rosine kreutzmann atuagaaraliorneq: inuusuttut nunatsinni ... inummiittoq.pdfangajoqqaavut...
TRANSCRIPT
Novelle 1Fagportal
Qaamaneq inummiittoq
Rosine Kreutzmann Atuagaaraliorneq: Inuusuttut Nunatsinni Nunarsuarmilu
Tarnip immikkut pissusaanik ilisimasallip Jonna Ketwa-p oqaaseqaataa
2 Novelle 1Fagportal
Annertoqqutaaniaraluarlunga annilaanganermik tamarma nillasuttuinnaallunga sajuppunga. Qipik kissalaartussaq iluaqutaanngilaq, akiserlu toqqisisimaffissaagaluaq paninngilaq. Qatanngutituara eqillugu siutaata aappaa assannik asserlugu erinarsorfigaara:
“Annaasisunnguatta asagamisigut Qilammut tarnivut pisikkumaarpai Nallittorpaalu nunami erloqisut Meerannguit pulluaqqungaarpai.”
Anaanap iikkamut erfattaarneqarnermini pisattat aalassanneri, ataatallu amaqqutut qatimaanneri paasissaanngitsut ili sarnanngitsullu tusavakka. Aassunni sukkut tamaana takor nartarinagu naamavara, tipilu aliannaanngilaq. Igalaa merngit natermut siammarterlutik tunneri siutinnut annernarput, anaanallu naalliunnera ersarippoq. Aqqalussamali ti mera tamaat eqillugu qianera uummatinnut kapinarnerpaavoq.
Iterpunga ullorulereersimasoq, aqqalup itersaraanga suli angajoqqaavut itersimanngimmata, quiartorniarluni kisimiikkusunnani ilageqqusoq. Ippassaammalli atisat atukkakka atuinnarlugit sinissimavunga, timeralu tamarmi oqimaappoq. Ini saneqqutilerlugu takorusunngeqaara, soorlumi uumasorujummik siumugaqaannassallunga. Tujormiginermik anartarfiup tungaanukarluta ini takunngilara qissiminnaguluunniit.
Qatanngutituara asangaagara arfineqmarluinnarnik ukioqarmat inimi torersaaqatigisinnaannginnakku, anartarfimmi aqunngasoq anersaaruluutigalunga pilerpara:
“Inuuteq... Aleqap torersaanerani titartaalaarumaarputit, ataatakkut itinnginneranni naammassiniassaanga.”
Pisannguakkuluga oqarani niaqquminik qiviarnangaluunniit anngaaginnarpoq. Coco Popsinik nerisassaanik tuneriarlugu Nemo nuannarisatoqaa aallartippara, niaquatigullu apariarlugu matu matullugu.
Ini qimmit inaanniit ajornerulersimavoq, ilisarsaajunnaarluni. Igalaamerngit angisuut, sioqqatullu mikitigisut siaruaassimapput, igalaamerngillu anginerusut nuui aattaqarput
Arnaq inuusuttuaraq17-inik ukiulik angerlarsimaffimmi angajoqqaani aqqalussanilu 7-inik ukiulik ilagalu-git peroriartorpoq. Angajoqqaavi imerajuttuupput, ataataasoq anaanaasumut nakuusertarpoq; aamma meeqqat isigitillugit.
3 Novelle 1Fagportal
panersimasunik. Saagup aappaa qorsuk sissorsimalluni natiinnarmiippoq. Iikkami assilissat amerlanerpaat equngapput, ilaallu natermiipput igalaaminertaqaratik. Sofat marluk inissaminniinngillat equngallutik, fjernsynilu toqqavimminiit nakkangajavissimavoq. Suliassat tulleriiaarlugit qulaanniit aallartippakka, saagut assilissallu siulliullugit. Nateq asalerakku qasuummerujussuarpunga, uummatigalu kassulerluni. Naasut issui teqeqqumiittut sanerlugit piiararpakka, støvsugimik angajoqqaakka itertinniannginnakkit. Aallu natermi paningajassimasoq tikka qarfeerutigisarpara, nalunnginnakku anaanama aagigaa.
Ataatama isumaata iluarisaatut ini inissigunarmat, Inuuteq takulaariarlugu sinileqqissimariarmat suliartunngilaattaa uffarpunga.
Anilerama Inuuteq qimaannarneq saperakku itersariarlugu oqarfigaara suliartulerlunga, ungallunilu atisereertunga timini tutsivillugu eqeqqavaanga aneqqunanga. Nalligigaluarnermik naalliuummingajariarlunga anaanakkut suli makinngitsut orneqquakka, naak toqqissisimanarinngikkaluarlugu.
Brugseneeqqami pisiniat qiviarpiassanagit qungujulaaginnartarlugit sulivunga, soorlumi tamarmik nalunngikkaat kinaanersunga. Qujanartumilli suliassaka sivisuumik sungiusimagakkit suliassaarunneq ajorpunga, tamannalu iluareqaara.
Ataasinngorneq. Inuuteq asoormat ilinniagassaanik ikioriarlugu marluulluta neriniartarfiliarpugut. Pommefritesit allaapput, manngerput taratseraluarlugillu mamai allanngorneq ajorput. Nerisavut naammassereeraluarlugit maskinarsuarni spilertut oqassanata ingilluta nakkuterusaarpavut.
Atisat pølsebarersunnippallaannginnerini anivugut, unnulermamammi aamma. Angerlamut pisorusaarluta Inuutip tasiorinni iperariarlunga apersulerpaanga:
“Aleqaa? Anaanakkunnununa ajoqutaaginnartungaa? Sooruna anaanakkut paarisussaagaannga illit paariuaannarimma? Qatsunneq ajorpinga? Sooruna anaana ataatalu kamaattuaannartut?”
