redakteursbrief - brokkies · 2018. 4. 20. · die boemerang, koala-beer, didgeridoo en die...

Aus-Brokkies – Afrikaanse Doer-Onder e-nuusbrief 30 Januarie 2016

Kortpad na advertensies Algemene nuusbrokkies

Gemeenskapsadvertensies

Kleinadvertensies (Persoonlik)

Kleinadvertensies (Besigheid)

Geestelike Pitkos

Werksgeleenthede

Afrikaanse kerkdienste

Landswye dagboek

Riglyne vir adverteerders

Kanselleer intekening / Unsubscribe

30 Januarie 2016

Redakteursbrief

“Ek het my swaarkry met lekkerkry klaargekry.” Ek neem die vrymoedigheid om hierdie bekende spreuk van CJ

Langenhoven – ‘n verlangse familielid - te gebruik, want dit is heel beskrywend van die lang pad wat ek geloop het om

Aus-Brokkies uiteindelik die lig te laat sien. Baie welkom aan elke leser wat reeds ‘n lang ruk gelede of onlangs versoek

het om Aus-Brokkies te ontvang wanneer hy gebore word.

Ek loop al ‘n baie lang pad saam met Brokkies van Nieu-Seeland, en dit was vir geruime tyd my droom om dieselfde

resep aan te bied vir almal in Australië wat graag ‘n ‘gereelde ietsie’ in Afrikaans wil lees. Ek het die afgelope weke ‘n

paar onverwagse uitdagings ervaar wat my die aangekondigde loodsingsdatum laat uitstel het, maar ons is nou hier!

Ek het ‘n voltydse beroep, so beide uitgawes moet na ure ‘gebeur’. Daarom sal ek probeer ‘slim’ werk en sekere

generiese inhoud, wat vir Australië en Nieu-Seeland relevant kan wees, in beide Aus-Brokkies en Kiwi-Brokkies plaas.

Voorbeelde is resepte, artikels oor Anzac Day en in hierdie uitgawe die stuk oor die komende Manne wat Glo toer.

Help my om die woord te versprei sodat ons leserstal vinnig bly groei, en adverteerders die leë advertensieruimtes begin

opneem sodat mede-immigrante daaruit baat kan vind. Ek benodig ook jou stories of storie-wenke. Skryf asb ook vir my

kort lesersbriewe oor enigiets, ook oor wat jy van Aus-Brokkies dink. Lees hoe by www.brokkies.net/bydraes

Philip Langenhoven

Redakteur (Skryf gerus aan my oor enigiets by brokkies.net/kontak.)

________________________________________________________________________________________

Ysbreker: ‘n Ander soort lesing...

Een Oujaarsaand is ou Piet in geen toestand om te bestuur nie, so heel

verstandig besluit hy om sy motor by die hotel te laat en huis toe te loop.

‘n Polisieman stop hom en vra: “Vir wat loop jy 4vm in die strate rond?”

Piet antwoord: “Ek is op pad na ‘n lesing toe”.

“Nou watter persoon by sy volle positiewe gaan op hierdie tyd van ‘n

Nuwejaarsdag ‘n lesing aanbied?” vra die polisieman sarkasties.

Ewe droogweg sê Piet: “My vrou”.

Philip Langenhoven

Redakteur (Skryf gerus aan my oor enigiets by brokkies.net/kontak.)

http://www.brokkies.net/bydraeshttp://www.brokkies.net/http://www.brokkies.net/http://www.randreunite.com/


Algemene nuusbrokkies

Terug na bo...

Aus-Brokkies is gebore!

Kiwi-Brokkies kry na 15 jaar ‘n boetie…of is dit nou ‘n sussie?

Só lyk die Brokkies-webwerf se tuisblad nou!

En hier is hy nou! Brokkies was vir bykans 15 jaar ‘n huishoudelike naam onder Suid-Afrikaanse en Namibiese

immigrante in Nieu-Seeland, en nou is sy eweknie in Australië gebore. Na jare se gedroom en maande se beplanning het

Brokkies in twee nuusblaaie vertak: Kiwi-Brokkies en hierdie eerste Aus-Brokkies. Lees Brokkies se geskiedenis.

Brokkies het gedurende die afgelope bykans drie jaar in sy (toe) nuwe gedaante ongelooflike groei in lesers vanuit Nieu-

Seeland, Suid-Afrika en ‘n paar ander lande ervaar. Al meer mense vanuit Australië het ook ingeteken, maar die besef

het algaande gegroei dat hulle ‘n eie Brokkies met ‘n Aussie-fokus verdien.

Oor die afgelope jaar is ‘n bemarkingsveldtog onder Afrikaanse Aussies gevoer en kan ons met ‘n skaflike intekenaarstal

begin. Nou het mense wat graag ‘n gereelde brokkie Afrikaanse leeswerk in hul Doer-Onder land wil ontvang, ‘n keuse

tussen twee publikasies. Dit is ‘n beskeie begin wat die algehele aanbieding aan betref, maar hier is hy nou.

Hier bo is ‘n afbeelding van hoe Brokkies se herontwerpte webwerf se tuisblad lyk, danksy die goeie werk van

webontwerper Jaco Swart van Christchurch in Nieu-Seeland en sy maatskappy Easy Websites.

Hier onder is vir oulaas ‘n afbeelding van hoe Brokkies se vorige tuisblad gelyk het:

http://www.brokkies.net/geskiedenishttp://www.digitalmaker.co.nz/easy-websiteshttp://www.brokkies.net


‘n Beskeie begin…

Hierdie Aus-Brokkies is slegs die begin van wat hopelik net soos die oorspronklike Brokkies ‘n huishoudelike naam in

Australië sal word. Die advertensie-afdeling is nog baie leeg. Enkele (egte) advertensies word geplaas as voorbeeld van

hoe mense hul kleinsake se advertensies vir die verskillende advertensie-kategorieë kan voorberei en aanbied. Daar is

egter meer voorbeelde op die Bokkies-webwerf.

Lees by www.brokkies.net/adverteer meer oor hoe om as adverteerder te registreer en hoe om ‘n advertensie in te stuur.

Kleinadvertensies is voorlopig GRATIS. Ons wil seker maak daar is ‘n sterk intekenaarsbasis voordat aan adverteerders

die keuse gebied sal word of hulle wil voortgaan teen nominale tariewe. So, registreer nou as adverteerder en stuur jou

sake-advertensie in sodat ons dit kan begin plaas. Die intekenaarsbasis groei weekliks sterk en wie wil nou nie gratis

blootstelling hê nie?

