nasionale sertifikate (beroeps-) certificates nqf level 3/nc... · 2016-09-26 · afrikaans eat...
TRANSCRIPT
NASIONALE SERTIFIKATE (BEROEPS-)
ASSESSERINGSRIGLYNE
AFRIKAANS
EERSTE ADDISIONELE TAAL
Vlak 3
Implementering: JANUARIE 2014
Afrikaans EAT (Vlak 3) Finale Assesseringsriglyne (Januarie 2014) Nasionale Sertifikate (Beroeps-)
Departement van Hoër Onderwys en Opleiding Bladsy 1 van 23
17_03_2014
INHOUDSOPGAWE
AFDELING A: DOEL VAN DIE VAKASSESSERINGSRIGLYNE ......................................... 2
AFDELING B: ASSESSERING IN DIE NASIONALE SERTIFIKATE (BEROEPS-) ............. 2
1. Assesseringsbeginsels en doelwitte ...................................................................................... 2
2. Assesseringsraamwerk ............................................................................................................ 4
2.1 Interne deurlopende assessering (IDASS) ................................................................................ 4
2.2 Eksterne summatiewe assessering (ESASS) ............................................................................ 4
3. Moderering van assessering ................................................................................................... 4
3.1 Interne moderering .................................................................................................................... 4
3.2 Eksterne moderering ................................................................................................................. 4
4. Geldigheidsperiode van interne deurlopende assessering (IDASS) ..................................... 4
5. Vereistes vir assessors ............................................................................................................ 5
6. Tipes assessering .................................................................................................................... 5
6.1 Basislynassessering .................................................................................................................. 5
6.2 Diagnostiese assessering ......................................................................................................... 5
6.3 Formatiewe assessering ........................................................................................................... 5
6.4 Summatiewe assessering ......................................................................................................... 5
7. Beplanning van assessering ................................................................................................... 5
7.1 Insameling van bewyse ............................................................................................................. 5
7.2 Optekening ................................................................................................................................ 5
7.3 Verslagdoening ......................................................................................................................... 5
8. Assesseringsmetodes .............................................................................................................. 6
9. Instrumente en middele vir die insameling van bewyse ........................................................ 6
10. Middele vir die assessering van studentprestasie ................................................................. 6
11. Keuse en/of ontwerp van optekening- en verslagdoeningstelsels ....................................... 7
12. Bevoegdheidsbeskrywings ...................................................................................................... 7
13. Strategieë vir die insameling van bewyse .............................................................................. 7
13.1 Waarnemingsvelle ..................................................................................................................... 7
13.2 Kontrolelyste ............................................................................................................................. 7
AFDELING C: ASSESSERING IN AFRIKAANS EAT VLAK 3 ........................................................ 8
1 Assesseringskedule en -vereistes .......................................................................................... 9
2 Optekening en verslagdoening............................................................................................... 11
3 Interne assessering van uitkomste in Afrikaans EAT Vlak 3 ................................................ 12
4 Eksterne assessering in Afrikaans EAT Vlak 3 ..................................................................... 18
AANHANGSEL A: VOORBEELDE VAN INLIGTINGSBLADSYE EN VOORAF OPGESTELDE FORMATE VIR INSLUITING IN EKSAMENVRAESTELLE
Afrikaans EAT (Vlak 3) Finale Assesseringsriglyne (Januarie 2014) Nasionale Sertifikate (Beroeps-)
Departement van Hoër Onderwys en Opleiding Bladsy 2 van 23
17_03_2014
AFDELING A: DOEL VAN DIE VAKASSESSERINGSRIGLYNE
Hierdie dokument bied riglyne aan die lektor om 'n samehangende, geïntegreerde assesseringstelsel vir Afrikaans Eerste Addisionele Taal (EAT) in die Nasionale Sertifikate (Beroeps-) te ontwikkel. Dit moet saamgelees word met die Nasionale beleid rakende Verdere Onderwys- en Opleidingsprogramme: Goedkeuring van die dokumente, beleid vir die Nasionale Sertifikate (Beroeps-) op Vlak 2 tot 4 op die Nasionale Kwalifikasieraamwerk (NKR).
Hierdie dokument verduidelik die vereistes vir interne en eksterne vakassessering. Die lektor moet hierdie dokument saam met die Vakriglyne: Afrikaans EAT Vlak 3 vir vakvoorbereiding en -aanbieding gebruik. Lektore moet 'n verskeidenheid hulpbronne gebruik en 'n reeks assesseringsvaardighede toepas wanneer assesseringstake opgestel, nagesien en opgeteken word.
AFDELING B: ASSESSERING IN DIE NASIONALE SERTIFIKATE (BEROEPS-)
1 ASSESSERINGSBEGINSELS EN -DOELWITTE
Assessering in die Nasionale Sertifikate (Beroeps-) het die NKR-doelwitte as grondslag. Hierdie doelwitte behels:
Die daarstelling van 'n geïntegreerde nasionale raamwerk vir leerprestasies.
Die fasilitering van toegang tot en progressie in onderwys, opleiding en loopbane.
Die verbetering van die gehalte van onderwys en opleiding.
Die regstelling van onbillike diskriminasie en die wanbalanse van die verlede, en daardeur die versnelling van indiensnemingsgeleenthede.
'n Bydrae tot die holistiese ontwikkeling van die student deur aandaggewing aan:
o sosiale aanpassing en verantwoordelikheid;
o morele verantwoordbaarheid en etiese werkoriëntering;
o ekonomiese deelname; en
o nasiebou.
Die beginsels waarop hierdie doelwitte berus, is soos volg:
• Integrasie
Om 'n eenvormige benadering tot onderwys en opleiding te volg, wat mensehulpbronne sal versterk en die vermoë van die nasie ontwikkel.
• Toepaslikheid
Om dinamies op nasionale ontwikkelingsbehoeftes te reageer.
• Geloofwaardigheid
Om die bevoegdhede en vaardighede wat verkry is, die nasionale en internasionale waarde wat toegevoeg is en die kwalfikasie wat verwerf is, te erken.
• Samehangendheid
Om binne 'n konsekwente raamwerk van beginsels en sertifisering te werk.
• Buigsaamheid
Om voorsiening te maak vir kreatiwiteit en vindingrykheid in die bereiking van Leeruitkomste, om verskillende leerstyle te akkommodeer en 'n reeks assesseringsmetodes, -instrumente en -tegnieke te gebruik.
• Deelname
Om belanghebbendes in staat te stel om deel te neem aan standaardstelling en die koördinering van die prestasies wat vir die kwalifikasie vereis word.
• Toegang
Afrikaans EAT (Vlak 3) Finale Assesseringsriglyne (Januarie 2014) Nasionale Sertifikate (Beroeps-)
Departement van Hoër Onderwys en Opleiding Bladsy 3 van 23
17_03_2014
Om leerhindernisse op verskillende vlakke te hanteer en studente se vordering te fasiliteer.
