mitolohiyang griyego
DESCRIPTION
..TRANSCRIPT
Mitolohiyang Griyego
Mitolohiyang Griyego
Ano ang mitolohiya? Ang mitolohiya ay isang halos magkakabit-kabit na kumpol
ng mga tradisyonal na kuwento o mito, mga kwento na binubuo ng isang partikular na relihiyon o paniniwala. Karaniwang tinatalakay ng mga kwentong mito ang mga diyos at nagbibigay ng mga paliwanag hinggil sa mga likas na kaganapan. Halimbawa na ang kung paano nagkaroon ng hangin o mga karagatan. May kaugnayan ang mitolohiya sa alamat at kwentong-bayan .
Ang isa sa mga sikat na mitolohiya ay ang mitolohiya ng mga Griyego o ang tinatawag na mitolohiyang Griyego.
Binubuo ang mitolohiyang Griyego ng isang malaking bahagi ng mga koleksyon ng mga salaysay na ipinapaliwanag ang pinagmulan ng mundo at dinidetalye ang mga buhay at pakikipagsapalaran ng mga iba't ibang mga diyos, diyosa, at bayani.
Sa una, ipinamamahagi ang mga salaysay na ito sa isang tradisyong tulang-pabigkas; ang ating mga nanatiling pinagkukunan ng mga Griyegong mitolohiya ay mga gawang pang-panitikan ng tradisyon pagbigkas.
Sumasalamin din ang mitolohiyang Griyego sa mga artipakto, ilang mga gawang sining, lalo na iyong mga pintor ng mga plurera. Tinutukoy ng mga Griyego mismo ang mga mitolohiya at mga kaugnay na gawang sining upang magbigay liwanag sa mga kultong pagsasanay at ritwal na mga tradisyon na napakaluma na at, minsan, hindi nauunawang mabuti.
ZEUS
Diyos ng Kalangitan / Diyos ng Kulog
Si Zeus ay ang pinuno ng mga diyos sa mitolohiyang Griyego. Siya ang nangingibabaw, pinakamakapangyarihan, pinakamataas, o supremong diyos ng sinaunang mga Griyego. Ginagamit niyang sandata ang kidlat na may kasamang malakas na kulog, kaya't kilala rin siya bilang "Zeus ang Tagapagkulog" (Zeus the Thunderer).
HERA
Diyosa ng langit, mga babae, kasal, at panganganak
Si Hera ay ang kapatid na babae at asawa ni Zeus. Siya ang Reyna ng mga diyos, at tinaguriang diyosa ng kasal o pakikipag-isang-dibdib. Madalas na ikagalit at ipagselos ni Hera ang palagiang pagkakaroon ng pakikipag-ugnayan ni Zeus sa ibang kababaihang mga diyosa at tao, na nagkakaroon ng mga supling dahil kay Zeus.
APOLLO
Diyos ng araw; diyos ng liwanag, musika, medisina
at propesiya
Si Apollo ay kapatid at kakambal na lalaki ni Artemis.Binabansagan din siyang Phoebus na nangangahulugang maliwanag, nakasisilaw, o nagliliyab dahil sa kanyang angking kabataan at kaakit-akit na mukha, kaya't ikinakabit siya sa araw o bilang diyos ng araw na si Helios sa Griyego o Sol sa Romano.
POSEIDON
Diyos ng dagat, lindol, at kabayo
Si Poseidon ang diyos ng karagatan, kaya't mayroon siyang kapangyarihan sa pagtaban ng mga alon, bagyo, at maging ng mga lindol. Katangian niya ang may hawak ng isang sandatang piruya o tridente, na kahawig ng isang malaking tinidor o sibat na may tatlong tulis at mahabang hawakan.
HERMES
Diyos ng komersyo, magnanakaw, biyahero, at laro; sugo ng mga diyos
Ang diyos na mensahero ng mga diyos at mga diyosa. Siya ang gabay ng mga manlalakbay, kabilang ang mga nagbibiyahe patungo sa Mundong Ilalim. Anak siya ni Zeus at ng isang diwata.
HEPHAESTUS
Diyos ng apoy, teknolohiya, at bulkan; panday ng mga diyos
Hindi katulad ng ibang mga diyos, ipinanganak siyang mahina at may kapangitan. Asawa niya si Aprodita na diyos ng kagandahan, ngunit hindi matapat kay Hephaistos si Aprodita. diyos ng apoy, teknolohiya, at bulkan;panday ng mga diyos
ARES
Diyos ng Digmaan
Anak ni Zeus at Hera. Bilang diyos ng digmaan, agad-agad siyang napupukaw papunta sa pook ng nagaganap na mga pagkikipagdigma. Kabilang sa katangian niya ang pagiging kaaya-aya at malakas na lalaki, subalit lagi siyang handang pumaslang. Kinatatakutan ng lahat ng mga Griyego ang galit ni Ares.
ATHENA
Diyosa ng karunungan, digmaan,
sining, industriya, hustisya at ng kaalaman.
Siya ang paboritong anak ni Zeus, anak ni Metis: ang unang asawa ni Zeus. Nagmula siya sa ulo ng kanyang amang si Zeus. Noong ipinanganak, balot na ang kanyang buong katawan ng mga baluting pandigma.
ARTEMIS
Diyosa ng buwan at pangangaso
Si Artemis ay kakambal na babae ni Apollo. Mayroon siyang hawak na balingkinitang pana na binabalahan ng ginintuang mga palaso. Dahil nga diyosa siya ng paninila, mabilis ngunit may kayumian siya sa pagkilos. Mahal niya ang mga kagubatan. Paborito niya ang usa.
DEMETER
Diyosa ng agrikultura at pertilidad
Siya ang diyosa ng mga butil o buto ng halaman o pananim, kaya't siya rin ang diyosa ng agrikultura. Batay sa mitolohiya ng mga Griyego, siya ang nagturo sa mga tao kung paano magtanim at magsaka. Sinasamba siya ng lahat ng mga uri ng taong nagtatanim at umaani.
HESTIA
Diyosa ng apuyan at tahanan
Si Hestia ang diyosa ng dapugan o apuyan at ng tahanan. Siya ang namamahala sa maamong buhay. Siya ang nakakatandang kapatid na bebe ni Zeus at ang pinakamantandang anak nina Rhea at Cronus.
DIONISIO
Diyos ng alak at diyos ng mga baging.
Si Dionisio ang huling diyos na pumasok at nanirahan sa Bundok ng Olimpo. Bilang diyos ng alak, nagagawa niyang maging masiyahin ang tao sa pamamagitan ng pag-aalok at pagpapainom ng alak. Ngunit nagagawa niya ring mabangis ang tao dahil sa pagkalasing.
APHRODITE
Diyosa ng kagandahan at pag-ibig.
Kapag nakadama ng pag-ibig ang mga lalaki at babae ng mundo, sinasamba nila sa Aproditi. Mayroon siyang matamis na ngiti at mahiligin sa paghalakhak. Mayroon siyang isang hindi magandang katangian nagiging pagtuya at kanyang halakhak, at mayroon din siyang kakayahan at kapangyarihang lumipol o manira.
ACHILLES
Isang Griyegong bayani ng Digmaang Trohano, at pangunahing tauhang mandirigma sa Iliada ni Homero. Isa sa mga katangian ni Achilles ang pagiging pinakakakabigha-bighaning sa mga lalaking bayaning tinipon laban s Troya, at siya ring pinakamagiting at pinakamagaling