7/30/2019 Politics kan tih hi

http://slidepdf.com/reader/full/politics-kan-tih-hi 1/6

Politics kan tih hi  Page 1 

Politics Kan Tih Hi Politics awmzia hrilhfiahna:

Mizoten thumal bul tak kan neih loh, mahse ‘ka vaibel’ tih khawpa kan

hriatbel em em chu “politics” tih thumal hi a ni. English thumal

“politics” tih hi Greek thumal “polis” tih atanga lo kal a ni a, a awmzia

chu tualchhung/khawtlang/ram inrelbawl dan tihna a ni. Greek tawng

“politicos” tih chu Latin tawng chuan “politicus” tih a ni a, France

tawng erawh chuan “politique” tih a ni bawk. Heng thumal hrang

hrangte atang hian English thumal “politics” tih hi a lo piangchhuak ta a

ni. Politics hi tualchhunga hna pakhat khat emaw thuneihna emaw

zirthiamna emaw sakhua chungchang emawa inrelbawl dan/inawp dan a

nih avangin he thumal hian a huam zau hle a, hrilhfiah vek sen pawh a

awl lo hle.

A tawi thei ang bera kan sawi chuan mipuiten ram leh hnam siamthatna

atana duhdan leh ngaihdan thuhmun neia lungrual taka thutlukna kan

siam hi a ni. Zau zawka kan thlir chuan mipui rorelna a ni leh a, he

rorelnaah hian mihringte inkara buaina chi hrang hrang sawi hova

7/30/2019 Politics kan tih hi

http://slidepdf.com/reader/full/politics-kan-tih-hi 2/6

Politics kan tih hi  Page 2 

chinfel dan ngaihtuah te, zirna leh thiamna kawnga mihringten hma kan

sawnchhoh zel theihna atana tanrual leh thawhho te, sakhua inzirtirnate

pawh a huam tel vek a ni. Chubakah mihring kan inlaichinna, kan

indawrtawnna leh khawsakna (social relations) kawnga a tul dan dana

thuneihna (authority) hman emaw thiltihtheihna (power) hman emaw

pawh a huam tel a, mipui lungrualten dan leh dun fel taka kan siam anga

inkaihhruai leh inzirtirte pawh a huam tel vek a ni. Politic tih thumalhian Democracy chauh ni lovin Communism te, Socialism te,

Capitalism-te leh heng Dictatorship kan tih zawng zawngte pawh a hual

tel vek tih hria ila, heng zinga kan hriatlar ber Democracy chanchin hi

tlemin I han sawi lawk the ang.

Democracy awmzia leh a lo intan dan

Politics kan sawi apianga kan theihnghilh hauh loh tur thil pahnih chudemocracy leh political party te hi an ni. Political party kan sawi hmain

democracy tih hi kan sawi hmasa ang a, he thumal pawh hian a huam

zau em avangin sawifiah vek sen a ni lo. Democracy kan tih pawh hi

Greek thumal atang bawka lo kal a ni a, “demos” “mipui” tih leh

“kratos” “chakna” “thiltihtheihna” (force/power) tih atanga lo kal a ni.

Democracy tih lo lanna hmasa ber chu BC.460 Aeolian Temnus-a

thuziakah khan a ni a, BC.400-430 bawr vela Herodotus-a thuziakahte

pawh hmuh tur a awm. Mithiamte chhut dan chuan BC.500 vel atangtawh khan he thu hi Greek ramah leh a chheh vel ramah chuan a lo lar

hle tawh a, Athen leh Attica-ah te pawh an lo hmang daih tawh niin an

sawi.

Democracy lo chhuahna leh an hman tanna chungchangah sawi dan

hrang hrang a awm a, historian-te thutlukna chu Athen atanga lo intan

tih hi a ni. Heng hun lai hian Athen khawpuiah democracy inawpna tih

chu a lar hle a, a ram thenawmten democracy inawpna leh rorelna chu

hmang ve mah se Athen inawp dan leh rorel dan zulzui chiah chuan anhmang lem lova, Athen tluka ram hmasawn, ralmuang, ram chak leh

thiltithei ram an awm tak tak lo a ni.

7/30/2019 Politics kan tih hi

http://slidepdf.com/reader/full/politics-kan-tih-hi 3/6

Politics kan tih hi  Page 3 

Mithiamte sawi dan chuan heng hun lai hian Athen-ah mihring nuaithum

vel chauh awm nia chhut a ni a, chumi zingah chuan Athen ram leh tui

nihna (citizenship) nei chu mi 120,000- 160,000 emaw chauh an la ni.

