punim diplome - edukimi.uni-gjk.org drilona ethemi.pdf · 1.1.2 karakteri disa psikologë me këtë...
TRANSCRIPT
UNIVERSITETI I GJAKOVЁS “FEHMI AGANI”
FAKULTETI I EDUKIMIT
Dega: Program Fillor
PUNIM DIPLOME
TEMA: “LLOJET DHE NDËRTIMI I PERSONALITETITTE FËMIJËT”
Udhёheqёsi shkencor: Kandidatja:Prof.Ass.Dr.Behxhet Gaxhiqi Drilona Ethemi
Gjakovë, 2017
2
PËRMBAJTJA
MIRËNJOHJE ................................................................................................................................ 3
ABSTRAKT…... ............................................................................................................................ 4
HYRJE…... ..................................................................................................................................... 5
1. MBI PERSONALITETIN .......................................................................................................... 6
1.1. Struktura e personalitetit ...................................................................................................... 7
1.2. Zhvillimi i personalitetiti ................................................................................................... 10
1.3. Bazat biologjike në formimin e personalitetit.................................................................... 11
2. FAKTORËT SOCIAL NË FORMIMIN E PERSONALITETIT............................................. 13
2.1. Roli i familjes në formimin e personalitetit ................................................................... 13
2.3. Roli i shkollës dhe moshatarëve në formimin e personalitetit ....................................... 15
2.4. Roli i kulturës në formimin e personalitetit ................................................................... 16
3. TEORITË MBI PERSONALITETIN....................................................................................... 17
3.1. Teoria psiko - dinamike.................................................................................................. 17
3.2. Teoria humaniste ............................................................................................................ 22
3.3. Teoria e tiparit ................................................................................................................ 23
3.4. Teoria e të nxënit social ................................................................................................. 25
4. ÇRREGULLIMI I PERSONALITETIT................................................................................... 27
4.1. Shkaktarët e çrregullimeve të personalitetit....................................................................... 27
4.2. Llojet e çrregullimeve të personalitetit .............................................................................. 28
4.3. Trajtimi i çrregullimeve të personalitetit ........................................................................... 30
REZYME ...................................................................................................................................... 32
LITERATURA ............................................................................................................................. 33
3
MIRËNJOHJE
Kur duam diçka që për ne është e rëndësishme, i përkushtohemi asaj me gjithçka që nekemi. Këtë ditë nuk do të arrija ta përjetoja nëse pranë vetes nuk do të kisha personat eveçantë të cilët më dhanë mbështetje të pafundme gjatë këtij rrugëtimi.
Një falënderim të veçantë ia kushtoj profesorëve të cilët duke më pajisur me dituri të
dobishme më lehtësuan rrugën për përfundimin e këtyre studimeve. Për mbështetjen dhe
ndihmën e pakushtëzuar që më ofroj për realizimin e punimit tim të diplomës e falënderoj
përzemërsisht udhëheqësin tim shkencor, Prof. Ass. Dr Behxhet Gaxhiqi.
Falënderime të pafundme edhe mikeve të çmuara, të cilat ia shtuan madhështinë këtyre
viteve studimore me praninë e tyre në çdo aspekt.
Fjala faleminderit është më e pakta që mund t’ua them atyre që më dhuruan jetën. Që
t’ua shpërblej sakrificat e tyre përgjatë këtyre viteve, këtë arritje dhe çdo arritje tjetër ua
kushtoj personave më të rëndësishëm të jetës sime. Faleminderit e dashur familje për çdo
gjë që më ofruat.
4
ABSTRAKT
Përmes këtij punimi kam për qëllim që të paraqes llojet e personalitetit dhe faktorët endryshëm të cilët ndikojnë në krijimin e personalitetit të fëmijëve.
Pamja e jashtme është e para që na bie në sy për tu dalluar nga të tjerët, mirëpo ajo qëështë më e rëndësishme për secilin prej nesh, është identiteti ynë.
Por, sa ndikojnë faktorët e njejtë në krijimin e personalitetve të ndryshme do tështjellohen gjatë këtij punimi.
Duke pasur parasysh faktin se fëmijëria luan një rol të rëndësishëm për formimin epersonalitetit, secili prej nesh duke qenë pjesë e familjes, shkollës dhe shoqërisë duhet tëjemi të vetëdijshëm se cilat janë metodat më të dobishme për rritjen dhe edukimin efëmijëve.
Që fëmijët të mund të zhvillojnë veten e tyre, patjetër atyre duhet t’iu ofrohet disiplinëdhe besim në sigurinë e vetekzistencës së tyre. Të gjitha këto i arrijnë nëse nepërkushtohemi në dhurimin e këtyre cilësive.
Fjalët kyçe: personalitet, lloj, fëmijë, prind, shkollë, mjedis etj.
5
HYRJE
Secili prej nesh, që nga fillimi i jetës sonë, gjatë periudhave të jetës përvetësojmë shprehi
të ndryshme. Të gjitha këto shprehi të fituara i vërejmë në sjelljet që kemi ndaj situatave
të ndryshme që hasim.
Formimi i personalitetit është një rrugë e gjatë. Gjatë kësaj rruge fëmijët ndeshen me një
varg faktorësh dhe situatash, ku përballimi me këto ngjarje mundëson formimin e vetive
të caktuara personale. Këto veti duke i përfshirë në përgjithësi dhe veçanti e përbëjnë
personalitetin.
Personaliteti definohet në disa aspekte nga psikologë të ndryshëm, ku disa prej
mendimeve të tyre rreth personalitetit do t’i paraqesim gjatë këtij punimi.
Gjithashtu, shqyrtimi i ndryshimeve sipas temperamentit, karakterit, aftësive dhe cilësive
trupore, janë pjesë e këtij studimi.
Dashuria është vullneti që nxit zhvillimin tonë shpirtëror për të arritur pjekurinë ose
plotësimin e vetvetes dhe të të tjerëve.
Do të ndalemi te rëndësia e faktorëve social, e së pari te familja si kontakti i parë që e ka
fëmija prej ardhjes së tij në këtë botë, prej nga edhe i merr mësimet e para për jetën.
Prindërit janë udhëheqës, edhe pse shumë prej tyre janë të papërgatitur për këtë rol. Duke
mos lënë mënjanë as shkollën si institucion të rëndësishmëm edukativo-arsimor.
Në ç’masë ndikohet sjellja nga procese që ndodhin brenda personit? Në ç’masë ndikohet
apo shkaktohet sjellja nga faktorët e jashtëm? A janë cilësitë që zhvillojmë në fëmijëri
pak a shumë të fiksuara dhe të përhershme? Të gjitha këto do të trajtohen në vazhdimësi
të këtij punimi.
Si njerëz që jemi, në disa aspekte ne ngjajmë vetëm me njerëz të caktuar. Në disa aspekte
të tjera nuk ngjajmë me askënd. Si rrjedhojë, kudo ku ka njerëz do të ketë si ngjashmëri
ashtu edhe ngjashmëri.
6
1. MBI PERSONALITETIN
Secili prej nesh përkufizohet nga sjellja që kemi, në jetën e përditshme vërejmë persona
të ndryshëm të cilët në mjedise apo rrethana të caktuara kryejnë funksione të ndryshme.
Mirëpo, pavarësisht nëse mjediset apo situatat janë të njëjta, sjelljet e njerëzve janë të
ndryshme. Kjo sjellje përbën personalitetin e tyre.
Personaliteti është organizim unik i vetive që formohet me veprime reciproke të individit
me ambientin që e rrethon, duke karakterizuar kështu edhe aktivitetin e tij. Cilësitë që e
përbëjnë personalitetin formohen gjatë jetës së individit, varësisht nga rrethi në të cilin
jeton.1
Godon Oport ka konstatuar se ekzistojnë afër 50 definicione të ndryshme mbi
personalitetin.
Gordon Allport (1961) e definon personalitetin si organizim dinamik të atyre sistemeve
psikofizike të individit të cilat caktojnë cilësitë e tij, mënyrën e adaptimit në rrethin ku
jeton.
