programaciÓn didÁctica -eso-bacharelato-pcpi … · • calcular o rango dunha matriz ata...

I.E.S. DAVIÑA REI MANUAL DE RECURSOS

Programación didáctica

(ESO, BAC, PCPI, Ciclos LOXSE)

MD75010101a

Rev. 1 Data: 22/06/11 Páx. 1/15

MD75010101a Programación didáctica Páx. 1 de 15

PROGRAMACIÓN DIDÁCTICA -ESO-BACHARELATO-PCPI-CICLOS LOXSE-

DEPARTAMENTO MATEMÁTICAS

MATERIA/MÓDULO MATEMÁTICAS II

PROFESOR/A ÁNGEL LUIS PAZOS PRESAS e LEANDRO SERGIO COSSINI BENCHIMOL

Índice da programación Premer Ctrl+A para actualizar o índice

1. Competencias básicas (só para ESO e PCPI) ................................................................................................................ 2 2. Obxectivos xerais do curso ............................................................................................................................................... 2 3. Contidos (unidades didácticas) temporalizados por avaliacións....................................................................... 3 4. Metodoloxía didáctica ......................................................................................................................................................... 5 5. Materiais curriculares e recursos didácticos ............................................................................................................. 7 6. Criterios de avaliación ........................................................................................................................................................ 7 7. Mínimos esixibles ................................................................................................................................................................. 8 8. Procedementos e instrumentos de avaliación........................................................................................................... 9 9. Criterios de cualificación ................................................................................................................................................... 9 10. Programa de recuperación e reforzo para alumnado coa materia pendente ............................................. 11

10.1. Procedementos e instrumentos de avaliación ......................................................................................... 11 10.2. Criterios de cualificación .................................................................................................................................. 11

11. Medidas de atención á diversidade ............................................................................................................................ 11 12. Actividades complementarias e extraescolares .................................................................................................... 12 13. Tratamento e fomento da lectura ................................................................................................................................ 12 14. Tratamento e fomento das TICs ................................................................................................................................... 12 15. Contribución ao plan de convivencia ......................................................................................................................... 13 16. Programación da educación en valores (transversais) ....................................................................................... 13 17. Acreditación dos coñecementos previos (só para Física, Química, Electrotecnia, Bioloxía,

Ciencias da terra e Xeoloxía, de Bacharelato) ........................................................................................................ 14 18. Procedementos para avaliar a propia programación .......................................................................................... 14 19. Constancia de información ao alumnado ................................................................................................................. 15


1. Competencias básicas (só para ESO e PCPI)

As competencias básicas non son un elemento do currículo de Bacharelato.

2. Obxectivos xerais do curso

Inclúense neste apartado os obxectivos do curso que concretan os obxectivos xerais de etapa para a materia. Estes obxectivos son propios da programación do departamento. Ao rematar este curso, o alumnado deberá ser quen de:

• Utilizar as matrices para organizar e representar datos extraídos de diversas situación en casos moi sinxelos e operar con elas para resolvelos.

• Identificar os distintos tipos de matrices: fila, columna, cadrada, diagonal, triangular, nula, identidade, trasposta, simétrica e antisimétrica.

• Operar con matrices (suma, produto por un escalar, produto de matrices e a non conmutatividade do produto).

• Calcular determinantes de orde 2 ou 3 utilizando a regra de Sarrus. Calcular determinantes desenvolvendo polos elementos dunha liña. Coñece-las propiedades dos determinantes e saber aplicalas ao cálculo deles.

• Calcular o rango dunha matriz ata dimensión 4x4 utilizando o método de Gauss e a partir dos seus menores. Calcular o rango de matrices dependentes dun parámetro ata dimensión 4x4.

• Obter a matriz inversa (ata matrices de orde 3x3) utilizando determinantes e polo método de Gauss.

• Resolver ecuacións e sistemas matriciais.

• Clasificar (compatible determinado, compatible indeterminado, incompatible) un sistema de ecuacións lineais con non máis de tres incógnitas e que dependa ao sumo dun parámetro e no seu caso resolvelo.

• Definir e interpretar xeometricamente o produto escalar de dous vectores, o produto vectorial de dous vectores e o produto mixto de tres vectores. Coñece-las propiedades e a súa aplicación para o cálculo de áreas de triángulos, paralelogramos e volumes de tetraedros e paralelepípedos.

• Calcular e identificar as ecuacións (vectorial, paramétricas, continua, normal…) dunha recta e dun plano e saber pasar dunha ecuación a outra.

• Determinar un punto, unha recta ou un plano a partir das propiedades que os definan (por exemplo: punto simétrico doutro con respecto a unha recta ou a un plano, recta que pasa por dous puntos, plano que contén dúas rectas que se cortan etcétera).

• Determina-la posición relativa de dúas rectas, dous planos, unha recta e un plano e tres planos.

• Resolver problemas de incidencia e paralelismo entre rectas e planos.

• Resolver problemas métricos, angulares e de perpendicularidade (distancia entre puntos, rectas e planos, ángulos entre rectas, entre recta e plano e entre planos etcétera).

