U noj múuch’táambalil múul noj lu’umo’ob wáa naciones unidase’, tu yóo’lal u k’a’ananil u chíimpolta’al u k’ub óolal le x ma’ bo’olil meyajo’obo’, tu jets’ob ichil jump’éel múuch’táambal beetchaj tu k’iinil 17 ti’ diciembre tu ja’abil 1985e’, u yantaj jump’éel u noj máank’inal u x ma’a bo’olil meyaj máak, ku chíikpajal te’ ju’un, A/RES/40/212: tu’ux ku chíimpolta’al u k’a’ananil u tóoch’ta’al u meyaj máak x ma’ bo’olil, wáa voluntario, je’ex ti’ le ku meyajo’ob yéetel múucht’áambalo’obo’, le ku meyajo’ob yéetel ya’ab noj lu’umo’obo’, le ku meyaj yéetel tak ka’ap’éel noj lu’umo’, wáa le chéen ichil jump’éel noj lu’umo’, wáa beey xan ku múul meyajo’ob yéetel jala’acho’ob, wáa chéen yéetel u yáantajo’ob. Le noj múul noj lu’umo’obo’(ONU) ku payalt’antik tu láakal jala’acho’ob tia’al ka’ u k’iimbeso’ob láalaj 5 ti’ dic-iembre u noj máank’inal u x ma’abo’olil meyaj máak ikil u yila’al u jóok’sa’al táanil kaaj. Beey túuno’ tu wi’inalil diciembre tu ja’abil 2012e’, ts’aab k’ajóoltbil le ts’ok ch’a’a t’aan A/RES/67/138, “ka táakbesa’ak x ma’ bo’olil meyaj te tu láak’ lajunp’éel ja’abo’obo’”. Leti’ beetik túune’ u jala’achil u noj lu’umil Méxicoe’ tu jets’aj u ts’a’ik jump’éel náajal ti’ le u x ma’ bo’olil meyaj máako’, le je’ela’ ku beeta’al tia’al u yáanta’al, yéetel tia’al u tóoch’ta’al u meyaj le máaxo’ob beetik jejeláas x ma’ bo’olil meyajil tia’al u yáantiko’ob kaaj yéetel kajnáalo’obo’. le náajala’ yaan u ts’aabal ikil úuchak u je’ets’el le U Noj Náajalil u x Ma’ Bo’olil Meyaj Máak, ts’aab kajóoltbil te’ diario o�cial tu k’iinil 7 ti’ septiembre tu ja’abil 2009o’, le náajala’ yaan u k’u’ubul ichil u k’iimbesajil U Noj Máank’inal X Ma’a Bo’olil Meyaj Máak, le óo’lale’ u noj ja’alchil Méxicóo pa’te’e yéetel u mola’ayilo’obe’:

KU PAYALT’AANTIKO’OBTu láakal máak wáa máaxo’ob táakbesik múuch’kabilo’ob, tu’ux u meyajo’obe’ jach yaan ba’axo’ob u yil yéetel áantaj, wáa x ma’ bo’olil meyaj tia’al u yáantik u jóok’siko’ob táanil u kaajalo’ob, tia’al ka yoks u k’aabao’ ichil le máaxo’ob unaj u k’amiko’ob le U Noj Náajalil X Ma’ Bo’olil Meyaj Máak Yéetel Áantaj 2015.

U JÁAJATSILO’OB MÚUCH’ MÁAKO’OB: Múuch’kabilo’ob u beetmajo’ob x ma’ bo’olil meyaj, yéetel le meyaj u beetmajo’obo’ yaan ba’ax u yil yéetel u beetchajal tuukul meyaj wáa u jaakunsa’al tuukul meyaj tia’al u yáantik u kaajalo’ob, u k’a’ananile’ wáa chíikpaj u yich le meyaj ichil le kaajo’. JUNTÚUL MÁAK: Máaxo’ob táakbesik múch’kabilo’ob ba’ale’ jach chíik’a’an u x ma’ bo’olil meyaj tu juunalo’ob, jach u k’ubmaj u yóolo’ob ti’, yéetel ku chíikpajal u yich u meyajo’ob tu kaajalo’ob.TÁANKELEM WÁA X LO’BAYANO’OB: Táankelem wáa x lo’bayano’ob sijnalo’ob Méxicóo, ku táakpajalo’ob ichil x ma’ bo’olil meyaj tia’al u beetiko’ob wáa u k’i’itbesiko’ob múul áantaj tia’al kajnáalo’ob, yéetele’, ku chíikpajal u yich u meyajo’ob ichil u kaajalo’ob.

