DANGADANG

RebolusyonaRyo a DyaRyo ti umili iti amianan-lauD a luzon

OKTUBRE 2007 TAWEN 21 BLG 6 P10.00 IPÁSA NO MABÁSA

www.philippinerevolution.net/pub/dan.shtml

LINAON 5IRAQ

BUKBOK ITI BAGAS

BANUAR TI UMILI

DAMAG KEN ADAL

131518

Ti eleksyon dagiti opisyal ti Barangay ken Sang­guniang Kabataan wenno (SK) ket naikeddeng nga aggidan a maangay tunggal tallo a tawen iti maudi

a Lunes ti Oktubre babaen iti maysa a burges a linteg a naipasa idi March 9, 2002. Ti immuna nga eleksyon babaen daytoy a linteg ket naangay idi Hulyo 15, 2002.

Maangay koma ti barangay ken SK eleksyon idi Oktubre 2005 ngem intantan ni Gloria Arroyo iti Oktubre 29, 2007. Isu nga immatiddog ti termino dagiti opisyales ti barangay ken SK a nabutosan idi pay 2002.

Ginandat ni Arroyo nga itantan manen ti pannakaangay ti barangay eleksyon babaen iti panangipasa ti Konggreso iti maysa a bill a sinuportaran ti 149 Konggresista. Inrason da a kalkalpas laeng ti lokal ken nasyonal nga eleksyon. Ngem daytoy ket nalawag a maniobra ni Arroyo ken ti agturturay a bunggoy na tapno makapagtalinaed iti poder. Ngamin, no umatiddog manen ti termino dagiti agdama a nakatugaw nga opisyales iti barangay ket dakkel nga utang da daytoy kenni Arroyo. Maysa pay, no maangay koma ti barangay eleksyon innem a bulan sakbay ti eleksyon nasyonal inton 2010, madiktaran da dagiti kapitan no siasino dagiti ipangabak da a kandidato iti kinapresidente babaen manen iti panagsaur.

Saan a sinuportaran ti Senado ti gakat a maitantan manen ti barangay ken SK eleksyon isu a matuloy itatta nga Oktubre.

gunggundawayan dagiti agar-ari a dasigBarangay ken SK Eleksyon 2007

� │ OKTUBRE 2007 DANGADANG

Ti DANGADANG ket rebolusyonaryo a dyaryo ti umili iti Amianan-Laud a Luzon. Kas dyaryo ti umili, ditoy a maipablaak dagiti kinapudno a laplappedan ken kalkaluban dagiti agturturay a dasig. Ditoy a maammuan tayo dagiti damag ken impormasyon a saan a rumrummuar kadagiti dyaryo, radyo, ken pagiwarnak a

DANGADANG

Segun iti linteg, ti barangay ken SK eleksyon ket rumbeng a “non-partisan” wenno saan a pakibiangan dagiti politikal a partido. Ngem kastoy kadi ti aktwal a mapaspasamak?

Galad ti barangay ken SK eleksyonTi barangay ti batayan a tukad iti istruktura ti

reaksyonaryo a gobyerno. Manipud napirmaan ti linteg a Local Government Code (LGC), naaddaan iti bileg ken prIbilehiyo dagiti opisyal ti barangay kas iti sumaganad: 1) umawat iti binulan nga honorarium wenno sueldo; 2) bileg a manggamulo iti IRA ti Barangay; 3) bileg nga agipataw iti buwis; 4) gundaway a mabutosan a presidente iti Liga ti Barangay ken SK Federation, no sadino nga agtugaw da kas kameng ti Sanggunian iti munisipalidad, syudad ken uray iti provincial board.

Ti gobyerno ket maysa a dakkel a negosyo – pangalaan ti sueldo, pangalaan ti pondo dagiti proyekto iti barangay nga aggapu iti IRA, pangalaan ti nadumaduma a kikbak ken pasuksok, kdpy. Ti nalatak nga awis kadagiti kandidato iti reaksyonaryo nga eleksyon ket saan a ti agserbi iti umili, no di ket ti bumaknang ken maaddaan ti bileg a mangkontrol iti kaban ti barangay, aglalo kadagiti dadakkel a barangay no sadino a dakdakkel ti pondo da.

Gapu kadagitoy a bileg ken pribilehiyo, ti eleksyon ket nagbalin a napudot ti balubal weno panagriribal dagiti politiko, uray iti tukad barangay. Iti probinsya ti Abra, addan sangapulo a napapatay

gapu iti eleksyon. Kadawyanen a dagiti mayor, gobernador, ken

kongresman ket adda dagiti “ay­aywanan” da a barangay kapitan gapu ta isu ti mangisigurado iti butos da tunggal eleksyon, agserbi a base ti suporta da, ken kakunniber da iti ania man a kalukuan. Kaipapanan met daytoy ti panagkukumplot da iti awan lapped a panagabuso iti kaban ti munisipalidad, syudad, wenno probinsya babaen kadagiti proyekto a kaaduan ket saan met a maaramid ngem maireport a nalpas tapno makurakot ti pondo.

Uray ti SK eleksyon ket saan a palabsen dagiti oportunista a politiko. Pagtarayen da dagiti annak da ti SK. Ubbing da pay laeng ket masuruan ken masanay dan iti rinuker a politika! Syempre, kadawyan met laeng nga annak dagiti trapo ti mangabak ken mabutosan a Presidente iti SK Federation iti munisipalidad wenno syudad. Kadawyan met laeng a dagiti politiko nga asideg

wenno napigsa iti gobernador ti makaipuesto iti anak na a presidente ti SK Federation

iti probinsya ken agtugaw iti Provincial Board.

Makita ngarud a reaksyonaryo ti batayan a galad ti Barangay ken SK eleksyon. Narugit a politika ti mapaspasamak ken sumurot iti galad ti

amin nga eleksyon iti uneg ti bulok a mala­kolonyal ken mala­pyudal a gimong. Aglayus ti pasuksok a kuarta, painum, pakaan, ken dadduma pay a wagas ti tradisyonal a panagkampanya. Ni kaano man, saan a maliklikan nga agbalin a

kontrol dagiti managgundaway ken manangidadanes a dasig.Ti DANGADANG ket rummuar maminsan a daras kada

bulan iti tarabay ti Partido Komunista ti Pilipinas. Tapno naan-anay nga agserbi daytoy kas boses ti umili, dawaten mi nga ipatulod yo dagiti damdamag, komentaryo, kanta, iskit, daniw, drowing, ken dadduma pay a kayat yo a maipablaak. Kasta met a silulukat kami iti aniaman a dillaw, obserbasyon, ken singasing.

Pagtitinnulongan tayo a padur-asen ti DANGADANG. Ti sangapulo a piso a presyo ti dyaryo tayo ket bassit a boluntaryo a donasyon tapno masuportaan ti agtultuloy a panagruar na.

OKTUBRE 2007 │ �DANGADANGpartisan a politika ti eleksyon iti barangay gapu iti pannakisawsaw dagiti mayor, gobernador, ken konggresman.

Idi Oktubre 10, 2007, inyawis ni Gloria Arroyo ti maysa a pammigat kadagiti 190 pasurot na a konggresista. Ditoy a naibunong dagiti supot a naglaon iti P200,000 agingga P500,000 kas pasuksok – pammalagip kadakuada nga agtultuloy a maramanan da ti gloria la ketdi agtultuloy da a natulnog kenni Arroyo ken saan da nga i­impeach isuna. Syempre, ti naiwaras a kuarta ket mausar para iti Barangay ken SK eleksyon.

Idi met Oktubre 11, 2007, agarup 200 met a kameng ti Union of Local Authorities of the Philippines (ULAP), maysa nga organisasyon dagiti gobernador ken mayor iti intero a pagilian, ti naimbitaran iti maysa a pammigat. Kas iti napasamak iti Oktubre 10, nangibunong manen dagiti tao ni Arroyo kadagiti supot a naglaon ti P200,000 agingga P500,000 depende iti kadakkel ti probinsya, munisipalidad wenno syudad. Sipaparang nga imbilin manen dagiti tao ni Arroyo a tulong daytoy para iti gastos da iti umay a barangay ken SK eleksyon.

Kasta la unay ti amak ni Gloria Arroyo ken ti bunggoy na iti agsasaruno a kontrobersya. Isu nga awanan bain a gatangen da ti amin a kaya

da a gatangen, uray ti suporta dagiti konggresista, gobernador, mayor, ken uray dagiti barangay kapitan.

Maar­arikattot ita ti Malakanyang nga agsapul iti rason a pangkalub iti nakarimrimon nga aramid na. Ngem sino ti mamati iti adu a lablabiden da a kinaulbod? Nakarkaro ketdi nga umad­adu ti saludsod ti umili. Sadino’t naggapuan dagitoy a dadakkel a gatad ti kuarta a

maibunong a kasla kendi laeng kadagiti politiko? Apay a saan da laengen nga iwaras ti kuarta kadagiti klinika ken ospital nga agkurkurang iti agas, wenno kadagiti eskuelaan nga agkurkurang iti libro ken

ramit? Awan la ngata bain wenno konsyensya dagitoy a politiko a mangawat iti pondo a sigurado met a naggapu iti buwis a baybayadan ti umili?

Ti mananglilipot ken nadara a pannakibiang ti AFP ken PNP

Nakakasa ti plano ti militar a makibiang iti barangay eleksyon tapno siguraduen a mangabak dagiti pilien da a kanidato. Daytoy ket nakapauneg iti plano da nga “Special SOT Project Counter-Party List” a nadisenyo idi pay Agosto 2006. Daytoy a plano ket nakabasar iti pagarup ti militar nga adda kano ti plano ti NPA nga agipataray kadagiti simpatisador ti NPA iti barangay eleksyon. No mangabak dagitoy, mapasamak kano ti “pito a basol” – 1) makontrol ti NPA ti IRA; 2) mausar da dagiti proyekto para iti rebolusyon; 3) mapili da no sino ti agbalin a barangay tanod; 4) mapili da ti Sangguniang Kabataan; 5) patignayen da ti umili laban iti gobyerno; 6) usaren da ti pondo para iti rebolusyon; ken 7) mailimed ti tignay ti NPA iti mata ti militar.

