallaat akuerineqarsinnaavoq tamanna misilitsinnermut ilaappat.Imm. 3. Majoriap pisortaata misilitsinneq tamanut ammasuussanngitsoq aalajangiussinnaavaa, tamanna ilinniartup isumassornissaanik peqquteqarpat imaluunniit pissutsit immikkut ittut patsisaappata.

Pisassiissutit

§ 41. Pisassiissutini atuartitsissummi ukiup ingerlanerani ataatsimoortumik suliaasimasut tamatigoortumik ersersinneqassapput. Pisassiissutit toqqartorneqassapput ilinniartut isumasioqatigalugit. Pisassiissutit assingi ilinniartunut tunniunneqassapput. Imm. 2. Pisassiissutit quppernertut nalinginnaasutut nalunaarsorneqarpata, atuakkiani (prosa) quppernermi nalinginnaasumi naqinnerit 1300-ussapput taallianilu versit titarneri 30-ullutik. Nalunaaruteqariaatsit allat, taakkununnga ilaallutik assit, nipit aamma videot, quppernertut nalinginnaasutut naatsorsorneqartanngillat. Imm. 3. Pisassiissutit aasaanerani misilitsinnernut tunngasut censorimit kingusinnerpaamik 1. maj tigoreerneqarsimassapput. Pisassiissutit ukiuunerani misilitsinnernut tunngasut censorimit kingusinnerpaamik 1. december tigoreerneqarsimassapput. Imm. 4. Oqaluttariarsorluni aamma oqaluttariarsorluni-suliaqarluni misilitsinnernut pisassiissutit tamaasa pillugit paasissutissat Majoriap pisortaata Ilinniartitaanermut Naalakkersuisoqarfimmut nassiutissavai. Immersugassiat naalakkersuisoqarfimmit akuerineqarsimasut atorneqassapput.

Misilitsinnernik piareersaaneq ingerlatsinerlu

§ 42. Misilitsinnerni suliassiissutissat atuartitsissummi ilinniartitsisumit suliarineqassapput, atuartitsissummi ilikkagassatut anguniakkani immikkoortut arlallit ilaatillugit, piffissallu piareersarfissap sivisussusissaa eqqarsaatigalugu. Imm. 2. Oqaluttariarsorluni misilitsinnissamut suliassiissutit pisassiissutigineqartunit tamatigoortumik imaqartinneqassapput ilinniartut qassiunerat apeqqutaatinnagu. Misilitsinnissamut suliassiissutinut atatillugu atortussat inimi misilitsiffimmiiginnassapput, klassip holdilluunniit tamarmi misilitsereernissaata tungaanut. Imm. 3. Majoriap atuartitsissummi suliassiissutit - ilanngussat ilanngullugit – censori misilitsinnerup imaa pillugu tamakkiisumik ilisimatinneqaqqullugu aasaanerani

10

misilitsinnernut kingusinnerpaamik 1. maajimi, aamma ukiunerani misilitsinnernut 1. decembarimi censorimit tiguneqartussanngorlugit nassiutissavai. Imm. 4. Ulloq misilitsiffissaq sioqqullugu censori suliassiissutit misilitsinnerullu ingerlanneqarnissaa pillugit ilinniartitsisumut attaveqassaaq, misilitsinnissaq sioqqullugu apeqqutit nalornissutaajunnartut erseqqissarneqarsinnaaqqullugit. Pisariaqassappat Majoriap pisortaa akuliutsinneqassaaq.

§ 43. Oqaluttariarsorluni aamma oqaluttariarsorluni-suliaqarluni misilitsinnerni suliassiissutit allagartanik akimut atuarneqarsinnaanngitsunik makitsinikkut agguaanneqassapput. Ilinniartut suliassiissutit minnerpaamik sisamat akornanni qinigassaqarsinnaassapput. Suliassiissutit ataasiakkaat misilitsinnerup ataatsip ingerlanera taamaallaat marloriarlutik atorneqarsinnaapput. Makitsinermi ilinniartitsisoq aamma censori tamarmik najuutissapput.Imm. 2. Suliassiissut allaganngorlugu ilinniartumut tunniunneqassaaq.

§ 44. Misilitsinneq ilinniartitsisumit aqunneqassaaq. Ilinniartitsisup censori isumaqatigiissuteqarfigissavaa, taanna misilitsinnerup ingerlanneqarnerani qanoq annertutigisumik peqataassinnaanersoq. Ilinniartitsisup censorillu akornanni isumaqatigiinngitsoqalissappat tamanna misilitsitsinerit marluk akornanni aaqqinneqassaaq, pisariaqarpat Majoriap pisortaata peqataaneratigut. Imm. 2. Tamatuma kingorna censorip misilitsitsinerup ingerlanneqarnera naammaginarsorinngippagu, misilitsinneq naammassineqaannartorlu censori suliaq pillugu Ilinniartitaanermut Naalakkersuisoqarfimmut nalunaaruteqassaaq. Nalunaaruteqarnerup assilinera Majoriap pisortaanut ilinniartitsisumullu nassiunneqassaaq.

§ 45. Piffissami piareersarfiusumi ilinniartut ataatsimik amerlanerit inimi ataatsimi piareersarpata nakkutilliisoqassaaq. Tamanna atuutissanngilaq suleqatigiikkuutaarluni misilitsitsisoqassappat, tassani misilitsinnermi apeqqut ataasiinnaalluni.

