mut youth [email protected] e-newsletter lulju...
TRANSCRIPT
ħarġa numru 2
MUT Youth [email protected]
e-newsletter Lulju 2013
Daħla għall-Ħarġa mill-Editur Justin Schembri
Wasalna għat-tieni ħarġa tan-newsletter,
issa fil-bidu tas-sajf. Wara li l-ewwel
ħarġa ntlaqgħet tajjeb speċjalment mal-
istudenti universitarji li pparteċipaw fiż-
żewġ laqgħat li l-MUT Youths kellna
magħhom ftit ġimgħat ilu, nifhmu l-
ħtieġa li ż-żgħażagħ jinżammu infurmati
b’dak li jkun għaddej mid-dinja tal-MUT
Youths. B’dan il-kuntatt tibda tinbena
relazzjoni li ’l quddiem issarraf f’Unjin
aktar b’saħħitha, f’Unjin li taġġorna
ruħha skont il-polz tal-edukatur.
Tant hu hekk, li waħda mill-istudenti li
attendiet, qiegħda tikteb artiklu qasir
dwar kemm hu importanti li jkollha l-
appoġġ tal-Unjin kemm-il darba tidħol
fid-dinja tax-xogħol. Stefanie Gauci,
taspira li tkun għalliema mis-sena
skolastika li jmiss, imma mill-ewwel uriet
l-importanza li tkun parti mill-MUT.
Nistieden għalliema oħra jikkuntattjawna
u jiktbu f’din in-newsletter.
Għalhekk, permezz ta’ din il-ħarġa, jiena
bħala editur u f’isem il-bqija tal-kumitat,
irrid inkompli nżomm rabta bejn il-
Kumitat u l-għalliema affiljati mal-MUT.
Jekk sa Marzu, meta nidejna din l-
inizjattiva ma kellniex ir-rispons mixtieq,
illum, wara li anke pparteċipajna bħala
Youths f’diskussjonijiet mal-eżekuttiv
tal-Unjin, nistgħu ngħidu li qegħdin
ingawdu ċertu rispett li jsaħħaħ ħidmitna.
Nittama li din in-newsletter tagħlaq sena
skolastika mill-aqwa, fil-waqt li nawgura
minn qalbi sajf ta’ mistrieħ sabiex meta
nerġgħu niltaqgħu, ikollna l-enerġija biex
inkomplu nwettqu l-missjoni edukattiva
tagħna lkoll.
Il-Ħtieġa għall-Użu tal-Internet Facebook u s-Sezzjoni Żgħażagħ tal-MUT Adrienne Azzopardi, PRO Sezzjoni Żgħażagħ
Fis-soċjetà dinamika tal-lum, il-midja soċjali u n-networking saru parti integrali mill-ħajja ta’ kuljum tal-maġġoranza, speċjalment għaż-żgħażagħ. Bosta drabi, it-teknoloġija, bħal ngħidu aħna facebook, iżżommna f’kuntatt mal-familjari, mal-qraba u mal-ħbieb, l-aktar dawk li jgħixu barra minn xtutna. Madankollu, dawn in-netwerks soċjali tant u tant popolari llum qed jiġu utilizzati bħala għodda meħtieġa sabiex jixxandru aħbarijiet kurrenti. Huwa għalhekk li, politiċi, kumpaniji u industriji kontinwament iżommu ruħhom marbuta mad-dinja soċjali permezz ta’ hekk.
Is-Sezzjoni Żgħażagħ tal-MUT ħasset il-ħtieġa li tutilizza dan il-mezz ta’ komunikazzjoni tant effettiv u ekonomiku fl-istess waqt, għax minbarra li f’dan iż-żmien, wieħed irid iżomm ruħu aġġornat mal-użu tekonoloġiku u tan-netwerk u fl-istess ħin jibqa’ marbut ma’ dak li jkun qiegħed jiġri madwaru, hemm għanijiet u objettivi ġustifikati li wieħed għandu jimmira lejhom.
Aħna bħala Sezzjoni li primarjament timmira għaż-żgħażagħ, nittamaw li mill-Facebook page tagħna nilħqu aktar lill-membri, fejn huma stess, kemm jekk għadhom jiggradwaw u kemm le, jistgħu jikkontribwixxu billi jaqsmu ma’ edukaturi oħra l-esperjenzi tagħhom, kemm dawk pożittivi u kemm dawk negattivi. Permezz ta’ hekk, il-ġenerazzjoni żagħżugħa tifhem l-importanza strateġika tal-Unjin fid-dawl tad-drittijiet tal-edukatur. Fl-istess waqt iżda, il-ġenerazzjoni żagħżugħa tinkoraġġixxi u tistimula aktar interess fil-qasam trejdjunjonistiku sabiex eventwalment, jitwieldu ideat ġodda li ’l quddiem jistgħu jikkontribwixxu lil dan is-settur.