Personaliteti përbëhet nga sjelljet publike të një personi, që përfshijnë sjelljet verbale dhe
joverbale dhe nga motivet personale, mendimet dhe emocionet. (Singer, 1984)
Walter Mischel (1986), e përkufizon personalitetin si modelet e përgjithshme të
qëndrueshme dhe të dallueshme të sjelljes në përgjigje të njerëzve dhe ngjarjeve përreth.
Byrne dhe Kelley (1981) e shikojnë personalitetin si shuma totale e dimensioneve
relativisht të qëndrueshme të veçorive individuale të personit.
Ekzistojnë tri karakteristika për personalitetin:
Karakteristikat. Kur flasim për personalitetin ne po flasim për ato aspekte që janë
pjesë e secilit prej nesh, konstante, të qëndrueshme. Nëse jeni agresiv në ditët e
sotme, shanset janë të larta që do të jeni nesër agresivë/ nëse jeni të turpshëm tani,
do të jeni shumë të turpshëm kur të zgjoheni nesër në mëngjes. Kështu që ne po
1 Nikolla Rot, Psikologjia e përgjithshme, fq.230.
7
flasim për karakteristika të qëndrueshme, dhe këto janë ato që psikologët
studiojnë nën titullin e personalitetit.
Qëndrueshmëria. Një perspektivë e dytë e personalitetit, ose ndonjë tipar i
identifikuar me personalitetin, është se ajo duhet të ndodhë në mënyrë të
përsëritur. Veprimet duhet të ndodhin në një shumëllojshmëri rrethanash. Një
person agresiv do të priret të jetë kështu në shumë situata të ndryshme- në një
restorant, në klasë, në shumicën e marrëdhënieve shoqërore- në thelb kudo që iu
jepet mundësia.
Veçantia. Një aspekt i tretë i rëndësishëm i personalitetit tonë është se ne jemi
secili në thelb unik. Ne secili kemi një sasi të caktuar të agresionit, ligësisë,
humorit, virtytit, lumturisë. Megjithatë, kombinimi që ju përcakton është i
identifikueshëm. Pavarësisht fuqisë së parashikimit.2
1.1 Struktura e personalitetit
Me konceptin strukturë kuptojmë një sistem marrëdhëniesh ndërmjet komponentëve të
caktuar.
Disa autorë janë të mendimit se rëndësi kryesore kanë momentet e shprehisë në bazë të të
cilave shpjegohen sjelljet e individit.
Termi strukturë e personalitetit përdoret në dy kuptime themelore:
1. përcakton faktorët ose momentet që janë themelore të kuptojnë personalitetin në
përgjithësi.
2. kuptojnë organizimin karakteristik të vetive e të lidhjeve themelore të cilësive të
individit, mendojmë vetëm për strukturën e një individi konkret.”3
Edhe pse numri i cilësive të personaliteti është shumë i madh, kur bëhet fjalë për
strukturën e tij vëmendja përqendrohet në katër grupe kryesore të cilësive:
Temperamenti;
Karakteri;
2 Richard Kasschau. Psychology, New Jersey, fq. 338.3 Nikolla Rot, Psikologji e personalitetit, Prishtinë, fq. 38.
8
Aftësitë;
Cilësitë trupore.
1.1.1 Temperamenti
Është aspekt i personalitetit që është gjenetikisht i bazuar dhe i lindur, që paraqet
energjinë e individit në dispozicion. Ai mund të përcaktohet edhe si mënyrë
karakteristike e reagimit të individit ndaj ngacmimeve dhe situatave të ndryshme.
Temperamenti nuk tregon vetëm mënyrën e reagimit emocional, por edhe shpejtësinë,
fuqinë dhe qëndresën e aktivitetit të individit.4
Temperamenti sipas Hipokratit:
a) Kolerik- manifestohet me ndjenja intensive, individi në këtë temperament
zemërohet shumë shpesh dhe shpejt, dhe si rrjedhim krijon konflikte me të tjerët.
Reagimet e tyre janë të fuqishme dhe të vrullshme, por janë ambiciozë, punojnë
me pasion dhe intensitet, janë të shoqërueshëm.
b) Sanguin- reagojnë shpejt, por ky reagim nuk zgjat shumë, ndryshojnë shpejt
disponimin. Ky tip është i gjallë, mjaft i shkathët dhe i shpërqendrushëm, por
shpesh i mungon këmbëngultësia dhe durimi.
c) Flagmatik- tip me karakteristika pasive, ka reagime të ralla, të ngadalshme dhe
me emocione të dobëta. Janë zakonisht të urtë, gjakftohtë, jo fort të ndieshëm.
Janë optimist, të qetë dhe mjaft stabil.
d) Melankolik- tip me reagime të fuqishme, por të rralla e të ngadalshme. Këta
individë vendosin me kujdes dhe me durim të madh çdo gjë dhe si rrjedhim janë
më pak optimist. Janë individë të qetë, të kujdesshëm dhe të matur.
Fig.1. Llojet e temperamentit
4 Arben Hoti, Psikologji e personalitetit, Tiranë, 2012, fq. 88.
9
1.1.2 Karakteri
Disa psikologë me këtë term e kuptojnë personalitetin e një individi në tërësi, ndërkohë
që disa të tjerë theksojnë vetëm anën morale të njeriut.
Me karakter përcakton vetitë e vullnetit dhe flitet për qëndrueshmëri, vendosmëri,
iniciativë. Paraqet sjelljen karakteristike të një individi, përcakton vetitë me anën e të
cilave shprehet respektimi ose mosrespektimi i disa normave që janë në një shoqëri të
caktuar.
Për karakterin nuk është vendimtar trashëgimia, por përvoja që fitohet gjatë jetë,
veçanërisht në fëmijërinë e hershme. I posalinduri është qenie amorale, i cili ka vetëm
disa dispozita për sjellje shoqërore, faktorë të caktuar (rrethi shoqërorë) varet se çfarë
njeriu do të bëhet fëmija.5
1.1.3 Aftësitë
Njerëzit ndryshojnë shumë midis tyre në shumë aspekte, këto kanë të bëjnë me aftësitë që
ka secili prej nesh, të cilat janë tërësi e vetive personale që mundësojnë zotërimin dhe
kryerjen me sukses të një veprimtarie të caktuar.
Aftësitë janë dhuratë e natyrës, por në dispozita të caktura zhvillimi i tyre varet nga rrethi
dhe nga kushtet e tij, si dhe nga vetë aktiviteti i një individi.
Ndonjë fëmijë mund të ketë trashëguar talent të madh për muzikë, pikturë, matematikë,
por ai talent do të zbehet nëse fëmija nuk rritet në një rreth i cili do vërejë me kohë
dispozitat e tij. Për t’i edukuar dhe ndihmuar të zhvillohen, fëmijët duhet t’i zbulojnë
dëshirat e veta. Çdo etapë e zhvillimit dallohet me disa karakteristika të dukshme sipas të
cilave ndryshon prej çdo etape të mëhershme. P.sh fëmijëria e hershme dallohet me
kontrollim gjithnjë më të madh ndaj lëvizjeve vetjake, faza e mëvonshme dallohet me
shfaqjen e të shoqëruarit dhe zhvillimin e saj, në kërkimin e shokëve për lojë etj.6
5 Frifrih Troj, Psikologjia e fëmisë, Beograd, fq. 124.6 Po aty, fq. 81.
10
Dallojmë disa lloje të aftësive:
Intelektuale;
Motorike;
Sensorike;
Fizike.
1.1.4 Cilësitë trupore
Përveç në temperament, karakter dhe aftësi, individët dallohen edhe në aspektin e tyre
fizik, në bazë të karakteristikave të veçanta fizike (cilësive trupore). Këto cilësi varen prej
vetive morfologjike (gjatësia, vëllimi dhe forma e kokës, gjatësia e gjymtyrëve,
muskulatura) dhe vetitë fiziologjike (veçantia e sistemit endokrin) mund të jetë
karakteristike për individin dhe e plotësojnë pamjen e personalitetit.7
1.2 Zhvillimi i personalitetit
Ka për detyrë të bëjë përshkrimin dhe shpjegimin e procesit dhe zhvillimit të
personalitetit (si zhvillohet dhe si formohet) dhe cilët janë faktorët e zhvillimit dhe
formimit të tij.
