phau ntawvtes tswvcuab - ccah-alliance.org
TRANSCRIPT
Phau Ntawvtes Tswvcuab Povthawj Ntawm Txoj Kev Khomob
1
Cev Lus
Central California Alliance for Health yog dabtsi 3 Cov kev qhia tseemceeb rau cov tswvcuab tshiab 3 Kev yuav hu rau peb 4 10 yam tseemceeb tshaj plaws uas yuavtsum tau nco 6 Cov ntsiab lus 7 Yam koj yuav tau txais ntawm peb
(koj cov cai ua Alliance ib tus tswvcuab) 10 Yam peb xav tau ntawm koj 12 Koj Cov ID Cards 13
Koj Cov Kev Khomob
Tau Txais Medi-Cal 14 Medi-Cal uas muaj Feem Tau Nrog Them (SOC) 14 Tau txais thiab raug txiav Medi-Cal 15 Medi-Cal Txuas Ntxiv 15 Medi-Cal nrog Lwm Yam Kev Khomob 15 Medi-Cal nrog Medicare 17 Txoj Kev Pabcuam HIPP 19 Txoj Kev Pabcuam Healthy Families 19 Txoj Kev Pabcuam Healthy Kids 20
Kev Pib / Kev xaiv ib tus Kws Khomob
Koj Tus Thawj Kws Khomob 20 Kev xaiv ib tus Thawj Kws Khomob 20 Kev pauv koj tus Thawj Kws Khomob 22 Cov Administrative Tswvcuab 22
Kev Mus Khomob
Kev koomtes nrog koj tus Thawj Kws Khomob 23 Kev teem sijhawm mus khomob 25 Kev thim sijhawm teem mus khomob 25 Kev nrog koj tus kws khomob tham ua koj yam lus 26 Kev thauj mus khomob uas tsis yog xwmtxheej ceev 26 Kev pab rau cov tswvcuab uas muaj teebmeem kev tu-ncua hauv lub cev 27 Kev pab kom koj muaj kev nojqab haushuv 27 Cov qauv rau kev mus kuaj mob thiab sijhawm mus txhaj cov tshuaj tivthaiv 28
Cov Kev Khomob Tshwjxeeb / Cov Kev Tsocai
Cov Kev Xa Mus Ntsib Kws Khomob Tshwjxeeb 33 Kev Tsocai Uantej 34
Kev Pabcuam Tswvcuab – Peb muaj nyob los pab koj
Lub Chaw Pabcuam Tswvcuab (Member Services Department) 35 Yog koj tau txais ib daim nqi 35 Kev hais kev tsis txaus siab 36 Kev tshuaj kev tsis txaus siab sai 37 Lwm cov chaw uas yuav pab tau 37 Pab Neeg Tawm Tswvyim los Pab Tswvcuab 38 Kev txiavtxim siab txog koj cov kev khomob 38
Cov Txheejtxheem
2
Cov Kev Khomob thiab Kev Pabcuam uas yuav siv tau Kev khomob hawbpob 39 Kev Tswj Kom Tsis Txhob Muaj Menyuam 39 California Kev Khomob Rau Menyuam Yaus (CCS) 40 Kev mus kuaj mob thiab txhaj cov tshuaj tivthaiv rau
cov menuam yaus thiab cov hluas 40 Kev khomob ntshav qabzib 41 Kev kuaj mob & khomob siv radiology 41 Kev mus ntsib kws khomob 41 Khoom Siv Khomob Mus Ntev 42 Kev Ntxov Kuaj, Nrhiav Kabmob & Khomob (EPSDT) 42 Kev Khomob Xwmtxheej Ceev 42 Kev thauj mus khomob xwmtxheej ceev 43 Kev kuaj qhovmuag thiab tsom-iav 43 Kev npaj tsevneeg 43 Kev rov mus kuaj mob dua 43 Kev qhia txog kev nojqab haushuv 43 Kev mus so khomob 44 Kev kuaj ntshav 44 Cov Kev Khomob Allied uas Muaj Kev Txwv 45 Cov tshuaj noj 45 Kev khomob yav tsaus-ntuj thiab hnub so 46 Kev khomob hauv tsev laus 46 Kev rov xyaum ua haujlwm 47 Kev khomob thaum tawm lub cheebtsam khomob lawm 47 Kev qhia xyaum lub cev 47 Kev kho kotaw 48 Kev kuaj kev xeebtub thiab tomqab yug menyuam tas 48 Kev khomob tivthaiv 49 Cov kev khomob tsis pub leejtwg paub 49 Kev khomob tshwjxeeb 49 Kev rov xyaum hais lus 50 Kev thauj mus khomob uas tsis yog xwmtxheej ceev 50 Kev khomob sai 50 Txoj Kev Pabcuam Cov Pojniam, Cov Menyuam Mos
thiab Menyuam Yaus (WIC) 50 Cov kev khomob hauv Medi-Cal uas tsis muaj hauv lub Alliance 50
Daim Ntawv Qhia txog Kev Ceev Ntaub Ntawv 52
3
Central California Alliance for Health (the Alliance) yog dabtsi? Central California Alliance for Health (the Alliance) yog ib txoj kev npaj khomob rau cov tibneeg hauv Monterey, Santa Cruz thiab Merced counties uas tau txais Medi-Cal. Vim koj tau txais Medi-Cal, koj yog ib tus tswvcuab hauv lub Alliance. Qhov no txhais hais tias koj tau mus ntsib cov kws khomob uas zwm rau peb txoj kev npaj khomob thiab peb yuav yog tus them rau koj cov nqi khomob.
Yog koj nyob hauv Monterey, Santa Cruz lossis Merced County; thiab Koj tau txais Medi-Cal
Koj yog ib tus uas zwm rau hauv lub Alliance. Koj yuav muaj ib daim Medi-Cal card thiab daim Alliance ID card.
Qhov no txhais tau licas txog kuv? Koj yuav tau xaiv ib tus kws khomob los kho tagnrho koj tej mob. Peb hu tus kws khomob ntawd ua koj tus Thawj Kws Khomob lossis PCP. Yog koj yuavtsum tau mus ntsib ib tus kws khomob tshwjxeeb lossis mus kuaj mob tshwjxeeb, koj tus PCP yuav yog tus xa koj mus.
Xub mus ntsib lossis hu rau koj tus PCP uantej. Nrog koj tus PCP tham txog lwm yam kev khomob uas koj xav tau. Mus xyuas nplooj 6 txog cov kev khomob uas koj yuav mus kho tau ntawm tej
tus kws khomob uas kam txais Medi-Cal.
Kuv yuav xaiv ib tus PCP licas? Xyuas hauv Ntu (Section) 1 ntawm koj Phau Ntawv Teev Cov Kws Khomob. Thaum koj tau txais pob ntawv no, nws yuav muaj ob phau ntawv nyob rau hauv. Phau no yog Phau Ntawvtes Tswvcuab. Phau ob yog Phau Ntawv Teev Cov Kws Khomob.
1. Xyuas ntu uas teev cov Thawj Kws Khomob hauv Phau Ntawv Teev Cov Kws Khomob thiab xaiv ib tus kws khomob. Ua zoo xyuas tias tus kws khomob lossis lub tsev khomob tseem kam txais neeg mob tshiab.
2. Yog koj twb muaj ib tus kws khomob lawm thiab nws yog ib tus Thawj Kws Khomob xyuas saib puas muaj nws lub npe teev rau hauv peb phau ntawv teev cov kws khomob.
3. Ua Daim Ntawv Xaiv Kws Khomob uas tuaj nrog koj pob ntawv no thiab muab nws xa rov qab rau peb. Koj tsis tas yuav lo stamp rau lub hnab ntawv li. Koj hu xovtooj qhia rau peb tus kws khomob koj xaiv yog leeg twg los tau thiab.
Yog kuv tsis xaiv ib tus PCP nev? Koj muaj ib lub hlis los xaiv ib tus kws khomob. Yog peb tsis hnov dabtsi los ntawm koj thaum lub hli xaus, peb yuav cia li xaiv ib tus kws khomob rau koj. Peb yuav xaiv ib tus uas nyob ze rau koj lub chaw nyob.
Yog koj yuav xaiv ib tus PCP ntawm koj tuskheej, xa Daim Ntawv Xaiv Kws Khomob rau peb lossis hu rau peb ntawm 1-800-700-3874 ext. 5513.
Zoo siab tos txais los rau hauv koj txoj kev npaj khomob tshiab
4
Nws muaj qee yam uas yuav ua rau peb muab tsis tau ib tus PCP rau koj. Peb qhia txog qhov no nyob rau hauv nplooj 22. Yog koj muaj ib yam li uas hais no, koj yuav dhau los ua Alliance ib tus administrative tswvcuab. Koj yuav tsis muaj ib tus PCP.
Kuv puas pauv tau kuv tus PCP? Tau, koj pauv tau kws khomob. Hu rau peb ntawm 1-800-700-3874 ext. 5513. Tiamsis koj yuav tau nyob ntawm koj tus PCP tamsim no mus txog thaum lub hlis ntawd xaus. Thawj hnub ntawm lub hlis tomqab ntawd, koj mus ntsib tau koj tus PCP tshiab.
Xwsli: Yog koj hu tuaj rau peb kom peb pauv koj tus PCP ntawm lub Kaum Hlis tim 6, koj yuav mus ntsib tau koj tus PCP tshiab lub Kaum-ib Hlis tim 1.
Thaum twg kuv thiaj mam mus ntsib tau kuv tus kws khomob? Koj tsimnyog mus ntsib koj tus kws khomob tsis pub dhau 120 hnub (4 hlis) tomqab koj los ua Alliance ib tus tswvcuab. Hu rau koj tus kws khomob mus teem sijhawm mus kuaj mob thawj zaug. Nws tseemceeb uas koj yuavtsum tau mus kuaj mob li no thaum koj tseem tsis tau muaj mob. Tsis txhob tos txog thaum koj muaj mob tso mam li mus ntsib nws thawj zaug. Cia li hu mus rau nws sai. Qee zaum yuav yog li ob peb lub limtiam lossis ib lub hlis koj mam teem tau mus ntsib thiab kuaj mob thawj zaug.
Yog tias kuv muaj lus nug nev? Lub Alliance lub Chaw Pabcuam Tswvcuab (Member Services) yog muaj nyob los pab koj. Peb yuav pab tau koj xaiv ib tus kws khomob thiab qhia tau koj txog kev mus nrhiav kev khomob. Peb tseem xa tau ib daim DVD tuaj rau koj uas qhia txog lub Alliance – koj txoj kev npaj khomob tshiab.
Monday txog Friday thaum 8 a.m. txog 5 p.m. 1-800-700-3874 ext. 5513
Peb pab tau koj hauv xovtooj. Koj tsis tas tuaj ntsib peb. Tabsis yog koj xav tuaj ntsib peb hauv peb ib lub chaw ua haujlwm, thov hu mus teem sijhawm uantej.
Scotts Valley: Salinas: Merced: 1600 Green Hills Road, Ste. 101 339 Pájaro St., Suite E 530 W. 16th Street Scotts Valley, CA 95066 Salinas, CA 93901 Merced, CA 95340
Koj tseem mus xyuas tau peb lub web site. Ntaus rau hauv lub chaw nrhiav (search bar): No yog qee yam uas koj yuav pom hauv ntu uas hais txog Tswvcuab:
Daim ntawv teev cov kws khomob (Phau Ntawv Teev Cov Kws Khomob) Daim copy ntawm Phau Ntawvtes Tswvcuab no Daim ntawv teev cov tshuaj noj uas peb kam them rau (peb Daim Ntawv
Teev Tshuaj Noj) Daim ntawv uas xa tuaj rau peb paub tias koj xav pauv koj tus kws khomob Daim ntawv thov kev qhia txog kev ua tswvcuab tshiab Daim ntawv thov daim Alliance ID card tshiab Daim ntawv ua mus hais kev tsis txaus siab Daim ntawv teev cov kev khomob uas yuav siv tau Kev qhia txog lwm yam mob.
www.ccah-alliance.org
5
1. Hu rau lub Chaw Pabcuam Tswvcuab, Monday txog Friday thaum 8 a.m. txog 5 p.m. Qhia rau tus neeg sawvcev tias koj yog ib tus tswvcuab tshiab thiab thov kev qhia txog kev ua ib tus tswvcuab tshiab.
Scotts Valley: 831-430-5513 Salinas: 831-755-6000 ext. 5513
Hu dawb: 800-700-3874 ext. 5513 TTY: 877-548-0857
Merced: 209-381-5300 ext. 5513
2. Nyeem phau ntawv no uas yog Phau Ntawvtes Tswvcuab. Nws muaj tej kev qhia tseemceeb txog koj txoj kev npaj khomob tshiab.
3. Xaiv ib tus kws khomob lossis lub tsev khomob hauv ntu teev cov Thawj Kws Khomob hauv peb Phau Ntawv Teev Cov Kws Khomob los ua koj tus Thawj Kws Khomob lossis PCP.
No yog tej hom kws khomob uas los ua tau cov Thawj Kws Khomob: Kws Kho Tsevneeg lossis kho txhua yam: kho cov laus thiab menyuam yaus Kws Kho Menyuam Yaus: kho cov menyuam yaus nkaus xwb Kws Kho Nruabnrog: kho cov laus nkaus xwb Kws Kho Menyuam hauv Plab/ Kho Pojniam Chaw Xis: kho pojniam nkaus xwb.
4. Hu rau lub Chaw Pabcuam Tswvcuab thiab qhia rau lawv tias koj xaiv leejtwg los ua koj tus PCP. Lossis xa Daim Ntawv Xaiv Kws Khomob uas nrog pob ntawv no tuaj rau peb.
5. Teem sijhawm mus ntsib koj tus PCP sai li uas sai tau mus kuaj mob thawj zaug. Koj tsimnyog mus kuaj li no tsis pub dhau 120 hnub (4 hlis) tomqab los ua Alliance ib tus tswvcuab.
6. Niaj zaus khaws thiab muab koj daim Alliance ID card thiab koj daim Medi-Cal card rau lawv xyuas thaum mus ntsib kws khomob, mus pw khomob thiab mus yuav tshuaj noj.
7. Xub mus ntsib koj tus PCP uantej txog kev khomob. Koj tus PCP yuav xa koj mus ntsib lwm tus kws khomob yog tsimnyog. Koj tus PCP tseem yuav xa koj mus kuaj ntshav lossis thaij x-rays yog koj yuavtsum tau mus ua li ntawd.
Nws muaj qee yam kev khomob uas koj mus kho tau ntawm lwm tus kws khomob uas kam txhais Medi-Cal:
Kev khomob xwmtxheej ceev Kev npaj tsevneeg Cov kev khomob tsis pub leejtwg paub
Koj mus nrhiav tau cov kev khomob li hais no ntawm koj tus PCP lossis lwm tus kws khomob uas kam txais Medi-Cal. Koj tsis tas yuav kev xa mus los ntawm koj tus PCP li. Koj mus kuaj chaw xis thiab kuaj menyuam hauv plab tau ntawm txhua tus kws khomob OB/GYN uas kam txais Medi-Cal hauv Santa Cruz, Monterey lossis Merced county. Koj tsis tas yuav kev xa mus los ntawm koj tus PCP li.
8. Muab Phau Ntawvtes Tswvcuab no cia rau ib qhov chaw uas koj yuav rov mus nrhiav tau yoojyim.
Kev pib
6
1. Xaiv ib tus kws khomob lossis ib lub tsev khomob los ua koj tus PCP. Mus ntsib koj tus PCP txog txhua yam kev khomob.
2. Mus ntsib koj tus PCP tsis pub dhau 120 hnub (4 hlis) mus kuaj mob thawj zaug. Mus ntsib koj tus kws khomob thaum koj tseem tsis tau mob. Qhov no yog txoj kev uas zoo tshaj rau koj thiab koj tus kws khomob neb los sib paub.
3. Niaj zaug mus ntsib koj tus PCP txog kev xa mus ntsib kws khomob tshwjxeeb. Tsis txhob mus ntsib lwm tus kws khomob yam tsis tau mus ntsib koj tus PCP uantej.
4. Niaj zaus khaws thiab muab koj daim Alliance ID card thiab koj daim Medi-Cal BIC card rau lawv xyuas thaum mus ntsib kws khomob.
5. Hu rau koj tus PCP thaum koj xav tau kev khomob. Tsuas mus rau hauv chav khomob xwmtxheej ceev thaum koj muaj mob xwmtxheej ceev tiag nkaus xwb. Koj hu tau rau koj tus PCP 24 teev toj hnub, 7 hnub toj ib lub limtiam.
6. Yog koj muaj lus nug, hu rau lub Alliance lub Chaw Pabcuam Tswvcuab, Monday txog Friday thaum 8 a.m. txog 5 p.m., ntawm 1-800-700-3874 ext. 5513.
7. Yog koj tau txais Medicare: Medicare Part A Koj yuav tsis tau xaiv ib tus Alliance Medicare Part B PCP. Koj mus ntsib tau cov kws Medicare Part D (yuav tshuaj noj) khomob uas txais Medicare thiab lub thiab Medi-Cal, Alliance. Koj cov tshuaj noj feem
ntau yuav raug them rau los ntawm Medicare.
• Medicare Part A Koj yuav tsum tau xaiv ib tus (pw khomob) Alliance PCP. Koj yuav mus khomob
Medicare Part D (yuav tshuaj noj) ntawm koj tus PCP. Koj cov tshuaj thiab Medi-Cal, noj feem ntau yuav raug them rau
los ntawm Medicare. Medicare Part B Koj yuav tsis tau xaiv ib tus Alliance Medicare Part D (yuav tshuaj noj) PCP. Koj mus ntsib tau cov kws thiab Medi-Cal, khomob uas txais Medicare thiab lub
Alliance. Koj cov tshuaj noj feem ntau yuav raug them rau los ntawm Medicare.
8. Hu rau koj tus neeg tuav ntaub ntawv Medi-Cal hauv lub County yog koj muaj lus nug txog koj cov Medi-Cal, muaj lus nug txog koj Feem Tau Nrog Them (SOC) lossis tau khiav chaw nyob lossis hloov xovtooj lawm. Lossis, yog koj muaj Medi-Cal vim koj tau txais nyiaj SSI, hu rau lub Social Security Administration.
10 yam tseemceeb tshaj plaws uas koj yuavtsum tau nco
7
9. Yog koj xeebtub lossis xav tias koj xeebtub lawm, mus ntsib koj tus kws khomob mus kuaj kev xeebtub sai li uas sai tau. Koj mus ntsib tau txhua tus kws kuaj menyuam hauv plab lossis kws kho pojniam chaw xis (OB/GYN) uas nyob rau Santa Cruz, Monterey lossis Merced County uas kam txais Medi-Cal. Koj tsis tas yuav kev xa mus los ntawm koj tus PCP li.
10. Yog koj muaj ib qhov teebmeem lossis kev tsis txaus siab, nrog koj tus kws khomob tham lossis muab daim ntawv ua hais kev tsis txaus siab ntawm koj tus kws khomob lub chaw ua haujlwm. Lossis hu rau lub Chaw Pabcuam Tswvcuab ntawm 1-800-700-3874 ext. 5513.
Tus Administrative Tswvcuab
Muaj qee cov tswvcuab hauv Alliance uas yuav tsis raug muab cob rau ib tus kws khomob lossis tsev khomob. Cov tswvcuab no yuav tsis tau xaiv ib tus PCP. Lawv hu ua cov administrative tswvcuab. Lawv mus ntsib tau txhua tus kws khomob uas nyob hauv Santa Cruz, Monterey lossis Merced county uas kam txais Medi-Cal. Thov mus xyuas nplooj 23 txog kev qhia ntxiv tias yog vim licas ib txhia neeg thiaj li yog tus administrative tswvcuab.
Daim Alliance ID Card Yog daim card uas txoj kev npaj khomob xa tuaj rau koj. Nco ntsoov nqa nrog koj thiab muab nws thiab koj daim BIC card rau lawv xyuas thaum koj mus khomob. Koj daim ID card muaj koj tus PCP lub npe, chaw nyob thiab tus xovtooj nyob rau hauv.
Cia Li Muab Rau Yog thaum lub Alliance muab ib tus PCP rau koj vim koj tsis xaiv ib tus PCP thaum thawj lub hlis uas koj los ua tswvcuab.
Daim Card Khomob (BIC) No yog daim Medi-Cal card uas muaj xim xiav thiab dawb uas koj tau txais los ntawm lub xeev. Cov kws khomob yuav siv daim card no los tshuaj saib koj puas tau txais Medi-Cal. Koj tsimnyog yuav tau khaws daim card no cia txawm yog koj cov Medi-Cal raug txiav lawm losxij.
Cov Kev Khomob lossis Kev Khomob uas Siv Tau No yog cov kev khomob uas koj siv tau hauv lub Alliance.
California Kev Khomob Rau Menyuam Yaus (CCS) Yog koj tus menyuam muaj ib tus mob ntev lossis tus mob uas yuav ua rau tuag taus, tej zaum nws yuav tau txais California Kev Khomob Rau Menyuam Yaus (CCS). CCS yog ib txoj kev pabcuam hauv lub xeev rau cov menyuam yaus. CCS tsuas yog them rau kev kho tus mob ntev ntawd nkaus xwb. Lub Alliance tseem yuav them rau lwm yam kev khomob uas tsis hais txog CCS.
Central California Alliance for Health (Lub Alliance) Central California Alliance for Health yog koj txoj kev npaj khomob hauv Medi-Cal.
Cov ntsiab lus
8
Tsev Khomob Ib qhov chaw uas muaj cov kws khomob, cov neeg saib mob thiab lwm cov neeg muab kev khomob los sibkoom uake ua ib pab neeg muab kev khomob.
Kev Tsis Txaus Siab lossis Kev Daws Teebmeem Kev tsis txaus siab yog thaum koj tsis zoo siab txog cov kev khomob uas koj tau txais los ntawm ib tus kws khomob lossis los ntawm koj txoj kev npaj khomob. Txoj kev daws teebmeem yog txoj kev uas lub Alliance yuav siv los daws koj qhov kev tsis txaus siab.
Khoom Siv Khomob Mus Ntev Khoom siv los khomob rau hauv tsev vim koj muaj ib tus mob lossis ib yam kev raug mob, xwsli ib lub rooj zaum thawb ntog lossis tus pas txheem mus kev.
Kev Khomob Xwmtxheej Ceev Yog thaum uas koj xav tias koj yuav tuag lossis yuav ua rau muaj kev piamsij loj rau koj lub cev yog koj tsis mus khomob tamsim. Koj yuav tau txais kev khomob xwmtxheej ceev tsis hais thaum tseem nyob hauv lossis tawm ntawm lub Alliance lub cheebtsam khomob lawm.
Daim Ntawv Teev Cov Tshuaj Noj Daim ntawv teev cov tshuaj noj uas raug tsocai los ntawm lub Alliance tias koj yuav tau.
Txoj Kev Pabcuam Healthy Families Ib txoj kev khomob, kho hniav, thiab kho qhovmuag uas yuav nqi tsawg rau cov menyuam yaus mus txog hnub nyoog 19 xyoos uas tsis tau txais Medi-Cal dawb. Koj tsevneeg cov nyiaj uas khwv tau los yuavtsum yog qis tshaj tus ciam uas luag tau kom tseg.
Txoj Kev Pabcuam Healthy Kids Ib txoj kev khomob, kho hniav, thiab kho qhovmuag uas yuav nqi tsawg rau cov menyuam yaus mus txog hnub nyoog 19 xyoos uas tsis tau txais Medi-Cal dawb lossis txoj kev Pabcuam Healthy Families. Koj tsevneeg cov nyiaj uas khwv tau los yuavtsum yog qis tshaj tus ciam uas luag tau kom tseg. Muaj Txoj Kev Pabcuam Healthy Kids hauv Santa Cruz thiab Merced counties.
Tsimnyog Yuav Tau Kho Yog cov kev khomob uas muaj kev cobphum thiab kho tau tus mob zoo. Nws yuavtsum yog siv los khomob li lwm tus kws khomob hauv lub cheebtsam no yuav siv los kho ib tus mob, ib txoj kev raug mob, lossis ib hom mob. Koj yuav siv tsis tau cov kev khomob uas yoojyim rau ib tus tswvcuab lossis ib tus kws khomob.
