meðferðarleiðir og úrræði berglind petra jóhannsdóttir · berglind petra jóhannsdóttir...
TRANSCRIPT
Þunglyndi unglinga
Meðferðarleiðir og úrræði
Berglind Petra Jóhannsdóttir
Lokaverkefni til BA-prófs
Uppeldis- og menntunarfræðideild
Þunglyndi unglinga
Meðferðarleiðir og úrræði
Berglind Petra Jóhannsdóttir
Lokaverkefni til B.A.-prófs í uppeldis- og menntunarfræði
Leiðbeinandi: Sigurlína Davíðsdóttir
Uppeldis- og menntunarfræðideild
Menntavísindasvið Háskóla Íslands
Júní 2015
Þunglyndi unglinga - meðferðarleiðir og úrræði
Ritgerð þessi er 14 eininga lokaverkefni til B.A. -prófs
við uppeldis og menntunarfræðideild,
Menntavísindasviði Háskóla Íslands
© Berglind Petra Jóhannsdóttir 2015
Óheimilt er að afrita ritgerðina á nokkurn hátt nema með leyfi höfundar.
Prentun: Bóksala Kennaranema
Reykjavík, Ísland 2015
3
Ágrip
Lokaritgerðin mín fjallar um þunglyndi hjá unglingum og hvaða meðferðarleiðir eru í boði
fyrir unglinga með þunglyndi og þá ekki síður fyrir fjölskyldur þeirra.
Þunglyndi er meðal algengustu sálrænu vandamála sem fólk á við að stríða og hefur algengi
þunglyndis aukist síðastliðin ár, einnig meðal unglinga og hefur þörfin fyrir úrræði aukist
þar með. Helstu meðferðarleiðir sem eru í boði í dag eru þriðja stigs þjónusta sem veitt er á
barna- og unglingageðdeild, en hún er einungis í boði fyrir alvarleg tilvik. Nokkur
sveitarfélög bjóða upp á námskeið við þunglyndi eins og hugræna atferlismeðferð (HAM)
og díalektíska atferlismeðferð (DAM) og einnig eru boði unglingasmiðjur fyrir unglinga sem
glíma við þunglyndi meðal annars.
Niðurstöður sýna fram á að markvisst þarf að stuðla að bættri geðheilsu og auka
geðheilbrigðisþjónustu fyrir börn og unglinga því ef betur er hlúð að geðheilsu barna og
unglinga skilar það sér til framtíðar.
Forvarnir og lífsstílsbreytingar virðast geta haft jákvæð áhrif á einstaklinga með
þunglyndi og væri vert að skoða hvort ekki mætti auka forvarnir og stuðla að
lífsstílsbreytingum hjá börnum og unglingum með það að markmiði að draga úr líkum á
langvarandi og alvarlegu þunglyndi meðal þeirra.
4
Efnisyfirlit
Ágrip ........................................................................................................................................ 3
Formáli .................................................................................................................................... 5
1 Inngangur ......................................................................................................................... 6
2 Þunglyndi ......................................................................................................................... 8
3 Þunglyndi unglinga ......................................................................................................... 10
3.1 Greining á þunglyndi hjá unglingum .........................................................................11
3.2 Áhrif þunglyndis á líf unglinga - Orsakavaldar og Áhættuþættir ...............................12
4 Meðferð og meðferðarúrræði fyrir unglinga .................................................................. 15
4.1 HAM – Hugræn atferlismeðferð ...............................................................................15
4.1.1 Hugræn atferlismeðferð með unglingum ..........................................................17
4.1.2 Kostir og gallar hugrænar atferlismeðferðar......................................................18
4.1.3 Hugræn atferlismeðferð og lyfjameðferðir við þunglyndi og kvíða. ..................18
4.2 Díalektísk atferlismeðferð - DAM ..............................................................................19
4.3 Fjölskyldumeðferð ....................................................................................................20
4.4 Unglingasmiðjurnar Tröð og Stígur ...........................................................................20
5 Forvarnir ........................................................................................................................ 23
5.1 Grunnþjónusta. .........................................................................................................24
5.2 Ítarþjónusta ...............................................................................................................25
5.3 Sérþjónusta ...............................................................................................................25
6 Lífsstílsbreytingar við þunglyndi ..................................................................................... 27
6.1 Mikilvægi góðrar geðheilsu .......................................................................................27
7 umræður ........................................................................................................................ 29
7.1 Áhrif þunglyndis á líf unglinga ...................................................................................29
7.2 Meðferðarúrræði fyrir unglinga með þunglyndi .......................................................30
7.3 Forvarnir og lífsstílsbreytingar við þunglyndi ............................................................31
8 Lokaorð .......................................................................................................................... 33
Heimildaskrá.......................................................................................................................... 35
5
Formáli
Ritgerð þessi er lokaverkefni til BA-prófs í uppeldis- og menntunarfræði við
Menntavísindasvið Háskóla Íslands.
Ástæðan fyrir vali mínu á þessu efni er áhugi minn á efninu og áhugi á að komast að
því hvaða meðferðarleiðir eru í boði fyrir unglinga með þunglyndi og ekki síður fyrir
fjölskyldur unglinga með þunglyndi. Einnig fannst mér vert að skoða hvort forvarnir og
lífsstílsbreytingar geti haft jákvæð áhrif á einstaklinga með þunglyndi.
Mig langar að þakka fjölskyldunni minni, mömmu, manninum mínum og dætrum fyrir
alla þá þolimæði, stuðning og hvatningu sem þau hafa sýnt mér á meðan á vinnunni við
ritgerðina stóð.
Þetta lokaverkefni er samið af mér undirritaðri. Ég hef kynnt mér Siðareglur Háskóla Íslands
(2003, 7. nóvember, http://www.hi.is/is/skolinn/sidareglur) og fylgt þeim samkvæmt bestu
vitund. Ég vísa til alls efnis sem ég hef sótt til annarra eða fyrri eigin verka, hvort sem um er
að ræða ábendingar, myndir, efni eða orðalag. Ég þakka öllum sem lagt hafa mér lið með
einum eða öðrum hætti en ber sjálf ábyrgð á því sem missagt kann að vera. Þetta staðfesti
ég með undirskrift minni.
Reykjavík, ______________________
________________________________________________
6
1 Inngangur
Þunglyndi er meðal algengustu sálrænu vandamála sem fólk á við að stríða. Margir þættir
orsaka þunglyndi og hafa erfðir og umhverfi einstaklinga sem og félagslegir þættir þar
mikið að segja (Inga Hrefna Jónsdóttir, Rósa María Guðmundsdóttir, Vera Siemsen og
Þórunn Gunnarsdóttir, 2010). Helstu einkenni þunglyndis eru depurð og áhugaleysi en
einnig geta fylgt önnur einkenni eins og til dæmis þróttleysi, framtaksleysi, vonleysi og
sjálfsgagnrýni (Pétur Tyrfingsson og Agnes Agnarsdóttir, 2011).
Unglingar geta einnig þjáðst af þunglyndi og getur það reynt mjög mikið á unglinginn
og haft áhrif á þroska hans, virkni og samskiptahæfni. Á árum áður var þunglyndi þó ekki
þekkt hjá þessum aldurshópi heldur var litið á þunglyndi hjá unglingum sem eðlilegt ferli
tengt unglingsárunum. Það var ekki fyrr en um 1980 að farið var að greina þunglyndi hjá
unglingum (Eiríkur Örn Arnarson, 2001).
Forvarnir gegn geðröskunum gegna mikilvægu hlutverki en þeim er þó mjög ábótavant
í okkar samfélagi (Þingskjal 52, 2014-2015). Þjónustustigum fyrir unglinga með hegðunar-
og geðraskanir er skipt upp í þrjú stig á Íslandi í dag, það er grunnþjónusta sem er fyrsta
þjónustustig og er veitt í grunnskólum, heilsugæslum, félagsþjónustu og barnavernd,
ítarþjónusta sem er annað þjónustustigið sem er veitt af sérfræðingum, sálfræðingum,
barnageðlæknum og fleirum en þar fer greininginn á vandanum fram. Að síðustu er
sérþjónusta sem er þriðja þjónustustigið og er ætlað að sinna erfiðustu geð- og
hegðunarröskunum hjá unglingum og veitir Barna- og unglingageðdeild Landspítalans
(BUGL) þá þjónustu á Íslandi (Kristján Már Magnússon, 2004).
Í dag eru helstu meðferðarúrræði við þunglyndi á Íslandi fyrir börn og unglinga hugræn
atferlismeðferð HAM, díalektísk atferlismeðferð DAM og fjölskyldumeðferð.
Meðferðarúrræðum fyrir þennan aldurshóp er ábótavant sem og aðgengi að þeim (Eiríkur
Örn Arnarson, 2001; Þingskjal 52, 2014-2015).
Markmið ritgerðarinnar er að komast að því hvaða meðferðarleiðir eru í boði fyrir
unglinga með þunglyndi og ekki síður fyrir fjölskyldur unglinga með þunglyndi. Einnig að
skoða hvort forvarnir og lífsstílsbreytingar geti haft jákvæð áhrif á einstaklinga með
þunglyndi. Leitast verður við því að svara eftirfarandi rannsóknarspurningum:
Hvaða áhrif hefur þunglyndi á líf unglinga?
Hvaða meðferðarúrræði eru í boði fyrir unglinga með þunglyndi?
Geta forvarnir og lífsstílsbreytingar haft jákvæð áhrif á einstaklinga með
þunglyndi?
7
Ritgerðin skiptist upp í sjö kafla með inngangi. Í öðrum kafla verður fjallað um
þunglyndi og hvaða áhrif það getur haft á líf einstaklinga og fjölskyldur þeirra. Í þriðja kafla
er farið inn á þunglyndi hjá unglingum og hvaða einkennir þunglyndi hjá þeim aldurshóp,
hvaða áhrif þunglyndi getur haft á líf unglinga, áhættuþætti og orsakir. Fjórði kaflinn fjallar
um þær meðferðir og meðferðarúrræði eru helst í boði fyrir unglinga hér á Íslandi. Fimmti
kaflinn snýr að forvörnum og hvernig forvarnastarfi á Íslandi er háttað. Sjötti kaflinn fjallar
um lífsstílsbreytingar og mikilvægi góðrar geðheilsu unglinga, og að lokum koma umræður
og lokaorð.
