programi zhvillimit profesional kontrolli i lartË i...
TRANSCRIPT
“... SAI duhet të adoptojnë politika për të zhvilluar dhe trajnuar punonjësit e tyre për t’i aftësuar ata të kryejnë detyrën e tyre efektivisht dhe për të përcaktuar bazat për avancimin profesional të audituesve dhe te gjithe stafit ...” ISSAI 100
Programi Zhvillimit Profesional KONTROLLI I LARTË I SHTETIT
Miratuar me Vendim te Kryetarit të KLSH nr. 23, datë 31.12.2017
VITI 2018
KONTROLLI I LARTË I SHTETIT
DEPARTAMENTI METODOLOGJISË DHE STRATEGJISË SË AUDITIMIT
Nr._____Prot. Tiranë, më 31.12.2017
MIRATOHET:
BUJAR LESKAJ
1
PËRMBAJTJA
HYRJE .................................................................................................................................................................. 2
I. PROGRAMI I ZHVILLIMIT PROFESIONAL NË KLSH .................................................................... 3
I.1 Përmbajtja, Qëllimi dhe Objektivat e Zhvillimit Profesional ................................................ 4
I.2 Parimet e ndërtimit të sistemit të zhvillimit profesional. ................................................................ 7
I.3 Analiza Mjedisit Strategjik ....................................................................................................... 8
II. PLANI I VEPRIMTARIVE TË TRAJNIMIT PËR VITIN 2018 ...................................................... 11
II.1 SPECIFIKAT E TRAJNIMIT ................................................................................................... 14
II.2 TEMATIKA E TRAJNIMIT ..................................................................................................... 15
II.3 KATEGORITË E GRUPEVE TË TRAJNIMIT ............................................................................ 18
II.4 METODOLOGJIA E TRAJNIMIT ............................................................................................ 19
II.5 METODAT E TRAJNIMIT ...................................................................................................... 20
II.6 MODELI I PJESËMARRJES .................................................................................................... 22
II.7 CIKLI dhe DREJTUESIT E TRAJNIMIT ............................................................................... 23
II.8 VLERËSIMI I PERFORMANCËS SË PROCESIT TË TRAJNIMIT ............................................ 24
III. BASHKËPUNIMI INSTITUCIONAL ..................................................................................................... 25
IV. FAKTORËT KRITIKË KUFIZUES ...................................................................................... 29
V. MONITORIMI ...................................................................................................................... 30
2
HYRJE
Zhvillimet në nivel ndërkombëtar dhe kombëtar vendosin para Institucioneve Supreme të
Auditimit pritshmëri dhe kërkesa mjaft të larta të cilat shkojnë “një hap” para kërkesave për
zhvillim të njësive të tjera të sektorit publik.
Misioni i KLSH në mbajtjen të përgjegjshëm qeveritarët dhe nëpunësit publikë për të
siguruar mirëadministrimin e fondeve publike dhe transparencën e Qeverisë kërkon integritet
dhe arritjen e standardeve më të larta profesionale në auditim.
Kongresi XXII i INCOSAI e përcaktoi profesionalizimin si proces i vazhdueshëm i fitimit me
autoritet të cilësisë dhe statusit të ekspertit dhe të etikës, duke demonstruar një nivel të lartë
të kompetencës ose aftësisë.
Kontrolli i Lartë i Shtetit e përkthen këtë në detyrë që kërkon më shumë angazhim të
audituesit publik, duke e konsideruar veten si profesionist, duke bërë punën e duhur në kohën
e duhur, me sa më efektivitet dhe efiçiencë që të jetë e mundur.
Motoja e Kongresit te X-te të EUROSAI-t ne Stamboll, e cila ishte “Zbatimi i ISSAI-ve: Sfida
dhe zgjidhje për zhvillim të mëtejshëm” përbën thelbin e Programit të Zhvillimit Profesional,
duke u kthyer në temën bazë mbi të cilën do të zhvillohen më pas veprimtari për zhvillim
profesional.
Si anëtare e INTOSAI-t dhe EUROSAI-t, si partnere e SAI-ve të BE-së dhe GAO-s e më
gjerë, KLSH e konsideron ndërtimin e kapaciteteve një proces të vazhdueshëm, të orientuar
nga rezultati dhe objektivat. Ndërtimi dhe zhvillimi i kapaciteteve i realizuar nëpërmjet
trajnimeve të brendshme e të jashtme, skemave të zhvillimit profesional të stafit si dhe
qasjeve formale dhe jo formale te shkëmbimit të eksperiencës ndërmjet kolegeve brenda
KLSH, po ashtu dhe me SAI-t homologe ka qenë një proces i gjithanshëm dhe
gjithëpërfshirës që ka kontribuar dukshëm në çfarë është arritur deri më sot.
KLSH ka krijuar sistem efektiv trajnimi dhe zhvillimi profesional për të siguruar që të ketë
kapacitete e nevojshme dhe të zotërojë aftësi të tilla që të bëjnë të mundur zbatimin e
standardeve të auditimit ISSAI, me qëllimin përfundimtar, t’u japin përdoruesve të raporteve
të KLSH siguri mbi cilësinë dhe saktësinë e punës së raportuar.
SAI duhet të ofrojë një shërbim të shkëlqyer dhe cilësor. Si pjesë e menaxhimit të
cilësisë..SAI duhet të vendosë politika, procedura të hartuara për tí dhënë siguri të arsyeshme
se ka burime të mjaftueshme ( personel..) me kompetencën , aftësitë dhe angazhimin ndaj
parimeve të etikës të nevojshme për:
i. Kryerjen e punës në përputhje me standardet përkatëse dhe kërkesat ligjore dhe
rregullatore në fuqi;
ii. Të mundësuar SAI-n të përgatisë raporte që janë të përshtatshme për rrethanat
(ISSAI 40, elementi 4)
3
Ndërsa baza e zhvillimit të kapaciteteve në KLSH është tashmë e qëndrueshme me kalimin e
kohës, Programi Vjetor i Zhvillimit Profesional të stafit për vitin 2018 paraqet një mënyrë të
përmirësuar të të punuarit dhe evoluimit institucional : më strategjike, elastike, si pjesë
integrale e zhvillimit të përgjithshëm strategjik si dhe më të aftë për t'iu përgjigjur
pritshmërive ndaj auditimit publik.
Zhvillimi i shpejtë i teknologjive të informacionit të përdorura në auditime dhe nga sektori
publik i vendos SAI-t përpara kërkesave, të cilat mund të përmbushen vetëm me shkëmbim
efektiv të njohurive dhe aktiviteteve të përbashkëta duke sjellë përftimin e njohurive te
përditësuara dhe inovative1
KLSH synon të ndërtojë kapacitetet e nevojshme për të qenë aktor efektiv dhe me impakt të
rëndësishëm në zhvillimin e vendit si që të përgjigjet me sukses për mundësitë dhe sfidat e
tjera, aktuale dhe të reja.
Me qëllim që tí përgjigjet këtij ambienti në ndryshim e zhvillimi të vazhdueshëm KLSH,
prej një gjysmë dekade është fokusuar në ndërtimin dhe forcimin e kapaciteteve të saj
institucionale: aftësive, njohurive, dijeve, strukturave dhe metodave efektive të punës , e
udhëhequr nga parimi “të ndërtojmë mbi të mirën duke synuar ekselencën”
Programi i Zhvillimit Profesional për periudhën e ardhme është hartuar në linjë me
Strategjinë e Zhvillimit të KLSH 2018 -2022. Në synimet dhe objektivat e vendosura për
zhvillimin profesional KLSH shkon përtej çfarë është arritur në këto gjashtë vitet e fundit,
drejt një qëllimi të përbashkët për forcimin e profesionalizimit.... duke promovuar zhvillimin
e vazhdueshëm profesional që ndikon në ekselencën individuale, të grupit dhe të gjithë
institucionit....(ISSAI 12).
I. PROGRAMI I ZHVILLIMIT PROFESIONAL NË KLSH
Strategjia për zhvillim profesional artikulon vizionin që Kontrolli i Lartë i Shtetit ka për
rritjen e kapaciteteve: Të krijojë një kulturë të fortë të të mësuarit në nivel individual dhe
institucional, që mbështet studimin në vazhdimësi dhe gjatë gjithë jetës, duke siguruar
fuqizimin e kapaciteteve të tij dhe për t’i bërë të aftë që të ofrojnë impaktin e pritshëm.
INTOSAI përcakton zhvillimin profesional për një SAI dhe stafin e tij si ….aftësi e shtuar
për të përmbushur kërkesat e vendosura nga ISSAI-t për SAI në nivel institucional (niveli 1
dhe niveli 2 i Kornizës së ISSAI-ve ) dhe në nivel auditimi ( niveli 3 dhe niveli 4) dhe
adoptimi i një kornize për të vlerësuar performancën dhe përputhshmërinë me standardet2.
Në këtë këndvështrim, KLSH ka si objektiv strategjik të rrisë performancën dhe kapacitetet
për të përmbushur kërkesat e ISSAI-ve nëpërmjet një qasje të integruar të zhvillimit
profesional, e cila synon të krijojë dhe ruajë kapacitetet e duhura institucionale dhe
organizative, po ashtu dhe të krijojë një “bërthamë” ekspertësh, që zotërojnë aftësitë e
nevojshme për të vendosur në praktikë profesionalizmin dhe eksperiencën e fituar.
1 Kongresi X EUROSAI, Maj 2017, Turqi 2 Zhvillimi Profesional në INTOSAI – White Paper , faqe 10
4
Kjo është mënyra se si KLSH e ka konceptuar rritjen dhe fuqizimin e kapaciteteve
institucionale e organizative për t’i aftësuar ato që të ofrojnë vlera dhe përfitime për qytetarin
sikurse përcaktohen në ISSAI 12.
Ambjentet e reja, si pjesë e rëndësishme e kapaciteteve institucionale konsiderohen nga
KLSH si shtesë të cilat do të mbështesin dhe sigurojnë realizimin me sukses të objektivit
ambicioz lidhur me zhvillimin e kapaciteteve profesionale dhe organizative. Sistemi i
infrastrukturës së Institucionit mundëson që aktivitetet trajnuese të cfarëdo loj formati të
organizohen në nivelet e nje institucioni modern auditimi.
Në frymën që përçon Strategjia e Zhvillimit 2018 – 2022, KLSH aspiron se qëllimi final i
axhendës së profesionalizimit është për të bërë ndryshim në jetën e qytetarëve shqiptarë,
konkluzion ky i mbështetur në Deklaratën e Kongresit të INCOSAI-t në Abu Dhabi, në
Dhjetor 2016.
I.1 Përmbajtja, Qëllimi dhe Objektivat e Zhvillimit Profesional
Qëllimi, objektivat dhe aktivitetet e parashikuara në këtë Program, reflektojnë në mënyrë
korrekte kërkesat për implementim të Strategjisë së Zhvillimit KLSH 2018 -2022 të Qëllimit
Strategjik nr. 2 – “Optimizimi i kapaciteteve profesionale, aftësive audituese, procedurave të
punës, logjistikës dhe funksioneve të tjera mbështetëse” të mbështetur nga dy objektivat
specifikw :
Objektivi 2.3 Nxitja dhe promovimi i vlerave të larta profesionale të audituesve
nëpërmjet kultivimit të kulturës të të mësuarit gjatë gjithë jetës, dhe
Objektivi 2.4 Forcimi i sistemit të strukturuar të edukimit profesional nëpërmjet:
çertifikimit të audituesve publik dhe zhvillimit të vazhdueshëm.
Duke përshtatur të mësuarit, zhvillimin profesional me strategjitë e përgjithshme, KLSH
synon .....të sigurojë që njerëzit përmes përvojës, të zhvillojnë vazhdimisht, të përdorin
teknikat sistematike të zgjidhjes së problemeve dhe të transferojnë njohuritë në mënyrë të
shpejtë dhe efikase3
Plani Strategjik i INTOSAI-t 2017 – 2022 përbën një nga mbështetjet kryesore mbi të cilën
KLSH ka vendosur drejtimet e zhvillimit të kapaciteteve profesionale. Programi 3i (ISSAI
Implementation Initiative), pwrcakton se Institucionet Supreme të Auditimit anëtarë të IDI
(INTOSAI Development Initiative), pjesë e të cilit është edhe KLSH, angazhohen për të
implementuar strategji, të cilat të sigurojnë jo vetëm adoptimin e standardeve, por mbi të
gjitha të synohet pajtueshmëria në implementimin e tyre4. Nw zbatim tw kwsajMarrwveshje
nw Strategjinë e Implementimit të ISSAI-ve (3 i) KLSH përcakton objektivin për
promovimin e ISSAI-ve si një burim për zhvillimin e profesionalizmit të audituesve dhe të
programeve të certifikimit, si dhe të standardeve të arsimimit dhe trajnimit5.