U NÁAJALILO’ MÚUCH’ MÁAKO’OB: $200,000.00 (Doscientos mil pesos M.N.) JUNTÚUL MÁAK: $100,000.00 (Cien mil pesos M.N.) TÁANKELEM WÁA X LO’BAYANO’OB: $100,000.00 (Cien mil pesos M.N.)

BA’AXO’OB K’A’ABET TIA’AL LE NÁAJALO’Ichil u k’iimbesajil U Noj Máank’inal X Ma’ Bo’olil Meyaj Máak ikil u yila’al u jóok’sa’al táanil kaaje’, yaa u ts’aabal u chíimpolalil U Noj Náajalil X Ma’ Bo’olil Meyaj Yéetel Áanta 2015 ti’ le jach ma’alob meyajo’ob ku oksláantbil ti’ láalaj jaatso’.

BA’AXO’OB K’A’ABET TIA’AL U BÉEYTA’AL U YOKSA’AL K’AABA’ TE KETLAMA’:1. U yoksa’al u k’aaba’ wáa máax tumeen u mola’ayilo’ob kaaj wáa ma’, tumeen ka’ap’éel wáa u ya’abil mola’ayilo’ob ti’ le jejeláas jala’chilo’obo’, tumeen máaxo’ob táakbesik múuchkabilo’ob wáa tumeen chéen kajnáalo’ob, wáa beey xan kúuchi lo’ob meyaj wáa empresas, ba’ale’, unaj máaxo’ob jach u k’ajóolo’ob yéetel ku éejentiko’ob u x ma’ bo’olil meyaj le máax ku yoksiko’ob u k’aabao’. Utia’al le u jaat sil múuch’ máako’, le múuch’kabilo’obo’ je’el u béeytal u ts’íibtiko’ob u k’aaba’ u yéet múch’kabilo’ob u yojelo’ob ku beetiko’ob x ma’ bo’olil meyaj xane’, chéen k’a’abet u ye’esiko’ob le meyaj beeta’ano’, jach jaa x ma’ bo’olil meyaj, yéetel unaj u chíikpajal jach jaa u meyaj le máaxo’ob oksa’an u k’aabaobo’, ma’ u meyaj le múuch’kabil oksik le k’aabao’.(le máax chéen leti’ oksik u k’aaba’e, ma’ k’ambe’eni’).2. U chíikpajal u múul meyaj yéetel u kajnáalilo’ob Méxicóo.3. Tia’al le jaatsilo’ob múuch’ máak yéetel juntúul máako’, unaj ts’o’ok u máan jo’op’éel ja’abo’ob x ma’ je’elelil jo’op’ok u x ma’ bo’olil meyajo’ tia’al u yáantik u kaaja lob, utia’al táankelem wáa x lo’bayano’obe’ óoxp’éel ja’ab. Unaj xan u k’ub chajal ju’uno’ob e’esik le meyajo’oba’.4. K’a’abet lu’umkabil Méxicóo, wáa chéen kajakbal weye’ ba’ale’ yaan ju’uno’ob e’esik u béeytal ti’.5. Tia’al u yoksik u k’aaba’ máak ti’ le jaatsil táankelem wáa x lo’bayano’obo’, k’a’abet yaan 18 wáa tak 29 ja’abo’ob ti’, tak tu k’iinil u k’áalal le payalt’aana’. Unaj u táak besa’al jump’éel j’un e’esik.