projekti advocacy and legal advice centre...
TRANSCRIPT
BULETIN INFORMATIV Janar/Prill 2011
Projekti Advocacy and Legal Advice Centre (ALAC)
Qëndra e Advokimit dhe e Këshillimit Ligjor (Advocacy and Legal Advice Centre - ALAC), është
një projekt i Transparency International Albania, i financuar nga Komisioni Europian. Krijimi i kësaj
qëndre ka ardhur nga nevoja për të përmirësuar nivelin e njohurive civile mbi sfidat, me të cilat bal-
lafaqohen qytetarët në përballjen me korrupsionin e përditshëm, si edhe për të rritur nivelin e
ndërgjegjësimit të tyre lidhur me përpjekjet dhe mekanizmat për të luftuar korrupsionin në nivelet
legjislative dhe institucionale.
Përmes shërbimeve që ofron, qendra ka si qëllim të adresojë në mënyrë parandaluese çështjet që
rrjedhin nga aktet korruptive që ndodhin në një gamë të gjerë të segmenteve të sektorit publik, duke i
ofruar viktimave dhe dëshmitarëve informacion lidhur me mënyrat e përgjithshme dhe ato specifike të
ndërhyrjes për zgjidhjen e rastit konkret të prezantuar.
Ekipi i ekspertëve ligjorë ofron :
• këshillim ligjor falas lidhur me të drejtat e
qytetarëve në raste të sjelljes korruptive të zyrtarëve
publikë;
• informacion mbi mundësitë e ofruara nga
legjislacioni në fuqi për denoncimin dhe reagimin
ndaj akteve të korrupsionit;
• informacion mbi autoritetet administrative
përgjegjëse për rastet përkatëse;
• asistencë ligjore dhe ndihmë në mbledhjen e
dokumentave të nevojshëm për zgjidhjen e kon-
flikteve administrative;
• përfaqësim pranë institucioneve të administratës
qëndrore dhe lokale (jo në gjykatë).
Qendra e Këshillimit Ligjor ka tentuar të mbajë
një komunikim me QSUT-në në lidhje me një
shqetësim të vazhdueshëm të banorëve në
zonën rreth qendrës spitalore. Prej disa kohësh
këta banorë i janë drejtuar TIA-s për të
denoncuar sipas tyre ndotjen që i bëhet kësaj
zone si pasojë e djegies së mbetejeve spitalore.
Banorët janë tepër të shqetësuar mbi rrezikun
që iu vjen shëndetit të tyre dhe të fëmijëve nga
kjo ndotje.
Duke qenë se mbetjet spitalore konsiderohen si
mbetje tejet të rrezikshme edhe nga “katalogu
shqiptar i klasifikimit të mbetjeve”, si dhe
sipas ligjit 9010 “Për administrimin mjedisor të
mbetjeve” është e ndaluar ndërtimi i një
impianti pranë zonave të banuara, TIA i është
drejtuar drejtuesve të QSUT për të marrë më
shumë informacion. Në përgjigje të kërkesës
sonë, drejtues të QSUT kanë sqaruar se ata
zotërojnë një impiant të djegies së mbetjeve
spitalore i cili, sipas tyre, është brenda
parametrave dhe standardeve të kërkuara.
Gjithashtu ata kanë premtuar se brenda vitit
2010 do të instalojnë një impiant bashkëkohor,
i cili përdor metoda të specializuara që nuk
sjellin pasoja për mjedisin dhe shëndetin.
Mungesa e transparencës në shëndetësi
Duke mos patur as mundësi teknike dhe as
kompetencë për të vërtetuar pohimet e palëve, TIA
në emër të qytetarëve, i është drejtuar
institucioneve të specializuara dhe të ngarkuara me
përgjegjësi ligjore për të bërë inspektimet e
nevojshme. Ndërkohë duke vlerësuar
informacionin dhe transparencën jo vetëm si një
detyrim moral, por edhe ligjor, TIA ka kërkuar
prej drejtuesve të QSUT që të organizojnë një
takim të hapur me publikun dhe median, me qëllim
informimin e tyre në lidhje me procesin e trajtimit
të mbetjeve spitalore dhe pasojave që ky proces
mund të ketë në mjedis dhe shëndetin e banorëve.
Por, edhe pse kaluan 2 muaj nga kërkesa jonë,
ende nuk morrëm një përgjigje për kërkesën tonë,
ndërkohë që qytetarët vazhdonin të ankoheshin.
Madje ata kanë firmosur edhe një peticion ku
shprehen kundër ndotjes që shkakton djegia e
mbeturinave spitalore, i cili i është dërguar dhe
drejtuesve të QSUT. Këto kërkesa i janë drejtuar
autoriteteve kompetente nëpërmjet një deklaratë
për shtyp të mbajtur nga TIA. Pas këtyre
përpjekjeve, gjëndja është përmirësuar dhe me
realizimin e projektit të financuar nga Banka
Botërore duket se impianti i ri ka ulur ndjeshëm
shkallën e ndotjes.
Ndërprerje e pagesës së invaliditetit.
Fatosi është një person me aftësi të kufizuara, i cili nuk mund të punojë për shkak se është i verbër.
