starfsáætlun 2014 -2015 · Árið 2014 – 2015 var stöðugleiki í starfsmannahaldi og lítil...
TRANSCRIPT
Reynisholt
Skóla- og frístundasvið Reykjavíkurborgar
Starfsáætlun 2015 -2016
1
2
Innihald
Um starfsáætlanir leikskóla ........................................................................................................................................ 3
1. Leiðarljós - áherslur ................................................................................................................................................ 3
2. Mat á leikskólastarfi og umbótaáætlun ................................................................................................................. 4
2.1 Innra mat.......................................................................................................................................................... 4
Læsisstefna ........................................................................................................................................................ 4
Lífsleikni ............................................................................................................................................................. 4
Umhverfismennt ................................................................................................................................................ 5
Tækifæri til samráðs .......................................................................................................................................... 5
Ecerskvarðinn .................................................................................................................................................... 5
Börnin meta ....................................................................................................................................................... 5
2.2. Ytra mat........................................................................................................................................................... 6
2.3. Matsáætlun ..................................................................................................................................................... 6
3. Áherslur í starfi leikskólans ..................................................................................................................................... 7
3.1 Fimm umbótaþættir úr starfsáætlun skóla- og frístundasviðs 2015 ............................................................... 7
1. Málþroski, læsi og lesskilningur – 4. Fjölmenning ......................................................................................... 7
2. Aukið vægi list og verknáms. ......................................................................................................................... 8
3. Lýðræði, jöfnuður og mannréttindi ............................................................................................................... 8
5. Gæði og fagmennska. .................................................................................................................................... 8
3.2 Aðrar áherslur .................................................................................................................................................. 9
Lífsleikni og jóga ................................................................................................................................................ 9
Umhverfismennt ................................................................................................................................................ 9
4. Starfsmannamál ................................................................................................................................................... 10
4.1 Starfsmannahópurinn 1. júní 2015 ................................................................................................................ 10
4.2 Starfsþróunarsamtöl ...................................................................................................................................... 11
4.3 Símenntun ...................................................................................................................................................... 11
5. Aðrar upplýsingar ................................................................................................................................................. 12
5.1 Barnahópurinn 1. júní .................................................................................................................................... 12
5.2 Foreldrasamvinna .......................................................................................................................................... 12
5.3 Samstarf leik- og grunnskóla .......................................................................................................................... 12
5.4 Skipulagsdagar og hefðir ................................................................................................................................ 13
6. Fylgiskjöl ............................................................................................................................................................... 15
6.1 Matsgögn ....................................................................................................................................................... 15
Börnin meta ..................................................................................................................................................... 15
Metið út frá starfsáætlun ................................................................................................................................ 16
6.2 Leikskóladagatal ............................................................................................................................................. 17
6.3 Læsisstefna .................................................................................................................................................... 18
6.5 Jafnréttisáætlun ............................................................................................................................................. 20
6.6 Umsögn foreldraráðs ..................................................................................................................................... 22
6.8 Önnur fylgiskjöl .............................................................................................................................................. 22
Fylgiskjal 1 – Umbótaáætlun út frá mati ......................................................................................................... 23
Fylgiskjal 2 – Matsáætlun 2015 – 2017 ........................................................................................................... 24
Fylgiskjal 3 – Uppröðun teyma ........................................................................................................................ 24
Fylgiskjal 4 – Áætlun samstarfs fyrir veturinn 2014-2015 ............................................................................... 25
3
Um starfsáætlanir leikskóla
Samkvæmt lögum um leikskóla nr. 90/2008 vinna leikskólar eftir aðalnámskrá fyrir leikskóla. Samkvæmt henni
vinnur hver og einn leikskóli sína skólanámskrá þar sem fram kemur á hvaða hátt leikskólinn uppfyllir þau viðmið
sem þar eru sett fram.
Leikskólar gera starfsáætlun þar sem fjallað er um árlega starfsemi leikskólans, birt skóladagatal og ýmsar aðrar
hagnýtar upplýsingar um skólahald leikskólans. Áætlunin þarf að fá umsögn foreldraráðs áður en skóla- og
frístundaráð tekur hana til afgreiðslu samkvæmt lögum um leikskóla.
Tilgangur starfsáætlunar er að gera skólaþróun leikskólans markvissa með árangursmiðuðum markmiðum og
umbótamiðuðu innra mati. Hún á að sýna starfsfólki, foreldrum og rekstraraðilum hvernig starf leikskólans gekk á
síðasta leikskólaári og hvernig unnið verði að umbótum og nýjum verkefnum á því næsta.
Í starfsáætlun leikskólans skulu koma fram:
Matsaðferðir leikskólans og umbótamiðuð áætlun
sem unnin er út frá niðurstöðum innra og ytra mats.
Áherslur í leikskólastarfinu sem ætlunin er að vinna
að, markmið, leiðir að markmiðunum og áætlun um
hvernig þau verða metin.
Áherslur í starfsáætlun Leikskólasviðs sem
leikskólinn vinnur að.
Starfsþróunaráætlun leikskólans og upplýsingar um
starfsmannamál.
Fjöldi barna, kynjahlutfall, dvalarstundir, fjöldi
barna sem njóta sérkennslu og fjöldi barna af
erlendum uppruna.
Upplýsingar um foreldraráð, foreldrafundi og foreldraviðtöl.
Umsögn foreldraráðs.
Skóladagatal fyrir árið.
Starfsáætlun leikskólans tekur gildi 1. september ár hvert og skal skilað rafrænt til skóla- og frístundasviðs fyrir 1.
júlí. Starfsáætlanir eru lagðar fyrir skóla og frístundaráðs til samþykktar.
1. Leiðarljós - áherslur Leikskólinn Reynisholt er staðsettur í fallegum trjálundi í næsta nágrenni við Reynisvatn. Hann var formlega
opnaður 30. nóvember 2005. Reynislundur er útivistarsvæði við hlið leikskólans sem hannað var og unnið af
foreldrum og starfsmönnum vorið 2010. Foreldrar og starfsmenn sjá um að viðhalda Reynislundinum.
Leikskólinn vinnur með lífsleikni í leikskólastarfi með sérstakri áherslu á jóga með börnum, umhverfismennt,
útikennslu og áherslu á læsi. Unnið hefur verið sl. fjögur ár með Comeníusarverkefni en leikskólinn fékk
Comeníusarstyrk til vorsins 2015 og hefur nú lokið því verkefni. Leikskólinn flaggar Grænfánanum og hefur
þrisvar sinnum fengið Grænfánann í fyrsta skiptið 2010.
Árið 2014 – 2015 var stöðugleiki í starfsmannahaldi og lítil hreyfing á starfsmönnum. Það er okkar mat að
metnaður og áhugi hafi einkennt starfið. Starfsmannakönnun var lögð fyrir starfsmenn í mars 2015 og var
4
svarhlutfall 64%. Niðurstöður voru í heildina mjög jákvæðar og skoraði hæst ímynd, markmið og árangur,
starfsöryggi, tilgangur og metnaður. Farið hefur verið yfir starfsmannakönnunina í heild sinni með starfsmönnum.
Foreldrakönnun var lögð fyrir foreldra og segir nánar frá könnuninni í kaflanum um ytra mat.
Elsti árgangurinn í Reynisholti fór á knattspyrnuæfingu hjá knattspyrnufélaginu Fram í Sæmundarskóla einu sinni
í viku klukkustund í senn. Þetta verkefni hefur verið í gangi síðustu þrjú árin og mjög vinsælt meðal barna og
starfsmanna.
Í leikskólanum er leikskólakennari sem jafnframt er jógakennari sem sinnir jógatímunum með börnunum. Annar
jógakennari starfaði auk þess frá ágúst 2014 fram í mars 2015 við jógakennslu með börnunum. Öll börn hafa
komist í jóga einu sinni í viku. Leikskólinn er Sólblómaleikskóli og styrkir SOS barn í Kolkata á Indlandi, ákveðið
hefur verið að hafa sérstaka sólblómaviku í september 2015.
Fyrirhugað er þróunarverkefni um læsi og fjölmenningu næstu tvö árin en verkefnið ber heitið Að lesa og leika
list er góð og hefur styrkur fengist úr sprotasjóði og Erasmus+ til náms og þjálfunar.
Leikskólinn mun fagna 10 ára afmæli sínu 30. nóvember og verður lögð áhersla á að hafa daginn skemmtilegan
með börnum og foreldrum.
Skólanámskráin er aðgengileg á heimasíðu leikskólans: http://www.reynisholt.is
2. Mat á leikskólastarfi og umbótaáætlun
2.1 Innra mat
Læsisstefna
Farið var yfir markmið læsisstefnunarinnar í janúar og maí og skoðað hvort unnið væri eftir þeim og hvort þau
hafi náðst. Deildarstjórar stjórnuðu umræðu á starfsmannafundi í maí þar sem hver deild skráði hvernig unnið
hafi verið með hvern þátt læsisstefnunnar og gáfu einkunn út frá því hversu vel markmiðunum hafi verið náð.
Hljóm-2 var lagt fyrir öll elstu börn í nóvember. Gerð var áætlun til að efla þá þætti sem komu slakir út og Hljóm-
2 lagt aftur fyrir þau börn í febrúar til að mæla framfarir.
