nuusbrief nr 4 2015
DESCRIPTION
Nuusbrief nr 4 2015TRANSCRIPT
1
LEEUWENHOF AKADEMIE
NUUSBRIEF NR. 4 VAN 2015
3 FEBRUARIE 2015
UIT DIE HOOF SE KANTOOR
Geagte ouers en personeel
Dit is baie belangrik vir ons as ouers om baie te belê in ons kinders. Baie dankie aan ons
Leeuwenhofouers en- personeel wat elke dag in ons kinders se lewens belê.
Hier volg sewe dinge wat elkeen van ons kinders elke dag moet hoor en ervaar:
Ek is lief vir jou
Ek is trots op jou
Ek is jammer
Ek vergewe jou
Ek luister
Hierdie is jou verantwoordelikheid
Jy het dit wat nodig is
Baie sterkte met hierdie baie belangrike taak en verantwoordelikheid wat ons as ouers en
personeel het.
AKADEMIE
BENCHMARK: GRAAD 7
Ons het verlede week die uitslae van 2014 se Benchmark ontvang en is baie trots op ons leerders
se pragtige prestasies. Baie geluk aan personeel met harde werk regdeur die jaar.
Die uitslae was as volg:
Vak Leeuwenhof ISASA skole in Gauteng
Wiskunde 69% 63%
Engels 64,57% 67,37%
2
Interessante inligting oor die uitslae:
Wiskunde
- Die skole wat dogters en seuns in die skool het se gemiddeld was 60%
- Die skole wat net seuns in die skool het se gemiddeld was 65%
- Die skole wat net dogters in die skool het se gemiddeld was 66%
Engels
- Ons leerders is Afrikaanse kinders wat Engels doen as Huistaal en die gemiddeld is
maar 2,8% onder die ISASA gemiddeld. ‘n Diskrepans van 3% en minder is heel
aanvaarbaar in ag geneem dat ons leerders Afrikaanssprekend is
- Meer as 95% van die skole wat deelneem aan die Benchmark is Engelse privaat skole
waar die meeste leerders groot word in huise waar Engels die Huistaal is
OUERAAND
Daar vind hierdie week ‘n baie belangrike oueraand vir gr. 4 en nuwe leerders se ouers plaas.
Hierdie oueraand gaan suiwer oor die akademie in die skool en is een van die belangrikste aande
wat u nie mag misloop nie. Die oueraand begin om 18:30 in die skoolsaal. Leerders hoef nie
hierdie oueraand by te woon nie.
STUDIEKURSUS
Aangeheg aan hierdie nuusbrief is daar ‘n skrywe oor ‘n studiekursus wat die skool aanbied op 21
Februarie
SPORT
ATLETIEK
Ons is baie trots op die atlete en afrigters van die skool. Die harde werk en oefeninge in die
middae werp vrugte af. Die afgelope naweek het ons teen Laerskool Jan Celliers deelgeneem en
‘n baie goeie oorwinning behaal. Wat opvallend was, was ons atlete se deursettingsvermoë en om
onder baie druk nogsteeds hul beste te doen. Die ouers se ondersteuning was opmerklik en ons
het groot waardering daarvoor. Dit was ook lekker om nie-atlete wat ondersteun het, by die
byeenkoms te sien.
Baie sterkte aan ons atlete wat eerskomende Donderdag by Laerskool Dalview deelneem. Ons
gaan een van vyf skole by hierdie byeenkoms wees en gaan dus minder atlete per item kan
saamneem
SKAAK
Die jaarlikse skaakmarathon vind plaas op 7 Februarie in die Hoërskool se saal. Alle kinders wat
reeds skaak kan speel is welkom om in te skryf. Daar is briewe by me Language beskikbaar. Daar
word 5 rondtes gespeel waarin elke speler teen ‘n ander opponent te staan kom. Die verrigtinge
3
begin om 08:30 en die marathon sal ongeveer 13:00 klaar wees. Kinders wat nog wil deelneem, is
baie welkom. Die eerste skaakliga vind op 21 Februarie plaas by Laerskool Baanbreker.
KULTUUR
SENIOR KOOR
Ons Seniorkoor het verlede Vrydag hul koorkamp gehad. Baie dankie vir koorlede wat so hard
geoefen het en die oefening getrou bygewoon het. Die klanke wat alreeds te hore was, is pragtig.
Baie dankie aan die personeel vir harde werk.
MARIMBAS
Die marimbas oefen alreeds hard aan hul musiekstukke vir die jaar. Verlede Maandag het ek gaan
luister hoe ons leerders saam met die afrigter oefen en was aangenaam verras met die vinnige
vordering wat ons leerders daar maak. Ons sien uit na die eerste optrede
WÊRELDBEKERKOMPETISIE
Baie dankie vir ouers wat reeds hierdie projek so pragtig ondersteun. Verlede week het die projek
momentum begin kry en is daar amper 70 kaartjies verkoop. Onthou dat u op Vrydae by Marsha
Wagner se kantoor kaartjies kontant kan koop. Indien sy nie beskikbaar is nie kan u ook by ons
Finansiële kantore kaartjies koop.
SEKURITEIT
Aangeheg aan hierdie nuusbrief is daar twee dokumente wat oor die volgende belangrike aspekte
gaan:
Sekuriteit by die skool
Motorplakkers
PARKERING
Die parkering by die skool is ’n probleem en die Direksie werk hard daaraan om hierdie probleem
op te los.
Ons doen ’n beroep op ons ouers om nie in die oggende en middae die parkering te gebruik waar
die personeel onder die afdakke parkeer nie.
Die areas wat probleme veroorsaak is by die tennisbaan en voor die Laerskool se ontvangs. Baie
dankie dat u ag slaan op hierdie versoek.
4
BUITESKOOL PRESTASIES
Naam van leerder Graad Aktiwiteit Prestasie
Zandré Meyer 3 Gholf Verower 1 ste plek by kompetisie op 9 Desember 2014
Verower 1 ste plek by kompetisie op 11 Desember 2014
BELANGRIKE DATUMS
2 Februarie Formele bekendstelling van Huise tydens saalperiode
3 Februarie Akademiese ondersteuning vanaf 07:30
Gr. 4 en nuwe leerders(gr.2 tot 7) ouerinligtingsaand om 18:30
4 Februarie Kaskarvergadering
5 Februarie WIJ
5 Februarie Atletiek by Laerskool Dalview
6 Februarie Opleiding vir konsessie
7 Februarie Skaakmarathon
10 Februarie Akademiese ondersteuning om 07:30
Kaskarvergadering
13 Februarie Marimbakamp
14 Februarie Kaskardag
17 Februarie Voorlopige datum vir Interlaer atletiek
LAERSKOOL BESTUUR:
Skoolhoof: Mnr W Uys [email protected]
Adjunkhoof Akademie: Me A van Zijl [email protected]
Adjunkhoof Organisatories: Mnr D Evans [email protected]
5
Afdelingshoof: Kultuur Me C Bosman [email protected]
Afdelingshoof Juniorfase: Me H Pretorius [email protected]
Afdelingshoof Seniorfase: Me C Bosman [email protected]
Afdelingshoof Sport: Mnr W Jacobs [email protected]
Afdelingshoof Musiek: Mnr K Pretorius [email protected]
Bemarkingsbestuurder: Me M Wagner [email protected]
Sekretaresse: Me M Bothma [email protected]
Leeuwenhof - groete
_____________________
MNR WIUM UYS
HOOF: LAERSKOOL