mga ekspresyon
TRANSCRIPT
Mga Ekspresyong Naghahayag ng
Posibilidad
•Ano ba ang ibig sabihin ng posibilidad?
•Paano ang nararapat na pagpapahayag nito?
May iba’t ibang pahayag na ginagamit sa araw-araw na pakikipag-usap sa
ibang tao. Ang mga pahayag na ito ay mahalaga
sa pagpapahayag ng ideya,saloobin, o opinyon tungkol sa
isang tao, bagay, o pangyayari.
Ang posibilidad ay isang pahayag na naglalahad ng isang pangyayaring
maaaring mangyari o magkatotoo ngunit Walang katiyakan o kasiguruhan. Gumagamit ng mga ekspresyong
nagpapahayag ng posibilidad kung ang taong nagpapahayag ay
nagbabakasakali pa o hindi pa nakatitiyak sa katotohanan ng kaniyang ideya
o saloobin. Karaniwan ding nagpapakita ng ugnayang sanhi at bunga ng mga
pangyayari ang mga ekspresyong nagpapahayag ng posibilidad.
Mayroong iba't ibang ekspresyong nagpapahayag ng posibilidad tulad ng:
•baka,•maaari,•marahil,•tila,•kung,•kapag,•sakali, at•siguro.
MGA EKSPRESYONG MAY POSIBILIDAD NA MAGING BUNGA O EPEKTO
Ang mga pang-ugnay na baka, maaari, marahil, at tila ay mga ekspresyong nagpapahayag ng posibilidad na maging bunga ng isang gawain o pangyayari.
Halimbawa:•Magbabasa ako ng mga aralin mamayang gabi, baka tumaas na ang aking marka sa mga asignatura.•Masipag at matiyaga si Ronald sa trabaho kaya maaari siyang ma-promote sa loob ng isang taon.•Mahilig magbasa ng mga aklat tungkol sa astronomiya si Andres kaya marahil ay magiging mahusay siyang astronomer balang araw.
MGA EKSPRESYONG MAAARING MAGING SANHI O DAHILAN PARA MAGKATOTOO ANG POSIBILIDAD
Ang mga pang-ugnay na sakali, siguro, kung, at kapag naman ay
nagpapahayag na maaaring maging sanhi para magkatotoo ang
isang posibilidad.
Halimbawa:
•Pupunta ako sa salo-salo sakaling maagang matapos ang aming klase.•Makatitipid ako siguro kung bibili lamang ng mga bagay na talagang kailangan.•Makatatapos ako ng pag-aaral kung mag-aaral ako nang mabuti.Bibili ako ng bagong sapatos kapag nakuha ko na ang una kong suweldo.
Maraming Salamat Sa
Pakikinig
Rowelyn C. SayunoGuro sa Filipino 7