Dagitoy a pagarup ti militar ket pammutbuteng na iti bukod na a bagí. Isu nga agipataray wenno suportaran da dagiti kandidato iti barangay a napeklan a reaksyonaryo kas kadagiti retirado a militar, CAFGU, wenno aset da. Daytoy ket paset ti

Segun iti LGC, ti kabuklan nga honorarium wenno sueldo dagiti opisyal ti barangay ket saan a rumbeng a nangatngato ngem 55% ti amin a pastrek ti barangay. Iti agdama, ti kababaan nga aw-awaten dagiti opisyal ti barangay ket:

Posisyon KababaanBarangay Kapitan P4,000.00Barangay Kagawad P1,000.00SK Chairperson P1,000.00

Kadagiti dadakkel a barangay, dumanon pay iti P25,000 ti sueldo ti barangay kapitan.

� │ OKTUBRE 2007 DANGADANGdagiti agar­ari a dasig.

Iti panawen ti reaksyonaryo nga eleksyon, aglalo iti tukad barangay, masansan a magudua­gudua ti umili iti nadumaduma a politikal a paksyon. Ti kadawyan a basaran ti panagpili iti maibutos ket no sino ti kabagian, kompadre wenno komadre, wenno kaarruba. Adda pay dagiti kaso nga uray dagiti organisasyon masa ket maapektaran gapu kadagiti nasao a paksyon. Rumbeng koma a saan nga ipalubos ti umili a masinasina wenno maburak ti panagkaykaysa da gapu laeng iti reaksyonaryo nga eleksyon. Rumbeng nga ipangpangruna a saluadan ken papigsaen ti umili ti prinsipyado a panagkaykaysa da.

Kasapulan a babaen kadagiti demokratiko a tungtongan ken konsultasyon, nasirib a mapili ti umili dagiti rumbeng nga agtugaw kas kapitan ken kameng ti konseho, kasta met iti SK. Rumbeng a ti batayan iti panagpili ket ti napaneknekan a sao ken aramid wenno aktwal a rekord ti maysa a kandidato iti panangitandudo ken panangipatungpal kadagiti maka­umili a programa ken patakaran.

Rumbeng nga aktibo a labanan ti pasista a terorismo, panagsabotahe, ken pananggudua a gandat ti AFP ken PNP, kasta met ti pannakibiang dagiti napeklan a reaksyonaryo a politiko iti pro­binsya, munisipalidad, wenno syudad.

Iti pannangiyabante tayo ti rebolusyon, rumbeng nga ipursige tayo a paaduen ken padur­asen dagiti nalimed nga organo ti demokratiko a bileg ti umili. Dagitoy ti bin­i ti rebolusyonaryo a gobyerno ti umili a mangitag­ay iti pudno a demokratiko a turay ti umili. `

Oplan Bantay Laya II nga ipatpatungpal ita ti AFP, maysa a desperado nga addang tapno marebbek da kano ti rebolusyonaryo a tignayan no 2010.

Usaren ti militar ti nadumaduma a wagas – panagkampanya, panagsaur, pammutbuteng, kdpy. – iti gagar da a dagiti makatugaw nga opisyal iti barangay ket sumuporta iti nadara, militarista, pasista, ken nadangkok nga aramid ti militar iti kaaw­awayan. Pagbalinen da ti konseho ti barangay nga instrumento ti kontra­insurhensya, panagespiya, panangiduron kadagiti saywar nga operasyon da kas iti pammutbuteng, panangallilaw ken dadduma pay a terorista nga aramid. Agpammarang ti militar a mangbantay iti balotas ngem ta gayam ket sabali ti panggep da.

Daytoy a pannakibiang da iti eleksyon ket kontra­demokrasya. Takawen da ti butos ti umili. Saan a ti pudno a pagayatan ti umili ti masurot. Lallalo ketdi nga agbalin a narugit ti barangay ken SK eleksyon.

Panawagan ti Partido iti umay nga eleksyonKas iti patakaran iti amin a naglabas nga

eleksyon, ti rebolusyonaryo a tignayan ket saan a direkta a makipaset iti eleksyon ti reaksyonaryo a gobyerno. Ngem ketdi, mangted ti rebolusyonaryo a tignayan iti komprehensibo a tarabay kadagiti umili.

Tunggal eleksyon ket mabalin nga usaren a gundaway tapno maibutaktak ken masupyat dagiti kontra umili a kandidato, programa, ken patakaran

general berdugo!

iputok mon!

OKTUBRE 2007 │ �DANGADANG

taaw ti dara ken panagsagaba

Mano ngata ti pateg ti biag ti tao? Ania ngata a gatad ti kabatog ti biag ti ginasgasut a ribu a tattao? Ania a klase ti tao ti mangganas

iti binilbilyon a ganansya no ti kasukat na met ket ti panangpatay iti nasurok maysa a milyon a tattao, panangdunor iti dakdakkel pay a bilang, ken ti panangikuspil iti dayaw ken wayawaya ti maysa a pagilian?

Iti pakasaritaan ti lubong, adu a babassit a pagilian ti nasakup, naparigat, ken narames tapno laeng agganansya ti sumagmamano. Kastoy ti agdama a nakaskas­ang a kasasaad ti umili ken pagilian ti Iraq. Nabaknang a pagilian ti Iraq. Adda ditoy ti maikatlo a kadakkelan a reserba a langis iti intero a lubong. Dua a milyon a bariles a langis ti inaldaw a maiparuar na idi kapigsaan ti produksyon na.

Pagiinnagawan dagiti imperyalista a pagilian, aglalo ti US, ti sangalubongan a kontrol iti langis a kaaduan ket adda idiay Middle East. Iti damo, naglulumba dagiti kolonyalista a mangitakder kadagiti kolonya da iti Middle East ken Amianan nga Africa. Kas pagarigan ti Iran, Iraq, ken Arabia ket kolonya idi ti Britain. Ti Libya ket kolonya ti France. Kalpasan ti World War II, kaaduan kadagitoy a pagilian ket inagaw ti US ket pinagbalin na a mala­kolonya. Nangibangon ti US kadagiti aso­aso a rehimen a mangisurado iti kontrol na iti industriya ti langis. Sumagmamano kadagitoy a rehimen

ket inturayan dagiti narurungsot a diktador kas iti sigud a Shah of Iran, ti pamilya Saud iti Saudi Arabia, ni Saddam iti Iraq, kdpy.

Iti agdama, ti Iran, Syria, ken Libya ket sumupsupyat iti US isu a liplipiten ken pangpangtaan ti US iti gubat.

Dagiti diktador a saanen a makontrol ti US ket ikkaten na babaen iti kinagulib ken ranggas. Kasta ti inaramid na kenni Saddam.

Nagbalin a Presidente ti Iraq ni Saddam Hussein idi 1979. Nangrugi ti diktadura a rehimen ni Saddam kas nasinged a gayyem ken aso­aso ti imperyalismo nga US. Ni Saddam ti nangilukat kadagiti minas ti langis ken dadduma pay nga industriya ti Iraq para kadagiti imperyalista a korporasyon ti US. Kasukat daytoy, bimmaknang ken pimmigsa ti bileg militar ken politikal ni Saddam babaen kadagiti insuplay ti US a napipigsa a ramit militar, adu a kontrata iti konstruksyon ken imprastruktura, luho, kdpy.

IRAQ:

� │ OKTUBRE 2007 DANGADANGTi US met laeng ti nangipatakder iti pabrika ti makasabidong nga armas idiay Iraq. Iti kasta, nagserbi ni Saddam a lapped ken pangta kadagiti kaarruba a pagilian idiay Middle East a saan a mapatulnog ti US. Uray no nakaro dagiti abuso ti rehimen ni Saddam kadagiti karbengan­tao ti umili nga Iraqi, saan a pinagan­ano ti US daytoy.

Ngem immalsem ti relasyon ni Saddam iti US idi nagrugi a makigayyem ni Saddam kadagiti karibal ti US. Gimmatang isuna ti armas manipud iti France, Germany, ken Russia. Nangted met laeng isuna kadagitoy iti dadakkel a multi­milyon a kontrata. Napalalo ti pasugnod ti imperyalismo nga US. Umuna, gapu ta dakkel ti kissay kadagiti kontrata a maal­ala na ken armas a mailaklako na iti Iraq. Maikadua, napukaw ti agbukbukod a kontrol ti US iti langis ti Iraq gapu ta pinaserrek ni Saddam ti France, Germany, ken Russia iti industriya ti langis. Maikatlo, pimmigsa ti kuarta dagitoy a pagilian bayat a kimmapsut ti dolyar ti US.

Kinagura met ti US ti panangraut ni Saddam iti Kuwait idi 1990. Nagturong daytoy iti umuna a Gulf War wenno Operation Desert Storm a sinugsogan ti US babaen iti presidente idi a ni George Bush Sr. Naabak ni Saddam ken immatras ti buyot na. Kas dusa, tinengngel ti United Nations (UN) ti kuarta a maparuar manipud iti mailako ti Iraq a langis manipud idin. Maited laeng iti Iraq ti umanay a paggatang da iti makan ken agas, pagpategged iti umili, ken konstruksyon dagiti kangrunaan nga imprastruktura. Amin a sobra ket maideposito iti UN tapno saan kano a paggatang ni Saddam iti baro nga armas. Naurnong ti nasurok 16 bilyon a dolyar a kuarta ti Iraq idiay UN, ngem saan pay laeng a kontrol ti US ti Iraq.

Idi napasamak ti terorista nga atake iti US idi Setyembre 11, 2001, nakasirip ti US iti gundaway no kasano nga ikkaten na ni Saddam, isubli ti

kontrol ti US iti Iraq ken iti langis sadiay. Indeklara ni Presidente George Bush Jr., anak ni sigud a Pres. George Bush Sr., a nasken kano a darupen ken sakupen da ti Iraq. Ti parbo a rason na a mangsakup iti Iraq ket gapu ta adda silpo kano ti Saddam kadagiti terorista ken agiduldulin kano ni Saddam kadagiti weapons of mass destruction (WMD) wenno napipigsa ken makasabidong a bomba a makapatay iti ginasgasut a ribu a tattao.

