seniorenversjlaag: hartverwarmende vechtlust de sjter 1, goeie … · 2019-09-25 ·...
TRANSCRIPT
Seniorenversjlaag:
Hartverwarmende vechtlust De Sjter 1, goeie seizoenssjtart 2e elftal,
Roy Vanmulken en Jos Ostendorf debuteren bie veteranen!
Zo, ut nuuje sezoen is aafgeloupe weekend waer officieel van sjtart gegange mit de eesjte
competitiewedsjtrieje van ozze seniorenteams. Dees seizoens-ouverture leverde wisselende
resultaten op. Os eesjte elftal maakte sinds veule decennia heure rentree in de eesjte klasse
en moosj ut helaas aaflegke, oet taege ZSV. Auch ut driede en veerde begoosjten mit
nederlagen taege respectievelijk RKHBS 4 (4-7) en Born 4 (3-1). De veteranen hubbe dit
sezoen al veier partieje gesjpeeld. De resultaten woare teleursjtellend mit drie nederlagen
taege Tuddern, Margraten en Catsop, maar de belangriekste wedsjtried (thoes taege Haslou)
woort glorieus gewonne.
Ozze dames kenden un prima baeker-campagne maar houwe in hunne eesjte
competitiewedsjtrieje unne off day (1-6 taege IVS/Caesar).
Positieve noten woare d’r echter auch. Zo won os tweede elftal oet taege MMC Weert 3
euvertugend mit 0-4. En os 7x7 damesteam is heerlijk aan heure competitie begoosj mit 6
euverwinninge, 1 gelieksjpel en 1 nederlaag in heur eesjte twee competitie-runje (die in
toernooivorm waere aafgewirk).
Genog te sjrieve dus waer. Gelukkig veur de sjriever van dit sjtuk woare nog neit alle
versjlaaggaevers op sjtoom, wodoor de knip- en plek-last enigszins beperkt bleef.
Desalniettemin genog te lache tiedes ut laeze van de eesjte versjlagen van de velje, kantines
en kleidlokalen van os seniorenteams. Loate veer dus maar sjnel beginne.
En dat doon veer dees waek mit ozze dames. Die kenden unne prima baeker-competitie mit
goud sjpel, veul goale en dus veul gejuich noa aafloup:
En auch in de cafe’s lete ozze dames zich prima gelje in de veurbereiding op ut nuuje sezoen:
Helaas veur ozze dames koosj dae lien neit doorgetrokke waere in de eesjte competitie-
wedsjtried. Veur ut sjrieve van un versjlaag woar dan auch weinig animo.
Gelukkig woort d’r waal nog gedeild wae de eenzame goal houw gemaak. En… op de valreep
woort auch nog un heuglijk feit gedeild. Want veur ut eesj in drie seizoene tied houw Robin
Martens get om greutsj op te zeen rondjom ut voetballe:
Auch van ut veerde gein versjlaag dees waek. Waal gelukkig nog un ingezonje foto euver de
wedsjtriedveurbereiding van super-clubman Mark Habets:
Dan sjakele veer euver noa os tweede elftal. Jari Knoops deig, zo wie vanouds, de aaftrap
door un iezersjterk versjlaag aan te levere euver de belaevenisse van de jonges van Stef
Conjour, oet taege MMC Weert:
Met een enigszins gehavend team vertrok De Ster 2 naar Weert veur de opener van het
seizoen teae MMC Weert. MMC, veurig joar gepromoveerd leek op voorhand eine lestige
teagenstenjer veur ut veurig jaor gedegradeerde De Ster 2. Stef Conjour is auch dit jaor
trainer van ut tweade ilftal en weurt doabie ongersteund door good-old alleskunner Robert
Kraus en neafke en tevens oud sjpeler van het tweade Pascal Conjour. auch dit jaor zal Roy
van Mulken de vlag hanteren, echter is deze veurluipig nog oetgeschakeld mit ein blessure.