• Progressie
Om te verseker dat die kwalifikasieraamwerk individue toelaat om deur middel van verskillende gepaste kombinasies van die komponente van die leweringstelsel van een vlak van die nasionale kwalifikasie na die volgende te beweeg.
• Oordraagbaarheid
Om studente in staat te stel om krediete wat in 'n kwalifikasie verkry is van een leerinstelling en/of werkgewer na
'n ander leerinstelling en/of werkgewer oor te dra.
• Artikulasie
Om by die suksesvolle voltooiing van geakkrediteerde voorvereistes voorsiening te maak vir vertikale en horisontale mobiliteit in die onderwysstelsel.
• Erkenning van voorafleer
Om krediete vir 'n leereenheid toe te ken ná assessering of as die student oor die bevoegdhede beskik wat in die uitkomsstelling gespesifiseer word.
• Geldigheid van assesserings
Om te verseker dat assessering 'n wye omvang van vaardighede, kennis, waardes en houdings dek wat nodig is om toegepaste bevoegdheid te demonstreer. Dit word bereik deur:
o die uitkoms wat geassesseer moet word, duidelik te stel;
o gepaste of geskikte bewyse te kies;
o die bewyse met 'n versoenbare of gepaste assesseringsmetode te belyn; en
o 'n assesseringsinstrument of -instrumente te kies en te skep.
Onderwerpe moet eers individueel en daarna kumulatief saam met ander onderwerpe geassesseer word. 'n
Finale summatiewe interne assessering moet vóór die eksterne assessering plaasvind.
• Betroubaarheid
Om te verseker dat assesseringspraktyke konsekwent is sodat dieselfde resultaat of oordeel bereik word indien die assessering in dieselfde konteks herhaal word. Dit verg konsekwentheid in die interpretasie van bewyse en daarom is sorgvuldige monitering van assessering kernbelangrik.
Vir 'n interne punt moet die kumulatiewe en summatiewe assesserings groter gewig dra as die eenonderwerptoetse. Daar moet in elke termyn minstens een gestandaardiseerde of normtoets plaasvind. Alle gestandaardiseerde of normtoetse moet deur 'n vakspesialis gemodereer word.
• Billikheid en deursigtigheid
Om te verifieer dat geen assesseringsproses en/of -metode enige student belemmer of onbillik bevoordeel nie.
Die volgende kan onbillikheid in assessering uitmaak:
o Ongelyke geleenthede, hulpbronne of onderrig- en leerbenaderings.
o Partydigheid gebaseer op etnisiteit, ras, geslag, ouderdom, gestremdheid of sosiale klas.
o Gebrek aan duidelikheid rakende die Leeruitkoms wat geassesseer word.
o Die vergelyking van studente se werk met dié van ander op grond van leerstyl en taal.
In die assessering van Afrikaans EAT moet in ag geneem word dat die metode of proses groter gewig dra as
die finale antwoord.
• Praktiese uitvoerbaarheid en koste-effektiwiteit
Om assesseringstake en/of -praktyke in 'n uitkomsgebaseerde onderwys- en opleidingstelsel te integreer ten einde koste- en tydbesparende assessering na te streef.
Afrikaans EAT (Vlak 3) Finale Assesseringsriglyne (Januarie 2014) Nasionale Sertifikate (Beroeps-)
Departement van Hoër Onderwys en Opleiding Bladsy 4 van 23
17_03_2014
2 ASSESSERINGSRAAMWERK
Die assesseringstruktuur vir die kwalifikasie Nasionale Sertifikate (Beroeps-) is soos volg:
2.1 Interne deurlopende assessering (IDASS)
Vaardighede, kennis, waardes en houdings word deur die jaar geassesseer aan die hand van assesseringsinstrumente soos projekte, toetse, werkopdragte, ondersoeke, rolspel en gevallestudies. Alle bewyse van die interne deurlopende assessering (IDASS) word in 'n Portefeulje van Bewyse (PvB) gehou en moet geredelik beskikbaar wees vir monitering-, moderering- en verifiëringsdoeleindes. Die moderering en gehalteversekering van hierdie komponent geskied intern en ekstern.
2.2 Eksterne summatiewe assessering (ESASS)
Die eksterne summatiewe assessering behels TWEE vraestelle wat opgestel word om aan die vereistes van die Vak- en Leeruitkomste te voldoen. Dit word ooreenkomstig die toepaslike assesseringsbeleide en -vereistes geadministreer.
Die eksterne summatiewe assesserings word jaarliks tussen Oktober en Desember uitgevoer, met voorsiening vir aanvullende eksamens.
3 MODERERING VAN ASSESSERING
3.1 Interne moderering
Assessering moet gemodereer word volgens die Verdere Onderwys- en Opleidingskollege (VOO-kollege) se beleid vir interne moderering. Interne kollegemoderering is 'n deurlopende proses. Die moderator se betrokkenheid begin by die beplanning van assesseringsmetodes en -instrumente en word gevolg deur voortgesette samewerking met en steun aan die assessors. Interne moderering skep 'n gedeelde begrip van Assesseringstandaarde en hou dit oor die beroepsprogramme heen in stand.
3.2 Eksterne moderering
Eksterne moderering word ooreenkomstig die standaarde, beleide en vereistes van die toepaslike gehalteversekeringsliggame (tans die Suid-Afrikaanse Kwalifikasie-owerheid [Sako] en Umalusi) uitgevoer.
Die eksterne moderator:-
moniteer en evalueer die standaarde van alle summatiewe assesserings;
hou standaarde in stand deur toepaslike invloed en beheer oor assessors uit te oefen;
verseker dat behoorlike prosedures gevolg word;
verseker dat summatiewe geïntegreerde assesserings korrek geadministreer word;
gaan 'n minimum steekproef na van tien tot vyf-en-twintig persent (10%-25%) van die summatiewe
assesserings;
gee skriftelik terugvoering aan die toepaslike gehalteversekeringsliggaam; en
modereer, in die geval van 'n dispuut tussen 'n assessor en 'n student.
Die beleid rakende inklusiewe onderwys vereis dat die assesseringsprosedures vir studente met leerhindernisse aangepas en gesteun word om die studente in staat te stel om hul maksimum potensiaal te bereik.
4 GELDIGHEIDSPERIODE VAN INTERNE DEURLOPENDE ASSESSERING (IDASS)
Die geldigheidsperiode van die punt verwerf in interne deurlopende assessering word bepaal deur die Nasionale beleid rakende die afneem, administrasie en bestuur van assessering in die Nasionale Sertifikate (Beroeps-).
Die interne deurlopende assessering (IDASS) word weer ingedien met elke eksameninskrywing ten opsigte waarvan dit 'n komponent uitmaak.
5 VEREISTES VIR ASSESSORS
Afrikaans EAT (Vlak 3) Finale Assesseringsriglyne (Januarie 2014) Nasionale Sertifikate (Beroeps-)
Departement van Hoër Onderwys en Opleiding Bladsy 5 van 23
17_03_2014
Assessors moet vakspesialiste en 'n bevoegde assessor wees.