8
2 Þunglyndi
Þunglyndi er meðal algengustu sálrænu vandamála sem fólk á við að stríða og hefur algengi
verið að aukast síðastliðin ár (Eiríkur Örn Arnarson, 2010). Samkvæmt
Alþjóðaheilbrigðismálastofnuninni (e. World Health Organization, WHO) var þunglyndi
númer fjögur í röð heilsufarsvandamála og er talið að með þessu áframhaldi gæti þunglyndi
orðið númer tvö í röð heilsufarsvandamála árið 2020 (I. Jenný Ingudóttir, Hafdís D.
Guðmundsdóttir, Bryndís Björk Ásgeirsdóttir og Inga Dóra Sigfúsdóttir, 2009).
Margir þættir geta orsakað þunglyndi og eru erfðir og umhverfi talin skipta þar
miklu auk félagslegra aðstæðna. Erfið lífsreynsla og utanaðkomandi aðstæður eins og
fjárhagsvandi, atvinnumissir eða það að missa heilsuna og margt fleira getur haft áhrif og
gert einstaklinginn viðkvæmari fyrir þunglyndi (Inga Hrefna Jónsdóttir, o.fl., 2010).
Helstu einkenni þunglyndis eru depurð og áhugaleysi. Allir geta fundið fyrir depurð
án þess að vera þunglyndir en þegar depurðin er oðin það mikil að hún er farin að hafa
áhrif á daglegt líf er farið að tala um að einstaklingurinn sé með þunglyndi. Því fylgir ekki
einungis breyting á líðan heldur getur einnig orðið breyting á hegðun og samskiptum sem
geta komið út til dæmis í pirringi, neikvæðni og óþolinmæði. Margvísleg önnur einkenni
geta einnig verið til staðar eins og líkamleg einkenni og einhverskonar hömlur en þó er
misjafnt eftir hverjum og einum hvort þau einkenni séu til staðar. Margir þjást af þróttleysi
þar sem þeir eru stöðugt þreyttir og jafnvel auðveldustu verkefni virðast óyfirstíganleg. Á
fólk þá jafnvel erfitt með að framkvæma hversdaglega hluti og athafnir eins og að klæða
sig, þrífa, versla og fleira. Svefninn raskast einnig hjá sumum þar sem annað hvort sefur fólk
of lítið, á erfitt með að sofa eða þá að svefninn verður of mikill. Truflun verður oft á
matarlyst, minni áhugi á kynlífi, fólk verður eirðarlaust, grátgjarnt, framtakslaust, á erfitt
með að einbeita sér og sjálfsvirðing verður oft minni. Önnur einkenni sem einnig geta verið
til staðar eru hugsanir um dauðann og sjálfsvígshugsanir (Pétur Tyrfingsson og Agnes
Agnarsdóttir, 2011).
Þeir sem þjást af þunglyndi lenda oft í einhvers konar vítahring þar sem hugsun,
tilfinningar, hegðun og líkamlegt ástand virka hvert á annað. Til að takast á við þunglyndi
þarf því að vinna í öllum þessum þáttum (Pétur Tyrfingsson og Agnes Agnarsdóttir, 2011).
Þegar greina á þunglyndi hjá fólki er farið eftir greiningarkerfi frá
Alþjóðaheilbrigðismálastofnuninni (WHO). Samkvæmt þessu greiningarkerfi þurfa viss
einkenni að vera til staðar hjá einstaklingnum til að hægt sé að greina hann með þunglyndi.
Þeir sem þjást af þunglyndi glíma oft við depurð, þreytu og minnkaða virkni og þurfa tvö af
þeim einkennum að hafa verið til staðar í minnst tvær vikur auk þess sem eitt af
9
eftirfarandi einkennum þarf að vera til staðar; lágt sjálfsmat, óeðlileg sjálfsgagnrýni,
sjálfsvígshugsanir og hugsanir um dauðann, erfiðleikar með að taka ákvarðanir og halda
einbeitingu, truflaður svefn, breytingar á líkamsþyngd og breytingar á hreyfingum, auk þess
þarf að vera fullvíst að ekki sé um einhvern annarskonar líkamlegan eða geðrænan sjúkdóm
að ræða (Ólafur Þór Ævarsson, e.d.).
10
3 Þunglyndi unglinga
Hér áður fyrr var ekki þekkt að börn og unglingar þjáðust af þunglyndi heldur var litið á
þunglyndi hjá þeim sem eðlilegt ferli tengt aldri sem þyrfti ekki á neinni meðhöndlun að
halda. Um 1980 kom fram að hægt væri að greina þunglyndi hjá börnum og unglingum
með skilmerkjum sem notuð voru til að greina þunglyndi hjá fullorðnum og leiddi það til
þess að þunglyndi var viðurkennt hjá börnum og unglingum (Eiríkur Örn Arnarson, 2001).
Árið 2011 tóku nemendur í 5., 6. og 7. bekk á öllu landinu þátt í könnun um ýmislegt
sem tengdist líðan, hegðun og högum. Niðurstöður þeirrar rannsóknar gáfu til kynna að allt
að 10-16% nemenda teldu að sér liði illa stundum eða oft (Hrefna Pálsdóttir Inga Dóra
Sigfúsdóttir Jón Sigfússon Álfgeir Logi Kristjánsson, 2011). Þetta eru svipaðar niðurstöður
og höfðu áður komið fram en tölur frá árinu 2004 bentu til þess að allt að 12 – 15% barna
glímdu við vægar geðraskanir en 2-5% við alvarlegar geðraskanir (Kristján Már Magnússon,
2004).
Þunglyndi meðal barna og unglinga er að aukast og virðst vera að eftir að unglingar ná
kynþroska aukist tíðni þess sérstaklega. Þó virðist sem þunglyndi verði vart fyrr hjá börnum
og unglingum en áður (Eiríkur Örn Arnarson, 2001; Eiríkur Örn Arnarson, 2010).
Kynjamunur er á þeim sem greinast með þunglyndi en stelpur virðast vera í meiri áhættu á
að greinast og sýna marktækt fleiri þunglyndiseinkenni heldur en unglingsstrákar (Kamkar,
Doyle og Markiewicz, 2012).
Depurð er algengasta einkenni þunglyndis hjá unglingum en auk þess eru oft önnur
atriði sem fylgja eins og breytingar á svefni, þreyta, breytingar á matarvenjum og þyngd,
óróleiki, einbeitingarleysi, pirringur, minnkað sjálfsálit, sektarkennd, vonleysi og áhugaleysi.
Hugsanir um dauðann eru einnig oft til staðar (Eiríkur Örn Arnarsson, 2003; Lovísa
Arnardóttir, 2011).
Þunglyndi getur haft áhrif á félagslega virkni unglinga sem og námsárangur sem síðar
getur leitt til brottfalls úr skóla (Embætti Landlæknis, 2012). Ómeðhöndlað þunglyndi getur
haft mjög slæm áhrif á unglinga til lengri tíma litið auk þess sem þunglyndi á unglingsárum
getur tengst geðröskunum á fullorðinsárum. Einnig getur þunglyndi í mjög slæmum
tilvikum leitt til sjálfsvígstilrauna (Embætti Landlæknis, 2012).
11
3.1 Greining á þunglyndi hjá unglingum
Börn og unglingar eru greind með þunglyndi með sömu skilmerkjum og greiningarformum
og fullorðnir. Þegar greina á þunglyndi hjá einstaklingum eru oftast notuð annað hvort af
tveimur alþjóðlegum greiningarformum, en þau eru ICD 10 (International Classification of
diseases-10) sem er hannað og þróað af Alþjóðaheilbrigðismálastofnuninni og DSM-IV
(American diagnostic and statistical manual of mental disorders-IV) sem er hannað og
þróað af bandarísku geðlæknasamtökunum. Þessi greiningarform eru helstu
greiningarformin sem notuð eru í heiminum og er unnið með þessi greiningarform með
börnum og unglingum í dag. Gallinn við þessi greiningarform eru að þau innihalda staðlaðar
spurningar sem ekki veita tækifæri á að spyrja áfamhaldandi spurninga. Þessi tvö
greiningarform skilgreina þunglyndi hjá börnum og unglingum mjög svipað nema að DSM-
IV skilgreinir pirring einnig sem eitt af sjúkdómseinkennum hjá börnum og unglingum
(Thapar, Colloshaw, Pine og Thapar, 2012).
Þegar þunglyndi er greint hjá börnum og unglingum þurfa tvö af eftirfarandi megin
einkennum að vera til staðar, það er depurð og að hún sé til staðar meirihlutann af
deginum og næstum daglega, áhugaleysi og minni ánægja í leik og starfi og minnkuð orka
og aukinn þreytu einkenni. Til að hægt sé að greina einstakling með þunglyndi þurfa auk
tveggja megineinkenna að vera eitthvað af eftirfarandi tengdum einkennum til staðar.
Þessi tengdu einkenni eru: minnkað sjálfstraust og sjálfsálit, ósanngjarnar tilfinningar og
óviðeigandi sektarkennd, endurteknar hugsanir um dauðan, sjálfsvíg og sjálfsvígshegðun,
minnkuð geta til að hugsa og einbeita sér, breyting á hugsunarhætti og æsingur,
svefntruflanir og of mikil svefn eða of lítill svefn, breytingar á matarlyst með samsvarandi
breytingu á þyngd (Hrefna Ólafsdóttir, 2006: Thapar o.fl., 2012).
Samkvæmt ICD 10 greiningarforminu þurfa að að vera til staðar tvö af megin
einkennunum auk þurfa að minnstakosti fjögur af þessum tengdu einkennum að vera til
staðar í að minnsta kosti tvær vikur svo hægt sé að greina vægt þunglyndi. Tvö af
megineinkennunum auk sex af tengdum einkennum þurfa að vera til staðar í að minnsta
kosti tvær vikur svo að hægt sé að greina meðal alvarlegt þunglyndi og tvö af
megineinkennunum auk átta af tengdum einkennum þurfa að hafa verið til staðar í að
minnsta kosti tvær vikur til að hægt sé að greina alvarlegt þunglyndi (Thapar o.fl., 2012).
12
3.2 Áhrif þunglyndis á líf unglinga - Orsakavaldar og Áhættuþættir
Þunglyndi getur reynt mjög mikið á unglinginn og haft áhrif á þroska hans, virkni og
samskiptahæfni (Eiríkur Örn Arnarson, 2003). Talið er að geðraskanir hjá börnum og
unglingum hafi uppruna sinn í samspili líffræðilegra, sálrænna og félagslegra þátta og þegar
leitað er skýringa á geðröskunum hjá þessum aldurshóp er oft litið til tveggja þátta. Annars
vegar hjá barninu sjálfu, skapgerð þess og erfðum og hins vegar í uppeldisumhverfi þess
hvort sem er í nærumhverfinu eða innan fjölskyldunnar (Kristján Már Magnússon, 2004).