Helstu niðurstöður eru að vel var unnið eftir læsisstefnunni og markmiðin náðust flest. Á eldri deildum fóru öll
börn í sögugrunn og orðahljóð í skipulögðum stundum. Mikið var gert úr sögunum og börn og starfsmenn
ánægðir með árangurinn. Á yngri deildunum var ekki unnið með orðahljóð en þriggja ára börn gerðu tvær sögur.
Mikið var lesið og sungið á öllum deildum og sérstakt bókaormsverkefni var læsishvetjandi bæði fyrir starfsmenn
og foreldra. Ágætlega var unnið með þulur og á eldri deildunum var aukin skráning á myndverkum barnanna
sem og unnið með ljóð í tengslum við myndlist.
Það sem má auka og vinna meira með eru þulur, lesa meira fyrir börnin á yngstu deildinni og skipuleggja betur
hvaða lög eru sungin í leikskólanum. Endurskoða þarf læsisstefnu varðandi Orðahljóð og Sögugrunn með tilliti til
yngstu barnanna.
Lífsleikni
Deildarstjórar stjórnuðu umræðu á starfsmannafundi í maí þar sem hver deild skráði hvernig unnið hafi verið
með hvern þátt í lífsleikni og gáfu einkunn út frá því hversu vel markmiðunum hafi verið náð. Unnið var út frá
þeim markmiðum sem sett voru fram í starfsáætlun 2014 og út frá jafnréttisáætlun.
5
Helstu niðurstöður matsins eru að jógastundir gengu mjög vel í vetur en þó vilja starfsmenn elstu deildarinnar fá
meiri fræðslu. Starfsmenn eru ánægðir með stofnun Facebook síðu fyrir samstarfsskólana í Birtu og finna fyrir
betri tengingu. Skemmtileg verkefni voru unnin með dygð vetrarins og hafði sú umræða áhrif á aðra þætti
skólastarfsins. Einn deildarstjóri var með fyrirlestur á skipulagsdegi að hausti um jafnréttismál og góð þátttaka
var í Lífshlaupinu og Hjólað í vinnuna. Ekki var mikið unnið varðandi verkefni tengdum Sólblómaleikskólanum
sem hófst 2014.
Stofnað hefur verið teymi til að halda utan um sólblómaverkefnið og hefur það þegar hist og lagt fram umbætur.
Umhverfismennt
Farið er yfir markmið vegna Grænfána og Comeniusarverkefnis á
umhverfisráðsfundum. Einnig stjórnuðu deildarstjórar umræðu á
starfsmannafundi í maí þar sem hver deild skráði hvernig unnið hafi verið
með hvern þátt grænfánaverkefnisins og gáfu einkunn út frá því hversu vel
markmiðunum hafi verið náð. Umhverfisráð barna var hluti af hópastarfi
elstu árganganna tveggja og voru verkefni unnin út frá markmiðum
grænfánaverkefnis.
Flokkun og moltugerð gengur nokkuð vel en þó má taka börnin meira inn í
ferlið. Veðrið setti strik í reikninginn varðandi vistvæna ferðamáta og
vettvangsferðir tengda átthagafræðslu hjá yngri börnunum en þó voru
nokkuð reglulegar ferðir hjá elstu börnunum. Comeniusarverkefnið var
aðallega unnið á elstu deildunum sökum hversu flókið það var. Efla má
þátttöku barnanna í flokkun og moltugerð.
Tækifæri til samráðs
Skipulag funda fyrir haustönn og vorönn var sett upp í september og janúar og var skráð hvort fundir héldust.
Deildarstjórafundir eru að jafnaði einu sinni í mánuði, deildarfundir tvisvar í mánuði og fundir umhverfisráðs einu
sinni í mánuði. Allir deildastjórafundir héldust og voru tveir aukafundir og flestir deildafundir héldust eða voru
færðir til. Fjórir umhverfisráðsfundir voru haldnir af sjö og er mikilvægt að það sé fundinn nýr fundartími þegar
þeir falla niður.
Ecerskvarðinn
Ecers kvarðinn er listi sem hefur verið notaður sem matstæki í mörgum leikskólum á undanförnum árum. Hann
er framkvæmdur þannig að starfsfólk á hverri deild svarar listanum út frá sinni deild og niðurstöður eru metnar
út frá deildum. Það sem kom best út og starfsmenn eru sammála um að sé í góðu lagi eru: umönnun og daglegt
líf, samskipti og skipulag, starfsmenn og foreldrar og mál og hugtakanám. Það sem þarf að rýna betur í er: rými,
búnaður, leikur og viðfangsefni. Varðandi leik og viðfangsefni er það einkum tónlist, hreyfing, mismunandi
menning og bygginga- og hlutverkaleikur á yngstu deild sem fengu minna vægi og stærðfræði og vísindi á yngri
deildunum tveimur. Varðandi rými og búnað þá er það einkum að finna rými til að vera einn og í friði á þremur
deildum og rými fyrir grófhreyfingar á yngstu deildinni.
Börnin meta
Matið er unnið að vori ár hvert og er rætt við elstu börnin í litlum hópi. Börnin gefa þáttum í dagskipulaginu
einkunn. Einnig var rætt við lítinn hóp elstu barna þar sem þau sögðu frá því sem þeim þótti skemmtilegt í vetur
og hvers þau óska að geta breytt. Helstu niðurstöður eru að börnunum þótti gaman í leikskólanum og þeim líður
vel, skemmtilegast var verkefnið um hverfisfuglinn, fara í Reynislund, að mála og fara í orðahljóð, snertistund og
6
útiveru. Öll börn sem tóku þátt í fótbolta í vetur þótti það gaman. Það sem má bæta eru samverustundir,
valstundir, sögugrunnur og jóga. Einnig þótti þeim töluverður hávaði í leiknum. Það sem hægt er að gera er t.d.
að gera kollhnís og handahlaup í jóga, hafa holukubba oftar í vali og fá að ráða oftar hvað er í vali. Þeim þótti gott
að fá tásunudd og allir fengu sól á bakið og voru dugleg að gefa hvert öðru og kennurum sól á bakið og tásunudd.
Það sem þau óska að fá að breyta er t.d. að borða úti í góðu veðri, fá nýja sleða, rafdrifna bíla og hafa partý með
tónlist í garðinum.
Í umbótaáætlun er gert grein fyrir umbótum út frá niðurstöðum innra mats (sjá fylgiskjal 1).
2.2. Ytra mat
Úttekt á ytra mati leikskólans á vegum Námsmatsstofnunar fór fram 18. mars – 23. maí 2013. Leikskólinn sendi
frá sér nýja umbótaáætlun sem var samþykkt með bréfi 5. maí 2014 en jafnframt var óskað eftir greinargerð um
framkvæmd hennar í desember 2014 og var sú greinargerð send til ráðuneytisins og skóla- og frístundasviðs 19.
nóvember sama ár. Í framhaldi af þeirri greinargerð var óskað eftir áframhaldandi upplýsingum um framkvæmd
umbóta sem skila á í september 2015.
Markmið úttektarinnar var að leggja mat á starfsemi skólans með hliðsjón af gildandi lögum um leikskóla,
reglugerðum og aðalnámskrá.
Foreldrakönnun var framkvæmd í apríl 2015 á vegum skóla-
og frístundasviðs Reykjavíkurborgar. Markmið
könnunarinnar var að skoða viðhorf foreldra til leikskólans,
líðan og stuðnings við barnið, upplýsingarflæði og stjórnun.
Allir foreldrar sem áttu barn skráð í leikskólann 1. apríl 2015
fengu senda beiðni um þátttöku í tölvupósti og var
svarhlutfall 68%. Í heildina komu niðurstöður vel út fyrir
leikskólann en það að barninu líður vel og að foreldrar séu
ánægðir með leikskólann metum við mikils. Það sem kom
ekki á óvart að það sem spurt var um og leikskólinn hefur
ekki sinnt nógu vel er að leita eftir tillögum og hugmyndum
foreldra varðandi starfið. Hluti af þróunarverkefninu næsta
vetur verður að auka foreldrasamstarfið þannig að foreldrar geti komið meira með hugmyndir og tillögur inn í
foreldrasamstarfið sjá umbótaáætlun.
Starfsmannakönnun var lögð fyrir starfsmenn í mars 2015 og var svarhlutfall 64%. Niðurstöður voru í heildina
mjög jákvæðar og skoraði hæst ímynd, markmið og árangur, starfsöryggi, tilgangur og metnaður. Sá þáttur sem
þarf að bæta er fræðsla og þjálfun og er það komið í umbótaáætlun. Slakasti þátturinn var hæfilegt vinnuálag en
þó höfum við bætt okkur í því frá síðustu könnunum. Farið hefur verið yfir starfsmannakönnunina í heild sinni
með starfsmönnum auk þess sem leikskólastjóri fór yfir niðurstöðurnar með aðila frá Capacent.
2.3. Matsáætlun Matsteymi var kosið á skipulagsdegi veturinn 2014 og hefur verið unnin matsáætlun til þriggja ára.
Veturinn 2015 -2016 verður unnið mat út frá áherslum starfsáætlunar en þar er metið hvort markmiðum hennar
hafi verið náð. Stefnt er að því að efla þátttöku foreldra í leikskólastarfinu í þróunarverkefninu Að lesa og leika
list er góð og það metið með matsgagninu Barnið í brennidepli.