Awan ti mamati kenni Bush ken kadagiti kabunggoy na a nangangato nga opisyal ti US. Mismo a dagiti UN inspectors a napan idiay Iraq ti nangibaga nga awan ti iduldulin ti Iraq a WMD.

Nangiruar ti UN ti resolusyon a saan a rumbeng a maatake ti Iraq gapu ta awan pulos ti ebidensya nga adda silpo da iti terorista ken agiduldulin daytoy iti WMD. Linabsing ti US daytoy a resolusyon ken nangbukel iti koalisyon ti nadumaduma a pagilian nga inawagan na a “Coalition of the Willing.” Kaaduan kadagitoy ket aso­aso a pagilian kas iti Pilipinas, dagiti mabuteng a maawanan iti suplay a langis kas iti Spain, ken dadduma pay a mayat a maparaburan iti langis ken kontrata no masakup ti Iraq. Nairussuat ti panag­atake da iti Iraq idi Marso 2003.

Nakaro a linabsing ti US dagiti sangalubongan a linteg iti gubat. Iti alagaden ti UN, dua laeng ti mabalin a gapu a gubaten ti maysa a pagilian ti sabali pay a pagilian. Umuna, panangdepensa iti bukod a pagilian kontra iti rumaut a dayo. Maikadua, no daytoy ket addaan pammalubos ti UN. Nalawag ditoy a saan a nainkalintegan ti pananggubat ti US iti Iraq.

Uppat a tawen ti naglabas manipud idi inatake ken sinakup ti imperyalismo nga US ti Iraq. Nasken nga amirisen ken adalen tayo dagiti pasamak sadiay, agraman dagiti panagparbo ti US ken Britain, tapno makita ti kinadangkes ken kinaulpit ti gubat nga

tallo nga ubbing iti maysa a lungon: biktima ti panagbomba ti

us idiay iraq

OKTUBRE 2007 │ �DANGADANGipagpagna dagiti imperyalista a pagilian laban kadagiti babassit a pagilian.

Nakaro a didigraNakaal­alinggaget ti nakaro a pannakadidigra

ti ti pagilian ken umili ti Iraq gapu iti gubat nga inrussuat ti imperyalismo nga US ken ti rehimen Bush. Malaksid kadagiti Iraqi, dakkel met laeng a perdisyon daytoy a gubat kadagiti umili ti US ken iti sangalubongan.

Umuna, ti pannakadidigra ti Iraq ken dagiti umili nga Iraqi. Pabpabassiten ti US ti kinakaro ti didigra nga impaay ti pananggubat

na iti Iraq. Ibagbaga na no adda man dagiti kaswalti, “bayad” kano didiay ti panangisubli iti demokrasya sadiay. Ngem segun iti imbestigasyon dagiti eksperto ken masmidya, napalalo ti didigra idiay Iraq. Uray dagiti nangato nga opisyal militar ti US ket saan da a mailibak daytoy. Maysa kadagitoy nga opisyal ket ni Gen. Barry McCaffrey, propesor ti US Military Academy, a napan idiay Iraq nag­obserbar ken nagkalap iti datos.

Ibagbaga ti rehimen Bush a 15,000 laeng kano ti natay a sibilyan nga Iraqi manipud idi sinakup na ti Iraq. Idi Hulyo 2006, naibutaktak a ti aktwal a natay nga Iraqi ket dimmanonen iti 600,000 ken idi Oktubre 15, 2007, dimmanonen iti 1,085,134. Imbaga ni Gen. Barry McCaffrey nga agarup 3,000 Iraqi ti binulan a matmatay, kaaduan ket sibilyan!

Nasaknap ken awan pilpilien ti panagbomba ti US iti Iraq. Saan laeng a dagiti base, pasdek, ken yunit militar ti target, no di ket uray dagiti napapateg a pangsibilyan nga imprastruktura kas kadagiti kalsada, rangtay, pabrika, ospital agraman dagiti istruktura ti sanitasyon ken salun­at kas iti suplay ti danum, septic tank, kdpy. Nagayus kadagiti waig ken karayan ti rugit ti tao ken dagiti sabidong a kemikal. Dagitoy ti ad­adda a nangpaadu kadagiti nagsakit

ken natay. Segun iti imbestigasyon ti UN idi Mayo 2005, nasurok 223,000 Iraqi ti nakaala ti sakit gapu iti gubat, ken amang a dakdakkel ti bilang dagiti kaswalti nga ubbing, babbai, babbaket ken lallakay.

Rinibribu ti napilitan nga agbakwit, ngem napeggad unay ti panagdalyasat gapu ta nagkaiwara ti agarup 12 milyon a land mine, bala ti kanyon ken mortar, ken bomba nga intinnag ti US a saan a bimtak.

Sinugsogan ken pinakaro ti US ti panagbi­binnusor ti tallo a kangrunaan a tribu idiay Iraq – dagiti Shiite, Sunni, ken Kurds – tapno maburak ti panagkaykaysa ti umili ken nalaklaka a maiturayan. Napaneknekan nga uray ti US ket nangpabettak iti bomba kadagiti balbalay, plaza, ken dadduma pay a natatao a lugar sa ipabasol na iti maysa a tribu tapno kumaro ti panaggiginnura da. Ngamin, kayat ti US a pagsinasinaen ti Iraq iti tallo a pagilian batay iti teritoryo ti tunggal tribu tapno nalaklaka na nga iturayan ida.

Nakaro ti rekord ti US iti pananglabsing kadagiti karbengan­tao dagiti Iraqi. Nagsasaruno ken awan sardeng dagiti masaker nga inaramid dagiti tropa ken mersenaryo nga Amerikano. Kalatakan ti napasamak idiay syudad ti Fallujah ken ili ti Haditha. Ti Fallujah ket maaw­awagan a City of Mosques –syudad dagiti mosque wenno templo dagiti Muslim. Kalpasan ti panagraut ti US, idi Setyembre ken Nobyembre 2004, rinibribu a sibilyan ti natay, 18,000 pasdek ti nadadael, ken agarup 300,000 ti napatalaw iti balay da. Dagiti mosque ket nagbalin a

tapok ken bunton ti naburak a semento. Iti ili ti Haditha, minasaker dagiti US Marines ti 24 sibilyan maibilang dagiti maladaga, ubbing, bab­baket, ken lallakay. Maysa a grupo ti ubbing a babbai nga agtawen ti maysa inggana 14 ti dinerder da iti bala. Maysa a pukol ken baldado a lakay nga agtawen 76 ti pinaltogan da ti siyam a daras bayat a nakatugaw iti wheelchair ken iggem na ti Koran,

sibilyan nga iraqi a minasaker dagiti tropa ti us.

� │ OKTUBRE 2007 DANGADANGnasantoan a libro dagiti Muslim. Ti masaker idiay Haditha ket bales dagiti US Marines iti pannakatay ti maysa kadagiti kabunggoy da. Idiay ili ti Mukaradeeb, 42 ti natay nga ubbing, babbaket, ken lallakay a nagatendar iti kasar kalpasan a binomba ken pinalto­paltogan dagiti tropa ti US. Inlimed ti US dagitoy a pasamak ngem naduktalan ken imbutaktak ti masmidya.

Nakaro met laeng ti panangparigat ti US kadagiti atapen da a gerilya nga Iraqi. Segun kenni Gen. McCaffrey, nasurok 120,000 suspetsa a gerilya ti naaresto ken naibalud idiay Iraq ken dadduma pay a limed a pagbaludan iti sabali a pagilian. Naibutaktak ti makaayup a panagtortyur dagiti tropa nga Amerikano kadagitoy a balud a kaaduan ket napaneknekan nga inosente gayam.

Ti nakaro pay, indeklara ti Justice Department ti US a ligal kano nga agusar ti rehimen Bush iti tortyur kontra kadagiti balud!

Segun pay kenni Gen. McCaffrey, 200­300 Iraqi a suspetsa ken saan a napaneknekan a gerilya ti pinatay ti tunggal special operations platoon ti US. Dagitoy nga special operations platoon ket agserserbi kas death squads a mangpatpatay uray kadagiti saan nga armado nga Iraqi.

Nayon pay a mangpakpakaro iti pananglabsing kadagiti karbengan­tao ket dagiti private security contractors wenno mersenaryo – pribado a buyot a baybayadan ti gobyerno nga US kas nayon a puersa dagiti regular tropa nga Amerikano. Adda agarup 120 grupo kas iti Blackwater USA a basta laeng a mangpalpaltog iti sibilyan, mangtortyur iti balud, ken manglablabsing kadagiti paglintegan ti gubat gapu ta “saan da a regular a pwersa.” Iti maysa a tantya, adda ti nasurok 50,000 private security contractors idiay Iraq a pakaibilangan dagiti Pilipino a mabaybayadan iti inggana $1,500 kada bulan.

Pinerdi ti gubat ti

dakkel a paset ti industriya ti langis iti Iraq. Iti agdama, angkaten ti Iraq ti nasurok kagudua ti kasapulan na a gasolina ken krudo. Kurang ti mapartuat a kuryente para kadagiti syudad ken ili. Nakaro ti kinakurapay. Sakbay ti panagsakup ti US, agarup $2,000 (P88,000) ti binulan a pastrek ti tunggal pamilya nga Iraqi. Idi 2005, nagsuwek daytoy iti $800 (P17,600) ken agtultuloy pay a bumabbaba. Tallo milyon nga Iraqi ti nagbakwit kadagiti kabangibang a pagilian. Adu kaniada ket doktor, maestra, enhinyero ken napapateg a propesyonal a kasapulan unay para iti panagbangon manen ti Iraq.

Awan ti epektibo a gobyerno idiay Iraq iti agdama. Ti aso­aso a gobyerno a kinamakam nga imbangon ti US ket saan nga ikankano ti umili. Ti imbangon da a pulisya ken hukbo nga Iraqi ket saan nga epektibo. Napukaw dagiti ministeryo ti salun­at, edukasyon, ken dadduma pay a mangmangted idi kadagiti napapateg a serbisyo sosyal kadagiti umili.