Hoe sosiale media hierby inpas

Brokkies is aanvullend tot sosiale media. Facebook is ‘n baie waardevolle metode om vinnig mense van gebeurtenisse en

geleenthede in te lig, maar daar is ook ‘n punt waar mense allergies raak as dieselfde advertensie daagliks oor en oor

geplaas word. Dit blyk dat baie mense begin om hulself af te sluit van plasings wat uitermatig heraal word, en selfs van

die blad of groep waar hulle so herhaaldelik gebombardeer word. Brokkies bied ‘n bykomende, aanvullende manier

waarmee jy jou gehoor kan bereik.

Bemark jou gemeenskapsgeleentheid

Brokkies bied die geleentheid om jou kerk of gemeenskapsaak se spesiale geleenthede in bietjie meer diepte bekend te

stel en dit versterk jou promosies op Facebook met ‘n effens anderse ‘geur’. Enige Afrikaanse kerk kan hul gereelde

dienste GRATIS adverteer. Kyk ‘Afrikaanse Kerkdienste’ elders in Aus-Brokkies. Die skakels heel bo aan maak dit maklik

om na hierdie en enige ander advertensie-kategorie te spring.

Afrikaanse radiostasies, Afrikaanse taalklasse vir kinders en Suid-Afrikaanse sosiale geleenthede soos

potjiekoskompetisies, braaivleise en musiekaande kan ook gratis geadverteer word. Wanneer privaat-inistiatief betrokke

is, gesels met die redakteur by www.brokkies.net/kontak oor die moontlikhede.

Ook ‘Aussie-gerigte’ geleenthede waarby Suider-Afrikaanse immigrante betrokke is as deel van hul betrokkenheid by hul

‘nuwe’ land kan dekking ontvang en so kan lesers van Aus-Brokkies ook gemotiveer word om jul Aussie-sake ondersteun.

Aus-Brokkies benodig jou stories of storiewenke!

Aus-Brokkies kan slegs ontwikkel en die Afrikaanse lekker aanhou versprei indien lesers stories vir plasing aanbied, of

wenke oor ander Suider-Afrikaanse immigrante in Australië deurgee wat ons kan opvolg en waaroor ons self kan skryf.

Watter soort stories word benodig? Mense se prestasies, interessante stokperdjies, belangstelling en aktiwiteite, of hul

eie skryfwerk is gewoonlik goeie materiaal. Dit kan gaan oor mense se deelname op werk-, studie-, sport-, kultuur-, sake-

of sosiale gebied. Enigiets is welkom. As jy voel jy skryf nie te lekker nie, gee net die inligting deur en ons doen die res!

Lees net eers ons riglyne vir plasing van artikels by www.brokkies.net/bydraes.

Nuwe baadjie vir Brokkies

Jy het seker die nuwe Aus-Brokkies mashoof heel bo aan hierdie nuusbrief op bladsy 1 gesien. Hiermee groet ons die

ou Brokkies mashoof wat die afgelope paar jaar lank lesers weekliks verwelkom het:

http://www.brokkkies.net/http://www.brokkies.net/adverteerhttp://www.brokkies.net/kontakhttp://www.brokkies.net/bydraes


Behoort plakkies aan Australië of Nieu-Seeland?

Hulle noem dit plakkies of ‘slops’ in Suid-Afrika, ‘klip klapper’ in Denemarke, ‘thongs’ in Australië, ‘jandals’ in Nieu-

Seeland en ‘zori’ in Japan, waar die inspirasie vir plakkies eintlik vandaan kom. Die name vir hierdie bekende, toon-

verdelende soort skoeisel verskil nie net tussen lande nie; tussen Australië en Nieu-Seeland heers daar ook

meningsverskil oor wie die eintlike ‘eienaar’ van hierdie gewilde persoonlike item is.

In Nieu-Seeland het die ‘jandal’-handelsmerk reeds lankal meer as ‘n handelsmerk geword. Net soos Marmite en L&P

gaskoeldrank het dit ‘n kulturele ikoon geword. Australië se ‘thongs’ het ook byna so sinoniem met Australië geword soos

die boemerang, koala-beer, didgeridoo en die kangaroo. G’n wonder die lande stry soms oor wie die plakkie ‘besit’!

Die Aussies en Kiwi’s is gedurig haaks oor wie die akteur Russel Crow of die model Rachel Hunter ‘besit’. So is daar

ander nasionale simbole wat beide lande vir hulself toeëien, soos die kiwi-vrug wat Kiwi’s as ‘hul eiendom’ beskou, al kom

dit eintlik van China af. Om nie te praat van die Pavlova-poeding nie, wat vir my erg Russies klink!

So, wie het nou eintlik die gewilde rubber-en-plastiek plakkie ontwerp en aan die wêreld bekend gestel?

Die antwoord sal stoere Aussies nie gelukkig maak nie, want die handelsmerk vir ‘jandals’ is op 4 Oktober 1957 deur ‘n

Aucklandse sakeman, Morris Yock geregistreer. Sy seun Anthony het dit in ‘n motorhuis in Onehunga begin vervaardig.

Meer as 50 jaar later bestaan daar egter ook ‘n debat oor wie in die die Yock-familie die uitvinder was: Morris of Anthony.

Gemoedelike twis tussen twee vriende se families

Daar is ook diegene wat glo Yock se vriend John Cowie was die ware uitvinder van die jandal en dat hy die konsep na die

Tweede Wêreldoorlog saam met Yock in Japan gesien het. Hulle het volgens Cowie se seun Des saam besluit om die

idee in Nieu-Seeland te beproef. Volgens hom het hulle saam ook besluit om die plakkies ‘jandals’ te noem omdat dit in

Engels kort vir ‘Japanese sandals’ was. Hulle het glo saam besluit om in 1957 ‘n masjien na Nieu-Seeland te bring

waarmee hulle die plakkie se vorm kon maak. Dit was ook die jaar waarin Yock die naam ‘jandal’ geregistreer het.

Tot vandag toe heers daar ‘n meningsverskil tussen die twee families hieroor. Een van hulle het gesê dat die wedywering

baie herinner aan die jare-lange mededingendheid tussen die All Blacks en die Wallabies op die rubyveld.

Hulle erken egter dat Yock die jandal begin vervaardig het en dat die idee nie een van hulle s’n is nie, maar in Japan

gesien is.