3 IDI “Të mësuarit për Impakt”Udhëzues Praktik, p. 42 4 Ne Mars 2013, KLSH ka nënshkruar Marrëveshjen me INTOSAI-n dhe IDI-n për Programin 3i “Iniciativa e Implementimit të ISSAI-ve”,
www.klsh.org 5 Plani Strategjik i INTOSAI-t 2017 – 2022, Objektivi Strategjik 1. 3.
5
Qëllimet Strategjike të EUROSAI-t për periudhën 2017 - 2023 janë orientuese për KLSH në
drejtimin e zhvillimit të kapaciteteve institucionale.
Harmonizimi i zhvillimit strategjik të KLSH në tërësi dhe në mënyrë të vecantë i zhvillimeve
në kapacitete institucionale dhe profesionale me qëllimet dhe objektivat strategjikë të Planeve
Strategjikë të INTOSAI-t dhe EUROSAI-t do të sigurojë që kapacitetet e KLSH të “ vishen”
me tiparet e audituesit profesional ndërkombëtar e evropian.
Kongresi X i EUROSAI-t në Maj të vitit 2017 cilësoi rëndësinë e implementimit të ISSAI-ve
nga çdo SAI... Rruga drejt arritjes së cilësisë më të lartë në procesin auditues lidhet
drejtpërdrejt me miratimin dhe zbatimin e duhur të standardeve më të larta ndërkombëtare,
përgjithësisht të pranuara, të quajtura "Standardet Ndërkombëtare të Institucioneve Supreme
të Auditimit (ISSAI-t) ...Anëtarët e EUROSAI janë të vetëdijshëm për vlerën e shtuar nga
aplikimi i e standardeve profesionale ndërkombëtare ".
Duke iu referuar këtij rekomandimi , KLSH ka vendosur në qendër të zhvillimit profesional
trajnimin për arritjen e implementimit të plotë të ISSAI-ve.
KLSH synon të aplikojë qasje te reja, efektive dhe të orientuara në rezultate, të tilla që të
përshtaten me nivelin e zhvillimit institucional po ashtu dhe të sigurojnë që KLSH të
vendoset, radhitet në krah të SAI-ve më të përparuara për sa i përket politikave të zhvillimit
profesional.
Qasjeve tradicionale të trajnimit, KLSH do tí shtojë aplikimin e qasjeve më moderne që do të
mundësojnë ndryshimin e kulturës së marrjes së dijeve dhe fitimit të profesionalizmit nga të
gjithë audituesit e KLSH.
Ruajtja e kompetencës profesionale, kur audituesve i duhet të përballen me sfida të mëdha,
nxjerr si kërkesë të domosdoshme që vetë audituesit të krijojnë dhe mbajnë një qasje të
“krijimit të kulturës së të mësuarit”. Trajnimi dhe zhvillimi i audituesve duhet të sigurojnë
një bazë të njohurive, aftësive dhe vlerave profesionale, e cila u mundëson atyre të
zhvillohen në vijimësi dhe t’u përshtaten ndryshimeve gjatë gjithë jetës se tyre profesionale.
Të mësuarit gjatë gjithë jetës është një nga sfidat më të mëdha me të cilat përballen shoqëritë
dhe institucionet bashkëkohore, si i tillë dhe KLSH nuk mund të mbetet jashtë kësaj përballje
në vitet e ardhshme. Aftësia dhe për të mësuar në forma, vende, qasje apo etapa të ndryshme
të jetës e bëjnë të mësuarit gjatë gjithë jetës një qasje më të lehtë për tu përshtatur efektivisht
me realitetin që ndryshon dhe që po bëhet gjithnjë e më shumë kërkues. Për profesionin e
audituesit publik, krijimi i kërkesës për dije e njohuri ka një rëndësi të vecantë, për sa ai
kontribuon në rritjen e cilësisë së punës audituese – duke filluar nga motivimi më i madh nga
vetë audituesit për të qafuar një kulturë të të mësuarit dhe që përfundon me ndikimin për
ndryshim në jetën e qytetarëve.
Qëllimi i Programit të Zhvillimit Profesional të KLSH konsiston në zhvillimin e
vazhdueshëm të kompetencave profesionale të stafit si dhe integrimit të këtyre kompetencave
në punën audituese për të bërë të mundur të mësuarit në nivel institucional. Për këtë qëllim,
KLSH do të sigurojë që i gjithë stafi të fitojë aftësisë dhe kapacitete profesionale për tíu
përgjigjur kërkesave të këtij ambjenti që ndryshon vazhdimisht.
6
Qasja e re dhe moderne që KLSH ka adoptuar në Strategjinë e tij, sjell në vëmendje
rishikimin dhe zhvillimin e politikave të reja në drejtim të formimit dhe aftësimit profesional
të audituesve. Me fokus në të ardhmen vizioni për trajnimet tashmë synon që:
Të mësuarit gjatë gjithë jetës të bëhet kulturë e cdo punonjësi në Kontrollin e Lartë të
Shtetit.
Sistemi i zhvillimit profesional mbështetet fuqishëm në krijimin i një kulture ku dëshira për
dije dhe njohuri buron nga traditat e lashta kombëtare po ashtu dhe eksperiencave dhe
praktikave më të përparuara ndërkombëtare të fushës së auditimit publik.
Nëpërmjet Programit të Zhvillimit Profesional KLSH ofron mundësi zhvillimi
gjithëpërfshirëse për stafin që synojnë arritjen e niveleve të larta të pavarësisë, ekspertizës,
kompetencës, sjelljes etike dhe cilësisë, mbështetur në standardet profesionale ISSAI, duke :
Zhvilluar aftësitë teknike të audituesve dhe te kompetencave te tyre etike;
Përmirësuar vazhdimisht sistemet, proceset dhe strukturat në KLSH, në përgjigje të
nevojave dhe sfidave të ndryshimit të mjedisit;
Krijuar një mjedis ku qëndrimet dhe aftësitë profesionale inkurajohen, zhvillohen dhe
mbështeten nga një kuadër institucional me qëllim rritjen e cilësisë së auditimit publik;
Objektivat e Planit të Zhvillimit Profesional janë vendosur në konsistencë me Misionin,
Vizionin dhe vlerat e KLSH, të orjentuara drejt së ardhmes duke synuar të arrijnë qëllime të
zhvillimit në karrierë të cdo inidvidi dhe të cojnë më tej punën në KLSH.
Këto objektiva janë sa motivuese po aq edhe sfiduese, duke konsideruar nevojat për aftësi
dhe zhvillim, aspiratat dhe mundësitë, po ashtu dhe nevojat specifike të profesionit.
Në përputhje me sa më sipër KLSH ka përcaktuar objektivat e zhvillimit profesional për
periudhën të cilat synojnë:
a) Sigurimi i trajnimeve për stafin në si jë qasje e qëndrueshme, e aftë tí mundësojë stafit
ruajtjen dhe zhvillimin e vazhdueshëm të aftësive dhe dijeve dhe zhvillimin e karrierës.
b) Inkurajimi i shkëmbimit të njohurive dhe eksperiencës në mënyrë që stafi të ketë
akses në praktikat më të mira të fushës së auditimit në sektorin publik
c) Kontributi në zhvillimin institucional për një KLSH të qëndrueshëm, të pavarur dhe
shembull i profesionalizmit, integritetit dhe etikës.
7
Implementimi i Programit të Zhvillimit Profesional paraqet rëndësi të vecantë në kuadrin e
zhvillimit të burimeve njerëzore në KLSH. Si pjesë e Dokumentit të Politikave të
Menaxhimit të Burimeve Njerëzore, trajnimi i audituesve synon të rrisë pritshmëritë ndaj tyre
dhe njëkohësisht të sjellë:
Rritjen e eficencës në kryerjen e veprimtarive ,c’ka më pas rezulton në përfitime
financiare dhe jo financiare për vetë KLSH;
Rritjen e aftësive për tíu përshtatur teknologjive dhe metodave të reja dhe nxitjen e
inovacionit për pritshmëri të reja
Rritjen e motivimit dhe nxitjen e promovimin.
I.2 Parimet e ndërtimit të sistemit të zhvillimit profesional.
Sistemi i Zhvillimit Profesional të krijuar nga KLSH në vitin 2012 dhe i zhvilluar e pasuruar
në vtet në vijim, gëzon disa vecori që tregojnë se ai është :
1. Sistem i krijuar dhe administruar nga KLSH- KLSH ka vendosur strukturat dhe
proceset për të përcaktuar kompetencat profesionale, një sistem të zhvillimit profesional për
të siguruar edukimin e vazhdueshëm të stafit. Pavarësisht burimeve nga të cilat ofrohet
trajnimi, brenda apo jashtë institucionit, KLSH ka atributin dhe detyrimin që tí sigurojë cdo
individi pjesë e stafit mundësinë e zhvillimit profesional.
2. I bazuar në Standartet Ndërkombëtare të Auditimit të INTOSAI-t ( ISSAI) - Kontrolli i
Lartë i Shtetit, në veprimtarinë e tij, duhet të reflektojë shkallën më të lartë të standardeve
ndërkombëtare të INTOSAI-t 6. Baza e kuadrit metodologjik të KLSH janë ISSAI-t dhe
zbatimi i tyre duhet të udhëhiqë punën audituese. Kjo kërkon angazhim të burimeve të KLSH
në të dy drejtimet: të njohjes së ISSAI-ve dhe të zbatimit në praktikën audituese. Trajnimi
gjithashtu përfshin krijimin e një njohje të thellë të sistemit të menaxhimit financiar publik
dhe të nivelit 2 të ISSAI-ve.
3. I bazuar në nevojat dhe gjithpërfshirës. Sistemi bazohet në nevojat e stafit të KLSH, duke
konsideruar këto kërkesa ne nivel individual dhe institucional. KLSH synon që cdo auditues
në nivel individual, grup auditimi dhe po ashtu në nivel Institucioni, duhet të zotërojnë
kompetencat, aftësitë, dijet dhe vullnetin/dëshirën për të realizuar punë të cilësisë më të lartë
dhe në përputhje me Standartete e INTOSAI-t. KLSH ka vendosur politika të përfshirjes së
plotë të stafit në trajnime, brenda dhe jashtë vendit. Nga ana tjetër cdo auditues ka detyrimin
të marrë pjesë në trajnimet që organizohen nga dhe për institucionin sipas objektivave të
përcaktuara në Planin e Zhvillimit Profesional.
4. I kategorizuar/ trajnim i shkallëzuar. Trajnimi ofrohet në kategori të veçanta duke
respektuar fushën e studimit, eksperiencën, shkallën e njohurive dhe pjekurinë profesionale të
audituesve.
5. I përditësuar dhe i përshtatshëm(fleksibel) – Sistemi përditësohet cdo vit, duke reflektuar
ndryshimet që kanë ndodhur në nivel ndërkombëtar po ashtu dhe kombëtar e institucional.
6 Ligji nr.154, datë 27.11.2014, neni 6, Fusha veprimit
8
Gjithashtu, KLSH siguron mbikëqyrje dhe monitorim të vazhdueshëm të implementimit të
Programit Vjetor të Trajnimit , duke mundësuar që të jetë fleksibël dhe tí përgjigjet në kohë
kërkesave të zhvillimit. Krahas kompetencave që duhen për zbatimin e ISSAI-ve , nevoja për
kompetenca dhe aftësi të tjera merret në konsideratë gjatë implementimit në përputhje me
specifikat e punës, ambientin e fushëveprimit të auditimit dhe mandatit të KLSH.
6. I qëndrueshëm – Sistemi i Zhvillimit Profesional në KLSH është krijuar dhe përditësohet
duke konsideruar nevojat në terma afatgjatë, si pjesë e Strategjisë së Zhvillimit të KLSH. Ai
është integruar si Qëllimi Strategjik nr.2 në Strategjinë e Zhvillimit të KLSH 2018 – 2022, i
mbështetur nga dy objektiva strategjikë ( 2.3 dhe 2.4).
7. Bashkepunues- Zhvillimi profesional në KLSH organizohet me burime të brendshme por
njëkohësisht i mbështeur në një shkallë të gjerë nga partneriteti me INTOSAI, EUROSAI,
IDI,organizatat ndërkombëtare profesionale, dhe institucionet ndërkombëtare homologe si
ECA, GAO dhe SAI-t Evropiane. Partneriteti shtrihet dhe në nivel kombëtar i mbështetur nga
Marrëveshjet e Bashkëpunimit të KLSH me Universitete, Institucione të Arsimimit të Lartë,
IEKA, OJF Ministri dhe institucione të tjera shtetërore për aktivitete trajnimi apo/dhe
veprimtari kërkimore shkencore me interes të përbashkët.
