Ntsuab Npis XyoojKev Ua Tsov Rog mus txog

Kev Tsis Muaj Dabtsi Txhawj

Phau ntawv sau txog lub neej los ntawm:

Becky Marburger Xib Fwb Qhia Ntawv

Wisconsin Public Television Education

Ib qhov kev ua tsaug rau cov nram qab no uas tau pab txhawb nqa qhov kev kws yees:

Joe Bee Xiong Family

Kristen Christopherson, Eau Claire Area School District

Elizabeth Duellman, Eau Claire Area School District

Karen Jacobson, Chippewa Valley Museum

Gwen Kong, Madison Metropolitan School District

Karla Lien, Eau Claire Area School District

Briana Odegard, Eau Claire Area School District

Mike Peplinski, Eau Claire Area School District

Joel Raney, Chippewa Valley Technical College

Blia Schwahn, Eau Claire Area School District

Bradley Sommer, Eau Claire Area School District

Pua Song, Hmong American Peace Academy

Chia Vang/Txiab Vaj, Madison Metropolitan School District

Long Vang, Eau Clare Area Hmong Mutual Assistance Association

True Vue, Eau Claire Area School District

Thay Yang, Milwaukee PBS

Lub Rooj Rau Cov NQe Tshooj Lus

Qhia Nws Tus Kheej . . . . . . . . . . . . . . . . . . 2

Nws Lub Neej Ntxov . . . . . . . . . . . . . . . . . . 3

Tsug Tsov Rog Npog Tsis Qhia (The Secret War) . . . . . . . . . . . . . . . . . . . 5

Nyob rau Teb Chaws Mes Kas . . . . . . . . . . . 8

Pab Rau Lub Zej Zog . . . . . . . . . . . . . . . . . 10

Kev Noj Nyob Rau Kab Li Kev Cai . . . . . .13

Qhov Lus Xaus . . . . . . . . . . . . . . . . . . . . . 14

Lus Txhais . . . . . . . . . . . . . . . . . . . . . . . . .16

Qhia Nws Tus Kheej

Ntsuab Npis Xyooj tuaj nrog nws tsev neeg tuaj teb chaws Los Tsuas (Laos) nyob rau Sab Es Xias Qab Teb Hnub Tuaj (Southeast Asia) tuaj rau teb chaws Mes Kas (United States) li ib tug neeg thaj nam. Nws rais mus ua ib tug Hmoob As Mes Kas zoo thawj coj.

Nws qhia lwm tus txog Hmoob kab li kev cai. Ntsuab Npis tseem pab cov Hmoob As Mes Kas uas tuaj tshiab rau teb chaws Mes Kas (US) kawm txog As Mes Kas cov kab li kev cai nyob rau lub teb chaw Mes Kas no. Nws rais mus ua ib tug qauv zoo thiab ua kev cia siab rau lwm tus yuav ua raws thiab.

2

Daim duab txaus ntseeg los: Eau Claire Leader Telegram.

Ntsuab (Joe) Npis Xyooj (1961-2007)

Nws Lub Neej Ntxov

Nws niam thiab txiv nkawv tis nws npe hu Npis thaum nws yug los nyob rau xyoo 1961. Npis muaj xya tus kwv thiab ib tug muam yau nws. Nws tsev neeg nyob rau lub zos pem toj roob rau teb chaw Los Tsuas.

Peb Hmoob feem ntau nyob rau cov tsev npoo av uas siv xyoob, ntoo, thiab nqeeb los ua. Cov tsev no tsis muaj hluav taws xob los yog kav dej.

3

Mus Kawm Ntawv

Npis kawm ntawv tau ntau xyoo ua ntej nws yuav muaj hnub nyoog 10 xyoo. Nws tsis muaj ib lub moo. Thaum lub hnub ci tuaj rau saum tso ntoo tim roob, nws paub tias txog caij mus kawm ntawv.

Koj nrhiab puas tau lub teb chaws uas Ntsuab Npis yug los siv daim phim thib no?

Hloov los ntawm daim “Es Xias (Asia) phim thib,” Wikimedia Commons.

4

Txhua tus hauv tsev neeg ua dej num. Cov tub li Npis sau taws rauv. Cov ntxhais pab ua zaub mov thiab nqa dej tom cov ciav dej. Me nyuam pab ua liaj ua teb thaum lawv loj txaus lawm.