Op de traininge de aafgeloupe weake laupe weer 2 auwe bekinde rond. Bas “Rambo” Linders
en Stan Goossens versjiene regelmatig mit ut tweede op ’t trainigsveld. Stan veurnamelijk om
zien conditie op peil te hauwe mer Bas zien doel is zien rentree weer maken en hea deit er
dan auch alles aan.
In de beaker werd de eerste officiele wedstrijd van ut seizoen verloare teage SV Argo 2 mit
maarleefs 6-3. Doelpunten werden toen door René, Geoffrey en Henri Rojas Ramirez
gemaakt. De tweade wedstrijd van de beaker werd thoes geownne van Meerssen 2, Frank
scoorde allbei de goalen. De litste beakerwedstrijd werd in Stein-Zuid gewonne van Haslou 2
mit maarleefs 0-3, Geoffrey, Omar en Jari zurgde doa in Zuid veur de goals. Oeteindelijk
kwoame ver 1 goal tekort om door te goan in de beaker, Heffels bedank jong dasse auch dit
seizoen eine keer mit hubs gedoan bie os…
Dan noa de eerste competitie wedstrijd teage MMC, Stef mistte toch ein aantal spelers door
blessures en angere verplichtingen. Zo ontbroken Steffan, Cyrill, Erik en Hugel. De opstilling
dea op ut bord geteikend werd waor es volg:
Kis: Donny
Achter : Frusj, Joep, Jari en Kenny
Midden : Frank, Gino en René
Veur: Geoffrey, Bart en Omar
Bank: Tycoho, Brian en Stan Wessels
Vlag: Sem Conjour.
De wedstrijd startte al get later omdat de sjeids van deens ziene rollator kwiet waor en dea
nog urgens aan ut zeuke waor. Wie er dea gevonge leek te hubbe waor er de vlagge in ut
kleidlokaal vergeate/ De start van de formule 1 kooste ver os al bienao door de naas baore
door dit getreuzel… Veur de wedstrijd werd mit MMC nog effe gelachen euver wat veur eine
topper oud trainer Ronny Czornyj is. Dat hea auch ein gooj indruk in Weert achter heat
geloate moag waal duudelijk zeen ! De wedstrijd begoos en eigenlijk vanaaf minuut 1 hub ich
medelijden gehad mit supporters die deze wedstrijd hubbe gekeken. ’t Waor ech neet om aan
te zeen. Verkeerde aannames, bel onger de voot door, bel euver de zielien, bel onger de
huuve (he Kenny) en gank mer effe zo door. Ech alles ging fout aan ozze kant. MMC deeg
echter doodleuk mit dus ’t sloog werkelijk nurges op. Toch koame ver op veursprong door
René dea warempel de bal van de keeper in de veut gespeeld kreeg en zo veur de 0-1 moch
aanteikene !.eigelijk waor dat vriewaal ’t enige wat mig bie is gebleven van de jetste hilf... in
positieve zin dan. De tweede hilf waor al ietsjes beater mer eigelijk nog altied sjlech. Geoffrey
maakte de 0-2, Bart de 0-3 en Frank, vanaaf de middenlien de 0-4. Ederein is aan spelen
toegekomme en Tycho hej zeker ein gooj invalbeurt. De wedstrijd werd gelukkig mit 0-4
gewonnen mer eigelijk hej dit mekkelijk ’t dubbele kenne zeen. Merjea ut ging vandaag neet..
Ach ja, mesjiens woar ut sjpel nog neit geweldig, maar de eesjte driepunter is binne. Klasse
mannen. In jeder geval unne positieve flow.
En extra sjiek om te laeze dat Stan Goossens en Bas Linders mittraine en dus waer de waeg
truk noa os clubke hubbe gevonje. Twee van dees klasbakken kense ummer goud d’r bie
hubbe!
Van ut tweede elftal goan veer door noa de mannen van 1. Die houwe unne succesvolle
baeker-oapening gekend en ginge dus vol goeie moud richting ZSV veur de eesjte wedsjtried
in de 1e klasse, noa de geweldige promotie van veurig sezoen. Randy Wanten deit, op un
geweldige maneier versjlaag van ut ganse gebeure:
Het versjlaag van de ster 1 beginne v’r mit eine korte throwback noa aafgelaupe zomerstop.