Awan pudno a soberanya wenno wayawaya ti umili. Awan ti kabaelan ti aso­aso a gobyerno a supyaten dagiti diktar ti US. Kas pangarigan, imparit ti US a maited kadagiti Iraqi dagiti dadakkel ken napapateg a kontrata ken maisaysayangkat ti pribatisasyon dagiti minas ti langis tapno nalaklaka a tagikuaen dagiti kompanya ti US. Iti agdama, adda 106 base militar ti US sadiay. Malaksid ditoy, plano ti US a mangitakder ti uppat pay a dadakkel ken permanente a base militar iti uppat a suli ti Iraq.

Adda $236 milyon a badyet ti US para ditoy.

Maikadua, ti pannakadidigra ti eko­no­mya ken umili ti US. Iti sumaruno a nasurok sangapulo

a tawen ket ad­adda a mailumlom ti US iti utang gapu iti kinadakkel

ti gasgastosen na para iti gubat idiay Iraq. Segun iti Institute

for Policy Studies, agarup $5.6 bilyon ti binulan a gastos ti US

iti gubat idi 2005. Segun met kenni Gen. McCaffrey,

OKTUBRE 2007 │ �DANGADANGagarup $9 bilyon ti binulan a gastos ti US iti gubat ita a 2007. Kabatog daytoy ti P 9,166,666 kada minuto! Saan a kaya ti ekonomya ti US a sustiniren ti kastoy a gastos.

Segun iti gobyerno ti US, nasurok 27,000 tropa nga Amerikano ti nasugatan ken dandani 4,000 ti natay idiay Iraq. Iliblibak ti rehimen Bush ti eksakto a bilang dagiti kaswalti da. Segun met iti Veterans Against the War, maysa a grupo dagiti sigud a soldado nga Amerikano a nagserbi idiay Iraq, nasurok 100,000 soldado nga Amerikano ti nasugatan, napukolan, nabulag, ken nabaldado idiay Iraq. Saan pay a kabilang ditoy ti nasurok 100 tropa ti US a nagpakamatay gapu ta saan a maakseptar ti konsyensya da dagiti kinadakes nga inar­aramid da kadagiti umili nga Iraqi. Adda met ti nasurok 250 mersenaryo ken 66 kameng ti media a natay.

Malaksid kadagiti nasugatan, agarup 10% dagiti agawid nga Amerikano a soldado ket addaan iti kuna da a “post traumatic stress disorder” wenno panagmauyong ken sakit iti kapanunotan nga agtaud iti didigra ti gubat. Maysa kadagiti US Marines a naibaon a manglinis iti inaramid dagiti kakadua na a panagmasaker idiay Haditha ti nangibaga, “Inggana itatta ket maang­angot ko pay laeng ti dara, marikriknak pay laeng daydiay naiwaris iti pantalon ko a bagis ti ubing a binagkat ko.” Saan nga as­asikasuen ti gobyerno ti US dagitoy a pasyente.

Gapu iti kinadakkel ti gastos ti US para iti gubat,

ipapaidam ti rehimen Bush ti pondo a nasken a mapan koma iti napapateg a serbisyo sosyal para kadagiti umili ti US. Idi 2006, $204 bilyon pondo para ti serbisyo publiko ti nausar para iti gubat idiay Iraq. Daytoy a pondo ket umanay koma a pagpatakder iti 1,841,833 balbalay wenno 24,072 eskuelaan, pagpaadal iti 39,665,748 iskolar inggana makaturpos da iti kolehiyo, wenno pagpaagas koma iti 46,458,805 nakukurapay nga umili nga Amerikano.

Naingpis unayen ti pannakaipakat ti puersa ti US idiay Iraq. Saan nga umanay dagiti regular a tropa ti US Army ken Marines. Kapilitan a pinagtignay ti rehimen Bush ti US National Guard (kasla milisya wenno reserba nga hukbo) tapno masupusopan ti puersa na idiay Iraq. Ti kaaduan ti National Guard ket pulis, bombero, ken propesyonal. Gapu iti pannakaideploy da idiay Iraq, nakissayan ti dakkel a bilang dagiti pulis ken bombero idiay US. Idi panawen a dinidigra ti bagyo Katrina ti US, kurang ti mamobilisa a tumulong a tao ken ramit gapu ta adda dagitoy idiay Iraq.

Ti met sigud a makatawen laeng koma a tour of duty (TOD) wenno kabayag ti panagserbi ti tunggal tropa idiay Iraq ket nagbalin nga inggana 18 bulan. Ti maminsan laeng koma a TOD ket nagbalin a mamindua inggana maminlima pay. Adu a pamilya ti apektado ti kastoy a kasasaad. Kas pangarigan idi 2004, adda 3,325 Amerikano a soldado nga insina ti assawa da.

Maikatlo­, ti pannakadidigra ti umili ti sangalubo­ngan. Saan laeng a ti umili nga Iraqi ti mangsagsagrap iti nakaro a rigat

gapu iti panaggubat ti US. Apektado met laeng dagiti pagilian a kabangibang ti Iraq. Nagusar ti US ti bala ti tangke ken kanyon nga addaan depleted uranium, maysa a makasabidong a kemikal a makaited ti kanser. Malaksid pay daytoy iti adu a makasabidong a kemikal a nagayus iti karayan Tigris iti Iraq a dumanon idiay Iran ken Kuwait.

Pangpangtaan ita ti US nga isaruno na a gubaten ti Iran. Idi 2006, sinugsogan ti US ti Israel a nanggubat iti Lebanon gapu ta umok kano dagiti rebelde nga Hezbollah.

Uray dagiti pagilian nga adayo iti Iraq kas

inaldaw nga umad-adu dagiti amerikano a soldado a kaswalti ti isnayping dagiti iraqi a gerilya.

10 │ OKTUBRE 2007 DANGADANGiti Pilipinas ket apektado. Daytoy ket gapu iti deklarasyon ti US iti sangalubongan a gerra laban iti terorismo. Idurduron ti US a summuporta ditoy dagiti alyado na a pagilian kasta met kadagiti mala­kolonya a kontrol. Isu’t gapu a natulnog a pinirmaan ni Arroyo ti Human Security Act kas panagtungpal iti kontra­terorismo a patakaran ti US.

Ti kalatakan nga epekto ti gubat ti US iti Iraq ket ti awan sarday a panagngato ti presyo ti langis nga agresresulta iti masansan a panagngina met ti amin a presyo – banag a lallalo a pagbaknangan dagiti siguden a baknang, ken pagrigatan dagiti siguden a marigrigat.

Ganansya a digdigusen ti daraAnia ti kasukat ti napalalo a perdisyon nga

imbunga ti panangsakup iti Iraq? Maysa a sarita: ganansya! No sino dagiti nangsugsog, nangirussuat, ken agtultuloy a mangikalkalitegan iti gubat, isuda ti bumakbaknang. Ti panagpabaknang babaen iti panagpatay ket krimen iti linteg ti ania man a pagilian, iti imatang ti sangkataoan, iti ania man a pammati. Isu a ti rehimen Bush ken dagiti kakumplot na a monopolyo kapitalista ken pagilian ti kadadakkelan a kriminal iti agdama.

Ganansya iti langis. Ti pamilya Bush ket negosyante ti langis. Ngumatngato itatta ti presyo ti gasolina, diesel, LPG, ken dadduma pay a produkto a petrolyo gapu iti gubat idiay Iraq. Iti umuna a lawas ti Oktubre, ngimmato iti piso ti presyo ti diesel ken gasolina. Simmaruno a ngimmato ti presyo ti LPG.

Ganansya iti ko­ntrata iti ko­nstruksyo­n. Diner­der dagiti bomba ti US dagiti napapateg a pasdek, kalsada, rangtay, ken dadduma pay nga imprastruktura. Kalpasan daytoy, imbaga ni Bush ken dagiti opisyal na a kasapulan a maibangon manen dagitoy. Binilbilyon a

dolyares dagiti kontrata para iti konstruksyon a naala dagiti Amerikano a korporasyon kas iti Bechtel ken Halliburton. Idi pay laeng 2005 a bimtak ti isyu ti nakaro a korapsyon kasilpo kadagitoy a kontrata, lallalo dagiti iggem ti Halliburton. Nasurok $10 bilyon ti kontrata a naited iti Halliburton. Inggana ita ket awan ti maipakita na a resibo para iti $1.8 bilyon a gastos. Basar iti audit dagiti opisyal ti gobyerno ti US, natakwatan da ti aglablabes a panangipangato ti Halliburton iti gastos da ultimo para iti makan ken inumen. Kas pangarigan, inyulat ti Halliburton a $64 (kabatog ti dandani P3,000) kano ti presyo ti tunggal case ti softdrink. Ti Halliburton ket kukua ti agdama a Bise­presidente ti US a ni Dick Cheney.

Ganansya iti panangilako­ iti armas. Agrayray­aw iti ragsak dagiti kompanya ti armas ti US gapu iti dakkel a ganansya da iti gubat. Umuna pay laeng a lawas ti gubat, naiputok ti US ti dandani 20,000 cruise missiles ken kinasapulan nga ikamakam da ti panagaramid ti kastoy manen a bilang. Ti tunggal cruise missile ket aggatad iti nasurok $1 milyon–kabatog ti $20 bilyon a kontrata para iti kompanya ti armas ti US. Imbaga ni Gen. McCaffrey a nakasagana a gumastos ti aso­aso a rehimen ti Iraq iti $7.3 bilyon tapno gumatang kadagiti armas nga ilako ti US. Kuna na a ti kangrunaan a riple a kasapulan da ket ti Colt M16A2 ken M4 carbine (baby armalite). Agarup $600­1,000 ti presyo ti kada maysa ditoy nga iti kabuklan ket inggana $370,000,000 ti gastos ti aso­aso a rehimen para iti paltog pay laeng.