Oqaluttariarsorluni aamma oqaluttariarsorluni-suliaqarluni misilitsinnernik naliliineq

§ 46. Majoriami misilitsitsisumi censori atorfeqassanngilaq. Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfik misilitsinnernut censorissanngortitsisinnaavoq, Majoriami misilitsitsiviusumi pisortaq illoqarfimmi atuartitsissummut tunngatillugu naammattunik piginnaasalimmik censorissamik nassaarsinnassaanngippat.

§ 47. Misilitsinnerup imarisaata tassunga ilanngullugit pisassiissutit suliassiissutillu, ilikkagassatut anguniakkanut aamma nalunaarummi matumani piumasaqaatinut naapertuuttuunera censorip nakkutigisussaavaa.

11

Imm. 2. Censorip peqataaffigalugulu nakkutigissavaa misilitsinnerup aalajangersakkat atuuttut malillugit ingerlanneqarnera aamma ilinniartut assigiissaartumik naammaginartumillu pineqarnerat kiisalu tatiginartumik nalilerneqarnerat.

Kapitali 7Aalajangersimasumik qulequtsiilluni suliassaq

§ 48. Ilinniartut amerlanerpaamik sisamaallutik suleqatigiikkuutaarlutik aalajangersimasumik qulequtsiilluni suliassaq suliarissavaat. Imm. 2. Aalajangersimasumik qulequtsiilluni suliassami atuartitsissutinit aamma atuartitsissutini qanitariissunit tamanit qulequttat ilanngunneqarsinnaapput. Suliamut siunnerfeqartumik ilinniartup qanoq annertutigisumik suliaqarsinnaanera, ilinniartorlu apeqqutinik atuartitsissutinik akimuisunik suliaqarnissaminut periarfissinneqassalluni aalajangersimasumik qulequtsiilluni suliaqarnermi takutinneqassaaq. Imm. 3. Aalajangersimasumik qulequtsiilluni suliaqarneq ulluinnarni atuartitsinerup ilagivaa. Taamaattoq saqqummiineq tassaavoq oqaluttariarsorluni-suliaqarluni misilitsinneq.

§ 49. Ilinniartut ilinniartitsisut suleqatigalugit qulequtaq pingaarneq toqqassavaat, atituumik oqaasertaligaanermigut atuartitsissutit arlaqartut ilaatillugit isiginiarneqarsinnaasoq. Imm. 2. Qulequtaq pingaarneq allanut sanilliussorneqarsinnaassaaq, qulequttanullu minnernut, atuartitsissutinit aamma atuartitsissutinit qanitariissunit arlalinniit sammisassanik, periutsinik, suleriaatsinik nalunaaruteqariaatsinillu pingaaruteqartutigut ilaatitsisunut, ilinniartunullu ataasiakkaanut unamminartumik, immikkoortiterinissamut periarfissiissalluni. Imm. 3. Aalajangersimasumik qulequtsiilluni suliassap aallartinnissaa sioqqullugu naliliinermi suna pingaartinneqassanersoq ilinniartunut ilisimatitsissutigineqassaaq.

§ 50. Ilinniartitsisut pisariaqarpallu aggersitatut ilinniartitsisut aalajangersimasumik qulequtsiilluni suliaqarnerup ingerlannera tamaat ilinniartunik ilitsersuissapput. Imm. 2. Ilitsersuineq ilinniartup imaluunniit suleqatigiit nammineq pisariaqartitaminnik piginnaariikkaminnillu aallaaveqarsinnaanerinut periarfissiissaaq, tak. atuarfik pillugu peqqussummi § 17, makku eqqarsaatigalugit:1) Apeqqutip samminiakkap aalajangiunniarnera oqaasertalersorneralu.2) Aalajangersimasumik qulequtsiilluni suliassap apeqqusigaanut naleqqiullugu suliassamik killilersuineq.3) Sulinermi misissuinermilu periutsinik toqqaaneq atuinerlu.4) Imarisaanik periutsinillu toqqaaneq atuinerlu.5) Najoqqutassanik atortussanillu toqqaaneq atuinerlu.6) Nalunaaruteqariaasissanik toqqaaneq atuinerlu.7) Suliamik saqqummiineq.8) Saqqummiinissap piareersarnera ingerlanneqarneralu.

12

§ 51. Aalajangersimasumik qulequtsiilluni suliaq suleqatigiit kissaataat naapertorlugu kalaallisut, danskisut imaluunniit tuluttut allanneqassaaq. Imm. 2. Aalajangersimasumik qulequtsiilluni suliaq aalajangersimasumik qulequtsiilluni suliami oqaatsinit atorneqartunit allaanerusut atorlugit naatsumik eqikkaanertaqassaaq. Imm. 3. Suleqatigiit saqqummiussinissamut piareersassapput, tassanilu suliaq saqqummiussinerullu ilusissaa toqqammaviliunneqartut iluanni toqqarneqassallutik.

§ 52. Aalajangersimasumik qulequtsiilluni suliaq aasaanerani misilitsinnermut februari naatinnagu, aamma ukiuunerani novembari naatinnagu saqqummiunneqarsimassaaq. Imm. 2. Aalajangersimasumik qulequtsiilluni suliap suliarinera ima ingerlanneqassaaq:1) Aalajangersimasumik qulequtsiilluni suliassap qulequtassaata oqaasertalernissaanut suliallu pilersaarusiornissaanut ilinniartut ullunik atuarfiusunik marlunnik tulleriinnik piffissalerneqassapput.2) Tamatuma kingorna ilinniartut atortussanik katersinissamut minnerpaamik sapaatip akunnerinik marlunnik piffissaqarput. Piffissami tassani nalinginnaasumik atuartitsisoqassaaq.3) Tamatuma kinguninngua sammisap suliarinissaanut, suliap naammassineqarnissaanut suliallu tamarmiusup saqqummiunneqarnissaata piareersarnissaanut ullut atuarfiusut tallimat tulleriiginnaat ilinniartut periarfissarissavaat. Imm. 3. Naammassinerup nanginneratut suleqatigiit tamarmik suliaq tamarmiusoq saqqummiutissavaat.