Personaliteti zhvillohet dhe formohet gjatë jetës së njeriut në mjedisin e tij dhe nën
ndikimin e faktorëve të atij mjedisi.
Struktura biologjike dhe funksionimi i organeve të tërësisë së organizmit është ndër
faktorët më të rëndësishëm të formimit dhe ndërtimit të personalitetit.
Fëmija që edukohet me shkathtësi shpirtërore di të jetë i aftë të kuptojë çështjet
thelbësore për atë se si vepron universi, do të kuptojë burimin e krijimtarisë në veten dhe
jashtë vetes, do të jetë i aftë për mosgjykim, pranimin e realitetit dhe të së vërtetës, që
janë shkathtësitë më të vlefshme që kemi në marrëdhënie me njerëzit e tjerë.8
7 Nikolla Rot, Psikologji e personalitetit, Prishtinë, fq. 89.8 Deepak Chopra, Si të edukoni fëmijët, Titanic, fq. 22.
11
Ndikimi i pesë viteve të para të jetës së fëmijës ka shumë rëndësi në zhvillimin e
personalitetit të njeriut.
Sipas psikologëve, zhvillimi i fëmijës varet prej dy faktorëve:
o Trashëgimit;
o Rrethit. 9
1.3 Roli i aspektit biologjik në formimin e personalitetit
Trashëgimia biologjike që arrihet nga momenti i ngjizjes është proces i pjekurisë
biologjike, kryesisht jashtë ndikimit të jashtëm njerëzor, por sipas disa ligjeve të
caktuara.
Personaliteti nuk është i lindur dhe i trashëguar, ai lidhet ngushtë me faktorët biologjik
dhe social, me kushtet shoqërore sociale, të cilat veprojnë mbi bazat organike të dhëna
me anë të trashëgimit.
Faktorët kryesorë biologjik në formimin e personalitetit janë:
Sistemi nervor;
Sistemi endokrin;
Konstrukti fizik.
Bazat biologjike të trashëguara janë themeli mbi të cilat formohen cilësitë e caktuara
trupore dhe psikike. Psikologu gjerman Kreçmer dhe ai amerikan Sheldon gjetën lidhjen
mes pamjes fizike dhe cilësive psikike.
Pamja fizike në formimin e personalitetit lidhet me faktin se si do të sillen njerëzit e tjerë
ndaj tij. P.sh një vajzë e bukur do të pranohet ndryshe nga rrethi për dallim nga ajo vajzë
që ka ndonjë të metë trupore. Kjo bën që personi të fitojë tipare të tilla të personalitetit:
kryelartësia, tendenca për të qenë në qendër të vëmendjes, siguria, çiltërsia, mospërfillja
etj. Kurse te tjetra mund të shkaktojë të mbyllurit në vetvete, ndjenja e pasigurisë,
9 Leonard Prifti, Psikanaliza sot, psikologjia e thellësive, Uegen, Tiranë, 2016
12
agresiviteti, zemërngushtësinë etj. Këto cilësi të personalitetit nuk lindin drejtpërdrejt me
të metat fizike, por me reagimet e të tjerëve ndaj tyre.10
Ndërmjet konstruktit trupor dhe dukurive të caktuara psikike, Sheldon ka konstatuar tipat:
* endomorf : individët që kanë të zhvilluar pjesën e mesme të trupit, zakonisht janë
individë të plotë dhe të plogët.
* mezomorf : individë që kanë eshtra dhe muskuj të zhvilluar, janë tepër të
qëndrueshëm, të zhdërvjellët dhe atë aftë, sidomos në kryerjen e punëve fizike.
* ektomorf: janë individë të ndjeshëm, me qëndrueshmëri relative, por kanë sistem
nervor dhe shqisa mjaft të zhvilluara, me muskuj pak të zhvilluar.
10 Nikolla Rot, Psikologji e personalitetit, Prishtinë, fq. 91.
13
2. FAKTORËT SOCIAL NË FORMIMIN E PERSONALITETIT
Mjedisi për fëmijët është një edukator i heshtur. Rol vendimtar në formimin e
personalitetit luajnë faktorët social: ambienti dhe kushtet familjare, shkolla, moshatarët,
kultura, sistemi shoqëror etj.11
Fëmija që nuk pranon dashuri dhe kujdes nuk arrin të rritet dhe zhvillohet. Që të
zhvillohen deri në potencialin e plotë, ata kanë nevojë për mbështetje të madhe dhe
udhëheqje prej të tjerëve në jetët e tyre. Kushtet sociale, para së gjithash kontakti më
njerëz dhe me prodhimet e aktivitetit njerëzor na mundëson formimin e personalitetit.
Fëmija është i detyruar t’i lidhë marrëdhëniet me fëmijët dhe të rriturit, ta përshtasë
sjelljen e tij ndaj shoqërisë që nga vegjëlia. Fëmija jeton dhe rritet në një rreth shoqëror të
ndërlikuar dhe dinamik i cili bëhet më i komplikuar sa më tepër që fëmijët krahas me
kohën vijnë në kontakt më një numër më të madh personash të cilët në sjelljen e tyre dhe
marrëdhëniet ndaj fëmijës ndryshojnë.
Zhvillimi dhe edukimi tërësor i personalitetit të fëmijës kushtëzohen nga shanset që
ofrohen nga mjedisi jetësor, familja dhe të rriturit e tjerë në mikro dhe makro mjedisin
social.12
2.1 Roli i familjes në personalitet
Rrethi i parë shoqëror në të cilin fëmija bie në kontak është familja. Prandaj asaj i përket
roli më i rëndësishëm për formimin e ndërgjegjes shoqërore dhe sjelljes shoqërore të
fëmijës. Nëse rrethi familjar do ta përshtasë dhe e përvetëson fëmijën, ai do ta ndiej veten
si anëtar të mirëseardhur të shoqërisë.
Familja është faktori më i rëndësishëm prej të cilit varet zhvillimi i drejtë i personalitetit
të fëmijës. Një prej nevojave më të rëndësishmë personale të motiveve personale, prej së
cilës varet zhvillimi i personalitetit është nevoja për dashuri. Nga përmbushja e nevojës
së parë zhvillohet ndjenja e sigurisë, ndjenja e pranueshmërisë nga ana e shoqërisë dhe
11 Leonard Prifti, Psikanaliza sot, Uegen, Tiranë, 2016, fq. 67.12 Afërdita Deva, Partneriteti shkollë-familje-komunitet, Prishtinë, 2009, fq.39.
14
ndjenja e përkatësisë në shoqëri. Fëmijët që zhvillohen në familje, për dallim nga fëmijët
që jetojnë në institucionet e fëmijëve janë shumë më përparimtar në çdo pikëpamje.13
Roli i viteve të para të jetës kur fëmija është nën pushtetin e plotë të familjes, është tepër i
rëndësishëm për formimin e personalitetit. Ky rrit rolin dhe përgjegjësinë e familjes në
formimin e personalitetit të fëmijës.
Sado që të rritet roli i shoqërisë në edukimin dhe formimin e fëmijëve, nuk mund të
fshihet nevoja e edukatës familjare. Ndikimi i familjes dhe i prindërve në zhvillimin e
personalitetit të fëmijëve është i lidhur me faktin se shoqëria ndërmjet tyre përcjell,
transmeton botëkuptimin, zakonet, kërkesat, moralet, ato cilësi që preferon për karakterin
dhe atë sjellje që dëshirohet e pëlqehet nga shoqëria. Prindërit paraqesin modelin e parë
që imitojnë fëmijët.
Është e nevojshme që fëmijët të kenë ndjenjën e sigurisë në familje, të ndjejë se prindërit
kujdesen për të dhe se e duan.
Kujdesi i pamjaftueshëm për fëmijën ose mungesa e dashurisë ndaj tij, janë ndër faktorët
kryesorë për shfaqjen e disa cilësive të padëshirueshme për shoqërinë dhe njerëzit e tjerë
p.sh. agresiviteti, qëndrimi armiqësor ndaj rrethit, të tërhequrit në vetvete, pasiviteti.14
Fig.2. Kujdesi ndaj fëmijëve
13 Barisllav Stevanoviq, Psikologjia pedagogjike, Beograd, fq.76.14 Nikolla Rot, Psikologjia e përgjithshme, fq. 246.
15
Diana Baumrind ka paraqitur disa cilësi për mënyrën më të mirë për rritjen e fëmijës.