Teymi munu skila inn mati vorið 2016 ásamt tillögum að umbótum.
7
Börnin munu koma að matinu með því að fylla út matsblaðið Börnin meta, en það gera þau með því að merkja
við hvernig þeim líkar mismunandi þættir dagskipulagsins. Fyrir börn í elsta árgangi verður lagt fyrir
skimunarprófið Hljóm-2 að hausti og unnið sérstaklega með þau börn sem þurfa á því að halda. Árangurinn
verður svo metinn með því að taka Hljóm -2 aftur í febrúar 2015. Í tengslum við þróunarverkefnið Að lesa og
leika list er góð verður málþroskamat lagt fyrir tvítyngd börn að hausti og aftur að vori til að meta framfarir.
Einnig verður unnið með AGN 6.3 um mat á árangri þróunarstarfs meðal starfsmanna. Hver deild velur einu sinni
yfir veturinn hvað er í matinn og er hluti af því að vinna að auknu lýðræði með börnunum.
Við munum halda áfram að efla upplýsingastreymi til foreldra með tölvupósti og öflugri heimasíðu en
tölvupóstur er sendur reglulega heim frá hverri deild fyrir sig. Auk þess sem stjórnendur senda tölvupóst til
foreldra af og til.
Stjórnendur eru ábyrgir fyrir því að þau atriði sem þarf að bæta verði endurskoðuð. Markmið leikskólans er alltaf
að gera betur og jafnframt að fara vel yfir það sem þarf að bæta með starfsmönnum og foreldrum. Leikskólastjóri
og aðstoðarleikskólastjóri eru ábyrgir fyrir því að matsáætlun sé fylgt (sjá fylgiskjal 2).
3. Áherslur í starfi leikskólans
Markmið leikskólans er að halda áfram að fylgja eftir áherslum okkar í lífsleikni, umhverfismennt, útikennslu og
læsi. Unnið verður að nýju þróunarverkefni næstu tvö árin um læsi og fjölmenningu. Þróunarverkefnið hefur
hlotið nafið Að lesa og leika list er góð en leikskólinn mun líka tengja verkefnið við M.ed verkefni
aðstoðarleikskólastjóra. Teymi hafa verið skipuð meðal starfsmanna leikskólans og munu þau halda utan um,
fylgja eftir og meta framfarir.
3.1 Fimm umbótaþættir úr starfsáætlun skóla- og frístundasviðs 2015
1. Málþroski, læsi og lesskilningur – 4. Fjölmenning
Læsisstefna var skráð veturinn 2013-2014 en áður höfðum við unnið þróunarverkefnið Orð af orði, orðs ég
leitaði. Í vetur munum við hefja nýtt þróunarverkefni tengt læsi sem kallast Að lesa og leika list er góð.
Aðalheiður Stefánsdóttir mun vinna verkefnið í tengslum við mastersverkefni sitt við Háskóla Íslands en Guðrún
Grímsdóttir verður verkefnastjóri.
Markmið þess verkefnis eru:
• Að efla orðaforða og málnotkun barna í gegnum
hlutverkaleik og beina sjónum sérstaklega að
tvítyngdum börnum
• Að efla foreldrasamvinnu um læsishvetjandi
umhverfi.
• Að auka þátttöku og rödd foreldra tvítyngdra barna í
leikskólastarfinu.
• Að þróa verkfæri fyrir kennara til að vinna með læsi í
gegnum hlutverkaleik.
Leikskólinn hefur hlotið styrk úr Sprotasjóði fyrir verkefnið
sem og styrk frá Erasmus+ og er stefnt á að læsisteymið fari á námskeið í Svíþjóð í vor til að kynnast hvernig
unnið er með tvítyngdum börnum og samstarfi við foreldra. Þetta verkefni fer einnig á markmið varðandi
umbótaþáttinn fjölmenning. Endurskoðuð læsisstefna er því sett fram haustið 2015 -2017 (sjá 6.3 Læsisstefna).
8
2. Aukið vægi list og verknáms.
Í leikskólanum eru listgreinar fléttaðar inn í marga þætti í starfinu s.s. hópastarf og þemavinnu. Innan skólans er
sérstakur menningartengiliður sem heldur utan um allt listgreinastarf. Markmiðið er að starfsmenn geti leitað til
hans og fengið hugmyndir og stuðning við allt er lítur að listgreinum og menningartengdum viðburðum. Með því
að hafa menningartengilið eru starfsmenn sammála um að listgreinavinna hefur aukist og er það staðfest með
útkomu úr ecerskvarðanum. Markmiðið næsta ár verður að auka vísindi og stærðfræði með tilliti til aldurs og
þroska barnanna. Í leikskólanum eru til góð námsgögn sem mikið eru notuð en mætti örugglega nota meira og
verður það endurskoðað. Á hverri deild eru til spjaldtölvur og markmiðið er að nýta þær meira í
stærðfræðikennslu en verið hefur.
3. Lýðræði, jöfnuður og mannréttindi
Jafnréttisáætlun var unnin í leikskólanum veturinn 2013-2014 sem og framvæmdaráætlun er nær til þriggja ára
(sjá 6.5 Jafnréttisáætlun).
Markmiðið með lífsleikninámi felur í sér áherslur sem
stuðla að jákvæðri sjálfsmynd hvers barns og því að það
tileinki sér m.a. umburðarlyndi í samskiptum sínum og
samneyti við aðra. Markmiðið er að starfsmenn séu
meðvitaðir um aðferðir sem beita má til að draga úr
streitu og hraða í umhverfinu og að stöðugt sé haft að
leiðarljósi mikilvægi þess að skapa traust og
öryggiskennd meðal barna og fullorðinna. Leitast er við
að efla og styrkja frumkvæði barnanna svo þau verði
seinna meir hæfari til að takast á við líf og starf í
lýðræðissamfélagi. Þau verða að eiga þess kost að taka
þátt í ákvörðunum er varða líf þeirra og leik eftir því sem
aldur þeirra og þroski leyfa (námskrá Reynisholts, 2014).
Leikskólinn er Sólblómaleikskóli en það eru leikskólar sem starfa með SOS Barnaþorpunum. Við styðjum barn
sem heitir Jani Kumari og verður fimm ára í september 2015 en hún er frá Kolkata á Indlandi. Markmiðið með því
er að fræðast um börn í öðrum löndum, ásamt því að leggja okkar að mörkum við að gera heiminn að betri stað.
Dygð vetrarins 2015-2016 verður HUGREKKI OG GLEÐI meðal barna og fullorðinna. Nú sem áður munum við
leggja okkur fram við að dygðin verði sýnileg í umhverfi leikskólans.
5. Gæði og fagmennska.
Haustið 2015 verður unnið í teymisvinnu og munu þrír til fjórir starfsmenn starfa í hverju teymi. Þeir þættir sem
þar verður unnið með eru þróunarverkefni um læsi og fjölmenningu, umhverfismennt (umhverfisráð), jóga,
sólblómabarnið Jani, listgreinar – ljóð og þulur, tónlist og hreyfingu (útivera), bækur, spil og námsgögn og
umgengni og snyrtimennska í húsi (sjá fylgiskjal 3). Áhersla er lögð á að nýta þann mannauð sem innan
leikskólans er, samstarf byggt á lýðræði og fjölbreytni, lærdómssamfélag sem byggir á þverfaglegu samstarfi og
að í leikskólanum sé eftirsóknarvert, vinsamlegt og hvetjandi starfsumhverfi. Hagkvæm nýting fjármagns og
skilvirk upplýsingatækni verður áfram virk. Í Reynisholti hefur í gegnum árin verið töluverð sérkennsla og mörg
og fjölbreytt verkefni fylgt þeim þætti í starfinu. Við höfum verið dugleg við að nýta mannauðinn í þeim
verkefnum og margir hafa sótt námskeið til að afla sér þekkingar á þeim vettvangi. Erlent samstarf hefur skipað
stóran sess í starfinu með þátttöku í Comeníusar verkefni og með því að taka erlenda nema. Börn og starfsmenn
hafa kynnst fjölbreytileikanum í samstarfi sem hefur byggt á lýðræði og aukið lærdómssamfélagið í skólanum.
9
Virk og skýr heimasíða hefur reynst leikskólanum og foreldrum vel í upplýsingagjöf. Stjórnendur hafa ætíð haft
metnað fyrir hagkvæmri nýtingu fjármagns.
3.2 Aðrar áherslur Tvö megin þema verða í leikskólanum þennan vetur fyrir áramótin verður unnið með fjölskylduna og átthagana
og eftir áramótin verða bókmenntir í brennidepli. Inn í þemavinnuna fléttast verkefni vetrarins. Þemalok verða i
lok nóvember og apríl þar sem sýning verður á verkefnum barnanna og foreldrum boðið að koma.