Skapgerð og eðli barna og unglinga hefur áhrif á tilhneigingu þeirra til að eiga við
þunglyndi að stríða en einnig er þunglyndi talið liggja í erfðum og eru þeir sem eiga foreldra
sem eru þunglyndir taldir líklegri og í sérstökum áhættuhóp til að greinast sjálfir með það,
auk þess sem hægt er að flokka erfitt þunglyndi foreldra að einhverju leiti sem neikvæðan
atburð í lífi barns. Áfall á meðgöngu eða í fæðingu er einnig talið hafa áhrif (Eiríkur Örn
Arnarson, 2001; I. Jenný Ingudóttir o.fl., 2009).
Rannsóknir hafa sýnt að einhver tengsl virðast vera á milli þunglyndis og depurðar hjá
unglingum og uppeldisaðferðum foreldra (Sigrún Aðalbjarnadóttir og Kristín Lilja
Garðarsdóttir, 2004). Fjölskyldan á mestan þátt í mótun barna og eru tengsl við foreldra,
systkini og aðra fjölskyldumeðlimi sem og fjölskylduumhverfið áhrifaríkustu mótunarþættir
barna og unglinga. Uppeldisumhverfi barna og unglinga er skipt í tvennt, annars vegar er
það fjölskyldan og umhverfi hennar og hins vegar það uppeldisumhverfi sem er utan
fjölskyldunnar, það er samfélagið sjálft og samskipti barnsins við fullorðna og börn utan
fjölskyldunnar. Þessi tvö uppeldisumhverfi hafa áhrif á persónuþroska barna og því má
segja að hægt sé að tengja geðraskanir barna og unglinga við uppeldisumhverfi þeirra
(Kristján Már Magnússon, 2004).
Sterk tengsl eru á milli tengsla barna og unglinga við foreldra sína og sálræna vanlíðan
sem síðan getur leitt til þunglyndis, því virðist sem góð tengsl við foreldra sé uppspretta
fyrir öryggi og stuðning á unglingsárunum. Góð tengsl í frumbernsku draga úr líkum á
tilhneigingu til þunglyndis á unglingsaldri og auka líkur á að einstaklingur ráði við
streituvaldandi aðstæður. Því skipta góð og örugg tilfinningatengsl miklu fyrir framtíð barna
og eru uppspretta fyrir öryggi og stuðning á unglingsárum á meðan óörugg tengsl geta leitt
til tilfinningalegs ójafnvægis (Kamkar o.fl., 2012).
Félagslegir þættir eru einnig taldir hafa áhrif á þróun þunglyndis en þau ungmenni
sem búa við félagsleg vandamál eða hafa þurft að glíma við vandamál, áföll eða neikvæða
13
atburði í barnæsku eru líklegri til að þróa með sér þunglyndi, andfélagslega hegðun eða
vímuefnavanda. Ytri þættir hafa einnig áhrif en sem dæmi um það má nefna skilnað hjá
foreldrum, áfengis og vímuefnavanda hjá foreldrum, ofbeldi og vanræksla (I. Jenný
Ingudóttir o.fl., 2009). Þunglyndi hjá börnum og unglingum fylgir oft einhvers konar önnur
geðröskun eins og kvíði, hegðunarerfiðleikar og misnotkun vímuefna. Eftir því sem börn og
unglingar eru yngri þegar þau greinast með þunglyndi er líklegra að þau sýni merki um aðra
geðröskun. Þunglyndi hefur einnig áhrif á virkni barna og unglinga og þroska sem leiðir til
samskiptaerfiðleika og námserfiðleika svo eitthvað sé nefnt (Eiríkur Örn Arnarson, 2001;
Eiríkur Örn Arnarson, 2010).
14
15
4 Meðferð og meðferðarúrræði fyrir unglinga
Notast er við nokkrar meðferðir við þunglyndi hjá börnum og unglingum í dag. Þó er
aðgengi fyrir börn og unglinga að meðferðum við þunglyndi lítið. Gagnreynd námskeið eru í
boði á BUGL en það er þriðja stigs þjónusta sem ekki er í boði fyrir börn nema um sé að
ræða mjög alvarleg tilvik. Nokkur sveitarfélög og heilsugæslur bjóða upp á námskeið við
þunglyndi eins og hugræna atferlismeðferð (HAM) og díalektrískar atferlismeðferðir (DAM)
en það er samt sem áður mikil vöntun á því. Sálfræðimeðferðir eru einnig góður kostur fyrir
börn og unglinga sem þjást að þunglyndi en þær eru oft mjög dýrar og því ekki á valdi allra
að sækja sér þá þjónustu og það á líka við um aðgengi að barnageðlæknum þar sem fáir
eru sjálfstætt starfandi og þeir sem taka við börnum utan stofnana geta fæstir tekið að sér
ný mál vegna biðlista (Þingskjal 52, 2014-2015).
Notkun á þunglyndislyfjum fyrir börn og unglinga hefur ekki gefið góðan árangur.
Þó að þunglyndislyf hafi gefið góðan árangur fyrir fullorðna þá virðist það ekki skila sér hjá
börnum og því talið betra að nota gagnreyndar aðferðir eins og samtalsmeðferð, hugræna
atferlismeðferð og díalektrískar atferlismeðferðir (Eiríkur Örn Arnarson, 2001).
Meðferðarúrræði fyrir börn og unglinga eru mikilvæg því með því að vinna á
geðrænum vanda strax í æsku má draga úr líkum á geðrænum vanda á fullorðinsárum
(Þingskjal 52, 2014-2015).
4.1 HAM – Hugræn atferlismeðferð
,,Hugræn atferlismeðferð (HAM) er sálfræðimeðferð sem byggist á árangursríkum
aðferðum sem auðvelda fólki að takast á við erfiðar tilfinningar og hegðun“ (Pétur
Tyrfingsson og Agnes Agnarsdóttir, 2011, bls 7). Ef skilgreina á hugtakið hugræn
atferlismeðferð þá er hugrænt allt sem tengist hugarstarfseminni og atferli allt sem við
gerum. Byggir meðferðin á þeirri kenningu að hugsanaháttur og hugsanir séu undir áhrifum
hegðunar og tilfinninga, það er hvernig fólki líður og hvernig það hegðar sér, að það sé
samspil milli aðstæðna, hugsana og tilfinninga og með því að grípa inn í hugræna ferlið og
hafa áhrif á hegðun mætti hafa áhrif og breytingu á hugsun, líðan og hegðun (Oddur
Erlingsson, 2000; Stallard, 2002/2006).
Hugræn atferlismeðferð er samsett úr tveimur eldri meðferðum sem eru
atferlismeðferð og hugræn meðferð. Atferlismeðferð (AM) hafði áður verið notuð við
þunglyndi en tilgangur hennar var að hjálpa sjúklingi að efla virkni og framtakssemi. Ferster
(1973) var einn þeirra sem þróaði atferlismeðferð við þunglyndi á áttunda áratug 20. aldar.
Ferster taldi að flótti og forðun ættu stóran þátt í þunglyndi hjá fólki. Hann veitti því athygli
16
að fólk sem þjáðist af þunglyndi átti það til að flýja og forðast aðstæður sem því leið illa í.
Hugræn meðferð var aftur á móti þróuð af Albert Ellis (1962) á sjöunda áratug 20. aldar.
Ellis tengdi tilfinningar og hugsun og lagði mikla áherslu á hvernig þau hugtök tengdust. Út
frá þeirri tengingu þróaði hann meðferðarleiðina sína hugræna meðferð (Ívar Snorrason og
Haukur Ingi Guðnason, 2008; Stallard, 2002/2006).
Það var svo bandaríski geðlæknirinn Aaron Beck (1967) sem tengdi hugræna meðferð
og atferlismeðferð og mótaði sálfræðimeðferð við þunglyndi og nefndi hana hugræna
atferlismefðerð. Það gerðist í upphafi sjöunda áratugs 20. aldar og varð meðferðin algjör
bylting í meðferðum við þunglyndi (Ívar Snorrason og Haukur Ingi Guðnason, 2008;
Stallard, 2002/2006). Meðferðin hefur þótt gagnast vel sem meðferðarform við þunglyndi
en einnig hefur hún verið notuð við kvíða, áfengis- og vímuefnavanda, átröskun, við litlu
sjálfstrausti og persónuleikatruflunum (Inga Hrefna Jónsdóttir, ofl, 2010).
Sú kenning sem hugræn atferlismeðferð byggir á er að hugsunarháttur hafi áhrif á
hvernig fólki líður og hvernig það hegðar sér. Samspil á milli aðstæðna, hugsana og
tilfinninga er skoðað í upphafi meðferðarinnar. Hugræn atferlismeðferð gengur því út á það
að fá fólk til að tileinka sér hugsun og hegðun sem bætir aðstæður þeirra og líðan.
Markmiðið er að hugsa raunsætt, því oft eiga hugsanir þeirra sem berjast við kvíða og
þunglyndi ekki við rök að styðjast (Pétur Tyrfingsson og Agnes Agnarsdóttir, 2011). Hugræn
atferlismeðferð hjálpar einnig til við að sjá tengslin milli hugsana og tilfinninga og að fá
einstaklinginn til að finna þær hugsanir sem valda vanlíðan og sjá þær á raunsæjan hátt svo
það sé frekar hægt að haft áhrif á þær (Oddur Erlingsson, 2000; Pétur Tyrfingsson og Agnes
Agnarsdóttir, 2011).
Meðferðin fer fram sem samtalsmeðferð hvort sem er í hópum eða
einstaklingsviðtölum og er algengast að meðferðin sé um það bil tíu til tuttugu skipti
(Oddur Erlingsson, 2000). Meðferðin byggist upp á heimaverkefnum sem eru unnin á milli
meðferðartíma og því skiptir virkni í tíma ekki höfuðmáli. Heimaverkefnin byggja á því að
gera hugsanaskráningu þar sem neikvæðar hugsanir eru skráðar niður og kafað dýpra í
þær. Skoðað er hvaða tilfinning kviknar við ákveðna neikvæða hugsun og hvaða aðstæður
það voru sem höfðu áhrif á að þessi neikvæða tilfinning kviknaði. Leitað er eftir
hugsanavillum og er þetta ætlað til að þjálfa fólk í að hafa vald á hugsunum sínum og að
kenna fólki að nota nýjar aðferðir þar sem óraunsæjum hugsunum og viðhorfum er breytt.
