plan estratejik 2009 2013 - knfp file/partenaires de tarrain/plan...plan estratejik rakpaba pou 2009...

REZO ASOSYASYON KOPERATIV POU KOMES AK PWODIKSYON AGRIKOL BA ATIBONIT

(RAKPABA)

PLAN ESTRATEJIK 2009 – 2013 (Vèsyon valide)

Moun ki ekri li: Dieudonné EUGENE Chaje Pwojè BSR/ KNFP

Septanm 2008

Plan estratejik RAKPABA pou 2009 - 2013/ Vèsyon valide/ kreyòl: septanm 2008

1

SA KI NAN DOKIMAN AN LIS SIG YO REZIME EGZEKITIF I- ENTWODIKSYON II- KONTEKS III- METODOLOJI IV- ANALIZ SITIYASYON AN 4.1- Kontèks jeneral zon nan 4.2- Pwoblèm ak potansyalite lokalite entèvansyon òganizasyon an 4.3- Sitiyasyon òganizasyon an V- KAD ESTRATEJIK 2009 - 2013 5.1- Misyon 5.2- Valè l’ap defann 5.3- Vizyon 5.4- Gran lin estratejik 2009 - 2013 5.5- Rezilta ki espere ak aksyon ki prevwa 5.6- Pwogram ki gen priyorite pou 2009 - 2013 VI- EGZEKISYON PLAN AN 6.1- Ogan pou reyalize plan an 6.2- Preparasyon plan aksyon yo 6.3- Swivi ak evalyasyon 6.4- Mobilizasyon resous VII- ESTIMASYON BIDJE A VIII-RISK KI PLANE SOU FINANSMAN PLAN AN IX- ANEKS 9.1- Kad lojik plan an 9.2- Kalandriye atelye planifikasyon yo 9.3- Lis moun ki te patisipe nan atelye yo 9.4- Rezime pwoblèm ak bezwen manm yo


2

LIS SIG YO

ACTED : Agence d’Aide à la Coopération Technique en Développement BSR : Biwo Sèvis ak Ranfòsman òganizasyon peyizan yo FAES : Fon Asistans Ekonomik ak Sosyal IHSI : Institut Haitien de Statistique et d’Informatique KNFP : Konsèy Nasyonal Finansman Popilè MARNDR : Ministè Agrikilti Resous Natirèl ak Devlopman Riral MDE : Ministère de l’Environnement MENFP : Ministè Edikasyon Nasyonal ak Fòmasyon Pwofesyonèl MSPP : Ministè Sante Piblik ak Popilasyon OB : Oganizasyon Baz ODEAD : Organisation pour le developpement des enfants et adultes

défavorisés

ODVA : Organisme de Développement de la Vallée de l’Artibonite ONG : Oganizasyon Non Gouvènmental RAKPABA : Rezo Asosyasyon Koperativ Ba Atibonit PRIMA : Programme de Renforcement Intégré du Milieu des Affaires en

Haiti SEA : Sekreteri d’Eta Alfabetizasyon


3

REZIME EGZEKITIF Rezo Asosyasyon-Koperativ pou Komès ak Pwodiksyon Agrikòl (RAKPABA) se yon estrikti ki genyen sèt (7) òganizasyon kòm baz li. Oganizasyon sa yo soti nan 6 komin nan ba latibonit. Rezo a fonde nan lane 2001. Oganizasyon Baz li yo te gen antou jiska avril 2007 anviwon 2,000 manm. Depi egzistans li, Rezo a fè plizyè aksyon pou kore batay k’ap fèt pou devlopman zòn nan. Aksyon sa yo fè li jwenn anpil senpati nan zòn nan. Men rezo a poko ka reyèlman ede manm li yo chanje sitiyasyon lavi yo, akòz aksyon yo pa rantre nan yon plan global, yo manke makonnen yon ak lòt e pafwa yo depaman ak ijans manm yo genyen nan difikilte y’ap travèse. Konsta sa a fè dirijan rezo a konprann nesesite ki genyen pou aksyon yo makonnen yonn ak lòt pou manm yo ka benefisye yo pi byen. Pou rezon sa a, yo pwofite posiblite KNFP ofri yo gras ak Pwojè BSR la pou yo prepare yon plan estratejik pou rezo a ki pou sèvi bousòl pou gide li pandan 5 ane (2009- 2013) k’ ap vini la yo. Metòd ki sèvi pou prepare plan sa a, chita sou demach aprann nan fè aksyon. Demach sa a fèt nan yon fason kote BSR pote bourad bay òganizasyon an pou li fè pwòp plan li pandan l’ap aprann li fè sa. Demach la gen 7 gwo etap :

1. Enfòmasyon ak validasyon demach la nan asanble delege 2. Atelye planifikasyon ak delege òganizasyon baz yo 3. Redaksyon plan an 4. Analiz dokiman an nan asanble delege yo 5. Restitisyon nan asanble delege 6. Preparasyon dokiman final la 7. Validasyon

Plan estratejik ki prepare a, oryante entèvansyon rezo a pandan 5 pwochèn ane yo sou 2 gwo poto mitan : a) Ranfòsman òganizasyonèl, b) Ranfòsman sèvis kominotè. Li prezante 3 gwo objektif rezo a ap rapousib pou peryòd la ki se:

1. Amelyore jesyon rezo a ak òganizasyon baz yo (OB), 2. Amelyore patisipasyon ak kapasite teknik dirijan yo ak manm yo, 3. Reyalize aksyon devlopman nan domèn ki pi ijan pou manm yo.

Pou chak objektif sa yo, plan an prezante rezilta ki ap tann ak aksyon ki pou fèt. Answit li dekri 7 pwogram ki pou mete sou pye pou pèmèt rezo a rive jwenn sa li ap tann yo. 7 pwogram sa yo ki gen priyorite a se:

1. Pwogram ranfòsman jesyon fonksyonman rezo a, 2. Pwogram amelyorasyon patisipasyon ak kapasite teknik manm ak dirijan yo, 3. Pwogram devlopman kapasite pwodiksyon, konsèvasyon, transfòmasyon ak

komèsyalizasyon agrikòl, 4. Pwogram proteksyon anviwonman, 5. Pwogram devlopman elevaj, 6. Pwogram ranfòsman kredi riral, 7. Pwogram ranfòsman sèvis sosyal fondalnatal


4

Pou reyalize plan an, rezo a bezwen anviwon 22,072,500.00 goud pou 5 ane yo. Premye ane a se peryòd rezo a ap bezwen pi piti lajan pou plan an, anviwon 4 milyon goud. A pati dezyèm ane a, l’ap bezwen anviwon 5 milyon goud pou chak ane. Nan 7 pwogram ki gen pou mete sou pye yo gen 3 pwogram ki pran plis pase 95% nan bidjè plan: pwogram ranfòsman jesyon fonksyonman rezo a (10.6%), pwogram ranfòsman kredi riral (31.9%) epi Pwogram devlopman kapasite pwodiksyon, konsèvasyon, transfòmasyon ak komèsyalizasyon agrikòl (53.2%). Apre 3 pwogram sa yo, nou jwenn pwogram amelyorasyon patisipasyon ak kapasite teknik manm ak dirijan yo (2.9%). Pou 3 pwogram ki rete yo : pwogram devlopman elvaj, pwogram proteksyon anviwonman, pwogram ranfòsman sèvis sosyal fondalnatal kantite lajan ki disponib nan bidjè a pou yo chak pa depase 1%. Rezo a konte sou 2 sous pou jwenn lajan pou li reyalize plan an: Premyeman sou lajan manm li yo, dezyèman sou bourad nan men lòt òganizasyon oswa leta. Rezo a gen pou li prepare epi mete sou pye yon estrateji pou li ka rasanble lajan nan men manm yo ak pou li ka chache bourad nan men lòt enstitisyon. Rezo a prevwa tou pou li fè aktivite ki rantab pou li ka gen lajan pou egzekite plan an. Rezo a se yon òganizasyon ki poko gen gwo mwayen ekonomik. Li konte anpil sou manm li yo kòm premye sous pou finanse plan an. Men kondisyon ekonomik moun yo ap vin pi difisil chak jou akoz sitiyasyon ekonomik peyi a k’ap depafini. Kontèks sa a, si li kontinye, ap reprezante yon premye gwo menas ki plane sou finansman plan. Answit, akoz manm yo pa gen gwo mwayen, òganizasyon an pral oblije chache èd nan men lòt òganizasyon pou finanse yon bon pati nan plan an. An jeneral lè gen twoub politik nan peyi a, èd sa yo pa fasil pou jwenn. Nan ka ta gen yon sitiyasyon politik ki pa klè nan peyi a, rezo a ka gen difikilte pou jwenn òganizasyon ki pare pou finanse aksyon li yo.


5

I. - ENTWODIKSYON Nan ba latibonit 7 òganizasyon k’ap feraye nan 6 komin mete tèt yo ansanm pou yo fòme nan lane 2001 yon rezo ki pote non Rezo Asosyasyon-Koperativ pou Komès ak Pwodiksyon Agrikòl Ba Atibonit (RAKPABA). Rezo a gen misyon pou li ede Oganizasyon Baz (OB) li yo amelyore sitiyasyon sosyal ak ekonomik manm yo. Malgre li poko gen anpil ane depi li fonde, li gen tan fè yon bon valè aksyon nan komin manm li yo tabli. Aksyon sa yo bay manm rezo anpil espwa nan batay y’ap mennen pou lavi miyò ka boujounen nan zòn pa yo e yo fè rezo a gen bon renome nan komin sa yo epi yo rale senpati pi fò moun k’ap viv nan komin sa yo pou rezo a. Men rezo a gen plizyè feblès: yonn nan yo se dokiman planifikasyon li pa genyen. Sa fè, malgre bon aksyon l’ap reyalize e malgre bòn volonte dirijan yo, pèsòn nan rezo a pa ka prezante dokiman ki ka reponn kesyon sa yo : ki sa ki te prevwa fèt e sou ki tan, ki sa ki deja fèt e ki sa ki rete pou fèt. Answit, akòz aksyon yo pa rantre nan yon plan global, yo konn manke makonnen yon ak lòt e pafwa yo depaman ak ijans manm yo genyen nan difikilte y’ap travèse. Pou efase feblès sa a, rezo a te deside prepare yon plan estratejik pou 5 ane (soti 2009 pou rive 2013) kote li trase a klè chemen li vle pran, kote li vle rive apre 5 ane sa yo. Dokiman sa a ki prezante vizyon rezo a ak oryantasyon li vle pran te prepare ak bon jan patisipasyon manm yo. Li se bousòl ki pou gide entèvansyon li pou 5 pwochèn ane k’ap vini la yo. II. - KONTEKS PREPARASYON PLAN AN Eksperyans travay Konsèy Nasyonal Finansman Popilè (KNFP) nan milye riral la depi 10 zan nan tout peyi a ak òganizasyon peyizan yo fè l’ konstate anpil feblès yo genyen nan fason y’ap fonksyone: Pi fò nan yo pa gen anpil tan depi yo egziste epi yo frajil. Souvan pa gen bon jan patisipasyon nan yo, jesyon lajan pa klè elatriye. Preske tout òganizasyon peyizan yo pa posede dokiman planifikasyon. Yo manke tou moun ki gen bon jan konpetans pou prepare dokiman ki nesesè pou yo fonksyone byen. Apre anpil refleksyon, KNFP santi nesesite pou genyen yon estrikti ki ofri sèvis akonpayman bay òganizasyon yo pou ede rezoud feblès ki genyen nan fonksyonman yo. Ak konkou Linyon Ewopeyèn epi Oxfam GB, KNFP rive mete sou pye yon depatman ki rele Biwo Sèvis ak Ranfòsman òganizasyon peyizan Ayisyen yo (BSR) pou li ka ede yo. BSR la gen misyon pou li akonpanye òganizasyon yo pou yo ka gen zouti planifikasyon ak jesyon pou yo ka fonksyone kòrèkteman. Nan kad misyon sa a, BSR tabli relasyon travay ak RAKPABA pou ede l’ ranfòse tèt li. Pou kòmanse, BSR fè yon dyagnostik pou konnen kòman rezo a ap mache. Apre dyagnostik sa a ki montre tout pwen fèb òganizasyon an genyen, BSR akonpanye rezo a pou ede l’ planifye kòman l’ap pase pou rezoud yo e se nan kontèks sa plan sa a rive prepare.


