Årsmelding 2016

Side 1 av 14

Årsmelding

Samnanger Turlag

2016

Foto: Svein O. Aadland, på fellestur til Jarlandsfjellet juni 2016

Årsmelding 2016

Side 2 av 14

Innholdsfortegnelse 1. Organisasjon .................................................................................................................................... 4

a. Oversikt og kontaktinformasjon .................................................................................................. 4

i. Hovudstyre .............................................................................................................................. 4

ii. Valnemnd ................................................................................................................................ 4

iii. Revisor ..................................................................................................................................... 4

b. Generell informasjon om styrearbeid ......................................................................................... 5

i. Gjennomførte styremøter ....................................................................................................... 5

ii. Samarbeid ................................................................................................................................ 5

c. Vedtektsendringar ....................................................................................................................... 5

d. Medlemstal og utvikling .............................................................................................................. 5

e. Dugnadstimar .............................................................................................................................. 6

2. Møte og arrangement ..................................................................................................................... 6

a. Årsmøte ....................................................................................................................................... 6

b. Turleiarmøter/arrangement ........................................................................................................ 6

c. Andre møter ................................................................................................................................ 6

3. Kurs og utdanning............................................................................................................................ 7

a. Ambassadørkurs .......................................................................................................................... 7

b. Turleiarkurs.................................................................................................................................. 7

i. Utførte kurs ............................................................................................................................. 7

ii. Nye turleiarar .......................................................................................................................... 7

c. Styreleiarkurs ............................................................................................................................... 7

d. Andre kurs ................................................................................................................................... 7

4. Aktivitet ........................................................................................................................................... 7

a. Aktivitetar i laget ......................................................................................................................... 7

i. Fellesturar, arrangement og deltakarar .................................................................................. 7

ii. Folk til Fjells ............................................................................................................................. 9

b. Tryggleik .................................................................................................................................... 10

5. Hytter og ruter ............................................................................................................................... 10

a. Gullhorgabu ............................................................................................................................... 10

6. Marknadsføring ............................................................................................................................. 11

a. Skildring av marknadsføring ...................................................................................................... 11

Årsmelding 2016

Side 3 av 14

b. Evaluering av marknadsføring ................................................................................................... 12

7. Naturvern ...................................................................................................................................... 12

8. Økonomi ........................................................................................................................................ 12

a. Kort skildring av årets rekneskap og økonomi .......................................................................... 12

b. Kort oversikt over eigenkapital, bundne midlar og frie midlar ................................................. 12

c. Framtidsutsikter ........................................................................................................................ 12

9. Takk til ........................................................................................................................................... 13

Årsmelding 2016

Side 4 av 14

1. Organisasjon

a. Oversikt og kontaktinformasjon

i. Hovudstyre Samnanger Turlag vart stifta i februar 2014 og tatt opp som det 13. lokallaget under Bergen og

Hordaland Turlag i november 2014. Me har i 2016 hatt fylgjande styre:

Verv Namn e-post Mobil

Styreleiar Evy G. Urås uraevy@gmail.com 959 40 078

Styremedlem, kasserar

Vibeke Raae raaevibeke@hotmail.com 416 54 265

Styremedlem, tryggleiksansvarleg

Niels D. Bødker niels-bodker@ofir.dk 986 19 481

Styremedlem, sekretær

Hilde Jørgensen hildejorgensen@hotmail.com 995 27 919

Styremedlem, ungdomsansvarleg

Torbjørn Storås torbjorn.storas@gmail.com 482 08 675

Samnanger Turlag har og ei eiga e-postadresse; samnanger.turlag@gmail.com.

Samnanger Turlag har ingen undergrupper eller utval.

ii. Valnemnd Medlemmar i Samnanger Turlag si valnemnd vart vald for tre år på årsmøtet i januar 2015.

