punim diplome - edukimi.uni-gjk.org · gjithashtu e mirë për trurin e fëmijëve, sepse i...
TRANSCRIPT
UNIVERSITETI I GJAKOVËS “FEHMI AGANI”
FAKULTETI I EDUKIMIT
PROGRAMI: PARASHKOLLOR
PUNIM DIPLOME
TEMA: NGA RITMI DERI TEK MELODIA
Mentore: Studente:
Prof.Asoc.Msc. Mimoza Kurshumlia Benita Qarri
Gjakovë, 2019
2
Ky punim diplome u mbrojt me _____________ nga komisioni në përbërje:
1. Kryetar
2. Anëtar
3. Anëtar
Komisioni vlerësues e vlerësoi punimin me notën (_)___________
Nënshkrimet e anëtarëve të komisionit vlerësues:
1. Kryetar
2. Anëtar
3. Anëtar
3
PASQYRA E LËNDËS
Abstrakt ......................................................................................................................................................... 4
Hyrje ............................................................................................................................................................. 5
Kapitulli-I- .................................................................................................................................................... 7
1.1. Roli i muzikës në edukimin e fëmijës .................................................................................... 7
1.2. Muzika në shtatëzani ..................................................................................................................... 8
1.3. Lojërat muzikore ........................................................................................................................... 9
1.4. Zhvillimi i muzikës tek fëmijët ................................................................................................... 12
Kapitulli-II- ................................................................................................................................................. 14
2. Ritmi ........................................................................................................................................... 14
2.1. Zhvillimi i ndjenjës për ritëm ..................................................................................................... 15
2.2. Zhvillimi i ndjenjës metoritmike ................................................................................................. 16
2.3. Ritmi në të folur .......................................................................................................................... 17
2.4. Instrumentet ritmike .................................................................................................................... 18
2.5. Edukimi dhe arsimimi i ndjenjës melodike ................................................................................. 21
2.6. Melodia nga riprodhimi i dukurive ritmike ................................................................................. 23
2.7. Melodia tek këngët e fëmijëve .................................................................................................... 23
Kapitulli-III- ................................................................................................................................................ 25
3. Këndimi ....................................................................................................................................... 25
3.1. Intelegjenca muzikore ................................................................................................................. 26
3.2. Planifikimi i orës mësimore ........................................................................................................ 28
Përfundimi................................................................................................................................................... 30
Referencat ................................................................................................................................................... 31
Burimet nga interneti .................................................................................................................................. 32
4
Abstrakt
Rritja e fёmijёs nuk ёshtё njё punё edhe aq e lehtё. Tё ndihmohet fёmija përgjatë zhvillimit të tij
ёshtё njё pёrpjekje pёr secilin nga ne. Roli dhe rëndësia e edukimit të fëmiut përmes muzikës
duke filluar nga koha kur ai është në barkun e nënës, e duke vazhduar kështu deri tek lindja dhe
zhvillimi i tij gjithçka është e lidhur me ritmin dhe melodinë.
Metodologjia e punës është ndër komponentët më të rëndësishme në zhvillimin dhe edukimin e
fëmijëve sidomos kur bëhet fjalë për edukimin gjatë fëmijërisë së hershme që është shumë i
rëndësishëm.
Duke pasur parasysh se do tё jemi pjesёmarrёs nё edukimin dhe ngritjen intelektuale tё tyre, njё
pjesё tё pёrgjegjёsisё do ta mbajmё edhe ne si mёsues-edukatorё.
Në këtë temë do të trajtohet ndikimi i ritmit dhe melodisë te fëmijët, nga momenti i lindjes për të
vazhduar gjatë gjithë jetës. Ҫdo gjë në jetën e secilit është e lidhur me ritmin dhe melodinë.
Kënga është e pranishme në të gjitha zhvillimet e njeriut. Të këndosh është një veprim që
gjithkush mund ta bëjë, por të këndosh, ashtu si duhet, bëhet vetëm kur njeh shumë mirë
rregullat e të kënduarit. Transmetimi i saktë i këtyre rregullave dhe zbatimi i tyre nga ana e
nxënësve me korrektësi të mundëson një këndim të bukur dhe me plot ndjenja. Këngët dhe
aktivitetet melo-ritmike nuk mund të shijohen vetëm, por me miqtë. Këto aktivitete prodhojnë
më shumë kureshtje, sepse fëmijët mund të komunikojnë me njëri-tjetrin përmes muzikës dhe të
ndajnë momentin e pëlqyeshëm me miqtë.
Fjalët kyçe: edukim, muzikë, ritëm, melodi, instrumente.
5
Hyrje
Muzika është arti i shprehjes së ndjenjave dhe mendimeve me anë të tingujve. Muzika që në
fëmijëri jo vetëm i ndihmon fëmijët që të arrijnë të shijojnë muzikën më lehtë, por edhe i
ndryshon atyre ndërlidhjet në sistemin qëndror. Këto ndryshime përcjellin zhvillime konjitive të
mëtejshme. Muzika nuk duhet të jetë një detyrë si kalim i kohës apo qoftë dhe një hobi i
sforcuar, por ajo duhet të përcillet në jetën e secilit për atë çfarë është. Si e tillë muzika është
lojë, është ndjenjë emotive, është gjuha universale e të gjithëve. Andaj nuk duhet t’i heqim të
drejtën fëmijëve ta shijojnë për atë çfarë është.
Muzika është shumë e shëndetshme për fetusin dhe bebat e sapolindura. Studimet e fundit
tregojnë se dëgjimi i muzikes, sidomos asaj klasike gjatë shtatëzanisë i krijon fetusit shumë
efekte pozitive, duke i stimuluar kujtesen, kapacitetin e përqendrimit dhe koordinimin.
Muzika, ka ndikim të veçantë posaqërisht edhe tek fëmijët, duke filluar nga lojërat e ndryshme
muzikore, ninullat e deri tek këngët për fëmijë me tekste dedikuar atyre. Muzika me
komponentët e saj ritmin dhe melodinë kanë qasje direkte me grupin e fëmijëve parashkollor.
Është një kënaqësi e jashtëzakonshme që fëmijët të zbulojnë muzikën brenda vetes. Ne jemi të
vetëdijshëm se sa e rëndësishme është muzika për fëmijët e vegjël, jo vetëm për rolin e tij në
zhvillimin e shumë llojeve të intelegjencës, por për gëzimin absolut të përjetimit të muzikës
(Guest).
Rëndësia e muzikës vërehet edhe në socializimin e fëmijëve. Fëmijët e zymtë do të fillojnë të
dalin në pah dhe fëmijët agresivë do të bashkëpunojnë në mënyrë që ata të mund të marrin pjesë
në argëtim. Muzika, për kreativitet dhe vetë-shprehje, është një nevojë themelore njerëzore.
Aktivitetet e instrumentit të ritmit janë shumë të lehta. Shumica e tyre përfshijnë thjeshtë
kopjimin e një lëvizjeje në të njëjtën kohë. Nuk ka asgjë për të kujtuar. Gjithashtu, nuk ka
mënyrë të drejtë ose të gabuar për ta bërë atë gjë, që lë shumë hapësirë për individualitet.
Një tjetër gjë e mrekullueshme në lidhje me instrumentet ritmike është se ato përfshijnë trupin në
mbajtjen e një rrahjeje dhe ndjenjeje ritmike. Ndjenja melodike e nxënësve tregon gradë të
ndryshme si në pikpamje të përceptimit të tërësive melo-ritmike, ashtu dhe në riprodhimin e
saktë të tyre. Shumica e lodrave muzikore janë interaktive dhe kërkojnë koordinim të lëvizjeve të
vogëlushëve. Për këtë arsye, këto lodra ndikojnë pozitivisht në zhvillimin motorik, si dhe
përmirësojnë koordinimin e syve dhe duarve.
6
Përveç kësaj, loja me lodra muzikore dhe përdorimi i ndonjë instrumenti i mëson fëmijët që të
jenë më të kujdesshëm, të fokusohen në dëgjimin e muzikës dhe në përqendrim. Lodrat muzikore
janë veçanarisht interesante dhe fëmijët i adhurojnë sepse ju dhurojnë argëtim. Nëse fëmija është
i rrethuar nga muzika në fëmijëri, kjo i ndihmon atij që të krijojë dhe të ndërtojë interes për
zhanre të ndryshme për muzikën.
7
Kapitulli-I-
1.1. Roli i muzikës në edukimin e fëmijës
Në formimin e personalitetit të njeriut, rol vendimtar kanë edukata dhe arsimi. Edukata
mbështetet në zhvillimin pozitiv të cilësive të personalitetit duke i përvetësuar vlerat morale, si
në shoqëri ashtu dhe në punë. Edukata muzikore begaton jetën emocionale duke zhvilluar të
menduarit dhe aftësinë krijuese tek femijët. Ajo përfshinë zhvillimin dhe kultivimin e cilësive
pozitive të personalitetit posaqërisht bindjen për dashuri ndaj artit muzikor. Muzika, shpesh ka
forcë më të madhe se fjala. Ndikimi i muzikës në sjelljen e fëmijëve rritet kur ata merren me
muzikë. Kur ritmi bashkohet me muzikën, lëvizjet bëhen të koordinuara, rregullohet frymëmarrja
dhe vrapohet më me lehtësi, duke ndikuar kështu në zhvillimin fizik të fëmijëve ndërsa aparati i
zërit rregullon të folurit. Metoda e shërimit të belbëzimit te fëmijët është e njohur përmes
këndimit. Një melodi e bukur, siç janë ninullat që nënat ju këndojnë fëmijëve e deri tek meloditë
e ndryshme të këngëve, ngacmojnë emocionet në mënyrë stimulative e më pas ajo lenë mbresa
tek fëmijët, me ç’rast zhvillohet dhe formimi i personalitetit të gjithanshëm. Të gjithë prindërit e
dinë se një ninullë e qetë mund t’a qetësojë një fëmijë i cili është i lazdruar. Muzika është një nga
aktivitetet e pakta që përfshinë të gjithë trurin. Ajo është pjesë e pandarë e të gjitha kulturave dhe
mund të ketë përfitime surprizuese jo vetëm për të përfituar një gjuhë, për të përmirësuar
kujtesën dhe vëmendjen e fokusuar, por dhe për zhvillimin dhe koordinimin fizik. Muzika e
inkurajon të mësuarin dhe rritë komunikimin.