Min-naħa tiegħi u ta’ sħabi fis-Sezzjoni Żgħażagħ, inħeġġiġkom tagħmlu kuntatt magħna permezz tal-facebook.
http://www.fxdd.com
"Permezz ta’ hekk, il-
ġenerazzjoni żagħżugħa tifhem
l-importanza strateġika tal-
Unjin fid-dawl tad-drittijiet tal-
edukatur."
https://twitter.com/MaltaMUT
http://www.facebook.com/groups/mutgroup/
Messaġġ miċ-Ċerpersin tal-MUT Youths CHRIS VELLA
Reġgħet għaddiet sena skolastika oħra! Iktar ma’ tkun ilek fil-professjoni, iktar tibda tirrealizza li s-snin jibdew igerbu, u tinduna li qed tikber, speċjalment meta l-istudenti li darba għallimthom Form 1, tarahom qegħdin is-Sixth Form jew l-Università! Tgħiduli biex ġej illum? Din mhux newsletter taż-Żgħażagħ tal-MUT? Allura kif titkellem fuq kif iż-żmien igerbeb? Sempliċi, għax ħadd ma jista’ jinsa li ż-żmien huwa għaddej, u li fil-fatt kulħadd jikber, jimmatura u jixjieħ. Dik hi l-ħajja. Ma tistax bħala żagħżugħ jew żagħżugħa taħseb biss fil-preżent. Trid taħseb ukoll fil-futur, waqt li tgawdi wkoll il-preżent, għaliex fil-fatt huwa rigal li aħna ġejna mogħtija b’xejn minn Fuq.
Bħala Żgħażagħ tal-MUT, inħarsu lejn il-preżent tagħna b’ottimiżmu. Naraw ħafna għalliema Żgħażagħ attivi, ħabrieka u ddedikati fil-professjoni tagħhom u aħna ninkuraġġuhom biex ikompli jagħmlu hekk. Tkellimna u ħeġġiġna lil ħafna studenti żgħażagħ li matul is-sena d-dieħla ser jibdew il-karriera tagħhom wara li jispiċċaw b’suċċess il-kors tal-B.Ed jew PGCE. Int, membru żagħżugħ nistiednek: aħseb fil-preżent: dan hu li qed ngħixu llum. Iddiskuti, bħalma għamilna aħna meta morna fuq it-Televiżjoni u ddiskutejna ma’ għalliema oħra l-qasam tal-edukazzjoni u l-proġetti attwali tal-Ko-Ed u l-Middle School.
Imma tajjeb li naħsbu wkoll għall-futur, meta wara karriera twila, inkunu nixtiequ ngawdu x-xjuħija tagħna fil-kwiet mingħajr preokupazzjonijiet finanzjarji. Qed nitkellem rigward il-fatt li aħna l-għalliema żgħażagħ bil-probabilta’ kollha m’aħniex ser nilħqu l-iskemi tal-pensjoni li hawn bħalissa u allura importanti li dak li jkun, ikun għaqli minn issa u jibda jippjana għal dawk is-snin, billi anke jara x’tip ta’ investimenti jew fondi tal-Pensjoni jista’ jagħmel għall-futur. Dan kien il-ġist tad-diskors tiegħi bħala Ċermen waqt seminar li ġie organizzat mill-Unjin tagħna fuq il-Pensjonijiet. Kienet ħasra li l-preżenza taż-żgħażagħ kienet minima f’dik il-laqgħa. Dan ifisser li l-membri żgħażagħ mhux qed jaħsbu għall-futur?
Nagħlaq dawn il-kelmtejn billi f’isem il-Kumitat nixtieq lilkom ilkoll sajf ta’ mistrieħ li żgur wara sena bla nifs, ilkoll ikollna bżonn.
L-Investiment tiegħi fil-Unjin għal Futur Aħjar
Stefanie Gauci
Meta, bħala studenti Universitarji, konna msejħin
għal-laqgħa mal-membri tal-MUT Youths nistqarr li
kont għandni ma ħsibtx wisq fuq kif ħajti se tinbidel
issa li minn studenta kont se nsib ruħi possibbilment
fid-dinja tax-xogħol.
Waqt din il-laqgħa, ħsibijieti bdew jinfirxu fuq diversi
aspetti li bdew jiġu diskussi. Fil-laqgħa ssemmew
numru ta’ sitwazzjonijiet u kundizzjonijiet li l-
għalliema jistgħu jiltaqgħu magħhom, li personalment
nista’ ngħid kont għadni qatt ma kkunsidrajt. Min-
naħa l-oħra, meta jikkonsidraw li għandhom
warajhom waħda mill-akbar Unjins li għandna
f’pajjiżna, bla dubju, tagħmel differenza kbira.
L-MUT tista’ tipprovdi għajnuna f’aspetti differenti.
Dawn jinkludu kemm dak li għandu x’jaqsam ma’
kundizzjonijiet fuq il-post tax-xogħol, paga, load tal-
lezzjonijiet, kif ukoll assigurazzjoni li tkun mogħtija
trattament ġust u xieraq, speċjalment fil-bidu tal-
karriera tiegħek bħala għalliema, meta ma jkollokx l-
esperjenza meħtieġa f’dal-qasam.