Valnemnda består av tre personar:

Verv Namn e-post Mobil

Leiar Beate Aasebø beateaase77@gmail.com 473 36 151

Medlem Gunn Ø. Petersen gunn.o.petersen@kvamnet.no 924 18 236

Medlem Hilde Hisdal hildehisdal@gmail.com 918 78 749

iii. Revisor Revisor vert vald for to år av gangen. Johnny Atle Solberg vart vald inn som revisor på årsmøtet i januar 2015.

Verv Namn e-post Mobil

Revisor Johnny Atle Solberg johnny.solberg@bkkfiber.no 906 26 859

Årsmelding 2016

Side 5 av 14

b. Generell informasjon om styrearbeid

i. Gjennomførte styremøter Samnanger Turlag hadde eit styremøte i 2016.

ii. Samarbeid Samnanger Turlag gjennomfører arbeidsmøte ved behov. I 2016 har me hatt møter for å planleggja

turprogram, Kom deg ut-dagane, ungdomsturane og familieturen til Alexander Grieg-hytta. Ikkje alle

frivillige er med på alle møte, innkalling skjer etter behov.

Turlaget har ei eiga, hemmeleg gruppe på Facebook, kor mykje dialog angåande smått og stort går.

Her er både styret og dei frivillige deltakara. E-post vert og nytta.

Samarbeid innetter i turlaget fungerer generelt godt. Me er ei lita gruppe kor alle kjenner kvarandre,

noko som gjer det enkelt å koma med forslag og funderingar.

c. Vedtektsendringar Samnanger Turlag hadde ingen vedtektsendringar i 2016.

d. Medlemstal og utvikling Turlaget si overordna målsetjing er å få Samningane, ung som gamal, ut på tur.

Samnanger hadde ved utgangen av 2016 209 DNT medlemmar, mot 157 i 2015. Me er svært nøgd

med auken på 90% sidan Samnanger fekk sitt eige turlag i 2014 (110 medlemmar i 2013). Me håpar

endå fleire kjem til i åra som kjem og at familiemedlemskapet til DNT fortset å vere populært. Alle er

hjarteleg velkomne som medlemar i vårt turlag/DNT, og me håpar mange vil vere med oss ut på tur i

2017.

020

6658715

9

1032 1214 8

2918

0

68

0

50

100

150

200

250

2015 2016

An

tall

Medlemsstatistikk fordelt på type

Familie hoved Hoved Ungdom Honnør

Barn Skole Husstand Familie husstand

Årsmelding 2016

Side 6 av 14

Me ynskjer også hjerteleg velkommen alle som kan tenke seg å bidra som frivillige i laget. Ta kontakt!

e. Dugnadstimar

2. Møte og arrangement

a. Årsmøte Årsmøte vart halde 28. januar 2016 kl. 20.00, i nybygget på Samnanger Barneskule. Innkalling via

lokalavisa Samningen, Facebook, papirprogram og turlaget sine heimesider.

Oppmøtet var dårleg, berre styret og to frivillige møtte. Årsmøtet vart gjennomført etter varslet

agenda. Protokoll vart ført og signert.

Det var to styremedlemar på val; Ole Johan Klyve og Hilde Jørgensen. Hilde tok attval, mens Torbjørn

Storås vart vald inn som erstattar for Ole. Me takkar Ole for innsatsen i styret! Det er kjekt at du er

med vidare som frivillig og turleiar.

b. Turleiarmøter/arrangement I 2016 har Samnanger Turlag for fyrste gong arrangert tur for dei frivillige i laget. 26. – 28. august tok

me med både dei frivillige og familiane deira til Alexander Grieg-hytta. Sidan turlaget har så få

frivillige, er det viktig for oss å ta godt vare på dei me har og motivere dei til vidare innsats.

Hovudfokuset for turen var difor å bygge vidare på det gode fellesskapet me har, og me hadde ei

kjekk helg saman både på hytta og på fellestur til Torfinnsheim. Me hadde og ein seanse der me såg

på kva turlaget bør jobba med framover, og idémyldring til neste års program. Både dei frivillige og

familiane deltok aktivt.

c. Andre møter Arbeidsmøte i forbindelse med turar og arrangement vart gjennomført fortløpande gjennom året.