6

III.- METODOLOJI Metòd ki sèvi pou prepare plan sa a chita sou demach aprann nan fè aksyon. Demach sa a fèt nan yon fason kote BSR pote bourad bay òganizasyon an pou li fè pwòp plan li pandan l’ap aprann li fè sa. Metòd sa a te chwazi nan lide pou ka gen bon jan patisipasyon manm yo, pou yo ka mèt kesyon an, epi pou yo ka vin maton pou yo fè pwochèn plan yo pou kò yo. Demach ki te adopte pou prepare dokiman sa a gen 7 gwo etap :

1-Enfòmasyon ak validasyon demach la nan asanble delege 2-Atelye planifikasyon ak delege òganizasyon baz yo 3-Redaksyon plan an 4-Analiz dokiman an nan asanble delege yo 5-Restitisyon nan asanble delege 6-Preparasyon dokiman final la 7-Validasyon

1. - Enfòmasyon ak validasyon demach la nan asanble delege òganizasyon baz yo Nan premye etap la Biwo Sèvis ak Ranfòsman òganizasyon peyizan yo (BSR) pwopoze Rezo a yon metòd pou dokiman an ka prepare. BSR fè yon rankont ak asanble delege òganizasyon baz yo ki fòme Rezo a pou eksplike manm yo metòd la pou yo ka byen konprann li e pou yo ka vin mèt kesyon an. Nan rankont la, delege yo di sa yo panse epi BSR pote koreksyon nan metòd la apre diskisyon ak delege yo. Se konsa nou rive kanpe demach ki te sèvi pou reyalize travay sa a. 2. - Atelye planifikasyon ak asanble delege òganizasyon baz yo Etap sa a se li ki fè konnen pwoblèm òganizasyon an genyen ak difikilte manm yo ap rankontre, ki sa yo vle fè, kòman yo vle fè sa epi ki lè. Pou etap sa a, an total gen 16 atelye ki te fèt. Yo chak te dire ant 2 a 5 èd tan. Dezyèm etap sa a gen 4 gwo pati ladan li: a) Analiz pwoblèm yo b) Chwa aksyon ki gen prioyorite yo c) Pwogramasyon aksyon yo d) Refleksyon sou egzekisyon yo a) Analiz pwoblèm yo 6 atelye te fèt pou analize pwoblèm òganizasyon an ak manm yo genyen. Nan atelye sa yo, manm yo prezante gwo pwoblèm ak bezwen yo jwenn nan lokalite yo nan aktivite ekonomik y’ap fè yo epi pwoblèm pou jwenn sèvis sosyal fondalnatal yo. Yo drese tou pwoblèm òganizasyon an genyen ki anpeche li mache byen. Apre yo fin drese gwo pwoblèm ak bezwen ki genyen yo, yo analize koz ak konsekans chak pwoblèm, yo deklare sa y’ap tann bò kote rezo a. Answit yo klase pwoblèm yo ak bezwen yo dapre sa yo panse ki pi ijan pou rezoud.


7

b) Chwa aksyon ki gen priyorite Nan pati sa a, yo gade ki pwoblèm yo ka atake. Yo chita sou 2 baz pou fè sa: klasman pwoblèm yo te tabli a ak sa ki lakòz pwoblèm nan. Answit, yo mete yo dakò sou kòman yo vle pou òganizasyon an ye, ki kote yo vle ale, ki sa yo vle jwenn e ki sa yo dwe fè. Gen 6 atelye ki te fèt pou reyalize travay ki nan pati sa a. c) Pwogramasyon aksyon yo Nan pati sa a delege yo detèmine ki pwogram ki pou mete sou pye pou yo ka jwenn rezilta yo e ki sa ki pou nan pwogram yo. Yo fikse pou chak ane ki sa ki pral fèt. Answit yo gade ki resous yo bezwen pou fè pwogram yo. Travay sa a te rive fèt apre brase lide delege yo te reyalize nan 4 atelye. d) Refleksyon sou egzekisyon an Nan 2 dènye atelye travay sou pwogramasyon aksyon yo, delege yo fè diskisyon sou estrateji y’ap kanpe pou egzekite pwogram yo. Yo reflechi sou estrateji pou jwenn resous imèn, lajan, resous materyèl epi sou enstans y’ap mete sou pye pou reyalize plan. 3. - Redaksyon plan an BSR rasanble enfòmasyon li pran nan 16 atelye planifikasyon yo. Li òganize yo epi li ekri yon dokiman pou RAKPABA. BSR fè yon seyans travay ak Kòdinasyon KNFP pou analize dokiman an. 4. - Analiz dokiman an nan asanble delege yo BSR remèt RAKPABA dokiman an. Asanble Delege Rezo a fè plizyè seyans travay pou yo analize dokiman an. 5. - Restitisyon Yon atelye travay ant BSR ak Asanble Delege rezo a te fèt pou revize dokiman an. 6.- Preparasyon dokiman final la Sou baz rezilta atelye restitisyon an, BSR pote koreksyon delege yo te mande ki pou fèt nan dokiman an. 7.- Validasyon Dokiman korije a prezante nan yon asanble delege e manm yo va apwouve li.


8

IV. - ANALIZ SITIYASYON AN 4.1- Kontèks jeneral zòn entèvansyon rezo a Zòn entèvansyon rezo a tabli sou 6 komin nan Ba Latibonit kote Oganizasyon Baz li yo ap feraye. Komin sa yo se: Ti rivyè, Machan Desalin, Lestè, Vèrèt, Dedin, ak Grann Salin. Zòn entèvansyon rezo a bòne nan nò ak komin Gwonayiv epi komin Sen Michèl Latalay, nan sid ak komim Sen Mak, Akayè epi Lachapèl; sou bò lès ak komin Mayisad, Boukan Kare epi Lachapèl ; sou bò lwès ak gòf Lagonav epi komim Sen Mak. Li mezire antou 1 665.4 kilomèt kare. Nan lane 2005 te gen anviwon 473 994 moun ki t’ap viv nan 6 komin yo. Nan moun sa yo te gen 231 608 gason epi 242 386 fanm (IHSI, 2005). Komin sa yo gen antou 259 abitasyon ak 602 lokalite. Pi fò nan yo se tè plèn. 4.1.1- Atou ak kontrent natirèl, sosyal ak ekonomik Zòn nan gen gwo avantaj sa yo :

1. Wout nasyonal nimewo 1 ki pase nan mitan l’ epi ki mete l’ an kontak ak 3 depatman

2. Yon wout asfalte ki soti sou wout nasyonal nimewo 1 an pou ale nan wout nasyonal nimewo 3 a pou mete zòn nan an kontak ak yon katriyèm depatman (Plato santral) epi ak Repiblik Dominikèn

3. Mache Lestè ki se dezyèm pi gwo mache piblik nan peyi a 4. Flèv labibonit ki se pi gwo rivyè dlo peyi a ki pase nan li 5. Plizyè gwo rivyè ki manke itilize tankou rivyè lestè… 6. Plèn tè wouze ki ap fè diri 7. Tè fètil ki ka fè manje pou ogmante pwodiksyon agrikòl la 8. Prezans plizyè moniman istorik

Gwo difikilte zòn nan genyen se :

1. Tan sèk fè moun nan zòn nan konn souvan pèdi jaden yo 2. Twòp lapli fè moun yo pèdi jaden yo tou paske pa gen bon drenaj 3. Pa gen biwo pou prete lajan pou fè aktivite agrikòl ki se premye aktivite pi fò

moun yo 4. Jenn moun ki gen kouray pou travay ap kite zòn nan, sa fè kiltivatè yo gen

difikilte pou jwenn moun pou travay tè 5. Konfli tè ki pete souvan nan zòn nan 6. Ensekirite pou fè aktivite komès ak elvaj

4.1.2- Aktè ak aktivite devlopman Nan zòn nan gen plizyè ONG k’ap travay nan devlopman. Tablo apre a prezante non enstitisyon sa yo ak nan ki domèn y’ap travay.


9

Tablo 1.- Aktè devlopman ki nan zòn entèvansyon rezo a

Komin ONG Domèn entèvansyon

Vèrèt Helvetas Pwodiksyon legim, irigasyon

FAO/ ODVA Lit kont ensèk sou patat

Vision citadelle Edikasyon, Rebwazman

World Vision Distribisyon manje

HAS Sante, dlo potab

BND Distribisyon manje

Veterimed Elvaj, pwodiksyon lèt

Nouvelle Planete Agrikilti

MCC Rebwazman

HPI Elvaj

PALIH Sante

CECI Irigasyon

Dedin AFAD Elvaj, Plantasyon pye bwa

Oxfam Dlo potab

PALIH Sante

Lestè FAES Konstriksyon lopital

PADF Pwoteksyon bèj rivyè

ODEAD KREZOF

Fòmasyon, konstriksyon kay, magazen kominotè

AICF Agrikilti, elvaj, foraj pwi

BND Distribisyon manje,

Machan Desalin FAO Asenisman, Kredi, Konstriksyon lekol

PADF/ FHED Pwoteksyon anviwonman

CECI

PALIH Sante


Ti rivyè FAO Lit kont ensèk sou patat

Oxfam Pwodiksyon, komèsyalizasyon diri

Zanmi lasante Sante

CSP Edikasyon ti moun


ODVA Pwodiksyon semans diri

Grann salin ACTED Kiraj kanal irigasyon, reparasyon wout agrikol

Intermón Oxfam Dlo potab

Oxfam GB Reparasyon bèj kanal, konstriksyon latrin

PALIH Sante

CECI

4.2- Pwoblèm ak potansyalite lokalite entèvansyon rezo a Nan zòn entèvansyon rezo a gen 3 gwo aktivite ekonomik pi fò moun yo ap fè: agrikilti, elvaj, komès. Analiz pwoblèm ak kapasite yo ap chita nan yon premye tan sou aktivite ekonomik sa yo, answit sou sèvis sosyal fondalnatal ki genyen nan zòn nan.