Medicare Txoj kev khomob uas muaj los ntawm lub Social Security Administration rau cov tibneeg uas muaj hnub nyoog 65 xyoos lossis laus dua lawm. Tej zaum koj tseem yuav tau txais Medicare yog koj tau muaj mob ua tsis taus haujlwm tshaj li ob lub xyoos thiab uantej ntawd koj yeej ua haujlwm.
Medi-Cal Ib txoj kev pabcuam hauv tseemfwv qibsiab thiab lub xeev uas pab them rau cov nqi khomob yog tias koj khwv tau nyiaj los tsawg lossis muaj mob ua tsis taus haujlwm. Lub Alliance yog txoj kev npaj khomob rau cov tibneeg hauv Monterey, Santa Cruz thiab Merced counties uas tau txais Medi-Cal.
9
Tus Neeg Tuav Ntaub Ntawv hauv Medi-Cal Yog tus tibneeg hauv lub chaw ua haujlwm hauv lub County Social Services uas txiavtxim siab tias koj yuav tau txais Medi-Cal lossis tsis tau. Nws yuav yog tus uas los saib koj tsevneeg saib muaj pestsawg leej thiab khwv tau nyiaj los npaum licas.
Tus Tswvcuab Yog tus tibneeg uas tau txais kev khomob los ntawm lub Alliance.
Tus Neeg Sawvcev Pabcuam Tswvcuab Yog tus tibneeg uas ua haujlwm hauv lub Alliance los pab cov tswvcuab uas muaj lus nug txog txoj kev npaj khomob. Lawv los pab cov tswvcuab daws cov teebmeem uas lawv muaj txog cov kev khomob hauv txoj kev npaj khomob.
Kev Khomob Teebmeem Kev Xav Yog cov kev khomob uas siv los kuaj thiab kho kev mob teembeem kev xav lossis ib txoj kev nyuaj siab. Cov kev khomob no suav kev nrog tawm tswvyim, qhuabntuas thiab muab tshuaj rau noj. Cov kev khomob no yog muab los ntawm lub County Mental Health department hauv lub nroog uas koj nyob.
Tus Kws Khomob Uas Zwm Rau Peb Yog ib tus kws khomob, ib lub tsev khomob, tsev muag tshuaj lossis lwm tus neeg muab kev khomob uas muaj kev coglus yuav los khomob rau lub Alliance. Feem ntau, lub Alliance tsuas kam them rau cov nqi khomob uas tau txais los ntawm ib tus kws khomob uas zwm rau peb nkaus xwb. Xyuas koj Phau Ntawv Teev Cov Kws Khomob lossis hu mus rau peb lub Chaw Pabcuam Tswvcuab mus nug saib koj tus neeg muab kev khomob puas zwm rau hauv peb.
Tus Thawj Kws Khomob (PCP) Yog tus kws khomob lossis lub tsev khomob uas tswj thiab kho koj txhua yam mob. Lub Alliance cov tswvcuab feem ntau raug muab cob rau ib tus PCP. Tus kws khomob no yog tus uas koj yuav tau hu rau lossis mus ntsib thaum koj xav tau kev khomob. Xyuas koj Phau Ntawv Teev Cov Kws Khomob txog daim ntawv teev cov Thawj Kws Khomob.
Kev Tsocai Uantej Nws muaj qee yam kev khomob, tshuaj noj thiab khoom siv khomob uas koj yuavtsum tau kev tsocai los ntawm lub Alliance uantej koj yuav mus siv lossis yuav tau txais. Qhov no hu ua kev tsocai uantej. Nws txhais hais tias koj yuavtsum tau kev pom zoo los ntawm txoj kev npaj khomob uantej. Koj tus kws khomob thiab lub Alliance yuavtsum tau los sib pom zoo hais tias cov kev khomob uas koj xav tau ntawd yeej tsimnyog yuav tau kho lawm tiag. Ntau yam kev khomob yuavtsum tau kev tsocai uantej peb thiaj kam them rau. Yog koj tsis tau txais kev tsocai uantej, peb yuav tsis kam them rau qhov kev khomob ntawd.
Phau Ntawv Teev Cov Kws Khomob Yog phau ntawv teev cov kws khomob uas koj tus uas yog tswvcuab hauv lub Central California Alliance for Health yuav mus ntsib tau.
Kev Xa Mus Yog thaum koj tus PCP xa koj mus khomob ntawm lwm tus kws khomob, lossis xa koj mus kuaj tej yam mob. Koj tus PCP yuav ua Daim Ntawv Tsocai Xa Mus (RAF). Nws yuav xa ib copy mus rau tus kws khomob uas nws xa koj mus rau thiab ib copy mus rau lub Alliance.
10
Tus Kws Khomob Uas Koj Raug Xa Mus Rau Yog tus kws khomob lossis ib tus kws khomob tshwjxeeb uas koj tus PCP xa koj mus rau. Koj tus PCP yuavtsum nrog pom zoo tias koj yuav tau mus ntsib tus kws khomob ntawd uantej koj mus.
Cov Kev Khomob Uas Tsis Pub Leejtwg Paub Cov kev khomob uas tsis pub leejtwg paub yog xwsli: kev kuaj saib puas tau xeebtub, kuaj AIDS/HIV, rho menyuam, kuaj thiab kho kabmob kascees, thiab khomob thaum raug mos lossis raug yuam.
Cheebtsam Khomob Ib lub cheebtsam uas muaj kev khomob los ntawm txoj kev npaj khomob. Lub Alliance lub cheebtsam khomob yog hauv Santa Cruz, Monterey thiab Merced counties.
Feem Tau Nrog Them (SOC) Feem no yog feem uas qee tus tswvcuab yuavtsum tau them uantej txhua hli rau lawv cov nqi khomob. Feem tau nrog them no yog xam raws tus tswvcuab cov nyiaj khwv tau los. Koj tus neeg tuav ntaub ntawv hauv Medi-Cal hauv lub county yuav ua tus los txiavtxim siab txog qhov no. Thaum ib tus tswvcuab them tas nws Feem Tau Nrog Them lawm, nws yuav nkag los tau rau hauv txoj kev npaj khomob thiab los ua ib tus administrative tswvcuab.
Kev Khomob Sai Cov kev khomob koj tau txais uas tsis yog kev khomob xwmtxheej ceev, tabsis koj yuavtsum tau mus kho sai li uas sai tau. Kev khomob sai yog cov kev khomob uas koj xav tau sai los tivthaiv kom tsis txhob ua mob loj lossis muaj kev raug mob. Koj yuavtsum tau mus khomob sai ntawm koj tus PCP nkaus xwb tshwj thaum koj tawm hauv lub Alliance lub cheebtsam khomob mus lawm xwb.
Koj muaj cai: Raug hwm thiab saib taus.
Kom muab koj cov ntaub ntawv khomob ceev kom tsis pub leejtwg pom, raws li lub xeev thiab tseemfwv qibsiab tej kevcai. Yog koj lossis koj tus neeg sawvcev muab kev tsocai rau peb muab koj tej ntaub ntawv khomob rau lwm tus xyuas, peb yuav ua raws li tej uas koj hais.
Tuaj xyuas, luam copies thiab raws li txoj kevcai, hloov lossis kho koj tej ntaub ntawv khomob kom yog.
Paub txog tias txoj kev npaj khomob khiav licas thiab tej uas koj yuav siv tau yog dabtsi.
Tau txais neeg pab txhais lus dawb thaum koj mus nrhiav cov kev khomob uas siv tau.
Tau txais kev pab qhia kom koj totaub txog tej ntaub ntawv uas peb xa tuaj rau koj.
Koj cov Cai ua Alliance ib tus Tswvcuab
11
Tau txais cov kev khomob tivthaiv.
Koomtes nrog rau txoj kev txiavtxim siab txog txoj kev khomob, thiab txwv tsis pub kho tau.
Tau txais kev teb rau txoj kev thov kev tsocai uantej tsis pub dhau 14 hnub. Yog nws yog xwmtxheej sai peb yuav teb tuaj tsis pub dhau 24 teev.
Mus ntsib ib tus kws khomob tshwjxeeb mus thov lub tswvyim thib ob thaum tsimnyog.
Hais kev tsis txaus siab, tsis hais ntawm ncauj lossis hauv ntawv, txog txoj kev npaj khomob lossis txoj kev khomob uas koj tau txais. Koj tseem muaj cai thov Mus Hais Raws Kev Ncajncees hauv Xeev thiab tau txais kev qhia tias thaum twg thov tau mus sib hais kom sai.
Tau txais kev khomob xwmtxheej ceev tsis hais thaum nyob hauv lossis tawm hauv peb lub cheebtsam khomob mus lawm. Koj tsis tas yuav kev tsocai uantej rau kev khomob xwmtxheej ceev li.
Xaiv lossis pauv koj tus Thawj Kws Khomob hauv peb cov kws khomob.
Tau txais: Kev khomob hauv ib lub Tsev Khomob uas Tau Txais Kev Pab los ntawm
Tseemfwv Qibsiab (FQHC) yog koj xaiv nws ua koj tus PCP; Kev npaj tsevneeg thiab kev khomob uas tsis pub leejtwg paub ntawm txhua tus
kws khomob uas kam txhais Medi-Cal; Kev khomob hauv ib lub Tsev Khomob rau Neeg Qhab, yog tias koj yog Neeg
Qhab Amelikas. Peb yuav txwv tsis tau koj cov kev mus khomob hauv lub Tsev Khomob rau Neeg Qhab.
Kev khomob los ntawm tus neeg tau ntawv los pab khomob (CNP) thiab tus neeg tau ntawv los pab yug menyuam (CNM) uas ua haujlwm nrog ib tus kws khomob.
Kev kho pojniam chaw xis thiab/lossis kho menyuam hauv plab los ntawm ib tus OB/GYN hauv Santa Cruz, Monterey lossis Merced County uas kam txais Medi-Cal, yam tsis yuav kev xa mus los ntawm koj tus PCP.
Tau txais cov ntaub ntawv sau tuaj qhia cov tswvcuab ua lwm yam ntawv. Xwsli sau ua tus tsiaj ntawv loj lossis kaw rau hauv computer disk.
Ua ntawv ntxov qhia dejsiab uantej. Cov ntawv ntxov qhia dejsiab yog cov ntawv uas koj qhia rau cov kws khomob paub tias koj xav tau dabtsi thiab xav kom kho licas thaum koj hais tsis tau lus rau koj tuskheej lawm.
12
Koj Yuavtsum Tau:
Paub txog lub Alliance cov kevcai thiab ua raws li nws hais.
Ua raws li koj tus kws khomob txoj kev npaj khomob thiab cov lus hais.
Qhia rau koj tus kws khomob txog koj tus mob, tamsim no thiab yav tas los.
Mus ntsib koj tus kws khomob tsis pub dhau 120 hnub (4 hlis) mus kuaj mob thawj zaug.
Mus ntsib kws khomob raws li tau teem tseg. Yog koj xav thim, hu rau lawv paub li 24 teev uantej koj yuav tau mus ntsib tus kws khomob.
Hais lus zoo thiab fwm koj cov kws khomob, lawv cov neeg ua haujlwm thiab lub Alliance cov neeg ua haujlwm.
Nqa koj daim Medi-Cal BIC card thiab daim Alliance ID card nrog koj txhua lub sijhawm.
Muab koj cov cards rau lawv xyuas thaum koj mus khomob.
Qhia rau peb thiab koj tus neeg tuav ntaub ntawv Medi-Cal hauv county paub txog lwm txoj kev khomob uas koj muaj.
Ua raws li cov kevcai ntawm lwm txoj kev khomob uas koj muaj.
Mus siv chav khomob xwmtxheej ceev thaum koj muaj xwmtxheej ceev tiag nkaus xwb.
Qhia rau peb paub thaum koj khiav chaw nyob lossis hloov xovtooj. Hu rau lub Alliance lub Chaw Pabcuam Tswvcuab thiab koj tus neeg tuav ntaub ntawv Medi-Cal hauv County. Yog koj tau txais Nyiaj Xiam Oobqhab (Supplemental Security Income, SSI), hu rau lub Social Security Office. Peb txhua tus yuav tsum tau koj lub chaw nyob thiab tus xovtooj.
Kawm kom paub txog koj tej mob thiab yuav ua licas koj thiaj muaj kev nojqab haushuv.
Koj cov kev Yuav Tau ua hauv kev ua Alliance ib tus Tswvcuab
13
Thaum koj nyuam qhuav tau txais Medi-Cal, koj tau txais ib daim Medi-Cal card uas muaj xim xiav thiab dawb tuaj hauv lub Xeev tuaj. Daim Ntawv Khomob Medi-Cal no sau luv ua BIC.
Koj daim Medi-Cal lossis BIC card yog zoo li no:
Koj tseem yuav tau txais ib daim Alliance ID card uas peb xa tuaj rau koj. Daim card no yuav muaj koj tus kws khomob lub npe, chaw nyob thiab tus xovtooj nyob rau hauv. Nws yuav qhia koj cov kws khomob paub tias yuav xa cov nqi khomob mus rau qhov twg.
Koj daim Alliance card yog zoo li no:
Ob daim card no nyias yuav raug xa tuaj nyias ib lub sijhawm. Thov khaws ob daim cards no tibsi cia. Nqa koj daim Medi-Cal BIC card thiab koj daim Alliance ID card nrog koj txhua lub sijhawm. Koj yuav tau siv nws thaum koj mus khomob. Thaum ib tus kws khomob lossis tus neeg hauv tsev khomob lossis kws muag tshuaj nug koj txog koj txoj kev khomob, qhia rau nws tias koj tau txais Medi-Cal thiab koj yog ib tus tswvcuab ntawm lub Central California Alliance for Health. Niaj zaus muab koj ob daim cards rau lawv xyuas. Yog koj muaj lwm yam kev khomob muab daim card ntawm rau lawv xyuas thiab.
Koj Cov ID Cards
14
Medi-Cal los ntawm lub County Social Services
Yog koj tau txais Medi-Cal los ntawm lub county, ib tus neeg tuav ntaub ntawv Medi-Cal hauv lub county yog tus ua koj tej ntaub ntawv.
Qhia rau koj tus neeg tuav ntaub ntawv Medi-Cal hauv county paub yog koj muaj tej yam kev hloov li no:
koj lub chaw nyob koj tus xovtooj koj tsevneeg
koj cov nyiaj tau los thiab tej vajtsev koj lub npe tau lossis poob lwm txoj kev khomob.
Hu rau lub Alliance lub Chaw Pabcuam Tswvcuab yog koj pauv koj lub chaw nyob koj tus xovtooj.
Koj tus neeg tuav ntaub ntawv Medi-Cal hauv county yog tus tsomxam saib koj puas tsimnyog tau txais Medi-Cal. Lub Alliance tsis yog lub tsomxam saib leejtwg tau txais Medi-Cal.
Medi-Cal los ntawm lub Social Security Administration Tej zaum koj muaj Medi-Cal vim koj tau txais Nyiaj Xiam Oobqhab (SSI). Yog koj muaj Medi-Cal vim koj tau txais SSI, koj yuav tau nrog koj lub Social Security Office tham. Koj yuav tsis muaj ib tus neeg tuav ntaub ntawv Medi-Cal hauv county.
Yog koj tawm hauv Santa Cruz, Monterey lossis Merced county mus lawm, hu rau cov chaw ua haujlwm no mus qhia koj lub chaw nyob tshiab.
1. Koj lub 2. Koj lub 3. Lub Alliance Social Security Office qub Social Security Office tshiab
Tej zaum nws yuav siv sijhawm li ob peb lub hlis Social Security mam pauv tau koj lub chaw nyob hauv lawv lub system. Qhia rau lawv lub chaw ua haujlwm paub sai li uas sai tau thaum koj paub koj lub chaw nyob tshiab. Yog koj tsis qhia, tej zaum koj yuav muaj teebmeem tsis tau txais kev khomob hauv koj lub county tshiab.
Medi-Cal uas muaj Feem Tau Nrog Them (SOC) Yog koj ua haujlwm lossis muaj vajtsev, tej zaum koj yuav muaj cov Medi-Cal uas muaj Feem Tau Nrog Them. Feem Tau Nrog Them txhais hais tias koj yuav tau them rau ib feem ntawm cov nqi khomob txhua lub hlis, uantej Medi-Cal mam them cov seem tomqab ntawd. Koj tus neeg tuav ntaub ntawv hauv county yuav qhia rau koj yog tias koj muaj Feem Tau Nrog Them thiab nws yog npaum licas.
Txhua hlis, koj yuav tau them rau koj cov nqi khomob txog thaum qhov uas koj them ntawd npaum li koj Feem Tau Nrog Them. Tomqab ntawd lub Alliance mam them rau koj lwm cov nqi khomob rau lub hlis ntawd. Lub Alliance yuav tsis them rau koj cov nqi khomob txog thaum koj them tas Feem Tau Nrog Them uas koj muaj rau lub hlis ntawd.
Tomqab koj them tas Feem Tau Nrog Them lawm, koj mus ntsib tau txhua tus kws khomob hauv Santa Cruz, Monterey lossis Merced county uas kam txais Medi-Cal. Koj yuav tsis tau xaiv ib tus Thawj Kws Khomob.
Koj tau txais hom Medi-Cal twg?
15
Xwsli: Koj Feem Tau Nrog Them yog $300 thiab koj cov nqi khomob yog $500 rau lub Yim hlis:
Leejtwg Them → Koj Them $300 Feem Tau Nrog Them
Alliance Them $200 Medi-Cal pib them
Cov nqi kho mob rau lub Yim hlis →
$100 $100 $100 Daim nqi Daim nqi Daim nqi ib ob peb
$100 $100 Daim nqi Daim nqi plaub tsib
Tau Txais thiab Raug Txiav Medi-Cal Kev tau txais Medi-Cal muaj cuabkav yuav hloov ntawm ib lub hlis mus rau lwm lub hlis. Yog koj cov Medi-Cal raug txiav, koj yuav tsis yog ib tus tswvcuab hauv Alliance. Yog koj rov tau txais Medi-Cal dua hauv Santa Cruz, Monterey lossis Merced counties, ces koj yuav rov los ua ib tus tswvcuab hauv Alliance dua. Thaum koj rov los ua tswvcuab hauv lub Alliance, koj yuav tau tus kws khomob qub lossis lub tsev khomob qub uas koj muaj yav tas lawm los ua koj tus PCP. Hu rau lub Alliance yog koj tsis xav tau tus kws khomob qub lossis lub tsev khomob qub.
Kev Tau Txais Medi-Cal Rau Cov Hli Tas Los Yog koj tau mus khomob uantej koj tuaj thov Medi-Cal, koj thov tau kom pab them rau cov nqi khomob yav dhau los. Tej zaum Medi-Cal yuav kam them rau cov nqi khomob uas koj tau mus kho peb lub hlis uantej koj tuaj thov. Cov kev khomob yuavtsum yog siv Medi-Cal los them thiab koj yuavtsum yog mus kho ntawm ib tus kws khomob uas kam txais Medi-Cal. Yog koj tau txais kev pab them rau cov nqi khomob yav tas los, koj yuavtsum tau qhia rau tus kws khomob ntawd paub tias tamsim no koj muaj Medi-Cal rau cov hli ntawd lawm.
Yog koj twb xub them rau cov nqi khomob lawm, tus kws khomob tsimnyog xa cov nqi mus rau lub Alliance them thiab thim koj cov nyiaj uas koj twb them lawm rov rau koj. Nws yog koj li feemcuam uas yuav tau qhia rau tus kws khomob paub thaum koj tau txais Medi-Cal lawm.
Tomqab koj tau txais Medi-Cal lawm, koj muaj sijhawm txog li ib lub xyoos los thov kom Medi-Cal pab them rau cov hli dhau los.
Medi-Cal Txuas Ntxiv Yog koj pib khwv tau nyiaj ntau los, tej zaum koj cov Medi-Cal yuav raug txiav. Yog koj tseem xav tau Medi-Cal, nug koj tus neeg tuav ntaub ntawv txog cov Medi-Cal Txuas Ntxiv (TMC). TMC yuav muab Medi-Cal dawb rau koj ntxiv txog li 12 lub hlis toj ib zaug. Lub sijhawm koj yuav tau txais TMC uake tagnrho yog txog li 24 lub hlis. Thaum koj tau txais TMC, koj tseem yuav yog ib tus tswvcuab hauv Alliance.
Medi-Cal nrog Lwm Yam Kev Khomob (tsis yog Medicare) Yog koj muaj ntau tshaj li ib txoj kev khomob, luag muaj ib cov kevcai hais tias txoj twg yuav tau xub them uantej thiab txoj twg mam them tomqab. Qhov kev khomob uas tau them uantej yog hu ua thawj (primary) txoj kev khomob. Qhov kev khomob uas yuav tau them cov nqi ntxiv yog hu ua txoj kev khomob thib ob (secondary).
Yog koj muaj ib txoj kev khomob thiab Medi-Cal, koj txoj kev khomob yuav yog thawj txoj kev khomob. Yog koj thawj txoj kev khomob muaj tej cov kevcai tshwjxeeb, koj yuav tau ua raws li nws hais. Yog koj ua raws li cov kevcai ntawd, koj yuav tau them mentsis xwb
16
lossis tsis tau them dabtsi li rau cov nqi khomob. Yog nws muaj ib cov kws khomob thiab tsev khomob tshwjxeeb (uas zwm rau lawv qhov network) uas koj yuav tau mus ntsib hauv koj thawj txoj kev khomob, koj yuavtsum tau mus ntsib lawv. Yog koj tsis mus, tej zaum koj thawj txoj kev khomob yuav tsis them rau koj cov nqi khomob, thiab lub Alliance los yuav tsis kam them rau thiab.
Hais txog feem tau them (co-payments) lossis feem yuav tau them uantej (deductible) nev? Feem tau them yog ib tus nqi uas koj yuav tau them txhua zaus koj mus khomob. Feem tau them yuav muaj txhua zaum uas koj mus ntsib kws khomob lossis mus yuav tshuaj noj. Feem yuav tau them uantej yog ib tus nqi uas koj yuavtsum tau them txhua xyoo xwv koj thawj txoj kev khomob thiaj kam them cov nqi khomob rau koj.
Yog koj muaj ib txoj kev khomob thiab Medi-Cal, koj yuav tsis tau them dabtsi. Yog koj thawj txoj kev khomob muaj feem tau them lossis feem yuav tau them uantej los koj yuav tsis tau them rau nws. Tus kws khomob lossis lub tsev muag tshuaj noj tsimnyog xa tus nqi ntawm koj feem tau them thiab feem yuav tau them uantej mus rau lub Alliance them. Yog koj tus kws khomob lossis tsev muag tshuaj noj yuav kom koj them feem tau them hais kom lawv hu mus rau lub Alliance. Yog muaj tus yuav kom koj them, hu mus rau lub Chaw Pabcuam Tswvcuab mus nrhiav kev pab.
Lwm txoj kev khomob Yog thawj txoj kev
khomob Qee zaum muaj feem tau them Tej zaum muaj kevcai
tshwjxeeb
Medi-Cal Yog txoj kev khomob
thib ob Them koj feem tau them Koj yuavtsum ua raws cov (tshwj feem tau them hauv kev yuav kevcai hauv koj thawj txoj tshuaj noj yog koj muaj Medicare) kev khomob.
Tsev Muag Tshuaj Yog koj qhov kev khomob tsis kam them rau cov tshuaj noj, koj yuavtsum tau siv cov tsev muag tshuaj nyob hauv peb lub network. Cov npe ntawm cov tsev muag tshuaj nyob hauv peb Phau Ntawv Teev Cov Kws Khomob. Txhua tus kws khomob uas txais Medi-Cal sau tau ntawv mus yuav tshuaj noj, tsis yog koj tus PCP nkaus xwb. Lub Alliance muaj ib daim ntawv teev cov tshuaj noj uas tau kev tsocai los ntawm txoj kev npaj khomob lawm. Daim no hu ua daim ntawv teev cov tshuaj noj. Yog koj tus kws khomob xav tias koj yuav tau noj ib yam tshuaj uas tsis nyob rau hauv daim ntawv no, nws yuavtsum tau thov kev tsocai uantej los ntawm lub Alliance koj mam mus yuav tau. Koj tus kws khomob yuav tau qhia tias yog vim licas koj thiaj li yuavtsum tau noj cov tshuaj ntawd thiab tsis noj cov uas nyob hauv daim ntawv teev tshuaj noj. Peb yuav qhia rau koj tus kws khomob paub tias peb pom zoo tsocai rau los tsis pom zoo.