Në vitet e fundit, kemi mësuar më shumë sesi zhvillohet truri. Bebet kanë lindur me biliona
qeliza truri. Gjatë viteve të para të jetës, këto qeliza truri formojnë lidhje mes tyre. Me kohën,
lidhjet të cilat ne i përdorim bëhen më të forta. Fëmijët të cilët rriten duke dëgjuar muzikë
zhvillojnë lidhjet që kanë të bëjnë me muzikën, të cilat nga ana e tyre forcojnë aftësitë gjuhësore.
Muzika luan një rol shumë të rëndësishëm në mësimin si të gjuhës amtare ashtu edhe të ndonjë
gjuhe tjetër. Si fëmijë, ne mund të imitojmë ritmin dhe strukturën muzikore të gjuhës tonë amtare
shumë më parë se ne të flasim. Shumë prej nesh jemi të aftë të kujtojmë këngë e ninulla të
ndryshme që i kemi mësuar si fëmijë. Muzika na ndihmon të ruajmë fjalë dhe shprehje në
mënyrë më efektive. Ritmi i muzikës, ashtu si dhe motivet përsëritëse në këngë, na ndihmojnë të
memorizojmë fjalë. Në kohët e sotme ka shumë fëmijët që flasin dy gjuhë sepse pos gjuhës
8
amtare ata shiqojnë video me karakteret e tyre të preferuara kryesisht në gjuhën angleze ku këta
fëmijë mund të përfitojnë nga të kënduarit e këngëve në gjuhën e tyre të dytë. Edhe nëse pjesa
më e madhe e fjalëve janë jo familjare në fillim, imitimi i fjalëve në një këngë mund t’i ndihmojë
fëmijët të praktikojnë tingujt e prodhuar në një gjuhe të re. Rrjedhimisht, tingujt i hapin rrugë
kuptimit të duhur meqenëse kënga praktikohet përsëri e përsëri. (Doron, 2014)
Muzika është një instrument shumë qetësues për gruan shtatëzënë dhe fëmijën qysh në muajt e
parë të jetës. Dëgjimi i muzikës e ndihmon fëmijën në zhvillimin e komunikimit si edhe në
përmirësimin e aftësive të të mësuarit. Zakonisht nënat i këndojnë fëmijës së tyre ninulla për ta
vënë në gjumë apo për ta qetësuar. Ky është një gjest natyral dhe spontan. Por, ndoshta jo të
gjithë e dinë që krahas një veprimi përkëdhelës dhe qetësues, ninulla është një gjest shumë më i
thellë.
Muzika në të vërtetë është një mënyrë shumë e rëndësishme komunikimi që përdoret tek fëmijët,
dhe që mund të ketë efekte pozitive të cilat shkojnë përtej vënies në gjumë të vogëlushit.
Shkenca ka bërë studime të ndryshme në lidhje ndikimin e muzikës tek fëmija, duke marrë në
disa raste si objekt studimi edhe fetusin. Truri i të porsalindurit nuk është i zhvilluar plotësisht
dhe neuronet në tru vazhdojnë të zhvillohen deri në muajin e 6-të. Me faktin që zhvillimi i
neuroneve ndihmohet nga stimulimet që e rrethojnë, si dhe nga interaktiviteti me prindërit,
muzika në periudhën e hershme gjithashtu mund të ketë ndikim me rëndësi në zhvillim të trurit.
1.2. Muzika në shtatëzani
Muzika duhet të dëgjohet që në muajt e parë të shtatëzanisë, sepse përveçse e ndihmon nënën e
ardhshme të qetësohet, ndikon edhe në krijimin e një dialogu midis saj dhe fëmijës që ajo mbanë
në bark. Notat muzikore mendohet se kanë një efekt shumë pozitiv në zhvillimin e fetusit dhe të
porsalindurit. Në Sllovakinë orientale, konkretisht në Kosice Saka (spital) u instalua një program
eksperimentues. Në repartin e fëmijëve të porsalindur, fëmijëve ju vendosën kufje me anën e së
cilave ata kishin mundësi të dëgjonin melodi shumë të lehta muzikore. Sipas mjekëve kjo do t’i
ndihmonte ata të kapërcenin stresin e lindjes, duke favorizuar aftësitë e tyre të të mësuarit dhe
komunikimit. Muzika që ju vendos ishte e zhanreve të ndryshme, edhe pse dominonte ajo
klasike. Të porsalindurve ju vendosën kufjet me 5 seanca, dhe secila zgjaste 20 minuta.
(pernenat.al, 2019)
9
Prindërit janë të gatshëm të bëjnë gjithçka, për të nxitur zhvillimin intelektual të fëmijëve të tyre.
Në realitet, ata nuk kanë nevojë për ndonjë lloj kursi apo teknikë.
Mësimet e muzikës mund të jenë të mjaftueshme për të stimuluar trurin e fëmijëve. Muzika është
gjithashtu e mirë për trurin e fëmijëve, sepse i stimulon ata të përfundojnë detyra të ndryshme,
duke përfshirë dëgjimin, lëvizjen, mendimin, emocionet dhe aftësitë sociale.
1.3. Lojërat muzikore
Loja konsiderohet si mënyra kryesore e të nxënit në fëmijërinë e hershme. Lojërat mund të
ritmizohen pavarësisht se a kanë melodi, ato edhe mund të këndohen nga një pjesë e fëmijëve që
kanë talent ose prirje për muzikë. Fëmijët e vegjël nxënë më mirë nëpërmjet përvojave personale
dhe metodave multisensoriale të mësimdhënies që nxisin ndjesorët e tyre natyralë të kuriozitetit.
Lojërat me ritëm mund të shërbejnë si mjete të shkathëta për mësuesit e muzikës, sepse ato i
motivojnë nxënësit, nxisin bashkëpunimin si dhe përforcojnë gjithë leximin e ritmit të mësuar
gjatë gjithë vitit. Ajo merr fokus nga secili nxënës në një moshë ku janë të izoluar nga lojërat e
tyre kompjuterike. Është e rëndësishme që fëmijët të ekspozohen në traditën e muzikës si një
komunitet dhe të punojnë së bashku për të luajtur dhe për të mësuar. Loja, në të gjitha format e
saj, paraqet mundësi të pafundme për ndërveprimin e fëmijëve me njerëzit dhe objektet, në
situata reale dhe imagjinare. (Iacarino, 2017)
Fëmijët tërhiqen shumë nga lojërat muzikore, që janë dhe sintezë e të gjitha predispozitave
muzikore fëminore. Kështu ata shprehin dhuntitë dhe aftësitë e tyre mendore, sepse duhet të
mendojnë për tekstin, ritmin e posaqërisht për “regjinë” e lojës. Ka lojëra të ndryshme të cilat
kanë melodi ose nuk kanë melodi, të cilat përveçse zhvillojnë talentin muzikor në përgjithësi,
rëndësi të veçantë kanë për zhvillimin e kuptimit për të krijuar. Për këtë është mirë që fëmijët e
moshës parashkollore të mësojnë sa më shumë lojëra. Ka dhe këngë, të cilat kanë ritëm
interesant dhe tekste të përshtatshme për lojë, të cilat mund dhe të dramatizohen.
Sipas një publikimi të bërë nga Save the Children thuhet se: “Veglat muzikore mund t’i
ndihmojnë fëmijët të shprehin emocionet e tyre, veçanarisht kur ata kanë një zotërim të limituar
të gjuhës shprehëse”. Instrumente si daullja, trekëndëshat, këmbanat e dorës dhe ksilofonët janë
shumë popullore, por instrumentet e bërë vetë me mjete rrethanore mund të jenë po aq zbavitëse
siç janë fasulet, orizi, guriçkat në një kanoçe apo kavanoz, lugë druri dhe një kovë plastike ose
10
tenxhere metalike. Ata mund të luajnë muzikë të gëzuar, të dëshpëruar apo të nevrikosur me
instrumentet e tyre, duke e përshtatur edhe me shprehjen e duhur të fytyrës dhe ndoshta duke u
inkurajuar nga të rriturit që të flasin rreth gjërave që i bëjnë ata të lumtur, të mërzitur apo të
inatosur ose të tregojnë me gisht figurat përkatëse.
Veglat muzikore mund të luhen gjithashtu nga fëmijët ose të rriturit duke i inkurajuar që të
lëvizin ose kërcejnë, duke ndjekur ritmin dhe duke pasuar me veprimet:
Hajde të lëvizim në mënyrë të gëzuar;
Si ndihemi ne kur jemi të gëzuar?;
Hajde të lëvizim në mënyrë të inatosur;
Ky lloj aktiviteti do t’i ndihmojë fëmijët të njohin ndjenjat e tyre dhe t’i shprehin ato me fjalë.
(Glenn, Angela; Cousins , Jacquie; Helps, Alicia;, 2016). Roli i artit muzikor tek fëmijët është
mjaftë i rëndësishëm dhe komponentë fundamentalë në edukimin e përgjithshëm, ku kjo lëmi
është e planifikuar dhe e sistemuar në krijimin dhe zhvillimin intelektual e spirtual të fëmijëve.
Tek fëmijët s’ka qëllim përcaktimin e vetëdijshëm për të krijuar diçka konkrete artistike në këtë
moshë por të nisin hapat e parë të krijimit, sepse për ta është i rëndësishëm procesi i fillimit të
krijimit e jo rezultatet (sepse nuk mund të presim menjëherë rezultate të kënaqshme). Të gjitha
ato që i bëjnë fëmijët e kësaj moshe, i realizojnë përmes lojës me material tingëllor duke
plotësuar vendet e lëna bosh, pa pasur nevojë që të ndërhyjë pedagogu vetëm atëherë kur u jep
shpjegimet e duhura.
Fëmijëve duhet mundësuar që të kënaqen, të shfaqin natyrën e tyre për fillimin e të krijuarit,
duke i përpunuar përjetimet e tyre përmes këngëve, pjesëve melodike të shkurtëra, gjesteve e
lëvizjeve.