Alle spelers hei ein laupschema gekreege om fit te blieve tiedens de zomerstop.... maar de
verzurger mosj zien skills natuurlijk auch up-to-date hauwe:
Dan woar het tied veur de 1e training. Sins joar en daag geldt eine boete veur het bellen in
het kleidlokaal. Giel Piereij hei doa duudelijk effe neet aan gedach en kwoam op de 1e
trainingsdaag bellend het kleidlokaal binnelaupe. Dat beteikent direct ein record, veur de
snelste boete in ein seizoen!
In diezelfde waek hubbe ein aantal selectiespelers mitgeholpe bie de soccerweek bie de ster.
Dani greep die gelegenheid aan om veur zien studie ein spreekbeurt te geave aan de klein
kinjer:
Vervolgens mot het volgende nog mit uch gedeild weare: dit seizoen zou davy hodselmans
weer aanveurder zeen. Sjoerd hei ech verwach dat hea zelf aanveurder zou waere, en kosj
zien oren dus neer geluive wie bekind woort dat davy de aanveurdersbandj zou draage.
Onderstoand ein foto van het moment dat Sjoerd dit sjokkende nuujts te heure kreeg:
Het volgende onderwerp dat bie de ster 1 speelt is racisme. Ondanks dat v’r maar twee
broene jonges in het elftal hubbe, bliekt d’r auch bie os sprake te zeen van racisme. Timo
haberland (1 van de twee broene) kreeg het namelijk veur elkaar om binne twee wedstrijden
gesjorst te zeen in de beker. Mike haberland (de andere broene) speelde direct de befaamde
‘racisme-kaart’.
Dat de verhoudingen soms op sjerp weare gezat bie de ster 1 bliekt auch dit seizoen weer het
geval. Frank Haenraets haet de boel éch op sjerp gezat, door mit de mam van ein van zien
ploegmakkers te goan daten:
Noa alle doodsbedreigingen die Frank vervolgens kreeg, durft Frank allein nog maar
onherkenbaar door stein de manouvreren in dit kostuum:
Dan euver noa de wedstrijd teage ZSV. Noa ein goeje veurbereiding van de ster 1 sting
vandaag de eerste competitie wedstrijd op het programma.
Aan de veurbereiding op de wedstrijd zal het neet ligge, want good-old Barry Haberland hei
cake (volgens eeuwen-oud geheim recept) gebakke veur de spelers.
Onderweag noa Deurne mossje de twee jonges oet midden-limburg (Boyd en Ruud) nog
opgepik weare. Gelukkig woare de twee jonges snel gesignaleerd langs de autowaeg:
Dan euver noa de wedstrijd zelf.
Einmaal aangekomme bie ZSV kwoame bie de sjriever van dit sjtuk gooje herinneringen noa
boave..: de litste keer dat v’r hie mit de ater sjpeelde, sting good old Rudy Crutzen ‘Buffon’
nog in de goal en keepte toen ein wereldpot... noe hubbe v’r ein roodgekleurde variant oet
remunj in de kis stoan: Ruud ‘Moaaat’ Sjuman.
De rest van de verdediging besting oet (v.l.n.r) Randy, Timo, Davy en Roel. Op ‘t middeveld
stinge Mike, Bob en Jeroen. Veurin stinge Boyd Giel en Guillermo.
Toen woar het zo ver: hauf 3, noa 43 joar afwezigheid in de 1e klasse speelde de ster weer op
dit niveau.
De wedstrijd begosj aaftastend. Zsv hanteerde veural de lange crossbal de heuk in, en de ster
probeerde zich via de snelle vleugelaanvallers noa de goal te combineren.
ZSV kreeg ein paar goeje kansen, maar wist deze neet te verzilveren.
Aan de andere kant kreeg de ster goeje kansen via o.a. Guillermo.