§ 53. Aalajangersimasumik qulequtsiilluni suliaq saqqummiussinerup kingorna kingusinnerpaamik sapaatip akunnerisa pingasut qaangiunneranni nalilerneqareersimassaaq. Imm. 2. Aalajangersimasumik qulequtsiilluni suliaq allakkatigut oqaaseqaammik karakteerimillu nalilerneqassaaq. Imm. 3. Allakkatigut oqaaseqaat karakteerillu suliap imaa, suliap ingerlanneqarsimanera saqqummiussinerullu nalilerneri tunngavigalugit aalajangiunneqassapput. Imm. 4. Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfik aalajangersimasumik qulequtsiilluni suliat saqqummiunneqarnerinik malinnaasussanik censoriliisinnaavoq.

Kapitali 8Pisinnaasatigut misilitsinnerit

Oqaatsinik atuartitsissutit

§ 54. Kalaallit oqaasiinik, danskit oqaasiinik aamma tuluit oqaasinik pisinnaasatigut misilitsinnerit allattariarsornerupput. Imm. 2. Pisinnaasatigut misilitsinnernut ilaasinnaapput oqaatsinik eqqortumik atuisinnaassuseq aamma oqaatsitigut paasinnissinnaaneq. Imm. 3. Akissuteqarnissamut nalunaaquttap akunnera ataaseq periarfissaassaaq. Akissutissap allaqqaarnissaanut pappilissanik tunniussisoqassaaq. Akissut atuartumut allaffissiami allanneqassaaq.

13

Imm. 4. Atuartut akissuteqarnerminni oqaasersiuutinik atuisinnaapput, tassunga ilaallutik oqaasersiuutit oqaatsit isumaannik nassuiaasut. Imm. 5. Misilitsinnermi kina atuaasuussanersoq imaluunniit ilitsersuisuussanersoq Majoriap pisortaata aalajangissavaa. Nalinginnaasumik taanna atuartitsissummi ilinniartitsisuusariaqarpoq. Misilitsinnerup aallartinnissaa siusinnerpaamik minutsinik 30-nik sioqqullugu ilinniartitsisumut naatsorsuussanik imalik Majoriap pisortaata misilitsitsinermi atuaasussamut imaluunniit ilitsersuisussamut tunniutissavaa, taamaalilluni ilitsersuutip atuaqqaarneqarnissaa piffissaqarfigineqassammat. Imm. 6. Misilitsitsinermi atuaasussaq imaluunniit ilitsersuisussaq nakkutilliisuussanngilaq atuaanerlu imaluunniit ilitsersuineq naammassippat ini misilitsiffiusoq qimassallugu. Misilitsinnerit pappialami ilinniartitsisumut naatsorsuussami ilitsersuutaasut naapertorlugit ingerlanneqarnerat nakkutilliisut nakkutigissavaat.

Matematikki

§ 55. Matematikkimi pisinnaasatigut misilitsinneq allattariarsornerussaaq. Imm. 2. Pisinnaasatigut misilitsinnernut ilaapput kisitsisinik aamma algebramik, geometriimik aamma matematikkimik atuinermik suliassat. Ilinniartoq pisinnaasamigut aamma atuartitsissummi atortunik atuisinnaanermigut misilinneqassaaq. Imm. 3. Akissuteqarnissamut nalunaaquttap akunnera ataaseq periarfissaassaaq. Akissutissap allaqqaarnissaanut pappilissanik tunniussisoqassaaq. Akissut atuartumut allaffissiami allanneqassaaq. Imm. 4. Atortorissaarutit pisariaqartinneqartut atorneqarsinnaapput. Taamaattorli formelit tabelillu, lommeregnerit imaluunniit teknikkikkut paasissutissiinermut atortut allat atorneqaqqusaanngillat.

Kapitali 9Misilitsinnerit allat

Kalaallit oqaasii

§ 56. Misilitsinnerit allattariarsornerupput oqaluttariarsornerullutillu. Ilinniartut ataasiakkaarlugit nalilerneqassapput.

§ 57. Allattariarsorluni misilitsinnerup atuartitsissummi immikkoortut tamaasa kalluassavai taakkualu tamatigoortumik imarissallugit. Imm. 2. Akissuteqarnermi atortut naleqquttut tamarmik atorneqaqqusaapput. Imm. 3. Suliassap akissuteqarfiginissaanut nalunaaquttap akunneri sisamat atorneqassapput. Taakkunannga annerpaamik nalunaaquttap akunnera ataaseq oqaloqatigiinnermut atorneqassaaq minnerpaamillu nalunaaquttap akunneri pingasut ataasiakkaarluni allalluni akissuteqarnissamut atorneqassallutik. Tamatuma saniatigut minutsit 15-it naatsorsuutaapput, inimit suleqatigiiffiusumiit inimut misilitsiffiusussamut nuunnermut atugassatut. Imm. 4. Misilitsinnerit imatut ingerlanneqassapput:

14

1) Suliakkiussat atuartunut tunniunneqarnerisa kinguninnguatigut suliassat atuffassissutigineqassapput.2) Tamatuma kingorna ilinniartut suleqatigiinnut misilitsinnissaq sioqqullugu katiterneqarsimasunut avissapput. Suleqatigiinni suliakkiussat naallugit atuarneqassapput, suleqatigiillu suliakkiussani ataasiakkaani imarisaasut, periarfissat piumasaqaatillu oqallisigissavaat. Allattoqarsinnaavoq, taakkulu tamatuma kingorna akissutip allanneqarnerani atorneqarsinnaallutik. Piffissaq piareersarfiusoq naappat nakkutilliisut ilinniartut allataat katersussavaat, tak. § 36, imm. 2.3) Ilinniartut inimut ataasiakkaarlutik misilitsiffissaminnukkassapput.4) Misilitsinnerup allattariarsornertaata aallartinnerani ilinniartut allataat tunniunneqassapput. Misilitsinnerup allattariarsornertaa kapitali 5-imi malittarisassat malillugit ingerlanneqassaaq.Imm. 5. Ilikkagassatut anguniakkanut naleqqiullugu ilinniartup nalorninani nikerarluartumillu akissuteqarsinnaassusia misilinneqassaaq.

§ 58. Oqaluttariarsorluni misilitsinnermut pisassiissutigineqassapput allaaserisanik naannerusunik toqqakkat, tamatigoortumik katitikkat quppernerit nalinginnaasut 80-100-t. Allaaserisat tassaanerussapput prosa, taalliat nutaanerusut aamma allaaserisat sulianut aalajangersimasunut tunngasut nalunaaruteqariaatsillu allat, taakkununnga ilaasinaalluni drama. Taakkua saniatigut pisassiissutigineqassapput suliat annertunerusut pingasut, taakkunanngalu minnerpaamik ataaseq tassaassalluni kalaallit atuakkiaat. Imm. 2. Suliassiissutini aallaavigineqassapput ilikkagassatut anguniakkat taakkunaniillu tamatigoortumik imaqassallutik. Misilitsinnermi suliassiissutit ataasiakkaat tassaapput allaaserisaq imaluunniit nalunaaruteqariaatsimit allamit assersuut. Taanna pisassiissutinut attuumassuteqassaaq atuartitsinermilu atorneqarsimassanani. Misilitsinnermi suliassiissutini oqariaatsit kalaallit oqaasii atorlugit allataassapput. Imm. 3. Misilitsinnermut ilaapput piareersarneq aamma saqqummiussineq. Tamanna ilinniartumit ataatsimit imaluunniit suleqatigiinnit amerlanerpaamik atuartunik pingasunik inuttaqartunik ingerlanneqassaaq. Kisimiilluni misilitsinnermi piareersarnermut minutsit 20-40-t saqqummiussinermullu minutsit 20-40-t atorneqassapput. Suleqatigiillu misilitsinnermi piareersarnermut minutsit 40-60-it saqqummiussinermullu minutsit 20-40-t atorneqassapput. Piffissaliussaq ilinniartitsisumit aamma ilinniartunit aalajangerneqassaaq. Imm. 4. Ilinniartoq piareersarnermi nalaani allataqarsinnaavoq namminerlu allatani oqaasersiuutillu atorsinnaallugit. Allatat saqqummiussinermi nassarneqarsinnaapput. Imm. 5. Misilitsinneq kalaallisut ingerlanneqassaaq. Misilitsinnerup ingerlanerani ilinniartup imaluunniit suleqatigiit suliassiissutigineqartoq nassuiaateqarfigissavaat, tamannalu pillugu oqaloqatigiittoqarluni. Oqaluttariarsorluni saqqummiussinermi pisinnaasat aamma allaaserisanik nalunaaruteqariaatsinillu allanik suliaqarsinnaaneq, allaaserisanik misissueqqissaarsinnaassuseq, allanut sanilliussuisinnaassuseq suliassiissummillu naliliisinnaassuseq misilinneqassapput.

Danskit oqaasii

15

§ 59. Misilitsinnerit allattariarsornerupput oqaluttariarsornerullutillu. Ilinniartut ataasiakkaarlugit nalilerneqassapput.

§ 60. Allattariarsorluni misilitsinnerup atuartitsissummi immikkoortut tamaasa kalluassavai taakkualu tamatigoortumik imarissallugit. Imm. 2. Akissuteqarnermi atortut naleqquttut tamarmik atorneqaqqusaapput. Imm. 3. Suliassap akissuteqarfiginissaanut nalunaaquttap akunneri sisamat atorneqassapput. Taakkunannga annerpaamik nalunaaquttap akunnera ataaseq oqaloqatigiinnermut atorneqassaaq minnerpaamillu nalunaaquttap akunneri pingasut ataasiakkaarluni allalluni akissuteqarnissamut atorneqassallutik. Tamatuma saniatigut minutsit 15-it naatsorsuutaapput, inimit suleqatigiiffiusumiit inimut misilitsiffiusussamut nuunnermut atugassatut. Imm. 4. Misilitsinnerit imatut ingerlanneqassapput:1) Suliakkiussat ilinniartunut tunniunneqarnerisa kinguninnguatigut suliassat atuffassissutigineqassapput.2) Tamatuma kingorna ilinniartut suleqatigiinnut, misilitsinnissaq sioqqullugu katiterneqarsimasunut avissapput. Suleqatigiinni suliakkiussat naallugit atuarneqassapput, suleqatigiillu suliakkiussani ataasiakkaani imarisaasut, periarfissat piumasaqaatillu oqallisigissavaat. Allattoqarsinnaavoq, taakkulu tamatuma kingorna akissutip allanneqarnerani atorneqarsinnaallutik. Piffissaq piareersarfiusoq naappat nakkutilliisut ilinniartut allataat katersussavaat, tak. § 36, imm. 2.3) Ilinniartut inimut ataasiakkaarlutik misilitsiffissaminnukkassapput.4) Misilitsinnerup allattariarsornertaata aallartinnerani ilinniartut allataat tunniunneqassapput. Misilitsinnerup allattariarsornertaa kapitali 5-imi malittarisassat malillugit ingerlanneqassaaq. Imm. 5. Ilikkagassatut anguniakkanut naleqqiullugu ilinniartup nalorninani nikerarluartumillu akissuteqarsinnaassusia misilinneqassaaq.