I tërë aktiviteti krijues (ku ne synojmë që tek ta të nxitet ndjenja e kreativitetit) duhet të bëhet në
formë loje (pa hequr dorë nga kërkesat elementare muzikore), ku ata duhet të motivohen, sepse
ky është parakushti i krijimit të tërësive muzikore (varësisht se çfarë ne synojmë të arrijmë tek ta,
me rëndësi është shprehja e lirë e tyre qoftë edhe jo e pëlqyeshme për ne). Kjo do të ishte baza e
një procesi me të cilën ata që do të shfaqin talent, ta zhvillojnë atë edhe në fusha tjera (sepse e
vetme muzika nuk mund të shprehë thelbin e artit dhe kemi nevojë që kjo të bëhet edhe përmes
mjeteve tjera shprehëse). Lëvizja dhe vallëzimi paraqesin aktivitetet bazë përmes të cilave
nxënësit shprehin përjetimet e tyre muzikore, por duhet të inkurajohen edhe që kreativitetin ta
shprehin përmes artit figurativ dhe shprehjeve gjuhësore, të mbështetura në inspirim nga vet
11
muzika e dëgjuar, me ç’rast nxënësit në mënyrë spontane të krijojnë atë se çfarë ata ndjejnë.
Përmes lojërave artistike, ne arrijmë të realizojmë pjesën shumë të rëndësishme të edukimit
muzikor që është zhvillimi i kreativitetit tek brezi i ri, ku fëmijët arrijnë të eksperimentojnë
materiale të ndryshme përmes dëgjimeve muzikore, (dëgjimet muzikore paraqesin komponentën
fundamentale në zhvillimin e kreativitetit edhe në lëmi të tjera), zbulojnë botën e tyre të
brendshme, bëhen kërkues dhe njëkohësisht shprehës. Dëgjimet muzikore ofrojnë edhe më afër
nxënësve krijimtarinë muzikore, me ç’rast nxënësit zgjerojnë horizontin e tyre dhe kjo ka për
qëllim kuptimin esencial të të krijuarit muzikor. Arti muzikor, sikurse edhe çdo art tjetër mund të
shërbejë edhe në korelacionin e shprehjes së kreativitetit dhe të jetë mjaftë efektiv, duke u bazuar
në fuqinë shprehëse të tingullit (mjetit shprehës muzikor), që në të vërtetë është më mbresëlënësi
dhe depërtuesi në krahasim me mjetet shprehëse të arteve tjera. Andaj, arti muzikor mund të jetë
edhe stimul për shprehje të kreativitetit edhe në artet tjera si (artin figurativ, dramatik,
koreografik, aplikativ, gjuhë), prandaj shfrytëzimi i potencialit muzikor për të arritur rezultate
edhe në artet tjera është i dëshiruar. Këto rezultate janë bërë përmes dëgjimeve muzikore tek
moshat parashkollore, shkollën fillore dhe SHMU. Dëgjimet muzikore japin impulse për të
përfytyruar, imagjinuar dhe zhvilluar kreativitetin tek fëmijët, sepse ngjallin ndjenjën e shpirtit
krijues dhe kjo shpalos individin si person dhe mënyrën reale të shprehjes së tij përmes shqisës
së të dëgjuarit. Korelacioni midis dëgjimit të veprave muzikore dhe shprehjes përmes artit
figurativ është formë e shkëlqyer e vënies në funksion të mekanizmit kreativ dhe ajo bëhet me
një përfytyrim që lenë gjurmë të thella në mendjen e fëmijës, duke transformuar depërtimin e
tingujve drejt gjendjes emocionale në shprehje krative figurative. (Ramadani, 2009)
Lojërat zakonisht ushtrohen në formë kolektive, duke i ndërruar rolet gjatë ecurisë e radhitjes së
lojës. Edukatorja shpjegon brendinë e lojës, për të zgjuar interesim tek ta, e demonstron lojën.
Pastaj nëse është melodi, e këndon dhe luan. Lojërat didaktike zhvillojnë tek fëmijët shumë
komponentë muzikorë si: talentin, ritmin, zërin, memorien muzikore, etj. Pasiqë ata nuk dinë
akoma shkrim-lexim apo nota, lojërat vlejnë si parapërgatitje e mirë që më vonë dukuritë
melodike e ritmike të përvetësohen më lehtë e më shpejtë përmes lojës. (Dhomi, 2000, p. 33)
12
1.4. Zhvillimi i muzikës tek fëmijët
Secili fëmijë ka dhuntinë e mrekullueshme muzikore. Fëmijët janë të aftë të regjistrojnë e të
përsëritin në mënyrë të vazhdueshme këngën e një zogu, çdo përshpërimë, simfoni apo tingull që
ata dëgjojnë. Deri vonë është menduar se fëmijët e porsalindur nuk kuptojnë asgjë se çfarë
ndodhë përreth tyre, se nuk dinin asgjë. Mirëpo tashmë e dimë që e vërteta është krejt ndryshe.
Një fëmijë i porsalindur ka fuqi të pabesueshme e me një bashkërendim të jashtëzakonshëm,
shqisat u zhvillohen me shpejtësi, saktësi, aftësi ku përgjatë nëntë muajve të parë truri i tyre
mbushet përplot me informacion.
Një eksperiment interesant ishte bërë me një fëmijë të sapolindur i cili po pushonte në gjoksin e
nënës së tij. Në dhomë kishte mjek, mami, miq të cilët qëndronin në këmbë përballë fëmijës. Të
gjithë filluan ta thirrisnin me rradhë emrin e fëmijës. Fëmiu nuk reagonte, mirëpo kur ai e dëgjoi
zërin e babait të tij, reagoi sepse, ishte mësuar ta dëgjonte zërin e tij përderisa ishte në barkun e
nënës. Nje histori mjaft interesante tregohet në një libër të Tony Buzan e njohur si historia e një
çifti. “Larisa kishte lindur fëmiun e saj të parë me operacion cezarian. Kur doktori kishte
nxjerrë fëmiun, ai qau me të madhe. Ai i mbante duart në fytyrë që të mbrohej, mirëpo
vazhdimisht qante. Ndërkohë babai i tij, që kishte qëndruar afër gjatë gjithë kohës, e afroi
fëmijën dhe filloi t’i këndonte një nga këngët që ia këndonte gjatë periudhes së shtatëzanisë.
Fëmija pushoi së qari.” (Buzan, 2003, p. 177)
Nëse ne si prindër apo edukatorë dëgjojmë muzikë edhe fëmija i vogël do të rritet me dashurinë
për muzikën. Gjithmonë dhoma e tij apo e kopshtit duhet të ketë vegla të ndryshme, mirëpo
gjithmonë me përmasat që ai mund ti praktikoj ato. Që kur ata janë disamuajshe, foshnjave u
pëlqen shumë t’u japin në dorë një tigan kuzhine dhe një lugë, për ti krijuar vetë veglat me
prekusion (goditje). Andaj duhet dëgjuar, çdo tingull që krijojnë foshnjat e vogla apo fëmijët.
Lejojeni dhe nxitni që ta zgjerojnë këtë diapazon, luani bashkë me ta, dhe ndërkohë me zërin tuaj
filloni të krijoni tinguj krejt të rinjë. Zëri më i bukur është zëri i një fëmije! Kur një fëmijë merr
në duar një objekt nga i cili kur e godet krijon tingull, menjëherë vazhdon duke i shpeshtuar
lëvizjet, ku në këtë mënyrë ai fillon të krijojë ritëm dhe melodi. Sado lodra të ketë përreth tyre ai
prap do vazhdojë të kërkoj diqka të re që se ka, në këtë mënyrë ai zhvillon kreativitetin dhe
mendimin e tij.
13
Vitet e para të jetës janë një kohë e veçantë gjatë së cilës prindërit dhe fëmijët mund të luajnë së
bashku me muzikën dhe mund ta përdorin për të krijuar mes tyre lidhje të fuqishme. Gëzimi që
provojnë prindërit dhe fëmijët kur ato dëgjojnë së bashku për disa çaste muzikë, forcon lidhjet
ndërmjet tyre. Kjo do ta ndihmojë fëmijën që të vendosë lidhje të forta me prindërit, gjatë gjithë
jetës së tij. Gjithnjë ne dëgjojmë zërin e ëmbël dhe ritmik të nënës, që i këndon fëmijës së saj.
Kur foshnja i përgjigjet, atëherë midis të dyve fillon një duet, që forcon dashurinë dhe besimin
reciprok. Muzika është gjithashtu një mënyrë e fuqishme që fëmijët të lidhen me origjinën, me
rrënjët e tyre. Një këngë popullore, një ninullë, e njeh fëmijën me trashëgiminë kulturore të
familjes. Dhe lidhja me rrënjët është një tjetër mënyrë për t’i bërë fëmijët më të sigurt. Studimet
kanë treguar se muzika ndikon gjithashtu në zhvillimin e shëndetshëm të fëmijëve të vegjël. Ajo
krijon një mjedis të pasur që fuqizon vlerësimin e fëmijës për veten dhe nxit zhvillimin social,
emocional dhe intelektual. Fëmijët e vegjël njihen me muzikën nëpërmjet marrëdhënieve që ato
krijojnë me ju. Nëpërmjet këngës, dëgjimit, kërcimit dhe lojës ju i ndihmoni fëmijët tuaj të rriten
siç duhet. Muzika ndihmon trupin dhe mendjen për punë. Fëmijët e vegjël janë të tërhequr nga
struktura dhe lloji i muzikës. Ata e shfaqin këtë në disa mënyra, si për shembull, duke përplasur
duart në fund të këngës, ose duke bërë lëvizje të duarve në pjesë të veçanta të këngës. Gjithashtu
muzika i njeh fëmijët me tingujt dhe kuptimin e fjalëve dhe ndihmon në forcimin e kujtesës.