Kemi disa ndarje për tipet e prindërimit:
Prindi autoritativ- karakterizohet nga një prind që fëmija t’u bindet një sërë
rregullash të arsyeshme dhe është njëkohësisht i përgjegjshëm kundrejt nevojave
dhe kërkesave të fëmijës. Ai respekton dhe mbështet pavarësinë dhe
individualitetin e fëmijës.
Prindi autoritar- karakterizon një prind që kontrollon dhe rrjedhimisht nuk lejon
pavarësinë e fëmijës si dhe kufizon shprehjen e emocioneve të tij.
Prindi liberal- karakterizon një prind që nuk mund të vendosë kufizime mbi
fëmijën, nuk beson në ndëshkim pavarësisht veprimit të fëmijës.15
2.2 Roli i shkollës dhe shoqërisë në personalitet
Një faktorë i rëndësishëm social, nga i cili varet zhvillimi i personalitetit është edhe
shkolla. Shkolla ka rëndësi para së gjithash për shkak se ardhja e fëmijës në shkollë është
një ambient i ri, me kërkesa dhe marrëdhënie të reja me të cilat duhet të mësohet fëmija.
Ashtu si prindërit, edhe mësuesit janë persona që i imiton fëmija dhe me anën e të cilëve
pranon dhe përvetëson pikëpamje dhe qëndrime të ndryshme.
Shoqëria sidomos përmes shkollës përpiqet që t’i zhvillojë ato veti të fëmijëve të cilat i
konsideron të pëlqyeshme dhe t’i pengojë ato që i konsideron negative. Procesi i
zhvillimit intelektual emocional e sidomos social që ka filluar në familje, vazhdon në
shkollë në mënyrë intensive dhe sistematike.
Shkolla e cila është është e orientuar në rend të parë në punë me fëmijët që kanë aftësi
mesatare mund të shkaktojë vështirësi për zhvillimin e fëmijëve që kanë më pak aftësi.
Mossukseset që arrijnë fëmijët në shkollë për shkak të aftësisë së vet të pamjaftueshme
shpeshherë manifestohen në personalitetin e fëmijës. Mirëpo, jeta në shkollë mund të
bëhet problem edhe për fëmijët e talentuar, sepse programi mësimor që zhvillohet nuk
15 Theodor Karaj, Psikologjia e zhvillimit të fëmijës, Tiranë, 2005, fq. 243
16
është për ta aq interesant dhe është tepër i lehtë. Kjo mund të zgjojë tek ata veti si:
përtaci, pakujdesi, arroganc, agresivitet dhe veti tjera të papëlqyeshme të personalitetit.16
Grupi i moshatarëve ndikon në mënyrë të fuqishme mbi atë se cilat vlera do të synojë t’i
realizojë fëmija. Të shoqëruarit në përgjithësi paraqet mjet mjaft të rëndësishëm të
socializmit të individit, kontribuon në zhvillimin e shoqërimit, të përvetësuarit e
qëndrimeve të reja sociale, në zhvillimin normal të fëmijës.
2.3 Roli i kulturës në formimin e personalitetit
Çdo individ zhvillohet në bashkësinë e caktuar e cila i ka rregullat e veta të sjelljes dhe
botëkuptimet e veta mbi çështjet e shumta jetësore.
Secili mjedis shoqëror dhe ekonomik, secila bashkësi, secili komb ka kulturën e vet. Mes
mjedisit kulturor dhe tipareve të personalitetit ekziston ndërlidhje e ngushtë.
Pjestarët e një mjedisi kulturor kanë veti të sjelljeve, qëndrimeve dhe vlerave sociale të
përbashkëta sepse burojnë nga një mjedis kulturor që ka zakone, tradita, qëndrime, vlera
sociale që janë karakteristike për atë mjedis.17
Rëndësinë e kulturës për formimin e personalitetit e kanë vënë në dukje antropologët. Ata
dëshmuan se ndër fise të ndryshme, krahas me dallimet në kulturë, shkojnë edhe
ndryshimet e vetive të personalitetit si dhe dallimet në sjellje.
Në mjediset me kultura të ndryshme formohen personalitete tiparesh të ndryshme që janë
karakteristike për mjedisin e caktuar. Mjedisi kulturor riprodhon personalitete sipas
sistemit të vlerave kulturore të tij.
Kultura në një masë të gjerë përcakton se çfarë qëndrimesh dhe vlerash do të kenë
pjestarët e një grupi të caktuar, në ç’mënyrë do të sillen në situata të ndryshme dhe si do
të adaptohen.
16 Nikolla Rot, Psikologji e personalitetit, Prishtinë, fq. 75.17 Arben Hoti, Psikologji e personalitetit, Tiranë, 2002, fq. 29.
17
3. TEORITË MBI PERSONALITETIN
Teoritë identifikojnë cilat karakteristika janë të rëndësishme dhe si organizohen ato në
individë të ndryshëm. Teoricieni i personalitetit paraqet koncepte që japin faktorët të cilët
ndikojnë në zhvillimin e personalitetit dhe sjelljeve të përditshme të individit dhe na
ndihmon të kuptojmë pse secili prej nesh është i veçantë.18
3.1 Teoria psikodinamike
Teoria psikodinamike e sheh sjelljen si produkt të forcave të brendshme psikologjike që
shpesh veprojnë jashtë vetëdijes sonë. Teoricientët e psikodinamikës kanë të përbashkët
mendimin se personaliteti përcaktohet kryesisht nga proceset e pavetëdijshme dhe mund
të kuptohet më mirë brenda kuadrit të zhvillimit të jetës së njeriut.
Pesë sugjerimet e mëposhtme janë në qendër të të gjitha teorive psikodinamike:
1. Pjesa më e madhe e jetës mendore është e pavetëdijshme, si rezultat njerëzit mund
të sillen në mënyra që nuk ekzistojnë.
2. Proceset mendore (emocionet, motivet dhe mendimet) veprojnë paralel dhe në
këtë mënyrë çojnë në konflikte ndjenjash.
3. Shembujt e personalitetit të qëndrueshëm jo vetëm që fillojnë e formohen në
fëmijëri, por përjetimet e hershme ndikojnë në formimin e personalitetit.
4. Pasqyrimet tona mendore për veten, për të tjerët dhe për marrëdhëniet tona, kanë
vetinë të drejtojnë edhe bashkëveprimin tonë me njerëzit e tjerë.
5. Zhvillimi i personalitetit lidhet me të nxënët e rregullimit të ndjenjave seksuale
dhe agresive, si dhe me të bërit më shumë i ndërvarur nga pikëpamje shoqërore,
se sa i pavarur.19
18 Terry F. Pettijohn, Psikologjia, Tiranë, 1996, fq. 391.19Charles G. Morris, Albert A. Maista, Psikologjia, Tiranë, 2008, fq. 354.
18
3.1.1 Teori psikodinamike e Sigmund Frojd
E mendonte personalitetin si një ajsberg që vetëm maja i del mbi ujë. Pjesa e
personalitetit për të cilën jemi të vetëdijshëm (ndërgjegjshëm) në jetën e përditshme
është maja e ajsbergut. Poshtë saj është mendja jonë e pandërgjegjshme e cila përmban
informacione që i dijmë por që nuk po i mendojmë tani. Nën nivelin e pandërgjegjshëm
shtrihet mendja e pandërgjegjshme, sipas tij frika dhe kujtimet tona të pakëndshme
shtypen në mendjen e pandërgjegjshme.
Teoria e personalitetit të Frojdit përbëhet nga tri koncepte kryesore:
Idi;
Euperegoja;
Egoja.20
Idi është i pranishëm që në lindje, përfaqëson prirjet bazë instiktive dhe biologjike. Ai
pretendonte se idi vepron mbi bazën e parimit të kënaqësisë, ku prirjet instiktive kërkojnë
kënaqësi të menjëhershme në mënyrë të pandërgjegjshme dhe impulsive.