Noadat ZSV 2x kort bie ein doelpunt oet de corner woar, wisten ze oeteindelijk te scoore. Eine
veurzit van de ziekant woort door de aanvaller van ZSV mooi via de binnenkant van de paol
binnegekop... 1-0.
Neet veul later wist ZSV opnuuj te scoore: de leepe nummer 10 van ZSV stapte handig euver
de bal heen, en de spits kosj vervolgens 1-op-1 doorlaupe op Ruud. Hea miste neet, en
scoorde 2-0.
Vervolgens woar het de ster die het spel ging maake, maar d’r woort neeteer gescoord veur
rust.
Noa de rust woar de opstelling van de ster gewijzigd.
Mike woar gewisseld, en Stan Loog woar ingevalle centraal in de verdediging. Timo ging
vervolgens op het middeveld speele.
De hele tweede hilf woar de ster de ploog sie het spel maakte, maar kwoam moeilijk tot aan
de goal van ZSV.
ZSV kreeg gein echte groote kansen meer... maar de ster auch neet ech meer.
De ster debuteerde zodoende helaas mit in 2-0 nederlaag bie ZSV in de 1e klasse. Helaas,
maar de ster moag mit opgeheeve hoofd truuk noa stein! V’r woare zeeker neet de mindere
partie, maar waal get minder effectief vandaag.
Joamer van de nederlaag, maar waal unne prima indruk gemaak deze eesjte wedsjtried,
mannen. Ut is dudelijk dat geer geweun in dees klasse thoesheurt en lekker kent mitballen
dit sezoen. Veer verheugen os op de eesjte thoeswedsjtried zodat veer ut mit z’n allen kenne
aansjouwe mit eige auge. Succes!
Van os eesjte elftal goan veer door noa ozze veteranen. Die sjpeelden al veier wedsjtrieje dit
sezoen. Ut woare veurnamelijk wedsjtrieje om sjnel te vergaete. Loate veer dus eesj de
oetsjlaeg en doelpuntenmakers maar doornumme. Dan kenne veer doanoa euver noa ut
leukere deil: de kal op de groepsapp, in de kantine en in ut kleidlokaal.
Taege RKVVM oet trapten ozze vets ut sezoen aaf. De sjtart woar prima want wie ozze vets
de kantine in Margraten betroaje, sjting ut frituurvet al aan. Dat woar kassa veur ozze
technische leiding:
Noa bienoa de ganse wedsjtried veur gesjtange te hubbe woort oeteindelijk toch mit 5-4
verloare. Doelpunten woorte gescoord door Jenki Jevric, Misha Dreessen, Bart Pantus en
Levi Nelissen.
Dees nederlaag koosj volledig op ut conto gesjreve waere van ut ontbraeke van captain Mat
Cremers in de defensie. Mat woar op dat moment echter nog op vakansie in Italie, wo hae
binnekort un vakantiehoes geit loate boewe. Mat bleek zich inmiddels al prima geïntegreerd
te hubbe in de regio en verbliede zien dorpsgenote mit unne cursus naaksj-koake:
Un waek later sjting wederom unne oetwedsjtried op ut programma. Unne heusse interland
nog waal, taege Tuddern. Mat Cremers woar verheugd mit dae wedsjtried omdat hae dan
eindelijk zien hoes-kat Clarence koosj trukbrenge noa ut safari-park in Tuddern. “Dat bees
vrit mich erm”, aldus ozze captain:
D’r woort un verdeinde 3-1 nederlaag geleje door ozze vets, mit name omdat de doorgoans
ultra betroewbare veurzitter Gerard Martens nog te zeer mit ziene kop bie zien verhoezing
noa Haerle (auwieje-kael) zoot. Einige doelpunt koom op naam van Rob Schulpen. De
wedsjtried eindigde auch nog bienoa mit un opstootje toen Eddy Ubbink unne sjouwerduuj
oetdeilde, de Tuddern sjpeler erg euverdreve ter aarde sjtortte, de sjeids floot veur vrieje
trap, en Piele dae pruus toebeet: “Vieze Thomas Muller!”. Gelukkig bedaarde jederein waer
sjnel. In de kantine woorte nog aardig get glaze gedronke wonoa jederein hoeswaarts
keerde. Alle vets sjtapten tegeliek in de auto, maar twee vets bleken op unne sjteinworp
aafsjtandj in Tuddern toch nog sjtiekem un feeske gevonje te hubbe:
Euveriges sjting dae wedsjtried taege Tuddern veural in ut teiken van ut debuut van Roy
Vanmulken. Deze op en top clubman dae al tal van posities haet bekleid binne os vereiniging
leet in Tuddern zeen dat hae auch nog un dubbele sjeer in hoes haet. Hae bekroonde zien
iezersjterke druimdebuut nog bienoa mit un goal maar ziene pegel van 25 maeter sjpatte
oetein op de lat.
