SHKOLLA FILLORE, KLASA VI

MATEMATIKË

UDHËZIM PËR PUNË Të dashura nxënëse dhe nxënës, Urime! Keni arritur që të vini në garat shtetërore nga matematika dhe me këtë hap keni arrite një sukses të madh. Prandaj detyrat që janë para jush shikoni si një problem interesant dhe përpiquni që t’i zgjidhni me një kujdes dhe angazhim të plotë, por edhe me një kënaqësi.

Renditja e zhvillimit të detyrave nuk ka rëndësi. Nëse ndonjë detyrë ju duket

shumë e vështirë, mos u ndalni shumë në të, por kaloni në detyrën tjetër. Nëse ju mbetet kohë, kthehuni dhe provoni t’i zgjidhni përsëri ato detyra të cilat nuk i keni zgjidhur.

Shkruani lexueshëm, posaçërisht numrat! Punoni në mënyrë të pavarur. Nuk lejohet asnjë lloj bashkëbisedimi. Gjatë punës mund të shfrytëzoni veglat shkollore për vizatimin e figurave

gjeometrike, por nuk lejohet përdorimi i telefonave celularë, kalkulatorëve dhe mjeteve tjera ndihmëse elektronike.

Për çdo detyrë janë paraparë nga 25 pikë.

Për punë keni 180 minuta.

Mund të filloni nga puna. Me fat!

1. Karkaleci Këmbëgjati lëviz me kërcime me gjatësi 125mm. Vëllai i tij i vogël

Kërcimtari lëviz me kërcime me gjatësi 0.5dm. Momentalisht gjinden në telin e drejtë të gjatë: largësia midis tyre është 15m! Secili kërcim zgjat gjysmë sekonde, por Kërcimtari kërcen pa pauzë, ndërsa Këmbëgjati pas çdo kërcimi pushon një sekondë. Nëse të dy menjëherë fillojnë të kërcejnë kah njëri-tjetri nëpër tel, sa do të jetë largësia në mes tyre pas një minute dhe pesë sekondash?

2. Piceria Këndmatësi shet rriske (copë) të picës në shkallë! Sapo janë shitur tri

rriske, nga të cilat rriska e parë është e masës së një këndi të ngushtë. Rriska e parë dhe e dytë së bashku përbëjnë gjysmën e picës. Rriska e tretë dhe gjysma e rriskës së dytë, gjithashtu përbëjnë gjysmën e picës. Sa kushton krejt pica, nëse rriska e tretë është më e shtrenjtë se gjysma e rriskës së parë për 5 euro dhe 5 cent?

3. Për të shënuar numrin 2020 është e nevojshme të shënojmë numrin 20 dy herë

pa hapësirë në mes. T’i Shqyrtojmë të gjithë numrat katër shifrorë të cilët fitohet nga numrat dyshifror në mënyrë të tillë:

1010, 1111, 1212, 1313, …, 9797, 9898, 9999. Përcaktoni numrin (më të madh se numri një) i cili është pjesëtues i përbashkët i të gjithë këtyre numrave, e pastaj llogarit shumën e numrave të dhënë.

4. Kuadri nga druri i lartësisë 2 cm, gjerësisë 17 cm dhe gjatësisë 11 cm, është

ngjyrosur në të bardhë. Më pas është prerë në kube me brinjë një centimetër, si në figurë. Kubet të cilat janë fituar ashtu kanë disa faqe të ngjyrosura, e disa që nuk janë të ngjyrosura. Sa ka kube me numër tek të faqeve të pa ngjyrosura? Sa ka gjithsej faqe të pa ngjyrosura në ato kube?