Það er gert með því að taka þær hugsanir sem valda kvíða, endurmeta þær og breyta svo
óraunsæjum hugsunum til þess að líðan batni og hugsanir verði raunsæjar. Þegar líður á
meðferðina eru hugsanaskráningarnar skoðaðar og farið yfir hvaða hugsanir það eru sem
koma endurtekið fram og þá er leitast eftir að finna eitthvert samhengi í þeim sem hægt er
17
að vinna úr. Einnig eru gerðar stundatöflur fyrir hverja viku í meðferðinni. Með því að gera
stundatöflu og tímasetja fáein verkefni þá eykur það líkurnar á því að fólk framkvæmi það
sem það ákveður (Pétur Tyrfingsson og Agnes Agnarsdóttir, 2011).
Það skiptir miklu máli að vinna heimaverkefnin í hugrænni atferlismeðferð en þau geta
ráðið úrslitum hvernig til tekst með meðferðina og næst betri árangur í meðferðinni séu
heimaverkefnin unnin í hverri viku á meðan á meðferðinni stendur (Pétur Tyrfingsson og
Agnes Agnarsdóttir, 2011). Hugsanir, tilfinningar, hegðun og líkamlegt ástand virka oft
hvert á annað og leiðir til þess að fólk lendir í nokkurs konar vítahring sem það festist í.
Með því að auka virkni er hægt að rjúfa þennan vítahring þar sem aukin virkni leiðir oft til
áhuga og ánægju (Inga Hrefna Jónsdóttir o.fl., 2010).
4.1.1 Hugræn atferlismeðferð með unglingum
Hugræn atferlismeðferð er sú meðferð sem er hvað mest notuð með börnum og
unglingum hérlendis. Meðferðin hefur gefið góðan árangur til meðhöndlunar á þunglyndi
hjá börnum og unglingum þar sem sýnt hefur verið fram á að hún dregur úr
þunglyndiseinkennum og hefur góð áhrif á hugsanaferli og sjálfsmynd barna og unglinga
(Eiríkur Örn Arnarson, 2001).
Þegar hugræn atferlismeðferð er notuð með börnum og unglingum þarf að hafa
aðrar nálganir í huga en þegar unnið er með fullorðnum. Börn og unglingar glíma einnig oft
við önnur vandamál eins og ofvirkni, athyglisbrest, félagsfælni, árásargirni og önnur þess
konar vandamál sem leiða til skorts á sjálfstjórn, skipulagsleysi, vöntun á félagsfærni eða
erfiðleika með samskipti. Því þarf að taka tilliti til þessara þátta og kenna þeim að öðlast
betri færni í samskiptum, hegðun og aðferðum sem snúa að hugrænu hliðinni. Einnig er
mikilvægt að taka tillit til þess að börn og unglingar túlka hlutina oft öðruvísi en fullorðnir.
Til þess að ná árangri í meðferðinni með unglingum þarf því að hafa þetta í huga og einnig
þarf meðferðaraðili að hafa skilning á þeim þroskaþáttum sem einkenna unglingsárin og
hafa skilning á því að þeir geta haft áhrif á meðferðina og því þurfi að aðlaga meðferðina að
unglingum og þeim breytingum sem verða á unglingsárunum og oft einkenna unglingsárin
(Stallard, 2002/2006).
Hjá unglingum eru sjálfstjórn, samskiptahæfni og hugræn þjálfun oft skert en þetta
eru þeir þættir sem hugræn atferlismeðferð byggir á. Því miðar meðferðin að því hjá
unglingum að kenna þeim leiðir til að hafa áhrif á hegðun og hugsun. Unglingum er kennt
að hafa stjórn á sjálfum sér, að taka eftir því jákvæða í kringum sig og einnig að vera ekki að
setja sér of há markmið heldur því sem þau sjá fram á að geta náð. Þeim er kennd
18
samskiptahæfni og einnig að meta hugsanir og bera kennsl á þær og flokka frá þær
hugsanir sem eiga ekki við rök að styðjast, eru óraunhæfar og neikvæðar (Eiríkur Örn
Arnarson, 2001; Stallard, 2002/2006).
Hlutverk foreldra í hugrænni atferlismeðferð hefur einnig mikið að segja og bendir
margt til þess að betri árangur náist með þátttöku foreldra. Foreldrar gegna mjög
mismunandi hlutverkum í meðferðinni, til dæmis sem aðstoðarmaður með því að hvetja
unglinginn og hjálpa honum að yfirfæra þá færni sem hann lærir yfir í daglegt líf og nota þá
tækni sem hann lærir í meðferðinni. Foreldrar geta einnig verið skjólstæðingar í
meðferðinni þar sem þeir læra hvernig takast á við vandamál bæði hjá sjálfum sér og
börnum sínum (Stallard, 2002/2006).
4.1.2 Kostir og gallar hugrænar atferlismeðferðar.
Hugræn atferlismeðferð hefur reynst árangursrík sem meðferð við þunglyndi og einnig
kvíða. Hennar helsti kostur er hvað hún er ódýr miðað við þann árangur sem næst með
henni. Þó svo að lyfjameðferð sé ódýrari í upphafi þá er hugræn atferlismeðferð talin vera
ódýrari ef litið er til lengri tíma, þar sem hún heldur áfram að skila sér eftir að meðferð
lýkur, annað en lyfjameðferðir. Einnig er talinn vera kostur hvað hún tekur skamman tíma
þar sem hún er skammtímameðferð, það er hún spannar að jafnaði færri en tuttugu skipti
(Oddur Erlingsson, 2000).
Hugræn atferlismeðferð hefur skilað góðum árangri og er talin árangursríkari en aðrar
meðferðir þegar til lengri tíma litið þar sem árangurinn heldur áfram að skila sér eftir að
meðferðinni hefur verið lokið og minna er um bakföll eftir meðferðina þar sem meðferðin
kennir fólki að breyta þeim hugsunum sem viðhalda þunglyndi og kvíða. Þess vegna nær
fólk betri bata því það getur haldið áfram að nota sér það sem það lærði í meðferðinni eftir
að henni lýkur (Oddur Erlingsson, 2000).
4.1.3 Hugræn atferlismeðferð og lyfjameðferðir við þunglyndi og kvíða.
Fjöldi rannsókna hafa sýnt fram á að hugræn atferlismeðferð skili oftast mjög góðum
árangri (Oddur Erlingsson, 2000). Rannsóknir hafa einnig sýnt fram á að árangur með
hugrænni atferlismeðferð sé jafn á við lyfjameðferð (Ívar Snorrason og Haukur Ingi
Guðnason, 2008). Hugræn atferlismeðferð og lyfjameðferð eru stundum notaðar saman og
stundum er það nauðsynlegt. Oftast gengur vel að nota þessar tvær meðferðir saman og
skilar það stundum betri árangri heldur en að nota meðferðirnar í sitt hvoru lagi en það
19
koma líka upp tilvik þar sem þessar meðferðir henta ekki vel saman (Ívar Snorrason og
Haukur Ingi Guðnason, 2008; Pétur Tyrfingsson og Agnes Agnarsdóttir, 2011).
Lyfjameðferð truflar yfirleitt ekki hugræna atferlismeðferð en þó hefur það verið þekkt
að ef fólk sem á við kvíðavandamál að stríða og er á lyfjum sem hafa mjög róandi áhrif þá
geti það haft truflandi árif á meðferðina (Pétur Tyrfingsson og Agnes Agnarsdóttir, 2011).
Stundum er nauðsynlegt að vera á lyfjameðferð samhliða hugrænni atferlismeðferð,
sérstaklega þegar fólk glímir við alvarlegt þunglyndi og/eða á sér langa sögu um þunglyndi
eða kvíða. En fólk þarf að vera í nægu jafnvægi til að það geti nýtt sér hugræna
atferlismeðferð og tekið þátt í því sem í henni felst (Pétur Tyrfingsson og Agnes
Agnarsdóttir, 2011). Stundum er fólk þó það veikt að það á í erfiðleikum með að nýta sér
hugræna atferlismeðferð og þá skilar lyfjameðferð ef til vill betri árangri (Engilbert
Sigurðsson, Hafrún Kristjánsdóttir, Jón Friðrik Sigurðsson og Magnús Blöndahl Sighvatsson,
2011). Rannsóknir hafa þó einnig sýnt fram á að ef fólk sækir hugræna atferlismeðferð eftir
að það hættir í lyfjameðferð nær það mjög góðum árangri og er ólíklegra til að lenda í
bakslagi með veikindi sín (Engilbert Sigurðsson o.fl., 2011). Rannsóknir á hugrænni
atferlismeðferð við almennri kvíðaröskun sýndu þó fram á að meðferðin skilaði ekki árangri
hjá þeim sem voru í lyfjameðferð samhliða hugrænni atferlismeðferð á meðan þeir sem
ekki voru í lyfjameðferð náðu mjög góðum árangri sem hélst áfram eftir að meðferðinni
lauk (Engilbert Sigurðsson o.fl., 2011).
Hugræn atferlismeðferð skilar betri árangri heldur en lyfjameðferð ef litið er fram í
tímann þar sem áhrifin frá hugrænni atferlismeðferð vara eftir að meðferð lýkur, það er
fólk tekur með sér það sem það lærir í meðferðinni út í lífið. Áhrifin af lyfjameðferðinni
koma þó fljótar í ljós en þau vara aftur á móti ekki nema á meðan lyfin eru tekin (Oddur
Erlingsson, 2000).
4.2 Díalektísk atferlismeðferð - DAM
Díalektísk atferlismeðferð kemur úr atferlisfræðinni en svo blandast hún saman við sálfræði
austrænnar speki. Í upphafi var díalektískri atferlismeðferð aðallega beitt við
persónuleikaröskun og sjálfskaðandi hegðun en hefur undanfarin ár þótt sýna góða virkni á
þunglyndi, kvíða, vímuefnavanda, sjálfskaðandi hegðun og átraskanir (Margét Bárðardóttir,
2009).
Díalektísk atferlismeðferð gengur út á að fá einstaklinga til að flokka ekki tilfinningar
sínar í æskilega eða óæskilegar heldur virða og taka mark á eigin tilfinningum. Einnig er
lögð mikil áhersla á að einstaklingurinn sé sá eini sem getur unnið á vandanum þó svo að
20
hann beri ekki endilega sjálfur ábyrgð á honum. Markmiðið með meðferðinni er því að læra
tilfinningastjórnun og beita skynsamlegri viðbrögðum þegar erfitt virðist að hafa stjórn á
tilfinningum sínum (Margrét Bárðardóttir, 2009).