Athen khawpuia sumdawnna siama awmte chu mi 45,000 vel an ni a, sal

zalen tawhte leh la zalen lo te pawh mi 80,000 vel lai awm nia chhuat a

ni bawk. Athen ram leh tui nihna nei tawh zinga kum 20 tling tawh

apingte chu inhmuhkhawmna (Assembly)-a tel phal a ni a, heinhmuhkhawmnaah hian mahni duhdan leh ngaihdante zalen taka sawi

theih a ni. He inhmuhkhawmna hi kumkhat chhungin vawi 10 lai

buitsaih thin a ni a, mi 6,000 vel an tlin chuan he intlan hi tihpuitlin theih

a ni bawk. Vote an pek danah pawh vote chihnih chiah a awm a, awlsam

tak mai a ni. Ban phar chungin lungsen leh lungdum an keng mai a,

lungsen kenga ban an phar chuan, “Ka pawm e/ka thawmpui e,” tihna a

ni mai a, lugdum kenga ban an phar chuan, “Ka pawm lo/ka tawmpui

lo,” tihna a ni leh mai a ni. Athen hnu lai hian direct democracy kan tihmai, aiawh palai inthlang hran lova mitinin mahni duh dan leh tha tih

dan dana vote pek mai chu democracy an hriat dan ber a ni a. He

inthlannaah hian mi tu pawh ram dana kumtling tawh reng reng chu

zalen taka vote pek phalsak an ni a, mi te, mi lian, mi rethei leh hausa

inthlirhranna a awm reng reng lo.

Athen-a democracy hmasawn dan leh thanchhoh dan tam tak chu BC.

594 vela Solon-a thuziakah te, BC. 509 bawr vela Cleisthenes-athuziakah te leh BC. 462 vela Ephiatles-a thuziakah te hmuh tur tam tak 

a awm. Athen democracy hian engang chin nge a huam zau tih leh

engang democracy chiah nge an lo hman tih chungchangah erawh

historian-te ngaihdan a hrang thluah a, sawi dan tam tam a awm bawk.

Pericles-a lal lai kha Athenian democracy that lai ber nia sawi thin a ni a,

a thih hnu khan Athen democracy chuan buaina rapthlak tak vawihnih

meuh a tawk a, chung buaina zawng zawng chu Peloponnesian War

tawp lam khan a reh fel thei chauh a ni. Eucleides hun laiin Athendemocracy chu siamthat a, tundin that leh a ni a, amaherawhchu BC. 322

khan Macedonians-hoten an run leh a, chumi hnu chuan Athenian

democracy pawh zawi zawiin a tlahniam ta zel a. Macedonians-hoten an

run hnu pawh khan Athenian democracy chu siamthat leh tho a ni a,

7/30/2019 Politics kan tih hi

http://slidepdf.com/reader/full/politics-kan-tih-hi 4/6

Politics kan tih hi  Page 4 

mahse engang democracy chhiahin nge Athen inawpna an rawn siamthat

leh tih chungchangah erawh historians-te ngaihdan a inang lo hle thung.

Democracy Chihnih

Kan sawi tawh angin democracy tih thumal hian a huam zau em em a,

mithiamte hrilhfiah dan pawh a inang lo thluah tih kan tarlang tawh a.Democracy awmzia hrilhfiahna zinga fiah ber leh tawi famkim ber chu

US President Abraham Lincoln-a hrilhfiahna hi a ni awm e. Lincoln-a

chuan, “Democracy is government of the people, government  for the

 people and government by the people,” a ti a, “democracy kan tih chu

ram leh hnam hmasawnna leh thatna tura mipui rolrelna chu mipui vekin

lungrual taka an thlan” a ni ti ila, a fiah mai awm e. Hemi awmzia fiah

taka kan en chuan democracy tih chu rinna pakhat (ism) mai ni lovin

ram leh hnam thatna tura inawpna/ rorelna dan (method) fel fai tak a nitih kan hrethei mai awm e. Democracy awmzia a zau ang bawkin ram

khat leh ramkhatten an hman dan leh hrilhfiah dante pawh a inang vek 

lova, hun hrang hranga an lo hman dante pawh a inang vek hek lo. A

tlangpui thuin mithiamte chuan democracy tih hi hlawmpui pahnihin an

then a, chungte chu Direct democracy leh Indirect democracy te an ni.