• Determinar a recta que corta perpendicularmente dúas rectas.


• Aplicar os conceptos de límite dunha función nun punto e de límites laterais para estudar a continuidade dunha función (se é descontinua, clasificar a descontinuidade) e a obtención de asíntotas verticais, horizontais e oblicuas.

• Dominar as propiedades alxébricas do cálculo de límites, tipos de indeterminacións e técnicas para resolvelas.

• Determinar as ecuacións da recta tanxente e da normal á gráfica dunha función nun punto.

• Dominar a relación entre continuidade e derivabilidade dunha función nun punto. Estudar a continuidade e a derivabilidade dunha función definida a anacos.

• Determinar os intervalos de monotonía, o cálculo de extremos e puntos de inflexión, así como os intervalos de concavidade e convexidade (aínda que a representación gráfica se limitará ás funcións polinomiais e racionais se se inclúen os cálculos anteriores para outras funcións elementais ou compostas nas que sexa necesario coñece-la regra da cadea).

• Aplicar a regra de L´Hôpital para resolver indeterminacións.

• Resolver problemas de optimización.

• Representar a gráfica de funcións polinomiais e racionais (neste tipo de exercicio indicarase no exame os elementos estudables: dominio, puntos de corte cos eixes…).

• Dominar a relación que existe entre dúas primitivas dunha función. Dada unha función, calcular a primitiva que pasa por un punto.

• Dominar a técnica de integración por cambio de variable, o método de integración por partes (saber aplicalo reiteradamente: máximo dúas veces) e a integración de funcións racionais (no denominador raíces reais simples e múltiples). Aínda que non se considera materia de exame a integración de función racionais con raíces complexas.

• Manexar a propiedade de linearidade da integral definida con respecto ao integrando e a propiedade de aditividade con respecto ao intervalo de integración.

• Calcular a área de rexións planas limitadas por rectas e curvas sinxelas que sexan facilmente representables.

3. Contidos (unidades didácticas) temporalizados por avaliacións

1ª AVALIACIÓN

ANÁLISE

UNIDADE 1. LÍMITES DE FUNCIÓNS.

Definición de función real de variable real, dominio de definición ou campo de existencia, percorrido ou rango e grafo dunha función real de variable real. Funcións elementais: polinómicas, racionais, exponenciais, logarítmicas e trigonométricas. Límite dunha función nun punto. Límites laterais. Cálculo de límites. Asíntotas.

UNIDADE 2: CONTINUIDADE

Función continua nun punto. Tipos de descontinuidade (evitable, salto finito, infinita). Función continua nun intervalo. Enunciado e interpretación xeométrica dos teoremas de Bolzano e Weierstrass.


UNIDADE 3: DERIVADA DUNHA FUNCIÓN

Definición de derivada dunha función nun punto. Interpretación xeométrica e física. Ecuación da recta tanxente á gráfica dunha función nun punto. Ecuación da normal. Relación entre continuidade e derivabilidade. Función derivada. Cálculo de funcións derivadas. Derivada da suma, do produto e do cociente de funcións. Derivada da función composta (regra da cadea). Derivadas de orde superior.

UNIDADE 4: PROPIEDADES DAS FUNCIÓNS DERIVABLES

Definición de función crecente e decrecente. Determinación dos intervalos de crecemento e decrecemento dunha función. Definición de extremos relativos e absolutos. Criterios para a determinación de extremos relativos. Definición de función cóncava e convexa. Determinación dos intervalos de concavidade e convexidade dunha función. Definición de punto de inflexión. Criterio para a determinación de puntos de inflexión. Problemas de optimización.Enunciado da regra de L’Hôpital. Aplicación á resolución de límites indeterminados. Teorema de Rolle: enunciado e interpretación xeométrica. Teorema do valor medio do cálculo diferencial: enunciado e interpretación xeométrica.

UNIDADE 5: APLICACIÓNS DA DERIVADA. REPRESENTACIÓN GRÁFICA DE FUNCIÓNS.

Representación gráfica de función polinomiais e racionais. O estudo incluirá o cálculo do dominio de Definición da función, puntos de corte cos eixes, simetrías, intervalos de crecemento e decrecemento, máximos e mínimos, intervalos de concavidade e convexidade, puntos de inflexión e asíntotas.

2ª AVALIACIÓN

UNIDADE 6:PRIMITIVAS E INTEGRAIS

Definición de primitiva dunha función. Concepto de integral indefinida. Propiedades lineais da integral indefinida. Integrais inmediatas. Técnicas elementais para o cálculo de primitivas: método de cambio de variable, método de integración por partes, integración de funcións racionais (denominador con raíces reais simples e múltiples).

UNIDADE 7: APLICACIÓNS DA INTEGRAL

Introdución ao concepto de integral definida a partir do cálculo de áreas encerradas baixo unha curva. Propiedades da integral definida (monotonía, linearidade, aditividade en intervalos). Teorema do valor medio do cálculo integral para función continuas: enunciado e interpretación xeométrica. Enunciado do teorema fundamental do cálculo integral. Enunciado da regra de Barrow. Aplicación ao cálculo de áreas de rexións planas.