Díalektísk atferlismeðferð leggur áherslu á að finna jafnvægi, það er að viðurkenna það
vandamál og ástand sem verið er að glíma við með það að markmiði að breyta því. Unnið
er að færniþjálfun þar sem einstaklingar sem þjást af geðröskunum eins og til dæmis
þunglyndi og kvíða skortir oftar en ekki færni á sviði tilfinninga, hugsana og hegðunar.
Færniþjálfun er meginundirstaða meðferðarinnar þar sem unnið er að því að ná árangri í
árverkni, tilfinningastjórnun, sjálfstrausti, samskiptum og auknu streituþoli (Margrét
Bárðardóttir, 2009).
4.3 Fjölskyldumeðferð
Þegar unnið er með börnum og unglingum við geðrænum vanda skiptir fjölskyldan ekki
síður máli og því er mikilvægt að miða meðferð að barni og fjölskyldu saman en ekki í sitt
hvoru lagi. Fjölskyldumeðferð miðar að því að hjálpa foreldrum að fást við börn sem eiga
við geðrænan vanda að stríða og hefur hún gagnast mjög vel við þeim vanda sem foreldrar
standa oft frammi fyrir þegar kemur að geðrænum vanda barna þeirra (Hrefna Ólafsdóttir,
2006).
Í fjölskyldumeðferð er miðað að því að veita foreldrum stuðning og fræðslu um þann
vanda sem börnin þeirra glíma við, að börnin fái að segja sína skoðun, minnka togstreitu á
milli allra fjölskyldumeðlima og bæta samskiptin innan fjölskyldunnar. Leitast er við að
hlusta á hvaða skoðun börn og unglingar hafa, hvernig þau sjá vandann sem þau glíma við
og hvernig þau sjái fram á að leysa þann vanda. Börn fá því meiri athygli og eru látin taka
ábyrgð á sínum vanda. Sú skoðun að foreldrar beri ábyrgð á vandanum og þurfi að finna
lausn á honum er því ekki lengur til staðar eins og áður var. Þessi nálgun hjálpar oft
fullorðnum að öðlast hæfni og nýjan skilning til að hjálpa börnum sínum og skilja þau og
vandamálin sem þau glíma við (Embætti Landslæknis, 2012; Hrefna Ólafsdóttir, 2006).
4.4 Unglingasmiðjurnar Tröð og Stígur
Unglingasmiðjurnar Tröð og Stígur eru sértækt úrræði ætlað unglingum á aldrinum 13-18
ára sem eru félagslega einangraðir, hafa orðið fyrir einelti, eru óframfærnir, sýna
þunglyndis- og kvíðaeinkenni, hafa lítið sjálfstraust, litla félagsfærni og/eða alast upp við
erfið uppeldisskilyrði og eiga þar af leiðandi erfitt með að taka þátt í starfi sem snýr að því
21
að efla þroska unglinga til að taka þátt í félagslegum samskiptum og heilsueflandi líferni
(Heiða Ösp Kristjánsdóttir, 2013).
Unglingasmiðjurnar eru starfræktar í Reykjavík og fer inntökuferlið í þær í gengum
þjónustumiðstöðvar borgarinnar. Svo er það úthlutunarteymi sem fer yfir og samþykkir
umsóknirnar og hittir tilvísandann, unglinginn og foreldra/forráðamenn áður en þátttaka
unglingsins hefst í smiðjunni. Þar er farið yfir úrræðið og það markmið sem þátttökunni í
smiðjunni er ætlað að ná (Heiða Ösp Kristjánsdóttir, 2013).
Starfsemin í smiðjunni er mjög fjölbreytt, vikulega hittast unglingarnir á fundum þar
sem þeir fást við ýmis verkefni eins og til dæmis tómstundir, útivist, listræna þjálfun og
annað með það að markmiði að stuðla að því að auka hæfni til félagslegra samskipta, læra
að setja sig í spor annara og tjá sig og treysta öðrum. Einnig eru einstaklingsviðtöl og
stuðningur við hvern og einn. Samstarf er við foreldra og forráðamenn unglinganna í
smiðjunum þar sem þeim er boðið að koma í viðtal og fundi eftir þörfum (Heiða Ösp
Krisjánsdóttir, 2013).
22
23
5 Forvarnir
Forvarnir eru skilgreindar sem „ráðstafanir til að koma í veg fyrir sjúkdóm, slys eða önnur
áföll“ (Mörður Árnason, 2007, bls 253). Forvarnir skila bestum árangri sé gripið sem fyrst
inn í vandann og unnið á honum. Forvörnum er oftar en ekki skipt upp í þrjú stig, það er
fyrsta stigs forvarnir, annars stigs forvarnir og þriðja stigs forvarnir. Fyrsta stigs forvörnum
er ætlað að fyrirbyggja og koma í veg fyrir sjúkdóma og stuðla að heilbrigðum lífsstíl.
Annars stigs forvörnum er ætlað að finna sjúkdóminn snemma og stöðva eða að minnsta
kosti hægja á framgangi hans með því að greina hann snemma og veita viðeigandi meðferð
til að koma í veg fyrir afleiðingar af völdum hans. Þriðja stigs forvarnir snúa svo að meðferð
gegn sjúkdómnum með það að markmiði að hann verði ekki verri (Johnson, 2002).
Geðraskanir hjá börnum og unglingum eru oftar en ekki vangreindar. Forvarnir gegn
geðröskunum eru ekki nægilegar og þyrfti að auka þær með það að markmiði að fræða
börn og unglinga um mikilvægi bættrar geðheilsu (Þingskjal 52, 2014-2015). Einstaklingar
sem glíma við þunglyndi þegar þeir eru ungir eru tvöfalt til fjórfalt líklegri til að glíma við
þunglyndi á fullorðinsárum, þess vegna eru forvarnir gegn geðröskunum mikilvægar á
þessum aldri (I. Jenný Ingudóttir o.fl., 2009).
Forvarnir gegn geðröskunum barna og unglinga gætu sem dæmi verið skimun fyrir
geðröskunum í grunnskóla með það að markmiði að vinna á vandanum strax á fyrstu
stigum og veita viðeigandi meðferð (Þingskjal 52, 2014-2015). Hér á landi hefur verið
þróunarvinna í gangi sem nefnist Breiðholtsmódelið og flokkast sem snemmtæk þjónusta
þar sem börn í níunda bekk í grunnskólum í Breiðholti eru skimuð með sérstökum
spurningalista um kvíða og þunglyndiseinkenni. Þeim unglingum sem sýna merki um
einkenni kvíða og þunglyndis er svo boðið upp á þjónustu til að vinna á vandanum með
viðtölum, ráðgjöf eða hugrænni atferlismeðferð (Háskóli Íslands - Nýsköpunarvefur, 2015).
Geðrænn vandi uppgötvast oft fyrst í skóla þar sem kennarar eru oft með þeim fyrstu
til að koma auga á vanda hjá börnum og unglingum. Er það þá helst breyting á hegðun
barna og unglinga í skóla, námsgeta og félagsleg samskipti sem þeir sjá breytingu á
(Embætti Landlæknis, 2012). Aðkoma foreldra í skimun fyrir geðrænum vanda hefur einnig
mikið að segja, það er að foreldrum sé kennt að læra að þekkja geðrænan vanda hjá
börnum og vera á varðbergi fyrir breytingum á hegðun og háttalagi barna sinna (Embætti
Landlæknis, 2009). Mikil vöntun er á forvörnum til bættrar geðheilsu fyrir börn og unglinga.
Foreldrar og skólar skipta miklu máli þegar kemur að velferð barna bæði líkamlega og
andlega, því skiptir hlutverk þeirra miklu þegar kemur að tilfinningavanda hjá börnum og
unglingum þar sem tilfinningavandi hefur áhrif á þau í námi, leik og samskiptum sem er
24
mjög hamlandi fyrir þau bæði sem börn og einnig þegar komið er fram á fullorðinsár (I.
Jenný Ingudóttir o.fl. 2009; Þingskjal 52, 2014-2015).
Þjónusta við börn á Íslandi sem glíma við einhverskonar geðröskun er margvísleg í dag
en þó er vöntun á úrræðum og aðgengi í geðheilbrigðisþjónustu fyrir börn og unglinga
miðað við hversu vaxandi þessi vandi er í samfélaginu. Margar stofnanir koma að þjónustu
fyrir börn og unglinga með hegðunar- og geðraskanir og má þar nefna skóla, menntakerfið,
heilbrigðiskerfið, heilsugæslu, barna og unglingageðdeild (BUGL), auk félagslega kerfisins
innan bæjarfélaga. Batahorfur við þunglyndi eru betri eftir því sem fyrrr er brugðist við
vandanum, því skiptir máli að ná að vinna á honum um leið og hans verður vart. Mikil
vöntun er þó á sálfræðiþjónustu á heilsugæslustöðvum og fáir barnageðlæknar eru
starfandi á landinu og því langir biðlistar eftir tímum hjá þeim. Vegna þessarar vöntunar á
úrræðum og þjónustu hafa bráðamál hjá bráðateyminu á barna-og unglingageðdeild aukist
mjög (Þingskjal 52, 2014-2015).
Þjónustustigum fyrir börn með hegðunar- og geðraskanir á Íslandi er skipt upp í þrjú
þjónustustig, það er grunnþjónustu sem er fyrsta þjónustustigið, ítarþjónustu sem er annað
þjónustustigið og sérþjónustu sem er þriðja þjónustustigið (Lovísa Arnardóttir, 2011; Unnur
Heba Steingrímsdóttir og Linda Kristmundsdóttir, 2014).
5.1 Grunnþjónusta.
Grunnþjónusta er fyrsta stigs þjónusta fyrir börn og unglinga sem glíma við hegðunar- og
geðraskanir á Íslandi. Grunnþjónusta er veitt í skólum, á heilsugæslustöðvum og í
félagsþjónustu í nærumhverfi barnsins og hjá barnavernd (Lovísa Arnardóttir, 2011).
Grunnþjónustu er ætlað að greina sjúkdóminn á byrjunarstigi og veita viðeigandi lækningu.
Þar er áherslan á að greina vandann áður en hann verður of mikill, hefja íhlutun um leið og
vandans verður vart og stuðla að fyrirbyggjandi aðgerðum. Grunnþjónustan veitir mikla
forvörn þar sem mikilvægt er að greina vandann á byrjunarstigi (Kristján Már Magnússon,
2004).