Die Yock-familie het die besigheid in die laat 1970s verkoop. Deesdae word die handelsmerk besit deur Napier se

Sandford Industries. Hierdie maatskappy het bevestig dat die Nieu-Seelandse Jandal reeds vir die afgelope 25 jaar in

Maleisië vervaardig word.


Manne wat Glo 2 kom in Maart na Australië!

Verlede jaar se groot nuus op die Afrikaanse Christen-

musiektoneel was die besluit deur vier gevestigde

Afrikaanse solosangers om ŉ supergroep te vorm. Jan de

Wet, Leon Ferreira, Willie Joubert en Dewald Gouws het

elkeen hul eie stempel op die musiekbedryf afgedruk, maar

toe hulle as Manne wat Glo bymekaarkom, was een van

die beste Afrikaanse Christenalbums en -produksies die

resultaat.

Na die sukses van hul 2015-toer in Nieu-Seeland en

Australië is hulle gerat om die Koninkryks-boodskap verder

te verkondig met Manne wat Glo 2. Hulle tree van 4 tot 20

Maart in albei lande op, en Brokkies is weer ‘n borg.

Hulle besoek hierdie twee Doer-Onderlande op uitnodiging

van Musiek Fabriek met ‘n splinternuwe album en

produksie wat “na vore tree as ‘n musikale baken van lig

met kleurryke harmonieë en energieke ritmes, afgewissel

met akoestiese- en selfs a-capella klanke”.

Hierdie is die grootste toer wat sover bekend nog deur

Suid-Afrikaanse kunstenaars in die buiteland onderneem

sal word en strek oor 2 kontinente, 9 state (provinsies) en

bestaan uit ‘n totaal van 14 konserte wat oor ‘n tydperk van

19 dae en oor 5 tydsones aangebied sal word.

Hennie Botha, die promotor van Musiek Fabriek in

Australië sê: “Met hierdie produksie bewys die Manne wat

Glo weer eens dat hulle ŉ aanwins is vir nie net

Christenmusiek nie, maar ook vir Suid-Afrikaanse musiek

oor die algemeen. Nie net kan al vier van hulle regtig sing

en liedjies skryf nie, hulle dra ook ŉ baie sterk boodskap

oor. Daarom kan hierdie produksie nie sterk genoeg

aanbeveel word vir liefhebbers van Christenmusiek nie.

“Met elke lid van dié viertal wat ‘n solo-kunstenaar in eie reg

is, is die 15 snitte op hierdie nuwe album sorgvuldig

saamgestel om elkeen se unieke klank na vore te bring,

maar steeds baie ruimte te gun vir ‘n meevoerende,

inspirerende samesmelting van vier van die land se voorste

Gospel-stemme.

“Snitte soos Geboorteland, Spore van hoop, Here leer my

om man van God te wees, Ons lê ons krone neer, Stuur U

reën en Reik na die sterre, stuur deurgaans ‘n sterk

boodskap van absolute afhanklikheid van God uit met ‘n

sentrale tema van geloof, hoop en liefde (ook die titel van

een van die snitte) en ‘n gereedheid om Hom op alle

terreine met oorgawe te dien.

“Al die snitte op hierdie album is nuutskeppings, met

uitsondering van die laaste lied: ‘n kragtige orrel-en-

simfonie verwerking van die Liedboek-gunsteling Lofsing

die Here. Hierdie snit bind die produksie uitstekend saam in

‘n majestueuse vermenging van woord en melodie. Nes die

eerste album is Manne wat glo 2’ook ‘n moet-hê vir jou

geestelike musiekversameling en sal CDs by elke konsert te

koop wees.

Besoek http://musiekfabriek.global/ vir meer inligting.

http://musiekfabriek.global/


Dit was weer ‘n lekker ou Australia Day!

Sydney, Australië tydens Australia Day.

Australiërs het pas weer op 26 Januarie hul gewilde vakansiedag, Australia Day, gevier. Op hierdie dag word herdenk

hoe kaptein Arthur Phillip in 1788 by die huidige Sydney aan wal gestap het.

Die meeste Australiërs beskou 26 Januarie met ‘n sterk gevoel van nasionale trots, en dit sluit duisende Suid-Afrikaanse

immigrante in. Vanjaar was daar weer die gebruiklike vlae op besighede, huise, motors, oral. Mense woon feeste,

vuurwerke en sportwedstryde by. Natuurlik word daar ook in erwe, parke en strande ge-barbecue laat die rook trek, met

Suid-Afrikaners wat seker oral oor die Aussies se monde laat water het met hul boereworsgeure!

Baie mense word Australiese burgers op hierdie dag, en dit is ook die dag waarop die regering die ‘Order of Australia’

aan uitgesoekte Australiërs toeken vir hul uitstaande prestasies en merkwaardige diens aan die land.

Hoe ‘moderne’ Australië begin het

Die begin was nie maanskyn en rose nie. Kaptein Phillip se taak was om Britse kriminele na die land te vervoer en om

hier ‘n landbou-werkplaas te begin. Hy het met sy vloot van 11 skepe en 1,500 passasiers hier aangekom, wat 700

prisoniers ingesluit het. Dit het hulle agt maande geneem om Sydney Cove te bereik.

Die eerste kolonie het swaar begin omdat hulle op swak grond probeer boer het en die setlaars nie geweet het hoe om te

boer nie. Hulle was dikwels op die rand van hongersnood, maar onder kaptein Phillip se leierskap het hulle vasgebyt.

Toe hy teen 1792 na Engeland terugkeer, was die buitepos florerend. Mense het spontaan 26 Januarie as hul

stigtingsdag begin herdenk. In 1818 is die dag as ‘n amptelike vakansiedag verklaar.

Oor die volgende 80 jaar het die bevolking geleidelik

toegeneem, en vyf selfregerende kolonies is geskep. Op

1 Januarie 1901 is al die kolonies saamgevoeg om die

‘Commonwealth of Australia’ te vorm.

Die nasie kry ‘n naam

Die naam “Australia” was eerste voorgestel deur kaptein

Matthew Flinders, ‘n Engelse navigator en landmeter.

Hy was die eerste ontdekkingsreisiger wat heeltemal om

Australië gevaar het en dit as ‘n kontinent geïdentifiseer

het. ‘Australia’ beteken ‘suidelik’ in Latyn. Die kontinent is

in 1824 amptelik na Australia herdoop.