Këngët me alfabet dhe numra e ndihmojnë fëmijën të mbajë mend radhën e shkronjave dhe
numrave. Këngë të tjera u tregojnë atyre si funksionojnë gjërat. Muzika u jep fëmijëve një
mundësi të bashkëveprojnë me fëmijë të tjerë në mënyrë të gëzueshme dhe me dashuri. Duke
qenë se muzika është një eksperiencë e pasur për të mësuarit, sa më shumë fëmijë të jenë, aq më
shumë mësojnë. Shkëmbimi muzikor midis foshnjeve dhe prindërve të tyre është një nxitje për
krijimtarinë dhe imagjinatën. Fëmijët 1-2 vjeç pëlqejnë të krijojnë fjalë pa kuptim dhe tinguj të
rinjë për t`ju përshtatur melodive të njohura dhe shpesh ato i këndojnë gjatë kohës që kryejnë
aktivitetet e tyre. E gjithë kjo ndihmon të zhvillohet mendja e vogëlushit së bashku me gjuhën.
Krijimi i këngëve të reja për foshnjet është një mënyrë perfekte për të nxitur krijimtarinë, siç janë
këngët që shoqërojnë rutinën e përditshme për ju. Përdorni mendjen tuaj për t’i bërë më zbavitëse
këto. Muzika është gjithashtu një mënyrë e mirë për fëmijët dhe prindërit që të shprehen për
veten. Fëmijët mund të zemërohen, të kërcejnë nga gëzimi etj. Shumë prindër mund të shikojnë
se duke kënduar me fëmijët qetësohen edhe vetë.
Muzika dhe fëmijët 18-36 muajsh
14
Në këtë periudhë moshe:
Fëmijët në këtë moshë pëlqejnë të këndojnë, të kërcejnë vetë dhe së bashku me të
tjerët. Në këtë kohë shpesh i këndojnë vetes për t’u ndier më rehat.
Fëmijët do t`ju kërkojnë t’ia këndoni përsëri këngën që pëlqejnë, ashtu sikurse duan
që librin e tyre më të pëlqyer t’ia lexoni me qindra herë.
Fëmijët shpesh shoqërojnë aktivitetet e tyre me këngë.
Fëmijët do të eksperimentojnë duke krijuar këngët e tyre dhe duke i lidhur ato me
këngë që kanë mësuar më parë.
Kapitulli-II-
2. Ritmi
Prej kur erdhën në jetë, u mirëpritën nga ritme e tinguj qe nuk do t’i harrojnë kurrë siç janë të
rrahurat e zemrës së nënës që i ndjejnë gjatë kohës sa janë në bark dhe më pas kur ajo merr
fëmiun në krahë, ritmi që ka ora, valët qetësuese të detit, pikat e shiut, etj. Ritmi është mjeti më i
fuqishëm në përforcimin e gjendjes shpirtërore. Kur ju e keni në duar një tekst, gjëja e parë që ju
bie në sy janë shenjat e pikësimit. Zakonisht nëpër tekste shenjat e pikësimit inicojnë ritmin.
Shenjat e pikësimit na tregojnë se si janë të ndërtuara fjalitë apo frazat, prandaj edhe
informacioni na vjen më i qartë dhe më efektiv. (Bekteshi, 2011, p. 105)
Ritmi, në gjuhën greke-rithmos-d.m.th simetri ose lëvizje. Ritmi është lëvizja e rregullt dhe
zgjatja e tingujve, që bëhet në përputhje me njësitë e caktuara të kohës, zgjatja e rregullt e
lëvizjeve të një valleje, që përputhet me muzikën, ritëm muzikor, ritmi i melodisë, ritmi i
vallëzimit.
Ritmi ndryshon në mënyrë logjike në zhvillimin e ngjarjes dhe së bashku me tempin është i
lidhur në mënyrë direkte me botën e ndjenjave. Aristoteli në shkrimin "Probleme muzikore",
ritmin e lidh me natyrën. Ritmin ai e quan "lëvizje e rregulluar", e cila ka masat e veta të
caktuara. Ritmi është modeli i pulseve të rregullta ose të parregullta të shkaktuara në muzikë nga
shfaqja e rrahjeve të forta dhe të dobëta melodike dhe harmonike. Ai organizohet brenda një
mase. Masa është hapësira pingule në mes dy vijave të pentagramit.
15
2.1. Zhvillimi i ndjenjës për ritëm
Një ndër elemementet më të rëndësishme të muzikës është ritmi. Ritmi është element i
vazhdueshëm, tek njeriu po ashtu dhe në arte tjera. Fëmija lind me prirje dhe dëshira për lëvizje
dhe shprehje tjera ritmike. Fëmiu qysh në barkun e nënës dëgjon të rrahurat e zemres së saj,
andaj kur nëna e ofron fëmiun në trupin e saj, ai qetësohet posa dëgjon të rrahurat e zemres së
saj. Nga momenti i lindjes kur ne i këndojmë fëmijëve, vërejmë se sa kënaqësi ndjen fëmiu, se si
qetësohet, ndërkohë vet fëmiu përpiqet ta imitoj duke bërë lëvizje kështu dhe në mënyrë graduale
zhvillohet ndjenja për ritëm. Zhvillimi i ndjenjës ritmike është detyrë shumë e rëndësishme si për
prindër, poashtu dhe për edukatore të cilat punojnë me fëmijë.
Ritmi muzikor i lëvizjes është një nga llojet e aktivitetit muzikor në të cilin përmbajtja e
muzikës, karakteri i tij transmetohet në lëvizje. Duhet theksuar se në të ardhmën profesioni ynë
si edukatore duhet të ketë objektivë që të mësojë fëmijët të lëvizin ritmikisht në përputhje me
natyrën e ndryshme të muzikës, dinamika (me zë të lartë, të moderuar, të qetë), lëvizjet nga një
ritëm i moderuar në një ritëm të shpejtë ose të ngadaltë.
Sipas Vygotskyt: "Muzika është arti i ndikimit të drejtpërdrejtë dhe të fortë emocional, siç
reflektohet, emocionet njerëzore janë" objektivizuar ". Për këtë veçori të mrekullueshme, muzika
nuk ofron mundësi të krahasueshme për zhvillimin e sferës emocionale të personit, sidomos
fëmijërisë parashkollore, kur emocionet janë një faktorë rregullimi i sjelljes dhe formimi i
personalitetit si një edukim holistik". Ngritja muzikore është një mjet efektiv i zhvillimit
kognitiv sepse muzika përfshinë një botë të madhe të ideve, mendimeve, imazheve që bëhen
pronë e fëmijës në procesin e veprimtarisë muzikore.
Fëmijëria parashkollore është një periudhë e ndjeshme e zhvillimit të aftësive. Ndjenja ritmike
merr vendin kryesor në strukturën e muzikalitetit.
Një ndjenjë e ritmit zhvillohet në mësimet e muzikës. Gjithashtu, aftësitë muzikore përfshijnë tre
komponentë bazë:
Ndjenja e tronditjes - aftësia për të njohur funksionet modale të tingujve individualë.
Prezantimi auditor i melodisë.
Ndjenja e ritmit - aftësia për të përjetuar lëvizjen e muzikës në lëvizje.
16
Në teorinë dhe metodologjinë e zhvillimit muzikor dhe edukimit të fëmijëve, rol të rëndësishëm
zë edhe aftësia për një reagim emocional ndaj muzikës, kujtim muzikor, mendim muzikor,
aftësia për të dalluar përbërësin melodik, harmonik dhe timbër të muzikës.
Kështu, aftësitë muzikore i lejojnë fëmijës të zhvillojë jo vetëm shkathtësi për të luajtur një
instrument muzikor të veçantë, por edhe të rigjallërojë veprat muzikore dhe të krijojë vetveten.
(ADABOR, 2019)
Ndjenja e ritmit është aftësia që nënkupton të gjitha manifestimet e muzikalitetit që lidhen me
riprodhimin dhe shpikjen e marrëdhënieve të përkohshme në muzikë. Ndjenja muzikore dhe
ritmike mund të zhvillohet vetëm në procesin e veprimtarisë muzikore.
2.2. Zhvillimi i ndjenjës metoritmike
Metri dhe ritmi janë dy fenomene që bashkëveprojnë njëra me tjetren. Derisa metri është pulsimi
i vazhdueshëm dhe i njëllojshëm i kohës, ritmi paraqet organizimin e gjatësive të ndryshme
tonale brenda këtij pulsimi. Mund të themi se s’ka ritëm pa metër dhe anasjelltas, metri jeton në
ritëm. Prandaj këto dy elemente shfaqen së bashku dhe të pandara. (Spahiu, 2008, p. 71)
Zhvillimi i ndjenjës metoritmike ka të bëjë me pjesën e theksuar e të patheksur të taktit.
Fëmijëve duhet t’u demostrohen shembuj të cilët edhe ata vet i njohin, në këtë mënyrë ata
kuptojnë esencen e pjesëve të theksuara dhe të patheksuara. Ka shembuj të ndryshëm që mund ti
bëjmë me fëmijë si: këmbana, djepi, lëvizja e këmbëve, etj. Lëvizjet bëhen gjithnjë duke dëgjuar
më shumë lëvizjen e parë se sa të dytën. Varësisht se cilën nga lëvizjet u demostrojmë fëmijëve
lëvizjet bëhën lartë-poshtë, majtas-djathtas. Gjatë veprimit fëmijët duhet t’i përjetojnë veprimet,
duke i shoqëruar kështu me ritëm në të folur, shembull duke përdorë djepin u këndojmë ninulla,
këmbana bim-bam, etj. Kënga mund të shoqërohet dhe me ecje duke shqiptuar para-prapa, lartë-
poshtë, kështu si rrjedhim metoritmik i masës dykohore. Edukatorja mund ta këndoj tekstin
ndërsa fëmijët mund ta përcjellin me instrumente ritmike. Nga praktikat përgjatë studimeve
poashtu dhe si nënë shpesh herë kam kënduar me fëmijë këngë apo ninulla, ku ata më kanë
ndjekur me ritmin e tyre duke lëshuar tinguj apo gurgullimë në moshë më të vogël e duke u rritur
na shoqërojnë dhe me mjete.
17
2.3. Ritmi në të folur
Të folurit përmes ritmit është një ndër mënyrat më interesante për fëmijët dhe shprehet përmes:
lojërave fëminore, këngëve të numërimit, ligjërimeve ritmike, gjëegjëzave, vargjeve, etj.
Formulimi i ritmit nga teksti muzikor është mbështetje konkrete për fëmijët. Brenditë e tekstit
dhe lojërat e krijuara më tepër do t’i emocionojnë fëmijët.