ÁLXEBRA LINEAL

UNIDADE 8: SISTEMAS DE ECUACIÓNS

Definición de sistema de m ecuacións lineais con n incógnitas. Definición da súa solución. Sistemas de ecuacións equivalentes. Sistemas homoxéneos. Clasificación dos sistemas atendendo ao número de solucións.

UNIDADE 9: MATRICES

Definición de matriz de orde mxn. Igualdade de matrices. Tipos de matrices: fila, columna, rectangular, cadrada, diagonal, triangular, nula, identidade ou unidade, trasposta, simétrica e antisimétrica. Operacións con matrices: suma e produto de matrices, produto dunha matriz por un


escalar. Propiedades. Emprego das matrices como ferramentas para representar e operar con datos tirados de táboas e gráficos procedentes de diferentes contextos. Aplicación das operacións e das súas propiedades na resolución de problemas extraídos de contextos reais. Forma matricial dun sistema de ecuacións lineais.

UNIDADE 10: DETERMINANTES

Definición de determinante. Cálculo de determinantes de orde 2 e 3. Regra de Sarrus. Definición de menor complementario e de adxunto dun elemento. Desenvolvemento dun determinante polos elementos dunha liña. Propiedades elementais dos determinantes. Rango dunha matriz: definición e cálculo do rango dunha matriz a partir dos seus menores e polo método de Gauss. Definición de matriz inversa dunha matriz cadrada. Condición necesaria e suficiente para a existencia da matriz inversa. Propiedades da matriz inversa. Cálculo da matriz inversa. Discusión e resolución de sistemas de ecuacións lineais. Enunciado do teorema de Rouché-Frobenius. Enunciado da regra de Cramer. Discusión e resolución polo método de Gauss. Discusión e resolución de sistemas de ecuacións lineais cun parámetro.

3ª AVALIACIÓN

XEOMETRÍA

UNIDADE 11: VECTORES NO ESPAZO

Vectores no espazo. Operacións. Dependencia e independencia lineal de vectores. Produto escalar de dous vectores (a partir do coseno do ángulo que forman). Propiedades (definido positivo, conmutativo, distributivo e homoxéneo). Interpretación xeométrica e expresión analítica.Módulo dun vector. Vector unitario. Ángulo que forman dous vectores. Ortogonalidade. Produto vectorial de dous vectores. Propiedades. Interpretación xeométrica. Expresión analítica. Aplicacións do produto vectorial ao cálculo de áreas de paralelogramos e triángulos. Produto mixto de tres vectores. Propiedades. Interpretación xeométrica. Expresión analítica. Aplicación do produto mixto ao cálculo do volume de paralelepípedos e tetraedros.

UNIDADE 12: RECTAS E PLANOS NO ESPAZO

Ecuacións da recta.Ecuacións do plano.Posicións relativas de dous planos. Posicións relativas de tres planos. Posicións relativas dunha recta e un plano. Posicións relativas de dúas rectas no espazo.

UNIDADE 13: MÉTRICA NO ESPAZO.

Ángulo que forman dúas rectas. Condición de perpendicularidade de dúas rectas. Ángulo que forman dous planos. Condición de perpendicularidade de dous planos. Ángulo que forman recta e plano. Condición de perpendicularidade de recta e plano. Resolución de problemas de incidencia, paralelismo e perpendicularidade entre rectas e planos. Distancia entre dous puntos. Distancia dun punto a un plano. Distancia entre dou planos paralelos. Distancia dun punto a unha recta. Distancia entre dúas rectas paralelas. Distancia entre dúas rectas que se cruzan. Distancia dunha recta a un plano paralelo a ela. Resolución de problemas métricos relacionados co cálculo de ángulos, distancias, áreas e volumes.

4. Metodoloxía didáctica


É obrigado partir da consideración de que non é posible aplicar un único modelo metodolóxico. Métodos didácticos válidos en certas situacións non o son noutras distintas. O método será apropiado ou non en funcións da axuda que lle poida prestar ao alumnado. Teremos entón que adaptar a nosa metodoloxía ao contexto e a cada alumno, non sendo isto óbice para que se poidan marcar unhas liñas metodolóxicas xerais que se irán expoñendo ao longo do apartado.

Esta programación ten en conta os principios de intervención educativa derivados da teoría construtivista da aprendizaxe e que se poden resumir nos seguintes aspectos:

1.Partir do nivel de desenvolvemento do alumnado

2.Asegurar a construción de aprendizaxes significativas

3.O alumno debe ser capaz de construír aprendizaxes significativas por si mesmos

4.O alumno debe ir modificando progresivamente os seus esquemas de coñecemento

5.A aprendizaxe significativa supón unha intensa actividade por parte do alumno

Estes principios metodolóxicos pódese trasladar á aula a través destas medidas máis concretas:

1.Iniciarase cada unidade didáctica cunha avaliación inicial(que non sempre ten que ser unha proba escrita) para axustar a axuda pedagóxica ás características individuais dos alumnos.

