oud affiebond › ... › 04 › nuusbrief-17-april.pdf · christiaan du toit op die veld gelei en...
TRANSCRIPT
Oud-Affiebond
Lief en leed
Dit is met groot hartseer dat die OAB van die volgende sterftes verneem het:
Dr. Raoul van der Westhuizen
Dr. Raoul van der Westhuizen, lid van die
1958-groep en later veearts, is op 14
Maart in die ouderdom van 74 oorlede.
Ons onthou hom as iemand wat die wel en
wee van die skool met groot belangstelling
gevolg het. Benewens sy groot sukses in
die privaatsektor op bestuursvlak, word dr.
Van der Westhuizen ook onthou omdat hy
aan die hoof gestaan het van die
fondsinsamelingsprojekte vir die
daarstelling van 10 nasionale parke in Suid
-Afrika. Op die foto oorhandig hy ‘n kopie
van sy boek Veldstories aan me.
Haasbroek. Hierdie werk is in die Affie-
mediasentrum opgeneem. Dr. Rudolph
Bigalke het hierdie huldeblyk aan dr. Van
der Westhuizen geskryf.
Jaco Loots (matriek 2007)
Affies dink met mooi herinneringe terug aan
Jaco Loots wat in die laaste week van Maart
oorlede is.
Edrich Lourens (matriek 2012)
Edrich het op 30 Maart 2015 in `n
motorongeluk gesterf.
Prof. Tian van der Merwe (matriek 1958)
Prof. Van der Merwe is vroeg op Sondagoggend 12 April skielik oorlede. Hy
was vir baie jare die voorsitter van die Oud-Affiebond, gedurende die 1990's.
Hy het ook vir baie jare by Medunsa aan die hoof van gastroenterologie
gestaan.
Dewald Krige (matriek 1959)
Dewald Krige is op Saterdag 11 April oorlede.
Tian Viljoen (matriek 1979)
Tian Viljoen het op 14 April 2015
sy stryd teen kanker verloor.
Oud-Affies
George Coetzee
Oud-Affiegholfspeler George Coetzee
(matriek 2004) het die Tshwane Ope
by die Pretoria Buiteklub met 'n
skitterende finale ronde van 65
ingepalm, vyf houe minder as
baansyfer. Sy wentelling van 266 was
14 houe onder baansyfer. Dit is sy
tweede oorwinning op die Europese
toer.
Fredriech Pretorius
Fredriech Pretorius (matriek 2013), is
besig om opskudding in die tienkamp-
wêreld te maak. Met sy persoonlike beste
punt van 7 763, bekruip hy die 8000-
puntetelling. Slegs een ander Suid-
Afrikaanse atleet kon deur die hierdie
plafon breek, wat hom tans die tweede
beste tienkampatleet maak wat nog deur
Suid-Afrika opgelewer is. Hou gerus sy
loopbaan met fyn oë dop.
SA o/20-span
Daar is drie oud-Affies in die
SA o/20-rugbyspan ingesluit.
Baie geluk aan Jurie Linde,
Francois Steyn en Ivan van
Zyl.
Steinhoff Universiteitskoshuistoernooi
Nie minder nie ses oud-Affies was in die finaal van die Steinhoff
Universiteitskoshuistoernooi tussen Mopanie van Tuks en Vishuis van
Kovsies te siene. Aan die kant van Mopanie was dit Henco Barnard, oud-
hoofseun Pepler Stander en Lean van der Walt wat die trui gedra het. Aan
Vishuis se kant het Henco Posthumus op heelagter geskitter met 13 punte.
Albei die spanne is deur oud-Affies as kapteine aangevoer - Mopanie is deur
Christiaan du Toit op die veld gelei en Vishuis deur Jandré Slabbert.
Mopanie het as wenners uit die stryd getree.
Universiteitsdebat
Die afgelope naweek was daar 7 oud-Affies in
universiteitsdebatspanne wat in die finale
ronde van die ATKV-kompetisie opgetree het.
Tuks het vanjaar gewen met ’n span wat uit
drie oud-Affies bestaan het, naamlik Hermann
Pretorius, Daniël du Plessis en Daniël Eloff.
Daniël Eloff is ook as die beste taalgebruiker
aangewys. Die ander oud-Affies in Tuks-
spanne was Rohan Eloff en Du Toit Ferreira.
Vir Maties het Adriaan Rothman gepraat en
vir Pukke Christo Slabbert.
Skoolnuus
Kultuur
Debat
Daar het sewe Affie-spanne na die halfeindronde van die ATKV se Nasionale
Debatskompetisie deurgedring – drie senior en vier junior spanne. Tien Pretoria-
skole het vanjaar ingeskryf, maar slegs vier skole het spanne in die halfeind: AHS 7,
AHMP 5, Menlopark 5 en Waterkloof 4.
Soiree
Die Affie-koor en –orkeste het op die
vooraand van die vakansie hul
eerste konsert in die Potgietersaal
aangebied. Hierdie spogaand het
optredes van die Konsertorkes, die
Swing-ensemble asook die
splinternuwe strykkwartet en stryk-
ensemble ingesluit. Die koor en A-
minere het ook hul stemme dik gemaak in wat
beloof om `n groot jaar vir Affie-kultuur te wees.