§ 61. Oqaluttariarsorluni misilitsinnermut pisassiissutigineqassapput allaaserisanik naannerusunik toqqakkat, tamatigoortumik katitikkat quppernerit nalinginnaasut 60-80-it. Allaaserisat tassaanerussapput prosa taalliat nutaanerusut aamma allaaserisat sulianut aalajangersimasunut tunngasut nalunaaruteqariaatsillu allat, taakkununnga ilaasinnaalluni drama. Taakkua saniatigut pisassiissutigineqassapput suliat annertunerusut marluk, taakkunanngalu minnerpaamik ataaseq tassaassalluni danskit atuakkiaat. Imm. 2. Suliassiissutini aallaavigineqassapput ilikkagassatut anguniakkat taakkunaniillu tamatigoortumik imaqassallutik. Misilitsinnermi suliassiissutit ataasiakkaat tassaapput allaaserisaq imaluunniit nalunaaruteqariaatsimit allamit assersuut. Taanna pisassiissutinut attuumassuteqassaaq atuartitsinermilu atorneqarsimassanani. Misilitsinnermi suliassiissutini oqariaatsit danskit oqaasii atorlugit allataassapput. Imm. 3. Misilitsinnermut ilaapput piareersarneq aamma saqqummiussineq. Tamanna ilinniartumit ataatsimit imaluunniit suleqatigiinnit amerlanerpaamik ilinniartunik pingasunik inuttaqartunik ingerlanneqassaaq. Kisimiilluni misilitsinnermi piareersarnermut minutsit 20-40-t saqqummiussinermullu minutsit 20-40-t atorneqassapput. Suleqatigiillu misilitsinnermi

16

piareersarnermut minutsit 40-60-it saqqummiussinermullu minutsit 20-40-t atorneqassapput. Piffissaliussaq ilinniartitsisumit aamma ilinniartunit aalajangerneqassaaq. Imm. 4. Ilinniartoq piareersarnermi nalaani allataqarsinnaavoq namminerlu allatani oqaasersiutillu atorsinnaallugit. Allatat saqqummiussinermi nassarneqarsinnaapput. Imm. 5. Misilitsinneq danskisut ingerlanneqassaaq. Misilitsinnerup ingerlanerani ilinniartup imaluunniit suleqatigiit suliassiissutigineqartoq nassuiaateqarfigissavaat, tamannalu pillugu oqaloqatigiittoqarluni. Oqaluttariarsorluni saqqummiussinermi pisinnaasat aamma allaaserisanik nalunaaruteqariaatsinillu allanik suliaqarsinnaaneq, allaaserisanik misissueqqissaarsinnaassuseq, allanut sanilliussuisinnaassuseq suliassiissummillu naliliisinnaassuseq misilinneqassapput.

Tuluit oqaasii

§ 62. Misilitsinnerit allattariarsornerupput oqaluttariarsornerullutillu. Ilinniartut ataasiakkaarlugit nalilerneqassapput.

§ 63. Allattariarsorluni misilitsinnerup atuartitsissummi immikkoortut tamaasa kalluassavai taakkualu tamatigoortumik imarissallugit. Imm. 2. Akissuteqarnermi atortut naleqquttut tamarmik atorneqaqqusaapput. Imm. 3. Suliassap akissuteqarfiginissaanut nalunaaquttap akunneri pingasut atorneqassapput. Taakkunannga annerpaamik nalunaaquttap akunnerata affaa oqaloqatigiinnermut atorneqassaaq minnerpaamillu nalunaaquttap akunneri marluk affarlu ataasiakkaarluni allakkatigut akissuteqarnissamut atorneqassallutik. Tamatuma saniatigut minutsit 15-it naatsorsuutaapput, inimit suleqatigiiffiusumiit inimut misilitsiffiusussamut nuunnermut atugassatut. Imm. 4. Misilitsinnerit imatut ingerlanneqassapput:1) Suliakkiussat ilinniartunut tunniunneqarnerisa kinguninnguatigut suliassat atuffassissutigineqassapput.2) Tamatuma kingorna ilinniartut suleqatigiinnut, misilitsinnissaq sioqqullugu katiterneqarsimasunut avissapput. Suleqatigiinni suliakkiussat naallugit atuarneqassapput, suleqatigiillu suliakkiussani ataasiakkaani imarisaasut, periarfissat piumasaqaatillu oqallisigissavaat. Allattoqarsinnaavoq, taakkulu tamatuma kingorna akissutip allanneqarnerani atorneqarsinnaallutik. Piffissaq piareersarfiusoq naappat nakkutilliisut ilinniartut allataat katersussavaat, tak. § 36, imm. 2.3) Ilinniartut inimut ataasiakkaarlutik misilitsiffissaminnukkassapput.4) Misilitsinnerup allattariarsornertaata aallartinnerani ilinniartut allataat tunniunneqassapput. Misilitsinnerup allattariarsornertaa kapitali 5-imi malittarisassat malillugit ingerlanneqassaaq.Imm. 5. Ilikkagassatut anguniakkanut naleqqiullugu ilinniartup nalorninani nikerarluartumillu akissuteqarsinnaassusia misilinneqassaaq.

