punim diplome · 2019. 12. 23. · kanceri është një term i përgjithshëm që përdoret për...
TRANSCRIPT
UNIVERSITETI I GJAKOVËS “FEHMI AGANI”
FAKULTETI I MJEKËSISË
PROGAMI I INFERMIERISË
PUNIM DIPLOME
Tema: Kujdesi infermieror te pacientet
me karcinomë të lukthit
Kandidatja: Mentori:
Xhevë Haliti Prof.Asoc.Dr. Idriz Berisha
Gjakovë, 2019
2
Punimi i Diplomës me temën “Kujdesi infermieror te pacientët me karcinomë
të lukthit” është prezantuar në Universitetin e Gjakovës “Fehmi Agani” në
fakultetin e mjekësisë, programi: Infermieri.
Mentori: Prof.Asoc.Dr. Idriz Berisha.
Punimi përfshinë: 37 faqe, 3 figura,1 tabelë.
3
DEKLARATË STUDENTORE
Unë Xhevë Haliti me nr.ID 160306089 deklaroj se kjo temë e diplomës me titull “
Kujdesi infermieror te pacientët me karcinomë të lukthit” është punimi im
origjinal. E gjithë literatura dhe burimet tjera që i kam shfrytëzuar gjatë punimit
janë të listuara në referenca dhe plotësisht të cituara.
Punimi është përgaditur sipas udhëzuesit për punimin e temës së diplomës të
Univesitetit të Gjakovës “ Fehmi Agani”.
4
Falenderimet
Falenderim të posaçëm i shpreh udhëheqësit të këtij punimi: Prof.Asoc.Dr. Idriz Berisha, për
mbështetjen e vazhdueshme që më ka dhënë gjatë periudhës së punimit, për motivimin,
konsultimet dhe për këshillat e dhëna në vazhdimësi duke ndikuar në formimin tim profesional
dhe per një paraqitje sa më të mirë të këtij punimi.
Jam mirënjohëse e të gjithëve, që në çfarëdo mënyre kontribuan në përgaditjen dhe përfundimin
e këtij punimi.
Gjithashtu meritat më të veçanta i takojnë familjes sime dhe do t’i falenderoja për mbështetjen
e pakursyeshme si nga ana morale ashtu edhe nga ajo financiare dhe që mbështetën çdo vendim
timin, të cilët kanë qenë udhëheqësit e mi, që me dashurinë e tyre, durimin e pafund dhe
inkurajimin më dhanë forcë për t’i përballuar të gjitha sfidat. U jam mirënjohëse gjithë jetën.
Falënderoj komisionin vlerësues të pranishëm gjatë mbrojtjes së kësaj teme të diplomës.
Faleminderit miqëve të mi për mbështetjen që më dhanë në çdo çast.
Ju faleminderit të gjithëve!
Me respekt: Xhevë Haliti
Gjakovë,2019
5
Përmbajtja
Abstrakt ......................................................................................................................................................... 6
Abstract ......................................................................................................................................................... 7
Hyrje ............................................................................................................................................................. 8
Qëllimi i punimit ........................................................................................................................................... 9
Metodologjia e punimit ............................................................................................................................... 10
I. Lukthi dhe funksioni i tij ...................................................................................................................... 11
Kanceri dhe llojet e tij ................................................................................................................................. 12
Çfarë është Karcinoma? .............................................................................................................................. 12
II. Kanceri i lukthit ................................................................................................................................... 13
Epidemiologjia dhe Etiologjia .................................................................................................................... 14
Patologjia dhe Biologjia e tumorit .............................................................................................................. 16
Modelet e përhapjes .................................................................................................................................... 17
Faktorët e shfaqjes së sëmundjes ................................................................................................................ 17
Shenjat dhe simptomat ................................................................................................................................ 19
STADET E KANCERIT TË LUKTHIT .................................................................................................... 20
Trajtimi i kancerit të lukthit ........................................................................................................................ 22
Mjekimi ....................................................................................................................................................... 23
III. Kujdesi infermieror te pacientët me karcinomë të lukthit ............................................................. 24
Planifikimi i ndërhyrjeve infermierore ....................................................................................................... 25
Roli i infermieres ........................................................................................................................................ 26
Procesi infermieror te pacientët me karcinomë të lukthit ........................................................................... 27
Inteventet infermierore ................................................................................................................................ 28
Përgatitja pre-operatore ............................................................................................................................... 28
Edukimi shëndetsor i pacientit për periudhën post-operatore ..................................................................... 29
Masat parandaluse ....................................................................................................................................... 31
Përfundimi................................................................................................................................................... 33
Rezyme ....................................................................................................................................................... 34
Resume ........................................................................................................................................................ 35
Referencat ................................................................................................................................................... 36
Biografi e shkurtër e kandidatit – CV (Curriculum Vitae) ......................................................................... 37
6
Abstrakt
Në qendër të këtij punimi është shpjegimi i rëndësisë së karcinomës së lukthit dhe rëndësisë së
zbulimit të hershëm të tij.
Punimi fillon me prezantimin e hyrjes, qëllimin e këtij punimi, metodologjinë e këtij punimi, më
pas një analizë se çfarë është lukthi dhe funksioni i tij, çfarë është kanceri, llojet dhe veçoritë e
tij, mënyra e vlerësimit infermieror te pacientët me karcinomë të lukthit, çfarë është karcinoma e
lukthit, shpjegohet etiologjia e karcinomës së lukthit, manifestimet klinike, fazat e karcinomës së
lukthit dhe si bëhet trajtimi infermieror tek pacientët me këtë karcinomë të lukthit.
Dhe në fund të punimit vjen përfundimi dhe rezymeja.
7
Abstract
At the center of this paper is the explanation of the importance of gastric carcinoma and the
importance of its early detection.
The paper starts with the introduction, the purpose of this paper, the methodology of this paper,
then an analysis what is stomach and its function, what is cancer, its types and features, the way
nursing is evaluated in patients with gastric carcinoma, what is gastric carcinoma, etiology of
gastric carcinoma, clinical manifestations, stages of gastric carcinoma are explained and how
nursing is treated in patients with this gastric carcinoma.
And at the end of the paper comes the conclusion and resume.
8
Hyrje
Në vendin tonë është duke u rritur sëmundja e kancerit të lukthit. Unë kam vendosur të marrë
këtë temë në mënyrë të bëhet një analizë më e hollësishme rreth karcinomës së lukthit, që të
bëhet sensibilizimi i pacientëve për rrezikun të cilin e shkakton kjo sëmundje si dhe për
mundësinë që të bëhet zbulimi më i herëshëm në mënyrë që edhe trajtimi të jetë më i lehtë.
Karcinoma e lukthit është tipi i dytë më i shpeshtë te ne.
Shkaktari i kësaj sëmundje është i ashtuquajturi heliobakter pilori ( Helicobacter Pylori) bakteri.
Pilori është faktori kryesor ose karcongjeni numër një në paraqitjen e karcinomës së lukthit.
9
Qëllimi i punimit
Qëllimi i këtij punimi është të tregohet mënyra se si realizohet kujdesi infermieror tek pacientët
me karcinomë të lukthit, që t’i njohë simptomat të cilat paraqiten te pacientët me karcinomë të
lukthit, se si të zbulohet kjo sëmundje në fazat e hershme të paraqitjes së saj dhe për mënyrën se
si parandalohet zhvillimi i karcinomës së lukthit dhe si të ulet numri i të prekurve nga kjo
sëmundje kancerogjene.