Vibeke og Evy har deltatt på erfaringsoverføringsmøte med Bergen og Hordaland Turlag og andre

lokallag. Evy har deltatt på fellesmøte i Bergen og Hordaland Turlag i mars og november.

Årsmelding 2016

Side 7 av 14

3. Kurs og utdanning

a. Ambassadørkurs Me har ikkje arrangert ambassadørkurs i 2016.

b. Turleiarkurs

i. Utførte kurs Fire personar var med kurshaldar Evy Kleivane (Kvam Turlag) på grunnleggjande turleiarkurs 24. – 25.

september. Opphavleg var det seks som skulle delta, men to vart dessverre forhindra på kort varsel.

Kurset gjekk frå Kvitingen til Gullhorgabu, med overnatting på hytta og retur neste dag. Alle bestod

kurset.

ii. Nye turleiarar Turlaget fekk fire nye grunnleggjande turleiarar i 2016.

c. Styreleiarkurs Ingen styreleiarkurs gjennomført.

d. Andre kurs To av turleiarane våre deltok på Bergen og Hordaland Turlag sitt utematkurs for turleiarar på Fløyen

16. november.

Sju frivillige deltok på kart- og kompasskurs med Per Arne Aadland frå Orienteringsgruppa til

Samnanger Idrettslag.

4. Aktivitet

a. Aktivitetar i laget

i. Fellesturar, arrangement og deltakarar I 2016 hadde me 19 fellesturar på programmet, i tillegg til Kom Deg Ut-dagen i februar og

september, og to turar spesielt for ungdom.

Opningsturen vår i 2016 var ein kveldsmattur med aking ved lysløypa på Gullbotn, måndag 18.

januar. Me var ei stund redde for at me måtte endra turen, men snøen kom akkurat i tide og det vart

ein kjempefin tur med 60 deltakarar. Me hadde totalt tre arrangement på Gullbotn i 2016; to

kveldsmatturar og Kom deg ut-dagen i februar. Me fekk veldig god hjelp frå Alf Einar Holdhus og

Årsmelding 2016

Side 8 av 14

Sverre Skulstad til alle tre arrangementa. Dei køyrde både spor og utstyr for oss. Dessverre vart ikkje

Kom deg ut-dagen like vellykka, med berre 57 deltakarar. Været får ta sin del av skulda.

På Kom deg ut-dagen i september var me derimot veldig heldig med

været, og hadde om lag 170 deltakarar. Her hadde me aktivitetar som

verve/informasjonsstand, fyrstehjelp, sett saman stormkjøkken, «kjenn

dine blad», spikking, turtipp, pil og boge, knuteskule og dra dekk. I tillegg

stilte Kiwi opp med eigen stand, og delte ut smoothies og frukt og grønt.

Turlaget hadde og varme bålpanner slik at folk kunne grille mat dei

hadde med, noko mange gjorde.

Elles må me dra fram actionturen til Voss for ungdom 28. – 29. mai. 20

ungdomar og tre vaksne reise til Voss for å klatre i klatreparken, flyge i

vindtunnelen og rafte. Det var veldig nøgde ungdomar som kom heim

att! Foto: Evy Gjerde Urås

Borna sitt turlag har hatt fem kveldsmatturar på våren (januar-mai) og

fire på hausten (august-november). Det har vore god oppslutnad om

desse turane, med eit snitt på 46 personar. Me ser fortsatt at dei turane

med spanande aktivitetar trekk flest folk, medan dei med «berre» tur

har litt dårlegare oppmøte. Som aktivitetar på kveldsmatturane i år har

me mellom anna aka og gått på ski, vore på tur med besteforeldre, jakta

på rumpetroll og bada (riktig nok i regnvær, men jammen var det ein del

uti likevel). På fleire av kveldsmatturane har det og vore grilling på bål eller bålpanne. Maskoten

Turbo har sjølvsagt vore med. Av og til som bamse som barna får bere, og av og til har han dukka opp

i levande live også. Det var stor stas for dei fleste, men og litt skummelt for nokon.