Problema ita dagiti tropa nga Amerikano ti Armalite idiay Iraq ta nalaka daytoy nga apektaran ti tapok ken darat. Apay ngarud a daytoy pay laeng ti ilako da kadagiti Iraqi? Ganansya!

Ganansya iti ko­ntra­ta para kadagiti ko­m­panya ti mersenaryo­.

Nasurok 50,000 ti armado a mersenaryo idiay Iraq. Daytoy ti

Distrito ti al mansur a tininnagan ti us ti adu a bomba idi 2003. sibilyan ti kaaduan a natay.

OKTUBRE 2007 │ 11DANGADANGkadakkelan a nabukel a pribado a buyot iti intero a pakasaritaan ti lubong. Idi umuna a Gulf War, adda maysa a mersenaryo iti tunggal 60 regular a tropa. Itatta, adda ti maysa a mersenaryo iti tunggal tallo a tropa.

Agarup $100 bilyon ti dagup ti tinawen a maibaybayad kadagiti mersenaryo. Nasurok $500 milyon ti baybayadan ti US iti Blackwater kas seguridad dagiti opisyales ken negosyante nga Amerikano idiay Iraq. Segun iti maysa a dyaryo idiay US, agarup $445,000 ti tinawen a gastos ti US para iti tunggal tropa ti Blackwater. Ngem dakkel a paset daytoy ket kurkurakoten dagiti heneral ken opisyales ti US kas iti mapaspasamak iti Halliburton.

Lumlumned iti gayong-gayongLumlumned ti US iti gayong­gayong idiay Iraq.

Ti namnamaen na idi a mabiit laeng a gubat ket nagpauten iti uppat a tawen ken awan makita a panagsardeng na iti mabiit. Napaay ti damo nga estratehiya ti US nga apagdarikmat koma a balligi babaen iti panagburbor iti puersa militar ti Iraq, panangagaw kadagiti minas ti langis, panangikkat kenni Saddam, ken panangibangon iti aso­aso a gobyerno a kontrol na. Napilitan ti US a baliwan daytoy nga estratehiya ken sumango iti naunday a gubat.

Indeklara ni Bush a nalpasen ti gubat idi Mayo 1, 2003. Ngem kas iti dadduma pay a pablaak na kasilpo iti Iraq, dakkel a kinaulbod daytoy. Agtultuloy latta ti pananggubat ti US iti Iraq. Pudno a napakaro ti US ti gubat dagiti tribu idiay Iraq, ngem uray no aggugubat dagiti tribu, sangsangkamaysa da met iti panagatake kada­giti Amerikano a tropa ken mersenaryo.

Nangibangon ti US iti Iraqi Security Force (ISF) manipud kadagiti pasurot da nga Iraqi a pulis ken soldado.

Maipauneg dagitoy iti komand ti US. Ti ISF kano ti masanay ken sumublat a mangbantay iti Iraq oras a pumanaw dagiti pwersa ti US sadiay.

Target ti US a makarekrut iti 370,000 katao para iti ISF a maorganisa iti 120 batalyon. Ngem manmano ti mayat a tumipon iti ISF ken agpausar laban iti bukod da a kakailian. Kuna ni Gen. McCaffrey, kagudua laeng ti nabukel a pormasyon ti ISF gapu iti nakaro a panag­AWOL ken panagpanaw ti rekrut. Nababa ti moral dagiti agdama a puersa ti ISF gapu iti nakaro a kaswalti da. Manipud Enero 2006 inggana Pebrero 2007, agarup 49,000 ti natay ken nasugatan a pwersa ti ISF. Taktika dagiti Iraqi a tumipon iti ISF tapno laeng makaala ti treyning ken armas. Kalpasan na ket italaw da ti armas ken usaren da a pagbira kadagiti soldado ken mersenaryo nga Amerikano.

Saan a kabaelan ti US a sustiniren ti bilang ti puersa na idiay Iraq. Inlanad ni Gen. McCaffrey a mapilpilitan ti US a mangrekrut kadagiti lallakay, kriminal, adik, ken saan a nakaleppas ti hayskul tapno laeng mamentinar ti bilang dagiti pormasyon militar. Ngem uray pay imbaba ti US ti pamantayan iti panagrekrut, nakapuy latta ti rekrutment. Innayon na pay a saan a kabaelan ti US a pagtalinaeden ti agdama a nasurok 20 brigada idiay Iraq. No kasta, maikabil ti US iti estratehiko a peggad gapu nabinnat ti pwersa na. No pakatan na ti dadduma pay a pagilian, makissayan met ti pwersa

nga agmentina iti seguridad iti uneg mismo ti US.

Awan met laeng ti manamnama ti US a suporta manipud iti sabali a pagilian, aglalo ta napaneknekan a pasig a kinaulbod ti rason ti US a nangsakup iti Iraq. Dagiti 45 pagilian a napilit ti US ken Britain a tumipon iti koalisyon ket saggaysa a nagikkat. Ti laeng nabati ket US ken Britain, ken inton Enero 2008, pumanaw metten ti Britain.

Idiay US, sumaksaknap lungon dagiti adu a kaswalti ti tropa ti us.

1� │ OKTUBRE 2007 DANGADANGken pumigpigsa met ti panagsupyat ti mismo nga umili ti US iti gubat idiay Iraq. Nabayag a pinaneknekan daytoy dagiti nalawa a protesta sakbay pay a nangrugi ti gubat. Itay met Oktubre, imbutaktak ken kinondena ni mismo Jimmy Carter, sigud a presidente ti US, ti panagtortyur ti US kadagiti balud nga Iraqi. Binabalaw na ti nakaro a pananglablabsing ti rehimen Bush kadagiti karbengan­tao.

Numan pay agpayso a bilyones a ganansya ti ak­akupen ti US iti Iraq, mapmapan met daytoy a ganansya iti bulsa ti sumagmamano laeng, saan a kadagiti umili. Isu nga umirteng ti krisis iti ekonomya ti US. Dakdakkel ti gastos na para iti gubat ngem iti salun­at ken edukasyon dagiti umili. No agbayag ti US idiay Iraq, kumarkaro ti didigra, ad­adda a mabangkrap ti US, ken umirteng ti protesta ti umili ti US ken ti sangalubongan. No panawan na met ti Iraq, maibbatan na ti estratehiko a kontrol na iti langis sadiay, mapukaw ti dakkel a pangalaan na ti ganansya, ken mapabainan isuna iti imatang ti intero a lubong. Naikabil isuna iti kasasaad nga amin nga aramiden na ket pagdaksan na.

Dagiti adal manipud iti IraqUmir­irteng ti armado a pannakidangadang

dagiti umili ken gerilya idiay Iraq. Inlanad ni Gen. McCaffrey nga 85% dagiti atake kontra iti tropa ken mersenaryo nga Amerikano ket manipud kadagiti pasabog a naipakat iti igid ti kalsada, isnayper, sorpresa nga opensiba, pasabog ti rocket-propelled grenade (RPG) ken mortar, kdpy. Kuna na nga 80% ti kaswalti ti US ket gapu kadagitoy.

Nakigtot ti US iti ki­napinget ti pannakilaban ti umili nga Iraqi. Inamin ni Gen. McCaffrey, “Na­surok 20,000 gerilya ti pinatay ti US, nasurok

120,000 ti natiliw. Ngem nalaka laeng a mangpataud da manen kadagiti kadre ken mannakigubat. Ti abilidad, bilang, ken epektibidad da ket pumigpigsa pay ketdi iti bangir ti nakadakdakkel a kaswalti da.”

Ti pannakilaban dagiti Iraqi ket ispontanyo ken induron ti nakaro a gura da kontra kadagiti narurungsot a tropa ken mersenaryo nga Amerikano. Dakkel a paset daytoy a pannakilaban ket tartarabayan ti Islam a relihiyon dagiti Muslim. Idi sakbay nga inatake ti US ti Fallujah idi Nobyembre 2004, tantya a 20,000 dagiti armado a gerilya. Idi Enero 2005, nagbalin a nasurok 200,000 dagiti gerilya.

Maadal iti kapadasan ti Iraq no kasano a maabak ti imperyalismo – babaen iti napapaut a gubat ti umili iti nadumaduma a maidadanes a pagilian.

Segun iti komunista a mannurat a ni Ray O. Light, saan a kabaelan ti imperyalismo nga US a paggiddanen a gubaten ti uray dua laeng a pagilian iti pareho a panawen. Isu nga impanawagan na ti “maysa, dua, tallo pay a Vietnam,” kas pananglagip iti balligi ti rebolusyon ti Vietnam kontra iti imperyalismo nga US. Kayat na saoen, no aggigiddan ti adu a pagilian a mangiwayat ti gubat ti umili, mabinnat ken nalaklaka a mapirsa­pirsay ti puersa ti imperyalismo.

Paspasingkedan ti kapadasan iti Iraq ti insuro ni Kadua Mao – “Iti aniaman a gubat, umili,

saan nga armas, ti mapangngeddeng. Awan serbi dagiti abante ken napipigsa nga armas no ti pagserbian dagitoy ket maysa a rinuker ken dakes a panggep. Iti kamaudianan, kanayon a rumimbaw ken agballigi dagiti umili, uray man armado da laeng iti bato ken buneng, no ti panggep da ket nainkalintegan. `agngarngaryet ti pungtot dagiti ubbing a

mangbatbato iti tangke ti imperyalista nga us.

OKTUBRE 2007 │ 1�DANGADANG

Ti Bukbok iti Bagas

a mangan ken agpaadu. No nabaybay­an iti sumagmamano a bulan, mabalin a dumanon iti kagudua ti bagas ti ibusen na. Saanen a nasayaat a kanen wenno ilako gapu iti kontaminasyon ti insekto, ken sabsabali ti angot na.

Ti rice weevil ket makatayab isu a nalaka nga umakar­akar kadagiti talon, imbakan,

kiskisan, agamang, ken dadduma pay nga ayan ti bukel. Isu a sakbay pay a maiyimbak ti bagas, mabalin nga addan dagiti itlog kadagiti bukel.

Adtoy dagiti nadumaduma a wagas ti panangkontrol iti bukbok.