Thov tsis txhob them rau koj cov tshuaj noj. Peb yuav them rov qab tsis tau rau koj. Lub tsev muag tshuaj yuavtsum tau xa nqi tuaj rau peb.
Yog Koj Thawj Txoj Kev Khomob Tas Yog koj thawj txoj kev khomob raug txiav, qhia rau koj tus neeg tuav ntaub ntawv Medi-Cal hauv county. Yog koj tau txais Medi-Cal los ntawm Social Security, qhia rau lawv.
17
Medi-Cal nrog Medicare Medicare yog ib txoj kev npaj khomob rau cov tibneeg uas muaj hnub nyoog 65 xyoos lossis laus dua. Cov tibneeg uas lawv mus ua haujlwm tsis tau vim lawv muaj mob los tau txais Medicare thiab. Thaum koj mus ntsib kws khomob, muab koj daim Alliance card thiab koj daim Medicare card rau lawv xyuas.
Nws muaj peb feem (parts) hauv Medicare: Medicare Part A them rau kev mus pw khomob Medicare Part B them rau kev mus ntsib kws khomob, kuaj mob thiab thaij x-rays Medicare Part D them rau cov tshuaj noj.
Yog koj muaj Medicare Parts A, B & D thiab Medi-Cal
Koj qhov Medicare yog thawj txoj kev khomob Koj tsis tas yuav kev tsocai
los ntawm lub Alliance rau kev mus pw khomob.
Koj mus ntsib tau txhua tus kws khomob uas kam txais Medicare, tshwj koj muaj Medicare Advantage Plan.
Medicare muaj ib feem yuav tau them uantej txhua xyoo thiab tus nqi nrog them.
Tus kws khomob yuavtsum tau xa qhov nqi feem yuav tau them uantej thiab tus nqi nrog them mus rau lub Alliance them.
Koj qhov Medicare yuav them rau koj cov tshuaj noj. Koj yuav tau nrog them mentsis rau koj cov tshuaj noj txhua zaum mus yuav.
Lub Alliance yuav them rau qee yam tshuaj noj uas Medicare tsis kam them.
Thiab Koj Qhov Medi-Cal yog txoj kev khomob thib ob Tus kws khomob xa qhov nqi
feem yuav tau them uantej thiab tus nqi nrog them mus rau lub Alliance them.
Koj yuav tsis tau xaiv ib tus Alliance PCP. Koj mus ntsib tau tus kws khomob uas kam txais Medicare thiab kam xa nqi khomob tuaj rau lub Alliance.
Yog koj muaj Medicare Parts A & D nkaus xwb nrog Medi-Cal Koj tsis tas yuav kev tsocai
los ntawm lub Alliance rau kev mus pw khomob.
Koj yuavtsum tau mus ntsib koj tus Alliance PCP thiab koj tus PCP mam xa koj mus rau tus kws khomob tshwjxeeb.
Koj qhov Medicare yuav them rau koj cov tshuaj noj. Koj yuav tau nrog them mentsis rau koj cov tshuaj noj txhua zaum mus yuav.
Lub Alliance yuav them rau qee yam tshuaj noj uas Medicare tsis kam them.
Yog koj muaj Medicare Parts B & D nkaus xwb nrog Medi-Cal Koj yuavtsum tau kev tsocai
los ntawm lub Alliance rau kev mus pw khomob, tshwj tias nws yog xwmtxheej ceev.
Koj yuav tsis tau xaiv ib tus Alliance PCP. Koj mus ntsib tau tus kws khomob uas kam txais Medicare thiab nws kam xa nqi tuaj rau lub Alliance.
Koj qhov Medicare yuav them rau koj cov tshuaj noj. Koj yuav tau nrog them mentsis rau koj cov tshuaj noj txhua zaum mus yuav.
Lub Alliance yuav them rau qee yam tshuaj noj uas Medicare tsis kam them.
18
Hom Medicare Qub Ntawm hom Medicare qub,
Koj tau them ib tus nqi txhua hli rau Part B – feem uas them rau kev mus ntsib kws khomob. Yog koj tsimnyog tau txais, lub xeev yuav pab them rau Part B.
Koj tsis tau them dabtsi rau Part A – feem uas them rau kev mus pw khomob
Koj yuav tsis tau xaiv ib tus Alliance PCP. Koj mus ntsib tau tus kws khomob uas kam txais Medicare thiab kam xa
cov nqi ntxiv tuaj rau lub Alliance uas yog koj txoj kev khomob thib ob.
Medicare Advantage Plans Hom Medicare no txhais hais tias koj tau mus sau npe yuav Medicare ib txoj kev npaj khomob. Hauv qee txoj Medicare Advantage plans koj yuav tau xaiv ib tus PCP. Yog koj xav mus ntsib ib tus kws khomob tshwjxeeb, koj tus PCP yuav xa koj mus. Hauv lwm txoj, koj mus ntsib tau txhua tus kws khomob hauv txoj kev npaj khomob.
Hom Medicare no muaj ib cov kevcai. Koj tau them ib tus nqi txhua hli rau kev mus pw khomob thiab mus ntsib
kws khomob Koj yuav tau them mentsis txhua zaum koj mus ntsib kws khomob Koj xaiv ib tus kws khomob hauv txoj kev npaj khomob ntawd phau ntawv
teev cov kws khomob.
Kev Khomob Los Ntawm Veterans Administration Yog koj tsimnyog tau txais kev khomob los ntawm lub Veterans Administration (VA) Health Care system, koj yuav tau siv nws uantej koj siv Medi-Cal. Nws muaj cov tsev khomob VA mus kho rov los tsev hauv Capitola, Monterey, San Jose, Atwater thiab Tulare. Nws muaj cov tsev khomob VA uas mus pw khomob tau hauv Fresno thiab Palo Alto. Cov chaw nyob thiab xovtooj yog li hauv qab no.
Tsev Kuaj Mob lossis Khomob VA Npe Chaw nyob & Xovtooj Palo Alto VA Hospital
3801 Miranda Avenue, Palo Alto 1-800-455-0057
Central California VA Hospital
2615 E. Clinton Avenue, Fresno 559-225-6100
Castle Outpatient Clinic 3605 Hospital Road, Suite D, Atwater 209-381-0105
Capitola Outpatient Clinic 1350 N. 41st Avenue, Capitola 831-464-5519
Monterey Outpatient Clinic 3401 Engineering Lane, Seaside 831-883-3800
San Jose Outpatient Clinic 80 Great Oaks Blvd., San Jose 408-363-3000
South Valley Outpatient Clinic 1050 N. Cherry St., Tulare 559-684-8703
19
Txoj Kev Pabcuam HIPP Yog koj tau them rau koj thawj txoj kev khomob thiab muaj nqi khomob siab, tej zaum koj yuav tau txais kev pab los ntawm txoj kev pabcuam HIPP. Yog koj cov nqi khomob ua rau koj them tsis taus koj tus nqi premium txhua hli, hu rau peb. Yog koj tsimnyog tau txais kev pab, peb yuav pab koj them rau koj tus nqi premium.
Yog xav paub saib koj puas tsimnyog tau txais kev pab, hu rau lub Alliance Tus Neeg Saib Kev Tsib Nqi ntawm 1-800-700-3874 ext. 5622.
Medi-Cal Kev Tsib Nqi ntawm Tej Vajtsev lossis Nyiaj Txiag Lub Xeev California yuavtsum tau mus tsib cov nqi khomob uas Medi-Cal tau them rau ib tus neeg uas tau txais Medi-Cal thaum nws muaj hnub nyoog 55 xyoos lossis tomqab ntawd ntawm nws tej vajtsev lossis nyiaj txiag uas tseem tshuav tomqab uas nws tuag lawm. Cov neeg tau txais Medi-Cal uas nkag rau (tuamyeem lossis raug samfwm) ib txoj kev tswj kev npaj khomob, lub Xeev yuavtsum tau mus tsib cov nqi uas lawv tau pab them/tau them rau lub sijhawm uas nws nkag mus rau hauv txoj kev tswj kev npaj khomob. Dau li, lwm yam nqi khomob uas nws mus kho ntawm cov kws khomob uas tsis zwm rau hauv txoj kev npaj khomob ntawd los yuav raug tsib ntawm nws tej vajtsev lossis nyiaj txiag uas tseem tshuav thiab. Yog xav paub ntxiv txog txoj Kev Tsib Nqi ntawm Tej Vajtsev lossis Nyiaj Txiag uas tseem tshuav nkaus xwb, hu rau 1-916-650-0490, lossis mus nrhiav kws lijchoj.
Thov tsis txhob hu rau koj tus neeg tuav ntaub ntawv Medi-Cal. Nws tsis muaj tej kev qhia no, yog li nws yuav pab koj tsis tau.
Qhov no txhais tau tias lub Xeev yuav hais tau kom them cov nqi rov qab tomqab uas tus neeg tau txais Medi-Cal tuag lawm. Lub Xeev yuav tsib cov nqi ntawd ntawm tus tibneeg ntawd tsevneeg lossis tej vajtsev lossis nyiaj txiag uas tseem tshuav. Lub Xeev tsib tau cov nqi khomob uas tus neeg ntawd tau txais tomqab nws muaj hnub nyoog 55 xyoos. Yog tus neeg ntawd zwm rau hauv ib txoj kev npaj khomob li lub Alliance, tus nqi uas lub Xeev yuav tsib tau yog tus nqi uas lub Xeev tau them rau txoj kev npaj khomob ntawd. Qhov no tsis yog tus nqi uas txoj kev npaj khomob tau them rau nws cov kev khomob. Yog koj muaj lus nug txog qhov no, thov hu rau txoj Kev Tsib Nqi ntawm Tej Vajtsev lossis Nyiaj Txiag ntawm 1-916-650-0490.
Kuv puas Tawm tau hauv lub Alliance mus? Koj yuav tawm tsis tau hauv lub Alliance mus.
Koj yuav xaus kev ua tswvcuab hauv Alliance yog tias: Koj cov Medi-Cal raug txiav Koj khiav tawm hauv lub Alliance lub cheebtsam khomob mus lawm Koj cov Medi-Cal hloov mus ua ib hom uas nkag tsis tau rau lub Alliance.
Txoj Kev Pabcuam Healthy Families Txoj Kev Pabcuam Healthy Families yog rau cov menyuam uas tsis tau txais Medi-Cal dawb. Cov menyuam yuavtsum muaj hnub nyoog qis tshaj 19 xyoos. Cov tsevneeg tau them ib tus nqi txhua hli. Tus nqi yog xam raws tej menyuam thiab tsevneeg cov nyiaj khwv tau los. Nws muaj kev tau nrog them mentsis rau qee yam kev khomob.
Txoj Kev Pabcuam Healthy Families yuav them rau: Kev mus ntsib kws khomob thiab mus pw khomb Kev khomob xwmtxheej ceev Kev mus kuaj mob raws sijhawm thiab txhaj tshuaj tivthaiv Kev kho hniav thiab kho qhovmuag
20
Yog xav paub ntxiv txog Txoj Kev Pabcuam Healthy Families, hu rau Txoj Kev Pabcuam Healthy Families ntawm 1-800-880-5305. Lossis hu rau Alliance lub Chaw Pabcuam Tswvcuab ntawm 1-800-700-3874. Peb qhia tau koj ntxiv txog Txoj Kev Pabcuam Healthy Families. Peb tseem pab koj thov tau!
Txoj Kev Pabcuam Healthy Kids Txoj Kev Pabcuam Healthy Kids yog rau cov menyuam yaus uas tsis tau txais cov Medi-Cal dawb lossis Txoj Kev Pabcuam Healthy Families. Cov menyuam yuavtsum yog muaj hnub nyoog qis tshaj 19 xyoos. Cov tsevneeg yuav tau them nqi peb hlis twg ib zaug rau tej tus menyuam uas tau txais kev pabcuam. Tus nqi yog xam raws tej menyuam thiab tsevneeg cov nyiaj khwv tau los. Nws muaj kev tau nrog them mentsis rau qee yam kev khomob.
Txoj Kev Pabcuam Healthy Kids yauv them rau: Kev mus ntsib kws khomob thiab mus pw khomb Kev khomob xwmtxheej ceev Kev mus kuaj mob raws sijhawm thiab txhaj tshuaj tivthaiv Kev kho hniav thiab kho qhovmuag
Muaj Txoj Kev Pabcuam Healthy Kids nyob rau hauv Santa Cruz thiab Merced counties. Yog xav paub txog Txoj Kev Pabcuam Healthy Kids hauv Santa Cruz County hu rau 831-454-2515 lossis 831-763-8568. Yog xav paub txog Txoj Kev Pabcuam Healthy Kids hauv Merced County hu rau 209-381-1267.
Cov Tsev Khomob thiab Kws Khomob Cov Chaw
Lub Alliance muaj kev coglus nrog cov kws khomob hauv Santa Cruz, Monterey thiab Merced counties los khomob rau peb. Yog xav tau cov chaw nyob ntawm txoj kev npaj khomob cov Thawj Kws Khomob, cov kws khomob tshwjxeeb, cov tsev khomob, cov neeg muab kev khomob, cov tsev muag tshuaj thiab lwm cov kws muab kev khomob, thov mus xyuas hauv Phau Ntawv Teev Cov Kws Khomob. Yog koj tsis muaj Phau Ntawv Teev Cov Kws Khomob, thov hu rau lub Chaw Pabcuam Tswvcuab ntawm 1-800-700-3874 ext. 5513.
Yog vim licas kuv thiaj li yuav tau muaj ib tus Thawj Kws Khomob – PCP?
Nws yog tus kws khomob uas yuav kho koj cov mob feem ntau. Koj tus PCP yuav ntsib thiab kuaj koj raws sijhawm thiab ntsib koj thaum koj muaj mob. Koj tus PCP yuav paub txog koj tej keebkwm kev mobnkeeg thiab tej tshuaj uas koj noj. Koj tus PCP tseem yuav yog tus xa koj mus rau lwm tus kws khomob lossis tsev khomob thaum tsimnyog.
Kuv yuav xaiv ib tus PCP licas? Koj tsimnyog twb tau txais koj Phau Ntawv Teev Cov Kws Khomob nrog pob ntawv no lawm. Cov kws khomob cov npe yog teev A-txog-Z raws tej lub nroog. Phau ntawv tseem teev cov kws khomob cov chaw nyob, cov xovtooj, sijhawm ua haujlwm, hom lus uas lawv hais tau thiab lawv puas txais neeg mob tshiab.
Kev xaiv ib tus kws khomob los ua koj tus PCP
21
1. Xyuas kom thoob ntu teev cov Thawj Kws Khomob hauv Phau Ntawv Teev Cov Kws Khomob. Nws yog Ntu 1. Koj xaiv tau ib tus kws khomob lossis lub tsev khomob uas teev rau hauv ntu no. Xyuas saib tus kws khomob lossis lub tsev khomob puas txais neeg mob tshiab.
2. Koj puas muaj ib tus kws khomob lus sijhawm no? Yog koj tus kws khomob yog ib tus Thawj Kws Khomob, xyuas saib nws puas teev rau hauv peb phau ntawv teev cov kws khomob. Yog koj tus kws khomob lub npe teev rau hauv phau ntawv no, qhia rau peb
paub. Peb mam saib seb peb muab puas tau tus kws khomob ntawd rau koj. Yog koj muaj ib tus kws khomob uas tsis teev rau hauv phau ntawv no, thov
xyuas phau ntawv no thiab xaiv ib tus tshiab los ua koj tus PCP. Koj hu tau rau peb thiab peb mam nrog koj tus kws khomob tham saib nws puas xav los zwm rau peb. Tib lub sijhawm no, koj yuav tau xaiv ib tus kws khomob uas muaj npe nyob rau hauv peb phau ntawv teev cov kws khomob no.
Yog koj tus kws khomob lub npe muaj nyob hauv peb phau ntawm teev cov kws khomob no tabsis nws tsis yog ib tus Thawj Kws Khomob, koj yuav tau xaiv dua lwm tus kws khomob hauv peb phau ntawv teev cov kws khomob no los ua koj tus PCP.
3. Xyuas saib tus kws khomob ntawd puas kam txais neeg mob tshiab. Yog koj xaiv ib tus kws khomob uas tsis kam txais neeg mob tshiab lub sijhawm
no, koj yuav tau rov xaiv dua lwm tus kws khomob. Peb yuav hais rau koj kom xaiv dua lwm tus. Yog peb hu tsis tau koj, peb yuav cia li muab ib tus rau koj. Peb yuav muab ib tus uas nyob ze rau koj thiab kam txais neeg mob tshiab.
4. Yog ib tus kws khomob teev hais tias txais cov neeg uas tuaj dua lawm xwb Koj yuavtsum tau mus ntsib tus kws khomob ntawd dua lawm xyoo tas los, thiab Tus kws khomob pom zoo kam txais koj.
5. Ua Daim Ntawv Xaiv Kws Khoomob. Muab nws xa tuaj rau peb. Koj tsis tas lo stamp rau lub hnab ntawv li. Lossis koj hu tuaj xaiv ib tus kws khomob hauv xovtooj.
6. Tomqab uas koj xaiv koj tus PCP lawm, koj yuav tau txais ib daim Alliance ID card uas peb xa tuaj rau koj. Xyuas daim card saib nws puas muaj lub npe, chaw nyob thiab tus xovtooj ntawm koj tus PCP nyob rau hauv. Nqa koj daim Alliance ID card nrog rau koj daim Medi-Cal BIC card. Muab rau lawv xyuas thaum koj mus khomob. Koj daim Alliance ID card yuav hloov tsis tau koj daim Medi-Cal BIC card chaw.
Daim Ntawv Qhia Kev Xaiv ib tus PCP No yog qee yam uas koj yuav tau xav txog thaum los xaiv ib tus kws khomob:
Lub chaw ua haujlwm Koj puas xav tau ib tus kws khomob uas nyob ze rau koj lub tsev? Koj puas xav tau ib tus kws khomob uas nyob ze rau koj lub chaw haujlwm? Koj puas xav tau ib tus kws khomob uas nyob ze tsheb npav?
Sijhawm qhib Koj puas xav teem mus ntsib yav lig lossis hnub Saturday?
Hais Lus Koj puas xav tau ib tus kws khomob uas hais tau lwm yam lus dua li Askiv? Nws puas yoojyim rau koj siv ib tus neeg pab txhais lus?
Keebkwm Koj tsevneeg thiab cov phoojywg puas muaj ib tus kws khomob uas lawv nyiam? Koj puas muaj leejtwg uas taw koj rau ib tus kws khomob hauv peb phau ntawv?
22
Tsev Khomob Yog koj yuav tau mus pw khomob, puas muaj ib lub tsev khomob uas koj xav mus? Tus kws khomob uas koj xaiv puas xa tau koj mus pw lub tsev khomob ntawd? Nws puas tseemceeb uas koj yuav tau mus pw rau qee lub tsev khomob?
Koj Tsevneeg Koj puas xav kom tagnrho koj tsevneeg mus ntsib tib tus kws khomob? Koj puas xav kom koj tsevneeg mus ntsib dua lwm tus kws khomob?
Lub Alliance xyuas kom txhua tus kws khomob hauv peb lub network muaj laixees khomob thiab muaj insurance rau lawv tes haujlwm. Cov kws khomob no yog ib cov kws khomob uas cog lus los khomob rau peb cov tswvcuab xwb. Lawv tsis yog cov neeg ua haujlwm lossis neeg sawvcev rau lub Alliance.
Kuv puas pauv tau kuv tus PCP? Feem ntau mas nws zoo dua uas koj nyob twbywm ntawm tib tus kws khomob. Qhov no yuav ua rau koj tus kws khomob los paub txog koj thiab koj tej keebkwm kev mobnkeeg. Koj yuav nyob ntawm tus PCP no tshwj tias koj thov kom pauv. Koj pauv tau cov kws khomob los ntawm kev hu mus rau lub Chaw Pabcuam Tswvcuab. Tomqab uas koj thov pauv, koj tseem yuav nyob ntawm koj tus PCP tamsim no txog thaum lub hli xaus. Koj yuav mus ntsib tau koj tus PCP tshiab thawj hnub ntawm lub hlis tomqab ntawd. Peb yuav pauv koj tus PCP rau koj thiab xa ib daim Alliance ID card tshiab tuaj rau koj.
Xwsli: Koj thov pauv koj tus PCP rau lub Tsib hlis tim 6, koj mus ntsib tau koj tus PCP tshiab lub Rau hli tim 1.
Yog koj pauv kws khomob, nco ntsoov: Hais kom koj tus kws khomob qub muab koj cov ntaub ntawv khomob xa mus
rau tus kws khomob tshiab. Qhia koj tej kev khomob tshwjxeeb uas koj niajhnub muaj rau koj tus kws
khomob tshiab. Qhia rau koj tus PCP tshiab txog cov sijhawm uas koj twb teem yuav mus ntsib
kws khomob lawm.
Peb yuav hais kom koj pauv cov kwv khomob yog tias koj tus kws khomob so haujlwm lawm lossis tsiv hauv zos lawm lossis koj tus kws khomob tsis kam txais lub Alliance txoj kev npaj khomob ntxiv lawm.
Tej zaum koj tus kws khomob yuav hais kom koj pauv rau lwm tus kws khomob yog tias: Koj tsis muaj kev sib raug zoo nrog rau koj tus kws khomob Koj tsis mus peb (3) zaug rau cov sijhawm teem hauv 12 lub hlis, yam tsis hu
mus thim lossis teem dua sijhawm tshiab Koj muaj tus cwjpwm phem lossis cem neeg, lossis tsim kev kubntxhov rau koj
tus kws khomob lub chaw ua haujlwm Koj tsis ua raws li koj tus kws khomob txoj kev npaj kho koj.
Peb yuav sau ntawv lossis hu xovtooj tuaj rau koj yog tias peb xav kom koj pauv kws khomob, lossis koj tus kws khomob thov kom muab koj pauv mus rau lwm tus kws khomob.
Alliance txhua tus Tswvcaub puas yuavtsum tau xaiv ib tus PCP? Thaum koj nyuam qhuav los ua Alliance ib tus tswvcuab, koj muaj ib lub hlis (30 hnub) los xaiv ib tus PCP. Lub sijhawm no, koj mus ntsib tau txhua tus kws khomob thiab tsev khomob hauv Santa Cruz, Monterey lossis Merced County uas kam txais Medi-Cal. Thaum koj muaj ib tus PCP lawm, koj yuav tau mus ntsib nws txog txhua yam kev khomob.
23
Txawm tomqab thawj lub hlis lawm los, Alliance qee tus tswvcuab yuav tsis muaj ib tus PCP. Lawv yog cov administrative tswvcuab. Cov administrative tswvcuab:
yog cov nyob hauv tsev laus lossis tsev tu ntev tshaj li 30 hnub lawm; muaj cov Medi-Cal uas muaj Feem Tau Nrog Them (SOC); tau txais Medi-Cal los ntawm Santa Cruz, Monterey lossis Merced county tabsis
nyob tawm lub Alliance lub cheebtsam khomob sab nraud (xwsli, cov menyuam raug lwm tus coj mus tu uas nyob tawm hauv lub Alliance lub cheebtsam);
muaj lwm yam kev khomob (thiab Medicare Part B); lossis tseem tabtom mus pw khomob (mob loj hauv nrogcev).
Cov Alliance ID cards rau cov administrative tswvcuab yuav teev “Central California Alliance for Health” ua tus PCP. Yog koj yog ib tus administrative tswvcuab koj mus ntsib tau txhua tus kws khomob hauv Santa Cruz, Monterey lossis Merced county uas kam txais Medi-Cal. Yog koj xav mus ntsib ib tus kws khomob sab nraud ntawm Santa Cruz, Monterey lossis Merced county, koj yuavtsum tau thov kev tsocai uantej los ntawm lub Alliance.