Neurologu John Gabriel mendon se “Muzika mund t’i ndihmojë fëmijët të shtojnë aftësitë e tyre
të leximit ose t’i përmirësojnë ato”. Ndërsa neuro shkencëtarët thonë se njeriu mëson të lexojë
duke bashkërenduar ato që sheh me ato që dëgjon. Kjo është arsyeja, thonë ata, përse fëmijët që
lexojnë me vështirësi shpesh e kanë të vështirë të bëjnë dallime edhe mes tingujve.
Nga muzika ndikohen edhe zonat e trurit që luajnë rol kritik në kontrollin frenues, dhe në aspekte
të përpunimit të emocioneve. Dëgjimi i këngëve, ritmit dhe librave me figura, është një mënyrë e
madhe për të zhvilluar tek fëmijët aftësitë komunikuese dhe të folurit. Këndimet dhe ritmet, kanë
një ndikim të madh pozitiv në gjuhën e një fëmije, poashtu në zhvillimin e të shkruarit dhe të
lexuarit. Fëmijët që kanë probleme në të folur si belbëzimi, probleme me shqiptimin e fjalëve
dhe probleme me artikulimin e fjalëve, mund të ndihmohen duke i ndarë ato në rrokje dhe
përmes lojës të ndjekin ritmin. Shumë pak aktivitete në jetë e fusin në funksion të gjithë trurin
mirëpo muzika është një nga to. Edukimi muzikor e përshpejton zhvillimin e trurit kur bëhet fjalë
për fëmijët e vegjël, sidomos në fushat të cilat janë përgjegjëse për përpunimin e tingujve,
përceptimin e të folurit, zhvillimin e të folurit dhe aftësitë e të lexuarit. Këngët me tema për
botën bimore dhe shtazore mundësojnë, nga njëra anë formësimin dhe zgjërimin e nocioneve të
fëmijës për botën, e nga ana tjetër zhvillojnë aftësitë muzikore të tij.
Shqiptimi i tingujve, fjalës dhe fjalisë ka mundësi të realizohet përmes këngës në grup, këngës
individuale apo përmes rrëfimit të përrallave, tregimeve apo ngjarjeve nga jeta e përditshme e
fëmijës. Vargjet me rimë janë të afërta me fushën e muzikës. Aktivitetet ritmike si lëvizja me
ritëm, ecja sipas ritmit, harmonia e ligjërimit dhe lëvizjes ndihmojnë për t`u zhvilluar aftësia e
dallimit të ritmit, melodisë dhe harmonisë së shqiptimit të drejtë të tingujve dhe rimes. Muzika
instrumentale mund të integrohet përmes dramatizimit të teksteve letrare dhe jo letrare. Loja me
kukulla e shoqëruar me muzikë adekuate mundësonë përjetimin më të thellë të muzikës dhe
lojës. Lojërat me grupe fëmijësh, gjatë të cilave fëmijët formojnë rrethin, lëvizin lartë-poshtë,
pozicionohen para-pas, majtas-djathtas etj, të shoqëruara me muzikë, krijojnë shanse të
18
favorshme që të edukohet jo vetëm muzikaliteti i fëmijës por, në atmosferë të këndshme, fëmija
ti njohë dhe kuptojë disa nocione të matematikes.
Aktivitetetet në fushën e muzikës gërshetohen edhe me artin figurativ. Fëmijët me kënaqësi
vizatojnë dhe modelojnë lulet, shpezët, shtazët etj. e të cilave u dedikohet kënga. Integrimi
ndërfushor, pra i edukimit muzikor dhe fushave të tjera edukative mundësojnë zhvillimin dhe
edukimin më të natyrshëm e tërësorë të parashkollorit. (MASHT). Ritmi në të folur zhvillohet
kur fjalia ndahet në fjalë e më pas dhe në rrokje. Më pas mund të pyesim fëmijët:
Sa goditje ka një kënge?
Si rrah zemra?
Si bën ora?
Në këtë mënyrë ata zhvillojnë dhe numërimin ritmik.
2.4. Instrumentet ritmike
Një instrument me goditje është çdo objekt që prodhon një tingull duke u goditur me një pajisje,
duke u tronditur, ose nga çdo veprim tjetër që e vendos objektin në dridhje. Shumë kohë më parë
njerëzit kanë shpikur fillimisht disa instrumente si bateritë, pllaka druri, plloqe metalike për të
krijuar tinguj. Ky ka qenë mendim nga historianët dhe antropologët që instrumentet me goditje
ishin pajisjet e para muzikore të krijuara ndonjëherë. Këtu përfshihen çdo instrument që prodhon
tinguj kur është goditur ose tronditur. Instrumentet e përplasjes klasifikohen me kritere të
ndryshme, nganjëherë varësisht nga ndërtimi i tyre, origjina etnike, funksioni dhe orkestrimi.
Veglat melodike krijojnë pos ritmit edhe melodi dhe harmoni. Në shekujt e XVIII-të dhe XIX-të,
instrumentet me goditje (si trekëndëshi) janë përdorur në masë të madhe.
Me instrumente ritmike, fëmijët mësojnë që të improvizojnë vetë ritme të reja dhe meloditë e
njohura i përcjellin vetë. Luajtja me instrumente do t’i aftësojë fëmijët për të njohur dhe luajtur
me instrumentet ritmike. Ҫdo fëmijë është në gjendje të mësojë meqë nuk ka vijë melodike për
ekzekutim, por vetëm i bihet ritmit, gjë për të cilën fëmijët janë të prirur, por ndihma gjithmonë i
duhet duke i qëndruar afër dhe edukatorja. Ndër lodrat më të njohura për fëmijët e moshës
parashkollore janë:
Instumentet Orff -me të cilat fëmijët këndojnë, duartrokasin, kërcejnë, luajnë dhe bëjnë punë
me meloditë dhe ritmet. Orff e konsideroi ritmin si një formë bazë natyrore të shprehjes
19
njerëzore. Këto instrumente të lejojnë të vendosësh një unitet me muzikën, lëvizjen, vallen dhe
fjalën. (Schulwerk, 2019). Disa nga instrumentet e Orff-it janë: tamburi, timpani, shkopinjtë,
triangolo, zilka, ksilofoni, etj. Këto instrumente posedojnë një timbër unik dhe përdorimi i tyre i
ndihmon fëmijët të bëhen të ndjeshëm ndaj muzikës që ata vetë e shoqërojnë. Edukimi Orff
gjithashtu kërkon që fëmijët të këndojnë, të duartrokasin, të kërcejnë, të luajnë dhe të bëjnë punë
me meloditë dhe ritmet.
Zilet - Edhe zilet e vogla kanë gjetur vend në instrumentet e Orfit. Këto kanë formë sferike me
një të prerë, kurse në brendinë e tyre kanë nga një gogël të vogël, të cilat përplasen kur lëvizen
zilet. Disa zile të tilla janë të renditura në një hark metalik, i cili zgjatet në dorëz. Me këtë
instrument parashkollorët argëtohen duke dhënë maksimumin që zëri i zileve të jëtë sa më i lartë.
Dajreja (defi) - është instrument ritmik që përbëhet nga një rreth druri i hollë, ku në njërën anë
ka lëkurë të tendosur. Rrethi që ka gjërësi 5 deri 7 cm, ka disa të prera gjatoshe, ku janë të
vendosura nga dy pllakëza metalike të lëvizshme, të cilat në popull quhen xhingra ose çampare.
Defi mbahet në dorën e majtë, duke u mbështetur gishti i madh në lëkurë (nga ana e jashtme e
defit), kurse gishtërinjët e tjerë kapin rrethin e drunjtë. Luhet me dorën e djathtë duke goditur
lëkurën herë me tërë pëllëmbën, herë me majat e gishtërinjëve. Kjo është mënyra më e shpeshtë e
interpretimit, mirëpo, ka edhe mënyra të tjera si: duke kaluar me gishtin e madh të dorës së
djathtë nëpër skaj të lëkurës së defit, si dhe duke e tundur tërë defin me dorën e majtë. Zëri
përfitohet me dridhje ose me goditje në membranën e instrumentit. Përdoret në zhanre të
ndryshme muzikore si në muzikë zbavitëse, xhaz, popullore dhe në muzikë klasike.
Tupani (lodra) - Është instrumenti më i madh ritmik që prodhon tinguj me lartësi të pacaktuar.
Përbëhet nga një kasë druri në formë cilindrike, e cila në të dy anët ka lëkurë të shtrirë që mund
të tendoset ose të lirohet nëpermjet vidave. Tingulli prodhohet duke goditur lëkurën me shkop, i
cili mbaron me një kokë të mveshur me fillç. Shkopthi mbahet në dorën e djathtë në mes të
gishtit të madh dhe treguesit. Varësisht nga forca e goditjes dhe e vendit ku goditet lëkura, mund
të fitohet ngjyrimi i ndryshëm dinamik. Goditja në mes të tupanit jep tingullimë të fuqishëm dhe
më të thellë, kurse goditjet në periferi japin tinguj më të lehtë dhe më të thatë.
Një thënie nga Carl Orff është: "Përvoja vjen e para, pastaj intelekti". Një përvojë të suksesshme
dhe pastaj kënaqësia, është bazë për një proces pozitiv të të mësuarit. Fëmijët janë të inkurajuar
në të mësuarit në mjedisin e tyre natyror për të luajtur, ndërsa improvizimi ju inkurajohet
fëmijëve që t’i lejojë ata për të shqyrtuar mundësitë në muzikë. Pasqyrimi i muzikimit, vallëzimit
20
dhe lëvizjet e trupit të fëmijëve parashkollor si në formën fizike, shpirtërore dhe intelektuale apo
këndimi, vallëzimi luajtja në instrumente luajnë rol të rëndësishëm (Alb, 2018).
Në vazhdim po i paraqes disa nga instrumentet ritmike të Orff-it të cilat janë të përshtatshme për
fëmijët e moshës parashkollore.
Përgjatë vitit të dytë të studimeve, kisha rastin që t’i njihja këto instrumente dhe gjithashtu t’i
punoja disa prej tyre duke u konsultuar vazhdimisht me profesoreshën time, Prof.Ass.Msc
Mimoza Kurshumlia. Disa nga këto instrumente, ne dhe vet mund ti krijojmë me fëmijët, në këtë
mënyrë ata do argëtohen dhe do mësojnë më mirë. Për të krijuar veglat së bashku me fëmijë
21
gjithmonë duhet pasur parasysh strukturen e fëmijëve, kapacitetin e tyre dhe materialet që ne
përdorim.