10
Metodologjia e punimit
Metodologjia e përdorur është në funksion të qëllimeve të vëna në fillim të studimit.
Studimi është mbështetur në një kërkim empirik.
Për realizimin e këtij punimi është përdorur literaturë bashkëkohore, literature nga Bibloteka
rajonale e Gjakovës dhe e Universitetit të Gjakovës, burime nga interneti, duke mbledhur sa më
shumë informacione lidhur me temën.
11
I. Lukthi dhe funksioni i tij
Lukthi është pjesë e zgjeruar e tubit digjestiv që ka formën e një qeseje apo thesi.
Nga pjesa e sipërme lukthi kufizohet me diafragmën, nga pjesa e djathtë me mëlçinë, kurse nga
pjesa e majtë me shpretkën.
Lukthi kryen funksione të rëndësishme si p.sh: pranimi i ushqimit që vjen nga kapërcelli,
përpunimi i ushqimit, dërgimin e ushqimit të përpunuar në zorrë.
Lukthi është organ sekretor që prodhon acidin klorhidrik dhe pepsinën, si dhe bën nxjerrjen e
lëndëve të ndryshme që mund të injektojnë. Në lukth dallojmë faqen e përparme, faqen e pasme,
buzën e sipërme, kthesa e vogël (curvature minor) dhe kthesa e madhe ( curvature major).
Në lukth dallojmë tri pjesë:
- pjesën hyrëse (cardia),
- pjesën e trupit (corpus), dhe
- pjesën dalëse (pylorus) që vazhdon me zorrën dymbëdhjetëgishtore.
Lukthi është i ndërtuar nga shtresa e jashtme seroze, nga shtresa e mesme muskulore dhe shtresa
e brendshme mukoze.
12
Kanceri dhe llojet e tij
Fjala kancer rrjedh nga latinishtja CANCER-gafforre. U përdor së pari nga Hipokrati i njohur
edhe si babai i medicinës në shek e V p.e.s. duke u bazuar ne faktin se tumoret përhapen në trup
në mënyrë të ngjashme të lëvizjes së gaforreve.
Kanceri është një term i përgjithshëm që përdoret për një grup me më tepër se 100 sëmundje të
cilat mund të prekin çdo pjesë të organizmit. Kanceri njihet si rritje e pakontrolluar e qelizave që
prodhojnë një tumor ose neoplazme. Qelizat e kancerizuara humbasin specializimin e indit që i
përkasin dhe nuk i përgjigjen mekanizmave të kontrollit që normalisht e kufizojnë ndaljen e
qelizave. Kanceri mund të kalojë nga forma primare e tumorit në formën sekondare të tij në një
proces që ndryshe quhet "METASTAZ".
Llojet e kancerit
Kanceri mund të shfaqet në forma të ndyshme, në pjesë dhe organe të ndyshme të trupit.
Prej këtu janë emërtuar lloje të ndyshme të kancerit në varësi të organeve ku ai shfaqet, si për
shembull: kanceri i gjirit, i mushkërive, i kockës, i lëkurës, i gjakut, i stomakut, i zorrëve, i
mëlçisë, i ezofagut, i fshikëzës së urines, i trurit etj.
Njihen 4 tipa të kancerëve :
-Karcinomat,
-Sarkomat,
-Leukemia dhe
-Lymfoma
Çfarë është Karcinoma?
Karcinoma është një tumor malinj, që e merr zhvillimin nga indet e ndryshme epiteliale dhe që
krijon struktura të ngjashme me to, pothuajse është sinonim i termit kancer.
Po kështu edhe llojet e karcinomës janë të shumta, ashtu si të kancerit dhe tumorit, nisur nga
lidhja që kanë këto terma me njëri-tjetrin.
13
II. Kanceri i lukthit
Kanceri i lukthit quhet ndryshe edhe kanceri gastrik dhe fillesen e tij e ka pikërisht aty në lukth.
Lukthi është i ndarë në 5 shtresa të ndryshme. Kanceri mund të zhvillohet në secilin prej këtyre
seksioneve. Pjesa më e madhe e kancerit në lukth fillon në mukozë. Zhvillimi i kancerit mund të
zhvillohet edhe më thellë për shkak se infekton edhe shtresat e tjera. Sa më i thellë të bëhet
dëmtimi aq më e vështirë është të kurohet kjo sëmundje.
Kanceri në lukth mund të zhvillohet më ngadalë në shumë vite. Ai nuk shfaqet në mënyrë të
papritur. Pasi zhvillimit të kancerit ka shumë ndryshime që ndodhin në pjesën e brendshme të tij.
Sa herë që qelizat ndahen, udhëzimi i keq riprodhohet dhe në këtë mënyrë vazhdon shumëfishimi
i pakontrolluar i qelizave. Këto qeliza shumëfishohen shumë shpejt, mblidhen në të njëjtin vend
dhe formojnë atë që ne e quajmë tumor.
Adenokarcinoma e lukthit ishte shkaku kryesor i vdekjeve që lidhen me kancerin në të gjithë
botën përgjatë pjesës më të madhe të shekullit të 20-të. Aktualisht ai radhitet i dyti pas kancerit të
mushkërive dhe sipas llogaritjeve 875,000 raste te reja diagnostifikohen çdo vit në të gjithë
botën.Megjithatë, në shumë vende të botës, incidenca e kancerit të lukthit është ulur gradualisht,
kryesisht për shkak të ndyshimeve të dietës, përgaditjes së ushqimit dhe faktorëve të tjerë
mjedisorë.
Fig.1. Kanceri i lukthit
14
Epidemiologjia dhe Etiologjia
Vlerat e incidences dhe të vdekshmërisë për kancerin e lukthit variojnë gjerësisht në rajone të
ndryshme të botës. Incidenca më e lartë e kancerit të lukthit mund të gjendet në Japoni, në
Amerikën e jugut dhe Europën lindore, ku vlerat e incidenscës arrijnë 30 deri 85 raste për
100,000 banorë.
Imigrantët gradualisht fitojnë vlerat e incidences së vendit ku ato shkojnë, gjë që sugjeron
fuqimisht se faktorët mjedisorë kanë rëndësi kryesore në etiologji.
Në një studim, japonezët që kishin migruar në zonat me incidence më të ulët kishin një risk për
kancer të lukthit që ishte i ndërmjetëm midis asaj të popullatës perëndimore dhe asaj të
popullatës japoneze në Japoni. Risku për kancer të lukthit ishte gjithashtu i lartë në pasardhësit e
brezit të dytë, të cilët vazhduan të konsumonin një dietë të stilit japonez, por ishte e ulët ata që i
përshtatshin dietës së stilit perëndimor. Këto studime sugjerojnë se ekspozimi ndaj mjedisit në
fillim të jetës është thelbësorë për përcaktimin e riskut, por faktorë të tjerë mjedisorë ose
kulturorë vazhdojnë të ndikojnë në predispozitën për kancer.
Një nga observimet më të habitshme epidemiologjike ka qenë incidence në rritje e
adenokarcinomave që përfshinin pjesën proksimale të lukthit dhe pjesën distale të ezofagut.
Këto tumore mendohet se kanë faktorë të ndryshëm etiologjikë; për shembull, lezionet e trupit të
lukthit shoqërohen me prodhim të ulët të acidit dhe me infeksion nga Halicobacter pylori, ndërsa
lezionet e kardias nuk shoqërohen me asnjërën.