Yog tias koj yog Alliance ib tus administrative tswvuab, koj tsimnyog muaj ib tus kws khomob los ua tus kuaj mob thiab khomob tivthaiv rau koj. Tsuas yog lub Alliance tsis muab koj cob rau ib tus kws khomob xwb. Yog koj nrhiav tsis tau ib tus kws khomob, thov hu rau lub Chaw Pabcuam Tswvcuab.
Luag Them rau Cov Kws Khomob Licas? Lub Alliance muaj kev coglus rau cov kws khomob thiab lwm cov neeg muab kev khomob los muab kev khomob rau peb cov tswvcuab. Alliance qee cov PCPs yog them raws ib tus nqi rau txhua lub hlis uas muab tus tswvcuab cob rau lawv. Qhov no hu ua “them raws tus neeg (capitation)”. Lwm cov PCPs thiab lwm hom neeg muab kev khomob yog them raws “siv licas them li ntawd (fee-for-service)”. Qhov no txhais hais tias lawv kho lawv cov neeg mob tas thiab lawv mam xa daim ntawv tsib nqi mus rau lub Alliance them. Cov tsev khomob thiab lwm hom tsev khomob yog them raws ib tus nqi uas tau kom tseg lawm nyob ntawm yam kev khomob uas lawv tau kho.
Yog koj xav paub ntxiv txog qhov uas luag them rau cov kws khomob, thov hu mus rau lub Chaw Pabcuam Tswvcuab.
Kev Koomtes Nrog Koj Tus Thawj Kws Khomob (PCP)
Koj thiab koj tus kws khomob yog ib pab (team). Thaum neb los sib komtes uake, koj yuav tau txais cov kev khomob uas zoo thiab muaj kev nojqab haushuv.
Xyaum qhia siab thiab qhia ncaj txog koj tus mob rau koj tus kws khomob. Nrog koj tus kws khomob tham txog koj tus mob. Ua zoo mloog koj tus kws khomob. Txais cov kev pab uas koj tus kws khomob yuav muab rau koj. Ua raws li tej lus uas nws hais.
Kev mus khomob
24
Cov tswvyim no yuav pab koj koomtes tau zoo nrog koj tus kws khomob: Tej uas yuav tau ua hauv tsev:
Sau koj tus kws khomob lub npe thiab tus xovtooj cia. Muab khaws cia rau tej qhov chaw uas yuav nrhiav tau yoojyim. Qhov no yuav pab koj thaum koj xav tau kev khomob. Tej zaum koj tseem yuav tau ntsib ib tus Neeg Saib Mob lossis Neeg Pab Kws Khomob hauv koj tus kws khomob lub chaw ua haujlwm. Sau lawv cov npe cia thiab.
Yog koj tsis tau ntsib koj tus PCP dua li, thov teem sijhawm mus ntsib nws tamsim. Qhov kev teem no yuav yog teem mus ntsib nws thawj zaug. Kev sib ntsib zaum no yuav noj sijhawm ntev mentsis. Nws yuav muab sijhawm rau koj thiab koj tus kws khomob los sib paub. Nws yog lub sijhawm uas koj tus kws khomob yuav los nug thiab paub txog koj tej keebkwm kev mobnkeeg. Koj yuav los kawm txog tej yam uas koj yuav ua tau los pab kom koj muaj kev nojqab haushuv.
Sau cov lus uas koj xav nug koj tus kws khomob. Qhov no yuav ua rau koj nco tau koj cov lus nug.
Sau cov tshuaj uas koj niajhnub noj. Koj tseem nqa tau koj cov tshuaj noj thaum koj mus ntsib koj tus kws khomob thawj zaug.
Niaj zaus mus ntsib kws khomob li uas tau teem tseg. Qhov no qhia tias koj saib taus koj pab neeg khomob. Nws yuav pab koj tus kws khomob kom paub tias koj noj licas nyob licas lawm. Yog koj mus ntsib tsis tau, hu mus rau koj tus kws khomob lub chaw ua haujlwm mus thim sijhawm teem. Thaum koj hu mus, koj teem tau dua lub sijhawm rau lwm hnub. Lawv xav kom koj hu mus thim sijhawm li ib hnub uantej. Yog koj tsis mus ntsib nws li peb zaug yam tsis hu mus thim sijhawm, tej zaum koj tus kws khomob yuav tsis kam ntsib koj ntxiv lawm.
Noj txhua yam tshuaj uas koj tus kws khomob xaj rau koj noj thiab nug saib nws puas ua rau muaj lwm yam mob dabtsi. Hu rau koj tus kws khomob yog tias koj cov tshuaj noj zoo li tsis pab koj li.
Hu rau lub Chaw Pabcuam Tswvcuab yog koj muaj lus nug lossis xav tau kev pab. Hauv tus kws khomob lub chaw ua haujlwm: Nqa thiab muab koj daim Alliance ID card thiab koj daim Medi-Cal BIC card
rau lawv xyuas thaum koj mus khomob thiab mus yuav tshuaj noj. Yog koj muaj lwm txoj kev khomob, muab cov ID cards ntawd rau lawv xyuas thiab.
Qhia rau koj tus kws khomob txog txhua yam tshuaj uas koj noj. Tshuaj noj siv ntawv yuav Tshuaj noj tsis siv ntawv yuav Vitamins Tshuaj ntsuab
Tshuaj noj pab Lwm yam tshuaj
Koj nqa tau mus qhia rau koj tus kws khomob. Qee yam tshuaj noj, vitamins thiab tshuaj ntsuab hloov tau lwm yam tshuaj uas koj noj kom ua haujlwm txawv.
Xyuas kom koj totaub txog koj tus mob. Xyuas kom paub meej txog koj txoj kev khomob.
Nqa koj cov menyuam cov ntawv teev kev txhaj tshuaj tivthaiv nrog koj mus ntsib kws khomob txhua zaum (rau menyuam mos, menyuam yaus thiab hluas).
Nug koj tus kws khomob saib yuav ua licas yog koj mob yav lig lossis hnub so.
Yog koj kev ntseeg txwv qee yam kev khomob, qhia rau koj tus kws khomob.
25
Koomtes nrog koj tus kws khomob thiab nws cov neeg ua haujlwm. Saib taus lawv li koj xav kom lawv saib taus koj.
Xyaum muaj kev koomtes nrog rau koj txoj kev khomob. Koj tus PCP yuav yog tus tswj koj cov kev khomob thiab muab kev khomob rau koj. Koomtes nrog koj tus kws khomob, neeg saib mob, tus neeg pab kws khomob thiab cov neeg ua haujlwm hauv nws lub chaw ua haujlwm yuav ua rau koj tau txais cov kev khomob uas zoo. Koj tus PCP yuav yog tus txiavtxim tias puas tsimnyog xa koj mus ntsib ib tus kws khomob tshwjxeeb lossis mus kuaj mob tshwjxeeb. Yog tsimnyog, koj tus PCP yuav xa koj mus.
Kev Teem Sijhawm Mus Khomob Koj tsimnyog mus ntsib koj tus PCP mus kuaj mob raws sijhawm thiab mus khomob tivthaiv. Koj tseem yuav tau mus ntsib koj tus PCP thaum koj muaj mob. Koj tus PCP lub npe thiab tus xovtooj muaj nyob hauv koj daim Alliance ID card. Yog koj paub tsis meej tias koj tus PCP yog leejtwg, hu rau lub Chaw Pabcuam Tswvcuab.
Thaum koj hu mus rau koj tus PCP mus teem sijhawm mus ntsib nws, qhia rau nws tias koj noj licas nyob licas. Qhia rau lawv tias koj zoo li no hov ntev lawm.
Koj puas kub cev? Koj puas mob qhov twg? Koj lub cev kub npaum licas? Koj mob qhov twg? Koj puas ntuav?
Qhov no yuav qhia tau rau lawv tias koj yuav tau mus ntsib sai npaum licas thiab lawv yuav kom lub sijhawm ntev npaum licas rau koj thaum mus ntsib. Nug saib yuav mus licas yog koj tsis tau mus dua li.
Yuav ntev npaum licas mam teem tau mus ntsib? Muaj qee yam yuav tau tos ntev dua li lwm yam mam teem tau mus ntsib. No yog ib qhov uas yuav qhia tias yuav hov ntev mam teem tau sijhawm mus ntsib:
Muaj kev teem taumus ntsib sai. Qhia rau lub chaw ua haujlwm paub tias koj muaj kubcev, hnov mob heev lossis mob loj. Lawv yuav xyuas tej no saib koj yuav tau mus ntsib sai npaum licas.
Rau cov kev mus ntsib li ib txwm, hu mus uantej li 3 hnub. Rau kev kho kev xeebtub, hu mus uantej li 1 lub limtiam. Rau tej yam uas tsis yog mob sai thiab mus kuaj menyuam raws sijhawm, hu
mus uantej li 3 lub limtiam. Rau kev mus kuaj raws sijhawm thiab txhaj tshuaj tivthaiv, hu mus uantej li 4-6
lub limtiam.
Koj hu tau rau koj tus PCP 24 teev toj hnub, 7 hnub toj ib lub limtiam. Yog lub chaw ua haujlwm kaw lawm, koj tus kws khomob yuav:
Muaj dua lwm tus kws khomob los ntsib koj, lossis Muaj kev kaw suab qhia nws paub, lossis Kaw lus qhia tseg tias koj yuav tau ua licas.
Thov mus ntsib kom raws sijhawm. Qhov no yuav pab koj tus kws khomob mus ntsib tau lwm tus neeg mob raws sijhawm. Yog koj mus ntsib tsis tau, thov hu rau koj tus kws khomob lub chaw ua haujlwm mus thim sijhawm. Koj teem dua lwm lub sijhawm tshiab thaum koj hu mus los tau.
Kev Thim Sijhawm Teem Mus Khomob Qee zaum muaj lwm yam los tabkaum, thiab koj mus ntsib lawv tsis tau raws li uas tau teem tseg. Xwsli haujlwm, kev kawm ntawv, tsis muaj tsheb mus lossis tsis muaj neeg zov menyuam. Yog koj mus tsis tau, hu rau lub chaw ua haujlwm thiab qhia rau lawv paub.
26
Nws tseemceeb uas koj yuav tau hu rau lub chaw ua haujlwm sai li uas sai tau yog koj mus tsis tau. Sim hu mus rau lawv paub li 24 teev (1 hnub) uantej. Yog koj pheej hu mus thim tomqab 24 teev lossis tsis hu mus thim, tej zaum koj tus kws khomob yuav txiavtxim siab tsis kam ntsib koj ntxiv lawm.
Nrog koj tus kws khomob tham yog koj xav teem mus ntsib rau qee lub sijhawm nkaus xwb. Xwsli, koj pib ua haujlwm thaum 3:00 teev yav tav-su dua thiab tsuas mus ntsib tau nws yav sawv ntxov nkaus xwb. Qhia rau lub chaw ua haujlwm paub. Tej zaum lawv yuav teem tau li koj lub sijhawm.
Kev Nrog Koj Tus Kws Khomob Tham Ua Koj Yam Lus Nws tseemceeb uas koj nrog tau koj tus kws khomob tham yoojyim. Muaj cov kws khomob hauv peb lub network uas hais tau lwm yam lus dua li Askiv. Tej zaum tus kws khomob yog tus uas hais tau lwm yam lus. Lossis yog lwm tus hauv lub chaw ua haujlwm uas hais tau. Koj hu tau rau lawv lub chaw ua haujlwm thiab nug lawv. Koj nrhiav tau tej kev qhia no hauv Phau Ntawv Teev Cov Kws Khomob lossis los ntawm kev hu mus rau lub Chaw Pabcuam Tswvuab.
Yog koj nrog tsis tau koj tus kws khomob tham vim koj hais lwm yam lus, peb yuav pab tau. Koj yuav tsis tau siv tsevneeg lossis tej phoojywg los pab txhais lus rau koj. Koj tus kws khomob hu tau rau ib tus xovtooj tshwjxeeb mus nrhiav ib tus neeg txhais lus uas hais tau koj yam lus. Ces koj mam nrog koj tus kws khomob tham los ntawm kev siv tus neeg txhais lus. Alliance cov kws khomob siv tau cov neeg txhais lus 24 teev toj hnub.
Kev Siv Neeg Pab Txhais Lus Dawb Thaum koj teem sijhawm mus ntsib kws khomob, qhia rau lawv tias koj xav tau ib tus neeg pab txhais lus. Thiab qhia rau lawv tias koj hais yam lus dabtsi. Thaum koj mus ntsib lawv, tus kws khomob yuav hu rau ib lub koomhaum uas muaj cov neeg pab txhais lus hauv xovtooj. Lub Alliance yuav them rau txoj kev siv no, yog li kev pab txhais lus yog dawb rau koj xwb.
Yog koj lossis koj tus kws khomob xav tias muaj tej yam tshwjxeeb uas yuav tau muaj tus neeg tuaj txhais lus timntsej timmuag, koj lossis koj tus kws khomob hu tau rau peb tuaj thov kev tsocai uantej. Yog peb pom zoo, peb yuav xa ib tus neeg tuaj pab txhais lus hauv lub chaw ua haujlwm thaum koj tuaj ntsib nws. Txhais lus timntsej timmuag thiab Amelikas Kev Piav Tes (American Sign Language) yuavtsum yog thov thiab teem uantej. Thov hu rau peb lossis hais kom koj tus kws khomob hu rau peb yam luv li 3-4 hnub uantej yuav mus ntsib. Tus xovtooj yuav hu rau yog 1-800-700-3874 ext. 5625. Koj muaj cai hais kev tsis txaus siab yog koj xav tias peb tsis nrhiav neeg pab txhais lus rau koj. Xyuas ntu “Kev Hais Kev Tsis Txaus Siab” hauv phau ntawvtes no lossis hu rau peb tus Neeg Saib Kev Daws Teebmeem ntawm 1-800-700-3874 ext. 5525.
Kev Thauj Mus Khomob Uas Tsis Yog Xwmtxheej Ceev Medi-Cal kam them rau ib txoj kev siv uas hu ua kev thauj mus khomob uas tsis yog xwmtxheej ceev. Txoj kev siv no tsuas yog muaj rau cov tswvcuab uas:
1. Sawv tsis tau thiab yuavtsum caij tsheb pw ntog xwb, vim nws tus mob. 2. Zaum hauv ib lub rooj zaum thawb ntog thiab nws thawb tsis tau lub rooj
ntawd ntawm nws tuskheej, thiab sawv thiab nkag tsis tau rau lub rooj zaum ntawd ntawm tuskheej yam muaj kev cobphum.
Yog qhov no hais txog koj, peb yuav kam them rau kev thauj mus khomob thiab rov los tsev. Peb kam them rau kev thauj mus ntsib kws khomob. Peb kam them rau kev thauj mus tom tsev muag tshuaj mus nqa koj cov tshuaj noj. Lub Alliance tsuas kam them rau cov kev thauj mus rau cov kws khomob uas nyob ze rau koj lub tsev tshaj xwb. Peb yuav
27
tsis kam them rau cov kev thauj mus tom khw, tsev kawm ntawv, pas ua luamdej lossis tej lub chaw uasi hauv zos. Peb yuav tsis kam them rau cov kev thauj mus los yog tias lwm txoj kev pabcuam (xwsli California Kev Khomob Rau MenyuamYaus – CCS) lossis lwm qhov kev khomob kam them rau lawm. Nws muaj ntau lub koomhaum uas muaj tsheb tuaj thauj.
Yuavtsum tau hu mus teem sijhawm uantej. Koj yuavtsum tau kev tsocai uantej los ntawm lub Alliance. Hu rau 1-800-700-3874 ext. 5625 mus nug saib koj puas tau txais.
Kev Pab rau Cov Tswvcuab uas Muaj Teebmeem Kev Tu-ncua hauv lub Cev
Yog koj yog Alliance ib tus tswvcuab uas muaj kev tu-ncua hauv lub cev, tej zaum koj yuav muaj lus nug lossis kev ntsawv-saib txog kev mus nrhiav cov kev khomob uas koj xav tau. Peb muaj ib cov medical social workers uas yuav pab tau koj yog tias:
Koj muaj lus nug txog tej khoom siv khomob mus ntev lossis muaj teeb meem thaum koj tseem tos yam khoom ntawd
Koj xav tau kev pab mus nrhiav kev khomob Koj coj tsis tau koj tej khoom siv khomob mus kho Koj tau txais kev pabcuam los ntawm ntau lub koomhaum thiab xav tau kev pab
los nrog lawv tham thiab teem sijhawm
Peb Cov Neeg Sawvcev Pabcuam Tswvcuabtseem yuav xa tau koj mus rau tej chaw pab hauv zos uas muaj cov kev pabcuam uas tej zaum koj yuav xav tau. Koj hu tau rau lub Chaw Pabcuam Tswvcuab ntawm 1-800-700-3874. Koj hu tau rau ib tus medical social worker ntawm 1-800-700-3874 ext. 5567 (yog koj yog ib tus tswvcuab hauv Santa Cruz County) lossis ext. 5587 (yog koj yog ib tus tswvcuab hauv Monterey County). Hu tau rau 209-381-5300 (yog koj yog ib tus tswvcuab hauv Merced County.)
Kev Pab kom Koj Muaj Kev Nojqab Haushuv Peb kam them rau cov kev pab kom koj muaj kev nojqab haushuv. Cov no hu ua kev pab khomob tivthaiv. Kev khomob tivthaiv yuav pab kom koj nojqab haushuv. Nws yuav nrhiav tau thiab kho tej yam mob uantej uas nws yuav dhau los ua ib tus mob loj. Kev khomob tivthaiv yog suav:
Kev mus kuaj mob raws sijhawm (rau txhua tus) Kuaj ncauj tsev menyuam lossis Pap smears (rau cov pojniam) thiab kuaj
prostate (rau cov txivneej) Thaij qog mis (rau cov pojniam) Kev kuaj mob raws sijhawm rau cov menyuam mos thiab menyuam yaus Kev txhaj cov tshuaj tivthaiv (tshuaj txhaj) Kev kuaj kev xeebtub (rau cov pojniam xeebtub).
Xyuas cov charts hauv tsib nplooj ntawv tomntej no. Nws teev cov kev kuaj mob tivthaiv uas koj tsimnyog yuav tau muaj. Nws tseem qhia tias thaum twg koj yuav tau mus kuaj. Nws muaj ib daim chart uas qhia tias thaum twg koj yuav tau mus txhaj tshuaj tivthaiv kom koj tsis txhob muaj mob. Nws muaj ib daim chart rau cov menyuam yaus thiab cov hluas thiab muaj dua lwm daim rau cov laus. Lub sijhawm rau txivneej thiab pojniam mas nws sib txawv. Yog koj muaj lus nug txog kev khomob tivthaiv, nug koj tus kws khomob. Peb cov Neeg Qhia Kev Nojqab haushuv ntawm 1-800-700-3874 ext. 5580 yuav pab tau koj thiab.
28
Yuav kom koj cov menyuam muaj kev nojqab haushuv, nws tseemceeb uas lawv yuav tau mus kuaj mob raws sijhawm thiab txhaj cov tshuaj tivthaiv txawm lawv tsis mob losxij. Yog koj tus menyuam yog ib tus tswvcuab tshiab hauv Alliance, nws tsimnyog mus kuaj mob tsis pub dhau li 120 hnub (4 hlis) ntawm nws tus thawj kws khomob. Hauv qab no yog ib cov kev kuaj mob uas koj tus menyuam tsimnyog mus kuaj, uas teev raws lub hnub nyoog. Tej zaum koj tus kws khomob yuav xav kuaj ntau dua li uas hais hauv daim chart no.
Cov Kev Kuaj
0- 24 Hlis
3- 10 Xyoos
11- 20 Xyoos
Kuaj Lub Cev Tej zaum qhov no yuav suav kev kuaj qhov siab thiab hnyav, ntsuas lub taubhau, ntshav khiav, kuaj qhovmuag thiab pobntseg, thiab qhia txog kev nojqab haushuv
Thaum yug, 1-4 lub limtiam, 2, 4, 6, 9, 12, 15, 18 thiab 24 hlis
Txhua Xyoo Kuaj saib puas muaj mob thaum muaj 30 hlis
Txhua Xyoo
Kuaj Kua Txhuas Thaum muaj 12 hlis thiab thaum muaj 24 hlis
Nruab nrab ntawm 3-5 xyoos yog tsis tau kuaj dua
Kuaj Ntshav Liab 9-12 hlis Txhua xyoo thaum 3-5 xyoos
Txhua xyoo rau cov menyuam ntxhais uas cev ntas
Kuaj Zis 5 xyoos
Txhua xyoo rau cov hluas yog sib koom cev
Kuaj Kabmob Ntsws (TB)
Thaum muaj 24 hlis thiab txhua zaum mus kuaj raws sijhawm
Kuaj txhua xyoo thaum mus kuaj mob raws sijhawm
Kuaj txhua xyoo thaum mus kuaj mob raws sijhawm
Kuaj STD (kabmob kascees) Txhua xyoo yog
sib koom cev
Kuaj Chaw Xis Txhua xyoo yog sib koom cev
Mus Kuaj Hniav Thawj Zaug (siv Denti-Cal) Yog pom kab noj Txhua Xyoo Txhua Xyoo
Cov Qauv Kev Mus Kuaj Mob Tivthaiv rau Cov Menyuam Mos, Menyuam Yaus thiab Cov Hluas
29
Yuav kom koj cov menyuam muaj kev nojqab haushuv, nws tseemceeb uas lawv yuav tau mus kuaj mob raws sijhawm thiab txhaj cov tshuaj tivthaiv. No yog ib cov tshuaj tivthaiv uas raug nquahu kom txhaj rau koj tus menyuam. Nws tseemceeb uas koj tus menyuam yuav tau txhaj tagnrho txhua koob tshuaj tivthaiv. Yog nws plam ib koob lawm, thov hu rau tus kws khomob thiab teem sijhawm mus txhaj. Nws yuav tsis lig rau koj coj nws mus txhaj tshuaj tivthaiv kom muaj kev nojqab haushuv.
Cov tshuaj tivthaiv/tshuaj txhaj
0 - 24 hlis
3-10 xyoos
11-20 xyoos
Kabmob Siab hom B (Hep B)
1st koob 0-2 hlis 2nd koob 1-4 hlis 3rd koob 6-18 hlis
Peb koob yog tsis tau txhaj dua
Kabmob Qafoob, Kabxeb, Kabmob Hnoos Hawbpob (DTaP)
2, 4, thiab 6 hlis Thiab nruab nrab ntawm15-18 hlis
Ib zaug thaum muaj hnub nyoog 4-6 xyoos
Koob booster nruab nrab ntawm 11 thiab 12 xyoos
Kabmob Npluas hlwb (Hib)
2, 4, thiab 6 hlis Thiab nruab nrab ntawm 12 thiab 15 hlis
Kabmob Tuag Tes-taw (IPV)
2 thiab 4 hlis Thiab nruab nrab ntawm 6 thiab 18 hlis
Ib zaug thaum muaj hnub nyoog 4-6 xyoos
Qhua-pias, Qog, Qhua-maj (MMR)
1st MMR thaum muaj 12-15 hlis
2nd MMR thaum muaj hnub nyoog 4-6 xyoos
2nd MMR yog tsis tau txhaj dua
Qhua-taum (VAR)
Ib zaug thaum muaj 12-18 hlis
Ib zaug nruab nrab ntawm 11-12 xyoos yog tsis tau txhaj dua thiab tsis tau mob qoob dua
Kabmob Siab hom A (Hep A)
Ib koob thaum muaj hnub nyoog 24 hlis. Koob booster 6-18 hlis tomqab
Ob koob, ntsug li 6-18 hlis yog tsis tau txhaj dua
Kabmob Hlab Ntsws (PCV)
2, 4, 6 hlis Thiab nruab nrab ntawm 12-15 hlis
Kabmob Npaws
Lub caij nplooj ntoos zeeg rau cov menyuam muaj 6-23 hlis
Txhua xyoos yog muaj feem yuav mob
Txhua xyoos yog muaj feem yuav mob
Sijhawm Mus Txhaj Cov Tshuaj Tivthaiv rau Cov Menyuam Mos, Menyuam Yaus thiab Cov Hluas
30
Kabmob Npluas Hlwb (MCV4)
Thaum muaj hnub nyoog 11-12 xyoos. Thaum muaj hnub nyoog 15-20 xyoos yog tsis tau txhaj dua.