Un waek later gelukkig un baeter resultaat te vermelje. In de derby taege Haslou nog waal.
Ut koosj auch bienoa neit misgoan. Want Mat houw mich sjieke laerskes mitgenomme veur
Ron:
Mit ut mets tusje de tenj, en unne oetblinkende Ron Marchal, wisten ozze vets un verdeinde
4-2 euverwinning te boeken, dankzij goals van Pascal Conjour (2x), Bart Pantus en Dennis
Stelten. Ut sezoen is dus al un succes.
En de chemie tusje vedette Pascal Conjour en Coach Leon Fredrix is helemoal top…
Sjiek woar auch dat de vets van Aelse mit unne leuke groep lang bleve hange in de kantien.
Al motte die waal mit hun knaok van os keizerin aaf blieve…
In dae wedsjtried taege Aelse houw euveriges unne ouwe bekende zien debuut gemaak bie
de vets. Want noa taegevallende prestaties houw coach Roger Daemen unne last minute
aankoup weite vas te legke, in de persoon van Jos Ostendorff.
Op de groepsapp kome de neudige protesten binne. Ut is namelijk goud gebroek dat euver
nuuj leje eesj gesjtump wurt op de joarvergadering. Rob Schulpen, stagiair van ozze
secretaris Willem Thewissen, besjtudeerde ut governance model van de vets nog maar ens
en koom tot de conclusie dat Roger Daemen (es Senior HR Officer) waal degelijk bevoegd
woar om, in geval van sjlechte resultaten, nuuje sjpelers aan te trekke.
Veur de luuj die zich aafvroage wie zo’n governance model d’r oet zuut… zo wurt ut bie de
grote jonges geregeld:
Maar goud, dat prima resultaat taege Haslou kreeg helaas gein vervolg in de tweede derby,
taege Catsop. Volkomme terecht ginge ozze vets mit 0-2 de boot in. Einige heuglijke feit van
dae wedsjtried woar de euverheerlijke kip pilav van Ans noa aafloup. Woveur heel veul dank,
Ans!!!
Loate veer die resultaten maar sjnel vergaete en effe get dinger doornumme die in de
kleidlokale en kantine verteld woorte bie de vets. In veier wedsjtrieje tied woar ut waer
genog sjtof om un gans bouk te sjrieve. Maar ich zal mich beperken tot un aantal pareltjes...
In ut kleidlokaal in Margraten koom de beheerder twee bel aafgaeve in ut kleidlokaal veur
ozze warming up. Ut rook nog ummer noa ut frituurvet dat al flink houw sjtoan dampen in
de kantine.
Beheerder: Ich legk uch heij twie belkes neer, hiere.
Piele: Lekker, doog d’r maar get mayonaise op.
Veurzitter Gerard kreeg in Margraten commentaar op zien verhoezing noa Haerle.
Stef: Woonse noe in Haerle????
Gerard: Joa, de mos neit te lang op ein plaatsj blieve.
Ron: Nae ut langste das doe op ein plaatsj woars, woar wie se in de gevangenis hubs
gezaete.
Paul: Unne wethouwer mot trouwes in eige durp wone!
Gerard: Ich ben geine wethouwer.
Paul: Nae waal veurzitter van de veteranen.
Gerard: Zeiverkut!