Etiologjia e kancerit të lukthit ka gjasa të jetë shumë faktoriale.
Një listë e faktorëve që shoqërohen me risk të rritur për adenokarcinomë të lukthit janë radhitur
në Tabelën 1.
15
Tabela 1.
Faktorët që shoqërohen me rritje të riskut për të
zhvilluar kancer të lukthit
Faktorët e fituar
Ushqimorë
Konsumimi i sasive të mëdha të kripës
Konsumimi i sasisë së madhe të nitrateve
Sasia e pakët e vitamins A dhe C në dietë
Përgatitja jo e mirë e ushqimeve (të tymosura, të ruajtura
në kripë)
Pirje e pakët e ujit (ujë pusi)
Profesionalë
Punëtorët e kauqukut
Punëtorët e qymyrit
Duhanpirja
Infeksioni nga Helicobacter pylori
Virusi Epstein-Barr
Ekspozimi ndaj rrezatimit
Kirurgji e mëparshme e lukthit për sëmundjen e ulcers
gastrike
beninje
Faktorët gjenetikë
Grupi i gjakut A
Anemia pernicioze
Anamnezë familjare
Kanceri i trashëgueshëm jopolipoz i kolonit
Sindroma Li-Fraumeni
Lezionet prekursore
Polipet adenomatoze gastrike
Gastriti atrofik kronik
Displazia
Metaplazia intestinale
Sëmundja Menetrier
16
Patologjia dhe Biologjia e tumorit
Përafërsisht 95% e të gjitha neoplazive malinje të lukthit janë adenokarcioma dhe në përgjithësi,
termi kancer i lukthit i referohet adenokarcinomës së lukthit. Tumore të tjera malinje janë shumë
të rralla dhe përfshijnë karcinomën me qeliza skuamoze, adenoakantomën, tumoret karcinoide
dhe leiomiosarkomën.
Megjithëse në mukozën e lukthit nuk gjendet fare ind normal limfoid, lukthi është vendi më i
zakonshëm i limfomave të traktit gastrointestinal.
Shtimi i njohurive mbi lidhjen ndërmjet limfomave të indit limfoid, që lidhen me mukozën dhe
H.Pylori, mund të shpjegojë pjesërisht, rritjen e incidences.
Diferencimi ndërmjet adenokarcinomës dhe limfomës disa here mund të jetë i vështirë, por është
thelbësor, për shkak se stadifikimi, trajtimi dhe prognoza janë të ndryshme për secilën sëmundje.
Helicobacter pylori, i njohur edhe si H. pylori, është një bakter që zakonisht gjendet në stomak.
Ai është i pranishëm në përafërsisht gjysmën e popullsisë së botës.
Shumica dërrmuese e njerëzve të infektuar me H. pylori nuk kanë simptoma dhe kurrë nuk do të
shfaqin probleme. Megjithatë, H. pylori është i aftë të shkaktoj një sërë problemesh të tretjes,
duke përfshirë ulcerat, dhe shumë më rrallë, kancerin e lukthit. Nuk është e qartë pse disa njerëz
të infektuar me H. pylori marrin këtë sëmundje dhe të tjerët jo.
17
Modelet e përhapjes
Karcinomat e lukthit mund të përhapen nëpërmjet shtrirjes lokale duke prekur strukturat fqinje
dhe mund të zhvillojnë metastaza limfatike, metastaza peritoneale dhe metastaza të largëta.
Këto përhapje mund të ndodhin në saje të veçorive invasive lokale të tumorit, përhapjes
limfatike, ose dipeminimit hematogjen.
Rritja fillestare e tumorit ndodh me anë të penetrimit në murin e lukthit, shtrirjes përmes murit
dhe prekjes së një përqindjeje gjithmonë në rritje të lukthit.
Dy mënyrat e përhapjes lokale që mund të kenë një ndikim të rëndësishëm terapeutik janë
penetrimi i tumorit përmes serozës së lukthit ku risku për invadimin e tumorit në strukturat fqinje
ose për përhapje peritoneale, si dhe prekja e enëve limfatike është i rritur.
Flora mikrobike e Lukthit
Për shkak të aciditetit të lartë të lukthit, shumica e mikroorganizmave nuk mund të mbijetojnë.
Ndër bakteriet më të përhapura në lukth janë:
1. Streptococcus;
2. Staphylococcus;
3. Lactobacillus;
4. Peptostreptococcus.
-Ndërkaq, Helicobacter pylori, është një organizëm negativ, i cili pozicionohet në mukozën
gastrike, duke shkaktuar gastrit kronik, ulçerën peptike dhe kancerin e lukthit.
Faktorët e shfaqjes së sëmundjes
1) Limfoma, një grup i kancerit të gjakut;
2) Helicobacter pylori, një infeksion i zakonshëm i stomakut që nganjëherë mund të çojë në
krijimin e ulçerave;
3)Tumoret në pjesë të tjera të sistemit të tretjes;
4) Polipat e stomakut, rritja jonormale e indeve që formohen në shtresat e stomakut;
5)Mosha, të rriturit dhe të moshuarit, zakonisht mbi 50 vjeç ;
6)Duhanpirja;
7)Kur sëmundja transmetohet gjenetikisht;
8)Konsumimi i shumë ushqimeve të kripura ose të përpunuara;
9)Konsumimi i mishit;
10)Abuzimi me alkoolin;
11)Moskryerja e ushtrimeve fizike.
18
Faktorët e rriskut
Rreziku i zhvillimit të adenokarcinomës së lukthit rritet me faktorët e mëposhtëm:
Faktorët gjenetik
Karcinoma kolorektale e trashëguar pa polipozë (HNPCC, sindromi Lynch )
Karcinoma gastrike difuze hereditare (HDGC) me mutacione në gjenin
Cadherin 1- (CDH)
Sindromi i Peutz-Jeghers
Të afërmit e shkallës së parë me një karcinomë gastrike
Gjinia mashkullore (Incidenca burra:gra rreth 2: 1)
Grupi i gjakut A
Faktorët e fituar
Infeksioni nga Helicobacter pylori i mukozës stomakut
Konsumi i duhanit
Gastriti atrofik
Gastrectomy e pjesshme
Sëmundja e Ménétrier
Faktorët e rriskut ndryshojnë në varësi të pozicionit anatomik. Karcinomat distale të
lukthit shpesh shoqërohen me infeksion mukozal të stomakut nga Helicobacter
pylori. Konsumi i lartë i kripës dhe dietave të varfëra me fruta e perime, obeziteti
dhe refluksi gastroezofageal, shoqërohen më shpesh me kancer të junksionit GE.
19
Shenjat dhe simptomat
Për shkak të simptomave të paqarta, jo specifike që karakterizojn kancerin e lukthit, shumica e
pacientëve janë diagnostifikuar me sëmundje të stadit të avancuar.
Rënia nga pesha është një simptomë e zakonshme dhe domethënia klinike e saj nuk duhet të
nënvlerësohet. Dewys dhe të tjerët, zbuluan se te 179 pacientë me kancer të lukthit të avancuar,
të papërcaktushëm, më shumë 80% e pacientëve kishin rënie të më se 10% të peshës trupore
përpara diagnostikimit. Për më tepër, pacientët me rënie nga pesha kishin një mbijetesë shumë
më të shkurtër sesa ata që nuk kishin rënie nga pesha.
