Al Plan de MareoPlata dla Ploania

San Vighile

Ann A

Ploan: Signor Heinrich PerathonerE-Mail: ploaniaalplan@gmail.com

Calogna Al Plan: 0474 501006Radio de Ploania: 93,00 MhZ

15.10.2017 - 28. Domëgna dal ann liturgich - Segra de düc nr. 47

Impressum: Ploania d’Al Plan, str. Catarina Lanz nr. 46, 39030 Al Plan de MareoComunicaziuns - cina al dedemesaledema sëra - da mené a: Pablo Palfrader

Tel. 333 4762010 Mail: ploaniaalplan@gmail.comDownload plata: www.unitepastorala.org

Enformaziuns y Comunicaziuns

Aziun: Le Cor dles Ëres lascia alessëi che ares fajará ince eniann ciandëres por Gnissant. Cöstes vën vonüdes la sabeda ai 21 d’otober do la mëssa da sëra y la domëgna ai 22 d’otober do la gran mëssa.

Oraziun: I recordun les poscibilités de oraziun, dlungia les SS. Mësses. Al vën dit la Corona la domëgna dan la gran mëssa y le dédôlönesc ales 19:30, te dlijia. Le vëndres d’otober ales 18:00 vëgnel ince dit la Corona te capela dal Ciüch. Düc é enviês da tó sö chisc momonc de oraziun, sot al motto: ”La Oraziun ne müda nia le monn, mo ara müda les porsones, y chëres müda le monn”.

Unité Pastorala: La Unité Pastorala Val Badia á ince na plata internet, plü avisa www.unitepastorala.org. Sön cösta plata pón se desćiarié jö les plates de ploania, mo ince les zetoles dai defunc. An ciafa lapró ince enformaziuns sön les ativités y manifestaziuns co vën portades ennant a livel de nosc decanat.

Curs: La Uniun dles Ëres, adöm con le Consëi de Formaziun d’Al Plan, organisëia la ginastica de prevenziun do la metoda Mößler-Taubert, con Marlene Trebo. Dai 18 d’otober ennant, por endöt 10 iadi, vigne dedemesaledema ales 18:00, te palestra d’Al Plan. Al é da s’anunzié al numer 348/3140415.

Avis: En jöbia ai 19 de otober dales 15:30 ales 17:30 s’encunta le grup de tomp lëde Atmosfera, por ëres y ëi atochés da problems psichics. En cösc iade vëgnel depont y an ciara da ester creatifs, adöm con Irina Tavella y Barbara Rungger. I s’encuntun te Raiun Sozial a Picolin. Enformaziuns plü monüdes pa Sabine Rainer al. 0474/524519. Vignönn y vignöna é bëngnüs y bel enviés.

Gran chidlada: En domëgna ai 12 de novëmber vëgnel tigní ta Runcac la Gran Chidlada por uniuns culturales y sportives, dites, classes y clubs dal Comun de Mareo. La chidlada jará eniann a bën dla Uniun Sport Mareo, co festejëia sü 25 agn. Les iscriziuns vën tutes sö cina al vëndres ai 10 de novëmber, tla chidlara da Runcac.

La Comunité d’Al Plan i dá le bëngnü al Vësco Ivo Muser

Dal Vagnele do San Mateo 22, 1-14Te chël tomp 1ti á Gejú cunté ai gran prêi y ai plü vedli dal popul cösta parabola:

2Con le rëgn dal cí éra desco con en re, co â arjigné ca la noza de so fi. 3Al á mené sü sorvidus a cherdé i ghesć enviês a noza. Mo ai n’orea nia gní. 4Danló ál ciamó en iade orcé sorvidusc y ti á racomané: Dijedi ai enviês: Mio past é arjigné, i bos y i tiers da maza é tuc ia, döt é arjigné. Gnide a noza! 5Mo ëi ne s’an fajea nia d’enfora, önn deperpo é jü te so ciamp, l’ater te söa botëga, 6endô d’atri é jüs porsora sü sorvidus, i á torturé y i á copé. 7Śën s’â le re dessené; al á mené söes trupes, á fat copé i assassins y a söa ciüté ti ál taché fü. 8Spo ti ál dit a sü sorvidus: Le past da noza é arjigné, mo i ghesć n’ea nia dëns da gní enviês. 9Jide porchël fora söles strades y enviede düc, chi ch’i encuntëis, ala noza. 10I sorvidus é jüs fora söles strades y á condüt düc adöm chi ch’ai â encunté, ri y prosc, y le salf da festa s’á emplí de ghesć.

Parora dal Signur! - Lalt a te, Gejú Crist!

Enviede düc, che ch’i encuntëis, ala noza

Gejú á dit: „Chi co crëi te me, vir ince sce ai mör!“I tolun comié da Agnes Oberbacher y da

Hedwig Bergmeister vëd. Kaneider, mortes al’eté de 75 agn.Ai familiars les condolianzes plü sontides. Che ares palsi tla pêsc.

Condolianzes

Na parabola bindebó sterscia cösta, ince ria da capí, che cösc re - le Bel Dio - se dessëna tan dassënn ch’al desdrüj döt. La gauja de so sënn é che la jont ne tol nia sö so envit, tolenn ca les vertores dötes. La dërta motivaziun é che ai n’á nia vëia da jí.

I fajun pö ince nos ensciö: sc’i n’án nia vëia da fá val’, se stüdiunse fora na vertora: en laur da fá, en scüf, en post da jí. Döt vá bun por nia tó sö en envit co se vá söi nerf. Gejú dij endere: tla finada pól ester massa tert, spo enviëiel mefo d’atri a noza. Ci respognunse pa nos, canche al nes enviëia?

Le sënn divin

S.M. por +nc dla familia Frenner dal Cone