6 TIPES ASSESSERING
Assessering bevoordeel die student en die lektor. Dit lig studente in oor hul vordering en help lektore om op die verskillende stadia van die leerproses ingeligte besluite te neem. Verskillende tipes assessering kan gebruik word na gelang van die spesifieke doelwit.
6.1 Basislynassessering
Basislynassessering word aan die begin van 'n vlak of leerervaring gedoen om die kennis, vaardighede, waardes en houdings te bepaal wat studente na die klaskamer bring. Hierdie kennis help lektore met die beplanning van leerprogramme en -aktiwiteite.
6.2 Diagnostiese assessering
Hierdie tipe assessering diagnoseer die aard en oorsake van leerhindernisse wat deur spesifieke studente ervaar word. Hierna volg leiding, toepaslike steun en intervensiestrategieë. Hierdie tipe assessering is nuttig vir die verwysing van studente wat spesialishulp benodig.
6.3 Formatiewe assessering
Hierdie assessering moniteer en ondersteun onderrig en leer. Dit stel vas wat studente se sterk en swak punte is en bied terugvoering op vordering. Dit bepaal of 'n student gereed is vir summatiewe assessering.
6.4 Summatiewe assessering
Hierdie tipe assessering gee 'n oorsig van 'n student se vordering op 'n gegewe tydstip. Dit bepaal of die student genoegsaam bevoeg is om na die volgende vlak te vorder.
7 BEPLANNING VAN ASSESSERING
Die assesseringsplan dek drie hoofprosesse:
7.1 Insameling van bewyse
Die assesseringsplan dui aan watter Vakuitkomste en Assesseringstandaarde geassesseer word, watter assesseringsmetode of -aktiwiteit gebruik gaan word en wanneer hierdie assessering uitgevoer gaan word.
7.2 Optekening
Optekening het betrekking op die assesseringsinstrumente of -middele waarmee die assessering vasgelê of opgeteken word. Gepaste assesseringsinstrumente moet dus ontwikkel of aangepas word.
7.3 Verslagdoening
Al die bewyse word in 'n verslag bymekaar geplaas met die oog op besluitneming vir die vak.
8 ASSESSERINGSMETODES
Afrikaans EAT (Vlak 3) Finale Assesseringsriglyne (Januarie 2014) Nasionale Sertifikate (Beroeps-)
Departement van Hoër Onderwys en Opleiding Bladsy 6 van 23
17_03_2014
Assesseringsmetodes het betrekking op die persone wat die assessering uitvoer en sluit lektor-assessering, selfassessering, portuurassessering en groepsassessering in.
LEKTOR-ASSESSERING Die lektor assesseer studentprestasie aan die hand van gegewe kriteria in verskillende kontekste, soos individuele werk, groepwerk, ens.
SELFASSESSERING Studente assesseer hul eie prestasie aan die hand van gegewe kriteria
in verskillende kontekste, soos individuele werk, groepwerk, ens.
PORTUURASSESSERING
Studente assesseer 'n ander student of groep studente se prestasie aan die hand van gegewe kriteria in verskillende kontekste, soos individuele werk, groepwerk, ens.
GROEPSASSESSERING
Studente assesseer die individuele prestasie van ander studente binne 'n groep of die algehele prestasie van 'n groep studente aan die hand van gegewe kriteria.
9 INSTRUMENTE EN MIDDELE VIR DIE INSAMELING VAN BEWYSE
Alle bewyse wat vir die doeleindes van interne deurlopende assessering (IDASS) versamel word, word in die student se Portefeulje van Bewyse (PvB) gehou of opgeteken.
Die onderstaande tabel bied 'n opsomming van 'n verskeidenheid van metodes en instrumente vir die insameling van bewyse. 'n Metode en instrument word gekies om studente genoegsame geleentheid te bied om te demonstreer dat die Vakuitkoms bereik is. Dit is slegs moontlik as die gekose metodes en instrumente geskik is vir die teikengroep en die spesifieke Vakuitkoms wat geassesseer word.
METODES VIR DIE INSAMELING VAN BEWYSE
Waarneminggebaseer
(Minder gestruktureer)
Taakgebaseer
(Gestruktureer)
Toetsgebaseer
(Meer gestruktureer)
Assesserings-
instrumente
• Waarneming
• Klasvrae
• Besprekings deur lektor,
student, ouer
• Werkopdragte of take
• Projekte
• Ondersoeke of navorsing
• Gevallestudies
• Praktiese oefeninge
• Demonstrasies
• Rolspel
• Onderhoude
• Eksamens
• Klastoetse
• Praktiese eksamens
• Mondelinge toetse
• Oopboektoetse
Assesseringsmiddele • Waarnemingsvelle
• Lektor se notas
• Kommentaar
• Kontrolelyste
• Beoordelingskale
• Nasienskemas
• Punte (bv. %) • Beoordelingskale (1-7)
Bewyse • Toespitsing op individuele studente
• Subjektiewe bewyse gebaseer op lektor se waarnemings en indrukke
• Oop middel: Studente lewer dieselfde bewyse maar op verskillende maniere.
• Oop einde: Studente gebruik dieselfde proses om verskillende resultate te bereik.
• Studente beantwoord dieselfde vrae op dieselfde wyse binne dieselfde tydsbestek.
10 MIDDELE VIR DIE ASSESSERING VAN STUDENTPRESTASIE
Beoordelingskale is nasienstelsels waar 'n kode (soos 1 tot 7) of 'n punt (soos 5/10 of 50%) in besonderhede omskryf word. Die besonderhede is net so belangrik soos die gekodeerde punt. Tradisionele nasien, assessering en evaluering het meestal beoordelingskale sonder besonderhede gebruik, soos reg of verkeerd, goed of swak, ens.
Afrikaans EAT (Vlak 3) Finale Assesseringsriglyne (Januarie 2014) Nasionale Sertifikate (Beroeps-)
Departement van Hoër Onderwys en Opleiding Bladsy 7 van 23
17_03_2014
Taaklyste en kontrolelyste wys vir die student wat gedoen moet word. Dit bestaan uit kort stellings wat die verwagte prestasie in 'n bepaalde taak beskryf. Die stellings op die kontrolelys kan afgemerk word wanneer die student die kriterium toereikend behaal het. Kontrolelyste en taaklyste is baie nuttig vir assesseringsaktiwiteite binne portuur- of groepverband.
'n Nasienskema of rubriek is 'n hiërargie (gegradeerde vlakke) van kriteria met teikenstandaarde wat die minimum vlak van aanvaarbare prestasie of bereiking van elke kriterium beskryf. Dit is 'n andersoortige manier van assessering en kan nie met toetse vergelyk word nie. Elke kriterium wat in die nasienskema beskryf word, word afsonderlik geassesseer. Twee tipes nasienskemas of rubrieke, te wete holistiese en analitiese nasienskemas, word hoofsaaklik gebruik.