§ 64. Oqaluttariarsorluni misilitsinnermut pisassiissutigineqassapput allaaserisanik naapertuuttumik sapernassusilinnik tamatigoortumik katitikkat quppernerit nalinginnaasut 50-

17

60-it. Allaaserisanut pisassiissutaasunut ilaassapput atuakkiat aamma allaaserisat sulianut aalajangersimasunut tunngasut. Aammattaaq nalunaaruteqariaatsit allat pisassiissutigineqassapput. Pisassiissutigineqartuni sammisassat nunanit tuluttut oqaasilinnit arlalinneersut ilaassapput. Imm. 2. Suliassiissutini aallaavigineqassapput ilikkagassatut anguniakkat taakkunaniillu tamatigoortumik imaqassallutik. Misilitsinnermi suliassiissutit ataasiakkaat tassaassapput tuluit oqaasii atorlugit allatat aamma/imaluunniit oqaluinnarluni saqqummiussat, assilissanik taputartuussanik ilaqartinneqarsinnaasut. Suliassiissutit pisassiissutinut attuumassuteqassapput nunanilu tuluit oqaasiinik oqaluffiusuni kulturimut inuiaqatigiinnullu tungasunik takussutissiinissamik periarfissiillutik. Suliassiissutit atuartitsinermi atorneqarsimassanngillat. Misilitsinnermi suliassiissutini oqaatsit atorneqartut tassaassapput tuluit oqaasii. Imm. 3. Misilitsinnermut ilaapput piareersarneq aamma saqqummiussineq. Tamanna ilinniartumit ataatsimit imaluunniit suleqatigiinnit amerlanerpaamik ilinniartunik pingasunik inuttaqartunik ingerlanneqassaaq. Kisimiilluni misilitsinnermi piareersarnermut minutsit 20-40-t saqqummiussinermullu minutsit 20-40-t atorneqassapput. Suleqatigiillu misilitsinnermi piareersarnermut minutsit 40-60-it saqqummiussinermullu minutsit 20-40-t atorneqassapput. Piffissaliussaq ilinniartitsisumit aamma ilinniartunit aalajangerneqassaaq. Imm. 4. Ilinniartoq piareersarnermi nalaani allataqarsinnaavoq namminerlu allatani oqaasersiuutillu atorsinnaallugit. Allatat saqqummiussinermi nassarneqarsinnaapput. Imm. 5. Misilitsinneq tuluttut ingerlanneqassaaq. Misilitsinnerup ingerlanerani ilinniartup imaluunniit suleqatigiit suliassiissutigineqartoq nassuiaateqarfigissavaat aamma nalilersuillutillu isummersussapput, tamannalu pillugu oqaloqatigiittoqarluni. Pingaartinneqassaaq ilinniartup nattaqqillisaanngitsumik oqariartuuteqarsinnaanera.

Matematikki

§ 65. Misilitsinnerit allattariarsornerupput oqaluttariarsornerullutillu. Ilinniartut ataasiakkaarlugit nalilerneqassapput.

§ 66. Allattariarsorluni misilitsinnermut ilaapput kisitassanik eqqarsaatigisarialinnik suliassiissutit atuartitsissummi immikkoortunik tamanik kalluaasussat. Imm. 2. Misilitsinnermi ilinniartup atortut akuerineqarsimasut tamaasa atorsinnaavai, taakkununnga ilaallutik kisitsinermi najoqqutassat tabelillu katersat akuerineqarsimasut, nammineq allataatit, atuakkat ujarlerfissat kiisalu lommeregneri. Suliassiissutini ataasiakkaani atortut immikkut ittut atorneqassappata, tamanna atuarfinnut suliassiissutit nassiunnerini nalunaarutigineqassaaq. Imm. 3. Suliassiissutit akissuteqarfiginissaannut nalunaaquttap akunneri sisamat atorneqassapput. Imm. 4. Ilinniartup matematikkimi eqqarsaatigisariallit nalinginnaasut ammasullu ulluinnarni inuiaqatigiinnilu inuunermeersut pinngortitamullu tunngasut

18

suliarisinnaasariaqarpai, matematikkimi ilusiliussanik atuisinnaalluni inernerillu nassaarisani atuartitsissutikkoortumik tunngavilersorsinnaasariaqarlugit.