10

4.2.1- Pi gwo aktivite moun yo: Difikilte ak posiblite ki genyen a) Agrikilti Lakilti se pi gwo aktivite manm rezo a sitou gason yo. Nan plizyè komin ki nan zòn entèvansyon rezo a se nan aktivite sa a moun yo fè plis lajan. Dapre yo, kilti ki pi rapòte yo se: Diri, patat, pwa, mayi, tomat, kalalou, berejèn epi lalo. Aktivite sa a malgre li se pi gwo travay preske tout moun nan zòn nan ap fè, pa ka pèmèt moun yo viv byen paske kòb yo jwenn nan fè aktivite sa a pa ka pran swen yo ak fanmi yo kòm sa dwa. Yo rankontre anpil difikite nan mennen aktivite sa a. Pami tout sa ki anpeche yo jwenn bon pwofi nan travay latè a nou ka site pwen sa yo :

Drenaj jaden yo manke fèt

Pa gen kredi agrikòl

Manke ankadreman teknik

Difikilte pou laboure tè

Maladi ak ensèk k’ap ravaje kilti yo

Manke ka jwenn entran (angrè, pestisid, bon semans)

Achte semans chè epi vann danre ki rekolte yo bon mache

Danre ki rekolte yo pa ka rete yo vann byen vit ba pri pou yo pa gate

Pa gen kote pou transfòme pwodwi ki pa ka rete yo

Manke travayè pou travay tè

Pa gen wout pou pote danre soti nan jaden ale nan mache

Anvayisman diri pèpè sou mache a

Elvaj lib

Dlo pou wouze tè yo pa byen jere. b) Elvaj Moun yo gade plizyè kalite zannimo pou fè lajan tankou bèf, kabrit, kochon, poul elatriye. Dapre yo, elevaj bèf se aktivite ki pi rapòte nan zòn nan. Yo jwenn plizyè difikilte ki anpeche yo devlope aktivite elvaj yo. Nou ka site:

Manke espas pou gade bèt

Pa gen bon ras bèf ak kabrit

Maladi ap tiye bèt yo

Pa gen veterinè pou ankadre yo

Manke manje pou pran swen bèt yo c) Komès Nan plizyè komin nan zòn nan se aktivite sa a ki pi rapòte pou moun yo. Nan sektè aktivite sa a ou plis jwenn fanm yo. Se yon sektè ki enpòtan anpil nan ekonomi zòn nan. Twa pi gwo komès moun yo fè se : Komès vann diri ki prepare nan moulen, kenkay, epi komès danre pou manje (pwodwi agrikòl lokal oswa pwodwi enpòte). Komès vann diri a se aktivite ki pi rapòte nan zòn nan. Pi gwo difikilte yo jwenn nan aktivite komès la se :

Manke lajan pou devlope komès yo


11

Pa gen sekirite pou fè komès

Komèsan yo manke fòme pou jere komès yo byen

Eskont, kout ponya fè komès yo pa ka grandi

Pri transpò koute chè. Moun yo gen lòt kalite pwoblèm ki gen rapò ak sèvis piblik yo pa ka jwenn nan zòn nan. Pwoblèm sa yo konsène domèn sante ak edikasyon. Pi gwo difikilte yo se :

Swen sante pa fasil pou jwenn paske pa gen kote pou moun al pran swen nan anpil lokalite. Zòn ki genyen li chè

Pa gen bon dlo pou bwè nan anpil lokalite

Sida ap gaye nan zòn nou 4.3- Sitiyasyon òganizasyon an 4.3.1- Prezantasyon jeneral Rezo a fonde nan dat 25 jiyè 2001. Li gen 7 òganizasyon ki se : MPR, AFESAED, MODEPS, APAV, KODEL, KOBED, SAM. Rezo a gen syèj li nan Ti Rivyè men òganizasyon baz yo soti nan 6 komin nan ba latibonit: Ti Rivyè, Vèrèt, Desalin, Lestè, Dedin ak Grann salin. Rezo a te gen jiska avril 2007 anviwon 2000 moun an total nan 7 òganizasyon baz li yo. Plis pase 60% nan manm yo se fanm. RAKPABA afilye ak lòt òganizasyon; li se yonn nan manm fondatè MOREPLA (Mouvman Revandikasyon Plantè Latibonit) e li se manm PLANOPA (Platfòm Nasyonal Oganizasyon Peyizan yo). Rezo a gen yon chapant ki fòme konsa : 1.- Yon Asanble Jeneral; Li dwe fèt chak ane. Chak asosyasyon voye 5 delege li te chwazi nan eleksyon, sa fè an total 35 moun. 2.- Yon Konsèy Administrasyon ; Li gen 7 moum, li reyini chak mwa. Se li menm ki jere aktivite yo. 3.- Yon Konsèy Siveyans ; Li gen 3 moun, li reyini chak mwa. 4.- Yon Kongrè ; Li dwe fèt chak 3 lane. Chak asosyasyon chwazi 50 moun pou reprezante li, sa fè an tou 350 moun. 5.- Komite yo; Nan estati a gen 7 komite ki prevwa (komite finans, edikasyon, estati, pledwari, sante ak entèvansyon, dwa fanm, epi disiplin). Jiska prezan yo poko sou pye. 6.- Yon Pèsonèl teknik ak administratif ; Rezo a gen anviwon 43 anplwaye ki se pèsonèl pwojè diri li ap egzekite a. 7.- Oganizasyon baz yo ; Rezo a gen 7 asosyasyon ki fòme baz li. Oganizasyon sa yo soti nan 6 komin nan ba latibonit la. 4.3.2- Gwo reyalizayon rezo a Pandan anviwon 7 lane li egziste a, rezo a travay nan 3 domèn : Agrikilti (espesyalman nan pwodiksyon semans diri, kiraj kanal ak dren, komèsyalizasyon diri), answit Kredi pou fanm, epi Sante (espesyalman sou kesyon SIDA). Rezo a reyalize plizyè aksyon ki bon pou manm yo ak pou zòn nan ki fè li jwenn anpil konsiderasyon nan kominote a. Tablo apre a prezante pi gwo aksyon li reyalize yo.


12

Tablo 2. - Reyalizasyon RAKPABA

Reyalizasyon Peryòd Sous finansman

Pwodiksyon 2,166 tòn metrik semans diri

2001 rive 2006 Inyon Ewopeyèn

Komèsyalizasyon 35 tòn metrik diri TCS ak Sheila

2004 rive 2006 Inyon Ewopeyèn, Oxfam

Konstriksyon yon sant kondisyonman diri

2006 Inyon Ewopeyèn

Kiraj 74,689.5 mèt lineyè kanal ak dren 2004 ak 2005

4.3.3- Gwo avantaj ak gwo defi ki devan li Dyagnostik Rezo ki te fèt nan fen lane 2007 montre li gen pwen fò ak pwen fèb sa yo: Posiblite ak avantaj

Kapasite pou mobilize manm yo

Volonte dirijan yo pou satisfè manm yo

Devouman dirijan yo pou chache finansman pou sipòte aktivite k’ap bon pou òganizasyon baz yo

Disponiblite dirijan yo pou rezo a

Ekilib ki pli zou mwen genyen nan fason òganizasyon yo reprezante nan komite rezo a

Atachman òganizasyon baz yo ak rezo a

Ankadreman li bay òganizasyon baz yo

Enterè òganizasyon baz yo ki sanble Feblès ak defi

Rezo a depann twòp sou pwojè li ap egzekite,

Fonksyonman rezo a depann twòp tou sou OXFAM Intèmón

Dirijan yo pa fè diferans ant RAKPABA/Oganizasyon ak RAKPABA/pwojè

Pwomosyon inityativ lokal pou fè rezo a mache neglije

Manke resous imèn

Feblès nan estati yo

Absans règleman entèn

Feblès kominikasyon anndan rezo a

Manke konfyans anndan rezo a

Manke transparans

Patisipasyon finansyè manm yo fèb

Nivo fòmasyon manm OB yo sou prensip fonksyonman òganizasyon trè fèb

Yon bon kantite nan manm òganizasyon baz (OB) yo analfabèt

Fèb kapasite pou satisfè manm yo

Absans dokiman planifikasyon

Absans rapò finansye pou aktivite rezo a

Dokiman administratif ak kontab ki egziste yo manke disponib

Achiv rezo a pa byen òganize.


13

V- KAD ESTRATEJIK 2009 - 2013 5.1- Misyon RAKPABA gen misyon pou li ede OB li yo amelyore sitiyasyon sosyal ak ekonomik manm yo. 5.2- Valè l’ap defann Rezo a ap defann pwodiksyon nasyonal la, an patikilye pwodiksyon diri plantè yo. 5.3.- Vizyon Manm RAKPABA yo gen rèv pou rezo a vin yon òganizasyon ki gran moun tèt li, ki pa depann sou èd ONG pou li ka reyalize nenpòt aksyon li vle fè. Yo ta renmen tou Rezo a fè diri latibonit la rive nan tout rakwen peyi a pou se li moun yo manje. Pou rive reyalize 2 rèv sa yo, RAKPABA kwè li enpòtan pou li tabli byen klè wout ki pou pase ak ki chwa ki pou fèt. 5.4.- Gran lin estratejik 2009 - 2013 Sou baz analiz sitiyasyon ki sot fèt anvan an, misyon rezo a, valè l’ap defann ak vizyon manm yo pou òganizasyon an, pou 5 ane k’ap vini la yo rezo a vle oryante entèvansyon li sou 2 gwo poto mitan :

1. Ranfòsman òganizasyonèl: òganize tèt li ak baz yo, 2. Ranfòsman sèvis kominotè: devlope plis aksyon pou bay manm yo sèvis.

RAKPABA gen 3 gwo objektif l’ap rapousib pou peryòd sa a:

1. Amelyore jesyon rezo a ak Oganizasyon Baz yo 2. Amelyore patisipasyon ak kapasite teknik dirijan yo ak manm yo, 3. Reyalize aksyon devlopman nan domèn ki pi ijan pou manm yo.

5.5. – Rezilta ki espere ak aksyon ki prevwa Gwo rezilta ki gen pou jwenn yo ak aksyon ki prevwa fèt yo pandan peryòd plan an se: Objektif estratejik 1: Amelyore fonksyonman rezo a ak OB yo

Rezilta ki ap tann Aksyon ki prevwa fèt

1-Rezo a ak Oganizasyon Baz yo gen tout zouti ak dokiman ki nesesè pou yo fonksyone nan transparans ak patisipasyon

1-Prepare epi valide règleman entèn yo

2-Revize pwosesis pou swiv desizyon ki pran nan rezo a

3-Mete kanpe yon sistèm jesyon administrativ ak finansyè

4-Mete kanpe yon sistèm kominikasyon anndan rezo a e ak deyò


14

Objektif estratejik 2: Amelyore kapasite teknik ak patisipasyon dirijan yo ak manm yo

Rezilta ki ap tann Aksyon ki prevwa fèt

1-Dirijan ak manm yo pi byen fòme pou jere oganizasyon an

1-Fome moun nan jesyon finansyè ak kontab

2-Fome moun nan jesyon administratif

3-Fòme moun sou planifikasyon ak jesyon pwojè

4-Fome moun nan jesyon oganizasyon

2-Manm yo pi byen fòme pou fè aktivite y’ap mennen

1-Fòme manm yo sou jesyon biznis

2-Fome manm nan domèn mekanik

3-Manm yo sitou fanm yo vin pi aktif nan òganizasyon an

1-Fome manm yo sou prensip fonksyonman òganizasyon

2-Sansibilize ak motive manm yo sou prensip fonksyonman sa yo

3-Fè pwomosyon patisipasyon fanm nan lavi Rezo a

4-Alfabetize manm yo

5-Estriktire fòmasyon manm yo

6-Devlope sistèm konbit

Objektif estratejik 3: Reyalize aksyon devlopman nan domèn ki pi ijan pou manm yo.