Kan sawi tawh angin mi te, mi lian, mi hausa leh mi rethei inthlirhranna

awm lova mitinin mahni duh dan leh tha tih dan dana vote an pektheihnachu direct democracy tih a ni a, mipui lungrualten mipui aiawhia palai

an thlan hi indirect democracy kan tih chu a ni. Ram tinten democracy

kan hman dan a inang vek lova, kan ram nena inmil/inrem democracy

kan hmang theuh va, chung zinga a larzual bik te chu-:

1. Parliament Democracy

2. Socialist Democracy

3. People’s Democracy

4. Guided Democracy5. National Democracy

6. New Democracy

7. Multi Democracy

8. Representative Democracy te an ni.

7/30/2019 Politics kan tih hi

http://slidepdf.com/reader/full/politics-kan-tih-hi 5/6

Politics kan tih hi  Page 5 

Politics leh Political Party

Politics leh democracy kan sawi apianga kan hmaih hauh theih loh chu

political party hi a ni. Politics, democracy leh political party kan tihte hi

khaidiat anga inzawm tlat, sawihran theih miah loh an ni a, kansawikawp zel a tul a ni. Political party chu engnge a nih a, engang tehna

(criteria) hmangin nge kan teh dawn tih a hnuaiah hian kan sawiho leh

lawk dawn a ni.

Pakhatnaah, ‘political party kan tih chu mi tam zawkten ram leh hnam

siamthat nana inzirtirna, dan kalphung (system) leh awmzenei/mumal

(organized) taka an siam dan leh dun an siamte pawmtlang a, hmunkhata

an luanzana a ni’ ti ila a sual tam awm lo ve. Pahnihna, mi tam zawktenduh leh ngaihdan intawm an neih te chu tipuitling ngei tura inthlanna

hmanga sorkar an din tumna a ni leh a. Party hi ram leh hnam siamthat

nana mi engemaw zat inhlawmkhawmte luankhawmna hmun a nih

avangin Khawthlang mithiamte chuan (part of the people) emaw (part of 

a whole) emaw tihte in an sawi thin a, he ngaihdan atanga lo lang chu

political party chu politics bu pui chhunga a peng pakhat mai a ni tih kan

hmu thei awm e.

Keini Kawlramah pawh political party 235 meuh lo awm tawh thin niin

mithiamte chuan an sawi a, mahse Kawlram hian democracy dik tak a

vawnnun zawh loh avangin election campaign-te leh inthlannate kan nei

ngai meuh lova, chuvangchuan thang leh tharten political party kan hriat

dante leh political system kan hriatdante hi a chiang lo em em a.

Inthlang ramah chuan heng political party-te hi ram leh hnam

siamthatna/rawngbawlna hmun (political platform) a nih avangin kan

sawi takte hi hriat a pawimawh hle a ni. Democracy ram tam zawkah

chuan political party-te hian ram leh hnam siamthatna kawngahpawimawhna thui tak an nei vek a, a chhan chu political party hi mi tam

zawkte duh dan leh ngaihdan intawm/luankhawmna hmun (interest

aggregation) a nih vang a ni. NGO thenkhatte leh Civil Society hrang

hrangten ram leh hnam siamthatna kawng dapin hna thawk ve thin mah

7/30/2019 Politics kan tih hi

http://slidepdf.com/reader/full/politics-kan-tih-hi 6/6

Politics kan tih hi  Page 6 

se a tawpah chuan inthlanna hmanga sokar thuneihna chan tum a ni zel

tho a ni. Chutianga sokar thuneihna chan tum political party hrang

hrangte chuan inthlan hmain election campaign-te pawh nasa takin an lo

nei lawk thin a, sum leh pai (budget) te pawh tam tak siamin an lo

inbuaisaih lawk vek thin a ni. Inthlang ramah chuan political party hrang

hrangte chu ram leh hnam siamthat nana sorkar din tumin an

inhmachhawn ta a, chutak chu Mizoten politics kan tih chu a ni.

Keini Kawlramah pawh political party hrang hrang kan nei a, mahse

sipai sorkarin democracy hmaikawr mai invuaha ram a hruai thin

avangin inthlanna tak tak kan la nei thei lova, kum 2015-a inthlanna lo

awm tur pawh hi a ziktluak ang em? tih hi thlirtu tam takte inhnialna a

ni. Kan ram chuan democracy ram anga a inchalna tam tak awm thin

mah se Cuba, China, North Korea ram ang lek a nih tho avangin

inthlanna zelen tak a buaisaih duh lova, political party tinte dikna lehhlutna a hriatpui hma chuan kan rama political reform siam hi a awl lo

hle dawn a ni.

Thu ziahchhan: Keini Kawlram Zofate pawh kum 40 zet mai Sipai

rorelna hnuaiah kan lo awm tawh a, sawrkar inkaihhruai dan leh

inrelbawl dante hi thangtharten kan hriat dan a chiang lo em em a, kan

ram dinhmun inher chho zelah hian thangtharten Politics kan tih te,Democracy kan tihte leh Political Party kan tih hi hre ve in, kan khawvel

thlirna kawngka a lo zauh theih nan leh Ram inrelbawl dan kalhmang

kan hriatna lo tipungtu ni hram se tih hi he thuin a tum ber chu a ni e.

(Ziaktu)