Te disa pacientë, simptomat mund të sugjerojnë praninë e një lezioni në një lokalizim specifik.
Një anamnezë për disfagi mund të tregojë praninë e një tumori në kardia me shtrirje përmes
funksionit gastroezofageal. Ngopja e shpejt është një simptomë jo e shpeshtë e kancerit të lukthit,
por është treguese e një tumori difuz infiltrativ, që ka çuar në humbjen e aftësisë së murit të
lukthit për t’u distenduar.
Të vjellat persistente përputhen me një karcinomë antrale që shkakton obstruksion të pilorit.
Hemorragjia gastrointestinale e konsiderueshme është e pazakontë për kancerin e lukthit;
megjithatë, hematemeza shfaqet në përafërsisht 10% deri 15% të pacientëve.
Asciti, ikteri, ose masa e palpueshme tregojnë sëmundje të përhapura dhe të patrajtueshme.
Shenjat dhe simptomat prezantuese shpesh janë të lidhura me përhapjen e sëmundjes.
-Ndër simptomat më të zakonshme të kancerit të lukthit, të cilat e dallojnë atë nga sëmundjet e
tjera janë:
• Humbje oreksi;
• Ngopje e shpejtë;
• Zverdhje e syve dhe e lëkurës;
• Lodhje dhe mungesë energjie;
• Të vjella;
• Dhimbje stomaku;
• Dhimbje në kafazin e kraharorit;
• Humbje peshe.
20
STADET E KANCERIT TË LUKTHIT
Sëmundja e stadit I ( kanceri i hershëm i lukthit)
Klasifikimi i kancerit të hershëm të lukthit dhe risku për metastaza në limfonoduj.
Shoqëria japoneze e kërkimeve mbi kancerin e lukthit i ka klasifikuar kanceret e hershme të
lukthit ( EGC = early gastric cancer) në bazë të kritereve endoskopike që janë vendosur fillimisht
nga shoqëria japoneze e endoskopisë për përshkrimin e tumoreve T1.
Marrja në konsiderat e riskut për metastaza në limfonoduj, është e rëndësishme kur vlerësohen
opsionet e trajtimit për pacientët me EGC. Shpeshtësia dhe shpërndarja anatomike e sëmundjes
së limfonodujve lidhen me thellësinë e invadimit të tumorit. Vlerësimet e shpeshtësisë së
sëmundjes së limfonodujve në EGC bazohen në vlerësimin histologjik tradicional me mikroskop
me dritë. Megjithatë, përdorimi i teknikave më sensitive, të tilla si prerjet e njëpasnjëshme të
limfonodujve individualë, imunohistokimia ose reaksioni zinxhir i polimerazës i transkiptazës
reverse mund të rrisin shpeshtësinë e zbulimit të sëmundjes mikrometastatike okulte.
Rëndësia klinike e mikrometastazave është e panjohur. Opsionet e trajtimit për pacientët me
EGC përfshijnë EMR, rezekimin e kufizuar kirurgjikal dhe gastrektominë.
Sëmundja e stadit II dhe III
Kirurgjia
Rezekimi kirurgjikal është guri i themelit të trajtimit për pacientët me kancer të lokalizuar të
lukthit; në fakt, rezekimi kirurgjikal mund të jetë kurues në shumicën e pacienteve me EGC.
Megjithatë, për sëmundjet e stadeve II dhe III, kirurgjia është e nevojshme, por shpesh nuk është
e mjaftueshme për kurim. Synimi i përgjithshëm terapeutik është të arrihet një rezeksion i plotë
mikroskopikisht dhe makroskopikisht (RO).
Shtrirja e rezekimit për kanceret e pjesës së mesme dhe distal të lukthit
Shtrirja e gastrektomisë së nevojshme për trajtimin e kënaqshëm të tumorit primar varet
kryesisht nga gjendja makroskopike e kufijve kirurgjikal. Në shumicën e rrethanave klinike, një
kufi 5cm, makroskopikisht negative (RO) janë synimet e trajtimit. Kur gastrektomia realizohet
me qëllim kurues, vlerësimi i seksionit të ngrirë të kufijve proksimalë dhe distal të rezekimit
duhet të përdoret në periudhën intraoperatore për përmirësimin e mundësisë që të realizohet një
rezeksion RO. Tri studime prospective të randomizuara të kontrollit relativisht të vogla (RTC =
randomized controlled trial) kanë krahasuar gastrektominë e pjesshme (subtotale) për kancerin e
pjesës distal të lukthit.¹ºº ̄ ¹º² Sëmundshmëria, vdekshmëria dhe rezultati onkologjik total ishin të
krahasushme në secilin nga këto RCT. Si rezultat, kur synimi i përgjithshëm onkologjik i një
rezekimi RO mund të arrihet nëpërmjet një metode që ruan lukthin, preferohet gastrektomia e
pjesshme mbi atë totale. Kjo është veçanërisht e rëndësishme për kanceret e pjesës distal të
lukthit, për të cilat një metodë RO që ruan lukthin mund të minimizojë risqet për sekla specifike
të gastrektomisë totale, të tilla si ngopja e shpejtë, rënia nga pesha dhe nevoja për shtesa të
vitaminës B12.
21
Diagnostifikimi
Simptomat e para të kancerit në lukth janë probleme me tretjen. Prandaj, ky simptom një kohë të
gjatë mund të injorohet nga ana e pacientit. Edhe pse pacienti këto simptoma i ka që në fazën e
hershme të sëmundjes, mjekët, disa pacientë i mjekojnë me ilaçe për gastrit ose të thatin, me çka
shtyhet terapia e cila duhet të jepet në stadiumin e hershëm, kur edhe rezultatet nga terapia janë
më të suksesshme. Për këto shkaqe, nëse nuk i ka shenjat dhe simptomat e lartpërmendura,
pacientit duhet t’i bëhet gastroskopi, që të përjashtohet mundësia për karcinom të lukthit.
Mënyrat më të përdorura për diagnostikimin e kancerit janë:
1. Biopsia;
2. Endoskopia;
3. Endoskopia me ultratinguj;
4. Diagnostikim me rreze X;
5. Marrja e Bariumit për detektimin e kancerit;
6. Tomografi kompjuterike;
7. Rezonancë magnetike;
8. Laparoskopi.
22
Trajtimi i kancerit të lukthit
Në varësi të stadit të avancimit të sëmundjes, këshillohet dhe protokolli i trajtimit. Pjesa më e
madhe e rasteve i drejtohen fillimisht kirurgjisë, që parashikon heqjen e një pjese apo të gjithë
stomakut dhe të atyre indeve që mendohet se janë ose mund të jenë prekur nga qelizat tumorale.
Pasi mbi indet e hequra nga kirurgu bëhet analiza definitive e biopsisë, pacienti i drejtohet
onkologut, që përcakton trajtimin e mëtejshëm dhe ndjekjen e ecurisë së pacientit. Ky trajtim
konsiston zakonisht në kombinime ilaçesh kimioterapie, ndërsa ndjekja konsiston në ekzaminime
të ndryshme me qëllim vrojtimin e ecurisë dhe trajtime që mund të jenë të nevojshme më pas.