Hoe voel jy oor jou ‘Australië-skap’?

Vertel ons hoe jy oor jou nuwe land voel. Wat is vir jou kosbaar? Of deel ‘n interessante ervaring – By www.brokkies.net/bydraes

http://www.brokkies.net/bydraes


Gaan hierdie Aussie die klimaatdebat op sy kop omkeer?

Ons klimaat se koolstofdioksied-sensitiwiteit is tot 10 keer laer as wat die wêreld se wetenskaplikes tot op datum gemeen

het…of is dit?

The Advertiser het teen die einde van verlede jaar geskryf dat ‘n wiskundige ontdekking deur ‘n Perth-gebaseerde

elektriese ingenieur, dr David Evans, die hele klimaatdebat radikaal mag verander.

Dr Evans is glo ‘n voormalige klimaat-modelleerder by die Australiese regering se ‘Greenhouse Office’, met ses grade in

toegepaste wiskunde. Hy het die komplekse boublokke van die basiese klimaatmodel - waarvolgens die Verenigde

Nasies en groot dele van die ontwikkelde wêreld die klimaat-wetenskap benader – uitmekaar getrek en opnuut ontleed.

Hy het bevind dat die onderliggende fisika van die model korrek is, maar dat dit verkeerd toegepas is en dat die

aannames oor aardverwarming (global warming) gevolglik erg oordryf is. Hy het twee ‘foute’ herstel en deur toetsing van

die nuwe, aangepaste model bevind dat die klimaat se sensitiwiteit vir koolstofdioksied baie laer is as wat tot nog toe

aanvaar s. Hy het die bom laat val dat die Verenigde Nasies se inter-regeringspaneel wat hom op klimaatsverandering

toespits, die vlak van toekomstige aardverwarming soveel as 10 keer te hoog aangeslaan het.

Hy stem saam dat koolstofdioksied wel ‘n negatiewe uitwerking het, maar beweer dat dit slegs tussen ‘n vyfde of ‘n tiende

is van wat die VN nog altyd gesê het dit is.

Dr Evans sou gedurende Desember die VN-ringkoppe se neuse hierin gevryf het, maar dit is moeilik om op die internet

enige goeie inligting te vind wat ‘n aanduiding sal gee van hoe sy boodskap op daardie hoge vlak aanvaar is. ‘n Mens kan

jou verbeel dat dit nie baie goed afgegaan het nie, gegewe die ego’s en reputasies betrokke, en die miljarde wat al deur

lande op voorkoming en ‘regstelling’ bestee is; syfers so hoog dat dit groter as talle lande se begroting is.

“CO2 dryf nie die klimaat aan nie; dit het minder as 20 persent van die aarde se verwarming in die laaste paar dekades

veroorsaak,” het hy afgesluit.

Wat dink jy?

Het jy ‘n opinie oor hierdie onderwerp? Dink jy Evans het ‘n punt beet, of skaar jy jou by mense wat in reaksie op sy

stellings op hul perdjie gespring het en hom beskuldig het dat hy die pad byster is? Of het jy ander kennis om te deel?

Laat weet ons wat jy oor hierdie saak dink by www.brokkies.net/bydraes Kies die ‘brief’ opsie.

http://www.brokkies.net/bydraes


Promosie-artikel

SOLAL is nou in Australië beskikbaar!

Sukkel jy om gewig te verloor? Wel, jy KAN jou metabolisme optimaliseer!

Lezanne Kruger van The Skinworx het met Aus-Brokkies

gesels en vertel dat haar besigheid wonderlike produkte bied aan

mense wat ernstig is om gewig te verloor. Sy verduidelik dat

oortollige vet verhoed dat ‘n mens se liggaam insulien reg

gebruik.

“Gewigsverlies is een van die beste maniere om jou selle weer

sensitief vir insulien te maak. Insulien-weerstand gebeur wanneer

jou liggaam nie meer op die hormoon-insulien reageer nie, wat

hoë glukosevlakke, verhoogde trigliseriede, gewigstoename en moontlik ook hoë

bloeddruk en hoë cholesterol tot gevolg ken hê. Insulien-weerstand vermeerder jou

risiko om Diabetes 2 en hartprobleme te ontwikkel.”

Neem beheer - Vandag!

Sy sê SOLAL bied ‘n reeks kwaliteit produkte waarmee jy jou eetlus (cravings) kan

beheer asook insulienweerstandigheid kan hokslaan, bloedsuiker beheer, gewig verloor

en so jou algemene gesondheidsrisiko verminder. Die volgende produkte kan verskeie

positiewe resultate meebring:

Verminder eetlus FeelFull Oil met PinnoThin®

FeelFull™ Oil met PinnoThin® en MCT (Medium Chain Triglyceride)Oil.

Metaboliseer koolhidrate Garcinia-x2 ™

Dit bevat 'n gekonsentreerde Garcinia Cambogia uittreksel, sowel as chroom, om eetlus te help beheer en koolhidrate te

metaboliseer.

Verloor Gewig Irvingia Plus ™ Fat Burner

Dit bevat Afrika mangotablette wat gemaak is van die saad wat in die vrug van die Afrika mangoboom (Irvingia

gabonensis). Hierdie aanvullings word gebruik vir vetsug, hoë cholesterol, diabetes en om gewig te verloor.

Hierdie produkte en meer is ekslusief beskikbaar by The Skinworx! Kontak hulle per epos: [email protected] of

KOOP AANLYN www.theskinworx.com Kyk ook hul advertensie by Kleinadvertensies (Besigheid) / Skoonheid &

Gesondheid elders in Aus-Brokkies.

http://www.theskinworx.com/mailto:[email protected]://www.theskinworx.com/


Heerlike lamskenkelpotjie (Deur Carolie de Koster van Carolie’s Culinaire, Tauranga, Nieu-Seeland – Epos [email protected])

Die storie

Maak die potjie buite gaar as jy ‘n potjiekoskenner is - of kul ‘n bietjie en kook binne maar bedien buite om geurryke

potjiekosherinneringe op te roep!

Oorsig

Voorbereityd: 30 minute

Gaarmaaktyd ± 2 uur vir lamskenkels plus

30 minutes ekstra vir groente

Oondtemperatuur: 160 ºC

Lewer: Bedien 6

Wenk:

Die keuse vir bykos is wyd en kan wees mieliepap, polenta,

reis, pasta of net knoffelbrood!