Skólar veita mikla forvörn þar sem oft eru það kennarar sem taka fyrst eftir breytingum
á hjá nemendum þar sem þeir fara til dæmis að dragast aftur úr í námi, sinna ekki náminu,
mæta illa og draga sig til baka. Í grunnskólum eru einnig skólahjúkrunarfræðingar sem eru í
beinu sambandi við heilsugæslurnar til að hægt sé að veita inngrip við geðröskunum sem
allra fyrst. Á heilsugæslum eru einnig oft í boði ýmisskonar námskeið, til dæmis í hugrænni
atferlismeðferð (Embætti Landlæknis, 2012).
25
5.2 Ítarþjónusta
Ítarþjónusta er annars stigs þjónusta fyrir börn og unglinga sem glíma við hegðunar- og
geðraskanir. Þessa þjónustu veita skólasálfræðingar, sérfræðingar á stofnunum, þroska- og
hegðunarstöðin og fleiri með sértæka menntun til að geta aðstoðað börn og unglinga sem
glíma við geðraskanir. Þessi þjónusta er þó ekki eins góð í öllum landshlutum og er
ábótavant sérstaklega á landsbyggðinni. Barna- og unglingageðdeild BUGL er þó í samstarfi
á nokkrum stöðum á landsbyggðinni með það að markmiði að efla ítarþjónustu fyrir börn
og unglinga sem glíma við hegðunar- og geðraskanir og veita fagaðilum úti á landi stuðning
(Kristján Már Magnússon, 2004; Lovísa Arnardóttir, 2011; Unnur Heba Steingrímsdóttir og
Linda Kristmundsdóttir, 2013).
Ítarþjónusta er sú þjónusta þar sem greining á vandamálinu fer fram en oft er vandinn
greindur hjá fagaðilum sem veitir þá viðeigandi meðferð eða koma málinu í það úrræði og
farveg sem á þarf að halda (Kristján Már Magnússon, 2004).
5.3 Sérþjónusta
Sérþjónusta er þriðja stigs þjónusta fyrir börn og unglinga sem glíma við hegðunar- og
geðraskanir. Sérþjónusta er veitt á sjúkrahúsum og sérhæfðum stofnunum og er einungis
ætluð til að sinna erfiðustu tilfellunum (Kristján Már Magnússon).
Barna- og unglingageðdeild BUGL veitir þriðja stigs sérhæfða þjónustu fyrir börn og
unglinga upp að 18 ára aldri með hegðunar- og geðraskanir. Á BUGL vinna
hjúkrunarfræðingar, læknar, sjúkraliðar, félagsráðgjafar, sálfræðingar, iðjuþjálfar,
listmeðferðarfræðingar auk ráðgjafa með fjölbreytta menntun og reynslu sem veita
börnum með samsettan geðrænan vanda og/eða alvarleg geðræn einkenni sérhæfða
þjónustu (Lovísa Arnardóttir, 2011; Unnur Heba Steingrímsdóttir og Linda
Kristmundsdóttir, 2013).
BUGL skiptist upp í göngudeild og legudeild, en göngudeild BUGL sinnir langflestum
erindum sem koma þar inn, en legudeild sinnir frekar erindum sem krefjast innlagnar, til
dæmis ef um erfiðan vanda sem þarf sérhæfðari athugun er um að ræða (Unnur Heba
Steingrímsdóttir og Linda Kristmundsdóttir, 2013).
Göngudeild BUGL sinnir langflestum erindum sem vísað er á barna- og
ungingageðdeild. Þar er unnið í teymum, en þau teymi sem þar starfa eru bráðateymi,
inntökuteymi, fjölskylduteymi, átröskunarteymi, taugateymi og göngudeildateymi (Unnur
Heba Steingrímsdóttir og Linda Kristmundsdóttir, 2013).
26
BUGL vinnur í nánu samstarfi við þær stofnanir og sérfræðinga sem sinna grunn- og
ítarþjónustu. Börn og unglingar þurfa að fá tilvísun á BUGL en það er skilyrði fyrir inntöku.
Þeir sem helst veita tilvísun á BUGL eru heilsugæslan, það er heilsugæsluslæknar og
greiningar- og meðferðarteymi á heilsugæslum, sálfræðingar, sérfræðilæknar,
sérfræðiþjónusta leik- og grunnskóla, félagsþjónusta og barnavernd. Einnig þarf að liggja
fyrir greining á vanda barnsins og unglingsins til að hægt sé að fá inni á BUGL (Unnur Heba
Steingrímsdóttir og Linda Kristmundsdóttir, 2013).
Eftir að börn og unglingar hafa fengið viðeigandi meðferð á BUGL er málum þeirra
komið aftur í viðeigandi ferli hjá grunn- og ítarþjónustu sem sér um umönnun og eftirfylgni
með barninu eða unglingum (Lovísa Arnardóttir, 2011; Unnur Heba Steingrímsdóttir og
Linda Kristmundsdóttir, 2013).
27
6 Lífsstílsbreytingar við þunglyndi
Þegar talað er um lífsstílsbreytingar getur það átt við almenn atriði eins og mataræði,
hreyfingu, svefn og fleira eða sértæk atriði eins og álag, streitu og árekstra. Allt tengist
þetta geðheilsu og er góð geðheilsa mikilvæg fyrir geðheilbrigði unglinga. Dæmi um góða
geðheilsu unglinga er þegar unglingurinn er sáttur við sjálfan sig, hefur trú á sjálfum sér,
hefur góða félagslega færni og er í góðum samskiptum við fólkið í kringum sig. Hann er
með jákvæða sýn á tilveruna og í stakk búinn til að takast á við þá erfiðleika sem að steðja
(Embætti landlæknis, 2012; Steinunn Gunnlaugsdóttir, Unnur Heba Steingrímsdóttir og
Guðbjörg Björnsdóttir, 2009).
Það geta allir þurft að glíma við slæma geðheilsu og eru unglingsárin oft sá tími þar
sem unglingar eru viðkvæmari fyrir áföllum, erfiðleikum og ýmiskonar vanda. Geðraskanir
má oft tengja við líffræðilega þætti eða umhverfið í kring en einnig getur þetta bæði
blandast og orsakað vandann. Dæmi um það sem getur haft áhrif á geðraskanir og
geðheilsu er til dæmis einelti, vanræksla, missir náins vinar og/eða ættingja, andlegt
ofbeldi, líkamlegt ofbeldi og einnig einhverskonar höfnun eins og frá vinum, vegna
kynþáttar, kynhneigðar, trúar eða einhvers annars konar höfnun. Geðheilsan verður því oft
fyrir einhverskonar truflun sem getur leitt til alvarlegri veikinda sem nauðsynlegt er að
meðhöndla (Steinunn Gunnlaugsdóttir o.fl 2009).
Geðraskanir og tilfinningavandi byrja oft að gera vart við sig í barnæsku. Uppeldi getur
haft þar áhrif en einnig skólaganga, félagsleg tengsl og fleira. Geðraskanir og
tilfinningavandi getur haft hamlandi áhrif á félagslega getu barna og unglinga og getu
þeirra til að taka þátt í leik og starfi með jafnöldrum sínum (Þingskjal 52, 2014-2015).
6.1 Mikilvægi góðrar geðheilsu
Geðheilsa fólks er mjög mikilvæg og þar eru börn og unglingar að engu undanskilin.
Geðheilsa getur raskast út af ýmsum ástæðum, bæði vegna líffræðilegra þátta og
umhverfisþátta. Getur það valdið því að fólk verður viðkvæmara fyrir ýmis konar áreiti,
hegðun breytist, það finnur fyrir vanlíða og pirringi og á erfitt með samskipti við annað fólk.
Þetta getur síðan leitt til þess að erfiðleikar geri vart við sig í skóla, fjölskyldulífi og innan
vinahópsins (Steinunn Gunnlaugsdóttir o.fl., 2009).
Það er margt sem hægt er að gera til að styrkja geðheilsu barna og unglinga. Sem
dæmi um það er að tryggja að þau nærist vel og reglulega, fái nægan og góðan svefn,
stundi góða hreyfingu daglega, eigi góð félagsleg tengsl og þátttöku í félagslífi. Einnig er
28
jákvæð hugsun mikilvæg og að þau ræði um líðan sína við aðra, fjölskyldu og vini og svo
framvegis (Steinunn Gunnlaugsdóttir o.fl., 2009).
Þátttaka foreldra í lífi barna sinna er lykilatriði þegar kemur að bata barna og unglinga
með geðraskanir og einnig þegar kemur að geðheilsu þeirra. Uppeldisaðferðir sem
foreldrar beita eru mismunandi en þó hafa þær oftast að markmiði að stuðla að velferð
barnanna. Foreldrar þurfa að vera vakandi fyrir geðheilsuvanda hjá börnum sínum þar sem
þau geta sýnt margvísleg einkenni sem geta bent til að um geðheilsuvanda sé að ræða.
Geðrænn vandi hefst oft í barnæsku og því er magt sem foreldrar geta gert og haft í huga
til að stuðla að bættri geðheilsu hjá börnum. Mikilvægt er að stuðla að öruggu félagslegu
umhverfi fyrir börnin, öruggu heimili, gefa þeim hollan og næringarríkan mat og stuðla að
góðri hreyfingu. Foreldrar ættu að vera börnum sínum góð fyrirmynd, hvetja börnin sín til
vera opin um tilfinningar sínar og ekki byrgja inni vanlíðan. Láta börnin finna að þau njóti
trausts svo þau geti leitað til foreldra með vandamál sín og að á þau sé hlustað. Mikilvægt
er einnig að stuðla að sjálfstæði barna og stuðla að trú þeirra á eigin getu. Foreldra þurfa
einnig að geta viðurkennt vanmátt sinn ef þau standa frammi fyrir því að ráða ekki við þær
aðstæður sem þau standa í og vera óhrædd við að leita sér hjálpar hjá fagaðilum til að
vinna á vandanum (Steinunn Gunnlaugsdóttir o.fl., 2009).
29
7 umræður
Í þessari ritgerð var skoða þunglyndi meðal unglinga og hvaða meðferðarleiðir og úrræði
eru í boði fyrir unglinga sem glíma við þunglyndi á Íslandi. Í upphafi var lagt upp með þrjár
rannsóknarspurningar:
1. Hvaða áhrif hefur þunglyndi á líf unglinga?
2. Hvaða meðferðarúrræði eru í boði fyrir unglinga með þunglyndi?
3. Geta forvarnir og lífsstílsbreytingar haft jákvæð áhrif á einstaklinga með
þunglyndi?