Misha Dreessen woar te laat gewaes veur ut vertrek. Oeteindelijk woar jederein maar al
aafgereis, wie un appje van Misha koom dat hae mit de fits op ut Hetjen sjting en jederein al
weg woar. Oeteindelijk koom Misha esnog ut kleidlokaal in Margraten in.
Stef: Dat hubse sjnel gedoan oppe fits.
Ron: Es ‘r mit mich op sjtap wult, is r ummer un kwarteier te vruig. Maar es r mot voetballe..
Misha: Ja, wo sjleit dat op jonges?
Gerard: Doe woars te laat. Punt oet!
Misha: Geer doot ummer wachte. Maar geer zult waal genog man hubbe vandaag.
Gerard: Klop. Zet dich maar in de kantine.
Levi baalde in Margraten van de nipte nederlaag. Eddy relativeerde.
Levi: Bahbah, dat is noe typisch voetballe.
Eddy: Wat?
Levi: Twee onterechte penanties taege en dan verluusse geweun.
Eddy: Joa… dat hubse mit biljarte noe nooit, nae.
Ut kleidlokaal in Magraten loog bezeijd mit zjwarte korrele van ut kunstgraas.
Eddy onger de douche: Es dich zjwarte korrele oet de vot komme, mosse dan noa de dokter?
In Tuddern woar Willem Thewissen un breifke aan ut sjrieve op de rugk van Willie Worms.
Leon: Willem, pak dich de rugk van d’n Doam.. dan kense meer sjrieve.
In Tuddern maakte Roy Vanmulken dus zien debuut veur de vets. Willem Thewissen maande
‘m om op te sjeite mit omkleije en refereerde nog effe aan de wedsjtried doaveur wo in
coach Roger zien vedette Stef houw gewisseld.
Willem: Roy, kleij dich maar om. Al krigse van deze trainer waarsjienlijk toch neit veul
minute. Die krig zelfs Stef Conjour neit.
Tja, en wat heurse dan wiejer zoal in zo’n kleidlokaal in Tuddern:
Ron: Ich ben blie dat de grenspost toe is. Ich hub hie nog get gevangenissjtroag oape sjtoan.
Mat: Rudy, ich ruuk feromonen bie Christel van dich. Volges mich is ze krols.
Willem: Jenki, gewoon voetballen alsof je in Nederland voetbalt he.
Marc: Zeen de douches hie werm?
Ron: Joa, watertemperatuur is 40-45..
D’r woort gesjproake euver ein van de exen van unne veteraan.
Mat: Es die dich piepte, zoog ze ‘m ut hoeslaken in ut votloak.
Ron: Kapotmakerie. Hae houw nog geine tied meer om vraem te goan.
Eddy: Hae houw zelfs geine tied meer om te masturberen.
Misha: Esse doa op loogs, houwse un sjnee in de boek. Zo sjerp woar die.
Ron: En die wol zelf auch kloarkomme, hub ich geheurd.
Eddy: Pfff… wat un egoiste!
Mat: Geef ut nog zo’n vrouwluuj? Bahbah!
Noa aafloup in de kantine in Tuddern woar ut unne dooie boel De sjtuil sjtinge opgesjtapeld,
geine meziek aan, de drank zoog d’r neit al te fris joet en de taegesjtenjer bleef boete sjtoan.
Misha: Zulle veer angesj auch boete goan sjtoan, jonges?
Mat: Nae, ich venj ut gezellig hie binne.
Willem: Joa, en boete heurse de meziek neit.
Willem kreeg ze euver de klote dat de gemeinte lestig deig euver de oetbreiding van De
Fontein. Willem goof repliek.
Willem: Dat kent neit zomaar jonges. Dalik oapene ze naeve mich un hoore-tent en dan ken
ich d’r niks taege doon. Hub ich dalik ummer Ronnie veur de deur sjtoan.
Ron: Dan parkeer ich veur ut eesj ens de auto bie dich veur esse wáál thoes bes.
Ron houw waer sjieke verhoale oet de ouw doos euver ‘mzelf en unne kammeroad.
