„Службен весник на РМ“ бр. 21 од 12.02.2008 година

20080210295 МИНИСТЕРСТВО ЗА ПРАВДА

Врз основа на член 24 од Законот за нотаријатот („Службен весник на Република

Македонија” бр. 55/07), министерот за правда донесе ПРАВИЛНИК ЗА РАБОТНОТО ВРЕМЕ НА НОТАРСКИТЕ КАНЦЕЛАРИИ

Член 1

Со овој правилник се пропишува работното време на нотарските канцеларии. Член 2

Работното време на нотарските канцеларии започнува во 8,30 часот, а завршува во 16,30 часот. По барање на странката кога за тоа има оправдани причини нотарот може да преземе

дејствија и по 16,30 часот.

Член 3 Нотарот го определува времето за прием на странки со тоа што најмалку два пати

дневно прима странки и тоа два работни часа претпладне и два работни часа попладне, до завршување на работното време. Одлуката со која го определува времето за прием на странки, нотарот ја доставува до

Нотарска комора, и тој треба да се придржува до неа.

Член 4 Работното време и времето за примање на странки на нотарската канцеларија, треба да

биде истакнато на видно место на нотарската канцеларија. Во случај, нотарската канцеларија во текот на работното време да биде затворена,

нотарот на влезот на канцеларијата ќе истакне соопштение со кое ќе ги извести странките кога ќе продолжи со работа. Во случај на подолга спреченост на нотарот поради болест или други причини, нотарот

истакнува соопштение на канцеларијата за лицето што ќе го заменува и ќе ја врши нотарската служба наместо него.

Член 5 Нотарот кој привремено ќе ја врши службата за друг нотар во случаите предвидени со

закон, истакнува соопштение на двете канцеларии и го определува времето за прием на странките на двете канцеларии.

Член 6 Во итни и неодложни случаи нотарот може службените дејствија да ги извршува и во

неработен ден или државен празник или други неработни денови.

Член 7 Со денот на влегување во сила на овој правилник, престанува да важи Правилникот за

работното време на нотарите („Службен весник на Република Македонија” број 4/97 ). 1 од 2

„Службен весник на РМ“ бр. 21 од 12.02.2008 година

Член 8 Овој правилник влегува во сила наредниот ден од денот на објавувањето во „Службен

весник на Република Македонија”. Бр. 09-402/1

21 јануари 2008 година Министер за правда, Скопје Михајло Маневски, с.р.

2 од 2