1. Ndërhyrjet kirurgjikale
Kanceri i lukthit që nuk është përhapur ende duhet të operohet për të hequr pjesën e
ezofagut ose stomakut ku ndodhet tumori. Qëllimi i operacionit është heqja e të gjithë
kancerit për të diferencuar indet e shëndetshme. Nyjet limfatike në afërsi gjithashtu duhet
të hiqen .
a) Heqja e tumoreve të fazës së hershme nga muret e brendshme të stomakut
b) Heqja e një pjese të stomakut që është dëmtuar nga qelizat kanceroze
c) Transplanti i stomakut
d) Heqja e nyjave limfatike me qëllim për të kërkuar kancerin
e) Ndërhyrjet kirurgjikale për të lehtësuar shenjat dhe simptomat.
2. Terapia e rrezatimit (Rrezet)
Terapia e rrezatimit përdorë rreze të fuqishme, të tilla si rrezet X dhe protonet, për të vrarë
qelizat e kancerit.
• Terapia me rrezatim mund të përdoret para (rrezatimi parësor) operacionit për të tkurrur
tumorin në mënyrë që ai të hiqet më lehtë.
• Terapia e rrezatimit mund të përdoret gjithashtu pas operacionit (rrezatimi sekondar) për
të vrarë çdo qelizë të kancerit.
3. Kimioterapia
Kimioterapia është një trajtim i kancerit të stomakut që përdor kimikate për të vrarë
qelizat e kancerit.
• Kimioterapia mund të zhvillohet para operacionit (kimioterapia parësore) për të
ndihmuar në tkurrjen e tumorit në mënyrë që të mund të hiqet lehtë.
• Kimioterapia përdoret gjithashtu pas operacionit (kimioterapia sekondare) për të vrarë
çdo qelizë kanceri që mund të mbetet në trup.
23
Mjekimi
Trajtim efikas dhe i përhershëm i kancerit në lukth është intervenimi kirurgjik, që e rritë shkallën
e mbijetesës së pacientit nëse bëhet në fazat e hershme të sëmundjes. Në vendet e Lindjes së
largët (Japoni, Kinë, Tajvan, Koreja Jugore), ku kanceri në lukth është më i përfaqësuar, janë
bërë arritje të mëdha në zbulimin dhe mjekimin e sëmundjes në fazën e hershme. Në Japoni, me
zbatimin e skrining testeve endoskopike, shkalla e zbulimit të karcinomës së lukthit është mbi
70%. Por, në vendin tonë dhe në vendet perëndimore kjo shkallë është më e vogël se 20%. Në
një studim të zbatuar në Turqi thuhet se vetëm te 4% të pacientëve është bërë operacion kur
sëmundja është në fazën e hershme. Ky dallim serioz reflektohet në shkallën e mbijetesës së
pacientëve pas terapisë. Aplikimi i radioterapisë dhe hemoterapisë te karcinoma e lukthit është
shumë e kufizuar. Zakonisht aplikohet para dhe pas operacionit. Te disa pacientë të cilët nuk
kanë dobi nga trajtimi kirurgjik për qëllime paliative aplikohet radioterapia ose hemoterapia.
24
III. Kujdesi infermieror te pacientët me karcinomë të lukthit
Kujdesi infermieror
-Kujdesi infermieror tek pacientët është proces që zhvillohet hap pas hapi dhe fillon para se
pacitenti të shtrihet në spital dhe mbaron kur kompletohet shërimi dhe pacienti kthehet në
gjendje optimale të shëndetit.
Procesi i kujdesit infermieror përfshin:
• Vlerësimin fillestar
• Diagnozën infermierore
• Planifikimin
• Ndërhyrjen infermierore
• Zbatimin
• Vlerësimin përfundimtar
Procesi i kujdesit infermieror
-Është një procedurë që ndërtohet nga vetë i sëmuri dhe zbatohet nga infermierja dhe ekipi i
kujdesit. Shikohet si një proces problem-zgjidhës që punon sipas një përkujdesi infermieror të
individualizuar. Shërben si një guide për infermierët profesional dhe ka karakterin e një
strukture që siguron një përkujdesje infermierore për individët, familjet dhe komunitetet, e
rregullt dhe sistematike, indipendentë, karaktrin e përkujdesjes specifike për individët, familjarët
dhe komunitetet, që ka në qender klientin duke përdorur fuqitë e klientit. Procesi i kujdesit
infermieror përbëhet nga: vlerësimi, diagnoza infermierore, planifikimi, zbatimi dhe evaluimi.
Vlerësimi infermieror-. Disa pacientë të diagnostikuar me kancer e shikojnë këtë sëmundje
si një "thirrje zgjimi". Duke parë veten me këto probleme shëndetësore dhe jo vetëm, këta
pacientë kuptojnë që në jetë eshtë shumë e rëndësishme:
Tu jepet rëndësi shijimit të gjërave të vogla.
Të vizitohen vende të reja
Të kalohet më shumë kohë me miqtë dhe familjen.
Të rregullohen marrëdhëniet e prishura.
Diagnoza infermierore- Ndryshime në ushqyerje më pak se nevojat e organizmit, si pasoj e
marrjes së ushqimeve irrituese, defiqitet në vëllimin e lëngjeve si pasoj e marrjes së
pamjaftueshme të lëngjeve dhe humbjes së tepërt nga të vjellat, munges njohurish me
administrimin e dietës dhe masave parandaluese të ndërlikimeve.
Planifikimi- Qëllimet kryesore janë: reduktimi i marrjes së ushqimëve irrituese, sigurimi i
lëngjeve të nevojshme për organizmin, ndëgjegjësimi për dietën që duhet të marr.
25
Planifikimi i ndërhyrjeve infermierore
Planifikimi përfaqëson fazën e tretë të procesit të kujdesit infermieror, megjithëse shpesh
përshkruhet në mënyrë të gabuar si tërë procesi i përkujdesit infermieror që përfshin përcaktimin
e objektivave, të prioriteteve, të metodave dhe mënyrave për të zgjidhur problemet aktuale apo
potenciale të pacientit. Përcaktimi i objektivave përbën fazën e parë të planifikimit dhe për këtë
nevojiten aftësi parashikuese. Në mjekësi prognoza është një parashikim në lidhje me dekursin e
mëtejshëm dhe mbi të gjitha për përfitimin e një kuadri morboz. Për personelin infermieror është
i vështirë parashikimi mbi ecurinë e problemeve të pacientit. Objektivat që personeli infermieror
ndjek gjatë përkujdesjes të pacientit me probleme onkologjike janë të njejta për të gjithë ata, por
në të njejtën kohë edhe objektiva specifike dhe të lidhur me pacientin e veçant. Edhe për
objektivat ka një sistem klasifikimi ndërkombëtar që quhet NOC ( Nursing Outcomes
Classification ), që kuntribon për standartizimin e gjuhës më të cilat shprehen rezultatet që varen
nga personeli infermieror, lehtëson kërkimin farmaceutik dhe shërben si guide për studentët. Kur
infermierët caktojnë objektivat duhet të përshkruajnë në formë të shkruar edhe planin e asitencës
së nevojshme. Veprimet që do të kryhen duhet të shkruhen në planin e asistencës. Plani përbën
tërësinë e veprimeve që duhen kryer dhe gjithë personeli ndihmës ndihmon për realizimin e tyre.
Plani i asistencës sqaron përgjegjësin midis atij që ka përcaktuar mënyrën e asistencës dhe atij që
ka zbatuar aktin përkatës. Kjo është një mënyrë për të organizuar, për të dhënë direktiva dhe
kuptim kujdesit infermieror si dhe ndihmon për të zënë në mënyrë të plotë kohën e punës dhe
garanton vazhdimësinë e përkujdesjes infermierore.