2.Aínda que nun primeiro momento sexa o profesor o que faga as preguntas encamiñadas a conseguir definicións ou resolucións, máis adiante serán eles os que dirixirán o proceso. En ningún momento, se a distribución do tempo o permite, se lles proporcionará información que non sexan capaces de construír por si mesmos, ben de xeito individual ou colectivo. Máis non podemos esperar que só a partir das actividades os alumnos descubran e constrúan todo. Moitas veces o grao de complexidade dos contidos fai necesaria a exposición do profesor non só no que se refire á demostración dalgúns teoremas, senón tamén na explicación dos procedementos que han de aprender os alumnos.

3.Faranse actividades de tipo colectivo, aproveitando estas para actuacións individualizadas á diversidade do alumnado, iso si, sempre que a materia e os problemas propostos sexan os axeitados para tal fin.

4.Facilitarase a aprendizaxe empregando materiais complementarios ao libro de texto como fotocopias, transparencias, calculadoras, ordenadores, bólas de cores... e calquera outro material adecuado e dispoñible nese intre.

5.Buscarase que na aula haxa sempre un talante democrático, con actitudes de respecto e evitando imposicións, pero pedindo responsabilidades non só en dereitos senón tamén en deberes.

6.En todos os bloques nos que se estrutura o curso, os alumnos deberán realizar na súa casa actividades de reforzo que axuden a consolidar os coñecementos adquiridos na clase. Proporanse actividades de ampliación para os alumnos que as precisen.

7.De ser necesario, proporanse reforzos educativos e adaptacións curriculares aos alumnos con necesidades específicas de apoio educativo.

8.Procurarase que á hora de corrixir, sexan eles quen o fagan, e que expoñan con naturalidade o procedemento no encerado

9.Observaranse as notas que tome cada alumno e os exercicios que fai no seu caderno para poder detectar erros ou deficiencias


10.Valoraranse os esforzos e logros do alumno por pequeno que sexa e propiciarase a reflexión sobre o traballo realizado nun determinado período para que o alumno analice o proceso, destaque acertos e erros e propoña suxestións de modificacións

11.A realización de probas escritas, aínda que non como único medio para decidir a cualificación dos alumnos, consideramos que son necesarios por dous motivos fundamentais: o primeiro, para que os alumnos teñan un hábito de ter que estudar cunha data fixa, sendo capaces de asimilar os contidos aprendidos durante as últimas semanas. Un segundo motivo, é que supón unha preparación indispensable para unha actividade que terán que realizar nun futuro.

12.Outra das consideracións importantes a ter en conta, é que o alumno alcance o convencemento de que as matemáticas non son un compartimento estanco con respecto ó resto das actividades humanas, e que poden servirse delas para resolver mellor moitos problemas da vida diaria, así como a súa utilización en determinados contidos doutras áreas de coñecemento,como as ciencias sociais, as ciencias da natureza e na tecnoloxía, en definitiva un aprendizaxe funcional.

5. Materiais curriculares e recursos didácticos

O ensino desta materia poderase realizar na aula normal do grupo, ou nas aulas de informática ou multimedia segundo os contidos ou prácticas que se queiran traballar. Outros recursos que se poden utilizar son a proxección de películas de vídeo e a utilización do encerado dixital.

Ao longo do curso empregaranse fundamentalmente os materiais convencionais nunha aula (libros, fotocopias de boletíns entregados polo profesor, encerado...), e introduciranse recursos tecnolóxicos como a calculadora e o PC (xa sexa a través de internet ou de programas informáticos:geogebra, graph, wiris, excel...) Ademais estará a disposición dos/as alumnos/as toda a bibliografía, documentación e outros recursos existentes no centro (departamento, biblioteca, etcétera...).

O alumnado precisará o seguinte material individual:

o Caderno para apuntes e realización de exercicios escritos.

o Calculadora científica

o Material de debuxo, se procede.

o Bolígrafos, lapis e goma

Ademais é recomendable que dispoñan dun libro de texto de consulta.

6. Criterios de avaliación

Teranse en conta os criterios de avaliación do Decreto 126/2008. Estes criterios de avaliación establecen o tipo e grao de aprendizaxe que se agarda desenvolvan os rapaces respecto das capacidades indicadas nos obxectivos da materia. A avaliación dos alumnos deberá ser continua e individualizada, tendo en conta os seguintes criterios:

1.Utilizar a linguaxe matricial e as operacións con matrices como instrumento para representar e interpretar datos e relacións e, en xeral, para resolver situacións diversas.


2. Expresar situacións da xeometría nunha linguaxe vectorial e utilizar as operacións con vectores para resolver problemas, dando unha interpretación das solucións.

3. Utilizar as ferramentas alxébricas para resolver problemas afíns e métricos no espazo.

4. Utilizar os conceptos, propiedades e procedementos adecuados para atopar e interpretar características destacadas de funcións expresadas analiticamente.