Twm siv los laij liaj teb. Npis yog ib tug txawj caij twm laij teb rau thaj chaw nws nyob ntawd. Qee zaum nws sawv saum twm nraub qaum thaum tus twm tseem laij teb.

Me nyuam sib tw ua si li tub lub thiab kab taub. Tub lub yog raus tes rau kev sib tw tso kom tus yeem rau saum av. Kab taub yog raus tes kev ncaw lub pob fiab rau saum huab cua.

Laurent Bélanger, Wikimedia Commons.

Tus txiv neej no thiab nws tus twm laij av ua liaj ua teb nplej.

Ntsug Tsov Rog Npog Tsis Qhia

Sab hnub tuaj rov teb chaws Los Tsuas, Teb Chaws Nyab Laj Qaum Teb (North Vietnam) muaj tsov rog nrog Nyab Laj Qab Teb (South Vietnam) txij li xyoo 1955. Cov neeg Mes Kas thiab cov Hmoob nyob teb chaws Los Tsuas pab txhawb cov neeg nyob rau yav nram qab teb.

Cov neeg Mes Kas zais npog los ua tus cob qhia rau cov Hmoob ua tub rog muab kev koom tes txhawb Nyab Laj Qab Teb thiab pab muab riam phom rau peb Hmoob. Cov pej xeem Mes Kas suav daws twb tsis paub txog qhov no. Ces peb Hmoob thiaj sib tua ntsug rog no ntev mus mam paub hais tias Tsov Nrog Npog Tsis Qhia (Secret War).

5

Nai Phoo Vaj Pov (sab laug) thaij duab nrog ib tug neeg As Mes Kas (American). Pov yog ib tug thawj coj ntawm cov tub rog Hmoob nyob rau teb chaws Los Tsuas (Laos) rau lub sij hawm tsov rog Nyaj Laj (Vietnam War).

Daim duab txaus ntseeg los: Chippewa Valley Museum.

Thaum hnub nyoog 12 xyoos, Npis rais mus ua ib tug tub rog. Nws thiab lwm cov tub rog Hmoob pab tiv thaiv cov txhab khoom thiab pab cawm Mes Kas cov kws tsav dav hlau uas raug tua poob nyooj hoom.

Nyab Laj Qaum Teb yeej ntsug nyob rau xyoo 1975. Cov Hmoob thiaj khiav tuaj mus rau Thaib Teb kom txhob raug txhom kaw los yog tua pov tseg. Muaj ib cov nkaum hav zoov hav tsuag thaum nrhiav kev tawm tuaj mus nyab xeeb. Muaj ib cov nqaum tau ntau xyoo.

Npis thiab lwm cov tub rog coj txog li 1,000 tus Hmoob khiav tsov rog tuaj mus li 150 mais hla rau hav zoo hav tsuag thiab hla toj roob hauv pes thiaj li tuaj txog rau teb chaws Thaib (Thailand).

6

Daim duab txaus ntseeg los: Doug Hulcher.

Qhov no yog ib pab cov tsev neeg tuaj txog Thaib Teb (Thailand) tom qab hla dej Nab Khoom (Mekong River) hmo ntuj ua ntej (1980).

7

Zoo siab tso cai los ntawm Tsev Neeg Xeem Xyooj.

Ntsuab Npis (sab xis) nyob Thaib Teb (1978)

Tus dej Naj Khoom (Mekong River) faib nruab nrab rau teb chaws Los Tsuas thiab teb chaws Thaib. Cov Hmoob nyiag nkag tuaj mus sim ua luam dej los yog them nyiaj rau lwm tus siv nkoj thauj. Muaj coob tus poob dej los yog raug tua thaum hla dej.

Npis thiab lwm cov thawj coj sim hla ua ntej tab sis tsis pub rov qab los lawm. Ib pab yuav tau nrhiav lawv txoj hauv kev tuaj mus rau teb chaws Thaib. Tsis yog txhua tus yuav hla dhau tag. Npis tsev neeg hla dhau.

Tsev neeg xeem Xyooj rais mus ua neeg thaj nam nyob rau Thaib Teb rau xyoo 1978. Lub yeej thaj nam tawg rog muaj cov tsev ntev ntev nrog rau cov hoob chav me me. Lawv tsis muaj hluav taws xob.