Oqaatsit taakku tusassangannginnermik tupannermillu qullilivunga, annikilliuummerlungalu. Qulliikka kuuttut niperalu allanngortinnaveersaarlugu oqarfigaara:
“Aqqaluutiga, illit pisuunngivipputit anaanakkut imertarnerannut, aamma asavaatsit, erligaatsit nuunutigaatsit aamma. Eqqarsaatigisassanngilat sooq anaanakkut imertarnersut, illit pisuussuteqanngivipputit. Ataata anaanalu inersimasuugamik kamaattarput, aamma inersimasut allat taamaattarput. Aqqalu qatsutinngisaannarpakkit asaqaakkit!”
Pisuttoq unitseriarlugu eqippara, uluaatigullu kunillugu.
4 Novelle 1Fagportal
Qullit kiinnakkut kuserput sikutut nillertigalutik, assagut imminnut tasissiussimapput allunaasatut qilersorsimasutut sukangallutik qilerussaarneqarsinnaanatik. Angerlamut apuutilerluta kiinara tagiartorpara Inuutillu kiinaa attulaarlugu. Iserluta suliluunniit kamippavut peernagit ataataasiit sukareerpoq:
“Arnapalaajaraq atorfissaqanngilatit! Qanoq ilillutit ernera kalerreqqaarnanga annissinnaaviuk? Naak silavit qeqqa?! Isumaqassanngilatit nukappiaqqamut iluaqutaal lutit! Atorfissaqanngilatit!” Aasiit oqaatsit taakku.
Anaana ataatamik nipangersaagaluarpoq iluaqutaanngit sumilli. Oqaaseqarnanga ineeqqannukaannarpunga høretelefonileriarlungalu nipilersuut nippaallugu ullorsiutinnut allalerlunga:
“Qaquguuna uanga inuttut naleqalerniartunga? Anguti-palaaq misigissuseqanngi, immikoortitsiuuaannartoq, sunamita allaanerussutigigakku? Aqqaluga assigin-nginnerpara? Aqqaluga kisimiittuartoq annertuumik ikioreersimannginnerpara? Nammineq suugami arnanik attuiuaannartoq, silaqanngi kamassalissuaq! Sooq kamassani anaanamut uannullu tutsittuassavaa? Qaqu-guuna iluaqutaalerniartunga ataatamut. Anaana nersor-taqaakkit attortittuaaravit. Kisianni sooq aamma illit imertaqaat? Uummatiga annernarpoq sooq ilaquttat taamatut uanga ilaqutarigakkit. Mikisuullungali meeq-qat angajoqqaaqanngitsuniissimassagaluarpunga. Aqqalugali asaqaara, pinngitsoorsinnaanngilara. Inuuteq asavakkit erligiuaannarpakkit.Taannaqami aallarnis-saq, sapaatip-akunnera ataaseq utaqqisinnaa nerpara, ajaaqqamut weekendertalernissara inuu suttoqatimalu efterskolemi najulernissaat. Angajoq qaakka qimakkuso-qaakka!”
Marlunngorneq ullorulereersimasoq mobilinni tusarnaagara suli ikumasoq, ullorsiutikkalu akisiliutiinnarsimal lugit iterpunga. Illu nipaqanngilaq. Uffarniarlunga tarrara takullugu annerpunga. Isikka nakkangapput, kummitullu aqitsigalutik pullallutik. Ulussakka isikkunnut angival laalersimapput, ballongingallutik.
Uummatiga ujaqqatut manngertigaaq, aqilisinneqarsinnaanani. Anartarfimmut ingeriarlunga assakka tilluut tar
Paniusup ataatami nakuusernera ki-ngu neralu oqaluttuarimmagit, takusin-naavarput aassunnik nipillu assigiin ngit-sut ersarissumik eqqaamaqqissaarai. Tamanna quarsaarsimatilluni malugi-saat sit sakkortutsinnerannit pissuteqar-poq.
Arnaq innusuttuaraq inersimasuaqqatut taaneqarsinnavoq – inersimasunngujaar-simasoq. Inersimasut akisussaafitsik paa risinnaanngikkaangassuk, meeqqap nammineq akisussaaffik tigunialersarpaa uumajumallunilusooq, angerlarsimaffillu torersarlugu iluarsiniarsaralugu. Ataata kamannginniassammat, susoqarsimaa-ngitsutullu inniassammat. Inersimasua-raagami aqqalussani paarivaa nerisittar-lugulu. Inuutip pisariaqartitai nalunngilai, nammineq aamma pigigamigit. Periaasii atornerluiffiusumi nakuuserfiusumilu nalinginnaapput, ataatani sapinngisani tamaat kamatsinnaveersaartarmagu.
Suliartorami angerlarsimaffimmi inuuni-ni kanngusuutigaa, nalinginnaasuuvorlu ima kanngusunnera sakkortutigisoq, kanngusunnini allanit takuneqarsinna-sorilerlugu. Suliffiata angerlarsimaffim-miit misigissusaaniillu qimarnguiffissip-paa. Inuusugut navianartorsioraangatta akiuussinnaavugut qimaalluta imaluun-niit toqusuusaarluta.