Det har vore fem familieturar av ulik lengde. Den eine var sykkeltur der me serverte is. At det regna

og knapt nok var plussgradar ute plaga ingen. Me hadde om lag 30 personar med på denne

laurdagsturen.

I år hadde me to DNT Ung-turar på programmet. Den eine var actionturen til Voss, og den andre var

kanotur med overnatting. Actionturen vart som tidlegare nemnd ein suksess, mens kanoturen

dessverre vart avlyst på grunn av for få påmelde. Kanoturen var planlagt til ei helg midt i juni, og me

trur det skjer for mykje anna (skule- og idrettsavslutningar) i denne perioden til at me greidde å fange

interessa. Turen kom og kort tid etter actionturen, og det vart kanskje for mykje.

Me prøvde oss og på to natturar i år; Gullfjellet by night og Sveningen by night. Dessverre vart begge

avlyst. Den eine på grunn av dårleg vær (skodde og regn), den andre på grunn av få påmelde.

Gullfjellet by night vert sett opp igjen i 2017.

I snitt deltok 27 personar på turane våre i 2016 (36 dersom me inkluderer KDU), mot 21 i 2015 og 26 i

2014. Styret er nøgd med oppmøtet, men me ynskjer fortsatt meir deltaking, og spesielt på turane

for ungdom/vaksne. Velkommen ut på tur!

Årsmelding 2016

Side 9 av 14

ii. Folk til Fjells Me har haldt fram med turpostordninga Folk til fjells som har vore i kommunen sidan 1998.

Det er tre faste poster som har gått att sidan 1998: Raudvatnet, Nordvikasætra og Smådalen. I tillegg

er det fire postar til kvart år. I 2016 fann me nokre nye turmål spreidd ut over i kommunen og med

ulik lengde. Blåfjellet mot Vaksdal, Sauafjellet ved Rolvsvåg, Stemmevatnet ved Sævild og

Totlandsfjellet frå Svensdalen. I Rolvsvåg finst det i tillegg eit eige lokalt turpostopplegg.

Me har talt opp kor mange som har skrive i bøkene i 2016:

Raudvatnet 757 (Snitt 493)

Nordvikasætra 298 (snitt 264)

Smådalen 381 (snitt 354)

Stemmevatnet ved Sævild 162

Totlandsfjellet (Dyre) 109

Blåfjellet (Vaksdalsfjellet) 106

Sauafjellet 53

Til saman 1866

Det er over snittet på 1836 noteringar pr. år frå 1998-2016. Dei tre faste

postane gjer det bra i 2016 og på Raudvatnet er det ny rekord. Kva turmål ein plukkar ut påverkar

statistikken og det er kjekt å sjå at mange tok turen til dei nye turmåla og. Sesongen kom i gang frå

byrjinga av mai i år og bøkene vart tatt inn i byrjinga av november.

Me har trekt tre premiar blant dei som har skrive i bøkene.

1. premie; Ortovox Kodiak snøspade Marit H. Hadeland, Tysse (Smådalen)

2. premie; DNT silkelakenpose Lukas Utskot, Øystese (Raudvatnet)

3. premie; DNT tova sitteunderlag og Odd Lasse Bruås, Espeland (Sauafjellet)

DNT matpapir

Årsmelding 2016

Side 10 av 14

b. Tryggleik Eit turlag må ha fokus på tryggleik og vurdera risikoen på arrangementa ein tilbyr. I Samnanger Turlag

har Niels D. Bødker rollen som tryggleiksansvarleg.

