1

САШО ПАЛЄНКАШ

ШЛЇДИ ЖИТА

ПОЕЗИЯ 2007.

ЕЛЕКТРОНСКА КНЇЖКА

САМОСТОЙНЕ ВИДАНЄ

2

3

www.issuu.com/sasa.paljenkas

www.facebook.com/sasa.paljenkas.music

4

Албум `Шлїди жита` мой перши албум на хторим тексти у цалосци на руским язику. Атмосфера

хтора ме окружовала под час твореня того албуму була нєобчековано позитивна, та и тексти

дакус веселши.

Писня `Каменє моцне` писана з идею же би то була гимна войводянски Руснацох. Пришли з

лєса и горох, у зною и блаце будовали свой нови швет!

`Кед ствари...`- любовни бриґи двоїх младих... Текст хтори у ориґиналу настал на сербским

язику, а я го познєйше пре албум преложел на руски язик. Ориґинал, сербску верзию сом

посилал як прияву на єдну з Беовизийох.

Найчуднєйши амбиєнт бул при твореню тексту `Случи ше...`. Руски Керестур нє вельке

населєнє, алє шанси же би ше дакого хто жиє на цалком другим концу валала порядно

стретало, релативно мали. Мнє ше случело цошка цалком контра од того. Єдну особу сом

константно почал стретац и по даскельо раз на дзень, гоч нє було даякей лоґики – поготов пре

вельку оддалєносц наших обисцох. Судьба, даяки знак? У каждим случаю инспиративне!

`У ритму Желєней загради` инспировани зоз приповедками як ше млади дакеди у Руским

Керестуре забавяли, односно як рокенрол вообще и вошол до самого валалу.

Накадзи подумаме же швет коло нас уж досц шалєни, докаже нам ше супротне. Так и при вязи

двоїх особох. Меняю ше параметри, смаки, чувства. `Питанє идентиту` написана под час мойо

служеня порядного войного року. Скоро нараз, до мнє почали доходзиц информациї же ше

перше єдни розведли, вец други, а потим и треци. Шицко млади пари зоз голєм єдним

дзецком. За мнє то були нєвироятни вистки.

Єден од найпозитивнєйши текстох хтори сом написал,`Нєбо єдней особи` , поволує особу же

би була ище позитивнєйша – и теди кед є нє!

Сашо Палєнкаш

5

З М И С Т

КАМЕНЄ МОЦНЕ – бок 7

КЕД СТВАРИ НЄ ВИПАТРАЮ ТАК ЯК ИХ МИ ВИДЗИМЕ – бок 8

NERASKIDIV SPOJ – str 8

СЛУЧИ ШЕ ЧЛОВЕКОВИ ЖЕ У ЦЕКУ СВОЙОГО ЖИВОТА СТРЕТНЄ ТАКУ ОСОБУ О КОТРЕЙ

ЗДОБУЄ УПЕЧАТОК ЖЕ ШЕ ДАКЕДИ УЖ И ПОЗНАЛИ – бок 10

У РИТМУ `ЖЕЛЄНЕЙ ЗАГРАДИ` - бок 13

ПИТАНЄ ИДЕНТИТЕТУ – бок 14

НЄБО ЄДНЕЙ ОСОБИ – бок 16

NEBO JEDNE OSOBE – str 16

КРАТКА БИОҐРАФИЯ – БОК 18

6

҉

7

КАМЕНЄ МОЦНЕ

Боси ходзиме по мокрей жеми,

блато нам преходзи през пальци.

Гоч сами, ми нїґда нє напущени,

ми тоти хтори тримаме нашенє у своєй гарсци!

Часц по часц, през час

з мутлянки правиме `злато`!

Жем уж постала часц нас,

бо и так нам `шмати` дакеди було блато!

През лєси, през гори,

през трапенє, през болї!

Зной пущени, сни трацени,

алє ми каменє моцне з твардей стини одвалєни!

Ми каменє гори, розруцане ширцом по тей далєкей долї!