Siguraduen a maibilag nga husto ti pagayNo saan a maibilag a nasayaat ti pagay, nalaklaka

nga abutan dagiti bukbok gapu ta nalukneng pay ti ukis na. Kasta met a nalaka pay nga agbuot. Ngem no kumersang ti ukis, marigatan ti bukbok a mang­abut. No maibilag dagiti pagay, matay dagiti bukbok. Maysa pay, kadawyan nga agbibiag dagiti

bukbok iti temperatura a 17 agingga 35 sentigrado. Ti temperatura a nababbaba wenno nangatngato ngem iti kadawyan a temperatura ket mabalin a mausar kas pangkontra iti bukbok. Kaaduan kadagiti bukbok ket matay iti temperatura a lumabes iti 40 sentigrado. Agbalin a pasibo wenno mabalin a matay da iti temperatura a nababbaba ngem 12 sentigrado (kasla kalammiis ti uneg ti refrigerator).

Kadawyan nga agimbak tayo iti bagas kas panagsagana iti masak­

bayan. No dumteng ti aldaw a kasapulanen a mailuto ti bagas, makigtot tayo nga adda dagiti babassit nga insekto nga agkarkarayam iti bagas. Abut­abut dagiti bukel. Sayang ti imbak a bagas, immunan a kinnan dagiti bukbok!

Ti bukbok (weevil) ket maysa a klase ti insekto a nakaro a mangpeste iti nagbannogan dagiti mannalon. Nadumaduma dagiti klase ti bukbok. Adda dagiti mangraut iti mais, beans, kdpy. Iti daytoy nga artikulo, pokusan tayo ti bukbok ti bagas. Ti bukbok ti bagas (rice weevil) ti kadadawelan a klase ti bukbok. Dua agingga tallo a milimetro ti kaatiddog na. Kolor kayumanggi wenno nangisit daytoy ken addaan dua a lumabaga wenno duyaw a patse iti likud. Nabatek­batekan iti barukong (thorax). Us­usaren ti rice weevil ti nguso na a mangabut kadagiti bukel.

Ti babai a bukbok ket agitlog iti inggana 400 iti las­ud ti biag na. Abutan na ti bukel ken idiay nga agitlog iti maysa agingga tallo depende iti kadakkel ti bukel. Kalpasan na, serraan na ti abut babaen iti likido nga iparuar ti bagi na kas proteksyon ti itlog. No agpessa ti itlog, kanen ti larva ti bukel. Dumanon iti 30­40 aldaw sakbay mataengan daytoy sa laeng rummuar iti bukel. Dumanon iti uppat agingga walo a bulan ti biag ti bukbok. Agtultuloy daytoy

Ti nataengan a bukbok ken ti itlog na iti uneg ti

bukel ti bagas.

1� │ OKTUBRE 2007 DANGADANGSiguraduen a nadalus ken natalged dagiti pagikabilan ken imbakan ti pagay ken bagas

Nadumaduma ti us­usaren tayo a pagimbakan ti pagay ken bagas. Mabalin a sako, lata, plastic, drum, kayo (lupao, languban), kulbong, wenno dadduma. Kasayaatan nga agusar iti pagkabilan nga airtight (saan a makastrek ti angin) tapno saan a makastrek ti bukbok wenno numan addan nakastrek ket matay iti uneg ti lima agingga 10 aldaw gapu iti kinaawan ti angin. Iti tradisyonal a pagikabilan iti Mountain Province (lupao a naaramid manipud iti saleng), saan a rumaut ti bukbok gapu ta kagura da ti angot ti saleng. No agusar iti sako, kasayaatan no madoble daytoy iti plastic.

Siguraduen a nadalus dagiti pagikabilan, imbakan, ken aglawlaw na. No ti dati a nagimbakan ket nabukbok, dalusan babaen iti agburburek a danum. Siguraduen nga awan ti nabati a bukel ti daan a bagas a mabalin a pagtaudan ti atake ti bukbok iti baro nga imbak.

Agingga’t mabalin, saan a pabayagen iti agingga innem a bulan ti imbak a bagas tapno maliklikan a maperdi daytoy. Nasaysayaat a pagay ti maiyimbak ngem iti bagas. Nayon a proteksyon ti bukel ti taep wenno ti natangken a balkot na.

Iruam ti panaginspeksyon iti imbak

Inspeksyonen ti imbak a bagas kada dua a lawas no nabara ti panawen wenno kada maysa a bulan no nalammin ti klima.

No naduktalan a nakastrek ti bukbok, ibilag dagiti bukel iti init iti sumagmamano nga oras. Siguraduen a naingpis ti pannakaiwaras dagiti bukel a maibilag. Kiwaren daytoy kada maysa wenno dua nga oras. Kalpasan na, itaep ti bagas.

Padasen ti arina ti sitsaroMabalin a padasen ti panagusar iti arina a

naaramid manipud iti bukel ti sitsaro (garden peas, sweet peas, green peas). Kada kaban ti bagas (50 kilos), laukan daytoy iti 50 gramos (agarup uppat a kutsara) ti arina ti sitsaro. Ti arina ti sitsaro ket maaramid babaen iti nagango a bukel a magiling wenno mabayo inggana mapulbos. Ilaok daytoy iti maiyimbak a bagas.

Daytoy a wagas ket aksidente a nadiskubre ti maysa a negosyante a gimmatang ti maysa a kiskisan. Nasdaaw isuna nga awan ti nakita na nga uray maysa a bukbok iti 60 tonelada a bukel ti sitsaro a naiyimbak iti dua a tawen manipud nagserra ti kiskisan. Impadanon na daytoy kadagiti syentista. Natakwatan dagiti syentista nga adda kemikal ti sitsaro a kagura ti bukbok. Iti eksperimento da, kinabilan da ti 0.1% arina (1 gramo ti arina iti tunggal 1 kilo ti bagas) ti intero nga imbak. Kalpasan ti sumagmamano nga aldaw, agarup 93% ti bukbok ti natay. Nakita dagiti syentista a mas bentahe ti panangusar iti arina ti sitsaro gapu ta daytoy ket organiko ken makan, saan a makasabidong, ken napaut ti proteksyon nga ited na, saan a kas kadagiti kemikal nga insektisidyo.

Malaksid iti bukbok, nayon pay a peste dagiti utot, simot (moth),

billit, ken uray dagiti pasista a soldado, apo’t daga, ken Gloria Arroyo. Rumbeng nga inayon tayo a paksyaten dagitoy a peste.

Ti panangsaluad tayo iti pagay ken bagas ket kas met ti panangaywan kadagiti an­anien tayo a balligi ti rebolusyon. Nasken a managsiput tayo laban kadagiti managdadael a peste iti gimong.`

Bukel ti sitsaro a maaramid nga arina a pangkontra iti

peste a bukbok

OKTUBRE 2007 │ 1�DANGADANG

Hazel “Ka Mika” Panganiban

Ni Hazel “Ka Mika” Panganiban ket naiyanak idi Marso 21, 1984 idiay Tanauan, Batangas ken dimmakkel idiay Pola, Oriental Mindoro. Idiay met laeng Pola a nagadal

iti elementarya ken hayskul. Nangala isuna ti kurso a BS Accountancy iti University of Santo Tomas idiay Manila. Idi maikadua a tawen na iti kolehiyo, naorganisa isuna iti maysa a pangmasa nga organisasyon dagiti kabataan nga estudyante. Timmipon isuna iti rebolusyonaryo a tignayan ti kabataan ken napadur­as kas aktibista inggana a nagbalin a miembro ti Partido.

Idi Disyembre 2001, nagdesisyon isuna a makipagbiag iti masa a mannalon iti kaaw­awayan ken tumipon iti armado a pannakidangadang kas maysa nga eksposyuri. Apaglabas ti sumagmamano laeng nga aldaw, indatag na ti pangngeddeng na a tumipon iti Alfredo Cesar Command ti NPA idiay Ilocos Sur. Sipud idi, saan pulos a nakir­in daytoy a pangngeddeng uray kadagiti panawen ti nairteng a pannubok.

Naregta nga agtutubo ni Ka Mika ken nakakitaan kadagiti adu a galad a kail­iliw dagiti masa ken kakadua. Nasayaat ti pannakilangen na kadagiti kakadua ken masa. Iti sumagmamano laeng a bulan a panagtalinaed na iti larangan,

Bannuar ti Umili:

“ Ti matay nga

agserserbi kadagiti

agar-ari a dasig

ket nalaglag-an

pay ngem dutdot,

ngem ti matay nga

agserserbi iti umili

ket nadagdagsen

ngem bantay ”- Mao Zedong

1� │ OKTUBRE 2007

DANGADANG MArTIr TI rebOLuSyON

alisto a naadal na nga agsao iti Iloko. Isu a saan a mamati ti masa no ibaga na a nagtaud isuna iti Katagalugan gapu iti laing na nga agsao iti Iloko.

Ni Ka Mika ket nalaing a propagandista, edukador, ken organisador. Maysa isuna kadagiti mapagsanggiran nga instruktor kadagiti pangmasa a panagadal ken uray kadagiti pangpartido a kurso. Kanayon a naregta a mangilawlawag kadagiti nadumaduma nga usapin mainaig iti rebolusyon. Nalaing met a kumanta ken artista iti entablado. Isu nga iti amin a baryo a napanan na, maysa isuna kadagiti kanayon a sapsapulen ti masa.

Uray iti gawaing militar ket nasanay ni Ka Mika. Iti intar ti Hukbo ken masa, adu a rebolusyonaryo nga atas ti impatungpal na. Nagbalin a kagawad isuna ti Komiteng Tagapagpaganap ng Larangan, Giyang Pampolitika ti yunit, education officer, supply officer ti platun, ken iti daytoy maudi, vice squad lider.