Vendimet më të shpeshta lidhen me:
a) ulje të ankthit dhe të frikës duke përmirësuar aftësinë e përshtatjes
b) ti qartësohen procedurat pacientit që do ti nënshtrohet ,
c) higjienën, mobilizimin dhe pozicionimin e pacientit
d) kontrollin e infeksioneve hospitalore ushqimin etj.
Është e qartë se është gjendja e pacientit ajo që bënë të klasifikohen si infermieristike disa
vendime që kanë të bëjnë me aktivitete normale të jetës të përditëshme si psh. ushqimi apo
imobilizimi, jo të gjitha veprimet duhet të përshkruhen në planin e asistencës, disa veprime
bëhen në moment dhe nuk mund të planifikohen, disa nuk janë standarde dhe të tjera janë
veprime standarde dhe bëjnë pjesë në rutinën e një asistence të mirë. Vetëm veprimet më të
rëndësishme, të personalizuara dhe të qëndrueshme duhet të planifikohen, çka do të thotë se jo të
gjithë pacientët kanë nevojën e një plani asistencë të individualizuar.
26
Roli i infermieres
Roli thelbësor i infermieres qëndron në ndihmën e individit, të sëmurë ose të shëndetshëm, në
ruajtjen ose rifitimin e shëndetit (ose në ndodhjen pranë çasteve të fundit), nëpërmjet kryerjes së
detyrave të cilat ai mund t'i përmbushë vetë nëse do të ketë forcë, vullnet ose do të zotërojë
njohuritë e duhura, dhe në lehtësimin e pjesëmarrjes aktive të tij, për ta ndihmuar të rifitojë
pavarësinë e tij sa më shpejt të jetë e mundur.
Roli infermieror është tepër i rëndësishëm, në radhë të parë informon dhe përgatit të sëmurin për
ndërhyrje si dhe ka karakter lehtësues, mbështetës dhe mbikqyrës për pacientin me kancer të
lukthit.
Për menaxhim të mirë të sëmundjes infermierja planifikon dhe organizon përkujdesjet e saj
ditore në mënyrë të tillë që disa procedura të grupohen dhe të kryhen në të njejtën kohë pa e
lodhur pacientin.
-Ankthi dhe frika janë shpesh shoqërues gjatë një ekzaminimi sidomos atë kur e kryen për herë
të parë.
-Infermierja jep informacione mbi procedurën e ekzaminimit si dhe e ndihmon klientin që të
tejkalojë dhimbjen dhe lodhjen në rastin e ndërhyrjeve të tilla.
-Infermierja duhet të ketë njohuri rreth përdorimit të barnave anti-kanceroze.
-Infermierja duhet të informojë rreth efekteve anësore të medikamenteve si nauze, të vjellura
alopeci etj.
-Infermierja duhet të ketë shumë kujdes rreth dhënies së kemioterapis në mënyrë I.V sepse
medikamentet anti-kanceroze japin nekrozë nese nuk gjindet mirë vena.
-Infermierja duhet të këshilloj pacientën dhe familjarët për mjekimin e vazhdueshëm në shtëpi si
dhe ndjekjen e rregullt të kontrollave te mjeku.
-Të këshillojë pacientin për higjienën personale.
-Në raste të gjendjes terminale ku pacienti merr terapi paliative infermieri duhet të kujdeset në
zbatimin e mjekimit në shtëpi dhe t’i njoftoj familjarët për gjendjen e rëndë dhe stadin terminal
të pacientit.
-Infermierja në bashkëpunim me familjarët duhet të lehtësojë gjendjen psikologjike të pacientit
duke përdorur medikamente të udhëzuara nga mjeku për t’ia lehtësuar dhimbjen dhe depresionin.
27
Procesi infermieror te pacientët me karcinomë të lukthit -Vlerësimi
Informohemi nëse pacienti ka pasur ndonjë histori familjare me karcinom të lukthit.
Cili është statusi civil i pacientit?
Nëse ka apo jo persona të cilët mund t’i sigurojnë pacientit mbështetjen emocionale dhe atë
financiar.
Pyetet pacienti nëse është punësuar, si ndihet ai në punën e tij?
Pyetet pacienti nëse ka pasur apo jo ndonjë experiencë stresi në punë.
Nëse po, për sa kohë?
Duhet të theksojmë faktin se stresi favorizon incidencën për irritimin e mukozës gastrike, pyetet
pacienti nëse përdorë rregullisht duhanin, sasinë dhe kohën e përdorimit të tij.
Nëse pacienti ka vënë re ndonjë shenjë diskomforti gjatë apo mbas prirjes së duhanit.
Pacienti duhet të përshkruajë mënyrën e tij të të ushqyerit, përfshirë këtu frekuencën dhe numrin
e vakteve, preferencat ushqimore, marrjen e fibrave, yndyrnave.
Ka pasur apo jo humbje peshe?
Nëse po, sa dhe në cilën periudhë të kohës?
Pyetet gjithashtu pacienti nëse ka pasur nauze të vjella hematemezë, anoreksi etj.
Gjatë ekzaminimit mjekësor mund të jetë e mundur të palpohet një masë dhe organet tjera duhet
të vlerësohen për raste patologjike ose tumore.
Diagnozat infermierore
Ankthin lidhur me parandjenjën negative të proçesit kirurgjikal.
Alterime në statusin nutricional (më pak se kërkesat e organizimit lidhur kjo me anoreksinë).
Ndryshime në komfort, dhimbje.
Gjendje psikologjike e rënduar lidhur me diagnozën e karcinomës.
Defiçiencë njohurish lidhur me aktivitetet për vetëkujdesje.
Qëllimet e interventeve infermieror
Reduktimi i ankthit
Mbajtja optimal e statusit nutricional
Qetësimi i dhimbjes.
Përshtatja ose pranimi me diagnozën e karcinomës dhe parashikimet për ndryshime potenciale në
mënyrën e të jetuarit.
28
Inteventet infermierore
Reduktimi i ankthit
Pacientit duhet t’i sigurohet një ambient i qetë sa më shumë relaksues, që pacienti të ndihet
komfort dhe të ketë mundësi të shprehë konceptet e tij, ankthin në lidhje me diagnozën dhe
prognozen jo të mirë të karcinomës.
Inkurajohen të afërmit e pacientit që ta dëgjojnë, të kuptojnë shqetësimin e tij dhe t’i qëndrojnë
sa më pranë duke e mbështetur me të gjitha format e mundshme që mund të ekzistojnë nga
trajtimi mjekësor.
Pacienti duhet të informohet dhe këshillohet për çdo procedurë apo intervent në mënyrë që ai të
dijë dhe të kuptojë çfarë duhet të pranojë apo sugjerojë.
Shumë pacientë janë në gjendje të diskutojnë gjithçka të paqartë për shëndetin e tij, dëshirat që
ai mund të ketë, të drejtën për të vendosur rreth interventeve që do t’i nënshtrohet të sugjeruara
këto nga ekipi mjekësorë.
Pacienti duhet të ndihet i vlerësuar nga të gjithë, pa e diferencuar për shkak të diagnozës.
Ekipi infermieror duhet t’i sigurojë pacientit suportin maksimal për të pritur një reagim normal
nga ana e tij, megjithëse kjo varet dhe nga statusi emocional, shëndetsorë, psikologjik nëse ia
lejon të shprehet, të informohet, të marrë pjesë në vetë-kujdesje në mënyrë që ai të ndihet aktiv
në nevojat e tij individuale.