Eit fokusområde for å styrkja tryggleiken er å utdanne turleiarar etter DNT sitt eige program. Ved

utgangen av 2016 har me sju personar med grunnleggjande turleiarkurs. Me håpar at me får fleire til

å ta grunnleggjande kurs i 2017. Likeeins håpar me at nokon og går vidare på sommarturleiarkurs, slik

at me kan bruka utdanna turleiarar på fellesturane våre. Dette vil kunne gje ei større breidde i

turtilbodet, med eksempelvis turar over fleire dagar i fjellet og turar i fjellområde utanfor

nærområdet vårt.

For å dekke trongen for trykkleik på aktivitetar i tilknyting til vatn, har me knytt til oss tre personar

med livredningskurs. Ein av desse sit i styret, medan ein annan har grunnleggjande turleiarkurs.

På kveldsmatturar held alltid deltakarane veldig ulikt tempo, sidan dei ofte er spreidd over fleire

aldersgrupper. Me stiller derav alltid med to turleiarar, slik at ein kan vere i front og ein heilt bak. På

denne måten sikrar me at ingen spring av garde på eiga hand, og ingen vert etterlatt.

Turane våre er gradert etter vanskegrad, slik at ein sjølv kan vurdera om det er ein tur ein klarar å

delta på. På lengre turar og påmeldingsturar vil turleiar i forkant av turen verifisere at alle

deltakarane har føresetnad og utrustning til å gå turen. På DNT-Ung turen til Voss i år, var det nokre

som ikkje hadde gode nok kle med seg. Dette til tross for at me i to omgangar var i kontakt med dei

føresette med informasjon om pakkeliste. Me fekk heller ikkje oppgitt all medisinbruk, sjølv om me

spesifikt bad om slik informasjon. Me vurderer difor fellesmøte med føresette i forkant av slike turar,

men er redd dei aktuelle ikkje vil stilla her heller. Me vi ta i bruk eige skjema for medisinbruk, som må

returnerast til oss i forkant av turen.

I DNT-systemet er det gode malar og skjema som me nyttar i tryggleiksarbeidet. I forkant av turane

får nye turleiarar tilsendt ein link til skjema for risikovurdering. Dette skjemaet skal, saman med ei

evaluering av turen, sendast til turlaget sin e-post eller dropbox for gjennomgang, evaluering og

arkivering.

5. Hytter og ruter

a. Gullhorgabu Bergen og Hordaland Turlag si hytte Gullhorgabu ligg ved Nedre Gulltjørn i Samnanger kommune.

Samnanger Turlag har tilsyn med hytta, og hyttetilsynet har i 2016 vore samansett slik:

Leiar Niels Dyrøy Bødker Medlem Arnfinn Jørgensen Medlem Margunn Lønnebakken Medlem Vigleik Tysseland Medlem Per Arne Aadland

Årsmelding 2016

Side 11 av 14

I 2016 hadde me sju ordinære tilsyn og to dugnadar. På

dugnaden i juni var ni vaksne med og gjorde ein fantastisk

jobb frå fredag til søndag. Den største enkeltjobben var

beising av alle tre bygningane. Elles var det dei vanlege

oppgåvene med å stabla ved, skifta sengetøy, vaska alle

senger og alt inventar, fylle på proviant m.v. Det gjekk

relativt greitt å få folk med på dugnaden.

Foto: Niels Dyrøy Bødker

I oktober vart det med få dagars varsel bestemt å ha dugnad tysdag i haustferien. Det var sjølvsagt

vanskeleg å få folk til å stilla, men det ordna seg til slutt.

Dei ordinære tilsyna har vore fordelt jamt utover året, og i motsetnad til i 2015 har det i år ikkje ført

til uforholdsmessig stor belasting på enkeltpersonar. Hyttetilsynet har begynt arbeidet med å setja

opp rullegardin i sikringshytta og på utvalde rom i hovudhytta. Arbeidet vert truleg ferdig seinast på

dugnaden i juni. Det var hyttevertar på Gullhorgabu i september i år òg, og dei tok dei fleste av

tilsynsoppgåvene i denne perioden. Totalt har tilsynet lagt ned over 150 dugnadstimar i løpet av året.