Bestanddele Metode

6 lamskenkels (±250 g elk)

2 E (30 ml) olie

2 k (500 ml) water

1 t (5 ml) beesvleisekstrakpoeier

1 k (250 ml) rooi- of witwyn – volgens voorkeur

en beskikbaarheid

4 lourierblare

4 knoffelhuisies, gekap

2 middelgroot uie, elk in 8 wiggies gesny

1 prei in 1 cm dik ringe gesny

1 x takkie vars of 1 t (5 ml) gedroogde

roosmaryn

1 takkie vars of 1 t (5 ml) gedroogde origanum

4 middelgroot wortels, geskil en opgesny

4 middelgroot witwortels, geskil en opgesny

6 middelgroot aartappels, geskil en in kwarte

gesny

± 1 k (250 ml) opgesnyde groenbone

± 1 k brokkoli blommetjies

spit en swart peper

6 grasuie , in 3 cm lengtes gesny

1. Voorverhit die oond tot 160 º C. Verhit die olie in ‘n

oondbraaipot en verbruin die skenkels egalig oor

matige hitte. Voeg the water and ekstrakpoeier by en

bring tot kookpunt. Bedek die pot en maak in die oond

verder gaar vir 1 ½ - 2 ure of totdat die vleis amper

sag is. Voeg ‘n bietjie ekstra water by soos nodig om

die vleis klam te hou.

2. Verwyder die pot uit die oond en voeg al die

oorblywende bestanddele behalwe die boontjies en

brokkoli by. Bedek en plaas nog ongeveer 30 minute in

die oond totdat die groente amper sag is. Voeg weer

eens ‘n bietjie water by indien nodig om alles klam te

hou.

3. Voeg die boontjies en brokkoli by en geur na smaak.

Bedek en plaas terug in die oond vir 15 -20 minute.

Voeg die grasui by en plaas terug in die oond vir nog 5

minute. Bedien stomend warm met die bykos soos

verkies.

mailto:[email protected]


Feestelike Aarbei- en jogurtring met vrugte (Deur Carolie de Koster van Carolie’s Culinaire, Tauranga – Epos [email protected])

Die storie

Ewe geskik as nagereg of feestelike ontbyt, met die bykomende voordeel dat dit ‘n dag of twee vooraf gemaak kan word.

Die ringvorm lyk indrukwekkend, maar individuele vormpies kan ook gemaak word.

Oorsig

Voorbereidingstyd: 30 minute

Lewer: 10-12 porsies

Wenk: In die feesseisoen loop NS se oesmandjies oor met vars

aarbeie en kiwivrugte. Dit kan aangevul word met ingemaakte

onversoete pere of pynappelstukkies.

Bestanddele Metode

1 E (15 ml) gelatien

¼ k (60 ml) water

1 k (250 ml) natuurlike jogurt

1 k (250 ml) room of addisionele jogurt

2 E (30 ml) suiker

± 300 g aarbeie, gewas en stingels

verwyder

Om te garneer en te bedien

± 300 g vrugte in seisoen - sien bo -

geskil en gesny soos gepas

1 x 400 g blikkie vrugte - sien bo -

gedreineer

1. Bespuit 'n ringvorm (1 liter) of 8 – 10 individuele vormpies (150–200

ml) baie liggies met kossproei.

2. Plaas die gelatien in ‘n glasbekertjie geskik vir mikrogolf en bedek

met die water. Mikrogolf 30 sekondes op Medium of net tot gesmelt.

3. Plaas die jogurt, room en suiker in ‘n voedselverwerker en verwerk

terwyl die gelatien bygevoeg word. Voeg die aarbeie by en verwerk

met behulp van die polsaksie om die aarbeie net grof te kap – nie te

versap nie.

4. Giet die mengsel in die ringvorm of verdeel tussen die vormpies.

Verkoel minstens 2 uur of tot gestol. Wanneer gereed om te bedien,

maak die ringvorm of klein vormpies versigtig los en keer uit op ‘n

bedienbord of bordjies en garneer met vrugte soos verkies.

As jy ‘n resep wil instuur, lees eers hierdie riglyne: Bydraes moet in Afrikaans wees, en jou resep moet 'n naam hê

Resepte kan tradisioneel of nuut wees, maar pas ou gunstelinge aan met plaaslike bestanddele.

Stuur saam met die resep 'n foto van die gereg het wat jy gemaak het (Nie te naby sodat die foto uit fokus is nie; neem asb ‘n

paar uit verskillende hoeke en van verskillende afstande en stuur almal na my om uit te kies.)

Verskaf ‘n kort beskrywing van waarom dit vir jou spesiaal is, of enige ander agtergrond wat sin maak (onder 200 woorde)

Stuur jou bydrae vanaf Brokkies se webwerf by brokkies.net Gebruik die skakel 'Bydraes'.

mailto:[email protected]:///C:/Alle%20dokumente/Brokkies%20items/Brokkies%202014%20-%201Apr-31Maart/Brokkies%20uitgawes%202014/brokkies.net


Geestelike Pitkos

Terug na bo...

‘n Nuwe begin...

Johannes 8:1-11

Johannes 8:10-11 “En toe Jesus Hom oprig en niemand sien behalwe die vrou nie, sê Hy vir haar: Vrou, waar is daardie

beskuldigers van jou? Het niemand jou veroordeel nie?

En sy antwoord: Niemand nie, Here. En Jesus sê vir haar: Ek veroordeel jou ook nie. Gaan heen en sondig nie meer nie.”

Daar is ‘n opgewonde en aggressiewe energie onder ‘n groep Fariseërs en Skrifgeleerdes wat ‘n vrou vashou en half dra,

half saamsleep, want sy het die onvergeeflike gedoen; sy is op heterdaad betrap waar sy egbreuk gepleeg het. Hulle is

doelgerig en uitdagend as hulle haar na Jesus toe bring. Hulle sal graag wil sien wat Hy met hierdie saak gaan doen

want die wet sê sy moet gestenig word! Daarom dan ook hulle uitdagende vraag: “... maar U, wat sê U?”

Jesus bring amper ‘n verbaasde rustigheid oor die groep aanklaers en die toeskouers as hy neerbuk en met sy vinger in

die grond begin skryf. Die Skrif sê nie vir ons wat Hy geskryf het nie maar dit is amper of Hy ‘n nuwe begin vir haar lewe

begin beplan, ‘n tweede kans.