11 KEUSE EN/OF ONTWERP VAN OPTEKENING- EN VERSLAGDOENINGSTELSELS
Die keuse en/of ontwerp van optekening- en verslagdoeningstelsels hang af van die doel van die optekening en verslagdoening van studentprestasie. Waarom bepaalde inligting opgeteken word en hoe dit opgeteken word bepaal watter instrument gebruik word.
Rekenaargebaseerde stelsels, byvoorbeeld sigblaaie, is koste- en tydbesparend. Die optekeningstelsel moet gebruikersvriendelik wees en inligting moet maklik bekom en onttrek kan word.
12 BEVOEGDHEIDSBESKRYWINGS
Alle assessering moet punte toeken om spesifieke assesseringstake te evalueer. Die punte word egter toegeken aan die hand van nasienriglyne (memoranda/nasienskemas/kontrolelyste) en is nie bloot 'n totaal van regmerkies vir korrekte antwoorde nie. Nasienskemas is bevoegdheidsvlakbeskrywers ten opsigte van die vaardighede, kennis, waardes en houdings wat 'n student moet demonstreer om elke vlak van die beoordelingskaal te bereik.
Wanneer lektore of assessors 'n assesseringstaak of -vraag voorberei, moet hulle seker maak dat die taak of vraag op 'n aspek van 'n Vakuitkoms betrekking het. Die toepaslike Assesseringstandaard moet gebruik word om die nasienskema vir die assessering van die taak of vraag te ontwerp. Die beskrywings moet die minimum prestasievlak vir elke kategorie op die beoordelingskaal duidelik aantoon.
13 STRATEGIEË VIR DIE INSAMELING VAN BEWYSE
'n Aantal verskillende assesseringsinstrumente kan vir die insameling en optekening van bewyse gebruik word. Voorbeelde van instrumente wat (aangepas en) in die klaskamer gebruik kan word, sluit in:-
13.1 Waarnemingsvelle
Die lektor neem waar hoe studente in groepsverband werk. Aan die einde van elke projek word die waarnemings in 'n opsommingstabel opgeteken. Die lektor kan 'n waarnemingsvel ontwerp om studente se interaktiewe en probleemoplossingsvaardighede, houdings teenoor groepwerk en deelname aan groepaktiwiteite waar te neem.
13.2 Kontrolelyste
Kontrolelyste moet oor duidelike kategorieë beskik om te verseker dat die doelwitte doeltreffend bereik word. Die kategorieë moet beskryf hoe en aan die hand van watter kriteria die aktiwiteite geëvalueer word. Ruimte vir kommentaar is noodsaaklik.
Afrikaans EAT (Vlak 3) Finale Assesseringsriglyne (Januarie 2014) Nasionale Sertifikate (Beroeps-)
Departement van Hoër Onderwys en Opleiding Bladsy 8 van 23
17_03_2014
AFDELING C
ASSESSERING IN AFRIKAANS EAT
VLAK 3
Afrikaans EAT (Vlak 3) Finale Assesseringsriglyne (Januarie 2014) Nasionale Sertifikate (Beroeps-)
Departement van Hoër Onderwys en Opleiding Bladsy 9 van 23
17_03_2014
AFDELING C: ASSESSERING IN AFRIKAANS EAT
1 ASSESSERINGSKEDULE EN -VEREISTES
Interne en eksterne assesserings word uitgevoer en die resultate van beide assesserings dra by tot die finale punt van 'n student in die vak.
Die interne deurlopende assesseringspunt (IDASS-punt) bepaal 25 persent en die eksterne eksamenpunt 75 persent van die finale punt. 'n Student het 'n minimum finale punt van 40 persent nodig om die vak te slaag.
1.1 Interne assessering
Lektore moet 'n omvattende assesseringsplan/-skedule saamstel van formele assesserings wat gedurende die jaar in die vak onderneem moet word (bv. datum, assesseringstaak of -aktiwiteit, boordelingskaal/punte toegeken, assessor, moderator).
Formele assesserings word dan volgens die plan/skedule uitgevoer deur die gepaste assesseringsinstrumente en -middele (bv. toetse, werkopdragte, praktiese take/projekte en memorandum, nasienskema, kontrolelys) vir elke assesseringstaak te gebruik.
Die punte wat toegeken word vir beide die praktiese en skriftelike formele assesseringstake wat gedurende die interne deurlopende assessering (IDASS) uitgevoer word, word gehou en opgeteken in die Portefeulje van Bewyse (PvB) wat aan interne en eksterne moderering onderworpe is.
'n Jaarpunt uit 100 word op grond van die IDASS-punte wat in die PvB vervat is bereken en aan die einde van die jaar vóór of óp die keerdatum aan die Departement voorgelê.
Die volgende interne assesseringseenhede RIG die assessering van Afrikaans EAT Vlak 3.
IDASS-TAKE VIR AFRIKAANS EAT VLAK 3
Taak Tyd-raamwerk
Soort assesserings-aktiwiteit
Omvang van assessering Voorgesteldepuntetoe-kenning
%-bydrae tot die jaarpunt
1 Termyn 1 Formele toets*
Begrip en opsomming EN/OF
kontekstuele vrae oor taal- en
grammatikastrukture EN/OF
kommunikasieteorie
(Lengte van leesteks word gerig deur
lengte van teks wat opgesom moet
word: ± 300-400 woorde)
(Opsomming: 230 woorde, wat tot 70-
80 woorde verminder word)
Minstens 50
punte
10%
2 Termyn 1 Mondelinge aanbieding en leestoets
Voorstelling van 'n spreker EN/OF
lewering van 'n mosie van dank EN/OF
die doen van toekennings en die
aanvaarding daarvan EN/OF 'n
telefoongesprek en dialoog EN
luisterbegrip
(2-3 minute)
Minstens 40
punte
5%
3 Termyn 2 Funksionele skryfwerk
Korter en intermediêre funksionele
tekste: E-pos EN/OF faks EN/OF invul
van 'n vorm EN/OF 'n strooibiljet of
Korter en
intermediêre
Afrikaans EAT (Vlak 3) Finale Assesseringsriglyne (Januarie 2014) Nasionale Sertifikate (Beroeps-)
Departement van Hoër Onderwys en Opleiding Bladsy 10 van 23
17_03_2014
(Korter en intermediêre en langer funksionele tekste)
pamflet EN/OF telefoonboodskap
EN/OF memorandum
(100 -120 woorde) (5%)
Langer funksionele tekste:
Kennisgewing, sakelys en notule
EN/OF beskrywende EN/OF narratiewe
EN/OF onthullende verslag
(150-250 woorde) (10%)
funksionele
skryfwerk
20 punte
Langer
funksionele
skryfwerk
30 punte
15%
4 Termyn 2 Mondelinge aanbieding
Voorbereide onderwerp-verwante
toespraak met gebruikmaking van
visuele, klank- en/of oudiovisuele
hulpmiddels
(3-5 minute)
Minstens 40
punte
5%
5
Termyn 2 OF Termyn 3
Formele toets*
Begrip en opsomming EN/OF
kontekstuele vrae oor taal- en
grammatikastrukture EN/OF
kommunikasieteorie
(Lengte van leesteks word gerig deur
lengte van teks wat opgesom moet
word: ± 300-400 woorde)
(Opsomming: 230 woorde, wat tot
70-80 woorde verminder word)
Minstens 50
punte
10%
6 Termyn 3 Werkopdrag Letterkunde-opdrag: Poësie Minstens 50-
80 punte
25%
7
Termyn 2 OF Termyn 3
Interne eksamen* Vraestel 1 Interne eksamen* Vraestel 2
Vakuitkomste tot op datum voltooi
30%
(Vraestel 1 = 15%)
(Vraestel 2
= 15%)
TOTAAL 100%
Afrikaans EAT (Vlak 3) Finale Assesseringsriglyne (Januarie 2014) Nasionale Sertifikate (Beroeps-)
Departement van Hoër Onderwys en Opleiding Bladsy 11 van 23
17_03_2014
2 OPTEKENING EN VERSLAGDOENING
Afrikaans EAT word aan die hand van sewe bevoegdheidsvlakke geassesseer. Elke vlak word in die tabel hieronder verduidelik.
