Su Nadale

In sa notte e Nadale

bambineddu ses naschidu

a su mundu ses bennidu

pro redimere su male

Ind’una notte de frittu

accudini sos pastores

a ti fagher sos onores

o Messia beneittu

Umiles ti enin a pese

poverittos che a tie

onoren’in custa die

su re dei sos rese

Como paret cambiadu

in custa umanidade

cun tanta falsidade

medas t’hana trascuradu

Pensabei tue bambinu

sa mente al’ispannare

faghe chi potan torrere

in su erettu caminu

Tue cun tantu amore

cunzendils su perdonu

e lis piasa su donu

des’eternu Criadore

Pensa e dare sa paghe

inue este sa gherra

e in totta sa terra

sos afflittos cumpiaghe

Pensa a sos bisonzosos

chin su mundu sunatantos

aggiulalos tottugantos

cun pastos budanziosos

Sos malaidoso sana

eppana consolaziones

sas eternas benediscjones

de sa manu soberana

S’omine tribagliadore

siat sempre tuteladu

pro chi enza cumpensadu

de su versadu suore

Comente naschidu tue

puru e innozente

degai totta sa zente

issa siat in tottue

Gavino Vargiu