Nemmen, li ħafna mill-għalliema ġodda jiġu bejn
ħaltejn jekk jissieħbux mal-Unjin fl-ewwel sena tal-
karriera tagħhom minħabba l-fatt li l-warrant tiġi
mogħtija iktar tard fis-snin ta’ wara. Nemmen ukoll,
iżda, li jekk l-għalliema jaħdmu u jipproduċu dak li
huwa mistenni minnhom bħala NQTs, bis-sapport
amministrattiv flimkien ma’ dak tal-Unjin, jistgħu
jserrħu rashom li se jkunu protetti mill-inġustizzji li
jistgħu jiltaqgħu magħhom.
Iż-Żgħażagħ; il-Unjin ta’ Għada Justin Schembri, Viċi Ċerpersin MUT Youths
Mhux dejjem tiltaqa’ ma’ nies li jafu jitkellmu dwar il-ħtieġa li jkunu affiljati ma’ Unjin sempliċiment għax ma jkunux jafu wisq dwarha jew
dwar ix-xogħol ta’ wara l-kwinti. Fost l-għalliema, għalkemm il-maġġoranza jkunu affiljati mal-MUT, ftit huma dawk li verament jafu b’dak
kollu li tkun qed tagħmel. Mhux għax l-MUT ma tinfurmax, imma għax ftit għalliema juru interess fl-interessi tagħhom stess.
Madankollu, jidher li dan l-argument mhuwiex l-istess qalb iż-żgħażagħ. Fiż-żewġ laqgħat li kellna l-MUT Youths mal-istudenti universitarji
li issa kollha lestew l-istudji tagħhom u qegħdin jiġu intervistati għax-xogħol, kien hemm interess li ssorprenda lil bosta. L-ewwel nett, aħna
bħala MUT Youths kellna quddiem għajnejna viżjoni waħda, li nkunu ta’ għajnuna għal dawk li jeħtiġuna. Għalhekk, id-diskorsi tagħna, taċ-
Ċerpersin Chris Vella, tiegħi Justin Schembri bħala Viċi Ċerpersin, ta’ Jonathan Borg s-Segretarju u Adrienne Azzopardi kollha kellhom l-
istess għan, dak li jinfurmaw lill-kollegi tagħna mill-aħjar li jistgħu. Li ssib quddiemek aktar minn 100 ruħ f’kull laqgħa, l-ewwel mal-
istudenti tal-PGCE u mbagħad ma’ tal-B.Ed kollha jridu jsiru jafu x’inhuma s-sisien tal-Unjin li sa dakinhar kienu semgħu biha imma ma
tantx fehmu x’inhi, huwa bla dubju ta’ kuraġġ kbir. Fl-ewwel laqgħa, li għaliha attenda wkoll is-Senior Vice-President tal-MUT Marco
Bonnici, aħna ppreżentajna fil-qosor l-istorja tal-Unjin u kif illum waslet fejn waslet. Fissirna l-importanza li l-għalliema żgħażagħ ikunu
protagonsiti fit-tifsil tal-MUT, għax aħna ż-żgħażagħ irridu mmexxu l-Unjin ta’ għada ’l quddiem. Morna quddiem l-istudenti biex fuq kollox
nisimgħu. Ma tistax titkellem mingħajr ma tisma’. Għalhekk, smajna d-diffikultajiet tal-għalliema tal-futur, spjegajnielhom u fissirnielhom
id-drittijiet tagħhom bħala għalliema. Urejniehom fuq kollox l-importanza tal-Unjin li qiegħda hemm sabiex tissalvagwardja d-drittijiet tal-
għalliema u l-edukaturi affiljati. Madankollu, sħaqna fuq il-bżonn li kull għalliem, irid jitkellem mal-Unjin jekk kemm-il darba jsib ruħu f’xi
diffikultà sabiex jingħata l-protezzjoni u l-għajnuna meħtieġa. Imma fuq kollox għedna l-importanza li kull għalliem isegwi dmirijietu u
kemm hu meħtieġ li l-edukaturi jifhmu d-delikatezza tal-irwoli tagħhom fis-sensittività tal-imjieg.
Dawn il-laqgħat tawna l-opportunità niltaqgħu mal-kollegi li ’l quddiem irridu naħdmu magħhom, u hu ta’ sodisfazzjon għalina bħala MUT
Youths li ħafna minn dawk preżenti llum qed isegwu l-ħidma tal-MUT minn fuq il-facebook u t-twitter. Dan jawgura tajjeb għall-futur għax
juri biċ-ċar li hemm ir-rieda li l-għalliema jikkomunikaw mal-Unjin u bil-kontra. Ħafna minn dawk preżenti fil-laqgħat, issieħbu mal-Union.
Rappreżentanti
tal-MUT Youths
jindirizzaw lill-
istudenti PGCE
fl-Università ta'
Malta.