Prestasieskaal vir die basiskomponent
Die beplande/geskeduleerde assessering vir elke vak moet in die lektor se Portefeulje van Assessering (PvA) opgeteken word. Die minimum vereistes vir die lektor se Portefeulje van Assessering is die volgende:
Inligting oor die lektor
Inhoudsopgawe
Vakriglyne en Assesseringsriglyne
Jaarplanne/werkskemas/tydskedules
'n Formele assesseringskedule
Instrument/e (toetse, werkopdragte, prakties) en middele (memorandum, nasienskema, kontrolelys) vir elke assesseringstaak
'n Punte- of uitslaelys vir assesseringstake.
Die kollege kan hierdie dokumente standaardiseer.
Die minimum vereistes vir die student se Portefeulje van Bewyse (PvB) is die volgende:
Inligting oor/identifikasie van die student
Inhoudsopgawe of -blad (vir toeganklikheid)
'n Rekord/opsomming van resultate wat al die punte aandui wat per assessering vir die vak behaal
is
Bewyse van gemodereerde assesseringstake en terugvoering ooreenkomstig die
assesseringskedule
Waar take nie as bewyse in die Portefeulje van Bewyse (PvB) gehou kan word nie, moet die presiese
plasing daarvan opgeteken word en moet hulle geredelik beskikbaar wees vir
modereringsdoeleindes.
BEOORDELINGSKODE BEOORDELING PUNTE (%)
7 Uitnemend 80 – 100
6 Meriete 70 – 79
5 Substansieel 60 – 69
4 Bevredigend 50 – 59
3 Gemiddeld 40 – 49
2 Elementêr 30 – 39
1 Nie bereik nie 0 – 29
Afrikaans EAT (Vlak 3) Finale Assesseringsriglyne (Januarie 2014) Nasionale Sertifikate (Beroeps-)
Departement van Hoër Onderwys en Opleiding Bladsy 12 van 23
17_03_2014
3 INTERNE ASSESSERING VAN UITKOMSTE IN AFRIKAANS EAT VLAK 3
Onderwerp 1: Luister en praat
VAKUITKOMS
1.1 Luister en reageer in werkplekkontekste vir 'n verskeidenheid van doeleindes
ASSESSERINGSTANDAARDE LEERUITKOMSTE
1.1.1 Voorspellings word gemaak op grond van
die titel van 'n teks
1.1.2 Interaksies word geëvalueer deur daarna te
luister
1.1.3 Die betekenis en doel van die teks word
deur luister afgelei
1.1.4 Notas word afgeneem
1.1.5 Waardering word uitgespreek in reaksie op
luistertekste
1.1.6 Notas word hersien
1.1.7 Puntvormopsommings word gemaak
1.1.8 Vrae gegrond op luistertekste word
beantwoord
1.1.9 Terugvoering word gebruik om op
daaropvolgende luisterprestasies te
verbeter
Studente demonstreer die vermoë om:
Vóór luister
1.1.1 voorspellings te maak op grond van die titel
Tydens luister
1.1.2 te luister om interaksies te evalueer
1.1.3 te luister om die betekenis en doel van die
teks af te lei
1.1.4 notas af te neem
1.1.5 met waardering te luister
Ná luister
1.1.6 notas te hersien
1.1.7 puntvormopsommings van interaksies te
maak
1.1.8 op die teks te reageer deur vrae te
beantwoord
Terugvoering
1.1.9 terugvoering te gebruik om op hul
luisterprestasie te verbeter
ASSESSERINGSTAKE OF -AKTIWITEITE
Voorgestelde vorme van assessering:
Luisterbegrip (3-4 minute); afneem van notas en opsommings
Assesseringsmiddele:
Memoranda; nasienskemas; kontrolelyste
Omvang (luistertekste): Telefoongesprek en dialoog; voorstelling van 'n spreker; mosie van dank; paneelbespreking en kreatiewe tekste (lees van poësie)
Afrikaans EAT (Vlak 3) Finale Assesseringsriglyne (Januarie 2014) Nasionale Sertifikate (Beroeps-)
Departement van Hoër Onderwys en Opleiding Bladsy 13 van 23
17_03_2014
VAKUITKOMS
1.2 Praat akkuraat en korrek in werkplekkontekste/-omgewings vir 'n verskeidenheid van doeleindes en teikengroepe
ASSESSERINGSTANDAARDE LEERUITKOMSTE
1.2.1 Praatstrategieë word gebruik vir 'n
verskeidenheid van doeleindes in 'n
werkplekkonteks
1.2.2 Verskillende vorme van mondelinge
kommunikasie word in werkplekkontekste
gebruik
1.2.3 Mondelinge aanbiedings word nagevors,
beplan en in 'n werkplekkonteks gelewer
1.2.4 Daar word gereageer op mondelinge
aanbiedings in werkplekkontekste deur
gepaste praattegnieke te gebruik
1.2.5 Taal word in verskeie werkpleksituasies
gebruik
Studente demonstreer die vermoë om:
Vóór praat
1.2.1 idees en inligting te beplan, na te vors en te
organiseer
1.2.2 praataktiwiteite te oefen
Tydens praat
1.2.3 logiese en samehangende sinne te
formuleer
1.2.4 toepaslike vrae vir verskeie doeleindes te
formuleer
1.2.5 toepaslik op vrae te reageer
1.2.6 betrokke te wees by volgehoue interaksie
met individue en groepe
1.2.7 'n onvoorbereide gedeelte hardop te lees
1.2.8 'n toespraak voor te berei en te lewer met
gebruikmaking van visuele hulpmiddels, ook
plakkate om die mondelinge aanbieding te
steun
1.2.9 nieverbale kommunikasie doeltreffend te
gebruik
1.2.10 taal grammatikaal korrek te gebruik
1.2.11 hul waardering en genot uit te spreek met
betrekking tot die volgende aspekte van
kreatiewe tekste: boodskap (tema),
herkenning van emosies en retoriekmiddele
Terugvoering
1.2.12 opbouende terugvoering aan ander
sprekers te gee
1.2.13 oor eie prestasie na te dink en daarop te
verbeter
ASSESSERINGSTAKE OF -AKTIWITEITE
Voorgestelde vorme van assessering:
Voorbereide toespraak (3-5 minute); onvoorbereide hardop lees (2-3 minute)
Assesseringsmiddele:
Kontrolelyste; nasienskemas