Human Papilloma Virus (HPV)
Pojniam xwb: 3 koob. Hnub nyoog 9 xyoos rov saud. Thawj koob txhaj thaum muaj 11-12 xyoos. Koob ob txhaj 2 hlis tomqab thawj koob thiab koob peb txhaj 6 hlis tomqab thawj koob.
Pojniam xwb: 3 koob. Hnub nyoog 9 xyoos rov saud. Thawj koob txhaj thaum muaj 11-12 xyoos. Koob ob txhaj 2 hlis tomqab thawj koob thiab koob peb txhaj 6 hlis tomqab thawj koob. Txhaj cov pojniam hnub nyoog 13-18 xyoos yog tsis tau txhaj dua.
31
Kev Kuaj Hnub nyoog 18-39 Hnub nyoog 40-64 Hnub nyoog 65+
Kuaj Lub Cev Tej zaum qhov no yuav suav kev kuaj qhov siab thiab hnyav, pobntseg thiab qhovmuag
Rau Alliance Txhua Tus Tswvcuab: Teem sijhawm mus kuaj mob thawj zaug tsis pub dhau 120 hnub (4 hlis) tomqab los ua Alliance tus tswvcuab
Rau Txhua Tus Neeg Mob Kuaj Kabmob Ntsws (TB)
Thaum nyuam qhuav nkag los rau txoj kev npaj khomob rau txhua tus tswvcuab. Kuaj raws sijhawm rau cov muaj feem yuav mob.
Ntsuas Ntshav Khiav Txhua 1-2 xyoos Txhua 1-2 xyoos Txhua 1-2 xyoos
Kuaj Roj hauv Ntshav
Txivneej, pib thaum hnub nyoog 35
Pojniam, pib thaum hnub nyoog 45
Li koj tus kws khomob xam pom
Kuaj Quav Li koj tus kws khomob xam pom
Txhua xyoos thaum hnub nyoog 50 rov saud
Txhua xyoos
Cov Neeg Muaj Ntshav Qabzib
Txhua xyoos: kuaj ko-taw, zis thiab hlab zis, HgAIC, lipids
Txhua xyoos: kuaj ko-taw, zis thiab hlab zis, HgAIC, lipids
Txhua xyoos: kuaj ko-taw, zis thiab hlab zis, HgAIC, lipids
Rau Cov Neeg Mob Uas Yog Pojniam Xwb Kuaj Mis (Saib puas muaj qog) Txhua 1-2 xyoos Txhua xyoos Txhua xyoos
Thaij Mis
Cov pojniam uas tsevneeg muaj keebkwm mob cancer mis tsimnyog pib thaum 35 xyoos mus
Hnub nyoog 40-50, txhua 1-2 xyoos Hnub nyoog 50-64, txhua xyoos
Hnub nyoog 65-70, txhua xyoos
Kuaj cancer ncauj tsev menyuam lossis Pap Smear (Kuaj thaum pib pw nrog txivneej mus)
Txhua 1-3 xyoos Txhua 1-3 xyoos Txhua 1-3 xyoos
Kuaj Chaw Xis Txhua 1-3 xyoos Txhua 1-3 xyoos Txhua 1-3 xyoos Kuaj Kascees Chlamydia (Yog pw nrog txivneej)
Txhua xyoos rau cov hnub nyoog 16-26
Rau Cov Neeg Mob Uas Yog Txivneej Xwb
Kuaj cancer ntawm prostate
Kuaj saib puas muaj cancer ntawm prostate
Cov Qauv Kev Mus Kuaj Mob Rau Cov Laus
32
Yuav kom koj muaj kev nojqab haushuv, nws tseemceeb uas yuav tau mus kuaj mob raws sijhawm thiab kuaj tej yam uas yog thiab txhaj cov tshuaj tivthaiv. Nrog koj tus kws khomob tham txawm koj tsis muaj mob lossis muaj teebmeem dabtsi losxij.
Hauv qab no yog ib cov tshuaj tivthaiv uas tsimnyog txhaj raws koj lub hnub nyoog. Qee yam tshuaj tivthaiv tsuas yog txhaj rau cov uas “muaj feem ntau yuav mob”. Tej mob ntev lossis lwm yam ua rau qee cov tibneeg muaj feem ntau uas yuav kis tus kabmob ntawd. Nug koj tus kws khomob saib koj yuav tau txhaj koob tshuaj twg thiab thaum twg. Tej zaum koj tus kws khomob yuav xav txhaj qee yam tshuaj ntau zaus dua, nyob ntawm qhov uas nws yuav muaj feem mob.
Cov Tshuaj Tivthaiv/
Tshuaj Txhaj Hnub nyoog 19-49 Hnub nyoog 50-64 Hnub nyoog 65+
Kabxeb/Kabmob Qafoob (Td) Txhua 10 xyoos Txhua 10 xyoos Txhua 10 xyoos
Kabmob Npaws Txhua xyoos yog muaj ib tus mob ntev lossis feem yuav mob
Txhua xyoos rau cov hnub nyoog 50 rov saud, nyob ntawm muaj tshuaj txaus
Txhua xyoo rau cov hnub nyoog 65 rov saud
Kabmob Hlab Ntsws Ib zaug yog muaj feem yuav mob ntau
Ib zaug yog muaj feem yuav mob ntau
Ib zaug Cov muaj feem yuav mob ntau yuav tau txhaj ib koob ntxiv
Kabmob Siab hom B (Hep B)
Peb koob yog muaj feem yuav mob ntau
Peb koob yog muaj feem yuav mob ntau
Peb koob yog muaj feem yuav mob ntau
Kabmob Siab hom A (Hep A)
Ob koob yog muaj feem yuav mob ntau
Ob koob yog muaj feem yuav mob ntau
Ob koob yog muaj feem yuav mob ntau
Kabmob Npluas Hlwb
Ib koob yog muaj feem yuav mob ntau
Ib koob yog muaj feem yuav mob ntau
Ib koob yog muaj feem yuav mob ntau
Qhua-pias
Ib koob yog tsis paub tias xyov puas tau txhaj. Ob koob yog muaj feem yuav mob ntau.
Qhua-maj Cov pojniam uas tsis tau txhaj dua thiab TSIS XEEBTUB
Qhua-taum Ob koob yog muaj feem yuav mob ntau thiab tsis tau txhaj dua lossis ua qoob dua. Tsis txhaj yog xeebtub, lub cev tsis muaj zog, lossis HIV+.
Kabmob Tawm Hlwv Ib zaug rau cov uas muaj hnub nyoog 60 xyoos rov saud
Ib zaug rau cov uas muaj hnub nyoog 60 xyoos rov saud
Cov Qauv Txhaj Tshuaj Tivthaiv Rau Cov Laus
33
Muaj qee cov kws khomob uas tsuas kho qee yam mob nkaus xwb. Lawv hu ua cov kws khomob tshwjxeeb. Qee tus xwsli:
Kws Khomob Plawv (uas kho kabmob plawv) Kws Khomob Cancer (uas kho kabmob cancer) thiab Kws Khomob Qhovmuag (uas kho kabmob qhovmuag).
Yog koj xav tau cov kev khomob uas koj tus PCP muab tsis tau rau koj, tej zaum nws yuav xav kom koj mus ntsib ib tus kws khomob tshwjxeeb. Qhia tagnrho koj tus mob thiab koj tej keebkwm kev mob nkeeg rau koj tus PCP. Koj tus PCP yuav txiavtxim siab saib koj puas tsimnyog mus ntsib ib tus kws khomob tshwjxeeb.
Cov Kev Xa Mus Ntsib Kws Khomob Tshwjxeeb Yuav muaj tej zaum uas koj tus PCP yuav xav tias koj yuav tau mus ntsib ib tus kws khomob tshwjxeeb. Thaum muaj li no, koj tus PCP yuav xa koj mus ntsib ib tus kws khomob tshwjxeeb hauv lub Alliance lub cheebtsam khomob (Santa Cruz, Monterey thiab Merced counties). Koj tus PCP yuav qhia rau tus kws khomob tshwjxeeb paub tias nws tau tsocai rau koj mus ntsib nws thiab nws xav kom koj mus kho dabtsi. Tej zaum koj tus PCP lub chaw ua haujlwm yuav hu xovtooj mus teem sijhawm nrog tus kws khomob tshwjxeeb ntawd rau koj, lossis lawv yuav hais kom koj hu. Yog tsis muaj ib tus hauv lub Alliance lub cheebtsam khomob uas yuav ntsib tau koj li lawm, koj tus PCP yuav thov kev tsocai ntawm peb los xa koj mus rau ib tus kws khomob tshwjxeeb uas nyob sab nraud. Qhia rau koj tus PCP paub yog tias koj twb niajhnub mus ntsib ib tus kws khomob tshwjxeeb twg lawm.
Yog koj yog ib tus administrative tswvcuab hauv lub Alliance, koj mus ntsib tau ib tus kws khomob tshwjxeeb yam tsis yuav kev xa mus li. Tus kws khomob tshwjxeeb yuavtsum yog nyob hauv lub Alliance lub cheebtsam khomob thiab nws kam txais lub Alliance. Txawm koj tsis tas yuav kev xa mus los, muaj cov kws khomob tshwjxeeb uas tsis xav ntsib tub neeg mob uas tsis tau ntsib nrog ib tus thawj kws khomob. Qhov no vim tus kws khomob tshwjxeeb xav paub kom meej tias tus neeg mob ntawd yeej yuavtsum tau mus ntsib ib tus kws khomob tshwjxeeb. Yog tsis muaj ib tus kws khomob tshwjxeeb hauv lub Alliance lub cheebtsam khomob uas yuav los ntsib tau koj li lawm, hu rau lub Chaw Pabcuam Tswvcuab mus nrhiav kev pab. Koj yuavtsum tau kev tsocai los ntawm lub Alliance rau kev mus ntsib ib tus kws khomob sab nraud.
Peb qhib kev dav txog cov kev khomob tshwjxeeb. Qhov no txhais tau hais tias koj tus PCP muaj cuabkav xa koj mus rau ib tus kws khomob tshwjxeeb uas tsis muaj kev coglus khomob rau peb. Tus kws khomob tshwjxeeb yuavtsum kam txais Medi-Cal thiab txaus siab yuav txais koj uas yog Alliance ib tus tswvcuab.
Yog koj muaj ib tus mob ntev uas koj yuav tau mus ntsib ib tus kws khomob tshwjxeeb tas mus li, tej zaum koj tus PCP yuav muab ib txoj kev xa mus uas siv tau ntev rau koj. Txoj kev xa mus li no siv tau txog li ib lub xyoos. Qhov no txhais tau tias koj mus ntsib tau tus kws khomob tshwjxeeb ntawd rau lub sijhawm no, yam tsis tau yuav kev xa mus rau txhua zaum uas koj mus ntsib nws.
Yog koj xav tias koj yuav tau mus ntsib ib tus kws khomob tshwjxeeb tabsis koj tus PCP tsis xav tias koj yuav tau mus, thov nrog koj tus PCP tham tias yog vim licas koj xav tias koj yuav tau mus. Yog koj tus PCP tseem tsis kam xa koj mus, koj hu tau rau peb lub Chaw Pabcuam Tswvcuab.
Kev mus ntsib ib tus kws khomob tshwjxeeb
34
Yog koj tus PCP tau xa koj mus rau ib tus kws khomob tshwxeeb tabsis koj tsis pom zoo li tej uas tus kws khomob tshwjxeeb tau nquahu kom ua, koj muaj cai thov lub tswvyim thib ob los ntawm lwm tus kws khomob tshwjxeeb. Yog koj xav tau lub tswvyim thib ob, hais kom koj tus PCP pab xa koj mus. Yog nws tsis kam xa, hu rau lub Chaw Pabcuam Tswvcuab.
Kev Tsocai Mus Khomob Nws muaj qee yam kev khomob, tshuaj noj thiab khoom siv khomob uas lub Alliance yuavtsum tau tsocai uantej koj mam mus yuav tau. Txoj kev ua li no hu ua kev tsocai uantej. Nws txhais tias thov kom lawv kam uantej. Yuav kom tau kev tsocai, koj tus kws khomob thiab lub Alliance yuavtsum tau pom zoo tias yam kev khomob lossis yam khoom ntawd yeej tsimnyog lawm tiag.
Kev Tsocai Uantej Tus kws khomob uas yuav muab kev khomob, tshuaj noj lossis khoom siv khomob rau koj yuavtsum tau kev tsocai uantej los ntawm lub Alliance. Koj tus kws khomob tsimnyog paub tias thaum twg yuav tau thov kev tsocai uantej. Qee yam kev khomob uas yuav tau thov kev tsocai uantej yog:
Kev mus pw khomob uas tsis yog xwmtxheej ceev Kev mus nyob tsev laus Qee yam kev kuaj xwsli MRIs Qee yam tshuaj noj (tshuaj noj nto npe thiab cov tshuaj uas tsis teev rau hauv
daim ntawv teev tshuaj noj uas lub Alliance tau tsocai rau lawm) Cov kev khomob uas tau txais sab nraud ntawm lub Alliance lub cheebtsam
khomob, tshwj cov kev khomob xwmtxheej ceev thiab kev khomob sai.
Thaum peb tau txais daim ntawv thov lawm, peb cov kws khomob yuav los tshuaj txog nws. Lawv tshuaj txhua daim ntawv thov kom koj tau txais yam kev khomob uas tsimnyog rau koj tus mob thiab yuav siv tau.
Peb tsocai rau cov kev thov feem ntau. Muaj qee zaum peb yuavtsum tau kev qhia ntxiv los ntawm koj tus kws khomob uantej peb paub txiavtxim siab. Tej zaum peb yuav hais kom koj tus kws khomob siv lwm yam los kho uantej tso. Peb yuav hu rau koj tus kws khomob thiab qhia rau nws paub yog tsocai rau lawm lossis yog peb xav tau kev qhia ntxiv. Thov nug koj tus kws khomob saib peb puas tau tsocai rau nws txoj kev thov. Cov kev tsocai uantej feem ntau txwv tias koj tsuas mus ntsib tau pestsawg zaus, pestsawg lub tshuaj noj lossis rov mus yuav tau pestsawg zaus xwb.
Thaum txoj kev tsocai tas lawm lossis koj mus ntsib puv lawm, koj yuav tau rov mus ntsib koj tus kws khomob dua. Yog koj tus kws khomob tseem xav tias koj yuav tau mus kho lossis noj cov tshuaj ntawd ntxiv, nws yuavtsum tau rov thov dua tuaj.
Peb yuav teb rov rau koj tus kws khomob tsis pub dhau 14 hnub tomqab peb tau txais daim ntawv thov. Yog nws yog kev khomob sai, peb yuav teb tuaj rau koj tus kws khomob tsis pub dhau 24 teev.
Kev Tsocai Uantej Raug Txwv Qee zaum peb yuav txwv txoj kev thov. Qhov no txhais tau tias peb tsis pom zoo tias koj yuavtsum tau kho, noj cov tshuaj, lossis yuav cov khoom siv khomob li ntawd. Yog peb txwv ib txoj kev thov, peb yuav xa ib tsab ntawv tuaj rau koj thiab ib tsab tuaj rau koj tus kws khomob. Tsab ntawv yuav qhia koj tias yog vim licas peb thiaj txwv. Tsab ntawv tseem qhia koj thiab koj tus kws khomob tias koj muaj cai sau ntawv mus hais kev tsis txaus siab txog peb txoj kev txiavtxim siab. Kev hais kev tsis txaus siab yog ib txoj kev uas koj qhia rau peb paub tias koj tsis pom zoo li peb txoj kev txiavtxim siab.
35
Lub Chaw Pabcuam Tswvcuab (Member Services Department) Muaj cov Neeg Sawvcev Pabcuam Tswvcaub hauv Santa Cruz, Monterey thiab Merced counties. Peb muaj cuabkav:
Pab kom koj totaub tias txoj kev npaj khomob khiav licas Xa ib daim Alliance ID card tshiab tuaj rau koj yog koj ua koj daim poob Pab koj xaiv lossis pauv koj tus PCP Pab koj teem tau sijhawm mus ntsib ib tus kws khomob Muab kev qhia rau koj txog kev kho kev xeebtub.
Peb hais lus Askiv, Mev thiab Hmoob. Peb tseem siv ib tus xovtooj txhais lus los nrog peb cov tswvcuab uas hais lwm yam lus tham. Peb muaj ib tus xovtooj TTY rau cov tsis hnov lus zoo.
Lub Chaw Pabcuam Tswvcuab Monday txog Friday thaum 8 a.m. txog 5 p.m.
1-800-700-3874 ext. 5513 (hu dawb) TTY 1-877-548-0857 (hu dawb)
Yog Koj Tau Txais Ib Daim Nqi Niaj zaus muab koj daim Alliance ID card rau lawv xyuas thaum mus khomob. Qhia rau lawv txog lwm txoj kev khomob uas koj muaj. Qhia lub chaw ua haujlwm txog tej yam kev hloov uas muaj ntawm koj lwm txoj kev khomob.
Yog koj ua raws li peb cov kevcai, koj yuav tsis raug tsib cov nqi khomob. Hauv Medi-Cal koj tsuas yog raug tsib nqi khomob yog tias:
Koj tau txais cov kev khomob uas Medi-Cal tsis kam them rau, xwsli phais kho kom zoo nkauj tuaj;
Koj tsis qhia rau tus kws khomob paub tias koj muaj Medi-Cal; Koj mus ntsib tus kws khomob uas tsis txais Medi-Cal, tabsis koj hais rau nws
tias koj xav kom nws kho thiab koj mam them ntawm koj tuskheej; Koj muaj lwm txoj kev khomob thiab Medi-Cal, thiab koj tsis ua raws li cov
kevcai khomob hauv koj thawj txoj kev khomob; Koj mus ntsib ib tus kws khomob tshwjxeeb yam tsis tau kev xa mus los
ntawm koj tus PCP; Koj tau txais cov kev khomob uas tsis tau kev tsocai los ntawm lub Alliance; Koj muaj yam Medi-Cal uas muaj Feem Tau Nrog Them (SOC).
Yog tus kws khomob hais kom koj them thaum koj mus ntsib nws, hais kom nws hu rau peb. Peb yuav qhia kom lawv xa nqi tuaj rau peb. Tsis txhob them cov nqi khomob uas lub Alliance kam them rau ib tus kws khomob. Peb yuav tsis them rov rau koj yog koj twb them rau ib tus kws khomob lawm. Yog koj tau txais ib daim nqi rau cov kev khomob, xyuas saib koj puas tseem tau txais kev khomob ntawm peb rau lub sijhawm ntawd. Yog koj tseem tau, hu rau tus kws khomob. Muab koj tus lej Alliance ID rau lawv. Qhia rau lawv lub chaw ua haujlwm tias lub Alliance kam them rau koj cov kev khomob hnub ntawd. Hais kom lub chaw ua haujlwm xa nqi mus rau lub Alliance. Yog koj pheej tau txais cov nqi khomb, hu rau lub
Kev Pabcuam Tswvcuab – Hu rau peb tuaj nrhiav kev pab
36
Chaw Pabcuam Tswvcuab. Hu rau peb thaum koj tau txais daim nqi. Peb yuav pab tsis tau koj txog cov nqi uas ntev tshaj ib xyoos lawm. Koj xa tau ib copy ntawm daim nqi tuaj rau peb ntawm: Central California Alliance for Health, Attention: Member Services, 1600 Green Hills Road, Suite 101, Scotts Valley, CA 95066.
Kev Hais Kev Tsis Txaus Siab Peb muaj ib txoj kev hais kev tsis txaus siab los pab koj daws cov teebmeem uas koj muaj nrog koj txoj kev khomob. Tej zaum koj yuav muaj teebmeem nrog ib tus kws khomob lossis ib lub tsev khomob. Tej zaum koj yuav muaj teebmeem mus yuav khoom siv los khomob. Tej zaum koj tseem yuav muaj teebmeem nrog peb.
Koj tus uas yog Alliance tus tswvcuab, muaj cai sau ntawv mus hais kev tsis txaus siab txog tej yam xwsli:
Tau tos ntev mam ntsib kws khomob lossis mam teem tau sijhawm mus ntsib Koj tsis txaus siab rau qhov uas lawv tau ua rau koj Yog peb txwv ib txoj kev khomob uas koj xav tias koj yuavtsum tau txais Koj raug them lossis hais kom them rau tej yam kev khomob Koj tsis txaus siab rau yam kev khomob uas koj tau txais Yog koj pom tias lub Alliance tsis ceev cia koj tej ntaub ntawv zoo.
Koj yuavtsum sau ntawv mus hais kev tsis txaus siab tsis pub dhau rau (6) lub hlis tomqab uas muaj yam kev tsis txaus siab ntawd tshwmsim los.
Ib qhov ntxiv uas koj yuav sau ntawv mus hais kev tsis txaus siab mas yog peb xa ib Daim Ntawv Sau Tuaj Qhia tuaj rau koj. Daim Ntawv Sau Tuaj Qhia yog ib tsab ntawv uas sau tuaj qhia koj tias ib txoj kev khomob raug txwv, ncua, lossis muab qee yam hloov lawm. Yog koj tau txais Daim Ntawv Sau Tuaj Qhia, koj muaj ob txoj kev yuav hais kev tsis txaus siab.
Koj muaj cuaj-caum (90) hnub tomqab hnub sau Daim Ntawv Sau Tuaj Qhia los sau ntawv tuaj hais kev tsis txaus siab ntawm peb;
Koj tseem thov tau Mus Hais Raws Kev Ncajncees hauv Xeev ntawm lub Department of Social Services (DSS) tsis pub dhau cuaj-caum (90) hnub.
Koj thov tau kev mus hais tau kev tsis txaus siab hauv xovtooj ntawm tuskheej
hauv ntawv hauv peb lub web site
Nws yuav noj sijhawm tsis ntev. Lub Chaw Pabcuam Tswvcaub yuav sim daws koj qhov teebmeem tamsim. Feem ntau peb pab tau koj hnub ntawd kiag. Thaum koj thov hais kev tsis txaus siab lawm, peb yuav daws kom tas tsis pub dhau peb-caug (30) hnub.
Yog koj txiavtxim siab hais kev tsis txaus siab, koj muaj cuabkav Xa ib tsab ntawv tuaj rau peb Hais kom peb xa daim ntawv
ua hais kev tsis txaus siab tuaj rau koj
Thov daim ntawv ua hais kev tsis txaus siab ntawm koj tus PCP
Hais kev tsis txaus siab hauv xovtooj Ua daim ntawv ua hais kev tsis txaus
siab hauv peb lub web site, www.ccah-alliance.org.
Thaum peb tau txais koj qhov kev tsis txaus siab lawm, peb yuav xa ib tsab ntawv tuaj qhia koj tias peb tau txais lawm. Peb yuav xa tsab ntawv no tuaj tsis pub dhau tsib (5) hnub. Tsab ntawv tseem yuav qhia koj txog koj cov cai hauv txoj kev daws teebmeem. Txoj kev daws teebmeem yog peb txoj kev daws cov kev tsis txaus siab.
37
Ib feem ntawm peb txoj kev daws teebmeem, peb yuav xyuas qhov teebmeem. Peb yuav: Nug tus kws khomob saib yog licas Qhia rau tus kws khomob tias vim licas koj tsis txaus siab Koom nrog koj thiab tus kws khomob los daws qhov kev tsis txaus siab.
Peb yuav xa ib tsab ntawv tuaj qhia koj tias peb daws licas tsis pub dhau peb-caug (30) hnub. Yog koj tsis txaus siab rau qhov peb daws, koj thov tau Mus Hais Raws Kev Ncajncees hauv Xeev. Thov xyuas hauv qab no txog kev thov Mus Hais Raws Kev Ncajncees hauv Xeev.
Kev Tshuaj Kev Tsis Txaus Siab Sai Yog ib txoj kev tsis txaus siab yog hais txog tus mob uas yuav muaj kev tsis zoo rau koj lub cev, peb yuav daws tsis pub dhau peb (3) hnub. Nws yog tej yam xwsli mob heev lossis yuav ua rau tuag taus, tej tes-taw lossi tej yam hauv lub cev yuav tuag.
Peb yuav xa ib tsab ntawv tuaj rau koj tsis pub dhau nees-nkaum plaub (24) teev xw koj paub tias peb tau txais lawm.