Ataataasup nuliani paninilu nakkarsar-pai, piliani ilerasuutiginngilai taamatut-taaq panimi meeqqerinera soqutigina-gu. Angajoqqaasut suliassaagaluat. Ataataasup isornartarsiorneqarnissani saperpaa, nakkarsaanerlu sakkutut atorlugu iluarnerusutut misigiumalluni. Tamanna imminut qamuuna annertuu-mik naleqartinnginnermit ingalassimani-artitamit aallaaveqarpoq.
Tamatta qamuuna immitsinnut oqaloqa-tigisarpugut, paniusullu taamaaliornera tusarnaarparput. Angerlarsimaffimmut pisartunut apeqqutinik pissusissamisoor-tunik ulikkaarput. Angajoqqaami pissusi-lerssuutaat paasisinnaanngilai, ilima-nar porlu aamma angajoqqaavisa sooq taamaannertik nalugaat. Qimaarusunni-ni malugaa – Qimagunneq.
5 Novelle 1Fagportal
tutut ammalortunngorteriarlugit talikka tamaasa sukappakka, sequnngeqqavunga, kigutikkalu keeriarlugit nipaatsumik nillialerlunga.
Isikka pullattut mascarannik tarrisippakka, taartumillu isima qulai tanillugit.
Pisarnittut inuit qiviarpiassanagit pisiniartitsillunga arnaq inuusuttoq aperaara:
“Mellemskorteqarpi?”
“Haha!! Qanoq aamma peqassaanga! Aamma oqaatitsik naasarpaat! Kujataanut angerlarniarit Maniitsumiipputit, Maniitsormiusut oqalunniarit!
Pisiamilu akia tunniuteriarlugu ingerlaannarluni.
Kujataaninngaanneerama inuusuttoqatima qinngasaartaqaannga, Qaqortumut angerlaqqullunga. Nunaqqataassaguma Maniitsormiutoortarnissara kissaatigaat, kujataamiusut oqaloqqusaassananga. Oqaatsit tamakku tusartuarpakka. Ikinngutinik nutaanik ikinngutitaarusuttaraluarlunga imminut ajukkuttaqqanga, inunnummi taakkununnga naleqqutinnginnama. Qujanaqaarli ataasiakkaannguanit akuerineqartarama.
Kiisamili qasuersaarsinnaanngorlunga angerlamut apuutilivillunga tusaasagissiartorpunga. Arnaq naalliulluni qiarpaluttoq, sukkut tamaana arpappalorujussuartarluni angumeriteqattaarpaluppoq. Tusaasama qanilliartornera sakkortutsittorlu uagutsinnut iserpunga. Tusaasaralu takullarlugu!
Gangip natiani anaanap nujarpassui tummaatassaannanngorsimapput, ataatallu anaana pappialatut oqigitigalugu nujaannaasigut qangattaattaqattaarpaa, atisaalu sissortarniarlugit. Taskera igiinnariarlugu pisinnaasara tamaat ataata taliisigut kiinaatigullu tillualerpara, oqigisaavungali, iikkamullu tupiloorlunga. Paarnguusallunga nikuippunga, qianngaq kakkissuarmik sussaanani isiginnaartoq sinittarfinnut eqquppara.
Siniffinni teqeqqumut pilluta Inuuteq sarliarpara qiaqatigalugu. Assannik siutai asseqqavakka meeraaqqatullu sinnassarneqartutut aalaterusaalerlugu. Politiinut sianerusukkaluarlunga ataata ersigaara tulliussinaammanga. Ataatap kamannera tusaaniarlugu paasilerpara anaana imigassaarulluni ataatap vodka toqqortaa nungujallugu pisimagaa. Anaana nipaaruttorlu ataa ta sukaqqittarpoq natermi susinnaajunnaartillugu. Kiisaana eqqissiimerpallattoq. Nipaarummata alakkarlugit ataata isumakkeerfigeqqusaarluni, asannissuataarluni imermik imerteqattaarpaa, uluaasigullu apartorlugu. Soorlu aatsaanngummat kamassimanani nuliani silarsuarmi tamani asanerpaallugulusooq pivaa:
“Asasara, asasannguara utoqqatserpunga, taamak kamatsigerusunngikkaluarpunga, isumakkeerfiginnga, qanorsuaq iliorsinnaavunga toqqissisimatikkusullutit, asasara isumakkeerfiginnga, qanoq iliorsinnaavunga? Imermik aalliuteqqissavakkiit?”
6 Novelle 1Fagportal
Sunaana angut taama kamannartigisoq. Asattuuppaa, anaa nalu oqassanani natermi kiinni ermiummik asatsittoq qasiligerpaseqalugu tunniutiinnaqqavoq. Anaanap atisai taar seriarlugit ataatap Inuuteq tigoriarlugu innarput, sunalu tamaat illumi tukassuaq imminiiginnarlugu.
Allamik susinnaannginnama qiallunga ullorsiutinnut allalerpunga:
“Isigisakka qaquguukku nuannersiniartut? Inuunera qali-paa tigississanerpa qaquguluunniit sumiluunniit inuugalua-ruma kiffaanngissuseqartitaallunga?! Ernumajuassaanga Inuutip qanoq inuuneqarumaarnissaa pillugu. Qatannguti-tuara iperangisaannagassara nalligeqaaraaaa! Inuutip isigisai, anniatai tamaasa tigusinnaasuugukkit qanoq eqqis sinaq. Anniaatai tigorusoqaakka asasannguara taamak aqqusaagaqatikkusunngikkaluarnermik haajjjaa.... Anga joq qaapalaarsuakka soorlu meeqqat angajoqqaaqa-nngitsut innimigisaqanngisaannartut. Ataatap inunnut ka-massaqarfimminut anniaatini tutsilaartarunigit, uagutsin-nuunngitsoq. Imigassarluunniimmi aamma iluanngeqaaq kinaassuseerutitsisartoq kalak! UUFFFF nunarsuaq ajortilissuaq qaqugumita eqqississanerluni....... Nunarsuara eqqissivissaqarnerpa?!”