Zilet mund ti ndërtojmë me kapakët e metaltë të shisheve dhe i vendosim një llastik në mes në
mënyrë që ti vendosin gishta. Një vegël tjetër që mund ta bëjmë është dareja, e tëra që na duhet
janë prap kapakët e shisheve metalike mirëpo kësaj rradhe ato i konservojmë, marrim dhe një
rreth druri, dhe në këtë formë krijohet dareja. Poashtu ne mund të krijojmë mara-n, duke i marrë
disa kanaqe e duke i mbushur ato me gurë të vegjël apo misër. I mbyllim vrimën në mënyrë që
ato mos të dalin jashtë dhe i tundim, me anë të tundjes fitojmë tinguj të ndryshëm që ato
lëshojnë. Ritëm mund të krijojmë dhe me shishet e plastikës duke i mbushur ato me guralec,
fasule, oriz, misër, në këtë mënyrë krijohen rrak-rrakeja.
Muzika është një formë arti e rrënjosur thellë në natyrën njerëzore. Është një trup i veçantë
dijesh, një formë unike e komunikimit dhe një mjet me të cilin organizohen dhe shprehen
ndjenjat dhe interesat. Është një fushë mjaft e kënaqshme e përvojës individuale dhe të
përbashkët, duke nxitur një ndjenjë të thellë mirëqenieje. Muzika komunikon përmes simboleve
verbale, vizuale dhe “të veshit” (dëgjimore), duke i ndihmuar në këtë mënyrë nxënësit të
kuptojnë aspekte të ndryshme muzikore.
Ritëm pa muzikë ka, ndërsa muzikë pa ritëm nuk ka. Aristoteli në shkrimin "Probleme
muzikore", ritmin e lidh me natyrën. Ritmin ai e quan "lëvizje e rregulluar", e cila ka masat e
veta të caktuara. Ndërsa studiuesi Gjergj Zhej, te libri "Hyrje në shkencën e letërsisë", për
ritmikën shprehet: "Ritmi është diçka e lidhur me vetë natyrën". Çdo gjë rreth nesh ka një ritëm
të dhënë që shpreh lëvizje, ku pjesët e saj kanë lidhje të caktuar midis tyre. Ndjenjën e ritmit
njeriu e ka hetuar së pari në vetë trupin e tij. Me përkufizim, ritmi është modeli i pulseve të
rregullta ose të parregullta të shkaktuara në muzikë nga shfaqja e rrahjeve të forta dhe të dobëta
melodike dhe harmonike. Ai organizohet brenda një mase. Masa është hapësira pingule në mes
dy vijave të pentagramit (Shamku, v; Hala, M;, 2005).
2.5. Edukimi dhe arsimimi i ndjenjës melodike
Melodia është aranzhimi melodioz i një vargu notash. Sipas disa burimeve të mirënjohura, kjo
fjalë e ka origjinën nga fjala greke (meʹlos), që do të thotë «këngë». Melodi, sipas fjalorëve, është
muzika e ëmbël, çdo tingull i ëmbël. (Watchtower). Para çdo veprimi tjetër fëmija fillon të reagoj
22
ndaj tingullit. Varësisht se çfarë dëgjon fëmiu, ai reagon kur dëgjon tinguj të fortë apo të ashpër.
Ai shqetësohet dhe mund të qajë, ndërsa kur ai dëgjon ninullat qetësohet. Ky reagim është më
tepër reagim refleksiv se sa reagim muzikor, mirëpo ky reagim mund të konsiderohet një
parafillim i reagimit emocional ndaj karakterit të ndryshëm të tingujve. Nga muajt e parë tek
fëmijët vërehet ndjenja e kënaqësisë, apo ndjenja e pakënaqësisë e cila nxitet nga tinguj me
karakter të kundërt. Kështu duke u shtuar stimulimet melo-ritmike nga mjedisi social, sidomos
nga kënga e nënës, diferencohen edhe reagimet e fëmijës.
Fëmija së pari e përgjon muzikën, pastaj e dëgjon më i përqëndruar dhe më pas përpiqet ta
riprodhoj. Të gjitha këto fillojnë qysh nga muaji i gjashtë, ku fëmija kthehet në drejtim të
muzikës, e përgjon dhe përpiqet të reagojë, kështu ai gjen qetësinë, gëzimin dhe disponohet.
Gradualisht fëmija fillon ta imitojë dhe ta këndojë një këngë që i pëlqen duke i inkuadruar dhe
lëvizjet e duarve, të cilat në fillim nuk janë të koordinuara por më vonë ai fillon ti harmonizoj
ato. Ndjenja melodike ka zhvillim më të ngadalshëm krahasuar me ndjenjën ritmike. Deri në
moshën dyvjeçare fëmija nuk është në gjendje të interpretojë në mënyrë të saktë tërësinë
melodike. Nga kjo moshë fillon dhe faza e këndimit, ku fëmija fillon të bëjë skicimin e
përgjithshëm të vijës melodike. Më vonë duke u bazuar në përshtypjet në rritje, si dhe në
aktivitet të veshit muzikor, të organeve të zërit, fëmija arrin të këndoj më me siguri, lartësi
tingullore, përkatësisht përmbajtje muzikore.
Nga mosha katër vjeçare komponentët melodikë dhe ritmikë zhvillohen shumë më tepër. Fëmija
këndon më i sigurt dhe përvetëson më me kuptim komponentin melo-ritmik të këngës se sa
tekstin e saj. Kjo ndodh sepse aftësitë muzikore maturohen më shpejtë se zhvillimi i
përgjithshëm intelektual prandaj mosha parashkollore është stad shumë i rëndësishëm për
zhvillimin e aftësive muzikore, sepse në bazën e tyre qëndron substrati emocional dhe plasticiteti
i sistemit nervor- muskulor.
Ndjenja melodike e nxënësve tregon gradë të ndryshme si në pikëpamje të përceptimit të tërësive
melo-ritmike, ashtu dhe në riprodhimin e saktë të tyre. Ky proces është i lidhur poashtu me
kujtesën muzikore. Ndodh që nxënësit të kenë kujtesë të mirë, përfytyrime që i shprehin
nëpërmjet diktimeve muzikore, si dhe përjetimit të muzikës. Kjo do të thotë se vetëm në bazë të
aftësive për riprodhim nuk mund të përgjithësohet vlerësimi i aftësive përjetuese. Këndimi i pa
saktë ngjan të jetë pasojë e pengesave të inervimit të organeve të këndimit si dhe motorikës së
tyre e jo zhvillimi i dobët i veshit muzikor. (Spahiu, Metodika e mësimit të muzikës, 2008, p.
23
106). Melodia tek fëmijët nuk duhet të jetë e gjatë, duhet të jetë nga ato të thjeshtat dhe të qartat.
Nga atmosfera krijuese, fëmijët duhet të jenë të predisponuar dhe në pritje se ҫka do të dëgjojnë,
e pastaj në bazë të saj, të mendojnë se ҫka mund të vijë me logjikshëm si vazhdimësi e asaj
melodie.
2.6. Melodia nga riprodhimi i dukurive ritmike
Nga ritmi tek melodia- ritmi është pjesa dinamike, organizative dhe e përsëritshme e muzikës.
Kompozimet e para muzikore të qenieve njerëzore ishin ekskluzivisht ritmike, duke goditur
elementët natyrorë, ku më pas kalon tek melodia e cila ka një dimension thelbësisht horizontal
me ngjarje të njëpasnjëshme në kohë, duke kombinuar ritmin dhe katranin. (Colaboratorio, 2017)
Sikurse në edukimin dhe arsimimin e ndjenjës ritmike, kur fëmijët vërejnë dhe riprodhojnë
dukuri të ndryshme ritmike nga natyra, ashtu dhe tash kur duhet zhvilluar ndjenja melodike e
tyre, sërish do të vërejnë dhe riprdhojnë shumë dukuri akustike nëpërmjet të cilave përsoset veshi
i tyre muzikor. Këto dukuri fëmijët e moshës parashkollore i kanë përjetuar spontanisht, e më
tutje udhëzohen nga mësimdhënësi me vetëdije. Nga dukuritë e shumta akustike veçojmë ato
dukuri që i kanë përjetuar më parë.
Disa dukuri që mund të shprehen nëpërmjet onomatopeve melodike janë: mjaullima e maceve
(mjau-mjau), blegërima e deles (be-be), kokorisja e pulës (ko-ko), të lehurit e qenit (ham-ham)
etj, mirëpo ka dhe disa onomatope tjera siç janë: e ziles (cin-cin), e kumbanës (din-don), e trenit
(qaf-quf), e automobilit (ty-ty), etj.
Riprodhimi i këtyre onomatopeve duhet të bëhet nga fëmijët sa më realisht, kështu duke kërkuar
nga ta imitimin e tyre (Spahiu, Metodika e mësimit të muzikës, 2008, p. 107).
2.7. Melodia tek këngët e fëmijëve
Këngët për fëmijë si strukturë më e përbërë paraqesin nje zhanër dhe formë muzikore me tipare
të qarta dhe të dallueshme si në aspektin strukturor, melodik, ritmik ashtu edhe në atë harmonik.
Meloditë e këngës për fëmijë karakterizohen si melodi të shkurta, të thjeshta, lehtësisht të
mbajtura në mend, fragmente të shkurta që përsëriten. Melodikisht duhet t’i largojmë këngët të
cilat kanë kërcime të mëdha të intervaleve, ato që janë në tempo të ngadalshëm, që kanë pauza të
24
shpeshta apo ritem të zvaritur. Melodia nuk duhet të ketë kërcime tonale por graduale, dhe ritem
të thjeshtë. (Dhomi, Metodikë e edukatës muzikore, 2000, p. 44). Tipar i veҫantë i këngëve të
fëmijëve është se ato janë të përshtatura për fëmijët në aspektin e kompleksitetit të tyre. Fëmijët
zakonisht kanë melodi dhe ritme të thjeshta dhe të mbetet në mendje si një strukturë të lehtë.