Lífsleikni og jóga
Markmið leikskólans er að halda áfram samstarfi við Birtu leikskólana. Skólarnir munu halda áfram að styrkj a
hver annan og miðla hugmyndum og námskeiðum. Stefnt er að því að starfsmenn geti kynnt sér starfsemi
skólanna með gagnvirkum heimsóknum eins og kostur er. Sameiginlegur starfsmannafundur er fyrirhugaður í
ágúst 2015 þar sem áhersla verður á útijóga. Sett var upp lokuð síða á
facebook árið 2012 en markmiðið var að hvetja starfsmenn til að tjá sig og
setja inn hugmyndir um hvernig við getum stöðugt bætt okkur í jógastarfinu
með börnunum. Nú er farið í gang öflugt átak þar sem hver leikskóli setur
inn fræðandi og hvetjandi innlegg. Deildirnar í Reynisholti skiptast á að setja
inn fræðandi efni.
Leikskólastjóri ber ábyrgð á jógastarfinu í leikskólanum en leikskólakennari
sem jafnframt er jógakennari leiðir starfið með börnunum. Öll börn hafa
farið í jóga einu sinni í viku yfir vetrartímann og teljum við það hafa gengið
afar vel að hafa sérstakan jógakennara til að fylgja starfinu eftir. Stuðlað
verður áfram að því að jógastarfið nýtist sem best á öllum deildum
leikskólans nú sem hingað til. Starfandi jógakennari hefur boðið af og til
uppá jógatíma fyrir starfsmenn eftir vinnu.
Áfram verður markmiðið næsta vetur að taka þátt í átakinu Hjólað í vinnuna og Lífshlaupinu en með því erum við
að huga að hreyfingu og gönguferðum og minna á mikilvægi liðsheildarinnar í starfsmannahópnum. Einn
starfsmaður heldur utan um þennan þátt.
Umhverfismennt
Unnið er markvisst eftir umhverfissáttmála leikskólans en hann miðar að því að efla umhverfismennt og
menntun til sjálfbærni. Börnin eru þátttakendur í umræðum um umhverfismál, endurvinnslu á lífrænum úrgangi,
flokkun og endurnýtingu á sorpi og er það einnig hluti af menntun í lýðræði. Innan lóðar leikskólans er útisvæði
sem nýtt er í útinám m.a. í gegnum náttúruskoðun, útijóga og frjálsan leik. Einnig taka mörg börn þátt í að
viðhalda Reynislundinum með foreldrum sínum eftir að degi í leikskólanum lýkur. Með umhverfismenntinni
öðlast börnin víðtæka þekkingu á málefninu, æfa sig í samfélagslegri ábyrgð og auka virkni og víðsýni.
Leikskólinn flaggar Grænfánanum í þriðja sinn og er skýrsla vegna verkefnisins aðgengileg á heimasíðu
leikskólans. Sett voru fram fimm markmið fyrir næstu tvö ár í umhverfismennt og eru þau:
Að kynnast átthögum og sögu hverfisins.
Að efla lýðheilsu með því að hvetja til umhverfisvænna ferðamáta.
Að læra um hugtökin sjálfbærni og vistfræðileg fótspor.
Að flokka ólífrænan úrgang.
Að flokka lífrænan úrgang og molta.
10
4. Starfsmannamál Veturinn 2014 – 2015 störfuðu að jafnaði 24 starfsmenn í leikskólanum í 20,43 stöðugildum og var lítil hreyfing í
starfsmannhópnum. Þar af voru um 2,5 stöðugildi vegna sérkennslu. 1. júní 2015 eru 11 leikskólakennarar í 8,90
stöðugildum og þrír grunnskólakennarar í 2,6 stöðugildum. Þrír leikskólaliðar starfa í 2,35 stöðugildum. Hlutfall
kennara er 56,1% og leiðbeinendur á deildum þar með talið leikskólaliðar eru í 43,9%, starfsfólk eldhúss er ekki
meðtalið.
Í eldhúsi starfa tveir starfsmenn í 1,8 stöðugildi. Einn leikskólakennari og einn grunnskólakennari voru í
barneignarleyfi þennan vetur en komu til starfa aftur í apríl. Einn deildarstjóri fer í barneignarleyfi í júní.
4.1 Starfsmannahópurinn 1. júní 2015 Starfsárið 2014 - 2015 yfirlit á töflunni hér fyrir neðan.
Starfsheiti Fjöldi Starfshlutfall Menntun
Leikskólakennarar
Grunnskólakennarar
Aðrir uppeldismenntaðir
Annað háskólamenntað fólk
11
3
3
8,90 stöðug.
2,6 stöðug.
2,35 stöðug.
Einn með M.ed gráðu -aðrir með
B.ed gráðu.
leikskólaliðar
Fjarvistir 2013 og 2014 má sjá á meðfylgjandi súluritum.
Fjarvistir starfsmanna eru teknar saman frá ári til árs. Fjarvistir starfsmanna vegna veikinda voru heldur færri árið
2014 en árið 2013. Á súluritinu sést að aðeins er mismunandi milli ára hvernig fjöldi veikindadaga raðast eftir
mánuðum.
11
4.2 Starfsþróunarsamtöl Formleg starfsþróunarsamtöl eru tekin einu sinni á ári og hefjast um miðjan janúar og lýkur þeim um miðjan
febrúar. Leikskólastjóri tekur þessi viðtöl, í ár hannaði leikskólinn sitt eigið eyðublað en hafði til stuðnings
eyðublöð frá starfsmannaþjónustunni og afhendi starfsmönnum viku áður en viðtalið var tekið. Leikskólastjóri
tekur síðan saman yfirlit og rita báðir aðilar undir og hefst viðtalið á því að farið er yfir það sem rætt var um árinu
áður, hvað hefur gengið vel og hvað má bæta. Önnur viðtöl eru tekin eftir aðstæðum í umhverfi leikskólans.
4.3 Símenntun Símenntun fór fram í formi fyrirlestra og námskeiða á skipulagsdögum. Starfsmenn fóru yfir áherslur leikskólans í
september og fóru yfir það námsefni sem leikskólinn vinnur með. Sameiginlegur starfsmannafundur Birtu
leikskólanna var haldinn í Hvalfjarðarsveit í september en þar var áherslan á útileiki og jóga. Í október var unnið
með Barnasáttmálann, skráningar með börnum og skyndihjálp og brunavarnir. Í nóvember fyrir hádegi var
sameiginlegur skipulagsdagur leik- og grunnskóla í Grafarholti þar sem Jóhann Ingi Gunnarsson sálfræðingur hélt
fyrirlestur sem bar heitið Trú á eigin getu. Þá voru fyrirlestrar og kynningarbásar á starfsemi skólanna. Eftir
hádegi var unnið með Barnasáttmálann í Reynisholti. Í febrúar sóttu allir starfsmenn fyrirlestur fyrir hádegi um
lýðræði með börnum á vegum skóla- og frístundasviðs. 15. maí 2015 fóru allir starfsmenn í náms- og kynnisferð
til Grindavíkur og í Reykjanesbæ. Þar fengu starfsmenn fræðslu og kynningu á leikskólastarfinu í Króki Grindavík
og Tjarnarseli í Reykjanesbæ. Allir starfsmenn fá jógatíma á flestum skipulagsdögum.
Námskeið eða fyrirlestrar sem einstakir starfsmenn sóttu var m.a. um mat á vellíðan og námi í leikskóla og
kynningu á mastersverkenfum og skráningum hjá Rannung. Snemmtæk íhlutun í málþroska tveggja – þriggja ára
barna, kynningu á læsisstefnu í leikskólanum Arnarbergi Hafnarfirði og stöðvavinna með níu til 18 mánaða
börnum í leikskólanum Bjarma Hafnarfirði. Fyrirlestur hjá Pen Green, Numikon stærðfræði og
morgunverðarfundur hjá SFS um kynningu á læsisstefnu.
Leikskólastjóri og aðstoðarleikskólastjóri sóttu námskeið um starfsþróunarsamtöl, hverfafund um læsi og
námskeið um skjalavörslu. Aðstoðarleikskólastjóri fór á námskeið um Evrópusamstarf og umhverfismennt, tvisvar
sinnum á námskeið um læsi og auk þess námskeið í M.Ed námi við HÍ frá september til maí. Leikskólastjóri sótti
námskeið um viðverustefnu og námskeið fyrir stjórnendur sem haldið var í Laugalækjarskóla. Auk þess sem hann
hefur sótt handleiðsluhóp einu sinni í mánuði. Þá sóttu trúnaðarmenn námskeið.
Nokkrir starfsmenn fóru í námsferðir á vegum Comeníusar
sem aðstoðarleikskólastjóri heldur utan um. Ferðirnar
voru allar með skipulagðri dagskrá og hittust þátttakendur
þar til að ræða framvindu verkefnisins sem og að kynna
það sem unnið hefur verið með í hverju landi fyrir sig.
Tveir starfsmenn fóru til Belgíu þar sem fræðst var um
sjálfbærni, þrír starfsmenn fóru til Lettlands þar sem rætt
var um vistvæn fótspor og að lokum fóru þrír starfsmenn
til Kýpur á lokafund.
Deildastjórar sjá um að fylla út símenntunarblað fyrir starfsmenn deildanna. Á árinu 2014 – 2015 fór fræðsla að
mestu fram á skipulagsdögum. Mikil áhersla er lögð á það að sú fræðsla sem tekin er fyrir tengist starfinu og
þeim áherslum sem eru í gangi í leikskólanum. Næsta vetur munum við halda áfram á þeirri braut að miða
dagskrá skipulagsdaga við áherslur leikskólans, skólanámskrána og ekki síst það sem viðkemur þróunarverkefninu
Að lesa og leika list er góð.