Ullut ingerlajuarput tupinnartumik pisoqarfiunatik, inuuffis saallutilli.
Aallarnissannut ullut marluk sioqqullugit poortuivunga, qimataqaraluaruma iluarineqarunnannginnama qimataq suugaluarnersoq nassiunneqarnavianngimmat. Inuutip isiginnaarujoortarpaanga, uangalu oqaluuttarpara sivisuumik takunavianngitsugut, juullikkunniluunniit tikinnissara ilimananngitsoq. Immaqa aatsaat arfineqpingasunik ukioqarlereerpat uterumaartunga.
Tallimanngorneq aallarfissara nallerpoq. Ataata suliffimmini sananermik ulapilluni suliartornikuuvoq inuulluaqqu na nga. Anaana aqqalulu ullaakkorsioqatigeeriarluta taxanik mittarfiliarpugut. Tunniussassakka tunniutereerlugit timmisartup ilaaffissama milersup sajuppilunnera tusaalerakku ilakka tunutallalaariarlugit nipaatsumik qiavunga. Ungagaluaqaanga, anniaqaangalu aqqalup takusarumaagassai annernartut pillugit. Ikiartoqqusaagatta anaana inuulluaqqoqqaariarlugu qatanngutituara inuullu
Nakuusertoqaqqimmat paniusoq akiuuppoq – ataatani sakkortuu-mik saassussimmat quarsaarnerup kingunerisaanik anaanani illersorni-arsaralugu.
Nakuusereernerup kingorna nakuu-sersimasut utoqatserajuttarput; Soorlu marloqiisanngorlutik. Taamaannerata nakuuserfigitittoq qisuariarsinnaajun-naarsittarpaa, utoqqatsernera isigeru-sunnerulersillugu. Kingunerisaatalu artornera pissutigalugu. Taamaatto-qarnerani anaanaasup sumiinnini naluaa, imigassarlu misigissutsikkut qimarnguigaa, immaqalu peroriartor-nermini misigisimasat kingunerisaan-nik pitsaanerusorinnginnami. Angutip nakkarsartarpaa naggataatigullu isumakkeerfigeqqulluni asaqqullunilu. Perusuppoq tunniussaqarumanani-li. Kingunerisinnaasai ersigalugit anaanaasoq akiuineq ajorpoq. Allaat immaqa taama pineqarnerminut nammineq pisuusorivoq. Ataataasoq imaaliallaannaq qarsutiinnarneqar-tutut ataqqineqanngitsutullu misi geq qajaasinnaavoq, imaluunnit pi viusuunngitsoq upperinermik piviusuusorilerlugu. Taamatut mar-luullutik nikeriarneq ajulersimapput, meeqqatillu tassani silarsuaaqqami tujorminartumi tiguagaralugit.
Paniusup qamuuna imminut oqa-luun nerata pisariaqartitai ernummas-sutillu ersersippai, aammali pisunut pissaanikissusaa. Avammut tatiginnin-nera millivoq – eqqissineqanngisaan-nassava? Meeqqat angajoqqaanil-luunniit iluamik pineqanngikkunik, allanit ajunngitsumik pineqarnissartik upperiunnaartarpaat. Peroriartorfitsik kisiat nalunngilaat. Isumaqalissapput arnaq angullu piviusumik taamatut inuuneqartussaasut. Angajoqqaat maligassiuuisuupput qanorluunniit iliorunik.
7 Novelle 1Fagportal
aqqulerakku nukillaaginnarusukkaluarpunga, kissaatigingaaraluarparalu ilaginissaa. Nukittuniarnermik qianaveersaarpunga misigisimagama uanga saammarsaasuusussaallunga, ilakka uannit nalliginerugakkit. Toqqusaakka annernartuinnaapput, niaqoralu qiassamik nununermit oqimaaqaluni.
Danmarkimut aqqutaani ernumaammerujussuartarpunga, soorlu ilaquttakka paaqqutas sa ralu akka qimaannavikkikka sumiginnarlugit.
Qaammatit siulliit pingasut efterskolemi nipaappunga pisunullu akoorpiassananga. Ineqatikkali marluk ammasuummata taakkunnguit oqaluussinnaanerulaarpakka. Kalaaleqatituara nukappiaraavoq saamasoq Larsimik atilik. Ilaqutai maanna Danmarkimi najugaqarput. Oqaluulluarnissaanut suli ittoortarpunga, kissarullernaralugulu.
Tikeqqaarninniit ippingiatornera annerpaaq tassaavoq namminiilerneq. Aqqalup sunniuterujussua malugaara annernartumik. Isumagisassaarukkama paaqqutassaarullunga imminut eqqaarsaatigineq, kisimiinneq namminersornerlu nalornissutigaakka. Nammineq pinnik nuunuutitaarusuttalerpunga isumagisassannik, immersugassannik asasassannik. Illoqarfimmi pisukkaangama barnevognerpassuit meeqqallu nipiliortut tusaasaqaakka.