I.3 Analiza Mjedisit Strategjik
Programi i Trajnimit është hartuar duke përshtatur nevojat e brendshme në nivel kombëtar si
dhe të kombinuara me përparësitë e përcaktuara në kuadrin ndërkombëtar te organizatave dhe
network-ut profesional te auditimit pjesë e të cilave është KLSH. Ai është një vazhdimësi e
Programeve të mëparshme dhe eksperiencave të trajnimit të viteve të fundit 2012 - 2017, por
duke u paraqitur së fundmi në një format më të konsoliduar dhe më komprehensiv.
I.3.1 Analiza e Nevojave për Trajnim
Analiza e Nevojave për trajnim përvijon hapat që janë ndërmarrë për të identifikuar nevojat e
trajnimit të audituesve dhe stafit që punon në KLSH. Nevojat për trajnim janë analizuar nën
këndvështrimin e implementimit të ISSAI-ve, objektivave të zhvillimit strategjik të KLSH –
së 2018-2022 si dhe kërkesave të vendosura nga ambienti veprues i auditimit publik në
Shqipëri.
Në vijim të procesit të identifikimit dhe analizës së nevojave të stafit për trajnim dhe pasi u
konsolidua inventari i nevojave, procesi është konkretizuar me Programin Vjetor të
Zhvillimit Profesional për stafin i cili shpreh dhe u jep përgjigje çështjeve që janë ngritur dhe
kërkojnë zgjidhje nga procesi i analizës së bërë në hapat e mëparshëm.
Sistemi i Zhvillimit Profesional reflekton efektivitetin e politikave të rritjes së
kapaciteteve profesionale të KLSH në vite , për të cilat treguesit e performancës
përfaqësohen në nivele rreth14 herë më të larta, nga 2,1 ditë mesatare trajnimi/auditues
në vitin 2011 , në fund të vitit 2017 stafi auditues ka një mesatare prej 28,5 dite
trajnimi/auditues duke arritur kështu dhe nivelin më të lartë të këtij treguesi përgjatë
gjithë zhvillimit të këtij institucioni ndër vite.
9
Këto arritje e vendosin sistemin e trajnimeve në KLSH në të njëjtat nivele dhe të
krahasueshëm me përvojat më të përparuara të Institucioneve Supreme të Auditimit
Ndërkombëtare.
Motoja “experentia mutua omnibus prodest” ka vijuar të udhëheqë veprimtaritë trajnuese
jashtë vendit, në mbështetje të së cilës vazhdon të zbatohet tradita që gjatë vitit çdo punonjës
i KLSH të jetë trajnuar minimalisht një herë në një nga institucionet homologe të vendeve të
tjera me të cilat KLSH ka marrëveshje bashkëpunimi apo dhe organizma profesionalë që
ofrojnë trajnime në fushën e auditimit dhe financave publike.
Mbi bazën e një vlerësimi të nevojave, i cili reflekton të gjithë diversitetin e anëtarëve, të
stafit, KLSH synon të përmirësojë vazhdimisht iniciativat për zhvillimin e kapaciteteve
institucionale. Në këtë proces të ndërtimit dhe zhvillimit të kapaciteteve, KLSH është
mbështetur në vlerësimin sistematik të nivelit aktual të kapaciteteve, dobësitë dhe pikat më të
forta të tij, në vlerësimin se barrierave dhe pengesave me të cilat përballet, përcaktimin se
çfarë burimesh nevojiten për të përballuar me sukses sfidat dhe për të arritur rezultatet e
pritshme dhe së fundmi në vlerësimin e impaktit që do të ketë ky program në rezultatet e
pritshme.
Vlerësimi i nevojave për trajnim në KLSH është zhvilluar përmes analizës normative dhe
pozitive. Zhvillimi strategjik i KLSH-së synon kohezionin e nevojave të zhvillimit
institucional dhe nevojave individuale të zhvillimit të punonjësve. Për këtë qëllim në fund
çdo vit çdo vit zhvillohet një analizë krahasuese midis zhvillimeve të fundit të metodologjisë
dhe nevojave individuale. Rezultatet bashkërendohen në një modul objektivash të detajuara
në grafikë të linjës kohore.
Ekzistojnë një numër modelesh gjenerike për vetëvlerësimin e Analizës së Nevojave të
Trajnimit. Ndër to, analiza e trajnimit të KLSH është zhvilluar si një vazhdim i analizës së
progresit të auditimit, institucional dhe individual. Analiza normative kundrejt pozitives jep
informacion të hollësishëm të detajuar mbi mënyrën se si institucioni po kryen misionin dhe
vizionin e tij. Progresi i fundit institucional vjetor i parë në këndvështrimin normativ dhe
1 2 3 4 5 6 7 8 9
Dite Trajnimi/Person 2 3.1 2.1 19.4 22 26 27 27 28.5
2 3.1 2.1
19.4 22
26 27 27 28.5
0
5
10
15
20
25
30 EC U R I A E P J ES M A R R J ES N E T R A J N I M E D I T E T R A J N I M I P ER A U D I T U ES N E V I T
10
pozitiv është analizuar dhe njohur si forca kryesore për të përvijuar objektivat e Programit të
Zhvillimit Profesional. Ai gjithashtu është një pasqyrë e mënyrës për të zhvilluar projektin
vjetor të trajnimit.
Analiza pozitive detajon progresin institucional drejt krijimit të mjeteve, të cilat konsiderohen
si mekanizma pozitivë të zhvillimit. Këto mekanizma pozitivë të zhvilluar në vitin 2017 do të
jenë pjesë e Programit të Zhvillimit Profesional që do të zhvillohet gjatë vitit 2018. Suksesi i
mekanizmave është i lidhur ngushtë me përcjelljen në trajnime dhe siguron një qasje me të
suksesshme te personelit ndaj fizioniomise se institucionit.
Qasja normative buron nga qasja e Kryetarit të KLSH për të përmbushur Misionin
institucional "Për të garantuar që KLSH të jetë një institucion auditimi i pavarur, kompetent
dhe objektiv, duke ofruar mbështetje reale parlamentit, si dhe rezultate dhe rekomandime të
besueshme të auditimit, të cilat duhet të pranohen për saktësinë dhe vërtetësinë e tyre nga
organet legjislative dhe ekzekutive, mediat dhe qytetarët" dhe Vizioni Institucional “Për të
rritur rolin dhe kontributin në menaxhimin e mirë të financave publike, duke kryer auditime
cilësore, duke raportuar mbi rregullsinë dhe efektivitetin e përdorimit të të gjitha burimet
financiare të shtetit, në dobi të shtetit dhe qytetarëve ".
I.3.2. Konkluzione te Qasjes Pozitive vs Qasjes Normative të Sistemit të Zhvillimit
Profesional në KLSH
Analiza e ambientit strategjik mbi bazën e vlerësimit sipas qasjes pozitive kundrejt qasjes
normative në dimensionin e zhvillimit profesional të KLSH , së bashku me Analizën e
Nevojave për Trajnim të stafit kanë shërbyer për të hartuar Programin e Zhvillimit
Profesional të vitit 2018. Konkluzionet e kësaj Analize, të paraqitura në Shtojcën 1 të këtij
Plani, kanë identifikuar çështjet kryesore ndaj të cilave KLSH duhet të kushtojë vëmendjen e
duhur për zhvillim profesional të stafit dhe përfshijnë sa më poshtë:
Nevoja për të adoptuar qasje të përparuara që nxisin vetëveprimin dhe angazhimin
individual të çdo audituesi për të mësuar , e cila në nivel institucional të konceptohet në
kultivimin e kulturës së të mësuarit gjatë gjithë jetës. Në Kontrollin e Lartë të Shtetit, është
rritur gradualisht shkalla e ndërgjegjësimit për rëndësinë dhe domosdoshmërinë e të
mësuarit nëpërmjet trajnimeve të formave të ndryshme.
Vendosjen e një sistemi të Certifikimit të Audituesve të Jashtëm Publikë, që do të shërbejë
si “pasaportë profesionale” për zhvillimin në karrierë si auditues profesionist të çdo
individi në KLSH.
Përgjithësisht ekziston një frymë mjaft pozitive dhe përkrahëse ndaj aktiviteteve të
trajnimit për pjesëmarrje dhe angazhim brenda dhe jashtë vendit, por një qasje më efektive
vlerësimi për pjesëmarrjen që peronat duhur të ndjekin trajnimet e duhura( në formë dhe
përmbajtje).
Stafi drejtues dhe ekzekutiv njeh ekzistencën e mangësive për njohuri specifike të
avancuara dhe kupton se disa aftësi duhet të zhvillohen më tej nëpërmjet një procesi të
11
vazhdueshëm dhe të konsoliduar trajnimi . Kjo do tí shërbejë si një mjet për plotësimin e
kërkesave për të marrë rolin dhe ushtruar funksionin e audituesit profesional dhe të kohës.
Referenca e përmbajtjes së trajnimeve do të vijojë të jenë Standardet e Auditimit ISSAI,
për të siguruar implementimin e ISSAI-ve në praktikën audituese.
Nevoja për aftësi komunikuese , të shprehurit, me gojë apo me shkrim theksohet gjithnjë e
më shumë dhe kërkon zhvillimin e këtyre aftësive në seksione trajnimi të veçanta por
duke ruajtur nivelet e trajnimeve profesionale të arritura.
Nevojat e identifikuara nëpërmjet këtij procesi janë baza mbi të cilën është hartuar dhe
implementohet Plani i Veprimtarive të Trajnimit të Stafit të KLSH për vitin 2018.
II. PLANI I VEPRIMTARIVE TË TRAJNIMIT PËR VITIN 2018
Programi i Zhvillimit Profesional shoqërohet me “Planin e Veprimtarive të Trajnimit për
Punonjësit e KLSH për vitin 2018”, i cili përcakton se çfarë trajnimesh do të kryhen ,
periudha, kohëzgjatja, mënyra e ofrimit dhe vendi i organizimit.
Objektivi kryesor i trajnimit të audituesve synon të krijojë auditues kompetentë profesionalë,
të aftë të japin kontributin e tyre pozitiv në jetën profesionale dhe ambientin ku ata ushtrojnë
detyrat e tyre dhe implementimi i Planit të Veprimtarive të Trajnimit synon të:
Rrisë nivelin e aftësive dhe njohurive të stafit dhe si qëllim të fundit përmirësimin dhe
rritjen e cilësisë së punës audituese;
Të sigurojë vlerë për çdo lek investim në trajnim
Të krijojë një profil sa më të lartë profesional të audituesit të KLSH.
Plani i Trajnimit është një vazhdimësi natyrale e konkluzioneve të arritura nga Analiza e
Nevojave për Trajnim të vitit 2018 (shtojca 1) për stafin e KLSH , e cila përgatitet dhe
përditësohet çdo vit nga Drejtoria e Metodologjisë dhe Zhvillimit Profesional, e inkuadruar
tashme në Departamentin e Metodologjisë dhe Strategjisë së Auditimit. Në përgatitjen e
Planit të Veprimtarive të Trajnimit janë konsideruar :
• Identifikimi i nevojave:
Kush ka nevojë të trajnohet dhe
Çfarë trajnimesh janë të nevojshme;
• Vendosja e prioriteteve për plotësimin e nevojave të identifikuara.
Monitorimi dhe vlerësimi i zbatimit të PZHP, vlerësimi i performancës së trajnimit
Ky Plan, mbulon periudhën Janar 2018 – Dhjetor 2018 dhe prezanton një pamje të
përgjithshme të nevojave për trajnim të identifikuara si dhe ndërhyrjet për trajnime të
sugjeruara dhe të planifikuara dhe përmban sa më poshtë:
Kërkesat e detajuara të trajnimit për pjesëmarrësit mbi baza individuale
Sugjerime të detajuara për llojin dhe metodat e trajnimit.
12
Sugjerime të detajuara mbi mënyrën e organizimit të trajnimit
Kalendari i Trajnimeve sipas burimit ( te brendshme dhe te jashtme)
Programi i Zhvillimit Profesional vendos objektiva të qarta mbi rolin që trajnimi luan në
rritjen e eficencës së performancës së punonjësve në KLSH si dhe përcakton metoda dhe
qasje të përshtatshme të trajnimit, efektive për arritjen e objektivave.