8

КЕД СТВАРИ НЄ ВИПАТРАЮ ТАК ЯК ИХ МИ ВИДЗИМЕ NERASKIDIV SPOJ

Ходзиш коло мнє помалки, Hodaš pored mene polako,

твой крочай провадзи мой. tvoj korak prato moj.

И ми ше тримаме за руки, I mi se držimo za ruke,

нє мож розтаргнуц наш спой! neraskidiv je to spoj!

За нами драга з церня, Iza nas je put trnovit,

алє прешли ю ми гет! ali prošli smo to sve!

У твоїх очох видзим Бога, U tvome licu vidim Boga,

Вон чува наш швет! On sa nama je!

Нїґда лєгко нам нє було, Nikad nije bilo lako,

а тераз найчежше. a sad najteže je.

Ти пущаш мою руку Ti puštaš moju ruku

и помали оддалюєш ше! i polako udaljavaš se!

Я на це кричим, Ja te kličem,

я це модлїм, ja te molim,

я це любим, ja te volim,

9

я преклїнам це! ja preklinjem te!

Ти мой початок, Ti si moj početak,

ти ми и край! ti si i moj kraj!

Остань – я доволуєм це! Ostani – ja dozivam te!

10

СЛУЧИ ШЕ ЧЛОВЕКОВИ ЖЕ У ЦЕКУ СВОЙОГО ЖИВОТА СТРЕТНЄ ТАКУ ОСОБУ О КОТРЕЙ

ЗДОБУЄ УПЕЧАТОК ЖЕ ШЕ ДАКЕДИ УЖ И ПОЗНАЛИ

Блукам уж длуго, блукам по цмоти,

нїґдзе нє видзим анї зарю шветлосци.

Шицко цо сом думал же постої

було випатра у моєй глави.

Ми ше дакеди и познали,

даґдзе зме мриї вєдно лапали.

Єдно друге зме оганяли,

алє випатра лєм у моєй глави!

Блукам по цмоти, глєдам жирячку,

шлїд хтори ши ми охабела.

То доказ же постоїш,

же то нє було у моєй глави!

Ми ше дакеди и познали,

11

Як мали дзеци зме ше оганяли.

Єдно до другого зме ше задзерали

и знам, то нє було у моєй глави!

Блукам уж длуго, блукам по цмоти,

глєдам шлїд, знам же постої.

Блукам уж длуго, блукам по цмоти,

глєдам жирячку котра як огень гори.

Блукам уж длуго, блукам по цмоти,

глєдам шлїд, знам же постої!

Ми ше дакеди и познали,

алє завар сом очи и ми сон постали.

Тото же зме дакеди и исновали

записане дзешка у моєй глави!

12

҉

13

У РИТМУ `ЖЕЛЄНЕЙ ЗАГРАДИ`

Каждей соботи идземе джускац,

каждей соботи до `Желєней загради`.

Там зме цале дружтво, шицки вєдно,

там будземе вично млади!

Перши такти рокенрола

у тей `загради` затанцовани.

Свойо мриї єдни о других

у ритму рокенрола зме виполньовали.

Рокенрол ше танцовал до рана,

шицка маса поприберана,

родичи нас нїґда нє могли розумиц

цо у рокенролу єст красне видзиц!

14

ПИТАНЄ ИДЕНТИТУ

Отвориш шерцо, ошлєбодзиш думки,

патриш до очох, алє нїхто нє розуми.

тримаш за руку, водзиш зоз собу,

до уха пошепташ, алє нїхто нє чує!

Уж барз стари тот швет же би ше двойо у нїм могли порозумиц!

Барз змудрел тот швет, кед живот свой без гриху нє мож виполнїц!

Хто ми?

Кед цинь свой нє любиме.

Прецо нам слова почали буц компликовани?

Хто ми?

Кед по шерцу своїм ґажиме.

Вше нам битне цошка инше цо нє нашо и цо нє любиме!

15

Кед повем циґанство, кед джмуркнєм на другу,

аж вец ме нїхто нє розуми.

Тераз гнїваш ше на мнє, нє любиш ме вецей,

з гриху настало, у гриху най и спреє!