Ualit ilaanni igaffimmi ikiutaasussaallunga sofaaqqami siniliinnartoorsimallunga Larsip itersaraanga tupappunga. Sunaaffa igaqatigiilersugut. Nerisassioratta ilinniartitsisoq ataaseq atuaqatikkalu allat sisamat ilagaakka. Salatinik agguillunga Larsip ikiulerpaanga. Tomati ataaseq aggoreerlugu aappassaa tigullugulu aperivaanga:
“Niviana, isikkut assut qasoqqarpasittarpoq uernaqattaarlutillu, naartunngikkaluarpit?”
TUPAQAANNGA! Ilami soorlu nalunngikkaa naartorusuttunga, ilami soorlu ikiorusuinnaraa nga.
Annuallariarlunga akiinnarpara:
“Naami juulleriartorneraniuna sinikkusuinnaavittunga, aatsaavissuarlu kisima juullisiortussaagama annikilliulaartunga.”
Tassani qanimut oqaluutilaarattali qanilliartuaalerpugut. Saneqqukkaangatta qungujorujussuartarpoq. Ilaanneeriarlungalu misigigaangama isigineqarlunga ujarlerlunga takusarpara nakkuterujooraanga. Quinannannguarsi!
Pisiniassagaangami, pisuttuassagaami, filmissagaangami ilinniagasserissagaangamiluunniit ilaserillattaartalerpaanga, tamannalu iluarusuutigaara ilassanittalerama. Ilagilaarnerillu tamaasa quinassaarlunga, peqqusaakujullunilu pisarpoq.
Taamaallutaasiit Larsip inaani filmerujoorluta isiginnaagarput naangajaliivissoq nutsakka sakkortuumik pinnguareriarlugit arriitsumik assamminik kiinara attuualeramiuk qiviartip
8 Novelle 1Fagportal
paanga. Toqqarluta isigivugut, isinngui kajortutqaamasut qillalaarput. Tipaa naamavara, ilummooruppara. uummatigalu kassulerluni. Suli isigissaginni siggukka attoriarlugit qanillattorlunga aparpaanga. Naama iluani kissaalaartoq angalaalerpoq, naamasaralu tipigeqaaq.
Qimassaarpugut ikioqatigiillualerlutalu.
Weekendit tamaasa Larsikkut angajoqqavini tukkusalerpunga, nuannareqaakkalu. Silarsuara aappallorissumik qalipaasersugaalerpoq, Larsilu ilaginerit tamaasa soorlu nuannersiartuinnartoq.
Sapaat Larsikkunni weekendernikuulluta atuarfitsinnut apuulluta tamatta immikkut ineeqqatsinnut avissaarluta ingerlanialissasugut nammattagaq paarisara nunamut ilivaa qiviarlungalu. Tupaallallunga isigiinnarpara oqaaseqarnanga. Sikuntit tallimapajaat oqaaseqanngeriarluni:
“Niviana.... asavakkit.”
Kissarullerpunga timaanullu puinnarlunga. Timima aqussinnaanngisaanik nammineq isaasigut toqqariarlugu qisuariarpunga:
“Lars, uangalu asavakkit nuannareqaakkit!”
Sammeriarluta ineeqqatsinnukarpugut. Innaraluarlunga mobili iperarneq ajulerpara, assit allannikuusagullu isiginnaarnermik. Imarsuartut qatsorsimasutut qillaarillunga sinilerpunga.
Piffissaq ingerlavoq. Qaammatit sisamangajaat ingerlareerput qimassaarattali, sungiuteqaagut sunalu tamangajaat oqaluttuarisalerlutigu.
Immitsinnut sungiukkaluttuinnarluta mianeriunnaariartorpugut. Qimassanatalumi periaratta isummavut assigiingikkaangata assortuuttalerpugut nipivut qaffallugit oqaluttalerluta.
Weekendit ilaanni Lars ilaginiarlugu neriorsornikuullugu Aja orniinnarniarlugu oqarfigiginni kamalerpoq.
Talera tigorujussuarlugu assani sukallugit siutima nalaanni nilliaffigilerpaanga.
“Qaaa, neriorsoriarlunga isummat allanngormat tassa asu? Kanngusunniarit piumallerlutillu allannguisaravit! Asuli inuusaanngilanga salloqittartagaq, naalassiassaannaq!
Aqqusiniinnarmi inuit saneqquasut isigimmatigut puffissarsioraluarpunga, qaqqamili alanngor simasutut ersaritsigaanga, arajutsisassaananga. Biilit saneqquasut takusinnaagaluarlugit tusaasinnaangilakka, angutilli nipaa kisiiviat tusaavara.
9 Novelle 1Fagportal
Oqassananga issuttuuteqattaarpunga, ataasiakkaanillu qullillunga. Kamakkaluttuinnarmat tunniutiinnarpunga ilagiinnarniarlugu.
Ilagilerinni paasillugu eqqissivoq kiinaralu allartilerlugu:
“Utoqqatserpunga taamarsuaq pinianngikkaluarpunga. Utoqqatserpunga. Utoqqatserpunga. Annerpit? Qiiavit? Tuaviussaagut? Asas’ asavakkit.”
Anngaaginnarpunga pisoq qaangiutipallanniassammat, soqutiginagu susoqarsimanngitsutut pissusilersorniaannarlunga.
Ullut naammagalugit suugaluarnersut atorpakka, ajornanga innaruma naammagalugu.
Taamaalluniaasiit Lars ininnut isileriallartoq rosat tallimat tipigeqisut bamseerarlu niviarsiaraq nassarlugit. Qungujorujussuarlunga aperaara sooq taamaaliornersoq. Tallini qummooriarlugit:
“Ajorata qaammatit tallimanngoratsigit.” Illarlunilu.