Idi agsapa ti Setyembre 5, 2007, nadamag ti kakadua nga adda kabusor idiay Brgy. Kilang, Galimuyod, Ilocos Sur. Kalpasan ti sumagmamano nga oras, simmaruno ti damag a pimmanaw dagiti kabusor ngem saan a naammuan no sadino’t tinurong da. Kas panagannatup ken paset ti aktibo a depensa ti yunit, nagdesisyon ti kakadua nga adda mapan agtsek iti baryo tapno makisilpo iti masa ken maammuan ti aktwal a kasasaad sadiay. Naatasan ti maysa a tim a mapan ag­combat intel iti baryo. Naibilang ni Ka Mika iti daytoy a tim. Napan ti tim iti baryo iti 11:00 ti agsapa. Apagsangpet iti igid ti balbalay, nadlaw ti tim lider nga adda saan a gagangay nga uni (boses ti aglaok a Tagalog ken Iloko) nga agtataud iti nasamek a kakaykayuan. Idi masigurado a

kabusor ti agun­uni, dagus a pinaputokan ti tim lider ida. Gimmiddan met a nagpaputok ti dadduma pay a kakadua. Dagus a natay ni PFC Demelito Manglaylay ken nakaro a nasugatan ti maysa pay a tropa ti kabusor.

Iti umuna a bugso ti bales a putok ti kabusor, natamaan iti makannawan a barukong ni Ka Mika. Uray nakaro ti sugat na, nakilaban latta, naipaputok na pay ti nasurok maysa a magasin a bala ken nasukatan na pay ti magasin na. Kalpasan ti sumagmamano a kanito, kimmapsut ken naipakleben. Dagus a sinuportaran ti kadua na ken nagdesisyon nga umatras. Idi makadanon da iti tuktok ti turod, inrugi nan ti agbilin iti kadua na. Kinuna na: “Kadua, itultuloy yo ti rebolusyon

a rinugian tayo.” Uray marigatanen nga aganges ken nagayus ti adu a dara

na, saan pulos nagbuteng wenno kimmapsut ti pakinakem ni Ka Mika. Idi simmangpeten ti

dadduma a kakadua a sumuporta, inulit na manen ti bilin kadakuada.

Bayat a bakbaklayen dagiti kakadua ken agingga iti maudi

nga anges na, inyunay­unay na ti bilin nga itultuloy dagiti kakadua ti panagrebolusyon.

Inkagumaan dagiti kakadua ken masa a simpaen ti bangkay na ken ipan iti pamilya na.

Kabigatan na, naipan ti bangkay na iti punerarya, kagiddan ti surat

para iti pamilya ken kakabagian na maipanggep iti pasamak.

Kas panangsaludo iti kinabannuar na ken panangbigbig iti kangangatuan a

sakripisyo, nangirussuat iti pulong parangal ti Alfredo Cesar Command. Indaton da kenkuana dagiti kankanta ken daniw ken naitag­ay ni Ka Mika kas maysa a bannuar ti masa ken rebolusyon. a

OKTUBRE 2007 │ 1�DANGADANGSeKSyON KuLTurAL

Dawaten mi kadagiti masa ken kakadua nga itultuloy da nga agisurat ken agipaw­it ti pidbak iti Dangadang no man pay naisardengen a mainaynayon ti feedback sheet gapu iti panag­ngato ti presyo ti papel. Agusar laengen iti sabali a papel. Iti pidbak, isurat ti sungbat kadagiti sumaganad:

1. Ania ti artikulo wenno topiko a napateg a nabásam iti daytoy nga isyu ken apay? Ania ti epekto na kenka?2. Ania dagiti termino, topiko, wenno paset a saan mo unay naawatan?3. Ania dagiti kayat mo a matalantan kadagiti sumaruno nga isyu?4. Ania ti dadduma pay a dillaw, obserbasyon, ken singasing mo?5. Ania ti nagan mo (agusar iti alyas), trabahom, probinsya nga ayan mo?

Kasingin mo ti pul-oy a mangpalayog iti tayab ti agila iti law-ang

Mamagdalluyon kadagiti maris balitok a kapa-gayan

Mamagpayapay kadagiti sagat a duduoganMangsapsapuyot iti indayon ti mannakigubat a

nabang-aranMangisangsangbay iti inaná nga apag-apaman.

Kakuyog mo ti ayus ti ubbog a di agpatinggaA mangsibsibog iti tay-akTi biag ken pannakidangadang a nalawa,Ti taaw dagiti arapaap ken gerraKet awan sarday a mangikankantaKadagiti panawen a naglabas a nagbalinen a

sonataTi pungtot ken panagsagabaTi balligi ken namnama.

Kagiddan mo ti panagbannawag ti baro nga ag-sapa

Kalpasan ti naunday a rabii ti pannakaulilaTi daya ket lumabagaIti kari a mangpabaraKadagiti puso a nabibineg ken gumawgawawaKagiddan ti raniag ti daya a simmaknap Ti lawag ti panagbalbaliw ket nagkaradap A dumanon kadagiti tanap ti pannakakullaapTumapaw kadagiti bantay ti panagimbubukodMangipasimudaag iti pannakalukagTi masa a naikawar iti tuok ken rigat.

Kabaybayabay mo ti daga a nangparnuayIti sangkataoan manipud punganayNangtagibi kadagiti arapaap ken tarigagayTi masa a naikuspil ngem saan a naupayTunggal bin-i a nauwaw iti kinalinteg ket nasa-

ranayAgingga a rimmukbos ken nagbunga iti nabileg a

panagtignay.

Kagiddan ti ritmo ti biag ken rebolusyonTi parnuay mo a kansyon ket inka intiponNadawel a panawenDi ka nagsarimadengIti kanito ti peggad ken rigatDi ka nagamakUray pay iti tengnga dagiti putok a gumurruodDi ka pulos nagsanod.

Agingga a ti pul-oy ket bibiagen na ti pangnged-deng mi

Agingga a ti ubbog ket agay-ayus kadagiti urat miAgingga a ti init ket sungsungrudan na ti gagem

mi a balligiAgingga a ti daga ket ak-aklonen na ti panna-

kauwaw mi iti hustisyaAgtultuloy nga inkam ikankantaTi saniweng ti biag mo.

Elemento ti Biag Mo(Daton kenni Ka Mika)

Ni Ka Clariz, Setyembre 2007

1� │ OKTUBRE 2007

DANGADANGDAMAG KeN ADAL

Sinupyat ti Alyansa dagiti Pesante iti Taeng ­ Kordilyera (apit tako)

ti panaglukat manen iti Batong Buhay Gold Mines idiay Balatoc, Pasil, Kalinga babaen iti Makilala Mining Inc.

Kuna ni Andres Wailan, Vice Chairperson ti apit tako, dadaelen ti Batong Buhay ti Chico river a kangrunaan a paggapuan ti irigasyon dagiti mannalon iti Tabuk ken Pinukpuk, Kalinga. Madama ti panagsurbey ken eksplorasyon ti Makilala Mining iti Pasil.

Nayon ni Wailan, adun a kapadasan ti mangpaneknek a dakkel ti didigra nga ipaay ti operasyon ti minas. Iti mismo a Tabuk, agarup 21,000 ektarya a talon ti naperdi gapu iti rugit nga ibelbelleng idi ti Batong Buhay idi agop­operasyon daytoy. Nagserra iti Batong Buhay idi 1985 gapu iti opensiba ti NPA.

Kabayatan na, impablaak ti National Commission on Indigenous Peoples (NCIP) iti Kalinga nga inaprobaran kano ti umili ti pannakaitakder ti proyekto a geothermal plant idiay Pasil. Ti proyekto ket mangpataud iti kuryente manipud kadagiti hot spring sadiay. Maapektaran ti 14,724 ektarya nga ansestral a daga ti 6,500 umili ti Colayo, Balatoc, Dalupa­Ableg, Dangtalan, ken Guinaang.

Ti mangipatungpal iti proyekto ket ti Aragorn Power & Energy Corporation­Guidance Management Corporation (APEC­GMC). Ti kontrata ti operasyon na ket agpaut iti 25 tawen.

Saan pay a nalawag no pundo a sumuporta ti amin nga umili iti proyekto, no ania dagiti inkari ti APEC­GMC a benepisyo, ken no ania dagiti epekto ti nasao a proyekto iti aglawlaw. `

“Supyaten ti agraraira a martial law!” daytoy ti panawagan dagiti militante iti Kordilyera idi Setyembre 21 babaen iti pablaak iti pananglagip iti

nalidem a kapadasan ti umili iti uneg ti diktadura a rehimen Marcos. Kuna ti Cordillera Peoples Alliance (CPA), Cordillera Human Rights

Alliance (CHRA), Tongtongan ti Umili, ken HUSTISYA ­ Northern Luzon, agraraira itatta ti martial law uray no awan ti deklarasyon na. “Lagipen tayo itatta dagiti martir a nangidaton iti biag da ken amin dagiti limmaban iti landok nga ima a panagturay ni Marcos. Nalatak ita a panawen ti pareho a galad ti rehimen Arroyo.

Inyarig da ti nasaknap a politikal a pammapatay kadagiti aktibista a 36 kadagiti 886 (Enero 2001­Hulyo 31, 2007) ket nailian a minorya a napapatay ditoy Kordilyera; ti panangpadakes kadagiti organisasyon ken institusyon a kritikal kadagiti programa ti rehimen Arroyo; ken panangakusar da kadagitoy kas komunista. Kinondena da ti militarisasyon ti kaaw­awayan ken ti panagserrek dagiti makadadael a proyekto kas iti minas ken dam. Kinondena da pay ti panangited ti US iti suporta militar a mangpapairteng iti pammapatay kadagiti saan nga armado a sibilyan babaen iti Oplan Bantay Laya 2.

Kabayatan na, inyarig met ni Manny Loste, dati a propesor ti Philippine Military Academy ken agdama a National Vice­Chairperson ti Bayan Muna, a narungrungsot ti rehimen Arroyo ngem iti rehimen Marcos. Kuna na a nasurokan pay ti agdama rehimen dagiti biktima ti pananglabsing iti karbengan­tao idi martial law.

Kinondena met dagiti militante ti Human Security Act a langa ti dek­larasyon ti martial law. Kuna da a daytoy a linteg ket manglab labs ing kadagiti probisyon ti konstitusyon ti Pilipinas ken ti Comprehensive Ag­reement on Respect for Human Rights and International Humanitarian Law.