Skoðaðar voru ýmsar greinar, bækur, og skýrslur auk þess sem skoðaðir voru hinir
ýmsu bæklingar frá barna og unglingageðdeild Landspítalans (BUGL). Að auki nýttist
vettvangsnám höfundar sem hann tók á BUGL haustið 2014 vel við skrif á ritgerðinni, en
þar kynntist hann þunglyndi hjá unglingum og þeim meðferðarleiðum sem boðið er upp á á
BUGL.
7.1 Áhrif þunglyndis á líf unglinga
Þunglyndi hjá börnum og unglingum hefur aukist og svo virðist sem að tíðni unglinga sem
glíma við þunglyndi aukist eftir að kynþroska er náð (Eiríkur Örn Arnarson, 2010).
Eins og fram hefur komið er margt sem getur haft áhrif á þunglyndi og er talið að
geðraskanir hjá börnum og unglingum hafi uppruna sinn í samspili líffræðilegra, sálrænna
og félagslegra þátta. Þegar þunglyndi er greint hjá unglingum er oft litið til tveggja þátta hjá
þeim það er annars vegar hjá unglingnum sjálfum, skapgerð hans og erfðum og svo hins
vegar í uppeldisumhverfi unglingsins bæði hjá fjölskyldu hans og svo einnig í
nærumhverfinu (Kristján Már Magnússon, 2004).
Þunglyndi getur reynt mjög á unglinga og haft áhrif á þroska þeirra, virkni og
samskiptarhæfni. Þunglyndi getur haft mikil áhrif á félagslega virkni unglinga þar sem þeir
eiga á hættu að einangra sig og hætta að umgangast félaga sína og vini. Þunglyndi getur
einnig haft áhrif á skólagöngu og námsárangur unglinga þar sem þeir mæta oft verr í
skólann eða mæta alls ekki og getur það á endanum leitt til brottfalls úr skóla (Embætti
Landlæknis, 2012).
Kamkar o.fl. (2012) töluðu um að tengsl væru á milli þess hversu góð tengsl unglingar
hafa við foreldra sína og sálræna vanlíðan. Góð og örugg tilfinningatengsl unglinga við
30
foreldra eru uppspretta fyrir öryggi og stuðning á unglingsárum og gerir það að verkum að
unglingar eru líklegri til að ráða við streituvaldandi aðstæður. Foreldrar geta því haft mikil
áhrif á sálræna líðan barna sinna og veitt góða forvörn.
Ef þunglyndi er ekki meðhöndlað hjá börnum og unglingum getur það haft slæm áhrif
upp á framtíðina að gera. Þeir sem hafa glímt við þunglyndi sem börn eru mun líklegri til að
eiga við sama vandamál að stríða á fullorðinsárum en ef að þunglyndi er meðhöndlað fyrir
fullorðinsár dregur það úr líkunum á því að það taki sig upp aftur. Þunglyndi á unglingsárum
getur einnig tengst hinum ýmsu geðröskunum á fullorðinsárum. Þunglyndi getur því haft
mjög slæm áhrif á börn og unglinga og getur í slæmum tilvikum leitt til sjálfsvígstilrauna
(Embætti Landlæknis, 2012).
Þunglyndi á unglingsárum getur aukið líkurnar á því að unglingar glími við annars konar
geðröskun eins og kvíða og hegðunarerfiðleika en einnig getur það leitt til þess að
unglingar fari að stunda áhættu hegðun eins og misnotkun áfengis og vímuefna (Eiríkur Örn
Arnarson, 2001; Eiríkur Örn Arnarson, 2010).
7.2 Meðferðarúrræði fyrir unglinga með þunglyndi
Þjónusta við börn á Íslandi sem glíma við einhverskonar geðröskun er margvísleg í dag en
þó er vöntun á úrræðum og aðgengi í geðheilbrigðisþjónustu fyrir börn og unglinga miðað
við hversu vaxandi þessi vandi er í samfélaginu.
Gagnreynd námskeið eru í boði á BUGL en þar sem BUGL sinnir þriðja stigs þjónustu
við börn með geðraskanir á Íslandi þá eru það einungis alvarleg tilvik sem komast þar að.
Nokkur sveitarfélög og heilsugæslur á Íslandi bjóða upp á námskeið við þunglyndi barna og
unglinga og eru það þá helst hugræn atferlismeðferð (HAM) og díalektísk atferlismeðferð
(DAM), þó er mikil vöntun þar á og ná þau ekki að sinna eftirspurn. Sálfræðimeðferðir eru
einnig mjög góður kostur fyrir börn og unglinga með þunglyndi en það eru ekki allir sem
geta nýtt sér þjónustu sálfræðinga þar sem það kostar að fara til þeirra og er það því ekki á
allra valdi að geta sótt sér þá þjónustu. Barnageðlæknar eru líka góður kostur fyrir unglinga
með þunglyndi en aðgengi að þeim er heldur ekki gott þar sem fáir eru sjálfstætt starfandi
og langur biðlisti hjá þeim (Þingskjal 52, 2014-2015).
Hugræn atferlismeðferð er mest notuð á Íslandi fyrir börn og unglinga sem glíma við
þunglyndi. Meðferðin hefur gefið góðan árangur hjá börnum og unglingum, þar sem hún
dregur úr þunglyndiseinkennum og hefur góð áhrif á hugsanaferli og sjálfsmynd barna og
unglinga (Eiríkur Örn Arnarson, 2001).
31
Díalektísk atferlismeðferð er einnig meðferðarúrræði sem er í boði fyrir börn og
unglinga með þunglyndi í dag. Í fyrstu var hún einungis ætluð sem meðferð við
persónuleikaröskun og sjálfskaðandi hegðun en hefur einnig gefið góða virkni á þunglyndi
hjá unglingum og hefur verið notuð sem meðferðarúrræði á BUGL og fleiri stöðum
síðastliðin ár (Margét Bárðardóttir, 2009).
Fjölskyldumeðferð er meðferðarúrræði við þunglyndi unglinga og er einnig ætluð fyrir
fjölskyldur þeirra. Geðrænn vandi unglinga skiptir ekki síður fjölskylduna máli og því er
mikilvægt að miða meðferð við þunglyndi unglinga einnig að fjölskyldu þeirra.
Fjölskyldumeðferð hefur þótt gagnast vel við þeim vanda sem foreldrar standa oft frammi
fyrir þegar kemur að geðrænum vanda barna þeirra og hjálpar foreldrum að vinna í
sameiningu með börnum sínum að bata (Hrefna Ólafsdóttir, 2006).
Reykjavíkurborg hefur starfrækt unglingasmiðjur sem eru sértækt úrræði fyrir unglinga
á aldrinum 13-18 ára sem eru félagslega einangraðir, hafa orðið fyrir einelti, eru
óframfærnir, sýna þunglyndis- og kvíðaeinkenni, hafa lítið sjálfstraust, litla félagsfærni
og/eða alast upp við erfið uppeldisskilyrði og eiga þar af leiðandi erfitt með að taka þátt í
starfi sem snýr að því að efla þroska unglinga til að taka þátt í félagslegum samskiptum og
heilsueflandi líferni. Unglingar hittast í smiðjunni og fá að stunda hin ýmsu verkefni tengd
til dæmis tómstundum , útivist og fleira en markmiðið með því er að auka félagsleg
samskipti þeirra og læra að setja sig í spor annarra og auka traust (Heiða Ösp
Kristjánsdóttir, 2013).
Meðferðarúrræði fyrir börn og unglinga eru mikilvæg því með því að vinna á
geðrænum vanda strax í æsku má draga úr líkum á geðrænum vanda á fullorðinsárum
(Þingskjal 52, 2014-2015).
7.3 Forvarnir og lífsstílsbreytingar við þunglyndi
Forvarnir og lífsstílsbreytingar geta haft mikill áhrif á tilhneigingu unglinga til að eiga við
þunglyndi að stríða. Geðraskanir hjá börnum og unglingum eru oft vangreindar og því væru
forvarnir mjög góðar til að fræða börn og unglinga um mikilvægi bættrar geðheilsu svo þau
séu meira vakandi fyrir líðan sinni, það er hvað er óæskileg líðan og hvenær og hvert á að
leita þegar líðan er orðin þannig að hún sé farinn að hafa slæm áhrif á unglinginn (Þingskjal
52, 2014-2015).
Markmiðið með forvörnum gegn þunglyndi hjá unglingum er að vinna á vandanum á
fyrstu stigum og til að geta veit viðeigandi meðferð sem fyrst. Þetta gæti til dæmis verið
skimun fyrir geðröskunum í grunnskóla. Forvarnir skila bestum árangri sé gripið sem fyrst
32
inn í vandann og unnið á honum. Unglingar sem glíma við þunglyndi eru tvöfalt til fjórfalt
líklegri til að glíma við þunglyndi á fullorðinsárum, þess vegna eru forvarnir gegn
geðröskunum mikilvægar á þessum aldri (Þingskjal 52, 2014-2015).
Geðheilsa fólks er mjög mikilvæg og þar eru börn og unglingar að engu undanskilin.
Það er margt sem er hægt að gera til að styrkja og bæta geðheilsu barna og unglinga og er
margt sem foreldrar geta gert til að stuðla að bættri geðheilsu barna sinna. Til dæmis geta
foreldrar tryggt að börnin þeirra nærist vel og reglulega, fái nægan svefn, séu að stunda
hreyfingu, séu í góðum tengslum við vini sína og félaga og taki þátt í félagslífinum sem er í
boði fyrir þá. Einnig skiptir máli að stuðla að jákvæð hugsun hjá unglingum og hvetja þá til
að ræða um líðan sína við foreldra, fjölskyldu, vini, kennara eða einhvern sem þau treysta
(Steinunn Gunnlaugsdóttir o.fl., 2009).
33
8 Lokaorð
Í þessari ritgerð var fjallað um þunglyndi unglinga og leitast við að skoða þær
meðferðarleiðir sem í boði eru á Íslandi í dag. Einnig var farið inn á mikilvægi forvarna og
geðheilsu barna og unglinga.
Tilfinningar eru eðlilegur hluti af tilverunni en þegar þær eru komnar út á þá braut að
manni er farið að líða illa út af þeim þá fara þær að hafa áhrif á heilsu, samskipti og
lífshamingju. Þegar við finnum leiðir til að takast á við hlutina og skilgreina vandann fer
okkur að líða betur og lífsgæðin okkar aukast.