Në fakt, këngët dhe mendimet bazohen në ritmet e këngës, frekuenca e zërit dhe melodia e
këngëve bëjnë pjesën tjetër për të drejtuar mendimet në një drejtim pozitiv. Puna në një melodi
duhet të jetë e këndshme, këndimi i mundshëm dhe lehtë i realizueshëm si për edukatoren ashtu
edhe për fëmijët. Një melodi me kërcime të mëdha ndërmjet tingujve të melodisë është vështirë e
realizueshme ose e parealizueshme. Duke u bazuar në psikologjinë e fëmijës dhe në interesin që
ka edukimi muzikor melodia e papërshtatëshme mund të sjellë refuzimin e fëmijës ndaj melodisë
së caktuar, pamundësia dhe paaftësia teknike e fëmijës për ta kënduar mund ta dëmtojë vlerën
estetike të këngës që rezulton pikërisht me shëmtimin e efektit muzikor estetik. Fëmijët mund të
krijojnë diҫka me vlerë të madhe, vetëm me rëndësi është që të dijnë të shprehen në mënyrë
artistike me anë të toneve muzikore, me anë të vizatimeve, fjalëve, apo nën ndikimin direkt ose
indirekt të këngës. Melodia dhe ritmi janë pjesë e pandashme e njohurive të domosdoshme që
duhet të dijnë fëmijët për kuptimin e këngës (Ҫipa, 2013, p. 12). Kënga ka rëndësinë e saj,
përmes këngës fëmija e ka më të lehtë të kuptoj fjalët, tekstet po ashtu dhe ka mundësi në fushën
e artit të shpreh emocionin që ndjen përbrenda. Fëmijët që në fëmijërinë e tyre të hershme, në
mënyrë të pavetëdijshme kanë përjetuar gjatë lojës melodi të ndryshme. Këngët me tema për
botën bimore dhe shtazore mundësojnë, nga njëra anë formësimin dhe zgjërimin e nocioneve të
fëmijës për botën e nga ana tjetër zhvillohen aftësitë muzikore të tij.
Në edukimin dhe arsimimin e përgjithshëm muzikor të nxënësve, këndimi zë vend të
rëndësishëm. Kënga është forma e parë dhe më e gjërë e aktivitetit muzikor të tyre. Këndimi i
drejtë dhe shprehje plot nuk nënkupton vetëm veshin e zhvilluar muzikor, por edhe edukimin e
kultivimin e zërit të nxënësve. Me anë të ushtrimeve të ndryshme muzikore duhet të kemi për
qëllim jo vetëm përsosjen e veshit muzikor, por dhe krijimin e shumë shprehive pozitive të
këndimit. Praktika pedagogjike na mëson se edukimi i zërit të nxënësve është më i suksesshëm
po të fillojë me kohë derisa nxënësit ende nuk kanë formuar shprehi negative të këndimit. Po
ashtu vlenë të theksohet prirja e nxënësve për imtitim, kështu ata përpiqen ta imitojnë
besnikërisht mënyren e këndimit të edukatores, gjë që nënkupton nevojën e kulturës së duhur
vokale të mësimdhënësit. (Spahiu, Metodika e mësimit të muzikës, 2008, p. 111).
25
Kapitulli-III-
3. Këndimi
Këndimi është komponent shumë i rëndësishëm i edukimit dhe arsimimit të përgjithshëm
muzikor. Kënga është e pranishme në të gjitha zhvillimet e njeriut. Të këndosh është një veprim
që gjithkush mund ta bëjë, por të këndosh, ashtu si duhet, bëhet vetëm kur di shumë mirë
rregullat e të kënduarit. Transmetimi i saktë i këtyre rregullave dhe zbatimi i tyre nga ana e
nxënësve me korrektësi çon në një këndim të bukur dhe me plot ndjenja.
Të këndosh do të thotë të formosh tinguj muzikorë në përputhje me një melodi të caktuar,
Të respektosh kërkesat kryesore të të kënduarit që janë:
qëndrimi drejt gjatë të kënduarit
këndimi i saktë i vijës melodike,
shqiptimi i saktë i fjalëve,
interpretimi me një ndjenjë i këngëve
Pjesëmarrja në këndim ndikon në mënyrë të jashtëzakonshme në zhvillimin e veshit muzikor dhe
njëkohësisht kultivon zërin e fëmijëve. Kështu krijohet lidhja ndërmjet interpretimit dhe aftësive
muzikore, të cilat e kushtëzojnë njëra-tjetrën sepse aftësia muzikore është parakusht për
interpretim të saktë, nga ana tjetër aktiviteti interpretues zhvillon aftësi muzikore. Duke kënduar
përmbajtje të ndryshme shprehëse, shtresohen përfytyrime, të cilat, kur përjetohen në mënyrë
aktive, marrin domethënie emocionale-kuptimore. Këndimi i kultivuar zhvillon ndjeshmërinë në
përgjithësi, sidomos përjetimin emocional të përmbajtjeve melodike dhe vargjeve poetike të
këngëve. Kështu edukohet kultura emocionale ngase përmbajtja e tyre sjellë atmosferë të
ndryshme, nuanca të holla shpirtërore dhe reagime përkatëse emocionale ndaj tyre (Spahiu,
Metodika e mësimit të muzikës, 2008, p. 116).
Këndimi me instrumente - më tepër shërben si bazament për ritëm dhe melodi. Kontakti me
instrumentin fëmijëve u ofron kënaqësi dhe mundësi të reja për t’u shprehur, kështu që edhe
vullneti dhe interesi për këngën sensibilizohet dhe bëhet më i dashur. Me instrumente fëmijët
mësojnë që të improvizojnë vetë ritme të reja dhe meloditë e njohura i përcjellin vetë. Kështu
krijohet edhe krijimtaria fëmijërore. Luajtja me instrumente do t’i aftësojë nxënësit për të njohur
dhe luajtur me instrumentet ritmike. Mund të mësohet edhe ndonjë melodi artistike e cila është
mirë që të shoqërohet me një instrument, nëse di mësuesi ta përdorë, ose me ndonjë instrument
26
ritmik nga vetë fëmijët. Përmes njohjes dhe luajtjes me to, nxënësit bëhen të aftë për të shoqëruar
këngë të ndryshme muzikore. Njohja me instrumentet rritë njohuritë muzikore dhe krijon
mundësi për të hyrë në marrëdhënie të drejtpërdrejta me të gjitha etapat e mësimit. Gjithashtu ajo
zhvillon ndjenjën ritmike, melodike dhe harmonike, krijon koncepte të qarta për ҫështje teorike e
praktike të muzikës. Pastaj gjatë këtij cikli, ata mësojnë të respektojnë rregullat e të kënduarit, të
frymëmarrjes, të qëndrimit etj. Më pas zhvillimi i të kënduarit bëhet përmes këngëve me
tematikë të larmishme, me kërkesa më të larta që kërkojnë interpretim. Nxënësit do të mësojnë të
lidhin njohuritë muzikore me luajtjen në instrument. Gjatë luajtjes me instrument ata duhet të
kuptojnë dhe manipulojnë ritmet e thjeshta muzikore.
Përdorimi i këngëve me tekst ka një ndikim të madh në fjalorin e fëmijëve, pra kuptimi i leximit,
si dhe këndimi me tekst shihet si thelbi i fjalorit dhe pasurimi mes fëmijëve. Gjatë praktikës së
kryer, derisa zhvillohet një orë muzikore, ne kemi mundësi të hasim në vështirësi, kjo ndodh për
disa arsye si: fëmiu mund të mos jetë një dëgjues aktiv, nuk mund ta kuptojnë tekstin, apo akoma
nuk janë të socializuar me të tjerët. Andaj ne si edukatore në të ardhmën për të arritur sukses në
zhvillimin e drejtë të fëmijës, gjatë shtjellimit të një kënge duhet pasur parasysh këto kritere të
cilat janë të cekura më lartë. Tek mosha parashkollore ne e vërejmë talentin e fëmijëve kur atyre
u japim vjersha ti recitojnë, ata i kthejnë në këngë edhe pse nuk janë këngë duke e krijuar dhe vet
melodinë.
Loja, tregimi i emrit- kjo lojë zhvillohet në fillim të vitit shkollor por dhe më tutje. Për të
realizuar këtë aktivitet fëmijët qëndrojnë në këmbë krijojnë rrethin. Edukatorja ju shpjegon se si
luhet kjo lojë duke e thënë emrin e saj e më pas e vazhdojnë fëmijët. Duke e thënë emrin e tij/saj
secili e ndan në rrokje emrin dhe i rreh shuplakat sa herë e ndan emrin shembull “Shqi-po-nja”.
3.1. Intelegjenca muzikore
Intelegjenca është aftësia për t’u marrë me abstraksione, për të zgjidhur problemet dhe për të
nxënë. “Muzika ështe në ajër-ne thjeshtë marim nga ajo aq sa duam”- Eduard Elgar.
Intelegjenca muzikore është aftësia për të kuptuar muzikën për të gjykuar, transformuar dhe
shprehur atë. Intelegjenca muzikore është intelegjenca jonë e parë që zhvillohet. Ajo merret me
të gjithë mbretërinë e tingujve dhe vibrimeve të krijuara nga njeriu, makinat dhe instrumentet
muzikore si dhe ato të prodhuara nga kordat vokale të njeriut. Gjithashtu, efektet që krijohen me
27
anën e muzikës, tingujve, ritmit dhe dridhjeve janë ndoshta më të fuqishme se ato që ka krijuar
çdo lloj intelegjence tjetër. Muzika, ritmi, tingujt kanë një efekt të jashtëzakonshëm në
ndryshimin e gjendjes sonë shpirtërore, në rritjen e devotshmërisë ndaj një besimi, në evokimin e
krenarisë kombëtare, në shprehjen e dashurisë së thellë për të tjerët, ose në shprehjen e
dëshpërimit ose humbjes. Kur janë foshnje, fëmijët normal këndojnë dhe belbëzojnë. Nga mosha
katërmuajshe fëmijët mund të dallojnë ritmet dhe meloditë e thjeshta të këngëve të kënduara nga
nëna. Nga mesi i vitit të dytë, fëmijët fillojnë të shpikin vet ritmet e meloditë e tyre në këngë
spontane. Jo shumë kohë pas kësaj ata janë në gjendje të riprodhojnë pjesë këngësh dhe vjersha
për të vegjëlit. Nga mosha trevjeçare, ky zbulim spontan i këngëve fillon të pësoj rënie.