Inyunay­unay da a rumbeng a lagipen ken petpetan dagiti adal iti kapadasan ti martial law. “Lagipen tayo a kasapulan ti pigsa ken panagkaykaysa ti umili iti nasipnget unay a tiempo iti pakasaritaan tapno mapabagsak ti diktadura a pilit a nangipakat iti martial law.” `

Makilala mining sinupyat ti apit tako Supyaten ti agraraira a Martial Law

OKTUBRE 2007 │ 1�DANGADANGDAMAG KeN ADAL

Inaresto ti PNP idi Oktubre 1 ni Jose Cawiding, Secretary General ti Metro

Baguio Tribal Elders Assembly ken dati a Bayan Muna coordinator iti Benguet. Kinasuan da isuna iti walo a kaso ti murder dagiti soldado a natay iti ambus ti NPA idiay Talubin, Mountain Province idi Hulyo 14, 2003. Iti daydiay a petsa, adu ti makatestigo a ni Cawiding ket agat­atendar iti maysa a miting ti Bayan Muna idiay Baguio.

Kuna ti PNP ken AFP nga isuna kano ni “Ka Willy,” maysa nga intelligence officer ti NPA. Adda ti P500,000 a patong iti ulo na.

Idi 2006, naikabil ti nagan na ken ti asawa na a ni Jeanette Ribaya iti Order of Battle ti AFP. Tallo a bulan a sinisiiman ida dagiti espiya ti militar. Iti tulong dagiti kabarangay da, nalasatan da ti naminsan a gandat ti death squad ti militar a patayen ida iti sango ti mismo a balay da.

Iti maysa a pablaak ni Ka Magno Udyaw, tagapagsarita ti Leonardo Pacsi Command ti NPA iti Mountain Province, inlawlawag na a ni Cawiding ket saan pulos a nagbalin a kameng ti NPA, ken lallalo a saan a kimmuyog isuna iti nasao nga ambush idi 2003.

“Ti gandat ti pulis a mangtiliw kenni Cawiding ket tapno laeng maala da ti premyo a P500,000 kagiddan ti panangharas da kadagiti lider ti progresibo a tignayan,” kuna ni Ka Magno. “Adu ti palpak a kaso dagiti pulis. Iti sango ti napudno nga huwes, sigurado a maibasura ti kaso ni Cawiding, kas iti panangibasura ti korte iti kaso ni Pastor Francisco Bonuan a tiniliw ken imbalud ti pulis iti kaso a panangpatay kenni Conrado Balweg. Kasta met a naibasura ti kaso dagiti ‘Punks 11’ a kabataan a tiniliw ken tinortyur ti pulis iti suspetsa a kimmuyog da iti NPA a nagreyd idiay Cabiten idi 2006, ken ti kaso dagiti tallo a lider­mannalon ti STOP­EX a kimmuyog kano iti reyd ti NPA idi 2003. Napaneknekan ti korte a palso amin dagitoy a pammabasol ti pulis.” `

Us­usaren ti 50th IB ken 503rd IB iti programa da iti radyo

kada Sabado idiay Vigan ken Candon a “Boses ti Soldado” iti pammadakes ken pammutbuteng kadagiti progresibo nga orga­nisasyon.

Kuna ti AFP a dagiti rali nga isaysayangkat dagiti militante a grupo ket inorganisa kano ti Communist Party of the Phi­lippines. Pinangtaan pay dagiti soldado dagiti estudyante a ma­blacklist ken maireport iti Natio­nal Intellegence Coordinating Agency (NICA) no kumuyog da kadagiti rali.

Kinondenar dagiti militante a grupo ti Ilocos dagiti ires­ponsable a pablaak ti AFP. Iti maysa a pablaak ti Bagong Al­yansang Makabayan (BAYAN) – Ilocos, Ilocos Human Rights Alliance (IHRA – Karapatan), Kabataang Artista para sa Tunay na Kalayaan (KARATULA), ken Tanggulan Youth Network for the Advancement of Human Rights (Tanggulan) kuna da a dagiti akusasyon ti AFP kadagiti ligal ken demokratiko a tignayan

ti masa ket awan ti basaran na. Gandat ti propaganda ti militar a manglipit kadagiti ligal ken progresibo nga organisasyon babaen iti kontra­insurhensya a kampanya nga Oplan Bantay Laya ken iti Human Security Act. Kuna da a dagiti ak­akusaran ti AFP nga organisasyon ket ligal ken nakarehistro pay iti Securities and Exchange Commission.

Kuna ni Albert Lagrimas, spokesperson ti Bayan – Ilocos, lablabsingen ti militar dagiti paglintegan iti responsable ken napudno panangpablaak ti radyo. Kuna na a dagiti militante a protesta ket paset ti panangirupir iti wayawaya iti panagsao, panangiyebkas, panagipablaak, ken panagum­mong a gargarantiyaan ti kons­titusyon ti Pilipinas ken awan ti linteg a mabalin a mangiparit kadagitoy.

Nagpanawagan met ti IHRA­Karapatan, nga isardengen ti AFP dagiti pammadakes na kadagiti progresibo nga organisasyon. `

Lider aktibistatiniliw ti PNP

Saywar ti AFP iti radyo, sinupyat ti umili

NPA ti amin a kumuyog

ti rali!

�0 │ OKTUBRE 2007

DANGADANGDAMAG KeN ADAL

Rinambakan dagiti militante iti Kordilyera ti pannakawayawaya

ni Jose Maria Sison iti pagbaludan idiay Netherlands idi Setyembre 13. Kalpasan ti 17 aldaw, nagdesisyon ti korte sadiay a palubosan a makaruar ni Sison gapu iti kinaawan ti ebidensya kadagiti parbo a kaso laban kenkuana.

Nangisampa ti gobyerno ti Pilipinas iti kaso a mangpabpabasol kenni Sison nga isuna kano ti nangibaon iti NPA a nangdusa kada Romulo Kintanar ken Arturo Tabara. Itay nabiit, daytoy a kaso ket dinismis ti Korte Suprema ti Pilipinas.

Kuna ti Cordillera Peoples Alliance (CPA) a ti pannaka­wayawaya ni Sison ket tungpa kadagiti imperyalista. Imbaga da a saan a terorista ni Sison kas iti pammadakes ti rehimen Arroyo, imperyalista nga US, European Union, ken gobyerno a Dutch.

Ni Sison ket mabigbigbig a personahe ti nailian demokratiko

a tignayan iti Pilipinas ken iti internasyonal a tignayan laban iti imperyalismo. Isu a kasta laengen ti gagar da a lipiten ni Sison.

Kuna met ti CHRA a balligi la­ban iti politikal a pananglipit ti pannakawayawaya ni Sison.

Nagpanawagan da iti Gobyerno ti Pilipinas nga agsubli ti tungtongan iti kappia ken seryoso a risuten ti pang­ekonomya a krisis. Kuna da pay a ti pannakaaresto ni Sison ket saan a mangrisut iti ramut ti armado a dangadang.

Numan pay nawayawayaanen ni Sison, ti pananglipit kenkuana ket agtultuloy. Gapu iti daytoy, nagpanawagan dagiti militante nga organisasyon a kasapulan ti nair­irut a panangbantay iti umit­irteng pay a kampanya ti pananglipit kenni Sison ken dagiti kakadua na iti NDFP peace panel ken uray dagiti ligal a progresibo nga organisasyon nga ak­akusaran ti rehimen Arroyo a komunista.`

Pannakawayawaya ni Joma, rinambakan dagiti militante

Sinelebraran dagiti militante idiay Ilocos babaen iti maysa a rali idi Setyembre

21 ti pannakawayawaya dagiti tallo a lider mannalon kas pananglagip iti maika­35 nga anibersaryo ti martial law. Kalpasan a naibalud da gapu iti ulbod ken parbo a kaso, nagdesisyon iti korte nga idismis ti kaso kadakuada gapu iti kinaawan ti ebidensya.

Dagiti tallo a lider mannalon iti Solidarity of Peasants Against Exploitation (STOP­EX) iti Ilocos ket da Julian Daoa, Leonardo Sabalo, ken Rogelio Bilog. Pinabasol ida ti PNP a naibilang da kano iti yunit iti NPA a nangreyd ken nangpuor iti Sta. Lucia Municipal Police Station idi 2003.

Gapu iti iligal a pannakaibalud da iti parbo a kaso, mangiyuli da ti kontra demanda kadagiti kameng ti PNP ken AFP iti Commission on Human Rights ken iti GRP­NDFP Joint Monitoring Committee. Kinuna dagiti tallo a lider mannalon a ti pannakaibalud da ket pananglipit ti rehimen Arroyo kadagiti aktibista nga agserserbi iti umili. Inkari da nga agtultuloy nga agserbi da iti umili a mannalon babaen iti panagpamulat, panagorganisa, ken panagmobilisa. `

Tallo a lider mannalon, nawayawayaan

Manuelmakapasarwa ti kinabu-

lok ni arroyo. winarasan na dagiti gobernador ken konggresman iti P200,000

inggana P500,000 kas pasuksok tapno saan da a

patakyasen isuna.

mabuteng ngamin ni Gloria a

mapatakyas gapu iti

iskandalo ti proyekto a

z.t.e.

puskol-rupa met dagiti pasurot ni Gloria a nag-rason, kas kenni tong-

gresman domogan.

alawans mi laeng didiay, saan a

pasuksok! AWAN BASOL NI PRESIDENTE! agyaman tayo ketdi ta nasapa ti

pakrismas na!

ulbod! naggapu iti buwis ti umili dayta a

kuarta! kinurakot da ken usaren da manen para

iti kampanya iti barangay eleksyon.

maymayat pay no inwaras

da la koman dayta a pondo ditoy pobre nga ili tayo.

agrurutap dagiti anomalya ken iskandalo ni gloria - hello garci, zte, northrail, macapa-gal hiway, jose pidal,

politikal a pammapatay, kdpy.no di tayo

patakyasen isuna itatta, kaano pay? no saan tayo nga agtig-

nay, sino ngay?