Rezilta ki ap tann

Aksyon ki prevwa fèt

1- Manm rezo a jwenn pi bon mwayen pou fè pwodiksyon agrikòl, konsève, transfòme epi komèsyalize pwodwi yo

1-Fè pledwaye pou mande sibvansyone entran agrikòl

2-Tabli yon sèvis acha entran an gwoup (kolektif) nan rezo a pou OB yo

3-Fè pledwaye pou konstriksyon izin pou transfòme pwodwi agrikòl (tomat, diri, mango, patat)

4-Fè pledwaye pou konstriksyon sant kondisyonman (diri, pwa, mayi)

5-Repare wout agrikòl

6-Fè pledwaye pou wout agrikòl

7-Fè pledwaye pou drenaj gwo dren yo

8-Kiraj kanal ak dren

9-Fè pledwaye pou konstriksyon sant estokaj

10-Chache mache pou komesyalize pwodwi

11-Fè pledwaye pou kaptaj dlo rivyè (rivye Dedin) pou irigasyon


15

Rezilta ki ap tann


1- Manm rezo a jwenn pi bon mwayen pou fè pwodiksyon agrikòl, konsève, transfòme epi komèsyalize pwodwi yo

12-Fè pledwaye pou amelyore jesyon dlo irigasyon

13-Fè pwomosyon pou konsomasyon pwodiksyon nasyonal

14-Fè pledwaye pou diri nasyonal

15-Lit kont maladi ak ensèk ki atake kilti yo

16-Fè pledwaye sou mekanizasyon agrikol

2-Diri manm rezo a pi byen prepare 1-Amelyore kalite diri

3- Plis tè nan zòn mòn yo pwoteje kont ewozyon

1-Sansibilize manm pou pa koupe pye bwa

2-Sansibilize moun yo pou plante pye bwa

3-Fòmasyon sou jesyon anviwonman

4-Pwodwi plantil (Tabli pepinyè)

5-Plante pye bwa/ Rebwazman (kanpay plantasyon)

4- Manm yo jwenn pi bon mwayen pou yo fè aktivite elvaj

1-Distribye ras amelyore nan OB (Amelyore ras bèt manm yo)

2-Fòme ajan veterinè (2/OB)

3-Sansibilize manm yo sou maladi bèt yo/ Kontwole maladi bèt yo

4-Fòme manm sou teknik elvaj

5-Sansibilize moun yo sou dega elevaj lib

6-Ankouraje plantasyon zèb pou bèt

7-Patenarya ak otorite lokal yo pou kontwole elvaj lib

5- Manm yo jwenn ankadreman teknik rapwoche pou yo fè jaden ak elvaj

1-Fòme ajan agrikòl ak ajan veterinè

6- Manm rezo a jwenn lajan prete nan bon kondisyon pou yo fè aktivite ekonomik y’ap mennen yo ak pou lòt bezwen yo genyen

1-Mete sou pye yon sistèm kredi pou aktivite agrikòl, komès ak lòt bezwen

2-Sansibilize manm yo pou yo remèt kredi

3-Ranfòse fon kredi rezo a

4-Fòme MISO

5-Ranfòse sistèm ranbousman

7- Plis moun nan zòn entèvansyon rezo a ka jwenn bon dlo pou yo bwè

1-Fè pledwaye pou konstriksyon sit pou trete dlo rivyè/ Trete dlo rivyè

2-Fè pledwaye pou kaptaj sous (sous perès)

3-Sansibilize otorite lokal yo

4-Netwaye e trete rezèvwa

5-Fè pledwaye pou trete dlo pi


16

Rezilta ki ap tann


8- Plis moun nan zòn entèvansyon rezo a jwenn kote pou yo fè bezwen yo korèkteman

1-Sansibilize moun yo

2-Sansibilize otorite lokal yo pou fè respekte règ ijyèn pandan konstriksyon kay yo

3-Pledwaye pou ankouraje konstriksyon latrin piblik

4-Fè patenarya ak otorite lokal

9- Plis moun nan zòn entèvansyon rezo a vin gen plis konesans sou kesyon lasante e vin ka jwenn swen sante

1-Sansibilize moun sou mwayen prevansyon pou yo pa trape maladi ki plis gen nan zòn nan

2-Fè pledwaye pou konstriksyon sant sante

3-Lit kont SIDA (sansibilizasyon)

10- Mwens ti moun ap viv nan lari nan zòn entèvansyon rezo a (lestè ak machan)

1-Fè pledwaye pou konstriksyon sant òfelina

2-Sansibilizasyon sou planin

5.6. - Pwogram ki gen priyorite pou 2009 - 2013 5.6.1. - Idantifikasyon pwogram yo Pou 5 ane k’ap vini la yo, Rezo a gen 7 pwogram li bay priyorite pou l’ ka rive jwenn sa li ap tann yo. 7 pwogram sa yo li gen pou l’ mete sou pye a se:

1. Pwogram ranfòsman jesyon fonksyonman rezo a, 2. Pwogram amelyorasyon kapasite teknik ak patisipasyon dirijan ak manm yo , 3. Pwogram devlopman kapasite pwodiksyon, konsèvasyon, transfòmasyon ak

komèsyalizasyon agrikòl, 4. Pwogram proteksyon anviwonman, 5. Pwogram devlopman elevaj, 6. Pwogram ranfòsman kredi riral, 7. Pwogram amelyorasyon sèvis sosyal fondalnatal.

De (2) premye pwogram yo gen rapò ak premye poto mitan an epi ak objektif estratejik 1 ak 2. Sis (6) lòt yo konsène dezyèm poto mitan an epi ak objektif estratejik 3.


17

5.6.2. - Deskripsyon pwogram yo

Pwogram Rezilta ki ap tann

Konpozant pwogram nan Mwayen/Estrateji Kantite lajan ki nesesè

Patnè pou chache

Kategori k’ap

konsène Ranfòsman jesyon fonksyonman rezo a

1-Rezo a ak Oganizasyon Baz yo gen tout zouti ak dokiman ki nesesè pou yo fonksyone nan transparans ak patisipasyon

-Preparasyon ak validasyon règleman entèn, -Revizyon pwosesis pou swiv desizyon -Revizyon jesyon administrativ ak finansyè -Revizyon kominikasyon

-Fòmasyon yon komite nan chak OB pou ekri dokiman yo pou chak OB -Fòmasyon yon komite pou ekri dokiman yo pou rezo a -Konsiltasyon moun konpetan nan zòn nan pou revize yo -Rechèch bourad BSR pou ekri dokiman sou jesyon yo

2, 345,000 G -Inyon Ewopeyèn -FAES -OXFAM -PRODEP

1-RAKPABA 2-OB yo

Amelyorasyon kapasite teknik ak patisipasyon dirijan ak manm yo

1-Dirijan ak manm yo pi byen fòme pou jere oganizasyon an 2-Manm yo pi byen fòme pou fè aktivite y’ap mennen 3-Manm yo sitou fanm yo vin pi aktif nan òganizasyon an

-Alfabetizasyon manm -Fòmasyon sou planifikasyon ak jesyon -Sansibilizasyon sou prensip fonksyonman òganizasyon -Fòmasyon sou prensip fonksyonman òganizasyon -Fòmasyon nan mekanik -Pwomosyon patisipasyon fanm -Devlopman sistèm konbit -Estriktirasyon fòmasyon manm yo

Pwomosyon patisipasyon manm yo -Itilizasyon jou reyinyon pou sansibilize ak fòme manm yo -Itilizasyon estrateji an eskalye pou gaye fòmasyon bay manm yo. Eskalye sa a ap gen 4 mach:

1. Yon moun pran yon fòmasyon

2. Li fòme dirijan yo 3. Dirijan yo fòme

delege yo 4. Delege yo al fòme

rès manm yo

645,000 G -Oxfam -Inyon Ewopeyèn -FAES -SEA -PRODEP

1-Manm ki pa konn li ak ekri 2-Dirijan rezo a, OB yo ak gwoupman yo 3-Delege OB yo


18



Patnè pou chache

Kategori k’ap

konsène Devlopman kapasite pwodiksyon, konsèvasyon, transfòmasyon ak komèsyalizasyon agrikòl

1- Manm rezo a jwenn pi bon mwayen pou fè pwodiksyon agrikòl, konsève, transfòme epi komèsyalize pwodwi yo 2-Diri manm rezo a pi byen prepare

-Irigasyon ak drenaj -Lit kont maladi ak ensèk ki atake kilti yo -Mekanizasyon agrikòl -Konstriksyon sant kondisyonman -Konstriksyon sant estokaj -Konstriksyon izin transfòmasyon -Reparasyon wout agrikòl -Amelyorasyon lavant danre -Amelyorasyon kalite diri -Fòmasyon teknik

-Oganizasyon aktivite kiltirèl ki ka bay lajan pou finanse aksyon plan an -Oganizasyon aktivite ekonomik rantab pou finanse aksyon plan an -Pwomosyon solidarite ak patisipasyon manm yo -Devlopman patenarya ak lòt enstitisyon -Pledwaye

11,750,000 G -Oxfam -USAID -Inyon Ewopeyèn -Koperasyon kanadyen -FAES -PRIMA -PRODEP -AICF -HELVETAS -FAO

1-Manm yo 2-Popilasyon zòn entèvansyon rezo a

Proteksyon anviwonman

1-Plis tè pwoteje kont ewozyon

-Sansibilizasyon manm -Fòmasyon sou jesyon anviwonman -Pwodiksyon plantil -Plantasyon pye bwa

-Pwomosyon patisipasyon manm yo -Devlopman patenarya ak lòt enstitisyon

92,500 G -MDE -PADF -FAO -AFAD -MCC

1-Manm yo 2-Lòt moun nan lokalite yo

Devlopman elevaj 1- Manm yo jwenn pi bon mwayen pou yo fè aktivite elvaj

-Amelyorasyon ras -Kontwòl maladi -Fòmasyon teknik -Kontwòl elevaj lib -Alimantasyon bèt

-Pwomosyon patisipasyon manm yo -Devlopman patenarya ak lòt enstitisyon -Oganizasyon aktivite ekonomik rantab pou finanse aksyon ki nan plan an

150,000 G -Oxfam -AFAD -AICF -Veterimed

1-Manm yo


19



Patnè pou chache

Kategori k’ap

konsène Ranfòsman kredi riral

1- Manm rezo a jwenn lajan prete nan bon kondisyon pou yo fè aktivite ekonomik y’ap mennen yo ak pou lòt bezwen yo genyen

-Ranfòsman fon kredi rezo a -Fòmasyon MISO -Ranfòsman sistèm ranbousman -Miz an plas fon Kredi agrikòl -Miz an plas fon Kredi pou komès -Miz an plas fon Kredi pou lòt bezwen

-Pwomosyon solidarite ak patisipasyon manm yo -Devlopman patenarya ak lòt enstitisyon -Oganizasyon aktivite ekonomik rantab pou finanse aksyon ki nan plan an

7,030,000 G -Oxfam -Inyon Ewopeyèn -FAES -USAID

1-Machann

yo 2-Plantè yo 3- Manm yo

Amelyorasyon sèvis sosyal fondalnatal

1- Plis moun nan zòn entèvansyon rezo a ka jwenn bon dlo pou yo bwè 2- Plis moun nan zòn entèvansyon rezo a jwenn kote pou yo fè bezwen yo korèkteman 3- Plis moun nan zòn nan vin gen plis konesans sou kesyon lasante e vin ka jwenn swen sante 4- Mwens ti moun ap viv nan lari nan zòn nan

-Amelyorasyon kalite dlo moun ap bwè -Vilgarizasyon enfòmasyon sou prevansyon maladi -Pledwaye pou konstriksyon latrin -Pledwaye pou konstriksyon sant sante -Pledwaye pou konstriksyon sant òfelina

-Pwomosyon solidarite ak patisipasyon manm yo -Devlopman patenarya ak lòt enstitisyon -Pledwaye

60,000 G -Oxfam -Inyon Ewopeyèn -FAES -AICF

1-Manm yo 2-Popilasyon zòn entèvansyon rezo a 3-Ti moun k’ap viv nan lari


20

5.6.3. - Plan reyalizasyon pwogram yo

Pwogram Sa ki nan li Peryòd pou li reayilize Gwoup k’ap konsène 2009 2010 2011 2012 2013

Ranfòsman jesyon fonksyonman rezo a

Preparasyon ak validasyon regleman entèn

Rezo a + 7 OB

Revizyon pwosesis pou swiv desizyon

Rezo a + 7 OB

Revizyon jesyon administratif ak finansye

Rezo a + 7 OB

Revizyon kominikasyon Rezo a + 7 OB

Gratifikasyon ajan k’ap bay sèvis

28 ajan


Sansibilizasyon ak motivasyon sou prensip fonksyonman òganizasyon

2 000 manm

Fòmasyon sou prensip fonksyonman òganizasyon

2 000 manm

Alfabetizasyon manm 1 400 manm

Fòmasyon nan planifikasyon ak jesyon

72 responsab

Fomasyon sou mekanik 1 manm

Pwomosyon patisipasyon fanm Rezo a + 7 OB

Devlopman sistèm konbit 2 000 manm

Estriktirasyon fòmasyon manm Rezo a + 7 OB

Fomasyon ajan agrikòl ak ajan veterinè

28 manm


21


Devlopman kapasite pwodiksyon, konsèvasyon, transfòmasyon ak komèsyalizasyon agrikòl