“Laat dié een van julle wat sonder sonde is, die eerste ‘n klip op haar gooi.” En weer het Hy neergebuk en op die grond

geskrywe. Stadig en half verleë het hulle een vir een omgedraai en weggegaan. Tot net Jesus en die vrou oorgebly het,

“Ek veroordeel jou ook nie. Gaan heen en sondig nie meer nie.”

‘n Nuwe jaar wat voorlê, ‘n nuwe begin met baie voornemens. En sommer nog ‘n eerste hier aan die begin van die jaar,

die eerste uitgawe van “Brokkies” vir Australië. Nieu-Seelandse Suider-Afrikaanse immigrante het al vir baie jare die

voorreg om ‘n gereelde nuusbrief in Afrikaans te ontvang en nou kan ons dit ook hier in Australië kry danksy die harde

werk en toewyding van Philip Langenhoven. Dankie daarvoor.

Maar wat nou van jou Nuwe Jaar se besluite en voornemens? Telkens wil ons met ons eie pogings en voornemens die

nuwe jaar met al sy uitdagings aanpak of soms wil ons die beplanning doen en dan net sê; “Here, seën dit wat ek reeds

besluit het, asseblief!” Wat daarvan as ons eerder sou vra; “Maar Here wat sê U, wat beplan U vir my?”

Hoekom? Eenvoudig, Jesus weet die beste vir my lewe. Uit hierdie gedeelte het ons gesien dat Hy die een is van

tweede kanse en van ‘n nuwe begin! ‘n Vrou wat op die punt staan om ‘n wrede dood onder ‘n hoop klippe tegemoet te

gaan, word vrygespreek, kry ‘n kans op ‘n nuwe begin met die woorde; “Ek veroordeel jou ook nie. Gaan heen en sondig

nie meer nie.”

Begin hierdie jaar op ‘n positiewe manier, begin dit met Jesus en Sy liefde in jou lewe en as jou Rigtinggewer en jy sal

nooit beskaamd staan nie.

Ds Tienie Bekker Living Word Gemeente Geraldton (GEKA) - Wes-Australië


Vertel ons van mense se prestasies of belangstellings

Ken jy ‘n mede-immigrant vanuit SA of Namibië wat ‘n prestasie behaal het of ‘n interessante

werk, belangstelling of stokperdjie het? Of dalk het hulle iets baie interessant beleef. Onthou,

Aus-Brokkies soek altyd sulke stories om gereeld sy Afrikaanse lekker met almal te deel.

Jy kan help deur stories self te skryf; ons sal dit redigeer indien nodig. Of, jy kan net die

agtergrond deurgee met die persoon se kontakinligting sodat ek dit met hulle kan opneem. Kyk

by www.brokkies.net hoe dit werk by 'Bydraes'.

Gee jy jou Brokkies aan vir iemand?

Hier’s ‘n spesiale versoek aan alle intekenaars...

Talle lesers van die vorige Brokkies het hul kopie van die e-pos wat Brokkies se jongste uitgawe bekend stel, aan familie

en vriende elders aangestuur. Dit is goed dat hierdie proesel Afrikaans so versprei word, maar mense kan ons baie help

om ‘n beter gevoel te kry vir die werklike aantal lesers wat Brokkies weekiks bykry.

Daar is derduisende gesinne wat op Kiwi-Brokkies ingeteken is en Aus-Brokkies se adreslys groei reeds sterk, al begin hy

nou net. Daar is ook talle ander, ook buite Australasië, wat dit onregstreeks ontvang. Hiermee ‘n versoek dat jy liewer

hierdie skakel aan hulle stuur sodat hulle self kan inskryf.

Kom gesels saam op Facebook in Afrikaans

Het jy al op Facebook die onlangs hernude groep ‘Afrikaans in “Australia’ raakgeloop? Indien nie, maak gerus daar

‘n draai en gesels lekker met ander lede. Nooi ook jou vriende uit om by die groep aan te sluit.

Besoek ‘Afrikaans in Australia’ op Facebook

Die Brokkies-webwerf bied alles wat jy nodig het

Of jy wil inteken op Aus-Brokkies, vir die redakteur wil skryf, stories wil aanbied,‘n advertensie wil bestel of hernu, of

jou adres wil verander - alles word deur die Brokkies-webwerf gedoen. Alle uitgawes van Brokkies word op die

webwerf gehuisves vir mense wat iets soek wat in ‘n vorige uitgawe verskyn het.

Besoek Brokkies se Facebook-bladsy Brokkies het sy eie Facebook-bladsy. Die adres is https://www.facebook.com/Brokkies.Net Help ons asseblief deur die nuwe webwerf se skakel (brokkies.net) aan vriende en familie te stuur. Onthou om te ‘like’ as jy dit ‘like’!

Kommunikeer so met Aus-Brokkies Vir Advertensie-riglyne, om 'n brief of ander bydrae in te stuur, om iemand in te teken of jou adres te verander, besoek brokkies.net. Die webwerf bevat skakels waardeur al bogenoemde funksies verrig kan word. Om op te hou om Aus-Brokkies te ontvang, besoek http://brokkies.net/skryf-in en versoek dat jou e-posadres verwyder word.

Aanspreeklikheid en Regte (Lees volledige Gebruiksvoorwaardes en Privaatheidsbeleid by brokkies.net - heel onder aan tuisblad) Die redakteur van Aus-Brokkies aanvaar nie aanspreeklikheid vir die korrektheid, wettigheid of algemeen aanvaarbaarheid van enige nuus-of

algemene item nie. Dieselfde geld ook vir enige geplaasde advertensie of advertensie-artikel se inhoud of die belofte van ‘n produk of diens se gehalte wat in advertensies vermeld word. Enige probleme met advertensies se inhoud, dienslewering of produkgehalte moet regstreeks met die adverteerder opgeneem word, en die redakteur raak nie by daardie proses betrokke nie.

Die redakteur behou die reg voor om enige voorgelegde bydrae (nuus of advertensie) van die hand te wys en nie te publiseer nie, sonder verstrekking van redes. Dit sluit in die reg om te enige tyd korrespondensie oor diesulke situasies eensydig te beeïndig.

http://www.brokkies.net/http://www.brokkies.net/skryf-inhttps://www.facebook.com/groups/27003975442/http://www.brokkies.net/https://www.facebook.com/Brokkies.Nethttps://www.facebook.com/Brokkies.Nethttp://brokkies.net/http://www.brokkies.net/http://brokkies.net/skryf-inhttp://www.brokkies.net/https://www.facebook.com/groups/BrokkiesNZ/https://www.facebook.com/Brokkies.Net


Gemeenskapsadvertensies

Terug na bo...