Trajnimi dhe zhvillimi i kapaciteteve institucionale dhe profesionale është i lidhur ngushtë
me çdo objektiv strategjik që KLSH ka vendosur për periudhën e ardhshme 5-vjeçare ç’ka
shprehet në objektivat e këtij Plani, të cilat për vitin e ardhshëm përfshijnë:
Ruajtjen e nivelit aktual të ndjekjes së trajnimeve , që çdo auditues të trajnohet për jo
më pak se 25 ditë në vit në fushën që ai mbulon apo dhe të tjera lidhur me to, ndërsa stafi i
ri do të trajnohet jo më pak se 30 ditë gjatë periudhës;
Çdo individ, pjesë e stafit të KLSH, parashikohet të ndjekë jo më pak se një trajnim në
institucionet homologe të auditimit apo dhe trajnime të tjera nga organizata profesionale
ndërkombëtare jashtë vendit.
Vlerësimin Vjetor të Performancës dhe nivelit të njohurive të fituara nga audituesit e
trajnuar sipas këtij Programi Trajnimi nëpërmjet testimit me shkrim të organizuar në
përfundim të Programit. Kryerja e testimit në fund të Programit të Trajnimit rrit nivelin e
pjesëmarrjes dhe interesimin aktiv në trajnim me objektivin që të arrihet angazhimi i plotë i
pjesëmarrësve në proces.
Vlerësimin e aplikimit të njohurive të marra në kryejen e punës audituese, nëpëmjet
vlerësimit nga kolegët me ekperiencë ( tutori) dhe rezultatet e kontrollit dhe sigurimit të
cilësisë.
Programi i Trajnimit është hartuar me fokus të vecantë në përmirësimin e zhvillimit
profesional teorik dhe praktik të të gjithë stafit të KLSH. Kjo do të realizohet nëpërmjet
programeve të mësimdhënies universitare ashtu dhe programeve të trajnimit të brendshëm
dhe ndërkombëtare.
Zhvillimi profesional do të shkojë përtej kornizës ligjore tradicionale, njohjeve mbi
ekonominë dhe kontabilitetin, duke përfshirë teknika të tjera të menaxhimit, dhe në mënyrë të
veçantë të tilla si përpunimit i të dhënave dhe përdorimin e mjeteve elektronike gjerësisht në
punën audituese.
Audituesit duhet te mbajnë gjithmonë një qëndrim profesional duke aplikuar gjatë gjithë
fazave të auditimit: skepticizmin profesional, gjykimin profesional dhe kujdesin profesional7.
Adresimi i problemeve që dalin nga moskuptimi i drejtë , keqpërdorimi i qëllimshëm apo jo i
koncepteve si gjykimi profesional dhe/apo skepticizmi profesional, mbetet një detyrë për
Planin e vitit 2018.
7 Issai1, Deklarata e Limes. Seksioni 14, paragrafi 3, Stafi auditues
7 ISSAI 100, Parimet themelore te Auditimit, paragrafi 37
13
Kontrolli i Lartë i Shtetit prezantohet me një grup të rëndësishëm botimesh, libra të publikuar
publikimesh standardesh, udhëzimesh, udhëzuesish të praktikave më të mira dhe produktesh
të tjera të INTOSAI-t për të udhëhequr praktikën profesionale të auditimit të jashtëm të
sektorit publik. Megjithatë, detyra thelbësore nuk është vetëm zhvillimi i standardeve të
cilësisë së lartë dhe materialeve përkatëse, por sigurimi që KLSH të ketë kapacitetet dhe
njohuritë e nevojshme për të përdorur standardet dhe, në këtë mënyrë, për përmirësuar
cilësinë e auditimeve.
Audituesit duhet te zotërojnë aftësitë e nevojshme, individualisht ashtu dhe në grup përfshirë
dhe njohuritë, dijet dhe ekspertizën e nevojshme për të kryer me sukses auditimin. Kjo
përfshin një njohje të mirë të eksperiencës praktike të llojit të auditimit që kryejnë,
familjarizim me standarde dhe legjislacionin që aplikohet në fushën e audituar, njohje të
subjektit që auditohet si dhe operacionet e tij, po ashtu dhe aftësinë dhe eksperiencën e
ushtrimit të gjykimit profesional.
KLSH synon të nxisë të mësuarit nëpërmjet komunikimit elektronik (e-learning), komunitetet
e praktikës dhe nisma të tjera inovative të zhvillimit të kapaciteteve, përfshirë dhe ato
ekzistuese si praktika në punë, vizita studimore dhe trajnime të udhëhequra nga kërkesa,
programe trajnimi etj.
KLSH do të rrisë përpjekjet zhvillimin e kapaciteteve peer-to-peer me SAI-t homologe duke
shfrytëzuar mundësitë për auditime të përbashkëta, paralele apo/ dhe bashkëpunuese midis
SAI-ve.
Prej vitesh KLSH ka zhvilluar një skemë për inkurajimin e projekteve të kërkimit në
auditimin publik. Për këtë qëllim nënshkrimi i marrëveshjeve me Universitete dhe
Institucione të Arsimit të Lartë dhe Kërkimit Shkencor në Shqipëri ka synuar dhe mbështet
angazhimin me botën akademike për çështje dhe shqetësime me interes të ndërsjellë.
Iniciativa e KLSH për zhvillim kapacitetesh në këtë Program Zhvillimi fokusohen si në
aftësitë audituese po ashtu dhe çështje institucionale.
Faktorët e sipërpërmendur përcaktuan dhe prioritetet e zhvillimit të trajnimeve për vitin 2018
të cilat përfshijnë:
Kategoritë e trajnimit
FUSHA E TRAJNIMIT
Teknikat e Menaxhimit
Mbikqyrja dhe Monitorimi
Analiza e ngarkesës së punës dhe përcaktimi i burimeve
Udhëheqje metodologjike dhe Mentoring/ Tutori
AFTËSI MENAXHIMI
14
Auditimi Financiar
Auditimi Performancës
Auditimi Përputhshmërisë
Auditimi Sistemeve IT
Procedurat e Planifikimit të Auditimit
Procedurat e rishikimit, Teknikat e mbledhjes evidences,
Testet e Auditimit
Kampionimi
Vlerësimi i Riskut
Sigurimi dhe kontrolli cilesise
Auditimi i rasteve te mashtrimit
Auditimi i Prokurimeve
METODOLOGJIA E
AUDITIMIT
Software “ Rev Zone”
Përdorimi i Instrumenteve të IT në auditim ( Meta
Data)
Word dhe Excel
Internet/E-mail Software
AFTËSI NË FUSHËN E IT
Zhvillimi i aftësive të tjera “ soft skills”
Komunikimi me shkrim dhe me gojë
Aftësi të shkrimit të raporteve
Teknika te mbledhjes së evidencës: pyetësorët,
intervistat , testet e kontrollit, investigimi etj
AFTËSITË
KOMUNIKUESE
II.1 Specifikat e Trajnimit
Ky seksion përshkruan arsyet dhe shpjegimet që janë përdorur për çdo çështje të identifikuar
në Analizën e Nevojave për Trajnim dhe njëkohësisht ofron informacion të mjaftueshëm për
të siguruar organizimin dhe logjistikën e çdo trajnimi. Theksi këtu vendoset në ofrimin e
trajnimit me fokus në module të cilat në shumë raste do të përshtaten sipas audiencës
përfituese.
Ky Plan Trajnimi është hartuar që të konsiderojë çdo pjesëmarrës individualisht. Megjithatë
sugjerohet fort që Trajnuesit ( të brendshëm dhe të jashtëm) të mbajnë lidhje paraprakisht për
të konfirmuar pritshmëritë prej tyre dhe të formatojnë kurrikulat e tyre të trajnimit në mënyrë
të tillë që të jenë të përshtatshme dhe të konsiderojnë çdo kërkese specifike nga ana e
pjesëmarrësve.
Informacioni i dhënë në seksionin e mëposhtëm mbi çdo program/sesion, modul trajnimi jep
një përshkrim të çështjeve kryesore të trajnimit që do të ofrohen, dhe që më tej do të
zhvillohen nga Trajnerët përkatës. Ky informacion gjithashtu do tí njohë Trajnerët
shkurtimisht mbi atë ç’ka pritet nga Plani i Trajnimit. Trajnerët më pas do ta përpunojnë më
gjerësisht duke konsideruar ofrimin e pritshëm prej tyre dhe ky aktivitetet do të
administrohet dhe mbikëqyret nga Drejtoria e Metodologjisë dhe Zhvillimit në konsultim
gjithashtu dhe me përfituesit e trajnimit. Synohet gjithashtu që të vendoset më shumë theks
mbi ofrimin e këtyre trajnimeve në një mënyrë praktike/interaktive duke përdorur simulimet
dhe rastet studimoresa më shumë të jetë e mundur.
15
Për qëllime të planifikimit të trajnimit është parashikuar që një ditë e plotë trajnimi
përfshin 6 orë trajnimi ( pa pushimet e ndërmjetme).
II.2 Tematika e Trajnimit
Në mënyrë të detajuar trajnimet e mësipërme do të përfshijnë:
a)Trajnime bazë “Njohje me Institucionin dhe Profesionin e Auditimit”8
Kjo kategori e trajnimit ka si objektiv kryesisht stafit e rekrutuar rishtazi. Megjithatë në
trajnim do të mund të përfshihen dhe auditues ekzistues të cilët mund të përfitojnë nga fusha
që trajnimi do të mbulojë dhe në të cilat audituesit nuk janë trajnuar më parë. Përfshirja e dy
kategorive të stafit me eksperiencë dhe të rinj konsiderohet si një mundësi për përfitim të
mëtejshëm të pjesëmarrësve duke mësuar nga njëri-tjetri.
Temat që do të trajtohen nën kategorinë e Trajnimit për të Rinj do të përfshijnë:
1. Përshkrim të përgjithshëm të kuadrit legjislativ dhe funksional të KLSH : Kushtetuta, Ligji
Organik i KLSH, Rregullore e Brendshme e Funksionimit, Rregullore e Procedurave te
Auditimit, Urdhra dhe Udhëzime të tjera, Historiku, Vizioni, Misioni, Vlerat, Struktura, roli
dhe përgjegjësia, Strategjia dhe Politikat e Procedurat, Strategjia e Zhvillimit të KLSH 2018
– 2022, Strategjia e Komunikimit.
2. INTOSAI, EUROSAI, IDI etj: Roli dhe funksionimi i Organizatave Ndërkombëtare të
fushës së auditimit dhe kontabilitetit publik; Deklarata e Limës (ISSAI 1) dhe Meksikës
(ISSAI 10), ISSAI 12, ISSAI 20, ISSAI 30, ISSAI 40;Kongresi XXII INCISAI , Abu DHABI
Dhjetor 2016, Kongresi X EUROSAI, Stamboll , Maj 2017, Rezolutat e OKB dhe |Rezolutat
e Kuvendit të Republikës së Shqipërisë për KLSH.
3. Standardet Ndërkombëtare të Auditimit: Parimet të Përgjithshme të Auditimit (ISSAI 100);
Standarde të Përgjithshme të AF(ISSAI 200); Standarde të Përgjithshme të Auditimit të
Performancës (ISSAI 300); dhe Standarde të Përgjithshme të Auditimit të Përputhshmërisë
(ISSAI 400);
4. Planifikimi, Materialiteti dhe Evidenca: rëndësia e planifikimit, si planifikohet auditimi,
analiza e riskut, ç’është materialiteti dhe si përcaktohet; çfarë konsiderohet evidencë e
mjaftueshme dhe cilat janë burimet e sigurimit;
5. Kontrolli i Brendshëm, llojet e testeve dhe teknikat e modelimit: përkufizimi dhe llojet e
kontrollit të brendshëm, teste e kontrollit, procedurat analitike dhe teste thelbësore, teknikat e
modelimit;
6. Teknikat e auditimit: Evidencat e auditimit, Intervistimet, Grupet e vëzhgimit për auditim,
Pyetësorët si mjete efektive në Auditim ;
8 Shënim: trajnimi do te përfshijë vetëm njohuri të përgjithshme. Njohuritë e detajuara do të trajtohen në
Trajnim të kategorisë së njohurive teknike dhe menaxheriale të auditimit.
16
7.Dokumentimi, Raportimi i Auditimit dhe Raportimi tek Parlamenti: Format e letrave të
punës, llojet e dosjeve të auditimit dhe dhënia e opinionit dhe rekomandimeve të auditimit;
8. Sigurimi i cilësisë në auditim: mbikëqyrja, rishikimet pas auditimit dhe rishikimet e
sigurimit të cilësisë; llojet e rishikimeve.