Superegoja përbëhet nga vlera shoqërore dhe familjare që i janë ushqyer personit. Ajo
është në një masë të madhe e pandërgjegjshme dhe frenon dëshirat e idit. Ajo përfshin
ndërgjegjen (njohuri për sjelljet gabuara) dhe idealin e egos (njohuri për sjelljet e drejta).
Egoja përbëhet nga një aftësi e ndërgjegjshme për të përceptuar dhe për t’u marrë me
realitetin në mënyrë inteligjente. Ajo vepron si ndërmjetës midis idit (duke i larguar
dëshirat për kënaqësi të menjëhershme) dhe superegos (duke pranuar se disa nga forcat
penguese të saj nuk janë racionale). Egoja vepron në bazë të parimit të realitetit dhe
përpiqet të gjejë mënyra të pranueshme nga shoqëria për të kënaqur idin.
3.1.2 Psikologjia analitike e Karl Jung
Ndërkohë që Frojdi e vuri theksin tek epërsia e instikteve seksuale, Jungu theksonte
cilësitë racionale dhe shpirtërore të njerëzve. Ndërsa Frojdi mendonte se zhvillimi merrte
20 Terry F. Pettijohn, Psikologjia, Tiranë, 1996, fq. 393.
19
formën në fëmijëri, Jungu mendonte se zhvillimi psikik arrinte pjekurinë gjatë moshës së
mesme.
Ai besonte se e pavetëdijshmja përbëhej nga e pavetëdijshmja personale dhe e
pavetëdijshmja kolektive.
E pavetëdijshmja personale- përfshin mendimet e shtypura, përvojat e harruara dhe idetë
e pazhvilluara, që mund të hyjnë në vetëdije ne qoftë se një individ apo një sensacion e
ngacmon kujtimin e tyre.
E pavetëdijshmja kolektive- përmbledh kujtesën dhe shembujt e sjelljeve që trashëgohen
nga brezat e mëparshëm dhe pastaj gjenden te të gjithë njerëzit.21
Jungu i ndau njerëzit në dy lloje qëndrimesh të përgjithshme:
Intravertë- i kushtohen më shumë botës së tyre personale. Kanë prirje të jenë të
pashoqërueshëm dhe u mungon besimi te të tjerët.
Ekstravertë- e drejtojnë vëmendjen ndaj botës së jashtme. Tregojnë interes të
madh për njerëzit e tjerë dhe gjërat që ndodhin rrotull tyre.
3.1.3 Psikologjia individuale e Adlerit
Ndryshe nga Frojdi ai i shihte njerëzit si të motivuar kryesisht nga një nxitje apo tendencë
superioriteti. Fëmijët zhvillojnë kompleks inferioriteti sepse janë të vegjël dhe varen nga
të rriturit.
Ai nuk e pranonte mendimin e Frojdit se përvojat e fëmijërisë janë vendimtare në
përcaktimin e personalitetit të të rriturit. Ai besonte se ato kontribuojnë së bashku më
faktorët tjerë të trashëguar dhe të ambientit, në zhvillimin e mënyrës së jetesës së një
individi.
21 Charles G. Morris, Albert A. Maista, Psikologjia, Tiranë, 2008, fq. 358.
20
Adleri dallon disa tipe të personalitetit:
Dominues- nuk dominon interes për të tjerët. Shmangës- i shmang problemet e jetës. Marrës- varet nga të tjerët që ta mbrojnë. I dobishëm- ndërvepron me sukses me të tjerët.
3.1.4 Psikologjia kulturore e Karen Horney
Ajo besonte se ndikimet sociale dhe kulturore janë ndikime shumë të rëndësishme,
gjithashtu besonte se fëmijëria e hershme është e rëndësishme. Dy nevojat kryesore në
fëmijëri janë siguria dhe të qenurit i kënaqur. Njeriu duhet të përpiqet të fitojë dashurinë e
të tjerëve, përshtatet me dëshirat e të tjerëve apo të fitojë pushtet mbi të tjerët.22
Agresiv- karakterizohet nga nevoja për të vepruar në mënyrë agresive në botën që e
shikon armiqësore.
I larguar- nevoja për të mbajtur distancën nga tjerët.
Horay ne formimin e personalitetit nuk i theksonte faktorët biologjik, por rëndësi të
veçantë iu kushtonte faktorëve social.
3.1.5 Erik Erikson
Për Eriksonin ishte e rëndësishme cilësia e marrëdhënieve prind-fëmijë, sepse familja
formon kontaktin e parë të fëmijës me shoqërinë. Vetëm nëse fëmijët ndihen të vlefshëm
në sytë e familjarëve dhe të shoqërisë, ata do të zhvillojnë një ndjenjë të sigurtë identiteti.
Sipas Eriksonit, suksesi në çdo fazë varet nga përshtatja e personit në fazat e
mëposhtme:
Stadi 1: Besimi kundrejt mosbesimit (lindja deri 1 vjeç e gjysmë) Rezultati pozitiv
i zgjidhjes së krizës në këtë stad është besimi. Ky rezultat arrihet nëse tregohet
ngrohtësi e kujdes për fëmijën. Ankthi zemërimi, egërsia, mosplotësimi i
nevojave bazë të fëmijës lindin mosbesim te fëmija për mjedisin përreth.
22 Terry F. Pettijohn, Psikologjia, Tiranë, 1996, fq. 397.
21
Formimi i besimit është momenti më i rëndësishëm që përcakton qëndrimin e
fëmijës gjatë jetës.
Stadi 2: Autonomia kundrejt turpit ose dyshimit (1 vjeç e gjysmë -3 vjeç) fëmija
fillon të ketë kontroll mbi trupin e vet dhe është mosha ku fëmija fillon të mësojë
të vetërregullojë sjelljet e veta. Kur fëmijët nuk lejohen ta bëjnë atë që mund ta
bëjnë, ose kur shtyhen të bëjnë atë që nuk janë në gjendje ta bëjnë, ata mund të
zhvillojnë një sens turpi ose dyshimi për arsye të dështimeve.
Stadi 3: Iniciativa kundrejt ndjenjës së fajit (3-5 vjeç) nëse fëmijët inkurajohen që
të formojnë idetë e tyre dhe t’i vënë në jetë, te ai zhvillohet sensi i iniciativës.
Nëse fëmija ndëshkohet për shprehjen e planeve, dëshirave të tij dhe për
përpjekjet që bën për realizimin e tyre, atëherë fëmija zhvillon një sens faji.
Stadi 4: Zelli për punë kundrejt inferioritetit (5-12 vjeç) nëse fëmijët arrijnë
suksese në përvetësimin e shprehive të ndryshme dhe nëse këto suksese
vlerësohen prej të tjerëve, te fëmija zhvillohet një sens zelli për punë. Në të
kundërtën, nëse fëmijet arrijnë rezultate të ulëta në përvetësimin e shprehive dhe
nëse krahasohen vazhdimisht për të keq me të tjerët që kanë rezultate më të larta,
ata zhvillojnë një sens inferioriteti.
Stadi 5: Identiteti kundrejt konfuzionit të roleve (12-18 vjeç) për Eriksonin
identiteti është një koncept i përgjithshëm që dikush duhet të ketë për veten, ai i
referohet identitetit si një gjendje ndaj së cilës individi synon. Personi është në
gjendje identiteti kur nuk ka asnjë lloj konflikti të brendshëm.
Stadi 6: Intimiteti kundrejt izolimit (18-35 vjeç) fjala këtu është për një aftësi
thelbësore të individit që t’i lidhë shpresat dhe frikërat e tij me dikë tjetër dhe të
pranojë nevojën e një personi tjetër për intimitet.
Stadi 7: Gjenerativiteti kundrejt stanjacionit (35-65 vjeç) gjenerativitet do të thotë
të jesh produktiv dhe i vlefshëm për veten dhe për të tjerët. Kurse, stanjacion do të
thotë se njeriu fokusohet vetëm në nevojat vetjake dhe komfortin e jetës së tij.
Stadi 8: Integriteti kundrejt dëshpërimit (65 vjeç e më lartë) kur njeriu sheh jetën
e tij dhe e ndjen se ka marrë vendime të gabuara, ose nuk ka qenë i zoti të marrë
asnjë vendim, ai sheh se jeta e tij nuk ka qenë e integruar. Ndjehet i dëshpëruar se
tani nuk ka më shans për të rregulluar diçka.