Sussaajunnaarlugu asaammerujussuarpara. Unnuk taanna unnukkorsioriarluta sukkulaatinik tamorraserluta pisimasunik eqqartuerujoorpugut. Innaramalu eqqarsaannarpunga:
“Takuumi nukappiaraq taamak pitsaatigisoq attuisartuunavianngilaq, taamaniuna uanga pakatsisikkakku kamarujussuaannartoq.”
Ullut arlaqanngitsut qaangiuttut ineqatiga anialu pisiniarfilerinikuulluta atuarfimmut apuutilersugut Larsip naammattoorpaatigut. Toqqaannaq isiinnarminik qaaqquaanga, ornipparalu sumik isumaqarnanga. Ineeqqamut isiinnaavittugut matu matorluppaa apersulerlunilu:
“Sooruna nukappiaqqamik ilagisaqartutit? Kinaana? Qanoq oqaluuppaatit? Inequgigamitit? Sooq apereqqaarnanga ilagiviuk? Qangali nalunngisariikkassi? Naak mobilit? Takulaarlara!”
Tupangaarama mobili tunniuteriarlugu nassuiaanniarsarigaluarpara ineqatima qatanngutigigigaa, kamaqaarli.
“Allagarsiatit piiapallakkakkit? Qaa iluamik piniarit! Isumaqassanngilatit isertorsinnaallutit.”
Oqarnialertungalu nipangersittarpaanga. Kiisa nujaartuilerpoq, nissukkalu isimmittalerlugit. Qasuummernermik tunniutiinnangajakkaluarlunga annakkusuummernerup tikimmanga nillialerpunga:
10 Novelle 1Fagportal
“HJÆÆÆÆLP!! HJÆÆLP!!”
Larsillu gangeqataa ingerlaannaq iserpoq ikiorlungalu. Arpallunga qiaatigalunga ininnukarpunga. Ineqatikka apersoraluarput sunersunga, akissanagillu akitsimut puinnarlunga naalliulerpunga. Oqaluussaqarusunnginnammalu ullorsiutikka saaginnarpakka:
“Tassa attuisartuuvoq! Ataatama assersua aappaliussimavara, soormiaa anaanaga taamak pitittoq isigisarunnaarakku uanga taamak pineqartalerpunga? Angerlarsimaffimmi pisut tamak-ku qimallatuarakkit kisianni aamma tassa uanga nammineq misiga lugit. Uangannguakkuluk pilluarsinnaanngitsoq.”
Lars allaqattaarpoq utoqqatserluni, isumakkeerfigeqqulluni, taa malioqqinniarnani aamma qimanngisaannarusullunga. Takoru sunngilara, ersigaara. Kiisa sivitsorpoq Larsi suli uteriisertoq. Ullut sisamanngulersut suli akinagu siorasaarpaanga weekenderialeruma malikkumaarlunga unatarniarlungalu, pereersununngooq qujasueqigama. Innaarsuup qaavani kimmiinnannik atalerama annannialerpunga. Ajorsarfigaara aammami qaammataajunnarpoq nunannitsinnut angerlarnissannut.
Aallarnissara qanillisoq ujammimik sølvimik qalipaatilimmik uummataasamik tunivaanga. Kusanaqaarlu. Tunniutereeramiuk ilumoorsaaqaluni oqalulerpoq:
“Anaanamut anniartaqaanga. Ataata naluara kinaasoq. Kamassa qaqaanga peroriartorninni annaasimasara pillugu. Inuuninni erligisannik ujarleqqikkusunnanga inuit pingaarutillit qanilligaa ngakkit ungasillisinniartarpakka anniartillugit. Taamak iliorusunngikkaluarlunga ajoraluartumik taamaliortarpunga. Aammali pisooqataasarputit anniartileraangakkit. Akuersillutit tunniutiinnarlutit pigaangavit nuannarinerpaasarpara naalliutitarissallutit. Uannut ajornarsaarpoq arnaq anniartinneqarnissamik NAAGGARTOQ attorniassallugu. Timikkut takuinnarlutit takusinnaasarpakkit. Neriuppunga tamanna paasigit kamassarali uannit pisuuvoq, illit pilersitarinngisat. Utoqqatserpunga pereersunut.” Qungujullungalu.
Ullut kingulliit atukkavut nalleratsigit ungaleraluttuinnarpunga, nalligeqaaralu. Asaqaara asannileqqaatigigakku, puigunngisaannassavaralu uannut misigitissimasai pillugit.
Paniusoq efterskolimi aallartik-kami paasinartumik anaa-na misut inissippoq. Aappar-taarpoq amigaatigisaminik tunioraasumik – soqutigine-qarneq oqaatsillu nuanner-sut. Allat pisariqartitaat aal lu tissallugit ilikkarnikuuaa, ki ngusiinnaatigullu aatsaat paasillugu qanoq imminut kinguneqarnersoq, peerartaani ataatamisut pissuseqarmat. Sianiginngisamik meeraalluni iluarsisinnaasimanngisanik sakkortuumik iluarseerusutto-qartarpoq. Soorlu assersuutiga-lugu pinerliisoq pinerliiseq-qin naveersaarlugu. Soorlu ataataminit ilikkarnikuugaa akiuinnginnissaq, anaanami-nil lu ilikkarnikuullugu mittati-gineqarneq akueriinnagassaa-soq. Nakuuserfigitikkuni im mi nut pisuusorissaaq.