9. Mashtrimi dhe Korrupsioni: llojet e mashtrimit, kushtet e mashtrimit, legjislacioni mbi
veprat penale, “ Flamujt e kuq/RedFlags;
10. INTOSAINT- Auditimi Integritetit dhe Etikes
b) Trajnime për aftësi teknike të përgjithshme të auditimit
Rregullorja e Procedurave të Auditimit, Miratuar me Vendim të Kryetarit të KLSH nr.107,
datë 08.08.2017 do të jetë subjekt i trajnimit dhe diskutimit në nivel Departamenti. Trajnimet
do te përfshijnë trajtimin botimeve të KLSH në vitin 2017. Trajnime dhe zhvillim profesional
mbi Auditimin Financiar, Auditimin e Perfomancës, Auditimin e Përputhshmërisë dhe
Auditimin e TI-së mbështetur në Manualet respektive si dhe në analizën e mangësive të
rezultura gjatë procesit të kontrollit të cilësisë, me ekpertë brenda dhe jashtë vendit.
c) Trajnime për Auditimin e TI-së dhe përdorimit të TI-së në auditim
Trajnimet e mbi Teknologjinë e Informacionit dhe në kuradrin metodologjik të saj si dhe
rritjen e aftësive për auditimin e TI-së konsiderohen nga KLSH si thelbësore në adoptimin e
praktikave inovative të auditimit. Përmirësimi i infrastrukturës së TI në veprimtarinë e
KLSH do të mbështetet me trajnim të vazhdueshëm mbi sistemin Rev Zone , me qëllim që
cdo punonjës i KLSH të aftësohet në përdorimin e këtij Programi. Ushtrimi i vetëvlerësimit
“ITSA” i kryer nga Drejtoria e Auditimit të TI-së do të shtrihet në vite rezultatet e të cilit do
të shërbejnë për të përmirësuar organizimin e TI-së dhe kryerjen e më shumë auditimeve te
teknologjise se informacionit efektive
Auditimi i Sistemeve te TI i cili përfshin njohuri mbi :Kontrollet administrative dhe
organizative : rishikimi i përshtatshmërisë së kontrolleve për të siguruar instalimin e
sigurt dhe eficient te organizimit të përditshëm;Kontrollet e Sistemeve Procedurale:
Rishikime të sistemeve kompjuterike për të siguruar që ata përfshijnë kontrolle
procedurale të përshtatshme dhe të sigurta; Kontrollet e Sistemeve të Zhvillimit
Njohuri bazë mbi përdormin e Rev Zone ( për të gjithë stafin e KLSH)
Aplikimi i Auditimeve Pilot për vlerësimin e përshtatshmërisë me praktikën audituese
dhe procese të tjera të administrimit dhe menaxhimit në KLSH.
Navigimi/Lundrimi në internet /Përdorimi i faqeve profesionale të internetit për
formimin profesional të audituesve.
d) Trajnime mbi Auditimin e Mashtrimit dhe Korrupsionit
KLSH luan një rol aktiv në kuadrin e përgjithshëm të luftës kundër mashtrimit dhe
korrupsionit në administrimin e fondeve publike. Ai ka gjithashtu një rol në parandalimin dhe
zbulimin e mashtrimit financiar, korrupsionit dhe llojeve të tjera të parregullsive në
operacionet qeveritare. Manuali i Auditimit të Mashtrimit dhe Korrupsionit i zhvilluar nga
Departamenti Legjislacionit dhe Kontrollit Standardeve të Cilësisë do të transmetohet
17
nëpërmjet trajnimeve të organizuara në nivel Departamenti. Gjatë vitit 2018 do të organizohen
auditime pilot, për të vlerësuar zbatimin e tij në praktikë.
Në bazë të vlerësimit të riskut të auditimit, audituesit duhet të zhvillojnë programin e auditimit
për auditimin e procedurave me të cilat ata do të arrijnë siguri të arsyeshme se gjatë auditimit
janë identifikuar të gjitha parregullsitë e rëndësishme.
Njohja me Manualin e Auditimit të Mashtrimit Financiar dhe Kontrollit do të ndihmojë
audituesit e KLSH-së në kryerjen e auditimeve efecientë dhe me cilësi të lartë në trajtimin e
çështjeve që mashtrimit dhe korrupsionit në subjektet publike .
e) Trajnime në fushën e Prokurimit Publik kombëtar , të Projekteve me financim të
huaj dhe Auditimi i Prokurimit Publik.
Kontrolli i Lartë i Shtetit (KLSH–ALSAI), duke kryer auditime të aktiviteteve të prokurimit
publik të sektorit publik, luan një rol kyç në ndihmën për të siguruar llogaridhënien në
prokurimin publik dhe për të ndihmuar prokurimin publik të përmbush rolet e tij në mënyrë të
duhur dhe efektive. Manuali Auditimit të Prokurimit Publik jep udhëzime për kryerjen e
funksionit të auditimit të prokurimit.Task Force e INTOSAI ka theksuar rolin që duhet të
marrë ky auditim dukë përcaktuar se …. qëllimi i auditimit të prokurimit publik do të jetë
t’i ofrojë të gjithë përdoruesve të interesuar informacion të pavarur, objektiv dhe të
besueshëm, konkluzione dhe mendime, bazuar në prova të mjaftueshme dhe të duhura, për t’iu
përgjigjur pyetjeve thelbësore të identifikuara”.9
f) Trajnime mbi kuadrin e përgjithshëm të menaxhimit të financave publike
Është e rëndësisë thelbësore që audituesit publikë të njohin ambientin në të cilin ata veprojnë,
pra sektorin publik. Kjo kategori trajnimi do të përfshijë:
Legjislacioni Evropian: Organet e BE-së, Instrumentat e Financiamit, Marrëveshjet në
kuadrin e Integrimit etj;
Kuadri legjislativ kombëtar për qeverisjen vendore: legjislacioni primar dhe sekondar
që mbulon procesin e administrimit të institucioneve të qeverisjes qendrore dhe pushtetit
vendor, menaxhimit të financave publike etj;
Kontrolli i Brendshëm Financiar Publik : Kuadri Ligjor për Menaxhimin financiar
dhe kontrollin, Inspektimin Financiar dhe Auditimin e Brendshëm Publik
Buxheti : Ligji Organik i Buxhetit të Shtetit, procesi i buxhetimit , implementimi dhe
monitorimi, kuadri primar dhe mbështetës;
Administrata Publike: Kodi i Procedurës Administrative , Kundravajtjet
Administrative dhe Veprat Penale
g) Trajnime për Menaxhimin e Auditimit
Kjo kategori është zhvilluar për nivelin e lartë të menaxhimit në KLSH ( Drejtorë
Departamenti, Kryeauditues, Drejtorë Drejtorie) . Objekt i trajnimit do të jenë Drejtorët e
9 INTOSAI Task Force, f. 34
18
Departamenteve dhe Drejtorive si dhe Kryeaudituesit. Tematika e trajnimit do të ofrojë
njohuri të nevojshme për menaxhimin në procesin e planifikimit, kontrollit dhe raportimit të
angazhimeve të auditimit. Trajnimi do të përfshijë temat e mëposhtme:
Planifikimi i Auditimit: Objektivat dhe fushat e auditimit, vlerësimi i risqeve, detyrat
e auditimit, periudha e auditimit, etj.
Kontrolli i auditimit : proceset për kontrollin e ecurisë së auditimeve dhe
metodologjitë që ndiqen ;
Vlerësimi i riskut : elementet e analizës së riskut dhe përdorimi i treguesve të riskut
në auditim;
Mbikëqyrja dhe auditimi: lidhja ndërmjet mbikëqyrjes, rishikimit pas auditimit dhe
rishikimit të sigurimit të cilësisë;
Raportimi auditimit: forma dhe përmbajta e llojeve të ndryshme të raporteve të
auditimit;
Dokumentimi i Auditimit: përmbajtja dhe përdorimet e Dosjes së Përhershme të
auditimit dhe llojeve të tjera të dokumentacionit.
h) Teknika të vecanta të auditimit
Kategoria e mësipërme e trajnimeve përfshin një tërësi njohurish që përdoren në lloje të
ndryshme auditimesh, ndërkohë që audituesit duhet të pajisen me njohuri teknike që i
nevojiten për kryerjen e auditimeve specifike.
Trajnimi në këto fusha do të zhvillohet si një kombinim i trajnimit formal me raste studimore
dhe situata të marra nga puna e përditshme e audituesve.
i) Trajnime mbi Standartet e Auditimit të Qeverisë (Libri i Verdhë) dhe Standartet e
Kontrollit të Brendshëm ( Libri Jeshil) të GAO-s
j) Trajnime të tjera me objekt trajtimin e tezave kërkimore shkencore të dobishme për t’u
integruar në praktikën e punës audituese të tilla si: Performanca, auditimi optimizimi e
mirëqeverisja, përdorimi i Data Mining në auditim, botime te tjera të KLSH;
k) Trajnime mbi politikat e burimeve njerëzore, Etika dhe Integriteti , INTOSAINT
ISSAI 30 , Kodi i Etikës i KLSH dhe Manuali Auditimit të Integritetit
II.3 KATEGORITË E GRUPEVE TË TRAJNIMIT
Në përshtatje me Kuadrin e Kompetencave të Audituesve/Nëpunësve, stafi që do të trajnohet
mund të kategorizohet në tre nivele:
Menaxherët e lartë: Drejtuesit e Departamenteve dhe Drejtorive, Kryeaudituesit,
Përgjegjësit e Sektorëve;
Auditues profesionistë: Auditues të lartë, Auditues të Parë dhe të dytë;
Stafi mbështetës: specialistët e strukturave mbështetëse;
19
Në mënyrë më të detajuar, tematika, përmbajtja dhe objektivat e çdo trajnimi janë paraqitur
ne aneksin bashkëngjitur këtij Plani.
II.4 METODOLOGJIA E TRAJNIMIT
Trajnimi do të formulohet dhe organizohet duke u mbështetur në praktikat më të mira të
trajnimit dhe mësimdhënies. Në organizimin e kurseve, ëorkshope-ve dhe seminareve të
trajnimit KLSH është udhëhequr nga udhëzimet e ofruara nga IDI dhe ka adoptuar metoda
dhe teknika të cilat konsiderohen të përshtatshme për kushtet aktuale.
“ Njerëzit janë të ndryshëm: ata mësojnë, marrin informacion dhe komunikojnë në mënyra të
ndryshme”10
. Mbi këtë bazë Programi i Trajnimit përcakton si shumë të rëndësishme
metodologjinë e trajnimit.
Ekiston një kuadër i gjerë i metodologjive të trajnimit në thelbin e të cilavë qëndron parimi i
dhënies formët të trajnimit sias nevojave dhe mundësive aktuale duke filluar që nga aplikimi i
rasteve studimore apo ndarja e roleve të cilat u mundësojnë pjesëmarrësve të aplikojnë
njohuritë dhe aftësitë e fituara gjatë trajnimit në praktikën e tyre të punës.
Përgjithësisht metodologjia e trajnimit në KLSH i referohet qasjes 4MATH , duke ndjekur
një rend të paracaktuar të zhvillimit të trajnimit :
1. Pse – që përcakton arësyen e kryerjes së trajnimit duke nxitur ndërveprimin ,
motivimin për pjesëmarrje
2. Cfarë – duke dhënë informacion dhe që i referohet mësimdhënies ,
3. Si – duke i treguar dhe pyetur se si funksionon në praktike , në këtë mënyrë
pjesëmarrësit kthehen në aktivistë ,
4. Cfarë nëse –duke i mundësuar pjesëmarrsve të vlerësojnë , pra arrijnë në konkluione
dhe njëkohësisht të mendojnë në nivel të së ardhmes.
Duke synuar rritjen e efektivitetit të trajnimeve dhe qasjen e trajnimit të orientuar drejt
rezultateve, praktikat kanë treguar se trajnimet me prezantime gradualisht duhet të
shoqërohen me teknika të tjera të cilat e bëjnë trajnimin më interaktiv dhe cdo pjesëmarrës të
ndjehet palë e barabartë. Gjithashtu metodat interaktive sigurojnë shkallë më të lartë
kontributi të secilit individ dhe informacion të dobishëm për mënyrën e organizimit në të
ardhmen.
Zhvillimi Teknologjisë së Informacionit dhe plotësimi i infrastrukturës së rrjetit, pajisja e cdo
audituesi me PC dhe Laptop kanë krijuar kushtet që në KLSH të adoptohen dhe metoda të
trajnimit online duke bërë që e-learning të bëhet pjesë e qasjes trajnuese të stafit.
Ndryshimi i premisave ( ndërtesës) së punës për KLSH konsiderohet si një faktor me impakt
pozitiv në mbështetje të rritjes së efektivitetit të trajnimeve. Ndërtimi i tre sallave
trajnimi/takimi krijon mundësinë e zhvillimit të aktiviteteve paralele.
10
“Designe for How People Larn” Julie Dirksen
20
Krijimi i Bibliotekës / Librarisë së KLSH mundëson lehtësira që mbështesin të studiuarit në
mënyrë individuale dhe të pavarur për cdo auditues.