22
3.2. Teoria humaniste
Thekson se ne jemi të motivuar në mënyrë positive dhe ecim përpara drejt shkallëve më
të larta të funksionimit. Psikologët besojnë se jeta është një proces i hapjes së vetes ndaj
botës që na rrethon dhe i përjetimit të gëzimit me jetën. Ata besojnë se duke pasur
parasysh kushtet e një jete të arsyeshme, njerëzit do të zhvillohen në drejtimet e
dëshiruara.
3.2.1 Teoria e vetes e Karl Roxhers
E përshkruan personalitetin si një trekëndësh: jetën reale (si je në të vërtetë), veten e
perceptuar (si e mendon veten se je) dhe veten ideale (si do të jesh).
Sipas tij njerëzit kanë prirje të bëhen gjithnjë e më shumë funksionues nëse ata rriten me
vlerësim pozitiv të pakushtëzuar apo duke iu ofruara trajtim të ngrohtë, respekt, pëlqim
dhe dashuri pavarësisht ndjenjave, qëndrimeve. Por, prindërit dhe të rriturit e tjerë iu
ofrojnë fëmijëve vlerësim pozitiv të kushtëzuar: vlerësojnë dhe pëlqejnë vetëm disa
aspekte të fëmijës.23
3.2.2 Teoria e vet-aktualizimit e Maslow
Ai i mendon njerëzit si të lindur në një hierarki nevojash, kur nevojat e nivelit të parë
plotësohen, nevojat e shkallës së dytë dalin në pah.
Hierarkia e nevojave përfshin nevojat fiziologjike, sigurisë, përkatësisë dhe kërshërisë,
vlerësimit dhe vetaktualizimit. Njerëzit e vetaktualizuar janë realist dhe i kapin shpejt
gjërat e mundshme. Nuk e mërzisin veten duke punuar për synime të paarritshme.
E pranojnë veten dhe të tjerët ashtu siç janë, janë autonom dhe të pavarur, të aftë për të
vepruar pa marrë urdhëra nga të tjerët. Krijojnë marrëdhënië intime kuptimplote në
shumë vende të shumë marrëdhënieve të cekta, janë krijues, origjinal dhe kanë sens
humori.
23 Charles G. Morris, Albert A. Maista, Psikologjia, Tiranë, 2008, fq. 366.
23
Tab. 1. Vetaktualizimi i Maslout
3.3 Teoritë e tiparit
Këta teoricienë pohojnë se njerëzit ndryshojnë nga shkalla në të cilën ata zotërojnë disa
tipare të caktuara të personalitetit, si: varësia, ankthi dhe shoqëria. Ne e dallojmë tiparin
nga mënyra se si sillet njeriu.
3.3.1 Teoria e tiparit e Allport
Beson se personaliteti individual mund të kuptohet përmes tipeve hierarkike të
predispozitave personale:
Kardinale- janë mbretëruse saqë shprehen në çdo gjë që bën njeriu.
Qendrore- formojnë thelbin e personalitetit tonë dhe zhvillohen nga përvoja.
Sekondare- më pak të rëndësishme dhe janë të varur nga situata, plotësojnë
personalitetin.24
24 Terry F. Pettijohn, Psikologjia, Tiranë, 1996, fq. 399.
Perceptimi efikas i realitetit
Përvoja kulmore
Pranimi i vetes dhe të tjerëve
Idetifikimi me njerëzimin
Spontaniteti
Marrëdhëniet ndërpersonale të thella
Përqendrim problemesh
Strukturë me karakter demokratik
Nevoja për jetë personale
Etikë të fortë
Autonomi
Sens humori jo armiqësor
Krijimtari
24
3.3.2 Teoria faktoriale e Kattell
Sipas tij reagimi është funksion i personalitetit të individit dhe situatës. Përdor një
procedurë statistikore që quhet analizë faktoriale, për të përcaktuar marrëdhëniet mes
tipareve të personalitetit.
E përkufizoi tiparin si potencialin e një personi për të reaguar në mënyrë të caktuar.
Përdori tre masa për të mbledhur të dhëna mbi personalitetin. Të dhënat jetësore që janë
vëzhgime të sjelljes së personit, pytsore personale që na japin përshkrime vetjake të
personalitetit dhe teste objektive që ndihmojnë në identifikimin e grupeve të tipareve të
personalitetit.25
3.3.3 Modeli i tipareve të personalitetit i Eysenek
Beson se biologjia luan rol të rëndësishëm te personaliteti. Koncepti i tij për personalitet
na sugjeron se personaliteti zhvillohet përmes ndërveprimit të katër faktorëve :
Kognitive-inteligjenca;
Korative-karakteri;
Afektiv-temperamenti;
Somatik- përbërja e përgjithshme.
Ai propozon katër dimensione të tipit të personalitetit:
Interversion- përfshin pesimizmin, mendushmëria, kujdesi dhe heshtja;
Ekstraversion; impulsiviteti, veprimtaria, gjallëria dhe shoqërizmi;
Neuroticizmi- përfshin nervozitet, humor të keq, ankth dhe skaj i qëndrueshëm, i
qetë, lidership;
Psikoticizmi- agresivitet, vetmia dhe mospërputhja më të tjerët.
25 Terry F. Pettijohn, Psikologjia, Tiranë, 1996, fq. 399.
25
3.3.4 Modeli pesë faktorësh
Teoricienët bashkëkohorë të tipareve i kanë paraqitur tiparet e personalitetit në pesë
mënyra: ekstraversioni, mirësjellja, ndërgjegjshmëria, qëndrueshmëria emocionale dhe
kultura. ( P. T. Kosta & McCrae 2006; Wiggins, 1996)
Tiparet Faqet e secilit prej pesë faktorëve
Ekstraversion Ngrohtësi, mes shoqërisë, kërkimi i
dëfrimit, emocione positive
Mirësjellje Besim, çiltërsi, altriuzëm, pëlqim,
modesti, shpirtmirësi
Ndërgjegjshmëri/ besueshmëri Kompetencë, rregull, ndjenjë detyre,
përpjekje për sukses, mature
Qëndrueshmëri emocionale Ankth, armiqësi, depresion, vetëkontroll,
impulsivitet, dobësi
Kultura Fantazi, estetikë, ndjenja, ide, vlera
Tab.2. Modeli pesë faktorësh
3.4 Teoria e të nxënit social
Pohojnë se njerëzit i organizojnë përvojat dhe vlerat e tyre të brendshme, për të drejtuar
sjelljen e tyre vetjake.
Sjellja jonë është produkt i bashkëveprimit të konicioneve (si mendojmë rreth një situate
dhe si e shohim sjelljen tonë në atë situatë) mësimeve dhe përvojave të kaluara (detyrimi,
ndëshkimi dhe shëmbëllimi) si dhe mjedisi rrethues.26
3.4.1 Biheviorizmi i Skinerit
Beson se personaliteti përkufizohet si mënyrat e mësuara të të sjellurit, e cila si çdo sjellje
ndjek parimet e përforcimit, shuarjes, përgjithësimit, dallimit dhe ndëshkimit. Ai merret
26 Charles G. Morris, Albert A. Maista, Psikologjia, Tiranë, 2008, fq. 371.
26
më forca të jashtme që veprojnë mbi individët dhe nuk e trajton individin si një agjent i
lirë për të marrë vendime. Në vend se të marrim vendimet tona të lira, ne kontrollohemi
nga ambienti. Ne jemi produkt i përvojave tona të shkuara dhe ambientit tonë.
3.4.2 Teoria e modelimit e Bandura-s
Thekson rolin e vëzhgimit dhe modelimit. Njerëzit i caktojnë vetes synime dhe kur i
arrijnë ndihen të kënaqur duke përforcuar sjelljet që quan në plotësimin e synimit, me
kohë formohen struktura sjellje që quhet personalitet. Thekson konceptin e vetefikasitetit
apo sensin e vetvlefshmërisë dhe suksesit që ka një person në procesin e përshtatjes me
botën.
3.4.3 Teoria e lokusit të kontrollit nga Rotter
Përforcimi ndikon në formimin e sjelljes dhe personalitetit, por meqë njerëzit janë kaq të
komplikuar shpresat dhe ndjenjat gjithashtu ndikojnë shumë.
