1 | pasundayag

PASUNDAYAG Huning Binisaya Hunyo 16 2012

Gugma sa Huning Binisaya

“Mas-nindot gyud kantahon ang huning Binisaya,” matud ni Dexter

Ycong, pianista, mang-aawit og usa sa mga mohalad og Binisayang

kanta sa “Pasundayag” sa Annual General Meeting sa Katilingbang

Bisaya sa New Zealand (KBNZ) karong Hunyo 23, 6:30 sa gabii.

Nagkanayon si Dexter, “Mas katandog sa kasingkasing, kay mastam-is,

masmabulawanon ang atong pinulongan.”

Si Ron Bate miingong nga ang “huning

Binisaya puno sa gugma” og

ang iyang paboritong mga Bisayang awit

naa sa 5th Cebu Pop Music Festival

album, “labi na ang ‘Liso’ nga giawit ni

Ben Roque.’ Si Ron moawit

sa “Dili Man Lang” nga gisulat ni

Lorenzo Ortega.

Taga-Carcar nga si Gaile Cooke nga ming-abot sa New Zealand

sa 1992 pagkahuman niya’g gradwit sa high school, mohalad sa

awit nga “Usahay”, nga kinaham kaayo sa daghan bisan dili

Bisaya. Sukadmasukad, hilig si Gaile og awit sa huning Binisaya.

Ingong si Ching Mandawe, tsirman sa Cultural Committee, nga

si Romy Loay og Cherry Castanarez motanyag usab sa ilang

gilas sa Pasundayag. Ang KIS (Kayth, Ina og Shaine) nga

gitawag og “New Zealand’s Powerpop Girls” mokanta sa awit nga

“Paglaum”, komposisyon ni Fr Fritz Malinao.

Giimbitar usab sa KBNZ si Agnes Granada sa Tahanang Pilipino og si Fr Sam Pulanco nga maoy

mohatag sa Invocation. Si Dr Tony Noblejas, inilang lider sa pipila ka Pilipinhong kapunongan, ang

inducting officer og guest speaker. Giawhag ang mga motambong sa pagtampo og putahe og

ilimnon.

Ang “Pasundayag” pagabuhaton sa Freemans Bay Community Hall, 52 Hepburn Street,

Freemans Bay, Auckland.

2 | pasundayag

KINI ANG KBNZ

Ang Katilingbang Bisaya sa New Zealand (KBNZ)

maoy kahugpungan sa mga Bisaya nga nagpuyo sa

New Zealand.

Namugna kini sa liderato ni Rosendo “Sendo”

Menchavez, usa sa mga Bisaya nga nag-una ug abot sa

Auckland.

Ang KBNZ nagpasiugda og mga proyekto para sa mga miembro og para usab sa kinatibuk-an sa Auckland.

Duna’y mga tigum diin magkita-kita ang mga Bisaya

aron maghudyaka og maglingaw-lingaw. Ang grupo

nagpasundayag og mga sayaw og awit para pag-ugmad sa

kulturang Bisaya, sama sa pagsaulog sa Philippine

Independence Day og sa Sinulog. Gani ang KBNZ migawas nga mananaug sa First

Auckland International Carnival diin gipildi ang ubang

mga nanayaw susama sa Brazil, Tsina. Thailand or uban

pa.

Sa panahon diin duna’y panginahanglan, ang KBNZ

mohatag usab og hinabang, susama sa miaging bagyo Sendong diin, nagpadala kini og donasyon sa Cagayan de

Oro og sa Negros. Niadtong linog sa Christchurch,

naghatag ang mga meimbro og hinabang sa mga biktima.

Gani ang KBNZ gihatagan og award sa TawagAwit agi’g

pagpasalamat sa suporta sa OG: Open Gathering nga

nagpahalipay sa mga bag-ong abot sa New Zealand kada

Pasko.

Ang organisasyon nagpadayon og kampanya aron

ang mga kadaghanan mga naglitok og Binisaya

magkahiusa sa New Zealand.

3 | pasundayag

TULUMANON SA KBNZ AGM OG ELEKSYON SA MGA OPISYALES 2012 PART 1 6:00 - 6:30 Registration 6:30 - 6:35 Invocation Fr. Sam Pulanco 6:35 - 6:45 Welcome Remarks & President’s Address Rosendo Menchavez 6:45 - 7:00 Treasurer’s Report & Amendments of report & Constitution Jojo Taghoy 7:00 – 7:30 D I N N E R PART 2 7:30 – 8:00 Tahanang Pilipino Presentation Agnes Granada

Pasundayag sa Huning Binisaya • Romy Loay • Cherry Castanarez • Ronald Bate • Dexter Ycong • Gail Cooke • KIS

8:00 – 8:30 Proclamation & Induction of Newly elected KBNZ Officers Election Committee & Inducting Officer Acceptance Speech Elected President Message Dr Tony Noblejas 8:30 – 8:35 Hip-Hop Meor Cerna & company 8:35 – 9:00 Games Minda Villaver 9:00– 11:00 Dance Number D’ Officers D I S C O DJ DXTR Raffles EMCEES: Ado Flores and Aljane Estrada

PAHIMANGNO Gikasabutan sa Board of Trustees sa Katilingbang Bisaya sa New Zealand nga aron ma-miembro sa asosasyon ang gikinahanglan lamang mao ang pagbayad sa Membership Fee nga $10 sa kausa ra sa kada banay. Ang maong Membership Fee para sa lifetime membership.

4 | pasundayag