(je’el bix u credencialil yéeyaj ku ts’a’ik IFEo’ wáa u ju’unil síijil).6. U k’ubchajal escaneado le ju’uno’ob e’esik u x ma’ bo’olil meyaj le máax wáa múuch’kabil ku yoksa’al u k’aabao’: u ts’íibil u kuxtal wáa máax, ts’íibo’ob ts’aaba’an k’ajóoltbil tio’lalo’, u xóoxot’al ts’albil ju’uno’ob, u tsikbalil u meyajo’ob u’uybil wáa cha’antbil, chíimpolalo’ob, ichil u láak’o’ob. chéen wa tu súutukil u ts’íibta’al le k’aaba’ ku k’u’ubul ti’ ju’un wa impreso yéetel originales, tu láakal le ba’ax ku k’u’ubul ken oksa’ak le k’aabao’, je’el bix u tsolil ba’axten ku yoksa’al le k’aabo’ yéetel le chíiku lo’ob e’esik le meyajo’, ma’atan u su’utul, le óo’lal k’a’abet u k’ubu’ul chéen u yooche lo’ob, wáa bey xan chéen ta’akpaja’an ti’ nu’ukulo’ob je’el bix discos, dvd’s, wa ti’ u láak’.7. U k’u’ubul kex káamp’éel u ts’íib-tsikbal máaxo’ob naats’ yano’ob ti’ le máax táan u yoksa’al u k’aabao’, tu’ux ku chíimpoltiko’ob yéetel ku ye’esiko’ob jach jaa le u x ma’ bo’olil meyajo’, beey xan u k’ajóolo’ob u k’a’ananil le meyaj tia’al le kaajo’. (le ju’uno’ob ku ts’íibta’al tumeen wa máax tu’ux ku chíimpoltik u meyaj u láak’ máak wa cartas de recomendaciono’, ma’ k’ambe’eni’).8. Ma’ tu k’a’amal u yoksik máak u k’aaba’ tia’al le náajalo’.9. Ichil le óoxp’éel ja’ab ts’o’ok u máana’ le máaxo’ob ts’o’ok u yáax náajaltiko’ob le chíimpolala’, múuch’kabilo’ob wáa le máaxo’ob táakbesiko’obo’, ma’ tu béeytal u ka’ oksik u k’aabaobi’. (le máaxo’ob tu náajalto’ob chíimpolal tu yóo’lal u meyajo’ob wa menciones honorí�case’, je’el u béeytal u ka’ oksik u k’aabaob te ja’aba’).10. Unaj u k’ubiko’ob jump’éel ju’un tu’ux ku ye’esiko’ob, le taak’in ku xupiko’ob tia’al u yáantikubao’bo’, ma’ ti’ u tal ti’ le x ma’ bo’olil meyaj táan u yoksiko’ob tia’al le náajala’.Wáa ku binetik kex jump’éel ti’ tu láakal le ba’ax ku k’áatala’, yaan u jóok’sa’alo’ ti’ le ketlama’.