Potenciali i sjelljes varet nga dy faktorë:
Pritshmëri- është besimi i individit se nëse ai nuk e shfaq një sjellje të caktuar në
një situatë të veçantë sjelljeje të rezultojë në përforcim;
Vlera e përforcimit- është vlera ose rëndësia që një person i jep një përforcimi të
caktuar.
Njerëzit përgjithësisht kanë lokus kontrolli të brendshëm ose të jashtëm:
Njerëzit e brendshëm- mendojnë se përforcimi varet nga sjellja dhe vetitë e tyre. Ata
besojnë se nëse punojnë shumë, do të shpërblehen. Ata preferojnë situata që mund t’i
kontrollojnë.
Njerëzit e jashtëm- ndjejnë se përforcimi nuk varet nga sjellja e tyre, por kontrollohet ngaformat e jashtme, nga fati ose rastësia. Njerëzit e jashtëm nuk mund të parashikojnëpasojat e sjelljes së tyre, ata mësojnë se nuk mund të ndryshojnë gjërat, ndaj edhedorëzohen shpejt.27
27 Terry F. Pattijohn, Psikologjia, Tiranë, 1996, fq. 409.
27
4. ÇRREGULLIMI I PERSONALITETIT
Nën ndikimin e faktorëve të ndryshëm kemi raste kur personaliteti pëson çrregullime. Ka
individë të cilët me tiparet, karakteristikat dhe llojet e shprehjeve që shfaqin i bëjnë të
ndryshëm nga të tjerët.
Personaliteti çrregullohet kur ai lë vetë personin të vuaj ose edhe njerëzit e tjerë.
Nëse personat shfaqin sjellje te shthurura (që lidhen me impulsivitetin dhe agresivitetin)
dhe paqëndrueshmëri në prezantimin e shprehjeve të tyre, duke ndikuar negativisht në
përshtatjen e tij në shoqëri, atëherë themi se këta persona bëjnë pjesë të personat me
çrregullime të personalitetit.28
4.1 Shkaktarët e çrregullimeve të personalitetit
Ekzistojnë faktorë të shumtë të cilët shkaktojnë çrregullime në personalitet. Disa prej tyre
janë:
Rrethi ku jetojmë;
Dhuna dhe keqpërdorimi seksual;
Prindërit, gjendja familjare, përdorimi i alkoolit dhe drogës;
Faktori gjenetik;
Çrregullimet e lindura neuropsikiatrike;
Faktorët biologjikë;
Niveli i ultë i seretominës shkakton predispozicion për dhunë dhe tentim për
vrasje;
Zvogëlimi i masës së hirtë të korës së trurit në lobin frontal është vërejtur tek
personat me personalitet antisocial;
Çrregullimi i metabolizmit të dopaminës është vlerësuar që ndikon në mungesën e
ndjenjave dhe empatisë, izolimit social, ftohtësinë dhe tendencën për hakmarrje;
Stresi.
28 Arben Hoti, Psikologjia e personalitetit, Tiranë, 2012, fq. 169.
28
4.2 Llojet e çrregullimeve të personalitetit
Ato janë të llojeve të ndryshme dhe dallojnë nga njëra tjetra prej karakteristikave që
mbart një tip çrregullimi, si dhe falë diagnozës diferenciale çrregullimet e personalitetit
ndahen në tri grupe:
Me tipare të çuditshme ose ekscentrike, kanë qëndrim dhe sjellje të veçantë. Këtu
përfshihen:
a) Paranoid- kanë dyshim të vazhdueshëm dhe mosbesim të pabazë te njerëzit në
përgjithësi. Janë armiqësor, iritabil dhe të zemëruar. Kanë tendencë t’i
interpretojnë veprimet e të tjerëve si të paramenduara, çmendura dhe kërcënuese.
Mendojnë se do të jenë të lënduar nga të tjerët, në një mënyrë e vënë në dyshim
lojalitetin dhe besnikërinë.
b) Skizoid- model i tërheqjes, veçimit nga lidhjet shoqërore dhe kufizimit të
shprehjeve të emocioneve. Lënë përshtypje se janë të ftohtë dhe rrinë menjanë,
janë të rezervuar, shumë pak të përfshirë në ngjarjet e përditshme dhe brengosjen
për të tjerët.
c) Skizotipik- të menduarit magjik, idetë e çuditshme, iluzionet janë pjesë e botës së
tyre të përditshme. Bota e tyre mund të jetë e mbushur më raporte të gjalla
imagjinare, frika dhe fantazi fëmijërore. Mund të besojnë se kanë fuqi speciale.
Të folurit e tyre mund të jetë i çuditshëm dhe të ketë kuptim vetëm për ta.
Individët shpesh duken dramatikë, me emocione të ekzagjeruara dhe sjellje të
paqëndrueshme:
a) Antisocial- karakterizohet me veprime të vazhdueshme antisociale apo kriminale.
Gënjeshtrat, ikja nga shtëpia, përleshja fizike, abuzimi me substanca dhe
aktivitetet tjera ilegale janë prezente në fëmijërinë e këtyre personave.
Demonstrojnë mungesë ankthi dhe depresioni çka nuk përputhet me situatën e
tyre, dhe shpjegimi i tyre për sjelljen antisociale bën që ata të duken si pa mend
(mospërfillje dhe dhunë ndaj të tjerëve).29
29 Charles G. Morris, Albert A. Maista, Psikologjia, Tiranë, 2008, fq. 438
29
b) Kufitar- kur e humbin lidhjen me realitetin, çrregullimi merr formën e
halucinacioneve dhe deluzioneve të qarta. Këto episode janë të shkurtëra dhe
zgjasin disa minuta deri në disa ditë dhe shfaqen si pasojë e përgjigjeve ndaj
stresit. Sjellja e këtyre personave është e paparashikueshme, natyra e dhimbshme
e jetës së tyre reflektohet në përsëritjen e veprimeve vetdëmtuese .
c) Histrionik- karakterizohet me sjellje dramatike dhe ekstravagante. Të paaftë të
mbajnë lidhje të thella dhe që zgjasin. Shfaqin shkallë të lartë të sjelljes së sëmurë
më të cilat tërheqin vëmendjen, kanë tendencë të ekzagjerojnë mendimet dhe
ndjenjat duke bërë që gjithçka të tingëllojë më e rëndësishmë se që është. Nëse
nuk janë në qendër të vëmendjes, qajnë.
d) Narcistik- shfaqin një ndjenjë madhështie ndaj rëndësisë së vetes dhe një merak të
madh për fantazi me sukses të kufizuar. Besojnë se janë të jashtëzakonshëm, se
meritojnë vëmendje dhe admirim të vazhdueshëm, shfaqin një ndjenjë të të
qenurit të privilegjuar dhe kanë prirje për të shfrytëzuar të tjerët. Ata janë
zileqarë, arrogantë dhe u mungon aftësia për t’u merakosur vërtetë për ndonjë
njeri tjetër.30
Individët quhen anksiozë ose të frikësuar:
a) Shmangës- shfaqin hipërndjeshmëri, ndjeshmëri ekstreme ndaj mospranimit nga
të tjerët që qon në tërheqje nga jeta sociale, nuk janë asocial, kanë dëshirë të
madhe për miqësi dhe shoqëri, por janë të turpshëm dhe kanë nevojë për pranim
pra kritikë. Ndihen të pasigurtë dhe me mungesë vetbesimi, kanë frikë të flasin në
publik ose të kërkojnë diçka nga të tjerët, sepse janë shumë të vëmendshëm ndaj
refuzimit. Refuzimi i ndonjë kërkese bën që të ndihen të lënduar dhe të tërhequr.
b) I varur- me vartësi dhe sjellje submisive (imponues ose falënderues jashtë mase).
Janë të paaftë për të marrë vendime pa këshilla të shumta dhe risigurim nga të
tjerët. U shmangen pozitave me përgjegjësi dhe janë anksiozë nëse u kërkohet të
marrin rol udhëheqës. Janë të rrezikuar nga depresioni kur humbin personin nga i
cili janë të varur.
