Pyetje: "Si të dizenjojmë një kërkim për matjen e efektivitetit të trajnimit" 4 dhjetor 2013

Punoi: Olger Prifti

Organizatat, pavarësisht natyrës së tyre, kanë kuptuar se procesi i trajnimit dhe zhvillimit është

thelbësore për rritjen dhe zhvillimin e biznesit (Noe, 2002). Në mjedisin e sotëm të rritjes së

përgjegjshmërisë, procesi i vlerësimit të trajnimit është një komponent kritikë i programit të

trajnimit të organizatës. Organizatat që administrojnë programin jo vetëm janë të përgjegjshme për

atë cfarë punonjësit duhet të mësojnë, ato gjithashtu janë përgjegjëse për të siguruar që punonjësit të

transferojnë njohuritë e marra në punë. Pra, organizatat kanë nevojë të dinë nëse investimi i tyre

është efektiv dhe nëse ja vlen përpjekja; në këtë mënyrë është e nevojshme që të merret fidbak gjatë

zhvillimit të procesit të trajnimit (Stanley, Lloyd A., 1987). Ndërsa metodat tradicionale të

vlerësimit të trajnimit përqëndrohen në përdorimin e procesit të vlerësimit për të përmirësuar

ofrimin e trajnimit, informacioni duhet të mblidhet për të përcaktuar nëse trajnimi është duke

ndihmuar organizatën për të përmirësuar performancën e saj të biznesit.

Metodat e vlerësimit duhet të përcaktohen në bazë të qëllimeve të procesit të trajnimit dhe duhet të

përmbushi kërkesat e palëve të ndryshme të përfshira. Çdo organizatë ka aktorë të shumtë dhe jo të

gjithë brenda organizatës kane të njëjtat nevoja për informacion. Në mënyrë tipike, grupet e interesit

organizative përfshijnë departamentin e trajnimit, të punësuarit dhe njësitë e biznesit. Kërkesat e

tyre të informacionit jane dy: nëse kompetencat janë mësuar dhe se sa mësimi është aplikuar në

drejtim të përmirësimit te performancën. Ndërkaq, shume organizata janë të paqarta se si vlerësimi i

trajnimit mund të sigurojë informacione të nevojshme për të ndikuar transferimin e njohurive në

punë (Cheng & Ho, 2001). Pra, eshte e nevojshme që të krijohet një lidhje midis trajnimit si proces,

vlerësimit të trajnimit dhe efektivitetit të trajnimit.

Vlerësimi i kompentencave të mësuara , nëse materiali i trajnimit është mësuar , është kryer në nivel

individual. Kjo ndodh në nivel individual me qëllim që organizatat të jenë në gjëndje për të

vlerësuar reagimet e punonjësve dhe nivelin e tyre të kuptuarit. Reagimet janë të rëndësishme sepse

, në qoftë se studentët reagojnë negativisht në një kurs , ka më pak gjasa për të transferuar ate që ata

mësuan për ta aplikuar ne punën e tyre. Rritja e të kuptuarit në aspektin e njohurive të reja ose të

përmirësuara, shkathtësive dhe aftësive është qëllimi kryesor i një programi trajnimi.

Departamenti i trajnimit kërkon informacion në lidhje me kompetencat e të mësuarit për të

përcaktuar efikasitetin e trainimit. Të dhënat në lidhje me efektivitetin e përgjithshëm të

procedurave të trajnimit , përshtatshmërinë e mediave dhe metodave të mësimdhënies dhe çështje të

tjera që lidhen me rishikimet e mundshme në hartimin e instruksioneve mund të provojë të jenë

shumë te vlefshme për departamentin e trajnimit dhe do ti ndihmojnë ata për t'i shërbyer më mirë

nevojave te aktorëve të tjerë të përfshirë . Ky informacion mund të merret përmes (Stanley, Lloyd

A., 1987):

Pyetësorëve;

Rishikim të njohurive;

Vrojtimeve;

Dokumenteve organizative;

Testimeve;

Analizës së mospërputhjeve etj.

Vlerësimi i aplikimit të kompetencave, nëse kompetencat janë zbatuar për të përmirësuar

performancën dhe të justifikuar investimet, bëhet më i mirë në nivel organizativ, ku ndryshimet ne

performancë mund të vlerësohen dhe të lidhen me kostot e trajnimve të bëra. Nëse, si rezultat i

trajnimit, punonjësit janë duke përdorur sjellje të përshtatshme në punë, kjo duhet të ketë një ndikim

pozitiv në punën e tyre. Megjithatë, niveli i përmirësimit të performancës duhet të justifikojë

shpenzimet.

Për njësitë e biznesit, procesi i vlerësimit të trajnimit mund të ofrojnë mundësi për të përcaktuar se

si kompetencat janë duke u aplikuar në punë. Informacioni do ti ndihmojë ata në marrjen e

vendimeve të mira për biznesin dhe përcaktimin e prioriteteve të trajnimit. Ky informacion mund të

merret përmes:

Analizë së matjes së performancës organizative;

Analizës së kthimit nga investimet (ROI).

Procesi i vleresimit të trajnimit ka mundesinë ti sigurojë informacionin e duhur grupeve të

ndryshme të interesit në organizatë. Duke zhvilluar një proces efektiv të vlerësimit të trajnimit,

organizata mund të marrë informacionin e nevojshëm për të përmirësuar procesin e transferimit të

njohurive si edhe performancën e biznesit, mundësive për karriere për përmirësim të vazhdueshëm

organizativ.

Referenca:

Eddie W.L. Cheng and Danny C.K. Ho. A review of transfer of training studies in the past

decade. 2001.

Raymond Andrew Noe. Employee training and development.

Lloyd A. Stanley. Guide to training curriculum development. 1987.