MÁAXO’OB KUN XAK’ALTIK LE MEYAJO’OBO’ YÉETEL KU TS’O’OKOL U T’AANO’OB. 1. Máaxo’ob kun xak’altik le meyajo’obo’ yéetel ku ts’o’okol u t’aano’ob tia’al le náajalo’, yaan u yéeyalo’ob tumeen le máaxo’ob beetik le ketlama’, ba’ale’ jo’olajun máak kun táakbesik: bolone’ ti’ ku taalo’ob ti’ u mola’ayilo’ob jala’acho’obe’, jo’otúule’ ti’ ku jóok’sbilo’ob ti’ múuch’kabilo’obe’ yéetel u ts’ook juntúule’ leti’ le wáa máax náajalnaj le ja’ab máaniko’.

BA’AX K’A’ABET TIA’AL U BÉEYTAL U YOKSIK U K’AABA’ MÁAK TE KETLAMA’1. Tia’al u yoksik u k’aaba’ máake’ electrónico wa internet kun k’ambil, tia’al le je’elo’ unaj u chupiko’ob le ju’un jets’a’an utia’al le oksaj k’aabao’, le je’ela’ ti’ yaan te kúuchilo’ob interneta’: www.premioaccionvoluntaria.gob.mx, ken okokeche’ ka bin te tsoolol yaan x ts’íiko’, ti’e yaan a kaxtik Postulación en Línea(chéen juntéen kun k’ambil u yoksik u k’aaba’ máax u k’áat táakpajal te ketlama’).2. Tia’al u yoksa’al k’aaba’ ti’ ju’um wa impresoe: yáaxe’ unaj u yéesik ti’ internet le ju’un unaj u chu’upulo’, ti’ yaan te kúuchil internet je’ela’: www.premioaccionvoluntaria.gob.mx Ken ts’o’okok u chu’upule’ unaj u túux ta’al ti’ accionvoluntariaysolidaria@indesol.gob.mx, ken ts’o’okoke’ unaj u túuxta’al ti’ mensajería wa ka k’ubchajak tu kúuchil INDESOL, yano’ob tu kúuchilil SEDESOL te xóoxot’lu’umo’ob yaan tu láakal Méxicóo, wa tu kúuchilil Instituto Nacional de Desarrollo Social (Indesol) ti’ yaan te’ 2ª cerrada de Belisario Domínguez N° 40, Col. Del Carmen, Delegación Coyoacán, C.P. 04100, México D.F., lunes tak viernes tu k’iintsilil 10:00 tak las 18:00 horas wa 6 u chíinil k’iin. Le k’aabao’ kun bisbilo’ob tu kúuchilil secretaría de Desarrollo social(SEDESOL), wa kun túuxtbil ti’ mensajería Tu kúuchilil INDESOLe’, una chúuka’an tu láakal le ba’ax ku k’áata’al tia’al u yoksa’al le k’aabao’, le je’ela’ eléctronico, wa ta’akan ti’ wa ba’ax nu’ukulil ku béeytal u xo’okol tumeen computadora.3. Le u ju’unilo’ob le oksaj k’aabao’, yaan u káasa’al u k’a’amal tu k’iinil 15 ti’ u wi’inalil Junio tak u kamp’éel k’iinil u wi’inalil Septiembre tu ja’abil 2015, u ts’ook k’iino’ yaan u ka’amal tak las 6 u chíinil k’iin wa ti’ ju’um wa USB, yéetel tak chúumuk áak’ab wa te tu páginai interneto’.4. Le máaxo’ob beetik le ketlama’ chéen ti’ letio’ yaan u páajtalil u jóok’siko’ob le máaxo’ob ma’ tu k’ubiko’ob tu láakal le ba’ax ku k’áatalo’, wáa beey xan ku chíikpajal táan u tuuso’ob yéetel ba’ax táan u k’ubiko’obo’.5. U ts’ook u t’aan le máaxo’ob kun xak’altik le meyajo’obo’, ma’ tu béeytal u k’e’exel, yéetel yaan u ts’aabal kajóoltbil tu k’iinil 13 ti’ noviembre ti’ 2015 te kúuchilo’ob yano’ob ti’ interneto’: www.premioaccionvoluntaria.gob.mx, www.indesol.gob.mx y www.salud.gob.mx

MÁAXO’OB BEETIK LE KETLAMA’• Secretaría de Salud• Presidencia de la República• Secretaría de Gobernación• Secretaría de Relaciones Exteriores• Secretaría de Educación Pública• Secretaría de Desarrollo Social • Secretaría de Hacienda y Crédito Público• Sistema Nacional para el Desarrollo Integral de la Familia (DIF)• Instituto Nacional de Desarrollo Social • Consejo Ciudadano Consultivo del Sistema Nacional para el Desarrollo Integral de la Familia

Utia’al u béeytal a k’áatpéeksik le ba’ax a k’áat tu yóo’lal le ketlama’, je’el u béeytal a t’aan te’e: 5554-0390 ext. 68122 ba’ale’ wáa ti’ a taal ti’ xóoxot’ lu’umo’obe’ ku béeytal a t’aan x ma’ bo’olil te’e: 01800 718 8621, ken ts’o’okok a yáax ts’aak le numero ka ts’áank’atik 9 yéetel le oochel #; wáa beey xan te kúuchilo’ob yano’ob ti’ interneto’: www.premioaccionvoluntaria.gob.mx, www.indesol.gob.mx y www.salud.gob.mx

Para conocer la ubicación de la o�cina de enlace del Indesol en su Estado favor de consultar: http://indesol.gob.mx/indesol-en-los-estados/

PAYALT’AAN TIA’AL U JA’ABILU noj náajalil u x ma’

bo’olil meyaj máak yéetel áantaj 2015