Pledwaye sou irigasyon ak drenaj

47 lokalite

Pledwaye pou mekanizasyon agrikòl

48 lokalite

Pledwaye pou konstriksyon sant kondisyonman

4 lokalite

Pledwaye pou konstriksyon sant estokaj

7 lokalite

Pledwaye pou konstriksyon izin transfòmasyon

7 lokalite

Enplantasyon jaden pou rezo a Rezo a + 7 OB

Lit kont maladi ak ensèk ki atake kilti yo

14 lokalite

Reparasyon wout agrikòl 14 lokalite

Amelyorasyon vant pwodwi 21 lokalite

Amelyorasyon kalite pwodwi (diri)

13 lokalite

Fomasyon teknik 2 000 manm


Sansibilizasyon manm 2 000 manm

Fomasyon sou jesyon anviwonman

2 000 manm

Pwodiksyon plantil 7 lokalite

Plantasyon pye bwa 45 lokalite


22


Devlopman elevaj

Amelyorasyon ras 200 manm

Kontwòl maladi 2 000 manm

Fomasyon teknik 2 000 manm

kontwòl elevaj lib 61 lokalite

Alimantasyon bèt 200 manm

Ranfòsman kredi riral

Ranfòsman fon kredi rezo a Rezo a + 7 OB

Fòmasyon Mityèl Solidarite 2 000 manm

Ranfòsman sistèm ranbousman

7 OB

Kredi agrikòl 350 manm

Kredi pou komès 210 fanm

Kredi pou lòt bezwen 210 manm


Amelyorasyon kalite dlo moun ap bwè

3 zòn

Vilgarizasyon enfòmasyon sou prevansyon maladi

2000 manm

Pledwaye pou konstriksyon latrin

48 lokalite

Pledwaye pou konstriksyon sant sante

7 lokalite

Pledwaye pou konstriksyon òfelina

2 lokalite


23

5.6.4- Endikatè pou mezire rezilta yo

Pwogram Rezilta ki ap tann Sa ki pou sèvi pou mezire Sous pou verifye sa


Rezo a ak Oganizasyon baz yo gen tout zouti ak dokiman ki nesesè pou yo fonksyone nan transparans ak patisipasyon

Egzistans regleman entèn ki valide nan asanble jeneral nan Rezo a ak nan 7 OB yo depi nan premye ane plan an

Egzistans dokiman planifikasyon, manyèl pwosedi kontab ak administratif nan Rezo a ak nan 7 OB yo depi nan premye ane plan an

100% dirijan yo ap byen aplike règ ki tabli fason pou rezo a fonksyone

Dokiman fondalnatal yo, rapò anyèl, liv kontab, pwosè vèbal ak kont randi reyinyon, rapò asanble jeneral


Dirijan ak manm yo pi byen fòme pou jere oganizasyon an

100% dirijan yo swiv fòmasyon sou planifikasyon, sou jesyon administrativ ak kontab e y’ap aplike prensip yo depi sou premye ane plan an

Rapò anyèl, rapò aktivite fòmasyon, liv kontab, dokiman planifikasyon, fich swivi

Manm yo pi byen fòme pou fè aktivite y’ap mennen

100% manm yo swiv pou pi piti 5 seyans fòmasyon chak ane

Rapò anyèl aktivite fòmasyon

1 400 manm alfabetize apre 5 an Rapò anyèl aktivite alfa, ankèt sou manm yo chak ane

Manm yo sitou fanm yo vin pi aktif nan òganizasyon an

Egzistans pou pi piti 35% fanm nan estaf dirijan nan rezo ak nan OB yo a pati 2èm ane plan an

Pwosè vèbal eleksyon, rejis dirijan yo

10% nan manm yo bay patisipasyon yo nan aktivite yo a pati 1e ane a

Liv kontab, ankèt sou manm chak ane a pati 1e ane a


24



Manm rezo a jwenn pi bon mwayen pou fè pwodiksyon agrikòl, konsève, transfòme epi komèsyalize pwodwi yo

50% manm jwenn dlo pou wouze jaden san difikilte nan fen peryòd plan an

Rapò anyèl aktivite rezo a, Ankèt sou manm plantè yo chak ane, rapò sou zòn nan, kat zòn nan

50% manm pa gen pwoblèm drenaj nan jaden nan fen peryòd plan an

Rapò anyèl aktivite rezo a, Ankèt sou manm plantè yo chak ane

20% manm jwenn kote pou yo vann pwodwi k’ap gate yo a pati 2èm ane plan an

Ankèt sou manm kiltivatè yo chak ane

25% manm jwenn entran achte nan pi ba pri a pati 1e ane plan an

Ankèt sou manm plantè yo chak ane

20% manm jwenn machin pou laboure tè yo a pati 2èm ane plan an

Rapò anyèl aktivite rezo a, Ankèt sou manm

100% manm yo satisfè pou ankadreman teknik yo jwenn pou fè jaden pandan peryòd plan an

Rapò aktivite, ankèt sou manm plantè yo chak ane

Diri manm rezo a pi byen prepare

Pousantaj rejè apre triyaj nan estòk rezo a achte pa depase 5% apre 5 an

Rapò aktivite komèsyalizasyon rezo a


Plis tè pwoteje kont ewozyon 200 ekta tè pwoteje kont ewozyon apre 5 an Rapò aktivite, ankèt sou teren chak ane


25


Devlopman elevaj

Manm yo jwenn pi bon mwayen pou yo fè aktivite elvaj

10% manm elvè resevwa fòmasyon sou teknik elvaj apati 3èm ane plan an

-Rapò aktivite anyèl -Ankèt sou manm elvè yo apati 3èm ane plan an

10% nan manm ki fè elvaj kabrit ak bèf jwenn ras amelyore pou kwaze bèt yo a pati 3èm ane plan an.

-Rapò aktivite anyèl -Ankèt sou manm elvè yo apati 3èm ane plan an

50% nan manm yo pa fè elvaj lib a pati 2èm ane plan an -Ankèt sou manm elvè yo chak ane apati 3èm ane plan an

50% manm jwenn bourad pou plante zèb pou bèt a pati 2èm ane plan an

-Rapò aktivite anyèl, -Ankèt sou manm elvè yo apati 3èm ane plan an

100% manm elvè yo satisfè pou ankadreman teknik yo jwenn pou fè elvaj a pati 3èm ane plan an

-Ankèt sou manm elvè yo nan 4èm ak 5èm ane plan an

Ranfòsman kredi riral

Manm rezo a jwenn lajan prete nan bon kondisyon pou yo fè aktivite ekonomik y’ap mennen yo ak pou lòt bezwen yo genyen

Pou pi piti 350 nan manm yo benefisye kredi agrikòl pandan peryòd plan an

-Liv kontab, -Ankèt sou manm yo chak ane a pati 2èm ane plan an

Pou pi piti 210 fanm ki manm benefisye kredi pou komès pandan peryòd plan an

-Liv kontab, -Ankèt sou manm yo chak ane a pati 1e ane plan an

Pou pi piti 210 manm yo jwenn kredi pou lòt bezwen pandan peryòd plan an

-Liv kontab, -Ankèt sou manm yo a pati 2èm ane plan an


26



Plis moun nan zòn entèvansyon rezo a ka jwenn bon dlo pou yo bwè

Dlo tiyo nan 3 zòn (Machan, Lestè, Vèrèt) pi bon pou bwè a pati 2èm ane plan an

-Ankèt bò kote izaje yo chak ane

Plis moun nan zòn entèvansyon rezo a jwenn kote pou yo fè bezwen yo korèkteman

50% manm itilize latrin pou fè bezwen yo nan fen peryòd plan an

-Ankèt sou manm yo nan fen peryòd plan an

Plis manm vin gen plis konesans sou kesyon lasante e vin ka jwenn swen santé

20% nan manm yo metrize prekosyon ki pou pran pou pa trape maladi ki pi kouran nan zòn nan a pati 1e ane plan an

-Ankèt sou manm yo chak ane -Rapò anyèl rezo a

Mwens ti moun ap viv nan lari nan zòn entèvansyon rezo a (lestè ak machan)

20 ti moun jwenn yon kote pou yo rete nan fen peryòd plan an

-Ankèt nan zòn lestè ak machan nan fen plan an


27

VI.- EGZEKISYON PLAN AN Reyalizasyon plan an depann anpil sou patisipasyon manm yo epi sou angajman dirijan yo. Pou plan an rive reayilize, li nesesè pou gen yon bon jan òganizasyon ki mete sou pye nan rezo a, bon jan zouti ki prepare e mobilizasyon ki fèt pou jwenn lajan. 6.1.- Ogan pou reyalize plan an Ogan k’ap mobilize pou reyalize aksyon ki nan plan an nan nivo rezo a ak nan nivo OB yo se: Nan nivo rezo

Konsèy administrasyon rezo a, li responsab egzekisyon jeneral plan an. L’ap fòme komite ki site pi ba yo e komite sa yo ap travay anba kontwòl li pou reyalize aksyon ki nan plan an

Komite sante, li responsab kesyon sante

Komite kredi, li responsab kesyon kredi (garanti kredi, sansibilizasyon, bay kredi)

Komite komèsyalizasyon, li responsab komesyalizasyon, ankadreman nan kredi

Komite agrikilti, li responsab kesyon jaden ak elvaj

Komite edikasyon, li responsab kesyon fòmasyon, lekòl

Komite kiltirèl, li responsab pou òganize tout aktivite kiltirèl oswa lwazi

Komite finans, li responsab pou chache fon pou plan an Konsèy administrasyon an ak komite sa yo ap gen bò kote yo yon ekip teknik k’ap la pou ede yo egzekite plan an. Nan nivo OB

Konsèy administrasyon chak OB

Answit nan chak OB ap genyen 7 komite ki sot site la yo. Komite sa yo ap responsab kesyon ki konsène domèn li a nan OB a. Alòske komite nan nivo rezo a responsab kesyon ki nan domèn li a pou tout rezo a.

6.2.- Preparasyon plan aksyon yo Plan estratejik la trase gran lin ki pou swiv yo, aksyon ki gen priyorite ak rezilta ki espere pou 5 lane k’ap vini yo. Li nesesè pou gen yon plan aksyon ki prepare chak ane ki pou di an detay aktivite ki pral fèt nan chak lokalite, moun ki responsab pou reyalize yo, rezilta ki va gen pou jwenn, sa ki ap sèvi pou mezire yo elatriye. Plan aksyon yo dwe prepare ak patisipasyon delege òganizasyon yo. 6.3.- Swivi ak evalyasyon Ogan k’ap mobilize pou swiv ak evalye avansman plan an nan nivo rezo a ak nan nivo OB yo se:

Asanble Jeneral rezo a

Asanble Delege rezo a

Konsèy Administrasyon rezo a

Konsèy Siveyans rezo a ak Konsèy Siveyans chak OB


28

Yon Komite swivi nan nivo rezo a : li fòme ak komite swivi OB yo. Li responsab pou swiv egzekisyon plan an nan tout rezo a epi drese rapò swivi bay konsèy administrasyon rezo.

Yon Komite swivi nan chak OB, yo la pou swiv egzekisyon plan an nan OB pa yo epi drese rapò swivi bay komite swivi rezo a.