Eddy: Geer zouwt tunnels motte goan boare in Zjwitserlandj, geer tweeje.
Ron: Stau bei der Marshal-tunnel.
Eddy: Herr uberschwanzraziermeister Marshal
Roger: Goan veer nog ens get doon mit de veteranen?
Ron: Same nog de oktoberfeesten in Zitterd?
Misha: allemoal leuk en aardig maar dat mot auch emes organisere
Ron: Dat doon ze al in Zitterd, Misha. Doa houve veer niks aan te doon.
Mat houw un verhoal oet de auw doos.
Mat: Bianca heisjde die. Ut matras van Valkenburg.
Eddy: Bianca Auping.
En auch nog un sjiek verhoal euver un veteranen oetsjtepke in Amsterdam wo de ganse
bende in de verkeerde tram zoot, dae woort besjtuurd door un flinke donkere vrouw.
Trambesjtuurder: Jullie zijn zeker niet van hier, he?
Hub de Sjpar: Nae, doe waal zeker.
Bie ut debuut van Jos Ostendorf woar d’r effe geduins of d’r waal un wedsjtriedshirt veur ‘m
woar.
Willem: Veer gaeve ‘m de ouwe trui van d’n Doam. Dan meine die van Aelse dat Jos de mis
kump doon.
Leon: Jonges, ich hub goud en sjlech nuujts.
Ron: Eesj ut goeie.
Leon: Will Leurs is vandaag neit d’r bie.
Groep: YES!!!!!
Leon: En ut sjlechte nuujts is dat hae vanoavend plaetjes dreijt op os feeske…
Groep: NAEEEEEEE!
Mat: Jonges, is Stef noe gesjtop?
Rob: Joa, dae haet ut veuls te druk mit voetballe van de jeugd en ut tweede.
Ron: En hae haet auch nog un vrouwmusj wat twee keer per daag wult kloarkomme.
Mat: Maar dat kenne veer es ploug veur ‘m opvange.
Ron: Veurige waek bie de reunie woare zich twee vrouwluuj om mich aan ut houwe.
Mat: Enne?
Ron: Ja, toen hub ich de plisse gebeld.
Mat: Wiezo dat?
Ron: De lelijkste woar aan ut winne.
Ruud van Didden, woonechtig in Maes, leet zich get ongelukkig oet in ut kleidlokaal en woort
geliek gedekseld, maar counterde oeteindelijk zelf waer leuk.
Ruud: Wat is te doon vanoavend?
Ron: Fees in de mondial!
Ruud: Doa komme vandaag allein maar bejaarden.
Ron: Pas op he, Maasbendj, dalik braeke veer de brök aaf. Sjteisse sjoon te kieke.
Ruud: Bröxit…
Zo, en noe is ut waal genog gewaes…
De aafsjleiter dees waek geit euver unne fantastische veteraan. Os oudste nog sjpelende lid
(mit un hoofdletter L), en DJ-extraordinaire, Will Leurs. Will hoalde de aafgeloupe waeke
waer alle veurpagina’s mit de succesvolle door heum georganiseerde disco-reunie in Sjtein.
Un sjiek initiatief dat waer druk bezoch woort. Sjtiekem wreve de vets zich al in de henj: Will
houw ’t d’r zo druk mit dat hae aan niks angesj meer toekoom. Allein maar plaetjes dreije,
feeskes organisere en, zo weite veer dankzij zien leiftallige Mia, veul, heel veul sjlaope:
Goud nuujts jonges: Will deit neit mit, woar geregeld te heure in ut veteranen kleidlokaal de
veurbieje waeke. Maar zie daar ut resultaat: drie nederlagen in veier wedsjtrieje en doamit
de sjlechste seizoenssjtart aller tieje veur ozze vets.
Dus Will, sjlaop dich dees waek nog ens goud oet, dreij kommende zoaterdig nog get plaetjes
op un plein of broelof, en zurg datse godverdomme volgende waek waer op die wei sjteis.
Veer hubbe dich neudig, man!
Pes volgende waek,
Rob Sjulpe