Nodyn i’r athro/athrawes:

Argraffwch y cardiau canlynol gefn-wrth-gefn.

Rhowch un cerdyn i bob disgybl.

Bydd disgybl A yn darllen y frawddeg. Yna bydd disgybl B yn nodi’r camgymeriad, y cywiriad a’r rheswm gyda disgybl A yn ei wirio.

Bydd y dasg yn cael ei hail-adrodd gyda disgybl B yn holi y tro hwn.

Cyfnewid cardiau a mynd at bartner gwahanol.

Mae gen i un raw yn y sied.

Un raw > un rhaw

Camdreiglad. Er bod enw benywaidd unigol yn treiglo’n feddal ar ôl y rhifolyn un, os yw’r enw yn dechrau â’r gytsain ‘rh’ ni cheir treiglad gan ei fod yn eithriad i’r rheol.

Mae gen i un law chwith.

Un law > un llaw

Camdreiglad. Er bod enw benywaidd unigol yn treiglo’n feddal ar ôl y rhifolyn un, os yw’r enw yn dechrau â’r gytsain ‘ll’ ni cheir treiglad gan ei fod yn eithriad i’r rheol.

Beth wna i? Dim ond un cacen sydd gen i ar ôl!

Un cacen > un gacen

Mae enw benywaidd unigol yn treiglo’n feddal ar ôl y rhifolyn un.

Mae ganddo ef un fachgen.

Un fachgen > un bachgen

Camdreiglad. Nid yw enw gwrywaidd unigol yn treiglo ar ôl y rhifolyn un.

Mae gan y dyn ddau cap.

Dau cap > dau gap

Mae enw gwrywaidd unigol yn treiglo’n feddal ar ôl y rhifolyn dau.

Mae’r got yma’n rhad iawn. Fe wnaeth gostio wyth punt.

Wyth punt > wyth bunt

Mae enw benywaidd unigol yn treiglo’n feddal ar ôl y rhifolyn wyth.