Evalyasyon plan an ap fè chak 3 mwa, nan fen chak ane epi apre 5 an. Evalyasyon yo ap fèt konsa:

Rankont pou fè bilan reyalizasyon yo chak 3 mwa ant konsèy siveyans rezo a, konsèy siveyans OB yo, konsèy administrasyon rezo a,

Rankont pou fè bilan reyalizasyon yo chak ane nan Asanble Delege,

Rankont pou evalye reyalizasyon yo apre 5 an nan Asanble Jeneral. 6.4.- Mobilizasyon resous Pou plan sa a reyalize rezo a ap bezwen anpil resous. Rezo a ap chita anpil sou tèt ansanm ak patisipasyon manm li yo pou li rive egzekite plan an. L’ap rantre manm li yo byen fon nan egzekisyon an pou li ka jwenn pi fò nan resous moun ki ap nesesè. L’ap chache kolaborasyon moun kalifye ki nan zòn nan, epi l’ap kolabore tou ak lòt enstitisyon pou li ka mobilize konpetans pou ede l’ nan egzekisyon plan an. Gen òganizasyon ki ap travay nan zòn nan ki gen aktivite nan domèn entèvansyon rezo a ki bezwen travay nan zanmitay ak lòt òganizasyon. Gen plizyè òganizasyon nan peyi a ki finanse aktivite devlopman ki gen pwogram ki konsène aksyon rezo a vle fè yo. Rezo a pral chache tabli kontak ak òganizasyon sa yo pou li travay men nan men ak yo yon fason pou li ka benefisye nan resous yo genyen yo pou li ka reyalize aksyon nan plan an. Rezo a konte sou 2 sous pou jwenn lajan pou li reyalize plan an: Premyeman sou lajan manm li yo, dezyèman sou bourad nan men lòt òganizasyon oswa leta. Rezo a gen pou li prepare epi mete sou pye yon estrateji pou li ka rasanble lajan nan men manm yo ak pou li ka chache bourad nan men lòt enstitisyon. Rezo a prevwa tou pou li fè aktivite ki rantab pou li ka gen lajan pou egzekite plan an. VII.- ESTIMASYON BIDJE A Lajan antou ki nesesè pou egzekite plan an se 22, 072,500.00 goud pou 5 ane yo. Premye ane a se peryòd rezo a ap bezwen pi piti lajan pou plan an, anviwon 4 milyon goud. A pati dezyèm ane a, l’ap bezwen anviwon 5 milyon goud pou chak ane. Nan 7 pwogram ki gen pou mete sou pye yo gen 3 pwogram ki pran plis pase 95% nan bidjè plan: pwogram ranfòsman jesyon fonksyonman rezo a (10.6%), pwogram ranfòsman kredi riral (31.9%) epi Pwogram devlopman kapasite pwodiksyon, konsèvasyon, transfòmasyon ak komèsyalizasyon agrikòl (53.2%). Apre 3 pwogram sa yo, nou jwenn pwogram amelyorasyon patisipasyon ak kapasite teknik manm ak dirijan yo (2.9%). Pou 3 pwogram ki rete yo : pwogram devlopman elvaj, pwogram proteksyon anviwonman, pwogram ranfòsman sèvis sosyal fondalnatal kantite lajan ki disponib nan bidjè a pou yo chak pa depase 1%.


29

7.1- Plan finansman pwogram yo

Pwogram Lajan ki nesesè an goud Kantite lajan pou peryòd la

%

2009 2010 2011 2012 2013


3, 084,000 3, 536,000 3, 536,000 3, 536,000 3, 536,000 17, 228,000 10.6

Amelyorasyon patisipasyon ak kapasite teknik manm ak dirijan yo

287,000 92,000 155,750 234,500 120,750 645,000 2.9


2, 350,000 2, 350,000 2, 350,000 2, 350,000 2, 350,000 11,750,000 53.2


12,500 20,000 20,000 20,000 20,000 92,500 0.4

Devlopman elevaj

0 0 50,000 50,000 50,000 150,000 0.7

Ranfòsman Kredi riral 1, 050,000 1, 255,000 1, 400,000 1, 575,000 1, 750,000 7,030,000 31.9

Ranfòsman sevis sosyal fondalnatal 0 15,000 15,000 15,000 15,000 60,000 0.3

TOTAL lajan ki nesesè an goud 3, 559,500 4, 292,000 4, 550,750 4, 804,500 4, 865,750 22, 072,500 100


30

VIII.- RISK KI PLANE SOU FINANSMAN PLAN AN Rezo a se yon òganizasyon ki poko gen gwo mwayen ekonomik. Li konte anpil sou manm li yo kòm premye sous pou finanse plan an. Men kondisyon ekonomik moun yo ap vin pi difisil chak jou akoz sitiyasyon ekonomik peyi a k’ap depafini. Kontèks sa a, si li kontinye, ap reprezante yon premye gwo menas ki plane sou finansman plan. Answit, akoz manm yo pa gen gwo mwayen, òganizasyon an pral oblije chache èd nan men lòt òganizasyon pou finanse yon bon pati nan plan an. An jeneral lè gen twoub politik nan peyi a, èd sa yo pa fasil pou jwenn. Nan ka ta gen yon sitiyasyon politik ki pa klè nan peyi a, rezo a ka gen difikilte pou jwenn òganizasyon ki pare pou finanse aksyon li yo.


31

ANEKS


32

ANEKS I : Kad lojik plan an


33

Kad lojik plan estratejik RAKPABA

Lojik entèvansyon Sa ki pou sèvi pou mezire Sous pou verifye sa Sipozisyon

Objektif jeneral Ede OB li yo amelyore sitiyasyon sosyal ak ekonomik manm yo

Pou pi piti moun yo fè 30% plis lajan nan aktivite y’ap mennen nan fen peryòd plan an

Ankèt sou sitiyasyon sosyal ak ekonomik moun yo

-Nou rive kolekte tout lajan nou te prevwa a nan men manm yo

Objektif espesifik 1) Amelyore jesyon rezo a ak Oganizason Baz yo 2) Amelyore patisipasyon ak kapasite teknik dirijan ak manm yo 3) Reyalize aksyon devlopman nan domèn ki pi ijan pou manm yo

Endikatè ki sèvi pou mezire rezilta ki ap tann yo, depase 60% apre premye ane egzekisyon plan an. Yo depase 70% soti 2èm pou rive 4èm ane a epi yo depase 80% nan fen peryòd plan an.

Rapò aktivite anyèl rezo a

-Rezo a jwenn patnè ki pou ede l’ -Katastròf natirèl pa pase pou devaste jaden yo -Gen enstabilite politik pou aktivite yo ka fèt -Pi fò nan manm yo kotize

Rezilta ki ap tann

Rezo a ak Oganizasyon baz yo gen tout zouti ak dokiman ki nesesè pou yo fonksyone nan transparans ak patisipasyon

Egzistans regleman entèn ki valide nan asanble jeneral nan Rezo a ak nan 7 OB yo depi nan premye ane plan an

Egzistans dokiman planifikasyon, manyèl pwosedi kontab ak administratif nan Rezo a ak nan 7 OB yo depi nan premye ane plan an

100% dirijan yo ap byen aplike règ ki tabli fason pou rezo a fonksyone depi nan 1er ane plan an

Dokiman fondalnatal yo, rapò anyèl, liv kontab, pwosè vèbal ak kont randi reyinyon, rapò asanble jeneral

Dirijan ak manm yo pi byen fòme pou jere oganizasyon an

100% dirijan yo swiv fòmasyon sou planifikasyon, sou jesyon administrativ ak kontab e y’ap aplike prensip yo depi sou premye ane plan an

Rapò anyèl, rapò aktivite fòmasyon, liv kontab, dokiman planifikasyon, fich swivi


34

Manm yo pi byen fòme pou fè aktivite y’ap mennen

100% manm yo swiv pou pi piti 5 seyans fòmasyon chak ane

Rapò anyèl aktivite fòmasyon

-Pa gen katastròf natirèl ki pase e ki fè manm yo pa disponib

1 400 manm alfabetize apre 5 an Rapò anyèl aktivite alfa, ankèt sou manm yo chak ane

-Pa gen epidemi ki pran jaden manm yo pou fè yo pa disponib

Manm yo sitou fanm yo vin pi aktif nan òganizasyon an

Egzistans pou pi piti 35 % fanm nan estaf dirijan nan rezo ak nan OB yo a pati 2èm ane plan an

Pwosè vèbal eleksyon, rejis dirijan yo

-Mari medam yo pa anpeche yo soti

10% nan manm yo bay patisipasyon yo nan aktivite yo a pati 1er ane a

Liv kontab, ankèt sou manm chak ane a pati 1er ane a

Manm rezo a jwenn pi bon mwayen pou fè pwodiksyon agrikòl, konsève, transfòme epi komèsyalize pwodwi yo

50% manm jwenn dlo pou wouze jaden san difikilte nan fen peryòd plan an

Rapò anyèl aktivite rezo a, Ankèt sou manm plantè yo chak ane, rapò sou zòn nan, kat zòn nan

-Rezo a jwenn patnè ki vle ede l’ -Leta vrèman ap bay pwodiksyon nasyonal la jarèt

50% manm pa gen pwoblèm drenaj nan jaden nan fen peryòd plan an

Rapò anyèl aktivite rezo a, Ankèt sou manm plantè yo chak ane

-Katastròf natirèl detwi system yo

20% manm jwenn kote pou yo vann pwodwi k’ap gate yo a pati 2èm ane plan an

Ankèt sou manm kiltivatè yo chak ane

25% manm jwenn entran achte nan pi ba pri a pati 1e ane plan an

Ankèt sou manm plantè yo chak ane

20% manm jwenn machin pou laboure tè yo a pati 2èm ane plan an

Rapò anyèl aktivite rezo a, Ankèt sou manm

100% manm yo satisfè pou ankadreman teknik yo jwenn pou fè jaden pandan peryòd plan an

Rapò aktivite, ankèt sou manm plantè yo chak ane


35

Diri manm rezo a pi byen prepare Pousantaj rejè apre triyaj nan estòk rezo a achte pa depase 10% apre 5 an

Rapò aktivite komèsyalizasyon rezo a

-Nou jwenn patnè ki ede nou -Epidemi pa frape diri yo

Plis tè pwoteje kont ewozyon 200 ekta tè pwoteje kont ewozyon apre 5 an Rapò aktivite, ankèt sou teren chak ane

Manm yo jwenn pi bon mwayen pou yo fè aktivite elvaj

10% manm elvè resevwa fòmasyon sou teknik elvaj apati 3èm ane plan an

-Rapò aktivite anyèl -Ankèt sou manm elvè yo chak ane pati 3èm ane plan an

10% nan manm ki fè elvaj kabrit ak bèf jwenn ras amelyore pou kwaze bèt yo a pati 3èm ane plan an.