Npis tsev neeg nyob rau ntawm lub yeej thaj nam tau yim lub hlis. Cov tsev neeg nyias muaj nyias sij hawm txawv. Ib cov neeg nyob ntawd tau ntau xyoo.

Npis kawm ib cov ntawv As Kiv (English) nyob ntawd. Nws siv cov lus As Kiv yooj yim los pab rau nws tsev neeg tuaj rau teb chaws Mes Kas.

8

Nyob rau Teb Chaws Mes Kas

Tsis yog tag nrho cov Hmoob thaj nam tuaj rau teb chaws Mes Kas. Ib cov tuaj mus rau teb chaws Aub Tas Lias (Australia), Fab kis (France), los yog lwm lub teb chaws. Tsev neeg xeem Xyooj tuaj poob rau lub zos Philadelphia, lub xeev Pennsylvania, nyob rau lub Xya hlis hnub tim 17, xyoo 1979.

Lub neej nyob rau teb chaws Mes Kas nyuaj heev rau peb Hmoob Mes Kas zoo li Npis. Kev ua txhua hnub zoo li kev ua noj txhais tau tias yuav tau kawm kev siv hluav taws xob thiab kev siv tso dej los. Paub lus As Kiv me me xwb ua rau lub neej nyob Mes Kas teb no nyuaj.

Ib cov neeg Mes Kas tsis to taub vim li cas peb Hmoob tuaj teb chaw no. Qee zaum lawv xav kom peb cov Hmoob Mes Kas rov qab mus rau teb chaws Los Tsuas.

Npis kawm ntawv thiab kawm los sau thiab nyeem ntawv As Kiv. Nws tseem ntsib nws tus poj niam pem suab, Tab Muas.

Npis zoo siab heev tau nyob rau teb chaws Mes Kas. Tab sis lub zos Philadelphia tsis zoo li nws lub vaj lub tsev. Tsis muaj chaws cog zaub noj los yog ua tej yam nws nyiam ua.

Tab Muas nyiam seev cev, xws li ua la voo. Nws tau ua huaj lwm rau tib lub tuam txhab tau 30 xyoo (2018).

Daim duab txaus ntseeg los: WPT Education.

9

Ib tug kwv tij hu pem lub zos Eau Claire, xeem Wisconsin tuaj. Npis thiab nws tsev neeg txiav txim siab khiav lub yim hlis xyoo 1980. “Kuv pom qhov chaw yog ib chaw zoo nuv ntses, cog zaub noj, thiab ib qhov chaw zoo tua tsiaj,” Npis hais. Nws xav tias nws yuav zoo siab dua nyob rau pev.

Npis kawm cov hoob ntawv hauv (high school) nyob rau lub zos Eau Claire. Nws kawm tias nyob rau lub Rau hlis xyoo 1982 thaum muaj 21 xyoo. Tom qab ntawd nws kawv tiav peb daim ntawv qib siab (college degrees).

Npis thiab Tas tau los sib yuav thiab nkawv muaj ob tug tub thiab rau tus ntxhais. Ib tug txiv neej Hmoob yuav tau txais ib lub npe laus los ntawm nws niam tais yawm txiv thaum nws muaj poj niam thiab me nyuam lawm. Npis lub npe laus yog Ntsuab Npis. Nws xav kom hu ua Ntsuab Npis (Joe Bee) no thiaj yooj yim rau lwm tus uas paub hais lus As Kiv.

Zoo siab tso cai los ntawm Tsev Neeg Xeem Xyooj.

Ntsuab Npis tsev neeg (los ntawm sab laug txog sab xis): Khav Lam, Suav, Paj Nyiag, Lam Zeej, Tab, Las Koo, Paj Kub, Paj Mas, thiab Nkauj Lis (Cara, Shua, Pa Gnia, Lar Zeng, Ta, Lar Kong, Pa Koua, Pama, and Gaoly)

Pab Rau Lub Zej Zog

Ntsuab Npis los ua ib tug tub ceev xwm rau lub Zos Eau Claire thiab rais mus ua thawj tug Hmoob As Mes Kas ua tub ceev xwm nyob rau hauv xeem Wisconsin.