Megjithatë, ndjenja intuitive e fëmijës për muzikën, intelegjenca e tij muzikore mbetet pjesë
përbërëse e tij mendore për gjithë jetën e vet.
Ndjenja e ritmit, që ne e kemi të gjithë në drejtime të ndryshme, është e përqendruar kryesisht në
hemisferën e djathtë të trurit, por intelegjenca muzikore tregon disa lidhje shumë interesante me
format tjera të intelegjencës. Kur fëmijët mësojnë shkrimin e notave muzikore, ata shfrytëzojnë
aftësi të tjera që lidhen me intelegjencën gjuhësore. Që nga koha e Pitagorës, është vënë re lidhja
e ngushtë midis muzikës dhe matematikës nëpërmjet koncepteve të përbashkëta të pjestimit,
shkallës dhe modelit. Kompozitori Klod Debysi e quante muzikën “aritmetika e tingujve”.
Muzika, gjithashtu, është e lidhur ngushtë me lëvizjet e trupit, si në shfaqjen fizike të lojës së një
instrumenti, ashtu edhe në reagimet trupore ndaj ritmit dhe melodisë. Marrëdhëniet e ngushta
midis muzikës dhe vallëzimit, gjithashtu, tregojnë lidhjet me intelegjencën muzikore dhe trupore.
Njerëzit që kanë një intelegjencë të fortë muzikore jo vetëm kujtojnë me lehtësi pjesë muzikore,
por e kanë jashtëzakonishtë vështirë ta largojnë muzikën nga mendja (Musai, Bardhyl; Vrapi,
Rezana;, 2003)
28
3.2. Planifikimi i orës mësimore
ASPEKTET E PËRGJITHSHME TË ORËS MËSIMORE
Fusha kurrikulare: Artet Lënda: Ed. Muzikore Shkalla e korrikules 0 Klasa Parafillore
Tema (nga plani dymujor): Kafshët
Koncepti bazë i fushës së kurrikulës
Shkathtësimi i fëmijëve në këndim
Tema \ Njësia mësimore: Këngët
Rezultatet e të nxënit për kompetencat kryesore të shkallës (të synuar) I.6, IV.4, V.5
Rezultatet e fushës së kurrikulës (të synuar) 1.1, 1.5, 1.6
ASPEKTET SPECIKIKE TË PLANIT TË ORËS MËSIMORE
Fjalët kyçe: mace, qen, lopë, kalë, etj.
Rezultatet e të nxënit për lëndën:
Nxënësit krijojnë melodi nga gjuha apo zërat e kafshëve
Kriteret e suksesit: Dallon melodinë sipas kafshëve.
Mjetet e konkretizimit dhe materialet mësimore:
Kafshë lodra, ngjyra, fletë të bardha, ngjitës.
Përdorimi i TIK-ut: Video me animacione të kafshëve.
Çështjet e ndërlidhura (korrelacioni)
Matematika, arti dhe gjuha.
Çështjet ndërkurrikulare
PËRSHKRIMI I METODOLOGJISË DHE RRJEDHËS SË PLANIT TË ORËS MËSIMORE
Pjesa hyrëse:
Mësuesja pret fëmijët, para tyre len materialet që ka përgatitur, dhe fillon takimin e mëngjesit.
29
Pjesa kryesore: Fëmijët qëndrojnë të ulur në formë të rrethit. Në këtë formë i vendosim kafshët
(lodra) dhe fillojmë diskutimin me fëmijët rreth mënyres se si flasin apo bëjnë ato kafshë
(onomatopet), duke krijuar tinguj me emrin e kafshëve dhe duke i ndarë në rrokje. Më pas i
klasifikojnë kafshët sipas shkronjës duke i shqiptuar tingujt dhe duke i imituar. Nxënësit formojnë
bashkësi me kafshët, ndërsa në fushën e artit ngjyrosin kafshët e dhëna.
Pjesa përfundimtare dhe vlerësimi i të nxënit të ores mësimore
Fëmijët në fund të orës mësimore me kafshët e ngjyrosura do të imitojnë tingujt e tyre.
Disa foto përgjatë realizimit të një ore mësimore
Fig.1. Pasqyronë grupin e fëmijëve parashkollor, në pjesën e parë fëmijët qëndrojnë të shtrirë në
dysheme duke u përpjekur të krijojnë tinguj të ndryshëm të personazheve kafshë që ata njohin,
ndërkaq në pjesën e dytë vërejmë fëmijët duke zgjedhur figurat e kafshëve të preferuara.
Fig.2. Fëmijët shihen duke prerë dhe ngjyrosur kafshët që i kanë të vizatuara në letrat e tyre,
ndërkaq në pjesën tjetër vërejmë grupin e fëmijëve parashkollor duke luajtur në rreth, më
konkretisht duke kënduar këngën e mësuar që flet për kafshët.
30
Përfundimi
Dashuria e fëmijëve për muzikën shpesh fillon falë këngëve të para që e vënë në gjumë apo disa
ninullave të rimuara që nëna ia këndon kur e vë në shtrat. Përgjatë studimeve themelore kam
kuptuar se sa e rëndësishme është muzika në zhvillimin e fëmijës, andaj vendosa ta trajtoj si
punim diplome këtë temë. Në këtë punim është e shtjelluar ndikimi i ritmit, melodisë
instrumenteve muzikore ritmike, këndimi në jetën praktike të fëmijës në zhvillimin motorik,
social, emocional, dhe aftësive të tjera njohëse.
Muzika në radio, reklama televizive, muzika “live”, gjithçka është një stimul për fëmijën. Nisur
nga studimet e mia dhe ky punim mendoj se duhet të zhvillohen më tej koncepte dhe praktika të
profesionalizmit për të mundësuar mbështetje në proceset e të mësuarit të nxënësve parafillor, që
të angazhohen me kompetencë dhe me entuziazëm për të përmirësuar cilësinë e përvojës së
fëmijëve. Duke shfrytëzuar njohuritë paraprake dhe burime të ndryshme si libra po ashtu dhe nga
interneti jam munduar që të krijoj një pamje sa më të qartë të këtij punimi.
Një numër i madh i studimeve e lidhin muzikën me përmirësimin e rezultateve shkollore. Madje
edhe Platoni ka thënë, “Mësoni fëmijëve muzikën, fizikën dhe filozofinë por më së shumti
muzikën, sepse muzika dhe të gjitha artet tjera, janë çelësi i teknikës së mësimit”.
31
Referencat
Bekteshi, A. (2011). Elementet e teknikës vokale. Prishtinë: Koha.
Buzan, T. (2003). Truri i fëmijës. Tiranë: Max.
Dhomi, A. (2000). Metodika e edukatës muzikore . Prishtinë: Kosova.
Dhomi, A. (2000). Metodikë e edukatës muzikore. Prishtinë: Kosova.
IMASHT. (n.d.). Retrieved Jun 5, 2019, from https://masht.rks-
gov.net/uploads/2015/05/kurrikula-e-edukimit-parashkollor-ne-kosove-3-6-vjec_1.pdf
Musai, Bardhyl; Vrapi, Rezana;. (2003). Të gjithë ne jemi intelegjent. Tiranë: Pegi.
Ramadani, I. (2009, Jun 15). Kreativiteti pjesë e lojës së fëmijëve. Retrieved Jun 4, 2019,
from http://ilirramadani.blogspot.com/2009/06/kreativiteti-pjese-e-lojes-se-femijeve.html
Shamku, V; Hala, M;. (2005). Edukimi muzikor. Tiranë: Pegi.
Spahiu, S. (2008). Metodika e mësimit të muzikës. Prishtinë: Libri Shkollor.
Spahiu, S. (2008). Metodika e mësimit tëmuzikës. Prishtinë: Libri Shkollor.
Ҫipa, I. (2013). Muzika. Prishtinë.
32
Burimet nga interneti
ADABOR. (2019). Retrieved Jun 7, 2019, from https://adabor.ru/sq/dysarthria/the-
essence-of-the-function-and-direction-of-musical-pedagogy-theory-and-methods-of-
musical-education-and-development-of-children/
Alb, O. (2018, Nvember 14). Retrieved 2019 Jun, from http://opusalb.com/sq/shqip-karl-
orff-dhe-metodika-e-mesimit-te-instrumenteve-te-orffit/
Colaboratorio. (2017, January 17). Retrieved jun 14, 2019, from
https://colaboratorio.net/xphnx/multimedia/audio/2017/la-musica-ritmo-melodia-y-
armonia/
Doron, H. (2014, August 24). Helen Doron. Retrieved June 3, 2019, from
http://www.helendoron.al/si-i-ndihmon-muzika-femijet-te-mesojne-gjuhet/
Glenn, Angela; Cousins , Jacquie; Helps, Alicia;. (2016). Save the children . Retrieved
Jun 3, 2019, from
https://albania.savethechildren.net/sites/albania.savethechildren.net/files/library/Playing%
20%26%20Learning%20in%20the%20Early%20Years.pdf
acarino, T. (2017, May 22). Retrieved Jun 10, 2019, from National Association for Music
Education: https://nafme.org/rhythm-games-engage-motivate-young-musicians/
Guest. (n.d.). Retrieved Jun 5, 2019, from https://leicestershiremusichub.org/
pernenat.al. (2019). pernenat.al. Retrieved Jun 3, 2019, from https://www.pernenat.al/muzika-
per-shtatezanine-dhe-te-porsalindurin/
Schulwerk, O. (2019, March 22). Retrieved Jun 8, 2019, from
https://en.wikipedia.org/wiki/Orff_Schulwerk
Watchtower. (n.d.). Retrieved Jun 15, 2019, from https://wol.jw.org/sq/wol/d/r41/lp-
al/101999722#h=5
33
Punimi - “Nga ritmi deri tek melodia”
Autore - Benita Qarri
Lektore - Mr.Sc. Eldita Mullahasani, nënshkrimi___________________
Gjakovë, 11.07.2019.