Peb yuav nrog koj tham txog peb txoj kev txiavtxim siab tsis pub dhau peb (3) hnub.
Peb tseem yuav sau ntawv tuaj qhia rau koj paub tsis pub dhau peb (3) hnub. Yog koj yuav li peb hais, ces nws tas li ntawd. Yog koj tsis yuav li peb hais, peb yuav qhia koj tias koj yuav thov mus hais
ntxiv licas.
Lwm Cov Chaw Uas Yuav Pab Tau Lub State Office of the Ombudsman pab daws cov teebmeem txog kev khomob. Lub chaw ua haujlwm no yuav pab cov tswvcuab uas muaj teebmeem nrog lawv txoj kev npaj khomob. Hu dawb rau lawv ntawm 1-888-452-8609. Lawv qhib Monday-Friday, 8am txog 5pm.
Koj tseem thov tau Mus Hais Raws Kev Ncajncees hauv Xeev: Yog koj muaj kev ntsawv-saib txog koj cov kev khomob thiab kev tau txais Yog koj muaj kev ntsawv-saib txog koj cov cai hauv kev ua tswvcuab Yog koj tsis pom zoo li qhov uas luag daws.
Thov kev Mus Hais Raws Kev Ncajncees hauv Xeev tsis pub dhau cuaj-caum (90) hnub tomqab muaj yam kev tsis txaus siab. Koj tsis yuavtsum tau hais kev tsis txaus siab ntawm peb uantej thov Mus Hais Raws Kev Ncajncees hauv Xeev.
Yog xav thov kev Mus Hais Raws Kev Ncajncees hauv Xeev Hu rau lub State Department of Social Services
1-800-952-5253 lossis 1-800-952-8349 (TDD) rau cov neeg tsis hnov lus thiab hais tsis tau lus, Monday-Friday, 8 a.m.-5 p.m.
Sau ntawv mus thov kev Mus Hais Raws Kev Ncajncees hauv Xeev. Koj xa ntawv tau mus rau: California Department of Social Services
State Hearing Division P.O. Box 944243 MS 19-37 Sacramento, CA 94244-2430
Cov tswvcuab hauv Monterey County sau ntawv, hu lossis mus rau: Monterey County Department of Social Services 831-755-4477 Attention: Hearing Coordinator 1000 South Main Street, Suite 208 Salinas, CA 93901
38
Cov tswvcuab hauv Santa Cruz County sau ntawv, hu lossis mus rau: Santa Cruz County Human Services Department 831-454-4117 Attention: Fair Hearings Officer 1020 Emeline Street P.O. Box 1320 Santa Cruz, CA 95061
Cov tswvcuab hauv Merced County sau ntawv, hu lossis mus rau: Merced County Human Services Agency 209-385-3000 Attention: Hearing Coordinator
2115 W. Wardrobe Avenue Merced, CA 95341
Koj thov tau kev Mus Hais Raws Kev Ncajncees hauv Xeev tsis pub dhau cuaj-caum (90) hnub tomqab uas muaj qhov kev tsis txaus siab, txawm koj tau thiab tsis tau hais kev tsis txaus siab ntawm lub Alliance losxij.
Koj tseem sau tau ntawv mus hais kev tsis txaus siab yog koj pom tias luag tsis ceev koj tej ntaub ntawv khomob zoo. Cov kev tsis txaus siab txog kev ceev ntaub ntawv yog xa mus rau lub Federal Office of Civil Rights. Koj sau tau ntawv mus rau lawv txhua lub sijhawm. Koj yuav tsis tau xuv hais kev tsis txaus siab ntawm lub Alliance uantej. Xa koj tsab ntawv tsis txaus siab txog kev ceev ntaub ntawv mus rau:
U.S. Department of Health and Human Services Office of Civil Rights 200 Independence Avenue SW Room 509F, HHH Building Washington, DC 20201
Pab Neeg Tawm Tswvyim Los Pab Tswvcuab Peb ua haujlwm nrog Pab Neeg Tawm Tswvyim Los Pab Tswvcuab los txhimkho kom koj txoj kev npaj khomob zoo tshaj qub. Koj qhia tau rau peb tias yam dabtsi pab tau koj thiab yam dabtsi pab tsis tau koj. Peb muaj ib Pab Neeg Tawm Tswvyim rau txhua lub county uas peb muaj kev khomob. Pab Neeg Tawm Tswvyim muab tswvyim rau lub Rooj Tsavxwm uas Tswj Txoj Kev Khomob rau Santa Cruz-Monterey-Merced. Lub rooj tsavxwm no tswjfwm txoj kev npaj khomob.
Peb zoo siab tos txais koj los ua ib tus tswvcuab hauv tej pab neeg no. Yog koj xav tuaj koom Pab Neeg Tawm Tswvyim ib lub rooj sablaj lossis xav los ua ib tus tswvcuab hauv Pab Neeg Tawm Tswvyim, hu rau lub Chaw Pabcuam Tswvcuab.
Kev Txiavtxim Siab Txog Koj Cov Kev Khomob Yog tias koj raug mob lossis mob hnyav, tej zaum koj yuav tsis muaj peevxwm los txiavtxim siab txog koj cov kev khomob. Tej zaum ntshai koj twb nrog tsis tau koj tus kws khomob tham txog cov kev khomob uas koj xav tau. Tej zaum koj yuav qhia tsis tau rau koj tus kws khomob tias koj tsis xa tau kev khomob ntxiv lawm. Koj muaj cai mua tau ib yam uas luag hu ua “kev ntxov qhia dejsiab”. Qhov no txhais tau tias koj ua tau ib daim ntawv uas teev cov kev khomob uas koj xav tau, cov kev khomob uas koj tsis xav tau thiab cov tibneeg uas yuav los txiavtxim siab tau txog kev khomob rau koj. Nug koj tus kws khomob txog daim ntawv ntxov qhia dejsiab. Yog muaj kev hloov hauv lub Xeev cov kevcai txog daim ntawv ntxov qhia dejsiab, peb yuav xa ntawv tuaj qhia koj txog tej kev hloov ntawd tsis pub dhau 90 hnub tomqab uas nws hloov.
39
Kev Hno Leeg Txoj kev khomob no tsuas yog Alliance cov tswvcuab uas tsis tau muaj 21 xyoos lossis cov uas nyob hauv tsev laus xwb thiaj siv tau. Yog xav paub ntxiv txog txoj kev khomob no, mus xyuas Cov Kev Khomob Allied uas Muaj Kev Txwv nyob rau nplooj 45.
Kev Kuaj Txhua Xyoo thiab Kuaj Pojniam Chaw Xis Cov pojniam mus kuaj tau cov no ntawm txhua tus kws kho pojniam chaw xis thiab kho menyuam hauv plab (OB/GYN) hauv Santa Cruz, Monterey lossis Merced County uas kam txais Medi-Cal. Koj tsis tas yuav kev xa mus los ntawm koj tus PCP li. Kev kuaj txhua xyoo yog suav kev kuaj mis thiab kuaj cancer ntawm ncauj tsev menyuam (Pap Smears). Tsis yuav kev xa mus rau kev pab tswj kom tsis txhob muaj menyuam thiab kev npaj tsevneeg.
Cov pojniam thiab cov ntxhais hluas uas pw nrog txivneej tsimnyog mus kuaj ntawm lawv tus PCP lossis kws kho OB/GYN ib xyoos ib zaug. Cov txivneej thiab cov tub hluas tsimnyog mus kuaj ntawm lawv tus PCP txhua xyoos. Teem sijhawm mus kuaj li no kom ze koj lub hnub yug xwv koj thiaj nco tau txhua xyoos. Cov kev kuaj li no yuav pab kom koj muaj kev nojqab haushuv. Yog xav paub ntxiv, thov hu rau phab qhia kev nojqab haushuv ntawm 1-800-700-3874 ext. 5580.
Kev Khomob Hawbpob Koj muaj cuabkav mob hawbpob tau thaum txhua lub hnub nyoog. Kev mob hawbpob ua rau yus ua pa nyuaj. Nws zoo, uas cov tibneeg feem coob kawm tau kev tswj lawv txoj kev mob hawbpob thiab muaj taus kev nojqab haushuv. Koom nrog koj tus kws khomob los tsim ib txoj Kev Tswj Kev Mob Hawbpob. Peb kam them rau cov hoob qhia cov tibneeg uas mob hawbpob. Koj yuav kawm txog:
Kev mob hawbpob yog dabtsi thiab koj yuav tswj nws licas Cov kev txwv kom tsis txhob muaj mob hawbpob Txoj kev siv tshuaj los tswj uas zoo tshaj.
Hu rau peb ntawm 1-800-700-3874 ext. 5580 mus nrhiav ib hoob qhia uas nyob ze rau koj. Koj tsis tas yuav kev xa mus los ntawm koj tus PCP li.
Kev Tswj Kom Tsis Txhob Muaj Menyuam Yog koj tsis xav kom xeebtub, nws tseemceeb uas koj yuav tau siv cov kev tswj kom tsis txhob muaj menyuam. Mus ntsib koj tus PCP lossis tej tus kws khomob uas kam txais Medi-Cal. Koj tsis tas yuav kev xa mus li. Koj yuavtsum tau ib daim ntawv mus yuav cov tshuaj thiab khoom siv los tswj kom tsis txhob muaj menyuam. Peb kam them rau cov khoom siv los tswj kom tsis txhob muaj menyuam hauv qab no:
tshuaj noj kom txhob muaj menyuam
tshuaj tua kab txivneej ntaub ntsaws hnyuv txiav lossis khi hnyuv
hnab looj pojniam xov ntsaws hnyuv (IUD) hnab looj txivneej tshuaj Depo-Provera tshuaj noj tomqab nrog txivneej pw
Cov Kev Khomob thiab Kev PabcuamUas Yuav Siv Tau
40
Yog xav tau ib tus kws npaj tsevneeg, hu rau lub Chaw Pabcuam Tswvcuab. Lub Xeev los tseem yuav pab tau ntawm 1-800-942-1054.
Kev Pub Niam Mis – Khoom Siv thiab Cov Hoob Qhia Kev pub niam mis zoo rau leej niam thiab tus menyuam! Niam mis pab tau kom koj tus menyuam muaj kev nojqab haushuv. Nws tseem pheejyig dua li yuav mis poom. Peb kam them rau cov hoob uas qhia koj tias yuav pub niam mis licas thiaj yoojyim. Peb yuav kam them rau lub tshuab nqus mis thiab cov khoom siv yog tias tsimnyog. Hu rau 1-800-700-3874 ext. 5580 mus nug ntxiv.
California Kev Khomob Rau Menyuam Yaus (CCS) Yog koj tus menyuam muaj ib tus mob ntev lossis tus mob uas yuav txov tau txoj sia, tej zaum nws yuav tau txais California Kev Khomob Rau Menyuam Yaus (CCS). CCS yog ib txoj kev pabcuam hauv lub xeev rau cov menyuam yaus hnub nyoog thaum yug mus txog 21 xyoos. CCS tsuas yog them rau kev kho tus mob ntev ntawd nkaus xwb. Lub Alliance tseem yuav them rau lwm yam kev khomob uas tsis hais txog CCS. Yog koj tus menyuam tau txais CCS, nws yuav tau mus ntsib ib tus kws khomob lossis tsev khomob rau CCS mus kho nws tus mob ntawd.
Peb lub Chaw Saib Kev Khomob yuav pab cov tswvcuab uas tau txais CCS. Hu rau 1-800-700-3874 ext. 5562 yog
koj tus menyuam tau txais CCS thaum nws tau txais Medi-Cal; koj tus menyuam tau txais CCS tomqab los uas Alliance tus tswvcuab; koj muaj lus nug txog CCS; lossis koj xav paub tias nws ua haujlwm licas nrog lub Alliance.
Kev Mus Kuaj Mob thiab Txhaj Cov Tshuaj Tivthaiv rau Cov Menyuam Yaus thiab Cov Hluas
Cov menyuam yaus thiab cov hluas yuavtsum tau mus kuaj mob raws sijhawm mus: ntsuas lawv kev lojhlob kom paub lawv tus kws
khomob kom ntxov paub tias mob dabtsi
mus txhaj lawv cov tshuaj tivthaiv sau npe kawm ntawv, ua sports
lossis mus camp thiab kom muaj kev nojqab
haushuv.
Txoj Kev Pabcuam Tivthaiv Menyuam Kev Nojqab Haushuv thiab Teebmeem hauv Kev Lojhlob (CHDP) cov kws khomob pab muab kev kuaj mob thiab txhaj cov tshuaj tivthaiv. Yog koj tus menyuam tus kws khomob tsis yog ib tus kws khomob CHDP, nws yuav xa koj tus menyuam mus rau ib tus uas yog. CHDP yuav teem tau sijhawm rau koj lossis nrhiav tsheb thauj koj mus ntsib lawv.
Santa Cruz County CHDP Monterey County CHDP Merced County CHDP 831-763-8932 831-755-5550 209-381-1125
Kev Zuaj Txha Cajraum Txoj kev khomob no tsuas yog Alliance cov tswvcuab uas tsis tau muaj 21 xyoos lossis cov uas nyob hauv tsev laus xwb thiaj siv tau. Yog xav paub ntxiv txog txoj kev khomob no, mus xyuas Cov Kev Khomob Allied uas Muaj Kev Txwv nyob rau nplooj 45.
41
Kev Khomob Ntshav Qabzib Ntshav qabzib muaj cuabkav dhau los ua ib tus mob phem. Yog koj tsis kho koj tuskheej, nws muaj cuabkav yuav muaj kev tsis zoo rau txhua yam hauv lub cev. Txhua tus yeej xyaum tau kev ua lub neej kom muaj kev nojqab haushuv nrog ntshav qabzib! Yog koj muaj ntshav qabzib, koj tsimnyog mus kuaj peb hlis twg ib zaug ntawm koj tus PCP. Koj tus kws khomob yuav kuaj koj thiab kuaj koj ob txhais ko-taw thiab kuaj ntshav khiav. Koj tus PCP tseem yuav xa koj mus kuaj ntshav. Koj tsimnyog tseem yuav tau mus kuaj qhovmuag txhua xyoos. Peb yuav them rau cov tshuaj noj thiab khoom siv kho ntshav qabzib.
Peb them rau cov hoob qhia tshwjxeeb txog ntshav qabzib, rau cov tswvcuab uas muaj 21 xyoos rov saud. Koj yuav kawm txog:
Kev noj koj cov tshuaj Kev npaj koj cov zaubmov Kev kuaj koj cov ntshav
qabzib
Kev teev koj cov ntshav qabzib tseg Kev nquag thiab tawm dagzog Kev txo kev nyuaj siab.
Cov menyuam yaus tsis tau muaj 21 yuav tau txais kev qhia txog ntshav qabzib los ntawm California Kev Khomob Rau Menyuam Yaus (CCS) thiab yuav tau txais cov kev pabcuam no los ntawm lawv. Hu rau 1-800-700-3874 ext. 5580 mus nrhiav ib hoob qhia uas nyob ze koj. Koj tsis tas yuav kev xa mus los ntawm koj tus PCP.
Kev Lim Ntshav Peb kam them rau kev mus lim ntshav rov los tsev. Koj yuavtsum tau kev tsocai uantej.
Kev Kuaj Mob thiab Khomob Siv Radiology Peb them rau cov kev kuaj thiab khomob siv radiology uas tsimnyog los tshuaj, kuaj thiab kho koj tus mob. Tej no suav kev thaij x-rays, MRI thiab thaij CT. Koj yuavtsum tau muaj ntawv xa mus rau cov kev khomob no. Qee yam kev khomob yuavtsum tau thov kev tsocai uantej los ntawm lub Alliance.
Kev Pab Cov Muaj Teebmeem Kev Tu-ncua hauv Lub Cev Yog koj muaj ib yam teebmeem kev tu-ncua hauv lub cev, peb muaj cov medical social workers uas yuav pab tau:
Yog koj muaj lus nug txog yam khoom siv khomob uas koj tus kws khomob xav yuav rau koj
Yog koj yam khoom yuav tau coj mus kho Yog koj muaj teebmeem mus khomob lossis yuav khoom siv khomob.
Peb muaj ib cov social workers. Lawv yuav qhia tau rau koj txog cov koomhaum uas pab cov neeg muaj teebmeem kev tu-ncua hauv lub cev. Yog koj tau txais kev pab los ntawm ntau lub koomhaum, lawv yuav coj lawv los ua haujlwm uake pab koj. Peb cov neeg sawvcev Pabcuam Tswvcuab yuav xa tau koj mus rau lwm cov koomhaum uas tej zaum yuav pab tau koj.
Kev Mus Ntsib Kws Khomob Peb them rau koj cov kev mus ntsib koj tus kws khomob. Peb them rau cov kev mus ntsib kws khomob thaum koj mob. Peb tseem them rau cov kev mus khomob tivthaiv, mus kuaj mob raws sijhawm, thiab txhaj tshuaj tivthaiv. Qee zaum tus Neeg Pab Kws Khomob yuav los pab khomob rau koj. Tej zaum koj tseem yauv raug kho los ntawm ib tus Neeg Saib Mob hauv koj tus kws khomob lub chaw ua haujlwm.
42
Yog koj xav tau kev khomob yav tsaus-ntuj lossis hnub so, xub hu rau koj tus kws khomob lub chaw ua haujlwm uantej. Txawm nws kaw lawm los, yuav muaj lwm tus kws khomob los pab lossis kaw suab qhia tias koj yuav tau ua licas. Hu rau tus xovtooj hauv koj daim Alliance ID card.
Khoom Siv Khomob Mus Ntev Khoom siv khomob hauv tsev xwsli rooj zaum thawb ntog lossis pas txheem mus kev. Yog koj yuavtsum tau muaj cov khoom siv khomob mus ntev, koj tus kws khomob yuav sau ntawv rau koj mus yuav. Qee yam khoom siv khomob koj yuavtsum tau thov kev tsocai uantej los ntawm lub Alliance. Rau qee hom khoom siv khomob, li rooj zaum thawb ntog, yuav tau muaj ib tus neeg uas tau kawm txog neeg lub cev los tshuaj thiab ntsuas koj. Txoj kev tshuaj yog los xyuas saib koj puas tsimnyog yuav ib yam khoom siv khomob los pab thiab nws yuav yog dabtsi.
Kev Ntxov Kuaj, Nrhiav Kabmob thiab Khomob (EPSDT) Cov Kev Ntxov Kuaj, Nrhiav Kabmob thiab Khomob (EPSDT) yog ib cov kev khomob ntxiv hauv Medi-Cal. Txoj kev pabcuam no pab nrhiav thiab kho cov kev mob nkeeg ntawm cov menyuam thaum yug mus txog hnub nyoog 21 xyoos. Cov kev khomob no yog rau cov tswvcuab uas muaj cov Medi-Cal uas kho tau txhua yam.
EPSDT muab ib cov kev khomob ntxiv. Nug koj tus kws khomob lossis lub tsev khomob txog cov kev khomob EPSDT. Tej zaum koj yuav tau txais cov kev khomob no yog tias koj tus kws khomob xav tias koj yuavtsum tau muaj nws.
Kev Khomob Xwmtxheej Ceev Kev mob xwmtxheej ceev yog txoj kev mob uas koj xav tias koj yuav tuag lossis yuav ua rau muaj kev piamsij los rau koj lub cev yog koj tsis mus khomob tamsim. Koj yuav tau txais kev khomob xwmtxheej ceev 24 teev toj hnub, xya hnub toj ib lub limtiam. Koj yuav tau txais kev khomob xwmtxheej ceev tsis hais thaum tseem nyob hauv lossis tawm ntawm lub Alliance lub cheebtsam khomob lawm. Kev mob xwmtxheej ceev yog:
Thaum uas koj xav tias koj yuav tuag yog tsis tau txais kev pab sai. Thaum uas koj mob heev. Thaum uas koj xav tias koj ib yam hauv koj lub cev yuav puas. Thaum uas koj xav tias ib yam hauv koj lub cev tsis ua haujlwm lawm.
Koj yuav tau txais kev khomob xwmtxheej ceev 24 teev hauv txhua lub chaw khomob xwmtxheej ceev, yam tsis yuav kev tsocai uantej. Yog koj muaj ib yam xwmtxheej ceev uas yuav tuag taus, mus rau lub tsev khomob uas nyob ze rau koj tshaj. Yog koj tsav tsis tau tsheb, hu rau 911. Muab koj daim Medi-Cal BIC card thiab koj daim Alliance ID card rau lawv xyuas.
Yog lub tsev khomob tsis tau txais ib copy ntawm koj cov cards, koj yuav tau txais ib daim nqi khomob tuaj hauv lub tsev khomob tuaj thiab ib daim tuaj ntawm cov kws khomob tuaj. Yog koj tau txais nqi khomob, luam koj ob daim cards xa mus rau lub chaw nyob ntawm cov nqi khomob. Luam ob sab tibsi. Yog koj tseem tau txais cov nqi ntxiv tomqab koj qhia rau lub tsev khomob thiab tus kws khomob lawm tias koj muaj kev khomob los ntawm lub Alliance, thov hu rau lub Chaw Pabcuam Tswvcuab.
Koj yuav tau mus khomob ntxiv ntawm koj tus PCP tomqab koj mus khomob xwmtxheej ceev tas. Koj tus kws khomob yuavtsum tau paub tias koj raug mob lossis mob hnyav. Koj tus PCP yuav yog tus khomob ntxiv rau koj tomqab mus khomob xwmtxheej ceev tas, yog
43
tias koj yuavtsum tau mus khomob ntxiv. Peb yuav tsis them rau kev mus kuaj mob ntxiv hauv chav khomob xwmtxheej ceev.
Kev Thauj Mus Khomob Xwmtxheej Ceev (Ambulance) Peb them rau tsheb ambulance thauj mus khomob yog yuavtsum tau mus. Yog koj paub tsis meej tias xyov koj puas yuavtsum tau siv tsheb ambulance, hu rau koj tus kws khomob mus nrhiav kev pab. Hu rau 911 yog koj muaj xwmtxheej ceev.
Kev Kuaj Qhovmuag thiab Tsom-iav Txoj kev khomob no tsuas yog Alliance cov tswvcuab uas tsis tau muaj 21 xyoos lossis cov uas nyob hauv tsev laus xwb thiaj siv tau. Koj mus kuaj qhovmuag tau txhua ob lub xyoos twg ib zaug ntawm Alliance ib tus kws kho qhovmuag. Koj tseem mus yuav tau tsom-iav ob xyoos twg ib zaug. Koj yuavtsum tau mus yuav hauv ib lub chaw muag tsom-iav hauv peb Phau Ntawv Teev Cov Kws Khomob. Nws muaj nyob rau hauv ntu teev Cov Kws Kho Qhovmuag hauv Phau Ntawv Teev Cov Kws Khomob.
Kev Npaj Tsevneeg Cov kev npaj tsevneeg yog suav:
Kev mus ntsib txog kev npaj tsevneeg
Kev tswj kom txhob xeebtub, nrog tshuaj noj rau xwmtxheej ceev
Kev khi hnyuv qe
Kev txiav hlab ntawm txiv neej chawxis Kev rho menyuam Kuaj saib puas xeebtub thiab
tawm tswvyim Kuaj thiab kho kabmob kascees.
Kev npaj uantej txog kev xeebtub yuav ua rau koj paub meej tias koj npaj txhij lawm. Nws yuav ua rau koj tau txais kev kho kev xeebtub thaum pib mus. Koj npaj tau tias thaum twg mam pub muaj menyuam. Koj tseem npaj tau tias tsis pub kom muaj menyuam hlo li.
Koj tus PCP yuav tsis tas tau xa koj mus. Koj mus ntsib tau koj tus PCP lossis koj mus ntsib tau txhua tus kws khomob lossis tsev khomob uas kam txhais Medi-Cal. Koj tseem hu tau rau lub Department of Healthcare Services, lub Chaw Npaj Tsevneeg ntawm 1-800-942-1054 mus nug txiv txog kev npaj tsevneeg.
Txhua yam kev pab yuav tsis pub leejtwg paub. Yog koj tsis tau muaj kaum-yim xyoos, koj tsis tas yuav kev tsocai ntawm niamtxiv lossis tus saib xyuas mus nrhiav kev npaj tsevneeg.