Në bazë të VKM Nr. 227 datë 18.06.1997 “Për përfitimet nga statusi i të verbrit” (i ndryshuar) ai
gëzon të drejtën e pagesës së invaliditetit, e cila ka një rëndësi thelbësore për të dhe e tërheq çdo
muaj pranë njësisë bashkiake përkatëse. Edhe pse qytetari prej disa vitesh e merrte rregullisht këtë
pagesë, ajo i është mohuar nga punonjësit e kësaj zyre me arsyetimin se nuk ka paguar taksat
vendore.
Në pamundësi për t’a zgjidhur këtë problem, Fatosi është drejtuar pranë qëndrës së TIA-s për të
kërkuar ndihmë. Ekspertët ligjorë të qëndrës iu drejtuan zyrtarisht Njësisë Bashkiake përkatëse
dhe Institutit të Sigurimeve Shoqërore. Atyre iu kërkua të merrnin masa për zgjidhjen e rastit në
fjalë, pasi në bazë të ligjit Fatosi i plotësontë të gjitha kriteret për të përfituar pagesë invaliditeti
dhe mohimi i kësaj të drejte është në kundërshtim me ligjin, pasi kjo kategori subjektesh për-
jashtohet nga detyrimi për të paguar disa nga taksat vendore. Pas këtij kontakti, kryetari i njësisë
bashkiake na sqaroi se ka patur një keqkuptim dhe se pas verifikimeve nga Zyra e Përkrahjes So-
ciale është siguruar se qytetari nuk do të ketë ndërprerje të pagesës së invaliditetit dhe mund ta
tërheqi atë rregullisht çdo muaj. Në vazhdim qëndra mbeti në kontakt me qytetarin për t’u siguruar
se ai mori trajtimin e duhur.
Refuzimi i regjistrimit të një vendimi gjykate
nga Zyra Vendore e Regjistrimit të Pasurive
të Paluajtshme Tiranë.
Besimi ka kontaktuar dhe ka aplikuar në
mënyrë të përsëritur që nga viti 2005 pranë
Zyrës Vendore të Regjistrimit të Pasurive të
Paluajtshme Tiranë (ZVRPP), për të regjistruar
një Vendim të Gjykatës së Tiranës lidhur me
çeljen e një dëshmie trashëgimie. Ky vendim i
kalonte të drejta trashëgimie nga babai bash-
këshortes së tij dhe që të ketë fuqi ligjore duhet
të regjistrohet pranë ZVRPP Brenda afatit që
përcakton ligji. Edhe pse Besimi dhe bash-
këshortja e tij kanë aplikuar disa herë pranë
kësaj zyre në vitin 2005, ky vendim nuk u
regjistrua. Në vitin 2009 Gjykata e Tiranës
nxjerr një tjetër vendim, tashmë për çeljen e
trashëgimisë së bashkëshortes së z. Besim, e
cila u nda nga jeta pa mundur të përfitonte të
drejta trashëgimie nga babai i saj pasi vendimi
i gjykatës nuk u regjistrua nga ZVRPP dhe ajo
nuk mundi të marrë as çertifikatën e pronësisë.
Pas përpjekjeve të shumta për të realizuar të
drejtat e tij ligjore, Besimi u përball me mung-
esën e shërbimit të ZVRPP dhe nuk mundi t’i
regjistronte këto 2 vendime. Duke u ndeshur
me këtë zvarritje të institucioneve shtetërore
dhe duke mos pranuar të paguaj rryshfet për të
përfituar një të drejtë që ia njeh ligji, ai erdhi
pranë qëndrës tonë për të kërkuar mbështetje.
Juristët e qëndrës kontaktuan në mënyrë zyr-
tare me Zyrën Qëndrore të Regjistrimit të
Pasurive të Paluajtshme (ZQRPP), si organ
epror i ZVRPP, në mënyrë që të kërkonin
ndërhyrjen e tyre për zbatimin e detyrimeve
ligjore nga ana e këtij institucioni.
Fillimisht zv/Kryeregjistruesi i ZQRPP i kërkoi Zyrës Vendore që brenda 5 ditëve ta informonte
lidhur me këtë çështje si dhe mbi arsyet e mosrealizimit të kërkesës së tij e më pas urdhëroi
marrjen e masave për regjistrimin e Vendimit të vitit 2009 dhe kryerjen e korrigjimit të pjesëve
takuese të bashkëpronarëve sipaa përcaktimeve të vendimit të parë për çeljen e trashëgimisë
(Vendimi i Gjykatës i vitit 2000, që ende nuk ishte regjistruar nga ZVRPP). Me mbështetjen e
qëndrës sonë Besimi arriti të regjistronte të dy vendimet gjyqësore dhe të pajisej me çertifikatë
pronësie të rregullt, duke gëzuar kështu mbi pronën e tij të gjitha të drejtat që i njeh ligji.
Qëndra e Këshillimit Ligjor (Advocacy and Legal Advice
Centre - ALAC), është një projekt i Transparency International
Albania, i financuar nga Komisioni Europian.
Të gjithë ju, që keni nevojë për ndihmë jeni të mirëpritur në
Qëndrën e Këshillimit Ligjor çdo ditë nga ora 08:00 - 16:00
Çdo aplikim duhet të mbështetet me dokumentet kryesore të cilat
kanë lidhje me denoncimin e korrupsionit dhe/ose me çështjen për
të cilën kërkohet asistencë.
Aplikimi mund të kryhet edhe on-line në adresën e postës
elektronike:
ADRESA
Bulevardi “Gjergj Fishta”, Kulla 5 (blu)
Projekt 2000, Kati 2, Nr.6