1. Afrikaans Sonder Grense (ASG) – Vars uit Australië!

Afrikaans Sonder Grense (ASG) is 'n 2 uur lange Afrikaanse musiek radioprogram wat

weekliks lewendig uitgesaai word uit Bundaberg, Queensland in Australie.

Wanneer : Elke Donderdag 6-8 nm (Queensland-tyd)

Waar: Via Internet by www.coralcoastradio.net.au en op radio in en om Bundaberg op 94.7 Fm.

Hoofsaaklik Afrikaanse musiek vir jonk en oud, nuusgebeure, humor en onderhoude met besoekende kunstenaars. Van

tyd tot tyd kry ons interessante Suid Afrikaners wat vir ons kom kuier in die ateljee.

'Like' ons op Facebook by Afrikaans Sonder Grense met Rochelle en word so deel van ons Afrikaanse musiekfamilie

in Australië. As jy jou e-pos met ons deel, ontvang jy altyd 'n briefie van wat in die program gaan gebeur.

Skryf vir Rochelle by [email protected]

Die e-pos in die ateljee tydens ASG is: [email protected] (stuur ons jou versoeke!)

2. TunaRadio saai wêreldwyd uit in Afrikaans – vanuit Wellington TunaRadio se leuse is “Vir Ons Mense, Met Ons Mense” en daarom kan ons lekker saamkuier met Pieter en sy span wat ons

heeldag vermaak met SA-musiek en Afrikaanse geselsies. Retha Kruger gesels in Kos&Kerjater oor eet, drink en gesond leef, terwyl

Pieter en Deon oor alles kuier, van Sport&Plesier en Taal&Kultuur tot Kort-Kort Stories en JeugJolle. Alana Bailey van AfriForum

kuier ook saam met Pieter in ‘SA in ‘n Minuut’ waar hulle hoogtepunte van die SA-week bespreek. Kuier gerus by

http://www.tunaradio.net en luister vanaf hulle Luisterblad. Volg TunaRadio op Twitter @tunaradio, skryf aan hulle by

[email protected] of gesels met hulle op Skype by tunaradio.net.

3. australia.gov.au webwerf vir al jou inligtingsbehoeftes Australië se regering het 'n baie bruikbare inligtingswebwerf genaamd australia.gov.au. Dit vat al die staatsdepartemente se inligting

vir die publiek in een webwerf saam. Hoewel jy 'n soektog deur die soekfunksie kan doen, word die volgende temas aangebied

waaronder 'n mens na inligting kan soek:

Voordele en betalings

Omgewing

IT en Kommunikasie

Openbare veiligheid en die Reg

Besigheid en Industrie

Familie en Gemeenskap

Werk en Werkplek

Sekuriteit en Verdediging

Kultuur en Kuns

Gesondheid

Geld en Belasting

Vervoer en Streke

Opvoeding en Opleiding

Immigrasie en Visas

Paspoorte en Reis

A-Z van regeringsdienste

Besoek australia.gov.au

http://www.coralcoastradio.net.au/mailto:[email protected]:[email protected]://www.tunaradio.net/mailto:[email protected]://tunaradio.net/http://www.australia.gov.au/http://www.australia.gov.au/http://www.australia.gov.au/


Kleinadvertensies (Persoonlik)

Terug na bo...

Gratis advertensieruimte beskikbaar – Lees meer by www.brokkies.net/adverteer

Kleinadvertensies (Besigheid)

Terug na bo...

Klik op die besigheidstipe van jou keuse:

Algemeen Eiendomme te huur of te koop Professionele dienste Versekering

Akkommodasie / Tydelike verblyf Finansiële dienste Rekenaardienste SA-produkte

Ambagsmanne / Kontrakteurs Motors Skoonheid & Gesondheid

Algemeen

Terug na besigheidstipes...

1. ONStv bring die beste Afrikaanse flieks na teaters in Australië en jou woonkamer Besoek www.onstv.net en sien waar die fliek gaan wys asook die ander tuisvermaak wat NOU beskikbaar is om te

huur/te koop. 'LIKE' ons Facebookblad www.facebook.com/ONStv en bly op die hoogte van die nuutste verwikkelinge.

2. Oorweeg jy om na Nieu-Seeland te verhuis? Indien jy oorweeg om Australië vir Nieu-Seeland te verruil, kontak ons gerus vir bystand en advies. Ons netwerk kom een

keer per maand in Auckland bymekaar om nuwe immigrante by te staan met advies en netwerkgeleenthede.

Besoek ons webtuiste by www.networkfinancialservices.co.nz of kontak Eugene by

[email protected] of +64 22 276 0082

Akkommodasie / Tydelike verblyf



Ambagsmense / Kontrakteurs



Eiendomme te huur of te koop



http://www.brokkies.net/adverteerhttp://www.onstv.net/http://www.facebook.com/ONStvhttp://www.networkfinancialservices.co.nz/mailto:[email protected]://www.brokkies.net/adverteerhttp://www.brokkies.net/adverteerhttp://www.brokkies.net/adverteer


Finansiële dienste


1. Is jy bekommerd oor jou geld wat nog in SA is? Rand Reunite is ‘n plaaslike maatskappy wat Suid Afrikaners voorsien van praktiese en koste-effektiewe maniere om

hulle te “reunite” met hul Rande! Ons spesialiseer in geblokkeerde fondse soos uittree-annuïteite, pensioenfondse,

aandele en erfgeld. Ons doen ook kontantoorplasings vanuit enige SA-handelsbank.

Kontak Marlene: 02 9098 0380 / 0420 663 562 / www.randreunite.com

2. Jou SA Rande – enige plek in die wêreld Wil jy graag met jou SA Rande herenig word? Cashkows.com doen dit tjop tjop! Met hoofkantore in Suid-Afrika het ons

direkte toegang tot SARS, SARB, versekerings maatskappye en alle SA banke. Kliek hier vir professionele advies - ons

maak die proses maklik en pynloos. ‘n Diens van Suid-Afrikaners aan Suid-Afrikaners.