Ntxiv ntawd nws rais mus ua ib tug neeg ua hauj lwm pab neeg (social worker) los pab cov tsev neeg. Tom qab ntawd, Ntsuab Npis ua hauj lwm rau lub koos haum (Eau Claire Area Hmong Mutual Assistance Association) los pab txhawb nqa cov neeg Hmoob As Mes Kas nyob cheeb tsam ntawd thiab.

Ntsuab Npis muaj lag luam yuav vaj tsev thiab feem ntau muab tsev xauj rau cov Hmoob As Mes Kas uas nrhiav tsis tau vaj tsev nyob vim yog kev ntxub ntxaug.

Ntsuab Npis Xyooj tau xaiv tsa 2 zaug nyob rau lub zos Eau Claire City Council nyob rau xyoo 1996-2000.

Daim duab txaus ntseeg los: Eau Claire Leader Telegram.

10

Xav muab lwm tus lub suab, Ntsuab Npis khiav tau rau thiab tau los ua ob zaug rau lub zos Eau Claire City Council, pib nyob rau xyoo 1996. Qhov ntawd ua rau nws yog thawj tug Hmoob As Mes Kas tau xaiv tsa los pab pej xeem nyob xeev Wisconsin. Ntsuab Npis kawm paub txog kev ua nom tswv neeg As Mes Kas thiab muab qhia pab rau peb Hmoob As Mes kas.

Ntsuab Npis sib tw khiav los ua ib tug (Wisconsin State Assembly) nyob rau 2004 tab sis nws swb. Qhov no tsis tso nws tseg. Nws tseem ua hauj lwm nrog rau lwm tus los daws kev tsis ncaj ncees raug kev tsim txom nyob rau teb chaws Los Tsuas thiab Sab Es Xias Qab Teb Hnub Tuaj.

11

12

Ntsib Ntsiv Nim Lauj

Ntsiv Nim Lauj kawm hoob tsib hauv tsev kawm ntawv nyob lub zos Eau Claire, xeev Wisconsin. Nws yog ib tug nyob rau hauv nws lub tsev kawm ntawv pab pawg (Hmong Club), uas nws kawm txog Hmoob kab li kev cai thiab kawm hais lus Hmoob.

Ntsiv Nim yuav qhia rau peb me ntsis txog nws tus kheej thiab nws txog cai yug los ua neeg Hmoob.

Koj nyiam ua dab tsi lom zem?

Kuv nyiam nyeem ntawv. Cov ntawv kuv nyiam nyeem tshaj yog cov phau ntawv txaus luag ua ua dab neeg (comics), thiab qee zaus kuv nyiam cov ntawv txaus txaus ntshai thiab.

Yam koj nyiam kawm hauv tsev kawm ntawv tshaj yog dab tsi?

Kuv nyiam lej vim yog kuv nyiam cov nab npawb.

Muaj yam twg lwm tus yuav tsum paub txog cov neeg Hmoob los yog kab li kev cai?

Lawv yuav tsum paub txog zaub mov Hmoob. Kuv nyiam zaub mov Hmoob heev. Qee zaum kuv niam ua tau cov hnyuv ntxwm Hmoob. Kuv nyiam lawv vim lawv muaj kua txob nyob rau hauv.

Qhia txog ib yam Hmoob kab li kev cai koj nyiam ua.

Kuv nyiam Hmoob noj tsiab peb caug vim koj ua kev zoo siab nrog lwm cov neeg coob heev. Koj pom tib neeg seev suab thiab seev cev ntawd. Tib neeg hnav Hmoob cov tsoos tsho, tab sis qee zaum lawv tsis xav hnav, ces lawv hnav cov zoo li qub xwb. Kuv tseem nyiam tias lawv muaj chaw muag khoom ua si me nyuam yau (toys) rau pem Hmoob noj tsiab peb caug.

Ntsiv Nim (Genie) yog ib tug Hmoob As Mes Kas (Hmong American), thiab nws txaus siab kawm txog thiab qhia nws li kev cai yug los ua neeg Hmoob.

Daim duab txaus ntseeg los: Eau Claire Area School District.

13

Kev Noj Nyob Rau Kab Li Kev Cai

Ntsuab Npis yog ib tug xib fwb txawj tshuab qeej thiab dhia qeej. Nws kawm yam Hmoob li kev cai no nyob teb chaws Los Tsuas. Nws siv tshuab nyob rau lub zos Eau Claire thiab muab kev qhia rau nws cov tub.