Nammineq iliuuserisimasat pillugit allanut pisuutitsisarneq, aseruutaasumik qisuariarne-ru voq – illit imatut oqarnerit pissusilersornerillu pissutaallutik imaaliorpunga. Aseruutaasu-mittaaq qisuariarneruvoq allat iliuusaannut imminut pisuutin-neq. Nammineq iliuutsigut nammineq akisussaafigaagut. Tamanna ilikkarsimanngilaa, angajoqqavisa iliuutsitik akisus-saaffigisarsimanngimmassik.
Imminut qaamuuna oqaluun-nerani takoqqipparput ne ri uutaaruttoq sapilersorlu. Allamik piviusoqarsoriunnaar-paa. Uggornaraluartumillu ilaatigut meeqqat taamatut ilaqutariinni inuusut, peruler-nerminni kingusinnerusukkul-luunniit, imminoornissamut qaninnerulersarput.
11 Novelle 1Fagportal
Efterskole naammassigakku ullut marluk ajami unnuivunga. Sofami ingilluta tiituutigaluta oqalorujoornitsinni pissangaammillattaarpunga ilaquttama takoqqinnissaanut qanoq issanerlunga. Ukiup ataatsip ingerlanerani perornera nalunngilara, naluarali qanoq pissuseqalersimanerlunga. Annilaangallunga anaanap ataatallu maannamut qanoq innerat pillugu aammalu Inuutimut paaqquttarinnittarnera qanoq kinguneqarsimanersut, puullaaqissutigileruttorlugit ajap oqaluutilerpaanga:
“Asasaarara soraluannguara. Inuusuttuunnguuvutit inequnartoq, asanartoq isumaginnilluarsinnaasoq. Takuat aatsaat inuususseruttorputit, inuunerit atorluarniaruk allat piunnaarlugit. Illit nammineq inuunerit ingerlanniaruk allanik aporfissarsiornak; periarfissatit ajunngitsut ujartulerniakkit. Aporfiit suulluunniit tappiiffigiinnarlugit aporfigiuarukkit ingerlariaqqinnavianngilatit. Aap, ilaquttatit ernumagisarpatit kanngugalugillu, taakkuli inuunerat ILLIT inuunerinngilat! Misiginikuusatit suulluunniit ajoraluarpataluunniit akueriniakkit qujassutigalugillu, massakkumut inissisimaninnut pisooqataammata. Ajunngitsumut saatinniakkit, aammali nalussanngilat angajoqqatit inuilluunniit allat allanngortissinnaannginnakkit, qanorluunnit qiatigigaluaruit. Illit inuunerit eqqumaffigilerniaruk allat piunnarlugit! Asavakkit illit kinaassutsit pillugu! Neriuppungalu oqaatsikka tamuajumaaritit, tusaannarnagillu timitaliillutit.”
Aatsaat taamak oqaluutsikkama nuannaajallarujussuarpunga oqiliallallungalu. Angerlarnissannut qilanaajummerpunga pisussallu suugaluarnersut tikilluaqqullugit.
Mittarfissuarmi oqilisimaarneq, tanngassimaarneq, pissanganeq, nuannarneq minnerunngitsumillu unganeq misigaakka.
Aja siulliullugu inuulluaqquara qujaffigerujussuarlugu. Ilimagisannik Lars inuulluaqqulerakku anniarneruvunga. Asannilerfigeqqaatiga, nuannarisara qimalerakku artorsarpunga. Timera tamaat tunniullugu eqippara tipigissaataalu naggammik ilummut naamalluartaarpara.
Tarrikkakkit soorlu ilunni igalaamineq aserorneqartoq, kapinartuinnanngorluni katersugassaajunnartoq.
Angerlamut aqqutaa sivikippoq. Ullorsiutinnguakka tatiginartuaannartut saakkakkit:
“Inuunerup tupinnassusia annertooq. Uanga aatsaat 17-niinnarnik ukioqaraluarlunga mi-si gisakka sakkortuut nuanniitsorpassuillu aqqusaarsimavakka. Anniaaterpassuakka peroriartorninni pisartut suli uummatinniipput initullutik, ilaallu suli akueriuminaatsillugit kamaammissutigisartakkakka allanngortinneqarsinanngillat, akueriinnartariaqarpakka. Qujassutiginiarlakka misigisakka allanngortinneqarsinnaanngimmata ajunnginnerulernatillu ajornerulersinnaanngimmata. Pereersut pereerput, siunissanni naluara qanoq pisoqassaner-soq, sooq taava siunissannut ernumaleriissaanga? Misigereernikuusakka akuerisariaqar-pakka, allanngortissinnaanngilakkami. Larsip attormanga ersillunga pigama ulloq taanna nuannaarlunga atortussaasimanngilara akueriniarlara. Tassa taamaattussaannaavoq, akuerisariaqarparalu. Anaanap ataatamit attortinnissaa qaquguugaluarnersoq ernuma-gi lereernagu soormi aatsaat attortilerpat ernumaguma? Taavami massakkumi inuuniarla-
12 Novelle 1Fagportal
nga, piffissarmi allanngortissinnaanngilara, imassaali aalajangersinnaavara. Nammineq aamma aalajangersinaasariaqarpara qanoq inuussanerlunga. Siunissami ataatatut ittumik aappaqarnianngikkuma arlaatigut kipisitsisariaqarpunga ajunnginnerusoq anguniarlugu. Inuunera akisussaaffigalugu ilinniartariaqarpara, allat pisuutiinnarnagit imminut qiviarsin-naalerniarlanga. Uanga inuunera allanit aqunneqassanngippat taava aamma uanga allat inuunerat aqussinnaanngilara.”