5. Aplicar o concepto e o cálculo de límites e derivadas ao estudo de fenómenos naturais e tecnolóxicos e á resolución de problemas de optimización.

6. Aplicar o cálculo de integrais á medida de áreas de rexións planas limitadas por rectas e curvas sinxelas que sexan facilmente representables.

7.Utilizar tanto as ferramentas como os modos de argumentación propios das matemáticas na resolución de problemas e para enfrontarse a situacións novas manifestando unha actitude crítica, sen prexuízos, analítica e aberta en todas as situacións.

7. Mínimos esixibles

Os contidos mínimos para este curso veñen establecidos polo decreto 126/2008. A partir deles é tarefa do profesorado repartilos en unidades didácticas ao longo do curso. Segundo dito decreto os contidos mínimos desta materia repártense nos seguintes bloques:

Álxebra lineal.

-Emprego das matrices como ferramenta para representar e operar con datos tirados de táboas e gráficos procedentes de diferentes contextos.

-Operacións con matrices. Aplicación das operacións e das súas propiedades na resolución de problemas extraídos de contextos reais.

-Determinantes. Propiedades elementais dos determinantes. Rango dunha matriz. Matriz inversa.

-Utilización das propiedades das matrices e os determinantes na discusión e resolución de sistemas de ecuacións lineais.

Xeometría.

-Vectores no espazo. Operacións.

-Produto escalar, vectorial e mixto. Interpretación xeométrica.

-Ecuacións da recta e o plano. Resolución de problemas de incidencia, paralelismo e perpendicularidade entre rectas e planos.

-Resolución de problemas métricos relacionados co cálculo de ángulos, distancias, áreas e volumes.

Análise.

-Concepto de límite dunha función. Cálculo de límites sinxelos.

-Continuidade dunha función. Tipos de descontinuidade.

-Concepto de derivada dunha función nun punto. Interpretación xeométrica e física.

-Función derivada. Cálculo de funcións derivadas. Derivada da suma, do produto e do cociente de funcións e da función composta.


-Aplicación da derivada ao estudo das propiedades locais e globais dunha función. Problemas de optimización.

-Representación gráfica de funcións polinomiais e racionais.

-Introdución ao concepto de integral definida a partir do cálculo de áreas encerradas baixo unha curva. Técnicas elementais para o cálculo de primitivas. Aplicación ao cálculo de áreas de rexións planas

8. Procedementos e instrumentos de avaliación

Ao longo do curso realizaranse tres sesións de avaliación, unha por cada trimestre. A última avaliación coincidirá coa avaliación final ordinaria do mes de maio. Ademais para o alumnado que non acade cualificación positiva na convocatoria de maio está prevista unha avaliación extraordinaria no mes de setembro.

A avaliación será o resultado de diferentes datos sobre o desenvolvemento académico dos alumnos e alumnas recollidos de distintas formas:

A) Observación do traballo de clase

B) Probas escritas: Realizaranse unha ou dúas probas escritas por trimestre e unha recuperación específica da 1ª avaliación e outra da 2ª avaliación. Ao final do curso tamén haberá unha recuperación final dos trimestres non superados.

9. Criterios de cualificación

CONTIDOS CONCEPTUAIS E PROCEDEMENTAIS: 95%

En cada trimestre elaborarase unha única nota de contidos conceptuais/procedementais obtida a partir da media ponderada das probas escritas e que representará o 95% da nota trimestral. 1ª AVALIACIÓN: Única proba escrita: Límites e continuidade. Derivadas(95%) 2ª AVALIACIÓN: Primeira proba escrita: Integrais (20%) Segunda proba escrita: todo o bloque de Álxebra (75%) 3ª AVALIACIÓN: Única proba escrita: todo o bloque de Xeometría (95%) Todos as probas escritas do curso puntuarán sobre 10 puntos. O alumno ou alumna que sexa sorprendido copiando en calquera proba escrita do curso será cualificado cun cero nesa proba.

CONTIDOS ACTITUDINAIS: 5%

En cada trimestre elaborárase unha única nota de contidos actitudinais que sumará o 5% da nota trimestral. Comézase o trimestre cun 10 neste apartado e vaise penalizando con -1 por cada actitude negativa que se cometa das citadas a continuación:


Considéranse actitudes positivas:

Estar atento en clase e participar activamente.

Responder ás preguntas do profesor e facer preguntas cando non se entende de maneira educada.

Respectar o material do centro e manter a aula ordenada e limpa.

Respectar aos compañeiros, as quendas de palabra, e as súas ideas, etcétera.

Realizar as actividades pedidas na aula e fóra da aula no tempo e formato solicitados.

Presentar o caderno completo cando o profesor a pida.

Saír ao encerado e participar activamente nas clases

Considéranse actitudes negativas:

Non contestar ás preguntas do profesor ou falarlle sen respecto.

Interromper a marcha da clase con actitudes incorrectas como: falar reiteradamente, molestar aos compañeiros, etcétera.