Kev Rov Mus Kuaj Mob Dua Yog koj mus khomob xwmtxheej ceev hauv ib lub tsev khomob, hu rau koj tus PCP sai li uas sai tau. Koj tus PCP yuav pab xa koj mus kuaj ntshav, thaij x-rays lossis khomob ntxiv. Yog koj ntsib ib tus kws khomob hauv lub tsev khomob uas tsis yog koj tus kws khomob, koj tus PCP yuav tau xa koj rov mus kuaj mob dua.
Kev Qhia txog Kev Nojqab Haushuv Thaum koj paub tu koj lub cev lawm koj yuav paub xaiv tej yam kev ua uas yuav ua rau muaj kev nojqab haushuv. Thaum koj xaiv ua tej yam uas yuav muaj kev nojqab haushuv, koj lub cev yuav muaj kev nojqab haushuv tshaj qub. Koj yuav xis nyob dua. Peb xav kom koj muaj kev nojqab haushuv.
44
Koomtes nrog koj tus kws khomob yuav qhib txoj kev rau koj tau txais cov kev khomob uas zoo. Tej zaum koj tus PCP yuav hais kom koj hloov tej yam hauv koj lub neej. Tej zaum koj yuav tau thum luamyeeb. Tej zaum koj tus PCP yuav hais kom koj xyaum noj tej yam zaubmov uas zoo thiab xyaum tawm dagzog. Tej zaum koj yuav tau txo cov kev nyuaj siab.
Lub Alliance yuav pab tau koj. Hu rau peb cov neeg qhia kev nojqab haushuv ntawm 1-800-700-3874 ext. 5580.
Peb yuav xa tau tej phau ntawv me uas qhia txog ntau yam mob tuaj rau koj; Peb yuav qhia tau koj txog cov hoob qhia kev nojqab haushuv thiab tej pab
neeg txhawb. Peb tseem yuav qhia tau rau koj txog cov hoob qhia tshwjxeeb txog kev mob
hawbpob, mob ntshav qabzib lossis kev thum luamyeeb.
Koj tseem tsimnyog yuav tau nug koj tus kws khomob txog cov hoob uas qhia txog koj tus mob.
Koj tus uas yog Alliance tus tswvcuab, yuav tau txais tsab ntawv xovxwm “Ua Neej Muaj Kev Nojqab Haushuv” ib xyoos plaub zaug. Tej zaj lus yog sau txog cov tswvyim uas yuav pab kom muaj kev nojqab haushuv. Tsab ntawv xovxwm tseem muaj cov kev qhia txog cov hoob qhia txog tej yam mob thiab lwm yam kev pabcuam.
Tshuab Hnov Lus Yog koj tus kws khomob xav tias koj yuavtsum tau muaj ib lub tshuab hnov lus, nws yuav sau ntawv rau koj mus yuav ib lub thiab teem sijhawm rau koj mus tshuaj pobntseg. Koj yuavtsum tau thov kev tsocai uantej rau kev mus yuav thiab kho tshuab hnov lus.
Kev Mus So Khomob Muaj kev mus so khomob rau cov tswvcuab uas kuaj pom tias muaj mob loj hauv ntsogcev thiab nws xaiv mus so khomob. Kev mus so khomob yog suav:
Kev mus pw hauv tsev laus Neeg tuaj pab txog cov kev khomob Kev tuaj khomob hauv tsev Kev siv kws khomob, tshuaj noj, khoom siv khomob thiab khoom siv Kev pab qhuabntuag thiab pab thaum quajntsuag Kev pab tswj kev mob thiab tus mob.
Cov tswvcuab uas xaiv mus so khomob yuav tsis tau txais lwm yam kev kho tus mob hauv ntsogcev thaum nws tseem mus so khomob.
Kev Mus Pw Tsev Khomob Peb them rau lub hoob pw, txhua yam khoom thiab tshuaj siv thiab kws khomob kev tuaj kho hauv lub tsev khomob. Koj tus kws khomob yuav xa koj mus rau lub tsev khomob uas nws siv. Yog nws yog mob xwmtxheej ceev, koj yuav tau mus rau tom lub tsev khomob uas nyob ze rau koj tshaj. Yog koj yuavtsum tau muaj cov kev khomob tshwjxeeb, tej zaum koj yuav tau mus rau ib lub tsev khomob loj uas muaj ntau yam kev khomob. Tej zaum koj yuav tau mus rau lwm lub nroog.
Kev Kuaj Ntshav Yog koj xav tau kev kuaj ntshav, koj tus kws khomob yuav xa koj mus. Koj mus tau rau txhua lub chaw kuaj ntshav uas kam txais Medi-Cal thiab lub Alliance.
45
Cov Kev Khomob Allied uas Muaj Kev Txwv Cov Kev Khomob uas Muaj Kev Txwv yog kev hno leeg, kev zuaj txha cajraum, kev kho ko-taw, thov vajtswv lossis khomob sab ntsujplig thiab kev qhia rov xyaum ua haujlwm thiab rov xyaum hais lus. Koj siv tau Cov Kev Khomob Allied uas Muaj Kev Txwv ib lub hlis ob zaug. Koj tsis tas yuav kev xa mus rau ob zaug kev mus ntsib lawv no li. Koj siv tau txoj kev khomob no ua ob txoj kev. Qee yam kev kho ko-taw koj yuavtsum tau thov kev tsocai uantej.
Thov qhia: Txoj kev hno leeg thiab zuaj txha cajraum no tsuas yog Alliance cov tswvcuab uas tsis tau muaj 21 xyoos lossis cov uas nyob hauv tsev laus xwb thiaj siv tau. Koj mus ntsib tau ib hom kws khomob ob zaug. lossis
Koj mus ntsib ib hom kws khomob ib zaug thiab ho mus ntsib lwm hom kws khomob zaum ob.
Xyuas hauv ntu teev Allied Cov Kws Khomob hauv peb Phau Ntawv Teev Cov Kws Khomob. Yog koj mus ntsib ib tus kws khomob uas tsis nyob hauv peb phau ntawv, koj yuav tau xyuas kom meej tias lawv txais Medi-Cal. Yog lawv tsis kam txais Medi-Cal, koj yuav tau them rau tus nqi khomob. Yog koj mus khomob tshaj li ob zaug toj ib lub hlis koj yuav tau them rau zaum uas tshaj ntawd ntawm koj tuskheej.
Cov Tshuaj Noj Peb kam them rau cov tshuaj noj uas teev rau hauv peb “daim ntawv teev cov tshuaj noj.” Daim ntawv teev cov tshuaj noj yog teev cov tshuaj uas peb yuav kam them rau. Ib pab kws khomob thiab kws muag tshuaj noj los tshuaj thiab kho daim ntawv teev tshuaj noj no ib xyoos ob peb zaug. Peb kho daim ntawv teev cov tshuaj noj vim yog xav kom cov tshuaj noj yog cov uas muaj kev cobphum thiab pab tau neeg mob. Alliance txhua tus kws khomob muaj daim ntawv no.
Peb tseem kam them rau qee yam tshuaj noj uas “cia li mus yuav.” Nws yog cov tshuaj xwxli: insulin thiab khoom siv rau
ntshav qabzib tshuajnoj kom tsis txhob tsam plab
vitamins rau cov pojniam xeebtub hnab looj txivneej tshuaj los ntswg thiab mob taubhau.
Yog koj xav kom peb them rau cov tshuaj no koj yuavtsum tau thov daim ntawv yuav tshuaj. Txawm yog koj cia li mus yuav cov tshuaj no tau los, koj yuavtsum tau hais kom koj tus kws khomob sau ntawv rau koj xwv lub tsev muag tshuaj thiab xa tau qhov nqi tuaj rau peb them. Koj tus PCP lossis tus kws khomob uas koj tus PCP xa koj mus rau sau tau daim ntawv yuav tshuaj rau koj.
Yog koj niajhnub noj ib cov tshuaj, koj mus yuav tau tshuaj noj kom kav ib lub hlis. Hu rau koj tus kws khomob uantej koj cov tshuaj tas yog koj xav tau cov tshuaj noj ntxiv.
Koj nrhiav tau cov tsev muag tshuaj uas koj yuav mus yuav tau tshuaj hauv Phau Ntawv Teev Cov Kws Khomob.
Yog koj siv qee yam tshuaj tshwjxeeb, xwsli cov tshuaj uas koj txhaj koj tuskheej (yus txhaj rau yus) koj yuav tau yuav nws ntawm ib lub tuam txhab hu ua CuraScript. Koj yuav mus yuav tsis tau hauv tej lub tsev muag tshuaj noj. Qhov no tsis xam cov insulin, tsuas yog cov tshuaj txhaj koj tuskheej xwb. Koj tus kws khomob yuav qhia tau koj ntxiv txog tej no. Lossis koj hu tau rau lub Chaw Pabcuam Tswvcuab ntawm 1-800-700-3874. Lub Xeev cov Medi-Cal them rau qee yam tshuaj noj thiab tsis yog lub Alliance them. Cov no yog cov tshuaj kho HIV/AIDS thiab kho teebmeem kev xav.
46
Yog koj cov tshuaj noj tsis nyob hauv peb daim ntawv teev cov tshuaj noj lossis koj tus kws khomob xaj ib hom tshuaj noj uas nto npe, nws yuavtsum tau thov kev tsocai uantej. Tej zaum peb yuav pom tias lwm yam tshuaj noj los yuav pab tau tib yam. Ces peb yuav nrog koj tus kws khomob tham thiab hais kom nws pauv koj cov tshuaj noj.
Nrog koj tus kws khomob tham yog koj noj ntau hom tshuaj. Qhia rau koj tus kws khomob txog cov vitamins lossis cov tshuaj uas cia li mus yuav uas koj niajhnub noj. Yog koj yimhuab mob hnyav tuaj tomqab koj noj cov tshuaj tas, hu rau koj tus kws khomob tamsim. Nrog tus kws muag tshuaj tham txog lwm yam uas cov tshuaj yuav ua rau mob.
Yog koj muaj lwm txoj kev khomob uas them rau kev yuav tshuaj noj, luag yuav xub xa nqi mus rau lawv. Koj yuav tsis tau them feem tau nrog them yog tias koj tau ua li ntawd hauv lwm txoj kev khomob, tshwj tias koj lwm txoj kev khomob ntawd yog Medicare. Yog koj muaj Medicare thiab Medi-Cal, Medicare yuav them rau koj cov tshuaj noj feem ntau, tsis yog lub Alliance. Koj yuav tau them feem uas tau nrog them rau koj cov tshuaj noj hauv Medicare txoj kev yuav tshuaj noj.
Yog koj xav paub saib ib yam tshuaj noj puas nyob hauv peb daim ntawv teev cov tshuaj noj, lossis koj xav tau ib copy, hu rau peb ntawm 1-800-700-3874. Koj tseem mus nrhiav tau ib copy hauv peb lub web site, www.ccah-alliance.org. Txawm ib yam tshuaj nyob hauv daim ntawv teev tshuaj noj los, koj tus kws khomob yuav yog tus txiavtxim tias hom tshuaj twg yuav zoo tshaj rau koj. Thov nrog koj tus kws khomob tham yog koj muaj lus nug txog lossis xav tau ib yam tshuaj tshwjxeeb.
Kev Mus Kuaj Mob Thawj Zaug Mus ntsib koj tus PCP tsis pub dhau 120 hnub tomntej (4 hlis) mus kuaj mob thawj zaug. Mus ntsib koj tus kws khomob uantej koj muaj mob. Koj tus kws khomob yuav qhia kom koj totaub txog koj cov kev khomob. Kawm kev ua kom nojqab haushuv. Koomtes nrog koj pab neeg khomob. Pab koj tus kws khomob pab koj. Hu rau koj tus PCP hnub no!
Kev Khomob Yav Tsaus-ntuj thiab Hnub So Koj hu tau koj tus PCP 24 teev toj hnub, 7 hnub toj ib lub limtiam. Yog koj muaj mob thaum lub chaw ua haujlwm kaw lawm, los koj cia li hu rau koj tus PCP. Tej zaum koj tus kws khomob yuav muaj dua lwm tus kws khomob los pab koj lossis nws yuav kaw suab qhia tias koj yuav tau ua licas.
Muaj qee cov chaw khomob thiab tsev khomob qhib yav lig. Muaj qee cov qhib hnub so. Nug koj tus kws khomob saib koj yuav tau ua licas txog kev khomob yav tsaus-ntuj thiab hnub so.
Kev Khomob hauv Tsev Laus Ib lub tsev laus muaj ntau theem kev khomob. Nws yuav yog ib lub tsev laus nrab lossis tsev laus uas muaj cov neeg txawj khomob nyob rau hauv. Thaum koj mus nyob hauv tsev laus, peb yuav them rau:
kev khomob los ntawm kws khomob; cov tshuaj noj; cov khoom siv uas tsis yog vim yoojyim; thiab kev xyaum lub cev, xyaum ua haujlwm thiab xyaum hais lus (cov kev khomob
no yuavtsum tau dua daim ntawv tsocai los ntawm lub Alliance).
Yog koj mus nyob hauv ib lub tse laus ntev tshaj li 30 hnub, koj yuav dhau los ua ib tus administrative tswvcuab hauv lub Alliance. Koj yuav tsis raug muab cob rau ib tus PCP. Thaum koj tawm hauv lub tsev laus los tsev, peb yuav muab ib tus PCP rov rau koj. Hu rau lub Chaw Pabcuam Tswvcuab thaum koj tawm los thiab peb yuav pab koj xaiv ib tus PCP rau koj.
47
Kev Rov Xyaum Ua Haujlwm Kev rov xyaum uas haujlwm yog ib txoj kev xyaum los pab ib tus tibneeg kom paub rov ua ub ua no (xwsli noj mov thiab hnav khaub-ncaws) tomqab nws mob lossis raug mob. Yog koj lossis koj tus kws khomob xav tias koj tsimnyog muaj kev rov xyaum ua haujlwm, koj yuav raug tshuaj los ntawm ib tus kws qhia xyaum ua haujlwm. Yog nws xam pom tias koj tsimnyog xyaum lawm tiag, nws yuav xa ib daim ntawv thov kev tsocai uantej mus rau lub Alliance. Feem ntau peb yuav tsocai rau mus xyaum ob peb zaug thiab mam rov tshuaj dua saib nws puas pab tau uantej uas peb yuav tsocai rau mus xyaum ntxiv. Cov menyuam uas kawm ntawv tej zaum yuav tau txais cov kev pabcuam li no los ntawm lawv lub school district.
Kev Phais Hloov Ib Yam Loj hauv Lub Cev Peb kam them rau kev phais hloov ib yam loj hauv lub cev uas tsimnyog thiab tsis yog phais sim lossis tshuaj saib mob dabtsi xwb. Yuavtsum tau thov kev tsocai uantej.
Kev Khomob Thaum Tawm lub Cheebtsam Khomob Lawm Thaum koj tawm lub Alliance lub cheebtsam khomob lawm, peb tsuas kam them rau cov kev khomob xwmtxheej ceev thiab kev khomob sai nkaus xwb. Yog koj muaj mob xwmtxheej ceev uas yuav ua rau tuag taus thaum koj tawm sab nraud lawm, koj tsimnyog mus rau lub chaw khomob xwmtxheej ceev uas nyob ze rau koj tshaj. Nqa koj txhua daim card kev khomob, nrog rau koj daim Alliance thiab Medi-Cal BIC cards nrog koj mus.
Yog nws tsis yog mob xwmtxheej ceev, tabsis koj xav tias koj yuav tos tsis taus txog thaum koj rov los tsev, hu rau koj tus PCP. Peb yuav tsis them rau koj cov kev khomob uas tsis yog mob xwmtxheej ceev lossis yog mob uas yuav tau kho sai thaum koj tawm hauv Santa Cruz, Monterey lossis Merced county mus lawm.
Yog koj tawm hauv California mus lawm, peb yuav them rau kev khomob xwmtxheej ceev tabsis tsis yog txhua lub tsev khomob thiab txhua tus kws khomob yuav txais Medi-Cal. Yog koj xav khomob xwmtxheej ceev thiab tawmhauv lub xeev mus lawm, qhia rau lub tsev khomob tias koj muaj Medi-Cal. Hais kom lub tsev khomob luam koj cov ID cards (ob sab tibsi). Hais kom lawv xa nqi mus rau lub Alliance.
Tsis yog txhua tus kws khomob tawm lub xeev sab nraud yuav txais Medicaid (Medicaid yog qhov lawv hu Medi-Cal hauv txhua lwm lub xeev tshwj California). Lub Alliance yuav them rau cov nqi khomob raws li tus nqi uas lub xeev California qhov Medi-Cal them rau lwm tus kws khomob. Txawm li los, cov kws khomob hauv lwm lub xeev tsis yuavtsum txais tus nqi uas peb them no ua tus nqi uas puv. Yog koj tau txais ib daim nqi, hu rau lub Chaw Pabcuam Tswvcuab tamsim, xwv peb thiaj hais tau kom lawv xa nqi tuaj rau peb. Yog lawv tsis kam txais Medi-Cal, koj yuav tau them daim nqi.
Yog koj tawm hauv lub tebchaw Amelikas lawm, peb tsuas them rau kev khomob xwmtxheej ceev yog tias koj raug mus pw hauv tsev khomob rau tebchaws Mev lossis Canada nkaus xwb.
Kev Rov Xyaum Lub Cev Txoj kev xyaum los pab tus neeg uas tau ua tsheb sib tsoo lossis raug mob kom lub cev rov muaj zog thiab rov ua haujlwm. Yog koj lossis koj tus kws khomob xav hais tias koj yuavtsum tau muaj kev rov xyaum lub cev, koj yuav raug tshuaj los ntawm ib tus kws qhia xyaum lub cev. Yog nws xam pom tias koj tsimnyog xyaum lawm tiag, nws yuav xa ib daim ntawv thov kev tsocai uantej mus rau lub Alliance. Feem ntau peb yuav tsocai rau mus xyaum ob peb zaug thiab mam rov tshuaj dua saib nws puas pab tau uantej uas peb yuav tsocai rau mus xyaum ntxiv. Cov menyuam uas kawm ntawv tej zaum yuav tau txais cov kev pabcuam li no los ntawm lawv lub school district.
48
Kev Kho Kotaw Ib txoj kev khomob tshwjxeeb los kuaj thiab kho kev mob thiab raug mob kotaw nrog rau qab xibtaws khov, lujtaws ntxhib thiab taubtaws khaus. Cov kev khomob feem ntau yuavtsum tau kev xa mus lawm ntawm koj tus PCP. Qee yam kev khomob, yuavtsum tau thov kev tsocai uantej, txhais tau tias tus kws kho kotaw yuav tau xa ib daim ntawv thov kev tsocai uantej mus rau lub Alliance mus thov kev tsocai uantej yuav kho koj tau.
Kev Kuaj Kev Xeebtub thiab Tomqab Yug Menyuam Tas Uantej tus Menyuam Mosliab Yog koj xeebtub lossis xav tias koj xeebtub lawm, nws tseemceeb uas koj yuav tau mus ntsib koj tus kws khomob sai li uas sai tau. Thaum koj xeebtub lawm, koj tsimnyog mus kuaj kev xeebtub. Ua li no koj thiab koj tus menyuam mosliab hauv plab thiaj li yuav muaj kev nojqab haushuv li muaj tau. Koj mus ntsib tau txhua tus kws khomob hauv Santa Cruz, Monterey lossis Merced County uas kam txais Medi-Cal thiab lub Alliance. Koj tsis tas yuav kev xa mus los ntawm koj tus PCP mus ntsib ib tus kws kho menyuam mosliab hauv plab.
Thaum koj xeebtub, koj yuav mus ntsib koj tus kws khomob txog li 12 zaug. Koj yuav mus kuaj menyuam hauv plab li ib hlis ib zaug.
Hu rau lub Alliance tus Neeg Qhia Kev Nojqab Haushuv mus nrhiav kev pab txog koj txoj kev xeebtub. Mus nrhiav kev pab txog tej yam xwsli kev thum luamyeeb, pub niam mis rau menyuam noj thiab txo tsevneeg kev nyuaj siab. Hu rau 1-800-700-3874 ext. 5580. Hais kom koj tus kws khomob pab xa koj mus rau cov kev pabcuam dawb no:
Txoj Kev Pabcuam Khomob Kev Xeebtub (CPSP) muaj cov hoob qhia txog Txoj kev xeebtub uas muaj kev nojqab haushuv Txoj kev noj tej zaubmov uas zoo rau lub sijhawm xeebtub Txoj kev pub niam mis rau menyuam noj.
Txoj Kev Pabcuam Pojniam, Cov Menyuam Mos thiab Menyuam Yaus (WIC) muaj cuabkav Muab zaubmov pub dawb rau koj Qhia koj txog txoj kev noj cov zaubmov uas zoo rau lub cev.
Hu rau peb ntawm 1-800-700-3874 ext. 5580 mus thov ib phau ntawv me dawb uas qhia txog txoj kev xeebtub uas muaj kev nojqab haushuv. Peb tus neeg qhia kev nojqab haushuv tseem yuav pab tau koj nrhiav cov kev txhawbzog. Mus nrhiav kev pab txog tej yam xwsli kev thum luamyeeb, pub niam mis rau menyuam noj thiab txo tsevneeg kev nyuaj siab.
Tomqab tus Menyuam Mosliab Yug Los Koj tseem yuav tau mus ntsib koj tus kws khomob tomqab koj yug menyuam tas. Txoj kev kuaj “tomqab yug menyuam tas” yog mus kuaj thaum koj tus menyuam muaj hnub nyoog li 3-7 lub limtiam. Teem lub sijhawm mus ntsib li no li ob peb hnub tomqab koj yug menyuam tas.
Lub Alliance yuav xa ib daim $20 gift card tuaj rau koj yog koj mus kuaj mob tomqab yug menyuam tas raws sijhawm.
Nco ntsoov qhia rau koj tus neeg tuav ntaub ntawv hauv Medi-Cal thaum koj tus menyuam mosliab yug los lawm. Koj yuav tau mus thov Medi-Cal rau koj tus menyuam mosliab. Koj tus menyuam mosliab tsuas siv tau koj daim Medi-Cal mus txog li 60 hnub nkaus xwb. Hu rau lub Chaw Pabcuam Tswvcuab mus xaiv ib tus kws khomob rau koj tus menyuam mosliab.
49
Kev Khomob Tivthaiv Koj tsis txhob tos txog thaum koj mob tso mam mus ntsib koj tus kws khomob. Koj tsis tam mus tom chav khomob xwmtxheej ceev mus nrhiav kev khomob. Peb them rau cov kev khomob uas yuav pab kom koj muaj kev nojqab haushuv. Cov no hu ua cov kev khomob tivthaiv. Koj mus ntsib tau koj tus kws khomob mus kuaj mob kom koj muaj kev nojqab haushuv. Kev khomob tivthaiv yog suav:
Kev mus kuaj mob raws sijhawm (rau txhua tus);
Kuaj cancer ntawm ncauj tsev menyuam (rau cov pojniam) thiab kuaj
Thaij qog mis (rau cov pojniam); Kuaj menyuam mosliab thiab menyuam
yaus raws sijhawm; Txhaj cov tshuaj tivthaiv; thiab Kuaj kev xeebtub (rau cov pojniam).
cancer ntawm prostate (rau cov txivneej);
Xyuas cov charts uas nyob nplooj 28-32. Lawv teev cov kev mus kuaj mob tivthaiv uas koj tsimnyog yuavtsum tau muaj. Lawv tseem qhia tias koj tsimnyog yuav mus kuaj li no thaum twg. Nws muaj ib daim chart uas qhia tias thaum twg koj yuav tau mus txhaj cov tshuaj tivthaiv kom koj tsis txhob muaj mob. Nws muaj ib daim chart rau cov menyuam yaus thiab cov hluas thiab muaj dua ib daim rau cov laus. Lub sijhawm mus kuaj mas sib txawv rau pojniam thiab txivneej. Yog koj muaj lus nug txog cov kev khomob tivthaiv, nug koj tus kws khomob. Peb cov Neeg Qhia Kev Nojqab Haushuv ntawm 1-800-700-3874 ext. 5580 tseem yuav pab tau koj.