16

НЄБО ЄДНЕЙ ОСОБИ NEBO JEDNE OSOBE

Заври очи и поведз ми якей фарби нєбо видзиш? Zatvori oči i reci kakve boje nebo vidiš?

Чи є чарне без гвиздох, чи є белаве як морйо? Da l’ je tamno bez zvezda, il’ je plavo k’o more?

Вежнї щеточку, намалюй го. Uzmi četkicu, naslikaj ga.

Каждо поцаг най будзе єден стих! Svaki potez nek’ bude jedan stih!

Заври очи и поведз ми як це слунко греє? Zatvori oči i reci mi da li te sunce greje?

Чи кажда його заря доходзи до це? Da l’ svaki njegov zrak dopire do tebe?

Вежнї щеточку, намалюй го. Uzmi četkicu, naslikaj ga.

Кажда заря най будзе єден стих! Svaki zrak nek’ bude jedan stih!

Фарби най шпиваю! Boje neka pevaju!

Як хорски гласи най ше преплєтаю! Kao horski glasovi neka se preplidu!

Їх глас далєко най ше чує. Njihov glas daleko nek’ se čuje.

Малюнок най будзе єден цалком нови швет! Slika nek’ bude jedan sasvim novi svet!

Отвор очи и опач до води. Otvori oči i pogledaj u vodu.

Чи видзиш у нєй свойо слунко и свойо нєбо? Je l’ vidiš u njoj svoje sunce i svoje nebo?

17

Чи им габи фарби нє змишали? Nisu li im talasi boje pomešali?

Чи их мутна вода до глїбини нє поцагла?! Nije li ih mutna voda povukla u dubinu?!

Фарби най шпиваю! Boje neka pevaju!

Як хорски гласи най ше преплєтаю! Kao horski glasovi neka se preplidu!

На нєбу белавим слунко най вше швици! Na nebu plavom sunce neka uvek sija!

Нїяка хмара анї глїбока вода Ni jedan oblak ni mutna voda

тот малюнок най нє зацми! tu sliku nikad ne pomuti!

18

КРАТКА БИОҐРАФИЯ

Од 1989. року сом активни у култури, а зоз твореньом починам даскельо роки

познєйше. Перши искуства твореня починаю у музики, же би ше пре нєдостатки

текстох коло музики почало и зоз писаньом даякей файти поезиї, а гет познєйше и зоз

прозу.

Прозу обявюєм од 2001. року прейґ Литературного слова, часопису „МАК“ и часопису

„Шветлосц“. Даскельо писнї обявени и у рамикох компилациї поезиї „FRAME“ у виданю

часописа МАК, а кратки приповедки у антолоґиї литератури младих „Дзеци з урбаного

гумна“ академика Юлияна Тамаша. 2009. року сом достал награду „Мирослав

Стрибер“ за литературне творенє, а истого року сом достал и награду „Зарї култури“

Културно-просвитней заєднїци општини Кула. Радийска емисия Радио Нового Саду

„Останьце нашмеяни“ ме два роки за шором виберала за „Найруснака“.

У априлу 2010. року обявуєм свою першу кнїжку, под назву „Пред нами“.

Нєдавно сом обявел и свою першу кнїжку на сербским язику „U Jednom dahu“.

Гоч векшином пишем на руским язику, творим и на сербским и английским язику.

19

Музична часц биґрафиї:

Як Сашо Палєнкаш:

2014. албум „Метрополис“

2014. албум „В4ВИЛОN“

2011. албум „Страсци“

Як Paradox1:

2008. албум „Шлїди жита“

2007. албум „PIOD“2

2004. албум „Rootenica“

2001. албум „Wicked Apotheosis“

1 Мой бенд хтори функционовал од 1997. по 2011. рок. Гоч зме грали як бенд, автор шицких

композицийох и текстох була я.

2 “Perception is our dimension“ зняти ище 2004. року, алє є видати аж 2007. у рамикох МАКовей МП3

компилациї МАК ДЕМОни.

20

Дизайн и ушорйованє кнїжки – Сашо Палєнкаш

҉