Motors



Professionele dienste


1. Leiding met Loopbaan-, Studie- en Vakkeuses Potential Profiling help jou kind ‘n loopbaan kies wat sy/haar brein se natuurlike denkvoorkeure pas. Verhoed

teleurstelling, frustrasie, tydmors, demotivering, konflik, onderprestasie en studieskuld-las eie aan verkeerde

beroepskeuses. Vir ‘n unieke loopbaanleidings-diens, skryf vir Martin Hefer by [email protected]

Tipiese adverteerders in hierdie seksie sluit ook in prokureurs, dokters, tandartse, immigrasie-adviseurs, ens.

Rekenaardienste



Skoonheid & Gesondheid


1. SOLAL* nou in Nieu-Seeland beskikbaar! SOLAL is ‘n uitgebreide verskeidenheid van gesondheid- en welstandprodukte met innoverende en doeltreffende

voedingsaanvullings wat geformuleer is om jou te help om die onderliggende oorsake van gesondheidsprobleme meer

natuurlik aan te spreek.

Kontak ons per epos by [email protected] of KOOP AANLYN by www.theskinworx.com

http://www.randreunite.com/https://www.cashkows.com/please-call-me/http://www.brokkies.net/adverteermailto:[email protected]://www.brokkies.net/adverteermailto:[email protected]://www.theskinworx.com/


Versekering


1. Is jy nuut in Australië? Ons help nuwe immigrante oor die laaste 15 jaar met hulle:

Lewensversekering

Pensioenfondse (Superannuation)

Aftreebeplanning

Kontak ons vir vriendelike en professionele dienste.

Marius De Lange | Nautilus Financial Planning | Tel 04 025 77 374 | E-pos [email protected]

SA-produkte


1. Spaza | Ons bring Suid-Afrika na JOU! Kry 'n stukkie van Suid-Afrika by Spaza. Ons bring die nuutste Suid-Afrikaanse musiek-CD's, DVD's, films en boeke na jou. Ons het ook 'n verskeidenheid mans- en vroueklere reekse beskikbaar van gewilde SA vervaardigers. Gesels met Jaco Ungerer van Spaza, by tel 04 289 64112 of 04 6857 1042, of e-pos hom by [email protected] Besoek ook Spaza se webwerf: www.spaza.com.au

Werksgeleenthede

Terug na bo...


_______________________________________________________________________________________________

Hierdie ruimte is beskikbaar vir advertensies van vakatures; en in die meeste gevalle word hulle GRATIS geplaas

om ons immigrantegemeenskap te ondersteun.

Doen navraag by die redakteur by www.brokkies.net deur die skakel 'Kontak' en hy sal meer riglyne verskaf.

________________________________________________________________________________________________

Afrikaanse kerkdienste

Terug na bo...

Afrikaanse kerkdienste in Australië

Terug na bo...

1. PERTH - Eredienste in Suide van Perth op 3 plekke: Deo Gloria Community Church

Afrikaanse diens in Leeming

Ons het elke Sondag om 9vm ’n diens in Afrikaans by Livingston Seventh Day Adventist Church, Nicholson Rd, Canning

Vale, waar ds Gerhard Bredenkamp die voltydse leraar is.

Daar is ook in een van die ander lokale ‘n erediens vir Engelssprekendes om 9vm elke Sondag. Ds Dirk de Swardt bied

die dienste aan. Dirk is ook die voltydse leraar vir ons hoërskooljeug en jong werkendes.

Afrikaanse diens in Secret Harbour

Terselfdertyd vergader ons elke Sondag om 9vm ook in Afrikaans te Secret Harbour Community Centre, Oasis Drive,

Secret Harbour, waar ds Peet Grobbelaar die voltydse leraar is.

mailto:[email protected]:[email protected]://www.spaza.com.au/http://www.brokkies.net/adverteerhttp://www.brokkies.net/


Engelse diens in Mandurah

Vir Suid-Afrikaners en ander Engelssprekendes wat dalk in Engels bedien wil word, het ons ’n gemeente in Mandurah,

wat op Sondag om 9.30vm te Foundation Christian College, Multi-Purpose Hall Valentine Drive, Greenfields

bymekaarkom. Ds Johan de Swardt is die voltydse leraar.

Besoek ons webwerf by www.deogloria.org.au of volg ons direkte uitsendings by http://deogloria.sermon.net/main

Kontak ds Peet by 0415 680 930, ds Gerhard by 0450 467 557 of ds Johan by 0417 981 614 of ds Dirk by 0481 331

138 veral vir jeug-verwante aangeleenthede.

2. WES-AUSTRALIë – Eredienste op die PLATTELAND van WA: Outreach WA in samewerking met die Gereformeerde Evangeliese Kerk van Australië

Eredienste word gereeld op rotasiebasis in Afrikaans gehou by die volgende dorpe: Esperance, Albany, Katanning,

Brookton, Northam en Hyden. Daar word gewoonlik na die diens saam ge-eet en gekuier.

Vir meer inligting en ook vir die reël van ‘n pastorale besoek, kontak ds Gawie van der Merwe (woonagtig in Perth) op

selfoon 0415846599 of e-pos na [email protected]

3. WES-AUSTRALIë - Eredienste op Geraldton: Living Word (GEKA) Elke Sondag om 9vm in die SDA Kerk, 8 Milford Street, Geraldton. Die leraar is dr Tienie Bekker. Na die diens word daar

lekker saamgekuier oor ‘n koppie koffie/tee.

(Indien daar Engelse mense in die erediens is dan vind die diens in Engels plaas.)

Skakel Tienie by 0458 976 007 of e-pos na [email protected] meer inligting of besoek ons webwerf:

http://www.livingwordgeraldton.com.au/

Landswye dagboek

Terug na bo...

Hierdie afdeling sal gaandeweg ontwikkel word.

Riglyne vir adverteerders

Terug na bo...

Lees Aus-Brokkies se advertensieriglyne by brokkies.net/adverteer,

Kanselleer intekening / UNSUBSCRIBE

Terug na bo...

Om Aus-Brokkies te kanselleer, besoek http://brokkies.net/skryf-in en versoek kansellasie.

To unsubscribe, send an email to [email protected] with the subject line: ‘Please unsubscribe'. Remember to

mention your email address in the body of the email.
http://www.deogloria.org.au/http://deogloria.sermon.net/mainmailto:[email protected]:[email protected]://www.livingwordgeraldton.com.au/http://www.brokkies.net/mailto:[email protected]:[email protected]://brokkies.net/skryf-in

redakteursbrief - brokkies · 2018. 4. 20. · die boemerang, koala-beer, didgeridoo en die...

Documents