Përmirësimi i kushteve të punës krijon mundësinë e përdorimit të teknologjisë së multimedias
dhe pajisjeve të tjera profesionale teknike, që janë të nevojshme për ofrimin e trajnimeve me
cilësi të lartë dhe metoda bashkëkohore.
II.5 METODAT E TRAJNIMIT
Në praktikat e trajnimit ekzistojnë një tërësi metodash të ndryshme të cilat mund të përdoren
në përshtatje me llojin dhe objektivat e trajnimit. Përzgjedhja e një apo më shumë metodave
të kombinuara është në funksion të një numër konsiderimesh:
1. Qëllimi i trajnimit është një faktor i rëndësishëm për t’u marrë në konsideratë në
zgjedhjen e metodologjisë. Njohuritë mund të jepen nëpërmjet metodave tradicionale sikurse
janë leksionet apo diskutimet në klasë. Aftësitë dhe sjelljet mund të zhvillohen nëpërmjet
metodave eksperimentale si stimulimet, rastet studimore, vendosja e roleve etj
2. Natyra e përmbajtjes së trajnimit shpesh përcakton dhe natyrën e metodologjisë.
Kombinimi i teorisë me praktikën mund të jetë kërkesë e domosdoshme në shumicën e
rasteve të studimit.
3. Treguesi i kostos është gjithashtu një faktor mjaft i rëndësishëm. Kostot e procesit
duhet të merren parasysh në përzgjedhjen e metodologjisë së trajnimit por në të njëjtën kohe
nuk duhet të kthehen në pengesë apo të cenojnë cilësinë ë trajnimit.
Programi i Trajnimit për vitin 2018 përfshin metoda të reja të përshtatshme për modelin e ri
të trajnimit të drejtuar nga rezultatet. Metodat për trajnim janë përzgjedhur në përshtatje me
objektivat e trajnimit duke synuar të nxisin pjesëmarrjen, “ promovimin e të mësuarit
nëpërmjet ushtrimit ”, të jenë realiste dhe të përshtatshme me aftësitë e pjesëmarrësve dhe
situatën. Prezantimet dhe të tjera përdorime të multi medias konsiderohen si mjete të cilat
rrisin interesin dhe shtojnë vlerën e trajnimit.
Mbështetur dhe në eksperiencën e fituar në gjashtë viteve të fundit , trajnimet e periudhës së
ardhshme do të përfshijnë një kombinim të metodave konjitive ( të njohjes) dhe metodave të
sjelljes të cilat paraqiten sa më poshtë:
Prezantime /leksione
Trajnimi me anë të leksioneve mundëson transmetimin e njohurive nga trajneri/lektori tek
pjesëmarrësit por duke nxitur aktivizimin e tyre në sesionet e trajnimit. Prezantimet e
trajnuesit shoqërohen me pyetje përgjigje ç’ka i mundëson pjesëmarrësve të qartësohen dhe
të asimilojnë më mirë njohuritë e ofruara gjatë trajnimit.
Tryeza të përbashkëta diskutimi
Diskutime për shkëmbim eksperiencash të ngjashme brenda Departamentit të auditimit dhe
ndërmjet departamenteve, apo ndërmjet Departamentit dhe palëve të treta jashtë KLSH të
interesuar për një çështje të veçantë mund te konsiderohet si një mjet efektiv me përfitim te
dyanshëm për çdo pale.
Rastet Studimore
21
Përdorimi i rasteve studimore konsiderohet metoda kryesore e trajnimit profesional. Rastet
studimore të përzgjedhura nga situata aktuale krijojnë diskutime dhe motivojnë pjesëmarrësit
të jenë aktivë dhe të shprehin idetë, ndihmojnë kuptimin e koncepteve të reja dhe aftësive që
do të aplikohen në situate të ngjashme në praktikën e punës .
Ndarja e roleve
Teknika e ndarjes së roleve është mjaft efektive për zhvillimin e aftësive ndërpersonale të
pjesëmarrësve si dhe rrit ndërveprimin midis tyre.
Zhvillimi i materialeve të trajnimit
Zhvillimi i materialeve të përshtatshme të trajnimit është një nga faktorët kryesorë për
suksesin e trajnimit. Materialet e trajnimit janë një mbështetje e madhe jo vetëm gjatë
trajnimit por dhe më pas për implementimin e njohurive të fituara në praktikë.
Mentoring – Tutori
Një formë trajnimi në punë ( on job training) u eksperimentua për herë të parë gjatë vitit 2014
në KLSH. Mbështetur në Urdhërin e Kryetarit të KLSH, nr. 40 datë 11.04.2014 “Mbi
shkëmbimin e eksperiencave më të mira brenda Institucionit” të gjithë audituesit e rekrutuar
gjatë dy viteve të fundit, kryen trajnimin në punë të vazhdueshëm nën kujdesin e një audituesi
me eksperiencë në fushën e auditimit.
Kjo metodë do të vijojë të aplikohet dhe në periudhën vijuese, por duke konsideruar dobësitë
e identifikuara gjatë zbatimit të mëparshëm dhe duke synuar që kjo të kthehet në një qasje e
zakonshme dhe frytdhënëse në përvojën trajnuese të KLSH.
E-learning
Studimi dhe ndjekja e leksioneve nëpërmjet komunikimit elektronik konsiderohet mjaft
efektive. Përvoja e IDI dhe CEF do të vijojë të zbatohet dhe në periudhat e ardhshme në
KLSH.
Konferencat dhe seminare
Organizimi nga vetë KLSH i Konferencave Shkencore dhe pjesëmarrja në Konferenca të
nivelit Kombëtar dhe Ndërkombëtar përbëjnë një nga risitë e sjella në metodologjinë e
trajnimit për vitet e mëparshme , eksperiencë që do të vijojë të thellohet gjatë vitit 2018.
Publikimi në media
Publikimi i materialeve të trajnimit në intranet, internet dhe kanale te tjera të medias shtrin
impaktin e trajnimit , e bën atë më efektiv dhe kjo arrihet nëpërmjet krijimi i një “ Dosjes së
Materialeve të Trajnimit” të cilën çdo anëtar i stafit të KLSH do të ketë aksesin për ta
përdorur dhe për ta studiuar. Ofrimi i të dhënave mbi faqet e internetit do të shërbej si
udhërrëfyes nëpërmjet të cilit audituesit do të mund të sigurojnë informacion të dobishëm për
punën e tyre.
Shkrimet në median e shkruar dhe pjesëmarrja në veprimtari kërkimore shkencore
Njohja me organizmin e aktivitete kërkimore shkencore, konferenca kombëtare dhe
ndërkombëtare të fushës do të nxisë kalimin gradual nga metoda e trajnimit në klase
22
ndjekjes së leksioneve në studimin e pavarur dhe online si dhe punën shkencore në KLSH.
Kjo përfaqëson një nga metodat bashkëkohore të zhvillimit profesional dhe motivohet
fuqimisht nga menaxhimi i lartë në institucion.Prania e stafit të KLSH me shkrime në
shtypin e përditshëm si dhe në Revista dhe Publikime Shkencore e profesionale do të vijojë
të mbetet një objektiv për periudhat e ardhshme.
II.2.4 FORMAT E TRAJNIMIT
Trajnimi do të organizohet në katër forma kryesore:
Trajnim brenda KLSH: nga ekspertë dhe trajnerë staf i brendshëm i KLSH
Trajnim brenda vendit: nga ekspertë të jashtëm të institucioneve ndërkombëtare
ose kombëtare;
Trajnime të tjera brenda vendit : nga organizata dhe institucione kombëtare
Trajnime jashtë vendit: pjesëmarrje ne kurse trajnimi, vizita studimore,
konferenca dhe seminare të organizuara nga institucione homologe apo organizata
ndërkombëtare jashtë vendit
II.6 MODELI I PJESËMARRJES
Individët mësojnë më shumë kur ata përfshihen në mënyrë aktive në procesin e trajnimit.
Zhvillimi i kapaciteteve individuale çon në rritjen e kapaciteteve të vetë institucioneve, çka
do të thotë dhe zhvillim në tërësi për shoqërinë.
Menaxhimi i KLSH është angazhuar të fuqizojë kapacitetet individuale dhe institucionale
brenda tij dhe sikurse përcaktohet në Planin Strategjik të INTOSAI-t “...Trajnimi është
konsideruar si një nga mjetet për të çuar përpara zhvillimin profesional dhe vlerat e
institucionit11
...” dhe ai bazohet në pjesëmarrjen aktive.
Për këtë qëllim gjatë planifikimit të trajnimit çështjet kryesore që janë mbajtur në konsideratë
janë si më poshtë:
• Të punohet në mënyrë të vazhdueshme për të përshtatur kërkesat e individëve me objektivat
e zhvillimit të institucionit po ashtu dhe qeverisjes në përgjithësi.
• Vendosja e objektivave të qarta të trajnimit. Kjo ndihmon pjesëmarrësit të kuptojnë
pritshmëritë e tyre në drejtim të njohjes , si dhe përcaktimit të metodave dhe mjeteve të
trajnimit. Për më tepër kjo do të ndikojë në vlerësimin e performancës së trajnerëve dhe vetë
procesit të trajnimit.
• Siguria që çdo trajnim ka në qendër eksperiencën dhe njohuritë e pjesëmarrësve. Trajnimet
duhet të projektohen të tilla që të maksimizojnë ndërveprimin midis teorisë dhe praktikës, po
ashtu dhe midis vetë pjesëmarrësve.
11
www.intosai.org
23
• Përfshirjen e feed-back-ut të pjesëmarrësve gjatë gjithë procesit: para, gjatë dhe pas
trajnimit.
Në fund të çdo trajnimi pjesëmarrësit do të pajisen me materialet e trajnimit te cilat do të
publikohen dhe në rubrikën përkatëse të trajnimeve në intranet.
II.7 CIKLI dhe DREJTUESIT E TRAJNIMIT
Plani i Trajnimit përfshin periudhën Janar 2018 - Dhjetor 2018, gjatë të cilit parashikohet të
mbulohen me trajnime të gjitha kërkesat e nevojat e përcaktuara në procesin e Analizës.
Cikli i trajnimit synohet të sigurojë që të ofrojë trajnime të përshtatshme, në kohë dhe me
cilësi të lartë nga ekspertë të jashtë ashtu dhe nga ekspertë brenda institucionit. Ai përfshin
një model të qëndrueshëm për të kuptuar dhe vlerësuar nevojat për trajnim dhe për të hartuar
dhe ofruar mbi këtë bazë, trajnime që përfshijnë metoda të përparuara, praktike dhe të
përshtatshme për stafin e KLSH.
Organizimi dhe formatimi i trajnimeve janë konceptuar që t’i japin mundësinë çdo audituesi
në KLSH të marrë pjesë në 20- 25 ditë trajnimi në vit, dhe stafi i rekrutuar rishtazi 30 ditë
trajnimi në vit.
Ky objektiv përfshin trajnime brenda dhe jashtë vendit , por duke u fokusuar gjithnjë e më
shumë në arritjen e niveleve të larta cilësore të trajnimit të cilat varen kryesisht nga cilësia e
njohurive të ofruara dhe përzgjedhja e trajnerëve të aftë dhe me eksperiencë në fushën e
trajnimit.
Synimi për të siguruar cilësi të lartë në trajnim në gjashtë vitet e fundit , 2012-2017 ka
shtuar përpjekjet për të përfshirë Trajnues/Lektorë me profil të lartë profesional dhe
integritet në fushën akademike dhe profesionale. Trajnimet brenda vendit do të vijojnë të
zhvillohen nga ekspertë dhe konsulentë të huaj me eksperiencë në fushën e auditimit të
jashtëm dhe lidhur me to të cilët kanë treguar profesionalizëm të lartë në veprimtari të
mëparshme me KLSH, duke kombinuar në mënyrë të arsyeshme, përvojën e tyre
ndërkombëtare me eksperiencën kombëtare.
Program Trajnimi përfshin angazhimin e ekspertëve lokalë të fushës akademike si : Prof. Dr.
Skënder Osmani, Prof. Dr. Jorgji Bollano, Prof. Dr. Sazan Guri, Prof.as Dr.CPA Hysen
Çela, etj. Krahas trajnerëve nga fusha akademike, angazhimi i prakticienëve do të krijojë
kuadrin e plotë të “Grupit të Trajnerëve dhe Lektorëve” të cilët do të bëjnë të mundur
ofrimin e njohurive dhe praktikave për të cilat kanë nevojë të trajnohen audituesit e KLSH.