-Rapò aktivite anyèl -Ankèt sou manm elvè yo chak ane pati 3èm ane plan an

50% nan manm yo pa fè elvaj lib a pati 2èm ane plan an

-Ankèt sou manm elvè yo nan 3èm ane plan an

50% manm jwenn bourad pou plante zèb pou bèt a pati 2èm ane plan an

-Rapò aktivite anyèl, -Ankèt sou manm elvè yo chak ane pati 3èm ane plan an

100% nan manm elvè yo satisfè pou ankadreman teknik yo jwenn pou fè elvaj a pati 3èm ane plan an

-Ankèt sou manm elvè yo nan 4èm ak 5èm ane plan an

Manm rezo a jwenn lajan prete nan bon kondisyon pou yo fè aktivite ekonomik y’ap mennen yo ak pou lòt bezwen yo genyen

Pou pi piti 350 manm benefisye kredi agrikòl pandan peryòd plan an


Pou pi piti 210 fanm ki manm benefisye kredi pou komès pandan peryòd plan an

-Liv kontab, -Ankèt sou manm yo chak ane a pati 1e ane plan an

Pou pi piti 210 manm jwenn kredi pou lòt bezwen pandan peryòd plan an



36

Plis moun nan zòn entèvansyon rezo a ka jwenn bon dlo pou yo bwè

Dlo tiyo nan 3 zòn (Machan, Lestè, Vèrèt) pi bon pou bwè a pati 2èm ane plan an

-Ankèt bò kote izaje yo chak ane

Plis moun nan zòn entèvansyon rezo a jwenn kote pou yo fè bezwen yo korèkteman

50% manm itilize latrin pou fè bezwen yo nan fen peryòd plan an

-Ankèt sou manm yo nan fen peryòd plan an

-Rezo a jwenn patnè k’ap kolabore ak li nan domèn nan

Plis manm vin gen plis konesans sou kesyon lasante e vin ka jwenn swen santé

20% nan manm yo metrize prekosyon ki pou pran pou pa trape maladi ki pi kouran nan zòn nan a pati 1e ane plan an

-Ankèt sou manm yo chak ane -Rapò anyèl rezo a

Mwens ti moun ap viv nan lari nan zòn entèvansyon rezo a (lestè ak machan)

20 ti moun jwenn yon kote pou yo rete nan fen peryòd plan an

-Ankèt nan zòn lestè ak machan nan fen plan an

Aktivite Mwayen Sipozisyon

1.-Preparasyon ak validasyon regleman entèn

Resous Imèn: Manm Konsèy administrasyon rezo a, Pèsonalite zòn nan, Manm Komite direktè OB, Delege OB, Manm Komisyon redaksyon règleman yo, Manm OB

Lajan sa ap koute: 52,500 goud

2.-Revizyon pwosesis pou swiv desizyon

Resous Imèn: Manm Konsèy administrasyon rezo a, Manm Komite direktè OB, Delege OB, Manm Komisyon redaksyon règleman yo, Manm OB

Lajan sa ap koute: li rantre nan aktivite 3 a

3.-Revizyon jesyon administratif ak finansye

Resous Imèn: Manm Konsèy administrasyon rezo a, Manm Komite direktè OB, Delege OB, Manm OB, Pèsonèl BSR (pou premye ane a sèlman)


4.-Revizyon kominikasyon Resous Imèn: Manm Konsèy administrasyon rezo a, Manm Komite direktè OB, Delege OB, Manm Komisyon redaksyon règleman yo, Manm OB


5.-Gratifikasyon ajan k’ap bay sèvis Resous Imèn: Manm Konsèy administrasyon rezo a, Manm Komite direktè OB, Delege OB, Pèsonèl rezo a

Lajan sa ap koute: 1,680,000 goud

6.-Sansibilizasyon ak motivasyon sou prensip fonksyonman òganizasyon

Resous Imèn: Manm Konsèy administrasyon rezo a, Manm Komite direktè OB, Delege OB, Animatè, Fòmatè, Manm Komite edikasyon, Manm komite swivi

Lajan sa ap koute: 0 goud


37

7.-Fòmasyon sou prensip fonksyonman òganizasyon

Resous Imèn: Manm Konsèy administrasyon rezo a, Manm Komite direktè OB, Delege OB, Animatè, Fòmatè, Manm Komite edikasyon, Manm komite swivi


8.-Alfabetizasyon manm Resous Imèn: Manm Konsèy administrasyon rezo a, Manm Komite direktè OB, Delege OB, Animatè, Fòmatè, Manm Komite edikasyon, Manm komite swivi, Teknisyen ekstèn


9.-Fòmasyon nan planifikasyon ak jesyon

Resous Imèn: Manm Konsèy administrasyon rezo a, Manm Komite direktè OB, Delege OB, Fòmatè, Manm Komite edikasyon, Manm komite swivi, Teknisyen ekstèn, Manm Komite Finans, Pèsonèl BSR (pou premye ane a)


10.-Fomasyon sou mekanik Resous Imèn: Manm Konsèy administrasyon rezo a, Manm Komite direktè OB, Delege OB, Manm Komite edikasyon, Manm komite swivi, Teknisyen ekstèn, Manm Komite Finans


11.-Pwomosyon patisipasyon fanm Resous Imèn: Manm Konsèy administrasyon rezo a, Manm Komite direktè OB, Delege OB, Manm Komite edikasyon, Manm komite swivi, Manm Komite


12.-Devlopman sistèm konbit Resous Imèn: Manm Konsèy administrasyon rezo a, Manm Komite direktè OB, Delege OB, Manm Komite edikasyon, Manm komite swivi, Manm Komite


13.-Estriktirasyon fòmasyon manm Resous Imèn: Manm Konsèy administrasyon rezo a, Manm Komite direktè OB, Delege OB, Manm Komite edikasyon, Manm komite swivi, Manm Komite


14.-Fomasyon ajan agrikòl ak ajan veterinè

Resous Imèn: Manm Konsèy administrasyon rezo a, Manm Komite direktè OB, Delege OB, Manm Komite edikasyon, Manm komite Agrikilti, Manm komite swivi, Teknisyen ekstèn, Manm Komite Finans, Manm OB


15.-Pledwaye sou irigasyon ak drenaj

Resous Imèn: Manm Konsèy administrasyon rezo a, Manm Komite direktè OB, Delege OB, Manm Komite agrikilti, Manm komite swivi, Manm Komite Finans,


16.-Pledwaye pou mekanizasyon agrikòl

Resous Imèn: Manm Konsèy administrasyon rezo a, Manm Komite direktè OB, Manm komite Agrikilti



38

17.-Pledwaye pou konstriksyon sant kondisyonman

Resous Imèn: Manm Konsèy administrasyon rezo a, Manm Komite direktè OB, Delege OB, Manm komite Agrikilti, Manm komite swivi


18.-Pledwaye pou konstriksyon sant estokaj

Resous Imèn: Manm Konsèy administrasyon rezo a, Manm Komite direktè OB, Delege OB, Manm komite Agrikilti


19.-Pledwaye pou konstriksyon izin transfòmasyon

Resous Imèn: Manm Konsèy administrasyon rezo a, Manm Komite direktè OB, Delege OB, Manm Komite edikasyon, Manm komite Agrikilti, Manm komite swivi, Teknisyen ekstèn, Manm Komite Finans, Manm OB


20.-Enplantasyon jaden pou rezo a Resous Imèn: Manm Konsèy administrasyon rezo a, Manm Komite direktè OB, Delege OB, Manm Komite edikasyon, Manm komite Agrikilti, Manm komite swivi, Pèsonèl rezo a, Manm Komite Finans, Manm OB


21.-Lit kont maladi ak ensèk ki atake kilti yo

Resous Imèn: Manm Konsèy administrasyon rezo a, Manm Komite direktè OB, Delege OB, Manm Komite edikasyon, Manm komite Agrikilti, Manm komite swivi, Teknisyen ekstèn, Manm Komite Finans, Manm OB, Animatè


22.-Reparasyon wout agrikòl Resous Imèn: Manm Konsèy administrasyon rezo a, Manm Komite direktè OB, Delege OB, Manm Komite edikasyon, Manm komite Agrikilti, Manm komite swivi, Teknisyen ekstèn, Manm Komite Finans, Manm OB


23.-Amelyorasyon vant pwodwi Resous Imèn: Manm Konsèy administrasyon rezo a, Manm Komite direktè OB, Delege OB, Manm Komite edikasyon, Manm komite Agrikilti, Manm komite swivi, Manm komite komèsyalizasyon, Manm OB


24.-Amelyorasyon kalite pwodwi (diri)

Resous Imèn: Manm Konsèy administrasyon rezo a, Manm Komite direktè OB, Delege OB, Manm Komite edikasyon, Manm komite Agrikilti, Manm komite swivi, Manm komite komèsyalizasyon, Manm OB


25.-Fomasyon teknik Resous Imèn: Manm Konsèy administrasyon rezo a, Manm Komite direktè OB, Delege OB, Manm Komite edikasyon, Manm komite Agrikilti, Manm komite swivi, Manm OB, Fòmatè, Animatè



39

26.-Sansibilizasyon manm Resous Imèn: Manm Konsèy administrasyon rezo a, Manm Komite direktè OB, Delege OB, Manm Komite edikasyon, Manm komite Agrikilti, Manm komite swivi, Manm OB, Fòmatè, Animatè, Manm komite kiltirèl


27.-Fomasyon sou jesyon anviwonman

Resous Imèn: Manm Konsèy administrasyon rezo a, Manm Komite direktè OB, Delege OB, Manm Komite edikasyon, Manm komite Agrikilti, Manm komite swivi, Manm OB, Fòmatè, Animatè


28.-Pwodiksyon plantil Resous Imèn: Manm Konsèy administrasyon rezo a, Manm Komite direktè OB, Delege OB, Manm Komite edikasyon, Manm komite Agrikilti, Manm komite swivi, Manm OB, Fòmatè, Animatè, Manm komite kiltirèl


29.-Plantasyon pye bwa Resous Imèn: Manm Konsèy administrasyon rezo a, Manm Komite direktè OB, Delege OB, Manm Komite edikasyon, Manm komite Agrikilti, Manm komite swivi, Manm Komite kiltirèl, Manm OB, Fòmatè, Animatè


30.-Amelyorasyon ras Resous Imèn: Manm Konsèy administrasyon rezo a, Manm Komite direktè OB, Delege OB, Manm Komite edikasyon, Manm komite Agrikilti, Manm komite swivi, Manm Komite Finans, Manm OB, Fòmatè, Animatè


31.-Kontwòl maladi Resous Imèn: Manm Konsèy administrasyon rezo a, Manm Komite direktè OB, Delege OB, Manm Komite edikasyon, Manm komite Agrikilti, Manm komite swivi, Manm OB, Fòmatè, Animatè


32.-Fomasyon teknik Resous Imèn: Manm Konsèy administrasyon rezo a, Manm Komite direktè OB, Delege OB, Manm Komite edikasyon, Manm komite Agrikilti, Manm komite swivi, Manm OB, Fòmatè, Animatè


33.-kontwòl elevaj lib Resous Imèn: Manm Konsèy administrasyon rezo a, Manm Komite direktè OB, Delege OB, Manm Komite edikasyon, Manm komite Agrikilti, Manm komite swivi, Manm OB, Fòmatè, Animatè, Otorite lokal


34.-Alimantasyon bèt Resous Imèn: Manm Konsèy administrasyon rezo a, Manm Komite direktè OB, Delege OB, Manm Komite edikasyon, Manm komite Agrikilti, Manm komite


40

swivi, Manm OB, Fòmatè, Animatè


35.-Ranfòsman fon kredi rezo a Resous Imèn: Manm Konsèy administrasyon rezo a, Manm Komite direktè OB, Delege OB, Manm Komite edikasyon, Manm komite kredi, Manm komite swivi, Manm Komite Finans, Manm OB, Animatè


36.-Fòmasyon MISO Resous Imèn: Manm Konsèy administrasyon rezo a, Manm Komite direktè OB, Delege OB, Manm Komite edikasyon, Manm komite kredi, Manm komite swivi, Manm Komite Finans, Manm OB, Fòmatè, Animatè


37.-Ranfòsman sistèm ranbousman Resous Imèn: Manm Konsèy administrasyon rezo a, Manm Komite direktè OB, Delege OB, Manm Komite edikasyon, Manm komite kredi, Manm komite swivi, Manm Komite Finans, Manm OB, Fòmatè, Animatè


38.-Kredi agrikòl Resous Imèn: Manm Konsèy administrasyon rezo a, Manm Komite direktè OB, Delege OB, Manm Komite edikasyon, Manm komite kredi, Manm komite Agrikilti, Manm komite swivi, Manm Komite Finans, Manm OB, Fòmatè, Animatè


39.-Kredi pou komès Resous Imèn: Manm Konsèy administrasyon rezo a, Manm Komite direktè OB, Delege OB, Manm Komite edikasyon, Manm komite komèsyalizasyon, Manm komite kredi, Manm komite swivi, Manm Komite Finans, Manm OB, Fòmatè, Animatè


40.-Kredi pou lòt bezwen Resous Imèn: Manm Konsèy administrasyon rezo a, Manm Komite direktè OB, Delege OB, Manm Komite edikasyon, Manm komite kredi, Manm komite swivi, Manm Komite Finans, Manm OB, Fòmatè, Animatè


41.-Amelyorasyon kalite dlo moun ap bwè

Resous Imèn: Manm Konsèy administrasyon rezo a, Manm Komite direktè OB, Delege OB, Manm Komite edikasyon, Manm komite Sante, Manm komite swivi, Manm OB, Fòmatè, Animatè