12
5. Aðrar upplýsingar
5.1 Barnahópurinn 1. júní Í leikskólanum dvelja að jafnaði 86 börn á fjórum deildum. Veturinn 2014 – 2015 dvöldu 26 börn á elstu deildinni
Stjörnulundi, 23 börn á Sunnulundi, 19 börn á Geislalundi og 18 börn á yngstu deildinni Bjartalundi.
Dvalarstundir voru að meðaltali 716,50. Kynjahlutfallið var 44 strákar og 42 stelpur. 1. júní 2015 er hlutfallið eins
að öðru l eyti en því að við tökum fleiri börn inn í júní og voru fimm strákar sem bættust í hópinn og eru börnin
því 91 í júní og fram að sumarlokun. Börn af erlendum uppruna voru 13 og eru töluð fimm tungumál auk
íslensku. Sex börn fengu sérkennslutíma samkvæmt greiningu veturinn 2014 – 2015 og nokkur börn fengu aðstoð
vegna málörvunar.
5.2 Foreldrasamvinna Tilgangur foreldraráðs er að gefa umsagnir til leikskóla og nefnda um skólanámskrá og aðrar áætlanir sem varða
starfsemi leikskólans. Þá skal ráðið fylgjast með framkvæmd skólanámskrár og annarra áætlana innan leikskólans
og kynningu þeirra fyrir foreldrum. Foreldraráð hefur umsagnarrétt um allar meiriháttar breytingar á
leikskólastarfi (Lög um leikskóla 90/2008).
Í leikskólanum starfar foreldraráð/foreldrafélag með sex fulltrúum foreldra.
Aðilar skipta með sér verkum, tveir formenn bæði foreldraráðs og
foreldrafélags, gjaldkeri og ritari. Formaður foreldraráðs sér um að halda utan
um umsagnir vegna starfsáætlunar, námskrá, handbók og fleira. Kosið er í
foreldraráð og foreldrafélag á foreldrafundi að hausti. Á haustfundi fá
foreldrar einnig kynningu á starfsemi deildarinnar.
Miðlun til foreldra fer að mestu fram á heimasíðu leikskólans, á töflum deilda
í fataherbergi og með tölvupósti. Heimasíðan: http://www.reynisholt.is
verður áfram uppfærð einu sinni í viku þar sem foreldrar og forráðamenn
geta nálgast upplýsingar, skoðað myndir og fylgst með starfinu. Deildastjórar
senda reglulega tölvupóst til foreldra og stjórnendur einnig af og til.
Meðfylgjandi er skóladagatal ársins og á heimasíðu mun dagatal með
upplýsingum um dagskrá deildanna einnig vera sett upp fyrir haustið.
Foreldraviðtöl eru fyrirhuguð í október og einnig á skipulagsdegi í apríl. Foreldrakaffi verður í október og febrúar
og þann 30. nóvember verður afmælishátíð vegna 10 ára afmælis leikskólans. 29. apríl verður opið hús með
sýningu á verkum barnanna.
5.3 Samstarf leik- og grunnskóla Sæmundarskóli er hverfisskóli Reynisholts og hefur samstarf verið að þróast alveg frá opnun leikskólans haustið
2005. Elstu börnin fara í reglulegar heimsóknir yfir veturinn og kynnast umhverfi og starfsfólki skólans sem og að
hitta gamla vini. Kennarar beggja skólastiga hittast og ræða um nám barna og fara börnin í kennslustundir og
frímínútur. Einnig hafa börn úr Sæmundarskóla heimsótt Reynisholt á Degi íslenskrar tungu, þar sem börn úr 7.
bekk koma og lesa fyrir börn leikskólans. Þá hafa börn sem voru í Reynisholti og eru í Sæmundarskóla heimsótt
sinn gamla leikskóla einu sinni að vetri. Auk þess gátu börn úr unglingadeild í Sæmundarskóla valið að verja einni
klukkustund á viku til að vera með börnunum í leik og starfi en það er hluti af lífsleikninámi barnanna í
Sæmundarskóla. Í vetur sendum við fiska út í Sæmundarskóla frá fiskideginum mikla svo þau gætu notið þeirra
líka.
13
Unnið var að því að auka samstarf milli skólastiganna þennan vetur með það að leiðarljósi að samfella myndist á
milli skólastiga og að gagnkvæmur skilningur á námi barna yrði meðal kennara. Ákveðið var að innan hvers skóla
væru fastir ábyrgðaraðilar sem héldu utan um samstarfið. Á Reynisholti væri það Aðalheiður
aðstoðarleikskólastjórinn og í Sæmundarskóla væri það Kristjana, sem í vetur hefur verið með fasta
umsjónartíma fyrir þetta verkefni. Unnið var eftir skipulagi sem Kristjana og Aðalheiður unnu eftir að hafa rætt
við aðila í Víkurskóla og á Hömrum varðandi samstarf skólastiganna. Vikulegar heimsóknir voru í skólann meðal
barna úr hverfisleikskólunum frá október út nóvember og janúar út apríl þar sem unnin voru verkefni sem
kennarar beggja skóla skipuleggja. Undirbúningsfundur er að hausti þar sem farið er yfir dagskrá vetrarins og að
vori er endurmatsfundur þar sem næstu skref eru ákveðin.
Samstarfsáætlun leik- og grunnskóla um mál og læsi er ekki kominð af stað en stjórnendur í skólum hverfisins
hafa rætt um að hefja vinnu við þá áætlun næsta vetur.
Áætlun síðastliðins veturs má sjá í fylgiskjali 4 .
5.4 Skipulagsdagar og hefðir Skipulagsdagarnir verða sex og hafa skólarnir í hverfinu sameinast um þrjá þeirra. Sameiginlegur
starfsmannafundur verður haldinn með Birtu leikskólunum 25 ágúst.
Fyrsti skipulagsdagur vetrarins verður 21. september þar verður farið yfir áherslur leikskólans og lagt upp með
þau verkefni sem unnin verða um veturinn. Sérstaklega verður þróunarverkefnið undirbúið auk þess sem
teymishópar munu hittast og skipuleggja sína vinnu.
Á skipulagsdegi 19. október verður hluti dagsins notaður
til starfsmannafundar og fræðslu vegna
þróunarverkefnisins Að lesa og leika list er góð.
Fyrirhugað er að fá utanaðkomandi fyrirlestur.
Sameiginlegur skipulagsdagur skólanna í hverfinu verður
27. nóvember fyrir hádegi. Eftir hádegi munu starfsmenn
vinna að hinum ýmsu verkefnum sem koma að
leikskólastarfinu.
Leikskólinn fagnar 10 ára afmæli 30. nóvember og þann
dag verður afmælishátíð barna, starfsmanna og foreldra.
Starfsmannafundur verður 12. janúar en sá fundur verður nýttur til að skipuleggja starfið á vorönn.
Á skipulagsdegi 29. febrúar verður unnið að mati á starfinu og umbótaáætlun fyrir vorönnina.
Þann 1. apríl verður skipulagsdagur helgaður foreldraviðtölum, þeir starfsmenn sem ekki taka foreldraviðtöl
vinna að öðrum verkefnum tengdum áherslum leikskólans.
4.apríl er dagur bókarinnar. Þessa daga koma börnin með bók að heiman og börn af erlendum uppruna koma
með bók á sínu tungumáli. Börnin segja frá sinni bók og stefnum við að því að fá foreldra í samvinnu varðandi
þessa daga.
Á skipulagsdegi 22. apríl er fyrirhuguð ferð á vegum Erasmus+ til Svíþjóðar í starfsþjálfun fyrir nokkra starfsmenn.
Þeir sem verða heima munu fara í fræðslu og kynnisferð á höfuðborgarsvæðinu.
14
Vinavika barna og starfsmanna verður 25. – 29. janúar 2016 og ætlum við að leggja sérstaka áherslu á dyggðina
okkar hugrekki og gleði meðal barna og starfsmanna. Þrjá síðustu dagana ætlum við að gleðja hvert annað með
einhverjum skemmtilegum uppákomum. Við ætlum að hefja vinavikuna á því að sameinast öll í hring í garðinum
og syngja skólasönginn okkar og eitt vinalag.
7. september er dagur læsis og 4.apríl er dagur bókarinnar. Þessa daga koma börnin með bók að heiman og börn
af erlendum uppruna koma með bók á sínu tungumáli. Börnin segja frá sinni bók og stefnum við að því að fá
foreldra í samvinnu með okkur þessa daga.
Fjölskylduþema verður 28. september – 9.október. Þá verður boðið í foreldramorgunkaffi.
Sólblómavika verður 7. – 11. september en þá viku verður dagskrá tengd henni Jani Kumari sem verður fimm ára
12. september.
Jóga- og slökunarvika verður í nóvember og þá verður
sérstakt morgunkaffi fyrir afa, ömmu eða annan gest.
Þessar vikur verður virk umræða meðal barnanna um
að ekki eigi allir ömmu og afa og þess vegna eru aðrir
gestir velkomnir.
í nóvember er tannverndarvika og hreyfivika í júní.
