pahayag
TRANSCRIPT
Mga Ispisifik o Espesyal na Pagbibigay- diin
1.Pagpoposisyon
Bahagi lamang ng pangungusap ang binibigyang diin para ipakita ang kahalagahan.
Halimbawa:
Bigla dumating siya. Habang nasa kasagsagan pa ang mga kilusang pangkababaihan at pang-gay, kailangan na nilang akopahin ang sentro.
2.Pagbubukod
Kung ilalaan sa simula, sa gitna o sa wakas ng pangungusap ang bibigyang-diing susing salita, mas efektibong ihiwalay.
Halimbawa:
Doon …. Sa dako pa roon … sa daigdig ng mga kababalaghan at lagim, nakahimlay ang guniguni.
3. Pag- uulit
Isinasagawa ito sa paraang muling binabanggit ang importanteng idea alinman sa mismong salita o singkahulugan.
Mga Varayti ng Pag- uulit
a. Tautones
Ito ang pag- uulit ng susing salita.
Halimbawa:
Sa bagong biling bahay sa bagong subdivision sa umuuwi ang bagong kasal.
b. Epizeuxis
Nagaganap ang pag- uulit sa mga sugnay at halos magkalapit na magkalapit.
Halimbawa:
Hawakan mo, at hawakan nang mahigpit, nang hindi makawala.
c. Anafora
Pag- uulit sa unahan ng bawat sugnay.
Halimbawa:
Hayaang humagulhol ang aso sa tumana.
Hayaang sa duluha’y may lampong na pusa.
Hayaang sa punso’y may katyaw na tumutuka.
Rogelio G. Mangahas
d. Anadiplosis
Pag uulit sa unahan at hulihan ng parehong salita o symploche na maari din sa magkasunod na sugnay o pangungusap.
Halimbawa:
Kamukha ng isang sagang walang mukha,
Kabila ng pula’t itim ang kabila…
Anacleto L. Bustamante
e. Epanadiplosis
Pag-uulit sa hulihan at unahan ng magksunod na sugnay o pangungusap.
Halimbawa:
Sa kaluwagan mo sa ‘king kaagipitan, kagipitang minsan ay pinagpulasan…
Bitawan Mo Ako
Jose M. Buhain
f. Polyopton
Pag-uulit saanman sa unahan, gitna o hulihan ng pangungusap na bukod sa posisyon, gayundin sa anyo ng salita.
Halimbawa:
Ngumiti ka naman ng konting ngiti para sa akin, Emily. (Mula sa isang awiting Ingles): “Smila a little smile for me, Emily, Emily.”
4. Pagbabalanse at Pagsasalungat o Antitesis
Maaaring pagtitimbang ito ng dalawang idea na magkaagapay sa pamamagitan ng pag uulit ng salita o dalawang idea na magkasalungat.
Halimbawa:
Kung kailangan mo itong gawin, ito’y dahil sa karapatan mong gawin.
5. Empanados o Kiyasmus o Pagbabaliktad ng mga salitang inuulit.
Halimbawa:
Sa bawat buhay may kamatayan, sa bawat kamatayan may buhay.
6. Paggamit ng mga Panuring (pang-uri at pang-abay)
Samantala mga intensiv ang tawag sa mga panuring na pang-abay. Ang mga panuring na pang-uri ay maaaring pagparisin, salansanin o posisyunin.
7. Polysyndeton at Asyndeton
Paghihiwalay ng mga salita sa serye ng mga pang-uri sa pamamagitan ng bantas na kuwit (,) bago ang pang-ugnay na at ang polysyndenton; samantalang , tanging sa pamamagitan lamang ng kuwit (,) ang asyndenton.
8. Elipsis
Ginagamit ito pag may kinakaltas na salita o bahagi ng pangungusap na ayaw nang banggitin pa dahil alam na ng parehang nag-uusap ayon sa pinagbabahaginhan nilang kabatiran at karanasan.
9. Rima at Ritmo
Sa prosa, hindi gaanong pansinin ang rima. Nagagawa ito, malay man o hindi ng nagsasalita sa anyong aliterasyon o paggamit ng magkakasintunog na fonema sa simula ng dalawa pang salita. Ginagamit ito sa pagbibigay-diin sa antitesis, o sa pag-uugnay ng simula, gitna at wakas ng isang pangungusap.
Dalawang uri ng Aliterasyon
1. konsonansa- ang pag-uulit ng mga katinig.
2. Asonansa- ang pag-uulit ng mga patinig.