Nws tshuab qeej, ncas, thiab raj nplaim rau pem cov tsev kawm ntawv thiab hauv lub zej zog. Ntsuab Npis tseem qhia sib tw zoo li tuj lub thiab kab taub los pab rau lwm tus kawm txog peb Hmoob kab li kev cai.

Ntsuab Npis thiab Tas nkawv qhia nkawv cov me nyuam hais lus Hmoob. Cov me nyuam tseem nyiam kev ua neeb ua yaig, kab li kev cai ntseeg ntawm Hmoob.

Daim duab txaus ntseeg los: Eau Claire Leader Telegram.

Ntsuab Npis ntuav tawm txog kev tshuab Hmoob li twj paj nruas, xws li qeej nws tshuab no.

Daim duab txaus ntseeg los: Chippewa Valley Museum.

Las Zeej thiab Laj Koo, yog Ntsuab Npis cov tub tshuab cov me nyuam qeej rau pem Hmoob lub koob tsheej (Hmong Music Festival) nyob rau xyoo 1994.

14

Qhov Lus Xaus

Ntsuab Npis nyiam ncaws pob, nuv ntses, thiab mus pw tom xub tsuag (camping) nrog nws tsev neeg. Nws tseem nyiam ncig xyuas mus rau teb chaws Los Tsuas. Nws tau tag sim neej nyob tim Los Tsuas Teb vim yog nws lub plawv nres rau lub peb hlis hnub tim 30, xyoo 2007.

Nws lub cev coj rov qab los rau pem lub zos Eau Claire. Muab Ntsuab Npis los ua peb Hmoob kab li kev cai txog nws lub neej tau peb hnub tseem kaus.

Ntsuab Npis ua ib tug qauv zoo. Nws qhia ua ib tug zoo thawj coj txog coj cov neeg thaj nam nyob teb chaws Los Tsuas thiab nyob rau hauv Eau Claire City Council. Ntsuab Npis tseem qhia peb Hmoob txog Mes Kas kab li kev cai thiab lub zej zog Eau Claire txog peb Hmoob li kab li kev cai.

Koj yuav ua li cas pab lwm tus kawm? Pab rau lwm tus nyob rau hauv koj lub zej zog yuav tuam choj txoj kab li kev cai, zoo li Ntsuab Npis ua.

15

Daim duab txaus ntseeg los: WPT Education.

Ntsuab Npis ua ib tug qauv zoo tsis yog rau nws tsev neeg tab sis lwm tus nyob rau hauv nws lub zej zog thiab thoob plaws hauv xeev Wisconsin. Koj yuav ua ib tug qauv zoo li cas rau lwm tus?

Lus Txhais

Hmoob As Mes Kas (n): . ib tug neeg Hmoob uas tsiv los nyob teb chaws Mes Kas (US) tuaj Es Xias Sab qab teb hnub tuaj (Southeast Asia)

kev ntseeg neeb yaig (n): ib qhov kev ntseeg los ntawm ib tug txiv neeb uas tham nrog kev ntsuj plig los pab kho kom zoo thiab los qhia tau rau tib neeg

neeg thaj nam (n): . . . . . ib leeg twg tso lawv lub teb chaw tseg, feem ntau vim yog tsov rog los yog lwm kev kub ntxhov tswm sim

npe laus (n): . . . . . . . . . . . lub npe muab rau ib tug txiv neej Hmoob tom qab nws yuav poj niam thiab muaj me nyuam

pej xeem xaiv tsa (n): . . . . ib txog nom tswv hauj lwm uas tus neeg yog muab rau los yog xaiv tsa rau

qeej (n): . . . . . . . . . . . . . . . ib twj paj nruas ua nplaim siv tshuab rau ntees tuag thiab kab li kev cai los sib tham nrog kev ntsuj plig lub ntuj

yeej thaj nam (n): . . . . . . ib qhov chaw neeg nyob tsis ntev tom qab lawv khiav lawv lub teb chaws tuaj

16

For additional resources, visit pbswisconsineducation.org

Level 2 © 2019 Wisconsin Educational Communications Board and The Board of Regents of the University of Wisconsin System