Útistarfið setur svip sinn á sumarið og munu elstu
börnin fara í skipulagðar ferðir.
Ákveðnar hefðir hafa skapast í kringum
leikskólastarfið, sumarhátíð, Fiskidagurinn mikli,
þorrablót, þema um gamla tímann og foreldrakaffi.
Jólamánuðurinn, útskrift elstu barnanna og
útskriftarferð verður með hefðbundnu sniði.
Áfram verða knattspyrnuæfingar einu sinni í viku með knattspyrnufélaginu Fram og verður deildastjóri elstu
barnanna ábyrgur.
Leiðarljós í stefnu skóla- og frístundasviðs er að börnum og ungmennum í borginni líði vel, fari stöðugt fram og
þau öðlist uppeldi og menntun fyrir líf og starf. Undir það tekur starfsmannahópurinn í Reynisholti
Reynisholti júní 2015
F. h. leikskólans
_______________________________
Sigurlaug Einarsdóttir, leikskólastjóri
15
6. Fylgiskjöl
6.1 Matsgögn
Börnin meta
Matsblað frá börnunum
Dags: Nafn:
samverustundir
valstundir
sögugrunnur
orðahljóð
hlusta á sögu
hópastarf
hverfisfuglinn
mála
fótbolti
gönguferðir
matur
snertistund
jóga
útivera
reynislundur
hávaði í leik
hvað er skemmtilegast
16
Metið út frá starfsáætlun
Lífsleikni Hvernig var unnið með: 1 2 3
Dygð vetrarins
Jóga
Sólblóma-leikskóli
Lífshlaup og hjólað í vinnuna
Birta
Málrækt Hvernig var unnið með: 1 2 3
Orðahljóð
Sögugrunnur
Lestur bóka
Skráningar barna og kennara
Söngur
Þulur
Umhverfismennt Hvernig var unnið með: 1 2 3
Flokkun
Átthagar
Sjálfbærni og vistfræðileg fótspor
Moltugerð
Vistvænir ferðamátar
Comenius
17
6.2 Leikskóladagatal
18
6.3 Læsisstefna
Læsi í leikskóla felur í sér þekkingu, leikni og hæfni barna til að lesa í umhverfi sitt og tjá upplifun sína,
tilfinningar og skoðanir á fjölbreyttan hátt (Aðalnámskrá leikskóla, 2011). Unnið er með námsgögnin Sögugrunn
og Orðahljóð til að efla frásögn, hlustun, yfirfærslu hljóða og ritmál. Skráningar á sögum og færni í orðahljóði eru
nýttar til að fylgjast með og efla færni barnanna. Skráningar á hlutverkaleik eru nýttar til að meta og efla
orðaforða og málnotkun. Unnið er með Bókaorminn þar sem við fáum foreldra í samvinnu með okkur en
tilgangurinn er að styðja enn frekar við málumhverfi barnanna. Leitast er við til að finna bækur fyrir tvítyngd
börn á sínu móðurmáli. Með Bókaorminum erum við einnig að leggja inn ákveðinn boðskap til barnanna því
valdar eru bækur með tilliti til þeirrar dygðar sem unnið er með hverju sinni. Ritmál er sýnilegt í umhverfinu og
börnin hvött til að nota það í leik. Söngur, þulur og sögulestur er valið með tilliti til aldurs barna og þyngri texti
valinn eftir því sem þau hafa þroska og aldur til.
Í framkvæmdaáætlun er hvorutveggja almenn markmið læsisstefnu sem og markmið þróunarverkefnisisns Að
lesa og leika list er góð.
Framkvæmdaáætlun
Markmið Aðgerð Ábyrgð Tímarammi
Að efla hljóðvitund 5 ára Hvert barn fer í orðahljóðaspil einu sinni í viku í fámennnum hópi
Deildastjórar Október - apríl
3-4 ára Hvert barn fer í orðahljóðaspil einu sinni í viku í fámennnum hópi
febrúar - mars
Að efla málvitund og tjáningu
5 ára Hvert barn fer í Sögugrunninn einu sinni í viku þar sem börnin semja sína sögu með stuðningi af myndum sem þau velja og segja frá í fámennum hópi
Deildastjórar
október - apríl
3-4 ára Hvert barn fer í Sögugrunninn einu sinni í viku þar sem börnin semja sína sögu með stuðningi af myndum sem þau velja og segja frá í fámennum hópi
október - nóvember
Að efla bókstafsþekkingu og ritun
Hafa heiti hluta sýnilegt í umhverfinu og aðgengilegt.
Deildastjórar September - maí
Börnin hvött til að merkja verk sín með nafni þegar þau sýna áhuga á ritun. Byrja á einum staf og auka eftir þroska og aldri barna
Hópstjórar September–maí
Að efla orðaforða og málnotkun
Mat á málþroska tvítyngdra barna. Einstaklingsnámskrár fyrir tvítyngd börn.
Teymisstjórar Sept-des 2015
Mat á málþroska allra barna. Einstaklingsnámskrár fyrir öll börn.
Teymisstjórar Sept-des 2016
Að efla hlustun og móðurmál
Senda "Bókaorminn" heim með börnunum sem er með bókum til lestrar með börnunum þannig efla foreldrasamvinnu. Bækurnar eru alla jafna tengdar við dygð vetrarins. Hjá tvítyngdum börnum verður leitast við að finna bækur á móðurmáli barnsins eða á ensku í samráði við foreldra.
Deildastjórar September - apríl
Að skrá hlutverkaleik Kennari skráir leik barna í frjálsum leik. Augum Teymisstjórar Sept-des 2015
19
sérstaklega beint að samskiptum og orðnotkun barna. Hugað er sérstaklega að því að skráningar verði gerðar á öllum tvítyndum börnum.
Kennari skráir leik barna í frjálsum leik. Augum sérstaklega beint að orðaforða. Hugað er sérstaklega að því að vinna með orð tengd heimili.
Teymisstjórar Jan-maí 2016
Kennari skráir leik barna í frjálsum leik. Augum sérstaklega beint að orðnotkun og orðaforða barna. Skráningar gerðar á öllum börnum.
Teymisstjórar Sept-des 2016
Kennari skráir leik barna í frjálsum leik. Augum sérstaklega beint að notkun ritmáls í leik. Hugað er sérstaklega að því að vinna með orð tengd heimili.
Teymisstjórar Jan-maí 2017
Að efla foreldrasamvinnu
Foreldrar tvítyngdra barna fá bækling um mikilvægi móðurmálsins og allir foreldrar kynningu á mikilvægi lestrar fyrir börn. Leitað eftir hugmyndum að samvinnuverkefni frá foreldrum.
Teymisstjórar Sept-des 2015
Leikföng og hlutir til að efla orðaforða sendir heim með leiktösku til allra barna. Bókaormur heim til allra barna. Dagur fjölmenningar og dagur barnabókarinnar haldinn hátíðlegur.
Teymisstjórar Jan-maí 2016
Að efla læsi í víðum skilningi
Börnin nota líkama sinn til að segja sögur í jóga og tengja við hluti sem þau þekkja í umhverfi sínu. Jógasögur eru skráðar og jafnvel myndskreyttar.
Jógakennari September - apríl
Í gönguferðum um nágrenni leikskólans eru lögð inn ný orð, samheiti, yfirhugtök og þekking á umhverfinu aukin.
Hópstjórar Mars- júní
Í útikennslu læra börnin heiti plantna, dýra og hluta. Ýmsir náttúruleikir eru nýttir til að efla þekkingu og læsi barna á náttúruna.
Hópstjórar Október–maí
20
6.5 Jafnréttisáætlun Í samræmi við ákvæði laga um jafna stöðu og jafnan rétt kvenna og karla nr. 10/2008 skuldbindur skólinn sig til
að fara eftir Mannréttindastefnu Reykjavíkurborgar.
Stefnan skal kynnt öllu starfsfólki á hverju hausti og vera sýnileg á heimasíðu skólans.
Skólastjóri ber ábyrgð á að Mannréttindastefnunni sé framfylgt.
Að auki mun skólinn í samræmi við 22. laga um jafna stöðu og jafnan rétt kvenna og karla nr. 10/2008 gera
sérstakar ráðstafanir til að koma í veg fyrir að nemar verði fyrir kynbundinni eða kynferðislegri áreitni í skólanum.
Þá mun skólinn fræða nemendur sína um kynferðislega áreitni og kynbundið ofbeldi. Starfsfólk skal þekkja
einkenni kynferðislegrar áreitni og kynbundins ofbeldis og hvernig ber að bregðast við grun eða vissu um slíkt
meðal nemenda skólans. Nemendum skal ætíð vera ljóst hver réttur þeirra er og hvert þeir geta leitað innan og
utan skólans komi slíkt upp.
Skólinn setur sér framkvæmdaáætlun hvert skólaár þar sem fram koma skýr og vel skilgreind markmið í samræmi
við Mannréttindastefnu Reykjavíkurborgar. Leikskólastjóri ber meginábyrgð á að áætluninni sé framfylgt en
starfsmenn bera ábyrgð á vissum þáttum. Þar er árangursmat skýrt, eftirfylgni tryggð og ábyrgð ljós.