Përgatitja pre-operatore
Të gjithë pacientët duhet të sillen në një gjendje mjekësore sa më të mirë përpara se t’i
nënshtrohen anestezisë për këtë lloj kirurgjie madhore. Trajtimi për sëmundjet iskemike,
hipertensionin ose astmen në këta pacientë duhet të jetë sa më optimal që të jetë e mundur
përpara operacionit. Fizioterapia e toraksit përpara operacionit do të ishte shumë efektive për
këta pacientë. Atje ku është e mundur do të ishte shumë mirë që të përmiresoheshin çrregullimet
biokimike dhe hematologjike.
Faza preoperative përfshinë fazën prej momentit kur merret vendimi për ndërhyrje kirurgjikale
nga ana e kirurgut ( dhe me pelqimin e pacientit) e deri në momentin kur pacienti shtrihet në
tavolinën për ndërhyrje në sallen e operacionit. Vlerësimi dhe përgaditja e pacientit para
ndërhyrjes kirurgjike përfshinë:
-Vlerësimi mbi historinë mjekësore/ të dhënat rreth sëmundjes
-Vlerësimi i pacientit rreth nivelit se sa ai e ka kuptuar proeduren e operimit të propozuar
-Dhënia informative rreth operacionit në form të shkruar dhe marrja e pëlqimit me shkrim nga
ana e pacientit
-Edukimi i pacientit
-Vlerësimi i përgjithshëm i përgatitjes fizike të pacientit
-Vlerësimi i shenjave vitale
-Administrimi i medikamenteve para operacionit duhet të bëhet nëse është përshkruar nga
mjeku.
29
Suporti Psikologjik
Pacienti duhet të ndihmohet të shpreh shqetësimet e tij, ankthin, frikën që ndien lidhur me
diagnozën e karcinomës.
Pacienti duhet të inkurajohet të marrë pjesë për vendimet e tij lidhur me trajtimin e sëmundjes.
Disa pacientë shfaqin një ndjenjë mosbesimi ndaj ekipit mjekësor, madje dhe ndaj interventeve
të kryera për trajtimin e sëmundjes.
Pacienti ka nevojë dhe për suportin e pjesëtarëve të afërm të familjes duke i qetësuar ata se
reagimi nga ana e tij është normale kur paraqitet një diagnozë kaq e vështirë sa karcinomë.
Edukimi shëndetsor i pacientit për periudhën post-operatore
Pacieti këshillohet se si duhen të paktën të ndaj vaktet normale të ushqimit, mbas një misioni
parcial.
Kuptohet që fillimi duhet të jetë me frekuencë të pakët ose mund të ushqehet nëpërmjet një tubi,
ose me rrugë I⁄V nëse është e nevojshme.
Pacientit i duhen jo më pak se 3 muaj për të rifilluar aktivitetet e tij normale.
Periudha pushimi ditorë janë tepër të nevojshme deri në normalizimin e gjendjes së tij
shëndetsore.
Pacientit mund t’i duhet të ndryshojë stilin e jetesës si pasojë e kimioterapisë ose irridacionit.
Pacienti duhet të jetë informuar paraprakisht për efekte anësore të tyre si: nauze, të vjella,
anoreksi, alpeci, ndihmën për transportin e pacientit dhe observimin e tij për 24 orë mbas
trajtimit.
Këshillimi për ushqimin fillohet në ambientet e spitalit dhe jepen instruksionet e duhura për
dietën që duhet të përdorë në periudhën post-operatore.
Pacienti mund të ndihet i shqetësuar për komplikacione që kërkojnë trajtim mjekësorë si:
hemoragjia (hematemezë, melenë), obstruksion, perforacion, presence infeksioni dhe për çdo
problem evident duhet të drejtohet në kohën e duhur duke shmangur komplikacionet aktuale dhe
potenciale.
30
Qetësimi i dhimbjes
Për të reduktuar dhimbjen administrohen analgjezikët e përshkruar nga mjeku nëse dhimbja është
frekuente mund të përdoret infusion me pika të vazhdueshme.
Vlerësohet intensiteti, frekuenca, kohëzgjatja e dhimbjes për të përcaktuar analgjezikët më
efektiv që duhet të përdorën për qetësimin e dhimbjes.
Për këtë duhet të bashkëpunohet me pacientin për të menaxhuar dhimbjen duke siguruar një
ambient relaksues, ripozicionimet e vazhdushme të pacientit, kufizimi i vizitorëve në orare jo të
përshtatshme.
Sigurimi i një diete optimale
Pacientit duhet t’i jepet një ushqim jo pikant dhe me frekuencë jo të rritur në mënyrë që të ulet
iritimi gastrik. Ushqimi suplementar duhet të jetë i pasur me vlera të larta të vitaminës A,
vitamins C, hekur me qëllim që të përmirësohet rigjenerimi indor.
Në rast se kemi të bëjmë me një gastrektomi përdoret me rrugë parenterale vitaminë B₁₂.
Pacienti duhet të monitorohet dhe vlerësohet gjatë marrjes së terapisë I⁄V për të parandaluar
komplikacionet e mundshme. Pesha trupore duhet të matet rregullisht për të parë nëse pacienti e
mban apo e humb peshën e tij, observohet pacienti për shenja dehidratimi si: etje, mukoza të
thata, turgor i varfër i lëkurës, takikardi etj.
Vlerësohen të dhëna: e analizave laboratorike për çrregullime metabolike. Antiemetikët mund të
administrohen sipas përshkrimit të mjekut.
31
Masat parandaluse
Me siguri stili i jetesës shërben si akt për uljen e probabilitetit të prekjes nga kanceri i lukthit.
Shërbejnë për këtë evitimi i atyre që më parë përmendëm si faktorë risku dhe përdorimi i gjerë i
elementeve tashmë botërisht të njohur si pozitivë të dietës mesdhetare. Por, do të vendosja një
theks të veçantë në kujdesin që lidhet me këshillimin me mjekun. Parandalimi është i
rëndësishëm por ,në sëmundjet tumorale është jashtëzakonisht e rëndësishme diagnoza në faza sa
më fillestare. Qëndron pikërisht aty çelësi i një mjekimi të suksesshëm. Mendoj që zakonisht ka
një tendencë për të nënvlerësuar shqetësimet e përgjithshme, si dhimbja e barkut, neveria për
ushqimin, lodhja apo zbehja, duke u vetëtrajtuar gjatë me medikamente qetësuese. Ndodh jo
rrallë që të hasësh pacientë që me muaj të tërë mbartin shenja të qarta të sëmundjes dhe që nuk
kanë shkuar asnjëherë te mjeku.
Kontrolli nuk shërben vetëm për të diagnostikuar kancerin, por dhe për të zbuluar e kuruar në
kohë ato sëmundje që kancerin mund ta sjellin pas disa vitesh.
Këshillë?
Mesazhi im: Konsulta me mjekun specialist në çdo rast me shqetësime gastrike, mosrefuzimi i
gastroskopisë, procedurë kjo e patjetërsueshme dhe e pazëvendësueshme që çon në
diagnostifikim të hershëm të sëmundjes që është baraz me shërim të plotë e shpëtim jete.
Zgjedhjet e stilit të jetës mund të parandalojnë kancerin!