Non traer o material necesario para seguir a clase.

Non respectar o material do centro: Mesas ou cadeiras pintadas, comer dentro da aula, etcétera.

Non realizar as actividades pedidas na aula ou fóra dela en tempo e forma.

Non presentar o caderno ou entregalo incompleto se o profesor o esixe.

Non saír ao encerado ou non participar cando o profesor o pide.

NOTA TRIMESTRAL

Unha vez feita a media ponderada dos apartados anteriores procederase a redondear o resultado obtido (de 0 ata 0,5 o nº natural inferior, e de 0,5 en adiante o superior) para obter a nota do trimestre. Importante: na 2ª avaliación será necesario ter como mínimo un 3 nas probas escritas para poder aprobar o trimestre. En caso contrario a nota trimestral será como máximo un 4.

RECUPERACIÓN TRIMESTRAL

Se a nota trimestral redondeada é inferior a 5 deberase facer unha proba escrita de recuperación que tratará dos contidos traballados no correspondente trimestre. Realizarase unha recuperación da 1ª avaliación (toda a materia da 1ª avaliación) e outra da 2ª (toda a materia da 2ª avaliación). Non haberá recuperación específica da 3ª avaliación. A nota definitiva da avaliación na parte de contidos conceptuais/procedementais será a da recuperación. No caso de que a nota da proba de recuperación sexa inferior á nota media das probas correspondentes á avaliación, manterase como nota esta última. A partir da nota desta proba obteremos unha nova nota trimestral cos mesmos criterios que na avaliación correspondente. Aos alumnos que se presenten á recuperación para subir a nota trimestral aplicaránselles estes mesmos criterios.

RECUPERACIÓN FINAL

Os alumnos que ao final do curso teñan algunha avaliación pendente (1ª, 2ª ou 3ª) terán unha nova proba na que se examinarán só dos trimestres suspensos. Para estas avaliacións mantéñense os mesmos criterios que para as recuperacións trimestrais.

NOTA FINAL

A nota final dos alumnos que teñan aprobadas as 3 avaliacións calcularase do seguinte xeito: A) 95%: a nota media das 3 notas de contidos conceptuais/procedementais das tres avaliacións. (Na segunda

avaliación as dúas probas darán lugar a unha única nota coas porcentaxes xa indicadas). No caso de ter feito algunha recuperación, a nota desta recuperación substituirá ás notas de cada proba feita durante esa avaliación sempre que as mellore.

B) 5%: a nota media das notas no apartado de actitudinais das tres avaliacións C) Os criterios de redondeo serán os mesmos que para as notas trimestrais

Se algún alumno remata o curso con algunha avaliación non superada pero a nota obtida segundo os criterios do punto anterior é 5 ou superior, o alumno aprobará o curso sempre que ningunha nota no apartado de contidos conceptuais/procedementais trimestral sexa inferior a 3. Os alumnos con menos de 3 puntos no apartado de contidos conceptuais/procedementais nalgunha avaliación ao final do curso obterán unha nota final máxima de 4.

AVALIACIÓN EXTRAORDINARIA DE SETEMBRO

A proba escrita versará sobre todos os contidos da área impartidos durante o curso. A nota será a da proba tras aplicarlle os criterios de redondeo xa especificados (de 0 ata 0,5 o nº natural inferior, e de 0,5 en adiante o superior)


10. Programa de recuperación e reforzo para alumnado coa materia pendente

10.1. Procedementos e instrumentos de avaliación

1. CONTIDOS ESIXIBLES

Os contidos esixibles para a recuperación das materias pendentes serán os mesmos cos contidos

mínimos esixibles marcados nesta programación para o curso ordinario correspondente .

2. ACTIVIDADES DE AVALIACIÓN

Farase unha única proba escrita que terá lugar nas datas que indique a xefatura de estudos e na

que entrarán todos os contidos. Nesta proba, e dado a equivalencia de contidos, o alumno estará exento da

realización da parte de análise no caso de ter superado a primeira avaliación da materia Matemáticas II

10.2. Criterios de cualificación

AVALIACIÓN ORDINARIA

A proba final versará sobre tódolos contidos da materia impartidos durante o curso coa excepción do bloque de análise para os alumnos que o superen na 1ª avaliación da materia Matemáticas II. A nota será a da proba (ou a media ponderada da nota da 1ª avaliación deste curso (40%) e o exame (60%) no caso de poder convalidar a parte de análise), aplicándolle os criterios de redondeo especificados nos criterios de cualificación para o curso.

AVALIACIÓN EXTRAORDINARIA DE SETEMBRO

A proba final versará sobre tódolos contidos da materia impartidos durante o curso. A nota será a da proba aplicándolle os criterios de redondeo especificados nos criterios de cualificación para o curso.

11. Medidas de atención á diversidade

As finalidades propedéutica e orientadora do bacharelato implican que os alumnos poidan ir encarrilando os seus intereses a través dun contexto educativo caracterizado pola diversificación e especialización crecentes. Os mecanismos previstos de cambio entre modalidades e entre opcións reforzan o carácter orientador desta etapa, ao garantiren a posibilidade de rectificación das decisións tomadas no primeiro curso.