Framkvæmdaáætlun
Markmið Aðgerð Ábyrgð Tímarammi
Að efla umræðu um
jafnréttismál meðal
starfsmanna
Kynning á jafnréttisáætlun leikskólans á
skipulagsdegi
Aðalheiður
Inga Rut
Haust 2014
Að vekja umræðu á
greinum Barnasáttmálans
hjá börnum og starfsfólki
er varðar rétt til náms og
leiks.
Kynning á Barnasáttmála SÞ um rétt til náms og
leiks.
Í kjölfarið vinnur næstelsti árgangur verkefni um
þær greinar.
IngaRut ásamt
deildarstjóra
barnanna.
Haust 2014
Að vekja athygli á 100 ára
afmæli kosningarrétts
kvenna og tengja það við
lýðræði leikskólans
Hver deild kýs hvað á að vera í matinn og um leið
er umræða um mikilvægi lýðræðis og því jafnræði
sem felst í því að allir hafi jafnan atkvæðisrétt.
Vakin athygli á sögu kosningarréttsins.
Deildarstjórar Haust 2014
– vor 2015
Að efla stefnu leikskólans
í fjölmenningarmálum og
halda vel utan erlend
börn og foreldra þeirra
Gæta að því að skilaboð séu á tungumálum
foreldra og komist til skila. Efla málörvun meðal
tvítyngdra barna.
Aðalheiður
ásamt
deildarstjórum.
Vor 2015
Að efla umræðu um
jafnréttismál meðal
starfsmanna
Fræðsla um jafnréttismál á starfsdegi þar sem
fengin yrði sérfræðingur á því sviði til kynningar. Í
kjölfarið yrðu umræðuhópar þar sem starfsmenn
myndu ígrunda sína afstöðu til jafnréttismála og
skipuleggja áframhaldandi vinnu.
Aðalheiður
ásamt
deildarstjórum.
Haust 2015
21
Að ígrunda og
endurskoða bækur með
tilliti til jafnréttismála.
Bækur verði endurskoðaðar með tilliti til jafnréttis
og í kjölfarið verði umræða meðal starfsfólks á
starfsdegi um að vekja börnin til umhugsunar um
t.d. kynjahlutverk í ákveðnum bókum. Starfsfólk
mun taka upp umræðu í kringum bækurnar til að
börnin geti einnig endurskoða sitt viðhorf.
Aðalheiður og
Inga Rut
Vor 2016
Endurskoða
kynjajafnréttishugmyndir
starfsfólks
Hver deild endurskoði í hvort foreldrið er hringt í
úr leikskólanum og hvernig við komum fram við
feður og mæður.
Deildarstjórar Haust 2016
Endurskoða kynjahlutverk
og hugmyndir barnanna
um þau.
Verkefni meðal tveggja elstu árganganna þar sem
unnið er með það sem þau vilja verða þegar þau
eru stór. Umræðan er tengd kynjajafnrétti í
Barnasáttmálanum. Einnig verður gerð könnun
um hvar foreldrar vinna og jafnvel fengið
heimsókn frá foreldri sem vinnur „óhefðbundið“
starf samkvæmt kyni.
Deildarstjórar
elstu tveggja
árganganna.
Vor 2017
22
6.6 Umsögn foreldraráðs
Umsögn foreldraráðs
Reykjavík 24. júní 2015
Foreldraráð hefur lesið yfir starfsáætlun leikskólans Reynisholts fyrir veturinn 2015 til 2016.
Foreldraráðið telur starfsáætlunina vera metnaðarfulla og faglega unna. Í áætluninni er farið vel yfir
innra og ytra mat á skólastarfinu, markmið leikskólans, áherslur í starfi, áherslur samkvæmt
starfsáætlun skóla- og frístundarsviðs, starfsþróunaráætlun, starfsmannahald, barnahópinn,
foreldrasamstarf, samtarf leik og grunnskóla og skóladagatal. Eru þessar lýsingar jafnframt í samræmi
við upplifun aðila foreldraráðsins af starfinu.
Það starf sem fer fram á Reynisholti er til eftirbreytni fyrir aðra leikskóla. Það er hægt er að gera langan
lista af framúrskarandi starfi sem fer fram á Reynisholti en við nefnum eitt hér en það er læsisverkefni
en það verkefni er mjög metnaðarfullt og gaman að sjá hvað hægt er að gera með börnunum okkar
með faglegu og skapandi starfi. Einnig er gaman að sjá þetta verkefni að auka lýðræði innan
leikskólans t.d. að hver deild fær einu sinni í mánuði að ákveða hvað er í matinn, þarf ekki mikið til að
gera börnin okkar aðeins kátari og ánægðari.
Að mati fulltrúa foreldraráðs er starfsáætlun Reynisholts fyrir veturinn 2015 til 2016 í samræmi við lög
um leikskóla nr. 90/2008.
Fyrir hönd foreldraráðs;
____________________________________
Valgerður Kristjánsdóttir
23
6.8 Önnur fylgiskjöl
Fylgiskjal 1 – Umbótaáætlun út frá mati
Umbótaáætlun 2015-2016
Tækifæri til umbóta
Leiðir að umbótum Tímasetning aðgerða
Ábyrgðaraðili Matsaðferðir Niðurstöður metnar
Læsisstefna
Auka vinnu með þulur á elstu deild
September 2015 – janúar 2016
Deildarstjóri Stjörnulundar
Skrá fjölda þula sem unnið er með
Meta hvort aukning hafi orðið í vinnu með þulur.
Læsisstefna
Efla söng og skipuleggja hvaða lög eru sungin
September 2015 – maí 2016
Læsissteymi Skrá fjölda söngva sem lögð eru inn á hverri deild
Meta hvort aukning hafi orðið á fjölda söngva.
Lífsleikni og mismunandi menning
Efla vinnu varðandi sólblóma-leikskólann
Maí 2015 – desember 2015
Sólblómateymi Skrá þau verkefni sem unnin eru tengdu sólblómaverkefninu
Meta hvort aukning hafi orðið á verkefnum og í kjölfarið setja fram markmið.
Tækifæri til samráðs
Skrá niður fundi og finna nýja tíma ef þeir falla niður
September 2015 - maí 2016
Umhverfisráð Skrá niður fjölda funda
Meta hvort allir fundir hafi náðst.
Umhverfis-mennt
Efla þátttöku barna í flokkun og moltugerð t.d. með því að skipa moltustjóra á hverri deild
September 2015 - maí 2016
Umhverfisráð Skrá niður hver er moltustjóri og hvenær flokkað er.
Meta hvort allir hafi fengið tækifæri til að vera moltustjóri.
Börnin meta
Gera mat barnanna fyrr að vetri svo þau sjái sínar óskir framkvæmdar
Febrúar 2016 Deildarstjórar Matslistinn Börnin meta og umræður í samveru
Gera framkvæmd matsins sýnilegar börnum
Rými og búnaður
Auka tíma og rými til að geta verið einn og í friði
September 2015 - maí 2016
Deildarstjórar Hafa viðmið úr ecerskvarða til hliðsjónar
Sjá hvort viðmiðum ecerskvarða hafi verið náð
Stærðfræði- vísindi
Nýta efnivið sem til er fyrir stærðfræði
Nóvember 2015 – mars 2016
Hópstjórar Hafa viðmið úr ecerskvarða til hliðsjónar
Sjá hvort viðmiðum ecerskvarða hafi verið náð
Foreldra-samvinna
Fá fram hugmyndir foreldra að samvinnu
Október 2015 - maí 2016
Læsissteymi og deildarstjórar
Barnið í brennidepli
Viðmið úr barnið í brennidepli
Fræðsla og þjálfun
Skrá á reglulega á símenntunarblað
September 2015 - maí 2016
Deildarstjórar Ræða hvaða þættir teljast til símenntunar og fræðslu
Nýta spurningar úr viðhorfskönnun til að meta framfarir
24
Fylgiskjal 2 – Matsáætlun 2015 – 2017
Fylgiskjal 3 – Uppröðun teyma
Verkefnið Starfsmenn „Að lesa og leika list er góð“ þróunarverkefni um læsi og fjölmenningu.
Heiða – Guðrún verkefnisstjóri – Þórey – Sólveig - Helena - Adda
Umhverfismennt (umhverfisráð) Heiða – Lísa – Þórey – Ólöf – Ala Farið í gang
Jóga Anna Steinunn – Katrín – Adda – Sólveig (Sigurlaug)
Matsteymi Heiða – Sólveig – Adda Farið í gang
Sólblómabarnið Jani Brynja – Þórey – Anna Steinunn – Helena (Sigurlaug) Farið í gang
Listgreinar – ljóð og þulur Allý – Katrín – Lísa ( Sigurlaug ljóð og þulur)
Tónlist og hreyfing (útivera) Katrín – Lísa – Brynja – Anna Steinunn - Elísabet
Bækur, spil og námsgögn
Sólveig – Þórey – Elva Dís og Guðrún (Skrá bækur og spil í tölvuna Heiða og Sigurlaug)
Umgengni og snyrtimennska í húsi Ágústa – Helena – Magnea – Lína og Sigurlaug
25
Fylgiskjal 4 – Áætlun samstarfs fyrir veturinn 2014-2015
Dagskrá fyrir forskóla skólaárið 2014-2015. Tengiliðir: Kristjana Pálsdóttir frá Sæmundarskóla. [email protected] Aðalheiður Stefánsdóttir (Heiða) frá Reynisholti [email protected] Elísabet Ármannsdóttir (Lísa) frá Reynisholti [email protected] Þóra Dögg Guðmundsdóttir frá Geislabaug [email protected] Alma Rut Sigmundardóttir frá Geislabaug [email protected] Elín Ósk Guðmundsdóttir frá Maríuborg [email protected] Fjöldi barna: 20 frá Reynisholti 20 frá Geislabaug 5 frá Maríuborg 2 frá Sunnufold + koma með foreldrum
Fjórir hópar: Reynisholt 1 Reynisholt 2 + Maríuborg Geislabaugur 1 Geislabaugur 2 + Sunnufold
Tími: Þriðjudagar frá klukkan 10:00-10:45. Leikskólabörn geta verið mætt fyrr á skólalóðina og verið í frímínútum með yngsta stiginu. Frímínútur eru frá 9:30-10:00. Börnin koma svo inn í fatahengi yngsta stigs og eiga þar merkta snaga. ATH. dagssetningar með rauðu gætu breyst.