Në këtë grup do të përfshihen Drejtues Departamentesh/Drejtorish, Kryeauditues, Auditues
të Lartë të cilët kanë treguar performancë të lartë në ushtrimin e funksionit të audituesit gjatë
eksperiencës së tyre profesionale, auditues që janë trajnuar për një kohë të gjatë në ECA
dhe/apo GAO, si dhe auditues/drejtues që kanë tituj dhe/apo gradë shkencore :
1. Dr.Bujar Leskaj
2. Prof.Dr. Lindita Lati
3. Prof.asc. Dr. Manjola Naco;
4. Dr. Rinaldo Muca
24
5. Dr. Ermal Yzeiraj;
6. Msc. CIPFA Luljeta Nano;
7. MPA Albana Gjinopulli,CIPFA, CIA;
8. Msc.Irena Islami
9. Bajram Lamaj;
10. Kozma Kondakci
11. Yllka Pulashi
12. Muhamet Kavaja
13. Niko Nako
14. Xhuljeta Celaj
15. Aulona Jonuzi.. etj.
Kjo “bërthamë” trajnuesish është ndërtuar në një formë të tillë që të sigurojë një ekuilibër të
përshtatshëm midis eksperiencës dhe praktikave nga jashtë vendit me situatat dhe kushtet
aktuale të vendit si dhe harmonizimin e këtyre elementëve. Ajo gjithashtu do të sigurojë një
ekuilibër të arsyeshëm midis përfaqësuesve të fushës akademike me përfaqësuesit e
organizatave profesionale dhe ekspertëve nga praktika.
KLSH do t’i kushtojë vëmëndje të vecantë zhvillimit të kapacietetve të brendshme trajnuese
duke mundësuar pjesëmarrjen në Programe Trajnimi të Trajnerëve, në përputhje kjo me
rekomandimet e SIGMA dhe ekspertëve të NIK të Polonisë.
Një nga burimet kryesore të trajnimeve në KLSH do të vijojnë të jenë trajnimet “Brenda
Departamenteve”. Me qëllim që ky element të zhvillohet dhe forcohet më tej dhe duke
konsideruar eksperiencat e viteve të mëparshme, për vitin 2018 planifikohet që krahas çdo
lloj trajnimi tjetër , çdo Departament Auditimi duhet të organizojë të paktën një ditë të
shtunë në muaj trajnime me audituesit e tij. Drejtorët e Departamenteve dhe Kryeaudituesit
do të udhëheqin këtë iniciativë duke planifikuar trajnimet mbi bazë të nevojave për njohuri
praktike dhe teorike.
II.8 VLERËSIMI I PERFORMANCËS SË PROCESIT TË TRAJNIMIT
Në përfundim të çdo trajnimi, feedback-u/informacioni nga pjesëmarrësit do të sigurohet
nëpërmjet një “Formati të Vlerësimit të Trajnimit” i cili do të shërbejë si bazë për rishikimin
e Planit Vjetor të Trajnimit dhe ofrimin e trajnimeve sa më të përshtatshme dhe të cilësisë së
lartë për stafin si në formë ashtu dhe në përmbajtje. Vlerësimi i performancës së Trajnimit
do të përfshijë : vlerësimin e performacës dhe nivelit të trajnuesit/ lektorit , metodat dhe
format e trajnimit, përmbajtja dhe përshtatshmëria e tematikave të përzgjedhura, lehtësirat
dhe mjaftueshmëria e materialeve të trajnimit etj. Qëllimi i vlerësimeve lidhet me “ Vlerën e
shtuar” në trajnim e përcaktohet si rritja që stafi i trajnuar arrin ( njohuritë, aftësitë dhe cilësi
të tjera) si rezultat i trajnimit të tyre në nivele më të larta. Vlera e shtuar i referohet çfarë
vlere akumulon audituesi si rezultat i trajnimit brenda një periudhe kohe të caktuar.
Trajnimi i konsoliduar dhe sistematik do të sjellë përfitime potenciale për KLSH. Krahas
përfitimeve të tjera nga aplikimi i një sistemi bashkëkohor dhe të cilësisë së lartë të trajnimit ,
do t’i mundësojë KLSH që:
Të përmirësojë në mënyrë të vazhdueshme njohuritë dhe aftësitë ekzistuese dhe
njëkohësisht të nxisë zhvillimin e aftësive të reja;
25
Të rrisë nivelin e njohurive dhe eksperiencën e stafit
Të rrisë motivimin e stafit për t’u zhvilluar profesionalisht;
Të përmirësojë performancën në punë e cila do të rezultojë në përmirësimin në
përgjithësi të produktivitetit të punës audituese;
Të rrisë cilësinë e shërbimeve të ofruara nga audituesit dhe njëkohësisht sigurojë
përmbushjen e pritshmërive të subjekteve të audituara;
Të rrisë aftësinë dhe fleksibilitetin për t’u përshtatur me ndryshimet e jashtme të
ambientit;
Të përmirësojë dhe të rrisë reputacionin e KLSH si institucion me vlera të larta
profesionale dhe integritet të lartë moral;
Të sigurojë angazhim më të lartë dhe përgjegjshmëri të stafit që punon në KLSH.
Një nga aspektet më pozitive që pritet të zhvillohet nëpërmjet krijimit dhe implementimit të
një sistemi të qëndrueshëm dhe efektiv trajnimi është nxitja dhe motivimi i çdo individi për
t’u zhvilluar profesionalisht dhe për të ecur përpara mbi baza të vlerësimit meritokratik.
Promovimi dhe ngritja në detyrë të çdo audituesi që zotëron dhe ka fituar njohuri dhe aftësi
të larta profesionale do të realizohet vetëm nëpërmjet një procesi transparent dhe motivues
Testimi Profesional.
Ky proces në aspektin individual do t’i mundësojë çdo fituesi ngritjen në kategori sipas
njohurive dhe vlerave të treguara në testim dhe performancën në punë dhe në aspektin
institucional do të sigurojë që KLSH të krijojë një sistem të zhvillimit profesional sipas
meritave dhe aftësive që çdo pjese e stafit të tij zotëron. Testimi i njohurive do të shtrihet
gjatë gjithë periudhës dhe për të gjithë stafin duke synuar vlerësimin e nivelit të përditësimit
të njohurive dhe maturimit të profesionalizmit të çdo individi , staf i KLSH.
III. BASHKËPUNIMI INSTITUCIONAL
Motoja e INTOSAI-t : “Experentia mutua omnibus prodest” “ Nga eksperienca e përbashkët
përfitojnë të gjithë” ka udhëhequr KLSH në vendosjen e marrëdhënieve të ndërsjella
bashkëpunimi me partner ndërkombëtarë dhe kombëtarë të fushës së auditimit të cilat
mbulojnë dhe një rang të gjerë veprimtarish trajnimi.
KLSH është anëtar i INTOSAI-t qe nga viti 1984 dhe anëtarësimi ne ketë organizate e
obligon për te respektuar standardet e kësaj organizate si dhe siguron që KLSH të jetë pjesë e
rrjetit të trajnimeve dhe iniciativave të tij si IDI - INTOSAI Development Initiative, i cili ka
ngritur rrjete të trajnimit në të gjithë rajonet e botës, me trajnerë rajonalë, dhe synon të
zhvillojë dhe ofrojë programe të qëndrueshme dhe bashkëpunimi për SAI-t si pjesë e vizionit
të tij për t’u bërë një lider global në fuqizimin e kapaciteteve të SAI-ve. Përveç kësaj një
bashkëpunim i ndërsjelle parashikohet te zhvillohet edhe me EUROSAI-n .
Bashkëpunimi është një faktor kyç në rritjen e cilësisë së trajnimeve në tre vitet e fundit, për
këtë arsye Programi i Trajnimit është parashikuar të realizohet në bashkëpunim me
Institucionet dhe Organizata profesionale të fushave përkatëse në nivel ndërkombëtar dhe
kombëtar.
26
INTOSAI& EUROSAI
Bashkëpunimi i KLSH me INTOSAI, EUROSAI dhe institucionet homologe evropiane do
te vazhdojë sipas përvojave shumë të frytshme të viteve 2012 - 2017 nëpërmjet vendosjes
se kontakteve te vazhdueshme, trajnimeve pranë SAI-ve te përparuara evropiane,
shkëmbimit te informacionit dhe përvojave, si dhe kryerjes se veprimtarive te përbashkëta,
gjë e cila ndikon drejtpërdrejt ne forcimin e kapacitetit institucional.
“ Për të arritur përmirësime pozitive dhe të qëndrueshme, ka rëndësi të madhe që reformat
të vijnë brenda vetë SAI. Megjithatë shumë SAI mund të kërkojnë mbështetje nga jashtë për
të punuar me ta dhe për të përfituar nga eksperienca e të tjerëve”12
.
Pjesëmarrja në aktivitetet e INTOSAI-t dhe EUROSAI-t konsiston në pjesëmarrjen aktive
në Grupe Pune dhe Task Force si dhe takime Rajonale dhe Konferenca Ndërkombëtare e
Kongrese.
Marrëveshjet me Organizatat dhe Institucionet Ndërkombëtare, SAI-t homologe
Marrëdhëniet me Organizatat dhe Institucionet Ndërkombëtare, SAI-t homologe si dhe
organizata profesionale dhe të shoqërisë civile brenda vendit janë institucionalizuar
nëpërmjet nënshkrimit të Marrëveshjeve të Bashkëpunimit midis tyre dhe KLSH gjatë
periudhës 2012-2017. Gjatë gjashtë viteve të fundit janë lidhur 9 Marrëveshje Bashkëpunimi
me Institucione Shtetërore, 27 Marrëveshje më Organizata të Shoqërisë Civile, Universitete
dhe Zyra të Programeve Ndërkombëtare si dhe 15 Institucione Homologe të vendeve anëtare
të BE-së dhe rajonit. Konferenca Shkencore është afirmuar si një forum i rëndësishëm për
të vendosur një komunikim të drejtpërdrejtë, përmes prezencës së theksuar të mediave, për
të transmetuar tek qytetarët arritjet, sfidat, problematikat dhe idetë e reja për menaxhimin e
shëndoshë të financave publike duke përfshirë ekspertë të fushës profesionale, akademike si
dhe shoqërinë civile.
Bashkëpunimi me Zyrën e Auditorit të Përgjithshëm të Kosovës do të shtrihet në një
dimension më të gjerë duke organiuar trajnime dhe seminare të përbashkëta, ku
përfitueshmëria pritet të rritet ndjeshëm për sa informacioni do të pasurohet me eksperincat
e dy vendeve.
Zyra e Auditimit të Qeverisë të SHBA-së dhe Gjykata Evropiane e Audituesve
Në modernizimin e Kontrollit të Lartë të Shtetit kanë dhënë një kontribut të çmuar Gjykata
Evropiane e Audituesve (ECA), dhe Zyra e Auditimit të Qeverisë të SHBA-së (GAO),
nëpërmjet ofrimit të programeve afatgjatë të intership-eve për periudha disa mujore.
Falë kësaj asistence, në KLSH po krijohet një gjeneratë e re audituesish me parametrat e
kolegëve të tyre evropianë. Deri në fund të vitit 2017, kanë marrë pjesë 10 auditues dhe dy
të tjerë janë të miratuar. Internshipi në Gjykatën Evropiane të Audituesve në Luksenburg,
konsiderohet një mjet shumë i rëndësishëm për të ofruar njohuri mbi auditimin e fondeve të
BE-së, për audituesit e SAI-ve të vendeve që aspirojnë të bëhen anëtare të BE-së.
12
www.intosai.org
27
Marrëdhëniet me Zyrën e Auditimit të Qeverisë të SHBA-së, rifilluar në vitin 2013 , pas një
shkëputje disa vjeçare, janë kthyer tashmë në një nga bashkëpunimet më produktive për
KLSH. Programi studimor 5-mujor me Qendrën e Ekselencës së GAO-s i hartuar për të
forcuar kapacitetet e SAI-ve dhe për të rritur llogaridhënien dhe mirëqeverisjen, është një
burim i zhvillimit të kapaciteteve audituese në KLSH. Deri tani, KLSH është përfaqësuar me
3 auditues ndërkohë që dy auditues të tjerë do të kryejnë programin në gjysmën e parë të vitit
2018. Pjesëmarrësit kanë mundësi të njihen me përvojën amerikane të auditimit, me qëllim
zhvillimin e teknikave dhe metodologjive audituese sipas praktikave më të mira të GAO-së
për të sjellë ndryshim dhe për ta përcjellë dijen e përfituar në SAI-et e vendeve të tyre
respektive.
Në këtë kontekst, implementi i Standarteve të Auditimit të Qeverisë (Yellow Book) dhe
Standardet për Kontrollin e Brendshëm në Qeverinë Federale (Green Book) të përkthyera dhe
të adoptuara nga KLSH-ja do të jenë pjesë e kuadrit të standardeve mbi të cilat do të
mbështetet puna e audituesve publik.