Sport
Atletiek
Gedurende die vakansie, tusssen 9 en 11 April, het Christie le Roux, Markus
Klopper, en Ruben Els aan die ASA Suid-Afrikaanse Kampioenskap in
Bloemfontein deelgeneem.
Christie le Roux behaal `n derde plek in die
driesprong, terwyl Affies se eie windhond,
Ruben Els beide die 100 m en 200 m naellope
wen.
Ruben Els breek weer sy eie nie-amptelike SA Rekord
in die 200 m vir seuns o/15 met ‘n tyd van 21.34
sekondes. Daar word nie amptelik rekords vir seuns
o/15 gehou nie. Op statistiek is hierdie vinnigste tyd
nog deur `n o/15-seun behaal. Hy dring deur na die
finaal vir seuns 100 m met `n tyd van 10,89 en wen
met 10.97 sek.
Affie-gholftoernooi
Die 9de Affie-gholftoernooi is oor 4 rondes op die Waterkloof Gholfbaan,
Wingate Park, Blue Valley en Pretoria Buiteklub gespeel.
Uitslae:
1. Hilton College
2. Affies 1
3. Michaelhouse
4. HS Waterkloof
5. HS Outeniqua
Affies se tweede span behaal `n agtste plek uit 12 deelnemende spanne. Op
die laaste dag van die toernooi het Oud-Affiegholfspeler, George Coetzee,
saam met die seuns gespeel.
Dawid Opperman, graad 11, het gedurende die vakansie aan die Suid-
Afrikaanse o/19-toernooi deelgeneem. Hy eindig 8ste in hierdie kompetisie.
Hokkie
Vanjaar se eerste hokkiespan het vroeg in die seisoen reeds hul staal
gewys deur die Founders Festival en KES-toernooi oor die Paastyd te
oorheers. Die Witstokke bekleë die sesde plek op die jongste skoleranglys.
Founders festival :
Verloor 0-1 teen Dale College
Wen Potch Boys High 2-0
Wen Thomas Moore College 3-1
Wen St Davids XI 3-0
Wen Paarl Booishaai 3-1
Wen Parktown 2-1
Kes Festival :
Wen Durban High School 2-1
Wen Grey Kollege 3-1
Gelykop 3-3 teen Hilton College
Wen Northwood Boys High 3-1
Wen Queens College 3-0
Affies speel dus 11 wedstryde, wen 9, verloor 1 en speel 1 gelykop.
O/16-A
Rondebosch Fees :
Wen Paarl Boishaai 2-1
Verloor 0-1 teen Paul Roos
Gelykop 0-0 teen Rondebosch Boys High
Gelykop 1-1 teen Wynberg Boy's High
Wen D.F. Malan 3-1
Wen SACS 2-0
Gespeel 6 Wen 3 Verloor 1 Gelykop 2
O/14-A
Nomads Fees :
Verloor 0-6 teen Grey Kollege .
Verloor 1-2 teen Wynberg Boy's High
Wen 5-1 teen Uplands
Verloor 2 -4 teen Maritzburg College
Verloor 1-3 teen Hilton College
Gespeel 5 Wen 1 verloor 4 .
Rugby
Die Witbulle het `n onstuimige begin van die 2015-seisoen beleef. Hulle wen
die eerste kragmeting teen Helpmekaar Kollege op hulle tuisveld met 0-24.
In die hoofwedstryd van Paul Roos
Gimnasium se 150ste-
bestaansjaarvieringe val die eerstes
egter op die Markotter-veld met 29-
13 vas. Die Oud-Affiebond se
gazebo was skuins agter die pale
opgeslaan en daar het talle oud-
Affies kom groet en kuier. Verskeie
OAB-memorabilia soos pette,
gholfhemde en truie is verkoop.
Baie dankie aan almal vir die
ondersteuning.
By die Kearsney Paastoernooi wen
die Witbulle twee uit hul drie
wedstryde. Hulle klop Dr. E.G
Jansen 41-5, verloor teen SACS
13-10, maar wen Framesby
oortuigend met 57-0.
Gedurende die vakansie het die jonger spanne ook gespeel. Die onder 14`s
wen 4 uit hul 9 wedstryde, die onder 15`s wen 9 uit 10, en die onder 16`s
wen 4 uit 7.
Niel Coetzer en Dirk Taljard
Namens OAB-bestuur
17 April, 2015
Nuusbrief
Christie le Roux
Ruben Els
Die eerste en tweede gholfspanne met George Coetzee
Belangrike datums:
18 April Rugby en hokkie (tuis) teen Westville Boys High.
Eerste hokkiespan, 10:20, Affie-Astro (AHMP)
Eerste rugbyspan, 14:15, A-Veld
OAB-Gazebo agter die pale by die Appelkas
Worsbroodjies en OAB-memorabilia te koop
27 Mei Opedag, vanaf 14:30
7 Augustus Oud-Affiedinee
Navrae: Tobias Lubbe e-pos of
Marna Beineke 083 286 4405
15 Augustus Wildsfees
21 Augustus Oud-Affiekonsert, Potgietersaal
Navrae: Marna Beineke 083 286 4405 of e-pos
8 September Oud-Affiegholfdag, Wingate Park
Navrae: Hanlie Delport 082 908 2295 of e-pos