Omvang (mondelinge tekste): Voorstelling van 'n spreker; lewering van 'n mosie van dank; die doen van toekennings en die aanvaarding daarvan; programleiding en -koördinering; onderwerp-verwante voorbereide toespraak; onvoorbereide hardop lees; onderhoud en rolspel; bespreking in groepe,vergaderings en panele; asook telefoongesprek en dialoog
Afrikaans EAT (Vlak 3) Finale Assesseringsriglyne (Januarie 2014) Nasionale Sertifikate (Beroeps-)
Departement van Hoër Onderwys en Opleiding Bladsy 14 van 23
17_03_2014
Onderwerp 2: Lees en kyk
VAKUITKOMS
2.1 Lees om betekenis te bepaal en response op die bedoelde boodskap te formuleer
ASSESSERINGSTANDAARDE LEERUITKOMSTE
2.1.1 Leesstrategieë word gebruik vir inligting,
begrip en genot
2.1.2 Skriftelike tekste word verstaan en beskryf
om betekenis, waardes en houdings te
identifiseer
2.1.3 Die strukture en hoofkenmerke van tekste
word ondersoek om te toon hoe dit
betekenis vorm
2.1.4 Begrip word getoon deur vrae akkuraat te
beantwoord
2.1.5 Inligting word opgesom
2.1.6 Tekstipes word gereproduseer
2.1.7 Bekende kreatiewe tekste word geëvalueer
en ontleed ingevolge agtergrond,
stylmiddele, tema, karakters en intrige
Daar word veronderstel dat studente die
vaardighede van blaailees, vluglees, vooraflees,
herlees en sifting bemeester het ten einde tekste
deeglik te ondersoek.
Studente demonstreer die vermoë om:
Vóór lees
2.1.1 die teks deeglik te ondersoek
2.1.2 op grond van die titel en/of subtitels en
opskrifte inhoud te voorspel
Tydens lees
2.1.3 tekste op sin- en paragraafvlak te verstaan
met aandaggewing aan woordgebruik en die
funksie van taalstrukture en -konvensies
2.1.4 vir eie genot besig te wees met uitgebreide
lees
Ná lees
2.1.5 te onderskei tussen hoof- en stawende idees
2.1.6 die doel van die teks te identifiseer
2.1.7 vrae akkuraat te beantwoord as bewys van
begrip
2.1.8 'n puntvormopsomming van tekste te skep
2.1.9 soos vereis word tekstipes te reproduseer
Terugvoering
2.1.10 op terugvoering te reageer deur op eie
prestasie te verbeter
ASSESSERINGSTAKE OF -AKTIWITEITE
Voorgestelde vorme van assessering:
Gekontroleerde werkopdrag – kreatiewe teks (poësie); begripstoetse (300-400 woorde); puntvormopsommings (230 woorde, wat tot 70-80 woorde verminder word)
Assesseringsmiddele:
Memoranda; kontrolelyste; nasienskemas
Omvang (leestekste): Kreatiewe teks (poësie); e-posboodskappe en fakse; vorms en telefoonboodskappe; strooibiljette, pamflette en brosjures; kennisgewings, sakelyste en notules; asook beskrywende, narratiewe en onthullende verslae
Sien Aanhangsel E van Vakriglyne vir die Lys van aanbevole poësie
Omvang (stylmiddele - poësie): Letterlike en figuurlike taal; klankmiddele soos rym, ritme, alliterasie, assonansie en onomatopee, asook beeldspraak en simboliek soos die gebruik van vergelykings, metafore en personifikasie
Afrikaans EAT (Vlak 3) Finale Assesseringsriglyne (Januarie 2014) Nasionale Sertifikate (Beroeps-)
Departement van Hoër Onderwys en Opleiding Bladsy 15 van 23
17_03_2014
VAKUITKOMS
2.2 Lees/kyk na en assesseer multimodale vorme van werkplekkommunikasie en formuleer response op die bedoelde boodskap
ASSESSERINGSTANDAARDE LEERUITKOMSTE
2.2.1 'n Verskeidenheid kykstrategieë word
toegepas om die inligting te verstaan, te
vertolk en te ontleed
2.2.2 Visuele tekste word verduidelik aan die hand
van betekenis en toepassing in 'n
werkplekkonteks
2.2.3 Die struktuur en hoofkenmerke van
multimodale tekste word geïdentifiseer en
verduidelik om te toon hoe dit betekenis
vorm
2.2.4 Verskillende vorme van multimodale
kommunikasie word ondersoek en
verduidelik om betekenis, waardes en
houdings te bepaal
Studente demonstreer die vermoë om:
Kyk
2.2.1 na multimediatekste te kyk met
aandaggewing aan formaat, uitleg, die
gebruik van kleur, betekenis, boodskap en
doel
Ná kyk
2.2.2 vrae oor die teks te beantwoord
2.2.3 websoektogte te doen om toegang te verkry
tot multimediatekste en daarna te kyk
2.2.4 betrokke te wees by die ontleding van
tydskrifadvertensies, bv. om kommentaar te
lewer op doeltreffendheid en tekortkominge
te identifiseer
2.2.5 strokiesprente te ontleed om betekenis en
doeltreffendheid te bepaal
2.2.6 die tipe teks te reproduseer
Terugvoering
2.2.7 uitvoerige terugvoering in hulle werk op te
neem om op eie prestasie te verbeter
ASSESSERINGSTAKE OF -AKTIWITEITE
Voorgestelde vorme van assessering:
Toetse; reproduksie van tekstipes
Assesseringsmiddele:
Memoranda; kontrolelyste; nasienskemas
Omvang (visuele tekste): Kreatiewe tekste (poësie); strooibiljette, pamflette en brosjures; Internettekste en webtuistes;
gedrukte en visuele mediatekste soos strokiesprente en advertensies; asook beskrywende, narratiewe en onthullende
verslae
Afrikaans EAT (Vlak 3) Finale Assesseringsriglyne (Januarie 2014) Nasionale Sertifikate (Beroeps-)
Departement van Hoër Onderwys en Opleiding Bladsy 16 van 23
17_03_2014
Onderwerp 3: Skryf en aanbied
VAKUITKOMS
3.1 Skryf en bied aan vir 'n gespesifiseerde verskeidenheid van doeleindes en teikengroepe deur taal- en grammatikastrukture en -konvensies asook formate en uitlegte te gebruik wat korrek is en wat geskik is vir werkplekkontekste/-omgewings
ASSESSERINGSTANDAARDE LEERUITKOMSTE
3.1.1 Skryftake word beplan vir
werkplekdoeleindes, -teikengroepe en