September/Október Þriðjudagur 30. september: Reynisholt 1 og Reynisholt 2 og Maríuborg – ganga í gegnum skóla með skólastjórnanda og leikskólakennurum. Búið verður að merkja snaga í fatahengi yngri barna. Þriðjudagur 7. október: Geislabaugur 1 og Geislabaugur 2 + Sunnufold – ganga í gegnum skóla með skólastjóra og leikskólakennurum. Búið verður að merkja snaga í fatahengi yngri barna. Þriðjudagur 14. október: Reynisholt 1 – Á rými fyrsta bekkjar. – Léttar umræður/kynning. Allir gera sér nafnspjald til að nota í skólanum. Þriðjudagur 21. október: Vetrarfrí í Sæmundarskóla. Þriðjudagur 28. október: Reynisholt 2 + Maríuborg - – Á rými fyrsta bekkjar. – Léttar umræður/kynning. Allir gera sér nafnspjald til að nota í skólanum.
Nóvember Þriðjudagur 4. nóvember: Geislabaugur 1 - Á rými fyrsta bekkjar. – Léttar umræður/kynning. Allir gera sér nafnspjald til að nota í skólanum. Miðvikudagur 5. nóvember: 1. Bekkur í Sæmundarskóla heimsækir leikskólana Reynisholt og Geislabaug, Maríuborg – leikskóli skipuleggur tíma og fjölda. Þriðjudagur 11. nóvember: Geislabaugur 2 + Sunnufold – Á rými fyrsta bekkjar. – Léttar umræður/kynning. Allir gera sér nafnspjald til að nota í skólanum. Mánudagur 17. nóvember: (Dagur íslenskrar tungu): Nemendur í 7. Bekk í Sæmundarskóla koma í heimsókn á leikskólana Reynisholt og Geislabaug og lesa fyrir leikskólabörnin. Þriðjudagur 18. nóvember: Reynisholt 1 – Kynning/stuttar umræður – Skólabarnið. Börnin búa sér til skólabarn. Þriðjudagur 25. nóvember: Reynisholt 2 + Maríuborg – Kynning/stuttar umræður – Skólabarnið. Börnin búa sér til skólabarn. Föstudagur 28. nóvember: Sameiginlegur starfsdagur allra skóla í hverfinu. Haldinn í Sæmundarskóla. Þriðjudagur 3. desember: Geislabaugur 1 – Kynning/stuttar umræður – Skólabarnið. Börnin búa sér til skólabarn.
26
Desember Þriðjudagur 9. desember: Geislabaugur 2 + Sunnufold – Kynning/stuttar umræður – Skólabarnið. Börnin búa sér til skólabarn. Nánari dagssetning auglýst síðar: Helgileikur – Elstu nemendum leikskólans boðið í skólann til að fylgjast með helgileik hjá 1.bekk.
Janúar Þriðjudagur 6. janúar: Geislabaugur 2 + Sunnuborg - Skólataskan – hvað er í skólatöskunni? Nemendur skreyta skólastösku. Þriðjudagur 13. janúar: Geislabaugur 1 - Skólataskan – hvað er í skólatöskunni? Nemendur skreyta skólastösku. Þriðjudagur 20. janúar: Reynisholt 2 + Maríuborg - Skólataskan – hvað er í skólatöskunni? Nemendur skreyta skólastösku. Þriðjudagur 27. janúar: Reynisholt 1 - Skólataskan – hvað er í skólatöskunni? Nemendur skreyta skólastösku.
Febrúar Þriðjudagur 3. febrúar: Geislabaugur 2 + Sunnufold - Hvernig nesti höfum við ? Hvað er hollt nesti? Athuga með heimilisfræðistofu. Þriðjudagur 10. febrúar: Geislabaugur 1 - Hvernig nesti höfum við ? Hvað er hollt nesti? Athuga með heimilisfræðistofu. Föstudagur 13. febrúar: 1.bekkur er með atriði á samveru á sal. Mæting klukkan 12:55-13:30. Endilega koma með elstu börnin til að horfa á ;) Þriðjudagur 17. febrúar: Reynisholt 2 + Maríuborg - Hvernig nesti höfum við ? Hvað er hollt nesti? Athuga með heimilisfræðistofu. Þriðjudagur 24. febrúar: Reynisholt 1 - Hvernig nesti höfum við ? Hvað er hollt nesti? Athuga með heimilisfræðistofu.
Mars Þriðjudagur 3. mars: Geislabaugur 2 + Sunnufold – Hvaða fólk vinnur í skóla og hvað gerir það. Hópnum skipt í tvo hópa. Hver hópur býr stóra persónu úr maskínupappír. Miðvikudagur 4. mars: Reynisholt 1 + 2 og Maríuborg – heimsókn í Frístundaheimilið Fjósið – Klukkan 10:00. Þriðjudagur 10. mars: Geislabaugur 1 – Hvaða fólk vinnur í skóla og hvað gerir það. Hópnum skipt í tvo hópa. Hver hópur býr stóra persónu úr maskínupappír. Miðvikudagur 11. ars: Geislabaugur 1 og 2 og Sunnufold – heimsókn í Frístundaheimilið Fjósið – Klukkan 10:00. Þriðjudagur 17. mars: Reynisholt 2 + Maríuborg – Hvaða fólk vinnur í skóla og hvað gerir það. Hópnum skipt í tvo hópa. Hver hópur býr stóra persónu úr maskínupappír. Þriðjudagur 24. mars: Reynisholt 1 – Hvaða fólk vinnur í skóla og hvað gerir það. Hópnum skipt í tvo hópa. Hver hópur býr stóra persónu úr maskínupappír. Þriðjudagur 31. mars: Geislabaugur 2 + Sunnufold – Hópnum dreift í listgreinatíma með 1. Bekk, nánara skipulag kemur seinna. Borða í hádeginu í skólanum.
Apríl Þriðjudagur 7. apríl: Geislabaugur 1 – Hópnum dreift í listgreinatíma með 1. Bekk, nánara skipulag kemur seinna. Borða í hádeginu í skólanum. Þriðjudagur 14. apríl: Reynisholt 1 – Hópnum dreift í listgreinatíma með 1. Bekk, nánara skipulag kemur seinna. Borða í hádeginu í skólanum.
27
Þriðjudagur 21. apríl: Reynisholt 2 + Maríuborg. Hópnum dreift í listgreinatíma með 1. Bekk, nánara skipulag kemur seinna. Borða í hádeginu í skólanum. Þriðjudagur 28. apríl: Geislabaugur 2 + Sunnufold – heimsókn á bókasafn, nemendur fá að skoða bókasafnið og velja sér bók til að lesa/skoða. Svo er farið í kennslustofu. Seinni hluti tímans munum við fara í stafaleiki í spjaldtölvum. Viðurkenning.
Maí Þriðjudagur 5. maí: Geislabaugur 1 – heimsókn á bókasafn, nemendur fá að skoða bókasafnið og velja sér bók til að lesa/skoða. Svo er farið í kennslustofu. Seinni hluti tímans munum við fara í stafaleiki í spjaldtölvum. Viðurkenning Þriðjudagur 12. maí: Reynisholt 2 + Maríuborg – heimsókn á bókasafn, nemendur fá að skoða bókasafnið og velja sér bók til að lesa/skoða. Svo er farið í kennslustofu. Seinni hluti tímans munum við fara í stafaleiki í spjaldtölvum. Viðurkenning Miðvikudagur 14. Maí: Vorskóli – allir verðandi nemendur Sæmundarskóla koma í skólann ásamt foreldrum og hitta kennarana sína meðan foreldrar hitta stjórnendur. SÆMUNDARSKÓLI BOÐAR FORELDRA OG BÖRN. Þriðjudagur 19. maí: Reynisholt 1 – heimsókn á bókasafn, nemendur fá að skoða bókasafnið og velja sér bók til að lesa/skoða. Svo er farið í kennslustofu. Seinni hluti tímans munum við fara í stafaleiki í spjaldtölvum. Viðurkenning Þriðjudagur 26. maí: Rýnifundur leikskóla og grunnskólakennara. Farið yfir starf vetrarins munum finna dagssetningu síðar.