Por outro lado, os principios e as estratexias xerais de atención á diversidade, especialmente no que se refire aos aspectos metodolóxicos, non deberían ser alleos a toda intervención educativa, aínda no contexto non comprensivo dunha etapa postobrigatoria: o establecemento de contidos mínimos, a dimensión formativa da avaliación, a versatilidade dos recursos didácticos, a oferta de actividades de reforzo e ampliación ...en suma, todos aqueles elementos que configuran unha atención educativa o máis individualizada posible. Cabe destacar a necesidade de ofrecer


actividades referidas aos contidos considerados complementarios ou de ampliación, destinadas a aqueles alumnos que se están preparando para estudos superiores, favorecendo que poidan enriquecer a súa formación a través dun traballo máis autónomo.

Tendo en conta isto, as medidas básicas de atención á diversidade nesta materia irán orientadas a:

1.Reforzo ou ampliación dos contidos

2.Atención aos alumnos de segundo coa materia de 1º pendente

3.Atención ao alumnado que se integra tardiamente no sistema educativo

4.Atención ás necesidades educativas especiais asociadas a problemas graves motrices ou sensoriais

12. Actividades complementarias e extraescolares

Non se ten previsto realizar ningunha actividade complementaria ou extraescolar ao longo do curso

13. Tratamento e fomento da lectura

Desde esta área intentaranse realizar algunhas das actividades seguintes:

• Lectura de textos recollidos en libros, revistas, prensa ou páxinas web relacionados coas Matemáticas.

• Realización de traballos de investigación acerca dos distintos contidos da materia.

14. Tratamento e fomento das TICs

Na realidade deste momento, o alumno utiliza aparatos tecnolóxicos con facilidade e frecuencia, polo tanto, para que faga unha correcta utilización deles debe dispoñer da guía e orientación do profesorado.

O software que permite efectuar cálculos numéricos ou simbólicos pode conducir a incrementar a exposición de resultados, xa que as súas aplicacións poden ser exemplos reais que, aínda que rutineiros, requiren grande potencia de cálculo.

A selección dos recursos tecnolóxicos debe permitir, ademais, que sexan unha ferramenta que se utilice na resolución de problemas para experimentar, observar, propoñer conxecturas e contrastalas, en definitiva, unha ferramenta ao servizo da creatividade.

O deseño de actividades que participan da capacitación tecnolóxica e a competencia dixital é amplo e é desexable favorecer aquelas que facilitan o descubrimento por parte do alumno. Non se pode perder de vista que o estudante ten gran facilidade no uso das novas tecnoloxías e, en consecuencia, debemos orientar a súa utilización co fin de que estean ao servizo do alumno e non este a disposición delas.

A presenza de calculadoras e ordenadores no contexto educativo da matemática permite as probas e os ensaios na busca de patróns de comportamento matemático, analogamente ao que se realiza nas ciencias experimentais. As actividades deseñadas dende este punto de vista e orientadas cara á construción de coñecemento, dificilmente son posibles cos medios tradicionais


do lapis e o papel. E a potencia que nos permiten estes medios tecnolóxicos non debe quedar reducida ao cálculo: é posible e desexable realizar actividades nas cales a representación gráfica revele regularidades e variacións.

15. Contribución ao plan de convivencia

O profesorado do departamento de Matemáticas colaborará coa dirección do centro para conseguir mellorar a convivencia entre todos os membros da comunidade escolar. Parécenos moi importante que os adolescentes teñan moi presente o concepto de civismo e a importancia de cumprir as normas sociais, tanto na relación con outras persoas como no respecto ao medio ambiente, de xeito que participen na sociedade tratando de mellorala. Tamén é moi importante que aprendan a respectarse a si mesmos e a respectar aos demais. Deben entender que as diferenzas entre os seres humanos deben ser sempre respectadas, xa que ofrecen múltiples ensinanzas e axudan á formación das persoas.

Segundo o plan de Convivencia, comprometémonos a:

• Educar ao alumnado para a convivencia democrática, incorporando na práctica docente os contidos relacionados coa convivencia escolar e a resolución pacífica de conflitos, en coherencia coas decisións que, a tales efectos, se adopten na planificación do proceso de ensinanza- aprendizaxe.

• Respectar a liberdade de conciencia e as conviccións relixiosas e morais, así como a dignidade, integridade e intimidade de todos os membros da comunidade educativa.

• Cumprir e facer cumprir as normas e disposicións sobre convivencia que aparecen no Plan, no ámbito da nosa competencia.

• Fomentar un clima positivo de convivencia no centro e na aula, e durante as actividades complementarias e extraescolares, favorecendo un bo desenvolvemento do proceso de ensinanza-aprendizaxe.

• Manter o orde e velar polo adecuado comportamento do alumnado no centro, tanto na aula como fóra dela, corrixindo e poñendo en coñecemento dos órganos competentes as condutas que alteren a convivencia.