-kontekste
3.1.2 Skryfstrategieë en -tegnieke word op eerste
konsepte toegepas
3.1.3 Taalstrukture en -konvensies word gebruik
om tekste te skep en te skryf wat logies is
en stilisties en grammatikaal korrek is
3.1.4 Eie skryfwerk word geproeflees en
taalkundig versorg om die finale teks vir
aanbieding te produseer
3.1.5 Die finale teks word aangebied deur die
konvensies en formate te gebruik wat deur
die konteks vereis word
Studente demonstreer die vermoë om:
Vóór skryf
3.1.1 'n skryftaak te beplan (dinkskrum,
breinkaarte, ens.) en inligting
ooreenkomstig die struktuur en kenmerke
van die vereiste tekstipe te organiseer
Skryf
3.1.2 'n eerste konsep te skryf
3.1.3 'n gepaste styl en struktuur te gebruik
3.1.4 die korrekte grammatika, interpunksie,
spelling, sinstruktuur en paragraafindeling
te gebruik
3.1.5 sakekommunikasievorme toepaslik en
doeltreffend in 'n gesimuleerde of werklike
werkplekomgewing te gebruik
Ná skryf
3.1.6 'n finale konsep te redigeer en te proeflees
3.1.7 'n finale konsep aan te bied deur die
konvensies en formate te gebruik wat deur
die konteks vereis word
Terugvoering
3.1.8 die terugvoering wat tydens die skryfproses
ontvang is in daaropvolgende konsepte op
te neem om daarop te verbeter
ASSESSERINGSTAKE OF -AKTIWITEITE
Voorgestelde vorme van assessering:
Verslae: Beskrywende verslag; narratiewe (vertellende) verslag; onthullende verslag (150-250 woorde)
Lang funksionele skryfwerk: Vergaderingdokumentasie (120-150 woorde)
Kort funksionele skryfwerk: E-posse en fakse; vorms; strooibiljette; tydskrifadvertensies; telefoonboodskappe; en
memorandums (100-120 woorde)
Assesseringsmiddele:
Kontrolelyste; nasienskemas
Omvang (skriftelike tekste): E-posse en fakse; vorms en telefoonboodskappe; memorandums; strooibiljette, pamflette
of brosjures vir inligting- en advertensiedoeleindes; kennisgewings, sakelyste en notules; asook beskrywende,
narratiewe en onthullende verslaeOmvang (verslag): Beskrywende verslag (soos 'n ongeluk- of ooggetuieverslag);
narratiewe verslag (soos terugvoering oor 'n gebeurtenis of die vordering met 'n projek) en onthullende verslag (soos
verslae oor 'n werk-verwante ondersoek of navorsing wat gedoen is)
Afrikaans EAT (Vlak 3) Finale Assesseringsriglyne (Januarie 2014) Nasionale Sertifikate (Beroeps-)
Departement van Hoër Onderwys en Opleiding Bladsy 17 van 23
17_03_2014
Onderwerp 4: Taal en kommunikasie in praktyk
VAKUITKOMS
4.1 Bestudeer en gebruik 'n verskeidenheid van teorieë om die doeltreffendheid van kommunikasie in
werkplekkontekste/-omgewings te verbeter
ASSESSERINGSTANDAARDE LEERUITKOMSTE
4.1.1 Gepaste strategieë en konvensies van
vergaderings word in 'n gesimuleerde
werkplekomgewing verken, verduidelik en
toegepas
4.1.2 Gepaste onderhoudgedrag en -strategieë
word in verskeie gesimuleerde
werkplekomgewings verken, verduidelik en
toegepas
4.1.3 Gepaste strategieë vir werkplek-verwante
aanbiedinge word verken, verduidelik en
toegepas
Studente demonstreer die vermoë om:
4.1.1 vergaderingkonvensies te verken en te
verduidelik asook om gepaste vergadering-
strategieë in 'n werkplekomgewing toe te pas
4.1.2 gepaste onderhoudgedrag en -strategieë in
verskeie werkplekomgewings te verken, te
verduidelik en toe te pas
4.1.3 gepaste strategieë vir 'n verskeidenheid van
werkplek-verwante aanbiedinge te verken, te
verduidelik en toe te pas
ASSESSERINGSTAKE OF -AKTIWITEITE
Voorgestelde vorme van assessering:
Teorietoets
Assesseringsmiddele:
Memorandum
Omvang (vergaderingteorie): Pligte en bevoegdhede van 'n voorsitter en 'n sekretariaat; konstituering van 'n
vergadering; vergaderingterminologie; tipes vergaderings en vergaderingdokumentasie
Omvang (onderhoude): Dissiplinêre onderhoude en onderhoude vir navorsing- en inligtingdoeleindes
Omvang (riglyne vir onderhoudgedrag en -strategieë): Gepaste kleredrag; vrae wat kandidate moet vra; goeie
onderhoudgedrag; prosedures en optrede ten opsige van dissiplinêre onderhoude asook die opstel of navors van
onderhoudvrae
Omvang (voordrag en aanbieding): Doen van toekennings en die aanvaarding daarvan; voorstelling van gasspreker; programleiding en -koördinering; lewering van 'n mosie van dank; en die doen van 'n aanbieding as gasspreker
Afrikaans EAT (Vlak 3) Finale Assesseringsriglyne (Januarie 2014) Nasionale Sertifikate (Beroeps-)
Departement van Hoër Onderwys en Opleiding Bladsy 18 van 23
17_03_2014
VAKUITKOMS
4.2 Bestudeer 'n verskeidenheid van taal- en grammatikastrukture asook konvensies in werkplekkontekste/-
omgewings en pas dit toe
ASSESSERINGSTANDAARDE LEERUITKOMSTE
4.2.1 'n Verskeidenheid van die taalstrukture en
grammatikakonvensies van Afrikaans word
korrek geïdentifiseer en in werkplekkontekste
toegepas
Studente demonstreer die vermoë om:
4.2.1 'n verskeidenheid van taalstrukture en
grammatikakonvensies akkuraat te identifiseer
en in werkplekkontekste/-omgewings toe te
pas
ASSESSERINGSTAKE OF -AKTIWITEITE
Voorgestelde vorme van assessering:
Taalvrae ingesluit in toetse oor ander onderwerpe (bv. begrip). Assesseer die akkurate gebruik van taalstrukture en grammatikakonvensies in mondelinge en skriftelike take.