Það er fróðlegt að sjá hve meðferðarúrræðum og forvörnum gegn geðsjúkdómu barna
og unglinga er ábótavant í dag. Auka þarf forvarnir gegn þunglyndi hjá börnum og
unglingum þar sem þær geta hjálpað til við að uppgötva þunglyndi á byrjunarstigi. Með því
að grípa sem fyrst inn í vandann og vinna á honum skila forvarnirnar bestum árangri auk
þess sem það dregur verulega á líkum á því að einstaklingurinn þurfi að glíma við þunglyndi
seinna meir. Því getur skimun á þunglyndi í grunnskólum skilað góðum árangri og hjálpað til
við að finna þá unglinga sem eiga það á hættu að greinast með þunglyndi og þurfa á hjálp
að halda.
Meðferðarúrræði gegn geðsjúkdómum eru heldur ekki næg og mætti auka aðgengi að
þeim. Mikið af þeim meðferðarúrræðum sem eru í boði eru veitt innan þriðja stigs
þjónustu á BUGL og eru þá einungis í boði fyrir þau börn sem eiga við alvarlegt þunglyndi
að stríða. Með því að færa meðferðarúrræðin á annars stigs þjónustu og skima fyrir
þunglyndi á fyrsta stigs þjónustu væri eflaust hægt að draga úr því að þunglyndi verði jafn
alvarlegur og algengur sjúkdómur í samfélaginu og hann virðist vera.
34
35
Heimildaskrá
Beck, A. T. (1967). Depression: Causes and treatment. Philadelphia: University of
Pennsylvania Press.
Eiríkur Örn Arnarson. (2010). Forvörn þunglyndis hjá ungmennum. Geðvernd, 39(1), 30-34.
Sótt af neti 10 október 2014 frá: http://www.hirsla.lsh.is/lsh/handle/2336/121418
Eiríkur Örn Arnarson. (2003). Þunglyndi barna og unglinga: Forvarnir. Uppeldi, 16(1), 22-23.
Eiríkur Örn Arnarsson. (2001). Þunglyndi meðal ungmenna og fyrirbyggjandi aðgerðir.
Geðvernd, 30 (1), 23-26. Sótt af neti 10 október 2014 frá:
http://www.hirsla.lsh.is/lsh/bitstream/2336/97503/1/G2001-01-30-G4.PDF
Ellis, A. (1962). Reason and emotion in psychotherapy. New York: Lyle Stewart.
Embætti Landlæknis. (2009). Geðheilsa barnsins þíns – bæklingur fyrir aðstandendur barna
og unglinga. Sótt af neti 26 janúar 2015 frá: http://www.landlaeknir.is/utgefid-
efni/skjal/item10927/
Embætti Landlæknis. (2012). Börn og þunglyndi. Sótt af neti 26 janúar 2015 frá:
http://www.landlaeknir.is/um-
embaettid/greinar/grein/item16386/Born_og_tunglyndi
Engilbert Sigurðsson, Hafrún Kristjánsdóttir, Jón Friðrik Sigurðsson og Magnús Blöndahl
Sighvatsson. (2011). Gagnsemi hugrænnar atferlismeðferðar við lyndis- og kvíðaröskun
hjá fullorðinum. Læknablaðið, 11(97). Sótt af neti 10 október 2014 frá:
http://www.laeknabladid.is/tolublod/2011/11/nr/4367
Ferster, C. B. (1973). A functional analysis of depression. American Psychologist, 28, 971-
983.
Háskóli Íslands – Nýsköpunarvefur. (2015, janúar). Þjónustumiðstöð Breiðholts –
Breiðholtsmódelið. Sótt af neti 15 mars 2015 frá:
http://nyskopunarvefur.is/thjonustumidstod_breidholts_breidholtsmodelid
Heiða Ösp Krisjánsdóttir. (2013). Unglingasmiðjurnar Stígur og Tröð: Ársskýsla veturinn
2012-2013. [Rafræn útgáfa]. Reykjavík: Reykjavíkurborg.
Hrefna Ólafsdóttir. (2006). Börn og geðræn vandkvæði. Í Sigrún Júlíusdóttir og Halldór Sig.
Guðmundsson (ritstjórar), Heilbrigði og heildarsýn, félagsráðgjöf í heilbrigðisþjónustu
(bls. 111-127). Reykjavík: Háskólaútgáfan og Rannsóknarsetur í barna- og
fjölskylduvernd.
36
Hrefna Pálsdóttir, Inga Dóra Sigfúsdóttir, Jón Sigfússon og Álfgeir Logi Kristjánsson (2011).
Ungt fólk 2011. Menntun, menning, íþróttir, tómstundir, hagir og líðan nemenda í 5., 6.
og 7. bekk. Reykjavík: Rannsóknir og greining ehf.
Inga Hrefna Jónsdóttir, Rósa María Guðmundsdóttir, Vera Siemsen og Þórunn
Gunnarsdóttir (ritstjórar). (2010). Ham, handbók um hugræna atferlismeðferð. Sótt af
neti 10 október 2014 frá: http://ham.reykjalundur.is/medferdarhandbok/
I. Jenný Ingudóttir, Hafdís Dögg Guðmundsdóttir, Bryndís Björk Ásgeirsdóttir, Inga Dóra
Sigfúsdóttir (2009). Áhrif stuðnings foreldra og tengsla við skóla á þunglyndi meðal
unglinga. Rannsóknir í félagsvísindum X, 349-362. Sótt af neti 23. október 2014 frá:
http://skemman.is/stream/get/1946/7600/20217/1/F%C3%A9lags-
_og_mannv%C3%ADsindadeild_2009.pdf
Ívar Snorrason og Haukur Ingi Guðnason. (2008). Um hugræna atferlismeðferð og
athafnasemismeðferð við þunglyndi. Sálfræðiritið – Tímarit Sálfræðingafélags Íslands,
13, bls 199-211. Sótt af neti 10. október 2014 frá:
http://www.hirsla.lsh.is/lsh/bitstream/2336/78017/1/S2008-13-F10.pdf
Johnson, R.L. (2002). Pathways to adolescent health: Early intervention. Journal of
Adolescent Health, 31, 240-250. Sótt af neti 1 apríl 2015 frá:
http://www.sciencedirect.com/science/article/pii/S1054139X02004974
Kamkar, K., Doyle, A., og Markiewicz, D. (2012). Insecure attachment to parents and
depressive symptoms in early adolescence: Mediating roles of attributions and self-
esteem. International Journal of Psychological Studies, 4(2), 3-18.
Kristján Már Magnússon. (2004). Samhæfing í málefnum barna og unglinga með
geðraskanir Tillaga um skilgreiningu þriggja þjónustustiga í málefnum barna og unglinga
með geðraskanir og aðgerðir til að auka samþættingu þjónustunnar. Reykjavík: Heilbrigðis-
og tryggingamálaráðuneytið. Sótt af neti 20 janúar 2015 frá:
http://www.velferdarraduneyti.is/media/Skyrslur/Lokaskyrsla_KMM_Samhafing_tjonustu.
Lovísa Arnardóttir. (2011). Staða barna á Íslandi 2011 [Rafræn útgáfa]. Reykjavík:Unicef á
Íslandi.
Margrét Bárðardóttir. (2009). Díalektísk atferlismeðferð. Vefrit Sálfræðifélags Íslands. Sótt
af neti 3 nóvember 2014 frá: http://vefritsi.wordpress.com/2009/10/20/dialektisk-
atferlisme%C3%B0fer%C3%B0/
Mörður Árnason. (2007). Íslensk orðabók. Reykjavík: Edda.
37
Oddur Erlingsson. (2000). Kvíði og hugræn atferlismeðferð. Geðvernd, 29(1), 18-25. Sótt af
neti 10 október 2014 frá: http://hirsla.lsh.is/lsh/handle/2336/95957
Ólafur Þór Ævarsson. (e.d.). Þunglyndi: Leiðbeiningar fyrir sjúklinga og aðstandendur.
[bæklingur]. http://www.actavis.is/NR/rdonlyres/45A935A4- 1F63-4078-A659-
3C515E44FBE1/0/Thunglyndi2005.pdf
Pétur Tyrfingsson og Agnes Agnarsdóttir. (2011). Mér líður eins og ég hugsa! Hugræn
atferlismeðferð við kvíða og þunglyndi. Reykjavík: Landspítalinn Háskólasjúkrahús.
Sigrún Aðalbjarnardóttir og Kristín Lilja Garðarsdóttir. (2004). Depurð ungs fólks og
uppeldisaðferðir foreldra: Langtímarannsókn. Sálfræðiritið – Tímarit Sálfræðingafélags
Íslands, 9, bls 151-166. Sótt af neti 1 apríl 2015 frá:
http://www.hirsla.lsh.is/lsh/bitstream/2336/79473/1/S2004-09-F10.pdf
Stallard, P. (2006). Bætt hugsun – Betri líðan: Handbók í hugrænni atferlismeðferð fyrir
börn og unglinga (Dr. Gyða Haraldsdóttir, Hafdís Kjartansdóttir, Hulda Sólrún
Guðmundsdóttir og Leifur Davíð Halvorson þýddu). Reykjavík: Skrudda. (upphaflega
gefin út 2002).
Steinunn Gunnlaugsdóttir, Unnur Heba Steingrímsdóttir og Guðbjörg Björnsdóttir. (2009).
Geðheilsa barnsins þíns: Bæklingur fyrir aðstandendur barna, það sem sérhver
fjölskylda ætti að vita. Reykjavík: Lýðheilsustöð og Landlæknisembættið.
Steinunn Gunnlaugsdóttir, Unnur Heba Steingrímsdóttir og Guðbjörg Björnsdóttir. (2009).
Geðheilsan þín skiptir máli: Bæklingur fyrir unglinga. Reykjavík: Lýðheilsustöð og
Landlæknisembættið.
Thapar, A., Collishaw, S., Pine, D., og Thapar, A., K. (2012). Depression in adolescence. The
Lancet 379(9820), 1056-1067.
Unnur Heba Steingrímsdóttir og Linda Kristmundsdóttir. (2014). Bugl, barna- og
unglingageðdeild. Landspítali, barna- og kvennasvið, barna-og unglingageðdeild –
BUGL.
Þingskjal 52. (2014-2015). Tillaga til þingsályktunar um geðheilbrigðisþjónustu fyrir
börn,unglinga og fjölskyldur þeirra. Alþingistíðindi A-deild. Sótt af neti 1 nóvember
2014 frá: http://www.althingi.is/altext/144/s/0052.html