§ 67. Oqaluttariarsorluni misilitsinnermut pisassiissutigineqassapput sammisat tamatigoortumik katitikkat atuartitsissummi immikkoortunik tamanik kalluaasut. Imm. 2. Misilitsinnermi suliassiissutit tassaapput najoqqutassaq, ilikkagassatut anguniakkani immikkoortunik arlalinnik imalik:1) Kisitsisilerineq aamma algebra.2) Geometriilerineq.3) Matematikkip atuuffii.4) Eqqarsaatigisarialinnik suliaqarneq aamma attaveqaqatigiinneq. Imm. 3. Misilitsinneq ingerlanneqassaaq klassi isumasioreerlugu ilinniartitsisup aalajangiinera naapertorlugu, periutsit makkua arlaat ataaseq atorlugu, tassami klassimi tamarmi misilitseriaaseq ataaseq atorneqassaaq:Misilitseriaaseq A) Ilinniartoq minutsini 20-40-ni piareersassaaq, suliassiissut eqqarsaatigisarialinnik tigussaasunik isummanillu tunngaviusunik aallaaveqartoq tunngavigalugu. Ilinniartoq piareersarnermini allataqarsinnaavoq, saqqummiinermini nassarsinnaasaminik. Saqqummiinerup ingerlanerani ilinniartup suliassiissummik suliaqarsimanini nassuiassavaa. Saqqummiinermut karakteeriliinermullu katillugit minutsit 20-t immikkoortinneqassapput.Misilitseriaaseq B) Misilitsinnermi aallaaviussaaq suliassiissut eqqarsaatigisarialinnik tigussaasunik isummanillu tunngaviusunik aallaaveqartoq. Suliassiissutip ilinniartut periarfississavai misissuinerit, tulleriiaarisumik aaqqissuusseriaatsit tunngavilersukkamillu inerniliinerit aqqutigalugit suleriaatsinik atuinissaannut aamma matematikkimut atortarneranullu tunngasunik paasinninnerminnik pisinnaasaqarnerminnillu takutitsinissaannut. Ilinniartoq tigussaasumik matematikkimik atuinerup isummallu tunngaviusut akornanni nikittaqattaarsinnaassaaq. Misilitsinneq kisimiilluni misilitsinneruvoq imaluunnit ilinniartut amerlanerpaamik pingasuullutik misilitsissinnaallutik. Misilitsinnerup ingerlanerani ilinniartitsisup censorillu ilinniartut ataasiakkaat oqaloqatigissavaat. Misilitsinneq karakteeriliineq ilanngullugu nalunaaquttap akunnerinik marlunnik sivisussuseqassaaq. Atuartut amerlanerpaamik arfinillit ataatsikkut misilitsissinnaapput. Imm. 4. Misilitsinnermi ulluinnarni atuartitsinermi atortut atorneqartartut tamarmik atorneqarsinnaapput. Inimi misilitsiffiusumi qarasaasiap atorneqarnissaanut periarfissaqassaaq. Imm. 5. Ilinniartoq atuartitsissummi taaguutinik suleriaatsinillu tigussaasumik atuisinnaanerminik, periutsinik toqqaasinnaanerminik kiisalu matematikkimi sammisanik ilisimasaqarnerminik paasinnissimanerminillu misilinneqassaaq. Ilinniartup inerniliussat nassaarineqartut tunngavilersorsinnaasariaqarpai.

Fysik/kemi

19

§ 68. Misilitsinnerit tassaapput oqaluttariarsorluni-suliaqarluni misilitsinnerit. Ilinniartut ataasiakkaarlugit nalilerneqassapput.

§ 69. Fysik/kemiimi oqaluttariarsorluni-suliaqarluni misilitsitsinermut sammisat tamatigoortumik katitikkat pisassiissutigineqassapput. Pisassiissutigineqartut fysikkip aamma kemiip akornanni assigiimmik agguataarneqassapput makkualu ilaatinneqassallutik:1) Pinngortitalerinermi suleriaatsit.2) Atortussiat kaajalukaarneri, piginnaaneri pinngoqqaatillu piginnaasaat aallaavigalugit tulleriiaarineq (det periodiske system).3) Radioaktivitet.4) Nukissaq, innaallagiaq saviullu kajungerisaa.5) Ulloriarsiorneq. Imm. 2. Ilinniartut laboratoriami suliassap naammassinissaanut nalunaaquttap akunnerinik marlunnik piffissalerneqassapput. Suliassaq ima atitutigisumik oqaasertaligaassaaq imm.1-imi pineqartut arlallit ilaatinneqarlutik. Misilitsinnermut piffissaliussamut ilaapput atortut ikussorneri, torersaaneq aamma karakteeriliineq. Imm. 3. Suliaq ilinniartup kisimiilluni suliarisinnaavaa imaluunniit ilinniartut amerlanerpaamik pingasuullutik suliarisinnaallugu. Misilitsinnerup ingerlanerani ilinniartitsisup censorillu ilinniartut ataasiakkaat oqaloqatigissavaat. Ilinniartut amerlanerpaamik arfinillit ataatsikkut misilitsissinnaapput. Imm. 4. Misilitsinnermi ilinniartup ulluinnarni atuartitsinermi atortut atorneqartartut tamaasa atorsinnaavai. Inimi misilitsiffiusumi qarasaasiap atorneqarnissaanut periarfissaqassaaq. Imm. 5. Ilinniartup atuartitsissummik ilisimasaqassusia paasinninneralu kiisalu fysikkimi imaluunniit kemiimi misileraanernik aaqqissuussisinnaanera inerniliisinnaaneralu misilinneqassaaq. Atuartitsissummi itisiliisinnaaneq aamma ataqatigiiffiusunik annertunerusunik paasinnissinnaaneq pingaartinneqassapput.

Kapitali 10Immikkut akuersinerit aamma misileraanerit

§ 70. Immikkut illuinnartunik pisoqartillugu Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfik nalunaarummi matumani aalajangersakkat sanioqqunneqarnissaat pillugu immikkut akuersissuteqarsinnaavoq. Immikkut akuersinernut ilaasinnaanngillat pissutsit ilinniartup inatsisitigut inissisimaneranik ajornerulersitsisut.

§ 71. Ilinniartitaanermut Naalakkersuisoqarfiup misilitseriaatsinik allanik misiligaanissaq akuersissutigisinnaavaa, taakkununnga ilaalluni naalisarlugu imaqarnersiuineq tunngavigalugu misilitsinnerit. Imm. 2. Misiligaanissaq pillugu qinnuteqaat perorsaanikkut ineriartortitsilluni misileraallunilu suliaqarnermik tunngavilersorneqarsimassaaq. Misiligaanerup siunertaa,

20

imaa, piffissaq sumiiffillu qinnuteqaammi allaaserineqassaaq. Qinnuteqarfissaq kingulleq tassaavoq aasaanerani soraarummeernermut 1. december, ukiuuneranilu misilitsinnermut 15. september. Imm. 3. Misiligaanerup inerneri Ilinniartitaanermut Naalakkersuisoqarfimmut tunaartarisassat naalakkersuisoqarfiup aalajangersagai naapertorlugit nassiunneqassapput.