• Impoñer as medidas disciplinarias que se deriven do incumprimento das normas de convivencia do centro, de acordo co disposto no Real Decreto e no RRI do centro.

• Informar ás familias das cuestións que puidesen afectarlles, dos incumprimentos das normas de convivencia por parte dos seus fillos e das medidas disciplinarias adoptadas ao respecto.

• Controlar as faltas de asistencia así como os retrasos dos alumnos e informar aos titores, segundo o procedemento establecido.

16. Programación da educación en valores (transversais)

Nunha concepción integral da educación, a educación en valores é fundamental para que os alumnos e alumnas adquiran comportamentos responsables na sociedade respectando as ideas e crenzas dos demais; para que saiban convivir, ser solidarios e ser cidadáns responsables.


Os temas transversais deben impregnar a actividade e estar presentes na aula de forma permanente xa que son problemas e preocupacións de toda a sociedade.Estes temas non son avaliables.

Pódense agrupar en :

Educación para a convivencia non sexista (evitando o uso de linguaxes sexistas, formando grupos non sexistas...)

Educación moral e cívica(fomentando o respecto,o diálogo, a colaboración...)

Educación para o consumo e para o ocio(inspirando a actitude crítica ante publicidade, enquisas, sorteos.. e comentando os dereitos do consumidor)

Educación viaria (aplicando os conceptos e procedementos numéricos e de medida, ao manexo de sinais, planos e mapas, ao uso de escalas, a interpretación de informacións horarias relativas a medios de transporte, etcétera)

Educación para a paz (apreciando as informacións numéricas ou gráficas que concorren no desenvolvemento político, xulgando o seu nivel de fiabilidade, reflexionando sobre as cuantificacións que delatan a marxinalidade e a discriminación...)

Educación para a saúde(a realización de traballos sobre fenómenos estatísticos, construción de táboas e gráficas e a súa interpretación en temas relacionados con procesos fisiolóxicos e alimentarios, van proporcionar un contexto adecuado para realizar unha valoración crítica de determinados hábitos relacionados coa saúde)

Educación ambiental (coñecendo as características métricas da Terra, manexando escalas e coordenadas, coñecendo os aspectos xeométricos e métricos que aparecen no desenvolvemento da vida animal e botánica...)

17. Acreditación dos coñecementos previos (só para Física, Química, Electrotecnia, Bioloxía,

Ciencias da terra e Xeoloxía, de Bacharelato)

Este apartado so é aplicable ás materias de Física e Química e Electrotecnia de 2º de Bacharelato, e Bioloxía e Ciencias da Terra e Ambientais de 2º de Bacharelato.

18. Procedementos para avaliar a propia programación

As normas de avaliación en Educación Secundaria establecen que os profesores avaliarán os procesos de ensino e a súa propia práctica docente en relación co logro dos obxectivos educativos do currículo. Esta avaliación terá tamén un carácter continuo e formativo e incluirá referencias a aspectos tales como a organización da aula, o aproveitamento dos recursos do centro e as relacións interpersonais e a propia convivencia no centro.

Algúns dos procedementos e instrumentos para avaliar o proceso de ensinanza son:

- Cuestionarios a pais ou nais e alumnos e alumnas.

- Entrevistas ou debates con pais ou nais e alumnos e alumnas.

- Observacións realizadas por unha persoa externa.


- Resultados do proceso de ensino aprendizaxe do alumnado.

Para facer unha avaliación completa do proceso pódense ter en conta os seguintes indicadores:

- Desenvolvemento da programación na clase: recóllese para cada avaliación no MD75010406e e debe ser analizada, a súa conformidade ou non, na correspondente reunión de departamento para tomar as medidas que se crean oportunas.

- Resultados do proceso de ensino aprendizaxe do alumnado: datos aportados nas sesións de avaliación en relación aos propios resultados (cualificacións), faltas de asistencia do alumnado e porcentaxe de programación impartida, que quedan recollidos na propia acta de avaliación MD75010601 e nas fichas de cada alumno e alumna xunto coas medidas a adoptar en caso de ser necesarias.

- Relación entre obxectivos e contidos

- A adecuación de obxectivos e contidos ás necesidades do curso.

- A adecuación de medios e metodoloxía ás necesidades e obxectivos previstos.

- Igualmente na memoria final do curso, que se fai a través do modelo MD75010102b cada membro do departamento indica a porcentaxe de programación impartida, se realizouse algunha modificación na mesma e as propostas de mellora para o curso seguinte.

19. Constancia de información ao alumnado

No programa de calidade do noso Instituto está contemplada a entrega nos primeiros días do curso a cada un dos alumnos e alumnas de cada grupo do MD75010404 no que se fai un resumo dos aspectos máis salientables da programación que deben ser coñecidos por eles. A súa entrega deberá estar reflexada por parte de cada docente na folla de actividades de aula (MD75010406h) os primeiros días de clase.

programaciÓn didÁctica -eso-bacharelato-pcpi … · • calcular o rango dunha matriz ata...

Documents