Suli timmisartumiillunga mittarfimmut marserlunga ilannguakka ilisarnangaaqisut takuakka. Assiaqutinut attuutingajavillutik qeqqissimapput. Erfalasulisaarput, anaana ataatalu eqisimaarlutik, aqqalulu ruusat tigullugit pississaarpoq.
Timmisartumiit anillakkama tamarmik illalaartuinnaapput. Qatanngutituannguara allisimanermut ajornaqaaq. Isiinnaavittunga tinngivigivaanga:
“ALEQAAAAA!”
Asanaraaaa. Kaavisippara, soorlumi kisitta pisussat. Immitsinnut qiviarlutalu illaatigaluta nilliallutalu eqeqqittarpugut. Angajoqqaama kuniorpaannga ruusamillu tunillunga.
Angerlarsimaffinnguatta tikka alianaak, kaffisunnippoq iserluguli taakujulluni. Inimut appakaallunga karamelkage sanalluagaangaarami qangami kusanannguarsi! Ukioq ataaseq anaanap specialianik tamussernikuunanga kiisami usseqqilerpara. Anaana qiviariarlugu qujaffigiganni ornippaanga kunilaarlungalu. Aqqaluara iperassanagu sofami qinngasaartuarpara, maleruutiinnarlunilu quinassaartaqattaarlunga. Tungusunniallattaarniarluta ataata sinittarfimmukarpoq nuileriallartoq assiliivimmik Canon 1100D talerpimminik tigumiarluni, qaqugukkulluunniinngooq atorneqarsinnaammat. Saamimminillu naneruuserfik tigummiarlugu, uummataasaq ammallorissoq kajortumik qalipaasersugaq, qeqqani allaqqasoq FAITH. Nikuippunga assannillu qanera aatsaqqasoq asserlugu. Kiinaa takullugu qungujuppunga. Isai immassimapput, sinngoqqavorlu. Ornillugu tunniussai nerrivimmut ileriarlugit eqerujussuarpara nipaqaratalu minutsialuit eqissimalluta.
Naneruuserfik ineeqqannukaappara, igalaallu eqqaanut ilillugu. Assiliivik ikinngilara. Ilakka pilerpakka:
“Assiliivik atoqqaarfissiorlugu qaqqamukalaarta, sila nuanneqaaq!”
Qiimasaavillunga pilerisaarivunga, pisannguakkalu piuminarnermik kamiinnariarlutik anipput. Mamarisannik tamusseqqilaariarlunga imermillu taqusseriarlunga malippakka.
Qaqigatta ila sunaana pinngortitarsuaq taama alianaatsigisoq! Imaq qatsorsimavoq, qaqqat tarraat ersarissivissimapput, arferit ataasiakkaat puisarput, qilak pujoqarani seqerngup qinngornerinik qalipaatigeqaluni timmissanik timmiaaqqanillu aarsaarfigineqarpoq. Anoraannguaq takkukkaangami naasorsunni, silaannarik alianaak. Maniitsoq tamaat isigalugu issiavugut, illarpalaarlu tusaasinnaavarput.
13 Novelle 1Fagportal
Ataatap assiliivik piukkunnermik ujamiliuteqqasara tigujumavaa, ujaqqallu angisuup qaavanut ingitillunga. Qaqqat portusuut minnerillu aputitarasaartut, qeqertat, imarlu tungujortuinnaq tunuliaqutsiullugit.
Ataata qiviaranni oqarpoq: “Paneeraraa.” Assiliillunilu.
Assiliineq siulleq, takuaa qungujuutigalunilu asseq nittarsaallugu.
Nunami nissukka paarlatsillugit issiavunga, assakkalu paarlaqqallugit. Tuikka eqqissisimapput. Paleqqavunga, kiinnamalu killingi ersarillutik. Isikka arnisarput qungujunninni millivillutik, qaqortortaat nuisarpianngillat, ersarippulli. Asseq qalipaatigeqaaq, takujuminarpungalu.
Nuannaajallannermik uikkamalu itertuusilerpunga talikka tigullugit imminut eqissimallunga isikka immassimasut, kigutikkalu nuerujussuarlutik qungujorujussuarsimasunga, ulussama nukii malugillualerlugit. Qungujuppunga.
”Minnissatsinnut piareersalerpugut. Ilaasut qinnuigineqar-put qiteruseqqullugit....”
Efterskolimit angerlanngitsiarnermini ajani pulaarpaa. Ajaa maligassiuillu-arpoq; tapersersorpaa, nersualaarlugu oqarlunilu allamik pitsaanerumik inuunissamut periarfissaqartoq. Erseqqissaappaa angajoqqaavisa taamatut inuunerat nammineq pisuussutiginngikkaa.
Ullorsiutimini allataani takusinnaa-varput pisariaqartitai neriuutaalu sin-nattutut ilisut, qanoq angajoqqaavisa asallugu paarineraat. Ima sakkortu-gisumik kissaatigitigigaluarpaa allaat ilumoorsorinarluni. Meeqqat sumigin-nagaasartut ilaat isumaqalersarput sinnattorlutik piviusumut allamut pisinnaallutik. Pisartut nuanniitsut taamaalillutik anigorsorisarlugit angerlarsimaffimmilu eqqissineqa-lerluni. Paasinarporlu piviusoq alla pisariaqartikkaat pisussaaffigalugulu. Ajoraluartumik amerlanerpaanut taa-maanngilaq. Arnaq inuusuttunnguaq sinimminit itermat siunissaa sunik nassataqarumaarnersoq naluarput, eqqoriakkanniinnarsinnaallugu.