Kapitali 11Aalajangersakkat allat

Misilitsinneq pillugu allattuiffiit

§ 72. Holdikkaanut nalunaartunik allattuiffiliortoqassaaq, ilinniartut misilitsinnernut qanoq amerlatigisunut nalunaarsimanerat taassuma takutissallugu. Tassaavoq assigiissaakkatut najoqqutassanut karakteerit allattorsimaffiannut uppernarsaanermullu suliarisanut tunngavigisatut allagaat.

§ 73. Majoriap IT-reg.-imi misilitsissimanermut uppernarsaatit inississussavai, aamma misilitsinnerup naanerat kingornatigut ukiuni tallimani karakteerit allattorsimaffii aamma misilitsissimanermut uppernarsaat assilineri toqqortarissallugit.

Nalunaarutiginninnerit nakkutilliinerlu

§ 74. Majoriap pisortaata makku Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfiup nassiutissavai: Iserasuaammit assigiissaakkatut najoqqutalikkatut ilinniartunut allattorsimaffiit Iserasuaammit assigiissaakkatut najoqqutalikkatut karakteerit allattorsimaffii Aamma nutaamik allagaammik suliaqarnermut tunngaviusutut atorneqartussatut Iserasuaammit assigiissaakkatut najoqqutalikkatut misilitsitsissutaasimasut Imm. 2. Majoriap pisortaata censorinit nalunaarutit tigusat Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfimmut nassiutissavai.

§ 75. Misilitsinnerit ingerlanneqarnerinik Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfik qullersaalluni nakkutilliisuuvoq. Pissusissaanngitsumik iliornerit nalornissutillu ingerlaannartumik naalakkersuisoqarfimmut apuunneqassapput.

Uppernarsaanerit

§ 76. Meeqqat atuarfianni inaarutaasumik naliliineq pillugu Namminersornerullutik Oqartussat nalunaarutaat nr. 3, 9. januar 2009-meersoq naapertorlugu Majoriaq uppernarsaanernik suliaqassaaq. Imm. 2. Uppernarsaanerit paasissutissanik makkuninnga imaqassapput:

21

1) Ilinniartup aqqa aamma inuttut normua2) Ilinniartitsiviup aqqa najugarisaalu3) Atsiuinermut ulloq4) Misilitsitsiffiit5) Misilitsiffigisimasani karakteerit Imm. 3. Aalajangersimasumik qulequtsiilluni suliamut allaganngorlugu oqaaseqaasiortoqarlunilu ataatsimik karakteeriliisoqassaaq. Imm. 4. Ilinniartoq Majoriap ingerlatsiviini arlalinni misilitsissimappat ilinniartup qaninnerpaamik attaveqarfigisaanit ingerlatsivimmit uppernarsaaneq pissaaq. Misilitsinnerit ingerlatsivimmi atsiuisuunngitsumi pillutik ingerlatsivimmi allami ingerlanneqarsimasut uppernarsaanermi x-italerlugit nalunaarneqassapput, uppernarsaanermilu misilitsinnerup pineqartup ingerlatsivimmi sorlermiinnera nassuiarneqassaaq. Imm. 5. Uppernarsaaneq Majoriap pisortaanit atsiorneqassaaq. Imm. 6. Uppernarsaaneq immersugassiani Ilinniartitaanermut Naalakkersuisoqarfiup akuerisaani suliarineqassaaq.

Kapitali 12Naammagittaalliutit

§ 77. Misilitsinnissamut pisassiissutit, misilitsinnerit ingerlanneqarneri aamma karakteerit pillugit naammagittaalliuutit ilinniartumit, aamma ilinniartoq 18-it inorlugit ukioqarpat taassuma angajoqqaavinit imaluunniit ilinniartumut angajoqqaarsiaasutut akuerineqartunit saqqummiunneqarsinnaapput. Imm. 2. Naammagittaalliuut allakkatiguussaaq tunngavilersorneqarsimassallunilu, Majoriallu pisortaanut tunniunneqassalluni. Imm. 3. Naammagittaalliuutip tunniunneqarnissaanut piffissaliussaq tassaavoq ullormiit karakteerip tunniunneqarneraniit imaluunniit misilitsinnerup ingerlanneqarneraniit sapaatip akunneri sisamat. Imm. 4. Allattariarsorluni misilitsinnerni karakteerit pillugit naammagittaalliuuteqartoqartillugu naammagittaalliuuteqartoq akissutimi assilineqarneranik pissarsinissamut pisinnaatitaavoq. Imm. 5. Censori aamma ilinniartitsisoq tamarmik immikkut Majoriap pisortaanut oqaaseqaateqassapput, taassumalu oqaaseqaatit pisarialittullu ilanngussat nammineq oqaaseqaamminik ilaqartillugit Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfimmut nassiuteqqissavai, taanna suliamut tunngasumik nalilersuuteqarlunilu aalajangiissalluni.

§ 78. Aalajangiinerit allat pillugit naammagittaalliuutit Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfimmut nassiunneqassapput.

22

Imm. 2. Naammagittaalliuut allakkatiguussaaq tunngavilersorneqarsimassallunilu. Naammagittaalliuuteqarnissamut piffissaliussaq tassaavoq ullormit aalajangernerup nalunaarutigineraniit sapaatip akunneri sisamat.

Kapitali 13Atortuulersinneranut aalajangersakkat

§ 79. Nalunaarut ulloq 1. april 2018-imit atuutilissaaq.

Namminersorlutik Oqartussat

Hans Enoksen/

Jørn Skov Nielsen

23