Për njerëzit që nuk e pinë duhanin, faktorët më të rëndësishëm të rrezikut nga kanceri që mund të
ndryshojnë janë: pesha e trupit, dieta dhe aktiviteti fizik. Një e treta e gjithë vdekjeve nga kanceri
lidhen me dietën dhe aktivitetin fizik që përfshin të qenit mbipeshë ose obezë, ndërsa një e treta
shkaktohet nga produktet e duhanit. Disa prej dietave dhe ushtrimeve të rekomanduara sipas
shoqatave ndërkombëtare të nutricionit dhe komiteteve këshilluese për aktivitetin fizik janë:
32
1-Arritja dhe mbajtja e një peshe të shëndetshme gjatë gjithë jetës.
2-Të qenit fizikisht aktiv.
3- Përdorimi sa më shumë fruta dhe perime.
Një dietë e pasur me fruta dhe perime të freskëta, sidomos ato të pasura më shumë vitaminë C,
kanë rezultuar se kanë një ndikim të madh në mbrojtjen kundrejt kancerit në lukth.
4- Të evitohet nitrati dhe potasiumi.
Këta përbërës nitrogjen njihen se janë shumë të dëmshëm dhe japin më shumë mundësi
zhvillimit të kancerit të lukthit. Gjenden më së shumti në mish, sallam, salçiçe.
5- Të limitohet duhani, ushqimet që përmbajnë djegës si dhe që janë shumë të kripësura.
Në vendet që tymoset shumë dhe që preferojnë ushqimet më shumë krip është vërtetuar se kanë
një nivel më të lartë të prekurve nga kjo sëmundje.
6- Të limitohet konsumimi i alkoolit.
Alkooli mund të shkaktojë ndryshime në qelizat dhe mund të çojë drejt kancerit.
7- Të limitohet mishi i kuq.
Konsumimi i sasive të mëdha të mishit të kuq, sidomos nëse është i skuqur, rrit mundësinë për
zhvillimin e kancerit të lukthit.
8- Vizita tek mjeku nëse keni simptoma të ulcerës, si dhimbja e lukthit, djegia apo të vjellat.
Fig.2 Ushqimi i shëndetshëm Fig.3. Ndalimi i konsumimit të alkoolit dhe duhanit
33
Përfundimi
Kam ardhur në përfundim të këtij punimi se kujdesi infermieror tek pacientet me karcinomë të
lukthit është shumë i rëndësishem dhe se pacientët me karcinomë të lukthit duhet të trajtohen me
shumë kujdes si dhe infermierit apo mjekut i cili merret me pacientin me këtë lloj sëmundje
duhet të ketë shumë përgjegjësi gjatë realizimit të punës së tij, kjo sepse kacinoma e lukthit
dëmton organizmin dhe shëndetin në rrugë dhe forma të ndryshme tek pacientet. Pasi që
karcinoma lukthit është një ndër sëmundjet të cilat po marrin jetët e njerëzve çdo ditë e më
shumë është shumë e rëndësishme që njerëzit të informohen më shumë rreth kësaj sëmundje si
dhe simptomat të cilat paraqiten duhet të merren parasysh në mënyrë që të zbulohet kjo
sëmundje në fillimet e saj dhe të shërohet më shpejtë dhe lehtë.
34
Rezyme
Qëllimi:
Qëllimi i këtij studimi është të tregojë se si kryhet kujdesi infermieror në pacientët me
karcinomë të lukthit, për të identifikuar simptomat paraqitëse te pacienti me karcinomë të lukthit,
si të zbulohet kjo sëmundje në fazat e hershme të prezantimit të saj.
Metodologjia:
Për realizimin e këtij punimi kam përdorur literaturë bashkëkohore, burime të internetit, ku kam
përdorur edhe një numër të madh të punimeve shkencore.
Diskutim:
Kanceri i lukthit është rritja malinje e mureve të qelizave të saj. Është shkaku i dytë më i
zakonshëm i vdekjeve nga kanceri në botë. Gjithashtu renditet në vendin e katërt si kanceri më i
zakonshëm.
Përfundim:
Në fund të këtij punimi, kam arritur në përfundimin se kujdesi infermieror për pacientët me
karcinomë të qelizave squamous është shumë i rëndësishëm dhe që pacientët me karcinomë të
qelizave squamous duhet të trajtohen me shumë kujdes.
35
Resume
Purpose:
The purpose of this study is to show how nursing care is performed in patients with gastric
carcinoma, to identify the presenting symptoms in a patient with gastric carcinoma, how to detect
this disease in the early stages of its presentation.
Methodology:
For the realization of this paper, I have used contemporary literature, internet resources, where I
have also used a large number of scientific papers.
Discussion:
Stomach cancer is the malignant growth of its cell walls. It is the second most common cause of
cancer deaths in the world. It also ranks fourth as the most common cancer.
Conclusion:
At the conclusion of this paper, I have concluded that nursing care for patients with stomach
carcinoma is very important and that patients with stomach carcinoma should be treated very
carefully.
36
Referencat
1. Anatomia funksionale e njeriut (ligjerata te autorizuara) prof.dr.Hilmi Dauti.
2.Vincent T.DeVita, Jr Theondore S.Lawrence, Steven A.Rosenberg KANCERI,
Parime dhe Praktika të onkologjisë.
3. Peter W.T.Pisters, David P.Kelsen dhe Joel E.Tepper “Kanceri i stomakut”.
4.Eslick GD, Lim LL, Byles JE, et al.Association of Helicobacter pylori inferction
with gastric carcinoma; a meta-analysis. Am J Gastroenterol 1999;94;2373
5. Kraja.E Bazat e infermierisë 1.
6. Joana Millo – Onkologe Mjeksore, QSUT Nene Tereza,Fatjona Kraja –
Radioterapeute, QSUT Nene Tereza, Artan Bodeci – Kirurg, QSUT Nene Tereza,
Adrian Hoti – Imazherist, QSUT Nene Tereza, Blerina Cela – Anatomopathologe,
QSUT Nene Tereza, Ferdinand Jorgoni – Statisticien, QSUT Nene Tereza
“Kanceri gastric- protokolli 1”
7. E.Peka, L.Neçaj, E.Rustami, D.Bego, A.Imami-Lelçaj, M.Çela, A.Dervishi,
V.Zanaj, V.Mane “ Infermieristika në specialitete ”
Burime nga internet
1. http://cancertreatment.mk/index.php/sq/types-of-cancer/karcinoma-e-
stomakut
2. https://www.shkollaibrahimkodra.com/wp-content/uploads/2017/07/19.-
Kanceri-i-stomakut.pdf
3. https://mjekesiabimorearabe.com/kanceri-i-stomakut/Cancer-c14047608
4. https://sherohu.com/infeksioni-bakterial-helicobacter-pylori-simptomat-
diagnostikimi-dhe-
trajtimi/?doing_wp_cron=1570887000.5940690040588378906250
37
Biografi e shkurtër e kandidatit – CV (Curriculum Vitae)
INFORMATA PERSONALE
Emri dhe Mbiemri
Xhevë Haliti
Datëlindja
29.03.1998
Nr.personal
1240815024
Të dhënat e kualifikimit
Shkolla e mesme e lartë
Ass.infermiere e mamis SHMML “Ramiz
Sadiku” Pejë
Universiteti
Universiteti i Gjakovës “Fehmi Agani”
Fakulteti
Fakulteti i Mjekësisë
Programi
Infermieri
Statusi
I rregullt
Nr.ID
160306089