Det var dårleg vêr stort sett heile sumaren, men ein fin haust gjorde at besøkstalet likevel tok seg

noko opp. Me enda på om lag 1990 registrerte besøk i 2016.

6. Marknadsføring

a. Skildring av marknadsføring Samnanger Turlag nyttar ulike kanalar for å marknadsføre turane:

Papirprogram

Lokalavisa Samningen

Nettsidene til Samningen

Heimesidene våre

Facebook

Samnanger kommune sine heimesider

Plakatar i barnehagane og på SFO

På Samningen og kommunen sine heimesider, er alle turane våre ført opp med dato og type.

Kvart år lagar me eit papirprogram som me delar ut til alle husstandar i kommunen. Me ser det heng

på kjøleskap rundt omkring. På heimesidene til Samnanger Turlag, ligg alle turar med ein kort

skildring. Detaljnivået aukar jo nærare turstart me kjem.

I forkant av kvar tur me arrangerer, har me ei lita annonse i Samningen for å minne folk på turen, og i

tillegg legg me informasjon om turen på Facebook.

Årsmelding 2016

Side 12 av 14

b. Evaluering av marknadsføring Me har ikkje føretatt noko grundig evaluering av marknadsføringa. Me har heller ikkje endra særleg

på denne. Me har vurdert å ta i bruk arrangementsfunksjonen på Facebook, men har ikkje brukt den i

2016.

7. Naturvern Samnanger Turlag har ikkje vore involvert i naturvernsakar i 2016.

8. Økonomi

a. Kort skildring av årets rekneskap og økonomi Rekneskapen for 2016 er gjort opp med eit overskot på kr 50 159,45 mot budsjett på kr 42 849 i

overskot. Me har mottatt kr 111 577 i ulike tilskot/støtte/dugnadsmidlar. I tillegg har me fått del av

medlemskontingent frå DNT og grasrotmidlar frå Norsk Tipping. Auka medlemstal gav ein auke i

medlemskontingenten på kr 4 240 frå i fjor. Nytt i år er at me har fått ein pott av mva-

kompensasjonen til DNT. Og så har me hatt påmeldingsavgift på turar i år. På inntektssida fekk me

ca. kr 47 000 mindre i tilskot og andre inntekter enn budsjettert. Nokre tilskot vart lågare enn omsøkt

og me fekk for få påmeldte til eit par turar med påmeldingsavgift, så me måtte avlyse desse.

Kostnadssida vart naturleg nok lågare også då.

I 2016 har me hatt kr 112 416,55 i utgifter. Dei fordeler seg på annonsering, kurs og samling,

aktivitetane våre, årsmøte og dropboxleige, og investering i turutstyr. Sjå vedlagt rekneskap for

nyinvesteringar i 2016. Ein del av investeringane er ført på Kom deg ut-dagane, då me søkte om

midlar frå DNT, sidan innkjøpa er typisk til dei dagane. Derfor er det brukt mindre enn budsjettert på

turutstyr og meir på Kom deg ut. Me hadde budsjettert med investering i satellittelefon, lavvo og

actionkamera også, men det er ikkje kjøpt inn.

b. Kort oversikt over eigenkapital, bundne midlar og frie midlar Samnanger Turlag har kr 89 390,51 på bok ved årsskiftet. Av desse er kr 12 063 bundne midlar frå

Sparebanken Vest som skal gå til satellittelefon i 2017, resten er frie midlar. Dei midlane som er til

overs vidarefører me til aktiviteten og investeringar i 2017 og har ein solid kapital i botnen.

c. Framtidsutsikter Me auka plassane på actionturen til Voss ifht budsjett, sidan me fekk lang venteliste og valte då å

investere i ungdommen som ville vere med oss på tur. Det var det vel verdt og me ynskjer å satse

meir på den gruppa i 2017. Då må me søke om midlar for å få ned eigendelen til deltakarane, sidan

me har litt ekstra opplegg for ungdommane som kostar litt. Me har bygd oss opp ein grei utstyrspark

desse tre åra, så det vil nok ikkje vere så stort behov for investeringar der, men me vurderer å kjøpe