Omvang: Modale wyses; sinsdele en bysinne; die voorwaardelike wyse; lydende en bedrywende vorm; indirekte rede;
woordeskat; jargon en tegniese terme; letterlike of figuurlike taal; onderwerpsinne en paragrawe; toon en register; soorte
vrae en werkwoordtye
4 EKSTERNE ASSESSERING IN AFRIKAANS EAT VLAK 3
Benewens die interne assessering word 'n nasionale eksamen ook jaarliks in Oktober of November afgeneem by wyse van twee eksamenvraestelle van 2½ uur elk wat ekstern opgestel word. Die nasionale eksamen is onderworpe aan eksterne moderering deur Umalusi of 'n gepaste Onderwys en Opleiding Gehalteversekeringsliggaam wat ingevolge artikel 28(2) van die Wet op Gehalteversekering vir Algemene en Verdere Onderwys en Opleiding, 2001 (Wet No. 58 van 2001), deur die Umalusiraad aangestel word.
Die Vlak 3-vraestelle word soos volg gestruktureer:
Die volgende puntverspreiding tussen Vraestel 1 en 2 word vir die opstel van die nasionale eksamenvraestelle voorgestel:
VRAESTEL BESKRYWING PUNTE
1 Onderwerp 2: Lees en kyk
Onderwerp 4: Taal en kommunikasie in praktyk
150
2 Onderwerp 3: Skryf en aanbied 100
TOTAAL VIR EKSAMEN 250
VLAK 3
KENNIS EN BEGRIP TOEPASSING ONTLEDING, SINTESE
EN EVALUERING TOTAAL
30% 40% 30% 100
EKSAMEN 75 punte 100 punte 75 punte 250
Afrikaans EAT (Vlak 3) Finale Assesseringsriglyne (Januarie 2014) Nasionale Sertifikate (Beroeps-)
Departement van Hoër Onderwys en Opleiding Bladsy 19 van 23
17_03_2014
VOORGESTELDE FORMAAT VIR ELK VAN DIE EKSAMENVRAESTELLE:
Vraestel 1 (2½ uur)
VRAESTEL 1 BESKRYWING PUNTE KENNIS EN
BEGRIP
ONTLEDING, SINTESE EN
EVALUERING TYD
Lees
A: Begrip
300-400 woorde 40 20 20
2½ uur
B: Opsomming
230 woorde, wat tot 70-80 verminder
word
Puntvormopsomming
10 10
Kyk
C: Kyk
Strooibiljette, pamflette, brosjures;
Internet- en mediatekste; strokiesprente;
gedrukte advertensies
30 10 20
Taal en kommunikasie in praktyk
D: Taal in praktyk (ook taalversorging)
Taalstrukture word binne konteks
geassesseer deur 'n verskeidenheid van
tekste te gebruik
40 30 10
E: Kommunikasie in praktyk
Vergadering- en onderhoudteorie; en riglyne vir suksesvolle onderhoude en aanbiedings
30 15 15
TOTAAL 150 75 75
Vir Eksamenvraestel 1 word studente nie toegelaat om enige hulpbronne te gebruik nie. In die geval van
tekste wat tegniese terme of jargon bevat, moet 'n woordelys verskaf word.
Afrikaans EAT (Vlak 3) Finale Assesseringsriglyne (Januarie 2014) Nasionale Sertifikate (Beroeps-)
Departement van Hoër Onderwys en Opleiding Bladsy 20 van 23
17_03_2014
Vraestel 2 (2½ uur)
Daar word aanbeveel dat studente in elke afdeling drie opsies kry, waaruit een gekies moet word.
VRAESTEL 2 BESKRYWING PUNTE TOEPASSING TYD
Skryf en aanbied
A: Verslag
Beskrywende verslag (ongeluk- of
ooggetuieverslag); OF
Narratiewe verslag (terugvoering of
verslagdoening oor vordering); OF
Onthullende verslag (werk-verwante
ondersoek)
150-250 woorde
50 50
2½ uur
B: Langer funksionele skryfwerk
Kennisgewing, sakelys en/of notule
150-250 woorde
30 30
C: Korter en intermediêre funksionele
skryfwerk
E-pos EN/OF faks EN/OF invul van vorm
EN/OF 'n strooibiljet of pamflet EN/OF
EN/OF telefoonboodskap EN/OF
memorandum
100-120 woorde
20 20
TOTAAL 100 100
Vir Eksamenvraestel 2 word studente nie toegelaat om enige hulpbronne te gebruik nie. Die vraestel
moet 'n inligtingsblad insluit wat die formate wat vir die stukke skryfwerk vereis word (bv. die
gestruktureerde uitleg van 'n verslag) in besonderhede uiteensit OF die vooraf opgestelde formate moet
aan die studente verskaf word. Voorbeelde word in Aanhangsel A verskaf.
Afrikaans EAT (Vlak 3) Finale Assesseringsriglyne (Januarie 2014) Nasionale Sertifikate (Beroeps-)
Departement van Hoër Onderwys en Opleiding Bladsy 21 van 23
17_03_2014
AANHANGSEL A: VOORBEELDE VAN INLIGTINGSBLADSYE EN VOORAF OPGESTELDE FORMATE
VIR INSLUITING IN EKSAMENVRAESTELLE
Afrikaans EAT (Vlak 3) Finale Assesseringsriglyne (Januarie 2014) Nasionale Sertifikate (Beroeps-)
Departement van Hoër Onderwys en Opleiding Bladsy 22 van 23
17_03_2014
AANHANGSEL A: VOORBEELDE VAN VOORAF OPGESTELDE FORMATE
VOORBEELD VAN 'N VOORAF OPGESTELDE FORMAAT VIR 'N VERSLAG
Naam van beseerde persoon
Datum van ongeluk
Ambag/Beroep Tyd van ongeluk
Afdeling Plek van ongeluk
Beskrywing van ongeluk
_______________________________________________________
_______________________________________________________
_______________________________________________________
_______________________________________________________
_______________________________________________________
_______________________________________________________
_______________________________________________________
_______________________________________________________
Resultate van die mediese ondersoek
_______________________________________________________
_______________________________________________________
_______________________________________________________
_______________________________________________________
_______________________________________________________
_______________________________________________________
_______________________________________________________
_______________________________________________________
Naam van opsteller
Pos/amp/rang van opsteller
Handtekening van opsteller
Datum
Afrikaans EAT (Vlak 3) Finale Assesseringsriglyne (Januarie 2014) Nasionale Sertifikate (Beroeps-)
Departement van Hoër Onderwys en Opleiding Bladsy 23 van 23
17_03_2014
VOORBEELD VAN 'N VOORAF OPGESTELDE FORMAAT VIR 'N TELEFOONBOODSKAP
Aan: _____________________________________
Van: ___________________________________
Telefoonnommer: _______________________
Datum: 9 Junie 20XX Tyd: 10:00
BOODSKAP:
_________________________________________________________________________
_________________________________________________________________________
_________________________________________________________________________
_________________________________________________________________________
_________________________________________________________________________
_________________________________________________________________________
_________________________________________________________________________
Boodskap geneem deur: P. Nkosi