30 Charles G. Morris, Albert A. Maista, Psikologjia, Tiranë, 2008, fq. 437.
30
c) Obsesivokomplusiv- konsiston në preokopimin e vazhdueshëm, madje deri në
detaje të imta të rregullit. Janë të vendosur, këmbëngulës dhe të besueshëm.
Preokupohen për respektin e rregullave, kanë standarte të larta dhe i masin
rezultatet me efikasitetin e tyre. Kanë mungesë emocioni ose humori, humbasin
në detaje, janë jofleksibil, kokëfortë, të pavendosur, gjykues.31
4.3 Trajtimi i çrregullimeve të personalitetit
Trajtimi i çrregullimeve të personalitetit nuk është vetëm detyrë e institucioneve
mjekësore, repektivisht shërbimeve psikiatrike. Në trajtim duhet të marrin pjesë edhe
institucione tjera p.sh ato sociale, respektivisht e tërë shoqëria. Përvoja ka treguar se
ambienti punues dhe social i mirëorganizuar, zgjedhja e punës në mënyrë të drejtë dhe
trajtimi në mënyrë përkatëse te një numër i madh i këtyre pacientëve ndihmon në arritjen
e rezultateve të kënaqshme.
Ekzistojnë trajtime të çrregullimeve sipas drejtimeve të ndryshme:
1. Drejtimi psikanalitik- çrregullimet e sjelljes janë shprehje simbolike e konflikteve
të pavetëdijshme, që zakonisht mund të gjurmohen në fëmijëri. P.sh një burrë i
cili sillet dhunshëm ndaj grave, ndoshta shpreh në mënyrë të pavetëdijshme furinë
ndaj së ëmës, që nuk ka qenë e dashur ndaj tij gjatë fëmijërisë. Modeli
psikanalitik argumenton se për të zgjidhur me sukses problemet e tyre, njerëzit
duhet të bëhen të vetëdijshëm se shkaku i problemeve të tyre gjendet në
fëmijërinë dhe foshnjërinë e tyre.32
2. Drejtimi bihejvioral- e hedhin poshtë konceptin e çrregullimit të personalitetit
sepse ata besojnë në ekzistencën e tipareve të qëndrueshme të personalitetit dhe
çrregullimet i lidhin me çrregullimet në tiparet stabile të personalitetit. Ata
fokusohen në sjellje specifike të cilat i shohin si rezultat të modelimeve të
keqpërshtatura dhe përforcimeve të gabuara. Për sjelljen antisociale modelet
violente (të induktuara përmes televizionit) dhe përforcimeve jo të përshtatura nga
31 Arben Hoti, Psikologjia e personalitetit, Tiranë, 2012, fq. 178.32 Charles G. Morris, Albert A. Maista, Psikologjia, Tiranë, 2008, fq. 418.
31
ana e prindërve (dënime që nuk lidhen me sjelljen e fëmijës) luajnë rol të
rëndësishëm.
3. Drejtimi kognitiv- mendimet tona, sjelljet dhe emocionet janë të organizuara në
skema, që përbëjnë strukturën e informacioneve që ne kemi në mendjen tonë për
fusha të ndryshme të jetës. Sipas kësaj çrregullimet e personalitetit janë produkt i
eksagjerimeve në skemat që strukturojnë informacionet në mendjen tonë.
4. Drejtimi socio kulturor- përqendrohen tek forcat sociale. Janë të mendimit se
padrejtësia brenda sistemeve sociale ekonomike të caktuara janë përgjegjëse dhe
kontribuojnë në shfaqjen dhe zhvillimin e sjelljes kriminale. Sipas kësaj, trajtimi
individual nuk e redukton sjelljen antisociale; vetë shoqëria duhet të ndryshojë.
5. Drejtimi biologjik- fokusohet te faktorët gjenetik dhe fiziologjik të cilët mund të
ndikojnë në personalitetin antisocial dhe çrregullime tjera të personalitetit.
Tregojnë se individët me çrregullime të personalitetit antisocial shpesh kanë EEG
anormale. Janë të varfër në të mësuar dhe kanë përqendrim të dobët, dmth këto
çrregulime e kanë bazën e tyre biologjike.33
Trajtimi i këtyre çrregullimeve është i vështirë sepse shumica e këtyre individëve
e konsiderojnë sjelljen e tyre dhe mënyrën e funksionimit të raporteve të tyre
ndërnjerëzore pjesë të vetvetes dhe anormale, kështu që nuk janë të gatshëm të
braktisin këtë formë të funksionimit, edhe pse këto gjëra mund t’iu shkaktojnë
problem.
Roli i terapeutit është që t’ia ofrojë pacientit trajtim të dinjitetshëm, ndjenjën që ata e
dëgjojnë dhe dëshirojnë ta ndihmojnë, mos akuzimin, ngritjen e shpresës dhe optimizmit.
Trajtimi duhet të jetë i gjatë, terapeuti duhet të jetë i durueshëm, real në raport me
suksesin, bashkëpunues dhe i hapur, të mos lejojë të manipulohet nga pacienti, të vendosë
kufijtë e sigurisë gjatë trajtimit, qetësisë dhe stabilitetit.
33 Arben Hoti, Psikologjia e personalitetit, Tiranë, 2012, fq. 171.
32
REZYME
Sikur të gjithë njerëzit të lindnin të njejtë, a do të mund të ekzistonin dhe të jetonin si të
tillë.
Të gjithë ne, si fëmijët ashtu edhe të rriturit posedojmë gjëra të cilat ne na bëjnë më
tërheqës dhe të ndryshëm nga njëri-tjetri, e ky ndryshim fillon që nga pamja e jashtme
deri tek ajo e brendshme.
Termi personalitet është ai që na përkufizon më mirë në të gjitha sferat tona. Duke u nisur
që nga krijimi ynë, pastaj me zhvillimin dhe formimin e personalitetit tonë ne mësojmë
dhe në të njejtën kohë studiojmë shumë gjëra.
Tek në si qenie njerëzore dhe tek personaliteti ynë ndikojnë shumë faktorë të
rëndësishëm, ku familja e zë vendin është parësore për gjithçka që fëmija mëson prej
hapave të parë, më pas vijnë shoqëria, shkolla dhe komuniteti të cilët ndikojnë në
ambientimin dhe krijimin e një mjedisi sa më të përshtatshëm dhe të dashur për ata.
Meqenëse fëmijët nuk e kanë aftësinë e krahasimit, prindërit për ta janë krijesa hyjnore.
Kur prindërit bëjnë diçka, këtë fëmijët e kuptojnë si mënyrën e vetme për të vepruar.
Nëse fëmija e sheh prindin të disiplinuar dhe me autoritet, atëherë ky fëmijë do ta pranojë
këtë sjellje më tërë unin e tij. Njëjtë do të ngjajë edhe nëse prindi ka cilësi të veprave
negative.
Përveç veprave, rëndësi të veçantë kanë edhe fjalët që ne i përdorim për fëmijët. Fjalët
kanë një fuqi madhështore për të lënduar dhë për të shëruar. E ne përmes tyre le të
bëhemi shërim e jo lëndim i fëmijëve.
Për t’i edukuar fëmijët duhet durim, kur ata dalin të mbarë nuk ka çmim!
33
LITERATURA
Karaj, Theodori : Psikologjia e zhvillimit të fëmijës, Tiranë, 2005;
Stevanoviq, Borisllav : Psikologjia pedagogjike, Beograd;
Morris Charles, Maista Albert : Psikologjia, Tiranë, 2008;
Juniku, Neki : Kaptina nga Psikologjia, Prishtinë, 2015;
Pettijohn, Terry : Psikologjia, Tiranë, 1996;
Kasschau, Richard : Psychology, Neë Jersey, 2003;
Rot, Nikolla: Psikologji e personalitetit, Prishtinë;
Hoti, Arben: Psikologji e personalitetit, Tiranë, 2012;
Rot, Nikolla: Psikologji e përgjithshme, Beograd;
Chopra Deepak: Si të edukoni fëmijët tuaj, Titanic;
Prifti, Leonard: Psikanaliza sot, Uegen, Tiranë, 2016;
Troj, Fridrih: Psikologjia e fëmisë, Beograd;
Deva, Afërdita: Partneriteti shkollë – familje – komunitet, Prishtinë, 2009.