Årsmelding 2016

Side 13 av 14

ein skaphengar til å oppbevare/frakte alt utstyret i. Me har nokre faste avtalar om dugnadsmidlar

som gir oss fri kapital og desse held fram i 2017 (hyttetilsyn og partnerskapsavtale). Me ser oss

uansett nøydd til å ha pengar att på bok for å kunne dekke arrangementskostnader for fyrste halvår,

då midlar ein kan søke på ikkje vert utbetalt før i juni eller etter at arrangementet er ferdig og

rapportert på, og dermed betalt for og.

9. Takk til

Me vil til slutt takke dei som har støtta oss, stilt opp som frivillige og deltatt i året som har gått.

Tusen takk til Bergen og Hordaland Turlag, DNT sentralt, Samnanger Kommune, Sparebanken Vest,

Extrastiftelsen, Frifond og Kiwi Bjørkheim/Vest.for økonomisk støtte i 2016. Takk til alle i Samnanger

som har betalt kontingent til DNT i 2016. De bidreg til vårt aktivitetstilbod. Me vil også takke alle som

har valt Samnanger Turlag som mottakar av grasrotmidlar. Alle midlar kjem godt med.

Stor takk til dei tilsette i Bergen og Hordaland Turlag for godt samarbeid og velviljen de har for å

hjelpe lokallaga. Tusen takk Alf Einar Holdhus og Sverre Skulstad for løypekøyring og tilrettelegging

av akebakke, samt frakt av utstyr i samband med turar og Kom deg ut-dagen på Gullbotn. Det set me

utruleg stor pris på! Takk til Alpingruppa i idrettslaget for lån av slalåmportar. Takk for lån av

parkeringsplass Anton. Takk til Voss Rafting for flott opplegg for ungdommane på actiontur. Me kjem

igjen! Tusen takk til kommunen for lån av idrettsanlegget til Kom deg ut-dagen. Supert at Kiwi var

med oss på Kom deg ut-dagen – tusen takk Håvard og Håvard! Takk til Røde Kors for lån av Anna-

dokke og utstyr til førstehjelpsstand, og takk til markørane. Tusen takk til «Turboreven» for å ha

dukka opp på turar og arrangement og fått så godt lag med borna.

Tusen takk for ein fantastisk jobb til heile hyttetilsynet og til alle andre som har vore med på dugnad

på Gullhorgabu eller hjelpt hyttetilsynet når ein har vitja hytta eller vore hyttevertar. Stor takk til

Marit i Bergen og Hordaland Turlag for godt samarbeid rundt tilsynet.

Tusen takk til Beate Helle for flott designjobb på programmet vårt, og takk til alle som køyrde/delte

ut programma i postkassane.

Tusen takk til alle som har stilt som turfylgje/turleiar i 2016 og til dei som har hjelpt til i samband

med turane/arrangementa våre eller lagt ut/henta bøker for Folk til Fjells. Stor takk til Evy Kleivane

for utdanning av fire grunnleggjande turleiarar i laget og likeins til Per Arne Aadland for kursing av

turleiarar i kart og kompass.

Og tusen takk til den anonyme givaren av åtte små tursager til stirydding – dei skal takast i bruk til

våren.

Til slutt må me få takke alle som har deltatt på vårt aktivitetstilbod i 2016. Me håpar me ser mange

att og ynskjer nye og gamle turdeltakarar velkommen ut på tur med oss i 2017. Og skulle nokon vere

gløymt her sender me ei stor takk til dei og.

Årsmelding 2016

Side 14 av 14

Styret i Samnanger Turlag

Evy G. Urås

Vibeke Raae

Hilde Jørgensen

Niels D. Bødker

Torbjørn Storås