Cov Kev Khomob Tsis Pub Leejtwg Paub Koj siv tau cov kev khomob uas peb hu ua cov kev khomob tsis pub leejtwg paub. Koj tus PCP yuav muab tau cov kev khomob li no rau koj. Koj tseem xaiv tau dua ib tus kws khomob uas kam txais Medi-Cal. Koj tsis tas yuav kev xa mus los ntawm koj tus PCP. Cov kev khomob tsis pub leejtwg paub yog suav:
Kev kuaj saib puas xeebtub thiab nrog tawm tswvyim;
Kev tswj kom tsis txhob xeebtub;
Kev kuaj kabmob AIDS/HIV; Kho kev raug mos lossis raug yuam Kev kuaj thiab kho kabmob kascees;
thiab Nrog tawm tswvyim thiab rho menyuam.
Yog koj muaj hnub nyoog li nruab nrab ntawm kaum-ob thiab kaum-yim xyoos, koj tsis tas yuav kev tsocai los ntawm niamtxiv lossis tus saib xyuas rau cov kev khomob no. Txhua yam kev khomob li no yuav tsis pub rau leejtwg paub.
Kev Khomob Tshwjxeeb Yog koj yuavtsum tau mus ntsib ib tus kws khomob tshwjxeeb, koj tus PCP yuav xa koj mus rau ib tus hauv koj lub cheebtsam khomob. Txoj kev xa mus yog rau txhua yam kev khomob uas koj tus PCP tsis kho. Nws yog tau kev xa mus ntsib dua lwm tus kws khomob. Nws tseem yog tau kev xa mus kuaj ntshav lossis thaij x-rays. Yog tsis muaj ib tus kws khomob tshwjxeeb hauv peb lub cheebtsam khomob li, koj tus PCP yuav thov kom peb tsocai rau nws xa koj mus ntsib ib tus kws khomob tshwjxeeb sab nraud.
Yog koj thiab koj tus PCP tsis sib pom zoo txog kev xa mus, peb yuav pab daws qhov teebmeem rau neb. Koj thov tau kev pab nrog tshuaj los ntawm peb tus Thawj Saib Kev Khomob. Koj tseem yuav thov tau lub tswvyim thib ob los ntawm lwm tus kws khomob.
50
Kev Xyaum Hais Lus Ib txoj kev xyaum los pab tej tus neeg uas hais tsis tau lus vim muaj teebmeem hauv lub cev, muaj mob lossis raug mob. Yog koj lossis koj tus kws khomob xav hais tias koj yuavtsum tau muaj kev xyaum hais lus, koj yuav raug tshuaj los ntawm ib tus kws qhia xyaum hais lus. Yog nws xam pom tias koj tsimnyog xyaum lawm tiag, nws yuav xa ib daim ntawv thov kev tsocai uantej mus rau lub Alliance. Feem ntau peb yuav tsocai rau mus xyaum ob peb zaug thiab mam rov tshuaj dua saib nws puas pab tau uantej uas peb yuav tsocai rau mus xyaum ntxiv. Cov menyuam uas kawm ntawv tej zaum yuav tau txais cov kev pabcuam li no los ntawm lawv lub school district.
Kev Thauj Mus Khomob – Tsis Yog Xwmtxheej Ceev Txoj kev pabcuam li no tsuas yog rau cov tswvcuab uas caij tsis tau tsheb vim nws tus mob. Thov mus xyuas nplooj 26 txog cov kev qhia ntxiv txog cov qauv. Tsuas thauj mus thiab rov los rau ntawm tus kws khomob uas nyob ze rau koj tsev tshaj xwb. Peb siv ob peb lub koomhaum tsheb thauj neeg hauv Santa Cruz, Monterey thiab Merced counties uas pab thauj neeg mus khomob uas tsis yog xwmtxheej ceev.
Yog koj xav tias koj tsimnyog yuav tau txais, hu rau 1-800-700-3874 ext. 5625. Peb yuavtsum tau tshuaj tias koj yeem tsimnyog tau txais tiag raws li Medi-Cal cov qauv.
Kev Khomob Sai Kev khomob sai thiab kev khomob xwmtxheej ceev mas sib txawv. Kev khomob sai yog thaum koj yuavtsum tau mus khomob tamsid, tabsis nws tsis yog yam uas yuav ua rau koj tuag taus. Nws yog tej yam xwsli mob pobntseg, nqaij ntuag lossis pobtxha dam.
Yog koj yuavtsum tau muaj kev khomob sai, hu rau koj tus PCP tamsid. Koj hu tau 24 teev toj hnub, 7 hnub toj ib limtiam. Yog koj tus PCP ntsib tsis tau koj tamsid, tej zaum nws yuav xa koj mus rau dua ib tus kws khomob lossis chav khomob xwmtxheej ceev. Yog koj xav tau kev khomob sai thaum tawm mus sab nraum lub Alliance lub cheebtsam khomob lawm, koj yuavtsum tau kev tsocai los ntawm koj tus PCP.
Txoj Kev Pabcuam Cov Pojniam, Cov Menyuam Mos thiab Menyuam Yaus (WIC)
Yog koj xeebtub lossis muaj ib tus menyuam hnub nyoog tsis tau muaj 5 xyoos, koj tus kws khomob yuav xa koj tau rau Txoj Kev Pabcuam Cov Pojniam, Cov Menyuam Mos thiab Menyuam Yaus (WIC). WIC muaj ib txoj kev Pabcuam Khoom Noj Tshwjxeeb los Pab. Koj yuav tau txais khoom noj thiab kev qhia txog kev nojqab haushuv dawb los ntawm WIC. Noj hom zaubmov uas zoo yuav ua rau koj muaj kev nojqab haushuv. Cov zaubmov zoo ua rau koj khov tshaj qub.
Santa Cruz County WIC Monterey County WIC Merced County WIC 831-722-7121 831-796-2888 209-383-4859 Lossis 831-662-0488
Cov Kev Khomob hauv Medi-Cal uas Tsis Muaj hauv lub Central California Alliance for Health
Nws muaj qee yam kev khomob hauv Medi-Cal uas tsis muaj hauv lub Alliance rau koj. Medi-Cal yuav them rau cov kev khomob no. Koj tsuas yog tsis mus kho hauv lub Alliance xwb. Yog koj xav tau cov kev khomob no, mus ntsib ib tus kws khomob uas kam txais Medi-Cal. Muab koj daim Medi-Cal BIC card rau lawv xyuas.
51
Cov no yog cov kev khomob hauv Medi-Cal uas koj siv tsis tau hauv lub Alliance:
Kev Kho Hniav – Yog xav nrhiav ib tus kws kho hniav uas kamtxais Medi-Cal, hu rau Denti-Cal ntawm 800-322-6384 (hu-dawb). Koj tsuas yog mus kho hniav tau yog tias koj:
hnub nyoog tsis tau muaj 21 xyoos; lossis nyob hauv ib lub tsev laus; lossis xeebtub, thiab yog tsis kho yuav ua rau muaj kev tsis zoo rau koj txoj
kev xeebtub. Koj tseem yuav kho tau yog tias nws yog vim ib yam mob xwmtxheej ceev.
Kev Khomob Teebmeem Kev Xav – mus pw kho thiab mus kho rov los tsev Yog xav tau kev khomob teebmeem kev xav hauv Santa Cruz County, thov hu rau 800-952-2335. Yog xav tau kev khomob teebmeem kev xav hauv Monterey County, thov hu rau 888-258-6029. Yog xav tau kev khomob teebmeem kev xav hauv Merced County, thov hu rau 888-334-0163.
Kev Khomob Teebmeem Kev Xav Short-Doyle, nrog rau kev kho kev quav yeeb-tshuaj thiab quav cawv
Kev Pab Zov Cov Laus Kev Pab Ntau Yam rau Cov Laus (MSSP) Chaw Qhia Kev Nojqab Haushuv hauv Nroog (LEA) California Kev Kho Menyuam Yaus (CCS) Cov Kev Pab Dawb hauv Tsev thiab hauv Zos Kev Pab Kuaj Alphafeto Protein los ntawm lub Chaw Kuaj Mob Raws Cajces Txoj Kev Khomob Menyuam Yaus Tsocai Tsev Khomob hauv Tseemfwv Xeev lossis Qibsiab Qee Yam Tshuaj Kho HIV/AIDS Qee Yam Tshuaj Noj Kho Teebmeem Kev Xav
Txawm yog cov kev khomob no tsis muaj hauv lub Alliance los, Medi-Cal yeej tseem kam them rau. Yog koj muaj teebmeem nrhiav cov kev khomob no, thov hu rau lub Chaw Pabcuam Tswvcuab. Peb yuav pab koj nrhiav tau lub koomhaum lossis cov kev khomob uas koj xav tau.
Kev Pub Ib Yam hauv Lub Cev lossis Tawv Rau Lwm Tus Kev pub ib yam hauv lub cev lossis tawv rau lwm tus muaj kev zoo ntau yam rau tej neeg zejzos. Kev pub ib yam hauv lub cev lossis tawv rau lwm tus ua rau tus neeg uas tau txais yam khoom ntawd ua tau lub neej puvntoob thiab muaj nujnqis lawm yav tomntej. Tamsim no cov neeg uas xav tau tej yam ntawm lwm tus lub cev muaj coob tshaj li uas luag muaj tej yam khoom ntawd. Yog koj txaus siab muab ib yam hauv koj lub cev pub rau lwm tus, thov nrog koj tus kws khomob tham. Kev muab ib yam hauv lub cev rau lwm tus pib hauv lub tsev khomob thaum uas luag xam tias tus neeg mob ntawd lub hlwb tuag lawm thiab nws yog ib tus neeg uas kam muab tej khoom hauv nws lub cev pub rau lwm tus. Lub koomhaum khaws tej yam khoom hauv lub cev yuav tuaj pab nrog sau tej yam uas tseem zoo siv. Lub Department of Health and Human Services qhov Internet website (www.organdonor.gov) muaj kev qhia ntxiv txog kev pub tej yam khoom hauv lub cev thiab tawv rau lwm tus.
52
Daim Ntawv Qhia txog Kev Ceev Ntaub Ntawv Daim ntawv no qhia txog cov kev uas peb yuav siv thiab muab koj cov ntaub ntawv khomob rau lwm tus xyuas. Daim ntawv no tseem qhia ntxiv txog qhov uas koj yuav tuaj xyuas tau koj cov ntaub ntawv. Thov ua tib zoo nyeem. Yog vim licas kuv thiaj li tau txais Daim Ntawv no?
Lub Alliance raug samfwm los ntawm txoj kevcai kom ua tib zoo ceev koj tej ntaub ntawv khomob tsis txhob pub leejtwg pom. Peb raug samfwm kom qhia koj paub txog tej uas peb yuav tau ua thiab peb txoj kev ceev ntaub ntawv.
Daim ntawv no qhia txog peb txoj kev ceev ntaub ntawv thiab tej cai uas koj muaj txog koj cov ntaub ntawv khomob. Daim ntawv no tsis tau txwv cov kev siv lossis kev muab rau lwm tus xyuas uas raug tsocai los ntawm txoj kevcai.
Peb raug samfwm kom yuav tau ua raws li Daim Ntawv Qhia txog Kev Ceev Ntaub Ntawv no. Peb kuj muaj cai hloov cov lus uas hais hauv daim ntawv no thiab. Yog peb hloov tej yam hauv Daim Ntawv no, peb yuav xa ib daim tuaj rau koj ntawm koj lub chaw nyob uas peb muaj.
Lub Alliance yuav siv thiab muab kuv cov ntaub ntawv khomob rau lwm tus xyuas licas?
Lub Alliance ceev cov ntaub ntawv khomob txog koj, uas muaj koj tej nqi khomob yav tas los, tej kev qhia hauv daim ntawv nkag los ua tswvcuab, kev tswj thiab kho koj tus mob, cov kev tsocai rau kev kho koj tus mob thiab cov kev muab koj xa mus khomob. Peb yuav siv thiab muab tej ntaub ntawv no rau lwm tus xyuas rau tej yam li hauvqab no:
Kev Khomob Lub Alliance yuav siv koj cov ntaub ntawv khomob los npaj thiab nrhiav kev khomob rau koj. Tej zaum peb yuav muab nws rau cov tsev khomob, tsev kuaj mob, cov kws khomob thiab lwm tus neeg muab kev khomob xyuas kom lawv paub npaj thiab muab kev khomob rau koj. Xwsli, lub Alliance ceev koj cov ntaub ntawv khomob rau hauv electronic, thiab tej zaum yuav tsocai rau neeg muab kev khomob mus xyuas xwv lawv thiaj paub npaj thiab muab kev khomob rau koj.
Kev Them Nqi Lub Alliance yuav siv thiab muab koj cov ntaub ntawv khomob rau lwm tus xyuas los them tej nqi khomob uas koj tau txais, los tshuaj saib koj puas tsimnyog tau txais kev khomob, thiab saib puas tsimnyog them tej nqi ntawd rau koj tus kws khomob. Xwsli, peb qhia rau cov kws khomob paub tias koj yog ib tus tswvcuab hauv peb txoj kev npaj khomob, thiab peb qhia rau lawv tias cov kev khomob uas peb yuav them rau yog dabtsi. Kev khiav txoj kev npaj khomob Lub Alliance yuav siv thiab muab koj cov ntaub ntawv khomob rau lwm tus xyuas li tsimnyog yuav tau ua los khiav peb txoj kev npaj khomob. Xwsli, peb yuav siv peb cov tswvcuab cov nqi khomob los ua peb cov ntawv qhia kev siv nyiaj, thiab los tshuaj peb cov kev khomob.
Peb tseem yuav muab cov ntaub ntawv khomob rau cov neeg uas muaj kev coglus muab kev khomob rau peb thiab cov neeg uas pab peb ua tej haumlwm no xyuas. Peb samfwm kom lawv yuavtsum tau suam npe rau daim ntawv coglus tias yuav tsis qhia tej no rau leejtwg paub peb muab tej ntaub ntawv rau lawv xyuas. Xwsli, cov koomhaum uas npaj lossis ceev peb cov ntaub ntawv hauv computer yuav xyuas tau cov ntaub ntawv khomob thaum lawv ua tej haujlwm no rau peb.
Kev hu lossis sau ntawv tuaj rau koj Tej zaum peb yuav hu lossis sau ntawv tuaj qhia koj txog lub sijhawm uas koj tau teem yuav tuaj khomob lossis qhia koj txog tej yam kev khomob uas koj yuav siv tau los kho koj tus mob. Tej zaum peb tseem yuav hu lossis sau ntawv tuaj qhia rau koj txog lwm yam uas hais txog kev khomob uas tej zaum koj yuav xav paub txog.
Lwm tus uas muaj feemcuam txog koj txoj kev khomob Tej zaum peb yuav muab koj cov ntaub ntawv khomob qhia rau tus tibneeg uas yuav tau los them koj tej nqi khomob xyuas. Thaum koj muab kev tsocai tsis hais ntawm ncauj lossis hauv ntawv, peb yuav muab koj cov ntaub ntawv khomob rau ib tus phoojywg, tus neeg
53
sawvcev lossis ib tus hauv tsevneeg uas muaj feemcuam txog koj txoj kev khomob xyuas tau. Qhov no yuav suav kev teb tej lus nug hauv xovtooj txog koj txoj kev khomob, koj tej nqi khomob, thiab kev npaj yuav kho koj tus mob. Koomhaum Lwm Yam Kev Khomob rau Cov Neeg Ua Haujlwm thiab Tus Tswv Lagluam uas Yuav Kev Khomob Cov tswv lagluam uas yuav kev khomob rau lawv cov neeg ua haujlwm. Tej zaum cov koomhaum no yuav hu tuaj rau peb txog kev muab kev khomob rau koj thiab kev yuav them koj tej nqi khomob. Tej zaum peb yuav muab koj tej ntaub ntawv khomob rau koomhaum no xyuas. Tej zaum peb tseem yuav qhia rau cov koomhaum no thaum koj nkag los ua tswvcuab lossis tawm hauv txoj kev npaj khomob no mus. Tej zaum peb tseem yuav muab koj tej ntaub ntawv khomob rau cov koomhaum no xyuas kom lawv paub khiav lawv txoj haujlwm, yog tias lawv sau ntawv coglus tias lawv yuav ceev koj tej ntaub ntawv khomob kom zoo thiab tsis pub leejtwg pom, thiab yuav tsis siv nws los rau kev ntiav neeg los ua haujlwm. Lwm yam kev muab rau lwm tus xyuas Tej zaum peb yuav muab koj tej ntaub ntawv khomob rau cov koomhaum tseemfwv thiab lwm tus xyuas yam tsis yuav ntawv tsocai (kev tsocai) los ntawm koj raws li txoj kevcai tau tsocai. No yog tej yam uas peb yuav muab tau koj cov ntaub ntawv rau lwm tus xyuas yam tsis yuav ntawv tsocai los ntawm koj: Cov kev muab rau lwm tus xyuas uas
raug samfwm los ntawm lub xeev thiab tseemfwv qhibsaib txoj kevcai
Cov kev muab rau cov thawj saib pejxeem kev nojqab haushuv xyuas lossis rau kev tswj kev nojqab haushuv
Rau koomhaum tseemfwv xyuas thaum muaj kev tsimtxom lossis tsis saib xyuas tej menyuam yaus lossis cov laus uas raug lwm tus xyuas, muaj tus hauv tsevneeg tau ntaus
Rau cov koomhaum uas saib txoj kev khomob, lossis kuaj, lossis tshuaj
Rau kev plaub-ntug, xwsli kev sibfoob Rau cov koomhaum tub ceevxwm Rau cov chaw kuaj thiab tshuaj neeg
tuag
Rau cov koomhaum nrhiav tej yam hauv lub nrogcev rau lwm tus, yog tias koj yog tus uas kam lossis tej zaum yuav kam muab tej yam hauv koj lub cev pub rau lwm tus
Rau cov neeg tshawb nrhiav uas tabtom tshawb nrhiav, uas tau kev tsocai los ntawm ib lub Institutional Review Board lossis rooj tswj kev ceev ntaub ntawv
Rau kev tivthaiv kom tsis txhob muaj mob thiab kom muaj kev cobphum
Yog koj yog ib tus tubrog lossis qub tubrog, tej zaum peb yuav muab koj tej ntaub ntawv khomob rau ib tus saib hauv phab tubrog xyuas los tsomxam saib koj puas tsimnyog tau txais nyiaj pab cov qub tubrog.
Rau cov kev ua los thivthaiv lub tebchaws.
Yog koj yog ib tus neeg raug kaw lossis raug tub ceevxwm ntes, tej zaum peb yuav muab koj cov ntaub ntawv khomob rau lawv xyuas
Rau lwm cov koomhaum uas tuaj sojntsuam txog tseemfwv cov kev pabcuam kev khomob
Rau kev ua raws li cov kevcai tswj kev pab nyiaj rau cov neeg ua haujlwm raug mob. Cov kev txwv Muaj qee zaum koj cov
ntaub ntawv khomob yuav raug txwv rau qee yam kev siv thiab kev muab rau lwm tus xyuas li uas hais los saumtoj no. Xwsli, tej zaum tseemfwv cov kev pabcuam kev khomob yuav txwv kev muab lawv cov tswvcuab cov ntaub ntawv khomob rau lwm tus xyuas rau tej yam uas tsis hais txog txoj kev pabcuam ntawd. Nws muaj qee yam kev txwv tshwjxeeb txog kev muab cov ntaub ntawv teev kev kho HIV/AIDS, kho teebmeem kev xav, teebmeem hauv kev lojhlob, thiab kev kho kev quav yeeb-tshuaj thiab cawv. Peb yuav ua raws li cov kev txwv no txog koj cov ntaub ntawv khomob.
Kev tsocai Tshwj li uas hais los saumtoj no lawm, peb yuav tsis siv thiab muab koj cov ntaub ntawv rau lwm tus xyuas yam tsis tau ntawv tsocai los ntawm koj, uas koj thim tau rov qab txhua lub sijhawm.
54
Koj Cov Cai Koj tus uas yog ib tus tswvcuab hauv Alliance, muaj cov cai hauv qab no: Koj muaj cai hais kom peb tsis txhob siv
thiab muab koj cov ntaub ntawv khomob rau lwm tus xyuas rau qee yam. Txawm li los, peb tsis raug samfwm kom yuavtsum tau ua raws li koj hais.
Koj muaj cai hais kom peb hu rau koj hauv lwm tus xovtooj lossis sau ntawv rau koj hauv post office box lossis lwm lub chaw nyob. Peb yuav ua li uas peb ua tau los tivthaiv koj.
Koj muaj cai tuaj xyuas thiab luam tau qee yam ntawb ntawv uas lub Alliance muaj txog koj. Nws suav cov ntaub ntawv ua tswvcuab, nqi khomob, ntawv tsib nqi, ntaub ntawv khomob, thiab lwm yam ntaub ntawv uas siv los txiavtxim siab txog koj. Tej zaum lub Alliance yuav txwv tsis kam rau koj. Yog peb txwv, peb yuav sau ntawv tuaj qhia koj tias yog vim licas. Koj muaj cai thov rov mus hais dua.
Yog koj xav tias koj qee yam ntaub ntawv teev yuamkev lawm, koj muaj cai hais kom peb kho. Muaj qee zaum peb yuav txwv tsis kam kho. Yog peb txwv tsis kam kho, koj muaj cai sau koj cov lus tuaj ceev tseg nrog koj cov ntaub ntawv.
Koj muaj cai tau txais daim ntawv teev cov kev muab koj cov ntaub ntawv rau lwm tus xyuas uas tsis yog li ib txwm, txog li rau lub xyoos rov tomqab (tsis pub uantej Plaub Hlis 14, 2003). Tshwj qee yam: Xwsli, peb tsis ceev cov kev muab rau lwm tus xyuas uas koj twb tsocai rau peb lawm; cov kev muab rau lwm tus xyuas los nrhiav kev khomob, them nqi khomob, lossis los npaj kev khomob hauv lub Alliance; thiab lwm yam kev muab rau lwm tus xyuas.
Yog koj tau txais daim ntawv no hauv electronic, koj muaj cai thov kom peb luam ib copy xa tuaj rau koj tau txhua lub sijhawm.
Daim ntawv no qhia dav dav txog koj cov cai xwb. Tej zaum txoj kevcai yuav txwv koj qee txoj cai.
Kuv yuav ua raws li cov cai no licas? Koj ua tau raws li koj cov cai los
ntawm kev sau ntawv mus rau peb tus Neeg Saib Kev Ceev Ntaub Ntawv ntawm lub chaw nyob hauv qab no. Yog xav kom ua sai, thov siv peb daim ntawv, uas muaj nyob hauv peb lub Internet site ntawm www.ccah-alliance.org. Lossis koj hu tau rau peb ntawm tus xovtooj hauv qab no. Koj tseem hu lossis sau ntawv tau rau peb tus Neeg Saib Kev Ceev Ntaub Ntawv ntawm lub chaw nyob hauv qab no.
Kuv yuav hais kev tsis txaus siab licas yog luag yuam kuv cov cai lawm?
Koj tus uas yog tswvcuab hauv Alliance, muaj cai sau ntawv mus hais kev tsis txaus siab ntawm peb tus Neeg Saib Kev Ceev Ntaub Ntawv. Peb yuavtsum tau muaj ntaub ntawv los txhawb koj qhov kev tsis txaus siab. Koj tseem sau tau ntawv mus hais kev tsis txaus siab ntawm tus Secretary of Health and Human Services.
Lub Alliance yuav tsis rov ua phem rau koj vim koj sau ntawv mus hais kev tsis txaus siab. Sau ntawv mus hais kev tsis txaus siab yuav tsis ua rau Alliance muab cov kev khomob tsis zoo rau koj.
Sau ntawm tuaj rau peb: Central California Alliance for Health 1600 Green Hills Road, Suite 101 - Privacy Officer Scotts Valley, CA 95066 1-800-700-3874 xovtooj hu-dawb 1-877-548-0857 xovtooj TTY
Sau ntawv rau lub Department of Health Services:
Privacy Officer c/o Office of Legal Services California Dept. of Health Services P.O. Box 997413, MS 0011 Sacramento, CA 95899-7413
Sau ntawv rau tus U.S. Secretary of Health and Human Service:
Secretary of HHS Office for Civil Rights 200 Independence Avenue SW Room 509F, HHH Building Washington, DC 20201