42.-Vilgarizasyon enfòmasyon sou prevansyon maladi

Resous Imèn: Manm Konsèy administrasyon rezo a, Manm Komite direktè OB, Delege OB, Manm Komite edikasyon, Manm komite Sante, Manm komite


41

swivi, Manm OB, Fòmatè, Animatè


43.-Pledwaye pou konstriksyon latrin



44.-Pledwaye pou konstriksyon sant sante



45.-Pledwaye pou konstriksyon òfelina




42

ANEKS II : Kalandriye atelye planifikasyon yo


43

Kalandriye atelye planifikasyon yo

Dat

Kantite lè atelye a dire

Kantite patisipan Kantite OB prezan

2 me 2008 4è 30 7

3 me 2008 5è 30 7

9 me 2008

10 me 2008

30 me 2008 3è 20 7

31 me 2008 3è 23 7

27 jen 2008 1è 30 18 5

28 jen 2008 2è 30 17 6

11 jiyè 2008 5è 17 6

12 jiyè 2008 3è 19 6

8 out 2008 3è 30 16 7

9 out 2008 3è 30 23 7

22 out 2008 2è 30 7

23 out 2008 4è 34 7

29 out 2008 3è 40 18 5

30 out 2008 3è 17 6


44

ANEKS III : Lis moun ki te patisipe nan atelye yo


45

Lis moun ki te patisipe nan atelye planifikasyon yo

NO NON AK SIYATI OGANIZASYON BAZ FONKSYON

1 Saint Jean Laner MODEPS Konseye

2 Maxène Dastinot MPR Sekretè

3 Destin T. Cléona AFESAED Kòdonatris

4 Alcius Pavanès SAM Vis prezidan

5 Petit Compère Tabitha AFESAED Manm

6 Datus Myriam AFESAED Manm

7 Joseph Marie Francoise AFESAED Manm

8 Morency Ulfie AFESAED Sekretè adjwen

9 Clercéus Rosemond CODEL Sekretè adjwen

10 Paul Junia SAM Manm

11 Vilna Manèse SAM Manm

12 Cius Jacques SAM Delege

13 Nicolas Frémiot MPR Kòdonatè

14 Jacques Assancio MODEPS Kòdonatè

15 Therlonge Bregelet Coo Konseye

16 Michel Philippe MODEPS Sekretè jeneral

17 Pierre Riguens KOPAV Manm

18 Madeus Leroy Exaüs KOPAV Manm

19 Deronzil Carline KOPAV Manm

20 Dieujuste Frantz CODEL Manm

21 Joseph Renold KOBED Manm

22 Gêne Emmanuel KOBED Vis prezidan

23 Saint Pierre Eclésiaste KOBED Manm

24 Joseph Paul D. KOPAV Manm

25 Louima Jean Claude CODEL Trezorye

26 Vilsaint Ytlune MODEPS Manm

27 Elvéus Phidée MODEPS Konseye

28 Octelus Jean Clotaire CODEL Prezidan

29 Sylvina Laroche CODEL Manm

30 Orélus Franck SAM Kòdonatè

31 Noel Julmiste MODEPS Manm

32 Joseph Viviane AFESAED Manm

33 Dieujuste Lemoine SAM

34 Bien Aimé Dieula SAM

35 Celonus Milgueure CODEL

36 Dorcelus Alcius Aunondieu

MPR

37 Eliacin Marie Yolène MPR

38 Azinor Paulette SAM


46

ANEKS IV : Rezime pwoblèm ak bezwen manm yo te idantifye


47

REZIME TRAVAY SOU PWOBLEM KI PI IJAN YO

PWOBLEM NAN FE AKTIVITE EKONOMIK YO

GWO PWOBLEM YO DAPRE IJANS YO KOZ KOZ

JADEN

1e) Drenaj jaden yo manke fèt K1- Dren ak kanal yo bouche

2em) Pa gen kredi agrikol K1- Pa gen bank agrikol

K2-Sektè agrikol pa gen garanti (gen twop risk)

3em) Manke ankadreman Teknik K1- Manke teknisyen

K2-Pa gen sant fomasyon

4em) Difikilte pou laboure tè K1- Manke machin agrikol

5em) Manke ka jwenn entran (angrè, pestisid, semans) K1- Pa gen boutik agrikol

K2- Pa gen boutik agrikol tou pre

K3- Angrè chè K1- Leta pa sibvansyone

K2-Pa gen izin pou pwodwi angrè

K4- Angrè ra K3- Leta pa sibvansyone

K5- Pa gen lajan pou achte

K6- Kèk pestisid pa disponib

K7- Manke teknisyen pou kontwole semans oswa pou

bay ankadreman pou kontwole yo

K8- Manke bon aparèy pou kontwole semans (diri)

6em) Pa gen izin pou transfome (tomat ap gate)

7em) Pa gen wout agrikol K1-Kiraj kanal yo pa fèt

8em) Anvayisman diri pèpè (konkirans) K1-Leta pa bay diri nou valè

9em) /Anpil depans pou men dèv

10em) Pa ka konsève danre yo K1- Pa gen sant kondisyonman K1- Pa gen mwayen pou konstwi sant kondisyonman

K2- Pa gen kote pou estoke K1-

K3- Pa gen sant transfomasyon K1- Pa gen mwayen pou konstwi izin transfomasyon

11em) Manke travayè K1-Moun yo ale Sen Domeng

K2-Travayè yo fè taxi moto

12em) Pa gen moulen mayi K1- Moun yo pa enterese achte moulen mayi

K2- Moulen mayi a pa two rantab

13em) Ensèk ak maladi ap ravaje kilti yo

14em) Manke sant pou dekotike diri

15em) Pa ka vann tout danre nou K1- Manke mache pou yo


48

K2- Rekot la rive yon sèl kou

16em) Manke dlo pou wouze tè

17em) Pri diri desann nan sezon rekot K1- Rekot la rive

2)KOMES

-Manke lajan pou devlope komes yo (1e) K1-Pa ka jwenn lajan prete

K2-Manm yo manke mwayen ekonomik

-Pa gen sekirite pou fè komes (2em) K1-Leta ki pa fè travay li

K2-Chomaj ak lamizè

K3-Manke polisye

-Pa gen kote pou mete diri a (4em) K1-Mache yo pa gen depo

-Machann yo manke fome

-Manke moulen diri oswa yo pa fonksyone byen

-Manke mache piblik

-Transpo koute chè

-Moun yo pa kontwole komes yo byen

-Yo pran kout ponya

3)ELVAJ

-Manke espas pou gade bèt (1e) K1-Pa gen savann, mon

-Pa gen bon ras bèf ak kabrit (2em) K1-Se menm piti ki kwaze manm

-Manke jwenn swen medikal pou bet yo (3em) K1-Pa gen ase veterinè

K2-Leta manke FOME ajan veterinè

K3-Leta pa pran responsablite l’

-Pa gen medsen veterinè

-Maladi ap tiye bet yo

-Manke sekirite pou bèt yo K1- Volè pran bèt yo

K2- Chyen manje bet yo

-Bet lage ap ravaje jaden yo K1-Anpil moun fè elvaj lib

-Manke manje pou bay bet yo nan sezon sek

-Manje pou kochon koute chè


49

LOT PWOBLEM MANM YO

PWOBLEM YO DAPRE IJANS YO

OGANIZASYON KOZ KONSEKANS

1-Pa gen latrin piblik (nan lari, mache) Tout OB K1-Leta pa pran responsablite l’ 1-Nou trape tout maladi

2-Pa gen latrin lakay 90% manm yo Tout OB K1-Manke motivasyon 1-Nou trape maladi

K2-Kèk moun neglije

K3-Gen anpil rak kote yo ka degaje yo

K4-Manke kob pou konstwi

K5-Manke espas pou fè twalèt

3-Dlo nou ap bwè pa de kalite AFESAED K1-Rezèvwa pa netwaye 1-Nou trape maladi

MODEPS K2-Rezèvwa pa trete

KODEL K3-Dlo lapli rantre nan pi yo

K4-Nap dlo a pre

4-Anpil moun pa jwenn dlo potab MPR K1-Manke sit pou trete dlo 1-Moun mouri ak dyare

5-Mòn yo kale, yo pa gen pye bwa AFESAED K1-Yo koupe pye bwa yo 1-Ewozyon

APAV K2-Yo pa plante pye bwa 2-Woch woule sou kay lè move tan

6-Bò rivyè yo manke pye bwa MPR K1-Moun yo koupe pye bwa yo 1-Nan tan lapli dlo bwote bèt, kraze

kay, jaden

2-Maladi parèt

7-Moun yo koupe pye bwa nan plèn yo san

yo pa plante (manke pye bwa nan plèn)

KODEL K1-Pou fè lajan pi rapid 1-Tè pa konsève

MODEPS 2-Dlo pati ak tè

3-Nou pa respire byen

8-Manm yo manke fome AFESAED K1-Neglijans dirijan yo 1-Manm yo manke pran

responsablite yo

9-Anpil moun yo pa konn li ak ekri Tout OB K1-Pa gen pwogram pou montre li ak ekri 1-Yo sibi enjistis

2-Yo pa ka defann yo byen

10-Nou pa ka jwenn swen sante Tout OB K1-Manke sant sante ( pa genyen nan MPR) 1-Malad mouri nan wout

K2-Manke doktè 2-Nou mouri avan lè

K3-Manke lajan 3-Malad yo soufri plis

K4-Neglijans leta

11-Anpil ti moun ap viv nan lari KODEL, MPR K1-Leta pa pran responsablite li 1-Delenkans

AFESAED K2-Paran pa pran responsablite yo

12-Sida ap gaye nan zòn nou Tout OB K1-Moun yo pa pwoteje tèt yo 1-Ti mou pedi paran

K2-Moun yo gen move konpotman 2-Moun mouri

K3-Move sitiyasyon ekonomik

K4-Manke fomasyon

K5-Malad yo manke konsyans


50

LOT PWOBLEM NAN OB YO AK REZO A

PWOBLEM YO

OGANIZASYON KOZ KONSEKANS

1- Pa gen lokal pou reyini, ni pou biwo (OB) KODEPS K1- Pa gen lajan pou konstwi oswa pou lwe kay

MPR/KOPG

SAM

KOPAV

2- Manke tèt ansanm nan OB yo

3- Manke transparans (OB + Rezo)

4- Manke mwayen finansye (OB + Rezo)

5- Nou manke fome pou ekri pwojè (OB +

Rezo)

6- Nou pa gen mwayen pou peye moun ekri

pwojè (OB)

7- Leta manke bay oganizasyon yo bourad

(akonpayman) (OB + Rezo)

8- Dirijan yo pa jere byen (OB + Rezo)

9- Enfomasyon pa sikile (OB)

10- Fanm yo manke jwenn plas dirijan nan

oganizasyon yo (OB)

11- Frè deplasman pou moun k ap deplase yo

two piti (OB + Rezo)

12- Konesans moun yo pran nan fomasyon pa

pataje (OB + rezo)

13- Pa gen materyèl pou transpò pou fè

aktivite oganizasyon an (OB)


51

14- Pa regleman entèn (OB + Rezo)

15- Manm yo manke konprann sa

Oganizasyon ye (OB)

16- Pa gen swivi nan desizyon ki pran nan

rezo a (OB + Rezo)

17- Manm yo manke ka esplike zafè

oganizasyon yo (OB + Rezo)

18- Manm yo manke bay patisipasyon

finansyè (yo pa kotize) (OB + Rezo)

19- Manm yo manke pran OB yo ak rezo a

kom zafè pa yo

20- Pa gen pwosedi pou jesyon administrativ

ak finansyè

21- Achiv yo pa byen òganize


52

plan estratejik 2009 2013 - knfp file/partenaires de tarrain/plan...plan estratejik rakpaba pou 2009...

Documents