Institucione të tjera ndërkombëtare
CEF- Qendra e Më të mirës në Financë në Lubjanë , Slloveni, si një institucion i mirënjohur
për trajnime në fushën e financave publike dhe administratës publike do të vazhdojë të
frekuentohet rregullisht për ato aktivitete temat e trajnimit të të cilave përshtaten dhe
konsiderohen të nevojshme për njohuritë dhe aftësitë e audituesve të KLSH.
Aktivitete të përbashkëta trajnimi parashikohet të kryhen dhe me organizata të tjera
ndërkombëtare si Banka Botërore dhe USAID. Të tilla trajnime synojnë të sjellin bashkë ,
në një ambient diskutimi dhe shkëmbimi të eksperiencave midis implementuesve të
projekteve të financuara nga financues ndërkombëtare dhe audituesve të KLSH me qëllim
që nëpërmjet bashkëpunimit të rritet efektiviteti i procesit të auditimit. Në vijim njohja dhe
përditësimi me procedurat më të reja të financimit të donatorëve do të jenë disa prej temave
që do të trajtohen sipas nevojave të stafit auditues.
Projekti Binjakëzimit “IPA”
Gjatë vitit 2017 Projekti i binjakëzimit IPA, “Fuqizimi i kapaciteteve te auditimit të
jashtëm” ka qëne dhe ofruesi kryesor i trajnimeve brenda vendit me eksperte të huaj po ashtu
dhe jashtë, në NIK të Polonisë, SAI Kroacisë dhe Gjykata e Auditmit të Hollandës.
Veprimtaritë e realizuara nën Projektit IPA përfshinë 3 komponentë:
Komponenti 1 :Përmirësimi i kuadrit ligjor për auditimin
Komponenti 2: Zhvillimi i metodologjive të auditimit
Komponenti 3 : Fuqizimi i kapaciteteve institucionale të KLSH
Kapaciteti i stafit auditues konsiderohet të ketë ende nevojë për tú zhvilluar dhe për tú sjellë
në kërkesat e standardeve të INTOSAI-T dhe praktikave më të mira evropiane.
Veprimtaritë e Projektit të Binjakëzimit do të vijojnë edhe gjatë 6-mujorit të parë të vitit
2018 duke synuar zhvillimin dhe trajnimin e burimeve njerëzore dhe duke përdorur metoda
dhe teknika të avancuara në auditim, përmirësuar raportet e auditimit dhe në mënyrë të
28
vecantë gjetjen e rrugëve efektive për të arritur një nivel të lartë të implementimit të
rekomandimeve të KLSH.
Projekti “Mbështetje e SIGMA-s për Kontrollin e Lartë të Shtetit”
Në rrugën e katër viteve 2012-201513
, mbështetje e konsiderueshme për KLSH në fushën e
trajnimeve është siguruar nga SIGMA, z. Joop Vrolijk dhe ekspertë të tjerë të angazhuar.
Nëpërmjet Projektit “Për mbështetje institucionale dhe asistencë për KLSH” në kuadrin
kohor tre vjeçar krahas aktiviteteve të tjera janë organizuar dhe u vlerësuar nga
pjesëmarrësit tepër të suksesshme mbi 15 trajnime ( workshop-e) të cilat kanë ofruar jo
vetëm shumëllojshmëri tematikash të përzgjedhura me kujdes sipas nevojave të stafit por u
dalluan për efektivitet të lartë si në mënyrën e organizimit ashtu dhe në nivelin e lartë
profesional të ekspertëve të trajnimit.
SIGMA mbetet një nga partneret tanë kryesore dhe nder me te rëndësishmit jo vetëm për
kontributin e Programit gjate viteve te fundit ne monitorimin dhe vlerësimin e aktivitetit te
KLSH, por edhe për ndihmësen thelbësore qe ka dhëne gjate viteve me trajnime ne fushën e
auditimit te performances, te auditimit të fondeve të donatorëve dhe auditimit te sistemeve
të teknologjisë se informacionit, qasjeve audituese dhe për trajnimin e audituesve të rinj me
elementët bazë të auditimit.
KLSH do te vazhdoje bashkëpunimin për trajnime dhe asistencë teknike nga SIGMA
përgjatë vitit 2018.
Implemetinimi i Standarteve te Kontabilitietit dhe Organizatat Profesionale Lokale
Shoqatat profesionale kombëtare vlerësohen nga KLSH si një partner i rëndësishëm,
veçanërisht Instituti i Eksperteve Kontabël te Autorizuar(IEKA), Këshilli Kombëtar i
Kontabilitetit, Shoqata e Kontabilistëve dhe Financierëve të Shipërisë si dhe shoqatat e
ndryshme te kontabilisteve, me te cilat institucioni ka lidhur marrëveshje bashkëpunimi dhe
do te zhvilloje veprimtari me interes te ndërsjelle, kryesisht ne zbërthim dhe zbatim te
standardeve ndërkombëtare te kontabilitetit.
Në nivel kombëtar, Marrëveshjet e Bashkëpunimit me Organizata Profesionale si IEKA,
Këshilli Kombëtar i Kontabilitetit, Instituti “ G&G”, Shoqata e Kontabilistëve dhe
Financierëve të Shqipërisë si dhe Agjenci Publike do të sigurojnë në një masë të ndjeshme
trajnime të stafit për fushat që ato mbulojnë.
Profili profesional është parashikuar të kombinohet me kuadrin nga fusha akademike dhe
shkencore. Profesorë dhe njerëz të shquar të fushës akademike do të janë pjesë e cikleve të
rëndësishme të trajnimit për fusha të cilat nuk janë trajtuar apo janë trajtuar fare pak në
trajnimet për audituesit.
Shkolla Shqiptare e Administratës Publike ( ASPA) do të jetë një ndër burimet që KLSH do
të përdorë për të përmbushur objektivat e trajnimit për tematika që lidhen me funksionimin
dhe organizimin e sektorit publik. Bashkëpunimi me këtë institucion do të konsistojë në :
13
Fillimi I implementimit te Projektitte Binjakezimit kufizoi mbeshtetjen e KLSH nga SIGMA pergjate viteve 2016-2017
29
1. Pjesëmarrjen e audituesve në trajnimet e ASPA–s në përshtatje me tematikën që do të
trajtohet si dhe nivelin e njohurive që do të ofrohen; Në mënyrë të veçantë tematikat për
trajnime në aftësitë e përgjithshme “soft skills” si : komunikimi, menaxhimi i burimeve,
gjuha e folur dhe e shkruar etj;
2. Angazhimin e stafit me eksperiencë të KLSH në trajnimet e ASPA për institucionet e
tjera;
3. Organizimin e trajnimeve specifike nga ASPA vetëm për stafin e KLSH.
Harta e bashkëpunimit institucional me partneret ndërkombëtarë në fushën e trajnimeve
parashikohet të marrë një formë të re multidimensionale si në drejtim të numrit të aktorëve të
përfshirë ashtu dhe shumëllojshmërisë së përmbajtjes.
IV. FAKTORËT KRITIKË KUFIZUES
Megjithë përpjekjet për hartimin e Programit të Zhvillimit Profesional mbi baza realiste dhe
nivele optimale për arritjen e objektivave, ekzistenca e disa faktorëve kufizues, kërkon
njohjen dhe vlerësimin e tyre me qëllim që KLSH të jetë e aftë t’i përgjigjet sfidave me të
cilat mund të përballet gjatë implementimit të këtij Programi. Analiza e faktorëve kufizues do
të mundësojë që të ndërmerren hapat e nevojshëm për minimizimin e risqeve të cilat mund të
ndikojnë negativisht në arritjen e objektivave që KLSH ka vendosur lidhur me trajnimet për
vitin 2018. Të tillë faktorë kufizues mund të përmendim:
Rezistenca ndaj ndryshimit.-Perceptimi se nuk ka nevojë për përmirësim individual
vjen si pasojë e mediokritetit që në disa raste ndeshen në administratë. Faktor risku për
ndodhjen e kësaj ngjarje është dhe konsiderimi i vendit të punë si një ngjarje e
përkohshme dhe mos integrimi me fizionominë e institucionit. Evitimi i kësaj ngjarje
vjen vetëm si pasojë e integrimit të stafit në procese trajnuese, të cilat kanë lidhje të
ngushtë me punën e përditshme dhe kanë kaluar në një proces përzgjedhës sa më të
kujdesshëm.
Koordinimi më i mirë i veprimtarive- Koordinimi më i mirë midis veprimtarive
trajnuese ( brenda dhe jashtë vendit) ndikon në nivelin e efektivitetit të trajnimit si në
kohe ashtu dhe përmbajtje. Të gjithë komponentët e trajnimit duhet të veprojnë dhe
harmonizohen duke plotësuar njëri tjetrin si elementë të njëjtit sistem dhe që i
shërbejnë një qëllimi të përbashkët.
Koordinimi ndërmjet vetë Departamenteve të KLSH dhe në mënyrë specifike i
Departamentit të Metodologjisë dhe Strategjisë së Auditimit me Departamentin Juridik
dhe Departamentet e Auditimit.
Kufizimi buxhetor - Buxheti i kufizuar mund të sjellë impakt negativ duke ulur
mundësinë e angazhimit të ekspertëve të jashtëm (jashtë KLSH-së), po ashtu dhe në
pjesëmarrjen në aktivitete trajnimi që kërkojn ë kosto shtesë pjesëmarrje apo kosto të
larta të akomodimit. Kërkesat e kuadrit ligjor lidhur me shpenzimet për qëllime
trajnimi të administratës shtetërore kufizojnë ndjeshëm dhe shpesh bëhen pengesë e
zbatimit të politikave të KLSH për zhvillim profesional të stafit.
30
Disponibiliteti i burimeve trajnuese - Gjatë fazës parapërgatitore për hartimin e
Planit të Veprimtarive të Trajnimit , veprimtaritë e përfshira në Plan janë diskutuar me
stafin që do të ofrojë këto trajnime. Megjithatë, komunikimi i vazhdueshëm dhe
kontaktimi në avancë për të siguruar vlefshmërinë e trajnerëve, do të rrisë sigurinë që
veprimtaritë të zhvillohen në kohë dhe sipas parashikimeve.
Koha e kufizuar - Procesi trajnues është si një faktor mbështetës i detyrës kryesore
që është kryerja e auditimit. Për këtë procesi i trajnimit është implementuar duke
përdorur angazhimin më të ulët kohor të mundshëm. Shfrytëzimi i hapësirave kohore
midis përfundimit të një auditimi dhe fillimit të një tjetri, shfrytëzimi i ditëve me
angazhim më të ulët në auditim ka sugjeruar ndërtimin e një procesi trajnimi ku
grafiku kohor është përcaktuar në nivel muaji, duke krijuar mundësinë për një
implementim fleksibël të procesit.
Njohuritë e kufizuara në gjuhët e huaja – Në kushtet e reformimit institucional, ky
faktor kufizues mbetet për t’u vlerësuar vetem për një pjesë të vogël të audituesve që u
përket moshës mbi 55 vjec. Për gjatë periudhës 2011- 2017, mosha mesatare e
audituesve është ulur nga 50 në rreth 42 vjec, ku peshën më të madhe e zënë auditues të
rinj që janë të pajsur me certifikatë të njohjes së gjuhës, kryesisht angleze por dhe gjuhë
të tjera si turqisht apo polonisht. Megjithatë KLSH vazhdon të tregojë kujdes në këtë
drejtim duke e bërë pjesë të kritereve të punësimit njohjen e gjyhës së huaj.
V. MONITORIMI
Monitorimi i implementimit të Programit të Zhvillimit Profesional konsiderohet shumë i
rëndësishëm për KLSH, pasi ofron informacion të vlefshëm dhe në kohë për t’u siguruar se
veprimtaritë po kryhen sikurse ishin parashikuar në këtë Plan dhe ndihmon që veprimet
korrigjuese të ndërmerren në kohë dhe po ecet në drejtim të plotësimit të objektivave.
Departamenti Metodologjisë dhe Strategjisë së Auditimit ka detyrën funksionale të
monitorimit të progresit dhe raportimit në kohë për nivelin e implementimit të tij, çdo vit.
Grafiku kohor i detajuar i zhvillimit të trajnimeve
Bashkëlidhur këtij dokumenti paraqitet Grafiku Kohor i Detajuar i Zhvillimit të Trajnimeve.
Ai shpreh në një plan veprimi matricor temat e trajnimit të parashikuara për vitin 2018. Duhet
të kihet parasysh se ai është një parashikim dhe si i tillë është pre e faktorëve të vlerësimit
statik. Si i tillë ai përfshin elementin e rishikimit dhe të përshtatjes në përputhje me
ndryshimet e këtyre faktorëve.
Tiranë, Dhjetor 2017